॥ ശ്രീ പ്രത്യങ്ഗിരാ ദണ്ഡകമ് ॥
ഓം നമഃ പ്രത്യങ്ഗിരായൈ ॥
പ്രാര്ഥനാ
നിവസതി കരവീരേ സര്വദാ യാ ശ്മശാനേ
വിനതജനഹിതായ പ്രേതരൂഢേ മഹേശി ।
ഹിമകര ഹിമശുഭ്രാം പഞ്ചവക്ത്രാം ത്വമാദ്യാം
ദിശതു ദശഭുജായാ സാ ശ്രിയം സിദ്ധിലക്ഷ്മീഃ ॥
വിനതജനഹിതായ പ്രേതരൂഢേ മഹേശി ।
ഹിമകര ഹിമശുഭ്രാം പഞ്ചവക്ത്രാം ത്വമാദ്യാം
ദിശതു ദശഭുജായാ സാ ശ്രിയം സിദ്ധിലക്ഷ്മീഃ ॥
ദണ്ഡകമ്
ഐം ഖ്ഫ്രേമ് । ജയ ജയ ജഗദമ്ബ പ്രണത ഹരിഹരഹിരണ്യഗര്ഭ പ്രമുഖ സുരമുകുട മന്ദാരമാലാ പരിമലദതിപടല വാചാല ചരണ പുണ്ഡരീകേഷു പുണ്ഡരീകാക്ഷ പ്രമുഖ കര കമ്ബു വിമല മന്ദാകിനീ ശരദേന്ദു കുന്ദാരവിന്ദസന്ദോഹ സുന്ദരശരീരപ്രഭേ । ജയ ജയ മഹാകാലി കാലനാശിനി സമയചക്രേ മേലാപകാശിനി സിദ്ധിഗണയോഗിനീ വീരവിദ്യാധരീ ജനനികര മുനികുരുമ്ബിനീ തുമ്ബിനീ കദമ്ബ കിന്നരവാരാധ്യമാനേ കരാലോ വിധാനേ സിദ്ധിലക്ഷ്മീപ്രദേ വിരൂപാക്ഷചക്ഷുസംവാസേ ആനന്ദരസദായികേ ത്രിഭുവനനായികേ സ്ഫുരദനര്ഘമണി മുക്തബലീകലാപമധ്യസ്ഥിതാ ചക്ഷുത്രവാഭരണ ഝണഝണായമാന തരുവല്ലരീവഹല പ്രഭാ പടല പാലീകൃത സകല ദിങ്മണ്ഡല ഗണ്ഡസ്ഥലോല്ലസിത രവിശശികുണ്ഡലേ പീത കഠിന കുച കലശ യുഗലാന്തനുവാലകുലിത നര മുണ്ഡാവലീ മണ്ഡിതേ, ചണ്ഡി രുധിരപാനപ്രമത്തേ പ്രേതകലോത്താല വേതാല കരതാലികാ താഡന താണ്ഡവ പ്രമുഖാ നട ഡാകിനീ ചക്ര ചങ്ക്രമണ ചകിതവിതായ ചമത്കാര വിസ്ഫുരിത പിശാച പ്രലയ ചിത്കാര ധ്വനി മുഖരകനവീര ശ്മശാനാധിനിവാസിനീ രുദ്രസ്കന്ധാധിരുഢേ, ഷഡാധാരമധ്യാരവിന്ദ മന്ദിരോദരാങ്കുചോന്നത പ്രസൂതജഗാമമനായമാനകുല കുണ്ഡലിനീ ശക്തിപ്രഭാ പ്രദീപികാ സഖമനാസവലേരിഗമദാകാശ ശശിമണ്ഡലാമൃതധാരാ പയോനിധിഗമന മാനസൈരുദിത ഹസൈരഖില സാധകൈരവിഭാവ്യതേ മാതൃകാചക്ര സമ്ഭാവിതേ മൃഗാങ്ക കുങ്കുമാഗുരു മൃഗമദാങ്ഗരാഗ പരിമലവാസിതാവാസ മണിമണ്ഡപേ ഖണ്ഡേന്ദു മണ്ഡിതോരുജടാകലാപകലിത കരവീരോദാര കരഹാര കനക കേതകീ നവമാലികാ താലികാ മദയന്തികാ മാധവീ വിവിധ ഗന്ധബന്ധുര ഗന്ധവാഹ വഹദരുണസവനാചലേ ധ്യാനാകാര ചകിത ത്രിനയനാചലേ ഓം ജയ ജയ ജഗജ്ജനനി ജയ ജയ ॥ ൧ ॥
ഖ്ഫ്രേം ഐമ് । ജയ ജയ നവാക്ഷരീ നവത്യധികശതാക്ഷര മന്ത്രമാലാധിദൈവതേ കാലി കാത്യായനി കപാലിനി നരരുധിരവശാപിശിത പരിപൂര്ണ കപാല കരവാല ത്രിശൂല ഖട്വാങ്ഗ ഘണ്ടാ മുണ്ഡ പാശാങ്കുശ വരാഽഭയ ശോഭിതകരേ സുകരേ ബദ്ധവീരാസനേ സിദ്ധേശ്വരി സിദ്ധവിദ്യാധരോരഗേന്ദ്രകാ ധ്യായമാനാങ്ഘ്രി ലയേശാമ്ഭവാവേശ വിഭവേ ദേവദേവി മഹാദേവി അനാഖ്യേ ഉമാഖ്യേ സദാപൂര്ണിമാരഖ്യേ ലസത്താരകാഖ്യേ അകാരാക്ഷരദോസ്ഫുരദമ്ബരാകാരേ മഹാവ്യോമ്നി വ്യോമവാമേശ്വരീ കുണ്ഡികേ ഖേചരീ ഗോചരീ ദിക്ചരി ശാമ്ബരീ ശക്തി ചക്ര ക്രിയേച്ഛാജ്ഞാനരുപ ഗുണാതീത നിത്യാമൃതേ നിത്യഭോഗപ്രദേ സന്ധ്യാവസാനസമയേ ലാസ്യവിലാസേ ടടമഹാനട ജടാജൂടാപഗാരി രസദലങ്കാര സകലകാവ്യകലാകലാപ വഹലധീ ത്രിഗുണ പ്രബന്ധ വിവിധബന്ധു സുന്ദര കവിതാ സിദ്ധിദേ ഋദ്ധിദേ ബുദ്ധിദേ ജ്ഞാനദേ മാനദേ ശാരദേ ഷോഡശാക്ഷരാധിരൂഢ സകലസിദ്ധി ചതുര്വര്ഗഫലവിധായിനി പ്രണതജനഹിതകാരിണി
ജയ ജയ ജഗദമ്ബ പ്രത്യങ്ഗിരേ ഖ്ഫ്രേം ഐം ഓമ് ॥ ൨ ॥
ജയ ജയ ജഗദമ്ബ പ്രത്യങ്ഗിരേ ഖ്ഫ്രേം ഐം ഓമ് ॥ ൨ ॥
ഫലശ്രുതി
മമ സകലദുരിതാനപനുദ അപനുദ ജയ ജയ പ്രത്യങ്ഗിരേ ജയ ജയ ജയ ഹേ ഐം ഓം ഹ്രീം ശ്രീം ക്ലീം ഖ്ഫ്രേം ഓം ॥ ൩ ॥
ഇതി ശ്രീ പ്രത്യങ്ഗിരാ ദണ്ഡകമ് സമ്പൂര്ണമ് ॥