തൈത്തിരീയ അരണ്യക - ചതുര്ഥഃ പ്രശ്നഃ
ഓം സഹ നാ വവതു । സഹ നൌ ഭുനക്തു ।
ഓം സഹ നാ വവതു । സഹ നൌ ഭുനക്തു ।
സഹ വീര്യ-ങ്കരവാവഹൈ । തേജസ്വിനാ വധീതമസ്തു മാ വിദ്വിഷാവഹൈ ॥
ഓം ശാന്തി-ശ്ശാന്തി-ശ്ശാന്തിഃ ॥
അമ്ഭസ്യപാരേ (4.1)
അമ്ഭസ്യപാരേ (4.1)
അമ്ഭസ്യ പാരേ ഭുവനസ്യ മദ്ധ്യേ നാകസ്യ പൃഷ്ഠേ മഹതോ മഹീയാന് ।
ശുക്രേണ ജ്യോതീഗ്ംഷി സമനുപ്രവിഷ്ടഃ പ്രജാപതിശ്ചരതി ഗര്ഭേ അന്തഃ ।
യസ്മിന്നിദഗ്ം സഞ്ച വിചൈതി സര്വം-യഁസ്മി-ന്ദേവാ അധി വിശ്വേ നിഷേദുഃ ।
തദേവ ഭൂത-ന്തദു ഭവ്യമാ ഇദ-ന്തദക്ഷരേ പരമേ വ്യോമന്ന് ।
യേനാ വൃത-ങ്ഖഞ്ച ദിവ-മ്മഹീഞ്ച യേനാദിത്യ-സ്തപതി തേജസാ ഭ്രാജസാ ച ।
യമന്ത-സ്സമുദ്രേ കവയോ വയന്തി യദക്ഷരേ പരമേ പ്രജാഃ ।
യതഃ പ്രസൂതാ ജഗതഃ പ്രസൂതീ തോയേന ജീവാന് വ്യചസര്ജ (വ്യസസര്ജ) ഭൂമ്യാമ് ।
യദോഷധീഭിഃ പുരുഷാ-ന്പശൂഗ്ശ്ച വിവേശ ഭൂതാനി ചരാചരാണി ।
അതഃ പര-ന്നാന്യ-ദണീയസഹി പരാ-ത്പരം-യഁ-ന്മഹതോ മഹാന്തമ് ।
യദേക-മവ്യക്ത-മനന്തരൂപം-വിഁശ്വ-മ്പുരാണ-ന്തമസഃ പരസ്താത് ॥ 1.5 (തൈ. അര. 6.1.1)
തദേവര്ത-ന്തദു സത്യമാഹു-സ്തദേവ ബ്രഹ്മ പരമ-ങ്കവീനാമ് ।
തദേവര്ത-ന്തദു സത്യമാഹു-സ്തദേവ ബ്രഹ്മ പരമ-ങ്കവീനാമ് ।
ഇഷ്ടാപൂര്ത-മ്ബഹുധാ ജാത-ഞ്ജായമാനം-വിഁശ്വ-മ്ബിഭര്തി ഭുവനസ്യ നാഭിഃ ।
തദേവാഗ്നി-സ്തദ്വായു-സ്തഥ്സൂര്യസ്തദു ചന്ദ്രമാഃ ।
തദേവ ശുക്രമമൃത-ന്തദ്ബ്രഹ്മ തദാപ-സ്സ പ്രജാപതിഃ ।
സര്വേ നിമേഷാ ജജ്ഞിരേ വിദ്യുതഃ പുരുഷാദധി ।
കലാ മുഹൂര്താഃ കാഷ്ഠാശ്ചാഹോ-രാത്രാശ്ച സര്വശഃ ।
അര്ധമാസാ മാസാ ഋതവഃ സംവഁഥ്സരശ്ച കല്പന്താമ് ।
സ ആപഃ പ്രദുഘേ ഉഭേ ഇമേ അന്തരിക്ഷ-മഥോ സുവഃ ।
നൈന-മൂര്ധ്വ-ന്ന തിര്യ-ഞ്ച ന മദ്ധ്യേ പരിജഗ്രഭത് ।
ന തസ്യേശേ കശ്ചന തസ്യ നാമ മഹദ്യശഃ ॥ 1.10 (തൈ. അര. 6.1.2)
ന സദൃംശേ തിഷ്ഠതി രൂപമസ്യ ന ചക്ഷുഷാ പശ്യതി കശ്ചനൈനമ് ।
ന സദൃംശേ തിഷ്ഠതി രൂപമസ്യ ന ചക്ഷുഷാ പശ്യതി കശ്ചനൈനമ് ।
ഹൃദാ മനീഷാ മനസാ-ഽഭി ക്ലൃപ്തോ യ ഏനം-വിഁദു-രമൃതാസ്തേ ഭവന്തി ।
അദ്ഭ്യ-സ്സമ്ഭൂതോ ഹിരണ്യഗര്ഭ ഇത്യഷ്ടൌ ।
ഏഷ ഹി ദേവഃ പ്രദിശോ-ഽനു സര്വാഃ പൂര്വോ ഹി ജാത-സ്സ ഉ ഗര്ഭേ അന്തഃ ।
സ വിജായമാന-സ്സജനിഷ്യമാണഃ പ്രത്യം-മുഖാ സ്തിഷ്ഠതി വിശ്വതോമുഖഃ ।
വിശ്വതശ്ച-ക്ഷുരുത വിശ്വതോ മുഖോ വിശ്വതോ ഹസ്ത ഉത വിശ്വതസ്പാത് ।
സ-മ്ബാഹുഭ്യാ-ന്നമതി സ-മ്പതത്രൈ-ര്ദ്യാവാ പൃഥിവീ ജനയ-ന്ദേവ ഏകഃ ।
വേനസ്ത-ത്പശ്യന്. വിശ്വാ ഭുവനാനി വിദ്വാന്. യത്ര വിശ്വ-മ്ഭവത്യേക-നീലമ് ।
യസ്മിന്നിദഗ്ം സഞ്ച വിചൈകഗ്ം സ ഓതഃ പ്രോതശ്ച വിഭുഃ പ്രജാസു ।
പ്രതദ്വോചേ അമൃതന്നു വിദ്വാ-ന്ഗന്ധര്വോ നാമ നിഹിത-ങ്ഗുഹാസു ॥ 1.15 (തൈ. അര. 6.1.3)
ത്രീണി പദാ നിഹിതാ ഗുഹാസു യസ്തദ്വേദ സവിതുഃ പിതാ-ഽസത് ।
ത്രീണി പദാ നിഹിതാ ഗുഹാസു യസ്തദ്വേദ സവിതുഃ പിതാ-ഽസത് ।
സ നോ ബന്ധു-ര്ജനിതാ സ വിധാതാ ധാമാനി വേദ ഭുവനാനി വിശ്വാ ।
യത്ര ദേവാ അമൃതമാന-ശാനാസ്തൃതീയേ ധാമാന്യ-ഭ്യൈരയന്ത ।
പരി ദ്യാവാപൃഥിവീ യന്തി സദ്യഃ പരി ലോകാ-ന്പരി ദിശഃ പരി സുവഃ ।
ഋതസ്യ തന്തും-വിഁതതം-വിഁചൃത്യ തദപശ്യ-ത്തദഭവ-ത്പ്രജാസു ।
പരീത്യ ലോകാ-ന്പരീത്യ ഭൂതാനി പരീത്യ സര്വാഃ പ്രദിശോ ദിശശ്ച ।
പ്രജാപതിഃ പ്രഥമജാ ഋതസ്യാത്മനാ-ഽഽത്മാന-മഭി-സമ്ബഭൂവ ।
സദസസ്പതി-മദ്ഭുത-മ്പ്രിയമിന്ദ്രസ്യ കാമ്യമ് ।
സനി-മ്മേധാ മയാസിഷമ് ।
ഉദ്ദീപ്യസ്വ ജാതവേദോ ഽപഘ്നന്നിര്-ഋതി-മ്മമ ॥ 1.19 (തൈ. അര. 6.1.4)
പശൂഗ്ശ്ച മഹ്യമാവഹ ജീവനഞ്ച ദിശോ ദിശ ।
പശൂഗ്ശ്ച മഹ്യമാവഹ ജീവനഞ്ച ദിശോ ദിശ ।
മാനോ ഹിഗ്ംസീ ജ്ജാതവേദോ ഗാമശ്വ-മ്പുരുഷ-ഞ്ജഗത് ।
അബിഭ്രദഗ്ന ആഗഹി ശ്രിയാ മാ പരിപാതയ ॥ 1.21 (തൈ. അര. 6.1.5)
ഗായത്രീ മന്ത്രാഃ (4.2)
ഗായത്രീ മന്ത്രാഃ (4.2)
പുരുഷസ്യ വിദ്മ സഹസ്രാക്ഷസ്യ മഹാദേവസ്യ ധീമഹി । തന്നോ രുദ്രഃ പ്രചോദയാത് ॥
തത്പുരുഷായ വിദ്മഹേ മഹാദേവായ ധീമഹി । തന്നോ രുദ്രഃ പ്രചോദയാത് ॥
തത്പുരുഷായ വിദ്മഹേ വക്രതുണ്ഡായ ധീമഹി । തന്നോ ദന്തിഃ പ്രചോദയാത് ॥
തത്പുരുഷായ വിദ്മഹേ ചക്രതുണ്ഡായ ധീമഹി । തന്നോ നന്ദിഃ പ്രചോദയാത് ॥
തത്പുരുഷായ വിദ്മഹേ മഹാസേനായ ധീമഹി । തന്നഃ ഷണ്മുഖഃ പ്രചോദയാത് ॥
തത്പുരുഷായ വിദ്മഹേ സുവര്ണപക്ഷായ ധീമഹി । തന്നോ ഗരുഡഃ പ്രചോദയാത് ॥
വേദാത്മനായ വിദ്മഹേ ഹിരണ്യഗര്ഭായ ധീമഹി । തന്നോ ബ്രഹ്മ പ്രചോദയാത് ॥
നാരായണായ വിദ്മഹേ വാസുദേവായ ധീമഹി । തന്നോ വിഷ്ണുഃ പ്രചോദയാത് ॥
വജ്രനഖായ വിദ്മഹേ തീക്ഷ്ണ-ദഗ്ഗ്ഷ്ട്രായ ധീമഹി । തന്നോ നാരസിഗ്ംഹഃ പ്രചോദയാത് ॥
ഭാസ്കരായ വിദ്മഹേ മഹദ്ദ്യുതികരായ ധീമഹി । തന്നോ ആദിത്യഃ പ്രചോദയാത് ॥
വൈശ്വാനരായ വിദ്മഹേ ലാലീലായ ധീമഹി । തന്നോ അഗ്നിഃ പ്രചോദയാത് ॥
കാത്യായനായ വിദ്മഹേ കന്യകുമാരി ധീമഹി । തന്നോ ദുര്ഗിഃ പ്രചോദയാത് ॥ 1.33 (തൈ. അര. 6.1.5-7)
ദൂര്വാ സൂക്തം (4.3)
ദൂര്വാ സൂക്തം (4.3)
സഹസ്രപരമാ ദേവീ ശതമൂലാ ശതാങ്കുരാ ।
സര്വഗ്ം ഹരതു മേ പാപ-ന്ദൂര്വാ ദുഃസ്വപ്ന നാശനീ ।
കാണ്ഡാ-ത്കാണ്ഡാ-ത്പ്രരോഹന്തീ പരുഷഃ പരുഷഃ പരി ।
ഏവാ നോ ദൂര്വേ പ്രതനു സഹസ്രേണ ശതേന ച ।
ഏവാ നോ ദൂര്വേ പ്രതനു സഹസ്രേണ ശതേന ച ।
യാ ശതേന പ്രതനോഷി സഹസ്രേണ വിരോഹസി ।
തസ്യാസ്തേ ദേവീഷ്ടകേ വിധേമ ഹവിഷാ വയമ് ।
അശ്വക്രാന്തേ രഥക്രാന്തേ വിഷ്ണുക്രാന്തേ വസുന്ധരാ ।
ശിരസാ ധാരയിഷ്യാമി രക്ഷസ്വ മാ-മ്പദേ പദേ ॥ 1.37 (തൈ. അര. 6.1.8)
മൃത്തികാ സൂക്തമ് (4.4)
മൃത്തികാ സൂക്തമ് (4.4)
ഭൂമി-ര്ധേനു-ര്ധരണീ ലോകധാരിണീ ।
ഉധൃതാ-ഽസി വരാഹേണ കൃഷ്ണേന ശത ബാഹുനാ ।
മൃത്തികേ ഹന മേ പാപം-യഁന്മയാ ദുഷ്കൃത-ങ്കൃതമ് ।
മൃത്തികേ ബ്രഹ്മദത്താ-ഽസി കാശ്യപേനാഭിമന്ത്രിതാ ।
മൃത്തികേ ദേഹി മേ പുഷ്ടി-ന്ത്വയി സര്വ-മ്പ്രതിഷ്ഠിതമ് ॥ 1.39
മൃത്തികേ പ്രതിഷ്ഠിതേ സര്വ-ന്തന്മേ നിര്ണുദ മൃത്തികേ ।
മൃത്തികേ പ്രതിഷ്ഠിതേ സര്വ-ന്തന്മേ നിര്ണുദ മൃത്തികേ ।
തയാ ഹതേന പാപേന ഗച്ഛാമി പരമാ-ങ്ഗതിമ് ॥ 1.40 (തൈ. അര. 6.1.9)
ശത്രുജയ മന്ത്രാഃ (4.5)
ശത്രുജയ മന്ത്രാഃ (4.5)
യത ഇന്ദ്ര ഭയാമഹേ തതോ നോ അഭയ-ങ്കൃധി ।
മഘവന് ഛഗ്ധി തവ തന്ന ഊതയേ വിദ്വിഷോ വിമൃധോ ജഹി ।
സ്വസ്തിദാ വിശസ്പതി-ര്വൃത്രഹാ വിമൃധോ വശീ ।
വൃഷേന്ദ്രഃ പുര ഏതു ന-സ്സ്വസ്തിദാ അഭയങ്കരഃ ।
സ്വസ്തി ന ഇന്ദ്രോ വൃദ്ധശ്രവാ-സ്സ്വസ്തി നഃ പൂഷാ വിശ്വവേദാഃ ।
സ്വസ്തി നസ്താര്ക്ഷ്യോ അരിഷ്ടനേമി-സ്സ്വസ്തി നോ ബൃഹസ്പതി-ര്ദധാതു ।
ആപാന്ത-മന്യുസ്തൃപലപ്രഭര്മാ ധുനി-ശ്ശിമീവാം-ഛരുമാഗ്ം ഋജീഷീ ।
സോമോ വിശ്വാന്യതസാ വനാനി നാര്വാഗിന്ദ്ര-മ്പ്രതിമാനാനി ദേഭുഃ ॥ 1.44
ബ്രഹ്മ ജജ്ഞാന-മ്പ്രഥമ-മ്പുരസ്താ-ദ്വിസീമത-സ്സുരുചോ വേന ആവഃ ।
ബ്രഹ്മ ജജ്ഞാന-മ്പ്രഥമ-മ്പുരസ്താ-ദ്വിസീമത-സ്സുരുചോ വേന ആവഃ ।
സ ബുധ്നിയാ ഉപമാ അസ്യ വിഷ്ഠാ-സ്സതശ്ച യോനി-മസതശ്ച വിവഃ ।
സ്യോനാ പൃഥിവി ഭവാ നൃക്ഷരാ നിവേശനീ । യച്ഛാ ന-ശ്ശര്മ സപ്രഥാഃ ।
ഗന്ധദ്വാരാ-ന്ദുരാധര്ഷാ-ന്നിത്യപുഷ്ടാ-ങ്കരീഷിണീമ് ।
ഈശ്വരീഗ്ം സര്വഭൂതാനാ-ന്താമിഹോപഹ്വയേ ശ്രിയമ് ।
ശ്രീര്മേ ഭജതു । അലക്ഷ്മീര്മേ നശ്യതു ।
വിഷ്ണുമുഖാ വൈ ദേവാ-ശ്ഛന്ദോ-ഭിരിമാംല്ലോഁകാ-നനപജയ്യ-മഭ്യജയന്ന് ।
മഹാഗ്ം ഇന്ദ്രോ വജ്രബാഹു-ഷ്ഷോഡശീ ശര്മ യച്ഛതു ॥ 1.48 (തൈ. അര. 6.1.10)
സ്വസ്തി നോ മഘവാ കരോതു ഹന്തു പാപ്മാനം-യോഁ-ഽസ്മാ-ന്ദ്വേഷ്ടി ।
സ്വസ്തി നോ മഘവാ കരോതു ഹന്തു പാപ്മാനം-യോഁ-ഽസ്മാ-ന്ദ്വേഷ്ടി ।
സോമാനഗ്ഗ് സ്വരണ-ങ്കൃണുഹി ബ്രഹ്മണസ്പതേ ।
കക്ഷീവന്തം-യഁ ഔശിജമ് ।
ശരീരം-യഁജ്ഞശമല-ങ്കുസീദ-ന്തസ്മി-ന്ഥ്സീദതു യോ-ഽസ്മാ-ന്ദ്വേഷ്ടി ।
ചരണ-മ്പവിത്രം-വിഁതത-മ്പുരാണം-യേഁന പൂത-സ്തരതി ദുഷ്കൃതാനി ।
തേന പവിത്രേണ ശുദ്ധേന പൂതാ അതി പാപ്മാന-മരാതി-ന്തരേമ ।
സജോഷാ ഇന്ദ്ര സഗണോ മരുദ്ഭി-സ്സോമ-മ്പിബ വൃത്രഹഞ്ഛൂര വിദ്വാന് ।
ജഹി ശത്രൂഗ്ം രപ മൃധോ നുദസ്വാഥാഭയ-ങ്കൃണുഹി വിശ്വതോ നഃ ।
സുമിത്രാ ന ആപ ഓഷധയ-സ്സന്തു ദുര്മിത്രാസ്തസ്മൈ ഭൂയാസു-ര്യാ-ഽസ്മാ-ന്ദ്വേഷ്ടി യഞ്ച വയ-ന്ദ്വിഷ്മഃ । 1.53 (തൈ. അര. 6.1.11)
ആപോ ഹിഷ്ഠാ മയോ ഭുവസ്താ ന ഊര്ജേ ദധാതന ।
ആപോ ഹിഷ്ഠാ മയോ ഭുവസ്താ ന ഊര്ജേ ദധാതന ।
മഹേരണായ ചക്ഷസേ ।
യോ വഃ ശിവതമോ രസ-സ്തസ്യ ഭാജയതേ ഹ നഃ ।
ഉശതീ-രിവ മാതരഃ ।
തസ്മാ അരങ്ഗമാമവോ യസ്യ ക്ഷയായ ജിന്വഥ ।
ആപോ ജനയഥാ ച നഃ ॥ 1.54 (തൈ. അര. 6.1.12)
അഘമര്ഷണ സൂക്തമ് (4.6)
അഘമര്ഷണ സൂക്തമ് (4.6)
ഹിരണ്യശൃങ്ഗം-വഁരുണ-മ്പ്രപദ്യേ തീര്ഥ-മ്മേ ദേഹി യാചിതഃ ।
യന്മയാ ഭുക്ത-മസാധൂനാ-മ്പാപേഭ്യശ്ച പ്രതിഗ്രഹഃ ।
യന്മേ മനസാ വാചാ കര്മണാ വാ ദുഷ്കൃത-ങ്കൃതമ് ।
തന്ന ഇന്ദ്രോ വരുണോ ബൃഹസ്പതിഃ സവിതാ ച പുനന്തു പുനഃ പുനഃ ।
നമോ-ഽഗ്നയേ-ഽഫ്സുമതേ നമ ഇന്ദ്രായ നമോ വരുണായ നമോ വാരുണ്യൈ നമോ-ഽദ്ഭ്യഃ ॥ 1.57
യദപാ-ങ്ക്രൂരം-യഁദമേദ്ധ്യം-യഁദശാന്ത-ന്തദപഗച്ഛതാത് ।
യദപാ-ങ്ക്രൂരം-യഁദമേദ്ധ്യം-യഁദശാന്ത-ന്തദപഗച്ഛതാത് ।
അത്യാശനാ-ദതീപാനാ-ദ്യച്ച ഉഗ്രാ-ത്പ്രതിഗ്രഹാത് ।
തന്നോ വരുണോ രാജാ പാണിനാ ഹ്യവമര്ശതു ।
സോ-ഽഹമപാപോ വിരജോ നിര്മുക്തോ മുക്തകില്ബിഷഃ ।
നാകസ്യ പൃഷ്ഠമാരുഹ്യ ഗച്ഛേ-ദ്ബ്രഹ്മസലോകതാമ് ।
യശ്ചാഫ്സു വരുണ-സ്സ പുനാത്വഘമര്ഷണഃ ।
ഇമ-മ്മേ ഗങ്ഗേ യമുനേ സരസ്വതി ശുതുദ്രി സ്തോമഗ്ം സചതാ പരുഷ്ണിയാ ।
അസിക്നിയാ മരുദ്വൃധേ വിതസ്തയാ-ഽഽര്ജീകീയേ ശൃണുഹ്യാ സുഷോമയാ ।
ഋതഞ്ച സത്യഞ്ചാ-ഭീദ്ധാ ത്തപസോ-ഽദ്ധ്യജായത ।
തതോ രാത്രി-രജായത തതഃ സമുദ്രോ അര്ണവഃ ॥ 1.63 (തൈ. അര. 6.1.13)
സമുദ്രാ-ദര്ണവാ-ദധി സംവഁഥ്സരോ അജായത ।
സമുദ്രാ-ദര്ണവാ-ദധി സംവഁഥ്സരോ അജായത ।
അഹോരാത്രാണി വിദധ-ദ്(മിദധദ്) വിശ്വസ്യ മിഷതോ വശീ ।
ഊര്യാചന്ദ്രമസൌ ധാതാ യഥാ പൂര്വ മകല്പയത് ।
ദിവഞ്ച പൃഥിവീ-ഞ്ചാന്തരിക്ഷ മഥോ സുവഃ ।
യ-ത്പൃഥിവ്യാഗ്ം രജസ്സ്വ മാന്തരിക്ഷേ വിരോദസീ ।
ഇമാഗ് സ്തദാപോ വരുണഃ പുനാത്വഘമര്ഷണഃ ।
പുനന്തു വസവഃ പുനാതു വരുണഃ പുനാത്വഘമര്ഷണഃ ।
ഏഷ ഭൂതസ്യ മദ്ധ്യേ ഭുവനസ്യ ഗോപ്താ ।
ഏഷ പുണ്യകൃതാം-ലോഁകാനേഷ മൃത്യോര്-ഹിരണ്മയമ് ।
ദ്യാവാപൃഥിവ്യോര്-ഹിരണ്മയഗ്ം സഗ്ഗ്ശ്രിതഗ്ം സുവഃ । 1.66 (തൈ. അര. 6.1.14)
സ ന-സ്സുവ-സ്സഗ്ം ശിശാധി ।
സ ന-സ്സുവ-സ്സഗ്ം ശിശാധി ।
ആര്ദ്ര-ഞ്ജ്വലതി ജ്യോതി-രഹമസ്മി ।
ജ്യോതി-ര്ജ്വലതി ബ്രഹ്മാഹമസ്മി ।
യോ-ഽഹമസ്മി ബ്രഹ്മാഹമസ്മി ।
അഹമസ്മി ബ്രഹ്മാഹമസ്മി ।
അഹമേവാഹ-മ്മാ-ഞ്ജുഹോമി സ്വാഹാ ।
അകാര്യ-കാര്യവ കീര്ണീ സ്തേനോ ഭ്രൂണഹാ ഗുരുതല്പഗഃ ।
വരുണോ-ഽപാമഘമര്ഷണ-സ്തസ്മാ-ത്പാപാ-ത്പ്രമുച്യതേ ।
രജോഭൂമിസ്ത്വമാഗ്ം രോദയസ്വ പ്രവദന്തി ധീരാഃ ।
ആക്രാന്-ഥ്സമുദ്രഃ പ്രഥമേ വിധര്മ-ഞ്ജനയ-ന്പ്രജാ ഭുവനസ്യ രാജാ ।
വൃഷാ പവിത്രേ അധിസാനോ അവ്യേ ബൃഹ-ഥ്സോമോ വാവൃധേ സുവാന ഇന്ദുഃ ॥ 1.70
(പുരസ്താ--ദ്യശോ - ഗുഹാസു - മമ - ചക്രതുണ്ഡായ ധീമഹി - തീക്ഷദഗ്ഗ്ഷ്ഠ്രായ ധീമഹി - പരി - പ്രതിഷ്ഠിതം - ദേഭു--ര് യച്ഛതു - ദധാതനാ- ദ്ഭ്യോ - ഽര്ണവഃ - സുവോ - രാജൈക-ഞ്ച) (ആ1)
ദുര്ഗാ സൂക്തമ് (4.7)
(പുരസ്താ--ദ്യശോ - ഗുഹാസു - മമ - ചക്രതുണ്ഡായ ധീമഹി - തീക്ഷദഗ്ഗ്ഷ്ഠ്രായ ധീമഹി - പരി - പ്രതിഷ്ഠിതം - ദേഭു--ര് യച്ഛതു - ദധാതനാ- ദ്ഭ്യോ - ഽര്ണവഃ - സുവോ - രാജൈക-ഞ്ച) (ആ1)
ദുര്ഗാ സൂക്തമ് (4.7)
ജാതവേദസേ സുനവാമ സോമ-മരാതീയതോ നിദഹാതി വേദഃ ।
സ നഃ പര്ഷദതി ദുര്ഗാണി വിശ്വാ നാവേവ സിന്ധു-ന്ദുരിതാ-ഽത്യഗ്നിഃ ।
താമഗ്നിവര്ണാ-ന്തപസാ ജ്വലന്തീം-വൈഁരോചനീ-ങ്കര്മഫലേഷു ജുഷ്ടാമ് ।
ദുര്ഗാ-ന്ദേവീഗ്ം ശരണമഹ-മ്പ്രപദ്യേ സുതരസി തരസേ നമഃ ।
അഗ്നേ ത്വ-മ്പാരയാ നവ്യോ അസ്മാന്-ഥ്സ്വസ്തി-ഭിരതി ദുര്ഗാണി വിശ്വാ ।
പൂശ്ച പൃഥ്വീ ബഹുലാ ന ഉര്വീ ഭവാ തോകായ തനയായ ശംയോഁഃ ।
വിശ്വാനി നോ ദുര്ഗഹാ ജാതവേദ-സ്സിന്ധു-ന്ന നാവാ ദുരിതാ-ഽതിപര്ഷി ।
അഗ്നേ അത്രിവ-ന്മനസാ ഗൃണാനോ-ഽസ്മാക-മ്ബോദ്ധ്യവിതാ തനൂനാമ് ।
പൃതനാജിതഗ്ം സഹമാന-മുഗ്രമഗ്നിഗ്ം ഹുവേമ പരമാ-ഥ്സധസ്ഥാത് ।
സ നഃ പര്ഷദതി ദുര്ഗാണി വിശ്വാ ക്ഷാമദ്ദേവോ അതി ദുരിതാ-ഽത്യഗ്നിഃ ।
പ്രത്നോഷി-കമീഡ്യോ അദ്ധ്വരേഷു സനാച്ച ഹോതാ നവ്യശ്ച സഥ്സി ।
സ്വാഞ്ചാഗ്നേ തനുവ-മ്പിപ്രയസ്വാസ്മഭ്യഞ്ച സൌഭഗമായജസ്വ ।
ഗോഭി-ര്ജുഷ്ടമയുജോ നിഷിക്ത-ന്തവേന്ദ്ര വിഷ്ണോ-രനുസഞ്ചരേമ ।
നാകസ്യ പൃഷ്ഠമഭി സംവഁസാനോ വൈഷ്ണവീം-ലോഁക ഇഹ മാദയന്താമ് ॥ 2.7 (ദുരിതാ-ഽത്യഗ്നിശ്ചത്വാരി ച) (തൈ. അര. 6.2.1)
[ ഓ-ങ്കാത്യായനായ വിദ്മഹേ കന്യകുമാരി ധീമഹി । തന്നോ ദുര്ഗിഃ പ്രചോദയാത് ॥ ]
വ്യാഹൃതി ഹോമ മന്ത്രാഃ (4.8)
വ്യാഹൃതി ഹോമ മന്ത്രാഃ (4.8)
ഭൂ-രന്ന-മഗ്നയേ പൃഥിവ്യൈ സ്വാഹാ, ഭുവോ-ഽന്നം-വാഁയവേ-ഽന്തരിക്ഷായ സ്വാഹാ, സുവരന്ന-മാദിത്യായ ദിവേ സ്വാഹാ, ഭൂര്ഭുവസ്സുവ-രന്ന-ഞ്ചന്ദ്രമസേ ദിഗ്ഭ്യ-സ്സ്വാഹാ, നമോ ദേവേഭ്യഃ സ്വധാ പിതൃഭ്യോ ഭൂര്ഭുവസ്സുവ-രന്നമോമ് ॥ 3.1 (തൈ. അര. 6.3.1)
ഭൂ-രഗ്നയേ പൃഥിവ്യൈ സ്വാഹാ, ഭുവോ വായവേ-ഽന്തരിക്ഷായ സ്വാഹാ ,
ഭൂ-രഗ്നയേ പൃഥിവ്യൈ സ്വാഹാ, ഭുവോ വായവേ-ഽന്തരിക്ഷായ സ്വാഹാ ,
സുവരാദിത്യായ ദിവേ സ്വാഹാ, ഭൂ-ര്ഭുവസ്സുവ-ശ്ചന്ദ്രമസേ ദിഗ്ഭ്യ-സ്സ്വാഹാ,
നമോ ദേവേഭ്യഃ സ്വധാ പിതൃഭ്യോ ഭൂര്ഭുവസ്സുവ-രഗ്ന ഓമ് ॥ 4.1
ഭൂ-രഗ്നയേ ച പൃഥിവ്യൈ ച മഹതേ ച സ്വാഹാ,
ഭൂ-രഗ്നയേ ച പൃഥിവ്യൈ ച മഹതേ ച സ്വാഹാ,
ഭുവോ വായവേ ചാന്തരിക്ഷായ ച മഹതേ ച സ്വാഹാ,
സുവരാദിത്യായ ച ദിവേ ച മഹതേ ച സ്വാഹാ,
ഭൂ-ര്ഭുവസ്സുവ-ശ്ചന്ദ്രമസേ ച നക്ഷത്രേഭ്യശ്ച ദിഗ്ഭ്യശ്ച മഹതേ ച സ്വാഹാ,
നമോ ദേവേഭ്യഃ സ്വധാ പിതൃഭ്യോ ഭൂര്ഭുവസ്സുവ-ര്മഹരോമ് ॥ 5.1 (തൈ. അര. 6.4.1)
ജ്ഞാനപ്രാപ്ത്യര്ഥാ ഹോമമന്ത്രാഃ (4.9)
ജ്ഞാനപ്രാപ്ത്യര്ഥാ ഹോമമന്ത്രാഃ (4.9)
പാഹി നോ അഗ്ന ഏനസേ സ്വാഹാ ।
പാഹി നോ വിശ്വവേദസേ സ്വാഹാ ।
യജ്ഞ-മ്പാഹി വിഭാവസോ സ്വാഹാ ।
സര്വ-മ്പാഹി ശതക്രതോ സ്വാഹാ ॥ 6.1 (തൈ. അര. 6.7.1)
പാഹി നോ അഗ്ന ഏകയാ ।
പാഹി നോ അഗ്ന ഏകയാ ।
പാഹ്യുത ദ്വിതീയയാ ।
പാഹ്യൂര്ജ-ന്തൃതീയയാ ।
പാഹി ഗീര്ഭി-ശ്ചതസൃഭി-ര്വസോ സ്വാഹാ ॥ 7.1 (തൈ. അര. 6.6.1)
വേദാവിസ്മരണായ ജപമന്ത്രാഃ (4.10)
വേദാവിസ്മരണായ ജപമന്ത്രാഃ (4.10)
യ-ശ്ഛന്ദസാ-മൃഷഭോ വിശ്വരൂപ-ശ്ഛന്ദോഭ്യ-ശ്ഛന്ദാഗ്സ്യാ വിവേശ ।
സചാഗ്ം ശിക്യഃ പുരോ വാചോപനിഷ-ദിന്ദ്രോ ജ്യേഷ്ഠ ഇന്ദ്രിയായ ഋഷിഭ്യോ നമോ ദേവേഭ്യഃ സ്വധാ പിതൃഭ്യോ ഭൂര്ഭുവസ്സുവ-ശ്ഛന്ദ ഓമ് ॥ 8.1 (തൈ. അര. 6.8.1)
നമോ ബ്രഹ്മണേ ധാരണ-മ്മേ അസ്ത്വ-നിരാകരണം-ധാരയിതാ ഭൂയാസ-ങ്കര്ണയോ-ശ്ശ്രുത-മ്മാച്യോഢ്വ-മ്മമാമുഷ്യ ഓമ് ॥ 9.1 (തൈ. അര. 6.9.1)
തപഃ പ്രശംസാ (4.11)
നമോ ബ്രഹ്മണേ ധാരണ-മ്മേ അസ്ത്വ-നിരാകരണം-ധാരയിതാ ഭൂയാസ-ങ്കര്ണയോ-ശ്ശ്രുത-മ്മാച്യോഢ്വ-മ്മമാമുഷ്യ ഓമ് ॥ 9.1 (തൈ. അര. 6.9.1)
തപഃ പ്രശംസാ (4.11)
ഋത-ന്തപഃ സത്യ-ന്തപഃ ശ്രുത-ന്തപഃ ശാന്ത-ന്തപോ ദമ സ്തപ-ശ്ശമസ്തപോ ദാന-ന്തപോ യജ്ഞ-ന്തപോ ഭൂര്ഭുവസ്സുവ-ര്ബ്രഹ്മൈ-തദുപാസ്യൈ-തത്തപഃ ॥ 10.1 (തൈ. അര. 6.10.1)
വിഹിതാചരണ പ്രശംസാ നിഷിദ്ധാചരണ നിന്ദാ ച (4.12)
വിഹിതാചരണ പ്രശംസാ നിഷിദ്ധാചരണ നിന്ദാ ച (4.12)
യഥാ വൃക്ഷസ്യ സപുംഷ്പിതസ്യ ദൂരാ-ദ്ഗന്ധോ വാത്യേവ-മ്പുണ്യസ്യ കര്മണോ ദൂരാ-ദ്ഗന്ധോ വാതി യഥാ-ഽസിധാരാ-ങ്കര്തേ-ഽവഹിതാ-മവക്രാമേ യദ്യുവേ യുവേ ഹവാ വിഹ്വയിഷ്യാമി കര്ത-മ്പതിഷ്യാമീത്യേവ-മമൃതാ-ദാത്മാന-ഞ്ജുഗുഫ്സേത് ॥ 11.1 (തൈ. അര. 6.11.1)
ദഹര വിദ്യാ (4.13)
ദഹര വിദ്യാ (4.13)
അണോ-രണീയാ-ന്മഹതോ മഹീയാ-നാത്മാ ഗുഹായാ-ന്നിഹിതോ-ഽസ്യ ജന്തോഃ ।
തമക്രതു-മ്പശ്യതി വീതശോകോ ധാതുഃ പ്രസാദാ-ന്മഹിമാനമീശമ് ।
സപ്ത പ്രാണാഃ പ്രഭവന്തി തസ്മാ-ഥ്സപ്താര്ചിഷഃ സമിധഃ സപ്ത ജിഹ്വാഃ ।
സപ്ത ഇമേ ലോകാ യേഷു ചരന്തി പ്രാണാ ഗുഹാശയാ-ന്നിഹിതാ-സ്സപ്ത സപ്ത ।
അതഃ സമുദ്രാ ഗിരയശ്ച സര്വേ-ഽസ്മാ-ഥ്സ്യന്ദന്തേ സിന്ധവ-സ്സര്വരൂപാഃ ।
അതശ്ച വിശ്വാ ഓഷധയോ രസാച്ച യേനൈഷ ഭൂത-സ്തിഷ്ഠത്യന്തരാത്മാ ।
ബ്രഹ്മാ ദേവാനാ-മ്പദവീഃ കവീനാ-മൃഷി-ര്വിപ്രാണാ-മ്മഹിഷോ മൃഗാണാമ് ।
ശ്യേനോ ഗൃധ്രാണാഗ് സ്വധിതി-ര്വനാനാഗ്ം സോമഃ പവിത്ര മത്യേതി രേഭന്ന് ।
അജാ മേകാം-ലോഁഹിത-ശുക്ല-കൃഷ്ണാ-മ്ബഹ്വീ-മ്പ്രജാ-ഞ്ജനയന്തീഗ്ം സരൂപാമ് ।
അജോ ഹ്യേകോ ജുഷമാണോ-ഽനുശേതേ ജഹാത്യേനാ-മ്ഭുക്ത-ഭോഗാമജോ-ഽന്യഃ ॥ 12.5 (തൈ. അര. 6.12.1)
ഹഗ്ംസ-ശ്ശുചിഷ-ദ്വസു-രന്തരിക്ഷ-സദ്ധോതാ വേദിഷ-ദതിഥി-ര്ദുരോണസത് ।
ഹഗ്ംസ-ശ്ശുചിഷ-ദ്വസു-രന്തരിക്ഷ-സദ്ധോതാ വേദിഷ-ദതിഥി-ര്ദുരോണസത് ।
നൃഷ-ദ്വരസ-ദൃതസ-ദ്വ്യോമസ-ദബ്ജാ ഗോജാ ഋതജാ അദ്രിജാ ഋത-മ്ബൃഹത് ।
ഘൃത-മ്മിമിക്ഷിരേ ഘൃതമസ്യ യോനി-ര്ഘൃതേ ശ്രിതോ ഘൃതമുവസ്യ ധാമ ।
അനുഷ്വധമാവഹ മാദയസ്വ സ്വാഹാ കൃതം-വൃഁഷഭ വക്ഷി ഹവ്യമ് ।
സമുദ്രാ ദൂര്മി-ര്മധുമാഗ്ം ഉദാര-ദുപാഗ്ംശുനാ സമമൃതത്വ മാനട് ।
ഘൃതസ്യ നാമ ഗുഹ്യം-യഁദസ്തി ജിഹ്വാ ദേവാനാ-മമൃതസ്യ നാഭിഃ ।
വയ-ന്നാമ പ്രബ്രവാമാ ഘൃതേനാസ്മിന്. യജ്ഞേ ധാരയാമാ നമോഭിഃ ।
ഉപ ബ്രഹ്മാ ശൃണവച്ഛസ്യമാന-ഞ്ചതുഃ ശൃങ്ഗോ ഽവമീ-ദ്ഗൌര ഏതത് ।
ചത്വാരി ശൃങ്ഗാ ത്രയോ അസ്യ പാദാ ദ്വേ ശീര.ഷേ സപ്ത ഹസ്താസോ അസ്യ ।
ത്രിധാ ബദ്ധോ വൃഷഭോ രോരവീതി മഹോ ദേവോ മര്ത്യാഗ്ം ആവിവേശ ॥ 12.10 (തൈ. അര. 6.12.2)
ത്രിധാ ഹിത-മ്പണിഭി-ര്ഗുഹ്യമാന-ങ്ഗവി-ദേവാസോ ഘൃതമന്വവിന്ദന്ന് ।
ത്രിധാ ഹിത-മ്പണിഭി-ര്ഗുഹ്യമാന-ങ്ഗവി-ദേവാസോ ഘൃതമന്വവിന്ദന്ന് ।
ഇന്ദ്ര ഏകഗ്ം സൂര്യ ഏക-ഞ്ജജാന വേനാ ദേകഗ്ഗ് സ്വധയാ നിഷ്ടതക്ഷുഃ ।
യോ ദേവാനാ-മ്പ്രഥമ-മ്പുരസ്താ-ദ്വിശ്വാധിയോ രുദ്രോ മഹര്ഷിഃ ।
ഹിരണ്യഗര്ഭ-മ്പശ്യത ജായമാനഗ്ം സനോ ദേവ-ശ്ശുഭയാ സ്മൃത്യാ സംയുഁനക്തു ।
യസ്മാത്പര-ന്നാപര മസ്തി കിഞ്ചിദ്യസ്മാ-ന്നാണീയോ ന ജ്യായോ-ഽസ്തി കശ്ചിത് ।
വൃക്ഷ ഇവ സ്തബ്ധോ ദിവി തിഷ്ഠ-ത്യേകസ്തേനേദ-മ്പൂര്ണ-മ്പുരുഷേണ സര്വമ് ॥ 12.13
(സന്യാസ സൂക്തമ്)
(സന്യാസ സൂക്തമ്)
ന കര്മണാ ന പ്രജയാ ധനേന ത്യാഗേനൈകേ അമൃതത്വ-മാനശുഃ ।
പരേണ നാക-ന്നിഹിത-ങ്ഗുഹായാം-വിഁഭ്രാജദേത-ദ്യതയോ വിശന്തി ॥
വേദാന്ത വിജ്ഞാന-സുനിശ്ചിതാര്ഥാ-സ്സന്യാസ യോഗാദ്യതയ-ശ്ശുദ്ധ സത്ത്വാഃ ।
തേ ബ്രഹ്മലോകേ തു പരാന്തകാലേ പരാമൃതാ-ത്പരിമുച്യന്തി സര്വേ ।
ദഹ്രം-വിഁപാപ-മ്പരമേശ്മ ഭൂതം-യഁ-ത്പുണ്ഡരീക-മ്പുരമദ്ധ്യ സഗ്ഗ്സ്ഥമ് ।
തത്രാപി ദഹ്ര-ങ്ഗഗനം-വിഁശോക-സ്തസ്മിന്. യദന്തസ്ത-ദുപാസിതവ്യമ് ॥
യോ വേദാദൌ സ്വരഃ പ്രോക്തോ വേദാന്തേ ച പ്രതിഷ്ഠിതഃ ।
തസ്യ പ്രകൃതി-ലീനസ്യ യഃ പരഃ സ മഹേശ്വരഃ ॥ 12.17 (തൈ. അര. 6.12.3)
(അജോ-ഽന്യ - ആവിവേശ - സര്വേ ചത്വാരി ച)
നാരായണ സൂക്തം (4.14)
സഹസ്രശീര്ഷ-ന്ദേവം-വിഁശ്വാക്ഷം-വിഁശ്വ ശ-മ്ഭുവമ് ।
(അജോ-ഽന്യ - ആവിവേശ - സര്വേ ചത്വാരി ച)
നാരായണ സൂക്തം (4.14)
സഹസ്രശീര്ഷ-ന്ദേവം-വിഁശ്വാക്ഷം-വിഁശ്വ ശ-മ്ഭുവമ് ।
വിശ്വ-ന്നാരായണ-ന്ദേവമക്ഷര-മ്പരമ-മ്പദമ് ।
വിശ്വതഃ പരമാന്നിത്യം-വിഁശ്വ-ന്നാരായണഗ്ം ഹരിമ് ।
വിശ്വമേവേദ-മ്പുരുഷ-സ്ത-ദ്വിശ്വമുപജീവതി ।
പതിം-വിഁശ്വസ്യാത്മേശ്വരഗ്ം ശാശ്വതഗ്ം ശിവമച്യുതമ് ।
നാരായണ-മ്മഹാജ്ഞേയം-വിഁശ്വാത്മാന-മ്പരായണമ് ।
നാരായണ പരോ ജ്യോതിരാത്മാ നാരയണഃ പരഃ ।
നാരായണ പര-മ്ബ്രഹ്മ തത്ത്വ-ന്നാരായണഃ പരഃ ।
നാരായണ പരോ ധ്യാതാ ധ്യാന-ന്നാരായണഃ പരഃ ।
യച്ച കിഞ്ചിജ്-ജഗ-ഥ്സര്വ-ന്ദൃശ്യതേ ശ്രൂയതേ-ഽപി വാ । 13.4 (തൈ. അര. 6.13.1)
അന്ത-ര്ബഹിശ്ച ത-ഥ്സര്വം-വ്യാഁപ്യ നാരായണ-സ്സ്ഥിതഃ ।
അന്ത-ര്ബഹിശ്ച ത-ഥ്സര്വം-വ്യാഁപ്യ നാരായണ-സ്സ്ഥിതഃ ।
അനന്ത മവ്യയ-ങ്കവിഗ്ം സമുദ്രേ-ഽന്തം-വിഁശ്വ ശഭുംവഁമ് ।
പദ്മകോശ-പ്രതീകാശഗ്ം ഹൃദയ-ഞ്ചാപ്യധോമുഖമ് ।
അധോ നിഷ്ട്യാ വിതസ്ത്യാന്തേ നാഭ്യാമുപരി തിഷ്ഠതി ।
ജ്വാലമാലാ കുല-മ്ഭാതീ വിശ്വസ്യായതന-മ്മഹത് ।
സന്തതഗ്ം ശിലാഭിസ്തു ലമ്ബത്യാ കോശസന്നിഭമ് ।
തസ്യാന്തേ സുഷിരഗ്ം സൂക്ഷ്മ-ന്തസ്മിന്-ഥ്സര്വ-മ്പ്രതിഷ്ഠിതമ് ।
തസ്യ മദ്ധ്യേ മഹാനഗ്നി-ര്വിശ്വാര്ചി-ര്വിശ്വതോ മുഖഃ ।
സോ-ഽഗ്രഭുഗ് വിഭജ-ന്തിഷ്ഠ-ന്നാഹാര-മജരഃ കവിഃ ।
തിര്യഗൂര്ധ്വ മധ-ശ്ശായീ രശ്മയസ്തസ്യ സന്തതാ ।
സന്താപയതി സ്വ-ന്ദേഹമാപാദതല മസ്തകഃ ।
തസ്യ മദ്ധ്യേ വഹ്നിശിഖാ അണീയോര്ധ്വാ വ്യവസ്ഥിതഃ ।
നീലതോ യദ മദ്ധ്യസ്ഥാ-ദ്വിദ്യുല്ലേഖേവ ഭാസ്വരാ ।
നീവാര ശൂകവത്തന്വീ പീതാ ഭാസ്വത്യണൂപമാ ।
തസ്യാ-ശ്ശിഖായാ മദ്ധ്യേ പരമാത്മാ വ്യവസ്ഥിതഃ ।
സ ബ്രഹ്മ സ ശിവ-സ്സ ഹരി-സ്സേന്ദ്ര-സ്സോ-ഽക്ഷരഃ പരമ-സ്സ്വരാട് ॥ 13.12 (തൈ. അര. 6.13.2)
(അപി വാ - സന്തതാ ഷട് ച)
ആദിത്യ മണ്ഡലേ പരബ്രഹ്മോപാസനം (4.15)
(അപി വാ - സന്തതാ ഷട് ച)
ആദിത്യ മണ്ഡലേ പരബ്രഹ്മോപാസനം (4.15)
ആദിത്യോ വാ ഏഷ ഏത-ന്മണ്ഡല-ന്തപതി തത്ര താ ഋചസ്തദൃചാ മണ്ഡലഗ്ം സ ഋചാം-ലോഁകോ-ഽഥയ ഏഷ ഏതസ്മി-ന്മണ്ഡലേ-ഽര്ചി-ര്ദീപ്യതേ താനി സാമാനി സ സാമ്നാം-ലോഁകോ-ഽഥ യ ഏഷ ഏതസ്മി-ന്മണ്ഡലേ-ഽര്ചിഷി പുരുഷസ്താനി യജൂഗ്ംഷി സ യജുഷാ മണ്ഡലഗ്ം സ യജുഷാം-ലോഁക-സ്സൈഷാ ത്രയ്യേവ വിദ്യാ തപതി യ ഏഷോ-ഽന്ത-രാദിത്യേ ഹിരണ്മയഃ പുരുഷഃ ॥ 14.1 (തൈ. അര. 6.14.1)
ആദിത്യപുരുഷസ്യ സര്വാത്മകത്വ പ്രദര്ശനം (4.16)
ആദിത്യപുരുഷസ്യ സര്വാത്മകത്വ പ്രദര്ശനം (4.16)
ആദിത്യോ വൈ തേജ ഓജോ ബലം-യഁശ-ശ്ചക്ഷു-ശ്ശ്രോത്രമാത്മാ മനോ മന്യു-ര്മനു-ര്മൃത്യു-സ്സത്യോ മിത്രോ വായുരാകാശഃ പ്രാണോ ലോകപാലഃ കഃ കി-ങ്ക-ന്ത-ഥ്സത്യമന്ന-മമൃതാ ജീവോ വിശ്വഃ കതമ-സ്സ്വയഭു-മ്ബ്രഹ്മൈ തദമൃത ഏഷ പുരുഷ ഏഷ ഭൂതാനാ-മധിപതി-ര്ബ്രഹ്മണ-സ്സായുജ്യഗ്ം സലോകതാ-മാപ്നോ-ത്യേതാസാമേവ ദേവതാനാഗ്ം സായുജ്യഗ്ം സാര്ഷ്ടിതാഗ്ം സമാന ലോകതാ-മാപ്നോതി യ ഏവം-വേഁദേത്യുപനിഷത് ॥ 15.1 (തൈ. അര. 6.15.1)
ശിവോപാസന മന്ത്രാഃ (4.17)
ശിവോപാസന മന്ത്രാഃ (4.17)
നിധനപതയേ നമഃ । നിധനപതാന്തികായ നമഃ ।
ഊര്ധ്വായ നമഃ । ഊര്ധ്വലിങ്ഗായ നമഃ ।
ഹിരണ്യായ നമഃ । ഹിരണ്യലിങ്ഗായ നമഃ ।
സുവര്ണായ നമഃ । സുവര്ണലിങ്ഗായ നമഃ ।
ദിവ്യായ നമഃ । ദിവ്യലിങ്ഗായ നമഃ । 16.1 (തൈ. അര. 6.16.1)
ഭവായ നമഃ । ഭവലിങ്ഗായ നമഃ ।
ഭവായ നമഃ । ഭവലിങ്ഗായ നമഃ ।
ശര്വായ നമഃ । ശര്വലിങ്ഗായ നമഃ ।
ശിവായ നമഃ । ശിവലിങ്ഗായ നമഃ ।
ജ്വലായ നമഃ । ജ്വലലിങ്ഗായ നമഃ ।
ആത്മായ നമഃ । ആത്മലിങ്ഗായ നമഃ ।
പരമായ നമഃ । പരമലിങ്ഗായ നമഃ ।
ഏതഥ്സോമസ്യ സൂര്യസ്യ സര്വലിങ്ഗഗ്ഗ് സ്ഥാപയതി പാണിമന്ത്ര-മ്പവിത്രമ് ॥ 16.1 (തൈ. അര. 6.16.2)
പശ്ചിമവക്ത്ര പ്രതിപാദക മന്ത്രഃ (4.18)
പശ്ചിമവക്ത്ര പ്രതിപാദക മന്ത്രഃ (4.18)
തൈ. അര. 6.17.1
സദ്യോജാത-മ്പ്രപദ്യാമി സദ്യോജാതായ വൈ നമോ നമഃ ।
ഭവേ ഭവേ നാതിഭവേ ഭവസ്വ മാമ് । ഭവോദ്ഭവായ നമഃ ॥ 17.1
ഉത്തര വക്ത്ര പ്രതിപാദക മന്ത്രഃ (4.19)
ഉത്തര വക്ത്ര പ്രതിപാദക മന്ത്രഃ (4.19)
വാമദേവായ നമോ ജ്യേഷ്ഠായ നമഃ ശ്രേഷ്ഠായ നമോ രുദ്രായ നമഃ കാലായ നമഃ കലവികരണായ നമോ ബലവികരണായ നമോ ബലായ നമോ ബലപ്രമഥനായ നമ-സ്സര്വഭൂതദമനായ നമോ മനോന്മനായ നമഃ ॥ 18.1 (തൈ. അര. 6.18.1)
ദക്ഷിണ വക്ത്ര പ്രതിപാദക മന്ത്രഃ (4.20)
ദക്ഷിണ വക്ത്ര പ്രതിപാദക മന്ത്രഃ (4.20)
അഘോരേഭ്യോ-ഽഥ ഘോരേഭ്യോ ഘോരഘോരതരേഭ്യഃ ।
സര്വേഭ്യ-സ്സര്വ ശര്വേഭ്യോ നമസ്തേ അസ്തു രുദ്രരൂപേഭ്യഃ ॥ 19.1 (തൈ. അര. 6.19.1)
പ്രാഗ്വക്ത്ര പ്രതിപാദക മന്ത്രഃ (4.21)
പ്രാഗ്വക്ത്ര പ്രതിപാദക മന്ത്രഃ (4.21)
തത്പുരുഷായ വിദ്മഹേ മഹാദേവായ ധീമഹി । തന്നോ രുദ്രഃ പ്രചോദയാത് ॥ 20.1 (തൈ. അര. 6.20.1)
ഊര്ധ്വ വക്ത്ര പ്രതിപാദക മന്ത്രഃ (4.22)
ഊര്ധ്വ വക്ത്ര പ്രതിപാദക മന്ത്രഃ (4.22)
ഈശാന-സ്സര്വവിദ്യാനാ- മീശ്വര-സ്സര്വഭൂതാനാ-മ്ബ്രഹ്മാധിപതി-ര്ബ്രഹ്മണോ-ഽധിപതി-ര്ബ്രഹ്മാ ശിവോ മേ അസ്തു സദാശിവോമ് ॥ 21.1 (തൈ. അര. 6.21.1)
നമസ്കാരാര്ഥ മന്ത്രാഃ (4.23)
നമസ്കാരാര്ഥ മന്ത്രാഃ (4.23)
നമോ ഹിരണ്യബാഹവേ ഹിരണ്യവര്ണായ ഹിരണ്യരൂപായ ഹിരണ്യപതയേ ഽബിങ്കാപതയ ഉമാപതയേ പശുപതയേ നമോ നമഃ ॥ 22.1 (തൈ. അര. 6.22.1)
ഋതഗ്ം സത്യ-മ്പര-മ്ബ്രഹ്മ പുരുഷ-ങ്കൃഷ്ണപിങ്ഗലമ് ।
ഋതഗ്ം സത്യ-മ്പര-മ്ബ്രഹ്മ പുരുഷ-ങ്കൃഷ്ണപിങ്ഗലമ് ।
ഊര്ധ്വരേതം-വിഁരൂപാക്ഷം-വിഁശ്വരൂപായ വൈ നമോ നമഃ ॥ 23.1 (തൈ. അര. 6.23.1)
സര്വോ വൈ രുദ്രസ്തസ്മൈ രുദ്രായ നമോ അസ്തു ।
സര്വോ വൈ രുദ്രസ്തസ്മൈ രുദ്രായ നമോ അസ്തു ।
പുരുഷോ വൈ രുദ്ര-സ്സന്മഹോ നമോ നമഃ ।
വിശ്വ-മ്ഭൂത-മ്ഭുവന-ഞ്ചിത്ര-മ്ബഹുധാ ജാത-ഞ്ജായമാന-ഞ്ച യത് ।
സര്വോ ഹ്യേഷ രുദ്രസ്തസ്മൈ രുദ്രായ നമോ അസ്തു ॥ 24.1 (തൈ. അര. 6.24.1)
കദ്രുദ്രായ പ്രചേതസേ മീഢുഷ്ടമായ തവ്യസേ ।
കദ്രുദ്രായ പ്രചേതസേ മീഢുഷ്ടമായ തവ്യസേ ।
വോചേമ ശന്തമഗ്ം ഹൃദേ ॥
സര്വോഹ്യേഷ രുദ്രസ്തസ്മൈ രുദ്രായ നമോ അസ്തു ॥ 25.1 (തൈ. അര. 6.25.1)
അഗ്നിഹോത്ര ഹവണ്യാഃ ഉപയുക്തസ്യ വൃക്ഷ വിശേഷ-സ്യാഭിധാനമ് (4.24-25)
അഗ്നിഹോത്ര ഹവണ്യാഃ ഉപയുക്തസ്യ വൃക്ഷ വിശേഷ-സ്യാഭിധാനമ് (4.24-25)
യസ്യ വൈ കങ്കത്യഗ്നി-ഹോത്രഹവണീ ഭവതി പ്രത്യേവാ-സ്യാഹുതയ-സ്തിഷ്ഠന്ത്യഥോ പ്രതിഷ്ഠിത്യൈ ॥ 26.1 (തൈ. അര. 6.26.1)
ഭൂദേവതാക മന്ത്രഃ (4.26)
ഭൂദേവതാക മന്ത്രഃ (4.26)
ക്Rണുഷ്വ പാജ ഇതി പഞ്ച ।
അദിതി-ര്ദേവാ ഗന്ധര്വാ മനുഷ്യാഃ പിതരോ-ഽസുരാ-സ്തേഷാഗ്ം സര്വ ഭൂതാനാ-മ്മാതാ മേദിനീ മഹതാ മഹീ സാവിത്രീ ഗായത്രീ ജഗത്യുര്വീ പൃഥ്വീ ബഹുലാ വിശ്വാ ഭൂതാ കതമാ കായാ സാ സത്യേ-ത്യമൃതേതി വസിഷ്ഠഃ ॥ 28.1 (തൈ. അര. 6.28.1)
സര്വാ ദേവതാ ആപഃ (4.27)
സര്വാ ദേവതാ ആപഃ (4.27)
ആപോ വാ ഇദഗ്ം സര്വം-വിഁശ്വാ ഭൂതാന്യാപഃ പ്രാണാ വാ ആപഃ പശവ ആപോ-ഽന്നമാപോ -ഽമൃതമാപഃ സമ്രാഡാപോ വിരാഡാപഃ സ്വരാഡാപഃ
ഛന്ദാഗ്സ്യാപോ ജ്യോതീഗ്ഷ്യാപോ യജൂഗ്ഷ്യാപഃ സത്യമാപ-സ്സര്വാ ദേവതാ ആപോ ഭൂര്ഭുവസ്സുവരാപ ഓമ് ॥ 29.1 (തൈ. അര. 6.29.1)
സന്ധ്യാവന്ദന മന്ത്രാഃ (4.28)
സന്ധ്യാവന്ദന മന്ത്രാഃ (4.28)
ആപഃ പുനന്തു പൃഥിവീ-മ്പൃഥിവീ പൂതാ പുനാതു മാമ് ।
പുനന്തു ബ്രഹ്മണസ്പതി-ര്ബ്രഹ്മ പൂതാ പുനാതു മാമ് ।
യദുച്ഛിഷ്ട-മഭോജ്യം-യഁദ്വാ ദുശ്ചരിത-മ്മമ ।
സര്വ-മ്പുനന്തു മാമാപോ-ഽസതാഞ്ച പ്രതിഗ്രഹഗ്ഗ് സ്വാഹാ ॥ 30.2 (തൈ. അര. 6.30.1)
അഗ്നിശ്ച മാ മന്യുശ്ച മന്യുപതയശ്ച മന്യുകൃതേഭ്യഃ ।
അഗ്നിശ്ച മാ മന്യുശ്ച മന്യുപതയശ്ച മന്യുകൃതേഭ്യഃ ।
പാപേഭ്യോ രക്ഷന്താമ് । യദഹ്നാ പാപമകാര്ഷമ് ।
മനസാ വാചാ ഹസ്താഭ്യാമ് । പദ്ഭ്യാ-മുദരേണ ശിശ്നാ ।
അഹസ്തദവലുപന്തു । യത്കിഞ്ച ദുരിത-മ്മയി ।
ഇദമഹ-മാമമൃത യോനൌ । സത്യേ ജ്യോതിഷി ജുഹോമി സ്വാഹാ ॥ 31.1 (തൈ. അര. 6.31.1)
സൂര്യശ്ച മാ മന്യുശ്ച മന്യുപതയശ്ച മന്യുകൃതേഭ്യഃ ।
സൂര്യശ്ച മാ മന്യുശ്ച മന്യുപതയശ്ച മന്യുകൃതേഭ്യഃ ।
പാപേഭ്യോ രക്ഷന്താമ് । യദ്രാത്രിയാ പാപമകാര്ഷമ് ।
മനസാ വാചാ ഹസ്താഭ്യാമ് । പദ്ഭ്യാ-മുദരേണ ശിശ്നാ ।
രാത്രി-സ്തദവലുപന്തു । യത്കിഞ്ച ദുരിത-മ്മയി ।
ഇദമഹ-മാമമൃത യോനൌ । സൂര്യേ ജ്യോതിഷി ജുഹോമി സ്വാഹാ ॥ 32.1 (തൈ. അര. 6.32.1)
പ്രണവസ്യ ഋഷ്യാദി വിവരണം (4.29)
പ്രണവസ്യ ഋഷ്യാദി വിവരണം (4.29)
ഓമിത്യേകാക്ഷര-മ്ബ്രഹ്മ । അഗ്നിര്ദേവതാ ബ്രഹ്മ ഇത്യാര്ഷമ് ।
ഗായത്ര-ഞ്ഛന്ദ-മ്പരമാത്മം സരൂപമ് । സായുജ്യം-വിഁനിയോഗമ് ॥ 33.1 (തൈ. അര. 6.33.1)
ഗായത്ര്യാവാഹന മന്ത്രാഃ (4.30)
ഗായത്ര്യാവാഹന മന്ത്രാഃ (4.30)
ആയാതു വരദാ ദേവീ അക്ഷര-മ്ബ്രഹ്മ സമ്മിതമ് ।
ഗായത്രീ-ഞ്ഛന്ദസാ-മ്മാതേദ-മ്ബ്രഹ്മ ജുഷസ്വ മേ ।
യദഹ്നാ-ത്കുരുതേ പാപ-ന്തദഹ്നാ-ത്പ്രതിമുച്യതേ ।
യ-ദ്രാത്രിയാ-ത്കുരുതേ പാപ-ന്ത-ദ്രാത്രിയാ-ത്പ്രതിമുച്യതേ ।
സര്വ വര്ണേ മഹാദേവി സന്ധ്യാ വിദ്യേ സരസ്വതി ॥ 34.2 (തൈ. അര. 6.34.1)
ഓജോ-ഽസി സഹോ-ഽസി ബലമസി ഭ്രാജോ-ഽസി ദേവാനാ-ന്ധാമനാമാ-ഽസി വിശ്വമസി വിശ്വായു-സ്സര്വമസി സര്വായു-രഭിഭൂരോം-ഗായത്രീ-മാവാഹയാമി സാവിത്രീ-മാവാഹയാമി സരസ്വതീ-മാവാഹയാമി ഛന്ദര്ഷീ-നാവാഹയാമി ശ്രിയ-മാവാഹയാമി ഗായത്രിയാ ഗായത്രീ ഛന്ദോ വിശ്വാമിത്ര ഋഷി-സ്സവിതാ ദേവതാ-ഽഗ്നിര്മുഖ-മ്ബ്രഹ്മാ ശിരോ വിഷ്ണുര്ഹൃദയഗ്ം രുദ്ര-ശ്ശിഖാ പൃഥിവീയോനിഃ പ്രാണാപാന-വ്യാനോദാന-സമാനാ സപ്രാണാ ശ്വേതവര്ണാ സാങ്ഖ്യായന-സഗോത്രാ ഗായത്രീ ചതുര്വിഗ്ംശത്യക്ഷരാ ത്രിപദാ ഷട്കുക്ഷിഃ പഞ്ച ശീര്ഷോപനയനേ വിനിയോഗഃ-
ഓജോ-ഽസി സഹോ-ഽസി ബലമസി ഭ്രാജോ-ഽസി ദേവാനാ-ന്ധാമനാമാ-ഽസി വിശ്വമസി വിശ്വായു-സ്സര്വമസി സര്വായു-രഭിഭൂരോം-ഗായത്രീ-മാവാഹയാമി സാവിത്രീ-മാവാഹയാമി സരസ്വതീ-മാവാഹയാമി ഛന്ദര്ഷീ-നാവാഹയാമി ശ്രിയ-മാവാഹയാമി ഗായത്രിയാ ഗായത്രീ ഛന്ദോ വിശ്വാമിത്ര ഋഷി-സ്സവിതാ ദേവതാ-ഽഗ്നിര്മുഖ-മ്ബ്രഹ്മാ ശിരോ വിഷ്ണുര്ഹൃദയഗ്ം രുദ്ര-ശ്ശിഖാ പൃഥിവീയോനിഃ പ്രാണാപാന-വ്യാനോദാന-സമാനാ സപ്രാണാ ശ്വേതവര്ണാ സാങ്ഖ്യായന-സഗോത്രാ ഗായത്രീ ചതുര്വിഗ്ംശത്യക്ഷരാ ത്രിപദാ ഷട്കുക്ഷിഃ പഞ്ച ശീര്ഷോപനയനേ വിനിയോഗഃ-
ഓ-മ്ഭൂഃ । ഓ-മ്ഭുവഃ । ഓഗ്ം സുവഃ । ഓ-മ്മഹഃ । ഓ-ഞ്ജനഃ । ഓ-ന്തപഃ । ഓഗ്ം സത്യമ് । ഓ-ന്ത-ഥ്സവിതുര്വരേണ്യ-മ്ഭര്ഗോ ദേവസ്യ ധീമഹി । ധിയോ യോ നഃ പ്രചോദയാത് । ഓമാപോ ജ്യോതീ രസോ-ഽമൃത-മ്ബ്രഹ്മ ഭൂര്ഭുവസ്സുവരോമ് ॥ 35.2 (തൈ. അര. 6.35.1)
ഗായത്രീ ഉപസ്ഥാന മന്ത്രാഃ (4.31)
ഗായത്രീ ഉപസ്ഥാന മന്ത്രാഃ (4.31)
ഉത്തമേ ശിഖരേ ജാതേ ഭൂമ്യാ-മ്പര്വത മൂര്ധനി ।
ബ്രാഹ്മണേഭ്യോ-ഽഭ്യനുജ്ഞാതാ ഗച്ഛ ദേവി യഥാസുഖമ് ।
സ്തുതോ മയാ വരദാ വേദമാതാ പ്രചോദയന്തീ പവനേ ദ്വിജാതാ ।
ആയുഃ പൃഥിവ്യാം-ദ്രവിണ-മ്ബ്രഹ്മവര്ചസ-മ്മഹ്യ-ന്ദത്വാ പ്രജാതു-മ്ബ്രഹ്മലോകമ് ॥ 36.2 (തൈ. അര. 6.36.1)
ആദിത്യദേവതാ മന്ത്രഃ (4.32)
ആദിത്യദേവതാ മന്ത്രഃ (4.32)
ഘൃണി-സ്സൂര്യ ആദിത്യോ ന പ്രഭാ-വാത്യക്ഷരമ് ।
മധുക്ഷരന്തി ത-ദ്രസമ് ।
സത്യം-വൈഁ ത-ദ്രസ-മാപോ ജ്യോതീരസോ-ഽമൃത-മ്ബ്രഹ്മ ഭൂര്ഭുവസ്സുവരോമ് ॥ 37.1 (തൈ. അര. 6.37.1)
ത്രിസുപര്ണമന്ത്രാഃ (4.33)
ത്രിസുപര്ണമന്ത്രാഃ (4.33)
ബ്രഹ്മ മേതു മാമ് । മധു മേതു മാമ് । ബ്രഹ്മ-മേവ മധു മേതു മാമ് ।
യാസ്തേ സോമ പ്രജാവഥ്സോ-ഽഭിസോ അഹമ് । ദുസ്ഷ്വപ്നഹ-ന്ദുരുഷ്വഹ ।
യാസ്തേ സോമ പ്രാണാഗ്സ്താ-ഞ്ജുഹോമി । ത്രിസുപര്ണ മയാചിത-മ്ബ്രാഹ്മണായ ദദ്യാത് ।
ബ്രഹ്മഹത്യാം-വാഁ ഏതേ ഘ്നന്തി । യേ ബ്രാഹ്മണാ-സ്ത്രിസുപര്ണ-മ്പഠന്തി ।
തേ സോമ-മ്പ്രാപ്നുവന്തി । ആസഹസ്രാ-ത്പക്തി-മ്പുനന്തി । ഓമ് ॥ 38.1 (തൈ. അര. 6.38.1)
ബ്രഹ്മ മേധയാ । മധു മേധയാ ।
ബ്രഹ്മ മേധയാ । മധു മേധയാ ।
ബ്രഹ്മമേവ മധു മേധയാ । അദ്യാ നോ ദേവ സവിതഃ പ്രജാവഥ്സാവീ-സ്സൌഭഗമ് ।
പരാ ദുസ്ഷ്വപ്നിയഗ്ം സുവ । വിശ്വാനി ദേവ സവിത-ര്ദുരിതാനി പരാസുവ ।
യ-ദ്ഭദ്ര-ന്തന്മ ആസുവ । മധുവാതാ ഋതായതേ മധുക്ഷരന്തി സിന്ധവഃ ।
മാദ്ധ്വീര്ന-സ്സന്ത്വോഷധീഃ । മധുനക്ത മുതോഷസി മധുമ-ത്പാര്ഥിവഗ്ം രജഃ ।
മധുദ്യൌരസ്തു നഃ പിതാ । മധുമാന്നോ വനസ്പതി-ര്മധുമാഗ്ം അസ്തു സൂര്യഃ ।
മാദ്ധ്വീ ര്ഗാവോ ഭവന്തു നഃ । യ ഇമ-ന്ത്രിസുപര്ണ-മയാചിത-മ്ബ്രാഹ്മണായ ദദ്യാത് ।
ഭ്രൂണഹത്യാം-വാഁ ഏതേ ഘ്നന്തി । യേ ബ്രാഹ്മണാ-സ്ത്രിസുപര്ണ-മ്പഠന്തി ।
തേ സോമ-മ്പ്രാപ്നുവന്തി । ആസഹസ്രാ-ത്പക്തി-മ്പുനന്തി । ഓമ് ॥ 39.7 (തൈ. അര. 6.39.1)
ബ്രഹ്മ മേധവാ । മധു മേധവാ । ബ്രഹ്മമേവ മധു മേധവാ ।
ബ്രഹ്മ മേധവാ । മധു മേധവാ । ബ്രഹ്മമേവ മധു മേധവാ ।
ബ്രഹ്മാ ദേവാനാ-മ്പദവീഃ കവീനാ-മൃഷി-ര്വിപ്രാണാ-മ്മഹിഷോ മൃഗാണാമ് ।
ശ്യേനോ ഗൃദ്ധ്രാണാഗ് സ്വധിതി-ര്വനാനാഗ്ം സോമഃ പവിത്ര-മത്യേതി രേഭന്ന് ।
ഹഗ്ംസ-ശ്ശുചിഷ-ദ്വസുരന്തരിക്ഷ സദ്ധോതാ- വേദിഷ-ദതിഥി-ര്ദുരോണസത് ।
നൃഷദ്വര-സദൃത-സ-ദ്വ്യോമ-സദബ്ജാ- ഗോജാ ഋതജാ അദ്രിജാ ഋത-മ്ബൃഹത് ।
ഋചേത്വാ രുചേത്വാ സമി-ഥ്സ്രവന്തി സരിതോ ന ധേനാഃ ।
അന്തര്-ഹൃദാ മനസാ പൂയമാനാഃ ।
ഘൃതസ്യ ധാരാ അഭിചാകശീമി ।
ഹിരണ്യയോ വേതസോ മദ്ധ്യ ആസാമ് ।
തസ്മിന്-ഥ്സുപര്ണോ മധുകൃ-ത്കുലായീ ഭജന്നാസ്തേ മധു ദേവതാഭ്യഃ ।
തസ്യാ സതേ ഹരയ-സ്സപ്തതീരേ സ്വധാ-ന്ദുഹാനാ അമൃതസ്യ ധാരാമ് ।
യ ഇദ-ന്ത്രിസുപര്ണ-മയാചിത-മ്ബ്രാഹ്മണായ ദദ്യാത് ।
വീരഹത്യാം-വാഁ ഏതേ ഘ്നന്തി । യേ ബ്രാഹ്മണാ-സ്ത്രിസുപര്ണ-മ്പഠന്തി ।
തേ സോമ-മ്പ്രാപ്നുവന്തി । ആസഹസ്രാ-ത്പങ്ക്തി-മ്പുനന്തി । ഓമ് ॥ 40.6 (തൈ. അര. 6.40.1)
മേധാ സൂക്തം (4.34)
മേധാ സൂക്തം (4.34)
മേധാദേവീ ജുഷമാണാ ന ആഗാ-ദ്വിശ്വാചീ ഭദ്രാ സുമനസ്യ മാനാ ।
ത്വയാ ജുഷ്ടാ നുദമാനാ ദുരുക്താ-ന്ബൃഹദ്വദേമ വിദഥേ സുവീരാഃ ।
ത്വയാ ജുഷ്ട ഋഷി-ര്ഭവതി ദേവി ത്വയാ ബ്രഹ്മാ-ഽഽഗതശ്രീ രുത ത്വയാ ।
ത്വയാ ജുഷ്ടശ്ചിത്രം-വിഁന്ദതേ വസു സാ നോ ജുഷസ്വ ദ്രവിണോ നമേധേ ॥ 41.1 (തൈ. അര. 6.41.1)
മേധാ-മ്മ ഇന്ദ്രോ ദദാതു മേധാ-ന്ദേവീ സരസ്വതീ ।
മേധാ-മ്മ ഇന്ദ്രോ ദദാതു മേധാ-ന്ദേവീ സരസ്വതീ ।
മേധാ-മ്മേ അശ്വിനാ-വുഭാവാധത്താ-മ്പുഷ്കരസ്രജാ ॥
അഫ്സരാസു ച യാ മേധാ ഗന്ധര്വേഷു ച യന്മനഃ ।
ദൈവീ-മ്മേധാ സരസ്വതീ സാ മാ-മ്മേധാ സുരഭി-ര്ജുഷതാഗ് സ്വാഹാ ॥ 42.1 (തൈ. അര. 6.42.1)
ആമാ-മ്മേധാ സുരഭി-ര്വിശ്വരൂപാ ഹിരണ്യവര്ണാ ജഗതീ ജഗമ്യാ ।
ആമാ-മ്മേധാ സുരഭി-ര്വിശ്വരൂപാ ഹിരണ്യവര്ണാ ജഗതീ ജഗമ്യാ ।
ഊര്ജസ്വതീ പയസാ പിന്വമാനാ സാ മാ-മ്മേധാ സുപ്രതീകാ ജുഷന്താമ് ॥ 43.1 (തൈ. അര. 6.43.1)
മയി മേധാ-മ്മയി പ്രജാ-മ്മയ്യഗ്നിസ്തേജോ ദധാതു മയി മേധാ-മ്മയി പ്രജാ-മ്മയീന്ദ്ര ഇന്ദ്രിയ-ന്ദധാതു മയി മേധാ-മ്മയി പ്രജാ-മ്മയി സൂര്യോ ഭ്രാജോ ദധാതു ॥ 44.1 (തൈ. അര. 6.44.1)
മൃത്യുനിവാരണ മന്ത്രാഃ (4.35)
മയി മേധാ-മ്മയി പ്രജാ-മ്മയ്യഗ്നിസ്തേജോ ദധാതു മയി മേധാ-മ്മയി പ്രജാ-മ്മയീന്ദ്ര ഇന്ദ്രിയ-ന്ദധാതു മയി മേധാ-മ്മയി പ്രജാ-മ്മയി സൂര്യോ ഭ്രാജോ ദധാതു ॥ 44.1 (തൈ. അര. 6.44.1)
മൃത്യുനിവാരണ മന്ത്രാഃ (4.35)
അപൈതു മൃത്യു-രമൃതന്ന ആഗന്. വൈവസ്വതോ നോ അഭയങ്കൃണോതു ।
പര്ണം-വഁനസ്പതേ രിവാഭിനഃ ശീയതാഗ്ം രയി-സ്സചതാന്ന-ശ്ശചീപതിഃ ॥ 45.1 (തൈ. അര. 6.45.1)
പര-മ്മൃത്യോ അനു പരേഹി പന്ഥാം-യഁസ്തേസ്വ ഇതരോ ദേവയാനാത് ।
പര-മ്മൃത്യോ അനു പരേഹി പന്ഥാം-യഁസ്തേസ്വ ഇതരോ ദേവയാനാത് ।
ചക്ഷുഷ്മതേ ശൃണ്വതേ തേ ബ്രവീമി മാനഃ പ്രജാഗ്ം രീരിഷോ മോത വീരാന് ॥ 46.1 (തൈ. അര. 6.46.1)
വാത-മ്പ്രാണ-മ്മനസാ ന്വാരഭാമഹേ പ്രജാപതിം-യോഁ ഭുവനസ്യ ഗോപാഃ ।
വാത-മ്പ്രാണ-മ്മനസാ ന്വാരഭാമഹേ പ്രജാപതിം-യോഁ ഭുവനസ്യ ഗോപാഃ ।
സനോ മൃത്യോ സ്ത്രായതാ-മ്പാത്വഗ്ംഹസോ ജ്യോഗ് ജീവാ ജരാമശീമഹി ॥ 47.1 (തൈ. അര. 6.47.1)
അമുത്ര ഭൂയാദധ യദ്യമസ്യ ബൃഹസ്പതേ അഭിശസ്തേര മുഞ്ചഃ ।
അമുത്ര ഭൂയാദധ യദ്യമസ്യ ബൃഹസ്പതേ അഭിശസ്തേര മുഞ്ചഃ ।
പ്രത്യൌഹതാ മശ്വിനാ മൃത്യു മസ്മാ-ദ്ദേവാനാമഗ്നേ ഭിഷജാ ശചീഭിഃ ॥ 48.1 (തൈ. അര. 6.48.1)
ഹരിഗ്ം ഹരന്ത- മനുയന്തി ദേവാ വിശ്വസ്യേശാനം-വൃഁഷഭ-മ്മതീനാമ് ।
ഹരിഗ്ം ഹരന്ത- മനുയന്തി ദേവാ വിശ്വസ്യേശാനം-വൃഁഷഭ-മ്മതീനാമ് ।
ബ്രഹ്മ സരൂപ-മനുമേദമാഗാ-ദയന-മ്മാ വിവധീ-ര്വിക്രമസ്വ ॥ 49.1 (തൈ. അര. 6.49.1)
ശല്കൈരഗ്നി-മിന്ധാന ഉഭൌ ലോകൌ സനേമഹമ് ।
ശല്കൈരഗ്നി-മിന്ധാന ഉഭൌ ലോകൌ സനേമഹമ് ।
ഉഭയോ ര്ലോകയാര്-ഋധ്ദ്വാ-ഽതി മൃത്യു-ന്തരാമ്യഹമ് ॥ 50.1 (തൈ. അര. 6.50.1)
മാ ഛിദോ മൃത്യോ മാ വധീര്മാ മേ ബലം-വിഁവൃഹോ മാ പ്രമോഷീഃ ।
മാ ഛിദോ മൃത്യോ മാ വധീര്മാ മേ ബലം-വിഁവൃഹോ മാ പ്രമോഷീഃ ।
പ്രജാ-മ്മാ മേ രീരിഷ ആയുരുഗ്ര നൃചക്ഷസ-ന്ത്വാ ഹവിഷാ വിധേമ ॥ 51.1 (തൈ. അര. 6.51.1)
മാ നോ മഹാന്തമുത മാ നോ അര്ഭക-മ്മാ ന ഉക്ഷന്തമുത മാ ന ഉക്ഷിതമ് ।
മാ നോ മഹാന്തമുത മാ നോ അര്ഭക-മ്മാ ന ഉക്ഷന്തമുത മാ ന ഉക്ഷിതമ് ।
മാ നോ വധീഃ പിതര-മ്മോത മാതര-മ്പ്രിയാ മാ നസ്തനുവോ രുദ്ര രീരിഷഃ ॥ 52.1 (തൈ. അര. 6.52.1)
മാ നസ്തോകേ തനയേ മാ ന ആയുഷി മാ നോ ഗോഷു മാ നോ അശ്വേഷു രീരിഷഃ ।
മാ നസ്തോകേ തനയേ മാ ന ആയുഷി മാ നോ ഗോഷു മാ നോ അശ്വേഷു രീരിഷഃ ।
വീരാന്മാ നോ രുദ്ര ഭാമിതോവധീര്-ഹവിഷ്മന്തോ നമസാ വിധേമ തേ ॥ 53.1 (തൈ. അര. 6.53.1)
പ്രജാപതി-പ്രാര്ഥനാ മന്ത്രഃ (4.36)
പ്രജാപതി-പ്രാര്ഥനാ മന്ത്രഃ (4.36)
പ്രജാപതേ ന ത്വദേതാ-ന്യന്യോ വിശ്വാ ജാതാനി പരിതാ ബഭൂവ ।
യ-ത്കാമാസ്തേ ജുഹുമസ്തന്നോ അസ്തു വയഗ്ഗ് സ്യാമ പതയോ രയീണാമ് ॥ 54.1 (തൈ. അര. 6.54.1)
ഇന്ദ്രപ്രാര്ഥനാ മന്ത്രഃ (4.37)
ഇന്ദ്രപ്രാര്ഥനാ മന്ത്രഃ (4.37)
സ്വസ്തിദാ വിശസ്പതി-ര്വൃത്രഹാ വിമൃധോ വശീ ।
വൃഷേന്ദ്രഃ പുര ഏതു നസ്സ്വസ്തിദാ അഭയ-ങ്കരഃ ॥ 55.1 (തൈ. അര. 6.55.1)
മൃത്യുഞ്ജയ മന്ത്രാഃ (4.38)
മൃത്യുഞ്ജയ മന്ത്രാഃ (4.38)
ത്ര്യമ്ബകം-യഁജാമഹേ സുഗന്ധി-മ്പുഷ്ടിവര്ധനമ് ।
ഉര്വാരുകമിവ ബന്ധനാ-ന്മൃത്യോ-ര്മുക്ഷീയ മാ-ഽമൃതാത് ॥ 56.1 (തൈ. അര. 6.56.1)
യേ തേ സഹസ്രമയുത-മ്പാശാ മൃത്യോ മര്ത്യായ ഹന്തവേ ।
യേ തേ സഹസ്രമയുത-മ്പാശാ മൃത്യോ മര്ത്യായ ഹന്തവേ ।
താന്. യജ്ഞസ്യ മായയാ സര്വാനവ യജാമഹേ । മൃത്യവേ സ്വാഹാ മൃത്യവേ സ്വാഹാ ॥ 58.1 (തൈ. അര. 6.57-58)
പാപനിവാരകാ മന്ത്രാഃ (4.39)
പാപനിവാരകാ മന്ത്രാഃ (4.39)
ദേവകൃതസ്യൈനസോ-ഽവയജനമസി സ്വാഹാ ।
മനുഷ്യകൃതസ്യൈനസോ ഽവയജനമസി സ്വാഹാ ।
പിതൃകൃതസ്യൈനസോ ഽവയജനമസി സ്വാഹാ ।
ആത്മകൃതസ്യൈനസോ ഽവയജനമസി സ്വാഹാ ।
അന്യകൃതസ്യൈനസോ ഽവയജനമസി സ്വാഹാ ।
അസ്മത്കൃതസ്യൈനസോ ഽവയജനമസി സ്വാഹാ ।
യദ്ദിവാ ച നക്ത-ഞ്ചൈനശ്ചകൃമ തസ്യാ വയജനമസി സ്വാഹാ ।
യ-ഥ്സ്വപന്തശ്ച ജാഗ്രത-ശ്ചൈനശ്ച-കൃമ തസ്യാ വയജനമസി സ്വാഹാ ।
യ-ഥ്സുഷുപ്തശ്ച ജാഗ്രത-ശ്ചൈനശ്ച-കൃമ തസ്യാ വയജനമസി സ്വാഹാ ।
യ-ദ്വിദ്വാഗ്ംസശ്ചാ വിദ്വാഗ്ംസശ്ചൈനശ്ച-കൃമ തസ്യാ വയജനമസി സ്വാഹാ ।
ഏനസ ഏനസോ വയജനമസി സ്വാഹാ ॥ 59.1 (തൈ. അര. 6.59.1)
വസു-പ്രാര്ഥനാ മന്ത്രഃ (4.40)
വസു-പ്രാര്ഥനാ മന്ത്രഃ (4.40)
യദ്വോ ദേവാശ്ചകൃമ ജിഹ്വയാ ഗുരുമനസോ വാ പ്രയുതീ ദേവ ഹേഡനമ് ।
അരാവായോ നോ അഭിദുച്ഛുനായതേ തസ്മി-ന്തദേനോ വസവോ നിധേതന സ്വാഹാ ॥ 60.1 (തൈ. അര. 6.60.1)
കാമോ-ഽകാര്ഷീത് - മന്യുരകാര്ഷീത് മന്ത്രഃ (4.41)
കാമോ-ഽകാര്ഷീത് - മന്യുരകാര്ഷീത് മന്ത്രഃ (4.41)
കാമോ-ഽകാര്ഷീ-ന്നമോ നമഃ ।
കാമോ-ഽകാര്ഷീ-ത്കാമഃ കരോതി നാഹ-ങ്കരോമി കാമഃ കര്താ നാഹ-ങ്കര്താ കാമഃ കാരയിതാ നാഹ-ങ്കാരയിതാ ഏഷ തേ കാമ കാമായ സ്വാഹാ ॥ 61.1 (തൈ. അര. 6.61.1)
മന്യുരകാര്ഷീ-ന്നമോ നമഃ ।
മന്യുരകാര്ഷീ-ന്നമോ നമഃ ।
മന്യുരകാര്ഷീ-ന്മന്യുഃ കരോതി നാഹ-ങ്കരോമി മന്യുഃ കര്താ നാഹ-ങ്കര്താ മന്യുഃ കാരയിതാ നാഹ-ങ്കാരയിതാ ഏഷ തേ മന്യോ മന്യവേ സ്വാഹാ ॥ 62.1 (തൈ. അര. 6.62.1)
വിരജാ ഹോമ മന്ത്രാഃ (4.42)
വിരജാ ഹോമ മന്ത്രാഃ (4.42)
തിലാഞ്ജുഹോമി സരസാഗ്ം സപിഷ്ടാ-ന്ഗന്ധാര മമ ചിത്തേ രമന്തു സ്വാഹാ ।
ഗാവോ ഹിരണ്യ-ന്ധനമന്നപാനഗ്ം സര്വേഷാഗ് ശ്രിയൈ സ്വാഹാ ।
ശ്രിയഞ്ച ലക്ഷ്മിഞ്ച പുഷ്ടിഞ്ച കീര്തി-ഞ്ചാ നൃണ്യതാമ് । ബ്രഹ്മണ്യ-മ്ബഹുപുത്രതാമ് ।
ശ്രദ്ധാമേധേ പ്രജാ-സ്സന്ദദാതു സ്വാഹാ ॥ 63.3 (തൈ. അര. 6.63.1)
തിലാഃ കൃഷ്ണാ-സ്തിലാ-ശ്ശ്വേതാ-സ്തിലാ-സ്സൌമ്യാ വശാനുഗാഃ ।
തിലാഃ കൃഷ്ണാ-സ്തിലാ-ശ്ശ്വേതാ-സ്തിലാ-സ്സൌമ്യാ വശാനുഗാഃ ।
തിലാഃ പുനന്തു മേ പാപം-യഁത്കിഞ്ചി-ദ്ദുരിത-മ്മയി സ്വാഹാ ।
ചോരസ്യാന്ന-ന്നവശ്രാദ്ധ-മ്ബ്രഹ്മഹാ ഗുരുതല്പഗഃ ।
ഗോസ്തേയഗ്ം സരാപാന-മ്ഭ്രൂണഹത്യാ തിലാ ശാന്തിഗ്ം ശമയന്തു സ്വാഹാ ।
ശ്രീശ്ച ലക്ഷ്മീശ്ച പുഷ്ടീശ്ച കീര്തി-ഞ്ചാ നൃണ്യതാമ് ।
ബ്രഹ്മണ്യ-മ്ബഹുപുത്രതാമ് ।
ശ്രദ്ധാമേധേ പ്രജ്ഞാതു ജാതവേദ-സ്സന്ദദാതു സ്വാഹാ ॥ 64.3 (തൈ. അര. 6.64.1)
പ്രാണാപാന-വ്യാനോദാന-സമാനാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
പ്രാണാപാന-വ്യാനോദാന-സമാനാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
വാം-മന-ശ്ചക്ഷുഃ-ശ്രോത്ര-ജിഹ്വാ-ഘ്രാണ-രേതോ-ബുദ്ധ്യാകൂതി-സ്സങ്കല്പാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
ത്വക്-ചര്മ-മാഗ്ംസ-രുധിര-മേദോ-മജ്ജാ-സ്നായവോ-ഽസ്ഥീനി മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
ശിരഃ പാണി പാദ പാര്ശ്വ പൃഷ്ഠോ-രൂദര-ജങ്ഘ-ശിശ്ര്നോപസ്ഥ പായവോ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
ഉത്തിഷ്ഠ പുരുഷ ഹരിത-പിങ്ഗല ലോഹിതാക്ഷി ദേഹി ദേഹി ദദാപയിതാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ॥ 65.5 (തൈ. അര. 6.65.1)
പൃഥിവ്യാപ സ്തേജോ വായു-രാകാശാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
പൃഥിവ്യാപ സ്തേജോ വായു-രാകാശാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
ശബ്ദ-സ്പര്ശ-രൂപരസ-ഗന്ധാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
മനോ-വാക്-കായ-കര്മാണി മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
അവ്യക്തഭാവൈ-രഹങ്കാര-ര്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
ആത്മാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
അന്തരാത്മാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
പരമാത്മാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ।
ക്ഷുധേ സ്വാഹാ । ക്ഷുത്പിപാസായ സ്വാഹാ । വിവിട്യൈ സ്വാഹാ ।
ഋഗ്വിധാനായ സ്വാഹാ । കഷോത്കായ സ്വാഹാ ।
ക്ഷുത്പിപാസാമല-ഞ്ജ്യേഷ്ഠാമലക്ഷ്മീ-ര്നാശയാമ്യഹമ് ।
അഭൂതി-മസമൃദ്ധിഞ്ച സര്വാം (സര്വാ) നിര്ണുദ മേ പാപ്മാനഗ്ഗ് സ്വാഹാ ।
അന്നമയ-പ്രാണമയ-മനോമയ-വിജ്ഞാനമയ-മാനന്ദമയ-മാത്മാ മേ ശുദ്ധ്യന്താ-ഞ്ജ്യോതി രഹം-വിഁരജാ വിപാപ്മാ ഭൂയാസഗ്ഗ് സ്വാഹാ ॥ 66.10 (തൈ. അര. 6.66.1)
വൈശ്വദേവ മന്ത്രാഃ (4.43)
വൈശ്വദേവ മന്ത്രാഃ (4.43)
അഗ്നയേ സ്വാഹാ । വിശ്വേഭ്യോ ദേവേഭ്യ-സ്സ്വാഹാ ।
ധ്രുവായ ഭൂമായ സ്വാഹാ । ധ്രുവക്ഷിതയേ സ്വാഹാ ।
അച്യുതക്ഷിതയേ സ്വാഹാ । അഗ്നയേ സ്വിഷ്ടകൃതേ സ്വാഹാ ।
ധര്മായ സ്വാഹാ । അധര്മായ സ്വാഹാ ।
അദ്ഭ്യ-സ്സ്വാഹാ । ഓഷധിവനസ്പതിഭ്യ-സ്സ്വാഹാ । 67.1 (തൈ. അര. 6.67.1)
രക്ഷോദേവജനേഭ്യ-സ്സ്വാഹാ ।
രക്ഷോദേവജനേഭ്യ-സ്സ്വാഹാ ।
ഗൃഹ്യാഭ്യ-സ്സ്വാഹാ । അവസാനേഭ്യ-സ്സ്വാഹാ ।
അവസാനപതിഭ്യ-സ്സ്വാഹാ । സര്വഭൂതേഭ്യ-സ്സ്വാഹാ ।
ആമായ സ്വാഹാ । അന്തരിക്ഷായ സ്വാഹാ ।
യദേജതി ജഗതി യച്ച ചേഷ്ടതി നാമ്നോ ഭാഗോ-ഽയ-ന്നാമ്നേ സ്വാഹാ ।
പൃഥിവ്യൈ സ്വാഹാ । അന്തരിക്ഷായ സ്വാഹാ । 67.2 (തൈ. അര. 6.67.2)
ദിവേ സ്വാഹാ । സൂര്യായ സ്വാഹാ ।
ദിവേ സ്വാഹാ । സൂര്യായ സ്വാഹാ ।
ചന്ദ്രമസേ സ്വാഹാ । നക്ഷത്രേഭ്യ-സ്സ്വാഹാ ।
ഇന്ദ്രായ സ്വാഹാ । ബൃഹസ്പതയേ സ്വാഹാ ।
പ്രജാപതയേ സ്വാഹാ । ബ്രഹ്മണേ സ്വാഹാ ।
സ്വധാ പിതൃഭ്യ-സ്സ്വാഹാ । നമോ രുദ്രായ പശുപതയേ സ്വാഹാ । 67.3 (തൈ. അര. 6.67.3)
ദേവേഭ്യ-സ്സ്വാഹാ । പിതൃഭ്യഃ സ്വധാ-ഽസ്തു ।
ദേവേഭ്യ-സ്സ്വാഹാ । പിതൃഭ്യഃ സ്വധാ-ഽസ്തു ।
ഭൂതേഭ്യോ നമഃ । മനുഷ്യേഭ്യോ ഹന്താ ।
പ്രജാപതയേ സ്വാഹാ । പരമേഷ്ഠിനേ സ്വാഹാ ।
യഥാ കൂപ-ശ്ശതധാര-സ്സഹസ്രധാരോ അക്ഷിതഃ ।
ഏവാ മേ അസ്തു ധാന്യഗ്ം സഹസ്രധാര-മക്ഷിതമ് ।
ധനധാന്യൈ സ്വാഹാ ॥ യേ ഭൂതാഃ പ്രചരന്തി ദിവാനക്ത-മ്ബലി-മിച്ഛന്തോ വിതുദസ്യ പ്രേഷ്യാഃ ।
തേഭ്യോ ബലി-മ്പുഷ്ടികാമോ ഹരാമി മയി പുഷ്ടി-മ്പുഷ്ടിപതി-ര്ദധാതു സ്വാഹാ ॥ 67.4 (തൈ. അര. 6.67.4)
(ഓഷധിവനസ്പതിഭ്യ-സ്സ്വാഹാ - ഽന്തരിക്ഷായ സ്വാഹാ - നമോ രുദ്രായ പശുപതയേ സ്വാഹാ - വിതുദസ്യ പ്രേഷ്യാ ഏക-ഞ്ച)
ഓ-ന്ത-ദ്ബ്രഹ്മ । ഓ-ന്ത-ദ്വായുഃ ।
(ഓഷധിവനസ്പതിഭ്യ-സ്സ്വാഹാ - ഽന്തരിക്ഷായ സ്വാഹാ - നമോ രുദ്രായ പശുപതയേ സ്വാഹാ - വിതുദസ്യ പ്രേഷ്യാ ഏക-ഞ്ച)
ഓ-ന്ത-ദ്ബ്രഹ്മ । ഓ-ന്ത-ദ്വായുഃ ।
ഓ-ന്തദാത്മാ । ഓ-ന്ത-ഥ്സത്യമ് ।
ഓ-ന്ത-ഥ്സര്വമ് । ഓ-ന്ത-ത്പുരോ-ര്നമഃ ।
അന്തശ്ചരതി ഭൂതേഷു ഗുഹായാം-വിഁശ്വ മൂര്തിഷു ।
ത്വം-യഁജ്ഞസ്ത്വം-വഁഷട്കാരസ്ത്വ-മിദ്രസ്ത്വഗ്ം രുദ്രസ്ത്വംവിഁഷ്ണുസ്ത്വ-മ്ബ്രഹ്മത്വ-മ്പ്രജാപതിഃ ।
ത്വ-ന്തദാപ ആപോ ജ്യോതീ രസോ-ഽമൃത-മ്ബ്രഹ്മ ഭൂര്ഭുവസ്സുവരോമ് ॥ 68.2 (തൈ. അര. 6.68.1)
4.44 പ്രാണാഹുതി മന്ത്രാഃ
4.44 പ്രാണാഹുതി മന്ത്രാഃ
ശ്രദ്ധായാ-മ്പ്രാണേ നിവിഷ്ടോ-ഽമൃത-ഞ്ജുഹോമി ।
ശ്രദ്ധായാമപാനേ നിവിഷ്ടോ-ഽമൃത-ഞ്ജുഹോമി ।
ശ്രദ്ധായാം-വ്യാഁനേ നിവിഷ്ടോ-ഽമൃത-ഞ്ജുഹോമി ।
ശ്രദ്ധായാമുദാനേ നിവിഷ്ടോ-ഽമൃത-ഞ്ജുഹോമി ।
ശ്രദ്ധായാഗ്ം സമാനേ നിവിഷ്ടോ-ഽമൃത-ഞ്ജുഹോമി ।
ബ്രഹ്മണി മ ആത്മാ-ഽമൃതത്വായ ॥
അമൃതോപസ്തരണമസി ॥
ശ്രദ്ധായാ-മ്പ്രാണേ നിവിഷ്ടോ-ഽമൃത-ഞ്ജുഹോമി ।
ശിവോ മാ വിശാപ്രദാഹായ । പ്രാണായ സ്വാഹാ ।
ശ്രദ്ധായാമപാനേ നിവിഷ്ടോ-ഽമൃത-ഞ്ജുഹോമി ।
ശിവോ മാ വിശാപ്രദാഹായ । അപാനായ സ്വാഹാ ।
ശ്രദ്ധായാം-വ്യാഁനേ നിവിഷ്ടോ-ഽമൃത-ഞ്ജുഹോമി ।
ശിവോ മാ വിശാപ്രദാഹായ । വ്യാനായ സ്വാഹാ ।
ശ്രദ്ധായാ-മുദാനേ നിവിഷ്ടോ-ഽമൃത-ഞ്ജുഹോമി ।
ശിവോ മാ വിശാപ്രദാഹായ । ഉദാനായ സ്വാഹാ ।
ശ്രദ്ധായാഗ്ം സമാനേ നിവിഷ്ടോ-ഽമൃത-ഞ്ജുഹോമി ।
ശിവോ മാ വിശാപ്രദാഹായ । സമാനായ സ്വാഹാ ।
ബ്രഹ്മണി മ ആത്മാ-ഽമൃതത്വായ ॥
അമൃതാപിധാനമസി ॥ 69.4 (തൈ. അര. 6.69.1)
ഭുക്താന്നാഭിമന്ത്രണ മന്ത്രാഃ (4.45)
ഭുക്താന്നാഭിമന്ത്രണ മന്ത്രാഃ (4.45)
ശ്രദ്ധായാ-മ്പ്രാണേ നിവിശ്യാ-ഽമൃതഗ്ം ഹുതമ് । പ്രാണ മന്നേനാപ്യായസ്വ ।
ശ്രദ്ധായാമപാനേ നിവിശ്യാ-ഽമൃതഗ്ം ഹുതമ് । അപാന മന്നേനാപ്യായസ്വ ।
ശ്രദ്ധായാം-വ്യാഁനേ നിവിശ്യാ-ഽമൃതഗ്ം ഹുതമ് । വ്യാന മന്നേനാപ്യായസ്വ ।
ശ്രദ്ധായാ-മുദാനേ നിവിശ്യാ-ഽമൃതഗ്ം ഹുതമ് । ഉദാന മന്നേനാപ്യായസ്വ ।
ശ്രദ്ധായാഗ്ം സമാനേ നിവിശ്യാ-ഽമൃതഗ്ം ഹുതമ് । സമാന മന്നേനാപ്യായസ്വ ॥ 70.1 (തൈ. അര0.1)
ഭോജനാന്തേ ആത്മാനുസന്ധാന മന്ത്രാഃ (4.46)
ഭോജനാന്തേ ആത്മാനുസന്ധാന മന്ത്രാഃ (4.46)
അങ്ഗുഷ്ഠമാത്രഃ പുരുഷോ-ഽങ്ഗുഷ്ഠഞ്ച സമാശ്രിതഃ । ഈശ-സ്സര്വസ്യ ജഗതഃ പ്രഭുഃ പ്രീണാതി വിശ്വഭുക് ॥ 71.1 (തൈ. അര. 6.71.1)
അവയവസ്വസ്ഥതാ പ്രാര്ഥനാ മന്ത്രഃ (4.47)
അവയവസ്വസ്ഥതാ പ്രാര്ഥനാ മന്ത്രഃ (4.47)
വാമ്മ ആസന്ന് । നസോഃ പ്രാണഃ । അക്ഷ്യോ-ശ്ചക്ഷുഃ ।
കര്ണയോ-ശ്ശ്രോത്രമ് । ബാഹുവോ-ര്ബലമ് । ഊരുവോ രോജഃ ।
അരിഷ്ടാ വിശ്വാന്യങ്ഗാനി തനൂഃ । തനുവാ മേ സഹ നമസ്തേ അസ്തു മാ മാ ഹിഗ്ംസീഃ ॥ 72.1 (തൈ. അര. 6.72.1)
ഇന്ദ്ര സപ്തര്ഷി സംവാഁദ മന്ത്രഃ (4.48)
ഇന്ദ്ര സപ്തര്ഷി സംവാഁദ മന്ത്രഃ (4.48)
വയഃ സുപര്ണാ ഉപസേദുരിന്ദ്ര-മ്പ്രിയ മേധാ ഋഷയോ നാധമാനാഃ ।
അപദ്ധ്വാന്ത മൂര്ണുഹി പൂര്ധി ചക്ഷു-ര്മുമുഗ്ധ്യസ്മാ-ന്നിധയേ ഽവബദ്ധാന് ॥ 73.1 (തൈ. അര. 6.73.1)
ഹൃദയാലമ്ഭന മന്ത്രഃ (4.49)
ഹൃദയാലമ്ഭന മന്ത്രഃ (4.49)
പ്രാണാനാ-ങ്ഗ്രന്ഥിരസി രുദ്രോ മാ വിശാന്തകഃ । തേനാന്നേനാ-പ്യായസ്വ ॥ 74.1 (തൈ. അര. 6.74.1)
ദേവതാ പ്രാണനിരൂപണ മന്ത്രഃ (4.50)
ദേവതാ പ്രാണനിരൂപണ മന്ത്രഃ (4.50)
നമോ രുദ്രായ വിഷ്ണവേ മൃത്യുര്മേ പാഹി ॥ 75.1 (തൈ. അര. 6.75.1)
അഗ്നി സ്തുതി മന്ത്രഃ (4.51)
അഗ്നി സ്തുതി മന്ത്രഃ (4.51)
ത്വമഗ്നേ ദ്യുഭി-സ്ത്വമാശു-ശുക്ഷണി-സ്ത്വമദ്ഭ്യ-സ്ത്വമശ്മനസ്പരി ।
ത്വം-വഁനേഭ്യ-സ്ത്വമോഷധീഭ്യ-സ്ത്വ-ന്നൃണാ-ന്നൃപതേ ജായസേ ശുചിഃ ॥ 76.1 (തൈ. അര. 6.76.1)
അഭീഷ്ട യാചനാ മന്ത്രഃ (4.52)
അഭീഷ്ട യാചനാ മന്ത്രഃ (4.52)
ശിവേന മേ സന്തിഷ്ഠസ്വ സ്യോനേന മേ സന്തിഷ്ഠസ്വ സുഭൂതേന മേ സന്തിഷ്ഠസ്വ ബ്രഹ്മവര്ചസേന മേ സന്തിഷ്ഠസ്വ യജ്ഞസ്യര്ധി മനു സന്തിഷ്ഠ സ്വോപ തേ യജ്ഞ നമ ഉപ തേ നമ ഉപ തേ നമഃ ॥ 77.1 (തൈ. അര. 6.77.1)
പര തത്ത്വ നിരൂപണം (4.53)
പര തത്ത്വ നിരൂപണം (4.53)
സത്യ-മ്പര-മ്പരഗ്ം സത്യഗ്ം സത്യേന ന സുവര്ഗാ-ല്ലോകാച്ച്യവന്തേ കദാചന സതാഗ്ം ഹി സത്യ-ന്തസ്മാ-ഥ്സത്യേ രമന്തേ,
തപ ഇതി തപോ നാനശനാ-ത്പരം-യഁദ്ധി പര-ന്തപസ്ത-ദ്ദുധര്ഷ-ന്ത-ദ്ദുരാധര്ഷ-ന്തസ്മാ-ത്തപസി രമന്തേ,
ദമ ഇതി നിയത-മ്ബ്രഹ്മചാരിണ-സ്തസ്മാ-ദ്ദമേ രമന്തേ,
ശമ ഇത്യരണ്യേ മുനയ-സ്തസ്മാച്ഛമേ രമന്തേ,
ദാനമിതി സര്വാണി ഭൂതാനി പ്രശഗ്ംസന്തി ദാനാന്നാതി ദുശ്ചര-ന്തസ്മാ-ദ്ദാനേ രമന്തേ,
ധര്മ ഇതി ധര്മേണ സര്വമിദ-മ്പരിഗൃഹീത-ന്ധര്മാന്നാതി-ദുഷ്കര-ന്തസ്മാ--ദ്ധര്മേ രമന്തേ,
പ്രജന ഇതി ഭൂയാഗ്ംസ-സ്തസ്മാ-ദ്ഭൂയിഷ്ഠാഃ പ്രജായന്തേ തസ്മാ-ദ്ഭൂയിഷ്ഠാഃ നേ രമന്തേ,
-ഽഗ്നയ ഇത്യാഹ തസ്മാ-ദഗ്നയ ആധാതവ്യാ അഗ്നിഹോത്ര-മിത്യാഹ തസ്മാ-ദഗ്നിഹോത്രേ രമന്തേ,
യജ്ഞ ഇതി യജ്ഞോ ഹി ദേവാ സ്തസ്മാ-ദ്യജ്ഞേ രമന്തേ,
മാനസ-മിതി വിദ്വാഗ്ംസ-സ്തസ്മാ-ദ്വിദ്വാഗ്ംസ ഏവ മാനസേ രമന്തേ,
ന്യാസ ഇതി ബ്രഹ്മാ ബ്രഹ്മാ ഹി പരഃ പരോ ഹി ബ്രഹ്മാ താനി വാ ഏതാന്യവരാണി പരാഗ്ംസി ന്യാസ ഏവാത്യരേചയ-ദ്യ ഏവം-വേഁദേത്യുപനിഷത് ॥ 78.11 (തൈ. അര. 6.78.1)
4.54 ജ്ഞാന സാധന നിരൂപണം
4.54 ജ്ഞാന സാധന നിരൂപണം
പ്രാജാപത്യോ ഹാരുണി-സ്സുപര്ണേയഃ പ്രജാപതി-മ്പിതര-മുപസസാര കി-മ്ഭഗവന്തഃ പരമം-വഁദന്തീതി തസ്മൈ പ്രോവാച,
സത്യേന വായുരാവാതി സത്യേ-നാദിത്യോ രോചതേ ദിവി സത്യം-വാഁചഃ പ്രതിഷ്ഠാ സത്യേ സര്വ-മ്പ്രതിഷ്ഠിത-ന്തസ്മാ-ഥ്സത്യ-മ്പരമം-വഁദന്തി,
തപസാ ദേവാ ദേവതാ-മഗ്ര ആയ-ന്തപസര്ഷയ-സ്സുവരന്വ-വിന്ദ-ന്തപസാ സപത്നാ-ന്പ്രണുദാ-മാരാതീ സ്തപസി സര്വ-മ്പ്രതിഷ്ഠിത-ന്തസ്മാ-ത്തപഃ പരമം-വഁദന്തി,
ദമേന ദാന്താഃ കില്ബിഷ-മവധൂന്വന്തി ദമേന ബ്രഹ്മചാരിണ-സ്സുവരഗച്ഛ-ന്ദമോ ഭൂതാനാ-ന്ദുരാധര്ഷ-ന്ദമേ സര്വ-മ്പ്രതിഷ്ഠിത-ന്തസ്മാ-ദ്ദമഃ പരമം-വഁദന്തി,
ശമേന ശാന്താ-ശ്ശിവ-മാചരന്തി ശമേന നാക-മ്മുനയോ-ഽന്വവിന്ദന് ഛമോ ഭൂതാനാ-ന്ദുരാധര്ഷ-ഞ്ഛമേ സര്വ-മ്പ്രതിഷ്ഠിത-ന്തസ്മാച്ഛമഃ പരമം-വഁദന്തി,
ദാനം-യഁജ്ഞാനാം-വഁരൂഥ-ന്ദക്ഷിണാ ലോകേ ദാതാരഗ്ം സര്വ ഭൂതാന്യുപജീവന്തി ദാനേനാരാതീ-രപാനുദന്ത ദാനേന ദ്വിഷന്തോ മിത്രാ ഭവന്തി ദാനേ സര്വ-മ്പ്രതിഷ്ഠിത-ന്തസ്മാ-ദ്ദാന-മ്പരമം-വഁദന്തി,
ധര്മോ വിശ്വസ്യ ജഗതഃ പ്രതിഷ്ഠാ ലോകേ ധര്മിഷ്ഠ-മ്പ്രജാ ഉപസര്പന്തി ധര്മേണ പാപ-മപനുദതി ധര്മേ സര്വ-മ്പ്രതിഷ്ഠിത-ന്തസ്മാ-ദ്ധര്മ-മ്പരമം-വഁദന്തി,
പ്രജനനം-വൈഁ പ്രതിഷ്ഠാ ലോകേ സാധു പ്രജായാ സ്തന്തുന്-തന്വാനഃ പിതൃണാ മനൃണോ ഭവതി തദേവ തസ്യാ അനൃണ-ന്തസ്മാ-ത്പ്രജനന-മ്പരമം-വഁദന്ത്യ,
ഗ്നയോ വൈ ത്രയീ വിദ്യാ ദേവയാനഃ പന്ഥാ ഗാര്ഹപത്യ ഋക്-പൃഥിവീ രഥന്തര-മന്വാഹാ-ര്യപചനം-യഁജുരന്തരിക്ഷം-വാഁമദേവ്യ മാഹവനീയ-സ്സാമസുവര്ഗോ ലോകോ ബൃഹത്-തസ്മാ-ദഗ്നീ-ന്പരമം-വഁദന്ത്യ,
ഗ്നിഹോത്രഗ്ം സായ-മ്പ്രാത-ര്ഗൃഹാണാം-നിഷ്കൃതി-സ്സ്വിഷ്ടഗ്ം സുഹുതം-യഁജ്ഞക്രതൂനാ-മ്പ്രായണഗ്ം സുവര്ഗസ്യ ലോകസ്യ ജ്യോതി-സ്തസ്മാ-ദഗ്നിഹോത്ര-മ്പരമം-വഁദന്തി,
യജ്ഞ ഇതി യജ്ഞേന ഹി ദേവാ ദിവ-ങ്ഗതാ യജ്ഞേനാസുരാ-നപാനുദന്ത യജ്ഞേന ദ്വിഷന്തോ മിത്രാ ഭവന്തി യജ്ഞേ സര്വ-മ്പ്രതിഷ്ഠിത-ന്തസ്മാ-ദ്യജ്ഞ-മ്പരമം-വഁദന്തി,
മാനസം-വൈഁ പ്രാജാപത്യ-മ്പവിത്ര-മ്മാനസേന മനസാ സാധു പശ്യതി മാനസാ ഋഷയഃ പ്രജാ അസൃജന്ത മാനസേ സര്വ-മ്പ്രതിഷ്ഠിത-ന്തസ്മാ-ന്മാനസ-മ്പരമം-വഁദന്തി,
ന്യാസ ഇത്യാഹു-ര്മനീഷിണോ ബ്രഹ്മാണ-മ്ബ്രഹ്മാ വിശ്വഃ കതമ-സ്സ്വയഭുംഃ പ്രജാപതി-സ്സംവഁഥ്സര ഇതി, സംവഁഥ്സരോ ഽസാവാദിത്യോ യ ഏഷ ആദിത്യേ പുരുഷ-സ്സ പരമേഷ്ഠീ ബ്രഹ്മാത്മാ,
യാഭിരാദിത്യ-സ്തപതി രശ്മിഭിസ്താഭിഃ പര്ജന്യോ വര്ഷതി പര്ജന്യേ-നൌഷധി-വനസ്പതയഃ പ്രജായന്ത ഓഷധി-വനസ്പതിഭി-രന്ന-മ്ഭവത്യന്നേന പ്രാണാഃ പ്രാണൈ-ര്ബല-മ്ബലേന തപ-സ്തപസാ ശ്രദ്ധാ ശ്രദ്ധയാ മേധാ മേധയാ മനീഷാ മനീഷയാ മനോ മനസാ ശാന്തി-ശ്ശാന്ത്യാ ചിത്ത-ഞ്ചിത്തേന സ്മൃതിഗ്ഗ് സ്മൃത്യാ സ്മാരഗ്ഗ് സ്മാരേണ വിജ്ഞാനം-വിഁജ്ഞാനേ-നാത്മാനം-വേഁദയതി തസ്മാദന്ന-ന്ദദന്-ഥ്സര്വാണ്യേതാനി ദദാ-ത്യന്നാ-ത്പ്രാണാ ഭവന്തി,
യാഭിരാദിത്യ-സ്തപതി രശ്മിഭിസ്താഭിഃ പര്ജന്യോ വര്ഷതി പര്ജന്യേ-നൌഷധി-വനസ്പതയഃ പ്രജായന്ത ഓഷധി-വനസ്പതിഭി-രന്ന-മ്ഭവത്യന്നേന പ്രാണാഃ പ്രാണൈ-ര്ബല-മ്ബലേന തപ-സ്തപസാ ശ്രദ്ധാ ശ്രദ്ധയാ മേധാ മേധയാ മനീഷാ മനീഷയാ മനോ മനസാ ശാന്തി-ശ്ശാന്ത്യാ ചിത്ത-ഞ്ചിത്തേന സ്മൃതിഗ്ഗ് സ്മൃത്യാ സ്മാരഗ്ഗ് സ്മാരേണ വിജ്ഞാനം-വിഁജ്ഞാനേ-നാത്മാനം-വേഁദയതി തസ്മാദന്ന-ന്ദദന്-ഥ്സര്വാണ്യേതാനി ദദാ-ത്യന്നാ-ത്പ്രാണാ ഭവന്തി,
ഭൂതാനാ-മ്പ്രാണൈ-ര്മനോ മനസശ്ച വിജ്ഞാനം-വിഁജ്ഞാനാ-ദാനന്ദോ ബ്രഹ്മ യോനി-സ്സ വാ ഏഷ പുരുഷഃ പഞ്ചധാ പഞ്ചാത്മാ യേന സര്വമിദ-മ്പ്രോത-മ്പൃഥിവീ ചാന്തരിക്ഷ-ഞ്ച ദ്യൌശ്ച ദിശശ്ചാവാന്തരദിശാശ്ച സ വൈ സര്വമിദ-ഞ്ജഗഥ്സ സഭൂതഗ്ം സ ഭവ്യ-ഞ്ജിജ്ഞാസ ക്ലൃപ്ത ഋതജാ രയിഷ്ഠാ,
ശ്രദ്ധാ സത്യോ മഹസ്വാ-ന്തപസോ പരിഷ്ഠാദ് (വരിഷ്ഠാദ്) ജ്ഞാത്വാ തമേവ-മ്മനസാ ഹൃദാ ച ഭൂയോ ന മൃത്യു-മുപയാഹി വിദ്വാ-ന്തസ്മാ-ന്ന്യാസ-മേഷാ-ന്തപസാ-മതിരിക്തമാഹു-ര്വസുരണ്വോ വിഭൂരസി പ്രാണേ ത്വമസി സന്ധാതാ
ബ്രഹ്മ-ന്ത്വമസി വിശ്വധൃത്തേ-ജോദാസ് ത്വമസ്യഗ്നി-രസി വര്ചോദാ-സ്ത്വമസി സൂര്യസ്യ ദ്യുമ്നോദാ സ്ത്വമസി ചന്ദ്രമസ ഉപയാമഗൃഹീതോ-ഽസി ബ്രഹ്മണേ ത്വാ മഹസ,
ഓമിത്യാത്മാനം-യുഁഞ്ജീതൈതദ്വൈ മഹോപനിഷദ-ന്ദേവാനാ-ങ്ഗുഹ്യം-യഁ ഏവം-വേഁദ ബ്രഹ്മണോ മഹിമാന-മാപ്നോതി തസ്മാ-ദ്ബ്രഹ്മണോ മഹിമാന-മിത്യുപനിഷത് ॥ 79.20 (തൈ. അര. 6.79.1)
ജ്ഞാനയജ്ഞഃ (4.55)
ജ്ഞാനയജ്ഞഃ (4.55)
തസ്യൈവം-വിഁദുഷോ യജ്ഞസ്യാത്മാ യജമാനഃ-ശ്രധ്ദാപത്നീ ശരീര-മിദ്ധ്മമുരോ വേദി-ര്ലോമാനി
ബരഃഇ-ര്വേദഃ-ശിഖാ ഹൃദയം-യൂഁപഃ കാമ ആജ്യ-മ്മന്യുഃ പശു-സ്തപോ-ഽഗ്നി-ര്ദമഃ ശമയിതാ ദക്ഷിണാ-വാഘോതാ പ്രാണ ഉദ്ഗതാ
ചക്ഷുരധ്വര്യു-ര്മനോ ബ്രഹ്മാ ശ്രോത്രമഗ്നീ-ധ്യാവധ്ദ്രിയതേ
സാ ദീക്ഷാ യദശ്ര്നാതി തധ്ദവി-ര്യത്പിബതി തദസ്യ സോമപാനം-യഁദ്രമതേ
തദുപസദോ യ-ഥ്സഞ്ചര-ത്യുപവിശ-ത്യുത്തിഷ്ഠതേ ച സപ്രവര്ഗ്യോ
യന്മുഖ-ന്തദാഹവനീയോ യാ വ്യാഹൃതി-രാഹുതി-ര്യദസ്യ വിജ്ഞാന-ന്തജ്ജുഹോതി യഥ്സായ-മ്പ്രാതരത്തി തഥ്സമിധം-യഁത്പ്രാത-ര്മദ്ധ്യന്ദിനഗ്ം സായ-ഞ്ച താനി സവനാനി യേ
അഹോരാത്രേ തേ ദര്ശപൂര്ണമാസൌ യേ-ഽര്ധമാസാശ്ച മാസാശ്ച തേ ചാതുര്മാസ്യാനി യ ഋതവസ്തേ പശുബന്ധാ യേ സംവഁഥ്സരാശ്ച പരിവഥ്സരാശ്ച തേ-ഽഹര്ഗണാ-സ്സര്വ വേദസം-വാഁ
ഏത-ഥ്സത്രം-യഁന്മരണ-ന്തദവഭൃഥ ഏതദ്വൈ ജരാമര്യ-മഗ്നിഹോത്രഗ്ം സത്രം-യഁ ഏവം-വിഁദ്വാ-നുദഗയനേ പ്രമീയതേ
ദേവാനാമേവ മഹിമാന-ങ്ഗത്വാ-ഽഽദിത്യസ്യ സായുജ്യ-ങ്ഗച്ഛത്യഥ യോ ദക്ഷിണേ പ്രമീയതേ
പിതൃണാ-മേവ മഹിമാന-ങ്ഗത്വാ ചന്ദ്രമസ-സ്സായുജ്യഗ്ം സലോകതാ-മാപ്നോത്യേതൌ വൈ സൂര്യാ ചന്ദ്രമസൌ-ര്മഹിമാനൌ ബ്രാഹ്മണോ
വിദ്വാ-നഭിജയതി തസ്മാ-ദ്ബ്രഹ്മണോ മഹിമാനമാപ്നോതി തസ്മാ-ദ്ബ്രഹ്മണോ മഹിമാന-മിത്യുപനിഷത് ॥ 80.1 (തൈ. അര. 6.80.1)
സഹ നാ വവതു । സഹ നൌ ഭുനക്തു । സഹ വീര്യ-ങ്കരവാവഹൈ । തേജസ്വിനാ വധീതമസ്തു മാ വിദ്വിഷാവഹൈ ॥
സഹ നാ വവതു । സഹ നൌ ഭുനക്തു । സഹ വീര്യ-ങ്കരവാവഹൈ । തേജസ്വിനാ വധീതമസ്തു മാ വിദ്വിഷാവഹൈ ॥
॥ ഓം ശാന്തി-ശ്ശാന്തി-ശ്ശാന്തിഃ ॥
ഹരിഃ ഓമ് ।
ഇതി മഹാനാരായണോപനിഷ-ഥ്സമാപ്താ
(അമ്ഭസ്യൈകപഞ്ചാശച്ഛതം - ജാതവേദസേ ചതുര്ദശ - ഭൂരന്നം - ഭൂരഗ്നയേ - ഭൂരഗ്നയേ ചൈകമേകം - പാഹി - പാഹി ചത്വാരി ചത്വാരി - യ-ശ്ഛന്ദസാ-ന്ദ്വേ - നമോ ബ്രഹ്മണേ - ഋത-ന്തപോ - യഥാ വൃക്ഷസ്യൈക മേക - മണോരണീയാഗ് ശ്ചതുസ്ത്രിഗ്ംശഥ് - സഹസ്രശീഷഗ്ം ഷട്വിഗ്ംശതി - രാദിത്യോ വാ ഏഷ - ആദിത്യോ വൈ തേജ ഏകമേകം - നിധനപതയേ ത്രയോവിഗ്ംശതിഃ - സദ്യോജാത-ന്ത്രീണി - വാമദേവായൈക - മഘോരേഭ്യ - സ്തത്പുരുഷായ ദ്വേ ദ്വേ - ഈശാനോ - നമോ ഹിരണ്യബാഹവ ഏകമേക - മൃതഗ്ം സത്യ-ന്ദ്വേ - സര്വോ വൈ ചത്വാരി - കദ്രുദ്രായ ത്രീണി - യസ്യ വൈ കങ്കതീ - കൃണുഷ്വ പാജോ - ഽദിതി - രാപോ വാ ഇദഗ്ം സര്വ മേകമേക - മാപഃ പുനന്തു ചത്വാ - ര്യഗ്നിശ്ച - സൂര്യശ്ച നവ - നവോമിതി ചത്വാ - ര്യായാതു പചൌ - ജോ-ഽസി ദശോ - ത്തമേ ചത്വാരി - ഘൃണിസ്ത്രീണി - ബ്രഹ്മമേതു മാം-യാഁസ്തേ ബ്രഹ്മഹത്യാ-ന്ദ്വാദശ - ബ്രഹ്മ മേധയാ-ഽദ്യാ ന ഇമ-മ്ഭ്രൂഷഹത്യാം - ബ്രഹ്മ മേധവാ ബ്രഹ്മാ ദേവാനാമിദം-വീഁരഹത്യാമേകാന്ന വിഗ്ംശതി രേകാന്നവിഗ്ംശതി--ര് മേധാ ദേവീ - മേധാ-മ്മ ഇന്ദ്രശ്ചത്വാരി ചത്വാര്യാ - മാ-മ്മേധാ ദ്വേ - മയി മേധാ മേക- മപൈതു - പരം - ഁവാത-മ്പ്രാണ - മമുത്രഭൂയാ-ദ്- ദ്ധരിഗ്ം - ശല്കൈരഗ്നിം - മാ ഛിദോ മൃത്യോ - മാ നോ മഹാന്തം - മാനസ്തോകേ - പ്രജാപതേ - സ്വസ്തിദാ - ത്ര്യമ്ബകം - ഁയേ തേ സഹസ്ര-ന്ദ്വേ ദ്വേ - മൃത്യവേ സ്വാഹൈകം - ദേവകൃതസ്യൈകാദശ - യദ്വോ ദേവാഃ - കാമോ-ഽകാര്ഷീന് - മന്യുരകാര്ഷീ-ദ്ദ്വേ ദ്വേ - തിലാഞ്ജുഹോമി ഗാവ-ശ്ശ്രിയ-മ്പ്രജാഃ പഞ്ച - തിലാഃ കൃണ്ഷാശ്ചോരസ്യ ശ്രീഃ പ്രജ്ഞാതു ജാതവേദ-സ്സപ്ത - പ്രാണ വാ-ക്ത്വക് ഛിര ഉത്തിഷ്ഠ പുരുഷ പഞ്ച - പൃഥിവീ ശബ്ദ മനോ വാഗ് വ്യക്താ-ഽഽത്മാ-ഽന്തരാത്മാ പരമാത്മാ മേ ക്ഷുധേ-ഽന്നമയ പഞ്ചദശാ - ഗ്നയേ സ്വാഹൈകചത്വാരിഗ്ംശ - ര്ദോ ന്തദ്ബ്രഹ്മ നവ - ശ്രദ്ധായാ-മ്പ്രാണേ നിവിഷ്ട ശ്ചതുര്വിഗ്ംശതിഃ - ശ്രദ്ധായാ-ന്ദശാ - ങ്ഗുഷ്ഠ മാത്രഃ പുരുഷോ ദ്വേ - വാമ്മ ആസന്നഷ്ടൌ - വയഃ സുപര്ഷാഃ - പ്രാണാനാ-ങ്ഗ്രന്ഥിരസി ദ്വേ ദ്വേ - നമോ രുദ്രായൈകം - ത്വമഗ്നേ ദ്യുഭിര് ദ്വേ - ശിവേന മേ സന്തിഷ്ഠസ്വ - സത്യം - പ്രാജാപത്യ - സ്തസ്യൈവ മേക മേക മശതിഃ)