ജടാജൂടസമായുക്താമര്ദ്ധേന്ദുകൃതശേഖരാമ് ।
ലോചനത്രയസംയുക്താം പൂര്ണേന്ദുസദൃശാനനാമ് ॥ ൧॥
ലോചനത്രയസംയുക്താം പൂര്ണേന്ദുസദൃശാനനാമ് ॥ ൧॥
അതസീപുഷ്പവര്ണാഭാം സുപ്രതിഷ്ഠാം സുലോചനാമ് ।
നവയൌവനസമ്പന്നാം സര്വാഭരണഭൂഷിതാമ് ॥ ൨॥
നവയൌവനസമ്പന്നാം സര്വാഭരണഭൂഷിതാമ് ॥ ൨॥
സുചാരുദശനാം തദ്വത് പീനോന്നതപയോധരാമ് ।
ത്രിഭങ്ഗസ്ഥാനസംസ്ഥാനാം മഹിഷാസുരമര്ദിനീമ് ॥ ൩॥
ത്രിഭങ്ഗസ്ഥാനസംസ്ഥാനാം മഹിഷാസുരമര്ദിനീമ് ॥ ൩॥
മൃണാലായതസംസ്പര്ശദശബാഹുസമന്വിതാമ് ।
ത്രിശൂലം ദക്ഷിണേ പാണൌ ഖഡ്ഗം ചക്രം ക്രമാദധഃ ॥ ൪॥
ത്രിശൂലം ദക്ഷിണേ പാണൌ ഖഡ്ഗം ചക്രം ക്രമാദധഃ ॥ ൪॥
തീക്ഷ്ണബാണം തഥാ ശക്തിം ദക്ഷിണേ സന്നിവേശയേത് ।
ഖേടകം പൂര്ണചാപഞ്ച പാശമങ്കുശമേവ ച ॥ ൫॥
ഖേടകം പൂര്ണചാപഞ്ച പാശമങ്കുശമേവ ച ॥ ൫॥
ഘണ്ടാം വാ പരശും വാപി വാമതഃ സന്നിവേശയേത് ।
അധസ്താന്മഹിഷം തദ്വദ്വിശിരസ്കം പ്രദര്ശയേത് ॥ ൬॥
അധസ്താന്മഹിഷം തദ്വദ്വിശിരസ്കം പ്രദര്ശയേത് ॥ ൬॥
ശിരശ്ഛേദോദ്ഭവം തദ്വദ്ദാനവം ഖഡ്ഗപാണിനമ് ।
ഹൃദി ശൂലേന നിര്ഭിന്നം നിര്യദന്ത്രവിഭൂഷിതമ് ॥ ൭॥
ഹൃദി ശൂലേന നിര്ഭിന്നം നിര്യദന്ത്രവിഭൂഷിതമ് ॥ ൭॥
രക്തരക്തീകൃതാങ്ഗഞ്ച രക്തവിസ്ഫുരിതേക്ഷണമ് ।
വേഷ്ടിതം നാഗപാശേന ഭ്രുകുടീഭീഷണാനനമ് ॥ ൮॥
വേഷ്ടിതം നാഗപാശേന ഭ്രുകുടീഭീഷണാനനമ് ॥ ൮॥
സപാശവാമഹസ്തേന ധൃതകേശഞ്ച ദുര്ഗയാ ।
വമദ്രുധിരവക്ത്രഞ്ച ദേവ്യാഃ സിംഹം പ്രദര്ശയേത് ॥ ൯॥
വമദ്രുധിരവക്ത്രഞ്ച ദേവ്യാഃ സിംഹം പ്രദര്ശയേത് ॥ ൯॥
ദേവ്യാസ്തു ദക്ഷിണം പാദം സമം സിംഹോപരിസ്ഥിതമ് ।
കിഞ്ചിദൂര്ദ്ധ്വം തഥാ വാമമങ്ഗുഷ്ഠം മഹിഷോപരി ॥ ൧൦॥
കിഞ്ചിദൂര്ദ്ധ്വം തഥാ വാമമങ്ഗുഷ്ഠം മഹിഷോപരി ॥ ൧൦॥
ശത്രുക്ഷയകരീം ദേവീം ദൈത്യദാനവദര്പഹാമ് ।
പ്രസന്നവദനാം ദേവീം സര്വ്വകാമഫലപ്രദാമ് ।
സ്തൂയമാനഞ്ച തദ്രൂപമമരൈഃ സന്നിവേശയേത് ॥ ൧൧॥
പ്രസന്നവദനാം ദേവീം സര്വ്വകാമഫലപ്രദാമ് ।
സ്തൂയമാനഞ്ച തദ്രൂപമമരൈഃ സന്നിവേശയേത് ॥ ൧൧॥
ഉഗ്രചണ്ഡാ പ്രചണ്ഡാ ച ചണ്ഡോഗ്രാ ചണ്ഡനായികാ ।
ചണ്ഡാ ചണ്ഡവതീ ചൈവ ചണ്ഡരൂപാതിചണ്ഡികാ ॥ ൧൨॥
ചണ്ഡാ ചണ്ഡവതീ ചൈവ ചണ്ഡരൂപാതിചണ്ഡികാ ॥ ൧൨॥
ആഭിഃ ശക്തിഭിരഷ്ടാഭിഃ സതതം പരിവേഷ്ടിതാമ് ।
ചിന്തയേത് സതതം ദുര്ഗാം ധര്മകാമാര്ഥമോക്ഷദാമ് ॥ ൧൩॥
ചിന്തയേത് സതതം ദുര്ഗാം ധര്മകാമാര്ഥമോക്ഷദാമ് ॥ ൧൩॥
॥ ഇതി ശ്രീദുര്ഗാധ്യാനം സമ്പൂര്ണമ് ॥