॥ শ্রী দত্ত বেদপাদ স্তুতিঃ ॥
অগ্নিমীলে পরং দেবং যজ্ঞস্য ত্বাং ত্র্যধীশ্বরম্ ।
স্তোমোঽযমগ্রিযোঽর্থ্যস্তে হৃদিস্পৃগস্তু শন্তমঃ ॥ ১ ॥
স্তোমোঽযমগ্রিযোঽর্থ্যস্তে হৃদিস্পৃগস্তু শন্তমঃ ॥ ১ ॥
অযং দেবায দূরায গিরাং স্বাধ্যায সাত্বতাম্ ।
স্তোমোঽস্ত্বনেন বিন্দেযং তদ্বিষ্ণোঃ পরমং পদম্ ॥ ২ ॥
স্তোমোঽস্ত্বনেন বিন্দেযং তদ্বিষ্ণোঃ পরমং পদম্ ॥ ২ ॥
এতা যা লৌকিকাঃ সন্তু হীনা বাচোঽপি নঃ প্রিযাঃ ।
বালস্যেব পিতুষ্টে ত্বং স নো মৃল মহাঁ অসি ॥ ৩ ॥
বালস্যেব পিতুষ্টে ত্বং স নো মৃল মহাঁ অসি ॥ ৩ ॥
অযং বাং নাত্মনোস্তত্ত্বমধিগম্যাস্তি দুর্মনাঃ ।
হৃদ্রোগং মম সূর্য ত্বং হরিমাণং চ নাশয ॥ ৪ ॥
হৃদ্রোগং মম সূর্য ত্বং হরিমাণং চ নাশয ॥ ৪ ॥
প্রমন্মহেঽস্মান্বিদ্ধীতি স্তোতারস্তে বযং নমঃ ।
ভগবো দেব তে স্তোমমারে অস্মে চ শৃণ্বতে ॥ ৫ ॥
ভগবো দেব তে স্তোমমারে অস্মে চ শৃণ্বতে ॥ ৫ ॥
ইন্দ্রো মদায যাতীহ সত্বরং সোমিনো যথা ।
স্তোতৄনেহি তথাঽস্মাঁস্তে মাধ্বীর্গাবো ভবন্তু নঃ ॥ ৬ ॥
স্তোতৄনেহি তথাঽস্মাঁস্তে মাধ্বীর্গাবো ভবন্তু নঃ ॥ ৬ ॥
দ্বে বিরূপেঽত্র মাযাযাস্তেঽত্র মগ্নোঽস্মি পীডিতঃ ।
মাভিতঃ সন্তপন্তীহ সপত্নীরিব পর্শবঃ ॥ ৭ ॥
মাভিতঃ সন্তপন্তীহ সপত্নীরিব পর্শবঃ ॥ ৭ ॥
ইদং শ্রেষ্ঠমপি প্রাপ্য জন্ম গন্তাঽধ এব তত্ ।
কুরু প্রসাদং জ্ঞাত্বৈতত্তেনাহং ভূরি চাকন ॥ ৮ ॥
কুরু প্রসাদং জ্ঞাত্বৈতত্তেনাহং ভূরি চাকন ॥ ৮ ॥
প্রবস্তুজ্ঞানাজ্জহাতি নিষ্কামশ্চেন্মৃতিং ত্বহম্ ।
ন তাদৃশোঽতঃ কামাদি সর্বং রক্ষো নিবর্হয ॥ ৯ ॥
ন তাদৃশোঽতঃ কামাদি সর্বং রক্ষো নিবর্হয ॥ ৯ ॥
সুষুমামূর্ধিযঃ স্তোমৈরাগচ্ছৈতে বযং বিভো ।
ত্বদংশাস্ত্বং পতির্নোঽসি দেবো দেবেষু মেধিরঃ ॥ ১০ ॥
ত্বদংশাস্ত্বং পতির্নোঽসি দেবো দেবেষু মেধিরঃ ॥ ১০ ॥
বসূ রূপং রূপমিহ প্রতিরূপোঽসি নো পৃথক্ ।
এতানি ভূতানি বিদুর্ব্রাহ্মণ্য যে মনীষিণঃ ॥ ১১ ॥
এতানি ভূতানি বিদুর্ব্রাহ্মণ্য যে মনীষিণঃ ॥ ১১ ॥
তং নু ত্বাং কিং ব্রুবেঽল্পজ্ঞো ভগবন্তং ক্ষমস্ব ভোঃ ।
ওষমাগহি মাং ত্বং চেত্সখা সন্নতিমন্যসে ॥ ১২ ॥
ওষমাগহি মাং ত্বং চেত্সখা সন্নতিমন্যসে ॥ ১২ ॥
তা বাসনা ঘ্নন্তি যথা বৃশ্চিকস্যারসং বিষম্ ।
অতো মাং পাহি ভূযিষ্ঠাং নম উক্তিং বিধেম তে ॥ ১৩ ॥
অতো মাং পাহি ভূযিষ্ঠাং নম উক্তিং বিধেম তে ॥ ১৩ ॥
নি হোতা সীদসি বিভো যস্ত্বং যষ্টুর্গৃহে প্রিয ।
তং ত্বা হ্বযে জ্যেষ্ঠরাজং ব্রহ্মণাং ব্রহ্মণস্পতে ॥ ১৪ ॥
তং ত্বা হ্বযে জ্যেষ্ঠরাজং ব্রহ্মণাং ব্রহ্মণস্পতে ॥ ১৪ ॥
সেমাবিড্ঢি প্রভৃতিমীশিষে যোঽব মানিশম্ ।
ত্বং বিশ্বেষাং যদীশানো ব্রহ্মণা বেষি মে হবম্ ॥ ১৫ ॥
ত্বং বিশ্বেষাং যদীশানো ব্রহ্মণা বেষি মে হবম্ ॥ ১৫ ॥
মন্দঃ স্বকোঽযং দীনোঽজ্ঞ ইতি বিদ্বান্ভবান্প্রভুঃ ।
ইন্দ্র আশাভ্যঃ পরি মাং সর্বাভ্যো অভযং করত্ ॥ ১৬ ॥
ইন্দ্র আশাভ্যঃ পরি মাং সর্বাভ্যো অভযং করত্ ॥ ১৬ ॥
প্র য আরূপিতাং ভ্রান্তিং ত্বত্প্রসাদাজ্জহাতি সঃ ।
বিমুচ্যতে তদ্বিপ্রাস্ত্বাং জাগৃবাংসঃ সমিন্ধতে ॥ ১৭ ॥
বিমুচ্যতে তদ্বিপ্রাস্ত্বাং জাগৃবাংসঃ সমিন্ধতে ॥ ১৭ ॥
ইচ্ছন্তি দেবা অপি তে প্রসাদায নৃজন্ম তত্ ।
বিদ্বান্নামানি তে দত্ত বিশ্বাভির্গীর্ভিরীমহে ॥ ১৮ ॥
বিদ্বান্নামানি তে দত্ত বিশ্বাভির্গীর্ভিরীমহে ॥ ১৮ ॥
ইন্দ্র ত্বা ভজতঃ সূরের্দুর্লভং কিং তরামি তত্ ।
ভক্ত্যা ক্লেশাদি তে নাবা গম্ভীরাঁ উদধীরিব ॥ ১৯ ॥
ভক্ত্যা ক্লেশাদি তে নাবা গম্ভীরাঁ উদধীরিব ॥ ১৯ ॥
ন তা রোদ্ধুং ধিযঃ শক্তা যোগেনাপি ততঃ সদা ।
ত্রাতারং ধীমহীশ ত্বাং ধিযো যো নঃ প্রচোদযাত্ ॥ ২০ ॥
ত্রাতারং ধীমহীশ ত্বাং ধিযো যো নঃ প্রচোদযাত্ ॥ ২০ ॥
বৈশ্বানরায দত্ত্বাঽন্নং বিধিলব্ধং সদৈব তে ।
ভবামো ভজনে সক্তা অস্মাকং শৃণুধী হবম্ ॥ ২১ ॥
ভবামো ভজনে সক্তা অস্মাকং শৃণুধী হবম্ ॥ ২১ ॥
এবা ত্বামিন্দ্র বিপ্রাসো জাগৃবাংসো বিপন্যবঃ ।
স্তুবন্ত্যেভ্যো হি তে কোঽপি ন জ্যাযাঁ অস্তি বৃত্রহন্ ॥ ২২ ॥
স্তুবন্ত্যেভ্যো হি তে কোঽপি ন জ্যাযাঁ অস্তি বৃত্রহন্ ॥ ২২ ॥
প্রঋভুভ্যো গৃণদ্ভ্যস্তে মর্ত্যেভ্যোঽপমৃতত্বমিত্ ।
দত্তং স্মৃত্বা তব মনোরথ আযাতু পাজসা ॥ ২৩ ॥
দত্তং স্মৃত্বা তব মনোরথ আযাতু পাজসা ॥ ২৩ ॥
ইতমুত্যদিষং শ্রেযো যজ্জগ্ধ্বা পরিতৃপ্যতি ।
সাধুস্তদ্ভজনং তেঽস্মে ইষং স্তোতৃভ্য আভর ॥ ২৪ ॥
সাধুস্তদ্ভজনং তেঽস্মে ইষং স্তোতৃভ্য আভর ॥ ২৪ ॥
ত্বামগ্নে মাযিনং মাযাং জেতারমপরাজিতম্ ।
হিত্বা কং শরণং যামঃ স নো বোধি শ্রুধী হবম্ ॥ ২৫ ॥
হিত্বা কং শরণং যামঃ স নো বোধি শ্রুধী হবম্ ॥ ২৫ ॥
মহী মহেশোঽজ্ঞানেন ভবানবতু মাবৃতম্ ।
যথা বৈ সূর্যং স্বর্ভানুস্তমসাবিধ্যদাসুরঃ ॥ ২৬ ॥
যথা বৈ সূর্যং স্বর্ভানুস্তমসাবিধ্যদাসুরঃ ॥ ২৬ ॥
প্রযুঞ্জতী যদাত্মানং মনীষা মনসা সহ ।
তদৈব ভবতৈকান্তং জানতা সঙ্গমেমহি ॥ ২৭ ॥
তদৈব ভবতৈকান্তং জানতা সঙ্গমেমহি ॥ ২৭ ॥
ঋতস্য গোপাস্ত্বং দেহি মহ্যং শং যুঞ্জতে ধিযঃ ।
ভীতায নাধমানায ঋষযে সপ্তবধ্রযে ॥ ২৮ ॥
ভীতায নাধমানায ঋষযে সপ্তবধ্রযে ॥ ২৮ ॥
ত্বং হি পাতাসি নো দত্ত পরিবাধস্ব দুষ্কৃতম্ ।
কামাদীন্যস্য বীজানি জহি রক্ষাংসি সুক্রতো ॥ ২৯ ॥
কামাদীন্যস্য বীজানি জহি রক্ষাংসি সুক্রতো ॥ ২৯ ॥
পিবা সোমমিতি শ্রুত্বা যষ্টুর্হূতিং শুভং দ্রবত্ ।
আযাসি পুরুরূপ ত্বামাসু গোষূপপৃচ্যতাম্ ॥ ৩০ ॥
আযাসি পুরুরূপ ত্বামাসু গোষূপপৃচ্যতাম্ ॥ ৩০ ॥
ইন্দ্রং বোতান্যং ন পৃথঙ্মন্যে মাযাভিরিদ্ভবান্ ।
পুরুরূপ ইতীক্ষে ত্বমমিত্রাঁ সুষহান্কৃধি ॥ ৩১ ॥
পুরুরূপ ইতীক্ষে ত্বমমিত্রাঁ সুষহান্কৃধি ॥ ৩১ ॥
যজ্ঞা যজ্ঞাধীশ সর্বে ত্বন্মযা অপি তেষু নঃ ।
জপযজ্ঞো মতস্তেন সমু পূষ্ণা গমেমহি ॥ ৩২ ॥
জপযজ্ঞো মতস্তেন সমু পূষ্ণা গমেমহি ॥ ৩২ ॥
স্তুষে নরাপ্যং তুষ্টঃ সন্নথো যস্যা অযোমুখম্ ।
মাযাং জিত্বা ভবান্তাং মে বিশ্বাহা শর্ম যচ্ছতু ॥ ৩৩ ॥
মাযাং জিত্বা ভবান্তাং মে বিশ্বাহা শর্ম যচ্ছতু ॥ ৩৩ ॥
জুষস্ব স্তোমমীশৈতে প্রিযাসঃ সন্তু সূরযঃ ।
বযং স্তোমপ্রিযানেন যচ্ছা নঃ শর্ম দীর্ঘশ্রুত্ ॥ ৩৫ ॥
বযং স্তোমপ্রিযানেন যচ্ছা নঃ শর্ম দীর্ঘশ্রুত্ ॥ ৩৫ ॥
উগ্রো জজ্ঞে মৃত্যুরযমদুগ্ধা ইব ধেনবঃ ।
ধিযো মেঽনেনেদৃগীশ ন জাতো ন জনিষ্যতে ॥ ৩৫ ॥
ধিযো মেঽনেনেদৃগীশ ন জাতো ন জনিষ্যতে ॥ ৩৫ ॥
প্রব্রহ্মৈহীদমাকর্ণ্যোর্বারুকমিব বন্ধনাত্ ।
মৃত্যুঞ্জয প্রমাদাখ্যান্মৃত্যোর্মুক্ষীয মাঽমৃতাত্ ॥ ৩৬ ॥
মৃত্যুঞ্জয প্রমাদাখ্যান্মৃত্যোর্মুক্ষীয মাঽমৃতাত্ ॥ ৩৬ ॥
যদদ্য বর্ষ্ম তেনৈব পশ্যেম শরদঃ শতম্ ।
স্তোত্রায তে হতে মৃত্যৌ জীবেম শরদঃ শতম্ ॥ ৩৭ ॥
স্তোত্রায তে হতে মৃত্যৌ জীবেম শরদঃ শতম্ ॥ ৩৭ ॥
প্রত্যুত্তমং মহেশং ত্বাং মনামহ ইহাগহি ।
মৃলা সুক্ষত্র মৃলয মা নো দুঃশংস ঈশত ॥ ৩৮ ॥
মৃলা সুক্ষত্র মৃলয মা নো দুঃশংস ঈশত ॥ ৩৮ ॥
তিস্রো বাচস্তেঽত্র বরাং ক ঈশানং ন যাচিষত্ ।
ভক্ত্যা গৃণীমস্ত্বাং স্তোত্রৈস্তেভির্নস্তূযমাগহি ॥ ৩৯ ॥
ভক্ত্যা গৃণীমস্ত্বাং স্তোত্রৈস্তেভির্নস্তূযমাগহি ॥ ৩৯ ॥
দূরাদ্বিহায সর্বং ত্বামৃষযো যে চ তুষ্টুবুঃ ।
মর্তা অমর্ত্যস্য তে তদ্ভূরি নাম মনামহে ॥ ৪০ ॥
মর্তা অমর্ত্যস্য তে তদ্ভূরি নাম মনামহে ॥ ৪০ ॥
য ইন্দ্র ত্বং যো নমসা স্বধ্বরো হীতি সংস্তুতঃ ।
ইন্দ্রো ব্রহ্মেন্দ্র ঋষিরিত্যুপ ব্রহ্মাণি নঃ শৃণু ॥ ৪১ ॥
ইন্দ্রো ব্রহ্মেন্দ্র ঋষিরিত্যুপ ব্রহ্মাণি নঃ শৃণু ॥ ৪১ ॥
বযমু ত্বা বরং দেবমস্মভ্যং শর্ম সপ্রথঃ ।
মনামহে পৃণন্তং তদভিত্বামিন্দ্র নোনুমঃ ॥ ৪২ ॥
মনামহে পৃণন্তং তদভিত্বামিন্দ্র নোনুমঃ ॥ ৪২ ॥
প্রকৃতান্যপি সূক্তানি শৃণ্বন্তং জাতবেদসম্ ।
ত্বাং গৃণন্তি ন কে ত্বং হি যেষামিন্দ্রো যুবা সখা ॥ ৪৩ ॥
ত্বাং গৃণন্তি ন কে ত্বং হি যেষামিন্দ্রো যুবা সখা ॥ ৪৩ ॥
ত্বাবতঃ পাহি নো মর্ত্যান্যত ইন্দ্র ভযামহে ।
আদিশ্য পদভক্তিং তে ততো নো অভযং কৃধি ॥ ৪৪ ॥
আদিশ্য পদভক্তিং তে ততো নো অভযং কৃধি ॥ ৪৪ ॥
আ ত্বা রথং ন তুরগৈঃ স্তোত্রৈস্ত্বা বর্তযামসি ।
স ত্বং ন ইন্দ্র মৃলয যস্য তে স্বাদু সখ্যমিত্ ॥ ৪৫ ॥
স ত্বং ন ইন্দ্র মৃলয যস্য তে স্বাদু সখ্যমিত্ ॥ ৪৫ ॥
আ প্রবোধং ভবোঽবোধঃ স্বপ্নবদ্দুঃখদোঽশুচিঃ ।
পতিতান্ দুঃখিতান্নৄন্নঃ পাহি ত্বং শৃণুধী গিরঃ ॥ ৪৬ ॥
পতিতান্ দুঃখিতান্নৄন্নঃ পাহি ত্বং শৃণুধী গিরঃ ॥ ৪৬ ॥
ইন্দ্রায সাম তে গাতুং ন ক্ষমো নাম তে গৃণে ।
বণ্মহাঁঅসি সূর্য ত্বং সত্রাদেব মহাঁঅসি ॥ ৪৭ ॥
বণ্মহাঁঅসি সূর্য ত্বং সত্রাদেব মহাঁঅসি ॥ ৪৭ ॥
সোমঃ পুনানোন্তারামো মযা ত্বং নাধিলক্ষিতঃ ।
ঈক্ষে তুচ্ছান্বহির্ভোগান্যোষা জারমিব প্রিযম্ ॥ ৪৮ ॥
ঈক্ষে তুচ্ছান্বহির্ভোগান্যোষা জারমিব প্রিযম্ ॥ ৪৮ ॥
প্রণ ইন্দোরপি স্মরং রূপং তে দর্শযামলম্ ।
নৄন্ স্তোতৄন্ পাহ্যংহসো নো জহি রক্ষাংসি সুক্রতো ॥ ৪৯ ॥
নৄন্ স্তোতৄন্ পাহ্যংহসো নো জহি রক্ষাংসি সুক্রতো ॥ ৪৯ ॥
হিন্বন্তি দ্বৈতমস্ত্যস্মাদ্ভযং বিন্দতি মামিহ ।
যদন্তি দূরকে যচ্চ পবমান বি তজ্জহি ॥ ৫০ ॥
যদন্তি দূরকে যচ্চ পবমান বি তজ্জহি ॥ ৫০ ॥
ধর্তা কারকশক্তীনাং সর্বেষাং ত্বমিহৈক ইত্ ।
যশোঽত্রেদং পবিত্রং তে বিততং ব্রহ্মণস্পতে ॥ ৫১ ॥
যশোঽত্রেদং পবিত্রং তে বিততং ব্রহ্মণস্পতে ॥ ৫১ ॥
অসর্জি ভবতা বিশ্বমনিত্যমবশং বৃহত্ ।
ত্বং সংস্মর জ্ঞ শরণ বত্সং জাতং ন ধেনবঃ ॥ ৫২ ॥
ত্বং সংস্মর জ্ঞ শরণ বত্সং জাতং ন ধেনবঃ ॥ ৫২ ॥
পুরোজিতীশ ভো ভূমন্ তত্র মামমৃতং কৃধি ।
যত্রানন্দাশ্চ মোদাশ্চ মুদঃ প্রমুদ আসতে ॥ ৫৩ ॥
যত্রানন্দাশ্চ মোদাশ্চ মুদঃ প্রমুদ আসতে ॥ ৫৩ ॥
অযং স ইতি বিদ্বান্ত্সন্যমায ঘৃতবদ্ধবিঃ ।
কুতো জুহোম্যতোঽদেবা যমায জুহুতা হবিঃ ॥ ৫৪ ॥
কুতো জুহোম্যতোঽদেবা যমায জুহুতা হবিঃ ॥ ৫৪ ॥
নিবর্তধ্বমিতো দেবা ভদ্রং নো অপি বাতয ।
মনো হরে মাং পাহ্যার্তং পিতা পুত্রমিব প্রিযম্ ॥ ৫৫ ॥
মনো হরে মাং পাহ্যার্তং পিতা পুত্রমিব প্রিযম্ ॥ ৫৫ ॥
প্রমা প্রমাতা প্রমেযং ত্রিপুটীহ ন বিদ্যতে ।
রূপং তেঽবিকৃতং সত্ত্বং মধুমন্মে পরাযণম্ ॥ ৫৬ ॥
রূপং তেঽবিকৃতং সত্ত্বং মধুমন্মে পরাযণম্ ॥ ৫৬ ॥
প্রহোতারোঽত্রৈব মনোন্বাহুবামহ ইত্যতঃ ।
গমাদি মনসো নাস্য যো যজ্ঞস্য প্রসাধনঃ ॥ ৫৭ ॥
গমাদি মনসো নাস্য যো যজ্ঞস্য প্রসাধনঃ ॥ ৫৭ ॥
যে যজ্ঞেনার্চন্ত্যনেন সর্বে নন্দন্তি তে ত্বযা ।
নান্যেঽতস্ত্বত্প্রিযা এব বিরূপাসো দিবস্পরি ॥ ৫৮ ॥
নান্যেঽতস্ত্বত্প্রিযা এব বিরূপাসো দিবস্পরি ॥ ৫৮ ॥
দেবানাং নু বশে যোঽস্য সুমঙ্গলীরিযং বধূঃ ।
স্নেহেষু ত্বচ্যুতো ভোগী পতির্বন্ধেষু বধ্যতে ॥ ৫৯ ॥
স্নেহেষু ত্বচ্যুতো ভোগী পতির্বন্ধেষু বধ্যতে ॥ ৫৯ ॥
বিহিতং সর্বমিত্তে ত্বমতো জ্যাযাংশ্চ পূরুষঃ ।
পাদোঽস্য বিশ্বা ভূতানি ত্রিপাদস্যামৃতং দিবি ॥ ৬০ ॥
পাদোঽস্য বিশ্বা ভূতানি ত্রিপাদস্যামৃতং দিবি ॥ ৬০ ॥
হযে জাযে ইতি বদন্যা সালাবৃকহৃত্সমা ।
তন্মযো ন স বেদামুমাত্মানং তব পূরুষ ॥ ৬১ ॥
তন্মযো ন স বেদামুমাত্মানং তব পূরুষ ॥ ৬১ ॥
উভা উপাধিতোঽত্রৈকঃ পাকেন মনসান্বিতঃ ।
ত্বাং যদীক্ষেত তং মাতা রেহ্লি স উ রেহ্লি মাতরম্ ॥ ৬২ ॥
ত্বাং যদীক্ষেত তং মাতা রেহ্লি স উ রেহ্লি মাতরম্ ॥ ৬২ ॥
তদিদাত্মন্হৃদি বপুঃ পশ্যন্তস্তে মনীষযা ।
মুনযো বাতরশনাঃ পিশঙ্গা বসতেঽমলাঃ ॥ ৬৩ ॥
মুনযো বাতরশনাঃ পিশঙ্গা বসতেঽমলাঃ ॥ ৬৩ ॥
ত্যং চিন্মযং বুধা রূপং সঞ্জানানা উপাসতে ।
যো অস্য পারে রজসঃ স নঃ পর্ষদতি দ্বিষঃ ॥ ৬৪ ॥
যো অস্য পারে রজসঃ স নঃ পর্ষদতি দ্বিষঃ ॥ ৬৪ ॥
ইষে ত্বোর্জে চৌদনেন নিত্যহোমেঽপি গব্যতঃ ।
যজন্ত্যহং ত্বকামস্ত্বাং শ্রেষ্ঠতমায কর্মণে ॥ ৬৫ ॥
যজন্ত্যহং ত্বকামস্ত্বাং শ্রেষ্ঠতমায কর্মণে ॥ ৬৫ ॥
অগ্ন আযাহীতি গাতুং ত্বাঽক্ষমঃ স্তৌমি কেবলম্ ।
নিষীদ মে হৃদি যথা নিহোতা সত্সি বর্হিষি ॥ ৬৬ ॥
নিষীদ মে হৃদি যথা নিহোতা সত্সি বর্হিষি ॥ ৬৬ ॥
শং নো দেবীঃ প্রসাদাত্তে সন্তু ধীবৃত্তযোঽনিশম্ ।
আত্ম্প্রবাহাঃ স্বারস্যাচ্ছম্যোরভিস্রবন্তু নঃ ॥ ৬৭ ॥
আত্ম্প্রবাহাঃ স্বারস্যাচ্ছম্যোরভিস্রবন্তু নঃ ॥ ৬৭ ॥
জ্ঞাতেঽস্মিন্পাশমুক্তিঃ সকলবিদিতি তত্স্যাদনির্দেশ্যমেকং
সূক্ষ্মং চাতীন্দ্রিযং সত্তদযমিতি গিরা শাব্দনির্দেশ্যমেব ।
বাক্যৈস্তত্ত্বং বিরোধেঽপি সতি সুমতিভিঃ সোঽযমিত্যাদিবত্ত-
-দ্ভাগত্যাগেন লক্ষ্যং বরগুরুকৃপযা লভ্যমৈক্যং হি তজ্জ্ঞৈঃ ॥ ৬৮ ॥
সূক্ষ্মং চাতীন্দ্রিযং সত্তদযমিতি গিরা শাব্দনির্দেশ্যমেব ।
বাক্যৈস্তত্ত্বং বিরোধেঽপি সতি সুমতিভিঃ সোঽযমিত্যাদিবত্ত-
-দ্ভাগত্যাগেন লক্ষ্যং বরগুরুকৃপযা লভ্যমৈক্যং হি তজ্জ্ঞৈঃ ॥ ৬৮ ॥
॥ ইতি শ্রীদত্তপুরাণে শ্রী দত্ত বেদপাদ স্তুতিঃ সম্পূর্ণা ॥