কৃষ্ণ যজুর্বেদীয তৈত্তিরীয সংহিতাযা-ম্পঞ্চমকাণ্ডে সপ্তমঃ প্রশ্নঃ-উপানুবাক্যাবশিষ্টকর্মনিরূপণং
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হরিঃ ওম্ ॥
যো বা অযথাদেবতমগ্নি-ঞ্চিনুত আ দেবতাভ্যো বৃশ্চ্যতে পাপীযা-ন্ভবতি যো যথাদেবত-ন্ন দেবতাভ্য আ বৃশ্চ্যতে বসীযা-ন্ভবত্যাগ্নেয্যা গাযত্রিযা প্রথমা-ঞ্চিতিমভি মৃশে-ত্ত্রিষ্টুভা দ্বিতীযা-ঞ্জগত্যা তৃতীযামনুষ্টুভা চতুর্থী-ম্পঙ্ক্ত্যা পঞ্চমীং-যঁথাদেবতমেবাগ্নি-ঞ্চিনুতে ন দেবতাভ্য আ বৃশ্চ্যতে বসীযা-ন্ভবতীডাযৈ বা এষা বিভক্তিঃ পশব ইডা পশুভিরেন- [পশুভিরেনম্, চিনুতে যো বৈ] 1
-ঞ্চিনুতে যো বৈ প্রজাপতযে প্রতি প্রোচ্যাগ্নি-ঞ্চিনোতি না-ঽঽর্তিমার্চ্ছ-ত্যশ্বাবভিতস্তিষ্ঠেতা-ঙ্কৃষ্ণ উত্তরত-শ্শ্বেতো দক্ষিণস্তাবালভ্যেষ্টকা উপ দদ্ধ্যাদেতদ্বৈ প্রজাপতে রূপ-ম্প্রাজাপত্যো-ঽশ্বঃ সাক্ষাদেব প্রজাপতযে প্রতিপ্রোচ্যাগ্নি-ঞ্চিনোতি না-ঽঽর্তিমার্চ্ছত্যেতদ্বা অহ্নো রূপং-যঁচ্ছ্বেতো-ঽশ্বো রাত্রিযৈ কৃষ্ণ এতদহ্নো [এতদহ্নঃ, রূপং-যঁদিষ্টকা] 2
রূপং-যঁদিষ্টকা রাত্রিযৈ পুরীষমিষ্টকা উপধাস্যঞ্ছ্বেত-মশ্বমভি মৃশে-ত্পুরীষমুপধাস্যন্ কৃষ্ণমহোরাত্রাভ্যামেবৈন-ঞ্চিনুতে হিরণ্য পাত্র-ম্মধোঃ পূর্ণ-ন্দদাতি মধব্যো ঽসানীতি সৌর্যা চিত্রবত্যা-ঽবেক্ষতে চিত্রমেব ভবতি মদ্ধ্যন্দিনে-ঽশ্বমব ঘ্রাপযত্যসৌ বা আদিত্য ইন্দ্র এষ প্রজাপতিঃ প্রাজাপত্যো-ঽশ্বস্তমেব সাক্ষাদৃদ্ধ্নোতি ॥ 3 ॥
(এন - মেতদহ্নো - ঽষ্টাচত্বারিগ্ংশচ্চ) (অ. 1)
ত্বামগ্নে বৃষভ-ঞ্চেকিতান-ম্পুনর্যুবান-ঞ্জনযন্নুপাগাম্ । অস্থূরি ণো গার্হপত্যানি সন্তু তিগ্মেন নো ব্রহ্মণা সগ্ং শিশাধি ॥ পশবো বা এতে যদিষ্টকাশ্চিত্যা-ঞ্চিত্যামৃষভমুপ দধাতি মিথুনমেবাস্য ত-দ্যজ্ঞে করোতি প্রজননায তস্মা-দ্যূথেযূথ ঋষভঃ ॥ সংবঁথ্সরস্য প্রতিমাং-যাঁ-ন্ত্বা রাত্র্যুপাসতে । প্রজাগ্ং সুবীরা-ঙ্কৃত্বা বিশ্বমাযুর্ব্যশ্ঞবত্ ॥ প্রাজাপত্যা- [প্রাজাপত্যাম্, এতামুপ] 4
-মেতামুপ দধাতীযং-বাঁ বৈষৈকাষ্টকা যদেবৈকাষ্টকাযামন্ন-ঙ্ক্রিযতে তদেবৈতযাব রুন্ধ এষা বৈ প্রজাপতেঃ কামদুঘা তযৈব যজমানো-ঽমুষ্মিন্ ঁলোকে-ঽগ্নি-ন্দুহে যেন দেবা জ্যোতিষোর্ধ্বা উদাযন্ যেনা-ঽঽদিত্যা বসবো যেন রুদ্রাঃ । যেনাঙ্গিরসো মহিমান-মানশুস্তেনৈতু যজমান-স্স্বস্তি ॥ সুবর্গায বা এষ লোকায [লোকায, চীযতে যদগ্নির্যেন] 5
চীযতে যদগ্নির্যেন দেবা জ্যোতিষোর্ধ্বা উদাযন্নিত্যুখ্যগ্ং সমিন্ধ ইষ্টকা এবৈতা উপ ধত্তে বানস্পত্যা-স্সুবর্গস্য লোকস্য সমষ্ট্যৈ শতাযুধায শতবীর্যায শতোতযে ঽভিমাতিষাহে । শতং-যোঁ নঃ শরদো অজীতানিন্দ্রো নেষদতি দুরিতানি বিশ্বা ॥ যে চত্বারঃ পথযো দেবযানা অন্তরা দ্যাবাপৃথিবী বিযন্তি । তেষাং-যোঁ অজ্যানি- মজীতি-মাবহা-ত্তস্মৈ নো দেবাঃ [নো দেবাঃ, পরি দত্তেহ সর্বে ।] 6
পরি দত্তেহ সর্বে ॥ গ্রীষ্মো হেমন্ত উত নো বসন্ত-শ্শর-দ্বর্ষা-স্সুবিতন্নো অস্তু । তেষামৃতূনাগ্ং শত শারদানা-ন্নিবাত এষামভযে স্যাম ॥ ইদুবথ্সরায পরিবথ্সরায সংবঁথ্সরায কৃণুতা বৃহন্নমঃ । তেষাং-বঁযগ্ং সুমতৌ যজ্ঞিযানা-ঞ্জ্যোগজীতা অহতা-স্স্যাম ॥ ভদ্রান্ন-শ্শ্রেয-স্সমনৈষ্ট দেবাস্ত্বযা-ঽবসেন সমশীমহি ত্বা । স নো মযো ভূঃ পিতো [মযো ভূঃ পিতো, আ বিশস্ব] 7
আ বিশস্ব শ-ন্তোকায তনুবে স্যোনঃ ॥ অজ্যানীরেতা উপ দধাত্যেতা বৈ দেবতা অপরাজিতাস্তা এব প্র বিশতি নৈব জীযতে ব্রহ্মবাদিনো বদন্তি যদর্ধমাসা মাসা ঋতবঃ সংবঁথ্সর ওষধীঃ পচন্ত্যথ কস্মাদন্যাভ্যো দেবতাভ্য আগ্রযণ-ন্নিরুপ্যত ইত্যেতা হি ত-দ্দেবতা উদজযন্ যদৃতুভ্যো নির্বপে-দ্দেবতাভ্য-স্সমদ-ন্দদ্ধ্যাদাগ্রযণ-ন্নিরুপ্যৈতা আহুতী র্জুহোত্যর্ধমাসানেব মাসানৃতূন্-থ্সংবঁথ্সর-ম্প্রীণাতি ন দেবতাভ্য-স্সমদ-ন্দধাতি ভদ্রান্ন-শ্শ্রেয-স্সমনৈষ্ট দেবা ইত্যাহ হুতাদ্যায যজমানস্যা-ঽপরাভাবায ॥ 8 ॥
(প্রজাপত্যাং - ঁলোকায - দেবাঃ - পিতো - দধ্যাদাগ্রযণং - পঞ্চবিগ্ংশতিশ্চ) (অ. 2)
ইন্দ্রস্য বজ্রো-ঽসি বার্ত্রঘ্নস্তনূপা নঃ প্রতিস্পশঃ । যো নঃ পুরস্তা-দ্দক্ষিণতঃ পশ্চা-দুত্তরতো-ঽঘাযুরভিদাসত্যেতগ্ং সো-ঽশ্মানমৃচ্ছতু ॥ দেবাসুরা-স্সংযঁত্তা আস-ন্তে-ঽসুরা দিগ্ভ্য আ-ঽবাধন্ত তা-ন্দেবা ইষ্বা চ বজ্রেণ চাপানুদন্ত য-দ্বজ্রিণীরুপদধাতীষ্বা চৈব ত-দ্বজ্রেণ চ যজমানো ভ্রাতৃব্যানপ নুদতে দিক্ষূপ [দিক্ষূপ, দধাতি দেবপুরা] 9
দধাতি দেবপুরা এবৈতাস্তনূপানীঃ পর্যূহতে ঽগ্নাবিষ্ণূ সজোষসেমা বর্ধন্তু বাগিংরঃ । দ্যুম্নৈর্বাজেভিরা গতম্ ॥ ব্রহ্মবাদিনো বদন্তি যন্ন দেবতাযৈ জুহ্বত্যথ কি-ন্দেবত্যা বসোর্ধারেত্যগ্নি-র্বসুস্তস্যৈষা ধারা বিষ্ণু-র্বসুস্তস্যৈষা ধারা ঽঽগ্নাবৈষ্ণব্যর্চা বসোর্ধারা-ঞ্জুহোতি ভাগধেযেনৈবৈনৌ সমর্ধযত্যথো এতা- [এতাম্, এবা-ঽঽহুতি-] 10
-মেবা-ঽঽহুতি-মাযতনবতী-ঙ্করোতি যত্কাম এনা-ঞ্জুহোতি তদেবাব রুন্ধে রুদ্রো বা এষ যদগ্নিস্তস্যৈতে তনুবৌ ঘোরা-ঽন্যা শিবা-ঽন্যা যচ্ছতরুদ্রীয-ঞ্জুহোতি যৈবাস্য ঘোরা তনূস্তা-ন্তেন শমযতি য-দ্বসোর্ধারা-ঞ্জুহোতি যৈবাস্য শিবা তনূস্তা-ন্তেন প্রীণাতি যো বৈ বসোর্ধারাযৈ [বসোর্ধারাযৈ, প্রতিষ্ঠাং-বেঁদ] 11
প্রতিষ্ঠাং-বেঁদ প্রত্যেব তিষ্ঠতি যদাজ্যমুচ্ছিষ্যেত তস্মি-ন্ব্রহ্মৌদন-ম্পচে-ত্ত-ম্ব্রাহ্মণাশ্চত্বারঃ প্রা-ঽশ্ঞীযুরেষ বা অগ্নির্বৈশ্বানরো যদ্ব্রাহ্মণ এষা খলু বা অগ্নেঃ প্রিযা তনূর্য-দ্বৈশ্বানরঃ প্রিযাযামেবৈনা-ন্তনুবা-ম্প্রতি ষ্ঠাপযতি চতস্রো ধেনূর্দদ্যা-ত্তাভিরেব যজমানো-ঽমুষ্মিন্ ঁলোকে-ঽগ্নি-ন্দুহে ॥ 12 ॥
(উপৈ - তাং - ধারাযৈ - ষট্চত্বারিগ্ংশচ্চ) (অ. 3)
চিত্তি-ঞ্জুহোমি মনসা ঘৃতেনেত্যাহাদাভ্যা বৈ নামৈষা-ঽঽহুতির্বৈশ্বকর্মণী নৈন-ঞ্চিক্যান-ম্ভ্রাতৃব্যো দভ্নোত্যথো দেবতা এবাব রুন্ধে ঽগ্নে তমদ্যেতি পঙ্ক্ত্যা জুহোতি পঙ্ক্ত্যা-ঽঽহুত্যা যজ্ঞমুখমা রভতে সপ্ত তে অগ্নে সমিধঃ সপ্তজিহ্বা ইত্যাহ হোত্রা এবাব রুন্ধে ঽগ্নির্দেবেভ্যো-ঽপাক্রা-ঽম-দ্ভাগধেয- [-ঽপাক্রা-ঽম-দ্ভাগধেযম্, ইচ্ছমানস্তস্মা] 13
-মিচ্ছমানস্তস্মা এত-দ্ভাগধেয-ম্প্রাযচ্ছন্নেতদ্বা অগ্নেরগ্নিহোত্রমেতর্হি খলু বা এষ জাতো যর্হি সর্বশ্চিতো জাতাযৈবাস্মা অন্নমপি দধাতি স এন-ম্প্রীতঃ প্রীণাতি বসীযা-ন্ভবতি ব্রহ্মবাদিনো বদন্তি যদেষ গার্হপত্যশ্চীযতে-ঽথ ক্বাস্যা-ঽঽহবনীয ইত্যসাবাদিত্য ইতি ব্রূযাদেতস্মিন্ঃই সর্বাভ্যো দেবতাভ্যো জুহ্বতি [জুহ্বতি, য এবং-বিঁদ্বানগ্নি-] 14
য এবং-বিঁদ্বানগ্নি-ঞ্চিনুতে সাক্ষাদেব দেবতা ঋদ্ধ্নোত্যগ্নে যশস্বিন্ যশসে মমর্পযেন্দ্রাবতী মপচিতী মিহা-ঽঽবহ । অয-ম্মূর্ধা পরমেষ্ঠী সুবর্চা-স্সমানানামুত্তম শ্লোকো অস্তু ॥ ভদ্র-ম্পশ্যন্ত উপ সেদুরগ্রে তপো দীক্ষামৃষয-স্সুবর্বিদঃ । ততঃ ক্ষত্র-ম্বলমোজশ্চ জাত-ন্তদস্মৈ দেবা অভি স-ন্নমন্তু ॥ ধাতা বিধাতা পরমো- [পরমা, উত সন্দৃ-ক্প্রজাপতিঃ] 15
-ত সন্দৃ-ক্প্রজাপতিঃ পরমেষ্ঠী বিরাজা । স্তোমা-শ্ছন্দাগ্ংসি নিবিদো ম আহুরেতস্মৈ রাষ্ট্রমভি স-ন্নমাম ॥ অভ্যাবর্তদ্ধ্বমুপ মেত সাকমযগ্ং শাস্তা-ঽধিপতির্বো অস্তু । অস্য বিজ্ঞানমনু সগ্ং রভদ্ধ্বমিম-ম্পশ্চাদনু জীবাথ সর্বে ॥ রাষ্ট্রভৃত এতা উপ দধাত্যেষা বা অগ্নেশ্চিতী রাষ্ট্রভৃ-ত্তযৈবাস্মি-ন্রাষ্ট্র-ন্দধাতি রাষ্ট্রমেব ভবতি নাস্মা-দ্রাষ্ট্র-ম্ভ্রগ্ংশতে ॥ 16 ॥
(ভাগধেযং - জুহ্বতি - পরমা - রাষ্ট্র-ন্দধাতি - সপ্ত চ) (অ. 4)
যথা বৈ পুত্রো জাতো ম্রিযত এবং-বাঁ এষ ম্রিযতে যস্যাগ্নিরুখ্য উদ্বাযতি যন্নির্মন্থ্য-ঙ্কুর্যা-দ্বিচ্ছিন্দ্যা-দ্ভ্রাতৃব্যমস্মৈ জনযে-থ্স এব পুনঃ পরীদ্ধ্য-স্স্বাদেবৈনং-যোঁনের্জনযতি নাস্মৈ ভ্রাতৃব্য-ঞ্জনযতি তমো বা এত-ঙ্গৃহ্ণাতি যস্যাগ্নিরুখ্য উদ্বাযতি মৃত্যুস্তমঃ কৃষ্ণং-বাঁসঃ কৃষ্ণা ধেনুর্দক্ষিণা তমসৈ- [তমসা, এব তমো] 17
-ব তমো মৃত্যুমপ হতে হিরণ্য-ন্দদাতি জ্যোতির্বৈ হিরণ্য-ঞ্জ্যোতিষৈব তমো-ঽপ হতে-ঽথো তেজো বৈ হিরণ্য-ন্তেজ এবা-ঽঽত্ম-ন্ধত্তে সুবর্ন ঘর্ম-স্স্বাহা সুবর্না-ঽর্ক-স্স্বাহা সুবর্ন শুক্র-স্স্বাহা সুবর্ন জ্যোতি-স্স্বাহা সুবর্ন সূর্য-স্স্বাহা ঽর্কো বা এষ যদগ্নি-রসা-বাদিত্যো- [যদগ্নি-রসা-বাদিত্যঃ, আশ্বমেধো যদেতা] 18
-ঽশ্বমেধো যদেতা আহুতী র্জুহোত্যর্কা-শ্বমেধযোরেব জ্যোতীগ্ংষি স-ন্দধাত্যেষ হ ত্বা অর্কাশ্বমেধী যস্যৈতদগ্নৌ ক্রিযত আপো বা ইদমগ্রে সলিলমাসী-থ্স এতা-ম্প্রজাপতিঃ প্রথমা-ঞ্চিতিমপশ্য-ত্তামুপাধত্ত তদিযমভব-ত্তং-বিঁশ্বকর্মা-ঽব্রবীদুপ ত্বা-ঽঽযানীতি নেহ লোকো-ঽস্তীত্য- [লোকো-ঽস্তীতি, অব্রবী-থ্স] 19
-ত্যব্রবী-থ্স এতা-ন্দ্বিতীযা-ঞ্চিতিমপশ্য-ত্তামুপাধত্ত তদন্তরিক্ষমভব-থ্স যজ্ঞঃ প্রজাপতিমব্রবীদুপ ত্বা-ঽঽযানীতি নেহ লোকো-ঽস্তীত্যব্রবী-থ্স বিশ্বকর্মাণ-মব্রবীদুপ ত্বা-ঽঽযানীতি কেন মোপৈষ্যসীতি দিশ্যাভিরিত্যব্রবী-ত্ত-ন্দিশ্যাভিরুপৈ-ত্তা উপাধত্ত তা দিশো- [তা দিশঃ, অভবন্-থ্স] 20
-ঽভবন্-থ্স পরমেষ্ঠী প্রজাপতিমব্রবীদুপ ত্বা-ঽঽযানীতি নেহ লোকো-ঽস্তীত্যব্রবী-থ্স বিশ্বকর্মাণ-ঞ্চ যজ্ঞ-ঞ্চাব্রবীদুপ বামা ঽযানীতি নেহ লোকো-ঽস্তীত্যব্রূতাগ্ং স এতা-ন্তৃতীযা-ঞ্চিতিমপশ্য-ত্তামুপাধত্ত তদসাবভব-থ্স আদিত্যঃ প্রজাপতি-মব্রবীদুপ ত্বা- [-মব্রবীদুপ ত্বা, আযানীতি] 21
-ঽঽযানীতি নেহ লোকো-ঽস্তীত্যব্রবী-থ্স বিশ্বকর্মাণ-ঞ্চ যজ্ঞ-ঞ্চাব্রবীদুপ বামা-ঽযানীতি নেহ লোকো-ঽস্তীত্যব্রূতাগ্ং স পরমেষ্ঠিনমব্রবীদুপ ত্বা-ঽঽযানীতি কেন মোপৈষ্যসীতি লোক-ম্পৃণযেত্যব্রবী-ত্তং-লোঁক-ম্পৃণযোপৈ-ত্তস্মাদযাতযাম্নী লোক-ম্পৃণা-ঽযাতযামা হ্যসা- [হ্যসৌ, আদিত্যস্তানৃষযো] 22
-বাদিত্যস্তানৃষযো ঽব্রুবন্নুপ ব আ-ঽযামেতি কেন ন উপৈষ্যথেতি ভূম্নেত্যব্রুব-ন্তা-ন্দ্বাভ্যা-ঞ্চিতীভ্যামুপাযন্-থ্স পঞ্চচিতীক-স্সমপদ্যত য এবং-বিঁদ্বানগ্নি-ঞ্চিনুতে ভূযানেব ভবত্যভীমান্ ঁলোকাঞ্জযতি বিদুরেন-ন্দেবা অথো এতাসামেব দেবতানাগ্ং সাযুজ্য-ঙ্গচ্ছতি ॥ 23 ॥
(তমসা - ঽঽদিত্যো - ঽস্তীতি - দিশ - আদিত্যঃ প্রজাপতিমব্রবীদুপ ত্বা - ঽসৌ - পঞ্চচত্বারিগ্ংশচ্চ) (অ. 5)
বযো বা অগ্নির্যদগ্নিচি-ত্পক্ষিণো-ঽশ্ঞীযা-ত্তমেবাগ্নিমদ্যাদা-র্তিমার্চ্ছে-থ্সংবঁথ্সরং-ব্রঁত-ঞ্চরে-থ্সংবঁথ্সরগ্ং হি ব্রত-ন্নাতি পশুর্বা এষ যদগ্নির্হিনস্তি খলু বৈ ত-ম্পশুর্য এন-ম্পুরস্তা-ত্প্রত্যঞ্চমুপচরতি তস্মা-ত্পশ্চা-ত্প্রাংউপচর্য আত্মনো-ঽহিগ্ংসাযৈ তেজো-ঽসি তেজো মে যচ্ছ পৃথিবীং-যঁচ্ছ [পৃথিবীং-যঁচ্ছ, পৃথিব্যৈ মা পাহি] 24
পৃথিব্যৈ মা পাহি জ্যোতিরসি জ্যোতির্মে যচ্ছান্তরিক্ষং-যঁচ্ছান্তরিক্ষান্মা পাহি সুবরসি সুবর্মে যচ্ছ দিবং-যঁচ্ছ দিবো মা পাহীত্যাহৈতাভির্বা ইমে লোকা বিধৃতা যদেতা উপদধাত্যেষাং-লোঁকানাং-বিঁধৃত্যৈ স্বযমাতৃণ্ণা উপধায হিরণ্যেষ্টকা উপদধাতীমে বৈ লোকা-স্স্বযমাতৃণ্ণা জ্যোতির্হিরণ্যং-যঁ-থ্স্বযমাতৃণ্ণা উপধায [উপধায, হিরণ্যেষ্টকা উপদধাতী-] 25
হিরণ্যেষ্টকা উপদধাতীমা-নেবৈতাভি-র্লোকা-ঞ্জ্যোতিষ্মতঃ কুরুতে-ঽথো এতাভিরেবাস্মা ইমে লোকাঃ প্র ভান্তি যাস্তে অগ্নে সূর্যে রুচ উদ্যতো দিবমাতন্বন্তি রশ্মিভিঃ । তাভি-স্সর্বাভী রুচে জনায নস্কৃধি ॥ যা বো দেবা-স্সূর্যে রুচো গোষ্বশ্বেষু যা রুচঃ । ইন্দ্রাগ্নী তাভি-স্সর্বাভী রুচ-ন্নো ধত্ত বৃহস্পতে ॥ রুচন্নো ধেহি [ধেহি, ব্রাহ্মণেষু রুচগ্ং] 26
ব্রাহ্মণেষু রুচগ্ং রাজসু নস্কৃধি । রুচং-বিঁশ্যেষু শূদ্রেষু মযি ধেহি রুচা রুচম্ ॥ দ্বেধা বা অগ্নি-ঞ্চিক্যানস্য যশ ইন্দ্রিয-ঙ্গচ্ছত্যগ্নিং-বাঁ চিতমীজানং-বাঁ যদেতা আহুতীর্জুহোত্যাত্মন্নেব যশ ইন্দ্রিয-ন্ধত্ত ঈশ্বরো বা এষ আর্তিমার্তোর্যো-ঽগ্নি-ঞ্চিন্বন্নধি ক্রামতি তত্ত্বা যামি ব্রহ্মণা বন্দমান ইতি বারুণ্যর্চা [ইতি বারুণ্যর্চা, জুহুযাচ্ছান্তি-] 27
জুহুযাচ্ছান্তি-রেবৈষা ঽগ্নের্গুপ্তিরাত্মনো হবিষ্কৃতো বা এষ যো-ঽগ্নি-ঞ্চিনুতে যথা বৈ হবি-স্স্কন্দত্যেবং-বাঁ এষ স্কন্দতি যো-ঽগ্নি-ঞ্চিত্বা স্ত্রিযমুপৈতি মৈত্রাবরুণ্যা-ঽঽমিক্ষযা যজেত মৈত্রাবরুণতা-মেবোপৈত্যাত্মনো ঽস্কন্দায যো বা অগ্নিমৃতুস্থাং-বেঁদর্তুর্-ঋতুরস্মৈ কল্পমান এতি প্রত্যেব তিষ্ঠতি সংবঁথ্সরো বা অগ্নির্- [বা অগ্নিঃ, ঋতুস্থা-স্তস্য] 28
-ঋতুস্থা-স্তস্য বসন্ত-শ্শিরো গ্রীষ্মো দক্ষিণঃ পক্ষো বর্ষাঃ পুচ্ছগ্ং শরদুত্তরঃ পক্ষো হেমন্তো মদ্ধ্য-ম্পূর্বপক্ষা-শ্চিতযো¶পক্ষাঃ পুরীষ-মহোরাত্রাণীষ্টকা এষ বা অগ্নির্-ঋতুস্থা য এবং-বেঁদর্তুর্-ঋতুরস্মৈ কল্পমান এতি প্রত্যেব তিষ্ঠতি প্রজাপতির্বা এত-ঞ্জ্যৈষ্ঠ্যকামো ন্যধত্ত ততো বৈ স জ্যৈষ্ঠ্যমগচ্ছদ্য এবং-বিঁদ্বানগ্নি-ঞ্চিনুতে জ্যৈষ্ঠ্যমেব গচ্ছতি ॥ 29 ॥
(পৃথিবীং-যঁচ্ছ - য-থ্স্বযমাতৃণ্ণা উপধায - ধেহ্যৃ - চা - গ্নি - শ্চিনুতে - ত্রীণি চ) (অ. 6)
যদাকূতা-থ্সমসুস্রোদ্ধৃদো বা মনসো বা সম্ভৃত-ঞ্চক্ষুষো বা । তমনু প্রেহি সুকৃতস্য লোকং-যঁত্রর্ষযঃ প্রথমজা যে পুরাণাঃ ॥ এতগ্ং সধস্থ পরি তে দদামি যমাবহাচ্ছেবধি-ঞ্জাতবেদাঃ । অন্বাগন্তা যজ্ঞপতির্বো অত্র তগ্গ্ স্ম জানীত পরমে ব্যোমন্ন্ ॥ জানীতাদেন-ম্পরমে ব্যোম-ন্দেবা-স্সধস্থা বিদ রূপমস্য । যদাগচ্ছা- [যদাগচ্ছাত্, পথিভি-র্দেবযানৈ] 30
-ত্পথিভি-র্দেবযানৈ-রিষ্টাপূর্তে কৃণুতা-দাবি-রস্মৈ ॥ স-ম্প্র চ্যবদ্ধ্ব-মনু স-ম্প্র যাতাগ্নে পথো দেবযানান্ কৃণুদ্ধ্বম্ । অস্মিন্-থ্সধস্থে অদ্ধ্যুত্তরস্মিন্ বিশ্বে দেবা যজমানশ্চ সীদত ॥ প্রস্তরেণ পরিধিনা স্রুচা বেদ্যা চ বর্হিষা । ঋচেমং-যঁজ্ঞ-ন্নো বহ সুবর্দেবেষু গন্তবে ॥ যদিষ্টং-যঁ-ত্পরাদানং-যঁদ্দত্তং-যাঁ চ দক্ষিণা । ত- [তত্, অগ্নি-] 31
-দগ্নি-র্বৈশ্বকর্মণ-স্সুবর্দেবেষু নো দধত্ ॥ যেনা সহস্রং-বঁহসি যেনাগ্নে সর্ববেদসম্ । তেনেমং-যঁজ্ঞ-ন্নো বহ সুবর্দেবেষু গন্তবে ॥ যেনাগ্নে দক্ষিণা যুক্তা যজ্ঞং-বঁহন্ত্যৃত্বিজঃ । তেনেমং-যঁজ্ঞ-ন্নো বহ সুবর্দেবেষু গন্তবে ॥ যেনা-ঽগ্নে সুকৃতঃ পথা মধোর্ধারা ব্যানশুঃ । তেনেমং-যঁজ্ঞ-ন্নো বহ সুবর্দেবেষু গন্তবে ॥ যত্র ধারা অনপেতা মধোর্ঘৃতস্য চ যাঃ । তদগ্নির্বৈশ্বকর্মণ-স্সুবর্দেবেষু নো দধত্ ॥ 32 ॥
(আগচ্ছাত্ - ত - দ্বযানশু স্তেনেমং-যঁজ্ঞ-ন্নো বহ সুবর্দেবেষু গন্তবে - চতুর্দশ চ) (অ. 7)
যাস্তে অগ্নে সমিধো যানি ধাম যা জিহ্বা জাতবেদো যো অর্চিঃ । যে তে অগ্নে মেডযো য ইন্দবস্তেভিরাত্মান-ঞ্চিনুহি প্রজানন্ন্ ॥ উথ্সন্নযজ্ঞো বা এষ যদগ্নিঃ কিং-বাঁ-ঽহৈতস্য ক্রিযতে কিং-বাঁ ন যদ্বা অদ্ধ্বর্যু-রগ্নেশ্চিন্বন্ন-ন্তরেত্যাত্মনো বৈ তদন্তরেতি যাস্তে অগ্নে সমিধো যানি [সমিধো যানি, ধামেত্যাহৈষা] 33
ধামেত্যাহৈষা বা অগ্নে-স্স্বয-ঞ্চিতিরগ্নিরেব তদগ্নি-ঞ্চিনোতি নাদ্ধ্বর্যুরাত্মনো-ঽন্তরেতি চতস্র আশাঃ প্রচরন্ত্বগ্নয ইম-ন্নো যজ্ঞ-ন্নযতু প্রজানন্ন্ । ঘৃত-ম্পিন্বন্নজরগ্ং সুবীর-ম্ব্রহ্ম সমি-দ্ভবত্যাহুতীনাম্ ॥ সুবর্গায বা এষ লোকাযোপ ধীযতে য-ত্কূর্মশ্চতস্র আশাঃ প্র চরন্ত্বগ্নয ইত্যাহ [ইত্যাহ, দিশ এবৈতেন] 34
দিশ এবৈতেন প্র জানাতীম-ন্নো যজ্ঞ-ন্নযতু প্রজানন্নিত্যাহ সুবর্গস্য লোকস্যাভিনীত্যৈ ব্রহ্ম সমি-দ্ভবত্যাহুতীনা-মিত্যাহ ব্রহ্মণা বৈ দেবা-স্সুবর্গং-লোঁকমাযন্ য-দ্ব্রহ্মণ্বত্যোপদধাতি ব্রহ্মণৈব ত-দ্যজমান-স্সুবর্গং-লোঁকমেতি প্রজাপতির্বা এষ যদগ্নিস্তস্য প্রজাঃ পশব-শ্ছন্দাগ্ংসি রূপগ্ং সর্বান্ বর্ণানিষ্টকানা-ঙ্কুর্যা-দ্রূপেণৈব প্রজা-ম্পশূন্ ছন্দাগ্স্যব রুন্ধে-ঽথো প্রজাভ্য এবৈন-ম্পশুভ্য-শ্ছন্দোভ্যো ঽবরুদ্ধ্য চিনুতে ॥ 35 ॥
(যান্য - গ্নয ইত্যাহে - ষ্টকানাগ্ং - ষোডশ চ) (অ. 8)
মযি গৃহ্ণাম্যগ্রে অগ্নিগ্ং রাযস্পোষায সুপ্রজাস্ত্বায সুবীর্যায । মযি প্রজা-ম্মযি বর্চো দধাম্যরিষ্টা-স্স্যাম তনুবা সুবীরাঃ ॥ যো নো অগ্নিঃ পিতরো হৃথ্স্বন্তরমর্ত্যো মর্ত্যাগ্ং আবিবেশ । তমাত্ম-ন্পরি গৃহ্ণীমহে বয-ম্মা সো অস্মাগ্ং অবহায পরা গাত্ ॥ যদদ্ধ্বর্যুরাত্মন্নগ্নিম-গৃহীত্বা-ঽগ্নি-ঞ্চিনুযাদ্যো-ঽস্য স্বো-ঽগ্নিস্তমপি [স্বো-ঽগ্নিস্তমপি, যজমানায] 36
যজমানায চিনুযাদগ্নি-ঙ্খলু বৈ পশবো-ঽনূপ তিষ্ঠন্তে-ঽপক্রামুকা অস্মা-ত্পশবঃ স্যুর্মযি গৃহ্ণাম্যগ্রে অগ্নিমিত্যাহা-ঽঽত্মন্নেব স্বমগ্নি-ন্দাধার নাস্মা-ত্পশবো-ঽপ ক্রামন্তি ব্রহ্মবাদিনো বদন্তি যন্মৃচ্চা-ঽঽপশ্চাগ্নে-রনাদ্য-মথ কস্মান্মৃদা চাদ্ভিশ্চা-ঽগ্নিশ্চীযত ইতি যদদ্ভি-স্সং-যৌঁ- [যদদ্ভি-স্সং-যৌঁতি, আপো বৈ] 37
-ত্যাপো বৈ সর্বা দেবতা দেবতাভিরেবৈনগ্ং সগ্ং সৃজতি যন্মৃদা চিনোতীযং-বাঁ অগ্নির্বৈশ্বানরো-ঽগ্নিনৈব তদগ্নি-ঞ্চিনোতি ব্রহ্মবাদিনো বদন্তি যন্মৃদা চাদ্ভিশ্চাগ্নিশ্চীযতে-ঽথ কস্মাদগ্নিরুচ্যত ইতি যচ্ছন্দোভি-শ্চিনোত্যগ্নযো বৈ ছন্দাগ্ংসি তস্মাদগ্নিরুচ্যতে-ঽথো ইযং-বাঁ অগ্নির্বৈশ্বানরো য- [অগ্নির্বৈশ্বানরো যত্, মৃদা চিনোতি] 38
-ন্মৃদা চিনোতি তস্মাদগ্নিরুচ্যতে হিরণ্যেষ্টকা উপ দধাতি জ্যোতির্বৈ হিরণ্য-ঞ্জ্যোতিরেবা-ঽস্মি-ন্দধাত্যথো তেজো বৈ হিরণ্য-ন্তেজ এবা-ঽঽত্ম-ন্ধত্তে যো বা অগ্নিগ্ং সর্বতোমুখ-ঞ্চিনুতে সর্বাসু প্রজাস্বন্নমত্তি সর্বা দিশো-ঽভি জযতি গাযত্রী-ম্পুরস্তাদুপ দধাতি ত্রিষ্টুভ-ন্দক্ষিণতো জগতী-ম্পশ্চাদনুষ্টুভমুত্তরতঃ পঙ্ক্তি-ম্মদ্ধ্য এষ বা অগ্নি-স্সর্বতোমুখস্তং-যঁ এবং-বিঁদ্বাগ্শ্চিনুতে সর্বাসু প্রজাস্বন্নমত্তি সর্বা দিশো-ঽভি জযত্যথো দিশ্যেব দিশ-ম্প্র বযতি তস্মা-দ্দিশি দি-ক্প্রোতা ॥ 39 ॥
(অপি-সংযৌঁতি-বৈশ্বানরো য-দেষ বৈ-পঞ্চবিগ্ংশতিশ্চ) (অ. 9)
প্রজাপতি-রগ্নি-মসৃজত সো-ঽস্মা-থ্সৃষ্টঃ প্রা-ম্প্রা-ঽদ্রব-ত্তস্মা অশ্ব-ম্প্রত্যাস্য-থ্স দক্ষিণা-ঽঽবর্তত তস্মৈ বৃষ্ণি-ম্প্রত্যাস্য-থ্স প্রত্যঙ্ঙা-ঽবর্তত তস্মা ঋষভ-ম্প্রত্যাস্য-থ্স উদঙ্ঙা-ঽবর্তত তস্মৈ বস্ত-ম্প্রত্যাস্য-থ্স ঊর্ধ্বো-ঽদ্রব-ত্তস্মৈ পুরুষ-ম্প্রত্যাস্যদ্য-ত্পশুশীর্ষাণ্যুপদধাতি সর্বত এবৈন- [এবৈনম্, অবরুদ্ধ্য চিনুত] 40
-মবরুদ্ধ্য চিনুত এতা বৈ প্রাণভৃত-শ্চক্ষুষ্মতীরিষ্টকা য-ত্পশুশীর্ষাণি য-ত্পশুশীর্ষাণ্যুপদধাতি তাভিরেব যজমানো-ঽমুষ্মিঁল্লোকে প্রাণিত্যথো তাভিরেবাস্মা ইমে লোকাঃ প্র ভান্তি মৃদা-ঽভিলিপ্যোপ দধাতি মেদ্ধ্যত্বায পশুর্বা এষ যদগ্নিরন্ন-ম্পশব এ ষ খলু বা অগ্নির্য-ত্পশুশীর্ষাণি য-ঙ্কামযেত কনীযো-ঽস্যা-ঽন্নগ্গ্ - [কনীযো-ঽস্যা-ঽন্নম্, স্যাদিতি] 41
স্যাদিতি সন্তরা-ন্তস্য পশুশীর্ষাণ্যুপ দদ্ধ্যা-ত্কনীয এবাস্যান্ন-ম্ভবতি য-ঙ্কামযেত সমাবদস্যান্নগ্গ্ স্যাদিতি মদ্ধ্যতস্তস্যোপ দদ্ধ্যা-থ্সমাব-দেবাস্যান্ন-ম্ভবতি য-ঙ্কামযেত ভূযো-ঽস্যা-ঽন্নগ্গ্ স্যাদিত্যন্তেষু তস্য ব্যুদূহ্যোপ দদ্ধ্যাদন্তত এবাস্মা অন্নমব রুন্ধে ভূযো-ঽস্যান্ন-ম্ভবতি ॥ 42 ॥
(এন- মস্যান্নং - ভূযো-ঽস্যা-ঽন্ন-ম্ভবতি) (অ. 10)
স্তেগা-ন্দগ্গ্ষ্ট্রাভ্যা-ম্মণ্ডূকান্ জম্ভ্যেভিরাদকাং-খাদেনোর্জগ্ং সগ্ং সূদেনা-ঽরণ্য-ঞ্জাম্বীলেন মৃদ-ম্বর্স্বেভি-শ্শর্করাভিরবকামবকাভি-শ্শর্করামুথ্সাদেন জিহ্বামবক্রন্দেন তালুগ্ং সরস্বতী-ঞ্জিহ্বাগ্রেণ ॥ 43 ॥
(স্তেগান্ - দ্বাবিগ্ংশতিঃ) (অ. 11)
বাজগ্ং হনূভ্যামপ আস্যেনা-ঽঽদিত্যা-ঞ্ছ্মশ্রুভি-রুপযাম-মধরেণোষ্ঠেন সদুত্তরেণান্তরেণা-নূকাশ-ম্প্রকাশেন বাহ্যগ্গ্ স্তনযিত্নু-ন্নির্বাধেন সূর্যাগ্নী চক্ষুর্ভ্যাং-বিঁদ্যুতৌ কনানকাভ্যামশনি-ম্মস্তিষ্কেণ বল-ম্মজ্জভিঃ ॥ 44 ॥
(বাজ-ম্পঞ্চবিগ্ংশতিঃ) (অ. 12)
কূর্মা-ঞ্ছফৈরচ্ছলাভিঃ কপিঞ্জলান্থ্সাম কুষ্ঠিকাভির্জব-ঞ্জঙ্ঘাভিরগদ-ঞ্জানুভ্যাং-বীঁর্য-ঙ্কুহাভ্যা-ম্ভয-ম্প্রচালাভ্যা-ঙ্গুহোপপক্ষাভ্যা-মশ্বিনাবগ্ং সাভ্যামদিতিগ্ং শীর্ষ্ণা নির্-ঋতি-ন্নির্জাল্মকেন শীর্ষ্ণা ॥ 45 ॥
(কূর্মান্-ত্রযোবিগ্ংশতিঃ) (অ. 13)
যোক্ত্র-ঙ্গৃদ্ধ্রাভির্যুগমানতেন চিত্ত-ম্মন্যাভি-স্সঙ্ক্রোশা-ন্প্রাণৈঃ প্রকাশেন ত্বচ-ম্পরাকাশেনান্তরা-ম্মশকান্ কেশৈরিন্দ্রগ্গ্ স্বপসা বহেন বৃহস্পতিগ্ং শকুনিসাদেন রথমুষ্ণিহাভিঃ ॥ 46 ॥
(যোক্ত্র - মেকবিগ্ংশতিঃ) (অ. 14)
মিত্রাবরুণৌ শ্রোণীভ্যামিন্দ্রাগ্নী শিখণ্ডাভ্যা-মিন্দ্রাবৃহস্পতী ঊরুভ্যামিন্দ্রাবিষ্ণূ অষ্ঠীবদ্ভ্যাগ্ং সবিতার-ম্পুচ্ছেন গন্ধর্বাঞ্ছেপেনা-ফ্সরসো মুষ্কাভ্যা-ম্পবমান-ম্পাযুনা পবিত্র-ম্পোত্রাভ্যামাক্রমণগ্গ্ স্থূরাভ্যা-ম্প্রতিক্রমণ-ঙ্কুষ্ঠাভ্যাম্ ॥ 47 ॥
(মিত্রাবরুণৌ - দ্বাবিগ্ংশতিঃ) (অ. 15)
ইন্দ্রস্য ক্রোডো ঽদিত্যৈ পাজস্য-ন্দিশা-ঞ্জত্রবো জীমূতান্ হৃদযৌপশাভ্যা-মন্তরিক্ষ-ম্পুরিততা নভ উদর্যেণেন্দ্রাণী-ম্প্লীহ্না বল্মীকান্ ক্লোম্না গিরী-ন্প্লাশিভিঃ সমুদ্রমুদরেণ বৈশ্বানর-ম্ভস্মনা ॥ 48 ॥
(ইন্দ্রস্য - দ্বাবিশতিঃ) (অ. 16)
পূষ্ণো বনিষ্ঠুরন্ধাহে-স্স্থূরগুদা সর্পা-ন্গুদাভির্-ঋতূ-ন্পৃষ্টীভির্দিব-ম্পৃষ্ঠেন বসূনা-ম্প্রথমা কীকসা রুদ্রাণা-ন্দ্বিতীযা ঽঽদিত্যানা-ন্তৃতীযা ঽঙ্গিরসা-ঞ্চতুর্থী সাদ্ধ্যানা-ম্পঞ্চমী বিশ্বেষা-ন্দেবানাগ্ং ষষ্ঠী ॥ 49 ॥
(পূষ্ণ - শ্চতুর্বিগ্ংশতিঃ) (অ. 17)
ওজো গ্রীবাভি-র্নির্-ঋতিমস্থভিরিন্দ্রগ্গ্ স্বপসা বহেন রুদ্রস্য বিচল-স্স্কন্ধো ঽহোরাত্রযোর্দ্বিতীযো ঽর্ধমাসানা-ন্তৃতীযো মাসা-ঞ্চতুর্থ ঋতূনা-ম্পঞ্চম-স্সংবঁথ্সরস্য ষষ্ঠঃ ॥ 50 ॥
(ওজো - বিগ্ংশতিঃ) (অ. 18)
আনন্দ-ন্নন্দথুনা কাম-ম্প্রত্যাসাভ্যা-ম্ভযগ্ং শিতীমভ্যা-ম্প্রশিষ-ম্প্রশাসাভ্যাগ্ং সূর্যাচন্দ্রমসৌ বৃক্যাভ্যাগ্ শ্যামশবলৌ মতস্নাভ্যাং-ব্যুঁষ্টিগ্ং রূপেণ নিম্রুক্তিমরূপেণ ॥ 51 ॥
(আনন্দগ্ং - ষোডশ) (অ. 19)
অহর্মাগ্ংসেন রাত্রি-ম্পীবসা-ঽপো যূষেণ ঘৃতগ্ং রসেন শ্যাং-বঁসযা দূষীকাভির্-হ্রাদুনি-মশ্রুভিঃ পৃষ্বা-ন্দিবগ্ং রূপেণ নক্ষত্রাণি প্রতিরূপেণ পৃথিবী-ঞ্চর্মণা ছবী-ঞ্ছব্যো পাকৃতায স্বাহা ঽঽলব্ধায স্বাহা হুতায স্বাহা ॥ 52 ॥
(অহর - ষ্টাবিগ্ংশতিঃ) (অ. 20)
অগ্নেঃ পক্ষতি-স্সরস্বত্যৈ নিপক্ষতি-স্সোমস্য তৃতীযা-ঽপা-ঞ্চতুর্থ্যোষধীনা-ম্পঞ্চমী সংবঁথ্সরস্য ষষ্ঠী মরুতাগ্ং সপ্তমী বৃহস্পতেরষ্টমী মিত্রস্য নবমী বরুণস্য দশমীন্দ্রস্যৈকাদশী বিশ্বেষা-ন্দেবানা-ন্দ্বাদশী দ্যাবাপৃথিব্যোঃ পার্শ্বং-যঁমস্য পাটূরঃ ॥ 53 ॥
(অগ্নে-রেকান্ন ত্রিগ্ংশত্) (অ. 21)
বাযোঃ পক্ষতি-স্সরস্বতো নিপক্ষতি-শ্চন্দ্রমস-স্তৃতীযা নক্ষত্রাণা-ঞ্চতুর্থী সবিতুঃ পঞ্চমী রুদ্রস্য ষষ্ঠী সর্পাণাগ্ং সপ্তম্যর্যম্ণো-ঽষ্টমী ত্বষ্টুর্নবমী ধাতুর্দশমীন্দ্রাণ্যা একাদশ্যদিত্যৈ দ্বাদশী দ্যাবাপৃথিব্যোঃ পার্শ্বং-যঁম্যৈ পাটূরঃ ॥ 54 ॥
(বাযো - রষ্টাবিগ্ংশতিঃ) (অ. 22)
পন্থামনূবৃগ্ভ্যাগ্ং সন্ততিগ্গ্ স্নাবন্যাভ্যাগ্ং শুকা-ন্পিত্তেন হরিমাণং-যঁক্না হলীক্ষ্ণা-ন্পাপবাতেন কূশ্মাঞ্ছকভি-শ্শবর্তানূবদ্ধ্যেন শুনো বিশসনেন সর্পান্ ঁলোহিতগন্ধেন বযাগ্ংসি পক্বগন্ধেন পিপীলিকাঃ প্রশাদেন ॥ 55 ॥
(পন্থাং - দ্বাবিগ্ংশতিঃ) (অ. 23)
ক্রমৈরত্যক্রমী-দ্বাজী বিশ্বৈর্দেবৈর্যজ্ঞিযৈ-স্সংবিঁদানঃ । স নো নয সুকৃতস্য লোক-ন্তস্য তে বযগ্গ্ স্বধযা মদেম ॥ 56 ॥
(ক্রমৈ - রষ্টাদশ) (অ. 24)
দ্যৌস্তে পৃষ্ঠ-ম্পৃথিবী সধস্থমাত্মান্তরিক্ষগ্ং সমুদ্রো যোনি-স্সূর্যস্তে চক্ষুর্বাতঃ প্রাণশ্চন্দ্রমা-শ্শ্রোত্র-ম্মাসাশ্চার্ধমাসাশ্চ পর্বাণ্যৃতবোঙ্গানি সংবঁথ্সরো মহিমা ॥ 57 ॥
(দ্যৌ - পঞ্চবিগ্ংশতিঃ) (অ. 25)
অগ্নিঃ পশুরাসী-ত্তেনাযজন্ত স এতং-লোঁকমজয-দ্যস্মিন্নগ্নি-স্স তে লোকস্ত-ঞ্জেষ্যস্যথাব জিঘ্র বাযুঃ পশুরাসী-ত্তেনাযজন্ত স এতং-লোঁকমজয-দ্যস্মিন্ বাযু-স্স তে লোকস্তস্মা-ত্ত্বা-ঽন্তরেষ্যামি যদি নাবজিঘ্রস্যাদিত্যঃ পশুরাসী-ত্তেনাযজন্ত স এতং-লোঁকমজয-দ্যস্মি-ন্নাদিত্য-স্স তে লোকস্ত-ঞ্জেষ্যসি যদ্যবজিঘ্রসি ॥ 58 ॥
(যস্মি - ন্নষ্টৌ চ) (অ. 26)
(যো বা অযথাদেবত - ন্ত্বামগ্ন - ইন্দ্রস্য - চিত্তিং - ঁযথা বৈ - বযো বৈ - যদাকূতা--দ্যাস্তে অগ্নে - মযি গৃহ্ণামি - প্রজাপতি-স্সো-ঽস্মাথ্ - স্তেগান্ - বাজং - কূর্মান্ - যোক্ত্রং - মিত্রাবরুণা - বিন্দ্রস্য - পূষ্ণ - ওজ - আনন্দ - মহ - রগ্নে - র্বাযোঃ - পন্থাং - ক্রমৈ - র্দ্যৌস্তে - ঽগ্নিঃ পশুরাসীথ্ - ষড্বিগ্ংশতিঃ)
(যো বা - এবা-ঽঽহুতি - মভবন্ - পথিভি - রবরুধ্যা - ঽঽনন্দ - মষ্টৌ পঞ্চশত্ )
(যো বা অযথাদেবতম্, ঁযদ্যবজিঘ্রসি)
( সাবিত্রাণি - বিষ্ণুমুখা - উথ্সন্নযজ্ঞো - দেবাসুরা - যদেকেন - হিরণ্যবর্ণা - যো বা- সপ্ত ) (7)
॥ হরিঃ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ম্পঞ্চমকাণ্ডে সপ্তমঃ প্রশ্ন-স্সমাপ্তঃ ॥
ও-ন্নমঃ পরমাত্মনে, শ্রী মহাগণপতযে নমঃ,
শ্রী গুরুভ্যো নমঃ । হরিঃ ওম্ ॥
যো বা অযথাদেবতমগ্নি-ঞ্চিনুত আ দেবতাভ্যো বৃশ্চ্যতে পাপীযা-ন্ভবতি যো যথাদেবত-ন্ন দেবতাভ্য আ বৃশ্চ্যতে বসীযা-ন্ভবত্যাগ্নেয্যা গাযত্রিযা প্রথমা-ঞ্চিতিমভি মৃশে-ত্ত্রিষ্টুভা দ্বিতীযা-ঞ্জগত্যা তৃতীযামনুষ্টুভা চতুর্থী-ম্পঙ্ক্ত্যা পঞ্চমীং-যঁথাদেবতমেবাগ্নি-ঞ্চিনুতে ন দেবতাভ্য আ বৃশ্চ্যতে বসীযা-ন্ভবতীডাযৈ বা এষা বিভক্তিঃ পশব ইডা পশুভিরেন- [পশুভিরেনম্, চিনুতে যো বৈ] 1
-ঞ্চিনুতে যো বৈ প্রজাপতযে প্রতি প্রোচ্যাগ্নি-ঞ্চিনোতি না-ঽঽর্তিমার্চ্ছ-ত্যশ্বাবভিতস্তিষ্ঠেতা-ঙ্কৃষ্ণ উত্তরত-শ্শ্বেতো দক্ষিণস্তাবালভ্যেষ্টকা উপ দদ্ধ্যাদেতদ্বৈ প্রজাপতে রূপ-ম্প্রাজাপত্যো-ঽশ্বঃ সাক্ষাদেব প্রজাপতযে প্রতিপ্রোচ্যাগ্নি-ঞ্চিনোতি না-ঽঽর্তিমার্চ্ছত্যেতদ্বা অহ্নো রূপং-যঁচ্ছ্বেতো-ঽশ্বো রাত্রিযৈ কৃষ্ণ এতদহ্নো [এতদহ্নঃ, রূপং-যঁদিষ্টকা] 2
রূপং-যঁদিষ্টকা রাত্রিযৈ পুরীষমিষ্টকা উপধাস্যঞ্ছ্বেত-মশ্বমভি মৃশে-ত্পুরীষমুপধাস্যন্ কৃষ্ণমহোরাত্রাভ্যামেবৈন-ঞ্চিনুতে হিরণ্য পাত্র-ম্মধোঃ পূর্ণ-ন্দদাতি মধব্যো ঽসানীতি সৌর্যা চিত্রবত্যা-ঽবেক্ষতে চিত্রমেব ভবতি মদ্ধ্যন্দিনে-ঽশ্বমব ঘ্রাপযত্যসৌ বা আদিত্য ইন্দ্র এষ প্রজাপতিঃ প্রাজাপত্যো-ঽশ্বস্তমেব সাক্ষাদৃদ্ধ্নোতি ॥ 3 ॥
(এন - মেতদহ্নো - ঽষ্টাচত্বারিগ্ংশচ্চ) (অ. 1)
ত্বামগ্নে বৃষভ-ঞ্চেকিতান-ম্পুনর্যুবান-ঞ্জনযন্নুপাগাম্ । অস্থূরি ণো গার্হপত্যানি সন্তু তিগ্মেন নো ব্রহ্মণা সগ্ং শিশাধি ॥ পশবো বা এতে যদিষ্টকাশ্চিত্যা-ঞ্চিত্যামৃষভমুপ দধাতি মিথুনমেবাস্য ত-দ্যজ্ঞে করোতি প্রজননায তস্মা-দ্যূথেযূথ ঋষভঃ ॥ সংবঁথ্সরস্য প্রতিমাং-যাঁ-ন্ত্বা রাত্র্যুপাসতে । প্রজাগ্ং সুবীরা-ঙ্কৃত্বা বিশ্বমাযুর্ব্যশ্ঞবত্ ॥ প্রাজাপত্যা- [প্রাজাপত্যাম্, এতামুপ] 4
-মেতামুপ দধাতীযং-বাঁ বৈষৈকাষ্টকা যদেবৈকাষ্টকাযামন্ন-ঙ্ক্রিযতে তদেবৈতযাব রুন্ধ এষা বৈ প্রজাপতেঃ কামদুঘা তযৈব যজমানো-ঽমুষ্মিন্ ঁলোকে-ঽগ্নি-ন্দুহে যেন দেবা জ্যোতিষোর্ধ্বা উদাযন্ যেনা-ঽঽদিত্যা বসবো যেন রুদ্রাঃ । যেনাঙ্গিরসো মহিমান-মানশুস্তেনৈতু যজমান-স্স্বস্তি ॥ সুবর্গায বা এষ লোকায [লোকায, চীযতে যদগ্নির্যেন] 5
চীযতে যদগ্নির্যেন দেবা জ্যোতিষোর্ধ্বা উদাযন্নিত্যুখ্যগ্ং সমিন্ধ ইষ্টকা এবৈতা উপ ধত্তে বানস্পত্যা-স্সুবর্গস্য লোকস্য সমষ্ট্যৈ শতাযুধায শতবীর্যায শতোতযে ঽভিমাতিষাহে । শতং-যোঁ নঃ শরদো অজীতানিন্দ্রো নেষদতি দুরিতানি বিশ্বা ॥ যে চত্বারঃ পথযো দেবযানা অন্তরা দ্যাবাপৃথিবী বিযন্তি । তেষাং-যোঁ অজ্যানি- মজীতি-মাবহা-ত্তস্মৈ নো দেবাঃ [নো দেবাঃ, পরি দত্তেহ সর্বে ।] 6
পরি দত্তেহ সর্বে ॥ গ্রীষ্মো হেমন্ত উত নো বসন্ত-শ্শর-দ্বর্ষা-স্সুবিতন্নো অস্তু । তেষামৃতূনাগ্ং শত শারদানা-ন্নিবাত এষামভযে স্যাম ॥ ইদুবথ্সরায পরিবথ্সরায সংবঁথ্সরায কৃণুতা বৃহন্নমঃ । তেষাং-বঁযগ্ং সুমতৌ যজ্ঞিযানা-ঞ্জ্যোগজীতা অহতা-স্স্যাম ॥ ভদ্রান্ন-শ্শ্রেয-স্সমনৈষ্ট দেবাস্ত্বযা-ঽবসেন সমশীমহি ত্বা । স নো মযো ভূঃ পিতো [মযো ভূঃ পিতো, আ বিশস্ব] 7
আ বিশস্ব শ-ন্তোকায তনুবে স্যোনঃ ॥ অজ্যানীরেতা উপ দধাত্যেতা বৈ দেবতা অপরাজিতাস্তা এব প্র বিশতি নৈব জীযতে ব্রহ্মবাদিনো বদন্তি যদর্ধমাসা মাসা ঋতবঃ সংবঁথ্সর ওষধীঃ পচন্ত্যথ কস্মাদন্যাভ্যো দেবতাভ্য আগ্রযণ-ন্নিরুপ্যত ইত্যেতা হি ত-দ্দেবতা উদজযন্ যদৃতুভ্যো নির্বপে-দ্দেবতাভ্য-স্সমদ-ন্দদ্ধ্যাদাগ্রযণ-ন্নিরুপ্যৈতা আহুতী র্জুহোত্যর্ধমাসানেব মাসানৃতূন্-থ্সংবঁথ্সর-ম্প্রীণাতি ন দেবতাভ্য-স্সমদ-ন্দধাতি ভদ্রান্ন-শ্শ্রেয-স্সমনৈষ্ট দেবা ইত্যাহ হুতাদ্যায যজমানস্যা-ঽপরাভাবায ॥ 8 ॥
(প্রজাপত্যাং - ঁলোকায - দেবাঃ - পিতো - দধ্যাদাগ্রযণং - পঞ্চবিগ্ংশতিশ্চ) (অ. 2)
ইন্দ্রস্য বজ্রো-ঽসি বার্ত্রঘ্নস্তনূপা নঃ প্রতিস্পশঃ । যো নঃ পুরস্তা-দ্দক্ষিণতঃ পশ্চা-দুত্তরতো-ঽঘাযুরভিদাসত্যেতগ্ং সো-ঽশ্মানমৃচ্ছতু ॥ দেবাসুরা-স্সংযঁত্তা আস-ন্তে-ঽসুরা দিগ্ভ্য আ-ঽবাধন্ত তা-ন্দেবা ইষ্বা চ বজ্রেণ চাপানুদন্ত য-দ্বজ্রিণীরুপদধাতীষ্বা চৈব ত-দ্বজ্রেণ চ যজমানো ভ্রাতৃব্যানপ নুদতে দিক্ষূপ [দিক্ষূপ, দধাতি দেবপুরা] 9
দধাতি দেবপুরা এবৈতাস্তনূপানীঃ পর্যূহতে ঽগ্নাবিষ্ণূ সজোষসেমা বর্ধন্তু বাগিংরঃ । দ্যুম্নৈর্বাজেভিরা গতম্ ॥ ব্রহ্মবাদিনো বদন্তি যন্ন দেবতাযৈ জুহ্বত্যথ কি-ন্দেবত্যা বসোর্ধারেত্যগ্নি-র্বসুস্তস্যৈষা ধারা বিষ্ণু-র্বসুস্তস্যৈষা ধারা ঽঽগ্নাবৈষ্ণব্যর্চা বসোর্ধারা-ঞ্জুহোতি ভাগধেযেনৈবৈনৌ সমর্ধযত্যথো এতা- [এতাম্, এবা-ঽঽহুতি-] 10
-মেবা-ঽঽহুতি-মাযতনবতী-ঙ্করোতি যত্কাম এনা-ঞ্জুহোতি তদেবাব রুন্ধে রুদ্রো বা এষ যদগ্নিস্তস্যৈতে তনুবৌ ঘোরা-ঽন্যা শিবা-ঽন্যা যচ্ছতরুদ্রীয-ঞ্জুহোতি যৈবাস্য ঘোরা তনূস্তা-ন্তেন শমযতি য-দ্বসোর্ধারা-ঞ্জুহোতি যৈবাস্য শিবা তনূস্তা-ন্তেন প্রীণাতি যো বৈ বসোর্ধারাযৈ [বসোর্ধারাযৈ, প্রতিষ্ঠাং-বেঁদ] 11
প্রতিষ্ঠাং-বেঁদ প্রত্যেব তিষ্ঠতি যদাজ্যমুচ্ছিষ্যেত তস্মি-ন্ব্রহ্মৌদন-ম্পচে-ত্ত-ম্ব্রাহ্মণাশ্চত্বারঃ প্রা-ঽশ্ঞীযুরেষ বা অগ্নির্বৈশ্বানরো যদ্ব্রাহ্মণ এষা খলু বা অগ্নেঃ প্রিযা তনূর্য-দ্বৈশ্বানরঃ প্রিযাযামেবৈনা-ন্তনুবা-ম্প্রতি ষ্ঠাপযতি চতস্রো ধেনূর্দদ্যা-ত্তাভিরেব যজমানো-ঽমুষ্মিন্ ঁলোকে-ঽগ্নি-ন্দুহে ॥ 12 ॥
(উপৈ - তাং - ধারাযৈ - ষট্চত্বারিগ্ংশচ্চ) (অ. 3)
চিত্তি-ঞ্জুহোমি মনসা ঘৃতেনেত্যাহাদাভ্যা বৈ নামৈষা-ঽঽহুতির্বৈশ্বকর্মণী নৈন-ঞ্চিক্যান-ম্ভ্রাতৃব্যো দভ্নোত্যথো দেবতা এবাব রুন্ধে ঽগ্নে তমদ্যেতি পঙ্ক্ত্যা জুহোতি পঙ্ক্ত্যা-ঽঽহুত্যা যজ্ঞমুখমা রভতে সপ্ত তে অগ্নে সমিধঃ সপ্তজিহ্বা ইত্যাহ হোত্রা এবাব রুন্ধে ঽগ্নির্দেবেভ্যো-ঽপাক্রা-ঽম-দ্ভাগধেয- [-ঽপাক্রা-ঽম-দ্ভাগধেযম্, ইচ্ছমানস্তস্মা] 13
-মিচ্ছমানস্তস্মা এত-দ্ভাগধেয-ম্প্রাযচ্ছন্নেতদ্বা অগ্নেরগ্নিহোত্রমেতর্হি খলু বা এষ জাতো যর্হি সর্বশ্চিতো জাতাযৈবাস্মা অন্নমপি দধাতি স এন-ম্প্রীতঃ প্রীণাতি বসীযা-ন্ভবতি ব্রহ্মবাদিনো বদন্তি যদেষ গার্হপত্যশ্চীযতে-ঽথ ক্বাস্যা-ঽঽহবনীয ইত্যসাবাদিত্য ইতি ব্রূযাদেতস্মিন্ঃই সর্বাভ্যো দেবতাভ্যো জুহ্বতি [জুহ্বতি, য এবং-বিঁদ্বানগ্নি-] 14
য এবং-বিঁদ্বানগ্নি-ঞ্চিনুতে সাক্ষাদেব দেবতা ঋদ্ধ্নোত্যগ্নে যশস্বিন্ যশসে মমর্পযেন্দ্রাবতী মপচিতী মিহা-ঽঽবহ । অয-ম্মূর্ধা পরমেষ্ঠী সুবর্চা-স্সমানানামুত্তম শ্লোকো অস্তু ॥ ভদ্র-ম্পশ্যন্ত উপ সেদুরগ্রে তপো দীক্ষামৃষয-স্সুবর্বিদঃ । ততঃ ক্ষত্র-ম্বলমোজশ্চ জাত-ন্তদস্মৈ দেবা অভি স-ন্নমন্তু ॥ ধাতা বিধাতা পরমো- [পরমা, উত সন্দৃ-ক্প্রজাপতিঃ] 15
-ত সন্দৃ-ক্প্রজাপতিঃ পরমেষ্ঠী বিরাজা । স্তোমা-শ্ছন্দাগ্ংসি নিবিদো ম আহুরেতস্মৈ রাষ্ট্রমভি স-ন্নমাম ॥ অভ্যাবর্তদ্ধ্বমুপ মেত সাকমযগ্ং শাস্তা-ঽধিপতির্বো অস্তু । অস্য বিজ্ঞানমনু সগ্ং রভদ্ধ্বমিম-ম্পশ্চাদনু জীবাথ সর্বে ॥ রাষ্ট্রভৃত এতা উপ দধাত্যেষা বা অগ্নেশ্চিতী রাষ্ট্রভৃ-ত্তযৈবাস্মি-ন্রাষ্ট্র-ন্দধাতি রাষ্ট্রমেব ভবতি নাস্মা-দ্রাষ্ট্র-ম্ভ্রগ্ংশতে ॥ 16 ॥
(ভাগধেযং - জুহ্বতি - পরমা - রাষ্ট্র-ন্দধাতি - সপ্ত চ) (অ. 4)
যথা বৈ পুত্রো জাতো ম্রিযত এবং-বাঁ এষ ম্রিযতে যস্যাগ্নিরুখ্য উদ্বাযতি যন্নির্মন্থ্য-ঙ্কুর্যা-দ্বিচ্ছিন্দ্যা-দ্ভ্রাতৃব্যমস্মৈ জনযে-থ্স এব পুনঃ পরীদ্ধ্য-স্স্বাদেবৈনং-যোঁনের্জনযতি নাস্মৈ ভ্রাতৃব্য-ঞ্জনযতি তমো বা এত-ঙ্গৃহ্ণাতি যস্যাগ্নিরুখ্য উদ্বাযতি মৃত্যুস্তমঃ কৃষ্ণং-বাঁসঃ কৃষ্ণা ধেনুর্দক্ষিণা তমসৈ- [তমসা, এব তমো] 17
-ব তমো মৃত্যুমপ হতে হিরণ্য-ন্দদাতি জ্যোতির্বৈ হিরণ্য-ঞ্জ্যোতিষৈব তমো-ঽপ হতে-ঽথো তেজো বৈ হিরণ্য-ন্তেজ এবা-ঽঽত্ম-ন্ধত্তে সুবর্ন ঘর্ম-স্স্বাহা সুবর্না-ঽর্ক-স্স্বাহা সুবর্ন শুক্র-স্স্বাহা সুবর্ন জ্যোতি-স্স্বাহা সুবর্ন সূর্য-স্স্বাহা ঽর্কো বা এষ যদগ্নি-রসা-বাদিত্যো- [যদগ্নি-রসা-বাদিত্যঃ, আশ্বমেধো যদেতা] 18
-ঽশ্বমেধো যদেতা আহুতী র্জুহোত্যর্কা-শ্বমেধযোরেব জ্যোতীগ্ংষি স-ন্দধাত্যেষ হ ত্বা অর্কাশ্বমেধী যস্যৈতদগ্নৌ ক্রিযত আপো বা ইদমগ্রে সলিলমাসী-থ্স এতা-ম্প্রজাপতিঃ প্রথমা-ঞ্চিতিমপশ্য-ত্তামুপাধত্ত তদিযমভব-ত্তং-বিঁশ্বকর্মা-ঽব্রবীদুপ ত্বা-ঽঽযানীতি নেহ লোকো-ঽস্তীত্য- [লোকো-ঽস্তীতি, অব্রবী-থ্স] 19
-ত্যব্রবী-থ্স এতা-ন্দ্বিতীযা-ঞ্চিতিমপশ্য-ত্তামুপাধত্ত তদন্তরিক্ষমভব-থ্স যজ্ঞঃ প্রজাপতিমব্রবীদুপ ত্বা-ঽঽযানীতি নেহ লোকো-ঽস্তীত্যব্রবী-থ্স বিশ্বকর্মাণ-মব্রবীদুপ ত্বা-ঽঽযানীতি কেন মোপৈষ্যসীতি দিশ্যাভিরিত্যব্রবী-ত্ত-ন্দিশ্যাভিরুপৈ-ত্তা উপাধত্ত তা দিশো- [তা দিশঃ, অভবন্-থ্স] 20
-ঽভবন্-থ্স পরমেষ্ঠী প্রজাপতিমব্রবীদুপ ত্বা-ঽঽযানীতি নেহ লোকো-ঽস্তীত্যব্রবী-থ্স বিশ্বকর্মাণ-ঞ্চ যজ্ঞ-ঞ্চাব্রবীদুপ বামা ঽযানীতি নেহ লোকো-ঽস্তীত্যব্রূতাগ্ং স এতা-ন্তৃতীযা-ঞ্চিতিমপশ্য-ত্তামুপাধত্ত তদসাবভব-থ্স আদিত্যঃ প্রজাপতি-মব্রবীদুপ ত্বা- [-মব্রবীদুপ ত্বা, আযানীতি] 21
-ঽঽযানীতি নেহ লোকো-ঽস্তীত্যব্রবী-থ্স বিশ্বকর্মাণ-ঞ্চ যজ্ঞ-ঞ্চাব্রবীদুপ বামা-ঽযানীতি নেহ লোকো-ঽস্তীত্যব্রূতাগ্ং স পরমেষ্ঠিনমব্রবীদুপ ত্বা-ঽঽযানীতি কেন মোপৈষ্যসীতি লোক-ম্পৃণযেত্যব্রবী-ত্তং-লোঁক-ম্পৃণযোপৈ-ত্তস্মাদযাতযাম্নী লোক-ম্পৃণা-ঽযাতযামা হ্যসা- [হ্যসৌ, আদিত্যস্তানৃষযো] 22
-বাদিত্যস্তানৃষযো ঽব্রুবন্নুপ ব আ-ঽযামেতি কেন ন উপৈষ্যথেতি ভূম্নেত্যব্রুব-ন্তা-ন্দ্বাভ্যা-ঞ্চিতীভ্যামুপাযন্-থ্স পঞ্চচিতীক-স্সমপদ্যত য এবং-বিঁদ্বানগ্নি-ঞ্চিনুতে ভূযানেব ভবত্যভীমান্ ঁলোকাঞ্জযতি বিদুরেন-ন্দেবা অথো এতাসামেব দেবতানাগ্ং সাযুজ্য-ঙ্গচ্ছতি ॥ 23 ॥
(তমসা - ঽঽদিত্যো - ঽস্তীতি - দিশ - আদিত্যঃ প্রজাপতিমব্রবীদুপ ত্বা - ঽসৌ - পঞ্চচত্বারিগ্ংশচ্চ) (অ. 5)
বযো বা অগ্নির্যদগ্নিচি-ত্পক্ষিণো-ঽশ্ঞীযা-ত্তমেবাগ্নিমদ্যাদা-র্তিমার্চ্ছে-থ্সংবঁথ্সরং-ব্রঁত-ঞ্চরে-থ্সংবঁথ্সরগ্ং হি ব্রত-ন্নাতি পশুর্বা এষ যদগ্নির্হিনস্তি খলু বৈ ত-ম্পশুর্য এন-ম্পুরস্তা-ত্প্রত্যঞ্চমুপচরতি তস্মা-ত্পশ্চা-ত্প্রাংউপচর্য আত্মনো-ঽহিগ্ংসাযৈ তেজো-ঽসি তেজো মে যচ্ছ পৃথিবীং-যঁচ্ছ [পৃথিবীং-যঁচ্ছ, পৃথিব্যৈ মা পাহি] 24
পৃথিব্যৈ মা পাহি জ্যোতিরসি জ্যোতির্মে যচ্ছান্তরিক্ষং-যঁচ্ছান্তরিক্ষান্মা পাহি সুবরসি সুবর্মে যচ্ছ দিবং-যঁচ্ছ দিবো মা পাহীত্যাহৈতাভির্বা ইমে লোকা বিধৃতা যদেতা উপদধাত্যেষাং-লোঁকানাং-বিঁধৃত্যৈ স্বযমাতৃণ্ণা উপধায হিরণ্যেষ্টকা উপদধাতীমে বৈ লোকা-স্স্বযমাতৃণ্ণা জ্যোতির্হিরণ্যং-যঁ-থ্স্বযমাতৃণ্ণা উপধায [উপধায, হিরণ্যেষ্টকা উপদধাতী-] 25
হিরণ্যেষ্টকা উপদধাতীমা-নেবৈতাভি-র্লোকা-ঞ্জ্যোতিষ্মতঃ কুরুতে-ঽথো এতাভিরেবাস্মা ইমে লোকাঃ প্র ভান্তি যাস্তে অগ্নে সূর্যে রুচ উদ্যতো দিবমাতন্বন্তি রশ্মিভিঃ । তাভি-স্সর্বাভী রুচে জনায নস্কৃধি ॥ যা বো দেবা-স্সূর্যে রুচো গোষ্বশ্বেষু যা রুচঃ । ইন্দ্রাগ্নী তাভি-স্সর্বাভী রুচ-ন্নো ধত্ত বৃহস্পতে ॥ রুচন্নো ধেহি [ধেহি, ব্রাহ্মণেষু রুচগ্ং] 26
ব্রাহ্মণেষু রুচগ্ং রাজসু নস্কৃধি । রুচং-বিঁশ্যেষু শূদ্রেষু মযি ধেহি রুচা রুচম্ ॥ দ্বেধা বা অগ্নি-ঞ্চিক্যানস্য যশ ইন্দ্রিয-ঙ্গচ্ছত্যগ্নিং-বাঁ চিতমীজানং-বাঁ যদেতা আহুতীর্জুহোত্যাত্মন্নেব যশ ইন্দ্রিয-ন্ধত্ত ঈশ্বরো বা এষ আর্তিমার্তোর্যো-ঽগ্নি-ঞ্চিন্বন্নধি ক্রামতি তত্ত্বা যামি ব্রহ্মণা বন্দমান ইতি বারুণ্যর্চা [ইতি বারুণ্যর্চা, জুহুযাচ্ছান্তি-] 27
জুহুযাচ্ছান্তি-রেবৈষা ঽগ্নের্গুপ্তিরাত্মনো হবিষ্কৃতো বা এষ যো-ঽগ্নি-ঞ্চিনুতে যথা বৈ হবি-স্স্কন্দত্যেবং-বাঁ এষ স্কন্দতি যো-ঽগ্নি-ঞ্চিত্বা স্ত্রিযমুপৈতি মৈত্রাবরুণ্যা-ঽঽমিক্ষযা যজেত মৈত্রাবরুণতা-মেবোপৈত্যাত্মনো ঽস্কন্দায যো বা অগ্নিমৃতুস্থাং-বেঁদর্তুর্-ঋতুরস্মৈ কল্পমান এতি প্রত্যেব তিষ্ঠতি সংবঁথ্সরো বা অগ্নির্- [বা অগ্নিঃ, ঋতুস্থা-স্তস্য] 28
-ঋতুস্থা-স্তস্য বসন্ত-শ্শিরো গ্রীষ্মো দক্ষিণঃ পক্ষো বর্ষাঃ পুচ্ছগ্ং শরদুত্তরঃ পক্ষো হেমন্তো মদ্ধ্য-ম্পূর্বপক্ষা-শ্চিতযো¶পক্ষাঃ পুরীষ-মহোরাত্রাণীষ্টকা এষ বা অগ্নির্-ঋতুস্থা য এবং-বেঁদর্তুর্-ঋতুরস্মৈ কল্পমান এতি প্রত্যেব তিষ্ঠতি প্রজাপতির্বা এত-ঞ্জ্যৈষ্ঠ্যকামো ন্যধত্ত ততো বৈ স জ্যৈষ্ঠ্যমগচ্ছদ্য এবং-বিঁদ্বানগ্নি-ঞ্চিনুতে জ্যৈষ্ঠ্যমেব গচ্ছতি ॥ 29 ॥
(পৃথিবীং-যঁচ্ছ - য-থ্স্বযমাতৃণ্ণা উপধায - ধেহ্যৃ - চা - গ্নি - শ্চিনুতে - ত্রীণি চ) (অ. 6)
যদাকূতা-থ্সমসুস্রোদ্ধৃদো বা মনসো বা সম্ভৃত-ঞ্চক্ষুষো বা । তমনু প্রেহি সুকৃতস্য লোকং-যঁত্রর্ষযঃ প্রথমজা যে পুরাণাঃ ॥ এতগ্ং সধস্থ পরি তে দদামি যমাবহাচ্ছেবধি-ঞ্জাতবেদাঃ । অন্বাগন্তা যজ্ঞপতির্বো অত্র তগ্গ্ স্ম জানীত পরমে ব্যোমন্ন্ ॥ জানীতাদেন-ম্পরমে ব্যোম-ন্দেবা-স্সধস্থা বিদ রূপমস্য । যদাগচ্ছা- [যদাগচ্ছাত্, পথিভি-র্দেবযানৈ] 30
-ত্পথিভি-র্দেবযানৈ-রিষ্টাপূর্তে কৃণুতা-দাবি-রস্মৈ ॥ স-ম্প্র চ্যবদ্ধ্ব-মনু স-ম্প্র যাতাগ্নে পথো দেবযানান্ কৃণুদ্ধ্বম্ । অস্মিন্-থ্সধস্থে অদ্ধ্যুত্তরস্মিন্ বিশ্বে দেবা যজমানশ্চ সীদত ॥ প্রস্তরেণ পরিধিনা স্রুচা বেদ্যা চ বর্হিষা । ঋচেমং-যঁজ্ঞ-ন্নো বহ সুবর্দেবেষু গন্তবে ॥ যদিষ্টং-যঁ-ত্পরাদানং-যঁদ্দত্তং-যাঁ চ দক্ষিণা । ত- [তত্, অগ্নি-] 31
-দগ্নি-র্বৈশ্বকর্মণ-স্সুবর্দেবেষু নো দধত্ ॥ যেনা সহস্রং-বঁহসি যেনাগ্নে সর্ববেদসম্ । তেনেমং-যঁজ্ঞ-ন্নো বহ সুবর্দেবেষু গন্তবে ॥ যেনাগ্নে দক্ষিণা যুক্তা যজ্ঞং-বঁহন্ত্যৃত্বিজঃ । তেনেমং-যঁজ্ঞ-ন্নো বহ সুবর্দেবেষু গন্তবে ॥ যেনা-ঽগ্নে সুকৃতঃ পথা মধোর্ধারা ব্যানশুঃ । তেনেমং-যঁজ্ঞ-ন্নো বহ সুবর্দেবেষু গন্তবে ॥ যত্র ধারা অনপেতা মধোর্ঘৃতস্য চ যাঃ । তদগ্নির্বৈশ্বকর্মণ-স্সুবর্দেবেষু নো দধত্ ॥ 32 ॥
(আগচ্ছাত্ - ত - দ্বযানশু স্তেনেমং-যঁজ্ঞ-ন্নো বহ সুবর্দেবেষু গন্তবে - চতুর্দশ চ) (অ. 7)
যাস্তে অগ্নে সমিধো যানি ধাম যা জিহ্বা জাতবেদো যো অর্চিঃ । যে তে অগ্নে মেডযো য ইন্দবস্তেভিরাত্মান-ঞ্চিনুহি প্রজানন্ন্ ॥ উথ্সন্নযজ্ঞো বা এষ যদগ্নিঃ কিং-বাঁ-ঽহৈতস্য ক্রিযতে কিং-বাঁ ন যদ্বা অদ্ধ্বর্যু-রগ্নেশ্চিন্বন্ন-ন্তরেত্যাত্মনো বৈ তদন্তরেতি যাস্তে অগ্নে সমিধো যানি [সমিধো যানি, ধামেত্যাহৈষা] 33
ধামেত্যাহৈষা বা অগ্নে-স্স্বয-ঞ্চিতিরগ্নিরেব তদগ্নি-ঞ্চিনোতি নাদ্ধ্বর্যুরাত্মনো-ঽন্তরেতি চতস্র আশাঃ প্রচরন্ত্বগ্নয ইম-ন্নো যজ্ঞ-ন্নযতু প্রজানন্ন্ । ঘৃত-ম্পিন্বন্নজরগ্ং সুবীর-ম্ব্রহ্ম সমি-দ্ভবত্যাহুতীনাম্ ॥ সুবর্গায বা এষ লোকাযোপ ধীযতে য-ত্কূর্মশ্চতস্র আশাঃ প্র চরন্ত্বগ্নয ইত্যাহ [ইত্যাহ, দিশ এবৈতেন] 34
দিশ এবৈতেন প্র জানাতীম-ন্নো যজ্ঞ-ন্নযতু প্রজানন্নিত্যাহ সুবর্গস্য লোকস্যাভিনীত্যৈ ব্রহ্ম সমি-দ্ভবত্যাহুতীনা-মিত্যাহ ব্রহ্মণা বৈ দেবা-স্সুবর্গং-লোঁকমাযন্ য-দ্ব্রহ্মণ্বত্যোপদধাতি ব্রহ্মণৈব ত-দ্যজমান-স্সুবর্গং-লোঁকমেতি প্রজাপতির্বা এষ যদগ্নিস্তস্য প্রজাঃ পশব-শ্ছন্দাগ্ংসি রূপগ্ং সর্বান্ বর্ণানিষ্টকানা-ঙ্কুর্যা-দ্রূপেণৈব প্রজা-ম্পশূন্ ছন্দাগ্স্যব রুন্ধে-ঽথো প্রজাভ্য এবৈন-ম্পশুভ্য-শ্ছন্দোভ্যো ঽবরুদ্ধ্য চিনুতে ॥ 35 ॥
(যান্য - গ্নয ইত্যাহে - ষ্টকানাগ্ং - ষোডশ চ) (অ. 8)
মযি গৃহ্ণাম্যগ্রে অগ্নিগ্ং রাযস্পোষায সুপ্রজাস্ত্বায সুবীর্যায । মযি প্রজা-ম্মযি বর্চো দধাম্যরিষ্টা-স্স্যাম তনুবা সুবীরাঃ ॥ যো নো অগ্নিঃ পিতরো হৃথ্স্বন্তরমর্ত্যো মর্ত্যাগ্ং আবিবেশ । তমাত্ম-ন্পরি গৃহ্ণীমহে বয-ম্মা সো অস্মাগ্ং অবহায পরা গাত্ ॥ যদদ্ধ্বর্যুরাত্মন্নগ্নিম-গৃহীত্বা-ঽগ্নি-ঞ্চিনুযাদ্যো-ঽস্য স্বো-ঽগ্নিস্তমপি [স্বো-ঽগ্নিস্তমপি, যজমানায] 36
যজমানায চিনুযাদগ্নি-ঙ্খলু বৈ পশবো-ঽনূপ তিষ্ঠন্তে-ঽপক্রামুকা অস্মা-ত্পশবঃ স্যুর্মযি গৃহ্ণাম্যগ্রে অগ্নিমিত্যাহা-ঽঽত্মন্নেব স্বমগ্নি-ন্দাধার নাস্মা-ত্পশবো-ঽপ ক্রামন্তি ব্রহ্মবাদিনো বদন্তি যন্মৃচ্চা-ঽঽপশ্চাগ্নে-রনাদ্য-মথ কস্মান্মৃদা চাদ্ভিশ্চা-ঽগ্নিশ্চীযত ইতি যদদ্ভি-স্সং-যৌঁ- [যদদ্ভি-স্সং-যৌঁতি, আপো বৈ] 37
-ত্যাপো বৈ সর্বা দেবতা দেবতাভিরেবৈনগ্ং সগ্ং সৃজতি যন্মৃদা চিনোতীযং-বাঁ অগ্নির্বৈশ্বানরো-ঽগ্নিনৈব তদগ্নি-ঞ্চিনোতি ব্রহ্মবাদিনো বদন্তি যন্মৃদা চাদ্ভিশ্চাগ্নিশ্চীযতে-ঽথ কস্মাদগ্নিরুচ্যত ইতি যচ্ছন্দোভি-শ্চিনোত্যগ্নযো বৈ ছন্দাগ্ংসি তস্মাদগ্নিরুচ্যতে-ঽথো ইযং-বাঁ অগ্নির্বৈশ্বানরো য- [অগ্নির্বৈশ্বানরো যত্, মৃদা চিনোতি] 38
-ন্মৃদা চিনোতি তস্মাদগ্নিরুচ্যতে হিরণ্যেষ্টকা উপ দধাতি জ্যোতির্বৈ হিরণ্য-ঞ্জ্যোতিরেবা-ঽস্মি-ন্দধাত্যথো তেজো বৈ হিরণ্য-ন্তেজ এবা-ঽঽত্ম-ন্ধত্তে যো বা অগ্নিগ্ং সর্বতোমুখ-ঞ্চিনুতে সর্বাসু প্রজাস্বন্নমত্তি সর্বা দিশো-ঽভি জযতি গাযত্রী-ম্পুরস্তাদুপ দধাতি ত্রিষ্টুভ-ন্দক্ষিণতো জগতী-ম্পশ্চাদনুষ্টুভমুত্তরতঃ পঙ্ক্তি-ম্মদ্ধ্য এষ বা অগ্নি-স্সর্বতোমুখস্তং-যঁ এবং-বিঁদ্বাগ্শ্চিনুতে সর্বাসু প্রজাস্বন্নমত্তি সর্বা দিশো-ঽভি জযত্যথো দিশ্যেব দিশ-ম্প্র বযতি তস্মা-দ্দিশি দি-ক্প্রোতা ॥ 39 ॥
(অপি-সংযৌঁতি-বৈশ্বানরো য-দেষ বৈ-পঞ্চবিগ্ংশতিশ্চ) (অ. 9)
প্রজাপতি-রগ্নি-মসৃজত সো-ঽস্মা-থ্সৃষ্টঃ প্রা-ম্প্রা-ঽদ্রব-ত্তস্মা অশ্ব-ম্প্রত্যাস্য-থ্স দক্ষিণা-ঽঽবর্তত তস্মৈ বৃষ্ণি-ম্প্রত্যাস্য-থ্স প্রত্যঙ্ঙা-ঽবর্তত তস্মা ঋষভ-ম্প্রত্যাস্য-থ্স উদঙ্ঙা-ঽবর্তত তস্মৈ বস্ত-ম্প্রত্যাস্য-থ্স ঊর্ধ্বো-ঽদ্রব-ত্তস্মৈ পুরুষ-ম্প্রত্যাস্যদ্য-ত্পশুশীর্ষাণ্যুপদধাতি সর্বত এবৈন- [এবৈনম্, অবরুদ্ধ্য চিনুত] 40
-মবরুদ্ধ্য চিনুত এতা বৈ প্রাণভৃত-শ্চক্ষুষ্মতীরিষ্টকা য-ত্পশুশীর্ষাণি য-ত্পশুশীর্ষাণ্যুপদধাতি তাভিরেব যজমানো-ঽমুষ্মিঁল্লোকে প্রাণিত্যথো তাভিরেবাস্মা ইমে লোকাঃ প্র ভান্তি মৃদা-ঽভিলিপ্যোপ দধাতি মেদ্ধ্যত্বায পশুর্বা এষ যদগ্নিরন্ন-ম্পশব এ ষ খলু বা অগ্নির্য-ত্পশুশীর্ষাণি য-ঙ্কামযেত কনীযো-ঽস্যা-ঽন্নগ্গ্ - [কনীযো-ঽস্যা-ঽন্নম্, স্যাদিতি] 41
স্যাদিতি সন্তরা-ন্তস্য পশুশীর্ষাণ্যুপ দদ্ধ্যা-ত্কনীয এবাস্যান্ন-ম্ভবতি য-ঙ্কামযেত সমাবদস্যান্নগ্গ্ স্যাদিতি মদ্ধ্যতস্তস্যোপ দদ্ধ্যা-থ্সমাব-দেবাস্যান্ন-ম্ভবতি য-ঙ্কামযেত ভূযো-ঽস্যা-ঽন্নগ্গ্ স্যাদিত্যন্তেষু তস্য ব্যুদূহ্যোপ দদ্ধ্যাদন্তত এবাস্মা অন্নমব রুন্ধে ভূযো-ঽস্যান্ন-ম্ভবতি ॥ 42 ॥
(এন- মস্যান্নং - ভূযো-ঽস্যা-ঽন্ন-ম্ভবতি) (অ. 10)
স্তেগা-ন্দগ্গ্ষ্ট্রাভ্যা-ম্মণ্ডূকান্ জম্ভ্যেভিরাদকাং-খাদেনোর্জগ্ং সগ্ং সূদেনা-ঽরণ্য-ঞ্জাম্বীলেন মৃদ-ম্বর্স্বেভি-শ্শর্করাভিরবকামবকাভি-শ্শর্করামুথ্সাদেন জিহ্বামবক্রন্দেন তালুগ্ং সরস্বতী-ঞ্জিহ্বাগ্রেণ ॥ 43 ॥
(স্তেগান্ - দ্বাবিগ্ংশতিঃ) (অ. 11)
বাজগ্ং হনূভ্যামপ আস্যেনা-ঽঽদিত্যা-ঞ্ছ্মশ্রুভি-রুপযাম-মধরেণোষ্ঠেন সদুত্তরেণান্তরেণা-নূকাশ-ম্প্রকাশেন বাহ্যগ্গ্ স্তনযিত্নু-ন্নির্বাধেন সূর্যাগ্নী চক্ষুর্ভ্যাং-বিঁদ্যুতৌ কনানকাভ্যামশনি-ম্মস্তিষ্কেণ বল-ম্মজ্জভিঃ ॥ 44 ॥
(বাজ-ম্পঞ্চবিগ্ংশতিঃ) (অ. 12)
কূর্মা-ঞ্ছফৈরচ্ছলাভিঃ কপিঞ্জলান্থ্সাম কুষ্ঠিকাভির্জব-ঞ্জঙ্ঘাভিরগদ-ঞ্জানুভ্যাং-বীঁর্য-ঙ্কুহাভ্যা-ম্ভয-ম্প্রচালাভ্যা-ঙ্গুহোপপক্ষাভ্যা-মশ্বিনাবগ্ং সাভ্যামদিতিগ্ং শীর্ষ্ণা নির্-ঋতি-ন্নির্জাল্মকেন শীর্ষ্ণা ॥ 45 ॥
(কূর্মান্-ত্রযোবিগ্ংশতিঃ) (অ. 13)
যোক্ত্র-ঙ্গৃদ্ধ্রাভির্যুগমানতেন চিত্ত-ম্মন্যাভি-স্সঙ্ক্রোশা-ন্প্রাণৈঃ প্রকাশেন ত্বচ-ম্পরাকাশেনান্তরা-ম্মশকান্ কেশৈরিন্দ্রগ্গ্ স্বপসা বহেন বৃহস্পতিগ্ং শকুনিসাদেন রথমুষ্ণিহাভিঃ ॥ 46 ॥
(যোক্ত্র - মেকবিগ্ংশতিঃ) (অ. 14)
মিত্রাবরুণৌ শ্রোণীভ্যামিন্দ্রাগ্নী শিখণ্ডাভ্যা-মিন্দ্রাবৃহস্পতী ঊরুভ্যামিন্দ্রাবিষ্ণূ অষ্ঠীবদ্ভ্যাগ্ং সবিতার-ম্পুচ্ছেন গন্ধর্বাঞ্ছেপেনা-ফ্সরসো মুষ্কাভ্যা-ম্পবমান-ম্পাযুনা পবিত্র-ম্পোত্রাভ্যামাক্রমণগ্গ্ স্থূরাভ্যা-ম্প্রতিক্রমণ-ঙ্কুষ্ঠাভ্যাম্ ॥ 47 ॥
(মিত্রাবরুণৌ - দ্বাবিগ্ংশতিঃ) (অ. 15)
ইন্দ্রস্য ক্রোডো ঽদিত্যৈ পাজস্য-ন্দিশা-ঞ্জত্রবো জীমূতান্ হৃদযৌপশাভ্যা-মন্তরিক্ষ-ম্পুরিততা নভ উদর্যেণেন্দ্রাণী-ম্প্লীহ্না বল্মীকান্ ক্লোম্না গিরী-ন্প্লাশিভিঃ সমুদ্রমুদরেণ বৈশ্বানর-ম্ভস্মনা ॥ 48 ॥
(ইন্দ্রস্য - দ্বাবিশতিঃ) (অ. 16)
পূষ্ণো বনিষ্ঠুরন্ধাহে-স্স্থূরগুদা সর্পা-ন্গুদাভির্-ঋতূ-ন্পৃষ্টীভির্দিব-ম্পৃষ্ঠেন বসূনা-ম্প্রথমা কীকসা রুদ্রাণা-ন্দ্বিতীযা ঽঽদিত্যানা-ন্তৃতীযা ঽঙ্গিরসা-ঞ্চতুর্থী সাদ্ধ্যানা-ম্পঞ্চমী বিশ্বেষা-ন্দেবানাগ্ং ষষ্ঠী ॥ 49 ॥
(পূষ্ণ - শ্চতুর্বিগ্ংশতিঃ) (অ. 17)
ওজো গ্রীবাভি-র্নির্-ঋতিমস্থভিরিন্দ্রগ্গ্ স্বপসা বহেন রুদ্রস্য বিচল-স্স্কন্ধো ঽহোরাত্রযোর্দ্বিতীযো ঽর্ধমাসানা-ন্তৃতীযো মাসা-ঞ্চতুর্থ ঋতূনা-ম্পঞ্চম-স্সংবঁথ্সরস্য ষষ্ঠঃ ॥ 50 ॥
(ওজো - বিগ্ংশতিঃ) (অ. 18)
আনন্দ-ন্নন্দথুনা কাম-ম্প্রত্যাসাভ্যা-ম্ভযগ্ং শিতীমভ্যা-ম্প্রশিষ-ম্প্রশাসাভ্যাগ্ং সূর্যাচন্দ্রমসৌ বৃক্যাভ্যাগ্ শ্যামশবলৌ মতস্নাভ্যাং-ব্যুঁষ্টিগ্ং রূপেণ নিম্রুক্তিমরূপেণ ॥ 51 ॥
(আনন্দগ্ং - ষোডশ) (অ. 19)
অহর্মাগ্ংসেন রাত্রি-ম্পীবসা-ঽপো যূষেণ ঘৃতগ্ং রসেন শ্যাং-বঁসযা দূষীকাভির্-হ্রাদুনি-মশ্রুভিঃ পৃষ্বা-ন্দিবগ্ং রূপেণ নক্ষত্রাণি প্রতিরূপেণ পৃথিবী-ঞ্চর্মণা ছবী-ঞ্ছব্যো পাকৃতায স্বাহা ঽঽলব্ধায স্বাহা হুতায স্বাহা ॥ 52 ॥
(অহর - ষ্টাবিগ্ংশতিঃ) (অ. 20)
অগ্নেঃ পক্ষতি-স্সরস্বত্যৈ নিপক্ষতি-স্সোমস্য তৃতীযা-ঽপা-ঞ্চতুর্থ্যোষধীনা-ম্পঞ্চমী সংবঁথ্সরস্য ষষ্ঠী মরুতাগ্ং সপ্তমী বৃহস্পতেরষ্টমী মিত্রস্য নবমী বরুণস্য দশমীন্দ্রস্যৈকাদশী বিশ্বেষা-ন্দেবানা-ন্দ্বাদশী দ্যাবাপৃথিব্যোঃ পার্শ্বং-যঁমস্য পাটূরঃ ॥ 53 ॥
(অগ্নে-রেকান্ন ত্রিগ্ংশত্) (অ. 21)
বাযোঃ পক্ষতি-স্সরস্বতো নিপক্ষতি-শ্চন্দ্রমস-স্তৃতীযা নক্ষত্রাণা-ঞ্চতুর্থী সবিতুঃ পঞ্চমী রুদ্রস্য ষষ্ঠী সর্পাণাগ্ং সপ্তম্যর্যম্ণো-ঽষ্টমী ত্বষ্টুর্নবমী ধাতুর্দশমীন্দ্রাণ্যা একাদশ্যদিত্যৈ দ্বাদশী দ্যাবাপৃথিব্যোঃ পার্শ্বং-যঁম্যৈ পাটূরঃ ॥ 54 ॥
(বাযো - রষ্টাবিগ্ংশতিঃ) (অ. 22)
পন্থামনূবৃগ্ভ্যাগ্ং সন্ততিগ্গ্ স্নাবন্যাভ্যাগ্ং শুকা-ন্পিত্তেন হরিমাণং-যঁক্না হলীক্ষ্ণা-ন্পাপবাতেন কূশ্মাঞ্ছকভি-শ্শবর্তানূবদ্ধ্যেন শুনো বিশসনেন সর্পান্ ঁলোহিতগন্ধেন বযাগ্ংসি পক্বগন্ধেন পিপীলিকাঃ প্রশাদেন ॥ 55 ॥
(পন্থাং - দ্বাবিগ্ংশতিঃ) (অ. 23)
ক্রমৈরত্যক্রমী-দ্বাজী বিশ্বৈর্দেবৈর্যজ্ঞিযৈ-স্সংবিঁদানঃ । স নো নয সুকৃতস্য লোক-ন্তস্য তে বযগ্গ্ স্বধযা মদেম ॥ 56 ॥
(ক্রমৈ - রষ্টাদশ) (অ. 24)
দ্যৌস্তে পৃষ্ঠ-ম্পৃথিবী সধস্থমাত্মান্তরিক্ষগ্ং সমুদ্রো যোনি-স্সূর্যস্তে চক্ষুর্বাতঃ প্রাণশ্চন্দ্রমা-শ্শ্রোত্র-ম্মাসাশ্চার্ধমাসাশ্চ পর্বাণ্যৃতবোঙ্গানি সংবঁথ্সরো মহিমা ॥ 57 ॥
(দ্যৌ - পঞ্চবিগ্ংশতিঃ) (অ. 25)
অগ্নিঃ পশুরাসী-ত্তেনাযজন্ত স এতং-লোঁকমজয-দ্যস্মিন্নগ্নি-স্স তে লোকস্ত-ঞ্জেষ্যস্যথাব জিঘ্র বাযুঃ পশুরাসী-ত্তেনাযজন্ত স এতং-লোঁকমজয-দ্যস্মিন্ বাযু-স্স তে লোকস্তস্মা-ত্ত্বা-ঽন্তরেষ্যামি যদি নাবজিঘ্রস্যাদিত্যঃ পশুরাসী-ত্তেনাযজন্ত স এতং-লোঁকমজয-দ্যস্মি-ন্নাদিত্য-স্স তে লোকস্ত-ঞ্জেষ্যসি যদ্যবজিঘ্রসি ॥ 58 ॥
(যস্মি - ন্নষ্টৌ চ) (অ. 26)
(যো বা অযথাদেবত - ন্ত্বামগ্ন - ইন্দ্রস্য - চিত্তিং - ঁযথা বৈ - বযো বৈ - যদাকূতা--দ্যাস্তে অগ্নে - মযি গৃহ্ণামি - প্রজাপতি-স্সো-ঽস্মাথ্ - স্তেগান্ - বাজং - কূর্মান্ - যোক্ত্রং - মিত্রাবরুণা - বিন্দ্রস্য - পূষ্ণ - ওজ - আনন্দ - মহ - রগ্নে - র্বাযোঃ - পন্থাং - ক্রমৈ - র্দ্যৌস্তে - ঽগ্নিঃ পশুরাসীথ্ - ষড্বিগ্ংশতিঃ)
(যো বা - এবা-ঽঽহুতি - মভবন্ - পথিভি - রবরুধ্যা - ঽঽনন্দ - মষ্টৌ পঞ্চশত্ )
(যো বা অযথাদেবতম্, ঁযদ্যবজিঘ্রসি)
( সাবিত্রাণি - বিষ্ণুমুখা - উথ্সন্নযজ্ঞো - দেবাসুরা - যদেকেন - হিরণ্যবর্ণা - যো বা- সপ্ত ) (7)
॥ হরিঃ ওম্ ॥
॥ কৃষ্ণ যজুর্বেদীয তৈত্তিরীয সংহিতাযা-ম্পঞ্চমকাণ্ডে সপ্তমঃ প্রশ্ন-স্সমাপ্তঃ ॥