ശിവാനന്ദപീയൂഷരത്നാകരസ്ഥാം ശിവബ്രഹ്മവിഷ്ണ്വാമരേശാഭിവന്ദ്യാമ് ।
ശിവധ്യാനലഗ്നാം ശിവജ്ഞാനമൂര്തിം ശിവാഖ്യാമതീതാം ഭജേ പാണ്ഡ്യബാലാമ് ॥ ൧॥
ശിവധ്യാനലഗ്നാം ശിവജ്ഞാനമൂര്തിം ശിവാഖ്യാമതീതാം ഭജേ പാണ്ഡ്യബാലാമ് ॥ ൧॥
ശിവാദിസ്ഫുരത്പഞ്ചമഞ്ചാധിരൂഢാം ധനുര്ബാണപാശാങ്കുശോത്ഭാസിഹസ്താമ് ।
നവീനാര്കവര്ണാം നവീനേന്ദുചൂഡാം പരബ്രഹ്മപത്നീം ഭജേ പാണ്ഡ്യബാലാമ് ॥ ൨॥
നവീനാര്കവര്ണാം നവീനേന്ദുചൂഡാം പരബ്രഹ്മപത്നീം ഭജേ പാണ്ഡ്യബാലാമ് ॥ ൨॥
കിരീടാങ്ഗദോദ്ഭാസിമാങ്ഗല്യസൂത്രാം സ്ഫുരന്മേഖലാഹാരതാടങ്ഗഭൂഷാമ് ।
പരാമന്ത്രകാം പാണ്ഡ്യസിംഹാസനസ്ഥാം പരന്ധാമരൂപാം ഭജേ പാണ്ഡ്യബാലാമ് ॥ ൩॥
പരാമന്ത്രകാം പാണ്ഡ്യസിംഹാസനസ്ഥാം പരന്ധാമരൂപാം ഭജേ പാണ്ഡ്യബാലാമ് ॥ ൩॥
ലലാമാഞ്ചിതസ്നിഗ്ധഫാലേന്ദുഭാഗാം ലസന്നീരജോത്ഫുല്ലകല്ഹാരസംസ്ഥാമ് ।
ലലാടേക്ഷണാര്ധാങ്ഗലഗ്നോജ്ജ്വലാങ്ഗീം പരന്ധാമരൂപാം ഭജേ പാണ്ഡ്യബാലാമ് ॥ ൪॥
ലലാടേക്ഷണാര്ധാങ്ഗലഗ്നോജ്ജ്വലാങ്ഗീം പരന്ധാമരൂപാം ഭജേ പാണ്ഡ്യബാലാമ് ॥ ൪॥
ത്രിഖണ്ഡാത്മവിദ്യാം ത്രിബിന്ദുസ്വരൂപാം ത്രികോണേ ലസന്തീം ത്രിലോകാവനമ്രാമ് ।
ത്രിബീജാധിരൂഢാം ത്രിമൂര്ത്യാത്മവിദ്യാം പരബ്രഹ്മപത്നീം ഭജേ പാണ്ഡ്യബാലാമ് ॥ ൫॥
ത്രിബീജാധിരൂഢാം ത്രിമൂര്ത്യാത്മവിദ്യാം പരബ്രഹ്മപത്നീം ഭജേ പാണ്ഡ്യബാലാമ് ॥ ൫॥
സദാ ബിന്ദുമധ്യോല്ലസദ്വേണിരമ്യാം സമുത്തുങ്ഗവക്ഷോജഭാരാവനമ്രാമ് ।
ക്വണന്നൂപുരോപേതലാക്ഷാരസാര്ദ്രസ്പുരത്പാദപദ്മാം ഭജേ പാണ്ഡ്യബാലാമ് ॥ ൬॥
ക്വണന്നൂപുരോപേതലാക്ഷാരസാര്ദ്രസ്പുരത്പാദപദ്മാം ഭജേ പാണ്ഡ്യബാലാമ് ॥ ൬॥
യമാദ്യഷ്ടയോഗാങ്ഗരൂപാമരൂപാമകാരാത്ക്ഷകാരാന്തവര്ണാമവര്ണാമ് ।
അഖണ്ഡാമനന്യാമചിന്ത്യാമലക്ഷ്യാമമേയാത്മവിദ്യാം ഭജേ പാണ്ഡ്യബാലാമ് ॥ ൭॥
അഖണ്ഡാമനന്യാമചിന്ത്യാമലക്ഷ്യാമമേയാത്മവിദ്യാം ഭജേ പാണ്ഡ്യബാലാമ് ॥ ൭॥
സുധാസാഗരാന്തേ മണിദ്വീപമധ്യേ ലസത്കല്പവൃക്ഷോജ്ജ്വലദ്വിന്ദുചക്രേ ।
മഹായോഗപീഠേ ശിവാകാരമഞ്ചേ സദാ സന്നിഷണ്ണാം ഭജേ പാണ്ഡ്യബാലാമ് ॥ ൮॥
മഹായോഗപീഠേ ശിവാകാരമഞ്ചേ സദാ സന്നിഷണ്ണാം ഭജേ പാണ്ഡ്യബാലാമ് ॥ ൮॥
സുഷുമ്നാന്തരന്ധ്രേ സഹസ്രാരപദ്മേ രവീന്ദ്വഗ്നിസമ്യുക്തചിച്ചക്രമധ്യേ ।
സുധാമണ്ഡലസ്ഥേ സുനിര്വാണപീഠേ സദാ സഞ്ചരന്തീം ഭജേ പാണ്ഡ്യബാലാമ് ॥ ൯॥
സുധാമണ്ഡലസ്ഥേ സുനിര്വാണപീഠേ സദാ സഞ്ചരന്തീം ഭജേ പാണ്ഡ്യബാലാമ് ॥ ൯॥
ഷഡന്തേ നവാന്തേ ലസദ്വാദശാന്തേ മഹാബിന്ദുമധ്യേ സുനാദാന്തരാളേ ।
ശിവാഖ്യേ കലാതീതനിശ്ശബ്ദദേശേ സദാ സഞ്ചരന്തീം ഭജേ പാണ്ഡ്യബാലാമ് ॥ ൧൦॥
ശിവാഖ്യേ കലാതീതനിശ്ശബ്ദദേശേ സദാ സഞ്ചരന്തീം ഭജേ പാണ്ഡ്യബാലാമ് ॥ ൧൦॥
ചതുര്മാര്ഗമധ്യേ സുകോണാന്തരങ്ഗേ ഖരന്ദ്രേ സുധാകാരകൂപാന്തരാളേ ।
നിരാലമ്ബപദ്മേ കലാഷോഡശാന്തേ സദാ സഞ്ചരന്തീം ഭജേ പാണ്ഡ്യബാലാമ് ॥ ൧൧॥
നിരാലമ്ബപദ്മേ കലാഷോഡശാന്തേ സദാ സഞ്ചരന്തീം ഭജേ പാണ്ഡ്യബാലാമ് ॥ ൧൧॥
പുടദ്വന്ദ്വനിര്മുക്തവായുപ്രലീനപ്രകാശാന്തരാലേ ധ്രുവോപേതരമ്യേ ।
മഹാഷോഡശാന്തേ മനോനാശദേശേ സദാ സഞ്ചരന്തീം ഭജേ പാണ്ഡ്യബാലാമ് ॥ ൧൨॥
മഹാഷോഡശാന്തേ മനോനാശദേശേ സദാ സഞ്ചരന്തീം ഭജേ പാണ്ഡ്യബാലാമ് ॥ ൧൨॥
ചതുഷ്പത്രമധ്യേ സുകോണത്രയാന്തേ ത്രിമൂര്ത്യാധിവാസേ ത്രിമാര്ഗാന്തരാളേ ।
സഹസ്രാരപദ്മോചിതാം ചിത്പ്രകാശപ്രവാഹപ്രലീനാം ഭജേ പാണ്ഡ്യബാലാമ് ॥ ൧൩॥
സഹസ്രാരപദ്മോചിതാം ചിത്പ്രകാശപ്രവാഹപ്രലീനാം ഭജേ പാണ്ഡ്യബാലാമ് ॥ ൧൩॥
ലസദ്വാദശാന്തേന്ദുപീയൂഷധാരാവൃതാം മൂര്തിമാനന്ദമഗ്നാന്തരങ്ഗാമ് ।
പരാം ത്രിസ്തനീം താം ചതുഷ്കൂടമധ്യേ പരന്ധാമരൂപാം ഭജേ പാണ്ഡ്യബാലാമ് ॥ ൧൪॥
പരാം ത്രിസ്തനീം താം ചതുഷ്കൂടമധ്യേ പരന്ധാമരൂപാം ഭജേ പാണ്ഡ്യബാലാമ് ॥ ൧൪॥
സഹസ്ത്രാരപദ്മേ സുഷുമ്നാന്തമാര്ഗേ സ്ഫുരച്ചന്ദ്രപീയൂഷധാരാം പിബന്തീമ് ।
സദാ സ്ത്രാവയന്തീം സുധാമൂര്തിമമ്ബാം പരഞ്ജ്യോതിരൂപാം ഭജേ പാണ്ഡ്യബാലാമ് ॥ ൧൫॥
സദാ സ്ത്രാവയന്തീം സുധാമൂര്തിമമ്ബാം പരഞ്ജ്യോതിരൂപാം ഭജേ പാണ്ഡ്യബാലാമ് ॥ ൧൫॥
നമസ്തേ സദാ പാണ്ഡ്യരാജേന്ദ്രകന്യേ നമസ്തേ സദാ സുന്ദരേശാങ്കവാസേ ।
നമസ്തേ നമസ്തേ സുമീനാക്ഷി ദേവി നമസ്തേ നമസ്തേ പുനസ്തേ നമോഽസ്തു ॥ ൧൬॥
നമസ്തേ നമസ്തേ സുമീനാക്ഷി ദേവി നമസ്തേ നമസ്തേ പുനസ്തേ നമോഽസ്തു ॥ ൧൬॥
॥ ഇതി ശ്രീയോഗമീനാക്ഷീസ്തോത്രം സമ്പൂര്ണമ് ॥