3.3 - অগ্নে তেজস্বিন্তেজস্বী - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযা-ন্তৃতীযকাণ্ডে তৃতীযঃ প্রশ্নঃ - বৈকৃতবিধীনামভিধানং
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
অগ্নে তেজস্বি-ন্তেজস্বী ত্ব-ন্দেবেষু ভূযাস্তেজস্বন্ত-ম্মামাযুষ্মন্তং-বঁর্চস্বন্ত-ম্মনুষ্যেষু কুরু দীক্ষাযৈ চ ত্বা তপসশ্চ তেজসে জুহোমি তেজোবিদসি তেজো মা মা হাসীন্মা-ঽহ-ন্তেজো হাসিষ-ম্মা মা-ন্তেজো হাসীদিন্দ্রৌজস্বিন্নোজস্বী ত্ব-ন্দেবেষু ভূযা ওজস্বন্ত-ম্মামাযুষ্মন্তং-বঁর্চস্বন্ত-ম্মনুষ্যেষু কুরু ব্রহ্মণশ্চ ত্বা ক্ষত্রস্য চৌ- [ক্ষত্রস্য চ, ওজসে জুহোম্যোজোবি-] 1
-জসে জুহোম্যোজোবি-দস্যোজো মা মা হাসীন্মা-ঽহমোজো হাসিষ-ম্মা মামোজো হাসী-থ্সূর্য ভ্রাজস্বি-ন্ভ্রাজস্বী ত্ব-ন্দেবেষু ভূযা ভ্রাজস্বন্ত-ম্মামাযুষ্মন্তং-বঁর্চস্বন্ত-ম্মনুষ্যেষু কুরু বাযোশ্চ ত্বা-ঽপাঞ্চ ভ্রাজসে জুহোমিসুবর্বিদসি সুবর্মা মা হাসীন্মা-ঽহগ্ং সুবর্হাসিষ-ম্মা মাগ্ং সুবর্হাসী-ন্মযি মেধা-ম্মযি প্রজা-ম্ময্যগ্নিস্তেজো দধাতু মযি মেধা-ম্মযি প্রজা-ম্মযীন্দ্র ইন্দ্রিয-ন্দধাতু মযি মেধা-ম্মযি প্রজা-ম্মযি সূর্যো ভ্রাজো দধাতু ॥ 2 ॥

(ক্ষত্রস্য চ - মযি - ত্রযোবিগ্ংশতিশ্চ) (অ. 1)
বাযুর্হিকংর্তা-ঽগ্নিঃ প্রস্তোতা প্রজাপতি-স্সাম বৃহস্পতিরুদ্গাতা বিশ্বে দেবা উপগাতারো মরুতঃ প্রতিহর্তার ইন্দ্রো নিধনন্তে দেবাঃ প্রাণভৃতঃ প্রাণ-ম্মযি দধত্বেতদ্বৈ সর্বমদ্ধ্বর্যু-রুপাকুর্বন্নুদ্গাতৃভ্য উপাকরোতি তে দেবাঃ প্রাণভৃতঃ প্রাণ-ম্মযি দধত্বিত্যাহৈতদেব সবর্মাত্ম-ন্ধত্ত ইডা দেবহূ র্মনু-র্যজ্ঞনী-র্বৃহস্পতিরুক্থামদানি শগ্ংসিষ-দ্বিশ্বে দেবা- [দেবাঃ, সূক্তবাচঃ পৃথিবি] 3
-স্সূক্তবাচঃ পৃথিবি মাতর্মা মাহিগ্ংসী র্মধু মনিষ্যে মধু জনিষ্যে মধুবক্ষ্যামি মধুবদিষ্যামি মধুমতী-ন্দেবেভ্যো বাচমুদ্যাসগ্ং শুশ্রূষেণ্যা-ম্মনুষ্যেভ্যস্ত-ম্মা দেবা অবন্তু শোভাযৈ পিতরো-ঽনু মদন্তু ॥ 4 ॥

(শগ্ংসিষ-দ্বিশ্বে দেবা - অষ্টাবিগ্ংশতিশ্চ) (অ. 2)
বসবস্ত্বা প্রবহন্তু গাযত্রেণ ছন্দসা-ঽগ্নেঃ প্রিয-ম্পাথ উপেহি রুদ্রাস্ত্বা প্রবৃহন্তু ত্রৈষ্টুভেন ছন্দসেন্দ্রস্য প্রিয-ম্পাথ উপেহ্যাদিত্যাস্ত্বা প্রবৃহন্তু জাগতেন ছন্দসা বিশ্বেষা-ন্দেবানা-ম্প্রিয-ম্পাথ উপেহি মান্দাসু তে শুক্র শুক্রমা ধূনোমি ভন্দনাসু কোতনাসু নূতনাসু রেশীষু মেষীষু বাশীষু বিশ্বভৃথ্সু মাদ্ধ্বীষু ককুহাসু শক্বরীষু [ ] 5
শুক্রাসু তে শুক্র শুক্রমা ধূনোমি শুক্র-ন্তে শুক্রেণ গৃহ্ণাম্যহ্নো রূপেণ সূর্যস্য রশ্মিভিঃ ॥ আ-ঽস্মিন্নুগ্রা অচুচ্যবুর্দিবো ধারা অসশ্চত ॥ ককুহগ্ং রূপং-বৃঁষভস্য রোচতে বৃহ-থ্সোম-স্সোমস্য পুরোগা-শ্শুক্র-শ্শুক্রস্য পুরোগাঃ ॥ য-ত্তে সোমাদাভ্য-ন্নাম জাগৃবি তস্মৈ তে সোম সোমায স্বাহোশি-ক্ত্ব-ন্দেব সোম গাযত্রেণ ছন্দসা-ঽগ্নেঃ [ছন্দসা-ঽগ্নেঃ, প্রিয-ম্পাথো] 6
প্রিয-ম্পাথো অপীহি বশী ত্ব-ন্দেব সোম ত্রৈষ্টুভেন ছন্দসেন্দ্রস্য প্রিয-ম্পাথো অপীহ্যস্মথ্সখা ত্ব-ন্দেব সোম জাগতেন ছন্দসা বিশ্বেষা-ন্দেবানা-ম্প্রিয-ম্পাথো অপীহ্যা নঃ প্রাণ এতু পরাবত আ-ঽন্তরিক্ষাদ্দিবস্পরি । আযুঃ পৃথিব্যা অদ্ধ্যমৃতমসি প্রাণায ত্বা ॥ ইন্দ্রাগ্নী মে বর্চঃ কৃণুতাং-বঁর্চ-স্সোমো বৃহস্পতিঃ । বর্চো মে বিশ্বেদেবা বর্চো মে ধত্তমশ্বিনা ॥ দধন্বে বা যদীমনু বোচদ্ব্রহ্মাণি বেরু তত্ । পরি বিশ্বানি কাব্যা নেমিশ্চক্রমিবা ভবত্ ॥ 7 ॥

(শক্বরীষ্ব - গ্নে - র্বৃহস্পতিঃ - পঞ্চবিগ্ংশতিশ্চ) (অ. 3)
এতদ্বা অপা-ন্নামধেয-ঙ্গুহ্যং-যঁদাধাবা মান্দাসু তে শুক্র শুক্রমা ধূনোমীত্যাহাপামেব নামধেযেন গুহ্যেন দিবো বৃষ্টিমব রুন্ধে শুক্র-ন্তে শুক্রেণ গৃহ্ণামীত্যাহৈতদ্বা অহ্নো রূপং-যঁদ্রাত্রি-স্সূর্যস্য রশ্মযো বৃষ্ট্যা ঈশতে-ঽহ্ন এব রূপেণ সূর্যস্য রশ্মিভির্দিবো বৃষ্টি-ঞ্চ্যাবযত্যা-ঽস্মিন্নুগ্রা [-ঽস্মিন্নুগ্রাঃ, অচুচ্যবুরিত্যাহ] 8
অচুচ্যবুরিত্যাহ যথাযজুরেবৈত-ত্ককুহগ্ং রূপং-বৃঁষভস্য রোচতে বৃহদিত্যাহৈতদ্বা অস্য ককুহগ্ং রূপং-যঁ-দ্বৃষ্টী রূপেণৈব বৃষ্টিমব রুন্ধে যত্তে সোমাদাভ্য-ন্নাম জাগৃবীত্যাহৈষ হ বৈ হবিষা হবির্যজতি যো-ঽদাভ্য-ঙ্গৃহীত্বা সোমায জুহোতিপরা বা এতস্যা-ঽঽযুঃ প্রাণ এতি [প্রাণ এতি, যো-ঽগ্ংশু-] 9
যো-ঽগ্ংশু-ঙ্গৃহ্ণাত্যা নঃ প্রাণ এতু পরাবত ইত্যাহা-ঽঽযুরেব প্রাণমাত্ম-ন্ধত্তে ঽমৃতমসি প্রাণায ত্বেতি হিরণ্যমভি ব্যনিত্যমৃতং-বৈঁ হিরণ্যমাযুঃ প্রাণো-ঽমৃতেনৈবা-ঽঽযুরাত্ম-ন্ধত্তে শতমান-ম্ভবতি শতাযুঃ পুরুষ-শ্শতেন্দ্রিয আযুষ্যেবেন্দ্রিযে প্রতিতিষ্ঠত্যপ উপ স্পৃশতি ভেষজং-বাঁ আপো ভেষজমেব কুরুতে ॥ 10 ॥

(উগ্রা - এত্যা - প - স্ত্রীণি চ) (অ. 4)
বাযুরসি প্রাণো নাম সবিতুরাধিপত্যে-ঽপান-ম্মে দাশ্চক্ষুরসি শ্রোত্র-ন্নাম ধাতুরাধিপত্য আযুর্মে দা রূপমসি বর্ণো নাম বৃহস্পতেরাধিপত্যে প্রজা-ম্মে দা ঋতমসি সত্য-ন্নামেন্দ্রস্যা-ঽঽধিপত্যে ক্ষত্র-ম্মে দা ভূতমসি ভব্য-ন্নাম পিতৃণামাধিপত্যে-ঽপা-মোষধীনা-ঙ্গর্ভ-ন্ধা ঋতস্য ত্বা ব্যোমন ঋতস্য [ ] 11
ত্বা বিভূমন ঋতস্য ত্বা বিধর্মণ ঋতস্য ত্বা সত্যাযর্তস্য ত্বা জ্যোতিষে প্রজাপতি র্বিরাজমপশ্য-ত্তযা ভূত-ঞ্চ ভব্য-ঞ্চা সৃজত তামৃষিভ্যস্তিরো-ঽদধা-ত্তা-ঞ্জমদগ্নিস্তপসা-ঽ পশ্য-ত্তযা বৈ স পৃশ্ঞীন্ কামানসৃজত ত-ত্পৃশ্ঞীনা-ম্পৃশ্ঞিত্বং-যঁ-ত্পৃশ্ঞযো গৃহ্যন্তে পৃশ্ঞীনেব তৈঃ কামান্. যজমানো-ঽব রুন্ধে বাযুরসি প্রাণো [বাযুরসি প্রাণঃ, নামেত্যাহ] 12
নামেত্যাহ প্রাণাপানাবেবাব রুন্ধে চক্ষুরসি শ্রোত্র-ন্নামেত্যাহা-ঽঽযুরেবাব রুন্ধে রূপমসি বর্ণো নামেত্যাহ প্রজামেবাব রুন্ধঋতমসি সত্য-ন্নামেত্যাহ ক্ষত্রমেবাব রুন্ধে ভূতমসি ভব্য-ন্নামেত্যাহ পশবো বা অপামোষধীনা-ঙ্গর্ভঃ পশূনেবা- [পশূনেব, অব রুন্ধ] 13
-ব রুন্ধ এতাবদ্বৈ পুরুষ-ম্পরিতস্তদেবাব রুন্ধ ঋতস্য ত্বা ব্যোমন ইত্যাহেযং-বাঁ ঋতস্য ব্যোমেমামেবাভি জযত্যৃতস্য ত্বা বিভূমন ইত্যাহা-ঽন্তরিক্ষং-বাঁ ঋতস্য বিভূমান্তরিক্ষমেবাভি জযত্যৃতস্য ত্বা বিধর্মণ ইত্যাহ দ্যৌর্বা ঋতস্য বিধর্ম দিবমেবাভি জযত্যৃতস্য [জযত্যৃতস্য, ত্বা সত্যাযেত্যাহ] 14
ত্বা সত্যাযেত্যাহ দিশো বা ঋতস্য সত্য-ন্দিশ এবাভি জযত্যৃতস্য ত্বা জ্যোতিষ ইত্যাহ সুবর্গো বৈ লোক ঋতস্য জ্যোতিঃ সুবর্গমেব লোকমভি জযত্যেতাবন্তো বৈ দেবলোকাস্তানেবাভি জযতি দশ সম্পদ্যন্তে দশাক্ষরা বিরাডন্নং-বিঁরা-ড্বিরাজ্যেবান্নাদ্যে প্রতিতিষ্ঠতি ॥ 15 ॥

(ব্যোমন ঋতস্য - প্রাণঃ - পশুনেব - বিধর্ম দিবমেবাভি জযত্যৃতস্য -ষট্চত্বারিগ্ংশচ্চ) (অ. 5)
দেবা বৈ য-দ্যজ্ঞেন নাবারুন্ধত ত-ত্পরৈরবারুন্ধত ত-ত্পরাণা-ম্পরত্বং-যঁ-ত্পরে গৃহ্যন্তে যদেব যজ্ঞেননাবরুন্ধে তস্যাবরুদ্ধ্যৈ য-ম্প্রথম-ঙ্গৃহ্ণাতীমমেব তেন লোকমভি জযতিয-ন্দ্বিতীযমন্তরিক্ষ-ন্তেন য-ন্তৃতীযমমুমেব তেন লোকমভি জযতি যদেতে গৃহ্যন্ত এষাং ঁলোকানা-মভিজিত্যা [-মভিজিত্যা, উত্তরেষ্বহ-] 16
উত্তরেষ্বহঃ স্বমুতো-ঽর্বাঞ্চো গৃহ্যন্তে ঽভিজিত্যৈবেমাং-লোঁকা-ন্পুনরিমং-লোঁক-ম্প্রত্যবরোহন্তি য-ত্পূর্বেষ্বহঃ স্বিতঃ পরাঞ্চো গৃহ্যন্তে তস্মাদিতঃ পরাঞ্চ ইমে লোকা যদুত্তরেষ্বহঃ স্বমুতো-ঽর্বাঞ্চো গৃহ্যন্তে তস্মাদমুতো ঽর্বাঞ্চ ইমে লোকাস্তস্মাদযাতযাম্নো লোকা-ন্মনুষ্যা উপ জীবন্তি ব্রহ্মবাদিনো বদন্তি কস্মা-থ্সত্যাদদ্ভ্য ওষধয-স্স-ম্ভবন্ত্যোষধযো [ওষধয-স্স-ম্ভবন্ত্যোষধযঃ, মনুষ্যাণামন্ন-] 17
মনুষ্যাণামন্ন-ম্প্রজাপতি-ম্প্রজা অনু প্রজাযন্ত ইতি পরানন্বিতি ব্রূযা-দ্য-দ্গৃহ্ণাত্যদ্ভ্যস্ত্বৌষধীভ্যো গৃহ্ণামীতি তস্মাদদ্ভ্য ওষধয-স্সম্ভবন্তি য-দ্গৃহ্ণাত্যোষধীভ্যস্ত্বা প্রজাভ্যো গৃহ্ণামীতি তস্মাদোষধযো মনুষ্যাণামন্নং-যঁ-দ্গৃহ্ণাতি প্রজাভ্যস্ত্বা প্রজাপতযে গৃহ্ণামীতি তস্মা-ত্প্রজাপতি-ম্প্রজা অনু প্রজাযন্তে ॥ 18 ॥

(অভিজিত্যৈ - ভবন্ত্যোষধযো - ঽষ্টা চত্বারিগ্ংশচ্চ) (অ. 6)
প্রজাপতির্দেবাসুরান সৃজত তদনু যজ্ঞো-ঽসৃজ্যত যজ্ঞ-ঞ্ছন্দাগ্ংসি তে বিষ্বঞ্চো ব্যক্রামন্-থ্সো-ঽসুরাননু যজ্ঞো-ঽপাক্রাম-দ্যজ্ঞ-ঞ্ছন্দাগ্ংসি তে দেবা অমন্যন্তামী বা ইদমভূবন্. য-দ্বযগ্গ্ স্ম ইতি তে প্রজাপতিমুপা-ঽধাবন্-থ্সো-ঽব্রবীত্-প্রজাপতিশ্ছন্দসাং-বীঁর্যমাদায তদ্বঃ প্র দাস্যামীতি স ছন্দসাং-বীঁর্য- [ছন্দসাং-বীঁর্যম্, আদায তদেভ্যঃ] 19
-মাদায তদেভ্যঃ প্রাযচ্ছ-ত্তদনু ছন্দাগ্স্যপা-ঽক্রামন্ ছন্দাগ্ংসি যজ্ঞস্ততো দেবা অভব-ন্পরা-ঽসুরা য এব-ঞ্ছন্দসাং-বীঁর্যং-বেঁদা-ঽঽ শ্রাবযা-ঽস্তু শ্রৌষড্ যজ যে যজামহে বষট্কারো ভবত্যাত্মনা পরা-ঽস্য ভ্রাতৃব্যো ভবতি ব্রহ্মবাদিনো বদন্তি কস্মৈ কমদ্ধ্বর্যুরা শ্রাবযতীতি ছন্দসাং-বীঁর্যাযেতি ব্রূযাদে ত-দ্বৈ [ ] 20
ছন্দসাং-বীঁর্যমা শ্রাবযা-ঽস্তু শ্রৌষড্ যজ যে যজামহে বষট্কারো য এবং-বেঁদ সবীর্যৈরেব ছন্দোভিরর্চতি য-ত্কি-ঞ্চার্চতি যদিন্দ্রো বৃত্রমহন্ন-মেদ্ধ্য-ন্ত-দ্য-দ্যতীনপাবপদ-মেদ্ধ্য-ন্তদথ কস্মাদৈন্দ্রো যজ্ঞ আ সগ্গ্স্থাতোরিত্যাহুরিন্দ্রস্য বা এষা যজ্ঞিযা তনূর্য-দ্যজ্ঞস্তামেব ত দ্যজন্তি য এবং-বেঁদোপৈনং-যঁজ্ঞো নমতি ॥ 21 ॥

(ছন্দসাং-বীঁর্যং - ঁবা - এব ত - দষ্টৌ চ) (অ. 7)
আযুর্দা অগ্নে হবিষো জুষাণো ঘৃতপ্রতীকো ঘৃতযোনিরেধি । ঘৃত-ম্পীত্বা মধুচারু গব্য-ম্পিতেবপুত্রমভি রক্ষতাদিমম্ ॥ আ বৃশ্চ্যতে বা এত-দ্যজমানো-ঽগ্নিভ্যাং-যঁদেনযো-শ্শৃত-ঙ্কৃত্যাথা-ঽন্যত্রা-বভৃথমবৈত্যাযুর্দা অগ্নে হবিষো জুষাণ ইত্যবভৃথমবৈষ্যন্ জুহুযাদাহুত্যৈবৈনৌ শমযতি না-ঽঽর্তিমার্চ্ছতি যজমানো য-ত্কুসীদ- [য-ত্কুসীদম্, অপ্রতীত্ত-ম্মযি যেন] 22
-মপ্রতীত্ত-ম্মযি যেন যমস্য বলিনা চরামি । ইহৈব স-ন্নিরবদযে তদেত-ত্তদগ্নে অনৃণো ভবামি । বিশ্বলোপ বিশ্বদাবস্য ত্বা ঽঽসঞ্জুহোম্যগ্ধাদেকো ঽহুতাদেকঃ সমসনাদেকঃ । তেনঃ কৃণ্বন্তু ভেষজগ্ং সদ-স্সহো বরেণ্যম্ ॥ অয-ন্নো নভসা পুর-স্সগ্গ্স্ফানো অভি রক্ষতু । গৃহাণামসমর্ত্যৈ বহবো নো গৃহা অসন্ন্ ॥ স ত্বন্নো [স ত্বন্নঃ, নভসস্পত ঊর্জ-ন্নো] 23
নভসস্পত ঊর্জ-ন্নো ধেহি ভদ্রযা । পুনর্নো নষ্টমা কৃধি পুনর্নো রযিমা কৃধি ॥ দেব সগ্গ্স্ফান সহস্রপোষস্যেশিষে স নো রাস্বা-ঽজ্যানিগ্ং রাযস্পোষগ্ং সুবীর্যগ্ং সংবঁথ্সরীণাগ্ স্বস্তিম্ ॥ অগ্নির্বাব যম ইযং-যঁমী কুসীদং-বাঁ এত-দ্যমস্য যজমান আ দত্তে যদোষধীভির্বেদিগ্গ্ স্তৃণাতি যদনুপৌষ্য প্রযাযা-দ্গ্রীববদ্ধমেন- [-দ্গ্রীববদ্ধমেনম্, অমুষ্মিন্ ঁলোকে] 24
-মমুষ্মিন্ ঁলোকে নেনীযেরন্. য-ত্কুসীদমপ্রতীত্ত-ম্মযীত্যুপৌষতীহৈব সন্. যম-ঙ্কুসীদ-ন্নিরবদাযানৃণ-স্সুবর্গং-লোঁকমেতিযদি মিশ্রমিব চরেদঞ্জলিনা সক্তূ-ন্প্রদাব্যে জুহুযাদেষ বা অগ্নির্বৈশ্বানরো য-ত্প্রদাব্যঃ স এবৈনগ্গ্স্বদযত্যহ্নাং-বিঁধান্যা-মেকাষ্টকাযামপূপ-ঞ্চতুঃ শরাব-ম্পক্ত্বা প্রাতরেতেন কক্ষ-মুপৌষেদ্যদি [-মুপৌষেদ্যদি, দহতি] 25
দহতি পুণ্যসম-ম্ভবতি যদি ন দহতি পাপসমমেতেন হস্ম বা ঋষযঃ পুরা বিজ্ঞানেন দীর্ঘসত্রমুপ যন্তি যো বা উপদ্রষ্টারমুপ-শ্রোতারমনুখ্যাতারং-বিঁদ্বান্. যজতে সমমুষ্মিন্ ঁলোক ইষ্টাপূর্তেন গচ্ছতে-ঽগ্নির্বা উপদ্রষ্টা বাযুরুপশ্রোতা ঽঽদিত্যো-ঽনুখ্যাতা তান্. য এবং-বিঁদ্বান্. যজতে সমমুষ্মিন্ ঁলোক ইষ্টাপূর্তেন গচ্ছতে ঽয-ন্নো নভসা পুর [পুরঃ, ইত্যাহাগ্নির্বৈ] 26
ইত্যাহাগ্নির্বৈ নভসা পুরো-ঽগ্নিমেব তদাহৈতন্মে গোপাযেতি স ত্ব-ন্নো নভসস্পত ইত্যাহ বাযুর্বৈ নভসস্পতির্বাযুমেব তদাহৈতন্মে গোপাযেতি দেব সগ্গ্স্ফানেত্যাহা-ঽসৌ বা আদিত্যো দেব-স্সগ্গ্স্ফান আদিত্যমেব তদাহৈতন্মে গোপাযেতি ॥ 27 ॥

(কুসীদং - ত্ব-ন্ন - এন - মোষেদ্যদি - পুর - আদিত্যমেব তদাহৈতন্মে গোপাযেতি) (অ. 8)
এতং-যুঁবান-ম্পরি বো দদামি তেন ক্রীডন্তীশ্চরত প্রিযেণ । মা নঃ শাপ্ত জনুষা সুভাগা রাযস্পোষেণ সমিষা মদেম ॥ নমো মহিম্ন উত চক্ষুষে তে মরুতা-ম্পিতস্তদহ-ঙ্গৃণামি । অনু মন্যস্ব সুযজা যজাম জুষ্ট-ন্দেবানামিদমস্তু হব্যম্ ॥ দেবানামেষ উপনাহ আসীদপা-ঙ্গর্ভ ওষধীষু ন্যক্তঃ । সোমস্য দ্রফ্সমবৃণীত পূষা [ ] 28
বৃহন্নদ্রিরভব-ত্তদেষাম্ ॥ পিতা বথ্সানা-ম্পতিরঘ্নিযানামথো পিতা মহতা-ঙ্গর্গরাণাম্ । বথ্সো জরাযু প্রতিধু-ক্পীযূষ আমিক্ষা মস্তু ঘৃতমস্য রেতঃ ॥ ত্বা-ঙ্গাবো-ঽবৃণত রাজ্যায ত্বাগ্ং হবন্ত মরুতঃ স্বর্কাঃ । বর্ষ্মন্ ক্ষত্রস্য ককুভি শিশ্রিযাণস্ততো ন উগ্রো বি ভজা বসূনি ॥ ব্যৃদ্ধেন বা এষ পশুনা যজতে যস্যৈতানি ন ক্রিযন্ত এষ হ ত্বৈ সমৃদ্ধেন যজতে যস্যৈতানি ক্রিযন্তে ॥ 29 ॥

(পূষা - ক্রিযন্ত এষো - ঽষ্টৌ চ) (অ. 9)
সূর্যো দেবো দিবিষদ্ভ্যো ধাতা ক্ষত্রায বাযুঃ প্রজাভ্যঃ । বৃহস্পতিস্ত্বা প্রজাপতযে জ্যোতিষ্মতী-ঞ্জুহোতু ॥ যস্যাস্তে হরিতো গর্ভো-ঽথো যোনির্হিরণ্যযী । অঙ্গান্যহ্রুতা যস্যৈ তা-ন্দেবৈ-স্সমজীগমম্ ॥ আ বর্তন বর্তয নি নিবর্তন বর্তযেন্দ্র নর্দবুদ । ভূম্যাশ্চতস্রঃ প্রদিশস্তাভিরা বর্তযা পুনঃ ॥ বি তে ভিনদ্মি তকরীং-বিঁযোনিং-বিঁ গবীন্যৌ । বি [ ] 30
মাতরঞ্চ পুত্র-ঞ্চ বি গর্ভ-ঞ্চ জরাযু চ ॥ বহিস্তে অস্তু বালিতি ॥ উরুদ্রফ্সো বিশ্বরূপ ইন্দুঃ পবমানো ধীর আনঞ্জ গর্ভম্ ॥ একপদী দ্বিপদী ত্রিপদী চতুষ্পদী পঞ্চপদী ষট্পদী সপ্তপদ্যষ্টাপদী ভুবনা-ঽনু প্রথতাগ্ স্বাহা ॥ মহী দ্যৌঃ পৃথিবী চ ন ইমং-যঁজ্ঞ-ম্মিমিক্ষতাম্ । পিপৃতান্নো ভরীমভিঃ ॥ 31 ॥

(গবিন্যৌ বি - চতুশ্চত্বারিগ্ংশচ্চ) (অ. 10)
ইদং-বাঁমাস্যে হবিঃ প্রিযমিন্দ্রাবৃহস্পতী । উক্থ-ম্মদশ্চ শস্যতে ॥ অযং-বাঁ-ম্পরি ষিচ্যতে সোমইন্দ্রাবৃহস্পতী । চারুর্মদায পীতযে ॥ অস্মে ইন্দ্রাবৃহস্পতী রযি-ন্ধত্তগ্ং শতগ্বিনম্ । অশ্বাবন্তগ্ং সহস্রিণম্ ॥ বৃহস্পতির্নঃ পরিপাতু পশ্চাদুতোত্তরস্মাদধরাদঘাযোঃ । ইন্দ্রঃ পুরস্তাদুত মদ্ধ্যতো ন-স্সখা সখিভ্যো বরিবঃ কৃণোতু ॥ বি তে বিষ্বগ্বাতজূতাসো অগ্নে ভামাস- [অগ্নে ভামাসঃ, শুচে শুচযশ্চরন্তি ।] 32
-শ্শুচে শুচযশ্চরন্তি । তুবিম্রক্ষাসো দিব্যা নবগ্বা বনা বনন্তি ধৃষতা রুজন্তঃ ॥ ত্বামগ্নে মানুষীরীডতে বিশো হোত্রাবিদং-বিঁবিচিগ্ং রত্নধাতমম্ । গুহা সন্তগ্ং সুভগ বিশ্বদর্শত-ন্তু বিষ্মণসগ্ং সুযজ-ঙ্ঘৃতশ্রিযম্ ॥ ধাতা দদাতু নো রযিমীশানো জগতস্পতিঃ । স নঃ পূর্ণেন বাবনত্ ॥ ধাতা প্রজাযা উত রায ঈশে ধাতেদং-বিঁশ্ব-ম্ভুবন-ঞ্জজান । ধাতা পুত্রং-যঁজমানায দাতা [দাতা, তস্মা] 33
তস্মা উ হব্য-ঙ্ঘৃতবদ্বিধেম ॥ ধাতা দদাতু নো রযি-ম্প্রাচী-ঞ্জীবাতুমক্ষিতাম্ । বয-ন্দেবস্য ধীমহি সুমতিগ্ং সত্যরাধসঃ ॥ ধাতা দদাতু দাশুষে বসূনি প্রজাকামায মীঢুষে দুরোণে । তস্মৈ দেবা অমৃতা-স্সংব্যঁযন্তাং-বিঁশ্বে দেবাসো অদিতি-স্সজোষাঃ ॥ অনু নো-ঽদ্যা-ঽনুমতির্যজ্ঞ-ন্দেবেষু মন্যতাম্ । অগ্নিশ্চ হব্যবাহনো ভবতা-ন্দাশুষে মযঃ ॥ অন্বিদনুমতে ত্ব- [অন্বিদনুমতে ত্বম্, মন্যাসৈ শঞ্চনঃ কৃধি ।] 34
-ম্মন্যাসৈ শঞ্চনঃ কৃধি । ক্রত্বে দক্ষায নো হিনু প্রণ আযূগ্ংষি তারিষঃ ॥ অনু মন্যতা-মনুমন্যমানা প্রজাবন্তগ্ং রযিমক্ষীযমাণম্ । তস্যৈ বযগ্ং হেডসি মা-ঽপি ভূম সা নো দেবী সুহবা শর্ম যচ্ছতু ॥ যস্যামিদ-ম্প্রদিশি যদ্বিরোচতে-ঽনুমতি-ম্প্রতি ভূষন্ত্যাযবঃ । যস্যা উপস্থ উর্বন্তরিক্ষগ্ং সা নো দেবী সুহবা শর্ম যচ্ছতু ॥ 35 ॥
রাকামহগ্ং সুহবাগ্ং সুষ্টুতী হুবে শৃণোতু ন-স্সুভগা বোধতু ত্মনা । সীব্যত্বপঃ সূচ্যা-ঽচ্ছিদ্যমানযা দদাতু বীরগ্ং শতদাযমুক্থ্যম্ ॥ যাস্তে রাকে সুমতযঃ সুপেশসো যাভির্দদাসি দাশুষে বসূনি । তাভির্নো অদ্য সুমনা উপাগহি সহস্রপোষগ্ং সুভগে ররাণা ॥ সিনীবালি, যা সুপাণিঃ ॥ কুহূমহগ্ং সুভগাং-বিঁদ্মনাপসমস্মিন্. যজ্ঞে সুহবা-ঞ্জোহবীমি । সা নো দদাতু শ্রবণ-ম্পিতৃণা-ন্তস্যাস্তে দেবি হবিষা বিধেম ॥ কুহূ-র্দেবানামমৃতস্য পত্নী হব্যা নো অস্য হবিষশ্চিকেতু । স-ন্দাশুষে কিরতু ভূরি বামগ্ং রাযস্পোষ-ঞ্চিকিতুষে দধাতু ॥ 36 ॥