6.4 - ଯଜ୍ଞେନ ଵୈ ପ୍ରଜାପତିଃ ପ୍ରଜା ଅସୃଜତ - କୃଷ୍ଣ ଯଜୁର୍ଵେଦ ତୈତ୍ତିରୀଯ ସଂହିତା ପାଠଃ

କୃଷ୍ଣ ଯଜୁର୍ଵେଦୀଯ ତୈତ୍ତିରୀଯ ସଂହିତାଯାଂ ଷଷ୍ଠକାଣ୍ଡେ ଚତୁର୍ଥଃ ପ୍ରଶ୍ନଃ - ସୋମମନ୍ତ୍ରବ୍ରାହ୍ମଣନିରୂପଣଂ
ଓ-ନ୍ନମଃ ପରମାତ୍ମନେ, ଶ୍ରୀ ମହାଗଣପତଯେ ନମଃ,

ଶ୍ରୀ ଗୁରୁଭ୍ଯୋ ନମଃ । ହରିଃ ଓମ୍ ॥
ଯଜ୍ଞେନ ଵୈ ପ୍ରଜାପତିଃ ପ୍ରଜା ଅସୃଜତ ତା ଉପଯଡ୍ଭି-ରେଵାସୃଜତ ଯଦୁପଯଜ ଉପଯଜତି ପ୍ରଜା ଏଵ ତ-ଦ୍ଯଜମାନ-ସ୍ସୃଜତେ ଜଘନାର୍ଧାଦଵ ଦ୍ଯତି ଜଘନାର୍ଧାଦ୍ଧି ପ୍ରଜାଃ ପ୍ରଜାଯନ୍ତେ ସ୍ଥଵିମତୋ-ଽଵ ଦ୍ଯତି ସ୍ଥଵିମତୋ ହି ପ୍ରଜାଃ ପ୍ରଜାଯନ୍ତେ ଽସମ୍ଭିନ୍ଦନ୍ନଵ ଦ୍ଯତି ପ୍ରାଣାନା-ମସମ୍ଭେଦାଯ ନ ପର୍ଯାଵର୍ତଯତି ଯ-ତ୍ପର୍ଯାଵର୍ତଯେଦୁଦାଵର୍ତଃ ପ୍ରଜା ଗ୍ରାହୁକ-ସ୍ସ୍ଯା-ଥ୍ସମୁଦ୍ର-ଙ୍ଗଚ୍ଛ ସ୍ଵାହେତ୍ଯାହ ରେତ [ରେତଃ, ଏଵ] 1
ଏଵ ତ-ଦ୍ଦଧାତ୍ଯନ୍ତରିକ୍ଷ-ଙ୍ଗଚ୍ଛ ସ୍ଵାହେତ୍ଯାହା-ଽନ୍ତରିକ୍ଷେଣୈଵାସ୍ମୈ ପ୍ରଜାଃ ପ୍ର ଜନଯତ୍ଯନ୍ତରିକ୍ଷଗ୍ଗ୍ ହ୍ଯନୁ ପ୍ରଜାଃ ପ୍ରଜାଯନ୍ତେ ଦେଵଗ୍ଂ ସଵିତାର-ଙ୍ଗଚ୍ଛ ସ୍ଵାହେତ୍ଯାହ ସଵିତୃପ୍ରସୂତ ଏଵାସ୍ମୈ ପ୍ରଜାଃ ପ୍ର ଜନଯତ୍ଯ-ହୋରାତ୍ରେ ଗଚ୍ଛ ସ୍ଵାହେତ୍ଯାହା-ହୋରାତ୍ରାଭ୍ଯା-ମେଵାସ୍ମୈ ପ୍ରଜାଃ ପ୍ର ଜନଯତ୍ଯ-ହୋରାତ୍ରେ ହ୍ଯନୁ ପ୍ରଜାଃ ପ୍ରଜାଯନ୍ତେ ମିତ୍ରାଵରୁଣୌ ଗଚ୍ଛ ସ୍ଵାହେ- [ସ୍ଵାହା, ଇତ୍ଯାହ] 2
-ତ୍ଯାହ ପ୍ରଜାସ୍ଵେଵ ପ୍ରଜାତାସୁ ପ୍ରାଣାପାନୌ ଦଧାତି ସୋମ-ଙ୍ଗଚ୍ଛ ସ୍ଵାହେତ୍ଯାହ ସୌମ୍ଯା ହି ଦେଵତଯା ପ୍ରଜା ଯଜ୍ଞ-ଙ୍ଗଚ୍ଛ ସ୍ଵାହେତ୍ଯାହ ପ୍ରଜା ଏଵ ଯଜ୍ଞିଯାଃ କରୋତି ଛନ୍ଦାଗ୍ଂସି ଗଚ୍ଛ ସ୍ଵାହେତ୍ଯାହ ପଶଵୋ ଵୈ ଛନ୍ଦାଗ୍ଂସି ପଶୂନେଵାଵ ରୁନ୍ଧେ ଦ୍ଯାଵାପୃଥିଵୀ ଗଚ୍ଛ ସ୍ଵାହେତ୍ଯାହ ପ୍ରଜା ଏଵ ପ୍ରଜାତା ଦ୍ଯାଵାପୃଥିଵୀଭ୍ଯାମୁଭଯତଃ ପରି ଗୃହ୍ଣାତି ନଭୋ [ନଭଃ, ଦିଵ୍ଯ-ଙ୍ଗଚ୍ଛ] 3
ଦିଵ୍ଯ-ଙ୍ଗଚ୍ଛ ସ୍ଵାହେତ୍ଯାହ ପ୍ରଜାଭ୍ଯ ଏଵ ପ୍ରଜାତାଭ୍ଯୋ ଵୃଷ୍ଟି-ନ୍ନିଯଚ୍ଛତ୍ଯଗ୍ନିଂ-ଵୈଁଶ୍ଵାନର-ଙ୍ଗଚ୍ଛ ସ୍ଵାହେତ୍ଯାହ ପ୍ରଜା ଏଵ ପ୍ରଜାତା ଅସ୍ଯା-ମ୍ପ୍ରତି ଷ୍ଠାପଯତି ପ୍ରାଣାନାଂ-ଵାଁ ଏଷୋ-ଽଵ ଦ୍ଯତି ଯୋ-ଽଵଦ୍ଯତି ଗୁଦସ୍ଯ ମନୋ ମେ ହାର୍ଦି ଯଚ୍ଛେତ୍ଯାହ ପ୍ରାଣାନେଵ ଯଥାସ୍ଥାନମୁପ ହ୍ଵଯତେ ପଶୋର୍ଵା ଆଲବ୍ଧସ୍ଯ ହୃଦଯଗ୍ଂ ଶୁଗୃଚ୍ଛତି ସା ହୃଦଯଶୂଲ- [ହୃଦଯଶୂଲମ୍, ଅଭି ସମେତି] 4
-ମଭି ସମେତି ଯ-ତ୍ପୃଥିଵ୍ଯାଗ୍ଂ ହୃଦଯଶୂଲ-ମୁଦ୍ଵାସଯେ-ତ୍ପୃଥିଵୀଗ୍ଂ ଶୁଚା-ଽର୍ପଯେ-ଦ୍ଯଦଫ୍ସ୍ଵପ-ଶ୍ଶୁଚା-ଽର୍ପଯେଚ୍ଛୁଷ୍କସ୍ଯ ଚା-ଽଽର୍ଦ୍ରସ୍ଯ ଚ ସନ୍ଧାଵୁଦ୍ଵାସଯତ୍ଯୁଭଯସ୍ଯ ଶାନ୍ତ୍ଯୈ ଯ-ନ୍ଦ୍ଵିଷ୍ଯା-ତ୍ତ-ନ୍ଧ୍ଯାଯେ-ଚ୍ଛୁଚୈଵୈନ-ମର୍ପଯତି ॥ 5 ॥

(ରେତୋ - ମିତ୍ରାଵରୁଣୌ ଗଚ୍ଛ ସ୍ଵାହା - ନଭୋ - ହୃଦଯଶୂଲଂ - ଦ୍ଵାତ୍ରିଗ୍ଂଶଚ୍ଚ) (ଅ. 1)
ଦେଵା ଵୈ ଯଜ୍ଞମାଗ୍ନୀଦ୍ଧ୍ରେ ଵ୍ଯଭଜନ୍ତ ତତୋ ଯଦତ୍ଯଶିଷ୍ଯତ ତଦବ୍ରୁଵନ୍ ଵସତୁ ନୁ ନ ଇଦମିତି ତ-ଦ୍ଵସତୀଵରୀଣାଂ-ଵଁସତୀ ଵରିତ୍ଵ-ନ୍ତସ୍ମି-ନ୍ପ୍ରାତର୍ନ ସମଶକ୍ନୁଵ-ନ୍ତଦଫ୍ସୁ ପ୍ରାଵେଶଯ-ନ୍ତା ଵସତୀ ଵରୀରଭଵନ୍ ଵସତୀଵରୀର୍ଗୃହ୍ଣାତି ଯଜ୍ଞୋ ଵୈ ଵସତୀ ଵରୀର୍ଯଜ୍ଞମେଵା-ଽଽରଭ୍ଯ ଗୃହୀତ୍ଵୋପ ଵସତି ଯସ୍ଯାଗୃହୀତା ଅଭି ନିମ୍ରୋଚେ-ଦନାରବ୍ଧୋ-ଽସ୍ଯ ଯଜ୍ଞ-ସ୍ସ୍ଯା- [ଯଜ୍ଞ-ସ୍ସ୍ଯାତ୍, ଯଜ୍ଞଂ-ଵିଁ] 6
-ଦ୍ଯଜ୍ଞଂ-ଵିଁ ଚ୍ଛିନ୍ଦ୍ଯା-ଜ୍ଜ୍ଯୋତିଷ୍ଯା ଵା ଗୃହ୍ଣୀଯାଦ୍ଧିରଣ୍ଯଂ-ଵାଁ ଽଵଧାଯ ସଶୁକ୍ରାଣାମେଵ ଗୃହ୍ଣାତି ଯୋ ଵା ବ୍ରାହ୍ମଣୋ ବହୁଯାଜୀ ତସ୍ଯ କୁମ୍ଭ୍ଯାନା-ଙ୍ଗୃହ୍ଣୀଯା-ଥ୍ସ ହି ଗୃହୀତ ଵସତୀଵରୀକୋ ଵସତୀଵରୀର୍ଗୃହ୍ଣାତି ପଶଵୋ ଵୈ ଵସତୀଵରୀଃ ପଶୂନେଵା-ଽଽରଭ୍ଯ ଗୃହୀତ୍ଵୋପ ଵସତି ଯଦନ୍ଵୀପ-ନ୍ତିଷ୍ଠ-ନ୍ଗୃହ୍ଣୀଯାନ୍ନିର୍ମାର୍ଗୁକା ଅସ୍ମା-ତ୍ପଶଵଃ ସ୍ଯୁଃ ପ୍ରତୀପ-ନ୍ତିଷ୍ଠ-ନ୍ଗୃହ୍ଣାତି ପ୍ରତିରୁଦ୍ଧ୍ଯୈଵାସ୍ମୈ ପଶୂ-ନ୍ଗୃହ୍ଣାତୀନ୍ଦ୍ରୋ [ପଶୂ-ନ୍ଗୃହ୍ଣାତୀନ୍ଦ୍ରଃ, ଵୃତ୍ର-] 7
ଵୃତ୍ର-ମହନ୍-ଥ୍ସୋ-ଽ(1)ପୋ-ଽ(1)ଭ୍ଯମ୍ରିଯତ ତାସାଂ-ଯଁନ୍ମେଦ୍ଧ୍ଯଂ-ଯଁଜ୍ଞିଯଗ୍ଂ ସଦେଵମାସୀ-ତ୍ତଦତ୍ଯମୁଚ୍ଯତ ତା ଵହନ୍ତୀରଭଵନ୍ ଵହନ୍ତୀନା-ଙ୍ଗୃହ୍ଣାତି ଯା ଏଵ ମେଦ୍ଧ୍ଯା ଯଜ୍ଞିଯା-ସ୍ସଦେଵା ଆପସ୍ତା ସାମେଵ ଗୃହ୍ଣାତି ନାନ୍ତମା ଵହନ୍ତୀରତୀଯା-ଦ୍ଯଦନ୍ତମା ଵହନ୍ତୀରତୀଯା-ଦ୍ଯଜ୍ଞମତି ମନ୍ଯେତ ନ ସ୍ଥାଵରାଣା-ଙ୍ଗୃହ୍ଣୀଯା-ଦ୍ଵରୁଣଗୃହୀତା ଵୈ ସ୍ଥାଵରା ଯ-ଥ୍ସ୍ଥାଵରାଣା-ଙ୍ଗୃହ୍ଣୀଯା- [ଯ-ଥ୍ସ୍ଥାଵରାଣା-ଙ୍ଗୃହ୍ଣୀଯାତ୍, ଵରୁଣେନାସ୍ଯ] 8
-ଦ୍ଵରୁଣେନାସ୍ଯ ଯଜ୍ଞ-ଙ୍ଗ୍ରାହଯେ-ଦ୍ଯଦ୍ଵୈ ଦିଵା ଭଵତ୍ଯପୋ ରାତ୍ରିଃ ପ୍ର ଵିଶତି ତସ୍ମା-ତ୍ତାମ୍ରା ଆପୋ ଦିଵା ଦଦୃଶ୍ରେ ଯନ୍ନକ୍ତ-ମ୍ଭଵତ୍ଯପୋ-ଽହଃ ପ୍ର ଵିଶତି ତସ୍ମାଚ୍ଚନ୍ଦ୍ରା ଆପୋ ନକ୍ତ-ନ୍ଦଦୃଶ୍ରେ ଛାଯାଯୈ ଚା-ଽଽତପତଶ୍ଚ ସଧୌ-ଙ୍ଗୃହ୍ଣାତ୍ଯ-ହୋରାତ୍ରଯୋରେଵାସ୍ମୈ ଵର୍ଣ-ଙ୍ଗୃହ୍ଣାତି ହଵିଷ୍ମତୀରିମା ଆପ ଇତ୍ଯାହ ହଵିଷ୍କୃତାନାମେଵ ଗୃହ୍ଣାତି ହଵିଷ୍ମାଗ୍ଂ ଅସ୍ତୁ- [ଅସ୍ତୁ, ସୂର୍ଯ] 9
ସୂର୍ଯ ଇତ୍ଯାହ ସଶୁକ୍ରାଣାମେଵ ଗୃହ୍ଣାତ୍ଯନୁଷ୍ଟୁଭା ଗୃହ୍ଣାତି ଵାଗ୍ଵା ଅନୁଷ୍ଟୁଗ୍ ଵାଚୈଵୈନା-ସ୍ସର୍ଵଯା ଗୃହ୍ଣାତି ଚତୁଷ୍ପଦଯର୍ଚା ଗୃହ୍ଣାତି ତ୍ରି-ସ୍ସାଦଯତି ସପ୍ତ ସ-ମ୍ପଦ୍ଯନ୍ତେ ସପ୍ତପଦା ଶକ୍ଵରୀ ପଶଵ-ଶ୍ଶକ୍ଵରୀ ପଶୂନେଵାଵ ରୁନ୍ଧେ ଽସ୍ମୈ ଵୈ ଲୋକାଯ ଗାର୍ହପତ୍ଯ ଆ ଧୀଯତେ-ଽମୁଷ୍ମା ଆହଵନୀଯୋ ଯ-ଦ୍ଗାର୍ହପତ୍ଯ ଉପସାଦଯେଦସ୍ମିନ୍ ଁଲୋକେ ପଶୁମାନ୍-ଥ୍ସ୍ଯା-ଦ୍ଯଦାହଵନୀଯେ-ଽ-ମୁଷ୍ମି- [-ମୁଷ୍ମିନ୍ନ୍, ଲୋକେ ପଶୁମାନ୍ଥ୍ସ୍ଯା-] 10
ଁଲ୍ଲୋକେ ପଶୁମାନ୍ଥ୍ସ୍ଯା-ଦୁଭଯୋରୁପ ସାଦଯତ୍ଯୁଭଯୋରେଵୈନଂ-ଲୋଁକଯୋଃ ପଶୁମନ୍ତ-ଙ୍କରୋତି ସର୍ଵତଃ ପରି ହରତି ରକ୍ଷସାମପହତ୍ଯା ଇନ୍ଦ୍ରାଗ୍ନିଯୋର୍ଭାଗଧେଯୀ-ସ୍ସ୍ଥେତ୍ଯାହ ଯଥାଯଜୁରେଵୈତଦାଗ୍ନୀଦ୍ଧ୍ର ଉପ ଵାସଯତ୍ଯେତଦ୍ଵୈ ଯଜ୍ଞସ୍ଯାପରାଜିତଂ-ଯଁଦାଗ୍ନୀଦ୍ଧ୍ରଂ-ଯଁଦେଵ ଯଜ୍ଞସ୍ଯାପରାଜିତ-ନ୍ତଦେଵୈନା ଉପ ଵାସଯତି ଯତଃ ଖଲୁ ଵୈ ଯଜ୍ଞସ୍ଯ ଵିତତସ୍ଯ ନ କ୍ରିଯତେ ତଦନୁ ଯଜ୍ଞଗ୍ଂ ରକ୍ଷାଗ୍ସ୍ଯଵ ଚରନ୍ତି ଯ-ଦ୍ଵହନ୍ତୀନା-ଙ୍ଗୃହ୍ଣାତି କ୍ରିଯମାଣମେଵ ତ-ଦ୍ଯଜ୍ଞସ୍ଯ ଶଯେ ରକ୍ଷସା-ମନନ୍ଵଵଚାରାଯ ନ ହ୍ଯେତା ଈଲଯନ୍ତ୍ଯା ତୃତୀଯସଵନା-ତ୍ପରି ଶେରେ ଯଜ୍ଞସ୍ଯ ସନ୍ତତ୍ଯୈ ॥ 11 ॥

(ସ୍ଯା - ଦିନ୍ଦ୍ରୋ - ଗୃହ୍ଣୀଯା - ଦସ୍ତ୍ଵ - ମୁଷ୍ମିନ୍ - କ୍ରିଯତେ - ଷଡ୍ଵିଗ୍ଂଶତିଶ୍ଚ) (ଅ. 2)
ବ୍ରହ୍ମଵାଦିନୋ ଵଦନ୍ତି ସ ତ୍ଵା ଅଦ୍ଧ୍ଵର୍ଯୁ-ସ୍ସ୍ଯାଦ୍ଯ-ସ୍ସୋମ-ମୁପାଵହରନ୍-ଥ୍ସର୍ଵାଭ୍ଯୋ ଦେଵତାଭ୍ଯ ଉପାଵହରେ-ଦିତି ହୃଦେ ତ୍ଵେତ୍ଯାହ ମନୁଷ୍ଯେଭ୍ଯ ଏଵୈତେନ କରୋତି ମନସେ ତ୍ଵେତ୍ଯାହ ପିତୃଭ୍ଯ ଏଵୈତେନ କରୋତି ଦିଵେ ତ୍ଵା ସୂର୍ଯାଯ ତ୍ଵେତ୍ଯାହ ଦେଵେଭ୍ଯ ଏଵୈତେନ କରୋତ୍ଯେତାଵତୀ-ର୍ଵୈ ଦେଵତାସ୍ତାଭ୍ଯ ଏଵୈନଗ୍ଂ ସର୍ଵାଭ୍ଯ ଉପାଵହରତି ପୁରା ଵାଚଃ [ଵାଚଃ, ପ୍ରଵଦିତୋଃ] 12
ପ୍ରଵଦିତୋଃ ପ୍ରାତରନୁଵାକ-ମୁପାକରୋତି ଯାଵତ୍ଯେଵ ଵା-କ୍ତା-ମଵ ରୁନ୍ଧେ ଽପୋ-ଽଗ୍ରେ-ଽଭିଵ୍ଯାହରତି ଯଜ୍ଞୋ ଵା ଆପୋ ଯଜ୍ଞମେଵାଭି ଵାଚଂ-ଵିଁସୃଜତି ସର୍ଵାଣି ଛନ୍ଦାଗ୍ସ୍ଯନ୍ଵାହ ପଶଵୋ ଵୈ ଛନ୍ଦାଗ୍ଂସି ପଶୂନେଵାଵ ରୁନ୍ଧେ ଗାଯତ୍ରିଯା ତେଜସ୍କାମସ୍ଯ ପରି ଦଦ୍ଧ୍ଯା-ତ୍ତ୍ରିଷ୍ଟୁଭେନ୍ଦ୍ରିଯକାମସ୍ଯ ଜଗତ୍ଯା ପଶୁକାମସ୍ଯା-ଽନୁଷ୍ଟୁଭା ପ୍ରତିଷ୍ଠାକାମସ୍ଯ ପଙ୍କ୍ତ୍ଯା ଯଜ୍ଞକାମସ୍ଯ ଵିରାଜା-ଽନ୍ନକାମସ୍ଯ ଶୃଣୋତ୍ଵଗ୍ନି-ସ୍ସମିଧା ହଵ- [ହଵମ୍, ମ ଇତ୍ଯାହ] 13
-ମ୍ମ ଇତ୍ଯାହ ସଵିତୃପ୍ରସୂତ ଏଵ ଦେଵତାଭ୍ଯୋ ନିଵେଦ୍ଯା-ଽପୋ-ଽଚ୍ଛୈତ୍ଯପ ଇଷ୍ଯ ହୋତ-ରିତ୍ଯାହେଷିତଗ୍ଂ ହି କର୍ମ କ୍ରିଯତେ ମୈତ୍ରାଵରୁଣସ୍ଯ ଚମସାଦ୍ଧ୍ଵର୍ଯଵା ଦ୍ରଵେତ୍ଯାହ ମିତ୍ରାଵରୁଣୌ ଵା ଅପା-ନ୍ନେତାରୌ ତାଭ୍ଯାମେଵୈନା ଅଚ୍ଛୈତି ଦେଵୀରାପୋ ଅପା-ନ୍ନପା-ଦିତ୍ଯାହା-ଽଽହୁତ୍ଯୈଵୈନା ନିଷ୍କ୍ରୀଯ ଗୃହ୍ଣାତ୍ଯଥୋ ହଵିଷ୍କୃତାନା-ମେଵାଭିଘୃତାନା-ଙ୍ଗୃହ୍ଣାତି- [-ମେଵାଭିଘୃତାନା-ଙ୍ଗୃହ୍ଣାତି, କାର୍ଷି-ରସୀତ୍ଯାହ] 14
କାର୍ଷି-ରସୀତ୍ଯାହ ଶମଲମେଵା-ଽଽସାମପ ପ୍ଲାଵଯତି ସମୁଦ୍ରସ୍ଯ ଵୋ-ଽକ୍ଷିତ୍ଯା ଉନ୍ନଯ ଇତ୍ଯାହ ତସ୍ମାଦଦ୍ଯମାନାଃ ପୀଯମାନା ଆପୋ ନ କ୍ଷୀଯନ୍ତେ ଯୋନିର୍ଵୈ ଯଜ୍ଞସ୍ଯ ଚାତ୍ଵାଲଂ-ଯଁଜ୍ଞୋ ଵସତୀଵରୀର୍. ହୋତୃଚମସ-ଞ୍ଚ ମୈତ୍ରାଵରୁଣଚମସ-ଞ୍ଚ ସଗ୍ଗ୍ସ୍ପର୍ଶ୍ଯ ଵସତୀଵରୀର୍ଵ୍ଯାନଯତି ଯଜ୍ଞସ୍ଯ ସଯୋନିତ୍ଵାଯାଥୋ ସ୍ଵାଦେଵୈନା ଯୋନେଃ ପ୍ର ଜନଯତ୍ଯଦ୍ଧ୍ଵର୍ଯୋ-ଽଵେରପା(3) ଇତ୍ଯାହୋତେ -ମନନ୍ନମୁରୁତେମାଃ ପଶ୍ଯେତି ଵାଵୈତଦାହ ଯଦ୍ଯଗ୍ନିଷ୍ଟୋମୋ ଜୁହୋତି ଯଦ୍ଯୁକ୍ଥ୍ଯଃ ପରିଧୌ ନି ମାର୍ଷ୍ଟି ଯଦ୍ଯତିରାତ୍ରୋ ଯଜୁର୍ଵଦ-ନ୍ପ୍ର ପଦ୍ଯତେ ଯଜ୍ଞକ୍ରତୂନାଂ-ଵ୍ଯାଁଵୃତ୍ତ୍ଯୈ ॥ 15 ॥

(ଵାଚୋ-ହଵ-ମଭିଘୃତାନା-ଙ୍ଗୃହ୍ଣାତ୍ଯୁ - ତ - ପଞ୍ଚଵିଗ୍ଂଶତିଶ୍ଚ) (ଅ. 3)
ଦେଵସ୍ଯ ତ୍ଵା ସଵିତୁଃ ପ୍ରସଵ ଇତି ଗ୍ରାଵାଣମା ଦତ୍ତେ ପ୍ରସୂତ୍ଯା ଅଶ୍ଵିନୋ-ର୍ବାହୁଭ୍ଯାମିତ୍ଯାହାଶ୍ଵିନୌ ହି ଦେଵାନାମଦ୍ଧ୍ଵର୍ଯୂ ଆସ୍ତା-ମ୍ପୂଷ୍ଣୋ ହସ୍ତାଭ୍ଯାମିତ୍ଯାହ ଯତ୍ଯୈ ପଶଵୋ ଵୈ ସୋମୋ ଵ୍ଯାନ ଉପାଗ୍ଂଶୁସଵନୋ ଯଦୁପାଗ୍ଂଶୁସଵନ-ମଭି ମିମୀତେ ଵ୍ଯାନମେଵ ପଶୁଷୁ ଦଧାତୀନ୍ଦ୍ରାଯ ତ୍ଵେନ୍ଦ୍ରାଯ ତ୍ଵେତି ମିମୀତ ଇନ୍ଦ୍ରାଯ ହି ସୋମ ଆହ୍ରିଯତେ ପଞ୍ଚ କୃତ୍ଵୋ ଯଜୁଷା ମିମୀତେ [ମିମୀତେ, ପଞ୍ଚାକ୍ଷରା] 16
ପଞ୍ଚାକ୍ଷରା ପଙ୍କ୍ତିଃ ପାଙ୍କ୍ତୋ ଯଜ୍ଞୋ ଯଜ୍ଞମେଵାଵ ରୁନ୍ଧେ ପଞ୍ଚ କୃତ୍ଵସ୍ତୂଷ୍ଣୀ-ନ୍ଦଶ ସ-ମ୍ପଦ୍ଯନ୍ତେ ଦଶାକ୍ଷରା ଵିରାଡନ୍ନଂ-ଵିଁରା-ଡ୍ଵିରାଜୈଵାନ୍ନାଦ୍ଯମଵ ରୁନ୍ଧେ ଶ୍ଵାତ୍ରା-ସ୍ସ୍ଥ ଵୃତ୍ରତୁର ଇତ୍ଯାହୈଷ ଵା ଅପାଗ୍ଂ ସୋମପୀଥୋ ଯ ଏଵଂ-ଵେଁଦ ନା-ଽଫ୍ସ୍ଵାର୍ତିମାର୍ଚ୍ଛତି ଯତ୍ତେ ସୋମ ଦିଵି ଜ୍ଯୋତିରିତ୍ଯାହୈଭ୍ଯ ଏଵୈନ- [ଏଵୈନମ୍, ଲୋକେଭ୍ଯ] 17
ଁଲ୍ଲୋକେଭ୍ଯ-ସ୍ସ-ମ୍ଭରତି ସୋମୋ ଵୈ ରାଜା ଦିଶୋ-ଽଭ୍ଯଦ୍ଧ୍ଯାଯ-ଥ୍ସ ଦିଶୋ-ଽନୁ ପ୍ରାଵିଶ-ତ୍ପ୍ରାଗପାଗୁଦଗଧରାଗିତ୍ଯାହ ଦିଗ୍ଭ୍ଯ ଏଵୈନଗ୍ଂ ସ-ମ୍ଭରତ୍ଯଥୋ ଦିଶ ଏଵାସ୍ମା ଅଵ ରୁନ୍ଧେ ଽମ୍ବ ନି ଷ୍ଵରେତ୍ଯାହ କାମୁକା ଏନଗ୍ଗ୍ ସ୍ତ୍ରିଯୋ ଭଵନ୍ତି ଯ ଏଵଂ-ଵେଁଦ ଯ-ତ୍ତେ ସୋମାଦାଭ୍ଯ-ନ୍ନାମ ଜାଗୃଵୀ- [ଜାଗୃଵୀତି, ଆହୈଷ ଵୈ] 18
-ତ୍ଯାହୈଷ ଵୈ ସୋମସ୍ଯ ସୋମପୀଥୋ ଯ ଏଵଂ-ଵେଁଦ ନ ସୌମ୍ଯାମାର୍ତିମାର୍ଚ୍ଛତି ଘ୍ନନ୍ତି ଵା ଏତ-ଥ୍ସୋମଂ-ଯଁଦଭିଷୁଣ୍ଵନ୍ତ୍ଯଗ୍ଂ ଶୂନପ ଗୃହ୍ଣାତି ତ୍ରାଯତ ଏଵୈନ-ମ୍ପ୍ରାଣା ଵା ଅଗ୍ଂଶଵଃ ପଶଵ-ସ୍ସୋମୋ ଽଗ୍ଂଶୂ-ନ୍ପୁନରପି ସୃଜତି ପ୍ରାଣାନେଵ ପଶୁଷୁ ଦଧାତି ଦ୍ଵୌଦ୍ଵାଵପି ସୃଜତି ତସ୍ମା-ଦ୍ଦ୍ଵୌଦ୍ଵୌ ପ୍ରାଣାଃ ॥ 19 ॥

(ଯଜୁଷା ମିମୀତ - ଏନଂ - ଜାଗୃଵୀତି - ଚତୁଶ୍ଚତ୍ଵାରିଗ୍ଂଶଚ୍ଚ) (ଅ. 4)
ପ୍ରାଣୋ ଵା ଏଷ ଯଦୁପାଗ୍ଂଶୁ ର୍ଯଦୁପାଗ୍ଶ୍ଵଗ୍ରା ଗ୍ରହା ଗୃହ୍ଯନ୍ତେ ପ୍ରାଣମେଵାନୁ ପ୍ର ଯନ୍ତ୍ଯରୁଣୋ ହ ସ୍ମା-ଽଽହୌପଵେଶିଃ ପ୍ରାତସ୍ସଵନ ଏଵାହଂ-ଯଁଜ୍ଞଗ୍ଂ ସଗ୍ଗ୍ ସ୍ଥାପଯାମି ତେନ ତତ-ସ୍ସଗ୍ଗ୍ସ୍ଥିତେନ ଚରାମୀତ୍ଯଷ୍ଟୌ କୃତ୍ଵୋ-ଽଗ୍ରେ-ଽଭିଷୁଣୋ-ତ୍ଯଷ୍ଟାକ୍ଷରା ଗାଯତ୍ରୀ ଗାଯତ୍ର-ମ୍ପ୍ରାତସ୍ସଵନ-ମ୍ପ୍ରାତସ୍ସଵନମେଵ ତେନା ଽଽପ୍ନୋତ୍ଯେକାଦଶ କୃତ୍ଵୋ ଦ୍ଵିତୀଯ-ମେକାଦଶାକ୍ଷରା ତ୍ରିଷ୍ଟୁ-ପ୍ତ୍ରୈଷ୍ଟୁଭ-ମ୍ମାଦ୍ଧ୍ଯନ୍ଦିନଗ୍ଂ- [-ମ୍ମାଦ୍ଧ୍ଯନ୍ଦିନମ୍, ସଵନ-] 20
-ସଵନ-ମ୍ମାଦ୍ଧ୍ଯନ୍ଦିନମେଵ ସଵନ-ନ୍ତେନା-ଽଽପ୍ନୋତି ଦ୍ଵାଦଶ କୃତ୍ଵସ୍ତୃତୀଯ-ନ୍ଦ୍ଵାଦଶାକ୍ଷରା ଜଗତୀ ଜାଗତ-ନ୍ତୃତୀଯସଵନ-ନ୍ତୃତୀଯସଵନମେଵ ତେନା ଽଽପ୍ନୋତ୍ଯେତାଗ୍ଂ ହ ଵାଵ ସ ଯଜ୍ଞସ୍ଯ ସଗ୍ଗ୍ସ୍ଥିତିମୁଵାଚା ସ୍କନ୍ଦାଯାସ୍କନ୍ନଗ୍ଂ ହି ତ-ଦ୍ଯ-ଦ୍ଯଜ୍ଞସ୍ଯ ସଗ୍ଗ୍ସ୍ଥିତସ୍ଯ ସ୍କନ୍ଦତ୍ଯଥୋ ଖଲ୍ଵାହୁର୍ଗାଯତ୍ରୀ ଵାଵ ପ୍ରାତସ୍ସଵନେ ନାତିଵାଦ ଇତ୍ଯନତିଵାଦୁକ ଏନ-ମ୍ଭ୍ରାତୃଵ୍ଯୋ ଭଵତି ଯ ଏଵଂ-ଵେଁଦ ତସ୍ମା-ଦଷ୍ଟାଵଷ୍ଟୌ [-ଦଷ୍ଟାଵଷ୍ଟୌ, କୃତ୍ଵୋ] 21
କୃତ୍ଵୋ-ଽଭିଷୁତ୍ଯ-ମ୍ବ୍ରହ୍ମଵାଦିନୋ ଵଦନ୍ତି ପଵିତ୍ରଵନ୍ତୋ-ଽନ୍ଯେ ଗ୍ରହା ଗୃହ୍ଯନ୍ତେ କିମ୍ପଵିତ୍ର ଉପାଗ୍ଂଶୁରିତି ଵାକ୍ପଵିତ୍ର ଇତି ବ୍ରୂଯା-ଦ୍ଵାଚସ୍ପତଯେ ପଵସ୍ଵ ଵାଜିନ୍ନିତ୍ଯାହ ଵାଚୈଵୈନ-ମ୍ପଵଯତି ଵୃଷ୍ଣୋ ଅଗ୍ଂଶୁଭ୍ଯାମିତ୍ଯାହ ଵୃଷ୍ଣୋ ହ୍ଯେତାଵଗ୍ଂଶୂ ଯୌ ସୋମସ୍ଯ ଗଭସ୍ତିପୂତ ଇତ୍ଯାହ ଗଭସ୍ତିନା ହ୍ଯେନ-ମ୍ପଵଯତି ଦେଵୋ ଦେଵାନା-ମ୍ପଵିତ୍ରମସୀତ୍ଯାହ ଦେଵୋ ହ୍ଯେଷ [ହ୍ଯେଷଃ, ସ-ନ୍ଦେଵାନା-] 22
ସ-ନ୍ଦେଵାନା-ମ୍ପଵିତ୍ରଂ-ଯେଁଷା-ମ୍ଭାଗୋ-ଽସି ତେଭ୍ଯସ୍ତ୍ଵେତ୍ଯାହ ଯେଷାଗ୍ ହ୍ଯେଷ ଭାଗସ୍ତେଭ୍ଯ ଏନ-ଙ୍ଗୃହ୍ଣାତି ସ୍ଵା-ଙ୍କୃତୋ-ଽସୀତ୍ଯାହ ପ୍ରାଣମେଵ ସ୍ଵମକୃତ ମଧୁମତୀର୍ନ ଇଷସ୍କୃଧୀତ୍ଯାହ ସର୍ଵମେଵାସ୍ମା ଇଦଗ୍ଗ୍ ସ୍ଵଦଯତି ଵିଶ୍ଵେଭ୍ଯ-ସ୍ତ୍ଵେନ୍ଦ୍ରିଯେଭ୍ଯୋ ଦିଵ୍ଯେଭ୍ଯଃ ପାର୍ଥିଵେଭ୍ଯ ଇତ୍ଯାହୋଭଯେଷ୍ଵେଵ ଦେଵମନୁଷ୍ଯେଷୁ ପ୍ରାଣା-ନ୍ଦଧାତି ମନସ୍ତ୍ଵା- [ମନସ୍ତ୍ଵା, ଅଷ୍ଟ୍ଵିତ୍ଯାହ] 23
-ଽଷ୍ଟ୍ଵିତ୍ଯାହ ମନ ଏଵାଶ୍ଞୁତ ଉର୍ଵନ୍ତରିକ୍ଷ-ମନ୍ଵିହୀତ୍ଯାହା-ନ୍ତରିକ୍ଷଦେଵତ୍ଯୋ ହି ପ୍ରାଣ-ସ୍ସ୍ଵାହା ତ୍ଵା ସୁଭଵ-ସ୍ସୂର୍ଯାଯେତ୍ଯାହ ପ୍ରାଣା ଵୈ ସ୍ଵଭଵସୋ ଦେଵାସ୍ତେଷ୍ଵେଵ ପରୋକ୍ଷ-ଞ୍ଜୁହୋତି ଦେଵେଭ୍ଯସ୍ତ୍ଵା ମରୀଚିପେଭ୍ଯ ଇତ୍ଯାହା ଽଽଦିତ୍ଯସ୍ଯ ଵୈ ରଶ୍ମଯୋ ଦେଵା ମରୀଚିପାସ୍ତେଷା-ନ୍ତ-ଦ୍ଭାଗଧେଯ-ନ୍ତାନେଵ ତେନ ପ୍ରୀଣାତି ଯଦି କାମଯେତ ଵର୍ଷୁକଃ ପର୍ଜନ୍ଯ- [ପର୍ଜନ୍ଯଃ, ସ୍ଯାଦିତି] 24
-ସ୍ସ୍ଯାଦିତି ନୀଚା ହସ୍ତେନ ନି ମୃଜ୍ଯା-ଦ୍ଵୃଷ୍ଟିମେଵ ନି ଯଚ୍ଛତି ଯଦି କାମଯେତାଵର୍ଷୁକ-ସ୍ସ୍ଯାଦିତ୍ଯୁତ୍ତାନେନ ନି ମୃଜ୍ଯା-ଦ୍ଵୃଷ୍ଟିମେଵୋ-ଦ୍ଯଚ୍ଛତି ଯଦ୍ଯଭିଚରେଦମୁ-ଞ୍ଜହ୍ଯଥ ତ୍ଵା ହୋଷ୍ଯାମୀତି ବ୍ରୂଯାଦାହୁତିମେଵୈନ-ମ୍ପ୍ରେଫ୍ସନ୍. ହନ୍ତି ଯଦି ଦୂରେ ସ୍ଯାଦା ତମିତୋସ୍ତିଷ୍ଠେ-ତ୍ପ୍ରାଣମେଵାସ୍ଯାନୁଗତ୍ଯ ହନ୍ତି ଯଦ୍ଯଭିଚରେଦମୁଷ୍ଯ- [ଯଦ୍ଯଭିଚରେଦମୁଷ୍ଯ, ତ୍ଵା ପ୍ରାଣେ] 25
-ତ୍ଵା ପ୍ରାଣେ ସାଦଯାମୀତି ସାଦଯେଦସନ୍ନୋ ଵୈ ପ୍ରାଣଃ ପ୍ରାଣମେଵାସ୍ଯ ସାଦଯତି ଷଡ୍ଭିରଗ୍ଂଶୁଭିଃ ପଵଯତି ଷ-ଡ୍ଵା ଋତଵ ଋତୁଭିରେଵୈନ-ମ୍ପଵଯତି ତ୍ରିଃ ପଵଯତି ତ୍ରଯ ଇମେ ଲୋକା ଏଭିରେଵୈନଂ-ଲୋଁକୈଃ ପଵଯତି ବ୍ରହ୍ମଵାଦିନୋ ଵଦନ୍ତି କସ୍ମା-ଥ୍ସତ୍ଯା-ତ୍ତ୍ରଯଃ ପଶୂନାଗ୍ଂ ହସ୍ତାଦାନା ଇତି ଯ-ତ୍ତ୍ରିରୁପାଗ୍ଂ ଶୁଗ୍ଂ ହସ୍ତେନ ଵିଗୃହ୍ଣାତି ତସ୍ମା-ତ୍ତ୍ରଯଃ ପଶୂନାଗ୍ଂ ହସ୍ତାଦାନାଃ ପୁରୁଷୋ ହସ୍ତୀ ମର୍କଟଃ ॥ 26 ॥

(ମାଧ୍ଯଦିନ୍ନ - ମଷ୍ଟାଵଷ୍ଟା - ଵେଷ - ମନସ୍ତ୍ଵା - ପର୍ଜନ୍ଯୋ - ଽମୁଷ୍ଯ - ପୁରୁଷୋ - ଦ୍ଵେ ଚ) (ଅ. 5)
ଦେଵା ଵୈ ଯ-ଦ୍ଯଜ୍ଞେ-ଽକୁର୍ଵତ ତଦସୁରା ଅକୁର୍ଵତ ତେ ଦେଵା ଉପାଗ୍ଂଶୌ ଯଜ୍ଞଗ୍ଂ ସଗ୍ଗ୍ସ୍ଥାପ୍ଯମପଶ୍ଯ-ନ୍ତମୁପାଗ୍ଂଶୌ ସମସ୍ଥାପଯ-ନ୍ତେ-ଽସୁରା ଵଜ୍ରମୁଦ୍ଯତ୍ଯ ଦେଵାନଭ୍ଯାଯନ୍ତ ତେ ଦେଵା ବିଭ୍ଯତ ଇନ୍ଦ୍ରମୁପାଧାଵ-ନ୍ତାନିନ୍ଦ୍ରୋ-ଽନ୍ତର୍ଯାମେଣାନ୍ତରଧତ୍ତ ତଦନ୍ତର୍ଯାମସ୍ଯାନ୍ତର୍ଯାମତ୍ଵଂ-ଯଁଦନ୍ତର୍ଯାମୋ ଗୃହ୍ଯତେ ଭ୍ରାତୃଵ୍ଯାନେଵ ତ-ଦ୍ଯଜମାନୋ-ଽନ୍ତର୍ଧତ୍ତେ ଽନ୍ତସ୍ତେ [-ଽନ୍ତର୍ଧତ୍ତେ ଽନ୍ତସ୍ତେ, ଦଧାମି ଦ୍ଯାଵାପୃଥିଵୀ] 27
ଦଧାମି ଦ୍ଯାଵାପୃଥିଵୀ ଅନ୍ତରୁ-ର୍ଵନ୍ତରିକ୍ଷ-ମିତ୍ଯାହୈଭିରେଵ ଲୋକୈର୍ଯଜମାନୋ ଭ୍ରାତୃଵ୍ଯାନନ୍ତର୍ଧତ୍ତେ ତେ ଦେଵା ଅମନ୍ଯନ୍ତେନ୍ଦ୍ରୋ ଵା ଇଦମଭୂଦ୍ଯ-ଦ୍ଵଯଗ୍ଗ୍ ସ୍ମ ଇତି ତେ-ଽବ୍ରୁଵ-ନ୍ମଘଵନ୍ନନୁ ନ ଆ ଭଜେତି ସଜୋଷା ଦେଵୈରଵରୈଃ ପରୈଶ୍ଚେତ୍ଯବ୍ରଵୀଦ୍ଯେ ଚୈଵ ଦେଵାଃ ପରେ ଯେ ଚାଵରେ ତାନୁଭଯା- [ତାନୁଭଯାନ୍, ଅନ୍ଵାଭଜ-ଥ୍ସଜୋଷା] 28
-ନନ୍ଵାଭଜ-ଥ୍ସଜୋଷା ଦେଵୈରଵରୈଃ ପରୈଶ୍ଚେତ୍ଯାହ ଯେ ଚୈଵ ଦେଵାଃ ପରେ ଯେ ଚାଵରେ ତାନୁଭଯା-ନନ୍ଵାଭଜ-ତ୍ଯନ୍ତର୍ଯାମେ ମଘଵ-ନ୍ମାଦଯସ୍ଵେତ୍ଯାହ ଯଜ୍ଞାଦେଵ ଯଜମାନ-ନ୍ନାନ୍ତରେତ୍ଯୁପଯାମ-ଗୃହୀତୋ ଽସୀତ୍ଯାହାପାନସ୍ଯ ଧୃତ୍ଯୈ ଯଦୁଭାଵପଵିତ୍ରୌ ଗୃହ୍ଯେଯାତା-ମ୍ପ୍ରାଣମପାନୋ-ଽନୁ ନ୍ଯୃଚ୍ଛେ-ତ୍ପ୍ରମାଯୁକ-ସ୍ସ୍ଯା-ତ୍ପଵିତ୍ରଵାନନ୍ତର୍ଯାମୋ ଗୃହ୍ଯତେ [ଗୃହ୍ଯତେ, ପ୍ରାଣାପାନଯୋ-ର୍ଵିଧୃତ୍ଯୈ] 29
ପ୍ରାଣାପାନଯୋ-ର୍ଵିଧୃତ୍ଯୈ ପ୍ରାଣାପାନୌ ଵା ଏତୌ ଯଦୁପାଗ୍ଶ୍ଵନ୍ତର୍ଯାମୌ ଵ୍ଯାନ ଉପାଗ୍ଂଶୁ ସଵନୋ ଯ-ଙ୍କାମଯେତ ପ୍ରମାଯୁକ-ସ୍ସ୍ଯାଦିତ୍ଯସଗ୍ଗ୍ ସ୍ପୃଷ୍ଟୌ ତସ୍ଯ ସାଦଯେ-ଦ୍ଵ୍ଯାନେନୈଵାସ୍ଯ ପ୍ରାଣାପାନୌ ଵି ଚ୍ଛିନତ୍ତି ତାଜ-କ୍ପ୍ର ମୀଯତେ ଯ-ଙ୍କାମଯେତ ସର୍ଵମାଯୁରିଯାଦିତି ସଗ୍ଗ୍ ସ୍ପୃଷ୍ଟୌ ତସ୍ଯ ସାଦଯେ-ଦ୍ଵ୍ଯାନେନୈଵାସ୍ଯ ପ୍ରାଣାପାନୌ ସ-ନ୍ତନୋତି ସର୍ଵମାଯୁରେତି ॥ 30 ॥

(ତ - ଉଭଯାନ୍ - ଗୃହ୍ଯତେ - ଚତୁଶ୍ଚତ୍ଵାରିଗ୍ଂଶଚ୍ଚ) (ଅ. 6)
ଵାଗ୍ଵା ଏଷା ଯଦୈନ୍ଦ୍ରଵାଯଵୋ ଯଦୈନ୍ଦ୍ରଵାଯଵାଗ୍ରା ଗ୍ରହା ଗୃହ୍ଯନ୍ତେ ଵାଚମେଵାନୁ ପ୍ର ଯନ୍ତି ଵାଯୁ-ନ୍ଦେଵା ଅବ୍ରୁଵନ୍-ଥ୍ସୋମଗ୍ଂ ରାଜାନଗ୍ଂ ହନାମେତି ସୋ-ଽବ୍ରଵୀ-ଦ୍ଵରଂ-ଵୃଁଣୈ ମଦଗ୍ରା ଏଵ ଵୋ ଗ୍ରହା ଗୃହ୍ଯାନ୍ତା ଇତି ତସ୍ମାଦୈନ୍ଦ୍ରଵାଯଵାଗ୍ରା ଗ୍ରହା ଗୃହ୍ଯନ୍ତେ ତମଘ୍ନନ୍-ଥ୍ସୋ-ଽପୂଯ-ତ୍ତ-ନ୍ଦେଵା ନୋପାଧୃଷ୍ଣୁଵ-ନ୍ତେ ଵାଯୁମବ୍ରୁଵ-ନ୍ନିମ-ନ୍ନଃ ସ୍ଵଦଯେ- [-ନ୍ନିମ-ନ୍ନଃ ସ୍ଵଦଯ, ଇତି ସୋ-ଽବ୍ରଵୀ-] 31
-ତି ସୋ-ଽବ୍ରଵୀ-ଦ୍ଵରଂ-ଵୃଁଣୈ ମଦ୍ଦେଵତ୍ଯାନ୍ଯେଵ ଵଃ ପାତ୍ରାଣ୍ଯୁଚ୍ଯାନ୍ତା ଇତି ତସ୍ମାନ୍ନାନାଦେଵତ୍ଯାନି ସନ୍ତି ଵାଯଵ୍ଯାନ୍ଯୁଚ୍ଯନ୍ତେ ତମେଭ୍ଯୋ ଵାଯୁରେଵାସ୍ଵଦଯ-ତ୍ତସ୍ମାଦ୍ଯ-ତ୍ପୂଯତି ତ-ତ୍ପ୍ରଵାତେ ଵି ଷଜନ୍ତି ଵାଯୁର୍ହି ତସ୍ଯ ପଵଯିତା ସ୍ଵଦଯିତା ତସ୍ଯ ଵିଗ୍ରହଣ-ନ୍ନାଵିନ୍ଦନ୍-ଥ୍ସାଦିତିରବ୍ରଵୀ-ଦ୍ଵରଂ-ଵୃଁଣା ଅଥ ମଯା ଵି ଗୃହ୍ଣୀଦ୍ଧ୍ଵ-ମ୍ମଦ୍ଦେଵତ୍ଯା ଏଵ ଵ-ସ୍ସୋମା- [ଵ-ସ୍ସୋମାଃ, ସନ୍ନା] 32
-ସ୍ସନ୍ନା ଅସ-ନ୍ନିତ୍ଯୁପଯାମଗୃହୀତୋ-ଽସୀ-ତ୍ଯାହା-ଦିତିଦେଵତ୍ଯାସ୍ତେନ ଯାନି ହି ଦାରୁମଯାଣି ପାତ୍ରାଣ୍ଯସ୍ଯୈ ତାନି ଯୋନେ-ସ୍ସମ୍ଭୂତାନି ଯାନି ମୃନ୍ମଯାନି ସାକ୍ଷା-ତ୍ତାନ୍ଯସ୍ଯୈ ତସ୍ମାଦେଵମାହ ଵାଗ୍ଵୈ ପରାଚ୍ଯ-ଵ୍ଯାକୃତା-ଽଵଦ-ତ୍ତେ ଦେଵା ଇନ୍ଦ୍ରମବ୍ରୁଵନ୍ନିମା-ନ୍ନୋ ଵାଚଂ-ଵ୍ଯାଁକୁର୍ଵିତି ସୋ-ଽବ୍ରଵୀ-ଦ୍ଵରଂ-ଵୃଁଣୈ ମହ୍ଯ-ଞ୍ଚୈଵୈଷ ଵାଯଵେ ଚ ସହ ଗୃହ୍ଯାତା ଇତି ତସ୍ମାଦୈନ୍ଦ୍ରଵାଯଵ-ସ୍ସହ ଗୃହ୍ଯତେ ତାମିନ୍ଦ୍ରୋ ମଦ୍ଧ୍ଯତୋ-ଽଵକ୍ରମ୍ଯ ଵ୍ଯାକରୋ-ତ୍ତସ୍ମାଦିଯଂ-ଵ୍ଯାଁକୃତା ଵାଗୁଦ୍ଯତେ ତସ୍ମା-ଥ୍ସକୃଦିନ୍ଦ୍ରାଯ ମଦ୍ଧ୍ଯତୋ ଗୃହ୍ଯତେ ଦ୍ଵିର୍ଵାଯଵେ ଦ୍ଵୌ ହି ସ ଵରାଵଵୃଣୀତ ॥ 33 ॥

(ସ୍ଵଦଯ - ସୋମାଃ - ସହା - ଷ୍ଟାଵିଗ୍ଂଶତିଶ୍ଚ) (ଅ. 7)
ମିତ୍ର-ନ୍ଦେଵା ଅବ୍ରୁଵନ୍-ଥ୍ସୋମଗ୍ଂ ରାଜାନଗ୍ଂ ହନାମେତି ସୋ-ଽବ୍ରଵୀନ୍ନାହଗ୍ଂ ସର୍ଵସ୍ଯ ଵା ଅହ-ମ୍ମିତ୍ରମସ୍ମୀତି ତମବ୍ରୁଵନ୍. ହନାମୈଵେତି ସୋ-ଽବ୍ରଵୀ-ଦ୍ଵରଂ-ଵୃଁଣୈ ପଯସୈଵ ମେ ସୋମଗ୍ଗ୍ ଶ୍ରୀଣନ୍ନିତି ତସ୍ମା-ନ୍ମୈତ୍ରାଵରୁଣ-ମ୍ପଯସା ଶ୍ରୀଣନ୍ତି ତସ୍ମା-ତ୍ପଶଵୋ-ଽପାକ୍ରାମ-ନ୍ମିତ୍ର-ସ୍ସନ୍ କ୍ରୂରମକରିତି କ୍ରୂରମିଵ ଖଲୁ ଵା ଏଷ [ଵା ଏଷଃ, କରୋତି ଯ-ସ୍ସୋମେନ] 34
କରୋତି ଯ-ସ୍ସୋମେନ ଯଜତେ ତସ୍ମା-ତ୍ପଶଵୋ-ଽପ କ୍ରାମନ୍ତି ଯନ୍ମୈତ୍ରାଵରୁଣ-ମ୍ପଯସା ଶ୍ରୀଣାତି ପଶୁଭିରେଵ ତନ୍ମିତ୍ରଗ୍ଂ ସମର୍ଧଯତି ପଶୁଭିର୍ଯଜମାନ-ମ୍ପୁରା ଖଲୁ ଵାଵୈଵ-ମ୍ମିତ୍ରୋ-ଽଵେଦପ ମ-ତ୍କ୍ରୂର-ଞ୍ଚକ୍ରୁଷଃ ପଶଵଃ କ୍ରମିଷ୍ଯନ୍ତୀତି ତସ୍ମାଦେଵମଵୃଣୀତ ଵରୁଣ-ନ୍ଦେଵା ଅବ୍ରୁଵ-ନ୍ତ୍ଵଯା-ଽଗ୍ଂଶଭୁଵା ସୋମଗ୍ଂ ରାଜାନଗ୍ଂ ହନାମେତି ସୋ-ଽବ୍ରଵୀ-ଦ୍ଵରଂ-ଵୃଁଣୈ ମହ୍ଯ-ଞ୍ଚୈ- [ମହ୍ଯ-ଞ୍ଚ, ଏଵୈଷ ମିତ୍ରାଯ] 35
-ଵୈଷ ମିତ୍ରାଯ ଚ ସହ ଗୃହ୍ଯାତା ଇତି ତସ୍ମାନ୍ମୈତ୍ରାଵରୁଣ-ସ୍ସହ ଗୃହ୍ଯତେ ତସ୍ମା-ଦ୍ରାଜ୍ଞା ରାଜାନମଗ୍ଂଶଭୁଵା ଘ୍ନନ୍ତି ଵୈଶ୍ଯେନ ଵୈଶ୍ଯଗ୍ଂ ଶୂଦ୍ରେଣ ଶୂଦ୍ର-ନ୍ନ ଵା ଇଦ-ନ୍ଦିଵା ନ ନକ୍ତମାସୀଦଵ୍ଯାଵୃତ୍ତ-ନ୍ତେ ଦେଵା ମିତ୍ରାଵରୁଣାଵବ୍ରୁଵନ୍ନିଦ-ନ୍ନୋ ଵିଵାସଯତମିତି ତାଵବ୍ରୂତାଂ-ଵଁରଂ-ଵୃଁଣାଵହା ଏକ ଏଵା-ଽଽଵ-ତ୍ପୂର୍ଵୋ ଗ୍ରହୋ ଗୃହ୍ଯାତା ଇତି ତସ୍ମାଦୈନ୍ଦ୍ରଵାଯଵଃ ପୂର୍ଵୋ ମୈତ୍ରାଵରୁଣା-ଦ୍ଗୃହ୍ଯତେ ପ୍ରାଣାପାନୌ ହ୍ଯେତୌ ଯଦୁପାଗ୍-ଶ୍ଵନ୍ତର୍ଯାମୌ ମିତ୍ରୋ-ଽହରଜନଯ-ଦ୍ଵରୁଣୋ ରାତ୍ରି-ନ୍ତତୋ ଵା ଇଦଂ-ଵ୍ଯୌଁଚ୍ଛଦ୍ଯ-ନ୍ମୈତ୍ରାଵରୁଣୋ ଗୃହ୍ଯତେ ଵ୍ଯୁଷ୍ଟ୍ଯୈ ॥ 36 ॥

(ଏଷ - ଚୈ - ନ୍ଦ୍ରଵାଯଵୋ - ଦ୍ଵାଵିଗ୍ଂଶତିଶ୍ଚ) (ଅ. 8)
ଯଜ୍ଞସ୍ଯ ଶିରୋ-ଽଚ୍ଛିଦ୍ଯତ ତେ ଦେଵା ଅଶ୍ଵିନାଵବ୍ରୁଵ-ନ୍ଭିଷଜୌ ଵୈ ସ୍ଥ ଇଦଂ-ଯଁଜ୍ଞସ୍ଯ ଶିରଃ ପ୍ରତି ଧତ୍ତମିତି ତାଵବ୍ରୂତାଂ-ଵଁରଂ-ଵୃଁଣାଵହୈ ଗ୍ରହ ଏଵ ନାଵତ୍ରାପି ଗୃହ୍ଯତାମିତି ତାଭ୍ଯା-ମେତମାଶ୍ଵିନ-ମଗୃହ୍ଣ-ନ୍ତତୋ ଵୈ ତୌ ଯଜ୍ଞସ୍ଯ ଶିରଃ ପ୍ରତ୍ଯଧତ୍ତାଂ-ଯଁଦାଶ୍ଵିନୋ ଗୃହ୍ଯତେ ଯଜ୍ଞସ୍ଯ ନିଷ୍କୃତ୍ଯୈ ତୌ ଦେଵା ଅବ୍ରୁଵନ୍ନପୂତୌ ଵା ଇମୌ ମନୁଷ୍ଯଚରୌ [ ] 37
ଭିଷଜାଵିତି ତସ୍ମା-ଦ୍ବ୍ରାହ୍ମଣେନ ଭେଷଜ-ନ୍ନ କାର୍ଯମପୂତୋ ହ୍ଯେ(1)ଷୋ ଽମେଦ୍ଧ୍ଯୋ ଯୋ ଭିଷକ୍ତୌ ବହିଷ୍ପଵମାନେନ ପଵଯିତ୍ଵା ତାଭ୍ଯା-ମେତମାଶ୍ଵିନ-ମଗୃହ୍ଣ-ନ୍ତସ୍ମା-ଦ୍ବହିଷ୍ପଵମାନେ ସ୍ତୁତ ଆଶ୍ଵିନୋ ଗୃହ୍ଯତେ ତସ୍ମାଦେଵଂ-ଵିଁଦୁଷା ବହିଷ୍ପଵମାନ ଉପସଦ୍ଯଃ ପଵିତ୍ରଂ-ଵୈଁ ବହିଷ୍ପଵମାନ ଆତ୍ମାନମେଵ ପଵଯତେ ତଯୋ-ଽସ୍ତ୍ରେଧା ଭୈଷଜ୍ଯଂ-ଵିଁ ନ୍ଯଦଧୁରଗ୍ନୌ ତୃତୀଯମଫ୍ସୁ ତୃତୀଯ-ମ୍ବ୍ରାହ୍ମଣେ ତୃତୀଯ-ନ୍ତସ୍ମାଦୁଦପାତ୍ର- [ତୃତୀଯ-ନ୍ତସ୍ମାଦୁଦପାତ୍ରମ୍, ଉପନିଧାଯ] 38
-ମୁପନିଧାଯ ବ୍ରାହ୍ମଣ-ନ୍ଦକ୍ଷିଣତୋ ନିଷାଦ୍ଯ ଭେଷଜ-ଙ୍କୁର୍ଯା-ଦ୍ଯାଵଦେଵ ଭେଷଜ-ନ୍ତେନ କରୋତି ସମର୍ଧୁକମସ୍ଯ କୃତ-ମ୍ଭଵତି ବ୍ରହ୍ମଵାଦିନୋ ଵଦନ୍ତି କସ୍ମା-ଥ୍ସତ୍ଯାଦେକପାତ୍ରା ଦ୍ଵିଦେଵତ୍ଯା ଗୃହ୍ଯନ୍ତେ ଦ୍ଵିପାତ୍ରା ହୂଯନ୍ତ ଇତି ଯଦେକପାତ୍ରା ଗୃହ୍ଯନ୍ତେ ତସ୍ମାଦେକୋ-ଽନ୍ତରତଃ ପ୍ରାଣୋ ଦ୍ଵିପାତ୍ରା ହୂଯନ୍ତେ ତସ୍ମା-ଦ୍ଦ୍ଵୌଦ୍ଵୌ ବହିଷ୍ଟା-ତ୍ପ୍ରାଣାଃ ପ୍ରାଣା ଵା ଏତେ ଯ-ଦ୍ଦ୍ଵିଦେଵତ୍ଯାଃ ପଶଵ ଇଡା ଯଦିଡା-ମ୍ପୂର୍ଵା-ନ୍ଦ୍ଵିଦେଵତ୍ଯେଭ୍ଯ ଉପହ୍ଵଯେତ [ ] 39
ପଶୁଭିଃ ପ୍ରାଣାନନ୍ତର୍ଦଧୀତ ପ୍ରମାଯୁକ-ସ୍ସ୍ଯା-ଦ୍ଦ୍ଵିଦେଵତ୍ଯା-ନ୍ଭକ୍ଷଯିତ୍ଵେଡାମୁପ ହ୍ଵଯତେ ପ୍ରାଣାନେଵା-ଽଽତ୍ମ-ନ୍ଧିତ୍ଵା ପଶୂନୁପ ହ୍ଵଯତେ ଵାଗ୍ଵା ଐନ୍ଦ୍ରଵାଯଵଶ୍ଚକ୍ଷୁ-ର୍ମୈତ୍ରାଵରୁଣ-ଶ୍ଶ୍ରୋତ୍ରମାଶ୍ଵିନଃ ପୁରସ୍ତାଦୈନ୍ଦ୍ରଵାଯଵ-ମ୍ଭକ୍ଷଯତି ତସ୍ମା-ତ୍ପୁରସ୍ତା-ଦ୍ଵାଚା ଵଦତି ପୁରସ୍ତାନ୍ମୈତ୍ରାଵରୁଣ-ନ୍ତସ୍ମା-ତ୍ପୁରସ୍ତାଚ୍ଚକ୍ଷୁଷା ପଶ୍ଯତି ସର୍ଵତଃ ପରିହାରମାଶ୍ଵିନ-ନ୍ତସ୍ମା-ଥ୍ସର୍ଵତ-ଶ୍ଶ୍ରୋତ୍ରେଣ ଶୃଣୋତି ପ୍ରାଣା ଵା ଏତେ ଯ-ଦ୍ଦ୍ଵିଦେଵତ୍ଯା [ଯ-ଦ୍ଦ୍ଵିଦେଵତ୍ଯାଃ, ଅରିକ୍ତାନି] 40
ଅରିକ୍ତାନି ପାତ୍ରାଣି ସାଦଯତି ତସ୍ମାଦରିକ୍ତା ଅନ୍ତରତଃ ପ୍ରାଣା ଯତଃ ଖଲୁ ଵୈ ଯଜ୍ଞସ୍ଯ ଵିତତସ୍ଯ ନ କ୍ରିଯତେ ତଦନୁ ଯଜ୍ଞଗ୍ଂ ରକ୍ଷାଗ୍ସ୍ଯଵ ଚରନ୍ତି ଯଦରିକ୍ତାନି ପାତ୍ରାଣି ସାଦଯତି କ୍ରିଯମାଣମେଵ ତ-ଦ୍ଯଜ୍ଞସ୍ଯ ଶଯେ ରକ୍ଷସା -ମନନ୍ଵଵଚାରାଯ ଦକ୍ଷିଣସ୍ଯ ହଵିର୍ଧାନସ୍ଯୋତ୍ତରସ୍ଯାଂ-ଵଁର୍ତନ୍ଯାଗ୍ଂ ସାଦଯତି ଵାଚ୍ଯେଵ ଵାଚ-ନ୍ଦଧାତ୍ଯା ତୃତୀଯସଵନା-ତ୍ପରି ଶେରେ ଯଜ୍ଞସ୍ଯ ସନ୍ତତ୍ଯୈ ॥ 41 ॥

(ମନୁଷ୍ଯଚରା - ଵୁଦପାତ୍ର - ମୁପହ୍ଵଯେତ - ଦ୍ଵିଦେଵତ୍ଯାଃ - ଷଟ୍ଚତ୍ଵାରିଗ୍ଂଶଚ୍ଚ) (ଅ. 9)
ବୃହସ୍ପତିର୍ଦେଵାନା-ମ୍ପୁରୋହିତ ଆସୀ-ଚ୍ଛଣ୍ଡାମର୍କା-ଵସୁରାଣା-ମ୍ବ୍ରହ୍ମଣ୍ ଵନ୍ତୋ ଦେଵା ଆସ-ନ୍ବ୍ରହ୍ମଣ୍ ଵନ୍ତୋ-ଽସୁରାସ୍ତେ(1) ଽନ୍ଯୋ-ଽନ୍ଯ-ନ୍ନାଶକ୍ନୁଵ-ନ୍ନଭିଭଵିତୁ-ନ୍ତେ ଦେଵା-ଶ୍ଶଣ୍ଡାମର୍କା-ଵୁପାମନ୍ତ୍ରଯନ୍ତ ତା ଵବ୍ରୂତାଂ-ଵଁରଂ-ଵୃଁଣାଵହୈ ଗ୍ରହାଵେଵ ନାଵତ୍ରାପି ଗୃହ୍ଯେତାମିତି ତାଭ୍ଯାମେତୌ ଶୁକ୍ରାମନ୍ଥିନା-ଵଗୃହ୍ଣ-ନ୍ତତୋ ଦେଵା ଅଭଵ-ନ୍ପରା-ଽସୁରା ଯସ୍ଯୈଵଂ-ଵିଁଦୁଷଃ ଶୁକ୍ରାମନ୍ଥିନୌ ଗୃହ୍ଯେତେ ଭଵତ୍ଯାତ୍ମନା ପରା- [ପରା, ଅସ୍ଯ ଭ୍ରାତୃଵ୍ଯୋ] 42
-ଽସ୍ଯ ଭ୍ରାତୃଵ୍ଯୋ ଭଵତି ତୌ ଦେଵା ଅପନୁଦ୍ଯା-ଽଽତ୍ମନ ଇନ୍ଦ୍ରାଯାଜୁହଵୁ-ରପନୁତ୍ତୌ ଶଣ୍ଡାମର୍କୌ ସହାମୁନେତି ବ୍ରୂଯାଦ୍ଯ-ନ୍ଦ୍ଵିଷ୍ଯାଦ୍ଯମେଵ ଦ୍ଵେଷ୍ଟି ତେନୈନୌ ସହାପ ନୁଦତେ ସ ପ୍ରଥମ-ସ୍ସଙ୍କୃତି-ର୍ଵିଶ୍ଵକର୍ମେତ୍ଯେଵୈନା-ଵାତ୍ମନ ଇନ୍ଦ୍ରାଯା-ଜୁହଵୁରିନ୍ଦ୍ରୋ ହ୍ଯେତାନି ରୂପାଣି କରିକ୍ରଦଚରଦସୌ ଵା ଆଦିତ୍ଯ-ଶ୍ଶୁକ୍ରଶ୍ଚନ୍ଦ୍ରମା ମନ୍ଥ୍ଯପି-ଗୃହ୍ଯ ପ୍ରାଞ୍ଚୌ ନି- [ପ୍ରାଞ୍ଚୌ ନିଃ, କ୍ରାମତ-ସ୍ତସ୍ମା-] 43
-ଷ୍କ୍ରାମତ-ସ୍ତସ୍ମା-ତ୍ପ୍ରାଞ୍ଚୌ ଯନ୍ତୌ ନ ପଶ୍ଯନ୍ତି ପ୍ରତ୍ଯଞ୍ଚାଵାଵୃତ୍ଯ ଜୁହୁତସ୍ତସ୍ମା-ତ୍ପ୍ରତ୍ଯଞ୍ଚୌ ଯନ୍ତୌ ପଶ୍ଯନ୍ତି ଚକ୍ଷୁଷୀ ଵା ଏତେ ଯଜ୍ଞସ୍ଯ ଯଚ୍ଛୁକ୍ରାମନ୍ଥିନୌ ନାସିକୋତ୍ତରଵେଦିରଭିତଃ ପରିକ୍ରମ୍ଯ ଜୁହୁତସ୍ତସ୍ମାଦଭିତୋ ନାସିକା-ଞ୍ଚକ୍ଷୁଷୀ ତସ୍ମାନ୍ନାସିକଯା ଚକ୍ଷୁଷୀ ଵିଧୃତେ ସର୍ଵତଃ ପରି କ୍ରାମତୋ ରକ୍ଷସାମପହତ୍ଯୈ ଦେଵା ଵୈ ଯାଃ ପ୍ରାଚୀରାହୁତୀରଜୁହଵୁର୍ଯେ ପୁରସ୍ତାଦସୁରା ଆସ-ନ୍ତାଗ୍ସ୍ତାଭିଃ ପ୍ରା- [ଆସ-ନ୍ତାଗ୍ସ୍ତାଭିଃ ପ୍ର, ଅନୁଦନ୍ତ ଯାଃ] 44
-ଣୁଦନ୍ତ ଯାଃ ପ୍ରତୀଚୀର୍ଯେ ପଶ୍ଚାଦସୁରା ଆସ-ନ୍ତାଗ୍ସ୍ତାଭିରପାନୁଦନ୍ତ ପ୍ରାଚୀରନ୍ଯା ଆହୁତଯୋ ହୂଯନ୍ତେ ପ୍ରତ୍ଯଞ୍ଚୌ ଶୁକ୍ରାମନ୍ଥିନୌ ପଶ୍ଚାଚ୍ଚୈଵ ପୁରସ୍ତାଚ୍ଚ ଯଜମାନୋ ଭ୍ରାତୃଵ୍ଯା-ନ୍ପ୍ର ଣୁଦତେ ତସ୍ମା-ତ୍ପରାଚୀଃ ପ୍ରଜାଃ ପ୍ର ଵୀଯନ୍ତେ ପ୍ରତୀଚୀର୍ଜାଯନ୍ତେ ଶୁକ୍ରାମନ୍ଥିନୌ ଵା ଅନୁ ପ୍ରଜାଃ ପ୍ର ଜାଯନ୍ତେ-ଽତ୍ତ୍ରୀଶ୍ଚାଦ୍ଯାଶ୍ଚ ସୁଵୀରାଃ ପ୍ରଜାଃ ପ୍ରଜନଯ-ନ୍ପରୀହି ଶୁକ୍ର-ଶ୍ଶୁକ୍ରଶୋଚିଷା [ଶୁକ୍ର-ଶ୍ଶୁକ୍ରଶୋଚିଷା, ସୁପ୍ରଜାଃ ପ୍ରଜାଃ] 45
ସୁପ୍ରଜାଃ ପ୍ରଜାଃ ପ୍ରଜନଯ-ନ୍ପରୀହି ମନ୍ଥୀ ମନ୍ଥିଶୋଚିଷେତ୍ଯାହୈତା ଵୈ ସୁଵୀରା ଯା ଅତ୍ତ୍ରୀରେତା-ସ୍ସୁପ୍ରଜା ଯା ଆଦ୍ଯା ଯ ଏଵଂ-ଵେଁଦାତ୍ର୍ଯସ୍ଯ ପ୍ରଜା ଜାଯତେ ନା-ଽଽଦ୍ଯା ପ୍ରଜାପତେରକ୍ଷ୍ଯଶ୍ଵଯ-ତ୍ତ-ତ୍ପରା-ଽଽପତ-ତ୍ତ-ଦ୍ଵିକଙ୍କତ-ମ୍ପ୍ରାଵିଶ-ତ୍ତ-ଦ୍ଵିକଙ୍କତେ ନାରମତ ତ-ଦ୍ଯଵ-ମ୍ପ୍ରାଵିଶ-ତ୍ତ-ଦ୍ଯଵେ-ଽରମତ ତ-ଦ୍ଯଵସ୍ଯ- [ତ-ଦ୍ଯଵସ୍ଯ, ଯଵତ୍ଵଂ-ଯଁ-ଦ୍ଵୈକଙ୍କତ-] 46
ଯଵତ୍ଵଂ-ଯଁ-ଦ୍ଵୈକଙ୍କତ-ମ୍ମନ୍ଥିପାତ୍ର-ମ୍ଭଵତି ସକ୍ତୁଭି-ଶ୍ଶ୍ରୀଣାତି ପ୍ରଜାପତେରେଵ ତଚ୍ଚକ୍ଷୁ-ସ୍ସ-ମ୍ଭରତି ବ୍ରହ୍ମଵାଦିନୋ ଵଦନ୍ତି କସ୍ମା-ଥ୍ସତ୍ଯାନ୍ମନ୍ଥିପାତ୍ରଗ୍ଂ ସଦୋ ନାଶ୍ଞୁତ ଇତ୍ଯାର୍ତପାତ୍ରଗ୍ଂ ହୀତି ବ୍ରୂଯା-ଦ୍ଯଦଶ୍ଞୁଵୀତାନ୍ଧୋ-ଽଦ୍ଧ୍ଵର୍ଯୁ-ସ୍ସ୍ଯାଦାର୍ତିମାର୍ଚ୍ଛେ-ତ୍ତସ୍ମାନ୍ନାଶ୍ଞୁତେ ॥ 47 ॥

(ଆତ୍ମନା ପରା - ନି - ଷ୍ପ୍ର - ଶୁକ୍ରଶୋଚିଷା - ଯଵସ୍ଯ - ସପ୍ତତ୍ରିଗ୍ଂଶଚ୍ଚ) (ଅ. 10)
ଦେଵା ଵୈ ଯ-ଦ୍ଯଜ୍ଞେ-ଽକୁର୍ଵତ ତଦସୁରା ଅକୁର୍ଵତ ତେ ଦେଵା ଆଗ୍ରଯଣାଗ୍ରା-ନ୍ଗ୍ରହାନପଶ୍ଯ-ନ୍ତାନଗୃହ୍ଣତ ତତୋ ଵୈ ତେ-ଽଗ୍ର-ମ୍ପର୍ଯାଯନ୍. ଯସ୍ଯୈଵଂ-ଵିଁଦୁଷ ଆଗ୍ରଯଣାଗ୍ରା ଗ୍ରହା ଗୃହ୍ଯନ୍ତେ-ଽଗ୍ରମେଵ ସମାନାନା-ମ୍ପର୍ଯେତି ରୁଗ୍ଣଵତ୍ଯର୍ଚା ଭ୍ରାତୃଵ୍ଯଵତୋ ଗୃହ୍ଣୀଯା-ଦ୍ଭ୍ରାତୃଵ୍ଯସ୍ଯୈଵ ରୁକ୍ତ୍ଵା-ଽଗ୍ରଗ୍ଂ ସମାନାନା-ମ୍ପର୍ଯେତି ଯେ ଦେଵା ଦିଵ୍ଯେକାଦଶ ସ୍ଥେତ୍ଯାହୈ- [ସ୍ଥେତ୍ଯାହ, ଏତାଵତୀର୍ଵୈ] 48
-ତାଵତୀର୍ଵୈ ଦେଵତାସ୍ତାଭ୍ଯ ଏଵୈନଗ୍ଂ ସର୍ଵାଭ୍ଯୋ ଗୃହ୍ଣାତ୍ଯେଷ ତେ ଯୋନି ର୍ଵିଶ୍ଵେଭ୍ଯସ୍ତ୍ଵା ଦେଵେଭ୍ଯ ଇତ୍ଯାହ ଵୈଶ୍ଵଦେଵୋ ହ୍ଯେଷ ଦେଵତଯା ଵାଗ୍ଵୈ ଦେଵେଭ୍ଯୋ-ଽପାକ୍ରାମ-ଦ୍ଯଜ୍ଞାଯାତିଷ୍ଠମାନା ତେ ଦେଵା ଵାଚ୍ଯପକ୍ରାନ୍ତାଯା-ନ୍ତୂଷ୍ଣୀ-ଙ୍ଗ୍ରହାନଗୃହ୍ଣତ ସାମନ୍ଯତ ଵାଗନ୍ତର୍ଯନ୍ତି ଵୈ ମେତି ସା-ଽଽଗ୍ରଯଣ-ମ୍ପ୍ରତ୍ଯାଗଚ୍ଛ-ତ୍ତଦାଗ୍ରଯଣସ୍ଯା-ଽଽଗ୍ରଯଣତ୍ଵ- [-ଽଽଗ୍ରଯଣତ୍ଵମ୍, ତସ୍ମାଦାଗ୍ରଯଣେ] 49
-ନ୍ତସ୍ମାଦାଗ୍ରଯଣେ ଵାଗ୍ଵି ସୃଜ୍ଯତେ ଯ-ତ୍ତୂଷ୍ଣୀ-ମ୍ପୂର୍ଵେ ଗ୍ରହା ଗୃହ୍ଯନ୍ତେ ଯଥାଥ୍ସାରୀଯତି ମ ଆଖ ଇଯତି ନାପ ରାଥ୍ସ୍ଯା-ମୀତ୍ଯୁପାଵସୃଜତ୍ଯେଵମେଵ ତଦଦ୍ଧ୍ଵର୍ଯୁରାଗ୍ରଯଣ-ଙ୍ଗୃହୀତ୍ଵା ଯଜ୍ଞମାରଭ୍ଯ ଵାଚଂ-ଵିଁ ସୃଜତେ ତ୍ରିର୍ହି-ଙ୍କରୋତ୍ଯୁଦ୍ଗାତୄ-ନେଵ ତ-ଦ୍ଵୃଣୀତେ ପ୍ରଜାପତିର୍ଵା ଏଷ ଯଦାଗ୍ରଯଣୋ ଯଦାଗ୍ରଯଣ-ଙ୍ଗୃହୀତ୍ଵା ହି-ଙ୍କରୋତି ପ୍ରଜାପତିରେଵ [ ] 50
ତ-ତ୍ପ୍ରଜା ଅଭି ଜିଘ୍ରତି ତସ୍ମା-ଦ୍ଵଥ୍ସ-ଞ୍ଜାତ-ଙ୍ଗୌରଭି ଜିଘ୍ରତ୍ଯାତ୍ମା ଵା ଏଷ ଯଜ୍ଞସ୍ଯ ଯଦାଗ୍ରଯଣ-ସ୍ସଵନେସଵନେ-ଽଭି ଗୃହ୍ଣାତ୍ଯାତ୍ମନ୍ନେଵ ଯଜ୍ଞଗ୍ଂ ସ-ନ୍ତନୋତ୍ଯୁପରିଷ୍ଟାଦା ନଯତି ରେତ ଏଵ ତ-ଦ୍ଦଧାତ୍ଯଧସ୍ତାଦୁପ ଗୃହ୍ଣାତି ପ୍ର ଜନଯତ୍ଯେଵ ତଦ୍ବ୍ରହ୍ମଵାଦିନୋ ଵଦନ୍ତି କସ୍ମା-ଥ୍ସତ୍ଯା-ଦ୍ଗାଯତ୍ରୀ କନିଷ୍ଠା ଛନ୍ଦସାଗ୍ଂ ସତୀ ସର୍ଵାଣି ସଵନାନି ଵହତୀତ୍ଯେଷ ଵୈ ଗାଯତ୍ରିଯୈ ଵଥ୍ସୋ ଯଦାଗ୍ରଯଣସ୍ତମେଵ ତଦଭିନିଵର୍ତଗ୍ଂ ସର୍ଵାଣି ସଵନାନି ଵହତି ତସ୍ମା-ଦ୍ଵଥ୍ସମପାକୃତ-ଙ୍ଗୌରଭି ନି ଵର୍ତତେ ॥ 51 ॥