॥ ಶ್ರೀ ಪ್ರತ್ಯಙ್ಗಿರಾ ದಣ್ಡಕಮ್ ॥
ಓಂ ನಮಃ ಪ್ರತ್ಯಙ್ಗಿರಾಯೈ ॥
ಪ್ರಾರ್ಥನಾ
ನಿವಸತಿ ಕರವೀರೇ ಸರ್ವದಾ ಯಾ ಶ್ಮಶಾನೇ
ವಿನತಜನಹಿತಾಯ ಪ್ರೇತರೂಢೇ ಮಹೇಶಿ ।
ಹಿಮಕರ ಹಿಮಶುಭ್ರಾಂ ಪಞ್ಚವಕ್ತ್ರಾಂ ತ್ವಮಾದ್ಯಾಂ
ದಿಶತು ದಶಭುಜಾಯಾ ಸಾ ಶ್ರಿಯಂ ಸಿದ್ಧಿಲಕ್ಷ್ಮೀಃ ॥
ವಿನತಜನಹಿತಾಯ ಪ್ರೇತರೂಢೇ ಮಹೇಶಿ ।
ಹಿಮಕರ ಹಿಮಶುಭ್ರಾಂ ಪಞ್ಚವಕ್ತ್ರಾಂ ತ್ವಮಾದ್ಯಾಂ
ದಿಶತು ದಶಭುಜಾಯಾ ಸಾ ಶ್ರಿಯಂ ಸಿದ್ಧಿಲಕ್ಷ್ಮೀಃ ॥
ದಣ್ಡಕಮ್
ಐಂ ಖ್ಫ್ರೇಮ್ । ಜಯ ಜಯ ಜಗದಮ್ಬ ಪ್ರಣತ ಹರಿಹರಹಿರಣ್ಯಗರ್ಭ ಪ್ರಮುಖ ಸುರಮುಕುಟ ಮನ್ದಾರಮಾಲಾ ಪರಿಮಲದತಿಪಟಲ ವಾಚಾಲ ಚರಣ ಪುಣ್ಡರೀಕೇಷು ಪುಣ್ಡರೀಕಾಕ್ಷ ಪ್ರಮುಖ ಕರ ಕಮ್ಬು ವಿಮಲ ಮನ್ದಾಕಿನೀ ಶರದೇನ್ದು ಕುನ್ದಾರವಿನ್ದಸನ್ದೋಹ ಸುನ್ದರಶರೀರಪ್ರಭೇ । ಜಯ ಜಯ ಮಹಾಕಾಲಿ ಕಾಲನಾಶಿನಿ ಸಮಯಚಕ್ರೇ ಮೇಲಾಪಕಾಶಿನಿ ಸಿದ್ಧಿಗಣಯೋಗಿನೀ ವೀರವಿದ್ಯಾಧರೀ ಜನನಿಕರ ಮುನಿಕುರುಮ್ಬಿನೀ ತುಮ್ಬಿನೀ ಕದಮ್ಬ ಕಿನ್ನರವಾರಾಧ್ಯಮಾನೇ ಕರಾಲೋ ವಿಧಾನೇ ಸಿದ್ಧಿಲಕ್ಷ್ಮೀಪ್ರದೇ ವಿರೂಪಾಕ್ಷಚಕ್ಷುಸಂವಾಸೇ ಆನನ್ದರಸದಾಯಿಕೇ ತ್ರಿಭುವನನಾಯಿಕೇ ಸ್ಫುರದನರ್ಘಮಣಿ ಮುಕ್ತಬಲೀಕಲಾಪಮಧ್ಯಸ್ಥಿತಾ ಚಕ್ಷುತ್ರವಾಭರಣ ಝಣಝಣಾಯಮಾನ ತರುವಲ್ಲರೀವಹಲ ಪ್ರಭಾ ಪಟಲ ಪಾಲೀಕೃತ ಸಕಲ ದಿಙ್ಮಣ್ಡಲ ಗಣ್ಡಸ್ಥಲೋಲ್ಲಸಿತ ರವಿಶಶಿಕುಣ್ಡಲೇ ಪೀತ ಕಠಿನ ಕುಚ ಕಲಶ ಯುಗಲಾನ್ತನುವಾಲಕುಲಿತ ನರ ಮುಣ್ಡಾವಲೀ ಮಣ್ಡಿತೇ, ಚಣ್ಡಿ ರುಧಿರಪಾನಪ್ರಮತ್ತೇ ಪ್ರೇತಕಲೋತ್ತಾಲ ವೇತಾಲ ಕರತಾಲಿಕಾ ತಾಡನ ತಾಣ್ಡವ ಪ್ರಮುಖಾ ನಟ ಡಾಕಿನೀ ಚಕ್ರ ಚಙ್ಕ್ರಮಣ ಚಕಿತವಿತಾಯ ಚಮತ್ಕಾರ ವಿಸ್ಫುರಿತ ಪಿಶಾಚ ಪ್ರಲಯ ಚಿತ್ಕಾರ ಧ್ವನಿ ಮುಖರಕನವೀರ ಶ್ಮಶಾನಾಧಿನಿವಾಸಿನೀ ರುದ್ರಸ್ಕನ್ಧಾಧಿರುಢೇ, ಷಡಾಧಾರಮಧ್ಯಾರವಿನ್ದ ಮನ್ದಿರೋದರಾಙ್ಕುಚೋನ್ನತ ಪ್ರಸೂತಜಗಾಮಮನಾಯಮಾನಕುಲ ಕುಣ್ಡಲಿನೀ ಶಕ್ತಿಪ್ರಭಾ ಪ್ರದೀಪಿಕಾ ಸಖಮನಾಸವಲೇರಿಗಮದಾಕಾಶ ಶಶಿಮಣ್ಡಲಾಮೃತಧಾರಾ ಪಯೋನಿಧಿಗಮನ ಮಾನಸೈರುದಿತ ಹಸೈರಖಿಲ ಸಾಧಕೈರವಿಭಾವ್ಯತೇ ಮಾತೃಕಾಚಕ್ರ ಸಮ್ಭಾವಿತೇ ಮೃಗಾಙ್ಕ ಕುಙ್ಕುಮಾಗುರು ಮೃಗಮದಾಙ್ಗರಾಗ ಪರಿಮಲವಾಸಿತಾವಾಸ ಮಣಿಮಣ್ಡಪೇ ಖಣ್ಡೇನ್ದು ಮಣ್ಡಿತೋರುಜಟಾಕಲಾಪಕಲಿತ ಕರವೀರೋದಾರ ಕರಹಾರ ಕನಕ ಕೇತಕೀ ನವಮಾಲಿಕಾ ತಾಲಿಕಾ ಮದಯನ್ತಿಕಾ ಮಾಧವೀ ವಿವಿಧ ಗನ್ಧಬನ್ಧುರ ಗನ್ಧವಾಹ ವಹದರುಣಸವನಾಚಲೇ ಧ್ಯಾನಾಕಾರ ಚಕಿತ ತ್ರಿನಯನಾಚಲೇ ಓಂ ಜಯ ಜಯ ಜಗಜ್ಜನನಿ ಜಯ ಜಯ ॥ ೧ ॥
ಖ್ಫ್ರೇಂ ಐಮ್ । ಜಯ ಜಯ ನವಾಕ್ಷರೀ ನವತ್ಯಧಿಕಶತಾಕ್ಷರ ಮನ್ತ್ರಮಾಲಾಧಿದೈವತೇ ಕಾಲಿ ಕಾತ್ಯಾಯನಿ ಕಪಾಲಿನಿ ನರರುಧಿರವಶಾಪಿಶಿತ ಪರಿಪೂರ್ಣ ಕಪಾಲ ಕರವಾಲ ತ್ರಿಶೂಲ ಖಟ್ವಾಙ್ಗ ಘಣ್ಟಾ ಮುಣ್ಡ ಪಾಶಾಙ್ಕುಶ ವರಾಽಭಯ ಶೋಭಿತಕರೇ ಸುಕರೇ ಬದ್ಧವೀರಾಸನೇ ಸಿದ್ಧೇಶ್ವರಿ ಸಿದ್ಧವಿದ್ಯಾಧರೋರಗೇನ್ದ್ರಕಾ ಧ್ಯಾಯಮಾನಾಙ್ಘ್ರಿ ಲಯೇಶಾಮ್ಭವಾವೇಶ ವಿಭವೇ ದೇವದೇವಿ ಮಹಾದೇವಿ ಅನಾಖ್ಯೇ ಉಮಾಖ್ಯೇ ಸದಾಪೂರ್ಣಿಮಾರಖ್ಯೇ ಲಸತ್ತಾರಕಾಖ್ಯೇ ಅಕಾರಾಕ್ಷರದೋಸ್ಫುರದಮ್ಬರಾಕಾರೇ ಮಹಾವ್ಯೋಮ್ನಿ ವ್ಯೋಮವಾಮೇಶ್ವರೀ ಕುಣ್ಡಿಕೇ ಖೇಚರೀ ಗೋಚರೀ ದಿಕ್ಚರಿ ಶಾಮ್ಬರೀ ಶಕ್ತಿ ಚಕ್ರ ಕ್ರಿಯೇಚ್ಛಾಜ್ಞಾನರುಪ ಗುಣಾತೀತ ನಿತ್ಯಾಮೃತೇ ನಿತ್ಯಭೋಗಪ್ರದೇ ಸನ್ಧ್ಯಾವಸಾನಸಮಯೇ ಲಾಸ್ಯವಿಲಾಸೇ ಟಟಮಹಾನಟ ಜಟಾಜೂಟಾಪಗಾರಿ ರಸದಲಙ್ಕಾರ ಸಕಲಕಾವ್ಯಕಲಾಕಲಾಪ ವಹಲಧೀ ತ್ರಿಗುಣ ಪ್ರಬನ್ಧ ವಿವಿಧಬನ್ಧು ಸುನ್ದರ ಕವಿತಾ ಸಿದ್ಧಿದೇ ಋದ್ಧಿದೇ ಬುದ್ಧಿದೇ ಜ್ಞಾನದೇ ಮಾನದೇ ಶಾರದೇ ಷೋಡಶಾಕ್ಷರಾಧಿರೂಢ ಸಕಲಸಿದ್ಧಿ ಚತುರ್ವರ್ಗಫಲವಿಧಾಯಿನಿ ಪ್ರಣತಜನಹಿತಕಾರಿಣಿ
ಜಯ ಜಯ ಜಗದಮ್ಬ ಪ್ರತ್ಯಙ್ಗಿರೇ ಖ್ಫ್ರೇಂ ಐಂ ಓಮ್ ॥ ೨ ॥
ಜಯ ಜಯ ಜಗದಮ್ಬ ಪ್ರತ್ಯಙ್ಗಿರೇ ಖ್ಫ್ರೇಂ ಐಂ ಓಮ್ ॥ ೨ ॥
ಫಲಶ್ರುತಿ
ಮಮ ಸಕಲದುರಿತಾನಪನುದ ಅಪನುದ ಜಯ ಜಯ ಪ್ರತ್ಯಙ್ಗಿರೇ ಜಯ ಜಯ ಜಯ ಹೇ ಐಂ ಓಂ ಹ್ರೀಂ ಶ್ರೀಂ ಕ್ಲೀಂ ಖ್ಫ್ರೇಂ ಓಂ ॥ ೩ ॥
ಇತಿ ಶ್ರೀ ಪ್ರತ್ಯಙ್ಗಿರಾ ದಣ್ಡಕಮ್ ಸಮ್ಪೂರ್ಣಮ್ ॥