6.4 - যজ্ঞেন ৱৈ প্ৰজাপতিঃ প্ৰজা অসৃজত - কৃষ্ণ যজুৰ্ৱেদ তৈত্তিৰীয সংহিতা পাঠঃ

কৃষ্ণ যজুৰ্ৱেদীয তৈত্তিৰীয সংহিতাযাং ষষ্ঠকাণ্ডে চতুৰ্থঃ প্ৰশ্নঃ - সোমমন্ত্ৰব্ৰাহ্মণনিৰূপণং
ও-ন্নমঃ পৰমাত্মনে, শ্ৰী মহাগণপতযে নমঃ,

শ্ৰী গুৰুভ্যো নমঃ । হৰিঃ ওম্ ॥
যজ্ঞেন ৱৈ প্ৰজাপতিঃ প্ৰজা অসৃজত তা উপযড্ভি-ৰেৱাসৃজত যদুপযজ উপযজতি প্ৰজা এৱ ত-দ্যজমান-স্সৃজতে জঘনাৰ্ধাদৱ দ্যতি জঘনাৰ্ধাদ্ধি প্ৰজাঃ প্ৰজাযন্তে স্থৱিমতো-ঽৱ দ্যতি স্থৱিমতো হি প্ৰজাঃ প্ৰজাযন্তে ঽসম্ভিন্দন্নৱ দ্যতি প্ৰাণানা-মসম্ভেদায ন পৰ্যাৱৰ্তযতি য-ত্পৰ্যাৱৰ্তযেদুদাৱৰ্তঃ প্ৰজা গ্ৰাহুক-স্স্যা-থ্সমুদ্ৰ-ঙ্গচ্ছ স্ৱাহেত্যাহ ৰেত [ৰেতঃ, এৱ] 1
এৱ ত-দ্দধাত্যন্তৰিক্ষ-ঙ্গচ্ছ স্ৱাহেত্যাহা-ঽন্তৰিক্ষেণৈৱাস্মৈ প্ৰজাঃ প্ৰ জনযত্যন্তৰিক্ষগ্গ্ হ্যনু প্ৰজাঃ প্ৰজাযন্তে দেৱগ্ং সৱিতাৰ-ঙ্গচ্ছ স্ৱাহেত্যাহ সৱিতৃপ্ৰসূত এৱাস্মৈ প্ৰজাঃ প্ৰ জনযত্য-হোৰাত্ৰে গচ্ছ স্ৱাহেত্যাহা-হোৰাত্ৰাভ্যা-মেৱাস্মৈ প্ৰজাঃ প্ৰ জনযত্য-হোৰাত্ৰে হ্যনু প্ৰজাঃ প্ৰজাযন্তে মিত্ৰাৱৰুণৌ গচ্ছ স্ৱাহে- [স্ৱাহা, ইত্যাহ] 2
-ত্যাহ প্ৰজাস্ৱেৱ প্ৰজাতাসু প্ৰাণাপানৌ দধাতি সোম-ঙ্গচ্ছ স্ৱাহেত্যাহ সৌম্যা হি দেৱতযা প্ৰজা যজ্ঞ-ঙ্গচ্ছ স্ৱাহেত্যাহ প্ৰজা এৱ যজ্ঞিযাঃ কৰোতি ছন্দাগ্ংসি গচ্ছ স্ৱাহেত্যাহ পশৱো ৱৈ ছন্দাগ্ংসি পশূনেৱাৱ ৰুন্ধে দ্যাৱাপৃথিৱী গচ্ছ স্ৱাহেত্যাহ প্ৰজা এৱ প্ৰজাতা দ্যাৱাপৃথিৱীভ্যামুভযতঃ পৰি গৃহ্ণাতি নভো [নভঃ, দিৱ্য-ঙ্গচ্ছ] 3
দিৱ্য-ঙ্গচ্ছ স্ৱাহেত্যাহ প্ৰজাভ্য এৱ প্ৰজাতাভ্যো ৱৃষ্টি-ন্নিযচ্ছত্যগ্নিং-ৱৈঁশ্ৱানৰ-ঙ্গচ্ছ স্ৱাহেত্যাহ প্ৰজা এৱ প্ৰজাতা অস্যা-ম্প্ৰতি ষ্ঠাপযতি প্ৰাণানাং-ৱাঁ এষো-ঽৱ দ্যতি যো-ঽৱদ্যতি গুদস্য মনো মে হাৰ্দি যচ্ছেত্যাহ প্ৰাণানেৱ যথাস্থানমুপ হ্ৱযতে পশোৰ্ৱা আলব্ধস্য হৃদযগ্ং শুগৃচ্ছতি সা হৃদযশূল- [হৃদযশূলম্, অভি সমেতি] 4
-মভি সমেতি য-ত্পৃথিৱ্যাগ্ং হৃদযশূল-মুদ্ৱাসযে-ত্পৃথিৱীগ্ং শুচা-ঽৰ্পযে-দ্যদফ্স্ৱপ-শ্শুচা-ঽৰ্পযেচ্ছুষ্কস্য চা-ঽঽৰ্দ্ৰস্য চ সন্ধাৱুদ্ৱাসযত্যুভযস্য শান্ত্যৈ য-ন্দ্ৱিষ্যা-ত্ত-ন্ধ্যাযে-চ্ছুচৈৱৈন-মৰ্পযতি ॥ 5 ॥

(ৰেতো - মিত্ৰাৱৰুণৌ গচ্ছ স্ৱাহা - নভো - হৃদযশূলং - দ্ৱাত্ৰিগ্ংশচ্চ) (অ. 1)
দেৱা ৱৈ যজ্ঞমাগ্নীদ্ধ্ৰে ৱ্যভজন্ত ততো যদত্যশিষ্যত তদব্ৰুৱন্ ৱসতু নু ন ইদমিতি ত-দ্ৱসতীৱৰীণাং-ৱঁসতী ৱৰিত্ৱ-ন্তস্মি-ন্প্ৰাতৰ্ন সমশক্নুৱ-ন্তদফ্সু প্ৰাৱেশয-ন্তা ৱসতী ৱৰীৰভৱন্ ৱসতীৱৰীৰ্গৃহ্ণাতি যজ্ঞো ৱৈ ৱসতী ৱৰীৰ্যজ্ঞমেৱা-ঽঽৰভ্য গৃহীত্ৱোপ ৱসতি যস্যাগৃহীতা অভি নিম্ৰোচে-দনাৰব্ধো-ঽস্য যজ্ঞ-স্স্যা- [যজ্ঞ-স্স্যাত্, যজ্ঞং-ৱিঁ] 6
-দ্যজ্ঞং-ৱিঁ চ্ছিন্দ্যা-জ্জ্যোতিষ্যা ৱা গৃহ্ণীযাদ্ধিৰণ্যং-ৱাঁ ঽৱধায সশুক্ৰাণামেৱ গৃহ্ণাতি যো ৱা ব্ৰাহ্মণো বহুযাজী তস্য কুম্ভ্যানা-ঙ্গৃহ্ণীযা-থ্স হি গৃহীত ৱসতীৱৰীকো ৱসতীৱৰীৰ্গৃহ্ণাতি পশৱো ৱৈ ৱসতীৱৰীঃ পশূনেৱা-ঽঽৰভ্য গৃহীত্ৱোপ ৱসতি যদন্ৱীপ-ন্তিষ্ঠ-ন্গৃহ্ণীযান্নিৰ্মাৰ্গুকা অস্মা-ত্পশৱঃ স্যুঃ প্ৰতীপ-ন্তিষ্ঠ-ন্গৃহ্ণাতি প্ৰতিৰুদ্ধ্যৈৱাস্মৈ পশূ-ন্গৃহ্ণাতীন্দ্ৰো [পশূ-ন্গৃহ্ণাতীন্দ্ৰঃ, ৱৃত্ৰ-] 7
ৱৃত্ৰ-মহন্-থ্সো-ঽ(1)পো-ঽ(1)ভ্যম্ৰিযত তাসাং-যঁন্মেদ্ধ্যং-যঁজ্ঞিযগ্ং সদেৱমাসী-ত্তদত্যমুচ্যত তা ৱহন্তীৰভৱন্ ৱহন্তীনা-ঙ্গৃহ্ণাতি যা এৱ মেদ্ধ্যা যজ্ঞিযা-স্সদেৱা আপস্তা সামেৱ গৃহ্ণাতি নান্তমা ৱহন্তীৰতীযা-দ্যদন্তমা ৱহন্তীৰতীযা-দ্যজ্ঞমতি মন্যেত ন স্থাৱৰাণা-ঙ্গৃহ্ণীযা-দ্ৱৰুণগৃহীতা ৱৈ স্থাৱৰা য-থ্স্থাৱৰাণা-ঙ্গৃহ্ণীযা- [য-থ্স্থাৱৰাণা-ঙ্গৃহ্ণীযাত্, ৱৰুণেনাস্য] 8
-দ্ৱৰুণেনাস্য যজ্ঞ-ঙ্গ্ৰাহযে-দ্যদ্ৱৈ দিৱা ভৱত্যপো ৰাত্ৰিঃ প্ৰ ৱিশতি তস্মা-ত্তাম্ৰা আপো দিৱা দদৃশ্ৰে যন্নক্ত-ম্ভৱত্যপো-ঽহঃ প্ৰ ৱিশতি তস্মাচ্চন্দ্ৰা আপো নক্ত-ন্দদৃশ্ৰে ছাযাযৈ চা-ঽঽতপতশ্চ সধৌ-ঙ্গৃহ্ণাত্য-হোৰাত্ৰযোৰেৱাস্মৈ ৱৰ্ণ-ঙ্গৃহ্ণাতি হৱিষ্মতীৰিমা আপ ইত্যাহ হৱিষ্কৃতানামেৱ গৃহ্ণাতি হৱিষ্মাগ্ং অস্তু- [অস্তু, সূৰ্য] 9
সূৰ্য ইত্যাহ সশুক্ৰাণামেৱ গৃহ্ণাত্যনুষ্টুভা গৃহ্ণাতি ৱাগ্ৱা অনুষ্টুগ্ ৱাচৈৱৈনা-স্সৰ্ৱযা গৃহ্ণাতি চতুষ্পদযৰ্চা গৃহ্ণাতি ত্ৰি-স্সাদযতি সপ্ত স-ম্পদ্যন্তে সপ্তপদা শক্ৱৰী পশৱ-শ্শক্ৱৰী পশূনেৱাৱ ৰুন্ধে ঽস্মৈ ৱৈ লোকায গাৰ্হপত্য আ ধীযতে-ঽমুষ্মা আহৱনীযো য-দ্গাৰ্হপত্য উপসাদযেদস্মিন্ ঁলোকে পশুমান্-থ্স্যা-দ্যদাহৱনীযে-ঽ-মুষ্মি- [-মুষ্মিন্ন্, লোকে পশুমান্থ্স্যা-] 10
ঁল্লোকে পশুমান্থ্স্যা-দুভযোৰুপ সাদযত্যুভযোৰেৱৈনং-লোঁকযোঃ পশুমন্ত-ঙ্কৰোতি সৰ্ৱতঃ পৰি হৰতি ৰক্ষসামপহত্যা ইন্দ্ৰাগ্নিযোৰ্ভাগধেযী-স্স্থেত্যাহ যথাযজুৰেৱৈতদাগ্নীদ্ধ্ৰ উপ ৱাসযত্যেতদ্ৱৈ যজ্ঞস্যাপৰাজিতং-যঁদাগ্নীদ্ধ্ৰং-যঁদেৱ যজ্ঞস্যাপৰাজিত-ন্তদেৱৈনা উপ ৱাসযতি যতঃ খলু ৱৈ যজ্ঞস্য ৱিততস্য ন ক্ৰিযতে তদনু যজ্ঞগ্ং ৰক্ষাগ্স্যৱ চৰন্তি য-দ্ৱহন্তীনা-ঙ্গৃহ্ণাতি ক্ৰিযমাণমেৱ ত-দ্যজ্ঞস্য শযে ৰক্ষসা-মনন্ৱৱচাৰায ন হ্যেতা ঈলযন্ত্যা তৃতীযসৱনা-ত্পৰি শেৰে যজ্ঞস্য সন্তত্যৈ ॥ 11 ॥

(স্যা - দিন্দ্ৰো - গৃহ্ণীযা - দস্ত্ৱ - মুষ্মিন্ - ক্ৰিযতে - ষড্ৱিগ্ংশতিশ্চ) (অ. 2)
ব্ৰহ্মৱাদিনো ৱদন্তি স ত্ৱা অদ্ধ্ৱৰ্যু-স্স্যাদ্য-স্সোম-মুপাৱহৰন্-থ্সৰ্ৱাভ্যো দেৱতাভ্য উপাৱহৰে-দিতি হৃদে ত্ৱেত্যাহ মনুষ্যেভ্য এৱৈতেন কৰোতি মনসে ত্ৱেত্যাহ পিতৃভ্য এৱৈতেন কৰোতি দিৱে ত্ৱা সূৰ্যায ত্ৱেত্যাহ দেৱেভ্য এৱৈতেন কৰোত্যেতাৱতী-ৰ্ৱৈ দেৱতাস্তাভ্য এৱৈনগ্ং সৰ্ৱাভ্য উপাৱহৰতি পুৰা ৱাচঃ [ৱাচঃ, প্ৰৱদিতোঃ] 12
প্ৰৱদিতোঃ প্ৰাতৰনুৱাক-মুপাকৰোতি যাৱত্যেৱ ৱা-ক্তা-মৱ ৰুন্ধে ঽপো-ঽগ্ৰে-ঽভিৱ্যাহৰতি যজ্ঞো ৱা আপো যজ্ঞমেৱাভি ৱাচং-ৱিঁসৃজতি সৰ্ৱাণি ছন্দাগ্স্যন্ৱাহ পশৱো ৱৈ ছন্দাগ্ংসি পশূনেৱাৱ ৰুন্ধে গাযত্ৰিযা তেজস্কামস্য পৰি দদ্ধ্যা-ত্ত্ৰিষ্টুভেন্দ্ৰিযকামস্য জগত্যা পশুকামস্যা-ঽনুষ্টুভা প্ৰতিষ্ঠাকামস্য পঙ্ক্ত্যা যজ্ঞকামস্য ৱিৰাজা-ঽন্নকামস্য শৃণোত্ৱগ্নি-স্সমিধা হৱ- [হৱম্, ম ইত্যাহ] 13
-ম্ম ইত্যাহ সৱিতৃপ্ৰসূত এৱ দেৱতাভ্যো নিৱেদ্যা-ঽপো-ঽচ্ছৈত্যপ ইষ্য হোত-ৰিত্যাহেষিতগ্ং হি কৰ্ম ক্ৰিযতে মৈত্ৰাৱৰুণস্য চমসাদ্ধ্ৱৰ্যৱা দ্ৰৱেত্যাহ মিত্ৰাৱৰুণৌ ৱা অপা-ন্নেতাৰৌ তাভ্যামেৱৈনা অচ্ছৈতি দেৱীৰাপো অপা-ন্নপা-দিত্যাহা-ঽঽহুত্যৈৱৈনা নিষ্ক্ৰীয গৃহ্ণাত্যথো হৱিষ্কৃতানা-মেৱাভিঘৃতানা-ঙ্গৃহ্ণাতি- [-মেৱাভিঘৃতানা-ঙ্গৃহ্ণাতি, কাৰ্ষি-ৰসীত্যাহ] 14
কাৰ্ষি-ৰসীত্যাহ শমলমেৱা-ঽঽসামপ প্লাৱযতি সমুদ্ৰস্য ৱো-ঽক্ষিত্যা উন্নয ইত্যাহ তস্মাদদ্যমানাঃ পীযমানা আপো ন ক্ষীযন্তে যোনিৰ্ৱৈ যজ্ঞস্য চাত্ৱালং-যঁজ্ঞো ৱসতীৱৰীৰ্. হোতৃচমস-ঞ্চ মৈত্ৰাৱৰুণচমস-ঞ্চ সগ্গ্স্পৰ্শ্য ৱসতীৱৰীৰ্ৱ্যানযতি যজ্ঞস্য সযোনিত্ৱাযাথো স্ৱাদেৱৈনা যোনেঃ প্ৰ জনযত্যদ্ধ্ৱৰ্যো-ঽৱেৰপা(3) ইত্যাহোতে -মনন্নমুৰুতেমাঃ পশ্যেতি ৱাৱৈতদাহ যদ্যগ্নিষ্টোমো জুহোতি যদ্যুক্থ্যঃ পৰিধৌ নি মাৰ্ষ্টি যদ্যতিৰাত্ৰো যজুৰ্ৱদ-ন্প্ৰ পদ্যতে যজ্ঞক্ৰতূনাং-ৱ্যাঁৱৃত্ত্যৈ ॥ 15 ॥

(ৱাচো-হৱ-মভিঘৃতানা-ঙ্গৃহ্ণাত্যু - ত - পঞ্চৱিগ্ংশতিশ্চ) (অ. 3)
দেৱস্য ত্ৱা সৱিতুঃ প্ৰসৱ ইতি গ্ৰাৱাণমা দত্তে প্ৰসূত্যা অশ্ৱিনো-ৰ্বাহুভ্যামিত্যাহাশ্ৱিনৌ হি দেৱানামদ্ধ্ৱৰ্যূ আস্তা-ম্পূষ্ণো হস্তাভ্যামিত্যাহ যত্যৈ পশৱো ৱৈ সোমো ৱ্যান উপাগ্ংশুসৱনো যদুপাগ্ংশুসৱন-মভি মিমীতে ৱ্যানমেৱ পশুষু দধাতীন্দ্ৰায ত্ৱেন্দ্ৰায ত্ৱেতি মিমীত ইন্দ্ৰায হি সোম আহ্ৰিযতে পঞ্চ কৃত্ৱো যজুষা মিমীতে [মিমীতে, পঞ্চাক্ষৰা] 16
পঞ্চাক্ষৰা পঙ্ক্তিঃ পাঙ্ক্তো যজ্ঞো যজ্ঞমেৱাৱ ৰুন্ধে পঞ্চ কৃত্ৱস্তূষ্ণী-ন্দশ স-ম্পদ্যন্তে দশাক্ষৰা ৱিৰাডন্নং-ৱিঁৰা-ড্ৱিৰাজৈৱান্নাদ্যমৱ ৰুন্ধে শ্ৱাত্ৰা-স্স্থ ৱৃত্ৰতুৰ ইত্যাহৈষ ৱা অপাগ্ং সোমপীথো য এৱং-ৱেঁদ না-ঽফ্স্ৱাৰ্তিমাৰ্চ্ছতি যত্তে সোম দিৱি জ্যোতিৰিত্যাহৈভ্য এৱৈন- [এৱৈনম্, লোকেভ্য] 17
ঁল্লোকেভ্য-স্স-ম্ভৰতি সোমো ৱৈ ৰাজা দিশো-ঽভ্যদ্ধ্যায-থ্স দিশো-ঽনু প্ৰাৱিশ-ত্প্ৰাগপাগুদগধৰাগিত্যাহ দিগ্ভ্য এৱৈনগ্ং স-ম্ভৰত্যথো দিশ এৱাস্মা অৱ ৰুন্ধে ঽম্ব নি ষ্ৱৰেত্যাহ কামুকা এনগ্গ্ স্ত্ৰিযো ভৱন্তি য এৱং-ৱেঁদ য-ত্তে সোমাদাভ্য-ন্নাম জাগৃৱী- [জাগৃৱীতি, আহৈষ ৱৈ] 18
-ত্যাহৈষ ৱৈ সোমস্য সোমপীথো য এৱং-ৱেঁদ ন সৌম্যামাৰ্তিমাৰ্চ্ছতি ঘ্নন্তি ৱা এত-থ্সোমং-যঁদভিষুণ্ৱন্ত্যগ্ং শূনপ গৃহ্ণাতি ত্ৰাযত এৱৈন-ম্প্ৰাণা ৱা অগ্ংশৱঃ পশৱ-স্সোমো ঽগ্ংশূ-ন্পুনৰপি সৃজতি প্ৰাণানেৱ পশুষু দধাতি দ্ৱৌদ্ৱাৱপি সৃজতি তস্মা-দ্দ্ৱৌদ্ৱৌ প্ৰাণাঃ ॥ 19 ॥

(যজুষা মিমীত - এনং - জাগৃৱীতি - চতুশ্চত্ৱাৰিগ্ংশচ্চ) (অ. 4)
প্ৰাণো ৱা এষ যদুপাগ্ংশু ৰ্যদুপাগ্শ্ৱগ্ৰা গ্ৰহা গৃহ্যন্তে প্ৰাণমেৱানু প্ৰ যন্ত্যৰুণো হ স্মা-ঽঽহৌপৱেশিঃ প্ৰাতস্সৱন এৱাহং-যঁজ্ঞগ্ং সগ্গ্ স্থাপযামি তেন তত-স্সগ্গ্স্থিতেন চৰামীত্যষ্টৌ কৃত্ৱো-ঽগ্ৰে-ঽভিষুণো-ত্যষ্টাক্ষৰা গাযত্ৰী গাযত্ৰ-ম্প্ৰাতস্সৱন-ম্প্ৰাতস্সৱনমেৱ তেনা ঽঽপ্নোত্যেকাদশ কৃত্ৱো দ্ৱিতীয-মেকাদশাক্ষৰা ত্ৰিষ্টু-প্ত্ৰৈষ্টুভ-ম্মাদ্ধ্যন্দিনগ্ং- [-ম্মাদ্ধ্যন্দিনম্, সৱন-] 20
-সৱন-ম্মাদ্ধ্যন্দিনমেৱ সৱন-ন্তেনা-ঽঽপ্নোতি দ্ৱাদশ কৃত্ৱস্তৃতীয-ন্দ্ৱাদশাক্ষৰা জগতী জাগত-ন্তৃতীযসৱন-ন্তৃতীযসৱনমেৱ তেনা ঽঽপ্নোত্যেতাগ্ং হ ৱাৱ স যজ্ঞস্য সগ্গ্স্থিতিমুৱাচা স্কন্দাযাস্কন্নগ্ং হি ত-দ্য-দ্যজ্ঞস্য সগ্গ্স্থিতস্য স্কন্দত্যথো খল্ৱাহুৰ্গাযত্ৰী ৱাৱ প্ৰাতস্সৱনে নাতিৱাদ ইত্যনতিৱাদুক এন-ম্ভ্ৰাতৃৱ্যো ভৱতি য এৱং-ৱেঁদ তস্মা-দষ্টাৱষ্টৌ [-দষ্টাৱষ্টৌ, কৃত্ৱো] 21
কৃত্ৱো-ঽভিষুত্য-ম্ব্ৰহ্মৱাদিনো ৱদন্তি পৱিত্ৰৱন্তো-ঽন্যে গ্ৰহা গৃহ্যন্তে কিম্পৱিত্ৰ উপাগ্ংশুৰিতি ৱাক্পৱিত্ৰ ইতি ব্ৰূযা-দ্ৱাচস্পতযে পৱস্ৱ ৱাজিন্নিত্যাহ ৱাচৈৱৈন-ম্পৱযতি ৱৃষ্ণো অগ্ংশুভ্যামিত্যাহ ৱৃষ্ণো হ্যেতাৱগ্ংশূ যৌ সোমস্য গভস্তিপূত ইত্যাহ গভস্তিনা হ্যেন-ম্পৱযতি দেৱো দেৱানা-ম্পৱিত্ৰমসীত্যাহ দেৱো হ্যেষ [হ্যেষঃ, স-ন্দেৱানা-] 22
স-ন্দেৱানা-ম্পৱিত্ৰং-যেঁষা-ম্ভাগো-ঽসি তেভ্যস্ত্ৱেত্যাহ যেষাগ্ হ্যেষ ভাগস্তেভ্য এন-ঙ্গৃহ্ণাতি স্ৱা-ঙ্কৃতো-ঽসীত্যাহ প্ৰাণমেৱ স্ৱমকৃত মধুমতীৰ্ন ইষস্কৃধীত্যাহ সৰ্ৱমেৱাস্মা ইদগ্গ্ স্ৱদযতি ৱিশ্ৱেভ্য-স্ত্ৱেন্দ্ৰিযেভ্যো দিৱ্যেভ্যঃ পাৰ্থিৱেভ্য ইত্যাহোভযেষ্ৱেৱ দেৱমনুষ্যেষু প্ৰাণা-ন্দধাতি মনস্ত্ৱা- [মনস্ত্ৱা, অষ্ট্ৱিত্যাহ] 23
-ঽষ্ট্ৱিত্যাহ মন এৱাশ্ঞুত উৰ্ৱন্তৰিক্ষ-মন্ৱিহীত্যাহা-ন্তৰিক্ষদেৱত্যো হি প্ৰাণ-স্স্ৱাহা ত্ৱা সুভৱ-স্সূৰ্যাযেত্যাহ প্ৰাণা ৱৈ স্ৱভৱসো দেৱাস্তেষ্ৱেৱ পৰোক্ষ-ঞ্জুহোতি দেৱেভ্যস্ত্ৱা মৰীচিপেভ্য ইত্যাহা ঽঽদিত্যস্য ৱৈ ৰশ্মযো দেৱা মৰীচিপাস্তেষা-ন্ত-দ্ভাগধেয-ন্তানেৱ তেন প্ৰীণাতি যদি কামযেত ৱৰ্ষুকঃ পৰ্জন্য- [পৰ্জন্যঃ, স্যাদিতি] 24
-স্স্যাদিতি নীচা হস্তেন নি মৃজ্যা-দ্ৱৃষ্টিমেৱ নি যচ্ছতি যদি কামযেতাৱৰ্ষুক-স্স্যাদিত্যুত্তানেন নি মৃজ্যা-দ্ৱৃষ্টিমেৱো-দ্যচ্ছতি যদ্যভিচৰেদমু-ঞ্জহ্যথ ত্ৱা হোষ্যামীতি ব্ৰূযাদাহুতিমেৱৈন-ম্প্ৰেফ্সন্. হন্তি যদি দূৰে স্যাদা তমিতোস্তিষ্ঠে-ত্প্ৰাণমেৱাস্যানুগত্য হন্তি যদ্যভিচৰেদমুষ্য- [যদ্যভিচৰেদমুষ্য, ত্ৱা প্ৰাণে] 25
-ত্ৱা প্ৰাণে সাদযামীতি সাদযেদসন্নো ৱৈ প্ৰাণঃ প্ৰাণমেৱাস্য সাদযতি ষড্ভিৰগ্ংশুভিঃ পৱযতি ষ-ড্ৱা ঋতৱ ঋতুভিৰেৱৈন-ম্পৱযতি ত্ৰিঃ পৱযতি ত্ৰয ইমে লোকা এভিৰেৱৈনং-লোঁকৈঃ পৱযতি ব্ৰহ্মৱাদিনো ৱদন্তি কস্মা-থ্সত্যা-ত্ত্ৰযঃ পশূনাগ্ং হস্তাদানা ইতি য-ত্ত্ৰিৰুপাগ্ং শুগ্ং হস্তেন ৱিগৃহ্ণাতি তস্মা-ত্ত্ৰযঃ পশূনাগ্ং হস্তাদানাঃ পুৰুষো হস্তী মৰ্কটঃ ॥ 26 ॥

(মাধ্যদিন্ন - মষ্টাৱষ্টা - ৱেষ - মনস্ত্ৱা - পৰ্জন্যো - ঽমুষ্য - পুৰুষো - দ্ৱে চ) (অ. 5)
দেৱা ৱৈ য-দ্যজ্ঞে-ঽকুৰ্ৱত তদসুৰা অকুৰ্ৱত তে দেৱা উপাগ্ংশৌ যজ্ঞগ্ং সগ্গ্স্থাপ্যমপশ্য-ন্তমুপাগ্ংশৌ সমস্থাপয-ন্তে-ঽসুৰা ৱজ্ৰমুদ্যত্য দেৱানভ্যাযন্ত তে দেৱা বিভ্যত ইন্দ্ৰমুপাধাৱ-ন্তানিন্দ্ৰো-ঽন্তৰ্যামেণান্তৰধত্ত তদন্তৰ্যামস্যান্তৰ্যামত্ৱং-যঁদন্তৰ্যামো গৃহ্যতে ভ্ৰাতৃৱ্যানেৱ ত-দ্যজমানো-ঽন্তৰ্ধত্তে ঽন্তস্তে [-ঽন্তৰ্ধত্তে ঽন্তস্তে, দধামি দ্যাৱাপৃথিৱী] 27
দধামি দ্যাৱাপৃথিৱী অন্তৰু-ৰ্ৱন্তৰিক্ষ-মিত্যাহৈভিৰেৱ লোকৈৰ্যজমানো ভ্ৰাতৃৱ্যানন্তৰ্ধত্তে তে দেৱা অমন্যন্তেন্দ্ৰো ৱা ইদমভূদ্য-দ্ৱযগ্গ্ স্ম ইতি তে-ঽব্ৰুৱ-ন্মঘৱন্ননু ন আ ভজেতি সজোষা দেৱৈৰৱৰৈঃ পৰৈশ্চেত্যব্ৰৱীদ্যে চৈৱ দেৱাঃ পৰে যে চাৱৰে তানুভযা- [তানুভযান্, অন্ৱাভজ-থ্সজোষা] 28
-নন্ৱাভজ-থ্সজোষা দেৱৈৰৱৰৈঃ পৰৈশ্চেত্যাহ যে চৈৱ দেৱাঃ পৰে যে চাৱৰে তানুভযা-নন্ৱাভজ-ত্যন্তৰ্যামে মঘৱ-ন্মাদযস্ৱেত্যাহ যজ্ঞাদেৱ যজমান-ন্নান্তৰেত্যুপযাম-গৃহীতো ঽসীত্যাহাপানস্য ধৃত্যৈ যদুভাৱপৱিত্ৰৌ গৃহ্যেযাতা-ম্প্ৰাণমপানো-ঽনু ন্যৃচ্ছে-ত্প্ৰমাযুক-স্স্যা-ত্পৱিত্ৰৱানন্তৰ্যামো গৃহ্যতে [গৃহ্যতে, প্ৰাণাপানযো-ৰ্ৱিধৃত্যৈ] 29
প্ৰাণাপানযো-ৰ্ৱিধৃত্যৈ প্ৰাণাপানৌ ৱা এতৌ যদুপাগ্শ্ৱন্তৰ্যামৌ ৱ্যান উপাগ্ংশু সৱনো য-ঙ্কামযেত প্ৰমাযুক-স্স্যাদিত্যসগ্গ্ স্পৃষ্টৌ তস্য সাদযে-দ্ৱ্যানেনৈৱাস্য প্ৰাণাপানৌ ৱি চ্ছিনত্তি তাজ-ক্প্ৰ মীযতে য-ঙ্কামযেত সৰ্ৱমাযুৰিযাদিতি সগ্গ্ স্পৃষ্টৌ তস্য সাদযে-দ্ৱ্যানেনৈৱাস্য প্ৰাণাপানৌ স-ন্তনোতি সৰ্ৱমাযুৰেতি ॥ 30 ॥

(ত - উভযান্ - গৃহ্যতে - চতুশ্চত্ৱাৰিগ্ংশচ্চ) (অ. 6)
ৱাগ্ৱা এষা যদৈন্দ্ৰৱাযৱো যদৈন্দ্ৰৱাযৱাগ্ৰা গ্ৰহা গৃহ্যন্তে ৱাচমেৱানু প্ৰ যন্তি ৱাযু-ন্দেৱা অব্ৰুৱন্-থ্সোমগ্ং ৰাজানগ্ং হনামেতি সো-ঽব্ৰৱী-দ্ৱৰং-ৱৃঁণৈ মদগ্ৰা এৱ ৱো গ্ৰহা গৃহ্যান্তা ইতি তস্মাদৈন্দ্ৰৱাযৱাগ্ৰা গ্ৰহা গৃহ্যন্তে তমঘ্নন্-থ্সো-ঽপূয-ত্ত-ন্দেৱা নোপাধৃষ্ণুৱ-ন্তে ৱাযুমব্ৰুৱ-ন্নিম-ন্নঃ স্ৱদযে- [-ন্নিম-ন্নঃ স্ৱদয, ইতি সো-ঽব্ৰৱী-] 31
-তি সো-ঽব্ৰৱী-দ্ৱৰং-ৱৃঁণৈ মদ্দেৱত্যান্যেৱ ৱঃ পাত্ৰাণ্যুচ্যান্তা ইতি তস্মান্নানাদেৱত্যানি সন্তি ৱাযৱ্যান্যুচ্যন্তে তমেভ্যো ৱাযুৰেৱাস্ৱদয-ত্তস্মাদ্য-ত্পূযতি ত-ত্প্ৰৱাতে ৱি ষজন্তি ৱাযুৰ্হি তস্য পৱযিতা স্ৱদযিতা তস্য ৱিগ্ৰহণ-ন্নাৱিন্দন্-থ্সাদিতিৰব্ৰৱী-দ্ৱৰং-ৱৃঁণা অথ মযা ৱি গৃহ্ণীদ্ধ্ৱ-ম্মদ্দেৱত্যা এৱ ৱ-স্সোমা- [ৱ-স্সোমাঃ, সন্না] 32
-স্সন্না অস-ন্নিত্যুপযামগৃহীতো-ঽসী-ত্যাহা-দিতিদেৱত্যাস্তেন যানি হি দাৰুমযাণি পাত্ৰাণ্যস্যৈ তানি যোনে-স্সম্ভূতানি যানি মৃন্মযানি সাক্ষা-ত্তান্যস্যৈ তস্মাদেৱমাহ ৱাগ্ৱৈ পৰাচ্য-ৱ্যাকৃতা-ঽৱদ-ত্তে দেৱা ইন্দ্ৰমব্ৰুৱন্নিমা-ন্নো ৱাচং-ৱ্যাঁকুৰ্ৱিতি সো-ঽব্ৰৱী-দ্ৱৰং-ৱৃঁণৈ মহ্য-ঞ্চৈৱৈষ ৱাযৱে চ সহ গৃহ্যাতা ইতি তস্মাদৈন্দ্ৰৱাযৱ-স্সহ গৃহ্যতে তামিন্দ্ৰো মদ্ধ্যতো-ঽৱক্ৰম্য ৱ্যাকৰো-ত্তস্মাদিযং-ৱ্যাঁকৃতা ৱাগুদ্যতে তস্মা-থ্সকৃদিন্দ্ৰায মদ্ধ্যতো গৃহ্যতে দ্ৱিৰ্ৱাযৱে দ্ৱৌ হি স ৱৰাৱৱৃণীত ॥ 33 ॥

(স্ৱদয - সোমাঃ - সহা - ষ্টাৱিগ্ংশতিশ্চ) (অ. 7)
মিত্ৰ-ন্দেৱা অব্ৰুৱন্-থ্সোমগ্ং ৰাজানগ্ং হনামেতি সো-ঽব্ৰৱীন্নাহগ্ং সৰ্ৱস্য ৱা অহ-ম্মিত্ৰমস্মীতি তমব্ৰুৱন্. হনামৈৱেতি সো-ঽব্ৰৱী-দ্ৱৰং-ৱৃঁণৈ পযসৈৱ মে সোমগ্গ্ শ্ৰীণন্নিতি তস্মা-ন্মৈত্ৰাৱৰুণ-ম্পযসা শ্ৰীণন্তি তস্মা-ত্পশৱো-ঽপাক্ৰাম-ন্মিত্ৰ-স্সন্ ক্ৰূৰমকৰিতি ক্ৰূৰমিৱ খলু ৱা এষ [ৱা এষঃ, কৰোতি য-স্সোমেন] 34
কৰোতি য-স্সোমেন যজতে তস্মা-ত্পশৱো-ঽপ ক্ৰামন্তি যন্মৈত্ৰাৱৰুণ-ম্পযসা শ্ৰীণাতি পশুভিৰেৱ তন্মিত্ৰগ্ং সমৰ্ধযতি পশুভিৰ্যজমান-ম্পুৰা খলু ৱাৱৈৱ-ম্মিত্ৰো-ঽৱেদপ ম-ত্ক্ৰূৰ-ঞ্চক্ৰুষঃ পশৱঃ ক্ৰমিষ্যন্তীতি তস্মাদেৱমৱৃণীত ৱৰুণ-ন্দেৱা অব্ৰুৱ-ন্ত্ৱযা-ঽগ্ংশভুৱা সোমগ্ং ৰাজানগ্ং হনামেতি সো-ঽব্ৰৱী-দ্ৱৰং-ৱৃঁণৈ মহ্য-ঞ্চৈ- [মহ্য-ঞ্চ, এৱৈষ মিত্ৰায] 35
-ৱৈষ মিত্ৰায চ সহ গৃহ্যাতা ইতি তস্মান্মৈত্ৰাৱৰুণ-স্সহ গৃহ্যতে তস্মা-দ্ৰাজ্ঞা ৰাজানমগ্ংশভুৱা ঘ্নন্তি ৱৈশ্যেন ৱৈশ্যগ্ং শূদ্ৰেণ শূদ্ৰ-ন্ন ৱা ইদ-ন্দিৱা ন নক্তমাসীদৱ্যাৱৃত্ত-ন্তে দেৱা মিত্ৰাৱৰুণাৱব্ৰুৱন্নিদ-ন্নো ৱিৱাসযতমিতি তাৱব্ৰূতাং-ৱঁৰং-ৱৃঁণাৱহা এক এৱা-ঽঽৱ-ত্পূৰ্ৱো গ্ৰহো গৃহ্যাতা ইতি তস্মাদৈন্দ্ৰৱাযৱঃ পূৰ্ৱো মৈত্ৰাৱৰুণা-দ্গৃহ্যতে প্ৰাণাপানৌ হ্যেতৌ যদুপাগ্-শ্ৱন্তৰ্যামৌ মিত্ৰো-ঽহৰজনয-দ্ৱৰুণো ৰাত্ৰি-ন্ততো ৱা ইদং-ৱ্যৌঁচ্ছদ্য-ন্মৈত্ৰাৱৰুণো গৃহ্যতে ৱ্যুষ্ট্যৈ ॥ 36 ॥

(এষ - চৈ - ন্দ্ৰৱাযৱো - দ্ৱাৱিগ্ংশতিশ্চ) (অ. 8)
যজ্ঞস্য শিৰো-ঽচ্ছিদ্যত তে দেৱা অশ্ৱিনাৱব্ৰুৱ-ন্ভিষজৌ ৱৈ স্থ ইদং-যঁজ্ঞস্য শিৰঃ প্ৰতি ধত্তমিতি তাৱব্ৰূতাং-ৱঁৰং-ৱৃঁণাৱহৈ গ্ৰহ এৱ নাৱত্ৰাপি গৃহ্যতামিতি তাভ্যা-মেতমাশ্ৱিন-মগৃহ্ণ-ন্ততো ৱৈ তৌ যজ্ঞস্য শিৰঃ প্ৰত্যধত্তাং-যঁদাশ্ৱিনো গৃহ্যতে যজ্ঞস্য নিষ্কৃত্যৈ তৌ দেৱা অব্ৰুৱন্নপূতৌ ৱা ইমৌ মনুষ্যচৰৌ [ ] 37
ভিষজাৱিতি তস্মা-দ্ব্ৰাহ্মণেন ভেষজ-ন্ন কাৰ্যমপূতো হ্যে(1)ষো ঽমেদ্ধ্যো যো ভিষক্তৌ বহিষ্পৱমানেন পৱযিত্ৱা তাভ্যা-মেতমাশ্ৱিন-মগৃহ্ণ-ন্তস্মা-দ্বহিষ্পৱমানে স্তুত আশ্ৱিনো গৃহ্যতে তস্মাদেৱং-ৱিঁদুষা বহিষ্পৱমান উপসদ্যঃ পৱিত্ৰং-ৱৈঁ বহিষ্পৱমান আত্মানমেৱ পৱযতে তযো-ঽস্ত্ৰেধা ভৈষজ্যং-ৱিঁ ন্যদধুৰগ্নৌ তৃতীযমফ্সু তৃতীয-ম্ব্ৰাহ্মণে তৃতীয-ন্তস্মাদুদপাত্ৰ- [তৃতীয-ন্তস্মাদুদপাত্ৰম্, উপনিধায] 38
-মুপনিধায ব্ৰাহ্মণ-ন্দক্ষিণতো নিষাদ্য ভেষজ-ঙ্কুৰ্যা-দ্যাৱদেৱ ভেষজ-ন্তেন কৰোতি সমৰ্ধুকমস্য কৃত-ম্ভৱতি ব্ৰহ্মৱাদিনো ৱদন্তি কস্মা-থ্সত্যাদেকপাত্ৰা দ্ৱিদেৱত্যা গৃহ্যন্তে দ্ৱিপাত্ৰা হূযন্ত ইতি যদেকপাত্ৰা গৃহ্যন্তে তস্মাদেকো-ঽন্তৰতঃ প্ৰাণো দ্ৱিপাত্ৰা হূযন্তে তস্মা-দ্দ্ৱৌদ্ৱৌ বহিষ্টা-ত্প্ৰাণাঃ প্ৰাণা ৱা এতে য-দ্দ্ৱিদেৱত্যাঃ পশৱ ইডা যদিডা-ম্পূৰ্ৱা-ন্দ্ৱিদেৱত্যেভ্য উপহ্ৱযেত [ ] 39
পশুভিঃ প্ৰাণানন্তৰ্দধীত প্ৰমাযুক-স্স্যা-দ্দ্ৱিদেৱত্যা-ন্ভক্ষযিত্ৱেডামুপ হ্ৱযতে প্ৰাণানেৱা-ঽঽত্ম-ন্ধিত্ৱা পশূনুপ হ্ৱযতে ৱাগ্ৱা ঐন্দ্ৰৱাযৱশ্চক্ষু-ৰ্মৈত্ৰাৱৰুণ-শ্শ্ৰোত্ৰমাশ্ৱিনঃ পুৰস্তাদৈন্দ্ৰৱাযৱ-ম্ভক্ষযতি তস্মা-ত্পুৰস্তা-দ্ৱাচা ৱদতি পুৰস্তান্মৈত্ৰাৱৰুণ-ন্তস্মা-ত্পুৰস্তাচ্চক্ষুষা পশ্যতি সৰ্ৱতঃ পৰিহাৰমাশ্ৱিন-ন্তস্মা-থ্সৰ্ৱত-শ্শ্ৰোত্ৰেণ শৃণোতি প্ৰাণা ৱা এতে য-দ্দ্ৱিদেৱত্যা [য-দ্দ্ৱিদেৱত্যাঃ, অৰিক্তানি] 40
অৰিক্তানি পাত্ৰাণি সাদযতি তস্মাদৰিক্তা অন্তৰতঃ প্ৰাণা যতঃ খলু ৱৈ যজ্ঞস্য ৱিততস্য ন ক্ৰিযতে তদনু যজ্ঞগ্ং ৰক্ষাগ্স্যৱ চৰন্তি যদৰিক্তানি পাত্ৰাণি সাদযতি ক্ৰিযমাণমেৱ ত-দ্যজ্ঞস্য শযে ৰক্ষসা -মনন্ৱৱচাৰায দক্ষিণস্য হৱিৰ্ধানস্যোত্তৰস্যাং-ৱঁৰ্তন্যাগ্ং সাদযতি ৱাচ্যেৱ ৱাচ-ন্দধাত্যা তৃতীযসৱনা-ত্পৰি শেৰে যজ্ঞস্য সন্তত্যৈ ॥ 41 ॥

(মনুষ্যচৰা - ৱুদপাত্ৰ - মুপহ্ৱযেত - দ্ৱিদেৱত্যাঃ - ষট্চত্ৱাৰিগ্ংশচ্চ) (অ. 9)
বৃহস্পতিৰ্দেৱানা-ম্পুৰোহিত আসী-চ্ছণ্ডামৰ্কা-ৱসুৰাণা-ম্ব্ৰহ্মণ্ ৱন্তো দেৱা আস-ন্ব্ৰহ্মণ্ ৱন্তো-ঽসুৰাস্তে(1) ঽন্যো-ঽন্য-ন্নাশক্নুৱ-ন্নভিভৱিতু-ন্তে দেৱা-শ্শণ্ডামৰ্কা-ৱুপামন্ত্ৰযন্ত তা ৱব্ৰূতাং-ৱঁৰং-ৱৃঁণাৱহৈ গ্ৰহাৱেৱ নাৱত্ৰাপি গৃহ্যেতামিতি তাভ্যামেতৌ শুক্ৰামন্থিনা-ৱগৃহ্ণ-ন্ততো দেৱা অভৱ-ন্পৰা-ঽসুৰা যস্যৈৱং-ৱিঁদুষঃ শুক্ৰামন্থিনৌ গৃহ্যেতে ভৱত্যাত্মনা পৰা- [পৰা, অস্য ভ্ৰাতৃৱ্যো] 42
-ঽস্য ভ্ৰাতৃৱ্যো ভৱতি তৌ দেৱা অপনুদ্যা-ঽঽত্মন ইন্দ্ৰাযাজুহৱু-ৰপনুত্তৌ শণ্ডামৰ্কৌ সহামুনেতি ব্ৰূযাদ্য-ন্দ্ৱিষ্যাদ্যমেৱ দ্ৱেষ্টি তেনৈনৌ সহাপ নুদতে স প্ৰথম-স্সঙ্কৃতি-ৰ্ৱিশ্ৱকৰ্মেত্যেৱৈনা-ৱাত্মন ইন্দ্ৰাযা-জুহৱুৰিন্দ্ৰো হ্যেতানি ৰূপাণি কৰিক্ৰদচৰদসৌ ৱা আদিত্য-শ্শুক্ৰশ্চন্দ্ৰমা মন্থ্যপি-গৃহ্য প্ৰাঞ্চৌ নি- [প্ৰাঞ্চৌ নিঃ, ক্ৰামত-স্তস্মা-] 43
-ষ্ক্ৰামত-স্তস্মা-ত্প্ৰাঞ্চৌ যন্তৌ ন পশ্যন্তি প্ৰত্যঞ্চাৱাৱৃত্য জুহুতস্তস্মা-ত্প্ৰত্যঞ্চৌ যন্তৌ পশ্যন্তি চক্ষুষী ৱা এতে যজ্ঞস্য যচ্ছুক্ৰামন্থিনৌ নাসিকোত্তৰৱেদিৰভিতঃ পৰিক্ৰম্য জুহুতস্তস্মাদভিতো নাসিকা-ঞ্চক্ষুষী তস্মান্নাসিকযা চক্ষুষী ৱিধৃতে সৰ্ৱতঃ পৰি ক্ৰামতো ৰক্ষসামপহত্যৈ দেৱা ৱৈ যাঃ প্ৰাচীৰাহুতীৰজুহৱুৰ্যে পুৰস্তাদসুৰা আস-ন্তাগ্স্তাভিঃ প্ৰা- [আস-ন্তাগ্স্তাভিঃ প্ৰ, অনুদন্ত যাঃ] 44
-ণুদন্ত যাঃ প্ৰতীচীৰ্যে পশ্চাদসুৰা আস-ন্তাগ্স্তাভিৰপানুদন্ত প্ৰাচীৰন্যা আহুতযো হূযন্তে প্ৰত্যঞ্চৌ শুক্ৰামন্থিনৌ পশ্চাচ্চৈৱ পুৰস্তাচ্চ যজমানো ভ্ৰাতৃৱ্যা-ন্প্ৰ ণুদতে তস্মা-ত্পৰাচীঃ প্ৰজাঃ প্ৰ ৱীযন্তে প্ৰতীচীৰ্জাযন্তে শুক্ৰামন্থিনৌ ৱা অনু প্ৰজাঃ প্ৰ জাযন্তে-ঽত্ত্ৰীশ্চাদ্যাশ্চ সুৱীৰাঃ প্ৰজাঃ প্ৰজনয-ন্পৰীহি শুক্ৰ-শ্শুক্ৰশোচিষা [শুক্ৰ-শ্শুক্ৰশোচিষা, সুপ্ৰজাঃ প্ৰজাঃ] 45
সুপ্ৰজাঃ প্ৰজাঃ প্ৰজনয-ন্পৰীহি মন্থী মন্থিশোচিষেত্যাহৈতা ৱৈ সুৱীৰা যা অত্ত্ৰীৰেতা-স্সুপ্ৰজা যা আদ্যা য এৱং-ৱেঁদাত্ৰ্যস্য প্ৰজা জাযতে না-ঽঽদ্যা প্ৰজাপতেৰক্ষ্যশ্ৱয-ত্ত-ত্পৰা-ঽঽপত-ত্ত-দ্ৱিকঙ্কত-ম্প্ৰাৱিশ-ত্ত-দ্ৱিকঙ্কতে নাৰমত ত-দ্যৱ-ম্প্ৰাৱিশ-ত্ত-দ্যৱে-ঽৰমত ত-দ্যৱস্য- [ত-দ্যৱস্য, যৱত্ৱং-যঁ-দ্ৱৈকঙ্কত-] 46
যৱত্ৱং-যঁ-দ্ৱৈকঙ্কত-ম্মন্থিপাত্ৰ-ম্ভৱতি সক্তুভি-শ্শ্ৰীণাতি প্ৰজাপতেৰেৱ তচ্চক্ষু-স্স-ম্ভৰতি ব্ৰহ্মৱাদিনো ৱদন্তি কস্মা-থ্সত্যান্মন্থিপাত্ৰগ্ং সদো নাশ্ঞুত ইত্যাৰ্তপাত্ৰগ্ং হীতি ব্ৰূযা-দ্যদশ্ঞুৱীতান্ধো-ঽদ্ধ্ৱৰ্যু-স্স্যাদাৰ্তিমাৰ্চ্ছে-ত্তস্মান্নাশ্ঞুতে ॥ 47 ॥

(আত্মনা পৰা - নি - ষ্প্ৰ - শুক্ৰশোচিষা - যৱস্য - সপ্তত্ৰিগ্ংশচ্চ) (অ. 10)
দেৱা ৱৈ য-দ্যজ্ঞে-ঽকুৰ্ৱত তদসুৰা অকুৰ্ৱত তে দেৱা আগ্ৰযণাগ্ৰা-ন্গ্ৰহানপশ্য-ন্তানগৃহ্ণত ততো ৱৈ তে-ঽগ্ৰ-ম্পৰ্যাযন্. যস্যৈৱং-ৱিঁদুষ আগ্ৰযণাগ্ৰা গ্ৰহা গৃহ্যন্তে-ঽগ্ৰমেৱ সমানানা-ম্পৰ্যেতি ৰুগ্ণৱত্যৰ্চা ভ্ৰাতৃৱ্যৱতো গৃহ্ণীযা-দ্ভ্ৰাতৃৱ্যস্যৈৱ ৰুক্ত্ৱা-ঽগ্ৰগ্ং সমানানা-ম্পৰ্যেতি যে দেৱা দিৱ্যেকাদশ স্থেত্যাহৈ- [স্থেত্যাহ, এতাৱতীৰ্ৱৈ] 48
-তাৱতীৰ্ৱৈ দেৱতাস্তাভ্য এৱৈনগ্ং সৰ্ৱাভ্যো গৃহ্ণাত্যেষ তে যোনি ৰ্ৱিশ্ৱেভ্যস্ত্ৱা দেৱেভ্য ইত্যাহ ৱৈশ্ৱদেৱো হ্যেষ দেৱতযা ৱাগ্ৱৈ দেৱেভ্যো-ঽপাক্ৰাম-দ্যজ্ঞাযাতিষ্ঠমানা তে দেৱা ৱাচ্যপক্ৰান্তাযা-ন্তূষ্ণী-ঙ্গ্ৰহানগৃহ্ণত সামন্যত ৱাগন্তৰ্যন্তি ৱৈ মেতি সা-ঽঽগ্ৰযণ-ম্প্ৰত্যাগচ্ছ-ত্তদাগ্ৰযণস্যা-ঽঽগ্ৰযণত্ৱ- [-ঽঽগ্ৰযণত্ৱম্, তস্মাদাগ্ৰযণে] 49
-ন্তস্মাদাগ্ৰযণে ৱাগ্ৱি সৃজ্যতে য-ত্তূষ্ণী-ম্পূৰ্ৱে গ্ৰহা গৃহ্যন্তে যথাথ্সাৰীযতি ম আখ ইযতি নাপ ৰাথ্স্যা-মীত্যুপাৱসৃজত্যেৱমেৱ তদদ্ধ্ৱৰ্যুৰাগ্ৰযণ-ঙ্গৃহীত্ৱা যজ্ঞমাৰভ্য ৱাচং-ৱিঁ সৃজতে ত্ৰিৰ্হি-ঙ্কৰোত্যুদ্গাতৄ-নেৱ ত-দ্ৱৃণীতে প্ৰজাপতিৰ্ৱা এষ যদাগ্ৰযণো যদাগ্ৰযণ-ঙ্গৃহীত্ৱা হি-ঙ্কৰোতি প্ৰজাপতিৰেৱ [ ] 50
ত-ত্প্ৰজা অভি জিঘ্ৰতি তস্মা-দ্ৱথ্স-ঞ্জাত-ঙ্গৌৰভি জিঘ্ৰত্যাত্মা ৱা এষ যজ্ঞস্য যদাগ্ৰযণ-স্সৱনেসৱনে-ঽভি গৃহ্ণাত্যাত্মন্নেৱ যজ্ঞগ্ং স-ন্তনোত্যুপৰিষ্টাদা নযতি ৰেত এৱ ত-দ্দধাত্যধস্তাদুপ গৃহ্ণাতি প্ৰ জনযত্যেৱ তদ্ব্ৰহ্মৱাদিনো ৱদন্তি কস্মা-থ্সত্যা-দ্গাযত্ৰী কনিষ্ঠা ছন্দসাগ্ং সতী সৰ্ৱাণি সৱনানি ৱহতীত্যেষ ৱৈ গাযত্ৰিযৈ ৱথ্সো যদাগ্ৰযণস্তমেৱ তদভিনিৱৰ্তগ্ং সৰ্ৱাণি সৱনানি ৱহতি তস্মা-দ্ৱথ্সমপাকৃত-ঙ্গৌৰভি নি ৱৰ্ততে ॥ 51 ॥