What is Ram Raksha Stotra?

Read Ram Raksha Stotra in Bengali script — full lyrics with English meaning and transliteration. The Ram Raksha Stotra is a potent Sanskrit hymn dedicated to Lord Rama, traditionally attributed to the sage Budha Kaushika. Composed during a deep meditative state, it is revered as a powerful kavacha (armor) that shields the devotee from negativity, fear, and malefic planetary influences. The text eulogizes the virtues of Rama, invoking his protection for every part of the human body. It is frequently recited during Navaratri and daily by devout practitioners to cultivate inner strength, unwavering devotion, and divine grace. Reciting this stotra is believed to bestow mental peace, spiritual fortitude, and overall well-being upon the seeker.

Which deity is Ram Raksha Stotra dedicated to?

Ram Raksha Stotra is a Sanskrit hymn dedicated to Lord Rama.

Who composed Ram Raksha Stotra?

Ram Raksha Stotra is traditionally attributed to Budha Kaushika Rishi.

Ram Raksha Stotra in Bengali – Meaning & Word-by-Word

শ্রীরামরক্ষাস্তোত্রম্

॥ ওঁ শ্রীগণেশায নমঃ ॥

অস্য শ্রীরামরক্ষাস্তোত্রমন্ত্রস্য । বুধকৌশিক ঋষিঃ ।
শ্রীসীতারামচন্দ্রো দেবতা । অনুষ্টুপ্ ছন্দঃ ।
সীতা শক্তিঃ । শ্রীমদ্ হনুমান কীলকম্ ।
শ্রীরামচন্দ্রপ্রীত্যর্থে রামরক্ষাস্তোত্রজপে বিনিযোগঃ ॥

অথ ধ্যানম্ ।
ধ্যাযেদাজানুবাহুং ধৃতশরধনুষং বদ্ধপদ্মাসনস্থং
পীতং বাসো বসানং নবকমলদলস্পর্ধিনেত্রং প্রসন্নম্ ।
বামাঙ্কারূঢ সীতামুখকমলমিলল্লোচনং নীরদাভং
নানালঙ্কারদীপ্তং দধতমুরুজটামণ্ডনং রামচন্দ্রম্ ॥

ইতি ধ্যানম্ ॥

চরিতং রঘুনাথস্য শতকোটি প্রবিস্তরম্ ।
একৈকমক্ষরং পুংসাং মহাপাতকনাশনম্ ॥ ১॥

ধ্যাত্বা নীলোত্পলশ্যামং রামং রাজীবলোচনম্ ।
জানকীলক্ষ্মণোপেতং জটামুকুটমণ্ডিতম্ ॥ ২॥

সাসিতূণধনুর্বাণপাণিং নক্তঞ্চরান্তকম্ ।
স্বলীলযা জগত্ত্রাতুমাবির্ভূতমজং বিভুম্ ॥ ৩॥

রামরক্ষাং পঠেত্প্রাজ্ঞঃ পাপঘ্নীং সর্বকামদাম্ ।
শিরো মে রাঘবঃ পাতু ভালং দশরথাত্মজঃ ॥ ৪॥

কৌসল্যেযো দৃশৌ পাতু বিশ্বামিত্রপ্রিযঃ শ্রুতী ।
ঘ্রাণং পাতু মখত্রাতা মুখং সৌমিত্রিবত্সলঃ ॥ ৫॥

জিহ্বাং বিদ্যানিধিঃ পাতু কণ্ঠং ভরতবন্দিতঃ ।
স্কন্ধৌ দিব্যাযুধঃ পাতু ভুজৌ ভগ্নেশকার্মুকঃ ॥ ৬॥

করৌ সীতাপতিঃ পাতু হৃদযং জামদগ্ন্যজিত্ ।
মধ্যং পাতু খরধ্বংসী নাভিং জাম্ববদাশ্রযঃ ॥ ৭॥

সুগ্রীবেশঃ কটী পাতু সক্থিনী হনুমত্প্রভুঃ ।
ঊরূ রঘূত্তমঃ পাতু রক্ষঃকুলবিনাশকৃত্ ॥ ৮॥

জানুনী সেতুকৃত্পাতু জঙ্ঘে দশমুখান্তকঃ ।
পাদৌ বিভীষণশ্রীদঃ পাতু রামোঽখিলং বপুঃ ॥ ৯॥

এতাং রামবলোপেতাং রক্ষাং যঃ সুকৃতী পঠেত্ ।
স চিরাযুঃ সুখী পুত্রী বিজযী বিনযী ভবেত্ ॥ ১০॥

পাতালভূতলব্যোমচারিণশ্ছদ্মচারিণঃ ।
ন দ্রষ্টুমপি শক্তাস্তে রক্ষিতং রামনামভিঃ ॥ ১১॥

রামেতি রামভদ্রেতি রামচন্দ্রেতি বা স্মরন্ ।
নরো ন লিপ্যতে পাপৈঃ ভুক্তিং মুক্তিং চ বিন্দতি ॥ ১২॥

জগজ্জৈত্রৈকমন্ত্রেণ রামনাম্নাভিরক্ষিতম্ ।
যঃ কণ্ঠে ধারযেত্তস্য করস্থাঃ সর্বসিদ্ধযঃ ॥ ১৩॥

বজ্রপঞ্জরনামেদং যো রামকবচং স্মরেত্ ।
অব্যাহতাজ্ঞঃ সর্বত্র লভতে জযমঙ্গলম্ ॥ ১৪॥

আদিষ্টবান্ যথা স্বপ্নে রামরক্ষামিমাং হরঃ ।
তথা লিখিতবান্ প্রাতঃ প্রবুদ্ধো বুধকৌশিকঃ ॥ ১৫॥

আরামঃ কল্পবৃক্ষাণাং বিরামঃ সকলাপদাম্ ।
অভিরামস্ত্রিলোকানাং রামঃ শ্রীমান্ স নঃ প্রভুঃ ॥ ১৬॥

তরুণৌ রূপসম্পন্নৌ সুকুমারৌ মহাবলৌ ।
পুণ্ডরীকবিশালাক্ষৌ চীরকৃষ্ণাজিনাম্বরৌ ॥ ১৭॥

ফলমূলাশিনৌ দান্তৌ তাপসৌ ব্রহ্মচারিণৌ ।
পুত্রৌ দশরথস্যৈতৌ ভ্রাতরৌ রামলক্ষ্মণৌ ॥ ১৮॥

শরণ্যৌ সর্বসত্ত্বানাং শ্রেষ্ঠৌ সর্বধনুষ্মতাম্ ।
রক্ষঃ কুলনিহন্তারৌ ত্রাযেতাং নো রঘূত্তমৌ ॥ ১৯॥

আত্তসজ্জধনুষাবিষুস্পৃশাবক্ষযাশুগনিষঙ্গসঙ্গিনৌ ।
রক্ষণায মম রামলক্ষ্মণাবগ্রতঃ পথি সদৈব গচ্ছতাম্ ॥ ২০॥

সন্নদ্ধঃ কবচী খড্গী চাপবাণধরো যুবা ।
গচ্ছন্মনোরথোঽস্মাকং রামঃ পাতু সলক্ষ্মণঃ ॥ ২১॥

রামো দাশরথিঃ শূরো লক্ষ্মণানুচরো বলী ।
কাকুত্স্থঃ পুরুষঃ পূর্ণঃ কৌসল্যেযো রঘূত্তমঃ ॥ ২২॥

বেদান্তবেদ্যো যজ্ঞেশঃ পুরাণপুরুষোত্তমঃ ।
জানকীবল্লভঃ শ্রীমান্ অপ্রমেয পরাক্রমঃ ॥ ২৩॥

ইত্যেতানি জপন্নিত্যং মদ্ভক্তঃ শ্রদ্ধযান্বিতঃ ।
অশ্বমেধাধিকং পুণ্যং সম্প্রাপ্নোতি ন সংশযঃ ॥ ২৪॥

রামং দূর্বাদলশ্যামং পদ্মাক্ষং পীতবাসসম্ ।
স্তুবন্তি নামভির্দিব্যৈঃ ন তে সংসারিণো নরাঃ ॥ ২৫॥

রামং লক্ষ্মণপূর্বজং রঘুবরং সীতাপতিং সুন্দরম্ ।
কাকুত্স্থং করুণার্ণবং গুণনিধিং বিপ্রপ্রিযং ধার্মিকম্ ।
রাজেন্দ্রং সত্যসন্ধং দশরথতনযং শ্যামলং শান্তমূর্তিম্ ।
বন্দে লোকাভিরামং রঘুকুলতিলকং রাঘবং রাবণারিম্ ॥ ২৬॥

রামায রামভদ্রায রামচন্দ্রায বেধসে ।
রঘুনাথায নাথায সীতাযাঃ পতযে নমঃ ॥ ২৭॥

শ্রীরাম রাম রঘুনন্দন রাম রাম
শ্রীরাম রাম ভরতাগ্রজ রাম রাম ।
শ্রীরাম রাম রণকর্কশ রাম রাম
শ্রীরাম রাম শরণং ভব রাম রাম ॥ ২৮॥

শ্রীরামচন্দ্রচরণৌ মনসা স্মরামি
শ্রীরামচন্দ্রচরণৌ বচসা গৃণামি ।
শ্রীরামচন্দ্রচরণৌ শিরসা নমামি
শ্রীরামচন্দ্রচরণৌ শরণং প্রপদ্যে ॥ ২৯॥

মাতা রামো মত্পিতা রামচন্দ্রঃ
স্বামী রামো মত্সখা রামচন্দ্রঃ ।
সর্বস্বং মে রামচন্দ্রো দযালু-
র্নান্যং জানে নৈব জানে ন জানে ॥ ৩০॥

দক্ষিণে লক্ষ্মণো যস্য বামে তু জনকাত্মজা ।
পুরতো মারুতির্যস্য তং বন্দে রঘুনন্দনম্ ॥ ৩১॥

লোকাভিরামং রণরঙ্গধীরং
রাজীবনেত্রং রঘুবংশনাথম্ ।
কারুণ্যরূপং করুণাকরং তং
শ্রীরামচন্দ্রম্ শরণং প্রপদ্যে ॥ ৩২॥

মনোজবং মারুততুল্যবেগং
জিতেন্দ্রিযং বুদ্ধিমতাং বরিষ্ঠম্ ।
বাতাত্মজং বানরযূথমুখ্যং
শ্রীরামদূতং শরণং প্রপদ্যে ॥ ৩৩॥

কূজন্তং রামরামেতি মধুরং মধুরাক্ষরম্ ।
আরুহ্য কবিতাশাখাং বন্দে বাল্মীকিকোকিলম্ ॥ ৩৪॥

আপদামপহর্তারং দাতারং সর্বসম্পদাম্ ।
লোকাভিরামং শ্রীরামং ভূযো ভূযো নমাম্যহম্ ॥ ৩৫॥

ভর্জনং ভববীজানামর্জনং সুখসম্পদাম্ ।
তর্জনং যমদূতানাং রামরামেতি গর্জনম্ ॥ ৩৬॥

রামো রাজমণিঃ সদা বিজযতে রামং রমেশং ভজে
রামেণাভিহতা নিশাচরচমূ রামায তস্মৈ নমঃ ।
রামান্নাস্তি পরাযণং পরতরং রামস্য দাসোঽস্ম্যহং
রামে চিত্তলযঃ সদা ভবতু মে ভো রাম মামুদ্ধর ॥ ৩৭॥

রামরামেতি রামেতি রমে রামে মনোরমে । (শ্রীরামরামরামেতি)
সহস্রনামতত্তুল্যং রামনাম বরাননে ॥ ৩৮॥

ইতি শ্রীবুধকৌশিকবিরচিতং শ্রীরামরক্ষাস্তোত্রং সম্পূর্ণম্ ॥

॥ শ্রীসীতারামচন্দ্রার্পণমস্তু ॥

রাম রক্ষা স্তোত্রম্

Also Chanted For

Explore More

More Rama Stotras

Also Chanted For

Explore More