3.2 - যো বৈ পবমানানাম্ - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযা-ন্তৃতীযকাণ্ডে দ্বিতীযঃ প্রশ্নঃ - পবমানগ্রাহাদীনাং-ব্যাঁখ্যানং
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
যো বৈ পবমানানামন্বারোহান্. বিদ্বান্. যজতে-ঽনু পবমানানা রোহতি ন পবমানেভ্যো-ঽব চ্ছিদ্যতে শ্যেনো-ঽসি গাযত্রছন্দা অনু ত্বা-ঽঽরভে স্বস্তি মা স-ম্পারয সুপর্ণো-ঽসি ত্রিষ্টুপ্ছন্দা অনু ত্বা-ঽঽরভে স্বস্তি মা স-ম্পারয সঘা-ঽসি জগতীছন্দা অনু ত্বা-ঽঽরভে স্বস্তি মা সম্পারযেত্যাহৈতে [ ] 1
বৈ পবমানানামন্বারোহাস্তান্. য এবং-বিঁদ্বান্. যজতে-ঽনু পবমানানা রোহতি ন পবমানেভ্যো-ঽব চ্ছিদ্যতে যো বৈ পবমানস্য সন্ততিং-বেঁদ সর্বমাযুরেতি ন পুরা-ঽঽযুষঃ প্র মীযতে পশুমা-ন্ভবতি বিন্দতে প্রজা-ম্পবমানস্য গ্রহা গৃহ্যন্তে-ঽথ বা অস্যৈতে-ঽগৃহীতা দ্রোণকলশ আধবনীযঃ পূতভৃ-ত্তান্. যদগৃহীত্বোপাকুর্যা-ত্পবমানং-বিঁ- [-ত্পবমানং-বিঁ, ছিন্দ্যা-ত্তং-বিঁচ্ছিদ্যমান-] 2
চ্ছিন্দ্যা-ত্তং-বিঁচ্ছিদ্যমান-মদ্ধ্বর্যোঃ প্রাণো-ঽনু বিচ্ছিদ্যে-তোপযামগৃহীতো-ঽসি প্রজাপতযে ত্বেতি দ্রোণকলশমভি মৃশেদিন্দ্রায ত্বেত্যাধবনীযং-বিঁশ্বেভ্যস্ত্বা দেবেভ্য ইতি পূতভৃত-ম্পবমানমেব ত-থ্স-ন্তনোতি সর্বমাযুরেতি ন পুরা-ঽঽযুষঃ প্রমীযতে পশুমা-ন্ভবতি বিন্দতে প্রজাম্ ॥ 3 ॥

(এতে - বি - দ্বিচত্বারিগ্ংশচ্চ) (অ. 1)
ত্রীণি বাব সবনান্যথ তৃতীযগ্ং সবনমব লুম্পন্ত্যনগ্ংশু কুর্বন্ত উপাগ্ংশুগ্ংহুত্বোপাগ্ংশুপাত্রে-ঽগ্ংশুমবাস্য তন্তৃতীযসবনে ঽপিসৃজ্যাভি ষুণুযাদ্যদাপ্যাযযতি তেনাগ্ংশুমদ্যদভিষুণোতি তেনর্জীষি সর্বাণ্যেব ত-থ্সবনান্যগ্ংশুমন্তি শুক্রবন্তি সমাবদ্বীর্যাণি করোতি দ্বৌ সমুদ্রৌ বিততাবজূর্যৌ পর্যাবর্তেতে জঠরেব পাদাঃ । তযোঃ পশ্যন্তো অতি যন্ত্যন্য-মপশ্যন্ত- [যন্ত্যন্য-মপশ্যন্তঃ, সেতুনা-ঽতি] 4
-স্সেতুনা-ঽতি যন্ত্যন্যম্ ॥ দ্বে দ্রধসী সততী বস্ত একঃ কেশী বিশ্বা ভুবনানি বিদ্বান্ । তিরোধাযৈত্যসিতং-বঁসান-শ্শুক্রমা দত্তে অনুহায জার্যৈ ॥ দেবা বৈ যদ্যজ্ঞে-ঽকুর্বত তদসুরা অকুর্বত তে দেবা এত-ম্মহাযজ্ঞমপশ্য-ন্তমতন্বতাগ্নিহোত্রং-ব্রঁতমকুর্বত তস্মা-দ্দ্বিব্রত-স্স্যা-দ্দ্বির্হ্যগ্নিহোত্র-ঞ্জুহ্বতি পৌর্ণমাসং-যঁজ্ঞ-মগ্নীষোমীয- [-মগ্নীষোমীযম্, পশুমকুর্বত] 5
-ম্পশুমকুর্বত দার্শ্যং-যঁজ্ঞমাগ্নেয-ম্পশুমকুর্বত বৈশ্বদেব-ম্প্রাতস্সবন -মকুর্বত বরুণপ্রঘাসা-ন্মাদ্ধ্যদিন্নগ্ং সবনগ্ং সাকমেধা-ন্পিতৃযজ্ঞ-ন্ত্র্যম্বকাগ্-স্তৃতীযসবনমকুর্বত তমেষামসুরা যজ্ঞ -মন্ববাজিগাগ্ংস-ন্ত-ন্না-ঽন্ববায-ন্তে-ঽব্রুবন্নদ্ধ্বর্তব্যা বা ইমে দেবা অভূবন্নিতি তদদ্ধ্বরস্যা ঽদ্ধ্বরত্ব-ন্ততো দেবা অভব-ন্পরা-ঽসুরা য এবং-বিঁদ্বান্-থ্সোমেন যজতে ভবত্যাত্মনা পরা ঽস্য ভ্রাতৃব্যো ভবতি ॥ 6 ॥

(অপশ্যন্তো-ঽ - গ্নীষোমীয - মাত্মনা পরা - ত্রীণি চ) (অ. 2)
পরিভূরগ্নি-ম্পরিভূরিন্দ্র-ম্পরিভূর্বিশ্বা-ন্দেবা-ন্পরিভূর্মাগ্ং সহ ব্রহ্মবর্চসেন স নঃ পবস্ব শ-ঙ্গবে শ-ঞ্জনায শমর্বতে শগ্ং রাজন্নোষধীভ্যো ঽচ্ছিন্নস্য তে রযিপতে সুবীর্যস্য রাযস্পোষস্য দদিতারঃ স্যাম । তস্য মে রাস্ব তস্য তে ভক্ষীয তস্য ত ইদমুন্মৃজে ॥ প্রাণায মে বর্চোদা বর্চসে পবস্বা পানায ব্যানায বাচে [বাচে, দক্ষক্রতুভ্যা-ঞ্চক্ষুর্ভ্যা-ম্মে] 7
দক্ষক্রতুভ্যা-ঞ্চক্ষুর্ভ্যা-ম্মে বর্চোদৌ বর্চসে পবেথাগ্ শ্রোত্রাযা ঽঽত্মনে ঽঙ্গেভ্য আযুষে বীর্যায বিষ্ণোরিন্দ্রস্য বিশ্বেষা-ন্দেবানা-ঞ্জঠরমসি বর্চোদা মে বর্চসে পবস্ব কো-ঽসি কো নাম কস্মৈ ত্বা কায ত্বা য-ন্ত্বা সোমেনাতীতৃপং-যঁ-ন্ত্বা সোমেনামীমদগ্ং সুপ্রজাঃ প্রজযা ভূযাসগ্ং সুবীরো বীরৈ-স্সুবর্চা বর্চসা সুপোষঃ পোষৈ-র্বিশ্বেভ্যো মে রূপেভ্যো বর্চোদা [বর্চোদাঃ, বর্চসে] 8
বর্চসে পবস্ব তস্য মে রাস্ব তস্য তে ভক্ষীয তস্য ত ইদমুন্মৃজে ॥ বুভূষন্নবেক্ষেতৈষ বৈ পাত্রিযঃ প্রজাপতির্যজ্ঞঃ প্রজাপতিস্তমেব তর্পযতি স এন-ন্তৃপ্তো ভূত্যা-ঽভি পবতে ব্রহ্মবর্চসকামো-ঽবেক্ষেতৈষ বৈ পাত্রিযঃ প্রজাপতির্যজ্ঞঃ প্রজাপতিস্তমেব তর্পযতি স এন-ন্তৃপ্তো ব্রহ্মবর্চসেনাভি পবত আমযা- [আমযাবী, অবেক্ষেতৈষ বৈ] 9
-ব্যবেক্ষেতৈষ বৈ পাত্রিযঃ প্রজাপতির্যজ্ঞঃ প্রজাপতিস্তমেব তর্পযতি স এন-ন্তৃপ্ত আযুষা-ঽভি পবতে-ঽভিচরন্নবেক্ষেতৈষ বৈ পাত্রিযঃ প্রজাপতির্যজ্ঞঃ প্রজাপতিস্তমেব তর্পযতি স এন-ন্তৃপ্তঃ প্রাণাপানাভ্যাং-বাঁচো দক্ষক্রতুভ্যা-ঞ্চক্ষুর্ভ্যাগ্ শ্রোত্রাভ্যা-মাত্মনো-ঽঙ্গেভ্য আযুষো-ঽন্তরেতি তাজ-ক্প্র ধন্বতি ॥ 10 ॥

(বাচে-রূপেভ্যো বর্চোদা - আমযাবী - পঞ্চচত্বারিগ্ংশচ্চ) (অ. 3)
স্ফ্য-স্স্বস্তির্বিঘন-স্স্বস্তিঃ পর্শুর্বেদিঃ পরশুর্নঃ স্বস্তিঃ । যজ্ঞিযা যজ্ঞকৃতঃ স্থ তে মাস্মিন্ যজ্ঞ উপ হ্বযদ্ধ্বমুপ মা দ্যাবাপৃথিবী হ্বযেতামুপা-ঽঽস্তাবঃ কলশ-স্সোমো অগ্নিরুপ দেবা উপ যজ্ঞ উপ মা হোত্রা উপহবে হ্বযন্তা-ন্নমো-ঽগ্নযে মখঘ্নেমখস্য মা যশো-ঽর্যাদিত্যাহবনীযমুপ তিষ্ঠতে যজ্ঞো বৈ মখো [যজ্ঞো বৈ মখঃ, যজ্ঞং-বাঁব] 11
যজ্ঞং-বাঁব স তদহ-ন্তস্মা এব নমস্কৃত্য সদঃ প্রসর্পত্যাত্মনো-ঽনার্ত্যৈ নমো রুদ্রায মখঘ্নে নমস্কৃত্যা মা পাহীত্যাগ্নীদ্ধ্র-ন্তস্মা এব নমস্কৃত্য সদঃ প্রসর্পত্যাত্মনো-ঽনার্ত্যৈ নম ইন্দ্রায মখঘ্ন ইন্দ্রিয-ম্মে বীর্য-ম্মা নির্বধীরিতি হোত্রীযমাশিষমেবৈতামা শাস্তৈন্দ্রিযস্য বীর্যস্যানির্ঘাতায যা বৈ [ ] 12
দেবতা-স্সদস্যার্তিমার্পযন্তি যস্তা বিদ্বা-ন্প্রসর্পতি ন সদস্যার্তিমার্চ্ছতি নমো-ঽগ্নযে মখঘ্ন ইত্যাহৈতা বৈ দেবতা-স্সদস্যার্তিমা-ঽর্পযন্তি তা য এবং-বিঁদ্বা-ন্প্রসর্পতি ন সদস্যার্তিমার্চ্ছতি দ্দৃঢে স্থঃ শিথিরে সমীচী মা-ঽগ্ংহসস্পাতগ্ং সূর্যো মা দেবো দিব্যাদগ্ংহসস্পাতু বাযুরন্তরিক্ষা- [বাযুরন্তরিক্ষাত্, অগ্নিঃ পৃথিব্যা] 13
-দগ্নিঃ পৃথিব্যা যমঃ পিতৃভ্য-স্সরস্বতী মনুষ্যেভ্যো দেবী দ্বারৌ মা মা স-ন্তাপ্ত-ন্নম-স্সদসে নম-স্সদসস্পতযে নম-স্সখীনা-ম্পুরোগাণা-ঞ্চক্ষুষে নমো দিবে নমঃ পৃথিব্যা অহে দৈধিষব্যোদতস্তিষ্ঠা-ঽন্যস্য সদনে সীদ যো-ঽস্ম-ত্পাকতর উন্নিবত উদুদ্বতশ্চ গেষ-ম্পাত-ম্মা দ্যাবাপৃথিবী অদ্যাহ্ন-স্সদো বৈ প্রসর্পন্ত- [বৈ প্রসর্পন্তম্, পিতরো-ঽনু] 14
-ম্পিতরো-ঽনু প্রসর্পন্তি ত এনমীশ্বরা হিগ্ংসিতো-স্সদঃ প্রসৃপ্য দক্ষিণার্ধ-ম্পরেক্ষেতা-ঽগন্ত পিতরঃ পিতৃমানহং-যুঁষ্মাভির্ভূযাসগ্ং সুপ্রজসো মযা যূয-ম্ভূযাস্তেতি তেভ্য এব নমস্কৃত্য সদঃ প্রসর্পত্যাত্মনো-ঽনার্ত্যৈ ॥ 15 ॥

(মখো - বা - অন্তরিক্ষাত্ - প্রসর্পন্তং - ত্রযস্ত্রিগ্ংশচ্চ) (অ. 4)
ভক্ষেহি মা ঽঽবিশ দীর্ঘাযুত্বায শন্তনুত্বায রাযস্পোষায বর্চসে সুপ্রজাস্ত্বাযেহি বসো পুরো বসো প্রিযো মে হৃদো-ঽস্যশ্বিনোস্ত্বা বাহুভ্যাগ্ং সঘ্যাস-ন্নৃচক্ষস-ন্ত্বা দেব সোম সুচক্ষা অব খ্যেষ-ম্মন্দ্রা-ঽভিভূতিঃ কেতুর্যজ্ঞানাং-বাঁগ্জুষাণা সোমস্য তৃপ্যতু মন্দ্রা স্বর্বাচ্যদিতিরনাহত শীর্ষ্ণী বাগ্জুষাণা সোমস্য তৃপ্যত্বেহি বিশ্বচর্ষণে [ ] 16
শম্ভূর্মযোভূ-স্স্বস্তি মা হরিবর্ণ প্রচর ক্রত্বে দক্ষায রাযস্পোষায সুবীরতাযৈ মা মা রাজন্. বি বীভিষো মা মে হার্দি ত্বিষা বধীঃ । বৃষণে শুষ্মাযা-ঽঽযুষে বর্চসে ॥ বসুম-দ্গণস্য সোম দেব তে মতিবিদঃ প্রাতস্সবনস্য গাযত্রছন্দস ইন্দ্রপীতস্য নরাশগ্ংসপীতস্য পিতৃপীতস্য মধুমত উপহূতস্যোপহূতো ভক্ষযামি রুদ্রব-দ্গণস্য সোম দেব তে মতিবিদো মাদ্ধ্যন্দিনস্য সবনস্য ত্রিষ্টুপ্ছন্দস ইন্দ্রপীতস্য নরাশগ্ং সপীতস্য [ ] 17
পিতৃপীতস্য মধুমত উপহূতস্যোপহূতো ভক্ষযাম্যাদিত্যব-দ্গণস্য সোম দেব তে মতিবিদস্তৃতীযস্য সবনস্য জগতীছন্দস ইন্দ্রপীতস্য নরাশগ্ং সপীতস্য পিতৃপীতস্য মধুমত উপহূতস্যোপহূতো ভক্ষযামি ॥ আপ্যাযস্ব সমেতু তে বিশ্বতঃ সোম বৃষ্ণিযম্ । ভবা বাজস্য সঙ্গথে ॥ হিন্ব মে গাত্রা হরিবো গণা-ন্মে মা বিতীতৃষঃ । শিবো মে সপ্তর্ষীনুপ তিষ্ঠস্ব মা মে-ঽবান্নাভিমতি [মা মে-ঽবান্নাভিমতি, গাঃ ।] 18
গাঃ ॥ অপাম সোমমমৃতা অভূমা-ঽদর্শ্ম জ্যোতিরবিদাম দেবান্ । কিমস্মান্ কৃণবদরাতিঃ কিমু ধূর্তিরমৃত মর্ত্যস্য ॥ যন্ম আত্মনো মিন্দা-ঽভূদগ্নিস্ত-ত্পুনরা-ঽহার্জাতবেদা বিচর্ষণিঃ ॥ পুনরগ্নিশ্চক্ষুরদাত্-পুনরিন্দ্রো বৃহস্পতিঃ । পুনর্মে অশ্বিনা যুব-ঞ্চক্ষুরা ধত্তমক্ষ্যোঃ ॥ ইষ্টযজুষস্তে দেব সোম স্তুতস্তোমস্য [ ] 19
শস্তোক্থস্য হরিবত ইন্দ্রপীতস্য মধুমত উপহূতস্যোপহূতো ভক্ষযামি ॥ আপূর্যা-স্স্থা-ঽঽমা পূরযত প্রজযা চ ধনেন চ ॥ এত-ত্তে তত যে চ ত্বামন্বেত-ত্তে পিতামহ প্রপিতামহ যে চ ত্বামন্বত্র পিতরো যথাভাগ-ম্মন্দদ্ধ্ব-ন্নমো বঃ পিতরো রসায নমো বঃ পিতর-শ্শুষ্মায নমো বঃ পিতরো জীবায নমো বঃ পিতর- [নমো বঃ পিতরঃ, স্বধাযৈ] 20
-স্স্বধাযৈ নমো বঃ পিতরো মন্যবে নমো বঃ পিতরো ঘোরায পিতরো নমো বো য এতস্মিন্ ঁলোকেস্থ যুষ্মাগ্স্তে-ঽনু যে-ঽস্মিন্ ঁলোকে মা-ন্তে-ঽনু য এতস্মিন্ ঁলোকে স্থ যূয-ন্তেষাং-বঁসিষ্ঠা ভূযাস্ত যে-ঽস্মিন্ ঁলোকে-ঽহ-ন্তেষাং-বঁসিষ্ঠো ভূযাস-ম্প্রজাপতে ন ত্বদেতান্যন্যো বিশ্বা জাতানি পরিতা বভূব । 21
য-ত্কামাস্তে জুহুমস্তন্নো অস্তু বযগ্গ্ স্যাম পতযো রযীণাম্ ॥ দেবকৃতস্যৈনসো ঽবযজনমসি মনুষ্যকৃতস্যৈনসো ঽবযজনমসি পিতৃকৃতস্যৈনসো ঽবযজনমস্যফ্সু ধৌতস্য সোম দেব তে নৃভিঃ সুতস্যেষ্ট যজুষ-স্স্তুতস্তোমস্য শস্তোক্থস্য যো ভক্ষোঅশ্বসনির্যো গোসনিস্তস্য তে পিতৃভির্ভক্ষ-ঙ্কৃতস্যো-পহূতস্যোপহূতো ভক্ষযামি ॥ 22 ॥

(বিশ্বচর্ষণে - ত্রিষ্টুপ্ছন্দস ইন্দ্রপীতস্য নরাশগ্ং সপীতস্যা - ঽতি -স্তুতস্তোমস্য - জীবায নমো বঃ পিতরো - বভূব - চতুশ্চত্বারিগ্ংশচ্চ) (অ. 5)
মহীনা-ম্পযো-ঽসি বিশ্বেষা-ন্দেবানা-ন্তনূর্-ঋদ্ধ্যাসমদ্য পৃষতীনা-ঙ্গ্রহ-ম্পৃষতীনা-ঙ্গ্রহো-ঽসি বিষ্ণোর্হৃদযমস্যেকমিষ বিষ্ণুস্ত্বা-ঽনু বিচক্রমে ভূতির্দদ্ধ্না ঘৃতেন বর্ধতা-ন্তস্য মেষ্টস্য বীতস্য দ্রবিণমা গম্যাজ্জ্যোতিরসি বৈশ্বানর-ম্পৃশ্ঞিযৈ দুগ্ধং-যাঁবতী দ্যাবাপৃথিবী মহিত্বা যাবচ্চ সপ্ত সিন্ধবো বিতস্থুঃ । তাবন্তমিন্দ্র তে [তাবন্তমিন্দ্র তে, গ্রহগ্ং] 23
গ্রহগ্ং সহোর্জা গৃহ্ণাম্যস্তৃতম্ ॥ য-ত্কৃষ্ণশকুনঃ পৃষদাজ্যমবমৃশেচ্ছূদ্রা অস্য প্রমাযুকা-স্স্যুর্যচ্ছ্বা ঽবমৃশেচ্চতুষ্পাদো-ঽস্য পশবঃ প্রমাযুকা-স্স্যুর্য-থ্স্কন্দে-দ্যজমানঃ প্রমাযুক-স্স্যা-ত্পশবো বৈ পৃষদাজ্য-ম্পশবো বা এতস্য স্কন্দন্তি যস্য পৃষদাজ্যগ্গ্ স্কন্দতি য-ত্পৃষদাজ্য-ম্পুনর্গৃহ্ণাতি পশূনেবাস্মৈ পুনর্গৃহ্ণাতি প্রাণো বৈ পৃষদাজ্য-ম্প্রাণো বা [পৃষদাজ্য-ম্প্রাণো বৈ, এতস্য] 24
এতস্য স্কন্দতি যস্য পৃষদাজ্যগ্গ্ স্কন্দতি য-ত্পৃষদাজ্য-ম্পুনর্গৃহ্ণাতি প্রাণমেবাস্মৈ পুনর্গৃহ্ণাতি হিরণ্যমবধায গৃহ্ণাত্যমৃতং-বৈঁ হিরণ্য-ম্প্রাণঃ পৃষদাজ্যমমৃতমেবাস্য প্রাণে দধাতি শতমান-ম্ভবতি শতাযুঃ পুরুষ-শ্শতেন্দ্রিয আযুষ্যেবেন্দ্রিযে প্রতিতিষ্ঠত্যশ্বমব ঘ্রাপযতি প্রাজাপত্যো বা অশ্বঃ প্রাজাপত্যঃ প্রাণ-স্স্বাদেবাস্মৈ যোনেঃ প্রাণ-ন্নির্মিমীতে বি বা এতস্য যজ্ঞশ্ছিদ্যতে যস্য পৃষদাজ্যগ্গ্ স্কন্দতি বৈষ্ণব্যর্চা পুনর্গৃহ্ণাতি যজ্ঞো বৈ বিষ্ণুর্যজ্ঞেনৈব যজ্ঞগ্ং স-ন্তনোতি ॥ 25 ॥

(তে - পৃষদাজ্য-ম্প্রাণো বৈ - যোনেঃ প্রাণং - দ্বাবিগ্ংশতিশ্চ) (অ. 6)
দেব সবিতরেত-ত্তে প্রা-ঽঽহ ত-ত্প্র চ সুব প্র চ যজ বৃহস্পতির্ব্রহ্মা ঽঽযুষ্মত্যা ঋচো মা গাত তনূপা-থ্সাম্নঃ সত্যা ব আশিষঃ সন্তু সত্যা আকূতয ঋত-ঞ্চ সত্য-ঞ্চ বদত স্তুত দেবস্য সবিতুঃ প্রসবে স্তুতস্য স্তুতমস্যূর্জ-ম্মহ্যগ্গ্ স্তুত-ন্দুহামা মা স্তুতস্য স্তুত-ঙ্গম্যাচ্ছস্ত্রস্য শস্ত্র- [শস্ত্রম্, অস্যূর্জ-ম্মহ্যগ্ং] 26
-মস্যূর্জ-ম্মহ্যগ্ং শস্ত্র-ন্দুহামা মা শস্ত্রস্য শস্ত্র-ঙ্গম্যা-দিন্দ্রিযাবন্তো বনামহে ধুক্ষীমহি প্রজামিষম্ ॥ সা মে সত্যা-ঽঽশীর্দেবেষু ভূযা-দ্ব্রহ্মবর্চস-ম্মা-ঽঽ গম্যাত্ ॥ যজ্ঞো বভূব স আ বভূব সপ্রজজ্ঞে স বাবৃধে । স দেবানামধি-পতির্বভূব সো অস্মাগ্ং অধিপতীন্ করোতু বযগ্গ্ স্যাম পতযো রযীণাম্ ॥ যজ্ঞো বা বৈ [ ] 27
যজ্ঞপতি-ন্দুহে যজ্ঞপতির্বা যজ্ঞ-ন্দুহে স য-স্স্তুতশস্ত্রযোর্দোহম বিদ্বান্. যজতে তং-যঁজ্ঞো দুহে স ইষ্ট্বা পাপীযা-ন্ভবতি য এনযোর্দোহং-বিঁদ্বান্. যজতে স যজ্ঞ-ন্দুহে স ইষ্ট্বা বসীযা-ন্ভবতি স্তুতস্য স্তুতমস্যূর্জ-ম্মহ্যগ্গ্ স্তুত-ন্দুহামা মা স্তুতস্য স্তুত-ঙ্গম্যাচ্ছস্ত্রস্য শস্ত্রমস্যূর্জ-ম্মহ্যগ্ং শস্ত্র-ন্দুহা মা মা শস্ত্রস্য শস্ত্র-ঙ্গম্যাদিত্যাহৈষ বৈ স্তুতশস্ত্রযোর্দোহস্তং-যঁ এবং-বিঁদ্বান্. যজতে দুহ এব যজ্ঞমিষ্ট্বা বসীযা-ন্ভবতি ॥ 28 ॥

(শস্ত্রং - ঁবৈ - শস্ত্রন্দুহাং - দ্বাবিগ্ংশতিশ্চ) (অ. 7)
শ্যেনায পত্বনে স্বাহা বট্থ্স্বযমভিগূর্তায নমো বিষ্টম্ভায ধর্মণে স্বাহা বট্থ্স্বযমভিগূর্তায নমঃ পরিধযে জনপ্রথনায স্বাহা বট্থ্স্বযমভিগূর্তায নম ঊর্জে হোত্রাণাগ্ স্বাহা বট্থ্স্বযমভিগূর্তায নমঃ পযসে হোত্রাণাগ্ স্বাহা বট্থ্স্বযমভিগূর্তায নমঃ প্রজাপতযে মনবে স্বাহা বট্থ্স্বযমভিগূর্তায নম ঋতমৃতপা-স্সুবর্বাট্থ্স্বাহা বট্থ্স্বযমভিগূর্তায নমস্তৃম্পন্তাগ্ং হোত্রা মধোর্ঘৃতস্য যজ্ঞপতিমৃষয এনসা- [এনসা, আহুঃ ।] 29
-ঽঽহুঃ । প্রজা নির্ভক্তা অনুতপ্যমানা মধব্যৌ স্তোকাবপ তৌ ররাধ ॥ স-ন্নস্তাভ্যাগ্ং সৃজতুবিশ্বকর্মা ঘোরা ঋষযো নমো অস্ত্বেভ্যঃ । চক্ষুষ এষা-ম্মনসশ্চ সন্ধৌ বৃহস্পতযে মহি ষ-দ্দ্যুমন্নমঃ ॥ নমো বিশ্বকর্মণে স উ পাত্বস্মাননন্যান্-থ্সোমপা-ন্মন্যমানঃ । প্রাণস্য বিদ্বান্-থ্সমরে ন ধীর এনশ্চকৃবা-ন্মহি বদ্ধ এষাম্ ॥ তং-বিঁশ্বকর্ম- [তং-বিঁশ্বকর্মন্ন্, প্র মুঞ্চা স্বস্তযে] 30
-ন্প্র মুঞ্চা স্বস্তযে যে ভক্ষযন্তো ন বসূন্যানৃহুঃ । যানগ্নযো-ঽন্বতপ্যন্ত ধিষ্ণিযা ইয-ন্তেষামবযা দুরিষ্ট্যৈ স্বিষ্টি-ন্নস্তা-ঙ্কৃণোতু বিশ্বকর্মা ॥ নমঃ পিতৃভ্যো অভি যে নো অখ্যন্. যজ্ঞকৃতো যজ্ঞকামা-স্সুদেবা অকামা বো দক্ষিণা-ন্ন নীনিম মা নস্তস্মা দেনসঃ পাপযিষ্ট । যাবন্তো বৈ সদস্যাস্তে সর্বে দক্ষিণ্যাস্তেভ্যো যো দক্ষিণা-ন্ন [ ] 31
নযেদৈভ্যো বৃশ্চ্যেত য-দ্বৈশ্বকর্মণানি জুহোতি সদস্যানেব ত-ত্প্রীণাত্যস্মে দেবাসো বপুষে চিকিথ্সত যমাশিরা দম্পতী বামমশ্ঞুতঃ । পুমা-ন্পুত্রো জাযতে বিন্দতে বস্বথ বিশ্বে অরপা এধতে গৃহঃ ॥ আশীর্দাযা দম্পতী বামমশ্ঞুতামরিষ্টো রাযঃ সচতাগ্ং সমোকসা । য আ-ঽসিচ-থ্স-ন্দুগ্ধ-ঙ্কুম্ভ্যা সহেষ্টেন যামন্নমতি-ঞ্জহাতু সঃ ॥ সর্পির্গ্রীবী [ ] 32
পীবর্যস্য জাযা পীবানঃ পুত্রা অকৃশাসো অস্য । সহজানির্য-স্সুমখস্যমান ইন্দ্রাযা-ঽঽশিরগ্ং সহ কুম্ভ্যা-ঽদাত্ ॥ আশীর্ম ঊর্জমুত সুপ্রজাস্ত্বমিষ-ন্দধাতু দ্রবিণগ্ং সবর্চসম্ । স-ঞ্জযন্ ক্ষেত্রাণি সহসা-ঽহমিন্দ্র কৃণ্বানো অন্যাগ্ং অধরান্থ্সপত্নান্ ॥ ভূতমসি ভূতে মা ধা মুখমসি মুখ-ম্ভূযাস-ন্দ্যাবাপৃথিবীভ্যা-ন্ত্বা পরিগৃহ্ণামি বিশ্বে ত্বা দেবা বৈশ্বানরাঃ [বৈশ্বানরাঃ, প্রচ্যাবযন্তু] 33
প্রচ্যাবযন্তু দিবি দেবা-ন্দৃগ্ংহান্তরিক্ষে বযাগ্ংসি পৃথিব্যা-ম্পার্থিবা-ন্ধ্রুব-ন্ধ্রুবেণ হবিষা-ঽব সোম-ন্নযামসি । যথা ন-স্সর্বমিজ্জগদযক্ষ্মগ্ং সুমনা অসত্ । যথা ন ইন্দ্র ইদ্বিশঃ কেবলী-স্সর্বা-স্সমনসঃ করত্ । যথা ন-স্সর্বা ইদ্দিশো-ঽস্মাক-ঙ্কেবলীরসন্ন্ ॥ 34 ॥

(এনসা - বিশ্বকর্মন্ - যো দক্ষিণা-ন্ন - সর্পির্গ্রীবী - বৈশ্বনরা - শ্চত্বারিগ্ংশচ্চ) (অ. 8)
যদ্বৈ হোতা-ঽদ্ধ্বর্যুমভ্যাহ্বযতে বজ্রমেনমভি প্রবর্তযত্যুক্থশা ইত্যাহ প্রাতস্সবন-ম্প্রতিগীর্য ত্রীণ্যেতান্যক্ষরাণি ত্রিপদা গাযত্রী গাযত্র-ম্প্রাতস্সবন-ঙ্গাযত্রিযৈব প্রাতস্সবনে বজ্রমন্তর্ধত্ত উক্থং-বাঁচীত্যাহ মাদ্ধ্যদিন্নগ্ং সবন-ম্প্রতিগীর্য চত্বার্যেতান্য-ক্ষরাণি চতুষ্পদা ত্রিষ্টু-প্ত্রৈষ্টুভ-ম্মাদ্ধ্যদিন্নগ্ং সবন-ন্ত্রিষ্টুভৈব মাদ্ধ্যন্দিনে সবনে বজ্রমন্তর্ধত্ত [বজ্রমন্তর্ধত্তে, উক্থং-বাঁচীন্দ্রাযেত্যাহ] 35
উক্থং-বাঁচীন্দ্রাযেত্যাহ তৃতীযসবন-ম্প্রতিগীর্য সপ্তৈতান্যক্ষরাণি সপ্তপদা শক্বরী শাক্বরো বজ্রো বজ্রেণৈব তৃতীযসবনে বজ্রমন্তর্ধত্তে ব্রহ্মবাদিনো বদন্তি স ত্বা অদ্ধ্বর্যু-স্স্যাদ্যো যথাসবন-ম্প্রতিগরে ছন্দাগ্ংসি সম্পাদযে-ত্তেজঃ প্রাত-স্সবন আত্ম-ন্দধীতেন্দ্রিয-ম্মাদ্ধ্যন্দিনে সবনে পশূগ্ স্তৃতীযসবন ইত্যুক্থশা ইত্যাহ প্রাতস্সবন-ম্প্রতিগীর্য ত্রীণ্যেতান্যক্ষরাণি [ ] 36
ত্রিপদা গাযত্রী গাযত্র-ম্প্রাতস্সবন-ম্প্রাতস্সবন এব প্রতিগরে ছন্দাগ্ংসি সম্পাদযত্যথো তেজো বৈ গাযত্রী তেজঃ প্রাত-স্সবন-ন্তেজ এব প্রাতস্সবন আত্ম-ন্ধত্ত উক্থং-বাঁচীত্যাহ মাদ্ধ্যন্দিনগ্ং সবন-ম্প্রতিগীর্য চত্বার্যেতান্যক্ষরাণি চতুষ্পদা ত্রিষ্টু-প্ত্রৈষ্টুভ-ম্মাদ্ধ্যন্দিনগ্ং সবন-ম্মাদ্ধ্যদিন্ন এব সবনে প্রতিগরে ছন্দাগ্ংসি সম্পাদযত্যথো ইন্দ্রিযং-বৈঁ ত্রিষ্টুগিন্দ্রিয-ম্মাদ্ধ্যদিন্নগ্ং সবন- [সবনম্, ইন্দ্রিযমেব] 37
-মিন্দ্রিযমেব মাদ্ধ্যন্দিনে সবন আত্ম-ন্ধত্ত উক্থং-বাঁচীন্দ্রাযেত্যাহ তৃতীযসবন-ম্প্রতিগীর্য সপ্তৈতান্যক্ষরাণি সপ্তপদা শক্বরী শাক্বরাঃ পশবো জাগত-ন্তৃতীযসবন-ন্তৃতীযসবন এব প্রতিগরে ছন্দাগ্ংসি সম্পাদযত্যথো পশবো বৈ জগতী পশবস্তৃতীযসবন-ম্পশূনেব তৃতীযসবন আত্ম-ন্ধত্তে যদ্বৈ হোতা-ঽদ্ধ্বর্যুমভ্যাহ্বযত আব্যমস্মি-ন্দধাতি তদ্যন্না- [তদ্যন্ন, অপহনীত পুরা-ঽস্য] 38
-ঽপহনীত পুরা-ঽস্য সংবঁথ্সরা-দ্গৃহ আ বেবীরঞ্ছোগ্ংসা মোদ ইবেতি প্রত্যাহ্বযতে তেনৈব তদপ হতে যথা বা আযতা-ম্প্রতীক্ষত এবমদ্ধ্বর্যুঃ প্রতিগর-ম্প্রতীক্ষতে যদভি প্রতিগৃণীযাদ্যথা ঽঽযতযা সমৃচ্ছতে তাদৃগেব তদ্যদর্ধর্চাল্লুপ্যেত যথা ধাবদ্ভ্যো হীযতে তাদৃগেব ত-ত্প্রবাহুগ্বা ঋত্বিজামুদ্গীথা উদ্গীথ এবো-দ্গাতৃণা- [এবো-দ্গাতৃণাম্, ঋচঃ প্রণব] 39
-মৃচঃ প্রণব উক্থশগ্ংসিনা-ম্প্রতিগরো-ঽদ্ধ্বর্যূণাং-যঁ এবং-বিঁদ্বা-ন্প্রতিগৃণাত্যন্নাদ এব ভবত্যা-ঽস্য প্রজাযাং-বাঁজী জাযত ইযং-বৈঁ হোতা-ঽসাবদ্ধ্বর্যুর্যদাসীন-শ্শগ্ং সত্যস্যা এব তদ্ধোতা নৈত্যাস্ত ইব হীযমথো ইমামেব তেন যজমানো দুহে য-ত্তিষ্ঠ-ন্প্রতিগৃণাত্যমুষ্যা এব তদদ্ধ্বর্যুর্নৈতি [তদদ্ধ্বর্যুর্নৈতি, তিষ্ঠতীব হ্যসাবথো] 40
তিষ্ঠতীব হ্যসাবথো অমূমেব তেন যজমানো দুহে যদাসীন-শ্শগ্ংসতি তস্মাদিতঃ প্রদান-ন্দেবা উপ জীবন্তি য-ত্তিষ্ঠ-ন্প্রতিগৃণাতি তস্মাদমুতঃ প্রদান-ম্মনুষ্যা উপ জীবন্তি য-ত্প্রাংআসীন-শ্শগ্ংসতি প্রত্য-ন্তিষ্ঠ-ন্প্রতিগৃণাতি তস্মা-ত্প্রাচীনগ্ং রেতো ধীযতে প্রতীচীঃ প্রজা জাযন্তে যদ্বৈ হোতা-ঽদ্ধ্বর্যুমভ্যাহ্বযতে বজ্রমেনমভি প্রবর্তযতি পরাংআ বর্ততে বজ্রমেব তন্নি করোতি ॥ 41 ॥

(সবনে বজ্রমন্তর্ধত্তে - ত্রীণ্যেতান্যক্ষরাণী - ন্দ্রিয-ম্মাধ্যন্দিনগ্ং সবনং - নো - দ্গাতৃণা - মধ্বর্যুর্নৈতি - বর্তযত্য - ষ্টৌ চ) (অ. 9)
উপযামগৃহীতো-ঽসি বাক্ষসদসি বাক্পাভ্যা-ন্ত্বা ক্রতুপাভ্যামস্য যজ্ঞস্য ধ্রুবস্যা-ঽদ্ধ্য-ক্ষাভ্যা-ঙ্গৃহ্ণা-ম্যুপযামগৃহীতো-ঽস্যৃতসদসি চক্ষুষ্পাভ্যা-ন্ত্বা ক্রতুপাভ্যামস্য যজ্ঞস্য ধ্রুবস্যা-ঽদ্ধ্যক্ষাভ্যা-ঙ্গৃহ্ণাম্যুপযামগৃহীতো-ঽসি শ্রুতসদসি শ্রোত্রপাভ্যা-ন্ত্বা ক্রতুপাভ্যামস্য যজ্ঞস্য ধ্রুবস্যা-ঽদ্ধ্যক্ষাভ্যা-ঙ্গৃহ্ণামি দেবেভ্যস্ত্বা বিশ্বদেবেভ্যস্ত্বা বিশ্বেভ্যস্ত্বা দেবেভ্যো বিষ্ণবুরুক্রমৈষ তে সোমস্তগ্ং রক্ষস্ব [সোমস্তগ্ং রক্ষস্ব, ত-ন্তে] 42
ত-ন্তে দুশ্চক্ষা মা-ঽব খ্যন্মযি বসুঃ পুরোবসুর্বাক্পা বাচ-ম্মে পাহি মযি বসুর্বিদদ্বসুশ্চক্ষুষ্পাশ্চক্ষু-র্মে পাহি মযি বসুঃ সংযঁদ্বসু-শ্শ্রোত্রপা-শ্শ্রোত্র-ম্মে পাহি ভূরসি শ্রেষ্ঠো রশ্মীনা-ম্প্রাণপাঃ প্রাণ-ম্মে পাহি ধূরসি শ্রেষ্ঠো রশ্মীনামপানপা অপান-ম্মে পাহি যো ন ইন্দ্রবাযূ মিত্রাবরুণা-বশ্বিনাবভিদাসতি ভ্রাতৃব্য উত্পিপীতে শুভস্পতী ইদমহ-ন্তমধর-ম্পাদযামি যথেন্দ্রা-ঽহমুত্তমশ্চেতযানি ॥ 43 ॥

(রক্ষস্ব - ভ্র্রাতৃব্য - স্ত্রযোদশ চ) (অ. 10)
প্র সো অগ্নে তবোতিভিঃ সুবীরাভিস্তরতি বাজকর্মভিঃ । যস্য ত্বগ্ং সখ্যমাবিথ ॥ প্র হোত্রে পূর্ব্যং-বঁচো-ঽগ্নযে ভরতা বৃহত্ । বিপা-ঞ্জ্যোতীগ্ংষি বিভ্রতে ন বেধসে ॥ অগ্নে ত্রী তে বাজিনা ত্রী ষধস্থা তিস্রস্তে জিহ্বা ঋতজাত পূর্বীঃ । তিস্র উ তে তনুবো দেববাতাস্তাভির্নঃ পাহি গিরো অপ্রযুচ্ছন্ন্ ॥ সং-বাঁ-ঙ্কর্মণা সমিষা [সমিষা, হিনোমীন্দ্রা-বিষ্ণূ] 44
হিনোমীন্দ্রা-বিষ্ণূ অপসস্পারে অস্য । জুষেথাং-যঁজ্ঞ-ন্দ্রবিণ-ঞ্চ ধত্তমরিষ্টৈর্নঃ পথিভিঃ পারযন্তা ॥ উভা জিগ্যথুর্ন পরা জযেথে ন পরা জিগ্যে কতরশ্চনৈনোঃ । ইন্দ্রশ্চ বিষ্ণো যদপস্পৃধেথা-ন্ত্রেধা সহস্রং-বিঁ তদৈরযেথাম্ ॥ ত্রীণ্যাযূগ্ংষি তব জাতবেদস্তিস্র আজানীরুষসস্তে অগ্নে । তাভির্দেবানামবো যক্ষি বিদ্বানথা [বিদ্বানথ, ভব যজমানায শংযোঁঃ ।] 45
-ভব যজমানায শংযোঁঃ ॥ অগ্নিস্ত্রীণি ত্রিধাতূন্যা ক্ষেতি বিদথা কবিঃ । স ত্রীগ্ংরেকাদশাগ্ং ইহ ॥ যক্ষচ্চ পিপ্রযচ্চ নো বিপ্রো দূতঃ পরিষ্কৃতঃ । নভন্তামন্যকে সমে ॥ ইন্দ্রাবিষ্ণূ দৃগ্ংহিতা-শ্শম্বরস্য নব পুরো নবতি-ঞ্চ- শ্ঞথিষ্টম্ । শতং-বঁর্চিনঃ সহস্র-ঞ্চ সাকগ্ং হথো অপ্রত্যসুরস্য বীরান্ ॥ উত মাতা মহিষ মন্ববেনদমী ত্বা জহতি পুত্র দেবাঃ । অথাব্রবী-দ্বৃত্রমিন্দ্রো হনিষ্যন্-থ্সখে বিষ্ণো বিতরং-বিঁক্রমস্ব ॥ 46 ॥