ತೈತ್ತಿರೀಯ ಅರಣ್ಯಕ - ಚತುರ್ಥಃ ಪ್ರಶ್ನಃ
ಓಂ ಸಹ ನಾ ವವತು । ಸಹ ನೌ ಭುನಕ್ತು ।
ಓಂ ಸಹ ನಾ ವವತು । ಸಹ ನೌ ಭುನಕ್ತು ।
ಸಹ ವೀರ್ಯ-ಙ್ಕರವಾವಹೈ । ತೇಜಸ್ವಿನಾ ವಧೀತಮಸ್ತು ಮಾ ವಿದ್ವಿಷಾವಹೈ ॥
ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥
ಅಮ್ಭಸ್ಯಪಾರೇ (4.1)
ಅಮ್ಭಸ್ಯಪಾರೇ (4.1)
ಅಮ್ಭಸ್ಯ ಪಾರೇ ಭುವನಸ್ಯ ಮದ್ಧ್ಯೇ ನಾಕಸ್ಯ ಪೃಷ್ಠೇ ಮಹತೋ ಮಹೀಯಾನ್ ।
ಶುಕ್ರೇಣ ಜ್ಯೋತೀಗ್ಂಷಿ ಸಮನುಪ್ರವಿಷ್ಟಃ ಪ್ರಜಾಪತಿಶ್ಚರತಿ ಗರ್ಭೇ ಅನ್ತಃ ।
ಯಸ್ಮಿನ್ನಿದಗ್ಂ ಸಞ್ಚ ವಿಚೈತಿ ಸರ್ವಂ-ಯಁಸ್ಮಿ-ನ್ದೇವಾ ಅಧಿ ವಿಶ್ವೇ ನಿಷೇದುಃ ।
ತದೇವ ಭೂತ-ನ್ತದು ಭವ್ಯಮಾ ಇದ-ನ್ತದಕ್ಷರೇ ಪರಮೇ ವ್ಯೋಮನ್ನ್ ।
ಯೇನಾ ವೃತ-ಙ್ಖಞ್ಚ ದಿವ-ಮ್ಮಹೀಞ್ಚ ಯೇನಾದಿತ್ಯ-ಸ್ತಪತಿ ತೇಜಸಾ ಭ್ರಾಜಸಾ ಚ ।
ಯಮನ್ತ-ಸ್ಸಮುದ್ರೇ ಕವಯೋ ವಯನ್ತಿ ಯದಕ್ಷರೇ ಪರಮೇ ಪ್ರಜಾಃ ।
ಯತಃ ಪ್ರಸೂತಾ ಜಗತಃ ಪ್ರಸೂತೀ ತೋಯೇನ ಜೀವಾನ್ ವ್ಯಚಸರ್ಜ (ವ್ಯಸಸರ್ಜ) ಭೂಮ್ಯಾಮ್ ।
ಯದೋಷಧೀಭಿಃ ಪುರುಷಾ-ನ್ಪಶೂಗ್ಶ್ಚ ವಿವೇಶ ಭೂತಾನಿ ಚರಾಚರಾಣಿ ।
ಅತಃ ಪರ-ನ್ನಾನ್ಯ-ದಣೀಯಸಹಿ ಪರಾ-ತ್ಪರಂ-ಯಁ-ನ್ಮಹತೋ ಮಹಾನ್ತಮ್ ।
ಯದೇಕ-ಮವ್ಯಕ್ತ-ಮನನ್ತರೂಪಂ-ವಿಁಶ್ವ-ಮ್ಪುರಾಣ-ನ್ತಮಸಃ ಪರಸ್ತಾತ್ ॥ 1.5 (ತೈ. ಅರ. 6.1.1)
ತದೇವರ್ತ-ನ್ತದು ಸತ್ಯಮಾಹು-ಸ್ತದೇವ ಬ್ರಹ್ಮ ಪರಮ-ಙ್ಕವೀನಾಮ್ ।
ತದೇವರ್ತ-ನ್ತದು ಸತ್ಯಮಾಹು-ಸ್ತದೇವ ಬ್ರಹ್ಮ ಪರಮ-ಙ್ಕವೀನಾಮ್ ।
ಇಷ್ಟಾಪೂರ್ತ-ಮ್ಬಹುಧಾ ಜಾತ-ಞ್ಜಾಯಮಾನಂ-ವಿಁಶ್ವ-ಮ್ಬಿಭರ್ತಿ ಭುವನಸ್ಯ ನಾಭಿಃ ।
ತದೇವಾಗ್ನಿ-ಸ್ತದ್ವಾಯು-ಸ್ತಥ್ಸೂರ್ಯಸ್ತದು ಚನ್ದ್ರಮಾಃ ।
ತದೇವ ಶುಕ್ರಮಮೃತ-ನ್ತದ್ಬ್ರಹ್ಮ ತದಾಪ-ಸ್ಸ ಪ್ರಜಾಪತಿಃ ।
ಸರ್ವೇ ನಿಮೇಷಾ ಜಜ್ಞಿರೇ ವಿದ್ಯುತಃ ಪುರುಷಾದಧಿ ।
ಕಲಾ ಮುಹೂರ್ತಾಃ ಕಾಷ್ಠಾಶ್ಚಾಹೋ-ರಾತ್ರಾಶ್ಚ ಸರ್ವಶಃ ।
ಅರ್ಧಮಾಸಾ ಮಾಸಾ ಋತವಃ ಸಂವಁಥ್ಸರಶ್ಚ ಕಲ್ಪನ್ತಾಮ್ ।
ಸ ಆಪಃ ಪ್ರದುಘೇ ಉಭೇ ಇಮೇ ಅನ್ತರಿಕ್ಷ-ಮಥೋ ಸುವಃ ।
ನೈನ-ಮೂರ್ಧ್ವ-ನ್ನ ತಿರ್ಯ-ಞ್ಚ ನ ಮದ್ಧ್ಯೇ ಪರಿಜಗ್ರಭತ್ ।
ನ ತಸ್ಯೇಶೇ ಕಶ್ಚನ ತಸ್ಯ ನಾಮ ಮಹದ್ಯಶಃ ॥ 1.10 (ತೈ. ಅರ. 6.1.2)
ನ ಸದೃಂಶೇ ತಿಷ್ಠತಿ ರೂಪಮಸ್ಯ ನ ಚಕ್ಷುಷಾ ಪಶ್ಯತಿ ಕಶ್ಚನೈನಮ್ ।
ನ ಸದೃಂಶೇ ತಿಷ್ಠತಿ ರೂಪಮಸ್ಯ ನ ಚಕ್ಷುಷಾ ಪಶ್ಯತಿ ಕಶ್ಚನೈನಮ್ ।
ಹೃದಾ ಮನೀಷಾ ಮನಸಾ-ಽಭಿ ಕ್ಲೃಪ್ತೋ ಯ ಏನಂ-ವಿಁದು-ರಮೃತಾಸ್ತೇ ಭವನ್ತಿ ।
ಅದ್ಭ್ಯ-ಸ್ಸಮ್ಭೂತೋ ಹಿರಣ್ಯಗರ್ಭ ಇತ್ಯಷ್ಟೌ ।
ಏಷ ಹಿ ದೇವಃ ಪ್ರದಿಶೋ-ಽನು ಸರ್ವಾಃ ಪೂರ್ವೋ ಹಿ ಜಾತ-ಸ್ಸ ಉ ಗರ್ಭೇ ಅನ್ತಃ ।
ಸ ವಿಜಾಯಮಾನ-ಸ್ಸಜನಿಷ್ಯಮಾಣಃ ಪ್ರತ್ಯಂ-ಮುಖಾ ಸ್ತಿಷ್ಠತಿ ವಿಶ್ವತೋಮುಖಃ ।
ವಿಶ್ವತಶ್ಚ-ಕ್ಷುರುತ ವಿಶ್ವತೋ ಮುಖೋ ವಿಶ್ವತೋ ಹಸ್ತ ಉತ ವಿಶ್ವತಸ್ಪಾತ್ ।
ಸ-ಮ್ಬಾಹುಭ್ಯಾ-ನ್ನಮತಿ ಸ-ಮ್ಪತತ್ರೈ-ರ್ದ್ಯಾವಾ ಪೃಥಿವೀ ಜನಯ-ನ್ದೇವ ಏಕಃ ।
ವೇನಸ್ತ-ತ್ಪಶ್ಯನ್. ವಿಶ್ವಾ ಭುವನಾನಿ ವಿದ್ವಾನ್. ಯತ್ರ ವಿಶ್ವ-ಮ್ಭವತ್ಯೇಕ-ನೀಲಮ್ ।
ಯಸ್ಮಿನ್ನಿದಗ್ಂ ಸಞ್ಚ ವಿಚೈಕಗ್ಂ ಸ ಓತಃ ಪ್ರೋತಶ್ಚ ವಿಭುಃ ಪ್ರಜಾಸು ।
ಪ್ರತದ್ವೋಚೇ ಅಮೃತನ್ನು ವಿದ್ವಾ-ನ್ಗನ್ಧರ್ವೋ ನಾಮ ನಿಹಿತ-ಙ್ಗುಹಾಸು ॥ 1.15 (ತೈ. ಅರ. 6.1.3)
ತ್ರೀಣಿ ಪದಾ ನಿಹಿತಾ ಗುಹಾಸು ಯಸ್ತದ್ವೇದ ಸವಿತುಃ ಪಿತಾ-ಽಸತ್ ।
ತ್ರೀಣಿ ಪದಾ ನಿಹಿತಾ ಗುಹಾಸು ಯಸ್ತದ್ವೇದ ಸವಿತುಃ ಪಿತಾ-ಽಸತ್ ।
ಸ ನೋ ಬನ್ಧು-ರ್ಜನಿತಾ ಸ ವಿಧಾತಾ ಧಾಮಾನಿ ವೇದ ಭುವನಾನಿ ವಿಶ್ವಾ ।
ಯತ್ರ ದೇವಾ ಅಮೃತಮಾನ-ಶಾನಾಸ್ತೃತೀಯೇ ಧಾಮಾನ್ಯ-ಭ್ಯೈರಯನ್ತ ।
ಪರಿ ದ್ಯಾವಾಪೃಥಿವೀ ಯನ್ತಿ ಸದ್ಯಃ ಪರಿ ಲೋಕಾ-ನ್ಪರಿ ದಿಶಃ ಪರಿ ಸುವಃ ।
ಋತಸ್ಯ ತನ್ತುಂ-ವಿಁತತಂ-ವಿಁಚೃತ್ಯ ತದಪಶ್ಯ-ತ್ತದಭವ-ತ್ಪ್ರಜಾಸು ।
ಪರೀತ್ಯ ಲೋಕಾ-ನ್ಪರೀತ್ಯ ಭೂತಾನಿ ಪರೀತ್ಯ ಸರ್ವಾಃ ಪ್ರದಿಶೋ ದಿಶಶ್ಚ ।
ಪ್ರಜಾಪತಿಃ ಪ್ರಥಮಜಾ ಋತಸ್ಯಾತ್ಮನಾ-ಽಽತ್ಮಾನ-ಮಭಿ-ಸಮ್ಬಭೂವ ।
ಸದಸಸ್ಪತಿ-ಮದ್ಭುತ-ಮ್ಪ್ರಿಯಮಿನ್ದ್ರಸ್ಯ ಕಾಮ್ಯಮ್ ।
ಸನಿ-ಮ್ಮೇಧಾ ಮಯಾಸಿಷಮ್ ।
ಉದ್ದೀಪ್ಯಸ್ವ ಜಾತವೇದೋ ಽಪಘ್ನನ್ನಿರ್-ಋತಿ-ಮ್ಮಮ ॥ 1.19 (ತೈ. ಅರ. 6.1.4)
ಪಶೂಗ್ಶ್ಚ ಮಹ್ಯಮಾವಹ ಜೀವನಞ್ಚ ದಿಶೋ ದಿಶ ।
ಪಶೂಗ್ಶ್ಚ ಮಹ್ಯಮಾವಹ ಜೀವನಞ್ಚ ದಿಶೋ ದಿಶ ।
ಮಾನೋ ಹಿಗ್ಂಸೀ ಜ್ಜಾತವೇದೋ ಗಾಮಶ್ವ-ಮ್ಪುರುಷ-ಞ್ಜಗತ್ ।
ಅಬಿಭ್ರದಗ್ನ ಆಗಹಿ ಶ್ರಿಯಾ ಮಾ ಪರಿಪಾತಯ ॥ 1.21 (ತೈ. ಅರ. 6.1.5)
ಗಾಯತ್ರೀ ಮನ್ತ್ರಾಃ (4.2)
ಗಾಯತ್ರೀ ಮನ್ತ್ರಾಃ (4.2)
ಪುರುಷಸ್ಯ ವಿದ್ಮ ಸಹಸ್ರಾಕ್ಷಸ್ಯ ಮಹಾದೇವಸ್ಯ ಧೀಮಹಿ । ತನ್ನೋ ರುದ್ರಃ ಪ್ರಚೋದಯಾತ್ ॥
ತತ್ಪುರುಷಾಯ ವಿದ್ಮಹೇ ಮಹಾದೇವಾಯ ಧೀಮಹಿ । ತನ್ನೋ ರುದ್ರಃ ಪ್ರಚೋದಯಾತ್ ॥
ತತ್ಪುರುಷಾಯ ವಿದ್ಮಹೇ ವಕ್ರತುಣ್ಡಾಯ ಧೀಮಹಿ । ತನ್ನೋ ದನ್ತಿಃ ಪ್ರಚೋದಯಾತ್ ॥
ತತ್ಪುರುಷಾಯ ವಿದ್ಮಹೇ ಚಕ್ರತುಣ್ಡಾಯ ಧೀಮಹಿ । ತನ್ನೋ ನನ್ದಿಃ ಪ್ರಚೋದಯಾತ್ ॥
ತತ್ಪುರುಷಾಯ ವಿದ್ಮಹೇ ಮಹಾಸೇನಾಯ ಧೀಮಹಿ । ತನ್ನಃ ಷಣ್ಮುಖಃ ಪ್ರಚೋದಯಾತ್ ॥
ತತ್ಪುರುಷಾಯ ವಿದ್ಮಹೇ ಸುವರ್ಣಪಕ್ಷಾಯ ಧೀಮಹಿ । ತನ್ನೋ ಗರುಡಃ ಪ್ರಚೋದಯಾತ್ ॥
ವೇದಾತ್ಮನಾಯ ವಿದ್ಮಹೇ ಹಿರಣ್ಯಗರ್ಭಾಯ ಧೀಮಹಿ । ತನ್ನೋ ಬ್ರಹ್ಮ ಪ್ರಚೋದಯಾತ್ ॥
ನಾರಾಯಣಾಯ ವಿದ್ಮಹೇ ವಾಸುದೇವಾಯ ಧೀಮಹಿ । ತನ್ನೋ ವಿಷ್ಣುಃ ಪ್ರಚೋದಯಾತ್ ॥
ವಜ್ರನಖಾಯ ವಿದ್ಮಹೇ ತೀಕ್ಷ್ಣ-ದಗ್ಗ್ಷ್ಟ್ರಾಯ ಧೀಮಹಿ । ತನ್ನೋ ನಾರಸಿಗ್ಂಹಃ ಪ್ರಚೋದಯಾತ್ ॥
ಭಾಸ್ಕರಾಯ ವಿದ್ಮಹೇ ಮಹದ್ದ್ಯುತಿಕರಾಯ ಧೀಮಹಿ । ತನ್ನೋ ಆದಿತ್ಯಃ ಪ್ರಚೋದಯಾತ್ ॥
ವೈಶ್ವಾನರಾಯ ವಿದ್ಮಹೇ ಲಾಲೀಲಾಯ ಧೀಮಹಿ । ತನ್ನೋ ಅಗ್ನಿಃ ಪ್ರಚೋದಯಾತ್ ॥
ಕಾತ್ಯಾಯನಾಯ ವಿದ್ಮಹೇ ಕನ್ಯಕುಮಾರಿ ಧೀಮಹಿ । ತನ್ನೋ ದುರ್ಗಿಃ ಪ್ರಚೋದಯಾತ್ ॥ 1.33 (ತೈ. ಅರ. 6.1.5-7)
ದೂರ್ವಾ ಸೂಕ್ತಂ (4.3)
ದೂರ್ವಾ ಸೂಕ್ತಂ (4.3)
ಸಹಸ್ರಪರಮಾ ದೇವೀ ಶತಮೂಲಾ ಶತಾಙ್ಕುರಾ ।
ಸರ್ವಗ್ಂ ಹರತು ಮೇ ಪಾಪ-ನ್ದೂರ್ವಾ ದುಃಸ್ವಪ್ನ ನಾಶನೀ ।
ಕಾಣ್ಡಾ-ತ್ಕಾಣ್ಡಾ-ತ್ಪ್ರರೋಹನ್ತೀ ಪರುಷಃ ಪರುಷಃ ಪರಿ ।
ಏವಾ ನೋ ದೂರ್ವೇ ಪ್ರತನು ಸಹಸ್ರೇಣ ಶತೇನ ಚ ।
ಏವಾ ನೋ ದೂರ್ವೇ ಪ್ರತನು ಸಹಸ್ರೇಣ ಶತೇನ ಚ ।
ಯಾ ಶತೇನ ಪ್ರತನೋಷಿ ಸಹಸ್ರೇಣ ವಿರೋಹಸಿ ।
ತಸ್ಯಾಸ್ತೇ ದೇವೀಷ್ಟಕೇ ವಿಧೇಮ ಹವಿಷಾ ವಯಮ್ ।
ಅಶ್ವಕ್ರಾನ್ತೇ ರಥಕ್ರಾನ್ತೇ ವಿಷ್ಣುಕ್ರಾನ್ತೇ ವಸುನ್ಧರಾ ।
ಶಿರಸಾ ಧಾರಯಿಷ್ಯಾಮಿ ರಕ್ಷಸ್ವ ಮಾ-ಮ್ಪದೇ ಪದೇ ॥ 1.37 (ತೈ. ಅರ. 6.1.8)
ಮೃತ್ತಿಕಾ ಸೂಕ್ತಮ್ (4.4)
ಮೃತ್ತಿಕಾ ಸೂಕ್ತಮ್ (4.4)
ಭೂಮಿ-ರ್ಧೇನು-ರ್ಧರಣೀ ಲೋಕಧಾರಿಣೀ ।
ಉಧೃತಾ-ಽಸಿ ವರಾಹೇಣ ಕೃಷ್ಣೇನ ಶತ ಬಾಹುನಾ ।
ಮೃತ್ತಿಕೇ ಹನ ಮೇ ಪಾಪಂ-ಯಁನ್ಮಯಾ ದುಷ್ಕೃತ-ಙ್ಕೃತಮ್ ।
ಮೃತ್ತಿಕೇ ಬ್ರಹ್ಮದತ್ತಾ-ಽಸಿ ಕಾಶ್ಯಪೇನಾಭಿಮನ್ತ್ರಿತಾ ।
ಮೃತ್ತಿಕೇ ದೇಹಿ ಮೇ ಪುಷ್ಟಿ-ನ್ತ್ವಯಿ ಸರ್ವ-ಮ್ಪ್ರತಿಷ್ಠಿತಮ್ ॥ 1.39
ಮೃತ್ತಿಕೇ ಪ್ರತಿಷ್ಠಿತೇ ಸರ್ವ-ನ್ತನ್ಮೇ ನಿರ್ಣುದ ಮೃತ್ತಿಕೇ ।
ಮೃತ್ತಿಕೇ ಪ್ರತಿಷ್ಠಿತೇ ಸರ್ವ-ನ್ತನ್ಮೇ ನಿರ್ಣುದ ಮೃತ್ತಿಕೇ ।
ತಯಾ ಹತೇನ ಪಾಪೇನ ಗಚ್ಛಾಮಿ ಪರಮಾ-ಙ್ಗತಿಮ್ ॥ 1.40 (ತೈ. ಅರ. 6.1.9)
ಶತ್ರುಜಯ ಮನ್ತ್ರಾಃ (4.5)
ಶತ್ರುಜಯ ಮನ್ತ್ರಾಃ (4.5)
ಯತ ಇನ್ದ್ರ ಭಯಾಮಹೇ ತತೋ ನೋ ಅಭಯ-ಙ್ಕೃಧಿ ।
ಮಘವನ್ ಛಗ್ಧಿ ತವ ತನ್ನ ಊತಯೇ ವಿದ್ವಿಷೋ ವಿಮೃಧೋ ಜಹಿ ।
ಸ್ವಸ್ತಿದಾ ವಿಶಸ್ಪತಿ-ರ್ವೃತ್ರಹಾ ವಿಮೃಧೋ ವಶೀ ।
ವೃಷೇನ್ದ್ರಃ ಪುರ ಏತು ನ-ಸ್ಸ್ವಸ್ತಿದಾ ಅಭಯಙ್ಕರಃ ।
ಸ್ವಸ್ತಿ ನ ಇನ್ದ್ರೋ ವೃದ್ಧಶ್ರವಾ-ಸ್ಸ್ವಸ್ತಿ ನಃ ಪೂಷಾ ವಿಶ್ವವೇದಾಃ ।
ಸ್ವಸ್ತಿ ನಸ್ತಾರ್ಕ್ಷ್ಯೋ ಅರಿಷ್ಟನೇಮಿ-ಸ್ಸ್ವಸ್ತಿ ನೋ ಬೃಹಸ್ಪತಿ-ರ್ದಧಾತು ।
ಆಪಾನ್ತ-ಮನ್ಯುಸ್ತೃಪಲಪ್ರಭರ್ಮಾ ಧುನಿ-ಶ್ಶಿಮೀವಾಂ-ಛರುಮಾಗ್ಂ ಋಜೀಷೀ ।
ಸೋಮೋ ವಿಶ್ವಾನ್ಯತಸಾ ವನಾನಿ ನಾರ್ವಾಗಿನ್ದ್ರ-ಮ್ಪ್ರತಿಮಾನಾನಿ ದೇಭುಃ ॥ 1.44
ಬ್ರಹ್ಮ ಜಜ್ಞಾನ-ಮ್ಪ್ರಥಮ-ಮ್ಪುರಸ್ತಾ-ದ್ವಿಸೀಮತ-ಸ್ಸುರುಚೋ ವೇನ ಆವಃ ।
ಬ್ರಹ್ಮ ಜಜ್ಞಾನ-ಮ್ಪ್ರಥಮ-ಮ್ಪುರಸ್ತಾ-ದ್ವಿಸೀಮತ-ಸ್ಸುರುಚೋ ವೇನ ಆವಃ ।
ಸ ಬುಧ್ನಿಯಾ ಉಪಮಾ ಅಸ್ಯ ವಿಷ್ಠಾ-ಸ್ಸತಶ್ಚ ಯೋನಿ-ಮಸತಶ್ಚ ವಿವಃ ।
ಸ್ಯೋನಾ ಪೃಥಿವಿ ಭವಾ ನೃಕ್ಷರಾ ನಿವೇಶನೀ । ಯಚ್ಛಾ ನ-ಶ್ಶರ್ಮ ಸಪ್ರಥಾಃ ।
ಗನ್ಧದ್ವಾರಾ-ನ್ದುರಾಧರ್ಷಾ-ನ್ನಿತ್ಯಪುಷ್ಟಾ-ಙ್ಕರೀಷಿಣೀಮ್ ।
ಈಶ್ವರೀಗ್ಂ ಸರ್ವಭೂತಾನಾ-ನ್ತಾಮಿಹೋಪಹ್ವಯೇ ಶ್ರಿಯಮ್ ।
ಶ್ರೀರ್ಮೇ ಭಜತು । ಅಲಕ್ಷ್ಮೀರ್ಮೇ ನಶ್ಯತು ।
ವಿಷ್ಣುಮುಖಾ ವೈ ದೇವಾ-ಶ್ಛನ್ದೋ-ಭಿರಿಮಾಂಲ್ಲೋಁಕಾ-ನನಪಜಯ್ಯ-ಮಭ್ಯಜಯನ್ನ್ ।
ಮಹಾಗ್ಂ ಇನ್ದ್ರೋ ವಜ್ರಬಾಹು-ಷ್ಷೋಡಶೀ ಶರ್ಮ ಯಚ್ಛತು ॥ 1.48 (ತೈ. ಅರ. 6.1.10)
ಸ್ವಸ್ತಿ ನೋ ಮಘವಾ ಕರೋತು ಹನ್ತು ಪಾಪ್ಮಾನಂ-ಯೋಁ-ಽಸ್ಮಾ-ನ್ದ್ವೇಷ್ಟಿ ।
ಸ್ವಸ್ತಿ ನೋ ಮಘವಾ ಕರೋತು ಹನ್ತು ಪಾಪ್ಮಾನಂ-ಯೋಁ-ಽಸ್ಮಾ-ನ್ದ್ವೇಷ್ಟಿ ।
ಸೋಮಾನಗ್ಗ್ ಸ್ವರಣ-ಙ್ಕೃಣುಹಿ ಬ್ರಹ್ಮಣಸ್ಪತೇ ।
ಕಕ್ಷೀವನ್ತಂ-ಯಁ ಔಶಿಜಮ್ ।
ಶರೀರಂ-ಯಁಜ್ಞಶಮಲ-ಙ್ಕುಸೀದ-ನ್ತಸ್ಮಿ-ನ್ಥ್ಸೀದತು ಯೋ-ಽಸ್ಮಾ-ನ್ದ್ವೇಷ್ಟಿ ।
ಚರಣ-ಮ್ಪವಿತ್ರಂ-ವಿಁತತ-ಮ್ಪುರಾಣಂ-ಯೇಁನ ಪೂತ-ಸ್ತರತಿ ದುಷ್ಕೃತಾನಿ ।
ತೇನ ಪವಿತ್ರೇಣ ಶುದ್ಧೇನ ಪೂತಾ ಅತಿ ಪಾಪ್ಮಾನ-ಮರಾತಿ-ನ್ತರೇಮ ।
ಸಜೋಷಾ ಇನ್ದ್ರ ಸಗಣೋ ಮರುದ್ಭಿ-ಸ್ಸೋಮ-ಮ್ಪಿಬ ವೃತ್ರಹಞ್ಛೂರ ವಿದ್ವಾನ್ ।
ಜಹಿ ಶತ್ರೂಗ್ಂ ರಪ ಮೃಧೋ ನುದಸ್ವಾಥಾಭಯ-ಙ್ಕೃಣುಹಿ ವಿಶ್ವತೋ ನಃ ।
ಸುಮಿತ್ರಾ ನ ಆಪ ಓಷಧಯ-ಸ್ಸನ್ತು ದುರ್ಮಿತ್ರಾಸ್ತಸ್ಮೈ ಭೂಯಾಸು-ರ್ಯಾ-ಽಸ್ಮಾ-ನ್ದ್ವೇಷ್ಟಿ ಯಞ್ಚ ವಯ-ನ್ದ್ವಿಷ್ಮಃ । 1.53 (ತೈ. ಅರ. 6.1.11)
ಆಪೋ ಹಿಷ್ಠಾ ಮಯೋ ಭುವಸ್ತಾ ನ ಊರ್ಜೇ ದಧಾತನ ।
ಆಪೋ ಹಿಷ್ಠಾ ಮಯೋ ಭುವಸ್ತಾ ನ ಊರ್ಜೇ ದಧಾತನ ।
ಮಹೇರಣಾಯ ಚಕ್ಷಸೇ ।
ಯೋ ವಃ ಶಿವತಮೋ ರಸ-ಸ್ತಸ್ಯ ಭಾಜಯತೇ ಹ ನಃ ।
ಉಶತೀ-ರಿವ ಮಾತರಃ ।
ತಸ್ಮಾ ಅರಙ್ಗಮಾಮವೋ ಯಸ್ಯ ಕ್ಷಯಾಯ ಜಿನ್ವಥ ।
ಆಪೋ ಜನಯಥಾ ಚ ನಃ ॥ 1.54 (ತೈ. ಅರ. 6.1.12)
ಅಘಮರ್ಷಣ ಸೂಕ್ತಮ್ (4.6)
ಅಘಮರ್ಷಣ ಸೂಕ್ತಮ್ (4.6)
ಹಿರಣ್ಯಶೃಙ್ಗಂ-ವಁರುಣ-ಮ್ಪ್ರಪದ್ಯೇ ತೀರ್ಥ-ಮ್ಮೇ ದೇಹಿ ಯಾಚಿತಃ ।
ಯನ್ಮಯಾ ಭುಕ್ತ-ಮಸಾಧೂನಾ-ಮ್ಪಾಪೇಭ್ಯಶ್ಚ ಪ್ರತಿಗ್ರಹಃ ।
ಯನ್ಮೇ ಮನಸಾ ವಾಚಾ ಕರ್ಮಣಾ ವಾ ದುಷ್ಕೃತ-ಙ್ಕೃತಮ್ ।
ತನ್ನ ಇನ್ದ್ರೋ ವರುಣೋ ಬೃಹಸ್ಪತಿಃ ಸವಿತಾ ಚ ಪುನನ್ತು ಪುನಃ ಪುನಃ ।
ನಮೋ-ಽಗ್ನಯೇ-ಽಫ್ಸುಮತೇ ನಮ ಇನ್ದ್ರಾಯ ನಮೋ ವರುಣಾಯ ನಮೋ ವಾರುಣ್ಯೈ ನಮೋ-ಽದ್ಭ್ಯಃ ॥ 1.57
ಯದಪಾ-ಙ್ಕ್ರೂರಂ-ಯಁದಮೇದ್ಧ್ಯಂ-ಯಁದಶಾನ್ತ-ನ್ತದಪಗಚ್ಛತಾತ್ ।
ಯದಪಾ-ಙ್ಕ್ರೂರಂ-ಯಁದಮೇದ್ಧ್ಯಂ-ಯಁದಶಾನ್ತ-ನ್ತದಪಗಚ್ಛತಾತ್ ।
ಅತ್ಯಾಶನಾ-ದತೀಪಾನಾ-ದ್ಯಚ್ಚ ಉಗ್ರಾ-ತ್ಪ್ರತಿಗ್ರಹಾತ್ ।
ತನ್ನೋ ವರುಣೋ ರಾಜಾ ಪಾಣಿನಾ ಹ್ಯವಮರ್ಶತು ।
ಸೋ-ಽಹಮಪಾಪೋ ವಿರಜೋ ನಿರ್ಮುಕ್ತೋ ಮುಕ್ತಕಿಲ್ಬಿಷಃ ।
ನಾಕಸ್ಯ ಪೃಷ್ಠಮಾರುಹ್ಯ ಗಚ್ಛೇ-ದ್ಬ್ರಹ್ಮಸಲೋಕತಾಮ್ ।
ಯಶ್ಚಾಫ್ಸು ವರುಣ-ಸ್ಸ ಪುನಾತ್ವಘಮರ್ಷಣಃ ।
ಇಮ-ಮ್ಮೇ ಗಙ್ಗೇ ಯಮುನೇ ಸರಸ್ವತಿ ಶುತುದ್ರಿ ಸ್ತೋಮಗ್ಂ ಸಚತಾ ಪರುಷ್ಣಿಯಾ ।
ಅಸಿಕ್ನಿಯಾ ಮರುದ್ವೃಧೇ ವಿತಸ್ತಯಾ-ಽಽರ್ಜೀಕೀಯೇ ಶೃಣುಹ್ಯಾ ಸುಷೋಮಯಾ ।
ಋತಞ್ಚ ಸತ್ಯಞ್ಚಾ-ಭೀದ್ಧಾ ತ್ತಪಸೋ-ಽದ್ಧ್ಯಜಾಯತ ।
ತತೋ ರಾತ್ರಿ-ರಜಾಯತ ತತಃ ಸಮುದ್ರೋ ಅರ್ಣವಃ ॥ 1.63 (ತೈ. ಅರ. 6.1.13)
ಸಮುದ್ರಾ-ದರ್ಣವಾ-ದಧಿ ಸಂವಁಥ್ಸರೋ ಅಜಾಯತ ।
ಸಮುದ್ರಾ-ದರ್ಣವಾ-ದಧಿ ಸಂವಁಥ್ಸರೋ ಅಜಾಯತ ।
ಅಹೋರಾತ್ರಾಣಿ ವಿದಧ-ದ್(ಮಿದಧದ್) ವಿಶ್ವಸ್ಯ ಮಿಷತೋ ವಶೀ ।
ಊರ್ಯಾಚನ್ದ್ರಮಸೌ ಧಾತಾ ಯಥಾ ಪೂರ್ವ ಮಕಲ್ಪಯತ್ ।
ದಿವಞ್ಚ ಪೃಥಿವೀ-ಞ್ಚಾನ್ತರಿಕ್ಷ ಮಥೋ ಸುವಃ ।
ಯ-ತ್ಪೃಥಿವ್ಯಾಗ್ಂ ರಜಸ್ಸ್ವ ಮಾನ್ತರಿಕ್ಷೇ ವಿರೋದಸೀ ।
ಇಮಾಗ್ ಸ್ತದಾಪೋ ವರುಣಃ ಪುನಾತ್ವಘಮರ್ಷಣಃ ।
ಪುನನ್ತು ವಸವಃ ಪುನಾತು ವರುಣಃ ಪುನಾತ್ವಘಮರ್ಷಣಃ ।
ಏಷ ಭೂತಸ್ಯ ಮದ್ಧ್ಯೇ ಭುವನಸ್ಯ ಗೋಪ್ತಾ ।
ಏಷ ಪುಣ್ಯಕೃತಾಂ-ಲೋಁಕಾನೇಷ ಮೃತ್ಯೋರ್-ಹಿರಣ್ಮಯಮ್ ।
ದ್ಯಾವಾಪೃಥಿವ್ಯೋರ್-ಹಿರಣ್ಮಯಗ್ಂ ಸಗ್ಗ್ಶ್ರಿತಗ್ಂ ಸುವಃ । 1.66 (ತೈ. ಅರ. 6.1.14)
ಸ ನ-ಸ್ಸುವ-ಸ್ಸಗ್ಂ ಶಿಶಾಧಿ ।
ಸ ನ-ಸ್ಸುವ-ಸ್ಸಗ್ಂ ಶಿಶಾಧಿ ।
ಆರ್ದ್ರ-ಞ್ಜ್ವಲತಿ ಜ್ಯೋತಿ-ರಹಮಸ್ಮಿ ।
ಜ್ಯೋತಿ-ರ್ಜ್ವಲತಿ ಬ್ರಹ್ಮಾಹಮಸ್ಮಿ ।
ಯೋ-ಽಹಮಸ್ಮಿ ಬ್ರಹ್ಮಾಹಮಸ್ಮಿ ।
ಅಹಮಸ್ಮಿ ಬ್ರಹ್ಮಾಹಮಸ್ಮಿ ।
ಅಹಮೇವಾಹ-ಮ್ಮಾ-ಞ್ಜುಹೋಮಿ ಸ್ವಾಹಾ ।
ಅಕಾರ್ಯ-ಕಾರ್ಯವ ಕೀರ್ಣೀ ಸ್ತೇನೋ ಭ್ರೂಣಹಾ ಗುರುತಲ್ಪಗಃ ।
ವರುಣೋ-ಽಪಾಮಘಮರ್ಷಣ-ಸ್ತಸ್ಮಾ-ತ್ಪಾಪಾ-ತ್ಪ್ರಮುಚ್ಯತೇ ।
ರಜೋಭೂಮಿಸ್ತ್ವಮಾಗ್ಂ ರೋದಯಸ್ವ ಪ್ರವದನ್ತಿ ಧೀರಾಃ ।
ಆಕ್ರಾನ್-ಥ್ಸಮುದ್ರಃ ಪ್ರಥಮೇ ವಿಧರ್ಮ-ಞ್ಜನಯ-ನ್ಪ್ರಜಾ ಭುವನಸ್ಯ ರಾಜಾ ।
ವೃಷಾ ಪವಿತ್ರೇ ಅಧಿಸಾನೋ ಅವ್ಯೇ ಬೃಹ-ಥ್ಸೋಮೋ ವಾವೃಧೇ ಸುವಾನ ಇನ್ದುಃ ॥ 1.70
(ಪುರಸ್ತಾ--ದ್ಯಶೋ - ಗುಹಾಸು - ಮಮ - ಚಕ್ರತುಣ್ಡಾಯ ಧೀಮಹಿ - ತೀಕ್ಷದಗ್ಗ್ಷ್ಠ್ರಾಯ ಧೀಮಹಿ - ಪರಿ - ಪ್ರತಿಷ್ಠಿತಂ - ದೇಭು--ರ್ ಯಚ್ಛತು - ದಧಾತನಾ- ದ್ಭ್ಯೋ - ಽರ್ಣವಃ - ಸುವೋ - ರಾಜೈಕ-ಞ್ಚ) (ಆ1)
ದುರ್ಗಾ ಸೂಕ್ತಮ್ (4.7)
(ಪುರಸ್ತಾ--ದ್ಯಶೋ - ಗುಹಾಸು - ಮಮ - ಚಕ್ರತುಣ್ಡಾಯ ಧೀಮಹಿ - ತೀಕ್ಷದಗ್ಗ್ಷ್ಠ್ರಾಯ ಧೀಮಹಿ - ಪರಿ - ಪ್ರತಿಷ್ಠಿತಂ - ದೇಭು--ರ್ ಯಚ್ಛತು - ದಧಾತನಾ- ದ್ಭ್ಯೋ - ಽರ್ಣವಃ - ಸುವೋ - ರಾಜೈಕ-ಞ್ಚ) (ಆ1)
ದುರ್ಗಾ ಸೂಕ್ತಮ್ (4.7)
ಜಾತವೇದಸೇ ಸುನವಾಮ ಸೋಮ-ಮರಾತೀಯತೋ ನಿದಹಾತಿ ವೇದಃ ।
ಸ ನಃ ಪರ್ಷದತಿ ದುರ್ಗಾಣಿ ವಿಶ್ವಾ ನಾವೇವ ಸಿನ್ಧು-ನ್ದುರಿತಾ-ಽತ್ಯಗ್ನಿಃ ।
ತಾಮಗ್ನಿವರ್ಣಾ-ನ್ತಪಸಾ ಜ್ವಲನ್ತೀಂ-ವೈಁರೋಚನೀ-ಙ್ಕರ್ಮಫಲೇಷು ಜುಷ್ಟಾಮ್ ।
ದುರ್ಗಾ-ನ್ದೇವೀಗ್ಂ ಶರಣಮಹ-ಮ್ಪ್ರಪದ್ಯೇ ಸುತರಸಿ ತರಸೇ ನಮಃ ।
ಅಗ್ನೇ ತ್ವ-ಮ್ಪಾರಯಾ ನವ್ಯೋ ಅಸ್ಮಾನ್-ಥ್ಸ್ವಸ್ತಿ-ಭಿರತಿ ದುರ್ಗಾಣಿ ವಿಶ್ವಾ ।
ಪೂಶ್ಚ ಪೃಥ್ವೀ ಬಹುಲಾ ನ ಉರ್ವೀ ಭವಾ ತೋಕಾಯ ತನಯಾಯ ಶಂಯೋಁಃ ।
ವಿಶ್ವಾನಿ ನೋ ದುರ್ಗಹಾ ಜಾತವೇದ-ಸ್ಸಿನ್ಧು-ನ್ನ ನಾವಾ ದುರಿತಾ-ಽತಿಪರ್ಷಿ ।
ಅಗ್ನೇ ಅತ್ರಿವ-ನ್ಮನಸಾ ಗೃಣಾನೋ-ಽಸ್ಮಾಕ-ಮ್ಬೋದ್ಧ್ಯವಿತಾ ತನೂನಾಮ್ ।
ಪೃತನಾಜಿತಗ್ಂ ಸಹಮಾನ-ಮುಗ್ರಮಗ್ನಿಗ್ಂ ಹುವೇಮ ಪರಮಾ-ಥ್ಸಧಸ್ಥಾತ್ ।
ಸ ನಃ ಪರ್ಷದತಿ ದುರ್ಗಾಣಿ ವಿಶ್ವಾ ಕ್ಷಾಮದ್ದೇವೋ ಅತಿ ದುರಿತಾ-ಽತ್ಯಗ್ನಿಃ ।
ಪ್ರತ್ನೋಷಿ-ಕಮೀಡ್ಯೋ ಅದ್ಧ್ವರೇಷು ಸನಾಚ್ಚ ಹೋತಾ ನವ್ಯಶ್ಚ ಸಥ್ಸಿ ।
ಸ್ವಾಞ್ಚಾಗ್ನೇ ತನುವ-ಮ್ಪಿಪ್ರಯಸ್ವಾಸ್ಮಭ್ಯಞ್ಚ ಸೌಭಗಮಾಯಜಸ್ವ ।
ಗೋಭಿ-ರ್ಜುಷ್ಟಮಯುಜೋ ನಿಷಿಕ್ತ-ನ್ತವೇನ್ದ್ರ ವಿಷ್ಣೋ-ರನುಸಞ್ಚರೇಮ ।
ನಾಕಸ್ಯ ಪೃಷ್ಠಮಭಿ ಸಂವಁಸಾನೋ ವೈಷ್ಣವೀಂ-ಲೋಁಕ ಇಹ ಮಾದಯನ್ತಾಮ್ ॥ 2.7 (ದುರಿತಾ-ಽತ್ಯಗ್ನಿಶ್ಚತ್ವಾರಿ ಚ) (ತೈ. ಅರ. 6.2.1)
[ ಓ-ಙ್ಕಾತ್ಯಾಯನಾಯ ವಿದ್ಮಹೇ ಕನ್ಯಕುಮಾರಿ ಧೀಮಹಿ । ತನ್ನೋ ದುರ್ಗಿಃ ಪ್ರಚೋದಯಾತ್ ॥ ]
ವ್ಯಾಹೃತಿ ಹೋಮ ಮನ್ತ್ರಾಃ (4.8)
ವ್ಯಾಹೃತಿ ಹೋಮ ಮನ್ತ್ರಾಃ (4.8)
ಭೂ-ರನ್ನ-ಮಗ್ನಯೇ ಪೃಥಿವ್ಯೈ ಸ್ವಾಹಾ, ಭುವೋ-ಽನ್ನಂ-ವಾಁಯವೇ-ಽನ್ತರಿಕ್ಷಾಯ ಸ್ವಾಹಾ, ಸುವರನ್ನ-ಮಾದಿತ್ಯಾಯ ದಿವೇ ಸ್ವಾಹಾ, ಭೂರ್ಭುವಸ್ಸುವ-ರನ್ನ-ಞ್ಚನ್ದ್ರಮಸೇ ದಿಗ್ಭ್ಯ-ಸ್ಸ್ವಾಹಾ, ನಮೋ ದೇವೇಭ್ಯಃ ಸ್ವಧಾ ಪಿತೃಭ್ಯೋ ಭೂರ್ಭುವಸ್ಸುವ-ರನ್ನಮೋಮ್ ॥ 3.1 (ತೈ. ಅರ. 6.3.1)
ಭೂ-ರಗ್ನಯೇ ಪೃಥಿವ್ಯೈ ಸ್ವಾಹಾ, ಭುವೋ ವಾಯವೇ-ಽನ್ತರಿಕ್ಷಾಯ ಸ್ವಾಹಾ ,
ಭೂ-ರಗ್ನಯೇ ಪೃಥಿವ್ಯೈ ಸ್ವಾಹಾ, ಭುವೋ ವಾಯವೇ-ಽನ್ತರಿಕ್ಷಾಯ ಸ್ವಾಹಾ ,
ಸುವರಾದಿತ್ಯಾಯ ದಿವೇ ಸ್ವಾಹಾ, ಭೂ-ರ್ಭುವಸ್ಸುವ-ಶ್ಚನ್ದ್ರಮಸೇ ದಿಗ್ಭ್ಯ-ಸ್ಸ್ವಾಹಾ,
ನಮೋ ದೇವೇಭ್ಯಃ ಸ್ವಧಾ ಪಿತೃಭ್ಯೋ ಭೂರ್ಭುವಸ್ಸುವ-ರಗ್ನ ಓಮ್ ॥ 4.1
ಭೂ-ರಗ್ನಯೇ ಚ ಪೃಥಿವ್ಯೈ ಚ ಮಹತೇ ಚ ಸ್ವಾಹಾ,
ಭೂ-ರಗ್ನಯೇ ಚ ಪೃಥಿವ್ಯೈ ಚ ಮಹತೇ ಚ ಸ್ವಾಹಾ,
ಭುವೋ ವಾಯವೇ ಚಾನ್ತರಿಕ್ಷಾಯ ಚ ಮಹತೇ ಚ ಸ್ವಾಹಾ,
ಸುವರಾದಿತ್ಯಾಯ ಚ ದಿವೇ ಚ ಮಹತೇ ಚ ಸ್ವಾಹಾ,
ಭೂ-ರ್ಭುವಸ್ಸುವ-ಶ್ಚನ್ದ್ರಮಸೇ ಚ ನಕ್ಷತ್ರೇಭ್ಯಶ್ಚ ದಿಗ್ಭ್ಯಶ್ಚ ಮಹತೇ ಚ ಸ್ವಾಹಾ,
ನಮೋ ದೇವೇಭ್ಯಃ ಸ್ವಧಾ ಪಿತೃಭ್ಯೋ ಭೂರ್ಭುವಸ್ಸುವ-ರ್ಮಹರೋಮ್ ॥ 5.1 (ತೈ. ಅರ. 6.4.1)
ಜ್ಞಾನಪ್ರಾಪ್ತ್ಯರ್ಥಾ ಹೋಮಮನ್ತ್ರಾಃ (4.9)
ಜ್ಞಾನಪ್ರಾಪ್ತ್ಯರ್ಥಾ ಹೋಮಮನ್ತ್ರಾಃ (4.9)
ಪಾಹಿ ನೋ ಅಗ್ನ ಏನಸೇ ಸ್ವಾಹಾ ।
ಪಾಹಿ ನೋ ವಿಶ್ವವೇದಸೇ ಸ್ವಾಹಾ ।
ಯಜ್ಞ-ಮ್ಪಾಹಿ ವಿಭಾವಸೋ ಸ್ವಾಹಾ ।
ಸರ್ವ-ಮ್ಪಾಹಿ ಶತಕ್ರತೋ ಸ್ವಾಹಾ ॥ 6.1 (ತೈ. ಅರ. 6.7.1)
ಪಾಹಿ ನೋ ಅಗ್ನ ಏಕಯಾ ।
ಪಾಹಿ ನೋ ಅಗ್ನ ಏಕಯಾ ।
ಪಾಹ್ಯುತ ದ್ವಿತೀಯಯಾ ।
ಪಾಹ್ಯೂರ್ಜ-ನ್ತೃತೀಯಯಾ ।
ಪಾಹಿ ಗೀರ್ಭಿ-ಶ್ಚತಸೃಭಿ-ರ್ವಸೋ ಸ್ವಾಹಾ ॥ 7.1 (ತೈ. ಅರ. 6.6.1)
ವೇದಾವಿಸ್ಮರಣಾಯ ಜಪಮನ್ತ್ರಾಃ (4.10)
ವೇದಾವಿಸ್ಮರಣಾಯ ಜಪಮನ್ತ್ರಾಃ (4.10)
ಯ-ಶ್ಛನ್ದಸಾ-ಮೃಷಭೋ ವಿಶ್ವರೂಪ-ಶ್ಛನ್ದೋಭ್ಯ-ಶ್ಛನ್ದಾಗ್ಸ್ಯಾ ವಿವೇಶ ।
ಸಚಾಗ್ಂ ಶಿಕ್ಯಃ ಪುರೋ ವಾಚೋಪನಿಷ-ದಿನ್ದ್ರೋ ಜ್ಯೇಷ್ಠ ಇನ್ದ್ರಿಯಾಯ ಋಷಿಭ್ಯೋ ನಮೋ ದೇವೇಭ್ಯಃ ಸ್ವಧಾ ಪಿತೃಭ್ಯೋ ಭೂರ್ಭುವಸ್ಸುವ-ಶ್ಛನ್ದ ಓಮ್ ॥ 8.1 (ತೈ. ಅರ. 6.8.1)
ನಮೋ ಬ್ರಹ್ಮಣೇ ಧಾರಣ-ಮ್ಮೇ ಅಸ್ತ್ವ-ನಿರಾಕರಣಂ-ಧಾರಯಿತಾ ಭೂಯಾಸ-ಙ್ಕರ್ಣಯೋ-ಶ್ಶ್ರುತ-ಮ್ಮಾಚ್ಯೋಢ್ವ-ಮ್ಮಮಾಮುಷ್ಯ ಓಮ್ ॥ 9.1 (ತೈ. ಅರ. 6.9.1)
ತಪಃ ಪ್ರಶಂಸಾ (4.11)
ನಮೋ ಬ್ರಹ್ಮಣೇ ಧಾರಣ-ಮ್ಮೇ ಅಸ್ತ್ವ-ನಿರಾಕರಣಂ-ಧಾರಯಿತಾ ಭೂಯಾಸ-ಙ್ಕರ್ಣಯೋ-ಶ್ಶ್ರುತ-ಮ್ಮಾಚ್ಯೋಢ್ವ-ಮ್ಮಮಾಮುಷ್ಯ ಓಮ್ ॥ 9.1 (ತೈ. ಅರ. 6.9.1)
ತಪಃ ಪ್ರಶಂಸಾ (4.11)
ಋತ-ನ್ತಪಃ ಸತ್ಯ-ನ್ತಪಃ ಶ್ರುತ-ನ್ತಪಃ ಶಾನ್ತ-ನ್ತಪೋ ದಮ ಸ್ತಪ-ಶ್ಶಮಸ್ತಪೋ ದಾನ-ನ್ತಪೋ ಯಜ್ಞ-ನ್ತಪೋ ಭೂರ್ಭುವಸ್ಸುವ-ರ್ಬ್ರಹ್ಮೈ-ತದುಪಾಸ್ಯೈ-ತತ್ತಪಃ ॥ 10.1 (ತೈ. ಅರ. 6.10.1)
ವಿಹಿತಾಚರಣ ಪ್ರಶಂಸಾ ನಿಷಿದ್ಧಾಚರಣ ನಿನ್ದಾ ಚ (4.12)
ವಿಹಿತಾಚರಣ ಪ್ರಶಂಸಾ ನಿಷಿದ್ಧಾಚರಣ ನಿನ್ದಾ ಚ (4.12)
ಯಥಾ ವೃಕ್ಷಸ್ಯ ಸಪುಂಷ್ಪಿತಸ್ಯ ದೂರಾ-ದ್ಗನ್ಧೋ ವಾತ್ಯೇವ-ಮ್ಪುಣ್ಯಸ್ಯ ಕರ್ಮಣೋ ದೂರಾ-ದ್ಗನ್ಧೋ ವಾತಿ ಯಥಾ-ಽಸಿಧಾರಾ-ಙ್ಕರ್ತೇ-ಽವಹಿತಾ-ಮವಕ್ರಾಮೇ ಯದ್ಯುವೇ ಯುವೇ ಹವಾ ವಿಹ್ವಯಿಷ್ಯಾಮಿ ಕರ್ತ-ಮ್ಪತಿಷ್ಯಾಮೀತ್ಯೇವ-ಮಮೃತಾ-ದಾತ್ಮಾನ-ಞ್ಜುಗುಫ್ಸೇತ್ ॥ 11.1 (ತೈ. ಅರ. 6.11.1)
ದಹರ ವಿದ್ಯಾ (4.13)
ದಹರ ವಿದ್ಯಾ (4.13)
ಅಣೋ-ರಣೀಯಾ-ನ್ಮಹತೋ ಮಹೀಯಾ-ನಾತ್ಮಾ ಗುಹಾಯಾ-ನ್ನಿಹಿತೋ-ಽಸ್ಯ ಜನ್ತೋಃ ।
ತಮಕ್ರತು-ಮ್ಪಶ್ಯತಿ ವೀತಶೋಕೋ ಧಾತುಃ ಪ್ರಸಾದಾ-ನ್ಮಹಿಮಾನಮೀಶಮ್ ।
ಸಪ್ತ ಪ್ರಾಣಾಃ ಪ್ರಭವನ್ತಿ ತಸ್ಮಾ-ಥ್ಸಪ್ತಾರ್ಚಿಷಃ ಸಮಿಧಃ ಸಪ್ತ ಜಿಹ್ವಾಃ ।
ಸಪ್ತ ಇಮೇ ಲೋಕಾ ಯೇಷು ಚರನ್ತಿ ಪ್ರಾಣಾ ಗುಹಾಶಯಾ-ನ್ನಿಹಿತಾ-ಸ್ಸಪ್ತ ಸಪ್ತ ।
ಅತಃ ಸಮುದ್ರಾ ಗಿರಯಶ್ಚ ಸರ್ವೇ-ಽಸ್ಮಾ-ಥ್ಸ್ಯನ್ದನ್ತೇ ಸಿನ್ಧವ-ಸ್ಸರ್ವರೂಪಾಃ ।
ಅತಶ್ಚ ವಿಶ್ವಾ ಓಷಧಯೋ ರಸಾಚ್ಚ ಯೇನೈಷ ಭೂತ-ಸ್ತಿಷ್ಠತ್ಯನ್ತರಾತ್ಮಾ ।
ಬ್ರಹ್ಮಾ ದೇವಾನಾ-ಮ್ಪದವೀಃ ಕವೀನಾ-ಮೃಷಿ-ರ್ವಿಪ್ರಾಣಾ-ಮ್ಮಹಿಷೋ ಮೃಗಾಣಾಮ್ ।
ಶ್ಯೇನೋ ಗೃಧ್ರಾಣಾಗ್ ಸ್ವಧಿತಿ-ರ್ವನಾನಾಗ್ಂ ಸೋಮಃ ಪವಿತ್ರ ಮತ್ಯೇತಿ ರೇಭನ್ನ್ ।
ಅಜಾ ಮೇಕಾಂ-ಲೋಁಹಿತ-ಶುಕ್ಲ-ಕೃಷ್ಣಾ-ಮ್ಬಹ್ವೀ-ಮ್ಪ್ರಜಾ-ಞ್ಜನಯನ್ತೀಗ್ಂ ಸರೂಪಾಮ್ ।
ಅಜೋ ಹ್ಯೇಕೋ ಜುಷಮಾಣೋ-ಽನುಶೇತೇ ಜಹಾತ್ಯೇನಾ-ಮ್ಭುಕ್ತ-ಭೋಗಾಮಜೋ-ಽನ್ಯಃ ॥ 12.5 (ತೈ. ಅರ. 6.12.1)
ಹಗ್ಂಸ-ಶ್ಶುಚಿಷ-ದ್ವಸು-ರನ್ತರಿಕ್ಷ-ಸದ್ಧೋತಾ ವೇದಿಷ-ದತಿಥಿ-ರ್ದುರೋಣಸತ್ ।
ಹಗ್ಂಸ-ಶ್ಶುಚಿಷ-ದ್ವಸು-ರನ್ತರಿಕ್ಷ-ಸದ್ಧೋತಾ ವೇದಿಷ-ದತಿಥಿ-ರ್ದುರೋಣಸತ್ ।
ನೃಷ-ದ್ವರಸ-ದೃತಸ-ದ್ವ್ಯೋಮಸ-ದಬ್ಜಾ ಗೋಜಾ ಋತಜಾ ಅದ್ರಿಜಾ ಋತ-ಮ್ಬೃಹತ್ ।
ಘೃತ-ಮ್ಮಿಮಿಕ್ಷಿರೇ ಘೃತಮಸ್ಯ ಯೋನಿ-ರ್ಘೃತೇ ಶ್ರಿತೋ ಘೃತಮುವಸ್ಯ ಧಾಮ ।
ಅನುಷ್ವಧಮಾವಹ ಮಾದಯಸ್ವ ಸ್ವಾಹಾ ಕೃತಂ-ವೃಁಷಭ ವಕ್ಷಿ ಹವ್ಯಮ್ ।
ಸಮುದ್ರಾ ದೂರ್ಮಿ-ರ್ಮಧುಮಾಗ್ಂ ಉದಾರ-ದುಪಾಗ್ಂಶುನಾ ಸಮಮೃತತ್ವ ಮಾನಟ್ ।
ಘೃತಸ್ಯ ನಾಮ ಗುಹ್ಯಂ-ಯಁದಸ್ತಿ ಜಿಹ್ವಾ ದೇವಾನಾ-ಮಮೃತಸ್ಯ ನಾಭಿಃ ।
ವಯ-ನ್ನಾಮ ಪ್ರಬ್ರವಾಮಾ ಘೃತೇನಾಸ್ಮಿನ್. ಯಜ್ಞೇ ಧಾರಯಾಮಾ ನಮೋಭಿಃ ।
ಉಪ ಬ್ರಹ್ಮಾ ಶೃಣವಚ್ಛಸ್ಯಮಾನ-ಞ್ಚತುಃ ಶೃಙ್ಗೋ ಽವಮೀ-ದ್ಗೌರ ಏತತ್ ।
ಚತ್ವಾರಿ ಶೃಙ್ಗಾ ತ್ರಯೋ ಅಸ್ಯ ಪಾದಾ ದ್ವೇ ಶೀರ.ಷೇ ಸಪ್ತ ಹಸ್ತಾಸೋ ಅಸ್ಯ ।
ತ್ರಿಧಾ ಬದ್ಧೋ ವೃಷಭೋ ರೋರವೀತಿ ಮಹೋ ದೇವೋ ಮರ್ತ್ಯಾಗ್ಂ ಆವಿವೇಶ ॥ 12.10 (ತೈ. ಅರ. 6.12.2)
ತ್ರಿಧಾ ಹಿತ-ಮ್ಪಣಿಭಿ-ರ್ಗುಹ್ಯಮಾನ-ಙ್ಗವಿ-ದೇವಾಸೋ ಘೃತಮನ್ವವಿನ್ದನ್ನ್ ।
ತ್ರಿಧಾ ಹಿತ-ಮ್ಪಣಿಭಿ-ರ್ಗುಹ್ಯಮಾನ-ಙ್ಗವಿ-ದೇವಾಸೋ ಘೃತಮನ್ವವಿನ್ದನ್ನ್ ।
ಇನ್ದ್ರ ಏಕಗ್ಂ ಸೂರ್ಯ ಏಕ-ಞ್ಜಜಾನ ವೇನಾ ದೇಕಗ್ಗ್ ಸ್ವಧಯಾ ನಿಷ್ಟತಕ್ಷುಃ ।
ಯೋ ದೇವಾನಾ-ಮ್ಪ್ರಥಮ-ಮ್ಪುರಸ್ತಾ-ದ್ವಿಶ್ವಾಧಿಯೋ ರುದ್ರೋ ಮಹರ್ಷಿಃ ।
ಹಿರಣ್ಯಗರ್ಭ-ಮ್ಪಶ್ಯತ ಜಾಯಮಾನಗ್ಂ ಸನೋ ದೇವ-ಶ್ಶುಭಯಾ ಸ್ಮೃತ್ಯಾ ಸಂಯುಁನಕ್ತು ।
ಯಸ್ಮಾತ್ಪರ-ನ್ನಾಪರ ಮಸ್ತಿ ಕಿಞ್ಚಿದ್ಯಸ್ಮಾ-ನ್ನಾಣೀಯೋ ನ ಜ್ಯಾಯೋ-ಽಸ್ತಿ ಕಶ್ಚಿತ್ ।
ವೃಕ್ಷ ಇವ ಸ್ತಬ್ಧೋ ದಿವಿ ತಿಷ್ಠ-ತ್ಯೇಕಸ್ತೇನೇದ-ಮ್ಪೂರ್ಣ-ಮ್ಪುರುಷೇಣ ಸರ್ವಮ್ ॥ 12.13
(ಸನ್ಯಾಸ ಸೂಕ್ತಮ್)
(ಸನ್ಯಾಸ ಸೂಕ್ತಮ್)
ನ ಕರ್ಮಣಾ ನ ಪ್ರಜಯಾ ಧನೇನ ತ್ಯಾಗೇನೈಕೇ ಅಮೃತತ್ವ-ಮಾನಶುಃ ।
ಪರೇಣ ನಾಕ-ನ್ನಿಹಿತ-ಙ್ಗುಹಾಯಾಂ-ವಿಁಭ್ರಾಜದೇತ-ದ್ಯತಯೋ ವಿಶನ್ತಿ ॥
ವೇದಾನ್ತ ವಿಜ್ಞಾನ-ಸುನಿಶ್ಚಿತಾರ್ಥಾ-ಸ್ಸನ್ಯಾಸ ಯೋಗಾದ್ಯತಯ-ಶ್ಶುದ್ಧ ಸತ್ತ್ವಾಃ ।
ತೇ ಬ್ರಹ್ಮಲೋಕೇ ತು ಪರಾನ್ತಕಾಲೇ ಪರಾಮೃತಾ-ತ್ಪರಿಮುಚ್ಯನ್ತಿ ಸರ್ವೇ ।
ದಹ್ರಂ-ವಿಁಪಾಪ-ಮ್ಪರಮೇಶ್ಮ ಭೂತಂ-ಯಁ-ತ್ಪುಣ್ಡರೀಕ-ಮ್ಪುರಮದ್ಧ್ಯ ಸಗ್ಗ್ಸ್ಥಮ್ ।
ತತ್ರಾಪಿ ದಹ್ರ-ಙ್ಗಗನಂ-ವಿಁಶೋಕ-ಸ್ತಸ್ಮಿನ್. ಯದನ್ತಸ್ತ-ದುಪಾಸಿತವ್ಯಮ್ ॥
ಯೋ ವೇದಾದೌ ಸ್ವರಃ ಪ್ರೋಕ್ತೋ ವೇದಾನ್ತೇ ಚ ಪ್ರತಿಷ್ಠಿತಃ ।
ತಸ್ಯ ಪ್ರಕೃತಿ-ಲೀನಸ್ಯ ಯಃ ಪರಃ ಸ ಮಹೇಶ್ವರಃ ॥ 12.17 (ತೈ. ಅರ. 6.12.3)
(ಅಜೋ-ಽನ್ಯ - ಆವಿವೇಶ - ಸರ್ವೇ ಚತ್ವಾರಿ ಚ)
ನಾರಾಯಣ ಸೂಕ್ತಂ (4.14)
ಸಹಸ್ರಶೀರ್ಷ-ನ್ದೇವಂ-ವಿಁಶ್ವಾಕ್ಷಂ-ವಿಁಶ್ವ ಶ-ಮ್ಭುವಮ್ ।
(ಅಜೋ-ಽನ್ಯ - ಆವಿವೇಶ - ಸರ್ವೇ ಚತ್ವಾರಿ ಚ)
ನಾರಾಯಣ ಸೂಕ್ತಂ (4.14)
ಸಹಸ್ರಶೀರ್ಷ-ನ್ದೇವಂ-ವಿಁಶ್ವಾಕ್ಷಂ-ವಿಁಶ್ವ ಶ-ಮ್ಭುವಮ್ ।
ವಿಶ್ವ-ನ್ನಾರಾಯಣ-ನ್ದೇವಮಕ್ಷರ-ಮ್ಪರಮ-ಮ್ಪದಮ್ ।
ವಿಶ್ವತಃ ಪರಮಾನ್ನಿತ್ಯಂ-ವಿಁಶ್ವ-ನ್ನಾರಾಯಣಗ್ಂ ಹರಿಮ್ ।
ವಿಶ್ವಮೇವೇದ-ಮ್ಪುರುಷ-ಸ್ತ-ದ್ವಿಶ್ವಮುಪಜೀವತಿ ।
ಪತಿಂ-ವಿಁಶ್ವಸ್ಯಾತ್ಮೇಶ್ವರಗ್ಂ ಶಾಶ್ವತಗ್ಂ ಶಿವಮಚ್ಯುತಮ್ ।
ನಾರಾಯಣ-ಮ್ಮಹಾಜ್ಞೇಯಂ-ವಿಁಶ್ವಾತ್ಮಾನ-ಮ್ಪರಾಯಣಮ್ ।
ನಾರಾಯಣ ಪರೋ ಜ್ಯೋತಿರಾತ್ಮಾ ನಾರಯಣಃ ಪರಃ ।
ನಾರಾಯಣ ಪರ-ಮ್ಬ್ರಹ್ಮ ತತ್ತ್ವ-ನ್ನಾರಾಯಣಃ ಪರಃ ।
ನಾರಾಯಣ ಪರೋ ಧ್ಯಾತಾ ಧ್ಯಾನ-ನ್ನಾರಾಯಣಃ ಪರಃ ।
ಯಚ್ಚ ಕಿಞ್ಚಿಜ್-ಜಗ-ಥ್ಸರ್ವ-ನ್ದೃಶ್ಯತೇ ಶ್ರೂಯತೇ-ಽಪಿ ವಾ । 13.4 (ತೈ. ಅರ. 6.13.1)
ಅನ್ತ-ರ್ಬಹಿಶ್ಚ ತ-ಥ್ಸರ್ವಂ-ವ್ಯಾಁಪ್ಯ ನಾರಾಯಣ-ಸ್ಸ್ಥಿತಃ ।
ಅನ್ತ-ರ್ಬಹಿಶ್ಚ ತ-ಥ್ಸರ್ವಂ-ವ್ಯಾಁಪ್ಯ ನಾರಾಯಣ-ಸ್ಸ್ಥಿತಃ ।
ಅನನ್ತ ಮವ್ಯಯ-ಙ್ಕವಿಗ್ಂ ಸಮುದ್ರೇ-ಽನ್ತಂ-ವಿಁಶ್ವ ಶಭುಂವಁಮ್ ।
ಪದ್ಮಕೋಶ-ಪ್ರತೀಕಾಶಗ್ಂ ಹೃದಯ-ಞ್ಚಾಪ್ಯಧೋಮುಖಮ್ ।
ಅಧೋ ನಿಷ್ಟ್ಯಾ ವಿತಸ್ತ್ಯಾನ್ತೇ ನಾಭ್ಯಾಮುಪರಿ ತಿಷ್ಠತಿ ।
ಜ್ವಾಲಮಾಲಾ ಕುಲ-ಮ್ಭಾತೀ ವಿಶ್ವಸ್ಯಾಯತನ-ಮ್ಮಹತ್ ।
ಸನ್ತತಗ್ಂ ಶಿಲಾಭಿಸ್ತು ಲಮ್ಬತ್ಯಾ ಕೋಶಸನ್ನಿಭಮ್ ।
ತಸ್ಯಾನ್ತೇ ಸುಷಿರಗ್ಂ ಸೂಕ್ಷ್ಮ-ನ್ತಸ್ಮಿನ್-ಥ್ಸರ್ವ-ಮ್ಪ್ರತಿಷ್ಠಿತಮ್ ।
ತಸ್ಯ ಮದ್ಧ್ಯೇ ಮಹಾನಗ್ನಿ-ರ್ವಿಶ್ವಾರ್ಚಿ-ರ್ವಿಶ್ವತೋ ಮುಖಃ ।
ಸೋ-ಽಗ್ರಭುಗ್ ವಿಭಜ-ನ್ತಿಷ್ಠ-ನ್ನಾಹಾರ-ಮಜರಃ ಕವಿಃ ।
ತಿರ್ಯಗೂರ್ಧ್ವ ಮಧ-ಶ್ಶಾಯೀ ರಶ್ಮಯಸ್ತಸ್ಯ ಸನ್ತತಾ ।
ಸನ್ತಾಪಯತಿ ಸ್ವ-ನ್ದೇಹಮಾಪಾದತಲ ಮಸ್ತಕಃ ।
ತಸ್ಯ ಮದ್ಧ್ಯೇ ವಹ್ನಿಶಿಖಾ ಅಣೀಯೋರ್ಧ್ವಾ ವ್ಯವಸ್ಥಿತಃ ।
ನೀಲತೋ ಯದ ಮದ್ಧ್ಯಸ್ಥಾ-ದ್ವಿದ್ಯುಲ್ಲೇಖೇವ ಭಾಸ್ವರಾ ।
ನೀವಾರ ಶೂಕವತ್ತನ್ವೀ ಪೀತಾ ಭಾಸ್ವತ್ಯಣೂಪಮಾ ।
ತಸ್ಯಾ-ಶ್ಶಿಖಾಯಾ ಮದ್ಧ್ಯೇ ಪರಮಾತ್ಮಾ ವ್ಯವಸ್ಥಿತಃ ।
ಸ ಬ್ರಹ್ಮ ಸ ಶಿವ-ಸ್ಸ ಹರಿ-ಸ್ಸೇನ್ದ್ರ-ಸ್ಸೋ-ಽಕ್ಷರಃ ಪರಮ-ಸ್ಸ್ವರಾಟ್ ॥ 13.12 (ತೈ. ಅರ. 6.13.2)
(ಅಪಿ ವಾ - ಸನ್ತತಾ ಷಟ್ ಚ)
ಆದಿತ್ಯ ಮಣ್ಡಲೇ ಪರಬ್ರಹ್ಮೋಪಾಸನಂ (4.15)
(ಅಪಿ ವಾ - ಸನ್ತತಾ ಷಟ್ ಚ)
ಆದಿತ್ಯ ಮಣ್ಡಲೇ ಪರಬ್ರಹ್ಮೋಪಾಸನಂ (4.15)
ಆದಿತ್ಯೋ ವಾ ಏಷ ಏತ-ನ್ಮಣ್ಡಲ-ನ್ತಪತಿ ತತ್ರ ತಾ ಋಚಸ್ತದೃಚಾ ಮಣ್ಡಲಗ್ಂ ಸ ಋಚಾಂ-ಲೋಁಕೋ-ಽಥಯ ಏಷ ಏತಸ್ಮಿ-ನ್ಮಣ್ಡಲೇ-ಽರ್ಚಿ-ರ್ದೀಪ್ಯತೇ ತಾನಿ ಸಾಮಾನಿ ಸ ಸಾಮ್ನಾಂ-ಲೋಁಕೋ-ಽಥ ಯ ಏಷ ಏತಸ್ಮಿ-ನ್ಮಣ್ಡಲೇ-ಽರ್ಚಿಷಿ ಪುರುಷಸ್ತಾನಿ ಯಜೂಗ್ಂಷಿ ಸ ಯಜುಷಾ ಮಣ್ಡಲಗ್ಂ ಸ ಯಜುಷಾಂ-ಲೋಁಕ-ಸ್ಸೈಷಾ ತ್ರಯ್ಯೇವ ವಿದ್ಯಾ ತಪತಿ ಯ ಏಷೋ-ಽನ್ತ-ರಾದಿತ್ಯೇ ಹಿರಣ್ಮಯಃ ಪುರುಷಃ ॥ 14.1 (ತೈ. ಅರ. 6.14.1)
ಆದಿತ್ಯಪುರುಷಸ್ಯ ಸರ್ವಾತ್ಮಕತ್ವ ಪ್ರದರ್ಶನಂ (4.16)
ಆದಿತ್ಯಪುರುಷಸ್ಯ ಸರ್ವಾತ್ಮಕತ್ವ ಪ್ರದರ್ಶನಂ (4.16)
ಆದಿತ್ಯೋ ವೈ ತೇಜ ಓಜೋ ಬಲಂ-ಯಁಶ-ಶ್ಚಕ್ಷು-ಶ್ಶ್ರೋತ್ರಮಾತ್ಮಾ ಮನೋ ಮನ್ಯು-ರ್ಮನು-ರ್ಮೃತ್ಯು-ಸ್ಸತ್ಯೋ ಮಿತ್ರೋ ವಾಯುರಾಕಾಶಃ ಪ್ರಾಣೋ ಲೋಕಪಾಲಃ ಕಃ ಕಿ-ಙ್ಕ-ನ್ತ-ಥ್ಸತ್ಯಮನ್ನ-ಮಮೃತಾ ಜೀವೋ ವಿಶ್ವಃ ಕತಮ-ಸ್ಸ್ವಯಭು-ಮ್ಬ್ರಹ್ಮೈ ತದಮೃತ ಏಷ ಪುರುಷ ಏಷ ಭೂತಾನಾ-ಮಧಿಪತಿ-ರ್ಬ್ರಹ್ಮಣ-ಸ್ಸಾಯುಜ್ಯಗ್ಂ ಸಲೋಕತಾ-ಮಾಪ್ನೋ-ತ್ಯೇತಾಸಾಮೇವ ದೇವತಾನಾಗ್ಂ ಸಾಯುಜ್ಯಗ್ಂ ಸಾರ್ಷ್ಟಿತಾಗ್ಂ ಸಮಾನ ಲೋಕತಾ-ಮಾಪ್ನೋತಿ ಯ ಏವಂ-ವೇಁದೇತ್ಯುಪನಿಷತ್ ॥ 15.1 (ತೈ. ಅರ. 6.15.1)
ಶಿವೋಪಾಸನ ಮನ್ತ್ರಾಃ (4.17)
ಶಿವೋಪಾಸನ ಮನ್ತ್ರಾಃ (4.17)
ನಿಧನಪತಯೇ ನಮಃ । ನಿಧನಪತಾನ್ತಿಕಾಯ ನಮಃ ।
ಊರ್ಧ್ವಾಯ ನಮಃ । ಊರ್ಧ್ವಲಿಙ್ಗಾಯ ನಮಃ ।
ಹಿರಣ್ಯಾಯ ನಮಃ । ಹಿರಣ್ಯಲಿಙ್ಗಾಯ ನಮಃ ।
ಸುವರ್ಣಾಯ ನಮಃ । ಸುವರ್ಣಲಿಙ್ಗಾಯ ನಮಃ ।
ದಿವ್ಯಾಯ ನಮಃ । ದಿವ್ಯಲಿಙ್ಗಾಯ ನಮಃ । 16.1 (ತೈ. ಅರ. 6.16.1)
ಭವಾಯ ನಮಃ । ಭವಲಿಙ್ಗಾಯ ನಮಃ ।
ಭವಾಯ ನಮಃ । ಭವಲಿಙ್ಗಾಯ ನಮಃ ।
ಶರ್ವಾಯ ನಮಃ । ಶರ್ವಲಿಙ್ಗಾಯ ನಮಃ ।
ಶಿವಾಯ ನಮಃ । ಶಿವಲಿಙ್ಗಾಯ ನಮಃ ।
ಜ್ವಲಾಯ ನಮಃ । ಜ್ವಲಲಿಙ್ಗಾಯ ನಮಃ ।
ಆತ್ಮಾಯ ನಮಃ । ಆತ್ಮಲಿಙ್ಗಾಯ ನಮಃ ।
ಪರಮಾಯ ನಮಃ । ಪರಮಲಿಙ್ಗಾಯ ನಮಃ ।
ಏತಥ್ಸೋಮಸ್ಯ ಸೂರ್ಯಸ್ಯ ಸರ್ವಲಿಙ್ಗಗ್ಗ್ ಸ್ಥಾಪಯತಿ ಪಾಣಿಮನ್ತ್ರ-ಮ್ಪವಿತ್ರಮ್ ॥ 16.1 (ತೈ. ಅರ. 6.16.2)
ಪಶ್ಚಿಮವಕ್ತ್ರ ಪ್ರತಿಪಾದಕ ಮನ್ತ್ರಃ (4.18)
ಪಶ್ಚಿಮವಕ್ತ್ರ ಪ್ರತಿಪಾದಕ ಮನ್ತ್ರಃ (4.18)
ತೈ. ಅರ. 6.17.1
ಸದ್ಯೋಜಾತ-ಮ್ಪ್ರಪದ್ಯಾಮಿ ಸದ್ಯೋಜಾತಾಯ ವೈ ನಮೋ ನಮಃ ।
ಭವೇ ಭವೇ ನಾತಿಭವೇ ಭವಸ್ವ ಮಾಮ್ । ಭವೋದ್ಭವಾಯ ನಮಃ ॥ 17.1
ಉತ್ತರ ವಕ್ತ್ರ ಪ್ರತಿಪಾದಕ ಮನ್ತ್ರಃ (4.19)
ಉತ್ತರ ವಕ್ತ್ರ ಪ್ರತಿಪಾದಕ ಮನ್ತ್ರಃ (4.19)
ವಾಮದೇವಾಯ ನಮೋ ಜ್ಯೇಷ್ಠಾಯ ನಮಃ ಶ್ರೇಷ್ಠಾಯ ನಮೋ ರುದ್ರಾಯ ನಮಃ ಕಾಲಾಯ ನಮಃ ಕಲವಿಕರಣಾಯ ನಮೋ ಬಲವಿಕರಣಾಯ ನಮೋ ಬಲಾಯ ನಮೋ ಬಲಪ್ರಮಥನಾಯ ನಮ-ಸ್ಸರ್ವಭೂತದಮನಾಯ ನಮೋ ಮನೋನ್ಮನಾಯ ನಮಃ ॥ 18.1 (ತೈ. ಅರ. 6.18.1)
ದಕ್ಷಿಣ ವಕ್ತ್ರ ಪ್ರತಿಪಾದಕ ಮನ್ತ್ರಃ (4.20)
ದಕ್ಷಿಣ ವಕ್ತ್ರ ಪ್ರತಿಪಾದಕ ಮನ್ತ್ರಃ (4.20)
ಅಘೋರೇಭ್ಯೋ-ಽಥ ಘೋರೇಭ್ಯೋ ಘೋರಘೋರತರೇಭ್ಯಃ ।
ಸರ್ವೇಭ್ಯ-ಸ್ಸರ್ವ ಶರ್ವೇಭ್ಯೋ ನಮಸ್ತೇ ಅಸ್ತು ರುದ್ರರೂಪೇಭ್ಯಃ ॥ 19.1 (ತೈ. ಅರ. 6.19.1)
ಪ್ರಾಗ್ವಕ್ತ್ರ ಪ್ರತಿಪಾದಕ ಮನ್ತ್ರಃ (4.21)
ಪ್ರಾಗ್ವಕ್ತ್ರ ಪ್ರತಿಪಾದಕ ಮನ್ತ್ರಃ (4.21)
ತತ್ಪುರುಷಾಯ ವಿದ್ಮಹೇ ಮಹಾದೇವಾಯ ಧೀಮಹಿ । ತನ್ನೋ ರುದ್ರಃ ಪ್ರಚೋದಯಾತ್ ॥ 20.1 (ತೈ. ಅರ. 6.20.1)
ಊರ್ಧ್ವ ವಕ್ತ್ರ ಪ್ರತಿಪಾದಕ ಮನ್ತ್ರಃ (4.22)
ಊರ್ಧ್ವ ವಕ್ತ್ರ ಪ್ರತಿಪಾದಕ ಮನ್ತ್ರಃ (4.22)
ಈಶಾನ-ಸ್ಸರ್ವವಿದ್ಯಾನಾ- ಮೀಶ್ವರ-ಸ್ಸರ್ವಭೂತಾನಾ-ಮ್ಬ್ರಹ್ಮಾಧಿಪತಿ-ರ್ಬ್ರಹ್ಮಣೋ-ಽಧಿಪತಿ-ರ್ಬ್ರಹ್ಮಾ ಶಿವೋ ಮೇ ಅಸ್ತು ಸದಾಶಿವೋಮ್ ॥ 21.1 (ತೈ. ಅರ. 6.21.1)
ನಮಸ್ಕಾರಾರ್ಥ ಮನ್ತ್ರಾಃ (4.23)
ನಮಸ್ಕಾರಾರ್ಥ ಮನ್ತ್ರಾಃ (4.23)
ನಮೋ ಹಿರಣ್ಯಬಾಹವೇ ಹಿರಣ್ಯವರ್ಣಾಯ ಹಿರಣ್ಯರೂಪಾಯ ಹಿರಣ್ಯಪತಯೇ ಽಬಿಙ್ಕಾಪತಯ ಉಮಾಪತಯೇ ಪಶುಪತಯೇ ನಮೋ ನಮಃ ॥ 22.1 (ತೈ. ಅರ. 6.22.1)
ಋತಗ್ಂ ಸತ್ಯ-ಮ್ಪರ-ಮ್ಬ್ರಹ್ಮ ಪುರುಷ-ಙ್ಕೃಷ್ಣಪಿಙ್ಗಲಮ್ ।
ಋತಗ್ಂ ಸತ್ಯ-ಮ್ಪರ-ಮ್ಬ್ರಹ್ಮ ಪುರುಷ-ಙ್ಕೃಷ್ಣಪಿಙ್ಗಲಮ್ ।
ಊರ್ಧ್ವರೇತಂ-ವಿಁರೂಪಾಕ್ಷಂ-ವಿಁಶ್ವರೂಪಾಯ ವೈ ನಮೋ ನಮಃ ॥ 23.1 (ತೈ. ಅರ. 6.23.1)
ಸರ್ವೋ ವೈ ರುದ್ರಸ್ತಸ್ಮೈ ರುದ್ರಾಯ ನಮೋ ಅಸ್ತು ।
ಸರ್ವೋ ವೈ ರುದ್ರಸ್ತಸ್ಮೈ ರುದ್ರಾಯ ನಮೋ ಅಸ್ತು ।
ಪುರುಷೋ ವೈ ರುದ್ರ-ಸ್ಸನ್ಮಹೋ ನಮೋ ನಮಃ ।
ವಿಶ್ವ-ಮ್ಭೂತ-ಮ್ಭುವನ-ಞ್ಚಿತ್ರ-ಮ್ಬಹುಧಾ ಜಾತ-ಞ್ಜಾಯಮಾನ-ಞ್ಚ ಯತ್ ।
ಸರ್ವೋ ಹ್ಯೇಷ ರುದ್ರಸ್ತಸ್ಮೈ ರುದ್ರಾಯ ನಮೋ ಅಸ್ತು ॥ 24.1 (ತೈ. ಅರ. 6.24.1)
ಕದ್ರುದ್ರಾಯ ಪ್ರಚೇತಸೇ ಮೀಢುಷ್ಟಮಾಯ ತವ್ಯಸೇ ।
ಕದ್ರುದ್ರಾಯ ಪ್ರಚೇತಸೇ ಮೀಢುಷ್ಟಮಾಯ ತವ್ಯಸೇ ।
ವೋಚೇಮ ಶನ್ತಮಗ್ಂ ಹೃದೇ ॥
ಸರ್ವೋಹ್ಯೇಷ ರುದ್ರಸ್ತಸ್ಮೈ ರುದ್ರಾಯ ನಮೋ ಅಸ್ತು ॥ 25.1 (ತೈ. ಅರ. 6.25.1)
ಅಗ್ನಿಹೋತ್ರ ಹವಣ್ಯಾಃ ಉಪಯುಕ್ತಸ್ಯ ವೃಕ್ಷ ವಿಶೇಷ-ಸ್ಯಾಭಿಧಾನಮ್ (4.24-25)
ಅಗ್ನಿಹೋತ್ರ ಹವಣ್ಯಾಃ ಉಪಯುಕ್ತಸ್ಯ ವೃಕ್ಷ ವಿಶೇಷ-ಸ್ಯಾಭಿಧಾನಮ್ (4.24-25)
ಯಸ್ಯ ವೈ ಕಙ್ಕತ್ಯಗ್ನಿ-ಹೋತ್ರಹವಣೀ ಭವತಿ ಪ್ರತ್ಯೇವಾ-ಸ್ಯಾಹುತಯ-ಸ್ತಿಷ್ಠನ್ತ್ಯಥೋ ಪ್ರತಿಷ್ಠಿತ್ಯೈ ॥ 26.1 (ತೈ. ಅರ. 6.26.1)
ಭೂದೇವತಾಕ ಮನ್ತ್ರಃ (4.26)
ಭೂದೇವತಾಕ ಮನ್ತ್ರಃ (4.26)
ಕ್Rಣುಷ್ವ ಪಾಜ ಇತಿ ಪಞ್ಚ ।
ಅದಿತಿ-ರ್ದೇವಾ ಗನ್ಧರ್ವಾ ಮನುಷ್ಯಾಃ ಪಿತರೋ-ಽಸುರಾ-ಸ್ತೇಷಾಗ್ಂ ಸರ್ವ ಭೂತಾನಾ-ಮ್ಮಾತಾ ಮೇದಿನೀ ಮಹತಾ ಮಹೀ ಸಾವಿತ್ರೀ ಗಾಯತ್ರೀ ಜಗತ್ಯುರ್ವೀ ಪೃಥ್ವೀ ಬಹುಲಾ ವಿಶ್ವಾ ಭೂತಾ ಕತಮಾ ಕಾಯಾ ಸಾ ಸತ್ಯೇ-ತ್ಯಮೃತೇತಿ ವಸಿಷ್ಠಃ ॥ 28.1 (ತೈ. ಅರ. 6.28.1)
ಸರ್ವಾ ದೇವತಾ ಆಪಃ (4.27)
ಸರ್ವಾ ದೇವತಾ ಆಪಃ (4.27)
ಆಪೋ ವಾ ಇದಗ್ಂ ಸರ್ವಂ-ವಿಁಶ್ವಾ ಭೂತಾನ್ಯಾಪಃ ಪ್ರಾಣಾ ವಾ ಆಪಃ ಪಶವ ಆಪೋ-ಽನ್ನಮಾಪೋ -ಽಮೃತಮಾಪಃ ಸಮ್ರಾಡಾಪೋ ವಿರಾಡಾಪಃ ಸ್ವರಾಡಾಪಃ
ಛನ್ದಾಗ್ಸ್ಯಾಪೋ ಜ್ಯೋತೀಗ್ಷ್ಯಾಪೋ ಯಜೂಗ್ಷ್ಯಾಪಃ ಸತ್ಯಮಾಪ-ಸ್ಸರ್ವಾ ದೇವತಾ ಆಪೋ ಭೂರ್ಭುವಸ್ಸುವರಾಪ ಓಮ್ ॥ 29.1 (ತೈ. ಅರ. 6.29.1)
ಸನ್ಧ್ಯಾವನ್ದನ ಮನ್ತ್ರಾಃ (4.28)
ಸನ್ಧ್ಯಾವನ್ದನ ಮನ್ತ್ರಾಃ (4.28)
ಆಪಃ ಪುನನ್ತು ಪೃಥಿವೀ-ಮ್ಪೃಥಿವೀ ಪೂತಾ ಪುನಾತು ಮಾಮ್ ।
ಪುನನ್ತು ಬ್ರಹ್ಮಣಸ್ಪತಿ-ರ್ಬ್ರಹ್ಮ ಪೂತಾ ಪುನಾತು ಮಾಮ್ ।
ಯದುಚ್ಛಿಷ್ಟ-ಮಭೋಜ್ಯಂ-ಯಁದ್ವಾ ದುಶ್ಚರಿತ-ಮ್ಮಮ ।
ಸರ್ವ-ಮ್ಪುನನ್ತು ಮಾಮಾಪೋ-ಽಸತಾಞ್ಚ ಪ್ರತಿಗ್ರಹಗ್ಗ್ ಸ್ವಾಹಾ ॥ 30.2 (ತೈ. ಅರ. 6.30.1)
ಅಗ್ನಿಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯುಕೃತೇಭ್ಯಃ ।
ಅಗ್ನಿಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯುಕೃತೇಭ್ಯಃ ।
ಪಾಪೇಭ್ಯೋ ರಕ್ಷನ್ತಾಮ್ । ಯದಹ್ನಾ ಪಾಪಮಕಾರ್ಷಮ್ ।
ಮನಸಾ ವಾಚಾ ಹಸ್ತಾಭ್ಯಾಮ್ । ಪದ್ಭ್ಯಾ-ಮುದರೇಣ ಶಿಶ್ನಾ ।
ಅಹಸ್ತದವಲುಪನ್ತು । ಯತ್ಕಿಞ್ಚ ದುರಿತ-ಮ್ಮಯಿ ।
ಇದಮಹ-ಮಾಮಮೃತ ಯೋನೌ । ಸತ್ಯೇ ಜ್ಯೋತಿಷಿ ಜುಹೋಮಿ ಸ್ವಾಹಾ ॥ 31.1 (ತೈ. ಅರ. 6.31.1)
ಸೂರ್ಯಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯುಕೃತೇಭ್ಯಃ ।
ಸೂರ್ಯಶ್ಚ ಮಾ ಮನ್ಯುಶ್ಚ ಮನ್ಯುಪತಯಶ್ಚ ಮನ್ಯುಕೃತೇಭ್ಯಃ ।
ಪಾಪೇಭ್ಯೋ ರಕ್ಷನ್ತಾಮ್ । ಯದ್ರಾತ್ರಿಯಾ ಪಾಪಮಕಾರ್ಷಮ್ ।
ಮನಸಾ ವಾಚಾ ಹಸ್ತಾಭ್ಯಾಮ್ । ಪದ್ಭ್ಯಾ-ಮುದರೇಣ ಶಿಶ್ನಾ ।
ರಾತ್ರಿ-ಸ್ತದವಲುಪನ್ತು । ಯತ್ಕಿಞ್ಚ ದುರಿತ-ಮ್ಮಯಿ ।
ಇದಮಹ-ಮಾಮಮೃತ ಯೋನೌ । ಸೂರ್ಯೇ ಜ್ಯೋತಿಷಿ ಜುಹೋಮಿ ಸ್ವಾಹಾ ॥ 32.1 (ತೈ. ಅರ. 6.32.1)
ಪ್ರಣವಸ್ಯ ಋಷ್ಯಾದಿ ವಿವರಣಂ (4.29)
ಪ್ರಣವಸ್ಯ ಋಷ್ಯಾದಿ ವಿವರಣಂ (4.29)
ಓಮಿತ್ಯೇಕಾಕ್ಷರ-ಮ್ಬ್ರಹ್ಮ । ಅಗ್ನಿರ್ದೇವತಾ ಬ್ರಹ್ಮ ಇತ್ಯಾರ್ಷಮ್ ।
ಗಾಯತ್ರ-ಞ್ಛನ್ದ-ಮ್ಪರಮಾತ್ಮಂ ಸರೂಪಮ್ । ಸಾಯುಜ್ಯಂ-ವಿಁನಿಯೋಗಮ್ ॥ 33.1 (ತೈ. ಅರ. 6.33.1)
ಗಾಯತ್ರ್ಯಾವಾಹನ ಮನ್ತ್ರಾಃ (4.30)
ಗಾಯತ್ರ್ಯಾವಾಹನ ಮನ್ತ್ರಾಃ (4.30)
ಆಯಾತು ವರದಾ ದೇವೀ ಅಕ್ಷರ-ಮ್ಬ್ರಹ್ಮ ಸಮ್ಮಿತಮ್ ।
ಗಾಯತ್ರೀ-ಞ್ಛನ್ದಸಾ-ಮ್ಮಾತೇದ-ಮ್ಬ್ರಹ್ಮ ಜುಷಸ್ವ ಮೇ ।
ಯದಹ್ನಾ-ತ್ಕುರುತೇ ಪಾಪ-ನ್ತದಹ್ನಾ-ತ್ಪ್ರತಿಮುಚ್ಯತೇ ।
ಯ-ದ್ರಾತ್ರಿಯಾ-ತ್ಕುರುತೇ ಪಾಪ-ನ್ತ-ದ್ರಾತ್ರಿಯಾ-ತ್ಪ್ರತಿಮುಚ್ಯತೇ ।
ಸರ್ವ ವರ್ಣೇ ಮಹಾದೇವಿ ಸನ್ಧ್ಯಾ ವಿದ್ಯೇ ಸರಸ್ವತಿ ॥ 34.2 (ತೈ. ಅರ. 6.34.1)
ಓಜೋ-ಽಸಿ ಸಹೋ-ಽಸಿ ಬಲಮಸಿ ಭ್ರಾಜೋ-ಽಸಿ ದೇವಾನಾ-ನ್ಧಾಮನಾಮಾ-ಽಸಿ ವಿಶ್ವಮಸಿ ವಿಶ್ವಾಯು-ಸ್ಸರ್ವಮಸಿ ಸರ್ವಾಯು-ರಭಿಭೂರೋಂ-ಗಾಯತ್ರೀ-ಮಾವಾಹಯಾಮಿ ಸಾವಿತ್ರೀ-ಮಾವಾಹಯಾಮಿ ಸರಸ್ವತೀ-ಮಾವಾಹಯಾಮಿ ಛನ್ದರ್ಷೀ-ನಾವಾಹಯಾಮಿ ಶ್ರಿಯ-ಮಾವಾಹಯಾಮಿ ಗಾಯತ್ರಿಯಾ ಗಾಯತ್ರೀ ಛನ್ದೋ ವಿಶ್ವಾಮಿತ್ರ ಋಷಿ-ಸ್ಸವಿತಾ ದೇವತಾ-ಽಗ್ನಿರ್ಮುಖ-ಮ್ಬ್ರಹ್ಮಾ ಶಿರೋ ವಿಷ್ಣುರ್ಹೃದಯಗ್ಂ ರುದ್ರ-ಶ್ಶಿಖಾ ಪೃಥಿವೀಯೋನಿಃ ಪ್ರಾಣಾಪಾನ-ವ್ಯಾನೋದಾನ-ಸಮಾನಾ ಸಪ್ರಾಣಾ ಶ್ವೇತವರ್ಣಾ ಸಾಙ್ಖ್ಯಾಯನ-ಸಗೋತ್ರಾ ಗಾಯತ್ರೀ ಚತುರ್ವಿಗ್ಂಶತ್ಯಕ್ಷರಾ ತ್ರಿಪದಾ ಷಟ್ಕುಕ್ಷಿಃ ಪಞ್ಚ ಶೀರ್ಷೋಪನಯನೇ ವಿನಿಯೋಗಃ-
ಓಜೋ-ಽಸಿ ಸಹೋ-ಽಸಿ ಬಲಮಸಿ ಭ್ರಾಜೋ-ಽಸಿ ದೇವಾನಾ-ನ್ಧಾಮನಾಮಾ-ಽಸಿ ವಿಶ್ವಮಸಿ ವಿಶ್ವಾಯು-ಸ್ಸರ್ವಮಸಿ ಸರ್ವಾಯು-ರಭಿಭೂರೋಂ-ಗಾಯತ್ರೀ-ಮಾವಾಹಯಾಮಿ ಸಾವಿತ್ರೀ-ಮಾವಾಹಯಾಮಿ ಸರಸ್ವತೀ-ಮಾವಾಹಯಾಮಿ ಛನ್ದರ್ಷೀ-ನಾವಾಹಯಾಮಿ ಶ್ರಿಯ-ಮಾವಾಹಯಾಮಿ ಗಾಯತ್ರಿಯಾ ಗಾಯತ್ರೀ ಛನ್ದೋ ವಿಶ್ವಾಮಿತ್ರ ಋಷಿ-ಸ್ಸವಿತಾ ದೇವತಾ-ಽಗ್ನಿರ್ಮುಖ-ಮ್ಬ್ರಹ್ಮಾ ಶಿರೋ ವಿಷ್ಣುರ್ಹೃದಯಗ್ಂ ರುದ್ರ-ಶ್ಶಿಖಾ ಪೃಥಿವೀಯೋನಿಃ ಪ್ರಾಣಾಪಾನ-ವ್ಯಾನೋದಾನ-ಸಮಾನಾ ಸಪ್ರಾಣಾ ಶ್ವೇತವರ್ಣಾ ಸಾಙ್ಖ್ಯಾಯನ-ಸಗೋತ್ರಾ ಗಾಯತ್ರೀ ಚತುರ್ವಿಗ್ಂಶತ್ಯಕ್ಷರಾ ತ್ರಿಪದಾ ಷಟ್ಕುಕ್ಷಿಃ ಪಞ್ಚ ಶೀರ್ಷೋಪನಯನೇ ವಿನಿಯೋಗಃ-
ಓ-ಮ್ಭೂಃ । ಓ-ಮ್ಭುವಃ । ಓಗ್ಂ ಸುವಃ । ಓ-ಮ್ಮಹಃ । ಓ-ಞ್ಜನಃ । ಓ-ನ್ತಪಃ । ಓಗ್ಂ ಸತ್ಯಮ್ । ಓ-ನ್ತ-ಥ್ಸವಿತುರ್ವರೇಣ್ಯ-ಮ್ಭರ್ಗೋ ದೇವಸ್ಯ ಧೀಮಹಿ । ಧಿಯೋ ಯೋ ನಃ ಪ್ರಚೋದಯಾತ್ । ಓಮಾಪೋ ಜ್ಯೋತೀ ರಸೋ-ಽಮೃತ-ಮ್ಬ್ರಹ್ಮ ಭೂರ್ಭುವಸ್ಸುವರೋಮ್ ॥ 35.2 (ತೈ. ಅರ. 6.35.1)
ಗಾಯತ್ರೀ ಉಪಸ್ಥಾನ ಮನ್ತ್ರಾಃ (4.31)
ಗಾಯತ್ರೀ ಉಪಸ್ಥಾನ ಮನ್ತ್ರಾಃ (4.31)
ಉತ್ತಮೇ ಶಿಖರೇ ಜಾತೇ ಭೂಮ್ಯಾ-ಮ್ಪರ್ವತ ಮೂರ್ಧನಿ ।
ಬ್ರಾಹ್ಮಣೇಭ್ಯೋ-ಽಭ್ಯನುಜ್ಞಾತಾ ಗಚ್ಛ ದೇವಿ ಯಥಾಸುಖಮ್ ।
ಸ್ತುತೋ ಮಯಾ ವರದಾ ವೇದಮಾತಾ ಪ್ರಚೋದಯನ್ತೀ ಪವನೇ ದ್ವಿಜಾತಾ ।
ಆಯುಃ ಪೃಥಿವ್ಯಾಂ-ದ್ರವಿಣ-ಮ್ಬ್ರಹ್ಮವರ್ಚಸ-ಮ್ಮಹ್ಯ-ನ್ದತ್ವಾ ಪ್ರಜಾತು-ಮ್ಬ್ರಹ್ಮಲೋಕಮ್ ॥ 36.2 (ತೈ. ಅರ. 6.36.1)
ಆದಿತ್ಯದೇವತಾ ಮನ್ತ್ರಃ (4.32)
ಆದಿತ್ಯದೇವತಾ ಮನ್ತ್ರಃ (4.32)
ಘೃಣಿ-ಸ್ಸೂರ್ಯ ಆದಿತ್ಯೋ ನ ಪ್ರಭಾ-ವಾತ್ಯಕ್ಷರಮ್ ।
ಮಧುಕ್ಷರನ್ತಿ ತ-ದ್ರಸಮ್ ।
ಸತ್ಯಂ-ವೈಁ ತ-ದ್ರಸ-ಮಾಪೋ ಜ್ಯೋತೀರಸೋ-ಽಮೃತ-ಮ್ಬ್ರಹ್ಮ ಭೂರ್ಭುವಸ್ಸುವರೋಮ್ ॥ 37.1 (ತೈ. ಅರ. 6.37.1)
ತ್ರಿಸುಪರ್ಣಮನ್ತ್ರಾಃ (4.33)
ತ್ರಿಸುಪರ್ಣಮನ್ತ್ರಾಃ (4.33)
ಬ್ರಹ್ಮ ಮೇತು ಮಾಮ್ । ಮಧು ಮೇತು ಮಾಮ್ । ಬ್ರಹ್ಮ-ಮೇವ ಮಧು ಮೇತು ಮಾಮ್ ।
ಯಾಸ್ತೇ ಸೋಮ ಪ್ರಜಾವಥ್ಸೋ-ಽಭಿಸೋ ಅಹಮ್ । ದುಸ್ಷ್ವಪ್ನಹ-ನ್ದುರುಷ್ವಹ ।
ಯಾಸ್ತೇ ಸೋಮ ಪ್ರಾಣಾಗ್ಸ್ತಾ-ಞ್ಜುಹೋಮಿ । ತ್ರಿಸುಪರ್ಣ ಮಯಾಚಿತ-ಮ್ಬ್ರಾಹ್ಮಣಾಯ ದದ್ಯಾತ್ ।
ಬ್ರಹ್ಮಹತ್ಯಾಂ-ವಾಁ ಏತೇ ಘ್ನನ್ತಿ । ಯೇ ಬ್ರಾಹ್ಮಣಾ-ಸ್ತ್ರಿಸುಪರ್ಣ-ಮ್ಪಠನ್ತಿ ।
ತೇ ಸೋಮ-ಮ್ಪ್ರಾಪ್ನುವನ್ತಿ । ಆಸಹಸ್ರಾ-ತ್ಪಕ್ತಿ-ಮ್ಪುನನ್ತಿ । ಓಮ್ ॥ 38.1 (ತೈ. ಅರ. 6.38.1)
ಬ್ರಹ್ಮ ಮೇಧಯಾ । ಮಧು ಮೇಧಯಾ ।
ಬ್ರಹ್ಮ ಮೇಧಯಾ । ಮಧು ಮೇಧಯಾ ।
ಬ್ರಹ್ಮಮೇವ ಮಧು ಮೇಧಯಾ । ಅದ್ಯಾ ನೋ ದೇವ ಸವಿತಃ ಪ್ರಜಾವಥ್ಸಾವೀ-ಸ್ಸೌಭಗಮ್ ।
ಪರಾ ದುಸ್ಷ್ವಪ್ನಿಯಗ್ಂ ಸುವ । ವಿಶ್ವಾನಿ ದೇವ ಸವಿತ-ರ್ದುರಿತಾನಿ ಪರಾಸುವ ।
ಯ-ದ್ಭದ್ರ-ನ್ತನ್ಮ ಆಸುವ । ಮಧುವಾತಾ ಋತಾಯತೇ ಮಧುಕ್ಷರನ್ತಿ ಸಿನ್ಧವಃ ।
ಮಾದ್ಧ್ವೀರ್ನ-ಸ್ಸನ್ತ್ವೋಷಧೀಃ । ಮಧುನಕ್ತ ಮುತೋಷಸಿ ಮಧುಮ-ತ್ಪಾರ್ಥಿವಗ್ಂ ರಜಃ ।
ಮಧುದ್ಯೌರಸ್ತು ನಃ ಪಿತಾ । ಮಧುಮಾನ್ನೋ ವನಸ್ಪತಿ-ರ್ಮಧುಮಾಗ್ಂ ಅಸ್ತು ಸೂರ್ಯಃ ।
ಮಾದ್ಧ್ವೀ ರ್ಗಾವೋ ಭವನ್ತು ನಃ । ಯ ಇಮ-ನ್ತ್ರಿಸುಪರ್ಣ-ಮಯಾಚಿತ-ಮ್ಬ್ರಾಹ್ಮಣಾಯ ದದ್ಯಾತ್ ।
ಭ್ರೂಣಹತ್ಯಾಂ-ವಾಁ ಏತೇ ಘ್ನನ್ತಿ । ಯೇ ಬ್ರಾಹ್ಮಣಾ-ಸ್ತ್ರಿಸುಪರ್ಣ-ಮ್ಪಠನ್ತಿ ।
ತೇ ಸೋಮ-ಮ್ಪ್ರಾಪ್ನುವನ್ತಿ । ಆಸಹಸ್ರಾ-ತ್ಪಕ್ತಿ-ಮ್ಪುನನ್ತಿ । ಓಮ್ ॥ 39.7 (ತೈ. ಅರ. 6.39.1)
ಬ್ರಹ್ಮ ಮೇಧವಾ । ಮಧು ಮೇಧವಾ । ಬ್ರಹ್ಮಮೇವ ಮಧು ಮೇಧವಾ ।
ಬ್ರಹ್ಮ ಮೇಧವಾ । ಮಧು ಮೇಧವಾ । ಬ್ರಹ್ಮಮೇವ ಮಧು ಮೇಧವಾ ।
ಬ್ರಹ್ಮಾ ದೇವಾನಾ-ಮ್ಪದವೀಃ ಕವೀನಾ-ಮೃಷಿ-ರ್ವಿಪ್ರಾಣಾ-ಮ್ಮಹಿಷೋ ಮೃಗಾಣಾಮ್ ।
ಶ್ಯೇನೋ ಗೃದ್ಧ್ರಾಣಾಗ್ ಸ್ವಧಿತಿ-ರ್ವನಾನಾಗ್ಂ ಸೋಮಃ ಪವಿತ್ರ-ಮತ್ಯೇತಿ ರೇಭನ್ನ್ ।
ಹಗ್ಂಸ-ಶ್ಶುಚಿಷ-ದ್ವಸುರನ್ತರಿಕ್ಷ ಸದ್ಧೋತಾ- ವೇದಿಷ-ದತಿಥಿ-ರ್ದುರೋಣಸತ್ ।
ನೃಷದ್ವರ-ಸದೃತ-ಸ-ದ್ವ್ಯೋಮ-ಸದಬ್ಜಾ- ಗೋಜಾ ಋತಜಾ ಅದ್ರಿಜಾ ಋತ-ಮ್ಬೃಹತ್ ।
ಋಚೇತ್ವಾ ರುಚೇತ್ವಾ ಸಮಿ-ಥ್ಸ್ರವನ್ತಿ ಸರಿತೋ ನ ಧೇನಾಃ ।
ಅನ್ತರ್-ಹೃದಾ ಮನಸಾ ಪೂಯಮಾನಾಃ ।
ಘೃತಸ್ಯ ಧಾರಾ ಅಭಿಚಾಕಶೀಮಿ ।
ಹಿರಣ್ಯಯೋ ವೇತಸೋ ಮದ್ಧ್ಯ ಆಸಾಮ್ ।
ತಸ್ಮಿನ್-ಥ್ಸುಪರ್ಣೋ ಮಧುಕೃ-ತ್ಕುಲಾಯೀ ಭಜನ್ನಾಸ್ತೇ ಮಧು ದೇವತಾಭ್ಯಃ ।
ತಸ್ಯಾ ಸತೇ ಹರಯ-ಸ್ಸಪ್ತತೀರೇ ಸ್ವಧಾ-ನ್ದುಹಾನಾ ಅಮೃತಸ್ಯ ಧಾರಾಮ್ ।
ಯ ಇದ-ನ್ತ್ರಿಸುಪರ್ಣ-ಮಯಾಚಿತ-ಮ್ಬ್ರಾಹ್ಮಣಾಯ ದದ್ಯಾತ್ ।
ವೀರಹತ್ಯಾಂ-ವಾಁ ಏತೇ ಘ್ನನ್ತಿ । ಯೇ ಬ್ರಾಹ್ಮಣಾ-ಸ್ತ್ರಿಸುಪರ್ಣ-ಮ್ಪಠನ್ತಿ ।
ತೇ ಸೋಮ-ಮ್ಪ್ರಾಪ್ನುವನ್ತಿ । ಆಸಹಸ್ರಾ-ತ್ಪಙ್ಕ್ತಿ-ಮ್ಪುನನ್ತಿ । ಓಮ್ ॥ 40.6 (ತೈ. ಅರ. 6.40.1)
ಮೇಧಾ ಸೂಕ್ತಂ (4.34)
ಮೇಧಾ ಸೂಕ್ತಂ (4.34)
ಮೇಧಾದೇವೀ ಜುಷಮಾಣಾ ನ ಆಗಾ-ದ್ವಿಶ್ವಾಚೀ ಭದ್ರಾ ಸುಮನಸ್ಯ ಮಾನಾ ।
ತ್ವಯಾ ಜುಷ್ಟಾ ನುದಮಾನಾ ದುರುಕ್ತಾ-ನ್ಬೃಹದ್ವದೇಮ ವಿದಥೇ ಸುವೀರಾಃ ।
ತ್ವಯಾ ಜುಷ್ಟ ಋಷಿ-ರ್ಭವತಿ ದೇವಿ ತ್ವಯಾ ಬ್ರಹ್ಮಾ-ಽಽಗತಶ್ರೀ ರುತ ತ್ವಯಾ ।
ತ್ವಯಾ ಜುಷ್ಟಶ್ಚಿತ್ರಂ-ವಿಁನ್ದತೇ ವಸು ಸಾ ನೋ ಜುಷಸ್ವ ದ್ರವಿಣೋ ನಮೇಧೇ ॥ 41.1 (ತೈ. ಅರ. 6.41.1)
ಮೇಧಾ-ಮ್ಮ ಇನ್ದ್ರೋ ದದಾತು ಮೇಧಾ-ನ್ದೇವೀ ಸರಸ್ವತೀ ।
ಮೇಧಾ-ಮ್ಮ ಇನ್ದ್ರೋ ದದಾತು ಮೇಧಾ-ನ್ದೇವೀ ಸರಸ್ವತೀ ।
ಮೇಧಾ-ಮ್ಮೇ ಅಶ್ವಿನಾ-ವುಭಾವಾಧತ್ತಾ-ಮ್ಪುಷ್ಕರಸ್ರಜಾ ॥
ಅಫ್ಸರಾಸು ಚ ಯಾ ಮೇಧಾ ಗನ್ಧರ್ವೇಷು ಚ ಯನ್ಮನಃ ।
ದೈವೀ-ಮ್ಮೇಧಾ ಸರಸ್ವತೀ ಸಾ ಮಾ-ಮ್ಮೇಧಾ ಸುರಭಿ-ರ್ಜುಷತಾಗ್ ಸ್ವಾಹಾ ॥ 42.1 (ತೈ. ಅರ. 6.42.1)
ಆಮಾ-ಮ್ಮೇಧಾ ಸುರಭಿ-ರ್ವಿಶ್ವರೂಪಾ ಹಿರಣ್ಯವರ್ಣಾ ಜಗತೀ ಜಗಮ್ಯಾ ।
ಆಮಾ-ಮ್ಮೇಧಾ ಸುರಭಿ-ರ್ವಿಶ್ವರೂಪಾ ಹಿರಣ್ಯವರ್ಣಾ ಜಗತೀ ಜಗಮ್ಯಾ ।
ಊರ್ಜಸ್ವತೀ ಪಯಸಾ ಪಿನ್ವಮಾನಾ ಸಾ ಮಾ-ಮ್ಮೇಧಾ ಸುಪ್ರತೀಕಾ ಜುಷನ್ತಾಮ್ ॥ 43.1 (ತೈ. ಅರ. 6.43.1)
ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯ್ಯಗ್ನಿಸ್ತೇಜೋ ದಧಾತು ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯೀನ್ದ್ರ ಇನ್ದ್ರಿಯ-ನ್ದಧಾತು ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯಿ ಸೂರ್ಯೋ ಭ್ರಾಜೋ ದಧಾತು ॥ 44.1 (ತೈ. ಅರ. 6.44.1)
ಮೃತ್ಯುನಿವಾರಣ ಮನ್ತ್ರಾಃ (4.35)
ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯ್ಯಗ್ನಿಸ್ತೇಜೋ ದಧಾತು ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯೀನ್ದ್ರ ಇನ್ದ್ರಿಯ-ನ್ದಧಾತು ಮಯಿ ಮೇಧಾ-ಮ್ಮಯಿ ಪ್ರಜಾ-ಮ್ಮಯಿ ಸೂರ್ಯೋ ಭ್ರಾಜೋ ದಧಾತು ॥ 44.1 (ತೈ. ಅರ. 6.44.1)
ಮೃತ್ಯುನಿವಾರಣ ಮನ್ತ್ರಾಃ (4.35)
ಅಪೈತು ಮೃತ್ಯು-ರಮೃತನ್ನ ಆಗನ್. ವೈವಸ್ವತೋ ನೋ ಅಭಯಙ್ಕೃಣೋತು ।
ಪರ್ಣಂ-ವಁನಸ್ಪತೇ ರಿವಾಭಿನಃ ಶೀಯತಾಗ್ಂ ರಯಿ-ಸ್ಸಚತಾನ್ನ-ಶ್ಶಚೀಪತಿಃ ॥ 45.1 (ತೈ. ಅರ. 6.45.1)
ಪರ-ಮ್ಮೃತ್ಯೋ ಅನು ಪರೇಹಿ ಪನ್ಥಾಂ-ಯಁಸ್ತೇಸ್ವ ಇತರೋ ದೇವಯಾನಾತ್ ।
ಪರ-ಮ್ಮೃತ್ಯೋ ಅನು ಪರೇಹಿ ಪನ್ಥಾಂ-ಯಁಸ್ತೇಸ್ವ ಇತರೋ ದೇವಯಾನಾತ್ ।
ಚಕ್ಷುಷ್ಮತೇ ಶೃಣ್ವತೇ ತೇ ಬ್ರವೀಮಿ ಮಾನಃ ಪ್ರಜಾಗ್ಂ ರೀರಿಷೋ ಮೋತ ವೀರಾನ್ ॥ 46.1 (ತೈ. ಅರ. 6.46.1)
ವಾತ-ಮ್ಪ್ರಾಣ-ಮ್ಮನಸಾ ನ್ವಾರಭಾಮಹೇ ಪ್ರಜಾಪತಿಂ-ಯೋಁ ಭುವನಸ್ಯ ಗೋಪಾಃ ।
ವಾತ-ಮ್ಪ್ರಾಣ-ಮ್ಮನಸಾ ನ್ವಾರಭಾಮಹೇ ಪ್ರಜಾಪತಿಂ-ಯೋಁ ಭುವನಸ್ಯ ಗೋಪಾಃ ।
ಸನೋ ಮೃತ್ಯೋ ಸ್ತ್ರಾಯತಾ-ಮ್ಪಾತ್ವಗ್ಂಹಸೋ ಜ್ಯೋಗ್ ಜೀವಾ ಜರಾಮಶೀಮಹಿ ॥ 47.1 (ತೈ. ಅರ. 6.47.1)
ಅಮುತ್ರ ಭೂಯಾದಧ ಯದ್ಯಮಸ್ಯ ಬೃಹಸ್ಪತೇ ಅಭಿಶಸ್ತೇರ ಮುಞ್ಚಃ ।
ಅಮುತ್ರ ಭೂಯಾದಧ ಯದ್ಯಮಸ್ಯ ಬೃಹಸ್ಪತೇ ಅಭಿಶಸ್ತೇರ ಮುಞ್ಚಃ ।
ಪ್ರತ್ಯೌಹತಾ ಮಶ್ವಿನಾ ಮೃತ್ಯು ಮಸ್ಮಾ-ದ್ದೇವಾನಾಮಗ್ನೇ ಭಿಷಜಾ ಶಚೀಭಿಃ ॥ 48.1 (ತೈ. ಅರ. 6.48.1)
ಹರಿಗ್ಂ ಹರನ್ತ- ಮನುಯನ್ತಿ ದೇವಾ ವಿಶ್ವಸ್ಯೇಶಾನಂ-ವೃಁಷಭ-ಮ್ಮತೀನಾಮ್ ।
ಹರಿಗ್ಂ ಹರನ್ತ- ಮನುಯನ್ತಿ ದೇವಾ ವಿಶ್ವಸ್ಯೇಶಾನಂ-ವೃಁಷಭ-ಮ್ಮತೀನಾಮ್ ।
ಬ್ರಹ್ಮ ಸರೂಪ-ಮನುಮೇದಮಾಗಾ-ದಯನ-ಮ್ಮಾ ವಿವಧೀ-ರ್ವಿಕ್ರಮಸ್ವ ॥ 49.1 (ತೈ. ಅರ. 6.49.1)
ಶಲ್ಕೈರಗ್ನಿ-ಮಿನ್ಧಾನ ಉಭೌ ಲೋಕೌ ಸನೇಮಹಮ್ ।
ಶಲ್ಕೈರಗ್ನಿ-ಮಿನ್ಧಾನ ಉಭೌ ಲೋಕೌ ಸನೇಮಹಮ್ ।
ಉಭಯೋ ರ್ಲೋಕಯಾರ್-ಋಧ್ದ್ವಾ-ಽತಿ ಮೃತ್ಯು-ನ್ತರಾಮ್ಯಹಮ್ ॥ 50.1 (ತೈ. ಅರ. 6.50.1)
ಮಾ ಛಿದೋ ಮೃತ್ಯೋ ಮಾ ವಧೀರ್ಮಾ ಮೇ ಬಲಂ-ವಿಁವೃಹೋ ಮಾ ಪ್ರಮೋಷೀಃ ।
ಮಾ ಛಿದೋ ಮೃತ್ಯೋ ಮಾ ವಧೀರ್ಮಾ ಮೇ ಬಲಂ-ವಿಁವೃಹೋ ಮಾ ಪ್ರಮೋಷೀಃ ।
ಪ್ರಜಾ-ಮ್ಮಾ ಮೇ ರೀರಿಷ ಆಯುರುಗ್ರ ನೃಚಕ್ಷಸ-ನ್ತ್ವಾ ಹವಿಷಾ ವಿಧೇಮ ॥ 51.1 (ತೈ. ಅರ. 6.51.1)
ಮಾ ನೋ ಮಹಾನ್ತಮುತ ಮಾ ನೋ ಅರ್ಭಕ-ಮ್ಮಾ ನ ಉಕ್ಷನ್ತಮುತ ಮಾ ನ ಉಕ್ಷಿತಮ್ ।
ಮಾ ನೋ ಮಹಾನ್ತಮುತ ಮಾ ನೋ ಅರ್ಭಕ-ಮ್ಮಾ ನ ಉಕ್ಷನ್ತಮುತ ಮಾ ನ ಉಕ್ಷಿತಮ್ ।
ಮಾ ನೋ ವಧೀಃ ಪಿತರ-ಮ್ಮೋತ ಮಾತರ-ಮ್ಪ್ರಿಯಾ ಮಾ ನಸ್ತನುವೋ ರುದ್ರ ರೀರಿಷಃ ॥ 52.1 (ತೈ. ಅರ. 6.52.1)
ಮಾ ನಸ್ತೋಕೇ ತನಯೇ ಮಾ ನ ಆಯುಷಿ ಮಾ ನೋ ಗೋಷು ಮಾ ನೋ ಅಶ್ವೇಷು ರೀರಿಷಃ ।
ಮಾ ನಸ್ತೋಕೇ ತನಯೇ ಮಾ ನ ಆಯುಷಿ ಮಾ ನೋ ಗೋಷು ಮಾ ನೋ ಅಶ್ವೇಷು ರೀರಿಷಃ ।
ವೀರಾನ್ಮಾ ನೋ ರುದ್ರ ಭಾಮಿತೋವಧೀರ್-ಹವಿಷ್ಮನ್ತೋ ನಮಸಾ ವಿಧೇಮ ತೇ ॥ 53.1 (ತೈ. ಅರ. 6.53.1)
ಪ್ರಜಾಪತಿ-ಪ್ರಾರ್ಥನಾ ಮನ್ತ್ರಃ (4.36)
ಪ್ರಜಾಪತಿ-ಪ್ರಾರ್ಥನಾ ಮನ್ತ್ರಃ (4.36)
ಪ್ರಜಾಪತೇ ನ ತ್ವದೇತಾ-ನ್ಯನ್ಯೋ ವಿಶ್ವಾ ಜಾತಾನಿ ಪರಿತಾ ಬಭೂವ ।
ಯ-ತ್ಕಾಮಾಸ್ತೇ ಜುಹುಮಸ್ತನ್ನೋ ಅಸ್ತು ವಯಗ್ಗ್ ಸ್ಯಾಮ ಪತಯೋ ರಯೀಣಾಮ್ ॥ 54.1 (ತೈ. ಅರ. 6.54.1)
ಇನ್ದ್ರಪ್ರಾರ್ಥನಾ ಮನ್ತ್ರಃ (4.37)
ಇನ್ದ್ರಪ್ರಾರ್ಥನಾ ಮನ್ತ್ರಃ (4.37)
ಸ್ವಸ್ತಿದಾ ವಿಶಸ್ಪತಿ-ರ್ವೃತ್ರಹಾ ವಿಮೃಧೋ ವಶೀ ।
ವೃಷೇನ್ದ್ರಃ ಪುರ ಏತು ನಸ್ಸ್ವಸ್ತಿದಾ ಅಭಯ-ಙ್ಕರಃ ॥ 55.1 (ತೈ. ಅರ. 6.55.1)
ಮೃತ್ಯುಞ್ಜಯ ಮನ್ತ್ರಾಃ (4.38)
ಮೃತ್ಯುಞ್ಜಯ ಮನ್ತ್ರಾಃ (4.38)
ತ್ರ್ಯಮ್ಬಕಂ-ಯಁಜಾಮಹೇ ಸುಗನ್ಧಿ-ಮ್ಪುಷ್ಟಿವರ್ಧನಮ್ ।
ಉರ್ವಾರುಕಮಿವ ಬನ್ಧನಾ-ನ್ಮೃತ್ಯೋ-ರ್ಮುಕ್ಷೀಯ ಮಾ-ಽಮೃತಾತ್ ॥ 56.1 (ತೈ. ಅರ. 6.56.1)
ಯೇ ತೇ ಸಹಸ್ರಮಯುತ-ಮ್ಪಾಶಾ ಮೃತ್ಯೋ ಮರ್ತ್ಯಾಯ ಹನ್ತವೇ ।
ಯೇ ತೇ ಸಹಸ್ರಮಯುತ-ಮ್ಪಾಶಾ ಮೃತ್ಯೋ ಮರ್ತ್ಯಾಯ ಹನ್ತವೇ ।
ತಾನ್. ಯಜ್ಞಸ್ಯ ಮಾಯಯಾ ಸರ್ವಾನವ ಯಜಾಮಹೇ । ಮೃತ್ಯವೇ ಸ್ವಾಹಾ ಮೃತ್ಯವೇ ಸ್ವಾಹಾ ॥ 58.1 (ತೈ. ಅರ. 6.57-58)
ಪಾಪನಿವಾರಕಾ ಮನ್ತ್ರಾಃ (4.39)
ಪಾಪನಿವಾರಕಾ ಮನ್ತ್ರಾಃ (4.39)
ದೇವಕೃತಸ್ಯೈನಸೋ-ಽವಯಜನಮಸಿ ಸ್ವಾಹಾ ।
ಮನುಷ್ಯಕೃತಸ್ಯೈನಸೋ ಽವಯಜನಮಸಿ ಸ್ವಾಹಾ ।
ಪಿತೃಕೃತಸ್ಯೈನಸೋ ಽವಯಜನಮಸಿ ಸ್ವಾಹಾ ।
ಆತ್ಮಕೃತಸ್ಯೈನಸೋ ಽವಯಜನಮಸಿ ಸ್ವಾಹಾ ।
ಅನ್ಯಕೃತಸ್ಯೈನಸೋ ಽವಯಜನಮಸಿ ಸ್ವಾಹಾ ।
ಅಸ್ಮತ್ಕೃತಸ್ಯೈನಸೋ ಽವಯಜನಮಸಿ ಸ್ವಾಹಾ ।
ಯದ್ದಿವಾ ಚ ನಕ್ತ-ಞ್ಚೈನಶ್ಚಕೃಮ ತಸ್ಯಾ ವಯಜನಮಸಿ ಸ್ವಾಹಾ ।
ಯ-ಥ್ಸ್ವಪನ್ತಶ್ಚ ಜಾಗ್ರತ-ಶ್ಚೈನಶ್ಚ-ಕೃಮ ತಸ್ಯಾ ವಯಜನಮಸಿ ಸ್ವಾಹಾ ।
ಯ-ಥ್ಸುಷುಪ್ತಶ್ಚ ಜಾಗ್ರತ-ಶ್ಚೈನಶ್ಚ-ಕೃಮ ತಸ್ಯಾ ವಯಜನಮಸಿ ಸ್ವಾಹಾ ।
ಯ-ದ್ವಿದ್ವಾಗ್ಂಸಶ್ಚಾ ವಿದ್ವಾಗ್ಂಸಶ್ಚೈನಶ್ಚ-ಕೃಮ ತಸ್ಯಾ ವಯಜನಮಸಿ ಸ್ವಾಹಾ ।
ಏನಸ ಏನಸೋ ವಯಜನಮಸಿ ಸ್ವಾಹಾ ॥ 59.1 (ತೈ. ಅರ. 6.59.1)
ವಸು-ಪ್ರಾರ್ಥನಾ ಮನ್ತ್ರಃ (4.40)
ವಸು-ಪ್ರಾರ್ಥನಾ ಮನ್ತ್ರಃ (4.40)
ಯದ್ವೋ ದೇವಾಶ್ಚಕೃಮ ಜಿಹ್ವಯಾ ಗುರುಮನಸೋ ವಾ ಪ್ರಯುತೀ ದೇವ ಹೇಡನಮ್ ।
ಅರಾವಾಯೋ ನೋ ಅಭಿದುಚ್ಛುನಾಯತೇ ತಸ್ಮಿ-ನ್ತದೇನೋ ವಸವೋ ನಿಧೇತನ ಸ್ವಾಹಾ ॥ 60.1 (ತೈ. ಅರ. 6.60.1)
ಕಾಮೋ-ಽಕಾರ್ಷೀತ್ - ಮನ್ಯುರಕಾರ್ಷೀತ್ ಮನ್ತ್ರಃ (4.41)
ಕಾಮೋ-ಽಕಾರ್ಷೀತ್ - ಮನ್ಯುರಕಾರ್ಷೀತ್ ಮನ್ತ್ರಃ (4.41)
ಕಾಮೋ-ಽಕಾರ್ಷೀ-ನ್ನಮೋ ನಮಃ ।
ಕಾಮೋ-ಽಕಾರ್ಷೀ-ತ್ಕಾಮಃ ಕರೋತಿ ನಾಹ-ಙ್ಕರೋಮಿ ಕಾಮಃ ಕರ್ತಾ ನಾಹ-ಙ್ಕರ್ತಾ ಕಾಮಃ ಕಾರಯಿತಾ ನಾಹ-ಙ್ಕಾರಯಿತಾ ಏಷ ತೇ ಕಾಮ ಕಾಮಾಯ ಸ್ವಾಹಾ ॥ 61.1 (ತೈ. ಅರ. 6.61.1)
ಮನ್ಯುರಕಾರ್ಷೀ-ನ್ನಮೋ ನಮಃ ।
ಮನ್ಯುರಕಾರ್ಷೀ-ನ್ನಮೋ ನಮಃ ।
ಮನ್ಯುರಕಾರ್ಷೀ-ನ್ಮನ್ಯುಃ ಕರೋತಿ ನಾಹ-ಙ್ಕರೋಮಿ ಮನ್ಯುಃ ಕರ್ತಾ ನಾಹ-ಙ್ಕರ್ತಾ ಮನ್ಯುಃ ಕಾರಯಿತಾ ನಾಹ-ಙ್ಕಾರಯಿತಾ ಏಷ ತೇ ಮನ್ಯೋ ಮನ್ಯವೇ ಸ್ವಾಹಾ ॥ 62.1 (ತೈ. ಅರ. 6.62.1)
ವಿರಜಾ ಹೋಮ ಮನ್ತ್ರಾಃ (4.42)
ವಿರಜಾ ಹೋಮ ಮನ್ತ್ರಾಃ (4.42)
ತಿಲಾಞ್ಜುಹೋಮಿ ಸರಸಾಗ್ಂ ಸಪಿಷ್ಟಾ-ನ್ಗನ್ಧಾರ ಮಮ ಚಿತ್ತೇ ರಮನ್ತು ಸ್ವಾಹಾ ।
ಗಾವೋ ಹಿರಣ್ಯ-ನ್ಧನಮನ್ನಪಾನಗ್ಂ ಸರ್ವೇಷಾಗ್ ಶ್ರಿಯೈ ಸ್ವಾಹಾ ।
ಶ್ರಿಯಞ್ಚ ಲಕ್ಷ್ಮಿಞ್ಚ ಪುಷ್ಟಿಞ್ಚ ಕೀರ್ತಿ-ಞ್ಚಾ ನೃಣ್ಯತಾಮ್ । ಬ್ರಹ್ಮಣ್ಯ-ಮ್ಬಹುಪುತ್ರತಾಮ್ ।
ಶ್ರದ್ಧಾಮೇಧೇ ಪ್ರಜಾ-ಸ್ಸನ್ದದಾತು ಸ್ವಾಹಾ ॥ 63.3 (ತೈ. ಅರ. 6.63.1)
ತಿಲಾಃ ಕೃಷ್ಣಾ-ಸ್ತಿಲಾ-ಶ್ಶ್ವೇತಾ-ಸ್ತಿಲಾ-ಸ್ಸೌಮ್ಯಾ ವಶಾನುಗಾಃ ।
ತಿಲಾಃ ಕೃಷ್ಣಾ-ಸ್ತಿಲಾ-ಶ್ಶ್ವೇತಾ-ಸ್ತಿಲಾ-ಸ್ಸೌಮ್ಯಾ ವಶಾನುಗಾಃ ।
ತಿಲಾಃ ಪುನನ್ತು ಮೇ ಪಾಪಂ-ಯಁತ್ಕಿಞ್ಚಿ-ದ್ದುರಿತ-ಮ್ಮಯಿ ಸ್ವಾಹಾ ।
ಚೋರಸ್ಯಾನ್ನ-ನ್ನವಶ್ರಾದ್ಧ-ಮ್ಬ್ರಹ್ಮಹಾ ಗುರುತಲ್ಪಗಃ ।
ಗೋಸ್ತೇಯಗ್ಂ ಸರಾಪಾನ-ಮ್ಭ್ರೂಣಹತ್ಯಾ ತಿಲಾ ಶಾನ್ತಿಗ್ಂ ಶಮಯನ್ತು ಸ್ವಾಹಾ ।
ಶ್ರೀಶ್ಚ ಲಕ್ಷ್ಮೀಶ್ಚ ಪುಷ್ಟೀಶ್ಚ ಕೀರ್ತಿ-ಞ್ಚಾ ನೃಣ್ಯತಾಮ್ ।
ಬ್ರಹ್ಮಣ್ಯ-ಮ್ಬಹುಪುತ್ರತಾಮ್ ।
ಶ್ರದ್ಧಾಮೇಧೇ ಪ್ರಜ್ಞಾತು ಜಾತವೇದ-ಸ್ಸನ್ದದಾತು ಸ್ವಾಹಾ ॥ 64.3 (ತೈ. ಅರ. 6.64.1)
ಪ್ರಾಣಾಪಾನ-ವ್ಯಾನೋದಾನ-ಸಮಾನಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಪ್ರಾಣಾಪಾನ-ವ್ಯಾನೋದಾನ-ಸಮಾನಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ವಾಂ-ಮನ-ಶ್ಚಕ್ಷುಃ-ಶ್ರೋತ್ರ-ಜಿಹ್ವಾ-ಘ್ರಾಣ-ರೇತೋ-ಬುದ್ಧ್ಯಾಕೂತಿ-ಸ್ಸಙ್ಕಲ್ಪಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ತ್ವಕ್-ಚರ್ಮ-ಮಾಗ್ಂಸ-ರುಧಿರ-ಮೇದೋ-ಮಜ್ಜಾ-ಸ್ನಾಯವೋ-ಽಸ್ಥೀನಿ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಶಿರಃ ಪಾಣಿ ಪಾದ ಪಾರ್ಶ್ವ ಪೃಷ್ಠೋ-ರೂದರ-ಜಙ್ಘ-ಶಿಶ್ರ್ನೋಪಸ್ಥ ಪಾಯವೋ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಉತ್ತಿಷ್ಠ ಪುರುಷ ಹರಿತ-ಪಿಙ್ಗಲ ಲೋಹಿತಾಕ್ಷಿ ದೇಹಿ ದೇಹಿ ದದಾಪಯಿತಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ॥ 65.5 (ತೈ. ಅರ. 6.65.1)
ಪೃಥಿವ್ಯಾಪ ಸ್ತೇಜೋ ವಾಯು-ರಾಕಾಶಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಪೃಥಿವ್ಯಾಪ ಸ್ತೇಜೋ ವಾಯು-ರಾಕಾಶಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಶಬ್ದ-ಸ್ಪರ್ಶ-ರೂಪರಸ-ಗನ್ಧಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಮನೋ-ವಾಕ್-ಕಾಯ-ಕರ್ಮಾಣಿ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಅವ್ಯಕ್ತಭಾವೈ-ರಹಙ್ಕಾರ-ರ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಆತ್ಮಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಅನ್ತರಾತ್ಮಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಪರಮಾತ್ಮಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ।
ಕ್ಷುಧೇ ಸ್ವಾಹಾ । ಕ್ಷುತ್ಪಿಪಾಸಾಯ ಸ್ವಾಹಾ । ವಿವಿಟ್ಯೈ ಸ್ವಾಹಾ ।
ಋಗ್ವಿಧಾನಾಯ ಸ್ವಾಹಾ । ಕಷೋತ್ಕಾಯ ಸ್ವಾಹಾ ।
ಕ್ಷುತ್ಪಿಪಾಸಾಮಲ-ಞ್ಜ್ಯೇಷ್ಠಾಮಲಕ್ಷ್ಮೀ-ರ್ನಾಶಯಾಮ್ಯಹಮ್ ।
ಅಭೂತಿ-ಮಸಮೃದ್ಧಿಞ್ಚ ಸರ್ವಾಂ (ಸರ್ವಾ) ನಿರ್ಣುದ ಮೇ ಪಾಪ್ಮಾನಗ್ಗ್ ಸ್ವಾಹಾ ।
ಅನ್ನಮಯ-ಪ್ರಾಣಮಯ-ಮನೋಮಯ-ವಿಜ್ಞಾನಮಯ-ಮಾನನ್ದಮಯ-ಮಾತ್ಮಾ ಮೇ ಶುದ್ಧ್ಯನ್ತಾ-ಞ್ಜ್ಯೋತಿ ರಹಂ-ವಿಁರಜಾ ವಿಪಾಪ್ಮಾ ಭೂಯಾಸಗ್ಗ್ ಸ್ವಾಹಾ ॥ 66.10 (ತೈ. ಅರ. 6.66.1)
ವೈಶ್ವದೇವ ಮನ್ತ್ರಾಃ (4.43)
ವೈಶ್ವದೇವ ಮನ್ತ್ರಾಃ (4.43)
ಅಗ್ನಯೇ ಸ್ವಾಹಾ । ವಿಶ್ವೇಭ್ಯೋ ದೇವೇಭ್ಯ-ಸ್ಸ್ವಾಹಾ ।
ಧ್ರುವಾಯ ಭೂಮಾಯ ಸ್ವಾಹಾ । ಧ್ರುವಕ್ಷಿತಯೇ ಸ್ವಾಹಾ ।
ಅಚ್ಯುತಕ್ಷಿತಯೇ ಸ್ವಾಹಾ । ಅಗ್ನಯೇ ಸ್ವಿಷ್ಟಕೃತೇ ಸ್ವಾಹಾ ।
ಧರ್ಮಾಯ ಸ್ವಾಹಾ । ಅಧರ್ಮಾಯ ಸ್ವಾಹಾ ।
ಅದ್ಭ್ಯ-ಸ್ಸ್ವಾಹಾ । ಓಷಧಿವನಸ್ಪತಿಭ್ಯ-ಸ್ಸ್ವಾಹಾ । 67.1 (ತೈ. ಅರ. 6.67.1)
ರಕ್ಷೋದೇವಜನೇಭ್ಯ-ಸ್ಸ್ವಾಹಾ ।
ರಕ್ಷೋದೇವಜನೇಭ್ಯ-ಸ್ಸ್ವಾಹಾ ।
ಗೃಹ್ಯಾಭ್ಯ-ಸ್ಸ್ವಾಹಾ । ಅವಸಾನೇಭ್ಯ-ಸ್ಸ್ವಾಹಾ ।
ಅವಸಾನಪತಿಭ್ಯ-ಸ್ಸ್ವಾಹಾ । ಸರ್ವಭೂತೇಭ್ಯ-ಸ್ಸ್ವಾಹಾ ।
ಆಮಾಯ ಸ್ವಾಹಾ । ಅನ್ತರಿಕ್ಷಾಯ ಸ್ವಾಹಾ ।
ಯದೇಜತಿ ಜಗತಿ ಯಚ್ಚ ಚೇಷ್ಟತಿ ನಾಮ್ನೋ ಭಾಗೋ-ಽಯ-ನ್ನಾಮ್ನೇ ಸ್ವಾಹಾ ।
ಪೃಥಿವ್ಯೈ ಸ್ವಾಹಾ । ಅನ್ತರಿಕ್ಷಾಯ ಸ್ವಾಹಾ । 67.2 (ತೈ. ಅರ. 6.67.2)
ದಿವೇ ಸ್ವಾಹಾ । ಸೂರ್ಯಾಯ ಸ್ವಾಹಾ ।
ದಿವೇ ಸ್ವಾಹಾ । ಸೂರ್ಯಾಯ ಸ್ವಾಹಾ ।
ಚನ್ದ್ರಮಸೇ ಸ್ವಾಹಾ । ನಕ್ಷತ್ರೇಭ್ಯ-ಸ್ಸ್ವಾಹಾ ।
ಇನ್ದ್ರಾಯ ಸ್ವಾಹಾ । ಬೃಹಸ್ಪತಯೇ ಸ್ವಾಹಾ ।
ಪ್ರಜಾಪತಯೇ ಸ್ವಾಹಾ । ಬ್ರಹ್ಮಣೇ ಸ್ವಾಹಾ ।
ಸ್ವಧಾ ಪಿತೃಭ್ಯ-ಸ್ಸ್ವಾಹಾ । ನಮೋ ರುದ್ರಾಯ ಪಶುಪತಯೇ ಸ್ವಾಹಾ । 67.3 (ತೈ. ಅರ. 6.67.3)
ದೇವೇಭ್ಯ-ಸ್ಸ್ವಾಹಾ । ಪಿತೃಭ್ಯಃ ಸ್ವಧಾ-ಽಸ್ತು ।
ದೇವೇಭ್ಯ-ಸ್ಸ್ವಾಹಾ । ಪಿತೃಭ್ಯಃ ಸ್ವಧಾ-ಽಸ್ತು ।
ಭೂತೇಭ್ಯೋ ನಮಃ । ಮನುಷ್ಯೇಭ್ಯೋ ಹನ್ತಾ ।
ಪ್ರಜಾಪತಯೇ ಸ್ವಾಹಾ । ಪರಮೇಷ್ಠಿನೇ ಸ್ವಾಹಾ ।
ಯಥಾ ಕೂಪ-ಶ್ಶತಧಾರ-ಸ್ಸಹಸ್ರಧಾರೋ ಅಕ್ಷಿತಃ ।
ಏವಾ ಮೇ ಅಸ್ತು ಧಾನ್ಯಗ್ಂ ಸಹಸ್ರಧಾರ-ಮಕ್ಷಿತಮ್ ।
ಧನಧಾನ್ಯೈ ಸ್ವಾಹಾ ॥ ಯೇ ಭೂತಾಃ ಪ್ರಚರನ್ತಿ ದಿವಾನಕ್ತ-ಮ್ಬಲಿ-ಮಿಚ್ಛನ್ತೋ ವಿತುದಸ್ಯ ಪ್ರೇಷ್ಯಾಃ ।
ತೇಭ್ಯೋ ಬಲಿ-ಮ್ಪುಷ್ಟಿಕಾಮೋ ಹರಾಮಿ ಮಯಿ ಪುಷ್ಟಿ-ಮ್ಪುಷ್ಟಿಪತಿ-ರ್ದಧಾತು ಸ್ವಾಹಾ ॥ 67.4 (ತೈ. ಅರ. 6.67.4)
(ಓಷಧಿವನಸ್ಪತಿಭ್ಯ-ಸ್ಸ್ವಾಹಾ - ಽನ್ತರಿಕ್ಷಾಯ ಸ್ವಾಹಾ - ನಮೋ ರುದ್ರಾಯ ಪಶುಪತಯೇ ಸ್ವಾಹಾ - ವಿತುದಸ್ಯ ಪ್ರೇಷ್ಯಾ ಏಕ-ಞ್ಚ)
ಓ-ನ್ತ-ದ್ಬ್ರಹ್ಮ । ಓ-ನ್ತ-ದ್ವಾಯುಃ ।
(ಓಷಧಿವನಸ್ಪತಿಭ್ಯ-ಸ್ಸ್ವಾಹಾ - ಽನ್ತರಿಕ್ಷಾಯ ಸ್ವಾಹಾ - ನಮೋ ರುದ್ರಾಯ ಪಶುಪತಯೇ ಸ್ವಾಹಾ - ವಿತುದಸ್ಯ ಪ್ರೇಷ್ಯಾ ಏಕ-ಞ್ಚ)
ಓ-ನ್ತ-ದ್ಬ್ರಹ್ಮ । ಓ-ನ್ತ-ದ್ವಾಯುಃ ।
ಓ-ನ್ತದಾತ್ಮಾ । ಓ-ನ್ತ-ಥ್ಸತ್ಯಮ್ ।
ಓ-ನ್ತ-ಥ್ಸರ್ವಮ್ । ಓ-ನ್ತ-ತ್ಪುರೋ-ರ್ನಮಃ ।
ಅನ್ತಶ್ಚರತಿ ಭೂತೇಷು ಗುಹಾಯಾಂ-ವಿಁಶ್ವ ಮೂರ್ತಿಷು ।
ತ್ವಂ-ಯಁಜ್ಞಸ್ತ್ವಂ-ವಁಷಟ್ಕಾರಸ್ತ್ವ-ಮಿದ್ರಸ್ತ್ವಗ್ಂ ರುದ್ರಸ್ತ್ವಂವಿಁಷ್ಣುಸ್ತ್ವ-ಮ್ಬ್ರಹ್ಮತ್ವ-ಮ್ಪ್ರಜಾಪತಿಃ ।
ತ್ವ-ನ್ತದಾಪ ಆಪೋ ಜ್ಯೋತೀ ರಸೋ-ಽಮೃತ-ಮ್ಬ್ರಹ್ಮ ಭೂರ್ಭುವಸ್ಸುವರೋಮ್ ॥ 68.2 (ತೈ. ಅರ. 6.68.1)
4.44 ಪ್ರಾಣಾಹುತಿ ಮನ್ತ್ರಾಃ
4.44 ಪ್ರಾಣಾಹುತಿ ಮನ್ತ್ರಾಃ
ಶ್ರದ್ಧಾಯಾ-ಮ್ಪ್ರಾಣೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶ್ರದ್ಧಾಯಾಮಪಾನೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶ್ರದ್ಧಾಯಾಂ-ವ್ಯಾಁನೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶ್ರದ್ಧಾಯಾಮುದಾನೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶ್ರದ್ಧಾಯಾಗ್ಂ ಸಮಾನೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಬ್ರಹ್ಮಣಿ ಮ ಆತ್ಮಾ-ಽಮೃತತ್ವಾಯ ॥
ಅಮೃತೋಪಸ್ತರಣಮಸಿ ॥
ಶ್ರದ್ಧಾಯಾ-ಮ್ಪ್ರಾಣೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶಿವೋ ಮಾ ವಿಶಾಪ್ರದಾಹಾಯ । ಪ್ರಾಣಾಯ ಸ್ವಾಹಾ ।
ಶ್ರದ್ಧಾಯಾಮಪಾನೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶಿವೋ ಮಾ ವಿಶಾಪ್ರದಾಹಾಯ । ಅಪಾನಾಯ ಸ್ವಾಹಾ ।
ಶ್ರದ್ಧಾಯಾಂ-ವ್ಯಾಁನೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶಿವೋ ಮಾ ವಿಶಾಪ್ರದಾಹಾಯ । ವ್ಯಾನಾಯ ಸ್ವಾಹಾ ।
ಶ್ರದ್ಧಾಯಾ-ಮುದಾನೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶಿವೋ ಮಾ ವಿಶಾಪ್ರದಾಹಾಯ । ಉದಾನಾಯ ಸ್ವಾಹಾ ।
ಶ್ರದ್ಧಾಯಾಗ್ಂ ಸಮಾನೇ ನಿವಿಷ್ಟೋ-ಽಮೃತ-ಞ್ಜುಹೋಮಿ ।
ಶಿವೋ ಮಾ ವಿಶಾಪ್ರದಾಹಾಯ । ಸಮಾನಾಯ ಸ್ವಾಹಾ ।
ಬ್ರಹ್ಮಣಿ ಮ ಆತ್ಮಾ-ಽಮೃತತ್ವಾಯ ॥
ಅಮೃತಾಪಿಧಾನಮಸಿ ॥ 69.4 (ತೈ. ಅರ. 6.69.1)
ಭುಕ್ತಾನ್ನಾಭಿಮನ್ತ್ರಣ ಮನ್ತ್ರಾಃ (4.45)
ಭುಕ್ತಾನ್ನಾಭಿಮನ್ತ್ರಣ ಮನ್ತ್ರಾಃ (4.45)
ಶ್ರದ್ಧಾಯಾ-ಮ್ಪ್ರಾಣೇ ನಿವಿಶ್ಯಾ-ಽಮೃತಗ್ಂ ಹುತಮ್ । ಪ್ರಾಣ ಮನ್ನೇನಾಪ್ಯಾಯಸ್ವ ।
ಶ್ರದ್ಧಾಯಾಮಪಾನೇ ನಿವಿಶ್ಯಾ-ಽಮೃತಗ್ಂ ಹುತಮ್ । ಅಪಾನ ಮನ್ನೇನಾಪ್ಯಾಯಸ್ವ ।
ಶ್ರದ್ಧಾಯಾಂ-ವ್ಯಾಁನೇ ನಿವಿಶ್ಯಾ-ಽಮೃತಗ್ಂ ಹುತಮ್ । ವ್ಯಾನ ಮನ್ನೇನಾಪ್ಯಾಯಸ್ವ ।
ಶ್ರದ್ಧಾಯಾ-ಮುದಾನೇ ನಿವಿಶ್ಯಾ-ಽಮೃತಗ್ಂ ಹುತಮ್ । ಉದಾನ ಮನ್ನೇನಾಪ್ಯಾಯಸ್ವ ।
ಶ್ರದ್ಧಾಯಾಗ್ಂ ಸಮಾನೇ ನಿವಿಶ್ಯಾ-ಽಮೃತಗ್ಂ ಹುತಮ್ । ಸಮಾನ ಮನ್ನೇನಾಪ್ಯಾಯಸ್ವ ॥ 70.1 (ತೈ. ಅರ0.1)
ಭೋಜನಾನ್ತೇ ಆತ್ಮಾನುಸನ್ಧಾನ ಮನ್ತ್ರಾಃ (4.46)
ಭೋಜನಾನ್ತೇ ಆತ್ಮಾನುಸನ್ಧಾನ ಮನ್ತ್ರಾಃ (4.46)
ಅಙ್ಗುಷ್ಠಮಾತ್ರಃ ಪುರುಷೋ-ಽಙ್ಗುಷ್ಠಞ್ಚ ಸಮಾಶ್ರಿತಃ । ಈಶ-ಸ್ಸರ್ವಸ್ಯ ಜಗತಃ ಪ್ರಭುಃ ಪ್ರೀಣಾತಿ ವಿಶ್ವಭುಕ್ ॥ 71.1 (ತೈ. ಅರ. 6.71.1)
ಅವಯವಸ್ವಸ್ಥತಾ ಪ್ರಾರ್ಥನಾ ಮನ್ತ್ರಃ (4.47)
ಅವಯವಸ್ವಸ್ಥತಾ ಪ್ರಾರ್ಥನಾ ಮನ್ತ್ರಃ (4.47)
ವಾಮ್ಮ ಆಸನ್ನ್ । ನಸೋಃ ಪ್ರಾಣಃ । ಅಕ್ಷ್ಯೋ-ಶ್ಚಕ್ಷುಃ ।
ಕರ್ಣಯೋ-ಶ್ಶ್ರೋತ್ರಮ್ । ಬಾಹುವೋ-ರ್ಬಲಮ್ । ಊರುವೋ ರೋಜಃ ।
ಅರಿಷ್ಟಾ ವಿಶ್ವಾನ್ಯಙ್ಗಾನಿ ತನೂಃ । ತನುವಾ ಮೇ ಸಹ ನಮಸ್ತೇ ಅಸ್ತು ಮಾ ಮಾ ಹಿಗ್ಂಸೀಃ ॥ 72.1 (ತೈ. ಅರ. 6.72.1)
ಇನ್ದ್ರ ಸಪ್ತರ್ಷಿ ಸಂವಾಁದ ಮನ್ತ್ರಃ (4.48)
ಇನ್ದ್ರ ಸಪ್ತರ್ಷಿ ಸಂವಾಁದ ಮನ್ತ್ರಃ (4.48)
ವಯಃ ಸುಪರ್ಣಾ ಉಪಸೇದುರಿನ್ದ್ರ-ಮ್ಪ್ರಿಯ ಮೇಧಾ ಋಷಯೋ ನಾಧಮಾನಾಃ ।
ಅಪದ್ಧ್ವಾನ್ತ ಮೂರ್ಣುಹಿ ಪೂರ್ಧಿ ಚಕ್ಷು-ರ್ಮುಮುಗ್ಧ್ಯಸ್ಮಾ-ನ್ನಿಧಯೇ ಽವಬದ್ಧಾನ್ ॥ 73.1 (ತೈ. ಅರ. 6.73.1)
ಹೃದಯಾಲಮ್ಭನ ಮನ್ತ್ರಃ (4.49)
ಹೃದಯಾಲಮ್ಭನ ಮನ್ತ್ರಃ (4.49)
ಪ್ರಾಣಾನಾ-ಙ್ಗ್ರನ್ಥಿರಸಿ ರುದ್ರೋ ಮಾ ವಿಶಾನ್ತಕಃ । ತೇನಾನ್ನೇನಾ-ಪ್ಯಾಯಸ್ವ ॥ 74.1 (ತೈ. ಅರ. 6.74.1)
ದೇವತಾ ಪ್ರಾಣನಿರೂಪಣ ಮನ್ತ್ರಃ (4.50)
ದೇವತಾ ಪ್ರಾಣನಿರೂಪಣ ಮನ್ತ್ರಃ (4.50)
ನಮೋ ರುದ್ರಾಯ ವಿಷ್ಣವೇ ಮೃತ್ಯುರ್ಮೇ ಪಾಹಿ ॥ 75.1 (ತೈ. ಅರ. 6.75.1)
ಅಗ್ನಿ ಸ್ತುತಿ ಮನ್ತ್ರಃ (4.51)
ಅಗ್ನಿ ಸ್ತುತಿ ಮನ್ತ್ರಃ (4.51)
ತ್ವಮಗ್ನೇ ದ್ಯುಭಿ-ಸ್ತ್ವಮಾಶು-ಶುಕ್ಷಣಿ-ಸ್ತ್ವಮದ್ಭ್ಯ-ಸ್ತ್ವಮಶ್ಮನಸ್ಪರಿ ।
ತ್ವಂ-ವಁನೇಭ್ಯ-ಸ್ತ್ವಮೋಷಧೀಭ್ಯ-ಸ್ತ್ವ-ನ್ನೃಣಾ-ನ್ನೃಪತೇ ಜಾಯಸೇ ಶುಚಿಃ ॥ 76.1 (ತೈ. ಅರ. 6.76.1)
ಅಭೀಷ್ಟ ಯಾಚನಾ ಮನ್ತ್ರಃ (4.52)
ಅಭೀಷ್ಟ ಯಾಚನಾ ಮನ್ತ್ರಃ (4.52)
ಶಿವೇನ ಮೇ ಸನ್ತಿಷ್ಠಸ್ವ ಸ್ಯೋನೇನ ಮೇ ಸನ್ತಿಷ್ಠಸ್ವ ಸುಭೂತೇನ ಮೇ ಸನ್ತಿಷ್ಠಸ್ವ ಬ್ರಹ್ಮವರ್ಚಸೇನ ಮೇ ಸನ್ತಿಷ್ಠಸ್ವ ಯಜ್ಞಸ್ಯರ್ಧಿ ಮನು ಸನ್ತಿಷ್ಠ ಸ್ವೋಪ ತೇ ಯಜ್ಞ ನಮ ಉಪ ತೇ ನಮ ಉಪ ತೇ ನಮಃ ॥ 77.1 (ತೈ. ಅರ. 6.77.1)
ಪರ ತತ್ತ್ವ ನಿರೂಪಣಂ (4.53)
ಪರ ತತ್ತ್ವ ನಿರೂಪಣಂ (4.53)
ಸತ್ಯ-ಮ್ಪರ-ಮ್ಪರಗ್ಂ ಸತ್ಯಗ್ಂ ಸತ್ಯೇನ ನ ಸುವರ್ಗಾ-ಲ್ಲೋಕಾಚ್ಚ್ಯವನ್ತೇ ಕದಾಚನ ಸತಾಗ್ಂ ಹಿ ಸತ್ಯ-ನ್ತಸ್ಮಾ-ಥ್ಸತ್ಯೇ ರಮನ್ತೇ,
ತಪ ಇತಿ ತಪೋ ನಾನಶನಾ-ತ್ಪರಂ-ಯಁದ್ಧಿ ಪರ-ನ್ತಪಸ್ತ-ದ್ದುಧರ್ಷ-ನ್ತ-ದ್ದುರಾಧರ್ಷ-ನ್ತಸ್ಮಾ-ತ್ತಪಸಿ ರಮನ್ತೇ,
ದಮ ಇತಿ ನಿಯತ-ಮ್ಬ್ರಹ್ಮಚಾರಿಣ-ಸ್ತಸ್ಮಾ-ದ್ದಮೇ ರಮನ್ತೇ,
ಶಮ ಇತ್ಯರಣ್ಯೇ ಮುನಯ-ಸ್ತಸ್ಮಾಚ್ಛಮೇ ರಮನ್ತೇ,
ದಾನಮಿತಿ ಸರ್ವಾಣಿ ಭೂತಾನಿ ಪ್ರಶಗ್ಂಸನ್ತಿ ದಾನಾನ್ನಾತಿ ದುಶ್ಚರ-ನ್ತಸ್ಮಾ-ದ್ದಾನೇ ರಮನ್ತೇ,
ಧರ್ಮ ಇತಿ ಧರ್ಮೇಣ ಸರ್ವಮಿದ-ಮ್ಪರಿಗೃಹೀತ-ನ್ಧರ್ಮಾನ್ನಾತಿ-ದುಷ್ಕರ-ನ್ತಸ್ಮಾ--ದ್ಧರ್ಮೇ ರಮನ್ತೇ,
ಪ್ರಜನ ಇತಿ ಭೂಯಾಗ್ಂಸ-ಸ್ತಸ್ಮಾ-ದ್ಭೂಯಿಷ್ಠಾಃ ಪ್ರಜಾಯನ್ತೇ ತಸ್ಮಾ-ದ್ಭೂಯಿಷ್ಠಾಃ ನೇ ರಮನ್ತೇ,
-ಽಗ್ನಯ ಇತ್ಯಾಹ ತಸ್ಮಾ-ದಗ್ನಯ ಆಧಾತವ್ಯಾ ಅಗ್ನಿಹೋತ್ರ-ಮಿತ್ಯಾಹ ತಸ್ಮಾ-ದಗ್ನಿಹೋತ್ರೇ ರಮನ್ತೇ,
ಯಜ್ಞ ಇತಿ ಯಜ್ಞೋ ಹಿ ದೇವಾ ಸ್ತಸ್ಮಾ-ದ್ಯಜ್ಞೇ ರಮನ್ತೇ,
ಮಾನಸ-ಮಿತಿ ವಿದ್ವಾಗ್ಂಸ-ಸ್ತಸ್ಮಾ-ದ್ವಿದ್ವಾಗ್ಂಸ ಏವ ಮಾನಸೇ ರಮನ್ತೇ,
ನ್ಯಾಸ ಇತಿ ಬ್ರಹ್ಮಾ ಬ್ರಹ್ಮಾ ಹಿ ಪರಃ ಪರೋ ಹಿ ಬ್ರಹ್ಮಾ ತಾನಿ ವಾ ಏತಾನ್ಯವರಾಣಿ ಪರಾಗ್ಂಸಿ ನ್ಯಾಸ ಏವಾತ್ಯರೇಚಯ-ದ್ಯ ಏವಂ-ವೇಁದೇತ್ಯುಪನಿಷತ್ ॥ 78.11 (ತೈ. ಅರ. 6.78.1)
4.54 ಜ್ಞಾನ ಸಾಧನ ನಿರೂಪಣಂ
4.54 ಜ್ಞಾನ ಸಾಧನ ನಿರೂಪಣಂ
ಪ್ರಾಜಾಪತ್ಯೋ ಹಾರುಣಿ-ಸ್ಸುಪರ್ಣೇಯಃ ಪ್ರಜಾಪತಿ-ಮ್ಪಿತರ-ಮುಪಸಸಾರ ಕಿ-ಮ್ಭಗವನ್ತಃ ಪರಮಂ-ವಁದನ್ತೀತಿ ತಸ್ಮೈ ಪ್ರೋವಾಚ,
ಸತ್ಯೇನ ವಾಯುರಾವಾತಿ ಸತ್ಯೇ-ನಾದಿತ್ಯೋ ರೋಚತೇ ದಿವಿ ಸತ್ಯಂ-ವಾಁಚಃ ಪ್ರತಿಷ್ಠಾ ಸತ್ಯೇ ಸರ್ವ-ಮ್ಪ್ರತಿಷ್ಠಿತ-ನ್ತಸ್ಮಾ-ಥ್ಸತ್ಯ-ಮ್ಪರಮಂ-ವಁದನ್ತಿ,
ತಪಸಾ ದೇವಾ ದೇವತಾ-ಮಗ್ರ ಆಯ-ನ್ತಪಸರ್ಷಯ-ಸ್ಸುವರನ್ವ-ವಿನ್ದ-ನ್ತಪಸಾ ಸಪತ್ನಾ-ನ್ಪ್ರಣುದಾ-ಮಾರಾತೀ ಸ್ತಪಸಿ ಸರ್ವ-ಮ್ಪ್ರತಿಷ್ಠಿತ-ನ್ತಸ್ಮಾ-ತ್ತಪಃ ಪರಮಂ-ವಁದನ್ತಿ,
ದಮೇನ ದಾನ್ತಾಃ ಕಿಲ್ಬಿಷ-ಮವಧೂನ್ವನ್ತಿ ದಮೇನ ಬ್ರಹ್ಮಚಾರಿಣ-ಸ್ಸುವರಗಚ್ಛ-ನ್ದಮೋ ಭೂತಾನಾ-ನ್ದುರಾಧರ್ಷ-ನ್ದಮೇ ಸರ್ವ-ಮ್ಪ್ರತಿಷ್ಠಿತ-ನ್ತಸ್ಮಾ-ದ್ದಮಃ ಪರಮಂ-ವಁದನ್ತಿ,
ಶಮೇನ ಶಾನ್ತಾ-ಶ್ಶಿವ-ಮಾಚರನ್ತಿ ಶಮೇನ ನಾಕ-ಮ್ಮುನಯೋ-ಽನ್ವವಿನ್ದನ್ ಛಮೋ ಭೂತಾನಾ-ನ್ದುರಾಧರ್ಷ-ಞ್ಛಮೇ ಸರ್ವ-ಮ್ಪ್ರತಿಷ್ಠಿತ-ನ್ತಸ್ಮಾಚ್ಛಮಃ ಪರಮಂ-ವಁದನ್ತಿ,
ದಾನಂ-ಯಁಜ್ಞಾನಾಂ-ವಁರೂಥ-ನ್ದಕ್ಷಿಣಾ ಲೋಕೇ ದಾತಾರಗ್ಂ ಸರ್ವ ಭೂತಾನ್ಯುಪಜೀವನ್ತಿ ದಾನೇನಾರಾತೀ-ರಪಾನುದನ್ತ ದಾನೇನ ದ್ವಿಷನ್ತೋ ಮಿತ್ರಾ ಭವನ್ತಿ ದಾನೇ ಸರ್ವ-ಮ್ಪ್ರತಿಷ್ಠಿತ-ನ್ತಸ್ಮಾ-ದ್ದಾನ-ಮ್ಪರಮಂ-ವಁದನ್ತಿ,
ಧರ್ಮೋ ವಿಶ್ವಸ್ಯ ಜಗತಃ ಪ್ರತಿಷ್ಠಾ ಲೋಕೇ ಧರ್ಮಿಷ್ಠ-ಮ್ಪ್ರಜಾ ಉಪಸರ್ಪನ್ತಿ ಧರ್ಮೇಣ ಪಾಪ-ಮಪನುದತಿ ಧರ್ಮೇ ಸರ್ವ-ಮ್ಪ್ರತಿಷ್ಠಿತ-ನ್ತಸ್ಮಾ-ದ್ಧರ್ಮ-ಮ್ಪರಮಂ-ವಁದನ್ತಿ,
ಪ್ರಜನನಂ-ವೈಁ ಪ್ರತಿಷ್ಠಾ ಲೋಕೇ ಸಾಧು ಪ್ರಜಾಯಾ ಸ್ತನ್ತುನ್-ತನ್ವಾನಃ ಪಿತೃಣಾ ಮನೃಣೋ ಭವತಿ ತದೇವ ತಸ್ಯಾ ಅನೃಣ-ನ್ತಸ್ಮಾ-ತ್ಪ್ರಜನನ-ಮ್ಪರಮಂ-ವಁದನ್ತ್ಯ,
ಗ್ನಯೋ ವೈ ತ್ರಯೀ ವಿದ್ಯಾ ದೇವಯಾನಃ ಪನ್ಥಾ ಗಾರ್ಹಪತ್ಯ ಋಕ್-ಪೃಥಿವೀ ರಥನ್ತರ-ಮನ್ವಾಹಾ-ರ್ಯಪಚನಂ-ಯಁಜುರನ್ತರಿಕ್ಷಂ-ವಾಁಮದೇವ್ಯ ಮಾಹವನೀಯ-ಸ್ಸಾಮಸುವರ್ಗೋ ಲೋಕೋ ಬೃಹತ್-ತಸ್ಮಾ-ದಗ್ನೀ-ನ್ಪರಮಂ-ವಁದನ್ತ್ಯ,
ಗ್ನಿಹೋತ್ರಗ್ಂ ಸಾಯ-ಮ್ಪ್ರಾತ-ರ್ಗೃಹಾಣಾಂ-ನಿಷ್ಕೃತಿ-ಸ್ಸ್ವಿಷ್ಟಗ್ಂ ಸುಹುತಂ-ಯಁಜ್ಞಕ್ರತೂನಾ-ಮ್ಪ್ರಾಯಣಗ್ಂ ಸುವರ್ಗಸ್ಯ ಲೋಕಸ್ಯ ಜ್ಯೋತಿ-ಸ್ತಸ್ಮಾ-ದಗ್ನಿಹೋತ್ರ-ಮ್ಪರಮಂ-ವಁದನ್ತಿ,
ಯಜ್ಞ ಇತಿ ಯಜ್ಞೇನ ಹಿ ದೇವಾ ದಿವ-ಙ್ಗತಾ ಯಜ್ಞೇನಾಸುರಾ-ನಪಾನುದನ್ತ ಯಜ್ಞೇನ ದ್ವಿಷನ್ತೋ ಮಿತ್ರಾ ಭವನ್ತಿ ಯಜ್ಞೇ ಸರ್ವ-ಮ್ಪ್ರತಿಷ್ಠಿತ-ನ್ತಸ್ಮಾ-ದ್ಯಜ್ಞ-ಮ್ಪರಮಂ-ವಁದನ್ತಿ,
ಮಾನಸಂ-ವೈಁ ಪ್ರಾಜಾಪತ್ಯ-ಮ್ಪವಿತ್ರ-ಮ್ಮಾನಸೇನ ಮನಸಾ ಸಾಧು ಪಶ್ಯತಿ ಮಾನಸಾ ಋಷಯಃ ಪ್ರಜಾ ಅಸೃಜನ್ತ ಮಾನಸೇ ಸರ್ವ-ಮ್ಪ್ರತಿಷ್ಠಿತ-ನ್ತಸ್ಮಾ-ನ್ಮಾನಸ-ಮ್ಪರಮಂ-ವಁದನ್ತಿ,
ನ್ಯಾಸ ಇತ್ಯಾಹು-ರ್ಮನೀಷಿಣೋ ಬ್ರಹ್ಮಾಣ-ಮ್ಬ್ರಹ್ಮಾ ವಿಶ್ವಃ ಕತಮ-ಸ್ಸ್ವಯಭುಂಃ ಪ್ರಜಾಪತಿ-ಸ್ಸಂವಁಥ್ಸರ ಇತಿ, ಸಂವಁಥ್ಸರೋ ಽಸಾವಾದಿತ್ಯೋ ಯ ಏಷ ಆದಿತ್ಯೇ ಪುರುಷ-ಸ್ಸ ಪರಮೇಷ್ಠೀ ಬ್ರಹ್ಮಾತ್ಮಾ,
ಯಾಭಿರಾದಿತ್ಯ-ಸ್ತಪತಿ ರಶ್ಮಿಭಿಸ್ತಾಭಿಃ ಪರ್ಜನ್ಯೋ ವರ್ಷತಿ ಪರ್ಜನ್ಯೇ-ನೌಷಧಿ-ವನಸ್ಪತಯಃ ಪ್ರಜಾಯನ್ತ ಓಷಧಿ-ವನಸ್ಪತಿಭಿ-ರನ್ನ-ಮ್ಭವತ್ಯನ್ನೇನ ಪ್ರಾಣಾಃ ಪ್ರಾಣೈ-ರ್ಬಲ-ಮ್ಬಲೇನ ತಪ-ಸ್ತಪಸಾ ಶ್ರದ್ಧಾ ಶ್ರದ್ಧಯಾ ಮೇಧಾ ಮೇಧಯಾ ಮನೀಷಾ ಮನೀಷಯಾ ಮನೋ ಮನಸಾ ಶಾನ್ತಿ-ಶ್ಶಾನ್ತ್ಯಾ ಚಿತ್ತ-ಞ್ಚಿತ್ತೇನ ಸ್ಮೃತಿಗ್ಗ್ ಸ್ಮೃತ್ಯಾ ಸ್ಮಾರಗ್ಗ್ ಸ್ಮಾರೇಣ ವಿಜ್ಞಾನಂ-ವಿಁಜ್ಞಾನೇ-ನಾತ್ಮಾನಂ-ವೇಁದಯತಿ ತಸ್ಮಾದನ್ನ-ನ್ದದನ್-ಥ್ಸರ್ವಾಣ್ಯೇತಾನಿ ದದಾ-ತ್ಯನ್ನಾ-ತ್ಪ್ರಾಣಾ ಭವನ್ತಿ,
ಯಾಭಿರಾದಿತ್ಯ-ಸ್ತಪತಿ ರಶ್ಮಿಭಿಸ್ತಾಭಿಃ ಪರ್ಜನ್ಯೋ ವರ್ಷತಿ ಪರ್ಜನ್ಯೇ-ನೌಷಧಿ-ವನಸ್ಪತಯಃ ಪ್ರಜಾಯನ್ತ ಓಷಧಿ-ವನಸ್ಪತಿಭಿ-ರನ್ನ-ಮ್ಭವತ್ಯನ್ನೇನ ಪ್ರಾಣಾಃ ಪ್ರಾಣೈ-ರ್ಬಲ-ಮ್ಬಲೇನ ತಪ-ಸ್ತಪಸಾ ಶ್ರದ್ಧಾ ಶ್ರದ್ಧಯಾ ಮೇಧಾ ಮೇಧಯಾ ಮನೀಷಾ ಮನೀಷಯಾ ಮನೋ ಮನಸಾ ಶಾನ್ತಿ-ಶ್ಶಾನ್ತ್ಯಾ ಚಿತ್ತ-ಞ್ಚಿತ್ತೇನ ಸ್ಮೃತಿಗ್ಗ್ ಸ್ಮೃತ್ಯಾ ಸ್ಮಾರಗ್ಗ್ ಸ್ಮಾರೇಣ ವಿಜ್ಞಾನಂ-ವಿಁಜ್ಞಾನೇ-ನಾತ್ಮಾನಂ-ವೇಁದಯತಿ ತಸ್ಮಾದನ್ನ-ನ್ದದನ್-ಥ್ಸರ್ವಾಣ್ಯೇತಾನಿ ದದಾ-ತ್ಯನ್ನಾ-ತ್ಪ್ರಾಣಾ ಭವನ್ತಿ,
ಭೂತಾನಾ-ಮ್ಪ್ರಾಣೈ-ರ್ಮನೋ ಮನಸಶ್ಚ ವಿಜ್ಞಾನಂ-ವಿಁಜ್ಞಾನಾ-ದಾನನ್ದೋ ಬ್ರಹ್ಮ ಯೋನಿ-ಸ್ಸ ವಾ ಏಷ ಪುರುಷಃ ಪಞ್ಚಧಾ ಪಞ್ಚಾತ್ಮಾ ಯೇನ ಸರ್ವಮಿದ-ಮ್ಪ್ರೋತ-ಮ್ಪೃಥಿವೀ ಚಾನ್ತರಿಕ್ಷ-ಞ್ಚ ದ್ಯೌಶ್ಚ ದಿಶಶ್ಚಾವಾನ್ತರದಿಶಾಶ್ಚ ಸ ವೈ ಸರ್ವಮಿದ-ಞ್ಜಗಥ್ಸ ಸಭೂತಗ್ಂ ಸ ಭವ್ಯ-ಞ್ಜಿಜ್ಞಾಸ ಕ್ಲೃಪ್ತ ಋತಜಾ ರಯಿಷ್ಠಾ,
ಶ್ರದ್ಧಾ ಸತ್ಯೋ ಮಹಸ್ವಾ-ನ್ತಪಸೋ ಪರಿಷ್ಠಾದ್ (ವರಿಷ್ಠಾದ್) ಜ್ಞಾತ್ವಾ ತಮೇವ-ಮ್ಮನಸಾ ಹೃದಾ ಚ ಭೂಯೋ ನ ಮೃತ್ಯು-ಮುಪಯಾಹಿ ವಿದ್ವಾ-ನ್ತಸ್ಮಾ-ನ್ನ್ಯಾಸ-ಮೇಷಾ-ನ್ತಪಸಾ-ಮತಿರಿಕ್ತಮಾಹು-ರ್ವಸುರಣ್ವೋ ವಿಭೂರಸಿ ಪ್ರಾಣೇ ತ್ವಮಸಿ ಸನ್ಧಾತಾ
ಬ್ರಹ್ಮ-ನ್ತ್ವಮಸಿ ವಿಶ್ವಧೃತ್ತೇ-ಜೋದಾಸ್ ತ್ವಮಸ್ಯಗ್ನಿ-ರಸಿ ವರ್ಚೋದಾ-ಸ್ತ್ವಮಸಿ ಸೂರ್ಯಸ್ಯ ದ್ಯುಮ್ನೋದಾ ಸ್ತ್ವಮಸಿ ಚನ್ದ್ರಮಸ ಉಪಯಾಮಗೃಹೀತೋ-ಽಸಿ ಬ್ರಹ್ಮಣೇ ತ್ವಾ ಮಹಸ,
ಓಮಿತ್ಯಾತ್ಮಾನಂ-ಯುಁಞ್ಜೀತೈತದ್ವೈ ಮಹೋಪನಿಷದ-ನ್ದೇವಾನಾ-ಙ್ಗುಹ್ಯಂ-ಯಁ ಏವಂ-ವೇಁದ ಬ್ರಹ್ಮಣೋ ಮಹಿಮಾನ-ಮಾಪ್ನೋತಿ ತಸ್ಮಾ-ದ್ಬ್ರಹ್ಮಣೋ ಮಹಿಮಾನ-ಮಿತ್ಯುಪನಿಷತ್ ॥ 79.20 (ತೈ. ಅರ. 6.79.1)
ಜ್ಞಾನಯಜ್ಞಃ (4.55)
ಜ್ಞಾನಯಜ್ಞಃ (4.55)
ತಸ್ಯೈವಂ-ವಿಁದುಷೋ ಯಜ್ಞಸ್ಯಾತ್ಮಾ ಯಜಮಾನಃ-ಶ್ರಧ್ದಾಪತ್ನೀ ಶರೀರ-ಮಿದ್ಧ್ಮಮುರೋ ವೇದಿ-ರ್ಲೋಮಾನಿ
ಬರಃಇ-ರ್ವೇದಃ-ಶಿಖಾ ಹೃದಯಂ-ಯೂಁಪಃ ಕಾಮ ಆಜ್ಯ-ಮ್ಮನ್ಯುಃ ಪಶು-ಸ್ತಪೋ-ಽಗ್ನಿ-ರ್ದಮಃ ಶಮಯಿತಾ ದಕ್ಷಿಣಾ-ವಾಘೋತಾ ಪ್ರಾಣ ಉದ್ಗತಾ
ಚಕ್ಷುರಧ್ವರ್ಯು-ರ್ಮನೋ ಬ್ರಹ್ಮಾ ಶ್ರೋತ್ರಮಗ್ನೀ-ಧ್ಯಾವಧ್ದ್ರಿಯತೇ
ಸಾ ದೀಕ್ಷಾ ಯದಶ್ರ್ನಾತಿ ತಧ್ದವಿ-ರ್ಯತ್ಪಿಬತಿ ತದಸ್ಯ ಸೋಮಪಾನಂ-ಯಁದ್ರಮತೇ
ತದುಪಸದೋ ಯ-ಥ್ಸಞ್ಚರ-ತ್ಯುಪವಿಶ-ತ್ಯುತ್ತಿಷ್ಠತೇ ಚ ಸಪ್ರವರ್ಗ್ಯೋ
ಯನ್ಮುಖ-ನ್ತದಾಹವನೀಯೋ ಯಾ ವ್ಯಾಹೃತಿ-ರಾಹುತಿ-ರ್ಯದಸ್ಯ ವಿಜ್ಞಾನ-ನ್ತಜ್ಜುಹೋತಿ ಯಥ್ಸಾಯ-ಮ್ಪ್ರಾತರತ್ತಿ ತಥ್ಸಮಿಧಂ-ಯಁತ್ಪ್ರಾತ-ರ್ಮದ್ಧ್ಯನ್ದಿನಗ್ಂ ಸಾಯ-ಞ್ಚ ತಾನಿ ಸವನಾನಿ ಯೇ
ಅಹೋರಾತ್ರೇ ತೇ ದರ್ಶಪೂರ್ಣಮಾಸೌ ಯೇ-ಽರ್ಧಮಾಸಾಶ್ಚ ಮಾಸಾಶ್ಚ ತೇ ಚಾತುರ್ಮಾಸ್ಯಾನಿ ಯ ಋತವಸ್ತೇ ಪಶುಬನ್ಧಾ ಯೇ ಸಂವಁಥ್ಸರಾಶ್ಚ ಪರಿವಥ್ಸರಾಶ್ಚ ತೇ-ಽಹರ್ಗಣಾ-ಸ್ಸರ್ವ ವೇದಸಂ-ವಾಁ
ಏತ-ಥ್ಸತ್ರಂ-ಯಁನ್ಮರಣ-ನ್ತದವಭೃಥ ಏತದ್ವೈ ಜರಾಮರ್ಯ-ಮಗ್ನಿಹೋತ್ರಗ್ಂ ಸತ್ರಂ-ಯಁ ಏವಂ-ವಿಁದ್ವಾ-ನುದಗಯನೇ ಪ್ರಮೀಯತೇ
ದೇವಾನಾಮೇವ ಮಹಿಮಾನ-ಙ್ಗತ್ವಾ-ಽಽದಿತ್ಯಸ್ಯ ಸಾಯುಜ್ಯ-ಙ್ಗಚ್ಛತ್ಯಥ ಯೋ ದಕ್ಷಿಣೇ ಪ್ರಮೀಯತೇ
ಪಿತೃಣಾ-ಮೇವ ಮಹಿಮಾನ-ಙ್ಗತ್ವಾ ಚನ್ದ್ರಮಸ-ಸ್ಸಾಯುಜ್ಯಗ್ಂ ಸಲೋಕತಾ-ಮಾಪ್ನೋತ್ಯೇತೌ ವೈ ಸೂರ್ಯಾ ಚನ್ದ್ರಮಸೌ-ರ್ಮಹಿಮಾನೌ ಬ್ರಾಹ್ಮಣೋ
ವಿದ್ವಾ-ನಭಿಜಯತಿ ತಸ್ಮಾ-ದ್ಬ್ರಹ್ಮಣೋ ಮಹಿಮಾನಮಾಪ್ನೋತಿ ತಸ್ಮಾ-ದ್ಬ್ರಹ್ಮಣೋ ಮಹಿಮಾನ-ಮಿತ್ಯುಪನಿಷತ್ ॥ 80.1 (ತೈ. ಅರ. 6.80.1)
ಸಹ ನಾ ವವತು । ಸಹ ನೌ ಭುನಕ್ತು । ಸಹ ವೀರ್ಯ-ಙ್ಕರವಾವಹೈ । ತೇಜಸ್ವಿನಾ ವಧೀತಮಸ್ತು ಮಾ ವಿದ್ವಿಷಾವಹೈ ॥
ಸಹ ನಾ ವವತು । ಸಹ ನೌ ಭುನಕ್ತು । ಸಹ ವೀರ್ಯ-ಙ್ಕರವಾವಹೈ । ತೇಜಸ್ವಿನಾ ವಧೀತಮಸ್ತು ಮಾ ವಿದ್ವಿಷಾವಹೈ ॥
॥ ಓಂ ಶಾನ್ತಿ-ಶ್ಶಾನ್ತಿ-ಶ್ಶಾನ್ತಿಃ ॥
ಹರಿಃ ಓಮ್ ।
ಇತಿ ಮಹಾನಾರಾಯಣೋಪನಿಷ-ಥ್ಸಮಾಪ್ತಾ
(ಅಮ್ಭಸ್ಯೈಕಪಞ್ಚಾಶಚ್ಛತಂ - ಜಾತವೇದಸೇ ಚತುರ್ದಶ - ಭೂರನ್ನಂ - ಭೂರಗ್ನಯೇ - ಭೂರಗ್ನಯೇ ಚೈಕಮೇಕಂ - ಪಾಹಿ - ಪಾಹಿ ಚತ್ವಾರಿ ಚತ್ವಾರಿ - ಯ-ಶ್ಛನ್ದಸಾ-ನ್ದ್ವೇ - ನಮೋ ಬ್ರಹ್ಮಣೇ - ಋತ-ನ್ತಪೋ - ಯಥಾ ವೃಕ್ಷಸ್ಯೈಕ ಮೇಕ - ಮಣೋರಣೀಯಾಗ್ ಶ್ಚತುಸ್ತ್ರಿಗ್ಂಶಥ್ - ಸಹಸ್ರಶೀಷಗ್ಂ ಷಟ್ವಿಗ್ಂಶತಿ - ರಾದಿತ್ಯೋ ವಾ ಏಷ - ಆದಿತ್ಯೋ ವೈ ತೇಜ ಏಕಮೇಕಂ - ನಿಧನಪತಯೇ ತ್ರಯೋವಿಗ್ಂಶತಿಃ - ಸದ್ಯೋಜಾತ-ನ್ತ್ರೀಣಿ - ವಾಮದೇವಾಯೈಕ - ಮಘೋರೇಭ್ಯ - ಸ್ತತ್ಪುರುಷಾಯ ದ್ವೇ ದ್ವೇ - ಈಶಾನೋ - ನಮೋ ಹಿರಣ್ಯಬಾಹವ ಏಕಮೇಕ - ಮೃತಗ್ಂ ಸತ್ಯ-ನ್ದ್ವೇ - ಸರ್ವೋ ವೈ ಚತ್ವಾರಿ - ಕದ್ರುದ್ರಾಯ ತ್ರೀಣಿ - ಯಸ್ಯ ವೈ ಕಙ್ಕತೀ - ಕೃಣುಷ್ವ ಪಾಜೋ - ಽದಿತಿ - ರಾಪೋ ವಾ ಇದಗ್ಂ ಸರ್ವ ಮೇಕಮೇಕ - ಮಾಪಃ ಪುನನ್ತು ಚತ್ವಾ - ರ್ಯಗ್ನಿಶ್ಚ - ಸೂರ್ಯಶ್ಚ ನವ - ನವೋಮಿತಿ ಚತ್ವಾ - ರ್ಯಾಯಾತು ಪಚೌ - ಜೋ-ಽಸಿ ದಶೋ - ತ್ತಮೇ ಚತ್ವಾರಿ - ಘೃಣಿಸ್ತ್ರೀಣಿ - ಬ್ರಹ್ಮಮೇತು ಮಾಂ-ಯಾಁಸ್ತೇ ಬ್ರಹ್ಮಹತ್ಯಾ-ನ್ದ್ವಾದಶ - ಬ್ರಹ್ಮ ಮೇಧಯಾ-ಽದ್ಯಾ ನ ಇಮ-ಮ್ಭ್ರೂಷಹತ್ಯಾಂ - ಬ್ರಹ್ಮ ಮೇಧವಾ ಬ್ರಹ್ಮಾ ದೇವಾನಾಮಿದಂ-ವೀಁರಹತ್ಯಾಮೇಕಾನ್ನ ವಿಗ್ಂಶತಿ ರೇಕಾನ್ನವಿಗ್ಂಶತಿ--ರ್ ಮೇಧಾ ದೇವೀ - ಮೇಧಾ-ಮ್ಮ ಇನ್ದ್ರಶ್ಚತ್ವಾರಿ ಚತ್ವಾರ್ಯಾ - ಮಾ-ಮ್ಮೇಧಾ ದ್ವೇ - ಮಯಿ ಮೇಧಾ ಮೇಕ- ಮಪೈತು - ಪರಂ - ಁವಾತ-ಮ್ಪ್ರಾಣ - ಮಮುತ್ರಭೂಯಾ-ದ್- ದ್ಧರಿಗ್ಂ - ಶಲ್ಕೈರಗ್ನಿಂ - ಮಾ ಛಿದೋ ಮೃತ್ಯೋ - ಮಾ ನೋ ಮಹಾನ್ತಂ - ಮಾನಸ್ತೋಕೇ - ಪ್ರಜಾಪತೇ - ಸ್ವಸ್ತಿದಾ - ತ್ರ್ಯಮ್ಬಕಂ - ಁಯೇ ತೇ ಸಹಸ್ರ-ನ್ದ್ವೇ ದ್ವೇ - ಮೃತ್ಯವೇ ಸ್ವಾಹೈಕಂ - ದೇವಕೃತಸ್ಯೈಕಾದಶ - ಯದ್ವೋ ದೇವಾಃ - ಕಾಮೋ-ಽಕಾರ್ಷೀನ್ - ಮನ್ಯುರಕಾರ್ಷೀ-ದ್ದ್ವೇ ದ್ವೇ - ತಿಲಾಞ್ಜುಹೋಮಿ ಗಾವ-ಶ್ಶ್ರಿಯ-ಮ್ಪ್ರಜಾಃ ಪಞ್ಚ - ತಿಲಾಃ ಕೃಣ್ಷಾಶ್ಚೋರಸ್ಯ ಶ್ರೀಃ ಪ್ರಜ್ಞಾತು ಜಾತವೇದ-ಸ್ಸಪ್ತ - ಪ್ರಾಣ ವಾ-ಕ್ತ್ವಕ್ ಛಿರ ಉತ್ತಿಷ್ಠ ಪುರುಷ ಪಞ್ಚ - ಪೃಥಿವೀ ಶಬ್ದ ಮನೋ ವಾಗ್ ವ್ಯಕ್ತಾ-ಽಽತ್ಮಾ-ಽನ್ತರಾತ್ಮಾ ಪರಮಾತ್ಮಾ ಮೇ ಕ್ಷುಧೇ-ಽನ್ನಮಯ ಪಞ್ಚದಶಾ - ಗ್ನಯೇ ಸ್ವಾಹೈಕಚತ್ವಾರಿಗ್ಂಶ - ರ್ದೋ ನ್ತದ್ಬ್ರಹ್ಮ ನವ - ಶ್ರದ್ಧಾಯಾ-ಮ್ಪ್ರಾಣೇ ನಿವಿಷ್ಟ ಶ್ಚತುರ್ವಿಗ್ಂಶತಿಃ - ಶ್ರದ್ಧಾಯಾ-ನ್ದಶಾ - ಙ್ಗುಷ್ಠ ಮಾತ್ರಃ ಪುರುಷೋ ದ್ವೇ - ವಾಮ್ಮ ಆಸನ್ನಷ್ಟೌ - ವಯಃ ಸುಪರ್ಷಾಃ - ಪ್ರಾಣಾನಾ-ಙ್ಗ್ರನ್ಥಿರಸಿ ದ್ವೇ ದ್ವೇ - ನಮೋ ರುದ್ರಾಯೈಕಂ - ತ್ವಮಗ್ನೇ ದ್ಯುಭಿರ್ ದ್ವೇ - ಶಿವೇನ ಮೇ ಸನ್ತಿಷ್ಠಸ್ವ - ಸತ್ಯಂ - ಪ್ರಾಜಾಪತ್ಯ - ಸ್ತಸ್ಯೈವ ಮೇಕ ಮೇಕ ಮಶತಿಃ)