॥ শ্ৰী প্ৰত্যঙ্গিৰা দণ্ডকম্ ॥
ওঁ নমঃ প্ৰত্যঙ্গিৰাযৈ ॥
প্ৰাৰ্থনা
নিৱসতি কৰৱীৰে সৰ্ৱদা যা শ্মশানে
ৱিনতজনহিতায প্ৰেতৰূঢে মহেশি ।
হিমকৰ হিমশুভ্ৰাং পঞ্চৱক্ত্ৰাং ত্ৱমাদ্যাং
দিশতু দশভুজাযা সা শ্ৰিযং সিদ্ধিলক্ষ্মীঃ ॥
ৱিনতজনহিতায প্ৰেতৰূঢে মহেশি ।
হিমকৰ হিমশুভ্ৰাং পঞ্চৱক্ত্ৰাং ত্ৱমাদ্যাং
দিশতু দশভুজাযা সা শ্ৰিযং সিদ্ধিলক্ষ্মীঃ ॥
দণ্ডকম্
ঐং খ্ফ্ৰেম্ । জয জয জগদম্ব প্ৰণত হৰিহৰহিৰণ্যগৰ্ভ প্ৰমুখ সুৰমুকুট মন্দাৰমালা পৰিমলদতিপটল ৱাচাল চৰণ পুণ্ডৰীকেষু পুণ্ডৰীকাক্ষ প্ৰমুখ কৰ কম্বু ৱিমল মন্দাকিনী শৰদেন্দু কুন্দাৰৱিন্দসন্দোহ সুন্দৰশৰীৰপ্ৰভে । জয জয মহাকালি কালনাশিনি সমযচক্ৰে মেলাপকাশিনি সিদ্ধিগণযোগিনী ৱীৰৱিদ্যাধৰী জননিকৰ মুনিকুৰুম্বিনী তুম্বিনী কদম্ব কিন্নৰৱাৰাধ্যমানে কৰালো ৱিধানে সিদ্ধিলক্ষ্মীপ্ৰদে ৱিৰূপাক্ষচক্ষুসংৱাসে আনন্দৰসদাযিকে ত্ৰিভুৱননাযিকে স্ফুৰদনৰ্ঘমণি মুক্তবলীকলাপমধ্যস্থিতা চক্ষুত্ৰৱাভৰণ ঝণঝণাযমান তৰুৱল্লৰীৱহল প্ৰভা পটল পালীকৃত সকল দিঙ্মণ্ডল গণ্ডস্থলোল্লসিত ৰৱিশশিকুণ্ডলে পীত কঠিন কুচ কলশ যুগলান্তনুৱালকুলিত নৰ মুণ্ডাৱলী মণ্ডিতে, চণ্ডি ৰুধিৰপানপ্ৰমত্তে প্ৰেতকলোত্তাল ৱেতাল কৰতালিকা তাডন তাণ্ডৱ প্ৰমুখা নট ডাকিনী চক্ৰ চঙ্ক্ৰমণ চকিতৱিতায চমত্কাৰ ৱিস্ফুৰিত পিশাচ প্ৰলয চিত্কাৰ ধ্ৱনি মুখৰকনৱীৰ শ্মশানাধিনিৱাসিনী ৰুদ্ৰস্কন্ধাধিৰুঢে, ষডাধাৰমধ্যাৰৱিন্দ মন্দিৰোদৰাঙ্কুচোন্নত প্ৰসূতজগামমনাযমানকুল কুণ্ডলিনী শক্তিপ্ৰভা প্ৰদীপিকা সখমনাসৱলেৰিগমদাকাশ শশিমণ্ডলামৃতধাৰা পযোনিধিগমন মানসৈৰুদিত হসৈৰখিল সাধকৈৰৱিভাৱ্যতে মাতৃকাচক্ৰ সম্ভাৱিতে মৃগাঙ্ক কুঙ্কুমাগুৰু মৃগমদাঙ্গৰাগ পৰিমলৱাসিতাৱাস মণিমণ্ডপে খণ্ডেন্দু মণ্ডিতোৰুজটাকলাপকলিত কৰৱীৰোদাৰ কৰহাৰ কনক কেতকী নৱমালিকা তালিকা মদযন্তিকা মাধৱী ৱিৱিধ গন্ধবন্ধুৰ গন্ধৱাহ ৱহদৰুণসৱনাচলে ধ্যানাকাৰ চকিত ত্ৰিনযনাচলে ওং জয জয জগজ্জননি জয জয ॥ ১ ॥
খ্ফ্ৰেং ঐম্ । জয জয নৱাক্ষৰী নৱত্যধিকশতাক্ষৰ মন্ত্ৰমালাধিদৈৱতে কালি কাত্যাযনি কপালিনি নৰৰুধিৰৱশাপিশিত পৰিপূৰ্ণ কপাল কৰৱাল ত্ৰিশূল খট্ৱাঙ্গ ঘণ্টা মুণ্ড পাশাঙ্কুশ ৱৰাঽভয শোভিতকৰে সুকৰে বদ্ধৱীৰাসনে সিদ্ধেশ্ৱৰি সিদ্ধৱিদ্যাধৰোৰগেন্দ্ৰকা ধ্যাযমানাঙ্ঘ্ৰি লযেশাম্ভৱাৱেশ ৱিভৱে দেৱদেৱি মহাদেৱি অনাখ্যে উমাখ্যে সদাপূৰ্ণিমাৰখ্যে লসত্তাৰকাখ্যে অকাৰাক্ষৰদোস্ফুৰদম্বৰাকাৰে মহাৱ্যোম্নি ৱ্যোমৱামেশ্ৱৰী কুণ্ডিকে খেচৰী গোচৰী দিক্চৰি শাম্বৰী শক্তি চক্ৰ ক্ৰিযেচ্ছাজ্ঞানৰুপ গুণাতীত নিত্যামৃতে নিত্যভোগপ্ৰদে সন্ধ্যাৱসানসমযে লাস্যৱিলাসে টটমহানট জটাজূটাপগাৰি ৰসদলঙ্কাৰ সকলকাৱ্যকলাকলাপ ৱহলধী ত্ৰিগুণ প্ৰবন্ধ ৱিৱিধবন্ধু সুন্দৰ কৱিতা সিদ্ধিদে ঋদ্ধিদে বুদ্ধিদে জ্ঞানদে মানদে শাৰদে ষোডশাক্ষৰাধিৰূঢ সকলসিদ্ধি চতুৰ্ৱৰ্গফলৱিধাযিনি প্ৰণতজনহিতকাৰিণি
জয জয জগদম্ব প্ৰত্যঙ্গিৰে খ্ফ্ৰেং ঐং ওম্ ॥ ২ ॥
জয জয জগদম্ব প্ৰত্যঙ্গিৰে খ্ফ্ৰেং ঐং ওম্ ॥ ২ ॥
ফলশ্ৰুতি
মম সকলদুৰিতানপনুদ অপনুদ জয জয প্ৰত্যঙ্গিৰে জয জয জয হে ঐং ওঁ হ্ৰীং শ্ৰীং ক্লীং খ্ফ্ৰেং ওঁ ॥ ৩ ॥
ইতি শ্ৰী প্ৰত্যঙ্গিৰা দণ্ডকম্ সম্পূৰ্ণম্ ॥