প্ৰথমঃ প্ৰশ্নঃ
ও-ন্নমঃ পৰমাত্মনে । হৰিঃ ওম্ ॥
সুকেশা চ ভাৰদ্ৱাজ-শ্শৈব্যশ্চ সত্যকাম-স্সৌৰ্যাযণী চ গাৰ্গ্যঃ কৌসল্যশ্চাশ্ৱলাযনো ভাৰ্গৱো ৱৈদৰ্ভিঃ কবন্ধী কাত্যাযনস্তে হৈতে ব্ৰহ্মপৰা ব্ৰহ্মনিষ্ঠাঃ পৰ-ম্ব্ৰহ্মান্ৱেষমাণাঃ এষ হ ৱৈ তত্সৰ্ৱং-ৱঁক্ষ্যতীতি তে হ সমিত্পাণযো ভগৱন্ত-ম্পিপ্পলাদমুপসন্নাঃ ॥1॥
তান্ হ স ঋষিৰুৱাচ ভূয এৱ তপসা ব্ৰহ্মচৰ্যেণ শ্ৰদ্ধযা সংৱঁত্সৰং সংৱঁত্স্যথ যথাকাম-ম্প্ৰশ্না-ন্পৃচ্ছত যদি ৱিজ্ঞাস্যাম-স্সৰ্ৱং হ ৱো ৱক্ষাম ইতি ॥2॥
অথ কবন্ধী কাত্যাযন উপেত্য পপ্ৰচ্ছ ভগৱন্ কুতো হ ৱা ইমাঃ প্ৰজাঃ প্ৰজাযন্ত ইতি ॥3॥
তস্মৈ স হোৱাচ-
প্ৰজাকামো ৱৈ প্ৰজাপতি-স্স তপো-ঽতপ্যত স তপস্তপ্ত্ৱা স মিথুনমুত্পাদযতে।
ৰযি-ঞ্চ প্ৰাণঞ্চেতি এতৌ মে বহুধা প্ৰজাঃ কৰিষ্যত ইতি ॥4॥
প্ৰজাকামো ৱৈ প্ৰজাপতি-স্স তপো-ঽতপ্যত স তপস্তপ্ত্ৱা স মিথুনমুত্পাদযতে।
ৰযি-ঞ্চ প্ৰাণঞ্চেতি এতৌ মে বহুধা প্ৰজাঃ কৰিষ্যত ইতি ॥4॥
আদিত্যো হ ৱৈ প্ৰাণো ৰযিৰেৱ চন্দ্ৰমাঃ ৰযিৰ্ৱা এত-থ্সৰ্ৱং-যঁন্মূৰ্ত-ঞ্চামূৰ্ত-ঞ্চ তস্মান্মূৰ্তিৰেৱ ৰযিঃ ॥5॥
অথাদিত্য উদযন্ য-ত্প্ৰাচী-ন্দিশ-ম্প্ৰৱিশতি তেন প্ৰাচ্যা-ন্প্ৰাণা-ন্ৰশ্মিষু সন্নিধত্তে।
যদ্দক্ষিণাং-যঁ-ত্প্ৰতীচীং-যঁদুদীচীং-যঁদধো যদূৰ্ধ্ৱং-যঁদন্তৰা দিশো যত্সৰ্ৱ-ম্প্ৰকাশযতি তেন সৰ্ৱা-ন্প্ৰাণা-ন্ৰশ্মিষু সন্নিধত্তে ॥6॥
যদ্দক্ষিণাং-যঁ-ত্প্ৰতীচীং-যঁদুদীচীং-যঁদধো যদূৰ্ধ্ৱং-যঁদন্তৰা দিশো যত্সৰ্ৱ-ম্প্ৰকাশযতি তেন সৰ্ৱা-ন্প্ৰাণা-ন্ৰশ্মিষু সন্নিধত্তে ॥6॥
স এষ ৱৈশ্ৱানৰো ৱিশ্ৱৰূপঃ প্ৰাণো-ঽগ্নিৰুদযতে।
তদেতদ্ ঋচা-ঽভ্যুক্তম্ ॥7॥
তদেতদ্ ঋচা-ঽভ্যুক্তম্ ॥7॥
ৱিশ্ৱৰূপং হৰিণ-ঞ্জাতৱেদস-ম্পৰাযণ-ঞ্জ্যোতিৰেক-ন্তপন্তম্।
সহস্ৰৰশ্মি-শ্শতধা ৱৰ্তমানঃ প্ৰাণঃ প্ৰজানামুদযত্যেষ সূৰ্যঃ ॥8॥
সহস্ৰৰশ্মি-শ্শতধা ৱৰ্তমানঃ প্ৰাণঃ প্ৰজানামুদযত্যেষ সূৰ্যঃ ॥8॥
সংৱঁত্সৰো ৱৈ প্ৰজাপতিঃ তস্যাযনে দক্ষিণঞ্চোত্তৰ-ঞ্চ।
তদ্যে হ ৱৈ তদিষ্টাপূৰ্তে কৃতমিত্যুপাসতে তে চান্দ্ৰমসমেৱ লোকমভিজযন্তে ত এৱ পুনৰাৱৰ্তন্তে।
তস্মাদেত ঋষযঃ প্ৰজাকামা দক্ষিণ-ম্প্ৰতিপদ্যন্তে। এষ হ ৱৈ ৰযিৰ্যঃ পিতৃযাণঃ ॥9॥
তদ্যে হ ৱৈ তদিষ্টাপূৰ্তে কৃতমিত্যুপাসতে তে চান্দ্ৰমসমেৱ লোকমভিজযন্তে ত এৱ পুনৰাৱৰ্তন্তে।
তস্মাদেত ঋষযঃ প্ৰজাকামা দক্ষিণ-ম্প্ৰতিপদ্যন্তে। এষ হ ৱৈ ৰযিৰ্যঃ পিতৃযাণঃ ॥9॥
অথোত্তৰেণ তপসা ব্ৰহ্মচৰ্যেণ শ্ৰদ্ধযা ৱিদ্যযাত্মানমন্ৱিষ্যাদিত্যমভিজযন্তে।
এতদ্ৱৈ প্ৰাণানামাযতনমেতদমৃতমভযমেত-ত্পৰাযণমেতস্মান্ন পুনৰাৱৰ্তন্ত ইত্যেষ নিৰোধঃ। তদেষ শ্লোকঃ ॥10॥
এতদ্ৱৈ প্ৰাণানামাযতনমেতদমৃতমভযমেত-ত্পৰাযণমেতস্মান্ন পুনৰাৱৰ্তন্ত ইত্যেষ নিৰোধঃ। তদেষ শ্লোকঃ ॥10॥
পঞ্চপাদ-ম্পিতৰ-ন্দ্ৱাদশাকৃতি-ন্দিৱ আহুঃ পৰে অৰ্ধে পুৰীষিণম্।
অথেমে অন্য উ পৰে ৱিচক্ষণং সপ্তচক্ৰে ষডৰ আহুৰৰ্পিতমিতি ॥11॥
অথেমে অন্য উ পৰে ৱিচক্ষণং সপ্তচক্ৰে ষডৰ আহুৰৰ্পিতমিতি ॥11॥
মাসো ৱৈ প্ৰজাপতিস্তস্য কৃষ্ণপক্শ এৱ ৰযি-শ্শুক্লঃ প্ৰাণস্তস্মাদেত ঋষয-শ্শুক্ল ইষ্ট-ঙ্কুৰ্ৱন্তীতৰ ইতৰস্মিন্ন্ ॥12॥
অহোৰাত্ৰো ৱৈ প্ৰজাপতিস্তস্যাহৰেৱ প্ৰাণো ৰাত্ৰিৰেৱ ৰযিঃ।
প্ৰাণং-ৱাঁ এতে প্ৰস্কন্দন্তি যে দিৱা ৰত্যা সংযুঁজ্যন্তে ব্ৰহ্মচৰ্যমেৱ তদ্যদ্ৰাত্ৰৌ ৰত্যা সংযুঁজ্যন্তে ॥13॥
প্ৰাণং-ৱাঁ এতে প্ৰস্কন্দন্তি যে দিৱা ৰত্যা সংযুঁজ্যন্তে ব্ৰহ্মচৰ্যমেৱ তদ্যদ্ৰাত্ৰৌ ৰত্যা সংযুঁজ্যন্তে ॥13॥
অন্নং-ৱৈঁ প্ৰজাপতিস্ততো হ ৱৈ তদ্ৰেতস্তস্মাদিমাঃ প্ৰজাঃ প্ৰজাযন্ত ইতি ॥14॥
তদ্যে হ ৱৈ তত্প্ৰজাপতিৱ্ৰত-ঞ্চৰন্তি তে মিথুনমুত্পাদযন্তে।
তেষামেৱৈষ ব্ৰহ্মলোকো যেষা-ন্তপো ব্ৰহ্মচৰ্যং-যেঁষু সত্য-ম্প্ৰতিষ্ঠিতম্ ॥15॥
তেষামেৱৈষ ব্ৰহ্মলোকো যেষা-ন্তপো ব্ৰহ্মচৰ্যং-যেঁষু সত্য-ম্প্ৰতিষ্ঠিতম্ ॥15॥
তেষামসৌ ৱিৰজো ব্ৰহ্মলোকো ন যেষু জিহ্মমনৃত-ন্ন মাযা চেতি ॥16॥