॥ ಶ್ರೀ ಪ್ರತ್ಯಙ್ಗಿರಾ ಕವಚಮ್ (ಜಗನ್ಮಙ್ಗಲಕಮ್) ॥
(ಶ್ರೀಮಹಾಲಕ್ಷ್ಮೀ ತನ್ತ್ರಮ್)
ಶ್ರೀದೇವ್ಯುವಾಚ
ದೇವ ದೇವ ಮಹಾದೇವ ಸರ್ವಜ್ಞ ಕರುಣಾನಿಧೇ ।
ಪ್ರತ್ಯಙ್ಗಿರಾಯಾಃ ಕವಚಂ ಸರ್ವರಕ್ಷಾಕರಂ ನೃಣಾಮ್ ॥ ೧ ॥
ಪ್ರತ್ಯಙ್ಗಿರಾಯಾಃ ಕವಚಂ ಸರ್ವರಕ್ಷಾಕರಂ ನೃಣಾಮ್ ॥ ೧ ॥
ಜಗನ್ಮಙ್ಗಲಕಂ ನಾಮ ಪ್ರಸಿದ್ಧಂ ಭುವನತ್ರಯೇ ।
ಸರ್ವರಕ್ಷಾಕರಂ ನೄಣಾಂ ರಹಸ್ಯಮಪಿ ತದ್ವದ ॥ ೨ ॥
ಸರ್ವರಕ್ಷಾಕರಂ ನೄಣಾಂ ರಹಸ್ಯಮಪಿ ತದ್ವದ ॥ ೨ ॥
ಶ್ರೀಶಿವ ಉವಾಚ
ಶೃಣು ಕಲ್ಯಾಣಿ ವಕ್ಷ್ಯಾಮಿ ಕವಚಂ ಶತ್ರುನಿಗ್ರಹಮ್ ।
ಪರಪ್ರೇಷಿತಕೃತ್ಯಾದಿ ತನ್ತ್ರಶಲ್ಯಾದಿಭಕ್ಷಣಮ್ ॥ ೩ ॥
ಪರಪ್ರೇಷಿತಕೃತ್ಯಾದಿ ತನ್ತ್ರಶಲ್ಯಾದಿಭಕ್ಷಣಮ್ ॥ ೩ ॥
ಮಹಾಭಿಚಾರಶಮನಂ ಸರ್ವಕಾರ್ಯಪ್ರದಂ ನೃಣಾಮ್ ।
ಪರಸೇನಾಸಮೂಹೇ ಚ ರಾಜ್ಞಾಮುದ್ದಿಶ್ಯ ಮಣ್ಡಲಾತ್ ॥ ೪ ॥
ಪರಸೇನಾಸಮೂಹೇ ಚ ರಾಜ್ಞಾಮುದ್ದಿಶ್ಯ ಮಣ್ಡಲಾತ್ ॥ ೪ ॥
ಜಪಮಾತ್ರೇಣ ದೇವೇಶಿ ಸಮ್ಯಗುಚ್ಚಾಟನಂ ಭವೇತ್ ।
ಸರ್ವತನ್ತ್ರಪ್ರಶಮನಂ ಕಾರಾಗೃಹವಿಮೋಚನಮ್ ॥ ೫ ॥
ಸರ್ವತನ್ತ್ರಪ್ರಶಮನಂ ಕಾರಾಗೃಹವಿಮೋಚನಮ್ ॥ ೫ ॥
ಕ್ಷಯಾಪಸ್ಮಾರಕುಷ್ಠಾದಿ ತಾಪಜ್ವರನಿವಾರಣಮ್ ।
ಪುತ್ರದಂ ಧನದಂ ಶ್ರೀದಂ ಪುಣ್ಯದಂ ಪಾಪನಾಶನಮ್ ॥ ೬ ॥
ಪುತ್ರದಂ ಧನದಂ ಶ್ರೀದಂ ಪುಣ್ಯದಂ ಪಾಪನಾಶನಮ್ ॥ ೬ ॥
ವಶ್ಯಪ್ರದಂ ಮಹಾರಾಜ್ಞಾಂ ವಿಶೇಷಾಚ್ಛತ್ರುನಾಶನಮ್ ।
ಸರ್ವರಕ್ಷಾಕರಂ ಶೂನ್ಯಗ್ರಹಪೀಡಾವಿನಾಶನಮ್ ॥ ೭ ॥
ಸರ್ವರಕ್ಷಾಕರಂ ಶೂನ್ಯಗ್ರಹಪೀಡಾವಿನಾಶನಮ್ ॥ ೭ ॥
ಬಿನ್ದುತ್ರಿಕೋಣಂ ತ್ವಥ ಪಞ್ಚಕೋಣಂ
ದಲಾಷ್ಟಕಂ ಷೋಡಶಪತ್ರಯುಕ್ತಮ್ ।
ಮಹೀಪುರೇಣಾವೃತಮಮ್ಬುಜಾಕ್ಷೀ
ಲಿಖೇನ್ಮನೋರಞ್ಜನಮಗ್ರತೋಪಿ ॥ ೮ ॥
ದಲಾಷ್ಟಕಂ ಷೋಡಶಪತ್ರಯುಕ್ತಮ್ ।
ಮಹೀಪುರೇಣಾವೃತಮಮ್ಬುಜಾಕ್ಷೀ
ಲಿಖೇನ್ಮನೋರಞ್ಜನಮಗ್ರತೋಪಿ ॥ ೮ ॥
ಮಹೀಪುರಾತ್ವೂರ್ವಮೇವ ದ್ವಾತ್ರಿಂಶತ್ಪತ್ರಮಾಲಿಖೇತ್ ।
ಅನ್ತರೇ ಭೂಪುರಂ ಲೇಖ್ಯಂ ಕೋಣಾಗ್ರೇ ಕ್ಷಾಂ ಸಮಾಲಿಖೇತ್ ॥ ೯ ॥
ಅನ್ತರೇ ಭೂಪುರಂ ಲೇಖ್ಯಂ ಕೋಣಾಗ್ರೇ ಕ್ಷಾಂ ಸಮಾಲಿಖೇತ್ ॥ ೯ ॥
ಭದ್ರಕಾಲೀಮನುಂ ಲೇಖ್ಯಂ ಮನ್ತ್ರಂ ಪ್ರತ್ಯಙ್ಗಿರಾತ್ಮಕಮ್ ।
ಭದ್ರಕಾಲ್ಯುಕ್ತಮಾರ್ಗೇಣ ಪೂಜ್ಯಾಂ ಪ್ರತ್ಯಙ್ಗಿರಾಂ ಶಿವಾಮ್ ॥ ೧೦ ॥
ಭದ್ರಕಾಲ್ಯುಕ್ತಮಾರ್ಗೇಣ ಪೂಜ್ಯಾಂ ಪ್ರತ್ಯಙ್ಗಿರಾಂ ಶಿವಾಮ್ ॥ ೧೦ ॥
ರಕ್ತಪುಷ್ಪೈಃ ಸಮಭ್ಯರ್ಚ್ಯ ಕವಚಂ ಜಪಮಾಚರೇತ್ ।
ಸಕೃತ್ಪಠನಮಾತ್ರೇಣ ಸರ್ವಶತ್ರೂನ್ ವಿನಾಶಯೇತ್ ॥ ೧೧ ॥
ಸಕೃತ್ಪಠನಮಾತ್ರೇಣ ಸರ್ವಶತ್ರೂನ್ ವಿನಾಶಯೇತ್ ॥ ೧೧ ॥
ಶತ್ರವಶ್ಚ ಪಲಾಯಂ ತೇ ತಸ್ಯ ದರ್ಶನಮಾತ್ರತಃ ।
ಮಾಸಮಾತ್ರಂ ಜಪೇದ್ದೇವಿ ಸರ್ವಶತ್ರೂನ್ ವಿನಾಶಯೇತ್ ॥ ೧೨ ॥
ಮಾಸಮಾತ್ರಂ ಜಪೇದ್ದೇವಿ ಸರ್ವಶತ್ರೂನ್ ವಿನಾಶಯೇತ್ ॥ ೧೨ ॥
ಅಥ ಕವಚಮ್
ಯಾಂ ಕಲ್ಪಯನ್ತೀ ಪ್ರದಿಶಂ ರಕ್ಷೇತ್ಕಾಲೀ ತ್ವಥರ್ವಣೀ ।
ರಕ್ಷೇತ್ಕರಾಲಾತ್ವಾಗ್ನೇಯ್ಯಾಂ ಸದಾ ಮಾಂ ಸಿಂಹವಾಹಿನೀ ॥ ೧೩ ॥
ರಕ್ಷೇತ್ಕರಾಲಾತ್ವಾಗ್ನೇಯ್ಯಾಂ ಸದಾ ಮಾಂ ಸಿಂಹವಾಹಿನೀ ॥ ೧೩ ॥
ಯಾಮ್ಯಾಂ ದಿಶಂ ಸದಾ ರಕ್ಷೇತ್ಕಕ್ಷಜ್ವಾಲಾಸ್ವರೂಪಿಣೀ ।
ನೈರೃತ್ಯಾಂ ರಕ್ಷತು ಸದಾ ಮಾಸ್ಮಾನೃಚ್ಛೋ ಅನಾಗಸಃ ॥ ೧೪ ॥
ನೈರೃತ್ಯಾಂ ರಕ್ಷತು ಸದಾ ಮಾಸ್ಮಾನೃಚ್ಛೋ ಅನಾಗಸಃ ॥ ೧೪ ॥
ವಾರುಣ್ಯಾಂ ರಕ್ಷತು ಮಮ ಪ್ರಜಾಂ ಚ ಪುರುಷಾರ್ಥಿನೀ ।
ವಾಯವ್ಯಂ ರಕ್ಷಾತು ಸದಾ ಯಾತುಧಾನ್ಯೋ ಮಮಾಖಿಲಾಃ ॥ ೧೫ ॥
ವಾಯವ್ಯಂ ರಕ್ಷಾತು ಸದಾ ಯಾತುಧಾನ್ಯೋ ಮಮಾಖಿಲಾಃ ॥ ೧೫ ॥
ದಂಷ್ಟ್ರಾಕರಾಲವದನಾ ಕೌಬೇರ್ಯಾಂ ಬಡಬನಲಾ ।
ಈಶಾನ್ಯಾಂ ಮೇ ಸದಾ ರಕ್ಷೇದ್ವೀರಾಂಶ್ಚಾನ್ಯಾನ್ನಿಬರ್ಹಯ ॥ ೧೬ ॥
ಈಶಾನ್ಯಾಂ ಮೇ ಸದಾ ರಕ್ಷೇದ್ವೀರಾಂಶ್ಚಾನ್ಯಾನ್ನಿಬರ್ಹಯ ॥ ೧೬ ॥
ಉಗ್ರಾ ರಕ್ಷೇದಧೋಭಾಗೇ ಮಾಯಾಮನ್ತ್ರಸ್ವರೂಪಿಣೀ ।
ಊರ್ಧ್ವಂ ಕಪಾಲಿನೀ ರಕ್ಷೇತ್ ಕ್ಷಂ ಹ್ರೀಂ ಹುಂ ಫಟ್ ಸ್ವರೂಪಿಣೀ ॥ ೧೭ ॥
ಊರ್ಧ್ವಂ ಕಪಾಲಿನೀ ರಕ್ಷೇತ್ ಕ್ಷಂ ಹ್ರೀಂ ಹುಂ ಫಟ್ ಸ್ವರೂಪಿಣೀ ॥ ೧೭ ॥
ಅಧೋ ಮೇ ವಿದಶಂ ರಕ್ಷೇತ್ಕುರುಕುಲ್ಲಾ ಕಪಾಲಿನೀ ।
ವಿಪ್ರಚಿತ್ತಾ ಸದಾ ರಕ್ಷೇತ್ ದಿವಾರಾತ್ರಂ ವಿರೋಧಿನೀ ॥ ೧೮ ॥
ವಿಪ್ರಚಿತ್ತಾ ಸದಾ ರಕ್ಷೇತ್ ದಿವಾರಾತ್ರಂ ವಿರೋಧಿನೀ ॥ ೧೮ ॥
ಕುರುಕುಲ್ಲಾ ತು ಮೇ ಪುತ್ರಾನ್ ಬಾನ್ಧವಾನುಗ್ರರೂಪಿಣೀ ।
ಪ್ರಭಾದೀಪ್ತ ಗೃಹಾ ರಕ್ಷೇತ್ ಮಾತಾಪುತ್ರಾನ್ ಸಮಾತೃಕಾನ್ ॥ ೧೯ ॥
ಪ್ರಭಾದೀಪ್ತ ಗೃಹಾ ರಕ್ಷೇತ್ ಮಾತಾಪುತ್ರಾನ್ ಸಮಾತೃಕಾನ್ ॥ ೧೯ ॥
ಸ್ವಭೃತ್ಯಾನ್ ಮೇ ಸದಾ ರಕ್ಷೇತ್ಪಾಯಾತ್ ಸಾ ಮೇ ಪಶೂನ್ ಸದಾ ।
ಅಜಿತಾ ಮೇ ಸದಾ ರಕ್ಷೇದಪರಾಜಿತ ಕಾಮದಾ ॥ ೨೦ ॥
ಅಜಿತಾ ಮೇ ಸದಾ ರಕ್ಷೇದಪರಾಜಿತ ಕಾಮದಾ ॥ ೨೦ ॥
ಕೃತ್ಯಾ ರಕ್ಷೇತ್ಸದಾಪ್ರಾಣಾನ್ ತ್ರಿನೇತ್ರಾ ಕಾಲರಾತ್ರಿಕಾ ।
ಫಾಲಂ ಪಾತು ಮಹಾಕ್ರೂರಾ ಪಿಙ್ಗಕೇಶೀ ಶಿರೋರುಹಾನ್ ॥ ೨೧ ॥
ಫಾಲಂ ಪಾತು ಮಹಾಕ್ರೂರಾ ಪಿಙ್ಗಕೇಶೀ ಶಿರೋರುಹಾನ್ ॥ ೨೧ ॥
ಭ್ರುವೌ ಮೇ ಕ್ರೂರವದನಾ ಪಾಯಾಚ್ಚಣ್ಡೀ ಪ್ರಚಣ್ಡಿಕಾ ।
ಶ್ರೋತ್ರಯೋರ್ಯುಗಲಂ ಪಾತು ತದಾ ಮೇ ಶಙ್ಖಕುಣ್ಡಲಾ ॥ ೨೨ ॥
ಶ್ರೋತ್ರಯೋರ್ಯುಗಲಂ ಪಾತು ತದಾ ಮೇ ಶಙ್ಖಕುಣ್ಡಲಾ ॥ ೨೨ ॥
ಪ್ರೇತಚಿತ್ಯಾಸನಾ ದೇವೀ ಪಾಯಾನ್ನೇತ್ರಯುಗ್ಮಂ ಮಮ ।
ಮಮ ನಾಸಾಪುಟದ್ವನ್ದ್ವಂ ಬ್ರಹ್ಮರೋಚಿಷ್ಣ್ವಮಿತ್ರಹಾ ॥ ೨೩ ॥
ಮಮ ನಾಸಾಪುಟದ್ವನ್ದ್ವಂ ಬ್ರಹ್ಮರೋಚಿಷ್ಣ್ವಮಿತ್ರಹಾ ॥ ೨೩ ॥
ಕಪೋಲಂ ಮೇ ಸದಾ ಪಾತು ಭೃಗವಶ್ಚಾಪ ಸೇಧಿರೇ ।
ಊರ್ಧ್ವೋಷ್ಠಂ ತು ಸದಾ ಪಾತು ರಥಸ್ಯೇವ ವಿಭುರ್ಧಿಯಾ ॥ ೨೪ ॥
ಊರ್ಧ್ವೋಷ್ಠಂ ತು ಸದಾ ಪಾತು ರಥಸ್ಯೇವ ವಿಭುರ್ಧಿಯಾ ॥ ೨೪ ॥
ಅಧರೋಷ್ಠಂ ಸದಾ ಪಾತು ಆಜ್ಞಾತಸ್ತೇ ವಶೋ ಜನಃ ।
ದನ್ತಪಙ್ಕ್ತಿದ್ವಯಂ ಪಾತು ಬ್ರಹ್ಮರೂಪಾ ಕರಾಲಿನೀ ॥ ೨೫ ॥
ದನ್ತಪಙ್ಕ್ತಿದ್ವಯಂ ಪಾತು ಬ್ರಹ್ಮರೂಪಾ ಕರಾಲಿನೀ ॥ ೨೫ ॥
ವಾಚಂ ವಾಗೀಶ್ವರೀ ರಕ್ಷೇದ್ರಸನಾಂ ಜನನೀ ಮಮ ।
ಚುಬುಕಂ ಪಾತು ಮೇನ್ದ್ರಾಣೀ ತನೂಂ ಋಚ್ಛಸ್ವ ಹೇಲಿಕಾ ॥ ೨೬ ॥
ಚುಬುಕಂ ಪಾತು ಮೇನ್ದ್ರಾಣೀ ತನೂಂ ಋಚ್ಛಸ್ವ ಹೇಲಿಕಾ ॥ ೨೬ ॥
ಕರ್ಣಸ್ಥಾನಂ ಮಮ ಸದಾ ರಕ್ಷತಾಂ ಕಮ್ಬುಕನ್ಧರಾ ।
ಕಣ್ಠಧ್ವನಿಂ ಸದಾ ಪಾತು ನಾದಬ್ರಹ್ಮಮಯೀ ಮಮ ॥ ೨೭ ॥
ಕಣ್ಠಧ್ವನಿಂ ಸದಾ ಪಾತು ನಾದಬ್ರಹ್ಮಮಯೀ ಮಮ ॥ ೨೭ ॥
ಜಠರಂ ಮೇಙ್ಗಿರಃ ಪುತ್ರೀ ಮೇ ವಕ್ಷಃ ಪಾತು ಕಾಞ್ಚನೀ ।
ಪಾತು ಮೇ ಭುಜಯೋರ್ಮೂಲಂ ಜಾತವೇದಸ್ವರೂಪಿಣೀ ॥ ೨೮ ॥
ಪಾತು ಮೇ ಭುಜಯೋರ್ಮೂಲಂ ಜಾತವೇದಸ್ವರೂಪಿಣೀ ॥ ೨೮ ॥
ದಕ್ಷಿಣಂ ಮೇ ಭುಜಂ ಪಾತು ಸತತಂ ಕಾಲರಾತ್ರಿಕಾ ।
ವಾಮಂ ಭುಜಂ ವಾಮಕೇಶೀ ಪರಾಯನ್ತೀ ಪರಾವತೀ ॥ ೨೯ ॥
ವಾಮಂ ಭುಜಂ ವಾಮಕೇಶೀ ಪರಾಯನ್ತೀ ಪರಾವತೀ ॥ ೨೯ ॥
ಪಾತು ಮೇ ಕೂರ್ಪರದ್ವನ್ದ್ವಂ ಮನಸ್ತತ್ವಾಭಿಧಾ ಸತೀ ।
ವಾಚಂ ವಾಗೀಶ್ವರೀ ರಕ್ಷೇದ್ರಸನಾಂ ಜನನೀ ಮಮ ॥ ೩೦ ॥
ವಾಚಂ ವಾಗೀಶ್ವರೀ ರಕ್ಷೇದ್ರಸನಾಂ ಜನನೀ ಮಮ ॥ ೩೦ ॥
ವಜ್ರೇಶ್ವರೀ ಸದಾ ಪಾತು ಪ್ರಕೋಷ್ಠಯುಗಲಂ ಮಮ ।
ಮಣಿದ್ವಯಂ ಸದಾ ಪಾತು ಧೂಮ್ರಾ ಶತ್ರುಜಿಘಾಂಸಯಾ ॥ ೩೧ ॥
ಮಣಿದ್ವಯಂ ಸದಾ ಪಾತು ಧೂಮ್ರಾ ಶತ್ರುಜಿಘಾಂಸಯಾ ॥ ೩೧ ॥
ಪಾಯಾತ್ಕರತಲದ್ವನ್ದ್ವಂ ಕದಮ್ಬವನವಾಸಿನೀ ।
ವಾಮಪಾಣ್ಯಙ್ಗುಲೀ ಪಾತು ಹಿನಸ್ತಿ ಪರಶಾಸನಮ್ ॥ ೩೨ ॥
ವಾಮಪಾಣ್ಯಙ್ಗುಲೀ ಪಾತು ಹಿನಸ್ತಿ ಪರಶಾಸನಮ್ ॥ ೩೨ ॥
ಸವ್ಯಪಾಣ್ಯಙ್ಗುಲೀ ಪಾತು ಯದವೈಷಿ ಚತುಷ್ಪದೀ ।
ನಾಭಿಂ ನಿತ್ಯಾ ಸದಾ ಪಾತು ಜ್ವಾಲಾಭೈರವರೂಪಿಣೀ ॥ ೩೩ ॥
ನಾಭಿಂ ನಿತ್ಯಾ ಸದಾ ಪಾತು ಜ್ವಾಲಾಭೈರವರೂಪಿಣೀ ॥ ೩೩ ॥
ಪಞ್ಚಾಸ್ಯಪೀಠನಿಲಯಾ ಪಾತು ಮೇ ಪಾರ್ಶ್ವಯೋರ್ಯುಗಮ್ ।
ಪೃಷ್ಠಂ ಪ್ರಜ್ಞೇಶ್ವರೀ ಪಾತು ಕಟಿಂ ಪೃಥುನಿತಮ್ಬಿನೀ ॥ ೩೪ ॥
ಪೃಷ್ಠಂ ಪ್ರಜ್ಞೇಶ್ವರೀ ಪಾತು ಕಟಿಂ ಪೃಥುನಿತಮ್ಬಿನೀ ॥ ೩೪ ॥
ಗುಹ್ಯಮಾನನ್ದರೂಪಾವ್ಯಾದಣ್ಡಂ ಬ್ರಹ್ಮಾಣ್ಡನಾಯಕೀ ।
ಪಾಯಾನ್ಮಮ ಗುದಸ್ಥಾನಮಿನ್ದುಮೌಲಿಮನಃ ಶುಭಾ ॥ ೩೫ ॥
ಪಾಯಾನ್ಮಮ ಗುದಸ್ಥಾನಮಿನ್ದುಮೌಲಿಮನಃ ಶುಭಾ ॥ ೩೫ ॥
ಬೀಜಂ ಮಮ ಸದಾ ಪಾತು ದುರ್ಗಾ ದುರ್ಗಾರ್ತಿಹಾರಿಣೀ ।
ಊರೂ ಮೇ ಪಾತು ಕ್ಷಾನ್ತಾತ್ಮಾ ತ್ವಂ ಪ್ರತ್ಯಸ್ಯ ಸ್ವಮೃತ್ಯವೇ ॥ ೩೬ ॥
ಊರೂ ಮೇ ಪಾತು ಕ್ಷಾನ್ತಾತ್ಮಾ ತ್ವಂ ಪ್ರತ್ಯಸ್ಯ ಸ್ವಮೃತ್ಯವೇ ॥ ೩೬ ॥
ವನದುರ್ಗಾ ಸದಾ ಪಾತು ಜಾನುನೀ ವನವಾಸಿನೀ ।
ಜಙ್ಘಿಕಾಣ್ಡದ್ವಯಂ ಪಾತು ಯಶ್ಚಜಾಮೀಶ ಪಾತು ನಃ ॥ ೩೭ ॥
ಜಙ್ಘಿಕಾಣ್ಡದ್ವಯಂ ಪಾತು ಯಶ್ಚಜಾಮೀಶ ಪಾತು ನಃ ॥ ೩೭ ॥
ಗುಲ್ಫಯೋರ್ಯುಗಲಂ ಪಾತು ಯೋಽಸ್ಮಾನ್ದ್ವೇಷ್ಟಿ ವಧಸ್ವ ತಮ್ ।
ಪದದ್ವನ್ದ್ವಂ ಸದಾವ್ಯಾನ್ಮೇ ಪದಾವಿಸ್ಫಾರ್ಯ ತಚ್ಛಿರಃ ॥ ೩೮ ॥
ಪದದ್ವನ್ದ್ವಂ ಸದಾವ್ಯಾನ್ಮೇ ಪದಾವಿಸ್ಫಾರ್ಯ ತಚ್ಛಿರಃ ॥ ೩೮ ॥
ಅಭಿಪ್ರೇಹಿ ಸಹಸ್ರಾಕ್ಷಂ ಪಾದಯೋರ್ಯುಗಲಂ ಮಮ ।
ಪಾಯಾನ್ಮಮ ಪದದ್ವನ್ದ್ವಂ ದಹನ್ನಗ್ನಿರಿವ ಹ್ರದಮ್ ॥ ೩೯ ॥
ಪಾಯಾನ್ಮಮ ಪದದ್ವನ್ದ್ವಂ ದಹನ್ನಗ್ನಿರಿವ ಹ್ರದಮ್ ॥ ೩೯ ॥
ಸರ್ವಾಙ್ಗಂ ಸರ್ವದಾ ಪಾತು ಸರ್ವಪ್ರಕೃತಿರೂಪಿಣೀ ।
ಮನ್ತ್ರಂ ಪ್ರತ್ಯಙ್ಗಿರಾ ದೇವೀ ಕೃತ್ಯಾಶ್ಚ ಸಹೃದೋ ಸುಹೃತ್ ॥ ೪೦ ॥
ಮನ್ತ್ರಂ ಪ್ರತ್ಯಙ್ಗಿರಾ ದೇವೀ ಕೃತ್ಯಾಶ್ಚ ಸಹೃದೋ ಸುಹೃತ್ ॥ ೪೦ ॥
ಪರಾಭಿಚಾರಕೃತ್ಯಾತ್ಮ ಸಮಿದ್ಧಂ ಜಾತವೇದಸಮ್ ।
ಪರಪ್ರೇಷಿತಶಲ್ಯಾತ್ಮೇ ತಮಿತೋ ನಾಶಯಾಮಸಿ ॥ ೪೧ ॥
ಪರಪ್ರೇಷಿತಶಲ್ಯಾತ್ಮೇ ತಮಿತೋ ನಾಶಯಾಮಸಿ ॥ ೪೧ ॥
ವೃಕ್ಷಾದಿ ಪ್ರತಿರೂಪಾತ್ಮಾ ಶಿವಂ ದಕ್ಷಿಣತಃ ಕೃಧಿ ।
ಅಭಯಂ ಸತತಂ ಪಶ್ಚಾದ್ಭದ್ರಮುತ್ತರತೋ ಗೃಹೇ ॥ ೪೨ ॥
ಅಭಯಂ ಸತತಂ ಪಶ್ಚಾದ್ಭದ್ರಮುತ್ತರತೋ ಗೃಹೇ ॥ ೪೨ ॥
ಭೂತಪ್ರೇತಪಿಶಾಚಾದ್ಯಾನ್ ಪ್ರೇಷಿತಾನ್ ಜಹಿ ಮಾಂ ಪ್ರತಿ ।
ಭೂತಪ್ರೇತಪಿಶಾಚಾದಿ ಪರತನ್ತ್ರವಿನಾಶಿನೀ ॥ ೪೩ ॥
ಭೂತಪ್ರೇತಪಿಶಾಚಾದಿ ಪರತನ್ತ್ರವಿನಾಶಿನೀ ॥ ೪೩ ॥
ಪರಾಭಿಚಾರಶಮನೀ ಧಾರಣಾತ್ಸರ್ವಸಿದ್ಧಿದಾಮ್ ।
ಭೂರ್ಜಪತ್ರೇ ಸ್ವರ್ಣಪತ್ರೇ ಲಿಖಿತ್ವಾ ಧಾರಯೇದ್ಯದಿ ॥ ೪೪ ॥
ಭೂರ್ಜಪತ್ರೇ ಸ್ವರ್ಣಪತ್ರೇ ಲಿಖಿತ್ವಾ ಧಾರಯೇದ್ಯದಿ ॥ ೪೪ ॥
ಸರ್ವಸಿದ್ಧಿಮವಾಪ್ನೋತಿ ಸರ್ವತ್ರ ವಿಜಯೀ ಭವೇತ್ ।
ಏಕಾವೃತ್ತಿಂ ಜಪೇದ್ದೇವಿ ಸರ್ವಋಗ್ಜಪದಾ ಭವೇತ್ ॥ ೪೫ ॥
ಏಕಾವೃತ್ತಿಂ ಜಪೇದ್ದೇವಿ ಸರ್ವಋಗ್ಜಪದಾ ಭವೇತ್ ॥ ೪೫ ॥
ಭದ್ರಕಾಲೀ ಪ್ರಸನ್ನಾಽಭೂದಭೀಷ್ಟಫಲದಾ ಭವೇತ್ ।
ಬನ್ದೀಗೃಹೇ ಸಪ್ತರಾತ್ರಂ ಚೋರದ್ರವ್ಯೇಽಷ್ಟರಾತ್ರಕಮ್ ॥ ೪೬ ॥
ಬನ್ದೀಗೃಹೇ ಸಪ್ತರಾತ್ರಂ ಚೋರದ್ರವ್ಯೇಽಷ್ಟರಾತ್ರಕಮ್ ॥ ೪೬ ॥
ಮಹಾಜ್ವರೇ ಸಪ್ತರಾತ್ರಂ ಉಚ್ಚಾಟೇ ಮಾಸಮಾತ್ರಕಮ್ ।
ಮಹಾವ್ಯಾಧಿನಿವೃತ್ತಿಃ ಸ್ಯಾನ್ಮಣ್ಡಲಂ ಜಪಮಾಚರೇತ್ ॥ ೪೭ ॥
ಮಹಾವ್ಯಾಧಿನಿವೃತ್ತಿಃ ಸ್ಯಾನ್ಮಣ್ಡಲಂ ಜಪಮಾಚರೇತ್ ॥ ೪೭ ॥
ಪುತ್ರಕಾರ್ಯೇ ಮಾಸಮಾತ್ರಂ ಮಹಾಶತ್ರುತ್ವಮಣ್ಡಲಾತ್ ।
ಯುದ್ಧಕಾರ್ಯೇ ಮಣ್ಡಲಂ ಸ್ಯಾದ್ಧಾರ್ಯಂ ಸರ್ವೇಷು ಕರ್ಮಸು ॥ ೪೮ ॥
ಯುದ್ಧಕಾರ್ಯೇ ಮಣ್ಡಲಂ ಸ್ಯಾದ್ಧಾರ್ಯಂ ಸರ್ವೇಷು ಕರ್ಮಸು ॥ ೪೮ ॥
ಅಸ್ಮಿನ್ಯಜ್ಞೇ ಸಮಾವಾಹ್ಯ ರಕ್ತಪುಷ್ಪೈಃ ಸಮರ್ಚಯೇತ್ ।
ನತ್ವಾ ನ ಕುರ್ತು ಮರ್ಹಾಸಿ ಇಷುರೂಪೇ ಗೃಹಾತ್ಸದಾ ॥ ೪೯ ॥
ನತ್ವಾ ನ ಕುರ್ತು ಮರ್ಹಾಸಿ ಇಷುರೂಪೇ ಗೃಹಾತ್ಸದಾ ॥ ೪೯ ॥
ಶಾಸ್ತಾಲಯೇ ಚತುಷ್ಪಥೇ ಸ್ವಗೃಹೇ ಗೇಹಲೀಸ್ಥಲೇ ।
ನಿಖನೇದ್ಯಂ ತ್ರಿಶಲ್ಯಾದಿ ತದರ್ಥಂ ಪ್ರಾಪಯಾಶುಮೇ ॥ ೫೦ ॥
ನಿಖನೇದ್ಯಂ ತ್ರಿಶಲ್ಯಾದಿ ತದರ್ಥಂ ಪ್ರಾಪಯಾಶುಮೇ ॥ ೫೦ ॥
ಮಾಸೋಚ್ಛಿಷ್ಟಶ್ಚ ದ್ವಿಪದಮೇತತ್ಕಿಞ್ಚಿಚ್ಚತುಷ್ಪದಮ್ ।
ಮಾಜ್ಞಾತಿರನುಜಾನಸ್ಯಾನ್ಮಾಸಾವೇಶಿ ಪ್ರವೇಶಿನಃ ॥ ೫೧ ॥
ಮಾಜ್ಞಾತಿರನುಜಾನಸ್ಯಾನ್ಮಾಸಾವೇಶಿ ಪ್ರವೇಶಿನಃ ॥ ೫೧ ॥
ಬಲೇ ಸ್ವಪ್ನಸ್ಥಲೇ ರಕ್ಷೇದ್ಯೋ ಮೇ ಪಾಪಂ ಚಿಕೀರ್ಷತಿ ।
ಆಪಾದಮಸ್ತಕಂ ರಕ್ಷೇತ್ತಮೇವ ಪ್ರತಿಧಾವತು ॥ ೫೨ ॥
ಆಪಾದಮಸ್ತಕಂ ರಕ್ಷೇತ್ತಮೇವ ಪ್ರತಿಧಾವತು ॥ ೫೨ ॥
ಪ್ರತಿಸರ ಪ್ರತಿಧಾವ ಕುಮಾರೀವ ಪಿತುರ್ಗೃಹಮ್ ।
ಮೂರ್ಧಾನಮೇಷಾಂ ಸ್ಫೋಟಯ ವಧಾಮ್ಯೇಷಾಂ ಕುಲೇ ಜಹೀ ॥ ೫೩ ॥
ಮೂರ್ಧಾನಮೇಷಾಂ ಸ್ಫೋಟಯ ವಧಾಮ್ಯೇಷಾಂ ಕುಲೇ ಜಹೀ ॥ ೫೩ ॥
ಯೇ ಮೇ ಮನಸಾ ವಾಚಾ ಯಶ್ಚ ಪಾಪಂ ಚಿಕೀರ್ಷತಿ ।
ತತ್ಸರ್ವಂ ರಕ್ಷತಾಂ ದೇವೀ ಜಹಿ ಶತ್ರೂನ್ ಸದಾ ಮಮ ॥ ೫೪ ॥
ತತ್ಸರ್ವಂ ರಕ್ಷತಾಂ ದೇವೀ ಜಹಿ ಶತ್ರೂನ್ ಸದಾ ಮಮ ॥ ೫೪ ॥
ಖಟ್ ಫಟ್ ಜಹಿ ಮಹಾಕೃತ್ಯೇ ವಿಧೂಮಾಗ್ನಿ ಸಮಪ್ರಭೇ ।
ದೇವಿ ದೇವಿ ಮಹಾದೇವಿ ಮಮ ಶತ್ರೂನ್ವಿನಾಶಯ ॥ ೫೫ ॥
ದೇವಿ ದೇವಿ ಮಹಾದೇವಿ ಮಮ ಶತ್ರೂನ್ವಿನಾಶಯ ॥ ೫೫ ॥
ತ್ರಿಕಾಲಂ ರಕ್ಷ ಮಾಂ ದೇವಿ ಪಠತಾಂ ಪಾಪನಾಶನಮ್ ।
ಸರ್ವಶತ್ರುಕ್ಷಯಕರಂ ಸರ್ವವ್ಯಾಧಿವಿನಾಶನಮ್ ॥ ೫೬ ॥
ಸರ್ವಶತ್ರುಕ್ಷಯಕರಂ ಸರ್ವವ್ಯಾಧಿವಿನಾಶನಮ್ ॥ ೫೬ ॥
ಇದಂ ತು ಕವಚಂ ಜ್ಞಾತ್ವಾ ಜಪೇತ್ಪ್ರತ್ಯಙ್ಗಿರಾ ಋಚಮ್ ।
ಶತಲಕ್ಷಂ ಪ್ರಜಪ್ತ್ವಾಪಿ ತಸ್ಯ ವಿದ್ಯಾ ನ ಸಿಧ್ಯತಿ ॥ ೫೭ ॥
ಶತಲಕ್ಷಂ ಪ್ರಜಪ್ತ್ವಾಪಿ ತಸ್ಯ ವಿದ್ಯಾ ನ ಸಿಧ್ಯತಿ ॥ ೫೭ ॥
ಮನ್ತ್ರಸ್ವರೂಪಕವಚಮೇಕಕಾಲಂ ಪಠೇದ್ಯದಿ ।
ಭದ್ರಕಾಲೀ ಪ್ರಸನ್ನಾತ್ಮಾ ಸರ್ವಭೀಷ್ಟಂ ದದಾತಿ ಹಿ ॥ ೫೮ ॥
ಭದ್ರಕಾಲೀ ಪ್ರಸನ್ನಾತ್ಮಾ ಸರ್ವಭೀಷ್ಟಂ ದದಾತಿ ಹಿ ॥ ೫೮ ॥
ಮಹಾಪನ್ನೋ ಮಹಾರೋಗೀ ಮಹಾಗ್ರನ್ಥ್ಯಾದಿಪೀಡಿನೇ ।
ಕವಚಂ ಪ್ರಥಮಂ ಜಪ್ತ್ವಾ ಪಶ್ಚಾದೃಗ್ಜಪಮಾಚರೇತ್ ॥ ೫೯ ॥
ಕವಚಂ ಪ್ರಥಮಂ ಜಪ್ತ್ವಾ ಪಶ್ಚಾದೃಗ್ಜಪಮಾಚರೇತ್ ॥ ೫೯ ॥
ಪಕ್ಷಮಾತ್ರಾತ್ ಸರ್ವರೋಗಾ ನಶ್ಯನ್ತ್ಯೇವ ಹಿ ನಿಶ್ಚಯಮ್ ।
ಮಹಾಧನಪ್ರದಂ ಪುಂಸಾಂ ಮಹಾದುಃಸ್ವಪ್ನನಾಶನಮ್ ॥ ೬೦ ॥
ಮಹಾಧನಪ್ರದಂ ಪುಂಸಾಂ ಮಹಾದುಃಸ್ವಪ್ನನಾಶನಮ್ ॥ ೬೦ ॥
ಸರ್ವಮಙ್ಗಲದಂ ನಿತ್ಯಂ ವಾಞ್ಛಿತಾರ್ಥಫಲಪ್ರದಮ್ ।
ಕೃತ್ಯಾದಿ ಪ್ರೇಷಿತೇ ಗ್ರಸ್ತೇ ಪುರಸ್ತಾಜ್ಜುಹುಯಾದ್ಯದಿ ॥ ೬೧ ॥
ಕೃತ್ಯಾದಿ ಪ್ರೇಷಿತೇ ಗ್ರಸ್ತೇ ಪುರಸ್ತಾಜ್ಜುಹುಯಾದ್ಯದಿ ॥ ೬೧ ॥
ಪ್ರೇಷಿತಂ ಪ್ರಾಪ್ಯ ಝಡಿತಿ ವಿನಾಶಂ ಪ್ರದದಾತಿ ಹಿ ।
ಸ್ವಗೃಹ್ಯೋಕ್ತವಿಧಾನೇನ ಪ್ರತಿಷ್ಠಾಪ್ಯ ಹೂತಾಶನಮ್ ॥ ೬೨ ॥
ಸ್ವಗೃಹ್ಯೋಕ್ತವಿಧಾನೇನ ಪ್ರತಿಷ್ಠಾಪ್ಯ ಹೂತಾಶನಮ್ ॥ ೬೨ ॥
ತ್ರಿಕೋಣಕುಣ್ಡೇ ಚಾವಾಹ್ಯ ಷೋಡಶೈರುಪಚಾರತಃ ।
ಯೋ ಮೇ ಕರೋತಿ ಮನ್ತ್ರೇಣ ಖಟ್ ಫಟ್ ಜಹೀತಿ ಮನ್ತ್ರತಃ ॥ ೬೩ ॥
ಯೋ ಮೇ ಕರೋತಿ ಮನ್ತ್ರೇಣ ಖಟ್ ಫಟ್ ಜಹೀತಿ ಮನ್ತ್ರತಃ ॥ ೬೩ ॥
ಹುನೇದಯುತಮಾತ್ರೇಣ ಯನ್ತ್ರಸ್ಯ ಪುರತೋ ದ್ವಿಜಃ ।
ಕ್ಷಣಾದಾವೇಶಮಾಪ್ನೋತಿ ಭೂತಗ್ರಸ್ತಕಲೇಬರೇ ॥ ೬೪ ॥
ಕ್ಷಣಾದಾವೇಶಮಾಪ್ನೋತಿ ಭೂತಗ್ರಸ್ತಕಲೇಬರೇ ॥ ೬೪ ॥
ವಿಭೀತಕಮಪಾಮಾರ್ಗಂ ವಿಷವೃಕ್ಷಸಮುದ್ಭವಮ್ ।
ಗುಲೂಚೀಂ ವಿಕತಂ ಕಾನ್ತಮಙ್ಕೋಲಂ ನಿಮ್ಬವೃಕ್ಷಕಮ್ ॥ ೬೫ ॥
ಗುಲೂಚೀಂ ವಿಕತಂ ಕಾನ್ತಮಙ್ಕೋಲಂ ನಿಮ್ಬವೃಕ್ಷಕಮ್ ॥ ೬೫ ॥
ತ್ರಿಕಟುಂ ಸರ್ಷಪಂ ಶಿಗ್ರುಂ ಲಶುನಂ ಭ್ರಾಮಕಂ ಫಲಮ್ ।
ಪಞ್ಚ ಋಗ್ಭಿಃ ಸುಸಮ್ಪಾದ್ಯ ಆಚಾರ್ಯಸಹಿತಃ ಶುಚಿಃ ॥ ೬೬ ॥
ಪಞ್ಚ ಋಗ್ಭಿಃ ಸುಸಮ್ಪಾದ್ಯ ಆಚಾರ್ಯಸಹಿತಃ ಶುಚಿಃ ॥ ೬೬ ॥
ದಿನಮೇಕ ಸಹಸ್ರಂ ತು ಹುನೇದ್ಧ್ಯಾನ ಪುರಃ ಸರಃ ।
ಸರ್ವಾರಿಷ್ಟಃ ಸರ್ವಶಾನ್ತಿಃ ಭವಿಷ್ಯತಿ ನ ಸಂಶಯಃ ॥ ೬೭ ॥
ಸರ್ವಾರಿಷ್ಟಃ ಸರ್ವಶಾನ್ತಿಃ ಭವಿಷ್ಯತಿ ನ ಸಂಶಯಃ ॥ ೬೭ ॥
ಶತ್ರುಕೃತ್ಯೇ ಚೈವಮೇವ ಹುನೇದ್ಯದಿ ಸಮಾಹಿತಃ ।
ಸ ಶತ್ರುರ್ಮಿತ್ರಪುತ್ರಾದಿಯುಕ್ತೋ ಯಮಪುರೀಂ ವ್ರಜೇತ್ ॥ ೬೮ ॥
ಸ ಶತ್ರುರ್ಮಿತ್ರಪುತ್ರಾದಿಯುಕ್ತೋ ಯಮಪುರೀಂ ವ್ರಜೇತ್ ॥ ೬೮ ॥
ಬ್ರಹ್ಮಾಽಪಿ ರಕ್ಷಿತುಂ ನೈವ ಶಕ್ತಿಃ ಪ್ರತಿನಿವರ್ತನೇ ।
ಮಹತ್ಕಾರ್ಯಸಮಾಯೋಗೇ ಏವಮೇವಂ ಸಮಾಚರೇತ್ ॥ ೬೯ ॥
ಮಹತ್ಕಾರ್ಯಸಮಾಯೋಗೇ ಏವಮೇವಂ ಸಮಾಚರೇತ್ ॥ ೬೯ ॥
ತತ್ಕಾರ್ಯಂ ಸಫಲಂ ಪ್ರಾಪ್ಯ ವಾಞ್ಛಿತಾನ್ ಲಭತೇ ಸುಧೀಃ ।
ಇದಂ ರಹಸ್ಯಂ ದೇವೇಶಿ ಮನ್ತ್ರಯುಕ್ತಂ ತವಾನಘೇ ॥ ೭೦ ॥
ಇದಂ ರಹಸ್ಯಂ ದೇವೇಶಿ ಮನ್ತ್ರಯುಕ್ತಂ ತವಾನಘೇ ॥ ೭೦ ॥
ಶಿಷ್ಯಾಯ ಭಕ್ತಿಯುಕ್ತಾಯ ವಕ್ತವ್ಯಂ ನಾನ್ಯಮೇವ ಹಿ ।
ನಿಕುಮ್ಭಿಲಾಮಿನ್ದ್ರಜಿತಾ ಕೃತಂ ಜಯ ರಿಪುಕ್ಷಯೇ ॥ ೭೧ ॥
ನಿಕುಮ್ಭಿಲಾಮಿನ್ದ್ರಜಿತಾ ಕೃತಂ ಜಯ ರಿಪುಕ್ಷಯೇ ॥ ೭೧ ॥
ಇತಿ ಶ್ರೀಮಹಾಲಕ್ಷ್ಮೀತನ್ತ್ರೇ ಪ್ರತ್ಯಕ್ಷಸಿದ್ಧಿಪ್ರದೇ ಉಮಾಮಹೇಶ್ವರ ಸಂವಾದೇ ಶ್ರೀ ಶಙ್ಕರೇಣ ವಿರಚಿತೇ ಶ್ರೀ ಪ್ರತ್ಯಙ್ಗಿರಾ ಕವಚಮ್ (ಜಗನ್ಮಙ್ಗಲಕಮ್) ಸಮ್ಪೂರ್ಣಮ್ ॥