॥ শ্ৰী দত্ত ৱেদপাদ স্তুতিঃ ॥
অগ্নিমীলে পৰং দেৱং যজ্ঞস্য ত্ৱাং ত্ৰ্যধীশ্ৱৰম্ ।
স্তোমোঽযমগ্ৰিযোঽৰ্থ্যস্তে হৃদিস্পৃগস্তু শন্তমঃ ॥ ১ ॥
স্তোমোঽযমগ্ৰিযোঽৰ্থ্যস্তে হৃদিস্পৃগস্তু শন্তমঃ ॥ ১ ॥
অযং দেৱায দূৰায গিৰাং স্ৱাধ্যায সাত্ৱতাম্ ।
স্তোমোঽস্ত্ৱনেন ৱিন্দেযং তদ্ৱিষ্ণোঃ পৰমং পদম্ ॥ ২ ॥
স্তোমোঽস্ত্ৱনেন ৱিন্দেযং তদ্ৱিষ্ণোঃ পৰমং পদম্ ॥ ২ ॥
এতা যা লৌকিকাঃ সন্তু হীনা ৱাচোঽপি নঃ প্ৰিযাঃ ।
বালস্যেৱ পিতুষ্টে ত্ৱং স নো মৃল মহাঁ অসি ॥ ৩ ॥
বালস্যেৱ পিতুষ্টে ত্ৱং স নো মৃল মহাঁ অসি ॥ ৩ ॥
অযং ৱাং নাত্মনোস্তত্ত্ৱমধিগম্যাস্তি দুৰ্মনাঃ ।
হৃদ্ৰোগং মম সূৰ্য ত্ৱং হৰিমাণং চ নাশয ॥ ৪ ॥
হৃদ্ৰোগং মম সূৰ্য ত্ৱং হৰিমাণং চ নাশয ॥ ৪ ॥
প্ৰমন্মহেঽস্মান্ৱিদ্ধীতি স্তোতাৰস্তে ৱযং নমঃ ।
ভগৱো দেৱ তে স্তোমমাৰে অস্মে চ শৃণ্ৱতে ॥ ৫ ॥
ভগৱো দেৱ তে স্তোমমাৰে অস্মে চ শৃণ্ৱতে ॥ ৫ ॥
ইন্দ্ৰো মদায যাতীহ সত্ৱৰং সোমিনো যথা ।
স্তোতৄনেহি তথাঽস্মাঁস্তে মাধ্ৱীৰ্গাৱো ভৱন্তু নঃ ॥ ৬ ॥
স্তোতৄনেহি তথাঽস্মাঁস্তে মাধ্ৱীৰ্গাৱো ভৱন্তু নঃ ॥ ৬ ॥
দ্ৱে ৱিৰূপেঽত্ৰ মাযাযাস্তেঽত্ৰ মগ্নোঽস্মি পীডিতঃ ।
মাভিতঃ সন্তপন্তীহ সপত্নীৰিৱ পৰ্শৱঃ ॥ ৭ ॥
মাভিতঃ সন্তপন্তীহ সপত্নীৰিৱ পৰ্শৱঃ ॥ ৭ ॥
ইদং শ্ৰেষ্ঠমপি প্ৰাপ্য জন্ম গন্তাঽধ এৱ তত্ ।
কুৰু প্ৰসাদং জ্ঞাত্ৱৈতত্তেনাহং ভূৰি চাকন ॥ ৮ ॥
কুৰু প্ৰসাদং জ্ঞাত্ৱৈতত্তেনাহং ভূৰি চাকন ॥ ৮ ॥
প্ৰৱস্তুজ্ঞানাজ্জহাতি নিষ্কামশ্চেন্মৃতিং ত্ৱহম্ ।
ন তাদৃশোঽতঃ কামাদি সৰ্ৱং ৰক্ষো নিবৰ্হয ॥ ৯ ॥
ন তাদৃশোঽতঃ কামাদি সৰ্ৱং ৰক্ষো নিবৰ্হয ॥ ৯ ॥
সুষুমামূৰ্ধিযঃ স্তোমৈৰাগচ্ছৈতে ৱযং ৱিভো ।
ত্ৱদংশাস্ত্ৱং পতিৰ্নোঽসি দেৱো দেৱেষু মেধিৰঃ ॥ ১০ ॥
ত্ৱদংশাস্ত্ৱং পতিৰ্নোঽসি দেৱো দেৱেষু মেধিৰঃ ॥ ১০ ॥
ৱসূ ৰূপং ৰূপমিহ প্ৰতিৰূপোঽসি নো পৃথক্ ।
এতানি ভূতানি ৱিদুৰ্ব্ৰাহ্মণ্য যে মনীষিণঃ ॥ ১১ ॥
এতানি ভূতানি ৱিদুৰ্ব্ৰাহ্মণ্য যে মনীষিণঃ ॥ ১১ ॥
তং নু ত্ৱাং কিং ব্ৰুৱেঽল্পজ্ঞো ভগৱন্তং ক্ষমস্ৱ ভোঃ ।
ওষমাগহি মাং ত্ৱং চেত্সখা সন্নতিমন্যসে ॥ ১২ ॥
ওষমাগহি মাং ত্ৱং চেত্সখা সন্নতিমন্যসে ॥ ১২ ॥
তা ৱাসনা ঘ্নন্তি যথা ৱৃশ্চিকস্যাৰসং ৱিষম্ ।
অতো মাং পাহি ভূযিষ্ঠাং নম উক্তিং ৱিধেম তে ॥ ১৩ ॥
অতো মাং পাহি ভূযিষ্ঠাং নম উক্তিং ৱিধেম তে ॥ ১৩ ॥
নি হোতা সীদসি ৱিভো যস্ত্ৱং যষ্টুৰ্গৃহে প্ৰিয ।
তং ত্ৱা হ্ৱযে জ্যেষ্ঠৰাজং ব্ৰহ্মণাং ব্ৰহ্মণস্পতে ॥ ১৪ ॥
তং ত্ৱা হ্ৱযে জ্যেষ্ঠৰাজং ব্ৰহ্মণাং ব্ৰহ্মণস্পতে ॥ ১৪ ॥
সেমাৱিড্ঢি প্ৰভৃতিমীশিষে যোঽৱ মানিশম্ ।
ত্ৱং ৱিশ্ৱেষাং যদীশানো ব্ৰহ্মণা ৱেষি মে হৱম্ ॥ ১৫ ॥
ত্ৱং ৱিশ্ৱেষাং যদীশানো ব্ৰহ্মণা ৱেষি মে হৱম্ ॥ ১৫ ॥
মন্দঃ স্ৱকোঽযং দীনোঽজ্ঞ ইতি ৱিদ্ৱান্ভৱান্প্ৰভুঃ ।
ইন্দ্ৰ আশাভ্যঃ পৰি মাং সৰ্ৱাভ্যো অভযং কৰত্ ॥ ১৬ ॥
ইন্দ্ৰ আশাভ্যঃ পৰি মাং সৰ্ৱাভ্যো অভযং কৰত্ ॥ ১৬ ॥
প্ৰ য আৰূপিতাং ভ্ৰান্তিং ত্ৱত্প্ৰসাদাজ্জহাতি সঃ ।
ৱিমুচ্যতে তদ্ৱিপ্ৰাস্ত্ৱাং জাগৃৱাংসঃ সমিন্ধতে ॥ ১৭ ॥
ৱিমুচ্যতে তদ্ৱিপ্ৰাস্ত্ৱাং জাগৃৱাংসঃ সমিন্ধতে ॥ ১৭ ॥
ইচ্ছন্তি দেৱা অপি তে প্ৰসাদায নৃজন্ম তত্ ।
ৱিদ্ৱান্নামানি তে দত্ত ৱিশ্ৱাভিৰ্গীৰ্ভিৰীমহে ॥ ১৮ ॥
ৱিদ্ৱান্নামানি তে দত্ত ৱিশ্ৱাভিৰ্গীৰ্ভিৰীমহে ॥ ১৮ ॥
ইন্দ্ৰ ত্ৱা ভজতঃ সূৰেৰ্দুৰ্লভং কিং তৰামি তত্ ।
ভক্ত্যা ক্লেশাদি তে নাৱা গম্ভীৰাঁ উদধীৰিৱ ॥ ১৯ ॥
ভক্ত্যা ক্লেশাদি তে নাৱা গম্ভীৰাঁ উদধীৰিৱ ॥ ১৯ ॥
ন তা ৰোদ্ধুং ধিযঃ শক্তা যোগেনাপি ততঃ সদা ।
ত্ৰাতাৰং ধীমহীশ ত্ৱাং ধিযো যো নঃ প্ৰচোদযাত্ ॥ ২০ ॥
ত্ৰাতাৰং ধীমহীশ ত্ৱাং ধিযো যো নঃ প্ৰচোদযাত্ ॥ ২০ ॥
ৱৈশ্ৱানৰায দত্ত্ৱাঽন্নং ৱিধিলব্ধং সদৈৱ তে ।
ভৱামো ভজনে সক্তা অস্মাকং শৃণুধী হৱম্ ॥ ২১ ॥
ভৱামো ভজনে সক্তা অস্মাকং শৃণুধী হৱম্ ॥ ২১ ॥
এৱা ত্ৱামিন্দ্ৰ ৱিপ্ৰাসো জাগৃৱাংসো ৱিপন্যৱঃ ।
স্তুৱন্ত্যেভ্যো হি তে কোঽপি ন জ্যাযাঁ অস্তি ৱৃত্ৰহন্ ॥ ২২ ॥
স্তুৱন্ত্যেভ্যো হি তে কোঽপি ন জ্যাযাঁ অস্তি ৱৃত্ৰহন্ ॥ ২২ ॥
প্ৰঋভুভ্যো গৃণদ্ভ্যস্তে মৰ্ত্যেভ্যোঽপমৃতত্ৱমিত্ ।
দত্তং স্মৃত্ৱা তৱ মনোৰথ আযাতু পাজসা ॥ ২৩ ॥
দত্তং স্মৃত্ৱা তৱ মনোৰথ আযাতু পাজসা ॥ ২৩ ॥
ইতমুত্যদিষং শ্ৰেযো যজ্জগ্ধ্ৱা পৰিতৃপ্যতি ।
সাধুস্তদ্ভজনং তেঽস্মে ইষং স্তোতৃভ্য আভৰ ॥ ২৪ ॥
সাধুস্তদ্ভজনং তেঽস্মে ইষং স্তোতৃভ্য আভৰ ॥ ২৪ ॥
ত্ৱামগ্নে মাযিনং মাযাং জেতাৰমপৰাজিতম্ ।
হিত্ৱা কং শৰণং যামঃ স নো বোধি শ্ৰুধী হৱম্ ॥ ২৫ ॥
হিত্ৱা কং শৰণং যামঃ স নো বোধি শ্ৰুধী হৱম্ ॥ ২৫ ॥
মহী মহেশোঽজ্ঞানেন ভৱানৱতু মাৱৃতম্ ।
যথা ৱৈ সূৰ্যং স্ৱৰ্ভানুস্তমসাৱিধ্যদাসুৰঃ ॥ ২৬ ॥
যথা ৱৈ সূৰ্যং স্ৱৰ্ভানুস্তমসাৱিধ্যদাসুৰঃ ॥ ২৬ ॥
প্ৰযুঞ্জতী যদাত্মানং মনীষা মনসা সহ ।
তদৈৱ ভৱতৈকান্তং জানতা সঙ্গমেমহি ॥ ২৭ ॥
তদৈৱ ভৱতৈকান্তং জানতা সঙ্গমেমহি ॥ ২৭ ॥
ঋতস্য গোপাস্ত্ৱং দেহি মহ্যং শং যুঞ্জতে ধিযঃ ।
ভীতায নাধমানায ঋষযে সপ্তৱধ্ৰযে ॥ ২৮ ॥
ভীতায নাধমানায ঋষযে সপ্তৱধ্ৰযে ॥ ২৮ ॥
ত্ৱং হি পাতাসি নো দত্ত পৰিবাধস্ৱ দুষ্কৃতম্ ।
কামাদীন্যস্য বীজানি জহি ৰক্ষাংসি সুক্ৰতো ॥ ২৯ ॥
কামাদীন্যস্য বীজানি জহি ৰক্ষাংসি সুক্ৰতো ॥ ২৯ ॥
পিবা সোমমিতি শ্ৰুত্ৱা যষ্টুৰ্হূতিং শুভং দ্ৰৱত্ ।
আযাসি পুৰুৰূপ ত্ৱামাসু গোষূপপৃচ্যতাম্ ॥ ৩০ ॥
আযাসি পুৰুৰূপ ত্ৱামাসু গোষূপপৃচ্যতাম্ ॥ ৩০ ॥
ইন্দ্ৰং ৱোতান্যং ন পৃথঙ্মন্যে মাযাভিৰিদ্ভৱান্ ।
পুৰুৰূপ ইতীক্ষে ত্ৱমমিত্ৰাঁ সুষহান্কৃধি ॥ ৩১ ॥
পুৰুৰূপ ইতীক্ষে ত্ৱমমিত্ৰাঁ সুষহান্কৃধি ॥ ৩১ ॥
যজ্ঞা যজ্ঞাধীশ সৰ্ৱে ত্ৱন্মযা অপি তেষু নঃ ।
জপযজ্ঞো মতস্তেন সমু পূষ্ণা গমেমহি ॥ ৩২ ॥
জপযজ্ঞো মতস্তেন সমু পূষ্ণা গমেমহি ॥ ৩২ ॥
স্তুষে নৰাপ্যং তুষ্টঃ সন্নথো যস্যা অযোমুখম্ ।
মাযাং জিত্ৱা ভৱান্তাং মে ৱিশ্ৱাহা শৰ্ম যচ্ছতু ॥ ৩৩ ॥
মাযাং জিত্ৱা ভৱান্তাং মে ৱিশ্ৱাহা শৰ্ম যচ্ছতু ॥ ৩৩ ॥
জুষস্ৱ স্তোমমীশৈতে প্ৰিযাসঃ সন্তু সূৰযঃ ।
ৱযং স্তোমপ্ৰিযানেন যচ্ছা নঃ শৰ্ম দীৰ্ঘশ্ৰুত্ ॥ ৩৫ ॥
ৱযং স্তোমপ্ৰিযানেন যচ্ছা নঃ শৰ্ম দীৰ্ঘশ্ৰুত্ ॥ ৩৫ ॥
উগ্ৰো জজ্ঞে মৃত্যুৰযমদুগ্ধা ইৱ ধেনৱঃ ।
ধিযো মেঽনেনেদৃগীশ ন জাতো ন জনিষ্যতে ॥ ৩৫ ॥
ধিযো মেঽনেনেদৃগীশ ন জাতো ন জনিষ্যতে ॥ ৩৫ ॥
প্ৰব্ৰহ্মৈহীদমাকৰ্ণ্যোৰ্ৱাৰুকমিৱ বন্ধনাত্ ।
মৃত্যুঞ্জয প্ৰমাদাখ্যান্মৃত্যোৰ্মুক্ষীয মাঽমৃতাত্ ॥ ৩৬ ॥
মৃত্যুঞ্জয প্ৰমাদাখ্যান্মৃত্যোৰ্মুক্ষীয মাঽমৃতাত্ ॥ ৩৬ ॥
যদদ্য ৱৰ্ষ্ম তেনৈৱ পশ্যেম শৰদঃ শতম্ ।
স্তোত্ৰায তে হতে মৃত্যৌ জীৱেম শৰদঃ শতম্ ॥ ৩৭ ॥
স্তোত্ৰায তে হতে মৃত্যৌ জীৱেম শৰদঃ শতম্ ॥ ৩৭ ॥
প্ৰত্যুত্তমং মহেশং ত্ৱাং মনামহ ইহাগহি ।
মৃলা সুক্ষত্ৰ মৃলয মা নো দুঃশংস ঈশত ॥ ৩৮ ॥
মৃলা সুক্ষত্ৰ মৃলয মা নো দুঃশংস ঈশত ॥ ৩৮ ॥
তিস্ৰো ৱাচস্তেঽত্ৰ ৱৰাং ক ঈশানং ন যাচিষত্ ।
ভক্ত্যা গৃণীমস্ত্ৱাং স্তোত্ৰৈস্তেভিৰ্নস্তূযমাগহি ॥ ৩৯ ॥
ভক্ত্যা গৃণীমস্ত্ৱাং স্তোত্ৰৈস্তেভিৰ্নস্তূযমাগহি ॥ ৩৯ ॥
দূৰাদ্ৱিহায সৰ্ৱং ত্ৱামৃষযো যে চ তুষ্টুৱুঃ ।
মৰ্তা অমৰ্ত্যস্য তে তদ্ভূৰি নাম মনামহে ॥ ৪০ ॥
মৰ্তা অমৰ্ত্যস্য তে তদ্ভূৰি নাম মনামহে ॥ ৪০ ॥
য ইন্দ্ৰ ত্ৱং যো নমসা স্ৱধ্ৱৰো হীতি সংস্তুতঃ ।
ইন্দ্ৰো ব্ৰহ্মেন্দ্ৰ ঋষিৰিত্যুপ ব্ৰহ্মাণি নঃ শৃণু ॥ ৪১ ॥
ইন্দ্ৰো ব্ৰহ্মেন্দ্ৰ ঋষিৰিত্যুপ ব্ৰহ্মাণি নঃ শৃণু ॥ ৪১ ॥
ৱযমু ত্ৱা ৱৰং দেৱমস্মভ্যং শৰ্ম সপ্ৰথঃ ।
মনামহে পৃণন্তং তদভিত্ৱামিন্দ্ৰ নোনুমঃ ॥ ৪২ ॥
মনামহে পৃণন্তং তদভিত্ৱামিন্দ্ৰ নোনুমঃ ॥ ৪২ ॥
প্ৰকৃতান্যপি সূক্তানি শৃণ্ৱন্তং জাতৱেদসম্ ।
ত্ৱাং গৃণন্তি ন কে ত্ৱং হি যেষামিন্দ্ৰো যুৱা সখা ॥ ৪৩ ॥
ত্ৱাং গৃণন্তি ন কে ত্ৱং হি যেষামিন্দ্ৰো যুৱা সখা ॥ ৪৩ ॥
ত্ৱাৱতঃ পাহি নো মৰ্ত্যান্যত ইন্দ্ৰ ভযামহে ।
আদিশ্য পদভক্তিং তে ততো নো অভযং কৃধি ॥ ৪৪ ॥
আদিশ্য পদভক্তিং তে ততো নো অভযং কৃধি ॥ ৪৪ ॥
আ ত্ৱা ৰথং ন তুৰগৈঃ স্তোত্ৰৈস্ত্ৱা ৱৰ্তযামসি ।
স ত্ৱং ন ইন্দ্ৰ মৃলয যস্য তে স্ৱাদু সখ্যমিত্ ॥ ৪৫ ॥
স ত্ৱং ন ইন্দ্ৰ মৃলয যস্য তে স্ৱাদু সখ্যমিত্ ॥ ৪৫ ॥
আ প্ৰবোধং ভৱোঽবোধঃ স্ৱপ্নৱদ্দুঃখদোঽশুচিঃ ।
পতিতান্ দুঃখিতান্নৄন্নঃ পাহি ত্ৱং শৃণুধী গিৰঃ ॥ ৪৬ ॥
পতিতান্ দুঃখিতান্নৄন্নঃ পাহি ত্ৱং শৃণুধী গিৰঃ ॥ ৪৬ ॥
ইন্দ্ৰায সাম তে গাতুং ন ক্ষমো নাম তে গৃণে ।
বণ্মহাঁঅসি সূৰ্য ত্ৱং সত্ৰাদেৱ মহাঁঅসি ॥ ৪৭ ॥
বণ্মহাঁঅসি সূৰ্য ত্ৱং সত্ৰাদেৱ মহাঁঅসি ॥ ৪৭ ॥
সোমঃ পুনানোন্তাৰামো মযা ত্ৱং নাধিলক্ষিতঃ ।
ঈক্ষে তুচ্ছান্বহিৰ্ভোগান্যোষা জাৰমিৱ প্ৰিযম্ ॥ ৪৮ ॥
ঈক্ষে তুচ্ছান্বহিৰ্ভোগান্যোষা জাৰমিৱ প্ৰিযম্ ॥ ৪৮ ॥
প্ৰণ ইন্দোৰপি স্মৰং ৰূপং তে দৰ্শযামলম্ ।
নৄন্ স্তোতৄন্ পাহ্যংহসো নো জহি ৰক্ষাংসি সুক্ৰতো ॥ ৪৯ ॥
নৄন্ স্তোতৄন্ পাহ্যংহসো নো জহি ৰক্ষাংসি সুক্ৰতো ॥ ৪৯ ॥
হিন্ৱন্তি দ্ৱৈতমস্ত্যস্মাদ্ভযং ৱিন্দতি মামিহ ।
যদন্তি দূৰকে যচ্চ পৱমান ৱি তজ্জহি ॥ ৫০ ॥
যদন্তি দূৰকে যচ্চ পৱমান ৱি তজ্জহি ॥ ৫০ ॥
ধৰ্তা কাৰকশক্তীনাং সৰ্ৱেষাং ত্ৱমিহৈক ইত্ ।
যশোঽত্ৰেদং পৱিত্ৰং তে ৱিততং ব্ৰহ্মণস্পতে ॥ ৫১ ॥
যশোঽত্ৰেদং পৱিত্ৰং তে ৱিততং ব্ৰহ্মণস্পতে ॥ ৫১ ॥
অসৰ্জি ভৱতা ৱিশ্ৱমনিত্যমৱশং বৃহত্ ।
ত্ৱং সংস্মৰ জ্ঞ শৰণ ৱত্সং জাতং ন ধেনৱঃ ॥ ৫২ ॥
ত্ৱং সংস্মৰ জ্ঞ শৰণ ৱত্সং জাতং ন ধেনৱঃ ॥ ৫২ ॥
পুৰোজিতীশ ভো ভূমন্ তত্ৰ মামমৃতং কৃধি ।
যত্ৰানন্দাশ্চ মোদাশ্চ মুদঃ প্ৰমুদ আসতে ॥ ৫৩ ॥
যত্ৰানন্দাশ্চ মোদাশ্চ মুদঃ প্ৰমুদ আসতে ॥ ৫৩ ॥
অযং স ইতি ৱিদ্ৱান্ত্সন্যমায ঘৃতৱদ্ধৱিঃ ।
কুতো জুহোম্যতোঽদেৱা যমায জুহুতা হৱিঃ ॥ ৫৪ ॥
কুতো জুহোম্যতোঽদেৱা যমায জুহুতা হৱিঃ ॥ ৫৪ ॥
নিৱৰ্তধ্ৱমিতো দেৱা ভদ্ৰং নো অপি ৱাতয ।
মনো হৰে মাং পাহ্যাৰ্তং পিতা পুত্ৰমিৱ প্ৰিযম্ ॥ ৫৫ ॥
মনো হৰে মাং পাহ্যাৰ্তং পিতা পুত্ৰমিৱ প্ৰিযম্ ॥ ৫৫ ॥
প্ৰমা প্ৰমাতা প্ৰমেযং ত্ৰিপুটীহ ন ৱিদ্যতে ।
ৰূপং তেঽৱিকৃতং সত্ত্ৱং মধুমন্মে পৰাযণম্ ॥ ৫৬ ॥
ৰূপং তেঽৱিকৃতং সত্ত্ৱং মধুমন্মে পৰাযণম্ ॥ ৫৬ ॥
প্ৰহোতাৰোঽত্ৰৈৱ মনোন্ৱাহুৱামহ ইত্যতঃ ।
গমাদি মনসো নাস্য যো যজ্ঞস্য প্ৰসাধনঃ ॥ ৫৭ ॥
গমাদি মনসো নাস্য যো যজ্ঞস্য প্ৰসাধনঃ ॥ ৫৭ ॥
যে যজ্ঞেনাৰ্চন্ত্যনেন সৰ্ৱে নন্দন্তি তে ত্ৱযা ।
নান্যেঽতস্ত্ৱত্প্ৰিযা এৱ ৱিৰূপাসো দিৱস্পৰি ॥ ৫৮ ॥
নান্যেঽতস্ত্ৱত্প্ৰিযা এৱ ৱিৰূপাসো দিৱস্পৰি ॥ ৫৮ ॥
দেৱানাং নু ৱশে যোঽস্য সুমঙ্গলীৰিযং ৱধূঃ ।
স্নেহেষু ত্ৱচ্যুতো ভোগী পতিৰ্বন্ধেষু বধ্যতে ॥ ৫৯ ॥
স্নেহেষু ত্ৱচ্যুতো ভোগী পতিৰ্বন্ধেষু বধ্যতে ॥ ৫৯ ॥
ৱিহিতং সৰ্ৱমিত্তে ত্ৱমতো জ্যাযাংশ্চ পূৰুষঃ ।
পাদোঽস্য ৱিশ্ৱা ভূতানি ত্ৰিপাদস্যামৃতং দিৱি ॥ ৬০ ॥
পাদোঽস্য ৱিশ্ৱা ভূতানি ত্ৰিপাদস্যামৃতং দিৱি ॥ ৬০ ॥
হযে জাযে ইতি ৱদন্যা সালাৱৃকহৃত্সমা ।
তন্মযো ন স ৱেদামুমাত্মানং তৱ পূৰুষ ॥ ৬১ ॥
তন্মযো ন স ৱেদামুমাত্মানং তৱ পূৰুষ ॥ ৬১ ॥
উভা উপাধিতোঽত্ৰৈকঃ পাকেন মনসান্ৱিতঃ ।
ত্ৱাং যদীক্ষেত তং মাতা ৰেহ্লি স উ ৰেহ্লি মাতৰম্ ॥ ৬২ ॥
ত্ৱাং যদীক্ষেত তং মাতা ৰেহ্লি স উ ৰেহ্লি মাতৰম্ ॥ ৬২ ॥
তদিদাত্মন্হৃদি ৱপুঃ পশ্যন্তস্তে মনীষযা ।
মুনযো ৱাতৰশনাঃ পিশঙ্গা ৱসতেঽমলাঃ ॥ ৬৩ ॥
মুনযো ৱাতৰশনাঃ পিশঙ্গা ৱসতেঽমলাঃ ॥ ৬৩ ॥
ত্যং চিন্মযং বুধা ৰূপং সঞ্জানানা উপাসতে ।
যো অস্য পাৰে ৰজসঃ স নঃ পৰ্ষদতি দ্ৱিষঃ ॥ ৬৪ ॥
যো অস্য পাৰে ৰজসঃ স নঃ পৰ্ষদতি দ্ৱিষঃ ॥ ৬৪ ॥
ইষে ত্ৱোৰ্জে চৌদনেন নিত্যহোমেঽপি গৱ্যতঃ ।
যজন্ত্যহং ত্ৱকামস্ত্ৱাং শ্ৰেষ্ঠতমায কৰ্মণে ॥ ৬৫ ॥
যজন্ত্যহং ত্ৱকামস্ত্ৱাং শ্ৰেষ্ঠতমায কৰ্মণে ॥ ৬৫ ॥
অগ্ন আযাহীতি গাতুং ত্ৱাঽক্ষমঃ স্তৌমি কেৱলম্ ।
নিষীদ মে হৃদি যথা নিহোতা সত্সি বৰ্হিষি ॥ ৬৬ ॥
নিষীদ মে হৃদি যথা নিহোতা সত্সি বৰ্হিষি ॥ ৬৬ ॥
শং নো দেৱীঃ প্ৰসাদাত্তে সন্তু ধীৱৃত্তযোঽনিশম্ ।
আত্ম্প্ৰৱাহাঃ স্ৱাৰস্যাচ্ছম্যোৰভিস্ৰৱন্তু নঃ ॥ ৬৭ ॥
আত্ম্প্ৰৱাহাঃ স্ৱাৰস্যাচ্ছম্যোৰভিস্ৰৱন্তু নঃ ॥ ৬৭ ॥
জ্ঞাতেঽস্মিন্পাশমুক্তিঃ সকলৱিদিতি তত্স্যাদনিৰ্দেশ্যমেকং
সূক্ষ্মং চাতীন্দ্ৰিযং সত্তদযমিতি গিৰা শাব্দনিৰ্দেশ্যমেৱ ।
ৱাক্যৈস্তত্ত্ৱং ৱিৰোধেঽপি সতি সুমতিভিঃ সোঽযমিত্যাদিৱত্ত-
-দ্ভাগত্যাগেন লক্ষ্যং ৱৰগুৰুকৃপযা লভ্যমৈক্যং হি তজ্জ্ঞৈঃ ॥ ৬৮ ॥
সূক্ষ্মং চাতীন্দ্ৰিযং সত্তদযমিতি গিৰা শাব্দনিৰ্দেশ্যমেৱ ।
ৱাক্যৈস্তত্ত্ৱং ৱিৰোধেঽপি সতি সুমতিভিঃ সোঽযমিত্যাদিৱত্ত-
-দ্ভাগত্যাগেন লক্ষ্যং ৱৰগুৰুকৃপযা লভ্যমৈক্যং হি তজ্জ্ঞৈঃ ॥ ৬৮ ॥
॥ ইতি শ্ৰীদত্তপুৰাণে শ্ৰী দত্ত ৱেদপাদ স্তুতিঃ সম্পূৰ্ণা ॥