4.1 - যুঞ্জানঃ প্রথমম্মনঃ - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযা-ঞ্চতুর্থকাণ্ডে প্রথমঃ প্রশ্নঃ- অগ্নিচিত্যঙ্গ মন্ত্রপাঠাভিধানং
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
যুঞ্জানঃ প্রথম-ম্মনস্তত্বায সবিতা ধিযঃ । অগ্নি-ঞ্জ্যোতির্নিচায্য পৃথিব্যা অদ্ধ্যা ঽভরত্ ॥ যুক্ত্বায মনসা দেবান্-থ্সুবর্যতো ধিযা দিবম্ । বৃহজ্জ্যোতিঃ করিষ্যত-স্সবিতা প্রসুবাতি তান্ ॥ যুক্তেন মনসা বয-ন্দেবস্য সবিতু-স্সবে । সুবর্গেযায শক্ত্যৈ ॥ যুঞ্জতে মন উত যুঞ্জতে ধিযো বিপ্রা বিপ্রস্য বৃহতো বিপশ্চিতঃ । বি হোত্রা দধে বযুনা বিদেক ই- [বযুনা বিদেক ইত্, মহী দেবস্য] 1
-ন্মহী দেবস্য সবিতুঃ পরিষ্টুতিঃ ॥ যুজে বা-ম্ব্রহ্ম পূর্ব্য-ন্নমোভির্বি শ্লোকা যন্তি পথ্যেব সূরাঃ । শৃণ্বন্তি বিশ্বে অমৃতস্য পুত্রা আ যে ধামানি দিব্যানি তস্থুঃ ॥ যস্য প্রযাণমন্বন্য ইদ্যযুর্দেবা দেবস্য মহিমানমর্চতঃ । যঃ পার্থিবানি বিমমে স এতশো রজাগ্ংসি দেব-স্সবিতা মহিত্বনা ॥ দেব সবিতঃ প্রসুব যজ্ঞ-ম্প্রসব [ ] 2
যজ্ঞপতি-ম্ভগায দিব্যো গন্ধর্বঃ । কেতপূঃ কেতন্নঃ পুনাতু বাচস্পতির্বাচমদ্য স্বদাতি নঃ ॥ ইম-ন্নো দেব সবিতর্যজ্ঞ-ম্প্রসুব দেবাযুবগ্ং সখিবিদগ্ং সত্রাজিত-ন্ধনজিতগ্ং সুবর্জিতম্ ॥ ঋচা স্তোমগ্ং সমর্ধয গাযত্রেণ রথন্তরম্ । বৃহ-দ্গাযত্রবর্তনি ॥ দেবস্য ত্বা সবিতুঃ প্রসবে ঽশ্বিনোর্বাহুভ্যা-ম্পূষ্ণো হস্তাভ্যা-ঙ্গাযত্রেণ ছন্দসা ঽঽদদে-ঽঙ্গিরস্বদভ্রিরসি নারি- [নারিঃ, অসি পৃথিব্যা-স্সধস্থা-] 3
-রসি পৃথিব্যা-স্সধস্থা-দগ্নি-ম্পুরীষ্যমঙ্গিরস্বদা ভর ত্রৈষ্টুভেন ত্বা ছন্দসা ঽঽদদে-ঽঙ্গিরস্ব-দ্বভ্রিরসি নারিরসি ত্বযা বযগ্ং সধস্থ আগ্নিগ্ং শকেম খনিতু-ম্পুরীষ্য-ঞ্জাগতেন ত্বা ছন্দসা ঽঽদদে-ঽঙ্গিরস্বদ্ধস্ত আধায সবিতা বিভ্রদভ্রিগ্ং হিরণ্যযীম্ । তযা জ্যোতিরজস্র-মিদগ্নি-ঙ্খাত্বী ন আ ভরানুষ্টুভেন ত্বা ছন্দসা ঽঽদদে-ঽঙ্গিরস্বত্ ॥ 4 ॥

(ই--দ্যজ্ঞ-ম্প্রসুব - নারি - রানুষ্টুভেন ত্বা ছন্দসা - ত্রীণি চ) (অ. 1)
ইমামগৃভ্ণ-ন্রশনামৃতস্য পূর্ব আযুষি বিদথেষু কব্যা । তযা দেবা-স্সুতমা বভূবুর্-ঋতস্য সামন্-থ্সরমারপন্তী ॥ প্রতূর্তং-বাঁজিন্না দ্রব বরিষ্ঠামনু সংবঁতম্ । দিবি তে জন্ম পরমমন্তরিক্ষে নাভিঃ পৃথিব্যামধি যোনিঃ ॥ যুঞ্জাথাগ্ং রাসভং-যুঁবমস্মিন্. যামে বৃষণ্বসূ । অগ্নি-ম্ভরন্তমস্মযুম্ ॥ যোগেযোগে তবস্তরং-বাঁজেবাজে হবামহে । সখায ইন্দ্রমতযে ॥ প্রতূর্ব- [প্রতূর্বন্ন্, এহ্যবক্রামন্নশস্তী] 5
-ন্নেহ্যবক্রামন্নশস্তী রুদ্রস্য গাণপত্যা-ন্মযোভূরেহি । উর্বন্তরিক্ষমন্বিহি স্বস্তি গব্যূতিরভযানি কৃণ্বন্ন্ ॥ পূষ্ণা সযুজা সহ । পৃথিব্যা-স্সধস্থাদগ্নি-ম্পুরীষ্য-মঙ্গিরস্ব-দচ্ছেহ্যগ্নি-ম্পুরীষ্য -মঙ্গিরস্বদ-চ্ছেমো-ঽগ্নি-ম্পুরীষ্য-মঙ্গিরস্ব-দ্ভরিষ্যামো-ঽগ্নি-ম্পুরীষ্য-মঙ্গিরস্ব-দ্ভরামঃ ॥ অন্বগ্নিরুষসা-মগ্রমখ্য-দন্বহানি প্রথমো জাতবেদাঃ । অনু সূর্যস্য [সূর্যস্য, পুরুত্রা চ] 6
পুরুত্রা চ রশ্মীননু দ্যাবাপৃথিবী আ ততান ॥ আগত্য বাজ্যদ্ধ্বন-স্সর্বা মৃধো বিধূনুতে । অগ্নিগ্ং সধস্থে মহতি চক্ষুষা নি চিকীষতে ॥ আক্রম্য বাজি-ন্পৃথিবীমগ্নিমিচ্ছ রুচা ত্বম্ । ভূম্যা বৃত্বায নো ব্রূহি যতঃ খনাম তং-বঁযম্ ॥ দ্যৌস্তে পৃষ্ঠ-ম্পৃথিবী সধস্থমাত্মা ঽন্তরিক্ষগ্ং সমুদ্রস্তে যোনিঃ । বিখ্যায চক্ষুষা ত্বমভি তিষ্ঠ [ত্বমভি তিষ্ঠ, পৃতন্যতঃ ।] 7
পৃতন্যতঃ ॥ উত্ক্রাম মহতে সৌভগাযা-স্মাদাস্থানা-দ্দ্রবিণোদা বাজিন্ন্ । বযগ্গ্ স্যাম সুমতৌ পৃথিব্যা অগ্নি-ঙ্খনিষ্যন্ত উপস্থে অস্যাঃ ॥ উদক্রমী-দ্দ্রবিণোদা বাজ্যর্বা-ঽক-স্স লোকগ্ং সুকৃত-ম্পৃথিব্যাঃ । ততঃ খনেম সুপ্রতীকমগ্নিগ্ং সুবো রুহাণা অধি নাক উত্তমে ॥ অপো দেবীরুপ সৃজ মধুমতীরযক্ষ্মায প্রজাভ্যঃ । তাসাগ্ স্থানাদুজ্জিহতা-মোষধয-স্সুপিপ্পলাঃ ॥ জিঘ- [জিঘর্মি, অগ্নি-ম্মনসা] 8
-র্ম্যগ্নি-ম্মনসা ঘৃতেন প্রতিক্ষ্যন্ত-ম্ভুবনানি বিশ্বা । পৃথু-ন্তিরশ্চা বযসা বৃহন্তং-ব্যঁচিষ্ঠমন্নগ্ং রভসং-বিঁদানম্ ॥ আ ত্বা জিঘর্মি বচসা ঘৃতেনা-ঽরক্ষসা মনসা তজ্জুষস্ব । মর্যশ্রী-স্স্পৃহয-দ্বর্ণো অগ্নির্না-ঽভিমৃশে তনুবা জর্হৃষাণঃ ॥ পরি বাজপতিঃ কবিরগ্নির্-হব্যান্যক্রমীত্ । দধ-দ্রত্নানি দাশুষে ॥ পরি ত্বা-ঽগ্নে পুরং-বঁযং-বিঁপ্রগ্ং সহস্য ধীমহি । ধৃষ-দ্বর্ণ-ন্দিবেদিবে ভেত্তার-ম্ভঙ্গুরাবতঃ ॥ ত্বমগ্নে দ্যুভিস্ত্ব-মাশুশুক্ষণিস্ত্ব-মদ্ভ্যস্ত্ব-মশ্মনস্পরি । ত্বং-বঁনেভ্য স্ত্বমোষধীভ্য স্ত্ব-ন্নৃণা-ন্নৃপতে জাযসে শুচিঃ ॥ 9 ॥

(প্রতূর্বন্থ্ - সূর্যস্য - তিষ্ঠ - জিঘর্মি - ভেত্তারং - ঁবিগ্ংশতিশ্চ) (অ. 2)
দেবস্য ত্বা সবিতুঃ প্রসবে-ঽশ্বিনো র্বাহুভ্যা-ম্পূষ্ণো হস্তাভ্যা-ম্পৃথিব্যা-স্সধস্থে-ঽগ্নি-ম্পুরীষ্য-মঙ্গিরস্ব-ত্খনামি ॥ জ্যোতিষ্মন্ত-ন্ত্বা-ঽগ্নে সুপ্রতীকমজস্রেণ ভানুনা দীদ্যানম্ । শিব-ম্প্রজাভ্যো-ঽহিগ্ং সন্ত-ম্পৃথিব্যা-স্সধস্থে-ঽগ্নি-ম্পুরীষ্য -মঙ্গিরস্ব-ত্খনামি ॥ অপা-ম্পৃষ্ঠমসি সপ্রথা উর্বগ্নি-ম্ভরিষ্যদপরাবপিষ্ঠম্ । বর্ধমান-ম্মহ আ চ পুষ্কর-ন্দিবো মাত্রযা বরিণা প্রথস্ব ॥ শর্ম চ স্থো [শর্ম চ স্থঃ, বর্ম চ] 10
বর্ম চ স্থো অচ্ছিদ্রে বহুলে উভে । ব্যচস্বতী সং-বঁসাথা-ম্ভর্তমগ্নি-ম্পুরীষ্যম্ ॥ সংবঁসাথাগ্ং সুবর্বিদা সমীচী উরসা ত্মনা । অগ্নিমন্ত র্ভরিষ্যন্তী জ্যোতিষ্মন্ত মজস্রমিত্ ॥ পুরীষ্যো-ঽসি বিশ্বভরাঃ । অথর্বা ত্বা প্রথমো নিরমন্থদগ্নে ॥ ত্বামগ্নে পুষ্করাদদ্ধ্যথর্বা নিরমন্থত । মূর্ধ্নো বিশ্বস্য বাঘতঃ ॥ তমু ত্বা দদ্ধ্যঙ্ঙৃষিঃ পুত্র ঈধে [পুত্র ঈধে, অথর্বণঃ ।] 11
অথর্বণঃ । বৃত্রহণ-ম্পুরন্দরম্ ॥ তমু ত্বা পাথ্যো বৃষা সমীধে দস্যুহন্তমম্ । ধনঞ্জযগ্ং রণেরণে ॥ সীদ হোত-স্স্ব উ লোকে চিকিত্বান্-থ্সাদযা যজ্ঞগ্ং সুকৃতস্য যোনৌ । দেবাবীর্দেবান্. হবিষা যজাস্যগ্নে বৃহ-দ্যজমানে বযো ধাঃ ॥ নি হোতা হোতৃষদনে বিদানস্ত্বেষো দীদিবাগ্ং অসদ-থ্সুদক্ষঃ । অদব্ধব্রত প্রমতির্বসিষ্ঠ-স্সহস্র-ম্ভর-শ্শুচিজিহ্বো অগ্নিঃ ॥ সগ্ং সীদস্ব মহাগ্ং অসি শোচস্ব [শোচস্ব, দেববীতমঃ ।] 12
দেববীতমঃ । বি ধূমমগ্নে অরুষ-ম্মিযেদ্ধ্য সৃজ প্রশস্ত দর্শতম্ ॥ জনিষ্বা হি জেন্যো অগ্রে অহ্নাগ্ং হিতো হিতেষ্বরুষো বনেষু । দমেদমে সপ্ত রত্না দধানো-ঽগ্নির্হোতা নি ষসাদা যজীযান্ ॥ 13 ॥

(স্থ - ঈধে - শোচস্ব - সপ্তবিগ্ংশতিশ্চ) - (অ. 3)
স-ন্তে বাযুর্মাতরিশ্বা দধাতূত্তানাযৈ হৃদযং-যঁদ্বিলিষ্টম্ । দেবানাং-যঁশ্চরতি প্রাণথেন তস্মৈ চ দেবি বষডস্তু তুভ্যম্ ॥ সুজাতো জ্যোতিষা সহ শর্ম বরূথমা-ঽসদ-স্সুবঃ । বাসো অগ্নে বিশ্বরূপগ্ং সংব্যঁযস্ব বিভাবসো ॥ উদু তিষ্ঠ স্বদ্ধ্বরাবা নো দেব্যা কৃপা । দৃশে চ ভাসা বৃহতা সুশুক্বনিরা-ঽগ্নে যাহি সুশস্তিভিঃ ॥ 14 ॥
ঊর্ধ্ব ঊ ষু ণ ঊতযে তিষ্ঠা দেবো ন সবিতা । ঊর্ধ্বো বাজস্য সনিতা যদঞ্জিভি-র্বাঘদ্ভি-র্বিহ্বযামহে ॥ স জাতো গর্ভো অসি রোদস্যোরগ্নে চারুর্বিভৃত ওষধীষু । চিত্র-শ্শিশুঃ পরি তমাগ্স্যক্তঃ প্র মাতৃভ্যো অধি কনিক্রদদ্গাঃ ॥ স্থিরো ভব বীড্বঙ্গ আশুর্ভব বাজ্যর্বন্ন্ । পৃথুর্ভব সুষদস্ত্বমগ্নেঃ পুরীষবাহনঃ ॥ শিবো ভব [ ] 15
প্রজাভ্যো মানুষীভ্যস্ত্বমঙ্গিরঃ । মা দ্যাবাপৃথিবী অভি শূশুচো মা-ঽন্তরিক্ষ-ম্মা বনস্পতীন্ ॥ প্রৈতু বাজী কনিক্রদ-ন্নানদ-দ্রাসভঃ পত্বা । ভরন্নগ্নি-ম্পুরীষ্য-ম্মা পাদ্যাযুষঃ পুরা ॥ রাসভো বা-ঙ্কনিক্রদ-থ্সুযুক্তো বৃষণা রথে । স বামগ্নি-ম্পুরীষ্যমাশুর্দূতো বহাদিতঃ ॥ বৃষা-ঽগ্নিং-বৃঁষণ-ম্ভরন্নপা-ঙ্গর্ভগ্ং সমুদ্রিযম্ । অগ্ন আ যাহি [ ] 16
বীতয ঋতগ্ং সত্যম্ ॥ ওষধযঃ প্রতি গৃহ্ণীতা-ঽগ্নিমেতগ্ং শিবমাযন্তমভ্যত্র যুষ্মান্ । ব্যস্যন্ বিশ্বা অমতীররাতী-র্নিষীদন্নো অপ দুর্মতিগ্ং হনত্ ॥ ওষধযঃ প্রতি মোদদ্ধ্বমেন-ম্পুষ্পাবতী-স্সুপিপ্পলাঃ । অযং-বোঁ গর্ভ ঋত্বিযঃ প্রত্নগ্ং সধস্থমা ঽসদত্ ॥ 17 ॥

(সুশস্তিভিঃ - শিবো ভব - যাহি - ষট্ত্রিগ্ংশচ্চ) (অ. 4)
বি পাজসা পৃথুনা শোশুচানো বাধস্ব দ্বিষো রক্ষসো অমীবাঃ । সুশর্মণো বৃহত-শ্শর্মণি স্যামগ্নেরহগ্ং সুহবস্য প্রণীতৌ ॥ আপো হি ষ্ঠা মযোভুবস্তা ন ঊর্জে দধাতন । মহে রণায চক্ষসে ॥ যো বঃ শিবতমো রসস্তস্য ভাজযতেহ নঃ । উশতীরিব মাতরঃ ॥ তস্মা অর-ঙ্গমাম বো যস্য ক্ষযায জিন্বথ । আপো জনযথা চ নঃ ॥ মিত্র- [মিত্রঃ, সগ্ংসৃজ্য] 18
-স্সগ্ংসৃজ্য পৃথিবী-ম্ভূমি-ঞ্চ জ্যোতিষা সহ । সুজাত-ঞ্জাতবেদসমগ্নিং-বৈঁশ্বানরং-বিঁভুম্ ॥ অযক্ষ্মায ত্বা সগ্ং সৃজামি প্রজাভ্যঃ । বিশ্বে ত্বা দেবা বৈশ্বানরা-স্সগ্ং সৃজন্ত্বা-নুষ্টুভেন ছন্দসা-ঽঙ্গিরস্বত্ ॥ রুদ্রা-স্সভৃন্ত্য পৃথিবী-ম্বৃহজ্জ্যোতি-স্সমীধিরে । তেষা-ম্ভানুরজস্র ইচ্ছুক্রো দেবেষু রোচতে ॥ সগ্ং সৃষ্টাং-বঁসুভী রুদ্রৈর্ধীরৈঃ কর্মণ্যা-ম্মৃদম্ । হস্তাভ্যা-ম্মৃদ্বী-ঙ্কৃত্বা সিনীবালী করোতু [সিনীবালী করোতু, তাম্ ।] 19
তাম্ ॥ সিনীবালী সুকপর্দা সুকুরীরা স্বৌপশা । সা তুভ্যমদিতে মহ ওখা-ন্দধাতু হস্তযোঃ ॥ উখা-ঙ্করোতু শক্ত্যা বাহুভ্যা-মদিতির্ধিযা । মাতা পুত্রং-যঁথোপস্থে সা-ঽগ্নি-ম্বিভর্তু গর্ভ আ ॥ মখস্য শিরো-ঽসি যজ্ঞস্য পদে স্থঃ । বসবস্ত্বা কৃণ্বন্তু গাযত্রেণ ছন্দসা ঽঙ্গিরস্ব-ত্পৃথিব্যসি রুদ্রাস্ত্বা কৃণ্বন্তু ত্রৈষ্টুভেন ছন্দসা ঽঙ্গিরস্বদন্তরিক্ষম- [-ঽঙ্গিরস্বদন্তরিক্ষমসি, আদিত্যাস্ত্বা] 20
-স্যাদিত্যাস্ত্বা কৃণ্বন্তু জাগতেন ছন্দসা-ঽঙ্গিরস্ব-দ্দ্যৌরসি বিশ্বে ত্বা দেবা বৈশ্বানরাঃ কৃণ্বন্ত্বানুষ্টুভেন ছন্দসা-ঽঙ্গিরস্ব-দ্দিশো-ঽসি ধ্রুবা-ঽসি ধারযা মযি প্রজাগ্ং রাযস্পোষ-ঙ্গৌপত্যগ্ং সুবীর্যগ্ং সজাতান্. যজমানাযা-ঽদিত্যৈ রাস্না-ঽস্য দিতিস্তে বিল-ঙ্গৃহ্ণাতু পাঙ্ক্তেন ছন্দসা ঽঙ্গিরস্বত্ ॥ কৃত্বায সা মহীমুখা-ম্মৃন্মযীং-যোঁনিমগ্নযে । তা-ম্পুত্রেভ্য-স্স-ম্প্রা যচ্ছদদিতি-শ্শ্রপযানিতি ॥ 21 ॥

(মিত্রঃ - করো - ত্বন্তরিক্ষমসি - প্র - চত্বারি চ) (অ. 5)
বসবস্ত্বা ধূপযন্তু গাযত্রেণ ছন্দসা-ঽঙ্গিরস্ব-দ্রুদ্রাস্ত্বা ধূপযন্তু ত্রৈষ্টুভেন ছন্দসা-ঽঙ্গিরস্ব-দাদিত্যাস্ত্বা ধূপযন্তু জাগতেন ছন্দসা-ঽঙ্গিরস্বদ্- বিশ্বে ত্বা দেবা বৈশ্বানরা ধূপযন্ত্বানুষ্টুভেন ছন্দসা-ঽঙ্গিরস্ব-দিন্দ্রস্ত্বা ধূপযত্বঙ্গিরস্ব--দ্বিষ্ণুস্ত্বা ধূপযত্বঙ্গিরস্ব-দ্বরুণস্ত্বা ধূপযত্বঙ্গিরস্ব-দদিতিস্ত্বা দেবী বিশ্বদেব্যাবতী পৃথিব্যা-স্সধস্থে-ঽঙ্গিরস্ব-ত্খনত্ববট দেবানা-ন্ত্বা পত্নী- [পত্নীঃ, দেবী-র্বিশ্বদেব্যাবতীঃ] 22
-র্দেবী-র্বিশ্বদেব্যাবতীঃ পৃথিব্যা-স্সধস্থে-ঽঙ্গিরস্ব-দ্দধতূখে ধিষণাস্ত্বা দেবীর্বিশ্বদেব্যাবতীঃ পৃথিব্যা-স্সধস্থে-ঽঙ্গিরস্ব-দভীন্ধতামুখে গ্নাস্ত্বা দেবীর্বিশ্বদেব্যাবতীঃ পৃথিব্যা-স্সধস্থে-ঽঙ্গিরস্ব-চ্ছ্রপযন্তূখে বরূত্রযো জনযস্ত্বা দেবীর্বিশ্বদেব্যাবতীঃ পৃথিব্যা-স্সধস্থে-ঽঙ্গিরস্ব-ত্পচন্তূখে । মিত্রৈতামুখা-ম্পচৈষা মা ভেদি । এতা-ন্তে পরি দদাম্যভিত্ত্যৈ ॥ অভীমা- [অভীমাম্, মহিনা দিব-ম্মিত্রো] 23
-ম্মহিনা দিব-ম্মিত্রো বভূব সপ্রথাঃ । উত শ্রবসা পৃথিবীম্ ॥ মিত্রস্য চর্ষণীধৃত-শ্শ্রবো দেবস্য সানসিম্ । দ্যুম্ন-ঞ্চিত্রশ্রবস্তমম্ ॥ দেবস্ত্বা সবিতোদ্বপতু সুপাণি-স্স্বঙ্গুরিঃ । সুবাহুরুত শক্ত্যা ॥ অপদ্যমানা পৃথিব্যাশা দিশ আ পৃণ । উত্তিষ্ঠ বৃহতী ভবোর্ধ্বা তিষ্ঠ ধ্রুবা ত্বম্ ॥ বসবস্ত্বা ঽঽচ্ছৃন্দন্তু গাযত্রেণ ছন্দসা-ঽঙ্গিরস্ব-দ্রুদ্রাস্ত্বা-ঽঽ চ্ছৃন্দন্তু ত্রৈষ্টুভেন ছন্দসা-ঽঙ্গিরস্ব-দাদিত্যাস্ত্বা ঽঽচ্ছৃন্দন্তু জাগতেন ছন্দসা-ঽঙ্গিরস্ব-দ্বিশ্বে ত্বা দেবা বৈশ্বানরা আ চ্ছৃন্দন্ত্বানুষ্টুভেন ছন্দসা-ঽঙ্গিরস্বত্ ॥ 24 ॥

(পত্নী - রিমাগ্ং - রুদ্রাস্ত্বা-ঽঽ চ্ছৃন্দন্ত্বে - কান্ন বিগ্ংশতিশ্চ) (অ. 6)
সমাস্ত্বা-ঽগ্ন ঋতবো বর্ধযন্তু সংবঁথ্সরা ঋষযো যানি সত্যা । স-ন্দিব্যেন দীদিহি রোচনেন বিশ্বা আ ভাহি প্রদিশঃ পৃথিব্যাঃ ॥ স-ঞ্চেদ্ধ্যস্বা-ঽগ্নে প্র চ বোধযৈনমুচ্চ তিষ্ঠ মহতে সৌভগায । মা চ রিষদুপসত্তা তে অগ্নে ব্রহ্মাণস্তে যশসঃ সন্তু মা-ঽন্যে ॥ ত্বামগ্নে বৃণতে ব্রাহ্মণা ইমে শিবো অগ্নে [ ] 25
সং-বঁরণে ভবা নঃ । সপত্নহা নো অভিমাতিজিচ্চ স্বে গযে জাগৃহ্য প্রযুচ্ছন্ন্ ॥ ইহৈবাগ্নে অধি ধারযা রযি-ম্মা ত্বা নিক্র-ন্পূর্বচিতো নিকারিণঃ । ক্ষত্রমগ্নে সুযমমস্তু তুভ্যমুপসত্তা বর্ধতা-ন্তে অনিষ্টৃতঃ ॥ ক্ষত্রেণা-ঽগ্নে স্বাযু-স্সগ্ং রভস্ব মিত্রেণা-ঽগ্নে মিত্রধেযে যতস্ব । সজাতানা-ম্মদ্ধ্যমস্থা এধি রাজ্ঞামগ্নে বিহব্যো দীদিহীহ ॥ অতি [অতি, নিহো অতি স্রিধো] 26
নিহো অতি স্রিধো ঽত্যচিত্তি-মত্যরাতিমগ্নে । বিশ্বা হ্যগ্নে দুরিতা সহস্বাথাস্মভ্যগ্ং সহবীরাগ্ং রযিন্দাঃ ॥ অনাধৃষ্যো জাতবদা অনিষ্টৃতো বিরাডগ্নে ক্ষত্রভৃ-দ্দীদিহীহ । বিশ্বা আশাঃ প্রমুঞ্চ-ন্মানুষীর্ভিয-শ্শিবাভিরদ্য পরি পাহি নো বৃধে ॥ বৃহস্পতে সবিতর্বোধযৈনগ্ং সগ্ংশিত-ঞ্চিথ্স-ন্তরাগ্ং সগ্ং শিশাধি । বর্ধযৈন-ম্মহতে সৌভগায [সৌভগায, বিশ্ব এনমনু মদন্তু দেবাঃ ।] 27
বিশ্ব এনমনু মদন্তু দেবাঃ ॥ অমুত্রভূযাদধ যদ্যমস্য বৃহস্পতে অভিশস্তের মুঞ্চঃ । প্রত্যৌহতা-মশ্বিনা মৃত্যুমস্মা-দ্দেবানা-মগ্নে ভিষজা শচীভিঃ ॥ উদ্বয-ন্তমসস্পরি পশ্যন্তো জ্যোতিরুত্তরম্ । দেব-ন্দেবত্রা সূর্যমগন্ম জ্যোতিরুত্তমম্ ॥ 28 ॥

(ইমে শিবো অগ্নে - ঽতি - সৌভগায - চতুস্ত্রিগ্ংশচ্চ) (অ. 7)
ঊর্ধ্বা অস্য সমিধো ভবন্ত্যূর্ধ্বা শুক্রা শোচীগ্ষ্যগ্নেঃ । দ্যুমত্তমা সুপ্রতীকস্য সূনোঃ ॥ তনূনপাদসুরো বিশ্ববেদা দেবো দেবেষু দেবঃ । পথ আ-ঽনক্তি মদ্ধ্বা ঘৃতেন ॥ মদ্ধ্বা যজ্ঞ-ন্নক্ষসে প্রীণানো নরাশগ্ংসো অগ্নে । সুকৃদ্দেব-স্সবিতা বিশ্ববারঃ ॥ অচ্ছাযমেতি শবসা ঘৃতেনেডানো বহ্নির্নমসা । অগ্নিগ্গ্ স্রুচো অদ্ধ্বরেষু প্রযথ্সু ॥ স যক্ষদস্য মহিমানমগ্নে-স্স [মহিমানমগ্নে-স্সঃ, ঈ মন্দ্রাসু প্রযসঃ ।] 29
ঈ মন্দ্রাসু প্রযসঃ । বসুশ্চেতিষ্ঠো বসুধাতমশ্চ ॥ দ্বারো দেবীরন্বস্য বিশ্বে ব্রতা দদন্তে অগ্নেঃ । উরুব্যচসো ধাম্না পত্যমানাঃ ॥ তে অস্য যোষণে দিব্যে ন যোনাবুষাসানক্তা । ইমং-যঁজ্ঞমবতা মদ্ধ্বর-ন্নঃ ॥ দৈব্যা হোতারাবূর্ধ্ব-মদ্ধ্বর-ন্নো-ঽগ্নের্জিহ্বামভি গৃণীতম্ । কৃণুত-ন্ন-স্স্বিষ্টিম্ ॥ তিস্রো দেবীর্বর্হিরেদগ্ং সদন্ত্বিডা সরস্বতী [সরস্বতী, ভারতী ।] 30
ভারতী । মহী গৃণানা ॥ তন্নস্তুরীপমদ্ভুত-ম্পুরুক্ষু ত্বষ্টা সুবীরম্ । রাযস্পোষং-বিঁ ষ্যতু নাভিমস্মে ॥ বনস্পতে-ঽব সৃজা ররাণস্ত্মনা দেবেষু । অগ্নির্হব্যগ্ং শমিতা সূদযাতি ॥ অগ্নে স্বাহা কৃণুহি জাতবেদ ইন্দ্রায হব্যম্ । বিশ্বে দেবা হবিরিদ-ঞ্জুষন্তাম্ ॥ হিরণ্যগর্ভ-স্সমবর্ততাগ্রে ভূতস্য জাতঃ পতিরেক আসীত্ । স দাধার পৃথিবী-ন্দ্যা- [পৃথিবী-ন্দ্যাম্, উতেমা-ঙ্কস্মৈ] 31
-মুতেমা-ঙ্কস্মৈ দেবায হবিষা বিধেম ॥ যঃ প্রাণতো নিমিষতো মহিত্বৈক ইদ্রাজা জগতো বভূব । য ঈশে অস্য দ্বিপদশ্চতুষ্পদঃ কস্মৈ দেবায হবিষা বিধেম ॥ য আত্মদা বলদা যস্য বিশ্ব উপাসতে প্রশিষং-যঁস্য দেবাঃ । যস্য ছাযা-ঽমৃতং-যঁস্য মৃত্যুঃ কস্মৈ দেবায হবিষা বিধেম ॥ যস্যেমে হিমবন্তো মহিত্বা যস্য সমুদ্রগ্ং রসযা সহা- [সহ, আহুঃ ।] 32
-ঽঽহুঃ । যস্যেমাঃ প্রদিশো যস্য বাহূ কস্মৈ দেবায হবিষা বিধেম ॥ য-ঙ্ক্রন্দসী অবসা তস্তভানে অভ্যৈক্ষেতা-ম্মনসা রেজমানে । যত্রাধি সূর উদিতৌ ব্যেতি কস্মৈ দেবায হবিষা বিধেম ॥ যেন দ্যৌরুগ্রা পৃথিবী চ দৃঢে যেন সুবঃ স্তভিতং-যেঁন নাকঃ । যো অন্তরিক্ষে রজসো বিমানQঃকস্মৈ দেবায হবিষা বিধেম ॥ আপো হ যন্মহতী র্বিশ্ব- [যন্মহতী র্বিশ্বম্, অয-ন্দক্ষ-ন্দধানা] 33
-মায-ন্দক্ষ-ন্দধানা জনযন্তীরগ্নিম্ । ততো দেবানা-ন্নিরবর্ততাসুরেকঃ কস্মৈ দেবায হবিষা বিধেম ॥ যশ্চিদাপো মহিনা পর্যপশ্য-দ্দক্ষ-ন্দধানা জনযন্তীরগ্নিম্ । যো দেবেষ্বধি দেব এক আসী-ত্কস্মৈ দেবায হবিষা বিধেম ॥ 34 ॥

(অগ্নে-স্স - সরস্বতী - দ্যাগ্ং - সহ - বিশ্বং - চতুস্ত্রিগ্ংশচ্চ) (অ. 8)
(ঊর্ধ্বা - যঃ প্রাণতো - য আত্মদা - যস্যেমে - যঙ্ক্রন্দসী - যেন দ্যৌ- রাপো হ যত্ - ততো দেবানাং - ঁযশ্চিদাপো - যো দেবেষু - নব )
আকূতিমগ্নি-ম্প্রযুজগ্গ্ স্বাহা মনো মেধামগ্নি-ম্প্রযুজগ্গ্ স্বাহা চিত্তং-বিঁজ্ঞাতমগ্নি-ম্প্রযুজগ্গ্ স্বাহা বাচো বিধৃতিমগ্নি-ম্প্রযুজগ্গ্ স্বাহা প্রজাপতযে মনবে স্বাহা-ঽগ্নযে বৈশ্বানরায স্বাহা বিশ্বে দেবস্য নেতুর্মর্তো বৃণীত সখ্যং-বিঁশ্বে রায ইষুদ্ধ্যসি দ্যুম্নং-বৃঁণীত পুষ্যসে স্বাহা মা সু ভিত্থা মা সু রিষো দৃগ্ংহস্ব বীডযস্ব সু । অম্ব ধৃষ্ণু বীরযস্বা- [বীরযস্ব, অগ্নিশ্চেদ-ঙ্করিষ্যথঃ ।] 35
-ঽগ্নিশ্চেদ-ঙ্করিষ্যথঃ ॥ দৃগ্ংহস্ব দেবি পৃথিবি স্বস্তয আসুরী মাযা স্বধযা কৃতা-ঽসি । জুষ্ট-ন্দেবানামিদমস্তু হব্যমরিষ্টা ত্বমুদিহি যজ্ঞে অস্মিন্ন্ ॥ মিত্রৈতামুখা-ন্তপৈষা মা ভেদি । এতা-ন্তে পরি দদাম্যভিত্ত্যৈ ॥ দ্রুবন্ন-স্সর্পিরাসুতিঃ প্রত্নো হোতা বরেণ্যঃ । সহসস্পুত্রো অদ্ভুতঃ ॥ পরস্যা অধি সংবঁতো-ঽবরাগ্ং অভ্যা [অভ্যা, তর ।] 36
তর । যত্রাহমস্মি তাগ্ং অব ॥ পরমস্যাঃ পরাবতো রোহিদশ্ব ইহা-ঽগহি । পুরীষ্যঃ পুরুপ্রিযো-ঽগ্নে ত্ব-ন্তরা মৃধঃ ॥ সীদ ত্ব-ম্মাতুরস্যা উপস্থে বিশ্বান্যগ্নে বযুনানি বিদ্বান্ । মৈনামর্চিষা মা তপসা-ঽভি শূশুচো-ঽন্তরস্যাগ্ং শুক্র জ্যোতির্বি ভাহি ॥ অন্তরগ্নে রুচা ত্বমুখাযৈ সদনে স্বে । তস্যাস্ত্বগ্ং হরসা তপন্ জাতবেদ-শ্শিবো ভব ॥ শিবো ভূত্বা মহ্যমগ্নে-ঽথো সীদ শিবস্ত্বম্ । শিবাঃ কৃত্বা দিশ-স্সর্বা-স্স্বাং-যোঁনিমিহা-ঽঽসদঃ ॥ 37 ॥

(বীরযস্বা - ঽঽ - তপন্ - বিগ্ংশতিশ্চ) (অ. 9)
যদগ্নে যানি কানি চা-ঽঽতে দারূণি দদ্ধ্মসি । তদস্তু তুভ্যমি-দ্ঘৃত-ন্তজ্জুষস্ব যবিষ্ঠ্য ॥ যদত্ত্যুপজিহ্বিকা যদ্বম্রো অতিসর্পতি । সর্ব-ন্তদস্তু তে ঘৃত-ন্তজ্জুষস্ব যবিষ্ঠ্য ॥ রাত্রিগ্ং রাত্রিমপ্রযাব-ম্ভরন্তো-ঽশ্বাযেব তিষ্ঠতে ঘাসমস্মৈ । রাযস্পোষেণ সমিষা মদন্তো-ঽগ্নে মা তে প্রতিবেশা রিষাম ॥ নাভা [নাভা, পৃথিব্যা-স্সমিধান-] 38
পৃথিব্যা-স্সমিধান-মগ্নিগ্ং রাযস্পোষায বৃহতে হবামহে । ইরম্মদ-ম্বৃহদুক্থং-যঁজত্র-ঞ্জেতারমগ্নি-ম্পৃতনাসু সাসহিম্ ॥ যা-স্সেনা অভীত্বরীরা-ব্যাধিনী-রুগণা উত । যে স্তেনা যে চ তস্করাস্তাগ্স্তে অগ্নে-ঽপি দধাম্যাস্যে ॥ দগ্গ্ষ্ট্রাভ্যা-ম্মলিম্লূন্ জম্ভ্যৈ-স্তস্করাগ্ং উত । হনূভ্যাগ্ স্তেনান্-ভগবস্তাগ্-স্ত্ব-ঙ্খাদ সুখাদিতান্ ॥ যে জনেষু মলিম্লব-স্স্তেনাস-স্তস্করা বনে । যে [ ] 39
কক্ষেষ্বঘা যবস্তাগ্স্তে দধামি জম্ভযোঃ ॥ যো অস্মভ্যমরাতীযা-দ্যশ্চ নো দ্বেষতে জনঃ । নিন্দাদ্যো অস্মা-ন্দিফ্সাচ্চ সর্ব-ন্ত-ম্মস্মসা কুরু ॥ সগ্ংশিত-ম্মে ব্রহ্ম সগ্ংশিতং-বীঁর্য-ম্বলম্ । সগ্ংশিত-ঙ্ক্ষত্র-ঞ্জিষ্ণু যস্যা-ঽহমস্মি পুরোহিতঃ ॥ উদেষা-ম্বাহূ অতিরমুদ্বর্চ উদূ বলম্ । ক্ষিণোমি ব্রহ্মণা-ঽমিত্রানুন্নযামি [-ঽমিত্রা-নুন্নযামি, স্বাগ্ং অহম্ ।] 40
স্বাগ্ং অহম্ ॥ দৃশানো রুক্ম উর্ব্যা ব্যদ্যৌদ্দুর্মর্ষমাযুঃ শ্রিযে রুচানঃ । অগ্নিরমৃতো অভবদ্বযো-ভির্যদেন-ন্দ্যৌরজনয-থ্সুরেতাঃ ॥ বিশ্বা রূপাণি প্রতি মুঞ্চতে কবিঃ প্রা-ঽসাবীদ্ভদ্র-ন্দ্বিপদে চতুষ্পদে । বি নাকমখ্য-থ্সবিতা বরেণ্যো-ঽনু প্রযাণমুষসো বি রাজতি ॥ নক্তোষাসা সমনসা বিরূপে ধাপযেতে শিশুমেকগ্ং সমীচী । দ্যাবা ক্ষামা রুক্মো [রুক্মঃ, অন্তর্বি ভাতি] 41
অন্তর্বি ভাতি দেবা অগ্নি-ন্ধারয-ন্দ্রবিণোদাঃ ॥ সুপর্ণো-ঽসি গরুত্মা-ন্ত্রিবৃত্তে শিরো গাযত্র-ঞ্চক্ষু-স্স্তোম আত্মা সাম তে তনূর্বামদেব্য-ম্বৃহ-দ্রথন্তরে পক্ষৌ যজ্ঞাযজ্ঞিয-ম্পুচ্ছ-ঞ্ছন্দাগ্স্যঙ্গানি ধিষ্ণিযা-শ্শফা যজূগ্ংষি নাম ॥ সুপর্ণো-ঽসি গরুত্মা-ন্দিব-ঙ্গচ্ছ সুবঃ পত ॥ 42 ॥

(নাভা - বনে যে - নযামি - ক্ষামা রুক্মো - ঽষ্টাত্রিগ্ংশচ্চ) (অ. 10)
অগ্নে যং-যঁজ্ঞমদ্ধ্বরং-বিঁশ্বতঃ পরিভূরসি । স ইদ্দেবেষু গচ্ছতি ॥ সোম যাস্তে মযোভুব ঊতয-স্সন্তি দাশুষে । তাভির্নো-ঽবিতা ভব ॥ অগ্নির্মূর্ধা ভুবঃ ॥ ত্বন্নঃ সোম , যা তে ধামানি ॥ ত-থ্সবিতুর্বরেণ্য-ম্ভর্গো দেবস্য ধীমহি । ধিযো যো নঃ প্রচোদযাত্ ॥ অচিত্তী যচ্চকৃমা দৈব্যে জনে দীনৈর্দক্ষৈঃ প্রভূতী পূরুষত্বতা । 43
দেবেষু চ সবিতর্মানুষেষু চ ত্বন্নো অত্র সুবতাদনাগসঃ ॥ চোদযিত্রী সূনৃতানা-ঞ্চেতন্তী সুমতীনাম্ । যজ্ঞ-ন্দধে সরস্বতী ॥ পাবীরবী কন্যা চিত্রাযু-স্সরস্বতী বীরপত্নী ধিয-ন্ধাত্ । গ্নাভিরচ্ছিদ্রগ্ং শরণগ্ং সজোষা দুরাধর্ষ-ঙ্গৃণতে শর্ম যগ্ংসত্ ॥ পূষা গা অন্বেতু নঃ পূষা রক্ষত্বর্বতঃ । পূষা বাজগ্ং সনোতু নঃ ॥ শুক্র-ন্তে অন্যদ্যজত-ন্তে অন্য- [অন্যত্, বিষুরূপে অহনী দ্যৌরিবাসি ।] 44
-দ্বিষুরূপে অহনী দ্যৌরিবাসি । বিশ্বা হি মাযা অবসি স্বধাবো ভদ্রা তে পূষন্নিহ রাতিরস্তু ॥ তে-ঽবর্ধন্ত স্বতবসো মহিত্বনা ঽঽনাক-ন্তস্থুরুরু চক্রিরে সদঃ । বিষ্ণু র্যদ্ধা-ঽঽব-দ্বৃষণ-ম্মদচ্যুতং-বঁযো ন সীদন্নধি বর্হিষি প্রিযে ॥ প্রচিত্রমর্ক-ঙ্গৃণতে তুরায মারুতায স্বতবসে ভরদ্ধ্বম্ । যে সহাগ্ংসি সহসা সহন্তে [সহন্তে, রেজতে অগ্নে পৃথিবী মখেভ্যঃ ।] 45
রেজতে অগ্নে পৃথিবী মখেভ্যঃ ॥ বিশ্বে দেবা বিশ্বে দেবাঃ ॥ দ্যাবা নঃ পৃথিবী ইমগ্ং সিদ্ধ্রমদ্য দিবিস্পৃশম্ । যজ্ঞ-ন্দেবেষু যচ্ছতাম্ ॥ প্র পূর্বজে পিতরা নব্যসীভির্গীর্ভিঃ কৃণুদ্ধ্বগ্ং সদনে ঋতস্য । আ নো দ্যাবাপৃথিবী দৈব্যেন জনেন যাত-ম্মহি বাং-বঁরূথম্ ॥ অগ্নিগ্গ্ স্তোমেন বোধয সমিধানো অমর্ত্যম্ । হব্যা দেবেষু নো দধত্ ॥ স হব্যবাডমর্ত্য উশিগ্দূতশ্চনোহিতঃ । অগ্নির্ধিযা সমৃণ্বতি ॥ শন্নো ভবন্তু, বাজেবাজে ॥ 46 ॥