3.2 - যো ৱৈ পৱমানানাম্ - কৃষ্ণ যজুৰ্ৱেদ তৈত্তিৰীয সংহিতা পাঠঃ

কৃষ্ণ যজুৰ্ৱেদীয তৈত্তিৰীয সংহিতাযা-ন্তৃতীযকাণ্ডে দ্ৱিতীযঃ প্ৰশ্নঃ - পৱমানগ্ৰাহাদীনাং-ৱ্যাঁখ্যানং
ও-ন্নমঃ পৰমাত্মনে, শ্ৰী মহাগণপতযে নমঃ,

শ্ৰী গুৰুভ্যো নমঃ । হৰিঃ ওম্ ॥
যো ৱৈ পৱমানানামন্ৱাৰোহান্. ৱিদ্ৱান্. যজতে-ঽনু পৱমানানা ৰোহতি ন পৱমানেভ্যো-ঽৱ চ্ছিদ্যতে শ্যেনো-ঽসি গাযত্ৰছন্দা অনু ত্ৱা-ঽঽৰভে স্ৱস্তি মা স-ম্পাৰয সুপৰ্ণো-ঽসি ত্ৰিষ্টুপ্ছন্দা অনু ত্ৱা-ঽঽৰভে স্ৱস্তি মা স-ম্পাৰয সঘা-ঽসি জগতীছন্দা অনু ত্ৱা-ঽঽৰভে স্ৱস্তি মা সম্পাৰযেত্যাহৈতে [ ] 1
ৱৈ পৱমানানামন্ৱাৰোহাস্তান্. য এৱং-ৱিঁদ্ৱান্. যজতে-ঽনু পৱমানানা ৰোহতি ন পৱমানেভ্যো-ঽৱ চ্ছিদ্যতে যো ৱৈ পৱমানস্য সন্ততিং-ৱেঁদ সৰ্ৱমাযুৰেতি ন পুৰা-ঽঽযুষঃ প্ৰ মীযতে পশুমা-ন্ভৱতি ৱিন্দতে প্ৰজা-ম্পৱমানস্য গ্ৰহা গৃহ্যন্তে-ঽথ ৱা অস্যৈতে-ঽগৃহীতা দ্ৰোণকলশ আধৱনীযঃ পূতভৃ-ত্তান্. যদগৃহীত্ৱোপাকুৰ্যা-ত্পৱমানং-ৱিঁ- [-ত্পৱমানং-ৱিঁ, ছিন্দ্যা-ত্তং-ৱিঁচ্ছিদ্যমান-] 2
চ্ছিন্দ্যা-ত্তং-ৱিঁচ্ছিদ্যমান-মদ্ধ্ৱৰ্যোঃ প্ৰাণো-ঽনু ৱিচ্ছিদ্যে-তোপযামগৃহীতো-ঽসি প্ৰজাপতযে ত্ৱেতি দ্ৰোণকলশমভি মৃশেদিন্দ্ৰায ত্ৱেত্যাধৱনীযং-ৱিঁশ্ৱেভ্যস্ত্ৱা দেৱেভ্য ইতি পূতভৃত-ম্পৱমানমেৱ ত-থ্স-ন্তনোতি সৰ্ৱমাযুৰেতি ন পুৰা-ঽঽযুষঃ প্ৰমীযতে পশুমা-ন্ভৱতি ৱিন্দতে প্ৰজাম্ ॥ 3 ॥

(এতে - ৱি - দ্ৱিচত্ৱাৰিগ্ংশচ্চ) (অ. 1)
ত্ৰীণি ৱাৱ সৱনান্যথ তৃতীযগ্ং সৱনমৱ লুম্পন্ত্যনগ্ংশু কুৰ্ৱন্ত উপাগ্ংশুগ্ংহুত্ৱোপাগ্ংশুপাত্ৰে-ঽগ্ংশুমৱাস্য তন্তৃতীযসৱনে ঽপিসৃজ্যাভি ষুণুযাদ্যদাপ্যাযযতি তেনাগ্ংশুমদ্যদভিষুণোতি তেনৰ্জীষি সৰ্ৱাণ্যেৱ ত-থ্সৱনান্যগ্ংশুমন্তি শুক্ৰৱন্তি সমাৱদ্ৱীৰ্যাণি কৰোতি দ্ৱৌ সমুদ্ৰৌ ৱিততাৱজূৰ্যৌ পৰ্যাৱৰ্তেতে জঠৰেৱ পাদাঃ । তযোঃ পশ্যন্তো অতি যন্ত্যন্য-মপশ্যন্ত- [যন্ত্যন্য-মপশ্যন্তঃ, সেতুনা-ঽতি] 4
-স্সেতুনা-ঽতি যন্ত্যন্যম্ ॥ দ্ৱে দ্ৰধসী সততী ৱস্ত একঃ কেশী ৱিশ্ৱা ভুৱনানি ৱিদ্ৱান্ । তিৰোধাযৈত্যসিতং-ৱঁসান-শ্শুক্ৰমা দত্তে অনুহায জাৰ্যৈ ॥ দেৱা ৱৈ যদ্যজ্ঞে-ঽকুৰ্ৱত তদসুৰা অকুৰ্ৱত তে দেৱা এত-ম্মহাযজ্ঞমপশ্য-ন্তমতন্ৱতাগ্নিহোত্ৰং-ৱ্ৰঁতমকুৰ্ৱত তস্মা-দ্দ্ৱিৱ্ৰত-স্স্যা-দ্দ্ৱিৰ্হ্যগ্নিহোত্ৰ-ঞ্জুহ্ৱতি পৌৰ্ণমাসং-যঁজ্ঞ-মগ্নীষোমীয- [-মগ্নীষোমীযম্, পশুমকুৰ্ৱত] 5
-ম্পশুমকুৰ্ৱত দাৰ্শ্যং-যঁজ্ঞমাগ্নেয-ম্পশুমকুৰ্ৱত ৱৈশ্ৱদেৱ-ম্প্ৰাতস্সৱন -মকুৰ্ৱত ৱৰুণপ্ৰঘাসা-ন্মাদ্ধ্যদিন্নগ্ং সৱনগ্ং সাকমেধা-ন্পিতৃযজ্ঞ-ন্ত্ৰ্যম্বকাগ্-স্তৃতীযসৱনমকুৰ্ৱত তমেষামসুৰা যজ্ঞ -মন্ৱৱাজিগাগ্ংস-ন্ত-ন্না-ঽন্ৱৱায-ন্তে-ঽব্ৰুৱন্নদ্ধ্ৱৰ্তৱ্যা ৱা ইমে দেৱা অভূৱন্নিতি তদদ্ধ্ৱৰস্যা ঽদ্ধ্ৱৰত্ৱ-ন্ততো দেৱা অভৱ-ন্পৰা-ঽসুৰা য এৱং-ৱিঁদ্ৱান্-থ্সোমেন যজতে ভৱত্যাত্মনা পৰা ঽস্য ভ্ৰাতৃৱ্যো ভৱতি ॥ 6 ॥

(অপশ্যন্তো-ঽ - গ্নীষোমীয - মাত্মনা পৰা - ত্ৰীণি চ) (অ. 2)
পৰিভূৰগ্নি-ম্পৰিভূৰিন্দ্ৰ-ম্পৰিভূৰ্ৱিশ্ৱা-ন্দেৱা-ন্পৰিভূৰ্মাগ্ং সহ ব্ৰহ্মৱৰ্চসেন স নঃ পৱস্ৱ শ-ঙ্গৱে শ-ঞ্জনায শমৰ্ৱতে শগ্ং ৰাজন্নোষধীভ্যো ঽচ্ছিন্নস্য তে ৰযিপতে সুৱীৰ্যস্য ৰাযস্পোষস্য দদিতাৰঃ স্যাম । তস্য মে ৰাস্ৱ তস্য তে ভক্ষীয তস্য ত ইদমুন্মৃজে ॥ প্ৰাণায মে ৱৰ্চোদা ৱৰ্চসে পৱস্ৱা পানায ৱ্যানায ৱাচে [ৱাচে, দক্ষক্ৰতুভ্যা-ঞ্চক্ষুৰ্ভ্যা-ম্মে] 7
দক্ষক্ৰতুভ্যা-ঞ্চক্ষুৰ্ভ্যা-ম্মে ৱৰ্চোদৌ ৱৰ্চসে পৱেথাগ্ শ্ৰোত্ৰাযা ঽঽত্মনে ঽঙ্গেভ্য আযুষে ৱীৰ্যায ৱিষ্ণোৰিন্দ্ৰস্য ৱিশ্ৱেষা-ন্দেৱানা-ঞ্জঠৰমসি ৱৰ্চোদা মে ৱৰ্চসে পৱস্ৱ কো-ঽসি কো নাম কস্মৈ ত্ৱা কায ত্ৱা য-ন্ত্ৱা সোমেনাতীতৃপং-যঁ-ন্ত্ৱা সোমেনামীমদগ্ং সুপ্ৰজাঃ প্ৰজযা ভূযাসগ্ং সুৱীৰো ৱীৰৈ-স্সুৱৰ্চা ৱৰ্চসা সুপোষঃ পোষৈ-ৰ্ৱিশ্ৱেভ্যো মে ৰূপেভ্যো ৱৰ্চোদা [ৱৰ্চোদাঃ, ৱৰ্চসে] 8
ৱৰ্চসে পৱস্ৱ তস্য মে ৰাস্ৱ তস্য তে ভক্ষীয তস্য ত ইদমুন্মৃজে ॥ বুভূষন্নৱেক্ষেতৈষ ৱৈ পাত্ৰিযঃ প্ৰজাপতিৰ্যজ্ঞঃ প্ৰজাপতিস্তমেৱ তৰ্পযতি স এন-ন্তৃপ্তো ভূত্যা-ঽভি পৱতে ব্ৰহ্মৱৰ্চসকামো-ঽৱেক্ষেতৈষ ৱৈ পাত্ৰিযঃ প্ৰজাপতিৰ্যজ্ঞঃ প্ৰজাপতিস্তমেৱ তৰ্পযতি স এন-ন্তৃপ্তো ব্ৰহ্মৱৰ্চসেনাভি পৱত আমযা- [আমযাৱী, অৱেক্ষেতৈষ ৱৈ] 9
-ৱ্যৱেক্ষেতৈষ ৱৈ পাত্ৰিযঃ প্ৰজাপতিৰ্যজ্ঞঃ প্ৰজাপতিস্তমেৱ তৰ্পযতি স এন-ন্তৃপ্ত আযুষা-ঽভি পৱতে-ঽভিচৰন্নৱেক্ষেতৈষ ৱৈ পাত্ৰিযঃ প্ৰজাপতিৰ্যজ্ঞঃ প্ৰজাপতিস্তমেৱ তৰ্পযতি স এন-ন্তৃপ্তঃ প্ৰাণাপানাভ্যাং-ৱাঁচো দক্ষক্ৰতুভ্যা-ঞ্চক্ষুৰ্ভ্যাগ্ শ্ৰোত্ৰাভ্যা-মাত্মনো-ঽঙ্গেভ্য আযুষো-ঽন্তৰেতি তাজ-ক্প্ৰ ধন্ৱতি ॥ 10 ॥

(ৱাচে-ৰূপেভ্যো ৱৰ্চোদা - আমযাৱী - পঞ্চচত্ৱাৰিগ্ংশচ্চ) (অ. 3)
স্ফ্য-স্স্ৱস্তিৰ্ৱিঘন-স্স্ৱস্তিঃ পৰ্শুৰ্ৱেদিঃ পৰশুৰ্নঃ স্ৱস্তিঃ । যজ্ঞিযা যজ্ঞকৃতঃ স্থ তে মাস্মিন্ যজ্ঞ উপ হ্ৱযদ্ধ্ৱমুপ মা দ্যাৱাপৃথিৱী হ্ৱযেতামুপা-ঽঽস্তাৱঃ কলশ-স্সোমো অগ্নিৰুপ দেৱা উপ যজ্ঞ উপ মা হোত্ৰা উপহৱে হ্ৱযন্তা-ন্নমো-ঽগ্নযে মখঘ্নেমখস্য মা যশো-ঽৰ্যাদিত্যাহৱনীযমুপ তিষ্ঠতে যজ্ঞো ৱৈ মখো [যজ্ঞো ৱৈ মখঃ, যজ্ঞং-ৱাঁৱ] 11
যজ্ঞং-ৱাঁৱ স তদহ-ন্তস্মা এৱ নমস্কৃত্য সদঃ প্ৰসৰ্পত্যাত্মনো-ঽনাৰ্ত্যৈ নমো ৰুদ্ৰায মখঘ্নে নমস্কৃত্যা মা পাহীত্যাগ্নীদ্ধ্ৰ-ন্তস্মা এৱ নমস্কৃত্য সদঃ প্ৰসৰ্পত্যাত্মনো-ঽনাৰ্ত্যৈ নম ইন্দ্ৰায মখঘ্ন ইন্দ্ৰিয-ম্মে ৱীৰ্য-ম্মা নিৰ্ৱধীৰিতি হোত্ৰীযমাশিষমেৱৈতামা শাস্তৈন্দ্ৰিযস্য ৱীৰ্যস্যানিৰ্ঘাতায যা ৱৈ [ ] 12
দেৱতা-স্সদস্যাৰ্তিমাৰ্পযন্তি যস্তা ৱিদ্ৱা-ন্প্ৰসৰ্পতি ন সদস্যাৰ্তিমাৰ্চ্ছতি নমো-ঽগ্নযে মখঘ্ন ইত্যাহৈতা ৱৈ দেৱতা-স্সদস্যাৰ্তিমা-ঽৰ্পযন্তি তা য এৱং-ৱিঁদ্ৱা-ন্প্ৰসৰ্পতি ন সদস্যাৰ্তিমাৰ্চ্ছতি দ্দৃঢে স্থঃ শিথিৰে সমীচী মা-ঽগ্ংহসস্পাতগ্ং সূৰ্যো মা দেৱো দিৱ্যাদগ্ংহসস্পাতু ৱাযুৰন্তৰিক্ষা- [ৱাযুৰন্তৰিক্ষাত্, অগ্নিঃ পৃথিৱ্যা] 13
-দগ্নিঃ পৃথিৱ্যা যমঃ পিতৃভ্য-স্সৰস্ৱতী মনুষ্যেভ্যো দেৱী দ্ৱাৰৌ মা মা স-ন্তাপ্ত-ন্নম-স্সদসে নম-স্সদসস্পতযে নম-স্সখীনা-ম্পুৰোগাণা-ঞ্চক্ষুষে নমো দিৱে নমঃ পৃথিৱ্যা অহে দৈধিষৱ্যোদতস্তিষ্ঠা-ঽন্যস্য সদনে সীদ যো-ঽস্ম-ত্পাকতৰ উন্নিৱত উদুদ্ৱতশ্চ গেষ-ম্পাত-ম্মা দ্যাৱাপৃথিৱী অদ্যাহ্ন-স্সদো ৱৈ প্ৰসৰ্পন্ত- [ৱৈ প্ৰসৰ্পন্তম্, পিতৰো-ঽনু] 14
-ম্পিতৰো-ঽনু প্ৰসৰ্পন্তি ত এনমীশ্ৱৰা হিগ্ংসিতো-স্সদঃ প্ৰসৃপ্য দক্ষিণাৰ্ধ-ম্পৰেক্ষেতা-ঽগন্ত পিতৰঃ পিতৃমানহং-যুঁষ্মাভিৰ্ভূযাসগ্ং সুপ্ৰজসো মযা যূয-ম্ভূযাস্তেতি তেভ্য এৱ নমস্কৃত্য সদঃ প্ৰসৰ্পত্যাত্মনো-ঽনাৰ্ত্যৈ ॥ 15 ॥

(মখো - ৱা - অন্তৰিক্ষাত্ - প্ৰসৰ্পন্তং - ত্ৰযস্ত্ৰিগ্ংশচ্চ) (অ. 4)
ভক্ষেহি মা ঽঽৱিশ দীৰ্ঘাযুত্ৱায শন্তনুত্ৱায ৰাযস্পোষায ৱৰ্চসে সুপ্ৰজাস্ত্ৱাযেহি ৱসো পুৰো ৱসো প্ৰিযো মে হৃদো-ঽস্যশ্ৱিনোস্ত্ৱা বাহুভ্যাগ্ং সঘ্যাস-ন্নৃচক্ষস-ন্ত্ৱা দেৱ সোম সুচক্ষা অৱ খ্যেষ-ম্মন্দ্ৰা-ঽভিভূতিঃ কেতুৰ্যজ্ঞানাং-ৱাঁগ্জুষাণা সোমস্য তৃপ্যতু মন্দ্ৰা স্ৱৰ্ৱাচ্যদিতিৰনাহত শীৰ্ষ্ণী ৱাগ্জুষাণা সোমস্য তৃপ্যত্ৱেহি ৱিশ্ৱচৰ্ষণে [ ] 16
শম্ভূৰ্মযোভূ-স্স্ৱস্তি মা হৰিৱৰ্ণ প্ৰচৰ ক্ৰত্ৱে দক্ষায ৰাযস্পোষায সুৱীৰতাযৈ মা মা ৰাজন্. ৱি বীভিষো মা মে হাৰ্দি ত্ৱিষা ৱধীঃ । ৱৃষণে শুষ্মাযা-ঽঽযুষে ৱৰ্চসে ॥ ৱসুম-দ্গণস্য সোম দেৱ তে মতিৱিদঃ প্ৰাতস্সৱনস্য গাযত্ৰছন্দস ইন্দ্ৰপীতস্য নৰাশগ্ংসপীতস্য পিতৃপীতস্য মধুমত উপহূতস্যোপহূতো ভক্ষযামি ৰুদ্ৰৱ-দ্গণস্য সোম দেৱ তে মতিৱিদো মাদ্ধ্যন্দিনস্য সৱনস্য ত্ৰিষ্টুপ্ছন্দস ইন্দ্ৰপীতস্য নৰাশগ্ং সপীতস্য [ ] 17
পিতৃপীতস্য মধুমত উপহূতস্যোপহূতো ভক্ষযাম্যাদিত্যৱ-দ্গণস্য সোম দেৱ তে মতিৱিদস্তৃতীযস্য সৱনস্য জগতীছন্দস ইন্দ্ৰপীতস্য নৰাশগ্ং সপীতস্য পিতৃপীতস্য মধুমত উপহূতস্যোপহূতো ভক্ষযামি ॥ আপ্যাযস্ৱ সমেতু তে ৱিশ্ৱতঃ সোম ৱৃষ্ণিযম্ । ভৱা ৱাজস্য সঙ্গথে ॥ হিন্ৱ মে গাত্ৰা হৰিৱো গণা-ন্মে মা ৱিতীতৃষঃ । শিৱো মে সপ্তৰ্ষীনুপ তিষ্ঠস্ৱ মা মে-ঽৱান্নাভিমতি [মা মে-ঽৱান্নাভিমতি, গাঃ ।] 18
গাঃ ॥ অপাম সোমমমৃতা অভূমা-ঽদৰ্শ্ম জ্যোতিৰৱিদাম দেৱান্ । কিমস্মান্ কৃণৱদৰাতিঃ কিমু ধূৰ্তিৰমৃত মৰ্ত্যস্য ॥ যন্ম আত্মনো মিন্দা-ঽভূদগ্নিস্ত-ত্পুনৰা-ঽহাৰ্জাতৱেদা ৱিচৰ্ষণিঃ ॥ পুনৰগ্নিশ্চক্ষুৰদাত্-পুনৰিন্দ্ৰো বৃহস্পতিঃ । পুনৰ্মে অশ্ৱিনা যুৱ-ঞ্চক্ষুৰা ধত্তমক্ষ্যোঃ ॥ ইষ্টযজুষস্তে দেৱ সোম স্তুতস্তোমস্য [ ] 19
শস্তোক্থস্য হৰিৱত ইন্দ্ৰপীতস্য মধুমত উপহূতস্যোপহূতো ভক্ষযামি ॥ আপূৰ্যা-স্স্থা-ঽঽমা পূৰযত প্ৰজযা চ ধনেন চ ॥ এত-ত্তে তত যে চ ত্ৱামন্ৱেত-ত্তে পিতামহ প্ৰপিতামহ যে চ ত্ৱামন্ৱত্ৰ পিতৰো যথাভাগ-ম্মন্দদ্ধ্ৱ-ন্নমো ৱঃ পিতৰো ৰসায নমো ৱঃ পিতৰ-শ্শুষ্মায নমো ৱঃ পিতৰো জীৱায নমো ৱঃ পিতৰ- [নমো ৱঃ পিতৰঃ, স্ৱধাযৈ] 20
-স্স্ৱধাযৈ নমো ৱঃ পিতৰো মন্যৱে নমো ৱঃ পিতৰো ঘোৰায পিতৰো নমো ৱো য এতস্মিন্ ঁলোকেস্থ যুষ্মাগ্স্তে-ঽনু যে-ঽস্মিন্ ঁলোকে মা-ন্তে-ঽনু য এতস্মিন্ ঁলোকে স্থ যূয-ন্তেষাং-ৱঁসিষ্ঠা ভূযাস্ত যে-ঽস্মিন্ ঁলোকে-ঽহ-ন্তেষাং-ৱঁসিষ্ঠো ভূযাস-ম্প্ৰজাপতে ন ত্ৱদেতান্যন্যো ৱিশ্ৱা জাতানি পৰিতা বভূৱ । 21
য-ত্কামাস্তে জুহুমস্তন্নো অস্তু ৱযগ্গ্ স্যাম পতযো ৰযীণাম্ ॥ দেৱকৃতস্যৈনসো ঽৱযজনমসি মনুষ্যকৃতস্যৈনসো ঽৱযজনমসি পিতৃকৃতস্যৈনসো ঽৱযজনমস্যফ্সু ধৌতস্য সোম দেৱ তে নৃভিঃ সুতস্যেষ্ট যজুষ-স্স্তুতস্তোমস্য শস্তোক্থস্য যো ভক্ষোঅশ্ৱসনিৰ্যো গোসনিস্তস্য তে পিতৃভিৰ্ভক্ষ-ঙ্কৃতস্যো-পহূতস্যোপহূতো ভক্ষযামি ॥ 22 ॥

(ৱিশ্ৱচৰ্ষণে - ত্ৰিষ্টুপ্ছন্দস ইন্দ্ৰপীতস্য নৰাশগ্ং সপীতস্যা - ঽতি -স্তুতস্তোমস্য - জীৱায নমো ৱঃ পিতৰো - বভূৱ - চতুশ্চত্ৱাৰিগ্ংশচ্চ) (অ. 5)
মহীনা-ম্পযো-ঽসি ৱিশ্ৱেষা-ন্দেৱানা-ন্তনূৰ্-ঋদ্ধ্যাসমদ্য পৃষতীনা-ঙ্গ্ৰহ-ম্পৃষতীনা-ঙ্গ্ৰহো-ঽসি ৱিষ্ণোৰ্হৃদযমস্যেকমিষ ৱিষ্ণুস্ত্ৱা-ঽনু ৱিচক্ৰমে ভূতিৰ্দদ্ধ্না ঘৃতেন ৱৰ্ধতা-ন্তস্য মেষ্টস্য ৱীতস্য দ্ৰৱিণমা গম্যাজ্জ্যোতিৰসি ৱৈশ্ৱানৰ-ম্পৃশ্ঞিযৈ দুগ্ধং-যাঁৱতী দ্যাৱাপৃথিৱী মহিত্ৱা যাৱচ্চ সপ্ত সিন্ধৱো ৱিতস্থুঃ । তাৱন্তমিন্দ্ৰ তে [তাৱন্তমিন্দ্ৰ তে, গ্ৰহগ্ং] 23
গ্ৰহগ্ং সহোৰ্জা গৃহ্ণাম্যস্তৃতম্ ॥ য-ত্কৃষ্ণশকুনঃ পৃষদাজ্যমৱমৃশেচ্ছূদ্ৰা অস্য প্ৰমাযুকা-স্স্যুৰ্যচ্ছ্ৱা ঽৱমৃশেচ্চতুষ্পাদো-ঽস্য পশৱঃ প্ৰমাযুকা-স্স্যুৰ্য-থ্স্কন্দে-দ্যজমানঃ প্ৰমাযুক-স্স্যা-ত্পশৱো ৱৈ পৃষদাজ্য-ম্পশৱো ৱা এতস্য স্কন্দন্তি যস্য পৃষদাজ্যগ্গ্ স্কন্দতি য-ত্পৃষদাজ্য-ম্পুনৰ্গৃহ্ণাতি পশূনেৱাস্মৈ পুনৰ্গৃহ্ণাতি প্ৰাণো ৱৈ পৃষদাজ্য-ম্প্ৰাণো ৱা [পৃষদাজ্য-ম্প্ৰাণো ৱৈ, এতস্য] 24
এতস্য স্কন্দতি যস্য পৃষদাজ্যগ্গ্ স্কন্দতি য-ত্পৃষদাজ্য-ম্পুনৰ্গৃহ্ণাতি প্ৰাণমেৱাস্মৈ পুনৰ্গৃহ্ণাতি হিৰণ্যমৱধায গৃহ্ণাত্যমৃতং-ৱৈঁ হিৰণ্য-ম্প্ৰাণঃ পৃষদাজ্যমমৃতমেৱাস্য প্ৰাণে দধাতি শতমান-ম্ভৱতি শতাযুঃ পুৰুষ-শ্শতেন্দ্ৰিয আযুষ্যেৱেন্দ্ৰিযে প্ৰতিতিষ্ঠত্যশ্ৱমৱ ঘ্ৰাপযতি প্ৰাজাপত্যো ৱা অশ্ৱঃ প্ৰাজাপত্যঃ প্ৰাণ-স্স্ৱাদেৱাস্মৈ যোনেঃ প্ৰাণ-ন্নিৰ্মিমীতে ৱি ৱা এতস্য যজ্ঞশ্ছিদ্যতে যস্য পৃষদাজ্যগ্গ্ স্কন্দতি ৱৈষ্ণৱ্যৰ্চা পুনৰ্গৃহ্ণাতি যজ্ঞো ৱৈ ৱিষ্ণুৰ্যজ্ঞেনৈৱ যজ্ঞগ্ং স-ন্তনোতি ॥ 25 ॥

(তে - পৃষদাজ্য-ম্প্ৰাণো ৱৈ - যোনেঃ প্ৰাণং - দ্ৱাৱিগ্ংশতিশ্চ) (অ. 6)
দেৱ সৱিতৰেত-ত্তে প্ৰা-ঽঽহ ত-ত্প্ৰ চ সুৱ প্ৰ চ যজ বৃহস্পতিৰ্ব্ৰহ্মা ঽঽযুষ্মত্যা ঋচো মা গাত তনূপা-থ্সাম্নঃ সত্যা ৱ আশিষঃ সন্তু সত্যা আকূতয ঋত-ঞ্চ সত্য-ঞ্চ ৱদত স্তুত দেৱস্য সৱিতুঃ প্ৰসৱে স্তুতস্য স্তুতমস্যূৰ্জ-ম্মহ্যগ্গ্ স্তুত-ন্দুহামা মা স্তুতস্য স্তুত-ঙ্গম্যাচ্ছস্ত্ৰস্য শস্ত্ৰ- [শস্ত্ৰম্, অস্যূৰ্জ-ম্মহ্যগ্ং] 26
-মস্যূৰ্জ-ম্মহ্যগ্ং শস্ত্ৰ-ন্দুহামা মা শস্ত্ৰস্য শস্ত্ৰ-ঙ্গম্যা-দিন্দ্ৰিযাৱন্তো ৱনামহে ধুক্ষীমহি প্ৰজামিষম্ ॥ সা মে সত্যা-ঽঽশীৰ্দেৱেষু ভূযা-দ্ব্ৰহ্মৱৰ্চস-ম্মা-ঽঽ গম্যাত্ ॥ যজ্ঞো বভূৱ স আ বভূৱ সপ্ৰজজ্ঞে স ৱাৱৃধে । স দেৱানামধি-পতিৰ্বভূৱ সো অস্মাগ্ং অধিপতীন্ কৰোতু ৱযগ্গ্ স্যাম পতযো ৰযীণাম্ ॥ যজ্ঞো ৱা ৱৈ [ ] 27
যজ্ঞপতি-ন্দুহে যজ্ঞপতিৰ্ৱা যজ্ঞ-ন্দুহে স য-স্স্তুতশস্ত্ৰযোৰ্দোহম ৱিদ্ৱান্. যজতে তং-যঁজ্ঞো দুহে স ইষ্ট্ৱা পাপীযা-ন্ভৱতি য এনযোৰ্দোহং-ৱিঁদ্ৱান্. যজতে স যজ্ঞ-ন্দুহে স ইষ্ট্ৱা ৱসীযা-ন্ভৱতি স্তুতস্য স্তুতমস্যূৰ্জ-ম্মহ্যগ্গ্ স্তুত-ন্দুহামা মা স্তুতস্য স্তুত-ঙ্গম্যাচ্ছস্ত্ৰস্য শস্ত্ৰমস্যূৰ্জ-ম্মহ্যগ্ং শস্ত্ৰ-ন্দুহা মা মা শস্ত্ৰস্য শস্ত্ৰ-ঙ্গম্যাদিত্যাহৈষ ৱৈ স্তুতশস্ত্ৰযোৰ্দোহস্তং-যঁ এৱং-ৱিঁদ্ৱান্. যজতে দুহ এৱ যজ্ঞমিষ্ট্ৱা ৱসীযা-ন্ভৱতি ॥ 28 ॥

(শস্ত্ৰং - ঁৱৈ - শস্ত্ৰন্দুহাং - দ্ৱাৱিগ্ংশতিশ্চ) (অ. 7)
শ্যেনায পত্ৱনে স্ৱাহা ৱট্থ্স্ৱযমভিগূৰ্তায নমো ৱিষ্টম্ভায ধৰ্মণে স্ৱাহা ৱট্থ্স্ৱযমভিগূৰ্তায নমঃ পৰিধযে জনপ্ৰথনায স্ৱাহা ৱট্থ্স্ৱযমভিগূৰ্তায নম ঊৰ্জে হোত্ৰাণাগ্ স্ৱাহা ৱট্থ্স্ৱযমভিগূৰ্তায নমঃ পযসে হোত্ৰাণাগ্ স্ৱাহা ৱট্থ্স্ৱযমভিগূৰ্তায নমঃ প্ৰজাপতযে মনৱে স্ৱাহা ৱট্থ্স্ৱযমভিগূৰ্তায নম ঋতমৃতপা-স্সুৱৰ্ৱাট্থ্স্ৱাহা ৱট্থ্স্ৱযমভিগূৰ্তায নমস্তৃম্পন্তাগ্ং হোত্ৰা মধোৰ্ঘৃতস্য যজ্ঞপতিমৃষয এনসা- [এনসা, আহুঃ ।] 29
-ঽঽহুঃ । প্ৰজা নিৰ্ভক্তা অনুতপ্যমানা মধৱ্যৌ স্তোকাৱপ তৌ ৰৰাধ ॥ স-ন্নস্তাভ্যাগ্ং সৃজতুৱিশ্ৱকৰ্মা ঘোৰা ঋষযো নমো অস্ত্ৱেভ্যঃ । চক্ষুষ এষা-ম্মনসশ্চ সন্ধৌ বৃহস্পতযে মহি ষ-দ্দ্যুমন্নমঃ ॥ নমো ৱিশ্ৱকৰ্মণে স উ পাত্ৱস্মাননন্যান্-থ্সোমপা-ন্মন্যমানঃ । প্ৰাণস্য ৱিদ্ৱান্-থ্সমৰে ন ধীৰ এনশ্চকৃৱা-ন্মহি বদ্ধ এষাম্ ॥ তং-ৱিঁশ্ৱকৰ্ম- [তং-ৱিঁশ্ৱকৰ্মন্ন্, প্ৰ মুঞ্চা স্ৱস্তযে] 30
-ন্প্ৰ মুঞ্চা স্ৱস্তযে যে ভক্ষযন্তো ন ৱসূন্যানৃহুঃ । যানগ্নযো-ঽন্ৱতপ্যন্ত ধিষ্ণিযা ইয-ন্তেষামৱযা দুৰিষ্ট্যৈ স্ৱিষ্টি-ন্নস্তা-ঙ্কৃণোতু ৱিশ্ৱকৰ্মা ॥ নমঃ পিতৃভ্যো অভি যে নো অখ্যন্. যজ্ঞকৃতো যজ্ঞকামা-স্সুদেৱা অকামা ৱো দক্ষিণা-ন্ন নীনিম মা নস্তস্মা দেনসঃ পাপযিষ্ট । যাৱন্তো ৱৈ সদস্যাস্তে সৰ্ৱে দক্ষিণ্যাস্তেভ্যো যো দক্ষিণা-ন্ন [ ] 31
নযেদৈভ্যো ৱৃশ্চ্যেত য-দ্ৱৈশ্ৱকৰ্মণানি জুহোতি সদস্যানেৱ ত-ত্প্ৰীণাত্যস্মে দেৱাসো ৱপুষে চিকিথ্সত যমাশিৰা দম্পতী ৱামমশ্ঞুতঃ । পুমা-ন্পুত্ৰো জাযতে ৱিন্দতে ৱস্ৱথ ৱিশ্ৱে অৰপা এধতে গৃহঃ ॥ আশীৰ্দাযা দম্পতী ৱামমশ্ঞুতামৰিষ্টো ৰাযঃ সচতাগ্ং সমোকসা । য আ-ঽসিচ-থ্স-ন্দুগ্ধ-ঙ্কুম্ভ্যা সহেষ্টেন যামন্নমতি-ঞ্জহাতু সঃ ॥ সৰ্পিৰ্গ্ৰীৱী [ ] 32
পীৱৰ্যস্য জাযা পীৱানঃ পুত্ৰা অকৃশাসো অস্য । সহজানিৰ্য-স্সুমখস্যমান ইন্দ্ৰাযা-ঽঽশিৰগ্ং সহ কুম্ভ্যা-ঽদাত্ ॥ আশীৰ্ম ঊৰ্জমুত সুপ্ৰজাস্ত্ৱমিষ-ন্দধাতু দ্ৰৱিণগ্ং সৱৰ্চসম্ । স-ঞ্জযন্ ক্ষেত্ৰাণি সহসা-ঽহমিন্দ্ৰ কৃণ্ৱানো অন্যাগ্ং অধৰান্থ্সপত্নান্ ॥ ভূতমসি ভূতে মা ধা মুখমসি মুখ-ম্ভূযাস-ন্দ্যাৱাপৃথিৱীভ্যা-ন্ত্ৱা পৰিগৃহ্ণামি ৱিশ্ৱে ত্ৱা দেৱা ৱৈশ্ৱানৰাঃ [ৱৈশ্ৱানৰাঃ, প্ৰচ্যাৱযন্তু] 33
প্ৰচ্যাৱযন্তু দিৱি দেৱা-ন্দৃগ্ংহান্তৰিক্ষে ৱযাগ্ংসি পৃথিৱ্যা-ম্পাৰ্থিৱা-ন্ধ্ৰুৱ-ন্ধ্ৰুৱেণ হৱিষা-ঽৱ সোম-ন্নযামসি । যথা ন-স্সৰ্ৱমিজ্জগদযক্ষ্মগ্ং সুমনা অসত্ । যথা ন ইন্দ্ৰ ইদ্ৱিশঃ কেৱলী-স্সৰ্ৱা-স্সমনসঃ কৰত্ । যথা ন-স্সৰ্ৱা ইদ্দিশো-ঽস্মাক-ঙ্কেৱলীৰসন্ন্ ॥ 34 ॥

(এনসা - ৱিশ্ৱকৰ্মন্ - যো দক্ষিণা-ন্ন - সৰ্পিৰ্গ্ৰীৱী - ৱৈশ্ৱনৰা - শ্চত্ৱাৰিগ্ংশচ্চ) (অ. 8)
যদ্ৱৈ হোতা-ঽদ্ধ্ৱৰ্যুমভ্যাহ্ৱযতে ৱজ্ৰমেনমভি প্ৰৱৰ্তযত্যুক্থশা ইত্যাহ প্ৰাতস্সৱন-ম্প্ৰতিগীৰ্য ত্ৰীণ্যেতান্যক্ষৰাণি ত্ৰিপদা গাযত্ৰী গাযত্ৰ-ম্প্ৰাতস্সৱন-ঙ্গাযত্ৰিযৈৱ প্ৰাতস্সৱনে ৱজ্ৰমন্তৰ্ধত্ত উক্থং-ৱাঁচীত্যাহ মাদ্ধ্যদিন্নগ্ং সৱন-ম্প্ৰতিগীৰ্য চত্ৱাৰ্যেতান্য-ক্ষৰাণি চতুষ্পদা ত্ৰিষ্টু-প্ত্ৰৈষ্টুভ-ম্মাদ্ধ্যদিন্নগ্ং সৱন-ন্ত্ৰিষ্টুভৈৱ মাদ্ধ্যন্দিনে সৱনে ৱজ্ৰমন্তৰ্ধত্ত [ৱজ্ৰমন্তৰ্ধত্তে, উক্থং-ৱাঁচীন্দ্ৰাযেত্যাহ] 35
উক্থং-ৱাঁচীন্দ্ৰাযেত্যাহ তৃতীযসৱন-ম্প্ৰতিগীৰ্য সপ্তৈতান্যক্ষৰাণি সপ্তপদা শক্ৱৰী শাক্ৱৰো ৱজ্ৰো ৱজ্ৰেণৈৱ তৃতীযসৱনে ৱজ্ৰমন্তৰ্ধত্তে ব্ৰহ্মৱাদিনো ৱদন্তি স ত্ৱা অদ্ধ্ৱৰ্যু-স্স্যাদ্যো যথাসৱন-ম্প্ৰতিগৰে ছন্দাগ্ংসি সম্পাদযে-ত্তেজঃ প্ৰাত-স্সৱন আত্ম-ন্দধীতেন্দ্ৰিয-ম্মাদ্ধ্যন্দিনে সৱনে পশূগ্ স্তৃতীযসৱন ইত্যুক্থশা ইত্যাহ প্ৰাতস্সৱন-ম্প্ৰতিগীৰ্য ত্ৰীণ্যেতান্যক্ষৰাণি [ ] 36
ত্ৰিপদা গাযত্ৰী গাযত্ৰ-ম্প্ৰাতস্সৱন-ম্প্ৰাতস্সৱন এৱ প্ৰতিগৰে ছন্দাগ্ংসি সম্পাদযত্যথো তেজো ৱৈ গাযত্ৰী তেজঃ প্ৰাত-স্সৱন-ন্তেজ এৱ প্ৰাতস্সৱন আত্ম-ন্ধত্ত উক্থং-ৱাঁচীত্যাহ মাদ্ধ্যন্দিনগ্ং সৱন-ম্প্ৰতিগীৰ্য চত্ৱাৰ্যেতান্যক্ষৰাণি চতুষ্পদা ত্ৰিষ্টু-প্ত্ৰৈষ্টুভ-ম্মাদ্ধ্যন্দিনগ্ং সৱন-ম্মাদ্ধ্যদিন্ন এৱ সৱনে প্ৰতিগৰে ছন্দাগ্ংসি সম্পাদযত্যথো ইন্দ্ৰিযং-ৱৈঁ ত্ৰিষ্টুগিন্দ্ৰিয-ম্মাদ্ধ্যদিন্নগ্ং সৱন- [সৱনম্, ইন্দ্ৰিযমেৱ] 37
-মিন্দ্ৰিযমেৱ মাদ্ধ্যন্দিনে সৱন আত্ম-ন্ধত্ত উক্থং-ৱাঁচীন্দ্ৰাযেত্যাহ তৃতীযসৱন-ম্প্ৰতিগীৰ্য সপ্তৈতান্যক্ষৰাণি সপ্তপদা শক্ৱৰী শাক্ৱৰাঃ পশৱো জাগত-ন্তৃতীযসৱন-ন্তৃতীযসৱন এৱ প্ৰতিগৰে ছন্দাগ্ংসি সম্পাদযত্যথো পশৱো ৱৈ জগতী পশৱস্তৃতীযসৱন-ম্পশূনেৱ তৃতীযসৱন আত্ম-ন্ধত্তে যদ্ৱৈ হোতা-ঽদ্ধ্ৱৰ্যুমভ্যাহ্ৱযত আৱ্যমস্মি-ন্দধাতি তদ্যন্না- [তদ্যন্ন, অপহনীত পুৰা-ঽস্য] 38
-ঽপহনীত পুৰা-ঽস্য সংৱঁথ্সৰা-দ্গৃহ আ ৱেৱীৰঞ্ছোগ্ংসা মোদ ইৱেতি প্ৰত্যাহ্ৱযতে তেনৈৱ তদপ হতে যথা ৱা আযতা-ম্প্ৰতীক্ষত এৱমদ্ধ্ৱৰ্যুঃ প্ৰতিগৰ-ম্প্ৰতীক্ষতে যদভি প্ৰতিগৃণীযাদ্যথা ঽঽযতযা সমৃচ্ছতে তাদৃগেৱ তদ্যদৰ্ধৰ্চাল্লুপ্যেত যথা ধাৱদ্ভ্যো হীযতে তাদৃগেৱ ত-ত্প্ৰবাহুগ্ৱা ঋত্ৱিজামুদ্গীথা উদ্গীথ এৱো-দ্গাতৃণা- [এৱো-দ্গাতৃণাম্, ঋচঃ প্ৰণৱ] 39
-মৃচঃ প্ৰণৱ উক্থশগ্ংসিনা-ম্প্ৰতিগৰো-ঽদ্ধ্ৱৰ্যূণাং-যঁ এৱং-ৱিঁদ্ৱা-ন্প্ৰতিগৃণাত্যন্নাদ এৱ ভৱত্যা-ঽস্য প্ৰজাযাং-ৱাঁজী জাযত ইযং-ৱৈঁ হোতা-ঽসাৱদ্ধ্ৱৰ্যুৰ্যদাসীন-শ্শগ্ং সত্যস্যা এৱ তদ্ধোতা নৈত্যাস্ত ইৱ হীযমথো ইমামেৱ তেন যজমানো দুহে য-ত্তিষ্ঠ-ন্প্ৰতিগৃণাত্যমুষ্যা এৱ তদদ্ধ্ৱৰ্যুৰ্নৈতি [তদদ্ধ্ৱৰ্যুৰ্নৈতি, তিষ্ঠতীৱ হ্যসাৱথো] 40
তিষ্ঠতীৱ হ্যসাৱথো অমূমেৱ তেন যজমানো দুহে যদাসীন-শ্শগ্ংসতি তস্মাদিতঃ প্ৰদান-ন্দেৱা উপ জীৱন্তি য-ত্তিষ্ঠ-ন্প্ৰতিগৃণাতি তস্মাদমুতঃ প্ৰদান-ম্মনুষ্যা উপ জীৱন্তি য-ত্প্ৰাংআসীন-শ্শগ্ংসতি প্ৰত্য-ন্তিষ্ঠ-ন্প্ৰতিগৃণাতি তস্মা-ত্প্ৰাচীনগ্ং ৰেতো ধীযতে প্ৰতীচীঃ প্ৰজা জাযন্তে যদ্ৱৈ হোতা-ঽদ্ধ্ৱৰ্যুমভ্যাহ্ৱযতে ৱজ্ৰমেনমভি প্ৰৱৰ্তযতি পৰাংআ ৱৰ্ততে ৱজ্ৰমেৱ তন্নি কৰোতি ॥ 41 ॥

(সৱনে ৱজ্ৰমন্তৰ্ধত্তে - ত্ৰীণ্যেতান্যক্ষৰাণী - ন্দ্ৰিয-ম্মাধ্যন্দিনগ্ং সৱনং - নো - দ্গাতৃণা - মধ্ৱৰ্যুৰ্নৈতি - ৱৰ্তযত্য - ষ্টৌ চ) (অ. 9)
উপযামগৃহীতো-ঽসি ৱাক্ষসদসি ৱাক্পাভ্যা-ন্ত্ৱা ক্ৰতুপাভ্যামস্য যজ্ঞস্য ধ্ৰুৱস্যা-ঽদ্ধ্য-ক্ষাভ্যা-ঙ্গৃহ্ণা-ম্যুপযামগৃহীতো-ঽস্যৃতসদসি চক্ষুষ্পাভ্যা-ন্ত্ৱা ক্ৰতুপাভ্যামস্য যজ্ঞস্য ধ্ৰুৱস্যা-ঽদ্ধ্যক্ষাভ্যা-ঙ্গৃহ্ণাম্যুপযামগৃহীতো-ঽসি শ্ৰুতসদসি শ্ৰোত্ৰপাভ্যা-ন্ত্ৱা ক্ৰতুপাভ্যামস্য যজ্ঞস্য ধ্ৰুৱস্যা-ঽদ্ধ্যক্ষাভ্যা-ঙ্গৃহ্ণামি দেৱেভ্যস্ত্ৱা ৱিশ্ৱদেৱেভ্যস্ত্ৱা ৱিশ্ৱেভ্যস্ত্ৱা দেৱেভ্যো ৱিষ্ণৱুৰুক্ৰমৈষ তে সোমস্তগ্ং ৰক্ষস্ৱ [সোমস্তগ্ং ৰক্ষস্ৱ, ত-ন্তে] 42
ত-ন্তে দুশ্চক্ষা মা-ঽৱ খ্যন্মযি ৱসুঃ পুৰোৱসুৰ্ৱাক্পা ৱাচ-ম্মে পাহি মযি ৱসুৰ্ৱিদদ্ৱসুশ্চক্ষুষ্পাশ্চক্ষু-ৰ্মে পাহি মযি ৱসুঃ সংযঁদ্ৱসু-শ্শ্ৰোত্ৰপা-শ্শ্ৰোত্ৰ-ম্মে পাহি ভূৰসি শ্ৰেষ্ঠো ৰশ্মীনা-ম্প্ৰাণপাঃ প্ৰাণ-ম্মে পাহি ধূৰসি শ্ৰেষ্ঠো ৰশ্মীনামপানপা অপান-ম্মে পাহি যো ন ইন্দ্ৰৱাযূ মিত্ৰাৱৰুণা-ৱশ্ৱিনাৱভিদাসতি ভ্ৰাতৃৱ্য উত্পিপীতে শুভস্পতী ইদমহ-ন্তমধৰ-ম্পাদযামি যথেন্দ্ৰা-ঽহমুত্তমশ্চেতযানি ॥ 43 ॥

(ৰক্ষস্ৱ - ভ্ৰ্ৰাতৃৱ্য - স্ত্ৰযোদশ চ) (অ. 10)
প্ৰ সো অগ্নে তৱোতিভিঃ সুৱীৰাভিস্তৰতি ৱাজকৰ্মভিঃ । যস্য ত্ৱগ্ং সখ্যমাৱিথ ॥ প্ৰ হোত্ৰে পূৰ্ৱ্যং-ৱঁচো-ঽগ্নযে ভৰতা বৃহত্ । ৱিপা-ঞ্জ্যোতীগ্ংষি বিভ্ৰতে ন ৱেধসে ॥ অগ্নে ত্ৰী তে ৱাজিনা ত্ৰী ষধস্থা তিস্ৰস্তে জিহ্ৱা ঋতজাত পূৰ্ৱীঃ । তিস্ৰ উ তে তনুৱো দেৱৱাতাস্তাভিৰ্নঃ পাহি গিৰো অপ্ৰযুচ্ছন্ন্ ॥ সং-ৱাঁ-ঙ্কৰ্মণা সমিষা [সমিষা, হিনোমীন্দ্ৰা-ৱিষ্ণূ] 44
হিনোমীন্দ্ৰা-ৱিষ্ণূ অপসস্পাৰে অস্য । জুষেথাং-যঁজ্ঞ-ন্দ্ৰৱিণ-ঞ্চ ধত্তমৰিষ্টৈৰ্নঃ পথিভিঃ পাৰযন্তা ॥ উভা জিগ্যথুৰ্ন পৰা জযেথে ন পৰা জিগ্যে কতৰশ্চনৈনোঃ । ইন্দ্ৰশ্চ ৱিষ্ণো যদপস্পৃধেথা-ন্ত্ৰেধা সহস্ৰং-ৱিঁ তদৈৰযেথাম্ ॥ ত্ৰীণ্যাযূগ্ংষি তৱ জাতৱেদস্তিস্ৰ আজানীৰুষসস্তে অগ্নে । তাভিৰ্দেৱানামৱো যক্ষি ৱিদ্ৱানথা [ৱিদ্ৱানথ, ভৱ যজমানায শংযোঁঃ ।] 45
-ভৱ যজমানায শংযোঁঃ ॥ অগ্নিস্ত্ৰীণি ত্ৰিধাতূন্যা ক্ষেতি ৱিদথা কৱিঃ । স ত্ৰীগ্ংৰেকাদশাগ্ং ইহ ॥ যক্ষচ্চ পিপ্ৰযচ্চ নো ৱিপ্ৰো দূতঃ পৰিষ্কৃতঃ । নভন্তামন্যকে সমে ॥ ইন্দ্ৰাৱিষ্ণূ দৃগ্ংহিতা-শ্শম্বৰস্য নৱ পুৰো নৱতি-ঞ্চ- শ্ঞথিষ্টম্ । শতং-ৱঁৰ্চিনঃ সহস্ৰ-ঞ্চ সাকগ্ং হথো অপ্ৰত্যসুৰস্য ৱীৰান্ ॥ উত মাতা মহিষ মন্ৱৱেনদমী ত্ৱা জহতি পুত্ৰ দেৱাঃ । অথাব্ৰৱী-দ্ৱৃত্ৰমিন্দ্ৰো হনিষ্যন্-থ্সখে ৱিষ্ণো ৱিতৰং-ৱিঁক্ৰমস্ৱ ॥ 46 ॥