What is Ram Raksha Stotra?

Read Ram Raksha Stotra in Assamese script — full lyrics with English meaning and transliteration. The Ram Raksha Stotra is a potent Sanskrit hymn dedicated to Lord Rama, traditionally attributed to the sage Budha Kaushika. Composed during a deep meditative state, it is revered as a powerful kavacha (armor) that shields the devotee from negativity, fear, and malefic planetary influences. The text eulogizes the virtues of Rama, invoking his protection for every part of the human body. It is frequently recited during Navaratri and daily by devout practitioners to cultivate inner strength, unwavering devotion, and divine grace. Reciting this stotra is believed to bestow mental peace, spiritual fortitude, and overall well-being upon the seeker.

Which deity is Ram Raksha Stotra dedicated to?

Ram Raksha Stotra is a Sanskrit hymn dedicated to Lord Rama.

Who composed Ram Raksha Stotra?

Ram Raksha Stotra is traditionally attributed to Budha Kaushika Rishi.

Ram Raksha Stotra in Assamese – Meaning & Word-by-Word

শ্ৰীৰামৰক্ষাস্তোত্ৰম্

॥ ওঁ শ্ৰীগণেশায নমঃ ॥

অস্য শ্ৰীৰামৰক্ষাস্তোত্ৰমন্ত্ৰস্য । বুধকৌশিক ঋষিঃ ।
শ্ৰীসীতাৰামচন্দ্ৰো দেৱতা । অনুষ্টুপ্ ছন্দঃ ।
সীতা শক্তিঃ । শ্ৰীমদ্ হনুমান কীলকম্ ।
শ্ৰীৰামচন্দ্ৰপ্ৰীত্যৰ্থে ৰামৰক্ষাস্তোত্ৰজপে ৱিনিযোগঃ ॥

অথ ধ্যানম্ ।
ধ্যাযেদাজানুবাহুং ধৃতশৰধনুষং বদ্ধপদ্মাসনস্থং
পীতং ৱাসো ৱসানং নৱকমলদলস্পৰ্ধিনেত্ৰং প্ৰসন্নম্ ।
ৱামাঙ্কাৰূঢ সীতামুখকমলমিলল্লোচনং নীৰদাভং
নানালঙ্কাৰদীপ্তং দধতমুৰুজটামণ্ডনং ৰামচন্দ্ৰম্ ॥

ইতি ধ্যানম্ ॥

চৰিতং ৰঘুনাথস্য শতকোটি প্ৰৱিস্তৰম্ ।
একৈকমক্ষৰং পুংসাং মহাপাতকনাশনম্ ॥ ১॥

ধ্যাত্ৱা নীলোত্পলশ্যামং ৰামং ৰাজীৱলোচনম্ ।
জানকীলক্ষ্মণোপেতং জটামুকুটমণ্ডিতম্ ॥ ২॥

সাসিতূণধনুৰ্বাণপাণিং নক্তঞ্চৰান্তকম্ ।
স্ৱলীলযা জগত্ত্ৰাতুমাৱিৰ্ভূতমজং ৱিভুম্ ॥ ৩॥

ৰামৰক্ষাং পঠেত্প্ৰাজ্ঞঃ পাপঘ্নীং সৰ্ৱকামদাম্ ।
শিৰো মে ৰাঘৱঃ পাতু ভালং দশৰথাত্মজঃ ॥ ৪॥

কৌসল্যেযো দৃশৌ পাতু ৱিশ্ৱামিত্ৰপ্ৰিযঃ শ্ৰুতী ।
ঘ্ৰাণং পাতু মখত্ৰাতা মুখং সৌমিত্ৰিৱত্সলঃ ॥ ৫॥

জিহ্ৱাং ৱিদ্যানিধিঃ পাতু কণ্ঠং ভৰতৱন্দিতঃ ।
স্কন্ধৌ দিৱ্যাযুধঃ পাতু ভুজৌ ভগ্নেশকাৰ্মুকঃ ॥ ৬॥

কৰৌ সীতাপতিঃ পাতু হৃদযং জামদগ্ন্যজিত্ ।
মধ্যং পাতু খৰধ্ৱংসী নাভিং জাম্বৱদাশ্ৰযঃ ॥ ৭॥

সুগ্ৰীৱেশঃ কটী পাতু সক্থিনী হনুমত্প্ৰভুঃ ।
ঊৰূ ৰঘূত্তমঃ পাতু ৰক্ষঃকুলৱিনাশকৃত্ ॥ ৮॥

জানুনী সেতুকৃত্পাতু জঙ্ঘে দশমুখান্তকঃ ।
পাদৌ বিভীষণশ্ৰীদঃ পাতু ৰামোঽখিলং ৱপুঃ ॥ ৯॥

এতাং ৰামবলোপেতাং ৰক্ষাং যঃ সুকৃতী পঠেত্ ।
স চিৰাযুঃ সুখী পুত্ৰী ৱিজযী ৱিনযী ভৱেত্ ॥ ১০॥

পাতালভূতলৱ্যোমচাৰিণশ্ছদ্মচাৰিণঃ ।
ন দ্ৰষ্টুমপি শক্তাস্তে ৰক্ষিতং ৰামনামভিঃ ॥ ১১॥

ৰামেতি ৰামভদ্ৰেতি ৰামচন্দ্ৰেতি ৱা স্মৰন্ ।
নৰো ন লিপ্যতে পাপৈঃ ভুক্তিং মুক্তিং চ ৱিন্দতি ॥ ১২॥

জগজ্জৈত্ৰৈকমন্ত্ৰেণ ৰামনাম্নাভিৰক্ষিতম্ ।
যঃ কণ্ঠে ধাৰযেত্তস্য কৰস্থাঃ সৰ্ৱসিদ্ধযঃ ॥ ১৩॥

ৱজ্ৰপঞ্জৰনামেদং যো ৰামকৱচং স্মৰেত্ ।
অৱ্যাহতাজ্ঞঃ সৰ্ৱত্ৰ লভতে জযমঙ্গলম্ ॥ ১৪॥

আদিষ্টৱান্ যথা স্ৱপ্নে ৰামৰক্ষামিমাং হৰঃ ।
তথা লিখিতৱান্ প্ৰাতঃ প্ৰবুদ্ধো বুধকৌশিকঃ ॥ ১৫॥

আৰামঃ কল্পৱৃক্ষাণাং ৱিৰামঃ সকলাপদাম্ ।
অভিৰামস্ত্ৰিলোকানাং ৰামঃ শ্ৰীমান্ স নঃ প্ৰভুঃ ॥ ১৬॥

তৰুণৌ ৰূপসম্পন্নৌ সুকুমাৰৌ মহাবলৌ ।
পুণ্ডৰীকৱিশালাক্ষৌ চীৰকৃষ্ণাজিনাম্বৰৌ ॥ ১৭॥

ফলমূলাশিনৌ দান্তৌ তাপসৌ ব্ৰহ্মচাৰিণৌ ।
পুত্ৰৌ দশৰথস্যৈতৌ ভ্ৰাতৰৌ ৰামলক্ষ্মণৌ ॥ ১৮॥

শৰণ্যৌ সৰ্ৱসত্ত্ৱানাং শ্ৰেষ্ঠৌ সৰ্ৱধনুষ্মতাম্ ।
ৰক্ষঃ কুলনিহন্তাৰৌ ত্ৰাযেতাং নো ৰঘূত্তমৌ ॥ ১৯॥

আত্তসজ্জধনুষাৱিষুস্পৃশাৱক্ষযাশুগনিষঙ্গসঙ্গিনৌ ।
ৰক্ষণায মম ৰামলক্ষ্মণাৱগ্ৰতঃ পথি সদৈৱ গচ্ছতাম্ ॥ ২০॥

সন্নদ্ধঃ কৱচী খড্গী চাপবাণধৰো যুৱা ।
গচ্ছন্মনোৰথোঽস্মাকং ৰামঃ পাতু সলক্ষ্মণঃ ॥ ২১॥

ৰামো দাশৰথিঃ শূৰো লক্ষ্মণানুচৰো বলী ।
কাকুত্স্থঃ পুৰুষঃ পূৰ্ণঃ কৌসল্যেযো ৰঘূত্তমঃ ॥ ২২॥

ৱেদান্তৱেদ্যো যজ্ঞেশঃ পুৰাণপুৰুষোত্তমঃ ।
জানকীৱল্লভঃ শ্ৰীমান্ অপ্ৰমেয পৰাক্ৰমঃ ॥ ২৩॥

ইত্যেতানি জপন্নিত্যং মদ্ভক্তঃ শ্ৰদ্ধযান্ৱিতঃ ।
অশ্ৱমেধাধিকং পুণ্যং সম্প্ৰাপ্নোতি ন সংশযঃ ॥ ২৪॥

ৰামং দূৰ্ৱাদলশ্যামং পদ্মাক্ষং পীতৱাসসম্ ।
স্তুৱন্তি নামভিৰ্দিৱ্যৈঃ ন তে সংসাৰিণো নৰাঃ ॥ ২৫॥

ৰামং লক্ষ্মণপূৰ্ৱজং ৰঘুৱৰং সীতাপতিং সুন্দৰম্ ।
কাকুত্স্থং কৰুণাৰ্ণৱং গুণনিধিং ৱিপ্ৰপ্ৰিযং ধাৰ্মিকম্ ।
ৰাজেন্দ্ৰং সত্যসন্ধং দশৰথতনযং শ্যামলং শান্তমূৰ্তিম্ ।
ৱন্দে লোকাভিৰামং ৰঘুকুলতিলকং ৰাঘৱং ৰাৱণাৰিম্ ॥ ২৬॥

ৰামায ৰামভদ্ৰায ৰামচন্দ্ৰায ৱেধসে ।
ৰঘুনাথায নাথায সীতাযাঃ পতযে নমঃ ॥ ২৭॥

শ্ৰীৰাম ৰাম ৰঘুনন্দন ৰাম ৰাম
শ্ৰীৰাম ৰাম ভৰতাগ্ৰজ ৰাম ৰাম ।
শ্ৰীৰাম ৰাম ৰণকৰ্কশ ৰাম ৰাম
শ্ৰীৰাম ৰাম শৰণং ভৱ ৰাম ৰাম ॥ ২৮॥

শ্ৰীৰামচন্দ্ৰচৰণৌ মনসা স্মৰামি
শ্ৰীৰামচন্দ্ৰচৰণৌ ৱচসা গৃণামি ।
শ্ৰীৰামচন্দ্ৰচৰণৌ শিৰসা নমামি
শ্ৰীৰামচন্দ্ৰচৰণৌ শৰণং প্ৰপদ্যে ॥ ২৯॥

মাতা ৰামো মত্পিতা ৰামচন্দ্ৰঃ
স্ৱামী ৰামো মত্সখা ৰামচন্দ্ৰঃ ।
সৰ্ৱস্ৱং মে ৰামচন্দ্ৰো দযালু-
ৰ্নান্যং জানে নৈৱ জানে ন জানে ॥ ৩০॥

দক্ষিণে লক্ষ্মণো যস্য ৱামে তু জনকাত্মজা ।
পুৰতো মাৰুতিৰ্যস্য তং ৱন্দে ৰঘুনন্দনম্ ॥ ৩১॥

লোকাভিৰামং ৰণৰঙ্গধীৰং
ৰাজীৱনেত্ৰং ৰঘুৱংশনাথম্ ।
কাৰুণ্যৰূপং কৰুণাকৰং তং
শ্ৰীৰামচন্দ্ৰম্ শৰণং প্ৰপদ্যে ॥ ৩২॥

মনোজৱং মাৰুততুল্যৱেগং
জিতেন্দ্ৰিযং বুদ্ধিমতাং ৱৰিষ্ঠম্ ।
ৱাতাত্মজং ৱানৰযূথমুখ্যং
শ্ৰীৰামদূতং শৰণং প্ৰপদ্যে ॥ ৩৩॥

কূজন্তং ৰামৰামেতি মধুৰং মধুৰাক্ষৰম্ ।
আৰুহ্য কৱিতাশাখাং ৱন্দে ৱাল্মীকিকোকিলম্ ॥ ৩৪॥

আপদামপহৰ্তাৰং দাতাৰং সৰ্ৱসম্পদাম্ ।
লোকাভিৰামং শ্ৰীৰামং ভূযো ভূযো নমাম্যহম্ ॥ ৩৫॥

ভৰ্জনং ভৱবীজানামৰ্জনং সুখসম্পদাম্ ।
তৰ্জনং যমদূতানাং ৰামৰামেতি গৰ্জনম্ ॥ ৩৬॥

ৰামো ৰাজমণিঃ সদা ৱিজযতে ৰামং ৰমেশং ভজে
ৰামেণাভিহতা নিশাচৰচমূ ৰামায তস্মৈ নমঃ ।
ৰামান্নাস্তি পৰাযণং পৰতৰং ৰামস্য দাসোঽস্ম্যহং
ৰামে চিত্তলযঃ সদা ভৱতু মে ভো ৰাম মামুদ্ধৰ ॥ ৩৭॥

ৰামৰামেতি ৰামেতি ৰমে ৰামে মনোৰমে । (শ্ৰীৰামৰামৰামেতি)
সহস্ৰনামতত্তুল্যং ৰামনাম ৱৰাননে ॥ ৩৮॥

ইতি শ্ৰীবুধকৌশিকৱিৰচিতং শ্ৰীৰামৰক্ষাস্তোত্ৰং সম্পূৰ্ণম্ ॥

॥ শ্ৰীসীতাৰামচন্দ্ৰাৰ্পণমস্তু ॥

ৰাম ৰক্ষা স্তোত্ৰম্

Also Chanted For

Explore More

More Rama Stotras

Also Chanted For

Explore More