5.4 - దేవాసురా సంయత్తా ఆసన్న్ - కృష్ణ యజుర్వేద తైత్తిరీయ సంహితా పాఠః

కృష్ణ యజుర్వేదీయ తైత్తిరీయ సంహితాయా-మ్పఞ్చమకాణ్డే చతుర్థః ప్రశ్నః - ఇష్టకాత్రయాభిధానం
ఓ-న్నమః పరమాత్మనే, శ్రీ మహాగణపతయే నమః,

శ్రీ గురుభ్యో నమః । హరిః ఓమ్ ॥
దేవాసురా-స్సంయఁత్తా ఆస-న్తే న వ్యజయన్త స ఏతా ఇన్ద్రస్తనూరపశ్య-త్తా ఉపాధత్త తాభిర్వై స తనువమిన్ద్రియం-వీఁర్యమాత్మన్నధత్త తతో దేవా అభవ-న్పరా-ఽసురా యదిన్ద్రతనూరుపదధాతి తనువమేవ తాభిరిన్ద్రియం-వీఁర్యం-యఁజమాన ఆత్మ-న్ధత్తే-ఽథో సేన్ద్రమేవాగ్నిగ్ం సతను-ఞ్చినుతే భవత్యాత్మనా పరా-ఽస్య భ్రాతృవ్యో [భ్రాతృవ్యః, భవతి యజ్ఞో] 1
భవతి యజ్ఞో దేవేభ్యో-ఽపాక్రామ-త్తమవరుధ-న్నాశక్నువన్త ఏతా యజ్ఞతనూరపశ్య-న్తా ఉపాదధత తాభిర్వై తే యజ్ఞమవారున్ధత య-ద్యజ్ఞతనూరుపదధాతి యజ్ఞమేవ తాభిర్యజమానో-ఽవ రున్ధే త్రయస్త్రిగ్ం శతముప దధాతి త్రయస్త్రిగ్ంశద్వై దేవతా దేవతా ఏవావ రున్ధే ఽథో సాత్మానమేవాగ్నిగ్ం సతను-ఞ్చినుతే సాత్మా-ఽముష్మి-ల్లోఁకే [-ఽముష్మి-ల్లోఁకే, భవతి య] 2
భవతి య ఏవం-వేఁద జ్యోతిష్మతీరుప దధాతి జ్యోతిరేవాస్మి-న్దధాత్యేతాభిర్వా అగ్నిశ్చితో జ్వలతి తాభిరేవైనగ్ం సమిన్ధ ఉభయోరస్మై లోకయోర్జ్యోతిర్భవతి నక్షత్రేష్టకా ఉప దధాత్యేతాని వై దివో జ్యోతీగ్ంషి తాన్యేవావ రున్ధే సుకృతాం-వాఁ ఏతాని జ్యోతీగ్ంషి యన్నక్షత్రాణి తాన్యేవా-ఽఽప్నోత్యథో అనూకాశ-మేవైతాని [-మేవైతాని, జ్యోతీగ్ంషి కురుతే] 3
జ్యోతీగ్ంషి కురుతే సువర్గస్య లోకస్యానుఖ్యాత్యై య-థ్సగ్గ్స్పృష్టా ఉపదద్ధ్యా-ద్వృష్ట్యై లోకమపి దద్ధ్యాదవర్షుకః పర్జన్యః స్యాదసగ్గ్స్పృష్టా ఉప దధాతి వృష్ట్యా ఏవ లోక-ఙ్కరోతి వర్షుకః పర్జన్యో భవతి పురస్తాదన్యాః ప్రతీచీరుప దధాతి పశ్చాదన్యాః ప్రాచీస్తస్మా-త్ప్రాచీనాని చ ప్రతీచీనాని చ నక్షత్రాణ్యా వర్తన్తే ॥ 4 ॥

(భ్రాతృవ్యో - లోక - ఏవైతాన్యే - కచత్వారిగ్ంశచ్చ) (అ. 1)
ఋతవ్యా ఉప దధాత్యృతూనా-ఙ్కౢప్త్యై ద్వద్వమ్ముప దధాతి తస్మా-ద్ద్వన్ద్వమృతవో ఽధృతేవ వా ఏషా యన్మద్ధ్యమా చితిరన్తరిక్షమివ వా ఏషా ద్వద్వమ్మన్యాసు చితీషూప దధాతి చతస్రో మద్ధ్యే ధృత్యా అన్తశ్శ్లేషణం-వాఁ ఏతాశ్చితీనాం-యఁదృతవ్యా యదృతవ్యా ఉపదధాతి చితీనాం-విఁధృత్యా అవకామనూప దధాత్యేషా వా అగ్నేర్యోని-స్సయోని- [అగ్నేర్యోని-స్సయోనిమ్, ఏవాగ్ని-] 5
-మేవాగ్ని-ఞ్చినుత ఉవాచ హ విశ్వామిత్రో ఽదది-థ్స బ్రహ్మణా-ఽన్నం-యఁస్యైతా ఉపధీయాన్తై య ఉ చైనా ఏవం-వేఁదదితి సంవఁథ్సరో వా ఏత-మ్ప్రతిష్ఠాయై నుదతే యో-ఽగ్ని-ఞ్చిత్వా న ప్రతితిష్ఠతి పఞ్చ పూర్వాశ్చితయో భవన్త్యథ షష్ఠీ-ఞ్చితి-ఞ్చినుతే షడ్వా ఋతవః సంవఁథ్సర ఋతుష్వేవ సంవఁథ్సరే ప్రతితిష్ఠత్యే తా వా [ప్రతితిష్ఠత్యే తా వా, అధిపత్నీర్నామేష్టకా] 6
అధిపత్నీర్నామేష్టకా యస్యైతా ఉపధీయన్తే-ఽధిపతిరేవ సమానానా-మ్భవతి య-న్ద్విష్యా-త్తముపదధ-ద్ధ్యాయేదేతాభ్య ఏవైన-న్దేవతాభ్య ఆ వృశ్చతి తాజగార్తిమార్చ్ఛత్యఙ్గిరస-స్సువర్గం-లోఁకం-యఁన్తో యా యజ్ఞస్య నిష్కృతిరాసీ-త్తామృషిభ్యః ప్రత్యౌహ-న్తద్ధిరణ్యమభవద్య-ద్ధిరణ్యశల్కైః ప్రోక్షతి యజ్ఞస్య నిష్కృత్యా అథో భేషజమేవా-ఽస్మై కరో- [-ఽస్మై కరోతి, అథో రూపేణైవైనగ్ం] 7
-త్యథో రూపేణైవైనగ్ం సమర్ధయత్యథో హిరణ్యజ్యోతిషైవ సువర్గం-లోఁకమేతి సాహస్రవతా ప్రోక్షతి సాహస్రః ప్రజాపతిః ప్రజాపతేరాప్త్యా ఇమా మే అగ్న ఇష్టకా ధేనవః సన్త్విత్యాహ ధేనూరేవైనాః కురుతే తా ఏన-ఙ్కామదుఘా అముత్రాముష్మిన్ ఁలోక ఉప తిష్ఠన్తే ॥ 8 ॥

(సయోని - మేతా వై - కరోత్యే - కాన్నచత్వారిగ్ంశచ్చ) (అ. 2)
రుద్రో వా ఏష యదగ్ని-స్స ఏతర్హి జాతో యర్హి సర్వశ్చిత-స్స యథా వథ్సో జాత-స్స్తన-మ్ప్రేఫ్సత్యేవం-వాఁ ఏష ఏతర్హి భాగధేయ-మ్ప్రేఫ్సతి తస్మై యదాహుతి-న్న జుహుయాదద్ధ్వర్యు-ఞ్చ యజమాన-ఞ్చ ధ్యాయేచ్ఛతరుద్రీయ-ఞ్జుహోతి భాగధేయేనైవైనగ్ం శమయతి నా-ఽఽర్తిమార్చ్ఛత్యద్ధ్వర్యుర్న యజమానో య-ద్గ్రామ్యాణా-మ్పశూనా- [య-ద్గ్రామ్యాణా-మ్పశూనామ్, పయసా జుహుయా-] 9
-మ్పయసా జుహుయా-ద్గ్రామ్యా-న్పశూఞ్ఛుచా ఽర్పయే-ద్యదారణ్యానా-మారణ్యాన్ జర్తిలయవాగ్వా వా జుహుయా-ద్గవీధుకయవాగ్వా వా న గ్రామ్యా-న్పశూన్. హినస్తి నా-ఽఽరణ్యానథో ఖల్వాహురనాహుతిర్వై జర్తిలాశ్చ గవీధుకాశ్చేత్య జక్షీరేణ జుహోత్యాగ్నేయీ వా ఏషా యదజా-ఽఽహుత్యైవ జుహోతి న గ్రామ్యా-న్పశూన్. హినస్తి నా-ఽఽరణ్యానఙ్గిరస-స్సువర్గం-లోఁకం-యఁన్తో- [-ఁలోకం-యఁన్తః, అజాయా-ఙ్ఘర్మ-] 10
-ఽజాయా-ఙ్ఘర్మ-మ్ప్రాసిఞ్చన్థ్సా శోచన్తీ పర్ణ-మ్పరా-ఽజిహీత సో(1)-ఽర్కో-ఽభవ-త్తదర్కస్యా-ర్కత్వమర్కపర్ణేన జుహోతి సయోనిత్వాయోద-న్తిష్ఠన్ జుహోత్యేషా వై రుద్రస్య ది-ఖ్స్వాయామేవ దిశి రుద్ర-న్నిరవదయతే చరమాయామిష్టకాయా-ఞ్జుహోత్యన్తత ఏవ రుద్ర-న్నిరవదయతే త్రేధావిభక్త-ఞ్జుహోతి త్రయ ఇమే లోకా ఇమానేవ లోకాన్-థ్సమావద్వీర్యాన్ కరోతీయత్యగ్రే జుహో- [జుహోతి, అథేయత్యథేయతి] 11
-త్యథేయత్యథేయతి త్రయ ఇమే లోకా ఏభ్య ఏవైనం-లోఁకేభ్యః శమయతి తిస్ర ఉత్తరా ఆహుతీర్జుహోతి ష-ట్థ్స-మ్పద్యన్తే ష-డ్వా ఋతవ ఋతుభిరేవైనగ్ం శమయతి యదనుపరిక్రామ-ఞ్జుహుయాదన్తరవచారిణగ్ం రుద్ర-ఙ్కుర్యాదథో ఖల్వాహుః కస్యాం-వాఁ-ఽహ దిశి రుద్రః కస్యాం-వేఁత్యనుపరిక్రామమేవ హోతవ్య-మపరివర్గమేవైనగ్ం శమయ- [శమయతి, ఏతావై] 12
-త్యేతావై దేవతా-స్సువర్గ్యాయా ఉత్తమాస్తా యజమానం-వాఁచయతి తాభిరేవైనగ్ం సువర్గం-లోఁక-ఙ్గమయతి య-న్ద్విష్యా-త్తస్య సఞ్చరే పశూనా-న్న్యస్యే-ద్యః ప్రథమః పశురభితిష్ఠతి స ఆర్తిమార్చ్ఛతి ॥ 13 ॥

(పశూనాం - ఁయన్తో - ఽగ్నే జుహోత్య - పరివర్గమేవైనగ్ం శమయతి - త్రిగ్ంశచ్చ) (అ. 3)
అశ్మన్నూర్జమితి పరి షిఞ్చతి మార్జయత్యేవైనమథో తర్పయత్యేవ స ఏన-న్తృప్తో ఽక్షుద్ధ్య-న్నశోచ-న్నముష్మిన్ ఁలోక ఉప తిష్ఠతే తృప్యతి ప్రజయా పశుభిర్య ఏవం-వేఁద తా-న్న ఇషమూర్జ-న్ధత్త మరుత-స్సగ్ంరరాణా ఇత్యాహాన్నం-వాఁ ఊర్గన్న-మ్మరుతో-ఽన్నమేవావ రున్ధే ఽశ్మగ్గ్స్తే క్షుదము-న్తే శు- [క్షుదము-న్తే శుక్, ఋచ్ఛతు య-న్ద్విష్మ] 14
-గృచ్ఛతు య-న్ద్విష్మ ఇత్యాహ యమేవ ద్వేష్టి తమస్య క్షుధా చ శుచా చార్పయతి త్రిః పరిషిఞ్చ-న్పర్యేతి త్రివృద్వా అగ్నిర్యావానేవా-గ్నిస్తస్య శుచగ్ం శమయతి త్రిః పునః పర్యేతి ష-ట్థ్స-మ్పద్యన్తే ష-డ్వా ఋతవ ఋతుభిరేవాస్య శుచగ్ం శమయత్యపాం-వాఁ ఏత-త్పుష్పం-యఁద్వేతసో-ఽపాగ్ం - [యద్వేతసో-ఽపామ్, శరో-ఽవకా] 15
శరో-ఽవకా వేతసశాఖయా చావకాభిశ్చ వి కర్షత్యాపో వై శాన్తా-శ్శాన్తాభిరేవాస్య శుచగ్ం శమయతి యో వా అగ్ని-ఞ్చిత-మ్ప్రథమః పశురధిక్రామతీశ్వరో వై తగ్ం శుచా ప్రదహో మణ్డూకేన వికర్షత్యేష వై పశూనా-మనుపజీవనీయో న వా ఏష గ్రామ్యేషు పశుషు హితో నా-ఽఽరణ్యేషు తమేవ శుచా-ఽర్పయత్యష్టాభి-ర్వి కర్ష- [-ర్వి కర్షతి, అష్టాక్షరా] 16
-త్యష్టాక్షరా గాయత్రీ గాయత్రో-ఽగ్నిర్యావా-నేవా-ఽగ్నిస్తస్య శుచగ్ం శమయతి పావకవతీభిరన్నం-వైఁ పావకో-ఽన్నేనైవాస్య శుచగ్ం శమయతి మృత్యుర్వా ఏష యదగ్నిర్బ్రహ్మణ ఏతద్రూపం-యఁ-త్కృష్ణాజిన-ఙ్కార్ష్ణీ ఉపానహావుప ముఞ్చతే బ్రహ్మణైవ మృత్యోరన్తర్ధత్తే ఽన్తర్మృత్యోర్ధత్తే ఽన్తరన్నాద్యా-దిత్యాహురన్యా-ముపముఞ్చతే-ఽన్యా-న్నాన్త- [-ఽన్యా-న్నాన్తః, ఏవ మృత్యోర్ధత్తే] 17
-రేవ మృత్యోర్ధత్తే ఽవా-ఽన్నాద్యగ్ం రున్ధే నమస్తే హరసే శోచిష ఇత్యాహ నమస్కృత్య హి వసీయాగ్ం సముపచరన్త్యన్య-న్తే అస్మ-త్తపన్తు హేతయ ఇత్యాహ యమేవ ద్వేష్టి తమస్య శుచా-ఽర్పయతి పావకో అస్మభ్యగ్ం శివో భవేత్యాహాన్నం-వైఁ పావకో-ఽన్నమేవావ రున్ధే ద్వాభ్యామధి క్రామతి ప్రతిష్ఠిత్యా అపస్యవతీభ్యాగ్ం శాన్త్యై ॥ 18 ॥

(శు - గ్వేతసో-ఽపా - మష్టాభిర్వి కర్షతి - నాన్త - రేకాన్న పఞ్చాశచ్చ) (అ. 4)
నృషదే వడితి వ్యాఘారయతి పఙ్క్త్యా-ఽఽహుత్యా యజ్ఞముఖమా రభతే ఽక్ష్ణయా వ్యాఘారయతి తస్మాదక్ష్ణయా పశవో-ఽఙ్గాని ప్రహరన్తి ప్రతిష్ఠిత్యై యద్వషట్కుర్యా-ద్యాతయామా-ఽస్య వషట్కార-స్స్యాద్యన్న వషట్కుర్యా-ద్రక్షాగ్ంసి యజ్ఞగ్ం హన్యుర్వడిత్యాహ పరోక్షమేవ వష-ట్కరోతి నాస్య యాతయామా వషట్కారో భవతి న యజ్ఞగ్ం రక్షాగ్ంసి ఘ్నన్తి హుతాదో వా అన్యే దేవా [అన్యే దేవాః, అహుతాదో-ఽన్యే] 19
అహుతాదో-ఽన్యే తానగ్నిచిదేవోభయా-న్ప్రీణాతి యే దేవా దేవానామితి దద్ధ్నా మధుమిశ్రేణావోక్షతి హుతాదశ్చైవ దేవానహుతాదశ్చ యజమానః ప్రీణాతి తే యజమాన-మ్ప్రీణన్తి దద్ధ్నైవ హుతాదః ప్రీణాతి మధుషా ఽహుతాదో గ్రామ్యం-వాఁ ఏతదన్నం-యఁద్దద్ధ్యారణ్య-మ్మధు యద్దధ్నా మధుమిశ్రేణా-వోక్షత్యుభయస్యా-ఽవరుద్ధ్యై గ్రుముష్టినా-ఽవోక్షతి ప్రాజాపత్యో [ప్రాజాపత్యః, వై గ్రుముష్టి-] 20
వై గ్రుముష్టి-స్సయోనిత్వాయ ద్వాభ్యా-మ్ప్రతిష్ఠిత్యా అనుపరిచార-మవోక్షత్య-పరివర్గమేవైనా-న్ప్రీణాతి వి వా ఏష ప్రాణైః ప్రజయా పశుభిర్-ఋద్ధ్యతే యో-ఽగ్ని-ఞ్చిన్వన్నధిక్రామతి ప్రాణదా అపానదా ఇత్యాహ ప్రాణానేవా-ఽఽత్మ-న్ధత్తే వర్చోదా వరివోదా ఇత్యాహ ప్రజా వై వర్చః పశవో వరివః ప్రజామేవ పశూనాత్మ-న్ధత్త ఇన్ద్రో వృత్రమహన్తం-వృఁత్రో [వృత్రమహన్తం-వృఁత్రః, హత-ష్షోడశభి-] 21
హత-ష్షోడశభి-ర్భోగైరసినా-థ్స ఏతామగ్నయే-ఽనీకవత ఆహుతిమపశ్య-త్తామజుహో-త్తస్యాగ్నిరనీ కవాన్థ్స్వేన భాగధేయేన ప్రీత-ష్షోడశధా వృత్రస్య భోగానప్యదహ-ద్వైశ్వకర్మణేన పాప్మనో నిరముచ్యత యదగ్నయే-ఽనీకవత ఆహుతి-ఞ్జుహోత్యగ్నిరేవా-ఽస్యానీకవాన్థ్స్వేన భాగధేయేన ప్రీతః పాప్మానమపి దహతి వైశ్వకర్మణేన పాప్మనో నిర్ముచ్యతే య-ఙ్కామయేత చిర-మ్పాప్మనో [చిర-మ్పాప్మనః, నిర్ముచ్యేతేత్యేకైక-] 22
నిర్ముచ్యేతేత్యేకైక-న్తస్య జుహుయాచ్చిరమేవ పాప్మనో నిర్ముచ్యతే య-ఙ్కామయేత తాజ-క్పాప్మనో నిర్ముచ్యేతేతి సర్వాణి తస్యానుద్రుత్య జుహుయా-త్తాజగేవ పాప్మనో నిర్ముచ్యతే-ఽథో ఖలు నానైవ సూక్తాభ్యా-ఞ్జుహోతి నానైవ సూక్తయోర్వీర్య-న్దధాత్యథో ప్రతిష్ఠిత్యై ॥ 23 ॥

(దేవాః - ప్రాజాపత్యో-వృత్ర - శ్చిర-మ్పాప్మన - శ్చత్వారిగ్ంశచ్చ) (అ. 5)
ఉదేనముత్తరా-న్నయేతి సమిధ ఆ దధాతి యథా జనం-యఁతే-ఽవస-ఙ్కరోతి తాదృగేవ త-త్తిస్ర ఆ దధాతి త్రివృద్వా అగ్నిర్యావానే-వాగ్నిస్తస్మై భాగధేయ-ఙ్కరోత్యౌదుమ్బరీ-ర్భవన్త్యూర్గ్వా ఉదుమ్బర ఊర్జమేవాస్మా అపి దధాత్యుదు త్వా విశ్వే దేవా ఇత్యాహ ప్రాణా వై విశ్వే దేవాః ప్రాణై- [ప్రాణైః, ఏవైన-] 24
-రేవైన-ముద్యచ్ఛతే ఽగ్నే భరన్తు చిత్తిభిరిత్యాహ యస్మా ఏవైన-ఞ్చిత్తాయోద్యచ్ఛతే తేనైవైనగ్ం సమర్ధయతి పఞ్చ దిశో దైవీర్యజ్ఞమవన్తు దేవీరిత్యాహ దిశో హ్యేషో-ఽను ప్రచ్యవతే ఽపామతి-న్దుర్మతి-మ్బాధమానా ఇత్యాహ రక్షసామపహత్యై రాయస్పోషే యజ్ఞపతి-మాభజన్తీరిత్యాహ పశవో వై రాయస్పోషః [రాయస్పోషః, పశూనేవావ] 25
పశూనేవావ రున్ధే షడ్భిర్హరతి ష-డ్వా ఋతవ ఋతుభిరేవైనగ్ం హరతి ద్వే పరిగృహ్యవతీ భవతో రక్షసామపహత్యై సూర్యరశ్మిర్హరికేశః పురస్తాదిత్యాహ ప్రసూత్యై తతః పావకా ఆశిషో నో జుషన్తామిత్యాహాన్నం-వైఁ పావకో-ఽన్నమేవావ రున్ధే దేవాసురా-స్సంయఁత్తా ఆస-న్తే దేవా ఏత-దప్రతిరథ-మపశ్య-న్తేన వై తే ప్ర- [వై తే ప్రతి, అసురానజయ-న్త-] 26
-త్యసురానజయ-న్త-దప్రతిరథస్యా-ప్రతిరథత్వం-యఁదప్రతిరథ-న్ద్వితీయో హోతా-ఽన్వాహాప్రత్యేవ తేన యజమానో భ్రాతృవ్యాన్ జయత్యథో అనభిజితమేవాభి జయతి దశర్చ-మ్భవతి దశాక్షరా విరా-డ్విరాజేమౌ లోకౌ విధృతా వనయోర్లోకయోర్విధృత్యా అథో దశాక్షరా విరాడన్నం-విఁరా-డ్విరాజ్యేవాన్నాద్యే ప్రతితిష్ఠత్యసదివ వా అన్తరిక్షమన్తరిక్షమివా ఽఽగ్నీద్ధ్ర-మాగ్నీద్ధ్రే- [-మాగ్నీద్ధ్రే, అశ్మాన-న్ని దధాతి] 27
-ఽశ్మాన-న్ని దధాతి సత్త్వాయ ద్వాభ్యా-మ్ప్రతిష్ఠిత్యై విమాన ఏష దివో మద్ధ్య ఆస్త ఇత్యాహ వ్యేవైతయా మిమీతే మద్ధ్యే దివో నిహితః పృశ్ఞిరశ్మేత్యాహాన్నం-వైఁ పృశ్ఞ్యన్నమేవావ రున్ధే చతసృభిరా పుచ్ఛాదేతి చత్వారి ఛన్దాగ్ంసి ఛన్దోభిరేవేన్ద్రం-విఁశ్వా అవీవృధన్నిత్యాహ వృద్ధిమేవోపావర్తతే వాజానాగ్ం సత్పతి-మ్పతి- [సత్పతి-మ్పతిమ్, ఇత్యాహా-ఽన్నం-వైఁ] 28
-మిత్యాహా-ఽన్నం-వైఁ వాజో-ఽన్నమేవావ రున్ధే సుమ్నహూర్యజ్ఞో దేవాగ్ం ఆ చ వక్షదిత్యాహ ప్రజా వై పశవః సుమ్న-మ్ప్రజామేవ పశూనాత్మ-న్ధత్తే యక్షదగ్నిర్దేవో దేవాగ్ం ఆ చ వక్షదిత్యాహ స్వగాకృత్యై వాజస్య మా ప్రసవేనో-ద్గ్రాభేణోదగ్రభీదిత్యాహాసౌ వా ఆదిత్య ఉద్యన్నుద్గ్రాభ ఏష నిమ్రోచ-న్నిగ్రాభో బ్రహ్మణైవా-ఽఽత్మానము-ద్గృహ్ణాతి బ్రహ్మణా భ్రాతృవ్య-న్ని గృహ్ణాతి ॥ 29 ॥

(ప్రాణైః - పోషో - ప్రత్యా - గ్నీద్ధే - పతి - మేష - దశ చ) (అ. 6)
ప్రాచీమను ప్రదిశ-మ్ప్రేహి విద్వానిత్యాహ దేవలోక-మేవైతయోపావర్తతే క్రమద్ధ్వమగ్నినా నాక-మిత్యాహేమానేవైతయా లోకాన్ క్రమతే పృథివ్యా అహముదన్తరిక్షమా ఽరుహమిత్యాహేమానేవైతయా లోకాన్-థ్సమారోహతి సువర్యన్తో నాపేక్షన్త ఇత్యాహ సువర్గమేవైతయా లోకమేత్యగ్నే ప్రేహి [ప్రేహి, ప్రథమో] 30
ప్రథమో దేవయతా-మిత్యాహోభయేష్వేవైతయా దేవమనుష్యేషు చక్షుర్దధాతి పఞ్చభిరధి క్రామతి పాఙ్క్తో యజ్ఞో యావానేవ యజ్ఞస్తేన సహ సువర్గం-లోఁకమేతి నక్తోషాసేతి పురో-ఽనువాక్యామన్వాహ ప్రత్యా అగ్నే సహస్రాక్షేత్యాహ సాహస్రః ప్రజాపతిః ప్రజాపతేరాప్త్యై తస్మై తే విధేమ వాజాయ స్వాహేత్యాహాన్నం-వైఁ వాజో-ఽన్న-మేవావ [వాజో-ఽన్న-మేవావ, రున్ధే దద్ధ్నః] 31
రున్ధే దద్ధ్నః పూర్ణామౌదుమ్బరీగ్ స్వయమాతృణ్ణాయా-ఞ్జుహోత్యూర్గ్వై దద్ధ్యూర్గుదుమ్బరో-ఽసౌ స్వయమాతృణ్ణా ఽముష్యామేవోర్జ-న్దధాతి తస్మాదముతో-ఽర్వాచీమూర్జముప జీవామస్తిసృభిః సాదయతి త్రివృద్వా అగ్నిర్యావానేవాగ్నిస్త-మ్ప్రతిష్ఠా-ఙ్గమయతి ప్రేద్ధో అగ్నే దీదిహి పురో న ఇత్యౌదుమ్బరీమా దధాత్యేషా వై సూర్మీ కర్ణకావత్యేతయా హ స్మ [హ స్మ, వై] 32
వై దేవా అసురాణాగ్ం శతతర్హాగ్ స్తృగ్ంహన్తి యదేతయా సమిధమాదధాతి వజ్రమేవైతచ్ఛతఘ్నీం-యఁజమానో భ్రాతృవ్యాయ ప్రహరతి స్తృత్యా అఛమ్బట్కారం-విఁధేమ తే పరమే జన్మన్నగ్న ఇతి వైకఙ్కతీమా దధాతి భా ఏవావ రున్ధే తాగ్ం సవితుర్వరేణ్యస్య చిత్రామితి శమీమయీగ్ం శాన్త్యా అగ్నిర్వా హ వా అగ్నిచిత-న్దుహే-ఽగ్నిచిద్వా-ఽగ్ని-న్దుహే తాగ్ం [తామ్, సవితు-] 33
సవితు-ర్వరేణ్యస్య చిత్రామిత్యాహైష వా అగ్నేర్దోహస్తమస్య కణ్వ ఏవ శ్రాయసో-ఽవే-త్తేన హ స్మైనగ్ం స దుహే యదేతయా సమిధ-మాదధాత్యగ్నిచిదేవ తదగ్ని-న్దుహే సప్త తే అగ్నే సమిధః సప్తజిహ్వా ఇత్యాహ సప్తైవాస్య సాప్తాని ప్రీణాతి పూర్ణయా జుహోతి పూర్ణ ఇవ హి ప్రజాపతిః ప్రజాపతే- [ప్రజాపతేః, ఆప్త్యై] 34
-రాప్త్యై న్యూనయా జుహోతి న్యూనాద్ధి ప్రజాపతిః ప్రజా అసృజత ప్రజానాగ్ం సృష్ట్యా అగ్నిర్దేవేభ్యో నిలాయత స దిశో-ఽను ప్రా-ఽవిశజ్జుహ్వన్మనసా దిశో ద్ధ్యాయే ద్దిగ్భ్య ఏవైనమవ రున్ధే దద్ధ్నా పురస్తాజ్జుహోత్యా-జ్యేనోపరిష్టా-త్తేజశ్చైవాస్మా ఇన్ద్రియ-ఞ్చ సమీచీ దధాతి ద్వాదశకపాలో వైశ్వానరో భవతి ద్వాదశ మాసా-స్సంవఁథ్సర-స్సంవఁథ్సరో-ఽగ్నిర్వైశ్వానర-స్సాక్షా- [-ఽగ్నిర్వైశ్వానర-స్సాక్షాత్, ఏవ వైశ్వానరమవ] 35
-దేవ వైశ్వానరమవ రున్ధే య-త్ప్రయాజానూయాజాన్ కుర్యాద్వికస్తి-స్సా యజ్ఞస్య దర్విహోమ-ఙ్కరోతి యజ్ఞస్య ప్రతిష్ఠిత్యై రాష్ట్రం-వైఁ వైశ్వానరో విణ్మరుతో వైశ్వానరగ్ం హుత్వా మారుతాన్ జుహోతి రాష్ట్ర ఏవ విశమను బద్ధ్నాత్యుచ్చై-ర్వైశ్వానరస్యా-ఽఽ శ్రావయత్యుపాగ్ంశు మారుతాన్ జుహోతి తస్మా-ద్రాష్ట్రం-విఁశమతి వదతి మారుతా భవన్తి మరుతో వై దేవానాం-విఁశో దేవవిశేనైవాస్మై మనుష్యవిశ -మవ రున్ధే సప్త భవన్తి సప్తగణా వై మరుతో గణశ ఏవ విశమవ రున్ధే గణేన గణమనుద్రుత్య జుహోతి విశమేవాస్మా అనువర్త్మాన-ఙ్కరోతి ॥ 36 ॥

(అగ్నే ప్రేహ్య - వ - స్మ - దుహే తాం - ప్రజాపతేః - సాక్షాన్ - మనుష్యవిశ - మేకవిగ్ంశతిశ్చ) (అ. 7)
వసోర్ధారా-ఞ్జుహోతి వసోర్మే ధారా-ఽసదితి వా ఏషా హూయతే ఘృతస్య వా ఏనమేషా ధారా-ఽముష్మిన్ ఁలోకే పిన్వమానోప తిష్ఠత ఆజ్యేన జుహోతి తేజో వా ఆజ్య-న్తేజో వసోర్ధారా తేజసైవాస్మై తేజో-ఽవ రున్ధే-ఽథో కామా వై వసోర్ధారా కామానేవావ రున్ధే య-ఙ్కామయేత ప్రాణానస్యా-ఽన్నాద్యం-విఁ- [-ఽన్నాద్యం-విఁ, ఛిన్ద్యామితి] 37
-చ్ఛిన్ద్యామితి విగ్రాహ-న్తస్య జుహుయా-త్ప్రాణానేవాస్యాన్నాద్యం-విఁచ్ఛినత్తి య-ఙ్కామయేత ప్రాణానస్యాన్నాద్యగ్ం స-న్తనుయామితి స-న్తతా-న్తస్య జుహుయా-త్ప్రాణానేవాస్యాన్నాద్యగ్ం స-న్తనోతి ద్వాదశ ద్వాదశాని జుహోతి ద్వాదశ మాసా-స్సంవఁథ్సర-స్సంవఁథ్సరేణై వాస్మా అన్నమవ రున్ధే ఽన్న-ఞ్చ మే-ఽక్షుచ్చ మ ఇత్యాహై త-ద్వా [ఇత్యాహై త-ద్వై, అన్నస్య రూపగ్ం] 38
అన్నస్య రూపగ్ం రూపేణైవాన్నమవ రున్ధే ఽగ్నిశ్చ మ ఆపశ్చ మ ఇత్యాహైషా వా అన్నస్య యోని-స్సయోన్యేవాన్నమవ రున్ధే-ఽర్ధేన్ద్రాణి జుహోతి దేవతా ఏవావ రున్ధే య-థ్సర్వేషా-మర్ధమిన్ద్రః ప్రతి తస్మాదిన్ద్రో దేవతానా-మ్భూయిష్ఠభాక్తమ ఇన్ద్రముత్తరమాహే-న్ద్రియమేవాస్మి-న్నుపరిష్టా-ద్దధాతి యజ్ఞాయుధాని జుహోతి యజ్ఞో [యజ్ఞః, వై యజ్ఞాయుధాని] 39
వై యజ్ఞాయుధాని యజ్ఞమేవావ రున్ధే-ఽథో ఏతద్వై యజ్ఞస్య రూపగ్ం రూపేణైవ యజ్ఞమవ రున్ధే ఽవభృథశ్చ మే స్వగాకారశ్చ మ ఇత్యాహ స్వగాకృత్యా అగ్నిశ్చ మే ఘర్మశ్చ మ ఇత్యాహైత-ద్వై బ్రహ్మవర్చసస్య రూపగ్ం రూపేణైవ బ్రహ్మవర్చసమవ రున్ధ ఋక్చ మే సామ చ మ ఇత్యాహై- [మ ఇత్యాహ, ఏతద్వై ఛన్దసాగ్ం] 40
-తద్వై ఛన్దసాగ్ం రూపగ్ం రూపేణైవ ఛన్దాగ్స్యవ రున్ధే గర్భాశ్చ మే వథ్సాశ్చ మ ఇత్యాహైత-ద్వై పశూనాగ్ం రూపగ్ం రూపేణైవ పశూనవ రున్ధే కల్పాన్ జుహోత్య కౢప్తస్య కౢప్త్యై యుగ్మదయుజే జుహోతి మిథునత్వాయో-త్తరావతీ భవతో-ఽభిక్రాన్త్యా ఏకా చ మే తిస్రశ్చ మ ఇత్యాహ దేవఛన్దసం-వాఁ ఏకా చ తిస్రశ్చ [తిస్రశ్చ, మనుష్యఛన్దస-ఞ్చతస్రశ్చా-ఽష్టౌ] 41
మనుష్యఛన్దస-ఞ్చతస్రశ్చా-ఽష్టౌ చ దేవఛన్దస-ఞ్చైవ మనుష్య ఛన్దసఞ్చా-ఽవ రున్ధ ఆ త్రయస్త్రిగ్ం శతో జుహోతి త్రయస్త్రిగ్ంశద్వై దేవతా దేవతా ఏవావ రున్ధ ఆ-ఽష్టాచత్వారిగ్ంశతో జుహోత్యష్టాచత్వారిగ్ం-శదక్షరా జగతీ జాగతాః పశవో జగత్యైవాస్మై పశూనవ రున్ధే వాజశ్చ ప్రసవశ్చేతి ద్వాదశ-ఞ్జుహోతి ద్వాదశ మాసా-స్సంవఁథ్సర-స్సంవఁథ్సర ఏవ ప్రతి తిష్ఠతి ॥ 42 ॥

(వి - వై - యజ్ఞః-సామ చ మ ఇత్యాహ - చ తిస్ర - శ్చైకాన్న పఞ్చాశచ్చ) (అ. 8)
అగ్నిర్దేవేభ్యో ఽపాక్రామ-ద్భాగధేయమిచ్ఛమానస్త-న్దేవా అబ్రువన్నుప న ఆ వర్తస్వ హవ్య-న్నో వహేతి సో-ఽబ్రవీ-ద్వరం-వృఁణై మహ్యమేవ వాజప్రసవీయ-ఞ్జుహవన్నితి తస్మాదగ్నయే వాజప్రసవీయ-ఞ్జుహ్వతి య-ద్వాజప్రసవీయ-ఞ్జుహోత్యగ్నిమేవ త-ద్భాగధేయేన సమర్ధయత్యథో అభిషేక ఏవాస్య స చతుర్దశభిర్జుహోతి సప్త గ్రామ్యా ఓషధయ-స్సప్తా- [ఓషధయ-స్సప్త, అరణ్యా ఉభయీషా-] 43
-ఽఽరణ్యా ఉభయీషా-మవరుద్ధ్యా అన్నస్యాన్నస్య జుహోత్యన్నస్యాన్నస్యా-వరుద్ధ్యా ఔదుమ్బరేణ స్రువేణ జుహోత్యూర్గ్వా ఉదుమ్బర ఊర్గన్నమూర్జైవాస్మా ఊర్జమన్నమవ రున్ధే ఽగ్నిర్వై దేవానా-మభిషిక్తో-ఽగ్నిచి-న్మనుష్యాణా-న్తస్మాదగ్నిచి-ద్వర్షతి న ధావేదవరుద్ధగ్గ్ హ్యస్యా-న్నమన్నమివ ఖలు వై వర్షం-యఁద్ధావే-దన్నాద్యాద్ధావే-దుపావర్తేతా-ఽన్నాద్య-మేవా-ఽభ్యు- [-ఽన్నాద్య-మేవా-ఽభి, ఉపావర్తతే] 44
-పావర్తతే నక్తోషాసేతి కృష్ణాయై శ్వేతవథ్సాయై పయసా జుహోత్యహ్నైవాస్మై రాత్రి-మ్ప్రదాపయతి రాత్రియా-ఽహరహోరాత్రే ఏవాస్మై ప్రత్తే కామమన్నాద్య-న్దుహాతే రాష్ట్రభృతో జుహోతి రాష్ట్రమేవావ రున్ధే షడ్భిర్జుహోతి షడ్వా ఋతవ ఋతుష్వేవ ప్రతితిష్ఠతి భువనస్య పత ఇతి రథముఖే పఞ్చా-ఽఽహుతీర్జుహోతి వజ్రో వై రథో వజ్రేణైవ దిశో- [వజ్రేణైవ దిశః, అభి జయత్యగ్నిచితగ్ం] 45
-ఽభి జయత్యగ్నిచితగ్ం హ వా అముష్మిన్ ఁలోకే వాతో-ఽభి పవతే వాతనామాని జుహోత్యభ్యేవైన-మముష్మిన్ ఁలోకే వాతః పవతే త్రీణి జుహోతి త్రయ ఇమే లోకా ఏభ్య ఏవ లోకేభ్యో వాతమవ రున్ధే సముద్రో-ఽసి నభస్వానిత్యాహైతద్వై వాతస్య రూపగ్ం రూపేణైవ వాతమవ రున్ధే ఽఞ్జలినా జుహోతి న హ్యేతేషామన్యథా ఽఽహుతిరవకల్పతే ॥ 46 ॥

(ఓషధయ-స్సప్తా - భి - దిశో - ఽన్యథా - ద్వే చ) (అ. 9)
సువర్గాయ వై లోకాయ దేవరథో యుజ్యతే యత్రాకూతాయ మనుష్యరథ ఏష ఖలు వై దేవరథో యదగ్నిరగ్నిం-యుఁనజ్మి శవసా ఘృతేనేత్యాహ యునక్త్యేవైనగ్ం స ఏనం-యుఁక్త-స్సువర్గం-లోఁకమభి వహతి య-థ్సర్వాభిః పఞ్చభి-ర్యుఞ్జ్యా-ద్యుక్తో-ఽస్యా-ఽగ్నిః ప్రచ్యుత-స్స్యాదప్రతిష్ఠితా ఆహుతయ-స్స్యురప్రతిష్ఠితా-స్స్తోమా అప్రతిష్ఠితాన్యుక్థాని తిసృభిః ప్రాతస్సవనే-ఽభి మృశతి త్రివృ- [త్రివృత్, వా అగ్నిర్యావానేవా-] 47
-ద్వా అగ్నిర్యావానేవా-గ్నిస్తం-యుఁనక్తి యథా-ఽనసి యుక్త ఆధీయత ఏవమేవ త-త్ప్రత్యాహుతయస్తిష్ఠన్తి ప్రతి స్తోమాః ప్రత్యుక్థాని యజ్ఞాయజ్ఞియస్య స్తోత్రే ద్వాభ్యామభి మృశత్యేతావాన్ వై యజ్ఞో యావానగ్నిష్టోమో భూమా త్వా అస్యాత ఊర్ధ్వః క్రియతే యావానేవ యజ్ఞస్తమన్తతో ఽన్వారోహతి ద్వాభ్యా-మ్ప్రతిష్ఠిత్యా ఏకయా-ఽప్రస్తుత-మ్భవత్యథా- [-ఽప్రస్తుత-మ్భవత్యథ, అభి మృశత్యుపైన-] 48
-ఽభి మృశత్యుపైన-ముత్తరో యజ్ఞో నమత్యథో సన్తత్యై ప్ర వా ఏషో-ఽస్మాల్లోకా-చ్చ్యవతే యో-ఽగ్ని-ఞ్చినుతే న వా ఏతస్యానిష్టక ఆహుతిరవ కల్పతే యాం-వాఁ ఏషో-ఽనిష్టక ఆహుతి-ఞ్జుహోతి స్రవతి వై సా తాగ్ స్రవన్తీం-యఁజ్ఞో-ఽను పరా భవతి యజ్ఞం-యఁజమానో య-త్పునశ్చితి-ఞ్చినుత ఆహుతీనా-మ్ప్రతిష్ఠిత్యై ప్రత్యాహుతయస్తిష్ఠన్తి [ప్రత్యాహుతయస్తిష్ఠన్తి, న యజ్ఞః] 49
న యజ్ఞః పరాభవతి న యజమానో ఽష్టావుప దధాత్యష్టాక్షరా గాయత్రీ గాయత్రేణైవైన-ఞ్ఛన్దసా చినుతే యదేకాదశ త్రైష్టుభేన య-ద్ద్వాదశ జాగతేన ఛన్దోభిరేవైన-ఞ్చినుతే నపాత్కో వైనామైషో-ఽగ్నిర్య-త్పునశ్చితిర్య ఏవం-విఁద్వా-న్పునశ్చితి-ఞ్చినుత ఆ తృతీయా-త్పురుషాదన్నమత్తి యథా వై పునరాధేయ ఏవ-మ్పునశ్చితిర్యో-ఽ-గ్న్యాధేయేన న- [-గ్న్యాధేయేన న, ఋధ్నోతి స] 50
-ర్ధ్నోతి స పునరాధేయమా ధత్తే యో-ఽగ్ని-ఞ్చిత్వా నర్ధ్నోతి స పునశ్చితి-ఞ్చినుతే య-త్పునశ్చితి-ఞ్చినుత ఋద్ధ్యా అథో ఖల్వాహుర్న చేతవ్యేతి రుద్రో వా ఏష యదగ్నిర్యథా వ్యాఘ్రగ్ం సుప్త-మ్బోధయతి తాదృగేవ తదథో ఖల్వాహుశ్చేతవ్యేతి యథా వసీయాగ్ంస-మ్భాగధేయేన బోధయతి తాదృగేవ తన్మనురగ్నిమచినుత తేన నా-ఽఽర్ధ్నోథ్స ఏతా-మ్పునశ్చితిమపశ్య-త్తామచినుత తయా వై స ఆర్ధ్నోద్య-త్పునశ్చితి-ఞ్చినుత ఋద్ధ్యై ॥ 51 ॥

(త్రివృ-దథ-తిష్ఠ-న్త్యగ్న్యాధేయేన నా-చినుత-సప్తదశ- చ) (అ. 10)
ఛన్దశ్చిత-ఞ్చిన్వీత పశుకామః పశవో వై ఛన్దాగ్ంసి పశుమానేవ భవతి శ్యేనచిత-ఞ్చిన్వీత సువర్గకామ-శ్శ్యేనో వై వయసా-మ్పతిష్ఠ-శ్శ్యేన ఏవ భూత్వా సువర్గం-లోఁక-మ్పతతి కఙ్కచిత-ఞ్చిన్వీత యః కామయేత శీర్షణ్వానముష్మిన్ ఁలోకే స్యామితి శీర్షణ్వానేవా-ఽముష్మిన్ ఁలోకే భవత్యలజచిత-ఞ్చిన్వీత చతుస్సీత-మ్ప్రతిష్ఠాకామశ్చతస్రో దిశో దిక్ష్వేవ ప్రతి తిష్ఠతి ప్రౌగచిత-ఞ్చిన్వీత భ్రాతృవ్యవా-న్ప్రై- [భ్రాతృవ్యవా-న్ప్ర, ఏవ భ్రాతృవ్యా-న్నుదత] 52
-వ భ్రాతృవ్యా-న్నుదత ఉభయతః ప్రౌగ-ఞ్చిన్వీతయః కామయేత ప్రజాతా-న్భ్రాతృవ్యా-న్నుదేయ ప్రతి జనిష్యమాణానితి ప్రైవ జాతా-న్భ్రాతృవ్యా-న్నుదతే ప్రతి జనిష్యమాణా-న్రథచక్రచిత-ఞ్చిన్వీత భ్రాతృవ్యవాన్ వజ్రో వై రథో వజ్రమేవ భ్రాతృవ్యేభ్యః ప్రహరతి ద్రోణచిత-ఞ్చిన్వీతాన్నకామో ద్రోణే వా అన్న-మ్భ్రియతే సయోన్యేవాన్నమవ రున్ధే సమూహ్య-ఞ్చిన్వీత పశుకామః పశుమానేవ భవతి [పశుమానేవ భవతి, పరిచాయ్య-ఞ్చిన్వీత] 53
పరిచాయ్య-ఞ్చిన్వీత గ్రామకామో గ్రామ్యేవ భవతి శ్మశానచిత-ఞ్చిన్వీత యః కామయేత పితృలోక ఋద్ధ్నుయామితి పితృలోక ఏవర్ధ్నోతి విశ్వామిత్రజమదగ్నీ వసిష్ఠేనా-ఽస్పర్ధేతాగ్ం స ఏతా జమదగ్నిర్విహవ్యా అపశ్య-త్తా ఉపాధత్త తాభిర్వై స వసిష్ఠస్యేన్ద్రియం-వీఁర్యమవృఙ్క్త య-ద్విహవ్యా ఉపదధాతీన్ద్రియమేవ తాభిర్వీర్యం-యఁజమానో భ్రాతృవ్యస్య వృఙ్క్తే హోతుర్ధిష్ణియ ఉప దధాతి యజమానాయతనం-వైఁ [ ] 54
హోతా స్వ ఏవాస్మా ఆయతన ఇన్ద్రియం-వీఁర్యమవ రున్ధే ద్వాదశోప దధాతి ద్వాదశాక్షరా జగతీ జాగతాః పశవో జగత్యైవాస్మై పశూనవ రున్ధే ఽష్టావష్టావన్యేషు ధిష్ణియేషూప దధాత్యష్టాశఫాః పశవః పశూనేవావ రున్ధే షణ్మార్జాలీయే ష-డ్వా ఋతవ ఋతవః ఖలు వై దేవాః పితర ఋతూనేవ దేవా-న్పితౄ-న్ప్రీణాతి ॥ 55 ॥

(ప్ర - భవతి - యజమానాయతనం-వాఁ - అష్టాచత్వారిగ్ంశచ్చ) (అ. 11)
పవస్వ వాజసాతయ ఇత్యనుష్టు-క్ప్రతిపద్భవతి తిర్సో-ఽనుష్టుభశ్చతస్రో గాయత్రియో య-త్తిస్రో-ఽనుష్టుభ-స్తస్మా-దశ్వస్త్రిభిస్తిష్ఠగ్గ్ స్తిష్ఠతి యచ్చతస్రో గాయత్రియస్తస్మా-థ్సర్వాగ్ శ్చతురః పదః ప్రతిదధ-త్పలాయతే పరమా వా ఏషా ఛన్దసాం-యఁదనుష్టు-క్పరమశ్చతుష్టోమ-స్స్తోమానా-మ్పరమస్త్రిరాత్రో యజ్ఞానా-మ్పరమో-ఽశ్వః పశూనా-మ్పరమేణైవైన-మ్పరమతా-ఙ్గమయత్యేకవిగ్ంశ-మహర్భవతి [-మహర్భవతి, యస్మిన్నశ్వ] 56
యస్మిన్నశ్వ ఆలభ్యతే ద్వాదశ మాసాః పఞ్చర్తవస్త్రయ ఇమే లోకా అసావాదిత్య ఏకవిగ్ంశ ఏష ప్రజాపతిః ప్రాజాపత్యో-ఽశ్వస్తమేవ సాక్షాదృద్ధ్నోతి శక్వరయః పృష్ఠ-మ్భవన్త్యన్-యదన్య-చ్ఛన్దో-ఽన్యేన్యే వా ఏతే పశవ ఆ లభ్యన్త ఉతేవ గ్రామ్యా ఉతేవా-ఽఽరణ్యా యచ్ఛక్వరయః పృష్ఠ-మ్భవన్త్యశ్వస్య సర్వత్వాయ పార్థురశ్మ-మ్బ్రహ్మసామ-మ్భవతి రశ్మినా వా అశ్వో [రశ్మినా వా అశ్వః, యత ఈశ్వరో] 57
యత ఈశ్వరో వా అశ్వో-ఽయతో-ఽప్రతిష్ఠితః పరా-మ్పరావత-ఙ్గన్తోర్య-త్పార్థురశ్మ-మ్బ్రహ్మసామ-మ్భవత్యశ్వస్య యత్యై ధృత్యై సఙ్కృత్యచ్ఛావాకసామ-మ్భవత్యుథ్సన్నయజ్ఞో వా ఏష యదశ్వమేధః కస్తద్వేదేత్యాహుర్యది సర్వో వా క్రియతే న వా సర్వ ఇతి య-థ్సఙ్కృత్యచ్ఛావాకసామ-మ్భవత్యశ్వస్య సర్వత్వాయ పర్యాప్త్యా అనన్తరాయాయ సర్వస్తోమో-ఽతిరాత్ర ఉత్తమమహర్భవతి సర్వస్యా-ఽఽప్త్యై సర్వస్య జిత్యై సర్వమేవ తేనా-ఽఽప్నోతి సర్వ-ఞ్జయతి ॥ 58 ॥

(అహర్భవతి - వా అశ్వో - ఽహర్భవతి - దశ చ) (అ. 12)
(దేవాసురాస్తేన - ర్తవ్యా - రుద్రో - ఽశ్మ - న్నృషదే వ - డుదేనం - ప్రాచీమితి - వసోర్ధారా - మగ్నిర్దేవేభ్యః - సువర్గాయ యత్రాకూతాయ - ఛన్దశ్చితం - పవస్వ - ద్వాదశ )
(దేవాసురా - అజాయాం - ఁవై గ్రుముష్టిః - ప్రథమో దేవయతామే - తద్వై ఛన్దసా - మృధ్నో - త్యష్టౌ పఞ్చాశత్)
(దేవాసురా, స్సర్వ-ఞ్జయతి)
॥ హరిః ఓమ్ ॥