5.2 - বিষ্ণুমুখা বৈ দেবাঃ - কৃষ্ণ যজুর্বেদ তৈত্তিরীয সংহিতা পাঠঃ

কৃষ্ণ যজুর্বেদীয তৈত্তিরীয সংহিতাযা-ম্পঞ্চমকাণ্ডে দ্বিতীযঃ প্রশ্নঃ - চিত্যুপক্রমাভিধানং
ও-ন্নমঃ পরমাত্মনে, শ্রী মহাগণপতযে নমঃ,

শ্রী গুরুভ্যো নমঃ । হরিঃ ওম্ ॥
বিষ্ণুমুখা বৈ দেবা শ্ছন্দোভিরিমান্ ঁলোকাননপজয্য মভ্যজযন্.য-দ্বিষ্ণুক্রমান্ ক্রমতে বিষ্ণুরেব ভূত্বা যজমানশ্ছন্দোভিরিমান্ ঁলোকাননপজয্যমভি জযতি বিষ্ণোঃ ক্রমো-ঽস্য-ভিমাতিহেত্যাহ গাযত্রী বৈ পৃথিবী ত্রৈষ্টুভমন্তরিক্ষ-ঞ্জাগতী দ্যৌরানুষ্টুভীর্দিশ শ্ছন্দোভিরেবেমান্ ঁলোকান্. যথা পূর্বমভি জযতি প্রজাপতিরগ্নিমসৃজত সো-ঽস্মা-থ্সৃষ্টঃ [সো-ঽস্মা-থ্সৃষ্টঃ, পরাঙৈত্ত-] 1
পরাঙৈত্ত-মেতযা ঽন্বৈদক্রন্দদিতি তযা বৈ সো-ঽগ্নেঃ প্রিয-ন্ধামা-ঽবারুন্ধ যদেতামন্বাহা-গ্নেরেবৈতযা প্রিয-ন্ধামা-ঽব রুন্ধ ঈশ্বরো বা এষ পরা-ম্প্রদঘো যো বিষ্ণুক্রমান্ ক্রমতে চতসৃভিরা বর্ততে চত্বারি ছন্দাগ্ংসি ছন্দাগ্ংসি খলু বা অগ্নেঃ প্রিযা তনূঃ প্রিযামেবাস্য তনুবমভি [ ] 2

পর্যাবর্ততে দক্ষিণা পর্যাবর্ততে স্বমেব বীর্যমনু পর্যাবর্ততে তস্মা-দ্দক্ষিণো-ঽর্ধ আত্মনো বীর্যাবত্তরো-ঽথো আদিত্যস্যৈবা-ঽঽবৃতমনু পর্যাবর্ততে শুনশ্শেপমাজীগর্তিং-বঁরুণো-ঽগৃহ্ণা-থ্স এতাং-বাঁরুণীমপশ্য-ত্তযা বৈ স আত্মানং-বঁরুণপাশাদমুঞ্চ-দ্বরুণো বা এত-ঙ্গৃহ্ণাতি য উখা-ম্প্রতিমুঞ্চত উদুত্তমং-বঁরুণপাশ-মস্মদিত্যাহা-ঽঽত্মান-মেবৈতযা [-মেবৈতযা, বরুণপাশা-] 3
বরুণপাশা-ন্মুঞ্চত্যা ত্বা-ঽহার্ষমিত্যাহা ঽঽহ্যনগ্ং হরতি ধ্রুবস্তিষ্ঠা ঽবিচাচলিরিত্যাহ প্রতিষ্ঠিত্যৈ বিশস্ত্বা সর্বা বাঞ্ছন্ত্বিত্যাহ বিশৈবৈনগ্ং সমর্ধযত্যস্মি-ন্রাষ্ট্রমধি শ্রযেত্যাহ রাষ্ট্রমেবাস্মি-ন্ধ্রুবমকর্য-ঙ্কামযেত রাষ্ট্রগ্গ্ স্যাদিতি ত-ম্মনসা ধ্যাযে-দ্রাষ্ট্রমেব ভব- [ভবতি, অগ্রে] 4
-ত্যগ্রে বৃহন্নুষসামূর্ধ্বো অস্থাদিত্যাহা-ঽগ্রমেবৈনগ্ং সমানানা-ঙ্করোতি নির্জগ্মিবা-ন্তমস ইত্যাহ তম এবাস্মাদপ হন্তি জ্যোতিষা- ঽঽগাদিত্যাহ জ্যোতিরেবা-স্মি-ন্দধাতি চতসৃভিঃ সাদযতি চত্বারি ছন্দাগ্ংসি ছন্দোভিরেবা-ঽ-তিচ্ছন্দসোত্তমযা বর্ষ্ম বা এষা ছন্দসাং-যঁদতিচ্ছন্দা বর্ষ্মৈবৈনগ্ং সমানানা-ঙ্করোতি সদ্বতী [সদ্বতী, ভবতি সত্ত্বমেবৈন] 5
ভবতি সত্ত্বমেবৈন-ঙ্গমযতি বাথ্সপ্রেণোপ তিষ্ঠত এতেন বৈ বথ্সপ্রীর্ভালন্দনো-ঽগ্নেঃ প্রিয-ন্ধামা-ঽবা-ঽরুন্ধা-ঽগ্নেরেবৈতেন প্রিয-ন্ধামা-ঽব রুন্ধ একাদশ-ম্ভবত্যেকধৈব যজমানে বীর্য-ন্দধাতি স্তোমেন বৈ দেবা অস্মিন্ ঁলোক আর্ধ্নুবন্ ছন্দোভিরমুষ্মিন্-থ্স্তোমস্যেব খলু বা এত-দ্রূপং-যঁ-দ্বাথ্সপ্রং-যঁ-দ্বাথ্সপ্রেণোপতিষ্ঠত [ঁয-দ্বাথ্সপ্রেণোপতিষ্ঠতে, ইমমেব] 6
ইমমেব তেন লোকমভি জযতি য-দ্বিষ্ণুক্রমান্ ক্রমতে-ঽমুমেব তৈর্লোকমভি জযতি পূর্বেদ্যুঃ প্রক্রামত্যুত্তরেদ্যু-হ্ রুপ তিষ্ঠতে তস্মা-দ্যোগে-ঽন্যাসা-ম্প্রজানা-ম্মনঃ, ক্ষেমে-ঽন্যাসা-ন্তস্মা-দ্যাযাবরঃ, ক্ষেম্যস্যেশে তস্মা-দ্যাযাবরঃ, ক্ষেম্যমদ্ধ্যবস্যতি মুষ্টী করোতি বাচং-যঁচ্ছতি যজ্ঞস্য ধৃত্যৈ ॥ 7 ॥

(সৃষ্টো-ঽ - (1) ভ্যে - তযা - ভবতি - সদ্বত্যু - পতিষ্ঠতে - দ্বিচত্বারিগ্ংশচ্চ) (অ. 1)
অন্নপতে-ঽন্নস্য নো দেহীত্যাহা-গ্নির্বা অন্নপতি-স্স এবাস্মা অন্ন-ম্প্রযচ্ছত্যনমীবস্য শুষ্মিণ ইত্যাহা-যক্ষ্মস্যেতি বাবৈতদাহ প্র প্রদাতার-ন্তারিষ ঊর্জ-ন্নো ধেহি দ্বিপদে চতুষ্পদ ইত্যাহা-ঽঽশিষমেবৈতামা শাস্ত উদু ত্বা বিশ্বে দেবা ইত্যাহ প্রাণা বৈ বিশ্বে দেবাঃ [দেবাঃ, প্রাণৈরেবৈন-] 8
প্রাণৈরেবৈন-মুদ্যচ্ছতে ঽগ্নে ভরন্তু চিত্তিভিরিত্যাহ যস্মা এবৈন-ঞ্চিত্তাযোদ্যচ্ছতে তেনৈবৈনগ্ং সমর্ধযতি চতসৃভিরা সাদযতি চত্বারি ছন্দাগ্ংসি ছন্দোভিরেবা-তিচ্ছন্দসোত্তমযা বর্ষ্ম বা এষা ছন্দসাং-যঁদতিচ্ছন্দা বর্ষ্মৈবৈনগ্ং সমানানা-ঙ্করোতি সদ্বতী ভবতি সত্ত্বমেবৈন-ঙ্গমযতি প্রেদগ্নে জ্যোতিষ্মান্ [ ] 9
যাহীত্যাহ জ্যোতিরেবাস্মি-ন্দধাতি তনুবা বা এষ হিনস্তি যগ্ং হিনস্তি মা হিগ্ংসীস্তনুবা প্রজা ইত্যাহ প্রজাভ্য এবৈনগ্ং শমযতি রক্ষাগ্ংসি বা এত-দ্যজ্ঞগ্ং সচন্তে যদন উথ্সর্জ-ত্যক্রন্দদিত্যন্বাহ রক্ষসামপহত্যা অনসা বহন্-ত্যপচিতি-মেবাস্মি-ন্দধাতি তস্মাদনস্বী চ রথী চাতিথীনা-মপচিততমা- [-মপচিততমৌ, অপচিতিমা-ন্ভবতি] 10
-বপচিতিমা-ন্ভবতি য এবং-বেঁদ সমিধা-ঽগ্নি-ন্দুবস্যতেতি ঘৃতানুষিক্তামবসিতে সমিধমা দধাতি যথা-ঽতিথয আগতায সর্পিষ্বদাতিথ্য-ঙ্ক্রিযতে তাদৃগেব ত-দ্গাযত্রিযা ব্রাহ্মণস্য গাযত্রো হি ব্রাহ্মণস্ত্রিষ্টুভা রাজন্যস্য ত্রৈষ্টুভো হি রাজন্যো ঽফ্সু ভস্ম প্র বেশযত্যফ্সুযোনির্বা অগ্নি-স্স্বামেবৈনং-যোঁনি-ঙ্গমযতি তিসৃভিঃ প্রবেশযতি ত্রিবৃদ্বা [ত্রিবৃদ্বৈ, অগ্নি-র্যাবা-] 11
অগ্নি-র্যাবা-নেবা-ঽগ্নিস্ত-ম্প্রতিষ্ঠা-ঙ্গমযতি পরা বা এষো-ঽগ্নিং-বঁপতি যো-ঽফ্সু ভস্ম প্রবেশযতি জ্যোতিষ্মতীভ্যা-মব দধাতি জ্যোতিরেবা-ঽস্মি-ন্দধাতি দ্বাভ্যা-ম্প্রতিষ্ঠিত্যৈ পরা বা এষ প্রজা-ম্পশূন্ বপতি যো-ঽফ্সু ভস্ম প্রবেশযতি পুনরূর্জা সহ রয্যেতি পুনরুদৈতি প্রজামেব পশূনাত্ম-ন্ধত্তে পুনস্ত্বা-ঽঽদিত্যা [পুনস্ত্বা-ঽঽদিত্যাঃ, রুদ্রা] 12
রুদ্রা বসব-স্সমিন্ধতা-মিত্যাহৈতা বা এত-ন্দেবতা অগ্রে সমৈন্ধত তাভিরেবৈনগ্ং সমিন্ধে বোধা স বোধীত্যুপ তিষ্ঠতে বোধযত্যেবৈন-ন্তস্মা-থ্সুপ্ত্বা প্রজাঃ প্রবুদ্ধ্যন্তে যথাস্থানমুপ তিষ্ঠতে তস্মা-দ্যথাস্থান-ম্পশবঃ পুনরেত্যোপ তিষ্ঠন্তে ॥ 13 ॥

(বৈ বিশ্বে দেবা - জ্যোতিষ্মা - নপচিততমৌ - ত্রিবৃদ্বা - আদিত্যা - দ্বিচত্বারিগ্ংশচ্চ) (অ. 2)
যাবতী বৈ পৃথিবী তস্যৈ যম আধিপত্য-ম্পরীযায যো বৈ যম-ন্দেবযজনমস্যা অনির্যাচ্যা-ঽগ্নি-ঞ্চিনুতে যমাযৈনগ্ং স চিনুতে-ঽপেতে-ত্যদ্ধ্যবসাযযতি যমমেব দেবযজনমস্যৈ নির্যাচ্যা- ঽঽত্মনে-ঽগ্নি-ঞ্চিনুত ইষ্বগ্রেণ বা অস্যা অনামৃত-মিচ্ছন্তো নাবিন্দ-ন্তে দেবা এত-দ্যজুরপশ্যন্নপেতেতি যদেতেনা-ধ্যবসাযয- [-ধ্যবসাযযতি, অনামৃত] 14
-ত্যনামৃত এবাগ্নি-ঞ্চিনুত উদ্ধন্তি যদেবাস্যা অমেদ্ধ্য-ন্তদপ হন্ত্যপো-ঽবোক্ষতি শান্ত্যৈ সিকতা নি বপত্যেতদ্বা অগ্নের্বৈশ্বানরস্য রূপগ্ং রূপেণৈব বৈশ্বানরমব রুন্ধ ঊষা-ন্নিবপতি পুষ্টির্বা এষা প্রজননং-যঁদূষাঃ পুষ্ট্যামেব প্রজননে-ঽগ্নি-ঞ্চিনুতে-ঽথো সং(2)জ্ঞান্ন এব সং(2)জ্ঞান্নগ্গ্ হ্যেত- [হ্যেতত্, পশূনাং-যঁদূষা] 15
-ত্পশূনাং-যঁদূষা দ্যাবাপৃথিবী সহা-ঽঽস্তা-ন্তে বিযতী অব্রূতামস্ত্বেব নৌ সহ যজ্ঞিযমিতি যদমুষ্যা যজ্ঞিযমাসী-ত্তদস্যামদধা-ত্ত ঊষা অভবন্ যদস্যা যজ্ঞিযমাসী-ত্তদমুষ্যামদধা-ত্তদদশ্চন্দ্রমসি কৃষ্ণমূষা-ন্নিবপন্নদো ধ্যাযে-দ্দ্যাবাপৃথিব্যোরেব যজ্ঞিযে-ঽগ্নি-ঞ্চিনুতে ঽযগ্ং সো অগ্নিরিতি বিশ্বামিত্রস্য [ ] 16
সূক্ত-ম্ভবত্যেতেন বৈ বিশ্বামিত্রো-ঽগ্নেঃ প্রিয-ন্ধামা ঽবারুন্ধাগ্নেরেবৈতেন প্রিয-ন্ধামাব রুন্ধে ছন্দোভির্বৈ দেবা-স্সুবর্গং-লোঁকমাযন্ চতস্রঃ প্রাচীরুপ দধাতি চত্বারি ছন্দাগ্ংসি ছন্দোভিরেব ত-দ্যজমান-স্সুবর্গং-লোঁকমেতি তেষাগ্ং সুবর্গং-লোঁকং-যঁতা-ন্দিশ-স্সমব্লীযন্ত তে দ্বে পুরস্তা-থ্সমীচী উপাদধত দ্বে [ ] 17
পশ্চা-থ্সমীচী তাভির্বৈ তেদিশো-ঽদৃগ্ংহন্ যদ্দ্বে পুরস্তা-থ্সমীচী উপদধাতি দ্বে পশ্চা-থ্সমীচী দিশাং-বিঁধৃত্যা অথো পশবো বৈ ছন্দাগ্ংসি পশূনেবাস্মৈ সমীচো দধাত্যষ্টাবুপ দধাত্যষ্টাক্ষরা গাযত্রী গাযত্রো-ঽগ্নি-র্যাবানেবাগ্নিস্ত-ঞ্চিনুতে-ঽষ্টাবুপ দধাত্যষ্টাক্ষরা গাযত্রী গাযত্রী সুবর্গং-লোঁকমঞ্জসা বেদ সুবর্গস্য লোকস্য [লোকস্য, প্রজ্ঞাত্যৈ] 18
প্রজ্ঞাত্যৈ ত্রযোদশ লোকম্পৃণা উপ দধাত্যেকবিগ্ংশতি-স্সম্পদ্যন্তে প্রতিষ্ঠা বা একবিগ্ংশঃ প্রতিষ্ঠা গার্হপত্য একবিগ্ংশস্যৈব প্রতিষ্ঠা-ঙ্গার্হপত্যমনু প্রতি তিষ্ঠতি প্রত্যগ্নি-ঞ্চিক্যানস্তিষ্ঠতি য এবং-বেঁদ পঞ্চচিতীক-ঞ্চিন্বীত প্রথম-ঞ্চিন্বানঃ পাঙ্ক্তো যজ্ঞঃ পাঙ্ক্তাঃ পশবো যজ্ঞমেব পশূনব রুন্ধে ত্রিচিতীক-ঞ্চিন্বীত দ্বিতীয-ঞ্চিন্বানস্ত্রয ইমে লোকা এষ্বেব লোকেষু [লোকেষু, প্রতিতিষ্ঠ-] 19
প্রতিতিষ্ঠ-ত্যেকচিতীক-ঞ্চিন্বীত তৃতীয-ঞ্চিন্বান একধা বৈ সুবর্গো লোক একবৃতৈব সুবর্গং-লোঁকমেতি পুরীষেণাভ্যূহতি তস্মান্মাগ্ং সেনাস্থি ছন্ন-ন্ন দুশ্চর্মা ভবতি য এবং-বেঁদ পঞ্চ চিতযো ভবন্তি পঞ্চভিঃ পুরীষৈরভ্যূহতি দশ সম্পদ্যন্তে দশাক্ষরা বিরাডন্নং-বিঁরা-ড্বিরাজ্যেবা-ঽন্নাদ্যে প্রতিতিষ্ঠতি ॥ 20 ॥

(অধ্যবসাযযতি - হ্যেত - দ্বিশ্বামিত্রস্যা - দধত দ্বে - লোকস্য - লোকেষু -সপ্তচত্বারিগ্ংশচ্চ) (অ. 3)
বি বা এতৌ দ্বিষাতে যশ্চ পুরা-ঽগ্নির্যশ্চোখাযাগ্ং সমিতমিতি চতসৃভি-স্স-ন্নিবপতি চত্বারি ছন্দাগ্ংসি ছন্দাগ্ংসি খলু বা অগ্নেঃ প্রিযা তনূঃ প্রিযযৈবৈনৌ তনুবা সগ্ং শাস্তি সমিতমিত্যাহ তস্মাদ্ব্রহ্মণা ক্ষত্রগ্ং সমেতি যথ্স-ন্ন্যুপ্য বিহরতি তস্মা-দ্ব্রহ্মণা ক্ষত্রং-ব্যেঁত্যৃতুভি- [ক্ষত্রং-ব্যেঁত্যৃতুভিঃ, বা এত-ন্দীক্ষযন্তি] 21
-র্বা এত-ন্দীক্ষযন্তি স ঋতুভিরেব বিমুচ্যো মাতেব পুত্র-ম্পৃথিবী পুরীষ্যমিত্যাহ-র্তুভিরেবৈন-ন্দীক্ষযিত্বর্তুভির্বি মুঞ্চতি বৈশ্বানর্যা শিক্যমা দত্তে স্বদযত্যেবৈন-ন্নৈর্-ঋতীঃ কৃষ্ণা-স্তিস্র-স্তুষপক্বা ভবন্তি নির্-ঋত্যৈ বা এত-দ্ভাগধেযং-যঁ-ত্তুষা নির্-ঋত্যৈ রূপ-ঙ্কৃষ্ণগ্ং রূপেণৈব নির্-ঋতি-ন্নিরবদযত ইমা-ন্দিশং-যঁন্ত্যেষা [ ] 22
বৈ নির্-ঋত্যৈ দিক্ স্বাযামেব দিশি নির্-ঋতি-ন্নিরবদযতে স্বকৃত ইরিণ উপ দধাতি প্রদরে বৈতদ্বৈ নির্-ঋত্যা আযতনগ্গ্ স্ব এবা-ঽঽযতনে নির্-ঋতি-ন্নিরবদযতে শিক্যমভ্যুপ দধাতি নৈর্-ঋতো বৈ পাশঃ সাক্ষাদেবৈন-ন্নির্-ঋতিপাশা-ন্মুঞ্চতি তিস্র উপ দধাতি ত্রেধাবিহিতো বৈ পুরুষো যাবানেব পুরুষস্তস্মা-ন্নির্-ঋতিমব যজতে পরাচীরুপ [পরাচীরুপ, দধাতি পরাচী-] 23
দধাতি পরাচী-মেবাস্মা-ন্নির্-ঋতি-ম্প্রণুদতে ঽপ্রতীক্ষমা যন্তি নির্-ঋত্যা অন্তর্হিত্যৈ মার্জযিত্বোপ তিষ্ঠন্তে মেদ্ধ্যত্বায গার্হপত্যমুপ তিষ্ঠন্তে নির্-ঋতি লোক এব চরিত্বা পূতা দেবলোকমুপাবর্তন্ত একযোপ তিষ্ঠন্ত একধৈব যজমানে বীর্য-ন্দধতি নিবেশন-স্সঙ্গমনো বসূনামিত্যাহ প্রজা বৈ পশবো বসু প্রজযৈবৈন-ম্পশুভি-স্সমর্ধযন্তি ॥ 24 ॥

(ঋতুভি - রেষা- পরাচীরুপা - ষ্টাচত্বারিগ্ংশচ্চ) (অ. 4)
পুরুষমাত্রেণ বি মিমীতে যজ্ঞেন বৈ পুরুষ-স্সম্মিতো যজ্ঞপরুষৈবৈনং-বিঁমিমীতে যাবা-ন্পুরুষ ঊর্ধ্ববাহুস্তাবা-ন্ভবত্যেতাবদ্বৈ পুরুষে বীর্যং-বীঁর্যেণৈবৈনং-বিঁ মিমীতে পক্ষী ভবতি ন হ্যপক্ষঃ পতিতু-মর্হত্যরত্নিনা পক্ষৌ দ্রাঘীযাগ্ংসৌ ভবতস্তস্মা-ত্পক্ষপ্রবযাগ্ংসি বযাগ্ংসি ব্যামমাত্রৌ পক্ষৌ চ পুচ্ছ-ঞ্চ ভবত্যেতাবদ্বৈ পুরুষে বীর্যং- [বীর্যম্, বীর্যসম্মিতো] 25
-ঁবীর্যসম্মিতো বেণুনা বি মিমীত আগ্নেযো বৈ বেণুঃ সযোনিত্বায যজুষা যুনক্তি যজুষা কৃষতি ব্যাবৃত্ত্যৈ ষড্গবেন কৃষতি ষ-ড্বা ঋতব ঋতুভিরেবৈন-ঙ্কৃষতি য-দ্দ্বাদশগবেন সংবঁথ্সরেণৈবে যং-বাঁ অগ্নে-রতিদাহাদবিভে-থ্সৈত-দ্দ্বিগুণমপশ্য-ত্কৃষ্ট-ঞ্চাকৃষ্ট-ঞ্চ ততো বা ইমা-ন্না-ঽত্যদহদ্য-ত্কৃষ্ট-ঞ্চাকৃষ্ট-ঞ্চ [ইমা-ন্না-ঽত্যদহদ্য-ত্কৃষ্ট-ঞ্চাকৃষ্ট-ঞ্চ, ভবত্যস্যা অনতিদাহায] 26
ভবত্যস্যা অনতিদাহায দ্বিগুণ-ন্ত্বা অগ্নি-মুদ্যন্তু-মর্হতীত্যাহুর্য-ত্কৃষ্ট-ঞ্চাকৃষ্ট-ঞ্চ ভবত্যগ্নেরুদ্যত্যা এতাবন্তো বৈ পশবো দ্বিপাদশ্চ চতুষ্পাদশ্চ তান্. য-ত্প্রাচ উথ্সৃজে-দ্রুদ্রাযাপি দদ্ধ্যা-দ্য-দ্দক্ষিণা পিতৃভ্যো নিধুবেদ্য-ত্প্রতীচো রক্ষাগ্ংসি হন্যুরুদীচ উথ্সৃজত্যেষা বৈ দেবমনুষ্যাণাগ্ং শান্তা দি- [শান্তা দিক্, তামেবৈনা-] 27
-ক্তামেবৈনা-ননূ-থ্সৃজত্যথো খল্বিমা-ন্দিশমু-থ্সৃজত্যসৌ বা আদিত্যঃ প্রাণঃ প্রাণমেবৈনা-ননূথ্সৃজতি দক্ষিণা পর্যাবর্তন্তে স্বমেব বীর্যমনু পর্যাবর্তন্তে তস্মা-দ্দক্ষিণো-ঽর্ধ আত্মনো বীর্যাবত্তরো-ঽথো আদিত্যস্যৈবা-ঽঽবৃতমনু পর্যাবর্তন্তে তস্মা-ত্পরাঞ্চঃ পশবো বি তিষ্ঠন্তে প্রত্যঞ্চ আ বর্তন্তে তিস্রস্তিস্র-স্সীতাঃ [তিস্রস্তিস্র-স্সীতাঃ, কৃষতি ত্রিবৃতমেব] 28
কৃষতি ত্রিবৃতমেব যজ্ঞমুখে বি যাতযত্যোষধীর্বপতি ব্রহ্মণা-ঽন্নমব রুন্ধে ঽর্কে-ঽর্কশ্চীযতে চতুর্দশভির্বপতি সপ্ত গ্রাম্যা ওষধয-স্সপ্তা-ঽঽরণ্যা উভযীষামবরুদ্ধ্যা অন্নস্যান্নস্য বপত্যন্নস্যা-ন্নস্যাবরুদ্ধ্যৈ কৃষ্টে বপতি কৃষ্টে হ্যোষধযঃ প্রতিতিষ্ঠন্ত্যনুসীতং-বঁপতি প্রজাত্যৈ দ্বাদশসু সীতাসু বপতি দ্বাদশ মাসা-স্সংবঁথ্সর-স্সংবঁথ্সরেণৈবাস্মা অন্ন-ম্পচতি যদগ্নিচি- [যদগ্নিচিত্, অনবরুদ্ধস্যা-] 29
-দনবরুদ্ধস্যা-ঽশ্ঞীযাদব-রুদ্ধেন ব্যৃদ্ধ্যেত যে বনস্পতীনা-ম্ফলগ্রহয-স্তানিদ্ধ্মে-ঽপি প্রোক্ষে-দনবরুদ্ধস্যা-বরুদ্ধ্যৈ দিগ্ভ্যো লোষ্টান্-থ্সমস্যতি দিশামেব বীর্যমবরুদ্ধ্য দিশাং-বীঁর্যে-ঽগ্নি-ঞ্চিনুতে য-ন্দ্বিষ্যা-দ্যত্র স স্যা-ত্তস্যৈ দিশো লোষ্টমা হরেদিষ-মূর্জমহমিত আ দদ ইতীষমেবোর্জ-ন্তস্যৈ দিশো-ঽব রুন্ধে ক্ষোধুকো ভবতি যস্তস্যা-ন্দিশি ভবত্যুত্তরবেদিমুপ বপত্যুত্তরবেদ্যাগ্ হ্যগ্নিশ্চীযতে ঽথো পশবো বা উত্তরবেদিঃ পশূনেবাব রুন্ধে-ঽথো যজ্ঞপরুষো-ঽনন্তরিত্যৈ ॥ 30 ॥

(চ ভবত্যেতাবদ্বৈ পুরুষে বীর্যং - ঁযত্কৃষ্টঞ্চা-ঽকৃষ্টঞ্চ - দিখ্- সীতা - অগ্নিচি - দব - পঞ্চবিগ্ংশতিশ্চ) (অ. 5)
অগ্নে তব শ্রবো বয ইতি সিকতা নি বপত্যেতদ্বা অগ্নের্বৈশ্বানরস্য সূক্তগ্ং সূক্তেনৈব বৈশ্বানরমব রুন্ধে ষড্ভির্নি বপতি ষড্বা ঋতবঃ সংবঁথ্সর-স্সংবঁথ্সরো-ঽগ্নির্বৈশ্বানর-স্সাক্ষাদেব বৈশ্বানরমব রুন্ধে সমুদ্রং-বৈঁ নামৈতচ্ছন্দঃ সমুদ্রমনু প্রজাঃ প্রজাযন্তে যদেতেন সিকতা নি বপতি প্রজানাং প্রজননাযেন্দ্রো [প্রজানাং প্রজননাযেন্দ্রঃ, বৃত্রায] 31
বৃত্রায বজ্র-ম্প্রাহর-থ্স ত্রেধা ব্যভব-থ্স্ফ্যস্তৃতীযগ্ং রথস্তৃতীযং-যূঁপস্তৃতীযং-যেঁ-ঽন্তশ্শরা অশীর্যন্ত তা-শ্শর্করা অভব-ন্তচ্ছর্করাণাগ্ং শর্করত্বং-বঁজ্রো বৈ শর্করাঃ পশুরগ্নি-র্যচ্ছর্করাভিরগ্নি-ম্পরিমিনোতি বজ্রেণৈবাস্মৈ পশূ-ন্পরি গৃহ্ণাতি তস্মা-দ্বজ্রেণ পশবঃ পরিগৃহীতাস্তস্মা-থ্স্থেযানস্থেযসো নোপ হরতে ত্রিসপ্তাভিঃ পশুকামস্য [পশুকামস্য, পরি] 32
পরি মিনুযা-থ্সপ্ত বৈ শীর্ষণ্যাঃ প্রাণাঃ প্রাণাঃ পশবঃ প্রাণৈরেবাস্মৈ পশূনব রুন্ধে ত্রিণবাভি-র্ভ্রাতৃব্যবত-স্ত্রিবৃতমেব বজ্রগ্ং সম্ভৃত্য ভ্রাতৃব্যায প্রহরতি স্তৃত্যা অপরিমিতাভিঃ পরি মিনুযা-দপরিমিতস্যা-বরুদ্ধ্যৈ য-ঙ্কামযেতাপশু-স্স্যাদিত্যপরিমিত্য তস্য শর্করা-স্সিকতা ব্যূহেদপরিগৃহীত এবাস্য বিষূচীনগ্ং রেতঃ পরা সিঞ্চত্যপশুরেব ভবতি [ভবতি, য-ঙ্কামযেত] 33
য-ঙ্কামযেত পশুমান্-থ্স্যাদিতি পরিমিত্য তস্য শর্করা-স্সিকতা ব্যূহে-ত্পরিগৃহীত এবাস্মৈ সমীচীনগ্ং রেতঃ সিঞ্চতি পশুমানেব ভবতি সৌম্যা ব্যূহতি সোমো বৈ রেতোধা রেত এব ত-দ্দধাতি গাযত্রিযা ব্রাহ্মণস্য গাযত্রো হি ব্রাহ্মণ-স্ত্রিষ্টুভা রাজন্যস্য ত্রৈষ্টুভো হি রাজন্যঃ শংযু-ম্বার্হস্পত্য-ম্মেধো নোপানম-থ্সো-ঽগ্নি-ম্প্রা-ঽবিশ- [নোপানম-থ্সো-ঽগ্নি-ম্প্রা-ঽবিশত্, সো-ঽগ্নেঃ] 34
-থ্সো-ঽগ্নেঃ কৃষ্ণো রূপ-ঙ্কৃত্বোদাযত সো-ঽশ্ব-ম্প্রা-ঽবিশ-থ্সো-ঽশ্বস্যা-বান্তরশফো-ভব-দ্যদশ্বমাক্রমযতি য এব মেধো-ঽশ্ব-ম্প্রা-ঽবিশ-ত্তমেবাব রুন্ধে প্রজাপতিনা-ঽগ্নিশ্চেতব্য ইত্যাহুঃ প্রাজাপত্যো-ঽশ্বো যদশ্বমাক্রমযতি প্রজাপতিনৈবা-ঽগ্নি-ঞ্চিনুতে পুষ্করপর্ণমুপ দধাতি যোনির্বা অগ্নেঃ পুষ্করপর্ণগ্ং সযোনি- -মেবাগ্নি-ঞ্চিনুতে ঽপা-ম্পৃষ্ঠমসীত্যুপ দধাত্যপাং-বাঁ এত-ত্পৃষ্ঠং-যঁ-ত্পুষ্করপর্ণগ্ং রূপেণৈবৈনদুপ দধাতি ॥ 35 ॥

(ইন্দ্রঃ - পশুকামস্য - ভবত্য - বিশথ্ - সযোনিং - ঁবিগ্ংশতিশ্চ) (অ. 6)
ব্রহ্ম জজ্ঞানমিতি রুক্মমুপ দধাতি ব্রহ্মমুখা বৈ প্রজাপতিঃ প্রজা অসৃজত ব্রহ্মমুখা এব ত-ত্প্রজা যজমান-স্সৃজতে ব্রহ্ম জজ্ঞানমিত্যাহ তস্মাদ্ব্রাহ্মণো মুখ্যো মুখ্যো ভবতি য এবং-বেঁদ ব্রহ্মবাদিনো বদন্তি ন পৃথিব্যা-ন্নান্তরিক্ষে ন দিব্যগ্নিশ্চেতব্য ইতি য-ত্পৃথিব্যা-ঞ্চিন্বীত পৃথিবীগ্ং শুচা-ঽর্পযেন্নৌষধযো ন বনস্পতযঃ [বনস্পতযঃ, প্র জাযেরন্.] 36
প্র জাযেরন্. যদন্তরিক্ষে চিন্বীতান্তরিক্ষগ্ং শুচা-ঽর্পযেন্ন বযাগ্ংসি প্র জাযেরন্. য-দ্দিবি চিন্বীত দিবগ্ং শুচা-ঽর্পযেন্ন পর্জন্যো বর্ষেদ্রুক্মমুপ দধাত্যমৃতং-বৈঁ হিরণ্যমমৃত এবাগ্নি-ঞ্চিনুতে প্রজাত্যৈ হিরণ্ময-ম্পুরুষমুপ দধাতি যজমানলোকস্য বিধৃত্যৈ যদিষ্টকাযা আতৃণ্ণমনূপদদ্ধ্যা-ত্পশূনা-ঞ্চ যজমানস্য চ প্রাণমপি দদ্ধ্যা-দ্দক্ষিণতঃ [দদ্ধ্যা-দ্দক্ষিণতঃ, প্রাঞ্চমুপ দধাতি] 37
প্রাঞ্চমুপ দধাতি দাধার যজমানলোক-ন্ন পশূনা-ঞ্চ যজমানস্য চ প্রাণমপি দধাত্যথো খল্বিষ্টকাযা আতৃণ্ণমনূপ দধাতি প্রাণানামুথ্সৃষ্ট্যৈ দ্রফ্সশ্চস্কন্দেত্যভি মৃশতি হোত্রাস্বেবৈন-ম্প্রতিষ্ঠাপযতি স্রুচাবুপ দধাত্যাজ্যস্য পূর্ণা-ঙ্কার্ষ্মর্যমযী-ন্দদ্ধ্নঃ পূর্ণা-মৌদুবংরীমিযং-বৈঁ কার্ষ্মর্যময্যসাবৌ-দুবংরীমে এবোপ ধত্তে [ ] 38
তূষ্ণীমুপ দধাতি ন হীমে যজুষা-ঽঽপ্তুমর্হতি দক্ষিণা-ঙ্কার্ষ্মর্যমযী-মুত্তরামৌ-দুম্বরী-ন্তস্মাদস্যা অসাবুত্তরা ঽঽজ্যস্য পূর্ণা-ঙ্কার্ষ্মর্যমযীং-বঁজ্রো বা আজ্যং-বঁজ্রঃ কার্ষ্মর্যো বজ্রেণৈব যজ্ঞস্য দক্ষিণতো রক্ষাগ্স্যপ হন্তি দদ্ধ্নঃ পূর্ণামৌদুম্বরী-ম্পশবো বৈ দদ্ধ্যূর্গুদুম্বরঃ পশুষ্বেবোর্জ-ন্দধাতি পূর্ণে উপ দধাতি পূর্ণে এবৈন- [পূর্ণে এবৈনম্, অমুষ্মিন্ ঁলোক] 39
মমুষ্মিন্ ঁলোক উপতিষ্ঠেতে বিরাজ্যগ্নিশ্চেতব্য ইত্যাহু-স্স্রুগ্বৈ বিরাড্য-থ্স্রুচাবুপদধাতি বিরাজ্যেবাগ্নি-ঞ্চিনুতে যজ্ঞমুখেযজ্ঞমুখে বৈ ক্রিযমাণে যজ্ঞগ্ং রক্ষাগ্ংসি জিঘাগ্ংসন্তি যজ্ঞমুখগ্ং রুক্মো য-দ্রুক্মং-ব্যাঁঘারযতি যজ্ঞমুখাদেব রক্ষাগ্স্যপ হন্তি পঞ্চভি-র্ব্যাঘারযতি পাঙ্ক্তো যজ্ঞো যাবানেব যজ্ঞস্তস্মা-দ্রক্ষাগ্স্যপ হন্ত্যক্ষ্ণযাব্যা ঘারযতি তস্মাদক্ষ্ণযা পশবো-ঽঙ্গানি প্র হরন্তি প্রতিষ্ঠিত্যৈ ॥ 40 ॥

(বনস্পতযো- দক্ষিণতো- ধত্ত- এনং- তস্মা দক্ষ্ণযা-পঞ্চ চ) (অ. 7)
স্বযমাতৃণ্ণামুপ দধাতীযং-বৈঁ স্বযমাতৃণ্ণেমামেবোপ ধত্তে ঽশ্বমুপ ঘ্রাপযতি প্রাণমেবাস্যা-ন্দধাত্যথো প্রাজাপত্যো বা অশ্বঃ প্রজাপতিনৈবা-ঽগ্নি-ঞ্চিনুতে প্রথমেষ্টকোপধীযমানা পশূনা-ঞ্চ যজমানস্য চ প্রাণমপি দধাতি স্বযমাতৃণ্ণা ভবতি প্রাণানামুথ্সৃষ্ট্যা অথো সুবর্গস্য লোকস্যানুখ্যাত্যা অগ্নাবগ্নিশ্চেতব্য ইত্যাহুরেষ বা [ইত্যাহুরেষ বৈ, অগ্নির্বৈশ্বানরো] 41
অগ্নির্বৈশ্বানরো যদ্ব্রাহ্মণস্তস্মৈ প্রথমামিষ্টকাং-যঁজুষ্কৃতা-ম্প্রযচ্ছে-ত্তা-ম্ব্রাহ্মণশ্চোপ দদ্ধ্যাতা-মগ্নাবেব তদগ্নি-ঞ্চিনুত ঈশ্বরো বা এষ আর্তিমার্তোর্যো-ঽবিদ্বানিষ্টকা-মুপদধাতি ত্রীন্. বরা-ন্দদ্যা-ত্ত্রযো বৈ প্রাণাঃ প্রাণানাগ্ স্পৃত্যৈ দ্বাবেব দেযৌ দ্বৌ হি প্রাণাবেক এব দেয একো হি প্রাণঃ পশু- [প্রাণঃ পশুঃ, বা এষ যদগ্নির্ন] 42
-র্বা এষ যদগ্নির্ন খলু বৈ পশব আযবসে রমন্তে দূর্বেষ্টকামুপ দধাতি পশূনা-ন্ধৃত্যৈ দ্বাভ্যা-ম্প্রতিষ্ঠিত্যৈ কাণ্ডা-ত্কাণ্ডা-ত্প্ররোহন্তীত্যাহ কাণ্ডেনকাণ্ডেন হ্যেষা প্রতিতিষ্ঠত্যেবা নো দূর্বে প্রতনু সহস্রেণ শতেন চেত্যাহ সাহস্রঃ প্রজাপতিঃ প্রজাপতেরাপ্ত্যৈ দেবলক্ষ্মং-বৈঁ ত্র্যালিখিতা তামুত্তরলক্ষ্মাণ-ন্দেবা উপাদধতা-ধরলক্ষ্মাণ-মসুরা য- [যম্, কামযেত] 43
-ঙ্কামযেত বসীযান্-থ্স্যাদিত্যুত্তরলক্ষ্মাণ-ন্তস্যোপ দদ্ধ্যা-দ্বসীযানেব ভবতি য-ঙ্কামযেত পাপীযান্-থ্স্যাদিত্যধরলক্ষ্মাণ-ন্তস্যোপ দদ্ধ্যাদসুরযোনি-মেবৈনমনু পরা ভাবযতি পাপীযা-ন্ভবতি ত্র্যালিখিতা ভবতীমে বৈ লোকাস্ত্র্যালিখিতৈভ্য এব লোকেভ্যো ভ্রাতৃব্যমন্তরেত্যঙ্গিরস-স্সুবর্গং-লোঁকং-যঁতঃ পুরোডাশঃ কূর্মো ভূত্বা-ঽনু প্রাসর্প- [প্রাসর্পত্, য-ত্কূর্মমুপদধাতি] 44
-দ্য-ত্কূর্মমুপদধাতি যথা ক্ষেত্রবিদঞ্জসা নযত্যেবমেবৈন-ঙ্কূর্ম-স্সুবর্গং-লোঁকমঞ্জসা নযতি মেধো বা এষ পশূনাং-যঁ-ত্কূর্মো য-ত্কূর্মমুপ দধাতি স্বমেব মেধ-ম্পশ্যন্তঃ পশব উপ তিষ্ঠন্তে শ্মশানং-বাঁ এত-ত্ক্রিযতে যন্মৃতানা-ম্পশূনাগ্ং শীর্ষাণ্যুপধীযন্তে যজ্জীবন্ত-ঙ্কূর্মমুপ দধাতি তেনাশ্মশানচিদ্বাস্তব্যো বা এষ য- [এষ যত্, কূর্মো মধু] 45
-ত্কূর্মো মধু বাতা ঋতাযত ইতি দদ্ধ্না মধুমিশ্রেণাভ্যনক্তি স্বদযত্যেবৈন-ঙ্গ্রাম্যং-বাঁ এতদন্নং-যঁ-দ্দদ্ধ্যারণ্য-ম্মধু যদ্দদ্ধ্না মধুমিশ্রেণা ভ্যনক্ত্যুভযস্যা ঽবরুদ্ধ্যৈ মহী দ্যৌঃ পৃথিবী চ ন ইত্যাহা ঽঽভ্যামেবৈনমুভযতঃ পরিগৃহ্ণাতি প্রাঞ্চমুপ দধাতি সুবর্গস্য লোকস্য সমষ্ট্যৈ পুরস্তা-ত্প্রত্যঞ্চমুপ দধাতি তস্মা- [তস্মাত্, পুরস্তা-] 46
-ত্পুরস্তা-ত্প্রত্যঞ্চঃ পশবো মেধমুপ তিষ্ঠন্তে যো বা অপনাভিমগ্নি-ঞ্চিনুতে যজমানস্য নাভিমনু প্রবিশতি স এনমীশ্বরো হিগ্ংসিতোরুলূখলমুপ দধাত্যেষা বা অগ্নের্নাভি-স্সনাভিমেবা-ঽগ্নি-ঞ্চিনুতে হিগ্ংসাযা ঔদুম্বর-ম্ভবত্যূর্গ্বা উদুম্বর ঊর্জমেবাব রুন্ধে মদ্ধ্যত উপ দধাতি মদ্ধ্যত এবাস্মা ঊর্জ-ন্দধাতি তস্মা-ন্মদ্ধ্যত ঊর্জা ভুঞ্জত ইয-দ্ভবতি প্রজাপতিনা যজ্ঞমুখেন সম্মিতমব হন্ত্যন্নমেবাক-র্বৈষ্ণব্যর্চোপ দধাতি বিষ্ণুর্বৈ যজ্ঞো বৈষ্ণবা বনস্পতযো যজ্ঞ এব যজ্ঞ-ম্প্রতিষ্ঠাপযতি ॥ 47 ॥

(এষ বৈ - পশু - র্য - মসর্প - দেষ যত্ - তস্মাত্ - তস্মাথ্ - সপ্তবিগ্ংশতিশ্চ) (অ. 8)
এষাং-বাঁ এতল্লোকানা-ঞ্জ্যোতি-স্সম্ভৃতং-যঁদুখা যদুখা-মুপদধাত্যেভ্য এব লোকেভ্যো জ্যোতিরব রুন্ধে মদ্ধ্যত উপ দধাতি মদ্ধ্যত এবাস্মৈ জ্যোতির্দধাতি তস্মান্মদ্ধ্যতো জ্যোতিরুপা-ঽঽস্মহে সিকতাভিঃ পূরযত্যেতদ্বা অগ্নের্বৈশ্বানরস্য রূপগ্ং রূপেণৈব বৈশ্বানরমব রুন্ধে য-ঙ্কামযেত ক্ষোধুক-স্স্যা-দিত্যূনা-ন্তস্যোপ [-দিত্যূনা-ন্তস্যোপ, দদ্ধ্যা-ত্ক্ষোধুক] 48
দদ্ধ্যা-ত্ক্ষোধুক এব ভবতি য-ঙ্কামযেতা-নুপদস্য-দন্নমদ্যাদিতি পূর্ণা-ন্তস্যোপ দদ্ধ্যাদনুপদস্য-দেবান্নমত্তি সহস্রং-বৈঁ প্রতি পুরুষঃ পশূনাং-যঁচ্ছতি সহস্রমন্যে পশবো মদ্ধ্যে পুরুষশীর্ষমুপ দধাতি সবীর্যত্বাযো-খাযামপি দধাতি প্রতিষ্ঠামেবৈন-দ্গমযতি ব্যৃদ্ধং-বাঁ এত-ত্প্রাণৈরমেদ্ধ্যং-যঁ-ত্পুরুষশীর্ষমমৃত-ঙ্খলু বৈ প্রাণা [বৈ প্রাণাঃ, অমৃতগ্ং] 49
অমৃতগ্ং হিরণ্য-ম্প্রাণেষু হিরণ্যশল্কা-ন্প্রত্যস্যতি প্রতিষ্ঠামেবৈন-দ্গমযিত্বা প্রাণৈ-স্সমর্ধযতি দদ্ধ্না মধুমিশ্রেণ পূরযতি মধব্যো-ঽসানীতি শৃতাতঙ্ক্যেন মেদ্ধ্যত্বায গ্রাম্যং-বাঁ এতদন্নং-যঁ-দ্দদ্ধ্যারণ্য-ম্মধু যদ্দদ্ধ্না মধুমিশ্রেণ পূরযত্যুভযস্যা-বরুদ্ধ্যৈ পশুশীর্ষাণ্যুপ দধাতি পশবো বৈ পশুশীর্ষাণি পশূনেবাব রুন্ধে য-ঙ্কামযেতা-ঽপশু-স্স্যাদিতি [-ঽপশু-স্স্যাদিতি, বিষূচীনানি] 50
বিষূচীনানি তস্যোপ দদ্ধ্যা-দ্বিষূচ এবাস্মা-ত্পশূ-ন্দধাত্যপশুরেব ভবতি য-ঙ্কামযেত পশুমান্-থ্স্যাদিতি সমীচীনানি তস্যোপ দদ্ধ্যা-থ্সমীচ এবাস্মৈ পশূ-ন্দধাতি পশুমানেব ভবতি পুরস্তা-ত্প্রতীচীনমশ্বস্যোপ দধাতি পশ্চা-ত্প্রাচীনমৃষভস্যা-পশবো বা অন্যে গো অশ্বেভ্যঃ পশবো গো অশ্বানেবাস্মৈ সমীচো দধাত্যে-তাবন্তো বৈ পশবো [পশবঃ, দ্বিপাদশ্চ] 51
দ্বিপাদশ্চ চতুষ্পাদশ্চ তান্. বা এতদগ্নৌ প্রদধাতি য-ত্পশুশীর্ষাণ্যুপ-দধাত্য-মুমারণ্যমনু তে দিশামীত্যাহ গ্রাম্যেভ্য এব পশুভ্য আরণ্যা-ন্পশূঞ্ছুচমনূথ্সৃজতি তস্মা-থ্সমাব-ত্পশূনা-ম্প্রজাযমানানা-মারণ্যাঃ পশবঃ কনীযাগ্ংস-শ্শুচা হ্যৃতা-স্সর্পশীর্ষমুপ দধাতি যৈব সর্পে ত্বিষিস্তামেবা-ঽব রুন্ধে [-ঽব রুন্ধে, য-থ্সমীচীন-] 52
য-থ্সমীচীন--ম্পশুশীর্ষৈরুপ দদ্ধ্যা-দ্গ্রাম্যা-ন্পশূ-ন্দগ্ংশুকা-স্স্যুর্য-দ্বিষূচীন-মারণ্যান্. যজুরেব বদেদব তা-ন্ত্বিষিগ্ং রুন্ধে যা সর্পে ন গ্রাম্যা-ন্পশূন্. হিনস্তি না-ঽঽরণ্যানথো খলূপধেযমেব যদুপদধাতি তেন তা-ন্ত্বিষিমব রুন্ধে যা সর্পে য-দ্যজুর্বদতি তেন শান্তম্ ॥ 53 ॥

(ঊনান্তস্যোপ - প্রাণাঃ - স্যাদিতি - বৈ পশবো - রুন্ধে - চতুশ্চত্বারিগ্ংশচ্চ) (অ. 9)
পশুর্বা এষ যদগ্নির্যোনিঃ খলু বা এষা পশোর্বি ক্রিযতে য-ত্প্রাচীনমৈষ্টকা-দ্যজুঃ ক্রিযতে রেতো-ঽপস্যা অপস্যা উপ দধাতি যোনাবেব রেতো দধাতি পঞ্চোপ দধাতি পাঙ্ক্তাঃ পশবঃ পশূনেবাস্মৈ প্রজনযতি পঞ্চ দক্ষিণতো বজ্রো বা অপস্যা বজ্রেণৈব যজ্ঞস্য দক্ষিণতো রক্ষাগ্স্যপ হন্তি পঞ্চ পশ্চা- [পঞ্চ পশ্চাত্, প্রাচীরুপ দধাতি] 54
-ত্প্রাচীরুপ দধাতি পশ্চাদ্বৈ প্রাচীনগ্ং রেতো ধীযতে পশ্চাদেবাস্মৈ প্রাচীনগ্ং রেতো দধাতি পঞ্চ পুরস্তা-ত্প্রতীচীরুপ দধাতি পঞ্চ পশ্চা-ত্প্রাচীস্তস্মা-ত্প্রাচীনগ্ং রেতো ধীযতে প্রতীচীঃ প্রজা জাযন্তে পঞ্চোত্তরত শ্ছন্দস্যাঃ পশবো বৈ ছন্দস্যাঃ পশূনেব প্রজাতান্-থ্স্বমাযতনমভি পর্যূহত ইযং-বাঁ অগ্নে-রতিদাহা-দবিভে-থ্সৈতা [-দবিভে-থ্সৈতাঃ, অপস্যা অপশ্য-ত্তা] 55
অপস্যা অপশ্য-ত্তা উপাধত্ত ততো বা ইমা-ন্নাত্যদহ-দ্যদপস্যা উপদধাত্যস্যা অনতিদাহাযোবাচ হেযমদদি-থ্স ব্রহ্মণা-ঽন্নং-যঁস্যৈতা উপধীযান্তৈ য উ চৈনা এবংবেঁ দদিতি প্রাণভৃত উপ দধাতি রেতস্যেব প্রাণা-ন্দধাতি তস্মা-দ্বদ-ন্প্রাণ-ন্পশ্যঞ্ছৃণ্ব-ন্পশুর্জাযতে ঽয-ম্পুরো [-ঽয-ম্পুরঃ, ভুব ইতি] 56
ভুব ইতি পুরস্তাদুপ দধাতি প্রাণমেবৈতাভি-র্দাধারা-ঽয-ন্দক্ষিণা বিশ্বকর্মেতি দক্ষিণতো মন এবৈতাভির্দাধারায-ম্পশ্চা-দ্বিশ্বব্যচা ইতি পশ্চা-চ্চক্ষুরেবৈতাভি-র্দাধারেদ-মুত্তরা-থ্সুবরিত্যুত্তরত-শ্শ্রোত্রমেবৈতাভি-র্দাধারেযমুপরি মতিরিত্যুপরিষ্টা-দ্বাচমেবৈতাভি-র্দাধার দশদশোপ দধাতি সবীর্যত্বাযাক্ষ্ণযো [সবীর্যত্বাযাক্ষ্ণযা, উপ দধাতি] 57
-প দধাতি তস্মাদক্ষ্ণযা পশবো-ঽঙ্গানি প্রহরন্তি প্রতিষ্ঠিত্যৈ যাঃ প্রাচীস্তাভি-র্বসিষ্ঠ আর্ধ্নোদ্যা দক্ষিণা তাভির্ভরদ্বাজো যাঃ প্রতীচীস্তাভি র্বিশ্বামিত্রো যা উদীচীস্তাভি-র্জমদগ্নির্যা ঊর্ধ্বাস্তাভি-র্বিশ্বকর্মা য এবমেতাসামৃদ্ধিং-বেঁদর্ধ্নোত্যেব য আসামেব-ম্বন্ধুতাং-বেঁদ বন্ধুমা-ন্ভবতি য আসামেব-ঙ্কৢপ্তিং-বেঁদ কল্পতে- [কল্পতে, অস্মৈ য আসামেব-] 58
-ঽস্মৈ য আসামেব-মাযতনং-বেঁদা-ঽঽযতনবা-ন্ভবতি য আসামেব-ম্প্রতিষ্ঠাং-বেঁদ প্রত্যেব তিষ্ঠতি প্রাণভৃত উপধায সংযঁত উপ দধাতি প্রাণানেবা ঽস্মি-ন্ধিত্বা সংযঁদ্ভি-স্সংযঁচ্ছতি ত-থ্সংযঁতাগ্ং সংযঁত্ত্বমথো প্রাণ এবাপান-ন্দধাতি তস্মা-ত্প্রাণাপানৌ স-ঞ্চরতো বিষূচীরুপ দধাতি তস্মা-দ্বিষ্বঞ্চৌ প্রাণাপানৌ যদ্বা অগ্নেরসংযঁত- [অগ্নেরসংযঁতম্, অসুবর্গ্যমস্য] 59
-মসুবর্গ্যমস্য ত-থ্সুবর্গ্যো-ঽগ্নির্য-থ্সংযঁত উপ দধাতি সমেবৈনং-যঁচ্ছতি উবর্গ্যমেবাক -স্ত্র্যবির্বযঃ কৃতমযানামিত্যাহ বযোভিরেবাযানব রুন্ধে ঽযৈর্বযাগ্ংসি সর্বতো বাযুমতীর্ভবন্তি তস্মাদযগ্ং সর্বতঃ পবতে ॥ 60 ॥

(পশ্চা - দেতাঃ - পুরো - ঽক্ষ্ণযা - কল্পতে - ঽসং-যঁতং - পঞ্চত্রিগ্ংশচ্চ) (অ. 10)
গাযত্রী ত্রিষ্টু-ব্জগত্যনুষ্টু-ক্পঙ্ক্ত্যা সহ । বৃহত্যুষ্ণিহা ককু-থ্সূচীভিঃ শিম্যন্তু ত্বা ॥ দ্বিপদা যা চতুষ্পদা ত্রিপদা যাচ ষট্পদা । সছন্দা যা চ বিচ্ছন্দা-স্সূচীভিঃ শিম্যন্তু ত্বা ॥ মহানাম্নী রেবতযো বিশ্বা আশাঃ প্রসূবরীঃ । মেঘ্যা বিদ্যুতো বাচঃ সূচীভিঃ শিম্যন্তু ত্বা ॥ রজতা হরিণী-স্সীসা যুজো যুজ্যন্তে কর্মভিঃ । অশ্বস্য বাজিনস্ত্বচি সূচীভিঃ শিম্যন্তু ত্বা ॥ নারী- [নারীঃ, তে পত্নযো লোম] 61
-স্তে পত্নযো লোম বিচিন্বন্তু মনীষযা । দেবানা-ম্পত্নীর্দিশঃ সূচীভিঃ শিম্যন্তু ত্বা ॥ কুবিদঙ্গ যবমন্তো যব-ঞ্চিদ্যথা দান্ত্যনুপূর্বং-বিঁযূয । ইহেহৈষা-ঙ্কৃণুত ভোজনানি যে বর্হিষো নমোবৃক্তি-ন্নজগ্মুঃ ॥ 62 ॥

(নারী - স্ত্রিগ্ংশচ্চ) (অ. 11)
কস্ত্বা চ্ছ্যতি কস্ত্বা বি শাস্তি কস্তে গাত্রাণি শিম্যতি । ক উ তে শমিতা কবিঃ ॥ ঋতবস্ত ঋতুধা পরুঃ শমিতারো বিশাসতু । সংবঁথ্সরস্য ধাযসা শিমীভি-শ্শিম্যন্তু ত্বা ॥ দৈব্যা অদ্ধ্বর্যবস্ত্বা চ্ছ্যন্তু বি চ শাসতু । গাত্রাণি পর্বশস্তে শিমাঃ কৃণ্বন্তু শিম্যন্তঃ ॥ অর্ধমাসাঃ পরূগ্ংষি তে মাসা-শ্ছ্যন্তু শিম্যন্তঃ । অহোরাত্রাণি মরুতো বিলিষ্টগ্ং [মরুতো বিলিষ্টম্, সূদযন্তু তে ।] 63
সূদযন্তু তে ॥ পৃথিবী তে ঽন্তরিক্ষেণ বাযুশ্ছিদ্র-ম্ভিষজ্যতু । দ্যৌস্তে নক্ষত্রৈ-স্সহ রূপ-ঙ্কৃণোতু সাধুযা ॥ শ-ন্তে পরেভ্যো গাত্রেভ্য-শ্শমস্ত্ববরেভ্যঃ । শমস্থভ্যো মজ্জভ্য-শ্শমু তে তনুবে ভুবত্ ॥ 64 ॥

(বিলিষ্টং - ত্রিগ্ংশচ্চ) (অ. 12)
(বিষ্ণুমুখা - অন্নপতে - যাবতী - বি বৈ - পুরুষমাত্রেণা - ঽগ্নে তব শ্রবো বযো - ব্রহ্ম জজ্ঞানগ্গ্ - স্বযমাতৃণ্ণা - মেষাং-বৈঁ - পশু - র্গাযত্রী - কস্ত্বা - দ্বাদশ )
(বিষ্ণুমুখা - অপচিতিমান্ - বি বা এতা - বগ্নে তব - স্বযমাতৃণ্ণাং - ঁবিষূচীনানি - গাযত্রী - চতুষ্ষষ্টিঃ)
(বিষ্ণুমুখা, স্তনুবে ভুবত্)
॥ হরিঃ ওম্ ॥