ಅಥ ಪ್ರಣಾಮಃ ॥
ಓಂ ಶ್ರೀಗಣೇಶಾಯ ನಮಃ ॥
ಓಂ ಸ್ಥಾಪಕಾಯ ಚ ಧರ್ಮಸ್ಯ ಸರ್ವಧರ್ಮಸ್ವರೂಪಿಣೇ । ಅವತಾರವರಿಷ್ಠಾಯ ರಾಮಕೃಷ್ಣಾಯ ತೇ ನಮಃ ॥
ಓಂ ಯಥಾಗ್ನೇರ್ದಾಹಿಕಾ ಶಕ್ತಿಃ ರಾಮಕೃಷ್ಣೇ ಸ್ಥಿತಾ ಹಿ ಯಾ । ಸರ್ವವಿದ್ಯಾ ಸ್ವರೂಪಾಂ ತಾಂ ಶಾರದಾಂ ಪ್ರಣಮಾಮ್ಯಹಮ್ ॥
ಓಂ ನಮಃ ಶ್ರೀಯತಿರಾಜಾಯ ವಿವೇಕಾನನ್ದ ಸೂರಯೇ । ಸಚ್ಚಿತ್ಸುಖಸ್ವರೂಪಾಯ ಸ್ವಾಮಿನೇ ತಾಪಹಾರಿಣೇ ॥
ಓಂ ರಾಮಕೃಷ್ಣಗತಪ್ರಾಣಂ ಹನುಮದ್ಭಾವ ಭಾವಿತಮ್ । ನಮಾಮಿ ಸ್ವಾಮಿನಂ ರಾಮಕೃಷ್ಣಾನನ್ದೇತಿ ಸಂಜ್ಞಿತಮ್ ॥
ಓಂ ಬ್ರಹ್ಮಾನನ್ದಾದಿ ಶ್ರೀರಾಮಕೃಷ್ಣ ಪಾರ್ಷದೇಭ್ಯೋ ನಮಃ ॥
ಓಂ ಸರ್ವೇಭ್ಯೋ ಗುರುಭ್ಯೋ ನಮಃ ॥ ಓಂ ಸರ್ವೇಭ್ಯೋ ದೇವೇಭ್ಯೋ ನಮಃ ॥ ಓಂ ಸರ್ವೇಭ್ಯೋ ದೇವೀಭ್ಯೋ ನಮಃ ॥ ಓಂ ಸರ್ವೇಭ್ಯೋ ಽವತಾರೇಭ್ಯೋ ನಮಃ ॥ ಓಂ ಸರ್ವೇಭ್ಯೋ ಆಚಾರ್ಯೇಭ್ಯೋ ನಮಃ ॥ ಓಂ ನಮಃ ಪರಮ ಋಷಿಭ್ಯ ಓಂ ನಮಃ ಪರಮ ಋಷಿಭ್ಯಃ ॥
ಅಥ ಧ್ಯಾನಮ್ ॥
ಓಂ ಶಾನ್ತಾಕಾರಂ ಸಮಾಧೌಸ್ಥಿತಂ ಅತುಲ ತನು ಜ್ಯೋತಿಷಾ ವ್ಯಾಪ್ತ ದೇಶಮ್ । ಸಿದ್ಧೇಪೀಠೇ ನಿಷಣ್ಣಂ ಸ್ಮಿತಲಸಿತ ಮುಖಂ ಹರ್ಷಬಾಷ್ಪಾಪ್ಲುತಾಕ್ಷಮ್ ॥ ಚಾರ್ವಙ್ಗಂ ಸ್ವರ್ಣವರ್ಣಂ ವರದಮಭಯದಂ ಜೀವನಂ ಸಜ್ಜನಾನಾಮ್ । ದೇವಾಧೀಶಂ ಭಜೇಹಂ ಹ್ಯಗಣಿತಗುಣಿನಂ ಭಕ್ತಿತೋ ರಾಮಕೃಷ್ಣಮ್ ॥೧॥
ಓಂ ಐಂ ಸರ್ವದೇವದೇವೀ ಸ್ವರೂಪಾಯ ಸರ್ವಧರ್ಮಸ್ವರೂಪಾಯ ಸಶಕ್ತಿಕಾಯ ಸಭಕ್ತವೃನ್ದಾಯ ಸಾಙ್ಗೋಪಾಙ್ಗಾಯ ಶ್ರೀರಾಮಕೃಷ್ಣಾಯ ನಮೋ ನಮಃ ॥
ಅಥ ಪೂರ್ವಭಾಗಃ ॥
ಓಂ ಯಂ ವೈಷ್ಣವಾ ವಿಷ್ಣುಮುದಾಹರನ್ತಿ ಶೈವಾಃ ಶಿವಂ ಬುದ್ಧಮಥಾಪಿ ಬೌದ್ಧಾಃ । ತೀರ್ಥಂಕರಂ ಜೈನಜನಾ ಮಹಾನ್ತಂ ತಂ ರಾಮಕೃಷ್ಣಂ ಪರಮಂ ನಮಾಮಃ ॥೧॥
ಅಮೇಯಾಯಾತಿಮಾಯಾಯ ಜ್ಞಾತಲೋಕಾಯ ತೇ ನಮಃ । ಸರ್ವಜ್ಞಾಯ ಸುಸತ್ತ್ವಾಯಾವಿಜ್ಞಾತಾಯ ಹಿ ತೇ ನಮಃ ॥೨॥
ಲೋಕಾನಾಂ ಕಾರ್ಯಸಿದ್ಧ್ಯರ್ಥಮ್ ಅಜಾಯಾಪಿ ಸುಜನ್ಮನೇ । ನಿರ್ಗುಣಾಯಾಪಿ ದೇವಾಯ ಗುಣಯುಕ್ತಾಯ ತೇ ನಮಃ ॥೩॥
ಪ್ರಸನ್ನಾಯ ಪ್ರಪನ್ನಾನಾಂ ನಿರೀಹಾಯ ತಪಸ್ಯತೇ । ಅಯನಾಯ ವಿರಾಗಾಣಾಂ ಸಚ್ಚಿತ್ಸುಖಾಯ ತೇ ನಮಃ ॥೪॥
ನಮಃ ಶುದ್ಧಾಯ ಬುದ್ಧಾಯ ನಮಃ ಶುದ್ಧತರಾಯ ಚ । ನಮೋ ಬುದ್ಧತರಾಯಾಥ ನಿತ್ಯಮುಕ್ತಾಯ ತೇ ನಮಃ ॥೫॥
ಕರ್ಮಾದಿ ಯೋಗ ಮಾರ್ಗಾಣಾಂ ಸಮನ್ವಯ ವಿಧಾಯಿನೇ । ಧರ್ಮದ್ವನ್ದ್ವ ನಿಹನ್ತ್ರೇ ವೈ ಸರ್ವೇಶ್ವರಾಯ ತೇ ನಮಃ ॥೬॥
ವಿಭೋರ್ನಾಮಸಹಸ್ರಂ ತದ್ ರಾಮಕೃಷ್ಣಾವತಾರಜಮ್ । ರಹಸ್ಯಂ ಹಿ ರಹಸ್ಯಾನಾಮುತ್ತಮಾನಾಂ ತಥೋತ್ತಮಮ್ ॥೭॥
ಪವಿತ್ರಾಣಾಂ ಪವಿತ್ರಂ ವೈ ಸರ್ವಸನ್ತಾಪ ಹಾರಕಮ್ । ಭಕ್ತೈರ್ವಿವೇಕಪ್ರಮುಖೈರ್ದ್ಯೋತಿತಂ ಕಿಲ ಮಙ್ಗಲಮ್ ॥೮॥
ಮನಃ ಶಾನ್ತಿಕರಂ ಪುಣ್ಯಂ ಮೋಕ್ಷಮಾರ್ಗ ಪ್ರವರ್ತಕಮ್ । ಪ್ರೋಚ್ಯತೇ ಸರ್ವಲೋಕಾನಾಂ ಮೋಹನಾಶಾಯ ನಿರ್ಮಲಮ್ ॥೯॥
ಗಯಾಧಾಮ ಪ್ರಭೋ ರ್ವಿಷ್ಣೋರಾತ್ತ ಮಾನುಷ ವಿಗ್ರಹಃ । ಮಙ್ಗಲಧ್ವನಿಭಿಃ ಶಙ್ಖೈರಾವೇದಿತ ಶುಭಾಗಮಃ ॥೧೦॥
ಅಥ ಶ್ರೀರಾಮಕೃಷ್ಣ ಸಹಸ್ರನಾಮ ಸ್ತೋತ್ರಮ್ ॥
ಓಂ ಐಂ ಸರ್ವದೇವದೇವೀ ಸ್ವರೂಪಾಯ ಶ್ರೀರಾಮಕೃಷ್ಣಾಯ ನಮಃ ॥
ಓಂ ಗದಾಧರೋ ಗದಾಇಶ್ಚ ದುಲಾಲಃ ಸ ಪ್ರಿಯೋತ್ತಮಃ । ರಾಮಕೃಷ್ಣ ಇತಿ ಖ್ಯಾತೋ ಬಾಲ್ಯೇ ಸ್ವಜನ ಬಾನ್ಧವೈಃ ॥೧॥
ಕ್ಷುದಿರಾಮಾತ್ಮಜೋ ಬಾಲಃ ಕಾಮಾರ ಪುಕುರೋದ್ಭವಃ । ಸರ್ವೇಪ್ಸಿತೋ ವರಾಕಾರಃ ಕೋಮಲಾಙ್ಗೋ ವಿಭೂತಿಮಾನ್ ॥೨॥
ಸ್ಮಿತಾಧರೋ ಽಖಿಲಪ್ರೇಮೀ ಅತೀವ ಮಧುರ ಮೋಹನಃ । ಸದ್ಬ್ರಾಹ್ಮಣ ಕುಲೋದ್ಭೂತಃ ಪೀಯೂಷವರ್ಷಿ ನಾಮಭಾಕ್ ॥೩॥
ಜನಚಿತ್ತ ಸಮಾಕರ್ಷೀ ಮಾತೃ ಚನ್ದ್ರಮಣಿಪ್ರಿಯಃ । ಧಾತ್ರೀಧನೀ ಪ್ರಪೂಜ್ಯೋಽಸೌ ಬಾಲ್ಯೇಽಪ್ಯದ್ಭುತ ಕೀರ್ತಿಮಾನ್ ॥೪॥
ಮಧುಕ್ಷರ ಸ್ವರಾಲಾಪೋ ವಿಭುಲೀಲಾ ಸುಗಾಯಕಃ । ಸರ್ವಧರ್ಮ ಸುಮರ್ಮಜ್ಞೋ ವಿದ್ವಜ್ಜಲ್ಪ ವಿಖಣ್ಡಕಃ ॥೫॥
ವೇದಪಾಠ ವಿಹೀನೋಽಪಿ ಪರಮವೇದ ತತ್ತ್ವವಿತ್ । ಸುಚಾರು ಪ್ರತಿಮಾಕಾರಃ ಚಿತ್ರಾಙ್ಕನ ವಿಶಾರದಃ ॥೬॥
ಅಭಿನಯಪಟುರ್ ಧೀಮಾನ್ ಗೃಹೀತ ಬಹುಭೂಮಿಕಃ । ರಙ್ಗರಸಪ್ರಿಯಃ ಶ್ರೀಮಾನ್ ನೃತ್ಯಗೀತ ಪರಾಯಣಃ ॥೭॥
ಮುಖವಾದ್ಯ ಪ್ರವೀಣೋಽಸೌ ಶುದ್ಧತಾಲ ಲಯಾಶ್ರಯಃ । ಪಿಕಾಲಿ ಮುರಲೀ ವೀಣಾ ಸಮುದಿತ ಸ್ವರಧ್ವನಿಃ ॥೮॥
ರಾಮಾರೂಪ ವಿಭಾವೀ ವೈ ರಾಮಾಭಙ್ಗಿ ಪ್ರದರ್ಶಕಃ । ರಾಮಾವಿಕಲ ಕಣ್ಠಾಯುಕ್ ಚಾರುಚನ್ದ್ರ ನಿಭಾನನಃ ॥೯॥
ಮಾಧುರ್ಯ ಮಣ್ಡಿತಾಶೇಷ ವಾಲ್ಯಲೀಲಾ ಸಮಾಪಕಃ । ಶ್ರುತಿಧರೋ ಮಹಾಧೀಮಾನ್ ಜನನೀ ಜನಕಪ್ರಿಯಃ ॥೧೦॥
ವಿಶುದ್ಧ ಬ್ರಾಹ್ಮಣಾಚಾರಃ ಸರ್ವದೈವ ಗುಣಾಕರಃ । ನನ್ದಿತೋ ವನ್ದಿತೋ ದೇವಃ ಪಿನಾಕಿ ಭೂಮಿಕಾಧರಃ ॥೧೧॥
ದರ್ಶಕ ಹೃದಯಾನನ್ದಃ ಸಾಕ್ಷಾನ್ ಮೂರ್ತಮಹೇಶ್ವರಃ । ಜಾತ ಶಿವಮಯಾವೇಶಃ ಶಿವಭಾವ ಸಮಾಧಿಮಾನ್ ॥೧೨॥
ಸರ್ವಗ್ರಾಮ ಜನಾಮೋದಃ ಚನ್ದ್ರಮಣಿ ತನೂದ್ಭವಃ । ಕಾಮಾರ ಪುಕುರಪ್ರಾಣಃ ಸುವೇಣೀ ಬದ್ಧಕುನ್ತಲಃ ॥೧೩॥
ಕ್ವಚಿತ್ ತ್ಯಕ್ತಕುಲಾಚಾರಃ ಸತ್ಯವ್ರತ ಪರಾಯಣಃ । ಧನೀಗೃಹೀತ ಭಿಕ್ಷಾನ್ನೋ ಧಾತ್ರೀಸ್ನೇಹ ವಶಂವದಃ ॥೧೪॥
ದೇವೀಗೃಹೀತ ನೈವೇದ್ಯಃ ಚಿನೂದ್ಭಿನ್ನ ಸ್ವರೂಪಕಃ । ಚಿನುಮಿಷ್ಟಾನ್ನ ಸಂಭೋಕ್ತಾ ಚಿನುಭಕ್ತಿ ಕೃತಾರ್ಚನಃ ॥೧೫॥
ಭಕ್ತಾರ್ಚಿತ ಪದಾಮ್ಭೋಜಃ ಶಾಖಾಮೃಗ ಸುಪೂಜಿತಃ । ಸ್ಮೃತ ತ್ರೇತಾಯುಗಾಚಾರೋ ರಾಘವಾಭಿನ್ನ ರೂಪಕಃ ॥೧೬॥
ಧನೀ ಭಕ್ತ್ಯರ್ಚನಾಧಾರೋ ಜಾತಿಮಾನ ವಿವರ್ಜಿತಃ । ಶುದ್ಧಭಕ್ತಿ ಧನಗ್ರಾಹೀ ಪ್ರೇಮಾನನ್ದ ಸಮುಜ್ಜ್ವಲಃ ॥೧೭॥
ಪಿತೃಪೂಜಾ ಸಮಾಕೃಷ್ಟಃ ಪ್ರೇಮ ಪುಲಕಿತಾನ್ತರಃ । ಜಾತ ರಘುವರಾವೇಶೋ ರಾಘವಮಾಲ್ಯ ಭೂಷಿತಃ ॥೧೮॥
ಕಲಾಕಲಾಪ ನಿಷ್ಣಾತಃ ಸರಲಃ ಸೌಮ್ಯದರ್ಶನಃ । ಪರಮಸುನ್ದರಃ ಪ್ರೇಷ್ಠೋ ದಿವ್ಯಲಕ್ಷಣ ಲಕ್ಷಿತಃ ॥೧೯॥
ತೀರ್ಥೀಕೃತ ನಿಜಗ್ರಾಮೋ ಜನ್ಮಭೂ ಶೇವಧಿಃ ಸ್ವಯಮ್ । ಪೂಜ್ಯಾಭೇದ ಸಮಾಪನ್ನಃ ಸ್ವಾಂಘ್ರಿ ನ್ಯಸ್ತೋಪಚಾರಕಃ ॥೨೦॥
ಅಭೀಷ್ಟ ಪಾರ್ಷದವ್ರಾತಃ ಪಾರ್ಷದವೃನ್ದ ಪೂಜಿತಃ । ನವಕಲೇಬರ ಶ್ರೀಶಃ ಕೃಷ್ಣಲೀಲಾ ಪ್ರಕಾಶಕಃ ॥೨೧॥
ನಿಸರ್ಗಾಲೋಕನೋನ್ಮತ್ತೋ ಭಾವರಾಶಿ ಪ್ರಪೂರಿತಃ । ಮೇಘಾಮ್ಬರ ಬಲಾಕಾದೃಕ್ ಬಾಲ್ಯಾಶೇಷ ಸಮಾಧಿಮಾನ್ ॥೨೨॥
ಸಂಸಾರಾಸಾರತಾ ದರ್ಶೀ ಸದಾ ವೈರಾಗ್ಯಭಾವನಃ । ನ್ಯಾಸಿಸಙ್ಗೀ ಪರಪ್ರೀತಃ ಪರಿವ್ರಾಜಕ ವನ್ದಿತಃ ॥೨೩॥
ಗಙ್ಗಾಮ್ಬು ಬ್ರಹ್ಮಸಮ್ಬೋಧಿಃ ಗಙ್ಗಾಭಕ್ತಿ ಪರಾಯಣಃ । ದೃಢಮುನಿ ವ್ರತಾಚಾರೀ ಕ್ಷುತ್ಪಿಪಾಸೋರ್ಮಿ ವರ್ಜಿತಃ ॥೨೪॥
ಸದಾ ಶಿವಶಿವಾಲಾಪೀ ಶಮಾದಿ ವಿಭವಾನ್ವಿತಃ । ವಿಹಿತ ಗಾಙ್ಗಮೃಚ್ಛಮ್ಭುಃ ವಿಶ್ರುತ ಪ್ರತಿಭಾಧರಃ ॥೨೫॥
ಛೋಟಭಟ್ಚಾಜಿತಿ ಪ್ರೋಕ್ತಃ ಕೃತಮೃಣ್ಮಯ ಚಿನ್ಮಯಃ । ಪ್ರಕಟ ಪುಲಕಾವೇಗೋ ದಕ್ಷಿಣೇಶ್ವರ ಜೀವನಮ್ ॥೨೬॥
ಘೃಷ್ಟಸಾಶ್ರು ಮುಖಾಮ್ಭೋಜಃ ಶ್ರೀಕಾಲೀ ದರ್ಶನಾಕುಲಃ । ಕಠಿನ ಮೃತ್ತಿಕಾಶಾಯೀ ಹ್ಯುಚ್ಚೈರ್ಮಾಮೇತಿ ರೋದಕಃ ॥೨೭॥
ಮಥುರಾ ಮೋಹನಾನನ್ದಃ ಶ್ರೀಕಾಲಿಕಾ ಸುಪೂಜಕಃ । ಜಗನ್ಮಾತೃ ಗತಪ್ರಾಣಃ ಪ್ರಾಣತ್ಯಾಗ ಸಮುದ್ಯತಃ ॥೨೮॥
ಸ್ವಮುಣ್ಡ ವಿನಿಪಾತಾರ್ಥೀ ಸುತೀಕ್ಷ್ಣ ಖಡ್ಗಧಾರಕಃ । ಅಖಣ್ಡ ಚೇತನಾಸ್ಫೂರ್ತಿರ್ ವಿಲುಪ್ತ ಬಾಹ್ಯಚೇತನಃ ॥೨೯॥
ಸಬಾಹ್ಯಾಭ್ಯನ್ತರ ಜ್ಯೋತಿಃ ದೇವೀಮನ್ದಿರ ಶಾಯಿತಃ । ಆನನ್ದ ಸಾಗರಸ್ನಾತೋ ದೃಷ್ಟಚಿನ್ಮಯ ಕಾಲಿಕಃ ॥೩೦॥
ಶ್ಯಾಮಾ ನೀರಾಜನೋನ್ಮತ್ತಃ ಸರ್ವವಿಷಯ ನಿಸ್ಪೃಹಃ । ಆತ್ಮಸ್ಥಿತಿ ವಿಘಾತೇನ ಽಪರವಿದ್ಯಾ ಪರಾಙ್ಮುಖ ॥೩೧॥
ಯೋಗಶಿಕ್ಷಾ ಪರಾಮೋದೋ ವಿಯೋಗ ಶಿಕ್ಷಣಾರುಚಿಃ । ಭೋಗನಿಷ್ಠೀವನ ತ್ಯಾಗೀ ಪರವಿದ್ಯಾ ಪ್ರಮಾನದಃ ॥೩೨॥
ತೋತಾಸಮ್ಪ್ರಾಪ್ತ ಸಂನ್ಯಾಸೋ ಹ್ಯದ್ವೈತ ಸಾಧನಾಪರಃ । ಬ್ರಹ್ಮಬೋಧಿ ಸಮಾರೂಢೋ ನಿರ್ವಿಕಲ್ಪ ಸಮಾಧಿಮಾನ್ ॥೩೩॥
ಅನುಲೋಮ ವಿಲೋಮಜ್ಞೋ ವಿಜ್ಞಾನ ಭೂಮಿಸಂದೃಢಃ । ರೂಪಾರೂಪ ಸಮಾಪತ್ತೌ ಪ್ರಜ್ಞಾಪ್ರೋತ್ಕರ್ಷ ಸಂಯುತಃ ॥೩೪॥
ಷಣ್ಮಾಸ ನಿರ್ನಿಮೇಷಾಕ್ಷೋ ಹಠಯೋಗ ಪ್ರಸಾಧಕಃ । ಸದಾಶಿವ ಸಮಾವಿಷ್ಟೋ ಭದ್ರಮಾಲ್ಯ ಪ್ರಭೂಷಿತಃ ॥೩೫॥
ದಿವ್ಯಜ್ಯೋತಿರ್ ಮಯಾಧಾರೋ ದಾಸ್ಯಭಕ್ತಿ ಪ್ರದರ್ಶಕಃ । ಶ್ಯಾಮಾಧ್ಯಾನ ಮಹಾವೇಶೀ ಜಟಾಜೂಟ ಶಿವೇಕ್ಷಕಃ ॥೩೬॥
ಆನನ್ದಾಸನ ಸಂಸಿದ್ಧಃ ಕ್ರಾನ್ತದರ್ಶೀ ಸುಮೋಹನಃ । ಅಖಿಲ ವಿಬುಧಾವೇಶಃ ಪ್ರತಿಮಾ ಜ್ಞಾತಚೇತನಃ ॥೩೭॥
ಬುದ್ಧಾವತಾರ ಸಮ್ಬುದ್ಧಃ ಶೂನ್ಯತತ್ತ್ವ ರಹಸ್ಯವಿತ್ । ನಾನಾಕೃಚ್ಛ್ರ ವ್ರತಾಚಾರೀ ಜ್ಯೋತಿರ್ಲೀನ ಸ್ವರೂಪಕಃ ॥೩೮॥
ಸಙ್ಕೀರ್ತಕೋ ನೃತ್ಯಪರೋ ನಿರಾಶೋ ದರಿದ್ರದೇವೋ ಜನಚಿತ್ತಹಾರೀ । ಸ್ತ್ರೀಮಾತ್ರ ಸಂವೀಕ್ಷಿತ ಮಾತೃರೂಪೋ ವೇಶ್ಯಾನುಭೂತೋತ್ತಮ ಮಾತೃಸತ್ತಃ ॥೩೯॥
ಶ್ಯಾಮಾರ್ಪಿತ ಪ್ರಾಣಮನಃ ಶರೀರಃ ಶ್ಯಾಮಾನಿದಿಧ್ಯಾಸ ಪರಾಯಣೋ ವೈ । ಆಹಾರಪಾನ ಸ್ವಪನಾದಿ ಶೂನ್ಯಃ ಶ್ಯಾಮಾವಲೋಕಾಕುಲ ಉದ್ಗತಾಶ್ರು ॥೪೦॥
ಧ್ಯಾನಾನುಕೂಲಾಖಿಲಪಾಶ ಮೋಕೋ ಧ್ಯಾನಾರ್ಥ ಸನ್ತ್ಯಕ್ತ ಸುವೇಶಸೂತ್ರಃ । ತೃಣೀಕೃತಾಶೇಷ ಧನೋಪಹಾರೋ ದೇವೀ ವಿಯೋಗ ವ್ಯಥಿತಪ್ರದಗ್ಧಃ ॥೪೧॥
ಕರ್ಮೇಷ್ಟಸಂಹಾರಿ ಮಹಾತಿಥಿಜ್ಞಃ ಪತ್ನೀಸಮಾರಾಧಿತ ಷೋಡಶೀಕಃ । ಸ್ತ್ರೀಜ್ಞಾತ ಬಾಲತ್ರಿಪುರಾ ಪ್ರಕಾಶೋ ದೇವೀವಿಲೀನಾತ್ಮ ಕಲತ್ರಭೇದಃ ॥೪೨॥
ಸಾಷ್ಟಾಂಗಪಾತಾರ್ಪಿತ ಸಾಧ್ಯಜಾತಃ ಪತ್ನೀಪದನ್ಯಸ್ತ ಜಪಾರ್ಥಮಾಲ್ಯಃ । ಪತ್ನೀಪ್ರತಿಷ್ಠಾಪಿತ ಮಾತೃಭಾವೋಽಸಾಮಾನ್ಯ ಪೂಜಾಚರಣ ಪ್ರಕಾಶೀ ॥೪೩॥
ಮಾಧುರ್ಯಭಾವೋ ಽಖಿಲ ದಿವ್ಯರೂಪಃ ಸರ್ವೋತ್ತಮಃ ಸಾಧಕಚಕ್ರವರ್ತೀ । ಸರ್ವತ್ರಸಂವೀಕ್ಷಿತ ವಾಸುದೇವಃ ಶ್ಯಾಮಾಧನಃ ಕೃಷ್ಣಮಯ ಸ್ವರೂಪಃ ॥೪೪॥
ಅಖಣ್ಡ ಸಚ್ಚಿತ್ಸುಖ ತತ್ತ್ವಲೀನೋ ಅದ್ವೈತಪ್ರಬೋಧೋ ವಿರಜೋಹುತೀಶ್ಚ । ನಾರೀನಿರೂಢ ಸ್ಥಿರಮಾತೃಭಾವಃ ಪತ್ನೀಜಗನ್ಮಾತೃ ಸಮಾನಬೋಧಃ ॥೪೫॥
ಮಹಿಮ್ನಃಸ್ತೋತ್ರ ಸಮ್ಪ್ರೀತೋ ಭಾವಸಮಾಧಿ ಮಜ್ಜಿತಃ । ಅಶೇಷಭಾವ ಸಂಸಿದ್ಧಃ ಕಾಲಿಕಾ ಶ್ರೇಷ್ಠಪೂಜಕಃ ॥೪೬॥
ನಾನಾಧರ್ಮ ಮತಪ್ರೇಮೀ ನಾನಾಧರ್ಮ ಪರೀಕ್ಷಕಃ । ಸತ್ಯಧರ್ಮ ಪಥವ್ರಾತಃ ಸಕಲಧರ್ಮ ಸಾರದೃಕ್ ॥೪೭॥
ಶಾನ್ತಾದಿ ಭಾವಸಂವೇತ್ತಾ ಗೋಪೀಭಾವ ಪ್ರಸಾಧಕಃ । ಸುದೃಷ್ಟ ಷೋಡಶೀಮೂರ್ತಿಃ ಜ್ಞಾನಯೋಗ ವ್ಯವಸ್ಥಿತಃ ॥೪೮॥
ತನ್ಮಯ ಪೂಜಕಶ್ರೇಷ್ಠೋ ಮಾಯಾಮೋಹನ ಮೂರ್ತೀದೃಕ್ । ದಿನತ್ರಯ ತುರೀಯಸ್ಥೋ ನಿರ್ವಿಕಲ್ಪ ಸಮಾಹಿತಃ ॥೪೯॥
ಸಾರಥಿಕೃಷ್ಣ ಸನ್ದ್ರಷ್ಟಾ ಬಾಲಗೋಪಾಲ ವೀಕ್ಷಕಃ । ಚಪಲ ಬಾಲಿಕಾವೇಶಿ ಶ್ರೀಜಗನ್ಮಾತೃ ದರ್ಶಕಃ ॥೫೦॥
ಶ್ಯಾಮಾವೇಶಕರ ಶ್ರೇಷ್ಠಃ ಸ್ವೀಕೃತ ಬ್ರಾಹ್ಮಣೀಗುರುಃ । ಸಾಧಕಕುಲ ಮೂರ್ಧನ್ಯಃ ಕೃತಧರ್ಮ ಸಮನ್ವಯಃ ॥೫೧॥
ಪ್ರಕಟಿತ ಮಹಾಭಾವಃ ಸ್ವದೇಹಲೀನ ರಾಧಿಕಃ । ಭವತಾರಿಣ್ಯನುಧ್ಯಾತಾ ತ್ವಪರೋಕ್ಷೀ ಕೃತಾಮ್ಬಿಕಃ ॥೫೨॥
ಪ್ರಮೂರ್ತ ರಾಮಸೌಮಿತ್ರಿಃ ಸೀತಾದರ್ಶನ ಮೋದಿತಃ । ಪರೈಕಾಗ್ರ ಮನೋವೃತ್ತಿಃ ಅನೇಕತನ್ತ್ರ ಸಾಧಕಃ ॥೫೩॥
ಶ್ರೀಗೌರಾಙ್ಗಾಸನಾರೂಢಃ ಶಿಖಶಾಸನ ತತ್ತ್ವವಿತ್ । ಪ್ರೇಮಾಶ್ರು ಸಿಕ್ತ ತುಣ್ಡಾದಿಃ ನೇತಿನೇತೀತಿ ಸಾಧಕಃ ॥೫೪॥
ಕಾಲ ತತ್ಕಾಮಿನೀ ದ್ರಷ್ಟಾ ಶಿವಾರೂಢ ಶಿವಾಪ್ರಿಯಃ । ಬ್ರಹ್ಮಕುಣ್ಡಲಿ ನಿದ್ರಾಘ್ನೋ ಽವಿಗೀತ ತನ್ತ್ರಪಾರಗಃ ॥೫೫।
ವಿವಿಕ್ತ ಸೇವನಾಕೃಷ್ಟೋ ದಿವ್ಯಪ್ರೇಮ ಮದಾಕುಲಃ । ಜಗದಮ್ಬ ಸಮಾದಿಷ್ಟೋ ದೃಢಭಾವಮುಖ ಸ್ಥಿತಿಃ ॥೫೬॥
ಚಲತೀರ್ಥ ಸ್ವರೂಪೋಽಪಿ ವಿಹಿತ ತೀರ್ಥಸೇವನಃ । ಬೃಂಹಿತ ತೀರ್ಥಮಾಹಾತ್ಮ್ಯಃ ಸುತೀರ್ಥಿಕೃತ ಜನ್ಮಭೂಃ ॥೫೭॥
ಜಾಗ್ರದ್ ದೃಷ್ಟಾಮರವ್ರಾತಃ ಪ್ರಕೃಷ್ಟ ತೀರ್ಥಪಾವನಃ । ದರಿದ್ರದುಃಖ ಸನ್ತಪ್ತಃ ಕ್ಷುಧಾತುರ ಸುಭೋಜ್ಯದಃ ॥೫೮॥
ಸ್ವಾಙ್ಗಸಲ್ಲೀನ ವಿಶ್ವೇಶೋ ದೃಷ್ಟತಾರಕ ಮನ್ತ್ರದಃ । ಸ್ವರ್ಣ ಕಾಶೀಕ್ಷಣಾನನ್ದಃ ಸ್ವಯಂ ಪೂಜಿತ ದುರ್ಗತಃ ॥೫೯॥
ದೀನಾರ್ತಶುಲ್ಕ ಸಮ್ಮೋಚೀ ದೃಷ್ಟ ಜ್ಯೋತಿರ್ಮಯೇಶ್ವರಃ । ಪ್ರಕಾಶಿತ ಪರಪ್ರೇಮಾ ಪ್ರಾಪ್ತಕಾಶೀ ಶಿವಾಲಯಃ ॥೬೦॥
ವೀಣಾ ಮಧುರ ಝಙ್ಕಾರ ಶ್ರವಣ ಪ್ರಾಪ್ತ ನಿರ್ವೃತಿಃ । ಗೋಪಾಲಕೃಷ್ಣ ಸುದ್ರಷ್ಟಾ ಶ್ರೀವೃನ್ದಾವನ ಧಾಮಗಃ ॥೬೧॥
ಶಿಬಿಕಾರೋಹಣ ವ್ರಜ್ಯಾಪೂರ್ವ ಭಾವಸಮಾಧಿಮಾನ್ । ಗೋವರ್ಧನ ಶಿಲಾರೂಢೋ ಜನಗಣ ಸಮಾದೃತಃ ॥೬೨॥
ಸನ್ದೇಹರಾಕ್ಷಸ ಧ್ವಸ್ತಾ ಸ್ಪರ್ಶಮಾತ್ರ ಸಮಾಧಿದಃ । ಅಖಿಲಧರ್ಮ ಮರ್ಮಜ್ಞೋ ಮೂರ್ಖಪಣ್ಡಿತ ಸಾಮ್ಯದೃಕ್ ॥೬೩॥
ಸ್ವಾಙ್ಗಸಲ್ಲೀನ ಗೌರಾಙ್ಗಃ ಸ್ಮರ್ತೃಕಲುಷ ನಾಶನಃ । ಅಸ್ಪೃಶ್ಯ ಪತಿತೋದ್ಧರ್ತಾ ಧರ್ಮದ್ವನ್ದ್ವ ವಿಖಣ್ಡನಃ ॥೬೪॥
ಆದ್ಯಶಕ್ತ್ಯಪೃಥಗ್ಭೂತಃ ಶಾಕ್ತಗಣ ಸುಪೂಜಿತಃ । ಜೀವದುಃಖಾಮಯೋಚ್ಛೇತ್ತಾ ಕರುಣಾವರುಣಾಲಯಃ ॥೬೫॥
ಚ್ಯುತಾಚ್ಯುತೋ ಜ್ಞಾನದಾತಾ ಸರ್ವಜಾತಿ ವಿಮುಕ್ತಿದಃ । ಕರಾಮಲಕವತ್ ಸಿದ್ಧಿಃ ಮಾತೃಪೂಜಾ ಸಮಾಧಿಮಾನ್ ॥೬೬॥
ದತ್ತಭಕ್ತ ಜನಾನನ್ದಃ ಸುಧೀನ್ದ್ರ ಸೇವಿತಾಙ್ಘ್ರಿಕಃ । ಅವತಾರವರಿಷ್ಠೋ ವೈ ಪಾಪದೂಷಣ ಮೋಚಕಃ ॥೬೭॥
ಶ್ರೀಭಗವತ್ಪ್ರಸಙ್ಗೋತ್ಥ ಶ್ರೇಷ್ಠ ಸಮಾಧಿ ಭಾವಯುಕ್ । ಶ್ರೀಕೃಷ್ಣ ಮಧುರಾಖ್ಯಾನ ಶ್ರವಣಪ್ರಾಪ್ತ ನಿರ್ವೃತಿಃ ॥೬೮॥
ಯೋಗದೋ ಯೋಗವಿದ್ವರ್ಯಃ ಶುದ್ಧಸತ್ತ್ವ ಪ್ರತಿಷ್ಠಿತಃ । ಸರ್ವದ್ವನ್ದ್ವ ವಿನಿರ್ಮುಕ್ತೋ ನರೇನ್ದ್ರ ಯಸ್ತ ಧರ್ಮಧೀಃ ॥೬೯॥
ಅಧ್ಯಾತ್ಮಶಕ್ತಿ ಸಂದಾತಾ ನರೇನ್ದ್ರ ನಿರ್ವಿಕಲ್ಪದಃ । ಸ್ಪರ್ಶಮಾತ್ರ ಸುವಿಜ್ಞಾತ ಶ್ರೀನರೇನ್ದ್ರ ಸ್ವರೂಪಕಃ ॥೭೦॥
ವಿಲೋಮಮಾರ್ಗ ನಿರ್ಜ್ಞಾತ ಽಖಣ್ಡ ನರೇನ್ದ್ರ ಸಂಸ್ಥಿತಿಃ । ಸಪ್ತರ್ಷಿ ಮಣ್ಡಲಾನ್ತಃಸ್ಥ ಪ್ರೇಷ್ಠ ರ್ಷಿಕಣ್ಠಧಾರಕಃ ॥೭೧॥
ಭಕ್ತಕ್ಲೇಶಾಸಹಿಷ್ಣುರ್ ವೈ ಭವರೋಗ ವಿದೂರಕಃ । ಉರರೀಕೃತ ಸದ್ದಾಸೀ ಜಗದಮ್ಬಾ ಽಖಿಲಾಽಽಮಯಃ ॥೭೨॥
ಭಕ್ತಾತ್ಯನ್ತ ಕೃಪಾವರ್ಷೀ ಪರತತ್ತ್ವೋಪದೇಶಕಃ । ಜಿತಕಾಮಾದಿ ಷಡ್ವರ್ಗಃ ತ್ಯಕ್ತ ಸರ್ವಪ್ರತಿಗ್ರಹಃ ॥೭೩॥
ಕಾಮಿನೀಕಾಞ್ಚನ ತ್ಯಾಗೀ ಅಪೂರ್ವ ಮಾತೃಪೂಜಕಃ । ಸ್ಥಾವರಾ ಸ್ಥಾವರಾಭೋಗೀ ಸನ್ತ್ಯಕ್ತ ಮಥುರಾಧನಃ ॥೭೪॥
ಬ್ರಹ್ಮಯೋನಿ ಪರಿದ್ರಷ್ಟಾ ವಿಶದೋ ವಿಮಲಾನ್ತರಃ । ಭಾವಸ್ಥಿತಿ ಪರಃ ಸಾಕ್ಷೀ ದೃಷ್ಟಚೈತನ್ಯ ಕೀರ್ತನಃ ॥೭೫॥
ಲೋಕಪ್ರಿಯೋ ಲೋಕನಾಥೋ ಲೋಕಶಿಕ್ಷಾ ಗುರುಃ ಪ್ರಭುಃ । ಲಬ್ಧ ಯೋಗವಿಭೂತಿಶ್ಚ ಲೋಕಾನುಗ್ರಹ ಕಾರಕಃ ॥೭೬॥
ಲೀಲಾಮಯೋ ಹರಿಃ ಸಾಕ್ಷಾತ್ ಪೂಜಿತೋ ವಿಶ್ವವನ್ದಿತಃ । ಭೂಯಿಷ್ಠ ಸಾಧನಾ ನಿಷ್ಠಃ ಪ್ರಥಿತೋ ದೇವಮಾನವಃ ॥೭೭॥
ವೇದಮೂರ್ತಿರ್ ವಿಭುಸ್ತ್ರಾತಾ ವಿಶ್ವಪಾತಾ ವಿಶಾಲಧೀಃ । ವಾಞ್ಛಾಕಲ್ಪತರುರ್ ವೀರೋ ವಿಚಿತ್ರೇಶ್ವರ ದರ್ಶನಃ ॥೭೮॥
ವಿಶ್ವೇಶ್ವರೋ ವಿರಾಡ್ರೂಪೋ ವಿಶ್ವಾಧಾರೋ ವಿವೇಕದಃ । ವರೇಣ್ಯೋ ವೈಷ್ಣವೋ ವಿಷ್ಣುಃ ವೇತ್ತೇಶೋ ವೇದವಿತ್ತಮಃ ॥೭೯॥
ನಾನಾರೂಪೋ ನಿರಾಕಾರೋ ನೃದೇವೋ ನಿರ್ಭಯೋಽವ್ಯಯಃ । ನಿತ್ಯೋ ನಿರ್ವಾಸನೋಽಜ್ಞೇಯೋ ನಿರ್ವಿಕಲ್ಪೋ ನಿರಞ್ಜನಃ ॥೮೦॥
ಕೃಪಾಸಾರಃ ಕೃಪಾಧಾರಃ ಕರುಣಃ ಕರುಣೇಕ್ಷಣಃ । ಕಾಲೀಸೂನುಃ ಸ್ವಯಙ್ಕಾಲೀ ಕರ್ಣಧಾರ ಸ್ವರೂಪಕಃ ॥೮೧॥
ಯುಗಧರ್ಮ ಸುಸಂಸ್ಕರ್ತಾ ಯುಗಭಾವ ಪ್ರವರ್ತಕಃ । ಯುಗಾಚಾರ ಪರಿದ್ರಷ್ಟಾ ಯುಗಗ್ಲಾನಿ ವಿದೂರಕಃ ॥೮೨॥
ಕೃತ ಶ್ರೀಕಾಲಿಕಾ ಲೀಲೋ ಲಲಿತಃ ಪ್ರೇಮಸುನ್ದರಃ । ಕಾಮಕಾಞ್ಚನ ಶೂನ್ಯಶ್ಚ ಕಲಿಕಲುಷ ನಾಶನಃ ॥೮೩॥
ವೃದ್ಧಶ್ರವಾ ಬೃಹತ್ಕರ್ಮಾ ಭೂತಾತ್ಮಾ ಧರ್ಮಧಾರಕಃ । ಪ್ರಜ್ಞಾಧನೋ ಮಹಾಭಾವಃ ಪ್ರಾಣರೂಪೋ ನಿರನ್ತರಃ ॥೮೪॥
ಪಿತೃಮಾತೃ ಸ್ವರೂಪಶ್ಚ ಜನತಾಪ ನಿವಾರಕಃ । ಪತಿತಪಾವನಃ ಶುದ್ಧಃ ಶುದ್ಧಿದಃ ಸರ್ವತೋಮುಖಃ ॥೮೫॥
ಸರ್ವಜ್ಞಃ ಸರ್ವಶಕ್ತಿಶ್ಚ ವಾಸನಾಬೀಜ ಭರ್ಜಕಃ । ಆತ್ಮಾರಾಮೋ ರಮಾನಾಥಃ ಪರಬ್ರಹ್ಮ ಪರೇಶ್ವರಃ ॥೮೬॥
ಕಠೋರ ಕರ್ಮಕೃಚ್ಛಾಕ್ತೋ ಮೂರ್ತಕಾರುಣ್ಯ ವಿಗ್ರಹಃ । ಕೃಪಾಕಟಾಕ್ಷ ಸುಕ್ಷೇಪೀ ನಿರ್ಮೋಹೋ ಲೋಕಪಾವನಃ ॥೮೭॥
ಶಕ್ತ್ಯಾಧಾರಃ ಶಿವಃ ಶಾನ್ತಃ ಶಙ್ಕರಃ ಶಕ್ತಿದಾಯಕಃ । ಶುಕ್ಲಾಮ್ಬರಧರಃ ಶುಭ್ರಃ ಶಾನ್ತಿದಃ ಶ್ರುತಿಸಾರವಿತ್ ॥೮೮॥
ಬುದ್ಧಿದೋ ಬೋಧಿದಃ ಸೌಮ್ಯಃ ಪರಮಾನನ್ದ ದಾಯಕಃ । ವಿಶ್ವವೇತ್ತಾ ತ್ರಿಕಾಲಜ್ಞಃ ತ್ವದ್ವಿತೀಯೋ ಮನೋಯತಿಃ ॥೮೯॥
ಪ್ರೇಮಾತ್ಮಾ ಽರೂಪರೂಪೋ ವೈ ವಿಶ್ವಾತ್ಮಾ ಹೃದಯೇಶ್ವರಃ । ಮಹಾಧಾರೋ ಮಹಾಶಕ್ತಿಃ ಓಜೋಧಾತಾತ್ಮತುಷ್ಟಿಮಾನ್ ॥೯೦॥
ಸಾಧುಮಿತ್ರಂ ಸದಾನನ್ದಃ ಸತ್ಸ್ವರೂಪಃ ಸದಾತನಃ । ಸಮ್ಪ್ರದಾಯ ವಿಹೀನೋಽಪಿ ಪ್ರತಿಸಙ್ಘ ಸುಧಾರಕಃ ॥೯೧॥
ಭಾವಾತೀತೋ ಭವಸ್ತುತ್ಯೋ ಭಕ್ತಿಮಾರ್ಗ ಪ್ರದರ್ಶಕಃ । ಭಗವಾನ್ ಭಾವಪಾಥೋಧಿಃ ಭವಬನ್ಧನ ಖಣ್ಡನಃ ॥೯೨॥
ಭಕ್ತೇಶ್ವರೋ ಭಯೋಚ್ಛೇತ್ತಾ ಭವಸಾಗರ ತಾರಣಃ । ಭಕ್ತಪಾಲೋ ಭವತ್ರಾತಾ ಭಕ್ತಹೃದಯ ರಞ್ಜನಃ ॥೯೩॥
ಅಮಿತಗುಣ ಚರಿತ್ರೋ ಽನನ್ತಮೂರ್ತಿಃ ಪ್ರಶಾನ್ತೋ ಹೃದಯಕಮಲ ಸಂಸ್ಥೋ ಜ್ಞಾನದಾನಾವತೀರ್ಣಃ । ಪ್ರಕೃತಿ ವಿಕೃತಿ ಶುನ್ಯಃ ಸರ್ವಗಃ ಸರ್ವಸಾಕ್ಷೀ ವಿಮಲ ಪರಮಹಂಸೋ ವಿಶ್ವ ಧರ್ಮಪ್ರತೀಕಃ ॥೯೪॥
ಪ್ರಣಯಗಲಿತ ಚಿತ್ತೋ ಽನಾದಿರೂಪೋ ಽತಿಸೂಕ್ಷ್ಮಃ ಶಿಶುಮತಿರ್ ಅವಿನಶೀ ಶಕ್ತಿಪಾಥಸ್ ತರಙ್ಗಃ । ಅಗತಿಕ ಗತಿದಾಯೀ ಶಾನ್ತಿ ದಾನಾವತೀರ್ಣಃ ಶಮನ ದಮನಕಾರೀ ಶಾನ್ತಿವರ್ಷಿ ಸ್ವರೂಪಃ ॥೯೫॥
ರತಿಪತಿ ಭಯಹಾರೀ ಸರ್ವಕಲ್ಯಾಣ ರಾಶೀ ರಿಪುಕುಲ ಸುಮಹಾರಿರ್ ಜ್ಞಾನಮಾರ್ಗ ಪ್ರಕಾಶೀ । ಯತಿ ಮುನಿ ಜನ ತಾರೀ ರಞ್ಜಕೋ ಭಾವಮೂರ್ತಿರ್ ಮತಿಮಲ ಲಯಕಾರೀ ಮೋಹ ಮೇಘಾಪಸಾರೀ ॥೯೬॥
ಕಲುಷಮಲ ವಿನಾಶೀ ಸಚ್ಚಿದಾನನ್ದ ಮೂರ್ತಿರ್ ನಿಖಿಲಮಧುರ ಭಾವ ಸ್ವಾಶ್ರಾಯಃ ಪೂರ್ಣರೂಪಃ । ಅಭಿಲಷಿತ ವಿಧಾತಾ ಅಪೂರ್ವಶಕ್ತಿ ಪ್ರದಾತಾಪಿ ಅಮೃತ ಮಧುರರೂಪಃ ಸರ್ವ ವಿಶ್ವಾತಿಶಾಯೀ ॥೯೭॥
ಪರಮ ಶರಣದಾತಾ ಶುದ್ಧಬೋಧ ಪ್ರದೀಪೋ ಧೃತ ಸಹಜ ಸಮಾಧಿಃ ಸಕ್ರಿಯೋ ನಿಷ್ಕ್ರಿಯಶ್ಚ । ದುರಿತ ದಲನಶಕ್ತೋ ವಿಶ್ವಭಾವ ಪ್ರವೇತ್ತಾ ತ್ರಿಗುಣ ರಹಿತ ರೂಪೋ ಭಾಸ್ವರಶ್ ಚಿದ್ವಿಲಾಸಃ ॥೯೮॥
ಹೃತ ಶಶಧರ ಕಾನ್ತಿರ್ ಹ್ಯುತ್ತಮ ಜ್ಯೋತಿರೇವ ಪ್ರಭವ ಮರಣ ಹೀನಶ್ ಚಿನ್ಮಯೋ ದಿವ್ಯರೂಪಃ । ಚಿರ ಸಹಚರ ಇಷ್ಟೋ ದೀನಬನ್ಧುಃ ಕೃಪಾಲುರ್ ನಿಖಿಲ ಭುವನ ಧಾತಾ ತಾರಕೋ ಽನಾಥನಾಥಃ ॥೯೯॥
ಮಹಾಸಾಧ್ಯೋ ಮಹಾಸಿದ್ಧೋ ಽಮಿತವೀರ್ಯೋ ದಿಗಮ್ಬರಃ । ಮಹಾ ವಿಪನ್ನಿವಾರೀ ಚ ತ್ಯಕ್ತ ಲಜ್ಜಾಭಯಾದಿಕಃ ॥೧೦೦॥
ಅದ್ಭುತೋ ಮನುಜಶ್ರೇಷ್ಠೋ ಯುಗಪಚ್ಚತುರಾಶ್ರಮೀ । ಜಗತ್ಸ್ವಾಮೀ ಮಹಾಚಾರ್ಯೋ ತ್ಯಾಗಿವರ್ಯೋ ಹ್ಯಖಣ್ಡಧೀಃ ॥೧೦೧॥
ಅನಾದಿನಿಧನೋ ಽನನ್ತೋ ಽವ್ಯಕ್ತೋ ಽಖಿಲಹೃದೀಶ್ವರಃ । ಅಸೀಮ ಬಲಶಾಲೀ ವೈ ಗುಣಾಢ್ಯಶ್ಚ ಗುಣಾತಿಗಃ ॥೧೦೨॥
ಭೂರಿದಾತಾಖಿಲಪ್ರೇಮೀ ವಿಶ್ವಮೈತ್ರೀ ಪ್ರಸಾಧಕಃ । ಮೋಕ್ಷದೋ ವರದೋ ದಿವ್ಯಃ ಪರಮಃ ಪುರುಷೋತ್ತಮಃ ॥೧೦೩॥
ದಾನ್ತಃ ಸ್ವಲ್ಪಾಕ್ಷರೋ ಜ್ಞಾನೀ ಜ್ಞಾನಮೂರ್ತಿರ್ ಉದಾರಧೀಃ । ಸರ್ವಜ್ಞೋ ಜ್ಞಾನಸಿನ್ಧುಶ್ಚ ಜ್ಞೇಯೋ ಜ್ಞಾನರವಿಃ ಸುಧೀಃ ॥೧೦೪॥
ಪೂತದೇಹಃ ಪವಿತ್ರಾಕ್ಷೋ ಹ್ಯಾತ್ಮಜ್ಞಾನ ಪ್ರಜಾಗರಃ । ಜ್ಞಾನ ವಿಜ್ಞಾನ ನಿಷ್ಣಾತಃ ಚಾಜ್ಞಾನ ಮೋಹಮುದ್ಗರಃ ॥೧೦೫॥
ಓಂಕಾರ ಬೀಜರೂಪೋ ವಾ ಐಂ ಹ್ರೀಂ ಬೀಜಸ್ವರೂಪಕಃ । ಸಬೀಜ ವಾಙ್ಮಯ ದ್ರಷ್ಟಾ ಮನ್ತ್ರ ಚೈತನ್ಯ ಕಾರಕಃ ॥೧೦೬॥
ಮೋಹಾರಿರ್ ಹೃತ್ತಮೋಹಾರೀ ಶೋಕ ತಾಪ ನಿವಾರಣಃ । ಭುಕ್ತಿ ಮುಕ್ತಿ ಪ್ರದಾತಾ ಚ ರಾಮೋ ಮಾನಸ ರಞ್ಜನಃ ॥೧೦೭॥
ಸಙ್ಕೀರ್ತನಾಪ್ಲುತಾತ್ಮಾ ವೈ ಸಂಸೃತಿ ಸ್ಥಿತಿ ವಿಸ್ಮೃತಿಃ । ಕೃಷ್ಣದೃಗ್ ಭಕ್ತಿಮಾನ್ ಧೀರಃ ಸಿದ್ಧಕೈವಲ್ಯ ನಿರ್ವೃತಿ ॥೧೦೮॥
ಜ್ಞಾನೋದ್ಭಾಸಿತ ತುಣ್ಡಶ್ರೀಃ ಸರ್ವಗ್ರನ್ಥಿ ವಿದಾರಣಃ । ಕೃಪಾಕಟಾಕ್ಷ ಸಂವರ್ಷೀ ಸಂಶಯ ಪುಞ್ಜಪಾಟನಃ ॥೧೦೯॥
ನಿರಾಕಾರೋಽಥ ಸಾಕಾರೋ ಲೀಲಾವಿಗ್ರಹ ಧಾರಣಃ । ಮಾನ ಮೇಯ ಸ್ವರೂಪಃ ಚಾದ್ವಯಃ ಕೇವಲಚೇತನಃ ॥೧೧೦॥
ನಿರ್ಮೋಹೋ ನಿರ್ಮಲೋ ಜುಷ್ಟೋ ಬುದ್ಧೋ ಮುಕ್ತೋ ಮಹೇಶ್ವರಃ । ಪ್ರೇಮಾಮೃತಾಕರಃ ಪೂರ್ಣೋ ಽಖಿಲ ಪಾತಕಿತಾರಣಃ ॥೧೧೧॥
ಪ್ರೇಮಾಬ್ಧಿಃ ಪ್ರೇಮವಾಹೀ ಚ ಪ್ರಮೂರ್ತ ಪ್ರೇಮವಿಗ್ರಹಃ । ಪ್ರೇಮಲೀಲಾ ಪ್ರಕಾಶೀ ಚ ಪ್ರೇಮ ರೋಮಾಞ್ಚಿತಾನ್ತರಃ ॥೧೧೨॥
ಜಗತ್ಪಿತಾ ಜಗನ್ಮಾತಾ ಜಗನ್ನಾಥೋ ಜನಾರ್ದನಃ । ಜಗನ್ನಿವಾಸ ಆಸೀನಃ ಸರ್ವಭೂತ ಲಯಸ್ಥಿತಿಃ ॥೧೧೩॥
ಪ್ರಾಣೇಶಃ ಪ್ರಾಣಕಾನ್ತಶ್ಚ ಪ್ರಾಣಾರಾಮಃ ಪರಾವರಃ । ಪ್ರಾಣದಃ ಪ್ರಾಣಗೋಪಾಲಃ ಪ್ರಾಣಶ್ರೀಶ್ಚ ಪರಾತ್ಪರಃ ॥೧೧೪॥
ಪ್ರೇಮದಾತಾ ಪರಪ್ರೇಮೀ ಪ್ರೇಮ ಗದ್ಗದ ಭಾಷಣಃ । ಪರಪ್ರೇಮಾ ಪ್ರೇಮಘನಃ ಪ್ರೇಮಾಕುಲಿತ ವೀಕ್ಷಣಃ ॥೧೧೫॥
ಪಾಶಮುಕ್ತೋ ವಿಮಾನೋಽಸೌ ಪ್ರಕಟ ಕ್ಲೇಶ ನಾಶನಃ । ಪುರಾಣಪುರುಷೋ ಽನಾದಿಃ ಅವತಾರೀ ಕೃತಾರ್ಚನಃ ॥೧೧೬॥
ಪ್ರಾಚ್ಯ ಪಾಶ್ಚಾತ್ಯ ದೇಶಸ್ಥ ಪ್ರಕೃಷ್ಟಿ ಸುಸಮನ್ವಯೀ । ವಿಶ್ವ ಸಂಸ್ಕೃತಿ ಮಾಲಿನ್ಯಾಪಸಾರಕ ಜನಾಗ್ರಣೀಃ ॥೧೧೭॥
ಪ್ರಾಣಸಖೋ ಮಹಾಪ್ರಾಣೋ ದೀನನಾಥೋ ದಯಾಘನಃ । ಏಷಣಾತ್ರಯ ನಿರ್ಮುಕ್ತೋ ನಾರಾಯಣಾಂಶ ಸಮ್ಭವಃ ॥೧೧೮॥
ಸ್ವಭೂಃ ಶಮ್ಭುಃ ಸ್ವಯಮ್ಭೂಶ್ಚ ವಿರೂಪಾಕ್ಷೋ ವಿಲೋಚನಃ । ಪರಮೇಶೋ ಮಹಾದೇವೋ ದೇವದೇವಸ್ತಪೋಧನಃ ॥೧೧೯॥
ಕಲ್ಯಾಣಕೃತ್ ಸುಕರ್ಮಾಥೋ ಯುಗಾವತಾರ ಸ್ವ ಚ । ರಾಮಕೃಷ್ಣೋಭಯಾತ್ಮಾ ವೈ ಕುಲಧರ್ಮ ಪ್ರಬೋಧಕಃ ॥೧೨೦॥
ಸಮಸ್ತ ಶಾಸ್ತ್ರ ತತ್ತ್ವಜ್ಞೋ ಬ್ರಹ್ಮಾ ವಿಷ್ಣು ಹರಾತಿಗಃ । ಕೂಟಸ್ಥೋ ಬ್ರಹ್ಮರೂಪಸ್ತು ದ್ವಿಜ ಚಣ್ಡಾಲ ಸಾಮ್ಯದೃಕ್ ॥೧೨೧॥
ಬೋಧಸಾಕ್ಷೀ ವಿಶುದ್ಧಾತ್ಮಾ ವಿಶ್ವಜ್ಯೋತಿರ್ ಉದಾರಧೀಃ । ಬಾಹ್ಯ ಸಂವೇದನಾ ಶೂನ್ಯೋ ಬ್ರಹ್ಮಶಕ್ತ್ಯೈಕ್ಯ ಭಾವನಃ ॥೧೨೨॥
ಬೋಧೇಚ್ಛಾ ಕರ್ಮಶಕ್ತಿಶ್ಚ ಯೋಗ ಭಕ್ತಿ ಪರಾಯಣಃ । ಅವತಾರ ವರಿಷ್ಠೋಽಪಿ ವಿಕ್ರಾನ್ತೋ ದೇಶಿಕೋತ್ತಮಃ ॥೧೨೩॥
ಪೂರ್ಣಯೋಗ ರಹಸ್ಯಜ್ಞೋ ಯೋಗದಾತಾ ಮಹಾಯಮೀ । ಯುಗದೇವೋ ಯುಗಾದರ್ಶೋ ವಿಶ್ವ ವರ್ಣಾಶ್ರಮಾಶ್ರಯಃ ॥೧೨೪॥
ಸ್ಥಿತಪ್ರಜ್ಞೋ ಮಹಾಪ್ರಾಜ್ಞಃ ಸದಾ ಪ್ರಜ್ಞಾಲಯ ಸ್ಥಿತಃ । ವೀತರಾಗ ಭಯಕ್ರೋಧಃ ಸ್ಥಿತಧೀರ್ ಮುನಿ ಸಂಜ್ಞಿತಃ ॥೧೨೫॥
ಅನಾಸಕ್ತೋಽನಿಕೇತಸ್ತು ಸ್ತುತಿ ನಿನ್ದಾ ವಿವರ್ಜಿತಃ । ಆತ್ಮತುಷ್ಟೋ ಽನಹಂವಾದೀ ತ್ಯಕ್ತಾಖಿಲ ಶುಭಾಶುಭಃ ॥೧೨೬॥
ಈಶಾರ್ಪಿತ ಮನೋಬುದ್ಧಿ ಯೋಗಮಾಯಾ ಸಮಾವೃತಃ । ಶುಭನಾಮಾ ಶುಭಾಗಾರಃ ಶುಭಾರೀಃ ಶುಭದರ್ಶನಃ ॥೧೨೭॥
ನಿಗೀರ್ಣಾಹಂ ಮಮಜ್ಞಾನೋ ದ್ವೇಷಹೀನೋ ಗತವ್ಯಥಃ । ಸಮದ್ರಷ್ಟಾ ಕ್ಷಮಾವಾಂಶ್ಚ ಅನಪೇಕ್ಷೋ ವಿಶ್ವನಾಯಕಃ ॥೧೨೮॥
ಪೀಯೂಷ ರಸಪಾಥೋಧಿಃ ಕಥಾಮೃತ ಪ್ರವರ್ಷಣಃ । ಅಸ್ಪಷ್ಟ ಮಧುರಾಲಾಪೋ ಗ್ರಾಮ್ಯಭಾವ ಪ್ರದರ್ಶಕಃ ॥೧೨೯॥
ಸರ್ವಜ್ಞಾತಾ ತ್ವವಿಜ್ಞಾತೋ ವಿಶ್ವಯೋನಿಃ ಸ್ವಯಂಜನುಃ । ಸರ್ವೇಶ್ವರಃ ಸ್ವತನ್ತ್ರಶ್ಚ ಏಕರೂಪೋಽನೇಕರೂಪಕಃ ॥೧೩೦॥
ಅನುದ್ವಿಗ್ನೋ ಽಮಲಪ್ರಜ್ಞೋ ವೀತ ಮಾನಾವಮಾನಕಃ । ಪ್ರಾರ್ಥನೀಯೋ ಽಪ್ಯರ್ಥಶೂನ್ಯೋ ಽವ್ಯಕ್ತಃ ಸುವ್ಯಕ್ತಿ ಕಾರಣಮ್ ॥೧೩೧॥
ಅಜೇಯೋ ಜಯಶೀಲಶ್ಚ ನಿಃಸ್ಪೃಹೋಽಪಿ ತಪಃಪರಃ । ಅಜೋಽಪಿ ಜಾಯಮಾನೋ ವಾ ಅಪಾಪಃ ಪಾಪಮೋಚನಃ ॥೧೩೨॥
ಸರ್ವಧರ್ಮ ಸರಿತ್ಸಿನ್ಧುಃ ಸದ್ಭಕ್ತ ಹೃದಯಾಶ್ರಯಃ । ಮುನಿ ಯೋಗಿ ಯತಿ ಧ್ಯೇಯೋ ವೀತರಾಗ ಗತಿಪ್ರದಃ ॥೧೩೩॥
ಬ್ರಹ್ಮಸ್ತುತೋ ಬ್ರಹ್ಮ ಮುಖಾಧಿವಾಸೋ ಬ್ರಹ್ಮಾಣ್ಡಗೋ ಬ್ರಹ್ಮ ಮುಖಾರ್ಚನಾರ್ಹಃ । ಬ್ರಹ್ಮಾದಿ ಬೋಧಾತಿಗ ಶೇಮುಷೀಕೋ ಬ್ರಹ್ಮಾರ್ಪಿತೋ ಬ್ರಹ್ಮವಿಗಾಹಿ ಚೇತಾಃ ॥೧೩೪॥
ಸತ್ಕರ್ಮ ಲೀಲಾಪ್ರಕಟಃ ಸುದೃಷ್ಟಿಃ ಸುದೃಷ್ಟಿದಃ ಸಂಸೃತಿ ಪಾಶನಾಶೀ । ಶ್ರದ್ಧಾನಿವಾಸಃ ಸುಮನೋ ವಿಲಾಸಃ ಕನ್ದರ್ಪಹೃತ್ ಕಾಮಕಲಾ ವಿಲೋಪೀ ॥೧೩೫॥
ಭಕ್ತೇಶ್ವರೋ ಭಕ್ತವರಸ್ ತಪಸ್ವೀ ಭಕ್ತಿಪ್ರಕಾಶಃ ಪ್ರಿಯ ಭಕ್ತಿಭಾವಃ । ಭಕ್ತಪ್ರಿಯೋ ಭಕ್ತವೃತಸ್ ತಮೋಹಾ ಭಕ್ತಾವತಾರೋ ಭವ ಕರ್ಣಧಾರಃ ॥೧೩೬॥
ಭಕ್ತಿಪ್ರಭೋ ಭಕ್ತಗಣಾದೃತೋ ವೈ ಸುಗ್ರನ್ಥದೀಪೋ ಯಮಭೀತಿಹಾರೀ । ಸುವ್ಯಕ್ತ ವಕ್ಷಃಸ್ಥಿತ ಹಾರ ತುಲ್ಯೋ ಭ್ರಮ ಪ್ರಮಾದಾಕಲಿತೋ ಮದಾರಿಃ ॥೧೩೭॥
ಅನನ್ತಭಾವೋ ಜಿತಶಾಸ್ತ್ರಸಾರೋ ದಾಕ್ಷಿಣ್ಯದಾಯೀ ಕಲಿದೋಷನಾಶೀ । ಅಸೀಮರೂಪಃ ಸಮತಾನಿದಾನಂ ದಿವ್ಯಾಕೃತಿರ್ ದಿವ್ಯಮುಖ ಪ್ರಕಾಶೀ ॥೧೩೮॥
ಸರ್ವಾತ್ಮಕಃ ಸರ್ವಸುಲಕ್ಷಣಾಂಗೋ ನಿಷ್ಕಾಮ ಕರ್ಮಪ್ರಕಟಃ ಪರೇಶಃ । ಸುಧಾಮಯಃ ಸ್ನಿಗ್ಧ ರಸಾರ್ದ್ರಭಾವಃ ಸರ್ವಂಸಹಃ ಸರ್ವ ಘಟಾಧಿರೂಢಃ ॥೧೩೯॥
ಸದಾಪ್ರಫುಲ್ಲೋ ಽಶುಭನಾಶಿ ನಾಮಾ ಕಲ್ಯಾಣವರ್ಷೀ ಸುಖದಾಯಿ ಮುರ್ತಿಃ । ವಿಶುದ್ಧ ವಿಜ್ಞಾನಮಯೋ ಽಪ್ರಮೇಯೋ ವಿಶುದ್ಧಸತ್ತ್ವಃ ಸುವಿಶಾಲ ವಕ್ಷಾಃ ॥೧೪೦॥
ಅಗಾಧಸತ್ತ್ವೋ ಽಮಿತವೀರ್ಯ ಆತ್ಮಾ ತತ್ತ್ವಪ್ರಕಾಶೀ ಸುತನುರ್ ಮಹಾತ್ಮಾ । ಅಖಣ್ಡರೂಪೋ ನಿಖಿಲಾವತಂಸಃ ಸಂಸಾರ ಸಾರಾವಗತೋ ನಿರೀಹಃ ॥೧೪೧॥
ಮಾಯಾಶ್ರಯೋ ಮನೋಽಭೀಷ್ಟೋ ಮಾಯಾಧೀಶಃ ಸುರೇಶ್ವರಃ । ಮೋದಮಾನೋ ಮನೋಹಾರೀ ಮಾಯಾತೀತಸ್ ತುರೀಯಚಿತ್ ॥೧೪೨॥
ಮಙ್ಗಲೋ ಮೋಹನೋ ಮೂರ್ತೋ ಮಾಯಾಗೂಢ ಸ್ವರೂಪಕಃ । ನವದಶ ಮಹಾಭಾವೋ ರಾಧಿಕಾಮಯ ಜೀವಿತಃ ॥೧೪೩॥
ಋತ ಸತ್ಯ ತಪಃ ಪೂರ್ಣೋ ನಿತ್ಯಯುಕ್ತೋ ಽಖಿಲೇಶ್ವರಃ । ಋತಮ್ಭರೋ ಧರಾದೇವೋ ಲೋಕಾತೀತಃ ಚಿದಮ್ಬರಃ ॥೧೪೪॥
ಅಮರಶ್ಚಾಮೃತಾಧಾರೋ ಽಮೃತಭಾಷೋ ಽಮೃತೇಕ್ಷಣಃ । ಅಕಲಃ ಸಕಲಃ ಸೂರೀ ರಞ್ಜನಶ್ಚಾಚಲಶ್ಚಲಃ ॥೧೪೫॥
ಮಾತೃಪ್ರಾಣಃ ಪಿತೃಪ್ರಾಣಃ ಸಖಿಪ್ರಾಣೋ ನೃವಲ್ಲಭಃ । ದರಿದ್ರಪ್ರಾಣ ಆಚಾರ್ಯೋ ದೀನೇಶೋ ದೀನವತ್ಸಲಃ ॥೧೪೬॥
ಅಪ್ರಾಕೃತವಪುಃ ಪೂಜ್ಯಃ ಪ್ರೇಮೋನ್ಮತ್ತಸ್ ತಪೋಮಯಃ । ಧ್ಯೇಯೋ ಽಚಲಪ್ರತಿಷ್ಠಶ್ಚ ಮೋಹಙ್ಕಷಃ ಕೃಪಾಮಯಃ ॥೧೪೭॥
ಸತ್ಯಃ ಸತ್ಯಾಶ್ರಯಃ ಶರ್ವಃ ಸತ್ಯಾತ್ಮಾ ಸತ್ಯಸಮ್ಭವಃ । ಪರಸತ್ಯಾಪರೋಕ್ಷೀ ಚಾಪೂರ್ವ ಸತ್ಯಪ್ರಭಾಷಣಃ ॥೧೪೮॥
ಮಹಾಹೃಷ್ಟೋ ಮಹಾದೃಪ್ತೋ ಮಹಾಮೋಹ ವಿನಾಶಕಃ । ಘನೀಭೂತ ಮನೋಯೋಗೋ ಮಾಧುರ್ಯಘನ ವಿಗ್ರಹಃ ॥೧೪೯॥
ಅಹೇತುಕ ಕೃಪಾಸಿನ್ಧುಃ ಅಭಿಮಾನ ವಿಮರ್ದಕಃ । ಮೂರ್ತಿಪೂಜಾ ರಹಸ್ಯಜ್ಞೋ ಽಶೇಷ ಸಂಶಯ ವಾರಕಃ ॥೧೫೦॥
ಚಿದಾನನ್ದ ಘನೋ ಮಾನಂ ಮಹಾಚೇತಾಃ ಮಹಾಕೃತಿಃ । ಚಕ್ರೀ ಚಿನ್ತಾಮಣಿಶ್ಚನ್ದ್ರಃ ಸುಧಾಕಾರೋ ವರಾನನಃ ॥೧೫೧॥
ರಸಾಧಾರೋ ರಸಾಗಾರೋ ರಸಾಲಾಪೀ ರಸಸ್ಥಿತಿಃ । ದಿವ್ಯರಸ ಪ್ರಸೂತಿಶ್ಚ ದಿವ್ಯರಸ ಪ್ರದಾಯಕಃ ॥೧೫೨॥
ಸುಸ್ಪಷ್ಟ ರಸಿಕ ಶ್ರೇಷ್ಠಃ ಸಮ್ಪೂರ್ಣ ರಸ ವರ್ಷಕಃ । ರಸಪೂರ್ಣೋ ರಸಜ್ಞೋ ವೈ ರಸೋದ್ಭಿನ್ನ ಸ್ವರೂಪಕಃ ॥೧೫೩॥
ಸರ್ವದಿವ್ಯ ರಸೋಲ್ಲಾಸೋ ರಸಾಽಽಸ್ವಾದ ಪ್ರಮೋದಿತಃ । ನವದಿವ್ಯ ರಸಜ್ಞಾನೋ ಬ್ರಹ್ಮಾಮ್ಭೋಧಿ ನಿಮಜ್ಜಕಃ ॥೧೫೪॥
ದಾನೀ ಧನೀ ಸುಕಾನ್ತಿಶ್ಚ ನಿಖಿಲಾಭಯ ದಾಯಕಃ । ದಿವ್ಯಾನನ್ದ ಸುಧಾವರ್ಷೀ ಸ್ನಿಗ್ಧೋ ದಿವ್ಯರಸೋಜ್ಜ್ವಲಃ ॥೧೫೫॥
ಸರ್ವವ್ಯಾಪ್ತಃ ಪ್ರಪಞ್ಚೇಶಃ ಸರ್ವಧರ್ಮ ಸ್ವರೂಪಕಃ । ಸರ್ವವೃಷ್ಟ ಕೃಪಾಸಾರಃ ಸದಾನನ್ದಃ ಸುಖಾಲಯಃ ॥೧೫೬॥
ಪ್ರಕೃಷ್ಟ ಸಾಮ್ಯ ಸಂವೇತ್ತಾ ಮೈತ್ರ್ಯಾದರ್ಶ ಪ್ರದರ್ಶಕಃ । ಸ್ವಾಧೀನತಾ ರಹಸ್ಯಜ್ಞಃ ಪ್ರೋಜ್ಜ್ವಲೋ ಮಾರ್ಗದೃಗ್ವರಃ ॥೧೫೭॥
ದಿವ್ಯವಾಣೀ ಸುಧಾವರ್ಷೀ ದಿವ್ಯಗೀತಿ ಸುಗಾಯಕಃ । ಸರ್ವಧರ್ಮ ಸುಸಂಸ್ಕರ್ತಾ ಧರ್ಮಗ್ಲಾನಿ ವಿದೂರಕಃ ॥೧೫೮॥
ಸತ್ಕಾರ್ಯ ತತ್ಪರಃ ಶೂರಃ ಸರ್ವಸನ್ತಾಪ ಹಾರಕಃ । ಶ್ರುತಿಸಾರೋಪದೇಷ್ಟಾ ವೈ ಸಮ್ಪ್ರದಾಯಾಧಿನಾಯಕಃ ॥೧೫೯॥
ಸ್ಮರಜಿತ್ ಕ್ರೋಧಜಿನ್ನ್ಯಾಸೀ ಸ್ಮರ ಹಾಲಾಹಲಾನ್ತಕಃ । ಸಿದ್ಧಯೋಗೀ ಮಹಾಯೋಗೋ ವಿಕ್ಷೇಪಾದಿ ವಿನಾಶಕೃತ್ ॥೧೬೦॥
ಸಮಾಧಿಮಣ್ಡನೋ ಮಾನ್ಯಃ ಸಮಾಧಿಸುಖ ಸಂಸ್ಥಿತಃ । ಸ್ವಧಾಮ ರಾಜಮಾನಶ್ಚ ಮಾಯಾಲೇಶ ವಿವರ್ಜಿತಃ ॥೧೬೧॥
ವಿಮುಗ್ಧ ಜೀವ ಮಾಯಾಘ್ನಃ ಶರಣ್ಯೋ ಮತಿವರ್ಧನಃ । ಅಮಾನೀ ಮಾನದಃ ಸ್ವಾಮೀ ಮನೋಮದ ವಿಖಣ್ಡನಃ ॥೧೬೨॥
ಯುಗನ್ಧರೋ ಯುಗಾಚಾರ್ಯೋ ಬೋಧಾಗಮ್ಯೋ ಯತೀಶ್ವರಃ । ಯುಗಪ್ರವರ್ತಕೋ ಯುಕ್ತಃ ಸ್ವಪ್ರಕಾಶೋ ಯುಗೇಶ್ವರಃ ॥೧೬೩॥
ಯೋಗಾಸನ ಸ್ಥಿತೋ ಧ್ಯಾನೀ ಯತಿಮಾನಸ ರಞ್ಜಕಃ । ಯೋಗಿಗಮ್ಯ ಸ್ವರೂಪಶ್ಚ ಪೂರ್ಣಯೋಗ ಪ್ರಕಾಶಕಃ ॥೧೬೪॥
ನಿತರಾಂ ಶೋಭಿತ ಕ್ಷೌಣಿಃ ನಿವಾಸಃ ಶರಣಂ ಸುಹೃತ್ । ಶ್ಯಾಮ ಶ್ಯಾಮಾ ಶಿವೋದ್ಗಾತಾ ಶಿವ ಶ್ಯಾಮ ಶಿವಾಮಯಃ ॥೧೬೫॥
ಯಕ್ಷೋ ಜ್ಯೋತಿರ್ಮಯೋ ಜ್ಯೋತಿಃ ಸ್ಮಯಹೀನೋ ಗತಕಲ್ಮಃ । ಪಾತಾ ಧಾತಾ ಪಿತಾ ಬನ್ಧುಃ ವಿಬುಧಃ ಶಮಮಣ್ಡನಃ ॥೧೬೬॥
ಮಙ್ಗಲಶ್ರವಣೋ ಹಾರೀ ಕೋಮಲಃ ಶೋಭನಃ ಶುಭಃ । ಸರ್ವಶಕ್ತಿ ಪ್ರದಾತಾ ವೈ ಸಂಶ್ರುತಾನಾಹತ ಧ್ವನಿಃ ॥೧೬೭॥
ತ್ರಿಪುಟೀ ಲಯಕಾರೀ ವೈ ಮಾಯಾ ವಿಕ್ಷೇಪ ನಾಶಕಃ । ದಿವ್ಯಭಾವ ಸಮಾಸೀನೋ ರಾಸಮಣೀಷ್ಟ ಸಾಧಕಃ ॥೧೬೮॥
ಹೃದಯ ಪ್ರಾಪ್ತಸಾಹಾಯ್ಯಃ ಸ್ವೀಕೃತಾನೇಕ ಸದ್ಗುರುಃ । ವಿನ್ಯಸ್ತ ಸಿದ್ಧ್ಯಭಿಜ್ಞಾನೋ ಭಾವಹೀನತ್ವ ವಾರಕಃ ॥೧೬೯॥
ಪ್ರದೀಪ್ತೇಶಪುತ್ರ ಪ್ರಕೃಷ್ಟಾವಲೋಕೀ ಪ್ರಭೋದ್ಭಿನ್ನ ವಿಜ್ಞಾಲ್ಲದೂತಾಪರೋಕ್ಷೀ । ಸುದೃಷ್ಟಾತ್ಮದೇಹ ಪ್ರಲೀನಾವತಾರಃ ಸ ನೂನಂ ಮಹೋದಾರ ಐಸ್ಲಾಮ ಖಾರ್ಷ್ಟಃ ॥೧೭೦॥
ಅಸಾರೀಕೃತ ಪ್ರೇಷ್ಠ ಸಿದ್ಧ್ಯಷ್ಟಕೋ ವೈ ಸುಧೀ ವಿಪ್ರ ಗೌರಿ ವಿಭೂತಿ ಪ್ರಣಾಶೀ । ಸ್ವಯಂ ಶುದ್ಧಭಕ್ತಿ ಪ್ರಸಂವಿದ್ ವಿಲಾಸೀ ಸ್ವಕೀಯೇಶ ಭಕ್ತಾತ್ಮಕತ್ವ ಪ್ರಕಾಶೀ ॥೧೭೧॥
ಶಿವಾಭಿನ್ನ ಜೀವಸ್ವರೂಪತ್ವ ಘೋಷೀ ಶಿವಾಭಿನ್ನ ಮರ್ತ್ಯಾರ್ಚನಾದರ್ಶವಾದೀ । ನವೀನಾಖಿಲೋದಾರ ಧರ್ಮಾಧ್ವದರ್ಶೀ ನವನ್ಯಾಶಿ ಸಙ್ಘ ಪ್ರತಿಷ್ಠಾಧಿಕರ್ತಾ ॥೧೭೨॥
ಪ್ರಣಾಮಾಸ್ತ್ರ ಯೋಗಾತಿ ದಕ್ಷೋಪದೇಷ್ಟಾ ಸ್ವಯಂ ವ್ಯಕ್ತ ಪುಂ ಸ್ತ್ರೀ ಸುರೋತ್ಕೃಷ್ಟ ರೂಪಃ । ಪ್ರಸೂಪೂತ ಭಾವಾಶ್ರಯೋತ್ಕರ್ಷ ವಕ್ತಾ ಭೃಶಂ ಧಿಕ್ಕೃತಾಹಂ ಪರಿಸ್ಫೀತ ಭಾವಃ ॥೧೭೩॥
ಸ್ವಯಂ ಸುವ್ಯಕ್ತ ಗೌರಾಙ್ಗಾದಿ ಪೂರ್ವಜಾವತಾರ ಭಾಃ । ಧ್ಯೇಯಾಭೇದ ಸಮಾಪನ್ನ ಕೃತ ಸ್ವವಿಗ್ರಹಾರ್ಚನಃ ॥೧೭೪॥
ಘನೀಭೂತ ಪೂರ್ವಾವತಾರಾದಿ ಭಾವಃ ಸ್ವಸನ್ದರ್ಶಿತಾಮ್ಬಾ ಮಹೇಶಸ್ವರೂಪಃ । ಸುಭುಕ್ತಾತುರ ವ್ಯಾಧಿ ತಾಪಾದಿ ಕೋಪಃ ಸ್ವದೇಹ ಸ್ಫುಟಾನ್ಯ ಪ್ರಹಾರಾದಿ ಚಿಹ್ನಃ ॥೧೭೫॥
ಪುಙ್ಖಾನುಪುಙ್ಖ ವಿಷಯೇಕ್ಷಣ ತತ್ಪರೋಽಪಿ ಬ್ರಹ್ಮಾವಲೋಕನ ಸುವೃತ್ತಿ ಕಲಾಪ ಯುಕ್ತಃ । ನಾರೀ ನೃ ಜೀವಕುಲ ಮಾನಸ ತತ್ತ್ವದರ್ಶೀ ಸಮ್ಮೋಹಿತ ಪ್ರಥಿತ ದೃಪ್ತ ಮನಸ್ವಿಸಙ್ಘಃ ॥೧೭೬॥
ನೀಚಾಗ್ರಗಣ್ಯ ರಸಿಕ ಪ್ರಕಟೀಕೃತಾತ್ಮಾ ಭಕ್ತ ಪ್ರದರ್ಶಿತ ವರಾಭಯ ಕಾಲಿಕಾಶ್ರೀಃ । ಲಿಙ್ಗಾಶ್ರಯಾಗಣಿತ ಚಿತ್ತ ವಿರಾಜ ಭಾವಃ ಪಾಪಿತ್ವ ಬೋಧ ಪರಿಹಾರ ದೃಢೋಪದೇಷ್ಟಾ ॥೧೭೭॥
ಸ್ವೇಚ್ಛಾವೃತಾಸಾಧ್ಯ ಕಠೋರ ರೋಗಃ ಕಲ್ಪದ್ರು ಭಾವಾಶ್ರಯ ಚೇತನಾಕೃತ್ । ನರೇನ್ದ್ರ ಸಂಕ್ರಾನ್ತ ಸುದಿವ್ಯ ಸಂಪನ್ನರೇನ್ದ್ರ ನಾಥವ್ಯ ಸುಘೋಷಕಾರೀ ॥೧೭೮॥
ಸರ್ವಾಸು ವಿದ್ಯಾಸು ನಿಧಿಸ್ವರೂಪಃ ಸರ್ವೇಷು ಲೋಕೇಷು ತಮಿಸ್ರಹೈಕಃ । ಕೀಟಾಣು ಕೀಟೇಷ್ವಪವರ್ಗಕಾರೀ ಸ್ವಾಭಿನ್ನ ಶಕ್ತಿ ಪ್ರಕಟೇಷ್ಟಬೀಜಃ ॥೧೭೯॥
ವಿಶ್ವದ್ವನ್ದ್ವ ನಿವಾರಕೋ ವಿಶ್ವಮಙ್ಗಲ ಕಾರಕಃ । ವಿಶ್ವಾತಿಗೋ ವಿಶ್ವಹರ್ತಾ ವಿಶ್ವಕೀರ್ತಿಶ್ಚ ವಿಶ್ವರಾಟ್ ॥೧೮೦॥
ವಿಶ್ವವೇದಾನ್ತ ಧರ್ಮಜ್ಞೋ ವಿಶ್ವಸತ್ಕಾರ್ಯ ದರ್ಶಕಃ । ವಿಶ್ವಭ್ರಾತೃತ್ವ ಸನ್ದೀಪೀ ವಿಶ್ವಧರ್ಮ ಪ್ರಕಾಶಕಃ ॥೧೮೧॥ ವಿಶ್ವಧರ್ಮಪ್ರಕಾಶಕ ಓಂ ನಮ ಇತಿ ॥
ಅಥ ಉತ್ತರಭಾಗಃ ॥
ಲೀಲಾ ಸಂವಾರ ಸಂಖಿನ್ನ ಅಶೇಷ ಸ್ವಭಕ್ತ ಪಾರ್ಷದಃ । ಭೂಭಾರ ಗ್ಲಾನಿ ಸಂಹಾರೀ ಶ್ರೀರಾಮಕೃಷ್ಣ ಏವ ಸಃ ॥೧॥
ಶ್ರೀರಾಮಕೃಷ್ಣ ದೇವಸ್ಯ ಲೋಕಕಲ್ಯಾಣ ಕಾರಿಣಃ । ಸ್ತೋತ್ರಂ ಸಹಸ್ರ ನಾಮಾಖ್ಯಂ ಏತನ್ನಿಗದಿತಂ ಶುಭಮ್ ॥೨॥
ಲೀಲಾನುಕ್ರಮಿಕಂ ತ್ವೇತನ್ನ ಸರ್ವತ್ರೋಪ ವರ್ಣಿತಮ್ । ಇತಿ ನೇತಿ ಪ್ರಸಙ್ಗೇನ ಭಕ್ತ್ಯುತ್ಕರ್ಷಃ ಸಮೀಪ್ಸಿತಃ ॥೩॥
ಯೋ ವೈ ಪಠೇನ್ನರೋ ನಿತ್ಯಂ ಶೃಣುಯಾಚ್ಛ್ರಾವಯೇದಥ । ಗಾಯೇದ್ವಾ ಭಾವಮಾಶ್ರಿತ್ಯ ಶ್ರದ್ಧಾಭಕ್ತಿ ಸಮನ್ವಿತಃ ॥೪॥
ನ ತಸ್ಯ ದುಷ್ಕೃತಂ ಕಿಞ್ಚಿತ್ ಲೇಶತೋಽಪಿ ಸ್ಥಿತಿಂ ವ್ರಜೇತ್ । ಜಿತ್ವಾ ಪುಣ್ಯಕೃತಾಂ ಲೋಕಾನ್ ಶಶ್ವಚ್ಛಾನ್ತಿಂ ಸ ಚಾಪ್ನುಯಾತ್ ॥೫॥
ತ್ರೇತಾಯಾಂ ಯಶ್ಚ ರಾಮೋ ಹಿ ಶ್ರೀಕೃಷ್ಣೋ ದ್ವಾಪರೇ ಸ್ಮೃತಃ । ತಯೋರೈಕ್ಯೇನ ಜಾತಃ ಸ ರಾಮಕೃಷ್ಣಃ ಕಲೌ ಯುಗೇ ॥೬॥
ತಸ್ಯೈಶ ಅಪೂರ್ವಭಾಸೋ ನಿಖಿಲ ನರಕುಲ ಪ್ರಾರ್ಥಿತಾಶೇಷ ಕೀರ್ತಿಃ ಪುಂಸೋ ಲೋಕೋತ್ತರಸ್ಯ ಹ್ಯಮಲ ಶಿಶುಮತೇ ರಾಜ ನಿಪ್ರೌಢ ಕಾಲಮ್ । ದಿವ್ಯಾಚಾರಾದರೋ ವೈ ಚರಿತಪರಿಚಯೋ ನ್ಯೂನಮತ್ಯನ್ತಸಾರೌ ಸನ್ದಿಗ್ಧೇ ಕ್ಲಿನ್ನಕಾಲೇ ಪ್ರಕಟಮದಯುತೇ ಸರ್ವಲೋಕಾಮಯಘ್ನೌ ॥೭॥
ಪರಿಪೂಜ್ಯಾತ್ಮನಶ್ಚಿತ್ರಂ ಪ್ರಪೂಜ್ಯಃ ಸ್ಯಾಂ ಗೃಹೇ ಗೃಹೇ । ಸ್ವಯಮಘೋಷ ಯದ್ದೇವೋ ಯತ್ತತ್ ಸತ್ಯಫಲಂ ವಚಃ ॥೮॥
ಇತ್ಥಂ ಭೂತಾಭಿಧಾನಾಯ ಚಾನುಕ್ತಾಶೇಷ ವಾಚಿನೇ । ಸರ್ವಥಾ ವಾಚ್ಯ ರೂಪಾಯ ರಾಮಕೃಷ್ಣಾಯ ತೇ ನಮಃ ॥೯॥ ಹರಿಃ ಓಂ ತತ್ಸತ್ । ಇತಿ ಶಮ್ । ಅಥ ಸಮರ್ಪಣಮ್ ॥
ಯಸ್ಯ ವೀರ್ಯೇಣ ಕೃತಿನೋ ವಯಂ ಚ ಭುವನಾನಿ ಚ । ರಾಮಕೃಷ್ಣಂ ಸದಾ ವನ್ದೇ ಸ್ವತಂತ್ರಂ ಶರ್ವಮೀಶ್ವರಮ್ ॥
ಜಯ ಜಯ ಕರುಣಾಬ್ಧೇ ಮೋಕ್ಷಸೇತೋ ಸ್ಮರಾರೇ । ಜಯ ಜಯ ಜಗದೀಶ ಜ್ಞಾನಸಿನ್ಧೋ ಸ್ವಯಂಭೋ ॥ ಜಯ ಜಯ ಪರಮಾತ್ಮನ್ ತ್ರಾಹಿ ಮಾಂ ಭಕ್ತಿಹೀನಂ । ಜಯ ಜಯ ಭವಹಾರಿನ್ ರಾಮಕೃಷ್ಣ ದ್ವಿಬಾಹೋ ॥
ಕಾಯೇನ ವಾಚಾ ಮನಸೇನ್ದ್ರಿಯೈರ್ವಾ ಬುದ್ಧ್ಯಾತ್ಮನಾ ವಾ ಪ್ರಕೃತೇಃ ಸ್ವಭಾವಾತ್ । ಕರೋಮಿ ಯತ್ ಯತ್ ಸಕಲಂ ಪರಸ್ಮೈ ಶ್ರೀರಾಮಾಕೃಷ್ಣಾಯ ಸಮರ್ಪಯಾಮಿ ॥
ಮಾಂ ಮದೀಯಂ ಚ ಸಕಲಂ ಶ್ರೀರಾಮಕೃಷ್ಣ ಚರಣೇ ಸಮರ್ಪಯೇ ॥
ಅಥ ಪ್ರಾರ್ಥನಾ ॥
ಓಂ ಮಙ್ಗಲಂ ಸರ್ವಲೋಕಾಯ ವಿವೇಕಾನನ್ದ ದಾಯಿನೇ ಶಾರದಾ ಪ್ರಾಣನಾಥಾಯ ರಾಮಕೃಷ್ಣಾಯ ಮಙ್ಗಲಮ್ ॥
ಓಂ ಸರ್ವಾಣಿ ಭೂತಾನಿ ವಿಶನ್ತು ಸೌಖ್ಯಮ್ । ಸರ್ವಾಣಿ ಭೂತಾನಿ ಭಜನ್ತು ಶಾನ್ತಿಮ್ । ಸರ್ವಾಣಿ ಭೂತಾನಿ ಅಯಿ ರಾಮಕೃಷ್ಣ ಸಂಪೂರ್ಣಮಾನನ್ದಮ್ ಉಪಾಶ್ರಯನ್ತಾಮ್ ॥
ಓಂ ಶಾನ್ತಿಃ ಶಾನ್ತಿಃ ಶಾನ್ತಿಃ ॥ ಹರಿಃ ಓಂ ತತ್ಸತ್ ॥ ಶ್ರೀರಾಮಕೃಷ್ಣಾರ್ಪಣಮಸ್ತು ॥