অথ প্রণামঃ ॥
ওঁ শ্রীগণেশায নমঃ ॥
ওঁ স্থাপকায চ ধর্মস্য সর্বধর্মস্বরূপিণে । অবতারবরিষ্ঠায রামকৃষ্ণায তে নমঃ ॥
ওঁ যথাগ্নের্দাহিকা শক্তিঃ রামকৃষ্ণে স্থিতা হি যা । সর্ববিদ্যা স্বরূপাং তাং শারদাং প্রণমাম্যহম্ ॥
ওঁ নমঃ শ্রীযতিরাজায বিবেকানন্দ সূরযে । সচ্চিত্সুখস্বরূপায স্বামিনে তাপহারিণে ॥
ওঁ রামকৃষ্ণগতপ্রাণং হনুমদ্ভাব ভাবিতম্ । নমামি স্বামিনং রামকৃষ্ণানন্দেতি সংজ্ঞিতম্ ॥
ওঁ ব্রহ্মানন্দাদি শ্রীরামকৃষ্ণ পার্ষদেভ্যো নমঃ ॥
ওঁ সর্বেভ্যো গুরুভ্যো নমঃ ॥ ওঁ সর্বেভ্যো দেবেভ্যো নমঃ ॥ ওঁ সর্বেভ্যো দেবীভ্যো নমঃ ॥ ওঁ সর্বেভ্যো ঽবতারেভ্যো নমঃ ॥ ওঁ সর্বেভ্যো আচার্যেভ্যো নমঃ ॥ ওঁ নমঃ পরম ঋষিভ্য ওঁ নমঃ পরম ঋষিভ্যঃ ॥
অথ ধ্যানম্ ॥
ওঁ শান্তাকারং সমাধৌস্থিতং অতুল তনু জ্যোতিষা ব্যাপ্ত দেশম্ । সিদ্ধেপীঠে নিষণ্ণং স্মিতলসিত মুখং হর্ষবাষ্পাপ্লুতাক্ষম্ ॥ চার্বঙ্গং স্বর্ণবর্ণং বরদমভযদং জীবনং সজ্জনানাম্ । দেবাধীশং ভজেহং হ্যগণিতগুণিনং ভক্তিতো রামকৃষ্ণম্ ॥১॥
ওঁ ঐং সর্বদেবদেবী স্বরূপায সর্বধর্মস্বরূপায সশক্তিকায সভক্তবৃন্দায সাঙ্গোপাঙ্গায শ্রীরামকৃষ্ণায নমো নমঃ ॥
অথ পূর্বভাগঃ ॥
ওঁ যং বৈষ্ণবা বিষ্ণুমুদাহরন্তি শৈবাঃ শিবং বুদ্ধমথাপি বৌদ্ধাঃ । তীর্থংকরং জৈনজনা মহান্তং তং রামকৃষ্ণং পরমং নমামঃ ॥১॥
অমেযাযাতিমাযায জ্ঞাতলোকায তে নমঃ । সর্বজ্ঞায সুসত্ত্বাযাবিজ্ঞাতায হি তে নমঃ ॥২॥
লোকানাং কার্যসিদ্ধ্যর্থম্ অজাযাপি সুজন্মনে । নির্গুণাযাপি দেবায গুণযুক্তায তে নমঃ ॥৩॥
প্রসন্নায প্রপন্নানাং নিরীহায তপস্যতে । অযনায বিরাগাণাং সচ্চিত্সুখায তে নমঃ ॥৪॥
নমঃ শুদ্ধায বুদ্ধায নমঃ শুদ্ধতরায চ । নমো বুদ্ধতরাযাথ নিত্যমুক্তায তে নমঃ ॥৫॥
কর্মাদি যোগ মার্গাণাং সমন্বয বিধাযিনে । ধর্মদ্বন্দ্ব নিহন্ত্রে বৈ সর্বেশ্বরায তে নমঃ ॥৬॥
বিভোর্নামসহস্রং তদ্ রামকৃষ্ণাবতারজম্ । রহস্যং হি রহস্যানামুত্তমানাং তথোত্তমম্ ॥৭॥
পবিত্রাণাং পবিত্রং বৈ সর্বসন্তাপ হারকম্ । ভক্তৈর্বিবেকপ্রমুখৈর্দ্যোতিতং কিল মঙ্গলম্ ॥৮॥
মনঃ শান্তিকরং পুণ্যং মোক্ষমার্গ প্রবর্তকম্ । প্রোচ্যতে সর্বলোকানাং মোহনাশায নির্মলম্ ॥৯॥
গযাধাম প্রভো র্বিষ্ণোরাত্ত মানুষ বিগ্রহঃ । মঙ্গলধ্বনিভিঃ শঙ্খৈরাবেদিত শুভাগমঃ ॥১০॥
অথ শ্রীরামকৃষ্ণ সহস্রনাম স্তোত্রম্ ॥
ওঁ ঐং সর্বদেবদেবী স্বরূপায শ্রীরামকৃষ্ণায নমঃ ॥
ওঁ গদাধরো গদাইশ্চ দুলালঃ স প্রিযোত্তমঃ । রামকৃষ্ণ ইতি খ্যাতো বাল্যে স্বজন বান্ধবৈঃ ॥১॥
ক্ষুদিরামাত্মজো বালঃ কামার পুকুরোদ্ভবঃ । সর্বেপ্সিতো বরাকারঃ কোমলাঙ্গো বিভূতিমান্ ॥২॥
স্মিতাধরো ঽখিলপ্রেমী অতীব মধুর মোহনঃ । সদ্ব্রাহ্মণ কুলোদ্ভূতঃ পীযূষবর্ষি নামভাক্ ॥৩॥
জনচিত্ত সমাকর্ষী মাতৃ চন্দ্রমণিপ্রিযঃ । ধাত্রীধনী প্রপূজ্যোঽসৌ বাল্যেঽপ্যদ্ভুত কীর্তিমান্ ॥৪॥
মধুক্ষর স্বরালাপো বিভুলীলা সুগাযকঃ । সর্বধর্ম সুমর্মজ্ঞো বিদ্বজ্জল্প বিখণ্ডকঃ ॥৫॥
বেদপাঠ বিহীনোঽপি পরমবেদ তত্ত্ববিত্ । সুচারু প্রতিমাকারঃ চিত্রাঙ্কন বিশারদঃ ॥৬॥
অভিনযপটুর্ ধীমান্ গৃহীত বহুভূমিকঃ । রঙ্গরসপ্রিযঃ শ্রীমান্ নৃত্যগীত পরাযণঃ ॥৭॥
মুখবাদ্য প্রবীণোঽসৌ শুদ্ধতাল লযাশ্রযঃ । পিকালি মুরলী বীণা সমুদিত স্বরধ্বনিঃ ॥৮॥
রামারূপ বিভাবী বৈ রামাভঙ্গি প্রদর্শকঃ । রামাবিকল কণ্ঠাযুক্ চারুচন্দ্র নিভাননঃ ॥৯॥
মাধুর্য মণ্ডিতাশেষ বাল্যলীলা সমাপকঃ । শ্রুতিধরো মহাধীমান্ জননী জনকপ্রিযঃ ॥১০॥
বিশুদ্ধ ব্রাহ্মণাচারঃ সর্বদৈব গুণাকরঃ । নন্দিতো বন্দিতো দেবঃ পিনাকি ভূমিকাধরঃ ॥১১॥
দর্শক হৃদযানন্দঃ সাক্ষান্ মূর্তমহেশ্বরঃ । জাত শিবমযাবেশঃ শিবভাব সমাধিমান্ ॥১২॥
সর্বগ্রাম জনামোদঃ চন্দ্রমণি তনূদ্ভবঃ । কামার পুকুরপ্রাণঃ সুবেণী বদ্ধকুন্তলঃ ॥১৩॥
ক্বচিত্ ত্যক্তকুলাচারঃ সত্যব্রত পরাযণঃ । ধনীগৃহীত ভিক্ষান্নো ধাত্রীস্নেহ বশংবদঃ ॥১৪॥
দেবীগৃহীত নৈবেদ্যঃ চিনূদ্ভিন্ন স্বরূপকঃ । চিনুমিষ্টান্ন সংভোক্তা চিনুভক্তি কৃতার্চনঃ ॥১৫॥
ভক্তার্চিত পদাম্ভোজঃ শাখামৃগ সুপূজিতঃ । স্মৃত ত্রেতাযুগাচারো রাঘবাভিন্ন রূপকঃ ॥১৬॥
ধনী ভক্ত্যর্চনাধারো জাতিমান বিবর্জিতঃ । শুদ্ধভক্তি ধনগ্রাহী প্রেমানন্দ সমুজ্জ্বলঃ ॥১৭॥
পিতৃপূজা সমাকৃষ্টঃ প্রেম পুলকিতান্তরঃ । জাত রঘুবরাবেশো রাঘবমাল্য ভূষিতঃ ॥১৮॥
কলাকলাপ নিষ্ণাতঃ সরলঃ সৌম্যদর্শনঃ । পরমসুন্দরঃ প্রেষ্ঠো দিব্যলক্ষণ লক্ষিতঃ ॥১৯॥
তীর্থীকৃত নিজগ্রামো জন্মভূ শেবধিঃ স্বযম্ । পূজ্যাভেদ সমাপন্নঃ স্বাংঘ্রি ন্যস্তোপচারকঃ ॥২০॥
অভীষ্ট পার্ষদব্রাতঃ পার্ষদবৃন্দ পূজিতঃ । নবকলেবর শ্রীশঃ কৃষ্ণলীলা প্রকাশকঃ ॥২১॥
নিসর্গালোকনোন্মত্তো ভাবরাশি প্রপূরিতঃ । মেঘাম্বর বলাকাদৃক্ বাল্যাশেষ সমাধিমান্ ॥২২॥
সংসারাসারতা দর্শী সদা বৈরাগ্যভাবনঃ । ন্যাসিসঙ্গী পরপ্রীতঃ পরিব্রাজক বন্দিতঃ ॥২৩॥
গঙ্গাম্বু ব্রহ্মসম্বোধিঃ গঙ্গাভক্তি পরাযণঃ । দৃঢমুনি ব্রতাচারী ক্ষুত্পিপাসোর্মি বর্জিতঃ ॥২৪॥
সদা শিবশিবালাপী শমাদি বিভবান্বিতঃ । বিহিত গাঙ্গমৃচ্ছম্ভুঃ বিশ্রুত প্রতিভাধরঃ ॥২৫॥
ছোটভট্চাজিতি প্রোক্তঃ কৃতমৃণ্ময চিন্মযঃ । প্রকট পুলকাবেগো দক্ষিণেশ্বর জীবনম্ ॥২৬॥
ঘৃষ্টসাশ্রু মুখাম্ভোজঃ শ্রীকালী দর্শনাকুলঃ । কঠিন মৃত্তিকাশাযী হ্যুচ্চৈর্মামেতি রোদকঃ ॥২৭॥
মথুরা মোহনানন্দঃ শ্রীকালিকা সুপূজকঃ । জগন্মাতৃ গতপ্রাণঃ প্রাণত্যাগ সমুদ্যতঃ ॥২৮॥
স্বমুণ্ড বিনিপাতার্থী সুতীক্ষ্ণ খড্গধারকঃ । অখণ্ড চেতনাস্ফূর্তির্ বিলুপ্ত বাহ্যচেতনঃ ॥২৯॥
সবাহ্যাভ্যন্তর জ্যোতিঃ দেবীমন্দির শাযিতঃ । আনন্দ সাগরস্নাতো দৃষ্টচিন্ময কালিকঃ ॥৩০॥
শ্যামা নীরাজনোন্মত্তঃ সর্ববিষয নিস্পৃহঃ । আত্মস্থিতি বিঘাতেন ঽপরবিদ্যা পরাঙ্মুখ ॥৩১॥
যোগশিক্ষা পরামোদো বিযোগ শিক্ষণারুচিঃ । ভোগনিষ্ঠীবন ত্যাগী পরবিদ্যা প্রমানদঃ ॥৩২॥
তোতাসম্প্রাপ্ত সংন্যাসো হ্যদ্বৈত সাধনাপরঃ । ব্রহ্মবোধি সমারূঢো নির্বিকল্প সমাধিমান্ ॥৩৩॥
অনুলোম বিলোমজ্ঞো বিজ্ঞান ভূমিসংদৃঢঃ । রূপারূপ সমাপত্তৌ প্রজ্ঞাপ্রোত্কর্ষ সংযুতঃ ॥৩৪॥
ষণ্মাস নির্নিমেষাক্ষো হঠযোগ প্রসাধকঃ । সদাশিব সমাবিষ্টো ভদ্রমাল্য প্রভূষিতঃ ॥৩৫॥
দিব্যজ্যোতির্ মযাধারো দাস্যভক্তি প্রদর্শকঃ । শ্যামাধ্যান মহাবেশী জটাজূট শিবেক্ষকঃ ॥৩৬॥
আনন্দাসন সংসিদ্ধঃ ক্রান্তদর্শী সুমোহনঃ । অখিল বিবুধাবেশঃ প্রতিমা জ্ঞাতচেতনঃ ॥৩৭॥
বুদ্ধাবতার সম্বুদ্ধঃ শূন্যতত্ত্ব রহস্যবিত্ । নানাকৃচ্ছ্র ব্রতাচারী জ্যোতির্লীন স্বরূপকঃ ॥৩৮॥
সঙ্কীর্তকো নৃত্যপরো নিরাশো দরিদ্রদেবো জনচিত্তহারী । স্ত্রীমাত্র সংবীক্ষিত মাতৃরূপো বেশ্যানুভূতোত্তম মাতৃসত্তঃ ॥৩৯॥
শ্যামার্পিত প্রাণমনঃ শরীরঃ শ্যামানিদিধ্যাস পরাযণো বৈ । আহারপান স্বপনাদি শূন্যঃ শ্যামাবলোকাকুল উদ্গতাশ্রু ॥৪০॥
ধ্যানানুকূলাখিলপাশ মোকো ধ্যানার্থ সন্ত্যক্ত সুবেশসূত্রঃ । তৃণীকৃতাশেষ ধনোপহারো দেবী বিযোগ ব্যথিতপ্রদগ্ধঃ ॥৪১॥
কর্মেষ্টসংহারি মহাতিথিজ্ঞঃ পত্নীসমারাধিত ষোডশীকঃ । স্ত্রীজ্ঞাত বালত্রিপুরা প্রকাশো দেবীবিলীনাত্ম কলত্রভেদঃ ॥৪২॥
সাষ্টাংগপাতার্পিত সাধ্যজাতঃ পত্নীপদন্যস্ত জপার্থমাল্যঃ । পত্নীপ্রতিষ্ঠাপিত মাতৃভাবোঽসামান্য পূজাচরণ প্রকাশী ॥৪৩॥
মাধুর্যভাবো ঽখিল দিব্যরূপঃ সর্বোত্তমঃ সাধকচক্রবর্তী । সর্বত্রসংবীক্ষিত বাসুদেবঃ শ্যামাধনঃ কৃষ্ণময স্বরূপঃ ॥৪৪॥
অখণ্ড সচ্চিত্সুখ তত্ত্বলীনো অদ্বৈতপ্রবোধো বিরজোহুতীশ্চ । নারীনিরূঢ স্থিরমাতৃভাবঃ পত্নীজগন্মাতৃ সমানবোধঃ ॥৪৫॥
মহিম্নঃস্তোত্র সম্প্রীতো ভাবসমাধি মজ্জিতঃ । অশেষভাব সংসিদ্ধঃ কালিকা শ্রেষ্ঠপূজকঃ ॥৪৬॥
নানাধর্ম মতপ্রেমী নানাধর্ম পরীক্ষকঃ । সত্যধর্ম পথব্রাতঃ সকলধর্ম সারদৃক্ ॥৪৭॥
শান্তাদি ভাবসংবেত্তা গোপীভাব প্রসাধকঃ । সুদৃষ্ট ষোডশীমূর্তিঃ জ্ঞানযোগ ব্যবস্থিতঃ ॥৪৮॥
তন্ময পূজকশ্রেষ্ঠো মাযামোহন মূর্তীদৃক্ । দিনত্রয তুরীযস্থো নির্বিকল্প সমাহিতঃ ॥৪৯॥
সারথিকৃষ্ণ সন্দ্রষ্টা বালগোপাল বীক্ষকঃ । চপল বালিকাবেশি শ্রীজগন্মাতৃ দর্শকঃ ॥৫০॥
শ্যামাবেশকর শ্রেষ্ঠঃ স্বীকৃত ব্রাহ্মণীগুরুঃ । সাধককুল মূর্ধন্যঃ কৃতধর্ম সমন্বযঃ ॥৫১॥
প্রকটিত মহাভাবঃ স্বদেহলীন রাধিকঃ । ভবতারিণ্যনুধ্যাতা ত্বপরোক্ষী কৃতাম্বিকঃ ॥৫২॥
প্রমূর্ত রামসৌমিত্রিঃ সীতাদর্শন মোদিতঃ । পরৈকাগ্র মনোবৃত্তিঃ অনেকতন্ত্র সাধকঃ ॥৫৩॥
শ্রীগৌরাঙ্গাসনারূঢঃ শিখশাসন তত্ত্ববিত্ । প্রেমাশ্রু সিক্ত তুণ্ডাদিঃ নেতিনেতীতি সাধকঃ ॥৫৪॥
কাল তত্কামিনী দ্রষ্টা শিবারূঢ শিবাপ্রিযঃ । ব্রহ্মকুণ্ডলি নিদ্রাঘ্নো ঽবিগীত তন্ত্রপারগঃ ॥৫৫।
বিবিক্ত সেবনাকৃষ্টো দিব্যপ্রেম মদাকুলঃ । জগদম্ব সমাদিষ্টো দৃঢভাবমুখ স্থিতিঃ ॥৫৬॥
চলতীর্থ স্বরূপোঽপি বিহিত তীর্থসেবনঃ । বৃংহিত তীর্থমাহাত্ম্যঃ সুতীর্থিকৃত জন্মভূঃ ॥৫৭॥
জাগ্রদ্ দৃষ্টামরব্রাতঃ প্রকৃষ্ট তীর্থপাবনঃ । দরিদ্রদুঃখ সন্তপ্তঃ ক্ষুধাতুর সুভোজ্যদঃ ॥৫৮॥
স্বাঙ্গসল্লীন বিশ্বেশো দৃষ্টতারক মন্ত্রদঃ । স্বর্ণ কাশীক্ষণানন্দঃ স্বযং পূজিত দুর্গতঃ ॥৫৯॥
দীনার্তশুল্ক সম্মোচী দৃষ্ট জ্যোতির্মযেশ্বরঃ । প্রকাশিত পরপ্রেমা প্রাপ্তকাশী শিবালযঃ ॥৬০॥
বীণা মধুর ঝঙ্কার শ্রবণ প্রাপ্ত নির্বৃতিঃ । গোপালকৃষ্ণ সুদ্রষ্টা শ্রীবৃন্দাবন ধামগঃ ॥৬১॥
শিবিকারোহণ ব্রজ্যাপূর্ব ভাবসমাধিমান্ । গোবর্ধন শিলারূঢো জনগণ সমাদৃতঃ ॥৬২॥
সন্দেহরাক্ষস ধ্বস্তা স্পর্শমাত্র সমাধিদঃ । অখিলধর্ম মর্মজ্ঞো মূর্খপণ্ডিত সাম্যদৃক্ ॥৬৩॥
স্বাঙ্গসল্লীন গৌরাঙ্গঃ স্মর্তৃকলুষ নাশনঃ । অস্পৃশ্য পতিতোদ্ধর্তা ধর্মদ্বন্দ্ব বিখণ্ডনঃ ॥৬৪॥
আদ্যশক্ত্যপৃথগ্ভূতঃ শাক্তগণ সুপূজিতঃ । জীবদুঃখামযোচ্ছেত্তা করুণাবরুণালযঃ ॥৬৫॥
চ্যুতাচ্যুতো জ্ঞানদাতা সর্বজাতি বিমুক্তিদঃ । করামলকবত্ সিদ্ধিঃ মাতৃপূজা সমাধিমান্ ॥৬৬॥
দত্তভক্ত জনানন্দঃ সুধীন্দ্র সেবিতাঙ্ঘ্রিকঃ । অবতারবরিষ্ঠো বৈ পাপদূষণ মোচকঃ ॥৬৭॥
শ্রীভগবত্প্রসঙ্গোত্থ শ্রেষ্ঠ সমাধি ভাবযুক্ । শ্রীকৃষ্ণ মধুরাখ্যান শ্রবণপ্রাপ্ত নির্বৃতিঃ ॥৬৮॥
যোগদো যোগবিদ্বর্যঃ শুদ্ধসত্ত্ব প্রতিষ্ঠিতঃ । সর্বদ্বন্দ্ব বিনির্মুক্তো নরেন্দ্র যস্ত ধর্মধীঃ ॥৬৯॥
অধ্যাত্মশক্তি সংদাতা নরেন্দ্র নির্বিকল্পদঃ । স্পর্শমাত্র সুবিজ্ঞাত শ্রীনরেন্দ্র স্বরূপকঃ ॥৭০॥
বিলোমমার্গ নির্জ্ঞাত ঽখণ্ড নরেন্দ্র সংস্থিতিঃ । সপ্তর্ষি মণ্ডলান্তঃস্থ প্রেষ্ঠ র্ষিকণ্ঠধারকঃ ॥৭১॥
ভক্তক্লেশাসহিষ্ণুর্ বৈ ভবরোগ বিদূরকঃ । উররীকৃত সদ্দাসী জগদম্বা ঽখিলাঽঽমযঃ ॥৭২॥
ভক্তাত্যন্ত কৃপাবর্ষী পরতত্ত্বোপদেশকঃ । জিতকামাদি ষড্বর্গঃ ত্যক্ত সর্বপ্রতিগ্রহঃ ॥৭৩॥
কামিনীকাঞ্চন ত্যাগী অপূর্ব মাতৃপূজকঃ । স্থাবরা স্থাবরাভোগী সন্ত্যক্ত মথুরাধনঃ ॥৭৪॥
ব্রহ্মযোনি পরিদ্রষ্টা বিশদো বিমলান্তরঃ । ভাবস্থিতি পরঃ সাক্ষী দৃষ্টচৈতন্য কীর্তনঃ ॥৭৫॥
লোকপ্রিযো লোকনাথো লোকশিক্ষা গুরুঃ প্রভুঃ । লব্ধ যোগবিভূতিশ্চ লোকানুগ্রহ কারকঃ ॥৭৬॥
লীলামযো হরিঃ সাক্ষাত্ পূজিতো বিশ্ববন্দিতঃ । ভূযিষ্ঠ সাধনা নিষ্ঠঃ প্রথিতো দেবমানবঃ ॥৭৭॥
বেদমূর্তির্ বিভুস্ত্রাতা বিশ্বপাতা বিশালধীঃ । বাঞ্ছাকল্পতরুর্ বীরো বিচিত্রেশ্বর দর্শনঃ ॥৭৮॥
বিশ্বেশ্বরো বিরাড্রূপো বিশ্বাধারো বিবেকদঃ । বরেণ্যো বৈষ্ণবো বিষ্ণুঃ বেত্তেশো বেদবিত্তমঃ ॥৭৯॥
নানারূপো নিরাকারো নৃদেবো নির্ভযোঽব্যযঃ । নিত্যো নির্বাসনোঽজ্ঞেযো নির্বিকল্পো নিরঞ্জনঃ ॥৮০॥
কৃপাসারঃ কৃপাধারঃ করুণঃ করুণেক্ষণঃ । কালীসূনুঃ স্বযঙ্কালী কর্ণধার স্বরূপকঃ ॥৮১॥
যুগধর্ম সুসংস্কর্তা যুগভাব প্রবর্তকঃ । যুগাচার পরিদ্রষ্টা যুগগ্লানি বিদূরকঃ ॥৮২॥
কৃত শ্রীকালিকা লীলো ললিতঃ প্রেমসুন্দরঃ । কামকাঞ্চন শূন্যশ্চ কলিকলুষ নাশনঃ ॥৮৩॥
বৃদ্ধশ্রবা বৃহত্কর্মা ভূতাত্মা ধর্মধারকঃ । প্রজ্ঞাধনো মহাভাবঃ প্রাণরূপো নিরন্তরঃ ॥৮৪॥
পিতৃমাতৃ স্বরূপশ্চ জনতাপ নিবারকঃ । পতিতপাবনঃ শুদ্ধঃ শুদ্ধিদঃ সর্বতোমুখঃ ॥৮৫॥
সর্বজ্ঞঃ সর্বশক্তিশ্চ বাসনাবীজ ভর্জকঃ । আত্মারামো রমানাথঃ পরব্রহ্ম পরেশ্বরঃ ॥৮৬॥
কঠোর কর্মকৃচ্ছাক্তো মূর্তকারুণ্য বিগ্রহঃ । কৃপাকটাক্ষ সুক্ষেপী নির্মোহো লোকপাবনঃ ॥৮৭॥
শক্ত্যাধারঃ শিবঃ শান্তঃ শঙ্করঃ শক্তিদাযকঃ । শুক্লাম্বরধরঃ শুভ্রঃ শান্তিদঃ শ্রুতিসারবিত্ ॥৮৮॥
বুদ্ধিদো বোধিদঃ সৌম্যঃ পরমানন্দ দাযকঃ । বিশ্ববেত্তা ত্রিকালজ্ঞঃ ত্বদ্বিতীযো মনোযতিঃ ॥৮৯॥
প্রেমাত্মা ঽরূপরূপো বৈ বিশ্বাত্মা হৃদযেশ্বরঃ । মহাধারো মহাশক্তিঃ ওজোধাতাত্মতুষ্টিমান্ ॥৯০॥
সাধুমিত্রং সদানন্দঃ সত্স্বরূপঃ সদাতনঃ । সম্প্রদায বিহীনোঽপি প্রতিসঙ্ঘ সুধারকঃ ॥৯১॥
ভাবাতীতো ভবস্তুত্যো ভক্তিমার্গ প্রদর্শকঃ । ভগবান্ ভাবপাথোধিঃ ভববন্ধন খণ্ডনঃ ॥৯২॥
ভক্তেশ্বরো ভযোচ্ছেত্তা ভবসাগর তারণঃ । ভক্তপালো ভবত্রাতা ভক্তহৃদয রঞ্জনঃ ॥৯৩॥
অমিতগুণ চরিত্রো ঽনন্তমূর্তিঃ প্রশান্তো হৃদযকমল সংস্থো জ্ঞানদানাবতীর্ণঃ । প্রকৃতি বিকৃতি শুন্যঃ সর্বগঃ সর্বসাক্ষী বিমল পরমহংসো বিশ্ব ধর্মপ্রতীকঃ ॥৯৪॥
প্রণযগলিত চিত্তো ঽনাদিরূপো ঽতিসূক্ষ্মঃ শিশুমতির্ অবিনশী শক্তিপাথস্ তরঙ্গঃ । অগতিক গতিদাযী শান্তি দানাবতীর্ণঃ শমন দমনকারী শান্তিবর্ষি স্বরূপঃ ॥৯৫॥
রতিপতি ভযহারী সর্বকল্যাণ রাশী রিপুকুল সুমহারির্ জ্ঞানমার্গ প্রকাশী । যতি মুনি জন তারী রঞ্জকো ভাবমূর্তির্ মতিমল লযকারী মোহ মেঘাপসারী ॥৯৬॥
কলুষমল বিনাশী সচ্চিদানন্দ মূর্তির্ নিখিলমধুর ভাব স্বাশ্রাযঃ পূর্ণরূপঃ । অভিলষিত বিধাতা অপূর্বশক্তি প্রদাতাপি অমৃত মধুররূপঃ সর্ব বিশ্বাতিশাযী ॥৯৭॥
পরম শরণদাতা শুদ্ধবোধ প্রদীপো ধৃত সহজ সমাধিঃ সক্রিযো নিষ্ক্রিযশ্চ । দুরিত দলনশক্তো বিশ্বভাব প্রবেত্তা ত্রিগুণ রহিত রূপো ভাস্বরশ্ চিদ্বিলাসঃ ॥৯৮॥
হৃত শশধর কান্তির্ হ্যুত্তম জ্যোতিরেব প্রভব মরণ হীনশ্ চিন্মযো দিব্যরূপঃ । চির সহচর ইষ্টো দীনবন্ধুঃ কৃপালুর্ নিখিল ভুবন ধাতা তারকো ঽনাথনাথঃ ॥৯৯॥
মহাসাধ্যো মহাসিদ্ধো ঽমিতবীর্যো দিগম্বরঃ । মহা বিপন্নিবারী চ ত্যক্ত লজ্জাভযাদিকঃ ॥১০০॥
অদ্ভুতো মনুজশ্রেষ্ঠো যুগপচ্চতুরাশ্রমী । জগত্স্বামী মহাচার্যো ত্যাগিবর্যো হ্যখণ্ডধীঃ ॥১০১॥
অনাদিনিধনো ঽনন্তো ঽব্যক্তো ঽখিলহৃদীশ্বরঃ । অসীম বলশালী বৈ গুণাঢ্যশ্চ গুণাতিগঃ ॥১০২॥
ভূরিদাতাখিলপ্রেমী বিশ্বমৈত্রী প্রসাধকঃ । মোক্ষদো বরদো দিব্যঃ পরমঃ পুরুষোত্তমঃ ॥১০৩॥
দান্তঃ স্বল্পাক্ষরো জ্ঞানী জ্ঞানমূর্তির্ উদারধীঃ । সর্বজ্ঞো জ্ঞানসিন্ধুশ্চ জ্ঞেযো জ্ঞানরবিঃ সুধীঃ ॥১০৪॥
পূতদেহঃ পবিত্রাক্ষো হ্যাত্মজ্ঞান প্রজাগরঃ । জ্ঞান বিজ্ঞান নিষ্ণাতঃ চাজ্ঞান মোহমুদ্গরঃ ॥১০৫॥
ওঁকার বীজরূপো বা ঐং হ্রীং বীজস্বরূপকঃ । সবীজ বাঙ্ময দ্রষ্টা মন্ত্র চৈতন্য কারকঃ ॥১০৬॥
মোহারির্ হৃত্তমোহারী শোক তাপ নিবারণঃ । ভুক্তি মুক্তি প্রদাতা চ রামো মানস রঞ্জনঃ ॥১০৭॥
সঙ্কীর্তনাপ্লুতাত্মা বৈ সংসৃতি স্থিতি বিস্মৃতিঃ । কৃষ্ণদৃগ্ ভক্তিমান্ ধীরঃ সিদ্ধকৈবল্য নির্বৃতি ॥১০৮॥
জ্ঞানোদ্ভাসিত তুণ্ডশ্রীঃ সর্বগ্রন্থি বিদারণঃ । কৃপাকটাক্ষ সংবর্ষী সংশয পুঞ্জপাটনঃ ॥১০৯॥
নিরাকারোঽথ সাকারো লীলাবিগ্রহ ধারণঃ । মান মেয স্বরূপঃ চাদ্বযঃ কেবলচেতনঃ ॥১১০॥
নির্মোহো নির্মলো জুষ্টো বুদ্ধো মুক্তো মহেশ্বরঃ । প্রেমামৃতাকরঃ পূর্ণো ঽখিল পাতকিতারণঃ ॥১১১॥
প্রেমাব্ধিঃ প্রেমবাহী চ প্রমূর্ত প্রেমবিগ্রহঃ । প্রেমলীলা প্রকাশী চ প্রেম রোমাঞ্চিতান্তরঃ ॥১১২॥
জগত্পিতা জগন্মাতা জগন্নাথো জনার্দনঃ । জগন্নিবাস আসীনঃ সর্বভূত লযস্থিতিঃ ॥১১৩॥
প্রাণেশঃ প্রাণকান্তশ্চ প্রাণারামঃ পরাবরঃ । প্রাণদঃ প্রাণগোপালঃ প্রাণশ্রীশ্চ পরাত্পরঃ ॥১১৪॥
প্রেমদাতা পরপ্রেমী প্রেম গদ্গদ ভাষণঃ । পরপ্রেমা প্রেমঘনঃ প্রেমাকুলিত বীক্ষণঃ ॥১১৫॥
পাশমুক্তো বিমানোঽসৌ প্রকট ক্লেশ নাশনঃ । পুরাণপুরুষো ঽনাদিঃ অবতারী কৃতার্চনঃ ॥১১৬॥
প্রাচ্য পাশ্চাত্য দেশস্থ প্রকৃষ্টি সুসমন্বযী । বিশ্ব সংস্কৃতি মালিন্যাপসারক জনাগ্রণীঃ ॥১১৭॥
প্রাণসখো মহাপ্রাণো দীননাথো দযাঘনঃ । এষণাত্রয নির্মুক্তো নারাযণাংশ সম্ভবঃ ॥১১৮॥
স্বভূঃ শম্ভুঃ স্বযম্ভূশ্চ বিরূপাক্ষো বিলোচনঃ । পরমেশো মহাদেবো দেবদেবস্তপোধনঃ ॥১১৯॥
কল্যাণকৃত্ সুকর্মাথো যুগাবতার স্ব চ । রামকৃষ্ণোভযাত্মা বৈ কুলধর্ম প্রবোধকঃ ॥১২০॥
সমস্ত শাস্ত্র তত্ত্বজ্ঞো ব্রহ্মা বিষ্ণু হরাতিগঃ । কূটস্থো ব্রহ্মরূপস্তু দ্বিজ চণ্ডাল সাম্যদৃক্ ॥১২১॥
বোধসাক্ষী বিশুদ্ধাত্মা বিশ্বজ্যোতির্ উদারধীঃ । বাহ্য সংবেদনা শূন্যো ব্রহ্মশক্ত্যৈক্য ভাবনঃ ॥১২২॥
বোধেচ্ছা কর্মশক্তিশ্চ যোগ ভক্তি পরাযণঃ । অবতার বরিষ্ঠোঽপি বিক্রান্তো দেশিকোত্তমঃ ॥১২৩॥
পূর্ণযোগ রহস্যজ্ঞো যোগদাতা মহাযমী । যুগদেবো যুগাদর্শো বিশ্ব বর্ণাশ্রমাশ্রযঃ ॥১২৪॥
স্থিতপ্রজ্ঞো মহাপ্রাজ্ঞঃ সদা প্রজ্ঞালয স্থিতঃ । বীতরাগ ভযক্রোধঃ স্থিতধীর্ মুনি সংজ্ঞিতঃ ॥১২৫॥
অনাসক্তোঽনিকেতস্তু স্তুতি নিন্দা বিবর্জিতঃ । আত্মতুষ্টো ঽনহংবাদী ত্যক্তাখিল শুভাশুভঃ ॥১২৬॥
ঈশার্পিত মনোবুদ্ধি যোগমাযা সমাবৃতঃ । শুভনামা শুভাগারঃ শুভারীঃ শুভদর্শনঃ ॥১২৭॥
নিগীর্ণাহং মমজ্ঞানো দ্বেষহীনো গতব্যথঃ । সমদ্রষ্টা ক্ষমাবাংশ্চ অনপেক্ষো বিশ্বনাযকঃ ॥১২৮॥
পীযূষ রসপাথোধিঃ কথামৃত প্রবর্ষণঃ । অস্পষ্ট মধুরালাপো গ্রাম্যভাব প্রদর্শকঃ ॥১২৯॥
সর্বজ্ঞাতা ত্ববিজ্ঞাতো বিশ্বযোনিঃ স্বযংজনুঃ । সর্বেশ্বরঃ স্বতন্ত্রশ্চ একরূপোঽনেকরূপকঃ ॥১৩০॥
অনুদ্বিগ্নো ঽমলপ্রজ্ঞো বীত মানাবমানকঃ । প্রার্থনীযো ঽপ্যর্থশূন্যো ঽব্যক্তঃ সুব্যক্তি কারণম্ ॥১৩১॥
অজেযো জযশীলশ্চ নিঃস্পৃহোঽপি তপঃপরঃ । অজোঽপি জাযমানো বা অপাপঃ পাপমোচনঃ ॥১৩২॥
সর্বধর্ম সরিত্সিন্ধুঃ সদ্ভক্ত হৃদযাশ্রযঃ । মুনি যোগি যতি ধ্যেযো বীতরাগ গতিপ্রদঃ ॥১৩৩॥
ব্রহ্মস্তুতো ব্রহ্ম মুখাধিবাসো ব্রহ্মাণ্ডগো ব্রহ্ম মুখার্চনার্হঃ । ব্রহ্মাদি বোধাতিগ শেমুষীকো ব্রহ্মার্পিতো ব্রহ্মবিগাহি চেতাঃ ॥১৩৪॥
সত্কর্ম লীলাপ্রকটঃ সুদৃষ্টিঃ সুদৃষ্টিদঃ সংসৃতি পাশনাশী । শ্রদ্ধানিবাসঃ সুমনো বিলাসঃ কন্দর্পহৃত্ কামকলা বিলোপী ॥১৩৫॥
ভক্তেশ্বরো ভক্তবরস্ তপস্বী ভক্তিপ্রকাশঃ প্রিয ভক্তিভাবঃ । ভক্তপ্রিযো ভক্তবৃতস্ তমোহা ভক্তাবতারো ভব কর্ণধারঃ ॥১৩৬॥
ভক্তিপ্রভো ভক্তগণাদৃতো বৈ সুগ্রন্থদীপো যমভীতিহারী । সুব্যক্ত বক্ষঃস্থিত হার তুল্যো ভ্রম প্রমাদাকলিতো মদারিঃ ॥১৩৭॥
অনন্তভাবো জিতশাস্ত্রসারো দাক্ষিণ্যদাযী কলিদোষনাশী । অসীমরূপঃ সমতানিদানং দিব্যাকৃতির্ দিব্যমুখ প্রকাশী ॥১৩৮॥
সর্বাত্মকঃ সর্বসুলক্ষণাংগো নিষ্কাম কর্মপ্রকটঃ পরেশঃ । সুধামযঃ স্নিগ্ধ রসার্দ্রভাবঃ সর্বংসহঃ সর্ব ঘটাধিরূঢঃ ॥১৩৯॥
সদাপ্রফুল্লো ঽশুভনাশি নামা কল্যাণবর্ষী সুখদাযি মুর্তিঃ । বিশুদ্ধ বিজ্ঞানমযো ঽপ্রমেযো বিশুদ্ধসত্ত্বঃ সুবিশাল বক্ষাঃ ॥১৪০॥
অগাধসত্ত্বো ঽমিতবীর্য আত্মা তত্ত্বপ্রকাশী সুতনুর্ মহাত্মা । অখণ্ডরূপো নিখিলাবতংসঃ সংসার সারাবগতো নিরীহঃ ॥১৪১॥
মাযাশ্রযো মনোঽভীষ্টো মাযাধীশঃ সুরেশ্বরঃ । মোদমানো মনোহারী মাযাতীতস্ তুরীযচিত্ ॥১৪২॥
মঙ্গলো মোহনো মূর্তো মাযাগূঢ স্বরূপকঃ । নবদশ মহাভাবো রাধিকাময জীবিতঃ ॥১৪৩॥
ঋত সত্য তপঃ পূর্ণো নিত্যযুক্তো ঽখিলেশ্বরঃ । ঋতম্ভরো ধরাদেবো লোকাতীতঃ চিদম্বরঃ ॥১৪৪॥
অমরশ্চামৃতাধারো ঽমৃতভাষো ঽমৃতেক্ষণঃ । অকলঃ সকলঃ সূরী রঞ্জনশ্চাচলশ্চলঃ ॥১৪৫॥
মাতৃপ্রাণঃ পিতৃপ্রাণঃ সখিপ্রাণো নৃবল্লভঃ । দরিদ্রপ্রাণ আচার্যো দীনেশো দীনবত্সলঃ ॥১৪৬॥
অপ্রাকৃতবপুঃ পূজ্যঃ প্রেমোন্মত্তস্ তপোমযঃ । ধ্যেযো ঽচলপ্রতিষ্ঠশ্চ মোহঙ্কষঃ কৃপামযঃ ॥১৪৭॥
সত্যঃ সত্যাশ্রযঃ শর্বঃ সত্যাত্মা সত্যসম্ভবঃ । পরসত্যাপরোক্ষী চাপূর্ব সত্যপ্রভাষণঃ ॥১৪৮॥
মহাহৃষ্টো মহাদৃপ্তো মহামোহ বিনাশকঃ । ঘনীভূত মনোযোগো মাধুর্যঘন বিগ্রহঃ ॥১৪৯॥
অহেতুক কৃপাসিন্ধুঃ অভিমান বিমর্দকঃ । মূর্তিপূজা রহস্যজ্ঞো ঽশেষ সংশয বারকঃ ॥১৫০॥
চিদানন্দ ঘনো মানং মহাচেতাঃ মহাকৃতিঃ । চক্রী চিন্তামণিশ্চন্দ্রঃ সুধাকারো বরাননঃ ॥১৫১॥
রসাধারো রসাগারো রসালাপী রসস্থিতিঃ । দিব্যরস প্রসূতিশ্চ দিব্যরস প্রদাযকঃ ॥১৫২॥
সুস্পষ্ট রসিক শ্রেষ্ঠঃ সম্পূর্ণ রস বর্ষকঃ । রসপূর্ণো রসজ্ঞো বৈ রসোদ্ভিন্ন স্বরূপকঃ ॥১৫৩॥
সর্বদিব্য রসোল্লাসো রসাঽঽস্বাদ প্রমোদিতঃ । নবদিব্য রসজ্ঞানো ব্রহ্মাম্ভোধি নিমজ্জকঃ ॥১৫৪॥
দানী ধনী সুকান্তিশ্চ নিখিলাভয দাযকঃ । দিব্যানন্দ সুধাবর্ষী স্নিগ্ধো দিব্যরসোজ্জ্বলঃ ॥১৫৫॥
সর্বব্যাপ্তঃ প্রপঞ্চেশঃ সর্বধর্ম স্বরূপকঃ । সর্ববৃষ্ট কৃপাসারঃ সদানন্দঃ সুখালযঃ ॥১৫৬॥
প্রকৃষ্ট সাম্য সংবেত্তা মৈত্র্যাদর্শ প্রদর্শকঃ । স্বাধীনতা রহস্যজ্ঞঃ প্রোজ্জ্বলো মার্গদৃগ্বরঃ ॥১৫৭॥
দিব্যবাণী সুধাবর্ষী দিব্যগীতি সুগাযকঃ । সর্বধর্ম সুসংস্কর্তা ধর্মগ্লানি বিদূরকঃ ॥১৫৮॥
সত্কার্য তত্পরঃ শূরঃ সর্বসন্তাপ হারকঃ । শ্রুতিসারোপদেষ্টা বৈ সম্প্রদাযাধিনাযকঃ ॥১৫৯॥
স্মরজিত্ ক্রোধজিন্ন্যাসী স্মর হালাহলান্তকঃ । সিদ্ধযোগী মহাযোগো বিক্ষেপাদি বিনাশকৃত্ ॥১৬০॥
সমাধিমণ্ডনো মান্যঃ সমাধিসুখ সংস্থিতঃ । স্বধাম রাজমানশ্চ মাযালেশ বিবর্জিতঃ ॥১৬১॥
বিমুগ্ধ জীব মাযাঘ্নঃ শরণ্যো মতিবর্ধনঃ । অমানী মানদঃ স্বামী মনোমদ বিখণ্ডনঃ ॥১৬২॥
যুগন্ধরো যুগাচার্যো বোধাগম্যো যতীশ্বরঃ । যুগপ্রবর্তকো যুক্তঃ স্বপ্রকাশো যুগেশ্বরঃ ॥১৬৩॥
যোগাসন স্থিতো ধ্যানী যতিমানস রঞ্জকঃ । যোগিগম্য স্বরূপশ্চ পূর্ণযোগ প্রকাশকঃ ॥১৬৪॥
নিতরাং শোভিত ক্ষৌণিঃ নিবাসঃ শরণং সুহৃত্ । শ্যাম শ্যামা শিবোদ্গাতা শিব শ্যাম শিবামযঃ ॥১৬৫॥
যক্ষো জ্যোতির্মযো জ্যোতিঃ স্মযহীনো গতকল্মঃ । পাতা ধাতা পিতা বন্ধুঃ বিবুধঃ শমমণ্ডনঃ ॥১৬৬॥
মঙ্গলশ্রবণো হারী কোমলঃ শোভনঃ শুভঃ । সর্বশক্তি প্রদাতা বৈ সংশ্রুতানাহত ধ্বনিঃ ॥১৬৭॥
ত্রিপুটী লযকারী বৈ মাযা বিক্ষেপ নাশকঃ । দিব্যভাব সমাসীনো রাসমণীষ্ট সাধকঃ ॥১৬৮॥
হৃদয প্রাপ্তসাহায্যঃ স্বীকৃতানেক সদ্গুরুঃ । বিন্যস্ত সিদ্ধ্যভিজ্ঞানো ভাবহীনত্ব বারকঃ ॥১৬৯॥
প্রদীপ্তেশপুত্র প্রকৃষ্টাবলোকী প্রভোদ্ভিন্ন বিজ্ঞাল্লদূতাপরোক্ষী । সুদৃষ্টাত্মদেহ প্রলীনাবতারঃ স নূনং মহোদার ঐস্লাম খার্ষ্টঃ ॥১৭০॥
অসারীকৃত প্রেষ্ঠ সিদ্ধ্যষ্টকো বৈ সুধী বিপ্র গৌরি বিভূতি প্রণাশী । স্বযং শুদ্ধভক্তি প্রসংবিদ্ বিলাসী স্বকীযেশ ভক্তাত্মকত্ব প্রকাশী ॥১৭১॥
শিবাভিন্ন জীবস্বরূপত্ব ঘোষী শিবাভিন্ন মর্ত্যার্চনাদর্শবাদী । নবীনাখিলোদার ধর্মাধ্বদর্শী নবন্যাশি সঙ্ঘ প্রতিষ্ঠাধিকর্তা ॥১৭২॥
প্রণামাস্ত্র যোগাতি দক্ষোপদেষ্টা স্বযং ব্যক্ত পুং স্ত্রী সুরোত্কৃষ্ট রূপঃ । প্রসূপূত ভাবাশ্রযোত্কর্ষ বক্তা ভৃশং ধিক্কৃতাহং পরিস্ফীত ভাবঃ ॥১৭৩॥
স্বযং সুব্যক্ত গৌরাঙ্গাদি পূর্বজাবতার ভাঃ । ধ্যেযাভেদ সমাপন্ন কৃত স্ববিগ্রহার্চনঃ ॥১৭৪॥
ঘনীভূত পূর্বাবতারাদি ভাবঃ স্বসন্দর্শিতাম্বা মহেশস্বরূপঃ । সুভুক্তাতুর ব্যাধি তাপাদি কোপঃ স্বদেহ স্ফুটান্য প্রহারাদি চিহ্নঃ ॥১৭৫॥
পুঙ্খানুপুঙ্খ বিষযেক্ষণ তত্পরোঽপি ব্রহ্মাবলোকন সুবৃত্তি কলাপ যুক্তঃ । নারী নৃ জীবকুল মানস তত্ত্বদর্শী সম্মোহিত প্রথিত দৃপ্ত মনস্বিসঙ্ঘঃ ॥১৭৬॥
নীচাগ্রগণ্য রসিক প্রকটীকৃতাত্মা ভক্ত প্রদর্শিত বরাভয কালিকাশ্রীঃ । লিঙ্গাশ্রযাগণিত চিত্ত বিরাজ ভাবঃ পাপিত্ব বোধ পরিহার দৃঢোপদেষ্টা ॥১৭৭॥
স্বেচ্ছাবৃতাসাধ্য কঠোর রোগঃ কল্পদ্রু ভাবাশ্রয চেতনাকৃত্ । নরেন্দ্র সংক্রান্ত সুদিব্য সংপন্নরেন্দ্র নাথব্য সুঘোষকারী ॥১৭৮॥
সর্বাসু বিদ্যাসু নিধিস্বরূপঃ সর্বেষু লোকেষু তমিস্রহৈকঃ । কীটাণু কীটেষ্বপবর্গকারী স্বাভিন্ন শক্তি প্রকটেষ্টবীজঃ ॥১৭৯॥
বিশ্বদ্বন্দ্ব নিবারকো বিশ্বমঙ্গল কারকঃ । বিশ্বাতিগো বিশ্বহর্তা বিশ্বকীর্তিশ্চ বিশ্বরাট্ ॥১৮০॥
বিশ্ববেদান্ত ধর্মজ্ঞো বিশ্বসত্কার্য দর্শকঃ । বিশ্বভ্রাতৃত্ব সন্দীপী বিশ্বধর্ম প্রকাশকঃ ॥১৮১॥ বিশ্বধর্মপ্রকাশক ওঁ নম ইতি ॥
অথ উত্তরভাগঃ ॥
লীলা সংবার সংখিন্ন অশেষ স্বভক্ত পার্ষদঃ । ভূভার গ্লানি সংহারী শ্রীরামকৃষ্ণ এব সঃ ॥১॥
শ্রীরামকৃষ্ণ দেবস্য লোককল্যাণ কারিণঃ । স্তোত্রং সহস্র নামাখ্যং এতন্নিগদিতং শুভম্ ॥২॥
লীলানুক্রমিকং ত্বেতন্ন সর্বত্রোপ বর্ণিতম্ । ইতি নেতি প্রসঙ্গেন ভক্ত্যুত্কর্ষঃ সমীপ্সিতঃ ॥৩॥
যো বৈ পঠেন্নরো নিত্যং শৃণুযাচ্ছ্রাবযেদথ । গাযেদ্বা ভাবমাশ্রিত্য শ্রদ্ধাভক্তি সমন্বিতঃ ॥৪॥
ন তস্য দুষ্কৃতং কিঞ্চিত্ লেশতোঽপি স্থিতিং ব্রজেত্ । জিত্বা পুণ্যকৃতাং লোকান্ শশ্বচ্ছান্তিং স চাপ্নুযাত্ ॥৫॥
ত্রেতাযাং যশ্চ রামো হি শ্রীকৃষ্ণো দ্বাপরে স্মৃতঃ । তযোরৈক্যেন জাতঃ স রামকৃষ্ণঃ কলৌ যুগে ॥৬॥
তস্যৈশ অপূর্বভাসো নিখিল নরকুল প্রার্থিতাশেষ কীর্তিঃ পুংসো লোকোত্তরস্য হ্যমল শিশুমতে রাজ নিপ্রৌঢ কালম্ । দিব্যাচারাদরো বৈ চরিতপরিচযো ন্যূনমত্যন্তসারৌ সন্দিগ্ধে ক্লিন্নকালে প্রকটমদযুতে সর্বলোকামযঘ্নৌ ॥৭॥
পরিপূজ্যাত্মনশ্চিত্রং প্রপূজ্যঃ স্যাং গৃহে গৃহে । স্বযমঘোষ যদ্দেবো যত্তত্ সত্যফলং বচঃ ॥৮॥
ইত্থং ভূতাভিধানায চানুক্তাশেষ বাচিনে । সর্বথা বাচ্য রূপায রামকৃষ্ণায তে নমঃ ॥৯॥ হরিঃ ওঁ তত্সত্ । ইতি শম্ । অথ সমর্পণম্ ॥
যস্য বীর্যেণ কৃতিনো বযং চ ভুবনানি চ । রামকৃষ্ণং সদা বন্দে স্বতংত্রং শর্বমীশ্বরম্ ॥
জয জয করুণাব্ধে মোক্ষসেতো স্মরারে । জয জয জগদীশ জ্ঞানসিন্ধো স্বযংভো ॥ জয জয পরমাত্মন্ ত্রাহি মাং ভক্তিহীনং । জয জয ভবহারিন্ রামকৃষ্ণ দ্বিবাহো ॥
কাযেন বাচা মনসেন্দ্রিযৈর্বা বুদ্ধ্যাত্মনা বা প্রকৃতেঃ স্বভাবাত্ । করোমি যত্ যত্ সকলং পরস্মৈ শ্রীরামাকৃষ্ণায সমর্পযামি ॥
মাং মদীযং চ সকলং শ্রীরামকৃষ্ণ চরণে সমর্পযে ॥
অথ প্রার্থনা ॥
ওঁ মঙ্গলং সর্বলোকায বিবেকানন্দ দাযিনে শারদা প্রাণনাথায রামকৃষ্ণায মঙ্গলম্ ॥
ওঁ সর্বাণি ভূতানি বিশন্তু সৌখ্যম্ । সর্বাণি ভূতানি ভজন্তু শান্তিম্ । সর্বাণি ভূতানি অযি রামকৃষ্ণ সংপূর্ণমানন্দম্ উপাশ্রযন্তাম্ ॥
ওঁ শান্তিঃ শান্তিঃ শান্তিঃ ॥ হরিঃ ওঁ তত্সত্ ॥ শ্রীরামকৃষ্ণার্পণমস্তু ॥