What is Ram Raksha Stotra?

Read Ram Raksha Stotra in Malayalam script — full lyrics with English meaning and transliteration. The Ram Raksha Stotra is a potent Sanskrit hymn dedicated to Lord Rama, traditionally attributed to the sage Budha Kaushika. Composed during a deep meditative state, it is revered as a powerful kavacha (armor) that shields the devotee from negativity, fear, and malefic planetary influences. The text eulogizes the virtues of Rama, invoking his protection for every part of the human body. It is frequently recited during Navaratri and daily by devout practitioners to cultivate inner strength, unwavering devotion, and divine grace. Reciting this stotra is believed to bestow mental peace, spiritual fortitude, and overall well-being upon the seeker.

Which deity is Ram Raksha Stotra dedicated to?

Ram Raksha Stotra is a Sanskrit hymn dedicated to Lord Rama.

Who composed Ram Raksha Stotra?

Ram Raksha Stotra is traditionally attributed to Budha Kaushika Rishi.

Ram Raksha Stotra in Malayalam – Meaning & Word-by-Word

ശ്രീരാമരക്ഷാസ്തോത്രമ്

॥ ഓം ശ്രീഗണേശായ നമഃ ॥

അസ്യ ശ്രീരാമരക്ഷാസ്തോത്രമന്ത്രസ്യ । ബുധകൌശിക ഋഷിഃ ।
ശ്രീസീതാരാമചന്ദ്രോ ദേവതാ । അനുഷ്ടുപ് ഛന്ദഃ ।
സീതാ ശക്തിഃ । ശ്രീമദ് ഹനുമാന കീലകമ് ।
ശ്രീരാമചന്ദ്രപ്രീത്യര്ഥേ രാമരക്ഷാസ്തോത്രജപേ വിനിയോഗഃ ॥

അഥ ധ്യാനമ് ।
ധ്യായേദാജാനുബാഹും ധൃതശരധനുഷം ബദ്ധപദ്മാസനസ്ഥം
പീതം വാസോ വസാനം നവകമലദലസ്പര്ധിനേത്രം പ്രസന്നമ് ।
വാമാങ്കാരൂഢ സീതാമുഖകമലമിലല്ലോചനം നീരദാഭം
നാനാലങ്കാരദീപ്തം ദധതമുരുജടാമണ്ഡനം രാമചന്ദ്രമ് ॥

ഇതി ധ്യാനമ് ॥

ചരിതം രഘുനാഥസ്യ ശതകോടി പ്രവിസ്തരമ് ।
ഏകൈകമക്ഷരം പുംസാം മഹാപാതകനാശനമ് ॥ ൧॥

ധ്യാത്വാ നീലോത്പലശ്യാമം രാമം രാജീവലോചനമ് ।
ജാനകീലക്ഷ്മണോപേതം ജടാമുകുടമണ്ഡിതമ് ॥ ൨॥

സാസിതൂണധനുര്ബാണപാണിം നക്തഞ്ചരാന്തകമ് ।
സ്വലീലയാ ജഗത്ത്രാതുമാവിര്ഭൂതമജം വിഭുമ് ॥ ൩॥

രാമരക്ഷാം പഠേത്പ്രാജ്ഞഃ പാപഘ്നീം സര്വകാമദാമ് ।
ശിരോ മേ രാഘവഃ പാതു ഭാലം ദശരഥാത്മജഃ ॥ ൪॥

കൌസല്യേയോ ദൃശൌ പാതു വിശ്വാമിത്രപ്രിയഃ ശ്രുതീ ।
ഘ്രാണം പാതു മഖത്രാതാ മുഖം സൌമിത്രിവത്സലഃ ॥ ൫॥

ജിഹ്വാം വിദ്യാനിധിഃ പാതു കണ്ഠം ഭരതവന്ദിതഃ ।
സ്കന്ധൌ ദിവ്യായുധഃ പാതു ഭുജൌ ഭഗ്നേശകാര്മുകഃ ॥ ൬॥

കരൌ സീതാപതിഃ പാതു ഹൃദയം ജാമദഗ്ന്യജിത് ।
മധ്യം പാതു ഖരധ്വംസീ നാഭിം ജാമ്ബവദാശ്രയഃ ॥ ൭॥

സുഗ്രീവേശഃ കടീ പാതു സക്ഥിനീ ഹനുമത്പ്രഭുഃ ।
ഊരൂ രഘൂത്തമഃ പാതു രക്ഷഃകുലവിനാശകൃത് ॥ ൮॥

ജാനുനീ സേതുകൃത്പാതു ജങ്ഘേ ദശമുഖാന്തകഃ ।
പാദൌ ബിഭീഷണശ്രീദഃ പാതു രാമോഽഖിലം വപുഃ ॥ ൯॥

ഏതാം രാമബലോപേതാം രക്ഷാം യഃ സുകൃതീ പഠേത് ।
സ ചിരായുഃ സുഖീ പുത്രീ വിജയീ വിനയീ ഭവേത് ॥ ൧൦॥

പാതാലഭൂതലവ്യോമചാരിണശ്ഛദ്മചാരിണഃ ।
ന ദ്രഷ്ടുമപി ശക്താസ്തേ രക്ഷിതം രാമനാമഭിഃ ॥ ൧൧॥

രാമേതി രാമഭദ്രേതി രാമചന്ദ്രേതി വാ സ്മരന് ।
നരോ ന ലിപ്യതേ പാപൈഃ ഭുക്തിം മുക്തിം ച വിന്ദതി ॥ ൧൨॥

ജഗജ്ജൈത്രൈകമന്ത്രേണ രാമനാമ്നാഭിരക്ഷിതമ് ।
യഃ കണ്ഠേ ധാരയേത്തസ്യ കരസ്ഥാഃ സര്വസിദ്ധയഃ ॥ ൧൩॥

വജ്രപഞ്ജരനാമേദം യോ രാമകവചം സ്മരേത് ।
അവ്യാഹതാജ്ഞഃ സര്വത്ര ലഭതേ ജയമങ്ഗലമ് ॥ ൧൪॥

ആദിഷ്ടവാന് യഥാ സ്വപ്നേ രാമരക്ഷാമിമാം ഹരഃ ।
തഥാ ലിഖിതവാന് പ്രാതഃ പ്രബുദ്ധോ ബുധകൌശികഃ ॥ ൧൫॥

ആരാമഃ കല്പവൃക്ഷാണാം വിരാമഃ സകലാപദാമ് ।
അഭിരാമസ്ത്രിലോകാനാം രാമഃ ശ്രീമാന് സ നഃ പ്രഭുഃ ॥ ൧൬॥

തരുണൌ രൂപസമ്പന്നൌ സുകുമാരൌ മഹാബലൌ ।
പുണ്ഡരീകവിശാലാക്ഷൌ ചീരകൃഷ്ണാജിനാമ്ബരൌ ॥ ൧൭॥

ഫലമൂലാശിനൌ ദാന്തൌ താപസൌ ബ്രഹ്മചാരിണൌ ।
പുത്രൌ ദശരഥസ്യൈതൌ ഭ്രാതരൌ രാമലക്ഷ്മണൌ ॥ ൧൮॥

ശരണ്യൌ സര്വസത്ത്വാനാം ശ്രേഷ്ഠൌ സര്വധനുഷ്മതാമ് ।
രക്ഷഃ കുലനിഹന്താരൌ ത്രായേതാം നോ രഘൂത്തമൌ ॥ ൧൯॥

ആത്തസജ്ജധനുഷാവിഷുസ്പൃശാവക്ഷയാശുഗനിഷങ്ഗസങ്ഗിനൌ ।
രക്ഷണായ മമ രാമലക്ഷ്മണാവഗ്രതഃ പഥി സദൈവ ഗച്ഛതാമ് ॥ ൨൦॥

സന്നദ്ധഃ കവചീ ഖഡ്ഗീ ചാപബാണധരോ യുവാ ।
ഗച്ഛന്മനോരഥോഽസ്മാകം രാമഃ പാതു സലക്ഷ്മണഃ ॥ ൨൧॥

രാമോ ദാശരഥിഃ ശൂരോ ലക്ഷ്മണാനുചരോ ബലീ ।
കാകുത്സ്ഥഃ പുരുഷഃ പൂര്ണഃ കൌസല്യേയോ രഘൂത്തമഃ ॥ ൨൨॥

വേദാന്തവേദ്യോ യജ്ഞേശഃ പുരാണപുരുഷോത്തമഃ ।
ജാനകീവല്ലഭഃ ശ്രീമാന് അപ്രമേയ പരാക്രമഃ ॥ ൨൩॥

ഇത്യേതാനി ജപന്നിത്യം മദ്ഭക്തഃ ശ്രദ്ധയാന്വിതഃ ।
അശ്വമേധാധികം പുണ്യം സമ്പ്രാപ്നോതി ന സംശയഃ ॥ ൨൪॥

രാമം ദൂര്വാദലശ്യാമം പദ്മാക്ഷം പീതവാസസമ് ।
സ്തുവന്തി നാമഭിര്ദിവ്യൈഃ ന തേ സംസാരിണോ നരാഃ ॥ ൨൫॥

രാമം ലക്ഷ്മണപൂര്വജം രഘുവരം സീതാപതിം സുന്ദരമ് ।
കാകുത്സ്ഥം കരുണാര്ണവം ഗുണനിധിം വിപ്രപ്രിയം ധാര്മികമ് ।
രാജേന്ദ്രം സത്യസന്ധം ദശരഥതനയം ശ്യാമലം ശാന്തമൂര്തിമ് ।
വന്ദേ ലോകാഭിരാമം രഘുകുലതിലകം രാഘവം രാവണാരിമ് ॥ ൨൬॥

രാമായ രാമഭദ്രായ രാമചന്ദ്രായ വേധസേ ।
രഘുനാഥായ നാഥായ സീതായാഃ പതയേ നമഃ ॥ ൨൭॥

ശ്രീരാമ രാമ രഘുനന്ദന രാമ രാമ
ശ്രീരാമ രാമ ഭരതാഗ്രജ രാമ രാമ ।
ശ്രീരാമ രാമ രണകര്കശ രാമ രാമ
ശ്രീരാമ രാമ ശരണം ഭവ രാമ രാമ ॥ ൨൮॥

ശ്രീരാമചന്ദ്രചരണൌ മനസാ സ്മരാമി
ശ്രീരാമചന്ദ്രചരണൌ വചസാ ഗൃണാമി ।
ശ്രീരാമചന്ദ്രചരണൌ ശിരസാ നമാമി
ശ്രീരാമചന്ദ്രചരണൌ ശരണം പ്രപദ്യേ ॥ ൨൯॥

മാതാ രാമോ മത്പിതാ രാമചന്ദ്രഃ
സ്വാമീ രാമോ മത്സഖാ രാമചന്ദ്രഃ ।
സര്വസ്വം മേ രാമചന്ദ്രോ ദയാലു-
ര്നാന്യം ജാനേ നൈവ ജാനേ ന ജാനേ ॥ ൩൦॥

ദക്ഷിണേ ലക്ഷ്മണോ യസ്യ വാമേ തു ജനകാത്മജാ ।
പുരതോ മാരുതിര്യസ്യ തം വന്ദേ രഘുനന്ദനമ് ॥ ൩൧॥

ലോകാഭിരാമം രണരങ്ഗധീരം
രാജീവനേത്രം രഘുവംശനാഥമ് ।
കാരുണ്യരൂപം കരുണാകരം തം
ശ്രീരാമചന്ദ്രമ് ശരണം പ്രപദ്യേ ॥ ൩൨॥

മനോജവം മാരുതതുല്യവേഗം
ജിതേന്ദ്രിയം ബുദ്ധിമതാം വരിഷ്ഠമ് ।
വാതാത്മജം വാനരയൂഥമുഖ്യം
ശ്രീരാമദൂതം ശരണം പ്രപദ്യേ ॥ ൩൩॥

കൂജന്തം രാമരാമേതി മധുരം മധുരാക്ഷരമ് ।
ആരുഹ്യ കവിതാശാഖാം വന്ദേ വാല്മീകികോകിലമ് ॥ ൩൪॥

ആപദാമപഹര്താരം ദാതാരം സര്വസമ്പദാമ് ।
ലോകാഭിരാമം ശ്രീരാമം ഭൂയോ ഭൂയോ നമാമ്യഹമ് ॥ ൩൫॥

ഭര്ജനം ഭവബീജാനാമര്ജനം സുഖസമ്പദാമ് ।
തര്ജനം യമദൂതാനാം രാമരാമേതി ഗര്ജനമ് ॥ ൩൬॥

രാമോ രാജമണിഃ സദാ വിജയതേ രാമം രമേശം ഭജേ
രാമേണാഭിഹതാ നിശാചരചമൂ രാമായ തസ്മൈ നമഃ ।
രാമാന്നാസ്തി പരായണം പരതരം രാമസ്യ ദാസോഽസ്മ്യഹം
രാമേ ചിത്തലയഃ സദാ ഭവതു മേ ഭോ രാമ മാമുദ്ധര ॥ ൩൭॥

രാമരാമേതി രാമേതി രമേ രാമേ മനോരമേ । (ശ്രീരാമരാമരാമേതി)
സഹസ്രനാമതത്തുല്യം രാമനാമ വരാനനേ ॥ ൩൮॥

ഇതി ശ്രീബുധകൌശികവിരചിതം ശ്രീരാമരക്ഷാസ്തോത്രം സമ്പൂര്ണമ് ॥

॥ ശ്രീസീതാരാമചന്ദ്രാര്പണമസ്തു ॥

രാമ രക്ഷാ സ്തോത്രമ്

Also Chanted For

Explore More

More Rama Stotras

Also Chanted For

Explore More