atha praṇāmaḥ ||
oṃ śrīgaṇeśāya namaḥ ||
oṃ sthāpakāya ca dharmasya sarvadharmasvarūpiṇe | avatāravariṣṭhāya rāmakṛṣṇāya te namaḥ ||
oṃ yathāgnerdāhikā śaktiḥ rāmakṛṣṇe sthitā hi yā | sarvavidyā svarūpāṃ tāṃ śāradāṃ praṇamāmyaham ||
oṃ namaḥ śrīyatirājāya vivekānanda sūraye | saccitsukhasvarūpāya svāmine tāpahāriṇe ||
oṃ rāmakṛṣṇagataprāṇaṃ hanumadbhāva bhāvitam | namāmi svāminaṃ rāmakṛṣṇānandeti saṃjñitam ||
oṃ brahmānandādi śrīrāmakṛṣṇa pārṣadebhyo namaḥ ||
oṃ sarvebhyo gurubhyo namaḥ || oṃ sarvebhyo devebhyo namaḥ || oṃ sarvebhyo devībhyo namaḥ || oṃ sarvebhyo 'vatārebhyo namaḥ || oṃ sarvebhyo ācāryebhyo namaḥ || oṃ namaḥ parama ṛṣibhya oṃ namaḥ parama ṛṣibhyaḥ ||
atha dhyānam ||
oṃ śāntākāraṃ samādhausthitaṃ atula tanu jyotiṣā vyāpta deśam | siddhepīṭhe niṣaṇṇaṃ smitalasita mukhaṃ harṣabāṣpāplutākṣam || cārvaṅgaṃ svarṇavarṇaṃ varadamabhayadaṃ jīvanaṃ sajjanānām | devādhīśaṃ bhajehaṃ hyagaṇitaguṇinaṃ bhaktito rāmakṛṣṇam ||1||
oṃ aiṃ sarvadevadevī svarūpāya sarvadharmasvarūpāya saśaktikāya sabhaktavṛndāya sāṅgopāṅgāya śrīrāmakṛṣṇāya namo namaḥ ||
atha pūrvabhāgaḥ ||
oṃ yaṃ vaiṣṇavā viṣṇumudāharanti śaivāḥ śivaṃ buddhamathāpi bauddhāḥ | tīrthaṃkaraṃ jainajanā mahāntaṃ taṃ rāmakṛṣṇaṃ paramaṃ namāmaḥ ||1||
ameyāyātimāyāya jñātalokāya te namaḥ | sarvajñāya susattvāyāvijñātāya hi te namaḥ ||2||
lokānāṃ kāryasiddhyartham ajāyāpi sujanmane | nirguṇāyāpi devāya guṇayuktāya te namaḥ ||3||
prasannāya prapannānāṃ nirīhāya tapasyate | ayanāya virāgāṇāṃ saccitsukhāya te namaḥ ||4||
namaḥ śuddhāya buddhāya namaḥ śuddhatarāya ca | namo buddhatarāyātha nityamuktāya te namaḥ ||5||
karmādi yoga mārgāṇāṃ samanvaya vidhāyine | dharmadvandva nihantre vai sarveśvarāya te namaḥ ||6||
vibhornāmasahasraṃ tad rāmakṛṣṇāvatārajam | rahasyaṃ hi rahasyānāmuttamānāṃ tathottamam ||7||
pavitrāṇāṃ pavitraṃ vai sarvasantāpa hārakam | bhaktairvivekapramukhairdyotitaṃ kila maṅgalam ||8||
manaḥ śāntikaraṃ puṇyaṃ mokṣamārga pravartakam | procyate sarvalokānāṃ mohanāśāya nirmalam ||9||
gayādhāma prabho rviṣṇorātta mānuṣa vigrahaḥ | maṅgaladhvanibhiḥ śaṅkhairāvedita śubhāgamaḥ ||10||
atha śrīrāmakṛṣṇa sahasranāma stotram ||
oṃ aiṃ sarvadevadevī svarūpāya śrīrāmakṛṣṇāya namaḥ ||
oṃ gadādharo gadāiśca dulālaḥ sa priyottamaḥ | rāmakṛṣṇa iti khyāto bālye svajana bāndhavaiḥ ||1||
kṣudirāmātmajo bālaḥ kāmāra pukurodbhavaḥ | sarvepsito varākāraḥ komalāṅgo vibhūtimān ||2||
smitādharo 'khilapremī atīva madhura mohanaḥ | sadbrāhmaṇa kulodbhūtaḥ pīyūṣavarṣi nāmabhāk ||3||
janacitta samākarṣī mātṛ candramaṇipriyaḥ | dhātrīdhanī prapūjyo'sau bālye'pyadbhuta kīrtimān ||4||
madhukṣara svarālāpo vibhulīlā sugāyakaḥ | sarvadharma sumarmajño vidvajjalpa vikhaṇḍakaḥ ||5||
vedapāṭha vihīno'pi paramaveda tattvavit | sucāru pratimākāraḥ citrāṅkana viśāradaḥ ||6||
abhinayapaṭur dhīmān gṛhīta bahubhūmikaḥ | raṅgarasapriyaḥ śrīmān nṛtyagīta parāyaṇaḥ ||7||
mukhavādya pravīṇo'sau śuddhatāla layāśrayaḥ | pikāli muralī vīṇā samudita svaradhvaniḥ ||8||
rāmārūpa vibhāvī vai rāmābhaṅgi pradarśakaḥ | rāmāvikala kaṇṭhāyuk cārucandra nibhānanaḥ ||9||
mādhurya maṇḍitāśeṣa vālyalīlā samāpakaḥ | śrutidharo mahādhīmān jananī janakapriyaḥ ||10||
viśuddha brāhmaṇācāraḥ sarvadaiva guṇākaraḥ | nandito vandito devaḥ pināki bhūmikādharaḥ ||11||
darśaka hṛdayānandaḥ sākṣān mūrtamaheśvaraḥ | jāta śivamayāveśaḥ śivabhāva samādhimān ||12||
sarvagrāma janāmodaḥ candramaṇi tanūdbhavaḥ | kāmāra pukuraprāṇaḥ suveṇī baddhakuntalaḥ ||13||
kvacit tyaktakulācāraḥ satyavrata parāyaṇaḥ | dhanīgṛhīta bhikṣānno dhātrīsneha vaśaṃvadaḥ ||14||
devīgṛhīta naivedyaḥ cinūdbhinna svarūpakaḥ | cinumiṣṭānna saṃbhoktā cinubhakti kṛtārcanaḥ ||15||
bhaktārcita padāmbhojaḥ śākhāmṛga supūjitaḥ | smṛta tretāyugācāro rāghavābhinna rūpakaḥ ||16||
dhanī bhaktyarcanādhāro jātimāna vivarjitaḥ | śuddhabhakti dhanagrāhī premānanda samujjvalaḥ ||17||
pitṛpūjā samākṛṣṭaḥ prema pulakitāntaraḥ | jāta raghuvarāveśo rāghavamālya bhūṣitaḥ ||18||
kalākalāpa niṣṇātaḥ saralaḥ saumyadarśanaḥ | paramasundaraḥ preṣṭho divyalakṣaṇa lakṣitaḥ ||19||
tīrthīkṛta nijagrāmo janmabhū śevadhiḥ svayam | pūjyābheda samāpannaḥ svāṃghri nyastopacārakaḥ ||20||
abhīṣṭa pārṣadavrātaḥ pārṣadavṛnda pūjitaḥ | navakalebara śrīśaḥ kṛṣṇalīlā prakāśakaḥ ||21||
nisargālokanonmatto bhāvarāśi prapūritaḥ | meghāmbara balākādṛk bālyāśeṣa samādhimān ||22||
saṃsārāsāratā darśī sadā vairāgyabhāvanaḥ | nyāsisaṅgī paraprītaḥ parivrājaka vanditaḥ ||23||
gaṅgāmbu brahmasambodhiḥ gaṅgābhakti parāyaṇaḥ | dṛḍhamuni vratācārī kṣutpipāsormi varjitaḥ ||24||
sadā śivaśivālāpī śamādi vibhavānvitaḥ | vihita gāṅgamṛcchambhuḥ viśruta pratibhādharaḥ ||25||
choṭabhaṭcājiti proktaḥ kṛtamṛṇmaya cinmayaḥ | prakaṭa pulakāvego dakṣiṇeśvara jīvanam ||26||
ghṛṣṭasāśru mukhāmbhojaḥ śrīkālī darśanākulaḥ | kaṭhina mṛttikāśāyī hyuccairmāmeti rodakaḥ ||27||
mathurā mohanānandaḥ śrīkālikā supūjakaḥ | jaganmātṛ gataprāṇaḥ prāṇatyāga samudyataḥ ||28||
svamuṇḍa vinipātārthī sutīkṣṇa khaḍgadhārakaḥ | akhaṇḍa cetanāsphūrtir vilupta bāhyacetanaḥ ||29||
sabāhyābhyantara jyotiḥ devīmandira śāyitaḥ | ānanda sāgarasnāto dṛṣṭacinmaya kālikaḥ ||30||
śyāmā nīrājanonmattaḥ sarvaviṣaya nispṛhaḥ | ātmasthiti vighātena 'paravidyā parāṅmukha ||31||
yogaśikṣā parāmodo viyoga śikṣaṇāruciḥ | bhoganiṣṭhīvana tyāgī paravidyā pramānadaḥ ||32||
totāsamprāpta saṃnyāso hyadvaita sādhanāparaḥ | brahmabodhi samārūḍho nirvikalpa samādhimān ||33||
anuloma vilomajño vijñāna bhūmisaṃdṛḍhaḥ | rūpārūpa samāpattau prajñāprotkarṣa saṃyutaḥ ||34||
ṣaṇmāsa nirnimeṣākṣo haṭhayoga prasādhakaḥ | sadāśiva samāviṣṭo bhadramālya prabhūṣitaḥ ||35||
divyajyotir mayādhāro dāsyabhakti pradarśakaḥ | śyāmādhyāna mahāveśī jaṭājūṭa śivekṣakaḥ ||36||
ānandāsana saṃsiddhaḥ krāntadarśī sumohanaḥ | akhila vibudhāveśaḥ pratimā jñātacetanaḥ ||37||
buddhāvatāra sambuddhaḥ śūnyatattva rahasyavit | nānākṛcchra vratācārī jyotirlīna svarūpakaḥ ||38||
saṅkīrtako nṛtyaparo nirāśo daridradevo janacittahārī | strīmātra saṃvīkṣita mātṛrūpo veśyānubhūtottama mātṛsattaḥ ||39||
śyāmārpita prāṇamanaḥ śarīraḥ śyāmānididhyāsa parāyaṇo vai | āhārapāna svapanādi śūnyaḥ śyāmāvalokākula udgatāśru ||40||
dhyānānukūlākhilapāśa moko dhyānārtha santyakta suveśasūtraḥ | tṛṇīkṛtāśeṣa dhanopahāro devī viyoga vyathitapradagdhaḥ ||41||
karmeṣṭasaṃhāri mahātithijñaḥ patnīsamārādhita ṣoḍaśīkaḥ | strījñāta bālatripurā prakāśo devīvilīnātma kalatrabhedaḥ ||42||
sāṣṭāṃgapātārpita sādhyajātaḥ patnīpadanyasta japārthamālyaḥ | patnīpratiṣṭhāpita mātṛbhāvo'sāmānya pūjācaraṇa prakāśī ||43||
mādhuryabhāvo 'khila divyarūpaḥ sarvottamaḥ sādhakacakravartī | sarvatrasaṃvīkṣita vāsudevaḥ śyāmādhanaḥ kṛṣṇamaya svarūpaḥ ||44||
akhaṇḍa saccitsukha tattvalīno advaitaprabodho virajohutīśca | nārīnirūḍha sthiramātṛbhāvaḥ patnījaganmātṛ samānabodhaḥ ||45||
mahimnaḥstotra samprīto bhāvasamādhi majjitaḥ | aśeṣabhāva saṃsiddhaḥ kālikā śreṣṭhapūjakaḥ ||46||
nānādharma matapremī nānādharma parīkṣakaḥ | satyadharma pathavrātaḥ sakaladharma sāradṛk ||47||
śāntādi bhāvasaṃvettā gopībhāva prasādhakaḥ | sudṛṣṭa ṣoḍaśīmūrtiḥ jñānayoga vyavasthitaḥ ||48||
tanmaya pūjakaśreṣṭho māyāmohana mūrtīdṛk | dinatraya turīyastho nirvikalpa samāhitaḥ ||49||
sārathikṛṣṇa sandraṣṭā bālagopāla vīkṣakaḥ | capala bālikāveśi śrījaganmātṛ darśakaḥ ||50||
śyāmāveśakara śreṣṭhaḥ svīkṛta brāhmaṇīguruḥ | sādhakakula mūrdhanyaḥ kṛtadharma samanvayaḥ ||51||
prakaṭita mahābhāvaḥ svadehalīna rādhikaḥ | bhavatāriṇyanudhyātā tvaparokṣī kṛtāmbikaḥ ||52||
pramūrta rāmasaumitriḥ sītādarśana moditaḥ | paraikāgra manovṛttiḥ anekatantra sādhakaḥ ||53||
śrīgaurāṅgāsanārūḍhaḥ śikhaśāsana tattvavit | premāśru sikta tuṇḍādiḥ netinetīti sādhakaḥ ||54||
kāla tatkāminī draṣṭā śivārūḍha śivāpriyaḥ | brahmakuṇḍali nidrāghno 'vigīta tantrapāragaḥ ||55|
vivikta sevanākṛṣṭo divyaprema madākulaḥ | jagadamba samādiṣṭo dṛḍhabhāvamukha sthitiḥ ||56||
calatīrtha svarūpo'pi vihita tīrthasevanaḥ | bṛṃhita tīrthamāhātmyaḥ sutīrthikṛta janmabhūḥ ||57||
jāgrad dṛṣṭāmaravrātaḥ prakṛṣṭa tīrthapāvanaḥ | daridraduḥkha santaptaḥ kṣudhātura subhojyadaḥ ||58||
svāṅgasallīna viśveśo dṛṣṭatāraka mantradaḥ | svarṇa kāśīkṣaṇānandaḥ svayaṃ pūjita durgataḥ ||59||
dīnārtaśulka sammocī dṛṣṭa jyotirmayeśvaraḥ | prakāśita parapremā prāptakāśī śivālayaḥ ||60||
vīṇā madhura jhaṅkāra śravaṇa prāpta nirvṛtiḥ | gopālakṛṣṇa sudraṣṭā śrīvṛndāvana dhāmagaḥ ||61||
śibikārohaṇa vrajyāpūrva bhāvasamādhimān | govardhana śilārūḍho janagaṇa samādṛtaḥ ||62||
sandeharākṣasa dhvastā sparśamātra samādhidaḥ | akhiladharma marmajño mūrkhapaṇḍita sāmyadṛk ||63||
svāṅgasallīna gaurāṅgaḥ smartṛkaluṣa nāśanaḥ | aspṛśya patitoddhartā dharmadvandva vikhaṇḍanaḥ ||64||
ādyaśaktyapṛthagbhūtaḥ śāktagaṇa supūjitaḥ | jīvaduḥkhāmayocchettā karuṇāvaruṇālayaḥ ||65||
cyutācyuto jñānadātā sarvajāti vimuktidaḥ | karāmalakavat siddhiḥ mātṛpūjā samādhimān ||66||
dattabhakta janānandaḥ sudhīndra sevitāṅghrikaḥ | avatāravariṣṭho vai pāpadūṣaṇa mocakaḥ ||67||
śrībhagavatprasaṅgottha śreṣṭha samādhi bhāvayuk | śrīkṛṣṇa madhurākhyāna śravaṇaprāpta nirvṛtiḥ ||68||
yogado yogavidvaryaḥ śuddhasattva pratiṣṭhitaḥ | sarvadvandva vinirmukto narendra yasta dharmadhīḥ ||69||
adhyātmaśakti saṃdātā narendra nirvikalpadaḥ | sparśamātra suvijñāta śrīnarendra svarūpakaḥ ||70||
vilomamārga nirjñāta 'khaṇḍa narendra saṃsthitiḥ | saptarṣi maṇḍalāntaḥstha preṣṭha rṣikaṇṭhadhārakaḥ ||71||
bhaktakleśāsahiṣṇur vai bhavaroga vidūrakaḥ | urarīkṛta saddāsī jagadambā 'khilā''mayaḥ ||72||
bhaktātyanta kṛpāvarṣī paratattvopadeśakaḥ | jitakāmādi ṣaḍvargaḥ tyakta sarvapratigrahaḥ ||73||
kāminīkāñcana tyāgī apūrva mātṛpūjakaḥ | sthāvarā sthāvarābhogī santyakta mathurādhanaḥ ||74||
brahmayoni paridraṣṭā viśado vimalāntaraḥ | bhāvasthiti paraḥ sākṣī dṛṣṭacaitanya kīrtanaḥ ||75||
lokapriyo lokanātho lokaśikṣā guruḥ prabhuḥ | labdha yogavibhūtiśca lokānugraha kārakaḥ ||76||
līlāmayo hariḥ sākṣāt pūjito viśvavanditaḥ | bhūyiṣṭha sādhanā niṣṭhaḥ prathito devamānavaḥ ||77||
vedamūrtir vibhustrātā viśvapātā viśāladhīḥ | vāñchākalpatarur vīro vicitreśvara darśanaḥ ||78||
viśveśvaro virāḍrūpo viśvādhāro vivekadaḥ | vareṇyo vaiṣṇavo viṣṇuḥ vetteśo vedavittamaḥ ||79||
nānārūpo nirākāro nṛdevo nirbhayo'vyayaḥ | nityo nirvāsano'jñeyo nirvikalpo nirañjanaḥ ||80||
kṛpāsāraḥ kṛpādhāraḥ karuṇaḥ karuṇekṣaṇaḥ | kālīsūnuḥ svayaṅkālī karṇadhāra svarūpakaḥ ||81||
yugadharma susaṃskartā yugabhāva pravartakaḥ | yugācāra paridraṣṭā yugaglāni vidūrakaḥ ||82||
kṛta śrīkālikā līlo lalitaḥ premasundaraḥ | kāmakāñcana śūnyaśca kalikaluṣa nāśanaḥ ||83||
vṛddhaśravā bṛhatkarmā bhūtātmā dharmadhārakaḥ | prajñādhano mahābhāvaḥ prāṇarūpo nirantaraḥ ||84||
pitṛmātṛ svarūpaśca janatāpa nivārakaḥ | patitapāvanaḥ śuddhaḥ śuddhidaḥ sarvatomukhaḥ ||85||
sarvajñaḥ sarvaśaktiśca vāsanābīja bharjakaḥ | ātmārāmo ramānāthaḥ parabrahma pareśvaraḥ ||86||
kaṭhora karmakṛcchākto mūrtakāruṇya vigrahaḥ | kṛpākaṭākṣa sukṣepī nirmoho lokapāvanaḥ ||87||
śaktyādhāraḥ śivaḥ śāntaḥ śaṅkaraḥ śaktidāyakaḥ | śuklāmbaradharaḥ śubhraḥ śāntidaḥ śrutisāravit ||88||
buddhido bodhidaḥ saumyaḥ paramānanda dāyakaḥ | viśvavettā trikālajñaḥ tvadvitīyo manoyatiḥ ||89||
premātmā 'rūparūpo vai viśvātmā hṛdayeśvaraḥ | mahādhāro mahāśaktiḥ ojodhātātmatuṣṭimān ||90||
sādhumitraṃ sadānandaḥ satsvarūpaḥ sadātanaḥ | sampradāya vihīno'pi pratisaṅgha sudhārakaḥ ||91||
bhāvātīto bhavastutyo bhaktimārga pradarśakaḥ | bhagavān bhāvapāthodhiḥ bhavabandhana khaṇḍanaḥ ||92||
bhakteśvaro bhayocchettā bhavasāgara tāraṇaḥ | bhaktapālo bhavatrātā bhaktahṛdaya rañjanaḥ ||93||
amitaguṇa caritro 'nantamūrtiḥ praśānto hṛdayakamala saṃstho jñānadānāvatīrṇaḥ | prakṛti vikṛti śunyaḥ sarvagaḥ sarvasākṣī vimala paramahaṃso viśva dharmapratīkaḥ ||94||
praṇayagalita citto 'nādirūpo 'tisūkṣmaḥ śiśumatir avinaśī śaktipāthas taraṅgaḥ | agatika gatidāyī śānti dānāvatīrṇaḥ śamana damanakārī śāntivarṣi svarūpaḥ ||95||
ratipati bhayahārī sarvakalyāṇa rāśī ripukula sumahārir jñānamārga prakāśī | yati muni jana tārī rañjako bhāvamūrtir matimala layakārī moha meghāpasārī ||96||
kaluṣamala vināśī saccidānanda mūrtir nikhilamadhura bhāva svāśrāyaḥ pūrṇarūpaḥ | abhilaṣita vidhātā apūrvaśakti pradātāpi amṛta madhurarūpaḥ sarva viśvātiśāyī ||97||
parama śaraṇadātā śuddhabodha pradīpo dhṛta sahaja samādhiḥ sakriyo niṣkriyaśca | durita dalanaśakto viśvabhāva pravettā triguṇa rahita rūpo bhāsvaraś cidvilāsaḥ ||98||
hṛta śaśadhara kāntir hyuttama jyotireva prabhava maraṇa hīnaś cinmayo divyarūpaḥ | cira sahacara iṣṭo dīnabandhuḥ kṛpālur nikhila bhuvana dhātā tārako 'nāthanāthaḥ ||99||
mahāsādhyo mahāsiddho 'mitavīryo digambaraḥ | mahā vipannivārī ca tyakta lajjābhayādikaḥ ||100||
adbhuto manujaśreṣṭho yugapaccaturāśramī | jagatsvāmī mahācāryo tyāgivaryo hyakhaṇḍadhīḥ ||101||
anādinidhano 'nanto 'vyakto 'khilahṛdīśvaraḥ | asīma balaśālī vai guṇāḍhyaśca guṇātigaḥ ||102||
bhūridātākhilapremī viśvamaitrī prasādhakaḥ | mokṣado varado divyaḥ paramaḥ puruṣottamaḥ ||103||
dāntaḥ svalpākṣaro jñānī jñānamūrtir udāradhīḥ | sarvajño jñānasindhuśca jñeyo jñānaraviḥ sudhīḥ ||104||
pūtadehaḥ pavitrākṣo hyātmajñāna prajāgaraḥ | jñāna vijñāna niṣṇātaḥ cājñāna mohamudgaraḥ ||105||
oṃkāra bījarūpo vā aiṃ hrīṃ bījasvarūpakaḥ | sabīja vāṅmaya draṣṭā mantra caitanya kārakaḥ ||106||
mohārir hṛttamohārī śoka tāpa nivāraṇaḥ | bhukti mukti pradātā ca rāmo mānasa rañjanaḥ ||107||
saṅkīrtanāplutātmā vai saṃsṛti sthiti vismṛtiḥ | kṛṣṇadṛg bhaktimān dhīraḥ siddhakaivalya nirvṛti ||108||
jñānodbhāsita tuṇḍaśrīḥ sarvagranthi vidāraṇaḥ | kṛpākaṭākṣa saṃvarṣī saṃśaya puñjapāṭanaḥ ||109||
nirākāro'tha sākāro līlāvigraha dhāraṇaḥ | māna meya svarūpaḥ cādvayaḥ kevalacetanaḥ ||110||
nirmoho nirmalo juṣṭo buddho mukto maheśvaraḥ | premāmṛtākaraḥ pūrṇo 'khila pātakitāraṇaḥ ||111||
premābdhiḥ premavāhī ca pramūrta premavigrahaḥ | premalīlā prakāśī ca prema romāñcitāntaraḥ ||112||
jagatpitā jaganmātā jagannātho janārdanaḥ | jagannivāsa āsīnaḥ sarvabhūta layasthitiḥ ||113||
prāṇeśaḥ prāṇakāntaśca prāṇārāmaḥ parāvaraḥ | prāṇadaḥ prāṇagopālaḥ prāṇaśrīśca parātparaḥ ||114||
premadātā parapremī prema gadgada bhāṣaṇaḥ | parapremā premaghanaḥ premākulita vīkṣaṇaḥ ||115||
pāśamukto vimāno'sau prakaṭa kleśa nāśanaḥ | purāṇapuruṣo 'nādiḥ avatārī kṛtārcanaḥ ||116||
prācya pāścātya deśastha prakṛṣṭi susamanvayī | viśva saṃskṛti mālinyāpasāraka janāgraṇīḥ ||117||
prāṇasakho mahāprāṇo dīnanātho dayāghanaḥ | eṣaṇātraya nirmukto nārāyaṇāṃśa sambhavaḥ ||118||
svabhūḥ śambhuḥ svayambhūśca virūpākṣo vilocanaḥ | parameśo mahādevo devadevastapodhanaḥ ||119||
kalyāṇakṛt sukarmātho yugāvatāra sva ca | rāmakṛṣṇobhayātmā vai kuladharma prabodhakaḥ ||120||
samasta śāstra tattvajño brahmā viṣṇu harātigaḥ | kūṭastho brahmarūpastu dvija caṇḍāla sāmyadṛk ||121||
bodhasākṣī viśuddhātmā viśvajyotir udāradhīḥ | bāhya saṃvedanā śūnyo brahmaśaktyaikya bhāvanaḥ ||122||
bodhecchā karmaśaktiśca yoga bhakti parāyaṇaḥ | avatāra variṣṭho'pi vikrānto deśikottamaḥ ||123||
pūrṇayoga rahasyajño yogadātā mahāyamī | yugadevo yugādarśo viśva varṇāśramāśrayaḥ ||124||
sthitaprajño mahāprājñaḥ sadā prajñālaya sthitaḥ | vītarāga bhayakrodhaḥ sthitadhīr muni saṃjñitaḥ ||125||
anāsakto'niketastu stuti nindā vivarjitaḥ | ātmatuṣṭo 'nahaṃvādī tyaktākhila śubhāśubhaḥ ||126||
īśārpita manobuddhi yogamāyā samāvṛtaḥ | śubhanāmā śubhāgāraḥ śubhārīḥ śubhadarśanaḥ ||127||
nigīrṇāhaṃ mamajñāno dveṣahīno gatavyathaḥ | samadraṣṭā kṣamāvāṃśca anapekṣo viśvanāyakaḥ ||128||
pīyūṣa rasapāthodhiḥ kathāmṛta pravarṣaṇaḥ | aspaṣṭa madhurālāpo grāmyabhāva pradarśakaḥ ||129||
sarvajñātā tvavijñāto viśvayoniḥ svayaṃjanuḥ | sarveśvaraḥ svatantraśca ekarūpo'nekarūpakaḥ ||130||
anudvigno 'malaprajño vīta mānāvamānakaḥ | prārthanīyo 'pyarthaśūnyo 'vyaktaḥ suvyakti kāraṇam ||131||
ajeyo jayaśīlaśca niḥspṛho'pi tapaḥparaḥ | ajo'pi jāyamāno vā apāpaḥ pāpamocanaḥ ||132||
sarvadharma saritsindhuḥ sadbhakta hṛdayāśrayaḥ | muni yogi yati dhyeyo vītarāga gatipradaḥ ||133||
brahmastuto brahma mukhādhivāso brahmāṇḍago brahma mukhārcanārhaḥ | brahmādi bodhātiga śemuṣīko brahmārpito brahmavigāhi cetāḥ ||134||
satkarma līlāprakaṭaḥ sudṛṣṭiḥ sudṛṣṭidaḥ saṃsṛti pāśanāśī | śraddhānivāsaḥ sumano vilāsaḥ kandarpahṛt kāmakalā vilopī ||135||
bhakteśvaro bhaktavaras tapasvī bhaktiprakāśaḥ priya bhaktibhāvaḥ | bhaktapriyo bhaktavṛtas tamohā bhaktāvatāro bhava karṇadhāraḥ ||136||
bhaktiprabho bhaktagaṇādṛto vai sugranthadīpo yamabhītihārī | suvyakta vakṣaḥsthita hāra tulyo bhrama pramādākalito madāriḥ ||137||
anantabhāvo jitaśāstrasāro dākṣiṇyadāyī kalidoṣanāśī | asīmarūpaḥ samatānidānaṃ divyākṛtir divyamukha prakāśī ||138||
sarvātmakaḥ sarvasulakṣaṇāṃgo niṣkāma karmaprakaṭaḥ pareśaḥ | sudhāmayaḥ snigdha rasārdrabhāvaḥ sarvaṃsahaḥ sarva ghaṭādhirūḍhaḥ ||139||
sadāpraphullo 'śubhanāśi nāmā kalyāṇavarṣī sukhadāyi murtiḥ | viśuddha vijñānamayo 'prameyo viśuddhasattvaḥ suviśāla vakṣāḥ ||140||
agādhasattvo 'mitavīrya ātmā tattvaprakāśī sutanur mahātmā | akhaṇḍarūpo nikhilāvataṃsaḥ saṃsāra sārāvagato nirīhaḥ ||141||
māyāśrayo mano'bhīṣṭo māyādhīśaḥ sureśvaraḥ | modamāno manohārī māyātītas turīyacit ||142||
maṅgalo mohano mūrto māyāgūḍha svarūpakaḥ | navadaśa mahābhāvo rādhikāmaya jīvitaḥ ||143||
ṛta satya tapaḥ pūrṇo nityayukto 'khileśvaraḥ | ṛtambharo dharādevo lokātītaḥ cidambaraḥ ||144||
amaraścāmṛtādhāro 'mṛtabhāṣo 'mṛtekṣaṇaḥ | akalaḥ sakalaḥ sūrī rañjanaścācalaścalaḥ ||145||
mātṛprāṇaḥ pitṛprāṇaḥ sakhiprāṇo nṛvallabhaḥ | daridraprāṇa ācāryo dīneśo dīnavatsalaḥ ||146||
aprākṛtavapuḥ pūjyaḥ premonmattas tapomayaḥ | dhyeyo 'calapratiṣṭhaśca mohaṅkaṣaḥ kṛpāmayaḥ ||147||
satyaḥ satyāśrayaḥ śarvaḥ satyātmā satyasambhavaḥ | parasatyāparokṣī cāpūrva satyaprabhāṣaṇaḥ ||148||
mahāhṛṣṭo mahādṛpto mahāmoha vināśakaḥ | ghanībhūta manoyogo mādhuryaghana vigrahaḥ ||149||
ahetuka kṛpāsindhuḥ abhimāna vimardakaḥ | mūrtipūjā rahasyajño 'śeṣa saṃśaya vārakaḥ ||150||
cidānanda ghano mānaṃ mahācetāḥ mahākṛtiḥ | cakrī cintāmaṇiścandraḥ sudhākāro varānanaḥ ||151||
rasādhāro rasāgāro rasālāpī rasasthitiḥ | divyarasa prasūtiśca divyarasa pradāyakaḥ ||152||
suspaṣṭa rasika śreṣṭhaḥ sampūrṇa rasa varṣakaḥ | rasapūrṇo rasajño vai rasodbhinna svarūpakaḥ ||153||
sarvadivya rasollāso rasā''svāda pramoditaḥ | navadivya rasajñāno brahmāmbhodhi nimajjakaḥ ||154||
dānī dhanī sukāntiśca nikhilābhaya dāyakaḥ | divyānanda sudhāvarṣī snigdho divyarasojjvalaḥ ||155||
sarvavyāptaḥ prapañceśaḥ sarvadharma svarūpakaḥ | sarvavṛṣṭa kṛpāsāraḥ sadānandaḥ sukhālayaḥ ||156||
prakṛṣṭa sāmya saṃvettā maitryādarśa pradarśakaḥ | svādhīnatā rahasyajñaḥ projjvalo mārgadṛgvaraḥ ||157||
divyavāṇī sudhāvarṣī divyagīti sugāyakaḥ | sarvadharma susaṃskartā dharmaglāni vidūrakaḥ ||158||
satkārya tatparaḥ śūraḥ sarvasantāpa hārakaḥ | śrutisāropadeṣṭā vai sampradāyādhināyakaḥ ||159||
smarajit krodhajinnyāsī smara hālāhalāntakaḥ | siddhayogī mahāyogo vikṣepādi vināśakṛt ||160||
samādhimaṇḍano mānyaḥ samādhisukha saṃsthitaḥ | svadhāma rājamānaśca māyāleśa vivarjitaḥ ||161||
vimugdha jīva māyāghnaḥ śaraṇyo mativardhanaḥ | amānī mānadaḥ svāmī manomada vikhaṇḍanaḥ ||162||
yugandharo yugācāryo bodhāgamyo yatīśvaraḥ | yugapravartako yuktaḥ svaprakāśo yugeśvaraḥ ||163||
yogāsana sthito dhyānī yatimānasa rañjakaḥ | yogigamya svarūpaśca pūrṇayoga prakāśakaḥ ||164||
nitarāṃ śobhita kṣauṇiḥ nivāsaḥ śaraṇaṃ suhṛt | śyāma śyāmā śivodgātā śiva śyāma śivāmayaḥ ||165||
yakṣo jyotirmayo jyotiḥ smayahīno gatakalmaḥ | pātā dhātā pitā bandhuḥ vibudhaḥ śamamaṇḍanaḥ ||166||
maṅgalaśravaṇo hārī komalaḥ śobhanaḥ śubhaḥ | sarvaśakti pradātā vai saṃśrutānāhata dhvaniḥ ||167||
tripuṭī layakārī vai māyā vikṣepa nāśakaḥ | divyabhāva samāsīno rāsamaṇīṣṭa sādhakaḥ ||168||
hṛdaya prāptasāhāyyaḥ svīkṛtāneka sadguruḥ | vinyasta siddhyabhijñāno bhāvahīnatva vārakaḥ ||169||
pradīpteśaputra prakṛṣṭāvalokī prabhodbhinna vijñālladūtāparokṣī | sudṛṣṭātmadeha pralīnāvatāraḥ sa nūnaṃ mahodāra aislāma khārṣṭaḥ ||170||
asārīkṛta preṣṭha siddhyaṣṭako vai sudhī vipra gauri vibhūti praṇāśī | svayaṃ śuddhabhakti prasaṃvid vilāsī svakīyeśa bhaktātmakatva prakāśī ||171||
śivābhinna jīvasvarūpatva ghoṣī śivābhinna martyārcanādarśavādī | navīnākhilodāra dharmādhvadarśī navanyāśi saṅgha pratiṣṭhādhikartā ||172||
praṇāmāstra yogāti dakṣopadeṣṭā svayaṃ vyakta puṃ strī surotkṛṣṭa rūpaḥ | prasūpūta bhāvāśrayotkarṣa vaktā bhṛśaṃ dhikkṛtāhaṃ parisphīta bhāvaḥ ||173||
svayaṃ suvyakta gaurāṅgādi pūrvajāvatāra bhāḥ | dhyeyābheda samāpanna kṛta svavigrahārcanaḥ ||174||
ghanībhūta pūrvāvatārādi bhāvaḥ svasandarśitāmbā maheśasvarūpaḥ | subhuktātura vyādhi tāpādi kopaḥ svadeha sphuṭānya prahārādi cihnaḥ ||175||
puṅkhānupuṅkha viṣayekṣaṇa tatparo'pi brahmāvalokana suvṛtti kalāpa yuktaḥ | nārī nṛ jīvakula mānasa tattvadarśī sammohita prathita dṛpta manasvisaṅghaḥ ||176||
nīcāgragaṇya rasika prakaṭīkṛtātmā bhakta pradarśita varābhaya kālikāśrīḥ | liṅgāśrayāgaṇita citta virāja bhāvaḥ pāpitva bodha parihāra dṛḍhopadeṣṭā ||177||
svecchāvṛtāsādhya kaṭhora rogaḥ kalpadru bhāvāśraya cetanākṛt | narendra saṃkrānta sudivya saṃpannarendra nāthavya sughoṣakārī ||178||
sarvāsu vidyāsu nidhisvarūpaḥ sarveṣu lokeṣu tamisrahaikaḥ | kīṭāṇu kīṭeṣvapavargakārī svābhinna śakti prakaṭeṣṭabījaḥ ||179||
viśvadvandva nivārako viśvamaṅgala kārakaḥ | viśvātigo viśvahartā viśvakīrtiśca viśvarāṭ ||180||
viśvavedānta dharmajño viśvasatkārya darśakaḥ | viśvabhrātṛtva sandīpī viśvadharma prakāśakaḥ ||181|| viśvadharmaprakāśaka oṃ nama iti ||
atha uttarabhāgaḥ ||
līlā saṃvāra saṃkhinna aśeṣa svabhakta pārṣadaḥ | bhūbhāra glāni saṃhārī śrīrāmakṛṣṇa eva saḥ ||1||
śrīrāmakṛṣṇa devasya lokakalyāṇa kāriṇaḥ | stotraṃ sahasra nāmākhyaṃ etannigaditaṃ śubham ||2||
līlānukramikaṃ tvetanna sarvatropa varṇitam | iti neti prasaṅgena bhaktyutkarṣaḥ samīpsitaḥ ||3||
yo vai paṭhennaro nityaṃ śṛṇuyācchrāvayedatha | gāyedvā bhāvamāśritya śraddhābhakti samanvitaḥ ||4||
na tasya duṣkṛtaṃ kiñcit leśato'pi sthitiṃ vrajet | jitvā puṇyakṛtāṃ lokān śaśvacchāntiṃ sa cāpnuyāt ||5||
tretāyāṃ yaśca rāmo hi śrīkṛṣṇo dvāpare smṛtaḥ | tayoraikyena jātaḥ sa rāmakṛṣṇaḥ kalau yuge ||6||
tasyaiśa apūrvabhāso nikhila narakula prārthitāśeṣa kīrtiḥ puṃso lokottarasya hyamala śiśumate rāja niprauḍha kālam | divyācārādaro vai caritaparicayo nyūnamatyantasārau sandigdhe klinnakāle prakaṭamadayute sarvalokāmayaghnau ||7||
paripūjyātmanaścitraṃ prapūjyaḥ syāṃ gṛhe gṛhe | svayamaghoṣa yaddevo yattat satyaphalaṃ vacaḥ ||8||
itthaṃ bhūtābhidhānāya cānuktāśeṣa vācine | sarvathā vācya rūpāya rāmakṛṣṇāya te namaḥ ||9|| hariḥ oṃ tatsat | iti śam | atha samarpaṇam ||
yasya vīryeṇa kṛtino vayaṃ ca bhuvanāni ca | rāmakṛṣṇaṃ sadā vande svataṃtraṃ śarvamīśvaram ||
jaya jaya karuṇābdhe mokṣaseto smarāre | jaya jaya jagadīśa jñānasindho svayaṃbho || jaya jaya paramātman trāhi māṃ bhaktihīnaṃ | jaya jaya bhavahārin rāmakṛṣṇa dvibāho ||
kāyena vācā manasendriyairvā buddhyātmanā vā prakṛteḥ svabhāvāt | karomi yat yat sakalaṃ parasmai śrīrāmākṛṣṇāya samarpayāmi ||
māṃ madīyaṃ ca sakalaṃ śrīrāmakṛṣṇa caraṇe samarpaye ||
atha prārthanā ||
oṃ maṅgalaṃ sarvalokāya vivekānanda dāyine śāradā prāṇanāthāya rāmakṛṣṇāya maṅgalam ||
oṃ sarvāṇi bhūtāni viśantu saukhyam | sarvāṇi bhūtāni bhajantu śāntim | sarvāṇi bhūtāni ayi rāmakṛṣṇa saṃpūrṇamānandam upāśrayantām ||
oṃ śāntiḥ śāntiḥ śāntiḥ || hariḥ oṃ tatsat || śrīrāmakṛṣṇārpaṇamastu ||