శ్రీరామకృష్ణ సహస్రనామ స్తోత్రమ్

ఓం శ్రీగణేశాయ నమః ॥

ఓం స్థాపకాయ చ ధర్మస్య సర్వధర్మస్వరూపిణే । అవతారవరిష్ఠాయ రామకృష్ణాయ తే నమః ॥

ఓం యథాగ్నేర్దాహికా శక్తిః రామకృష్ణే స్థితా హి యా । సర్వవిద్యా స్వరూపాం తాం శారదాం ప్రణమామ్యహమ్ ॥

ఓం నమః శ్రీయతిరాజాయ వివేకానన్ద సూరయే । సచ్చిత్సుఖస్వరూపాయ స్వామినే తాపహారిణే ॥

ఓం రామకృష్ణగతప్రాణం హనుమద్భావ భావితమ్ । నమామి స్వామినం రామకృష్ణానన్దేతి సంజ్ఞితమ్ ॥

ఓం బ్రహ్మానన్దాది శ్రీరామకృష్ణ పార్షదేభ్యో నమః ॥

ఓం సర్వేభ్యో గురుభ్యో నమః ॥ ఓం సర్వేభ్యో దేవేభ్యో నమః ॥ ఓం సర్వేభ్యో దేవీభ్యో నమః ॥ ఓం సర్వేభ్యో ఽవతారేభ్యో నమః ॥ ఓం సర్వేభ్యో ఆచార్యేభ్యో నమః ॥ ఓం నమః పరమ ఋషిభ్య ఓం నమః పరమ ఋషిభ్యః ॥

ఓం శాన్తాకారం సమాధౌస్థితం అతుల తను జ్యోతిషా వ్యాప్త దేశమ్ । సిద్ధేపీఠే నిషణ్ణం స్మితలసిత ముఖం హర్షబాష్పాప్లుతాక్షమ్ ॥ చార్వఙ్గం స్వర్ణవర్ణం వరదమభయదం జీవనం సజ్జనానామ్ । దేవాధీశం భజేహం హ్యగణితగుణినం భక్తితో రామకృష్ణమ్ ॥౧॥

ఓం ఐం సర్వదేవదేవీ స్వరూపాయ సర్వధర్మస్వరూపాయ సశక్తికాయ సభక్తవృన్దాయ సాఙ్గోపాఙ్గాయ శ్రీరామకృష్ణాయ నమో నమః ॥

ఓం యం వైష్ణవా విష్ణుముదాహరన్తి శైవాః శివం బుద్ధమథాపి బౌద్ధాః । తీర్థంకరం జైనజనా మహాన్తం తం రామకృష్ణం పరమం నమామః ॥౧॥

అమేయాయాతిమాయాయ జ్ఞాతలోకాయ తే నమః । సర్వజ్ఞాయ సుసత్త్వాయావిజ్ఞాతాయ హి తే నమః ॥౨॥

లోకానాం కార్యసిద్ధ్యర్థమ్ అజాయాపి సుజన్మనే । నిర్గుణాయాపి దేవాయ గుణయుక్తాయ తే నమః ॥౩॥

ప్రసన్నాయ ప్రపన్నానాం నిరీహాయ తపస్యతే । అయనాయ విరాగాణాం సచ్చిత్సుఖాయ తే నమః ॥౪॥

నమః శుద్ధాయ బుద్ధాయ నమః శుద్ధతరాయ చ । నమో బుద్ధతరాయాథ నిత్యముక్తాయ తే నమః ॥౫॥

కర్మాది యోగ మార్గాణాం సమన్వయ విధాయినే । ధర్మద్వన్ద్వ నిహన్త్రే వై సర్వేశ్వరాయ తే నమః ॥౬॥

విభోర్నామసహస్రం తద్ రామకృష్ణావతారజమ్ । రహస్యం హి రహస్యానాముత్తమానాం తథోత్తమమ్ ॥౭॥

పవిత్రాణాం పవిత్రం వై సర్వసన్తాప హారకమ్ । భక్తైర్వివేకప్రముఖైర్ద్యోతితం కిల మఙ్గలమ్ ॥౮॥

మనః శాన్తికరం పుణ్యం మోక్షమార్గ ప్రవర్తకమ్ । ప్రోచ్యతే సర్వలోకానాం మోహనాశాయ నిర్మలమ్ ॥౯॥

గయాధామ ప్రభో ర్విష్ణోరాత్త మానుష విగ్రహః । మఙ్గలధ్వనిభిః శఙ్ఖైరావేదిత శుభాగమః ॥౧౦॥

ఓం ఐం సర్వదేవదేవీ స్వరూపాయ శ్రీరామకృష్ణాయ నమః ॥

ఓం గదాధరో గదాఇశ్చ దులాలః స ప్రియోత్తమః । రామకృష్ణ ఇతి ఖ్యాతో బాల్యే స్వజన బాన్ధవైః ॥౧॥

క్షుదిరామాత్మజో బాలః కామార పుకురోద్భవః । సర్వేప్సితో వరాకారః కోమలాఙ్గో విభూతిమాన్ ॥౨॥

స్మితాధరో ఽఖిలప్రేమీ అతీవ మధుర మోహనః । సద్బ్రాహ్మణ కులోద్భూతః పీయూషవర్షి నామభాక్ ॥౩॥

జనచిత్త సమాకర్షీ మాతృ చన్ద్రమణిప్రియః । ధాత్రీధనీ ప్రపూజ్యోఽసౌ బాల్యేఽప్యద్భుత కీర్తిమాన్ ॥౪॥

మధుక్షర స్వరాలాపో విభులీలా సుగాయకః । సర్వధర్మ సుమర్మజ్ఞో విద్వజ్జల్ప విఖణ్డకః ॥౫॥

వేదపాఠ విహీనోఽపి పరమవేద తత్త్వవిత్ । సుచారు ప్రతిమాకారః చిత్రాఙ్కన విశారదః ॥౬॥

అభినయపటుర్ ధీమాన్ గృహీత బహుభూమికః । రఙ్గరసప్రియః శ్రీమాన్ నృత్యగీత పరాయణః ॥౭॥

ముఖవాద్య ప్రవీణోఽసౌ శుద్ధతాల లయాశ్రయః । పికాలి మురలీ వీణా సముదిత స్వరధ్వనిః ॥౮॥

రామారూప విభావీ వై రామాభఙ్గి ప్రదర్శకః । రామావికల కణ్ఠాయుక్ చారుచన్ద్ర నిభాననః ॥౯॥

మాధుర్య మణ్డితాశేష వాల్యలీలా సమాపకః । శ్రుతిధరో మహాధీమాన్ జననీ జనకప్రియః ॥౧౦॥

విశుద్ధ బ్రాహ్మణాచారః సర్వదైవ గుణాకరః । నన్దితో వన్దితో దేవః పినాకి భూమికాధరః ॥౧౧॥

దర్శక హృదయానన్దః సాక్షాన్ మూర్తమహేశ్వరః । జాత శివమయావేశః శివభావ సమాధిమాన్ ॥౧౨॥

సర్వగ్రామ జనామోదః చన్ద్రమణి తనూద్భవః । కామార పుకురప్రాణః సువేణీ బద్ధకున్తలః ॥౧౩॥

క్వచిత్ త్యక్తకులాచారః సత్యవ్రత పరాయణః । ధనీగృహీత భిక్షాన్నో ధాత్రీస్నేహ వశంవదః ॥౧౪॥

దేవీగృహీత నైవేద్యః చినూద్భిన్న స్వరూపకః । చినుమిష్టాన్న సంభోక్తా చినుభక్తి కృతార్చనః ॥౧౫॥

భక్తార్చిత పదామ్భోజః శాఖామృగ సుపూజితః । స్మృత త్రేతాయుగాచారో రాఘవాభిన్న రూపకః ॥౧౬॥

ధనీ భక్త్యర్చనాధారో జాతిమాన వివర్జితః । శుద్ధభక్తి ధనగ్రాహీ ప్రేమానన్ద సముజ్జ్వలః ॥౧౭॥

పితృపూజా సమాకృష్టః ప్రేమ పులకితాన్తరః । జాత రఘువరావేశో రాఘవమాల్య భూషితః ॥౧౮॥

కలాకలాప నిష్ణాతః సరలః సౌమ్యదర్శనః । పరమసున్దరః ప్రేష్ఠో దివ్యలక్షణ లక్షితః ॥౧౯॥

తీర్థీకృత నిజగ్రామో జన్మభూ శేవధిః స్వయమ్ । పూజ్యాభేద సమాపన్నః స్వాంఘ్రి న్యస్తోపచారకః ॥౨౦॥

అభీష్ట పార్షదవ్రాతః పార్షదవృన్ద పూజితః । నవకలేబర శ్రీశః కృష్ణలీలా ప్రకాశకః ॥౨౧॥

నిసర్గాలోకనోన్మత్తో భావరాశి ప్రపూరితః । మేఘామ్బర బలాకాదృక్ బాల్యాశేష సమాధిమాన్ ॥౨౨॥

సంసారాసారతా దర్శీ సదా వైరాగ్యభావనః । న్యాసిసఙ్గీ పరప్రీతః పరివ్రాజక వన్దితః ॥౨౩॥

గఙ్గామ్బు బ్రహ్మసమ్బోధిః గఙ్గాభక్తి పరాయణః । దృఢముని వ్రతాచారీ క్షుత్పిపాసోర్మి వర్జితః ॥౨౪॥

సదా శివశివాలాపీ శమాది విభవాన్వితః । విహిత గాఙ్గమృచ్ఛమ్భుః విశ్రుత ప్రతిభాధరః ॥౨౫॥

ఛోటభట్చాజితి ప్రోక్తః కృతమృణ్మయ చిన్మయః । ప్రకట పులకావేగో దక్షిణేశ్వర జీవనమ్ ॥౨౬॥

ఘృష్టసాశ్రు ముఖామ్భోజః శ్రీకాలీ దర్శనాకులః । కఠిన మృత్తికాశాయీ హ్యుచ్చైర్మామేతి రోదకః ॥౨౭॥

మథురా మోహనానన్దః శ్రీకాలికా సుపూజకః । జగన్మాతృ గతప్రాణః ప్రాణత్యాగ సముద్యతః ॥౨౮॥

స్వముణ్డ వినిపాతార్థీ సుతీక్ష్ణ ఖడ్గధారకః । అఖణ్డ చేతనాస్ఫూర్తిర్ విలుప్త బాహ్యచేతనః ॥౨౯॥

సబాహ్యాభ్యన్తర జ్యోతిః దేవీమన్దిర శాయితః । ఆనన్ద సాగరస్నాతో దృష్టచిన్మయ కాలికః ॥౩౦॥

శ్యామా నీరాజనోన్మత్తః సర్వవిషయ నిస్పృహః । ఆత్మస్థితి విఘాతేన ఽపరవిద్యా పరాఙ్ముఖ ॥౩౧॥

యోగశిక్షా పరామోదో వియోగ శిక్షణారుచిః । భోగనిష్ఠీవన త్యాగీ పరవిద్యా ప్రమానదః ॥౩౨॥

తోతాసమ్ప్రాప్త సంన్యాసో హ్యద్వైత సాధనాపరః । బ్రహ్మబోధి సమారూఢో నిర్వికల్ప సమాధిమాన్ ॥౩౩॥

అనులోమ విలోమజ్ఞో విజ్ఞాన భూమిసందృఢః । రూపారూప సమాపత్తౌ ప్రజ్ఞాప్రోత్కర్ష సంయుతః ॥౩౪॥

షణ్మాస నిర్నిమేషాక్షో హఠయోగ ప్రసాధకః । సదాశివ సమావిష్టో భద్రమాల్య ప్రభూషితః ॥౩౫॥

దివ్యజ్యోతిర్ మయాధారో దాస్యభక్తి ప్రదర్శకః । శ్యామాధ్యాన మహావేశీ జటాజూట శివేక్షకః ॥౩౬॥

ఆనన్దాసన సంసిద్ధః క్రాన్తదర్శీ సుమోహనః । అఖిల విబుధావేశః ప్రతిమా జ్ఞాతచేతనః ॥౩౭॥

బుద్ధావతార సమ్బుద్ధః శూన్యతత్త్వ రహస్యవిత్ । నానాకృచ్ఛ్ర వ్రతాచారీ జ్యోతిర్లీన స్వరూపకః ॥౩౮॥

సఙ్కీర్తకో నృత్యపరో నిరాశో దరిద్రదేవో జనచిత్తహారీ । స్త్రీమాత్ర సంవీక్షిత మాతృరూపో వేశ్యానుభూతోత్తమ మాతృసత్తః ॥౩౯॥

శ్యామార్పిత ప్రాణమనః శరీరః శ్యామానిదిధ్యాస పరాయణో వై । ఆహారపాన స్వపనాది శూన్యః శ్యామావలోకాకుల ఉద్గతాశ్రు ॥౪౦॥

ధ్యానానుకూలాఖిలపాశ మోకో ధ్యానార్థ సన్త్యక్త సువేశసూత్రః । తృణీకృతాశేష ధనోపహారో దేవీ వియోగ వ్యథితప్రదగ్ధః ॥౪౧॥

కర్మేష్టసంహారి మహాతిథిజ్ఞః పత్నీసమారాధిత షోడశీకః । స్త్రీజ్ఞాత బాలత్రిపురా ప్రకాశో దేవీవిలీనాత్మ కలత్రభేదః ॥౪౨॥

సాష్టాంగపాతార్పిత సాధ్యజాతః పత్నీపదన్యస్త జపార్థమాల్యః । పత్నీప్రతిష్ఠాపిత మాతృభావోఽసామాన్య పూజాచరణ ప్రకాశీ ॥౪౩॥

మాధుర్యభావో ఽఖిల దివ్యరూపః సర్వోత్తమః సాధకచక్రవర్తీ । సర్వత్రసంవీక్షిత వాసుదేవః శ్యామాధనః కృష్ణమయ స్వరూపః ॥౪౪॥

అఖణ్డ సచ్చిత్సుఖ తత్త్వలీనో అద్వైతప్రబోధో విరజోహుతీశ్చ । నారీనిరూఢ స్థిరమాతృభావః పత్నీజగన్మాతృ సమానబోధః ॥౪౫॥

మహిమ్నఃస్తోత్ర సమ్ప్రీతో భావసమాధి మజ్జితః । అశేషభావ సంసిద్ధః కాలికా శ్రేష్ఠపూజకః ॥౪౬॥

నానాధర్మ మతప్రేమీ నానాధర్మ పరీక్షకః । సత్యధర్మ పథవ్రాతః సకలధర్మ సారదృక్ ॥౪౭॥

శాన్తాది భావసంవేత్తా గోపీభావ ప్రసాధకః । సుదృష్ట షోడశీమూర్తిః జ్ఞానయోగ వ్యవస్థితః ॥౪౮॥

తన్మయ పూజకశ్రేష్ఠో మాయామోహన మూర్తీదృక్ । దినత్రయ తురీయస్థో నిర్వికల్ప సమాహితః ॥౪౯॥

సారథికృష్ణ సన్ద్రష్టా బాలగోపాల వీక్షకః । చపల బాలికావేశి శ్రీజగన్మాతృ దర్శకః ॥౫౦॥

శ్యామావేశకర శ్రేష్ఠః స్వీకృత బ్రాహ్మణీగురుః । సాధకకుల మూర్ధన్యః కృతధర్మ సమన్వయః ॥౫౧॥

ప్రకటిత మహాభావః స్వదేహలీన రాధికః । భవతారిణ్యనుధ్యాతా త్వపరోక్షీ కృతామ్బికః ॥౫౨॥

ప్రమూర్త రామసౌమిత్రిః సీతాదర్శన మోదితః । పరైకాగ్ర మనోవృత్తిః అనేకతన్త్ర సాధకః ॥౫౩॥

శ్రీగౌరాఙ్గాసనారూఢః శిఖశాసన తత్త్వవిత్ । ప్రేమాశ్రు సిక్త తుణ్డాదిః నేతినేతీతి సాధకః ॥౫౪॥

కాల తత్కామినీ ద్రష్టా శివారూఢ శివాప్రియః । బ్రహ్మకుణ్డలి నిద్రాఘ్నో ఽవిగీత తన్త్రపారగః ॥౫౫।

వివిక్త సేవనాకృష్టో దివ్యప్రేమ మదాకులః । జగదమ్బ సమాదిష్టో దృఢభావముఖ స్థితిః ॥౫౬॥

చలతీర్థ స్వరూపోఽపి విహిత తీర్థసేవనః । బృంహిత తీర్థమాహాత్మ్యః సుతీర్థికృత జన్మభూః ॥౫౭॥

జాగ్రద్ దృష్టామరవ్రాతః ప్రకృష్ట తీర్థపావనః । దరిద్రదుఃఖ సన్తప్తః క్షుధాతుర సుభోజ్యదః ॥౫౮॥

స్వాఙ్గసల్లీన విశ్వేశో దృష్టతారక మన్త్రదః । స్వర్ణ కాశీక్షణానన్దః స్వయం పూజిత దుర్గతః ॥౫౯॥

దీనార్తశుల్క సమ్మోచీ దృష్ట జ్యోతిర్మయేశ్వరః । ప్రకాశిత పరప్రేమా ప్రాప్తకాశీ శివాలయః ॥౬౦॥

వీణా మధుర ఝఙ్కార శ్రవణ ప్రాప్త నిర్వృతిః । గోపాలకృష్ణ సుద్రష్టా శ్రీవృన్దావన ధామగః ॥౬౧॥

శిబికారోహణ వ్రజ్యాపూర్వ భావసమాధిమాన్ । గోవర్ధన శిలారూఢో జనగణ సమాదృతః ॥౬౨॥

సన్దేహరాక్షస ధ్వస్తా స్పర్శమాత్ర సమాధిదః । అఖిలధర్మ మర్మజ్ఞో మూర్ఖపణ్డిత సామ్యదృక్ ॥౬౩॥

స్వాఙ్గసల్లీన గౌరాఙ్గః స్మర్తృకలుష నాశనః । అస్పృశ్య పతితోద్ధర్తా ధర్మద్వన్ద్వ విఖణ్డనః ॥౬౪॥

ఆద్యశక్త్యపృథగ్భూతః శాక్తగణ సుపూజితః । జీవదుఃఖామయోచ్ఛేత్తా కరుణావరుణాలయః ॥౬౫॥

చ్యుతాచ్యుతో జ్ఞానదాతా సర్వజాతి విముక్తిదః । కరామలకవత్ సిద్ధిః మాతృపూజా సమాధిమాన్ ॥౬౬॥

దత్తభక్త జనానన్దః సుధీన్ద్ర సేవితాఙ్ఘ్రికః । అవతారవరిష్ఠో వై పాపదూషణ మోచకః ॥౬౭॥

శ్రీభగవత్ప్రసఙ్గోత్థ శ్రేష్ఠ సమాధి భావయుక్ । శ్రీకృష్ణ మధురాఖ్యాన శ్రవణప్రాప్త నిర్వృతిః ॥౬౮॥

యోగదో యోగవిద్వర్యః శుద్ధసత్త్వ ప్రతిష్ఠితః । సర్వద్వన్ద్వ వినిర్ముక్తో నరేన్ద్ర యస్త ధర్మధీః ॥౬౯॥

అధ్యాత్మశక్తి సందాతా నరేన్ద్ర నిర్వికల్పదః । స్పర్శమాత్ర సువిజ్ఞాత శ్రీనరేన్ద్ర స్వరూపకః ॥౭౦॥

విలోమమార్గ నిర్జ్ఞాత ఽఖణ్డ నరేన్ద్ర సంస్థితిః । సప్తర్షి మణ్డలాన్తఃస్థ ప్రేష్ఠ ర్షికణ్ఠధారకః ॥౭౧॥

భక్తక్లేశాసహిష్ణుర్ వై భవరోగ విదూరకః । ఉరరీకృత సద్దాసీ జగదమ్బా ఽఖిలాఽఽమయః ॥౭౨॥

భక్తాత్యన్త కృపావర్షీ పరతత్త్వోపదేశకః । జితకామాది షడ్వర్గః త్యక్త సర్వప్రతిగ్రహః ॥౭౩॥

కామినీకాఞ్చన త్యాగీ అపూర్వ మాతృపూజకః । స్థావరా స్థావరాభోగీ సన్త్యక్త మథురాధనః ॥౭౪॥

బ్రహ్మయోని పరిద్రష్టా విశదో విమలాన్తరః । భావస్థితి పరః సాక్షీ దృష్టచైతన్య కీర్తనః ॥౭౫॥

లోకప్రియో లోకనాథో లోకశిక్షా గురుః ప్రభుః । లబ్ధ యోగవిభూతిశ్చ లోకానుగ్రహ కారకః ॥౭౬॥

లీలామయో హరిః సాక్షాత్ పూజితో విశ్వవన్దితః । భూయిష్ఠ సాధనా నిష్ఠః ప్రథితో దేవమానవః ॥౭౭॥

వేదమూర్తిర్ విభుస్త్రాతా విశ్వపాతా విశాలధీః । వాఞ్ఛాకల్పతరుర్ వీరో విచిత్రేశ్వర దర్శనః ॥౭౮॥

విశ్వేశ్వరో విరాడ్రూపో విశ్వాధారో వివేకదః । వరేణ్యో వైష్ణవో విష్ణుః వేత్తేశో వేదవిత్తమః ॥౭౯॥

నానారూపో నిరాకారో నృదేవో నిర్భయోఽవ్యయః । నిత్యో నిర్వాసనోఽజ్ఞేయో నిర్వికల్పో నిరఞ్జనః ॥౮౦॥

కృపాసారః కృపాధారః కరుణః కరుణేక్షణః । కాలీసూనుః స్వయఙ్కాలీ కర్ణధార స్వరూపకః ॥౮౧॥

యుగధర్మ సుసంస్కర్తా యుగభావ ప్రవర్తకః । యుగాచార పరిద్రష్టా యుగగ్లాని విదూరకః ॥౮౨॥

కృత శ్రీకాలికా లీలో లలితః ప్రేమసున్దరః । కామకాఞ్చన శూన్యశ్చ కలికలుష నాశనః ॥౮౩॥

వృద్ధశ్రవా బృహత్కర్మా భూతాత్మా ధర్మధారకః । ప్రజ్ఞాధనో మహాభావః ప్రాణరూపో నిరన్తరః ॥౮౪॥

పితృమాతృ స్వరూపశ్చ జనతాప నివారకః । పతితపావనః శుద్ధః శుద్ధిదః సర్వతోముఖః ॥౮౫॥

సర్వజ్ఞః సర్వశక్తిశ్చ వాసనాబీజ భర్జకః । ఆత్మారామో రమానాథః పరబ్రహ్మ పరేశ్వరః ॥౮౬॥

కఠోర కర్మకృచ్ఛాక్తో మూర్తకారుణ్య విగ్రహః । కృపాకటాక్ష సుక్షేపీ నిర్మోహో లోకపావనః ॥౮౭॥

శక్త్యాధారః శివః శాన్తః శఙ్కరః శక్తిదాయకః । శుక్లామ్బరధరః శుభ్రః శాన్తిదః శ్రుతిసారవిత్ ॥౮౮॥

బుద్ధిదో బోధిదః సౌమ్యః పరమానన్ద దాయకః । విశ్వవేత్తా త్రికాలజ్ఞః త్వద్వితీయో మనోయతిః ॥౮౯॥

ప్రేమాత్మా ఽరూపరూపో వై విశ్వాత్మా హృదయేశ్వరః । మహాధారో మహాశక్తిః ఓజోధాతాత్మతుష్టిమాన్ ॥౯౦॥

సాధుమిత్రం సదానన్దః సత్స్వరూపః సదాతనః । సమ్ప్రదాయ విహీనోఽపి ప్రతిసఙ్ఘ సుధారకః ॥౯౧॥

భావాతీతో భవస్తుత్యో భక్తిమార్గ ప్రదర్శకః । భగవాన్ భావపాథోధిః భవబన్ధన ఖణ్డనః ॥౯౨॥

భక్తేశ్వరో భయోచ్ఛేత్తా భవసాగర తారణః । భక్తపాలో భవత్రాతా భక్తహృదయ రఞ్జనః ॥౯౩॥

అమితగుణ చరిత్రో ఽనన్తమూర్తిః ప్రశాన్తో హృదయకమల సంస్థో జ్ఞానదానావతీర్ణః । ప్రకృతి వికృతి శున్యః సర్వగః సర్వసాక్షీ విమల పరమహంసో విశ్వ ధర్మప్రతీకః ॥౯౪॥

ప్రణయగలిత చిత్తో ఽనాదిరూపో ఽతిసూక్ష్మః శిశుమతిర్ అవినశీ శక్తిపాథస్ తరఙ్గః । అగతిక గతిదాయీ శాన్తి దానావతీర్ణః శమన దమనకారీ శాన్తివర్షి స్వరూపః ॥౯౫॥

రతిపతి భయహారీ సర్వకల్యాణ రాశీ రిపుకుల సుమహారిర్ జ్ఞానమార్గ ప్రకాశీ । యతి ముని జన తారీ రఞ్జకో భావమూర్తిర్ మతిమల లయకారీ మోహ మేఘాపసారీ ॥౯౬॥

కలుషమల వినాశీ సచ్చిదానన్ద మూర్తిర్ నిఖిలమధుర భావ స్వాశ్రాయః పూర్ణరూపః । అభిలషిత విధాతా అపూర్వశక్తి ప్రదాతాపి అమృత మధురరూపః సర్వ విశ్వాతిశాయీ ॥౯౭॥

పరమ శరణదాతా శుద్ధబోధ ప్రదీపో ధృత సహజ సమాధిః సక్రియో నిష్క్రియశ్చ । దురిత దలనశక్తో విశ్వభావ ప్రవేత్తా త్రిగుణ రహిత రూపో భాస్వరశ్ చిద్విలాసః ॥౯౮॥

హృత శశధర కాన్తిర్ హ్యుత్తమ జ్యోతిరేవ ప్రభవ మరణ హీనశ్ చిన్మయో దివ్యరూపః । చిర సహచర ఇష్టో దీనబన్ధుః కృపాలుర్ నిఖిల భువన ధాతా తారకో ఽనాథనాథః ॥౯౯॥

మహాసాధ్యో మహాసిద్ధో ఽమితవీర్యో దిగమ్బరః । మహా విపన్నివారీ చ త్యక్త లజ్జాభయాదికః ॥౧౦౦॥

అద్భుతో మనుజశ్రేష్ఠో యుగపచ్చతురాశ్రమీ । జగత్స్వామీ మహాచార్యో త్యాగివర్యో హ్యఖణ్డధీః ॥౧౦౧॥

అనాదినిధనో ఽనన్తో ఽవ్యక్తో ఽఖిలహృదీశ్వరః । అసీమ బలశాలీ వై గుణాఢ్యశ్చ గుణాతిగః ॥౧౦౨॥

భూరిదాతాఖిలప్రేమీ విశ్వమైత్రీ ప్రసాధకః । మోక్షదో వరదో దివ్యః పరమః పురుషోత్తమః ॥౧౦౩॥

దాన్తః స్వల్పాక్షరో జ్ఞానీ జ్ఞానమూర్తిర్ ఉదారధీః । సర్వజ్ఞో జ్ఞానసిన్ధుశ్చ జ్ఞేయో జ్ఞానరవిః సుధీః ॥౧౦౪॥

పూతదేహః పవిత్రాక్షో హ్యాత్మజ్ఞాన ప్రజాగరః । జ్ఞాన విజ్ఞాన నిష్ణాతః చాజ్ఞాన మోహముద్గరః ॥౧౦౫॥

ఓంకార బీజరూపో వా ఐం హ్రీం బీజస్వరూపకః । సబీజ వాఙ్మయ ద్రష్టా మన్త్ర చైతన్య కారకః ॥౧౦౬॥

మోహారిర్ హృత్తమోహారీ శోక తాప నివారణః । భుక్తి ముక్తి ప్రదాతా చ రామో మానస రఞ్జనః ॥౧౦౭॥

సఙ్కీర్తనాప్లుతాత్మా వై సంసృతి స్థితి విస్మృతిః । కృష్ణదృగ్ భక్తిమాన్ ధీరః సిద్ధకైవల్య నిర్వృతి ॥౧౦౮॥

జ్ఞానోద్భాసిత తుణ్డశ్రీః సర్వగ్రన్థి విదారణః । కృపాకటాక్ష సంవర్షీ సంశయ పుఞ్జపాటనః ॥౧౦౯॥

నిరాకారోఽథ సాకారో లీలావిగ్రహ ధారణః । మాన మేయ స్వరూపః చాద్వయః కేవలచేతనః ॥౧౧౦॥

నిర్మోహో నిర్మలో జుష్టో బుద్ధో ముక్తో మహేశ్వరః । ప్రేమామృతాకరః పూర్ణో ఽఖిల పాతకితారణః ॥౧౧౧॥

ప్రేమాబ్ధిః ప్రేమవాహీ చ ప్రమూర్త ప్రేమవిగ్రహః । ప్రేమలీలా ప్రకాశీ చ ప్రేమ రోమాఞ్చితాన్తరః ॥౧౧౨॥

జగత్పితా జగన్మాతా జగన్నాథో జనార్దనః । జగన్నివాస ఆసీనః సర్వభూత లయస్థితిః ॥౧౧౩॥

ప్రాణేశః ప్రాణకాన్తశ్చ ప్రాణారామః పరావరః । ప్రాణదః ప్రాణగోపాలః ప్రాణశ్రీశ్చ పరాత్పరః ॥౧౧౪॥

ప్రేమదాతా పరప్రేమీ ప్రేమ గద్గద భాషణః । పరప్రేమా ప్రేమఘనః ప్రేమాకులిత వీక్షణః ॥౧౧౫॥

పాశముక్తో విమానోఽసౌ ప్రకట క్లేశ నాశనః । పురాణపురుషో ఽనాదిః అవతారీ కృతార్చనః ॥౧౧౬॥

ప్రాచ్య పాశ్చాత్య దేశస్థ ప్రకృష్టి సుసమన్వయీ । విశ్వ సంస్కృతి మాలిన్యాపసారక జనాగ్రణీః ॥౧౧౭॥

ప్రాణసఖో మహాప్రాణో దీననాథో దయాఘనః । ఏషణాత్రయ నిర్ముక్తో నారాయణాంశ సమ్భవః ॥౧౧౮॥

స్వభూః శమ్భుః స్వయమ్భూశ్చ విరూపాక్షో విలోచనః । పరమేశో మహాదేవో దేవదేవస్తపోధనః ॥౧౧౯॥

కల్యాణకృత్ సుకర్మాథో యుగావతార స్వ చ । రామకృష్ణోభయాత్మా వై కులధర్మ ప్రబోధకః ॥౧౨౦॥

సమస్త శాస్త్ర తత్త్వజ్ఞో బ్రహ్మా విష్ణు హరాతిగః । కూటస్థో బ్రహ్మరూపస్తు ద్విజ చణ్డాల సామ్యదృక్ ॥౧౨౧॥

బోధసాక్షీ విశుద్ధాత్మా విశ్వజ్యోతిర్ ఉదారధీః । బాహ్య సంవేదనా శూన్యో బ్రహ్మశక్త్యైక్య భావనః ॥౧౨౨॥

బోధేచ్ఛా కర్మశక్తిశ్చ యోగ భక్తి పరాయణః । అవతార వరిష్ఠోఽపి విక్రాన్తో దేశికోత్తమః ॥౧౨౩॥

పూర్ణయోగ రహస్యజ్ఞో యోగదాతా మహాయమీ । యుగదేవో యుగాదర్శో విశ్వ వర్ణాశ్రమాశ్రయః ॥౧౨౪॥

స్థితప్రజ్ఞో మహాప్రాజ్ఞః సదా ప్రజ్ఞాలయ స్థితః । వీతరాగ భయక్రోధః స్థితధీర్ ముని సంజ్ఞితః ॥౧౨౫॥

అనాసక్తోఽనికేతస్తు స్తుతి నిన్దా వివర్జితః । ఆత్మతుష్టో ఽనహంవాదీ త్యక్తాఖిల శుభాశుభః ॥౧౨౬॥

ఈశార్పిత మనోబుద్ధి యోగమాయా సమావృతః । శుభనామా శుభాగారః శుభారీః శుభదర్శనః ॥౧౨౭॥

నిగీర్ణాహం మమజ్ఞానో ద్వేషహీనో గతవ్యథః । సమద్రష్టా క్షమావాంశ్చ అనపేక్షో విశ్వనాయకః ॥౧౨౮॥

పీయూష రసపాథోధిః కథామృత ప్రవర్షణః । అస్పష్ట మధురాలాపో గ్రామ్యభావ ప్రదర్శకః ॥౧౨౯॥

సర్వజ్ఞాతా త్వవిజ్ఞాతో విశ్వయోనిః స్వయంజనుః । సర్వేశ్వరః స్వతన్త్రశ్చ ఏకరూపోఽనేకరూపకః ॥౧౩౦॥

అనుద్విగ్నో ఽమలప్రజ్ఞో వీత మానావమానకః । ప్రార్థనీయో ఽప్యర్థశూన్యో ఽవ్యక్తః సువ్యక్తి కారణమ్ ॥౧౩౧॥

అజేయో జయశీలశ్చ నిఃస్పృహోఽపి తపఃపరః । అజోఽపి జాయమానో వా అపాపః పాపమోచనః ॥౧౩౨॥

సర్వధర్మ సరిత్సిన్ధుః సద్భక్త హృదయాశ్రయః । ముని యోగి యతి ధ్యేయో వీతరాగ గతిప్రదః ॥౧౩౩॥

బ్రహ్మస్తుతో బ్రహ్మ ముఖాధివాసో బ్రహ్మాణ్డగో బ్రహ్మ ముఖార్చనార్హః । బ్రహ్మాది బోధాతిగ శేముషీకో బ్రహ్మార్పితో బ్రహ్మవిగాహి చేతాః ॥౧౩౪॥

సత్కర్మ లీలాప్రకటః సుదృష్టిః సుదృష్టిదః సంసృతి పాశనాశీ । శ్రద్ధానివాసః సుమనో విలాసః కన్దర్పహృత్ కామకలా విలోపీ ॥౧౩౫॥

భక్తేశ్వరో భక్తవరస్ తపస్వీ భక్తిప్రకాశః ప్రియ భక్తిభావః । భక్తప్రియో భక్తవృతస్ తమోహా భక్తావతారో భవ కర్ణధారః ॥౧౩౬॥

భక్తిప్రభో భక్తగణాదృతో వై సుగ్రన్థదీపో యమభీతిహారీ । సువ్యక్త వక్షఃస్థిత హార తుల్యో భ్రమ ప్రమాదాకలితో మదారిః ॥౧౩౭॥

అనన్తభావో జితశాస్త్రసారో దాక్షిణ్యదాయీ కలిదోషనాశీ । అసీమరూపః సమతానిదానం దివ్యాకృతిర్ దివ్యముఖ ప్రకాశీ ॥౧౩౮॥

సర్వాత్మకః సర్వసులక్షణాంగో నిష్కామ కర్మప్రకటః పరేశః । సుధామయః స్నిగ్ధ రసార్ద్రభావః సర్వంసహః సర్వ ఘటాధిరూఢః ॥౧౩౯॥

సదాప్రఫుల్లో ఽశుభనాశి నామా కల్యాణవర్షీ సుఖదాయి ముర్తిః । విశుద్ధ విజ్ఞానమయో ఽప్రమేయో విశుద్ధసత్త్వః సువిశాల వక్షాః ॥౧౪౦॥

అగాధసత్త్వో ఽమితవీర్య ఆత్మా తత్త్వప్రకాశీ సుతనుర్ మహాత్మా । అఖణ్డరూపో నిఖిలావతంసః సంసార సారావగతో నిరీహః ॥౧౪౧॥

మాయాశ్రయో మనోఽభీష్టో మాయాధీశః సురేశ్వరః । మోదమానో మనోహారీ మాయాతీతస్ తురీయచిత్ ॥౧౪౨॥

మఙ్గలో మోహనో మూర్తో మాయాగూఢ స్వరూపకః । నవదశ మహాభావో రాధికామయ జీవితః ॥౧౪౩॥

ఋత సత్య తపః పూర్ణో నిత్యయుక్తో ఽఖిలేశ్వరః । ఋతమ్భరో ధరాదేవో లోకాతీతః చిదమ్బరః ॥౧౪౪॥

అమరశ్చామృతాధారో ఽమృతభాషో ఽమృతేక్షణః । అకలః సకలః సూరీ రఞ్జనశ్చాచలశ్చలః ॥౧౪౫॥

మాతృప్రాణః పితృప్రాణః సఖిప్రాణో నృవల్లభః । దరిద్రప్రాణ ఆచార్యో దీనేశో దీనవత్సలః ॥౧౪౬॥

అప్రాకృతవపుః పూజ్యః ప్రేమోన్మత్తస్ తపోమయః । ధ్యేయో ఽచలప్రతిష్ఠశ్చ మోహఙ్కషః కృపామయః ॥౧౪౭॥

సత్యః సత్యాశ్రయః శర్వః సత్యాత్మా సత్యసమ్భవః । పరసత్యాపరోక్షీ చాపూర్వ సత్యప్రభాషణః ॥౧౪౮॥

మహాహృష్టో మహాదృప్తో మహామోహ వినాశకః । ఘనీభూత మనోయోగో మాధుర్యఘన విగ్రహః ॥౧౪౯॥

అహేతుక కృపాసిన్ధుః అభిమాన విమర్దకః । మూర్తిపూజా రహస్యజ్ఞో ఽశేష సంశయ వారకః ॥౧౫౦॥

చిదానన్ద ఘనో మానం మహాచేతాః మహాకృతిః । చక్రీ చిన్తామణిశ్చన్ద్రః సుధాకారో వరాననః ॥౧౫౧॥

రసాధారో రసాగారో రసాలాపీ రసస్థితిః । దివ్యరస ప్రసూతిశ్చ దివ్యరస ప్రదాయకః ॥౧౫౨॥

సుస్పష్ట రసిక శ్రేష్ఠః సమ్పూర్ణ రస వర్షకః । రసపూర్ణో రసజ్ఞో వై రసోద్భిన్న స్వరూపకః ॥౧౫౩॥

సర్వదివ్య రసోల్లాసో రసాఽఽస్వాద ప్రమోదితః । నవదివ్య రసజ్ఞానో బ్రహ్మామ్భోధి నిమజ్జకః ॥౧౫౪॥

దానీ ధనీ సుకాన్తిశ్చ నిఖిలాభయ దాయకః । దివ్యానన్ద సుధావర్షీ స్నిగ్ధో దివ్యరసోజ్జ్వలః ॥౧౫౫॥

సర్వవ్యాప్తః ప్రపఞ్చేశః సర్వధర్మ స్వరూపకః । సర్వవృష్ట కృపాసారః సదానన్దః సుఖాలయః ॥౧౫౬॥

ప్రకృష్ట సామ్య సంవేత్తా మైత్ర్యాదర్శ ప్రదర్శకః । స్వాధీనతా రహస్యజ్ఞః ప్రోజ్జ్వలో మార్గదృగ్వరః ॥౧౫౭॥

దివ్యవాణీ సుధావర్షీ దివ్యగీతి సుగాయకః । సర్వధర్మ సుసంస్కర్తా ధర్మగ్లాని విదూరకః ॥౧౫౮॥

సత్కార్య తత్పరః శూరః సర్వసన్తాప హారకః । శ్రుతిసారోపదేష్టా వై సమ్ప్రదాయాధినాయకః ॥౧౫౯॥

స్మరజిత్ క్రోధజిన్న్యాసీ స్మర హాలాహలాన్తకః । సిద్ధయోగీ మహాయోగో విక్షేపాది వినాశకృత్ ॥౧౬౦॥

సమాధిమణ్డనో మాన్యః సమాధిసుఖ సంస్థితః । స్వధామ రాజమానశ్చ మాయాలేశ వివర్జితః ॥౧౬౧॥

విముగ్ధ జీవ మాయాఘ్నః శరణ్యో మతివర్ధనః । అమానీ మానదః స్వామీ మనోమద విఖణ్డనః ॥౧౬౨॥

యుగన్ధరో యుగాచార్యో బోధాగమ్యో యతీశ్వరః । యుగప్రవర్తకో యుక్తః స్వప్రకాశో యుగేశ్వరః ॥౧౬౩॥

యోగాసన స్థితో ధ్యానీ యతిమానస రఞ్జకః । యోగిగమ్య స్వరూపశ్చ పూర్ణయోగ ప్రకాశకః ॥౧౬౪॥

నితరాం శోభిత క్షౌణిః నివాసః శరణం సుహృత్ । శ్యామ శ్యామా శివోద్గాతా శివ శ్యామ శివామయః ॥౧౬౫॥

యక్షో జ్యోతిర్మయో జ్యోతిః స్మయహీనో గతకల్మః । పాతా ధాతా పితా బన్ధుః విబుధః శమమణ్డనః ॥౧౬౬॥

మఙ్గలశ్రవణో హారీ కోమలః శోభనః శుభః । సర్వశక్తి ప్రదాతా వై సంశ్రుతానాహత ధ్వనిః ॥౧౬౭॥

త్రిపుటీ లయకారీ వై మాయా విక్షేప నాశకః । దివ్యభావ సమాసీనో రాసమణీష్ట సాధకః ॥౧౬౮॥

హృదయ ప్రాప్తసాహాయ్యః స్వీకృతానేక సద్గురుః । విన్యస్త సిద్ధ్యభిజ్ఞానో భావహీనత్వ వారకః ॥౧౬౯॥

ప్రదీప్తేశపుత్ర ప్రకృష్టావలోకీ ప్రభోద్భిన్న విజ్ఞాల్లదూతాపరోక్షీ । సుదృష్టాత్మదేహ ప్రలీనావతారః స నూనం మహోదార ఐస్లామ ఖార్ష్టః ॥౧౭౦॥

అసారీకృత ప్రేష్ఠ సిద్ధ్యష్టకో వై సుధీ విప్ర గౌరి విభూతి ప్రణాశీ । స్వయం శుద్ధభక్తి ప్రసంవిద్ విలాసీ స్వకీయేశ భక్తాత్మకత్వ ప్రకాశీ ॥౧౭౧॥

శివాభిన్న జీవస్వరూపత్వ ఘోషీ శివాభిన్న మర్త్యార్చనాదర్శవాదీ । నవీనాఖిలోదార ధర్మాధ్వదర్శీ నవన్యాశి సఙ్ఘ ప్రతిష్ఠాధికర్తా ॥౧౭౨॥

ప్రణామాస్త్ర యోగాతి దక్షోపదేష్టా స్వయం వ్యక్త పుం స్త్రీ సురోత్కృష్ట రూపః । ప్రసూపూత భావాశ్రయోత్కర్ష వక్తా భృశం ధిక్కృతాహం పరిస్ఫీత భావః ॥౧౭౩॥

స్వయం సువ్యక్త గౌరాఙ్గాది పూర్వజావతార భాః । ధ్యేయాభేద సమాపన్న కృత స్వవిగ్రహార్చనః ॥౧౭౪॥

ఘనీభూత పూర్వావతారాది భావః స్వసన్దర్శితామ్బా మహేశస్వరూపః । సుభుక్తాతుర వ్యాధి తాపాది కోపః స్వదేహ స్ఫుటాన్య ప్రహారాది చిహ్నః ॥౧౭౫॥

పుఙ్ఖానుపుఙ్ఖ విషయేక్షణ తత్పరోఽపి బ్రహ్మావలోకన సువృత్తి కలాప యుక్తః । నారీ నృ జీవకుల మానస తత్త్వదర్శీ సమ్మోహిత ప్రథిత దృప్త మనస్విసఙ్ఘః ॥౧౭౬॥

నీచాగ్రగణ్య రసిక ప్రకటీకృతాత్మా భక్త ప్రదర్శిత వరాభయ కాలికాశ్రీః । లిఙ్గాశ్రయాగణిత చిత్త విరాజ భావః పాపిత్వ బోధ పరిహార దృఢోపదేష్టా ॥౧౭౭॥

స్వేచ్ఛావృతాసాధ్య కఠోర రోగః కల్పద్రు భావాశ్రయ చేతనాకృత్ । నరేన్ద్ర సంక్రాన్త సుదివ్య సంపన్నరేన్ద్ర నాథవ్య సుఘోషకారీ ॥౧౭౮॥

సర్వాసు విద్యాసు నిధిస్వరూపః సర్వేషు లోకేషు తమిస్రహైకః । కీటాణు కీటేష్వపవర్గకారీ స్వాభిన్న శక్తి ప్రకటేష్టబీజః ॥౧౭౯॥

విశ్వద్వన్ద్వ నివారకో విశ్వమఙ్గల కారకః । విశ్వాతిగో విశ్వహర్తా విశ్వకీర్తిశ్చ విశ్వరాట్ ॥౧౮౦॥

విశ్వవేదాన్త ధర్మజ్ఞో విశ్వసత్కార్య దర్శకః । విశ్వభ్రాతృత్వ సన్దీపీ విశ్వధర్మ ప్రకాశకః ॥౧౮౧॥ విశ్వధర్మప్రకాశక ఓం నమ ఇతి ॥

లీలా సంవార సంఖిన్న అశేష స్వభక్త పార్షదః । భూభార గ్లాని సంహారీ శ్రీరామకృష్ణ ఏవ సః ॥౧॥

శ్రీరామకృష్ణ దేవస్య లోకకల్యాణ కారిణః । స్తోత్రం సహస్ర నామాఖ్యం ఏతన్నిగదితం శుభమ్ ॥౨॥

లీలానుక్రమికం త్వేతన్న సర్వత్రోప వర్ణితమ్ । ఇతి నేతి ప్రసఙ్గేన భక్త్యుత్కర్షః సమీప్సితః ॥౩॥

యో వై పఠేన్నరో నిత్యం శృణుయాచ్ఛ్రావయేదథ । గాయేద్వా భావమాశ్రిత్య శ్రద్ధాభక్తి సమన్వితః ॥౪॥

న తస్య దుష్కృతం కిఞ్చిత్ లేశతోఽపి స్థితిం వ్రజేత్ । జిత్వా పుణ్యకృతాం లోకాన్ శశ్వచ్ఛాన్తిం స చాప్నుయాత్ ॥౫॥

త్రేతాయాం యశ్చ రామో హి శ్రీకృష్ణో ద్వాపరే స్మృతః । తయోరైక్యేన జాతః స రామకృష్ణః కలౌ యుగే ॥౬॥

తస్యైశ అపూర్వభాసో నిఖిల నరకుల ప్రార్థితాశేష కీర్తిః పుంసో లోకోత్తరస్య హ్యమల శిశుమతే రాజ నిప్రౌఢ కాలమ్ । దివ్యాచారాదరో వై చరితపరిచయో న్యూనమత్యన్తసారౌ సన్దిగ్ధే క్లిన్నకాలే ప్రకటమదయుతే సర్వలోకామయఘ్నౌ ॥౭॥

పరిపూజ్యాత్మనశ్చిత్రం ప్రపూజ్యః స్యాం గృహే గృహే । స్వయమఘోష యద్దేవో యత్తత్ సత్యఫలం వచః ॥౮॥

ఇత్థం భూతాభిధానాయ చానుక్తాశేష వాచినే । సర్వథా వాచ్య రూపాయ రామకృష్ణాయ తే నమః ॥౯॥ హరిః ఓం తత్సత్ । ఇతి శమ్ । అథ సమర్పణమ్ ॥

యస్య వీర్యేణ కృతినో వయం చ భువనాని చ । రామకృష్ణం సదా వన్దే స్వతంత్రం శర్వమీశ్వరమ్ ॥

జయ జయ కరుణాబ్ధే మోక్షసేతో స్మరారే । జయ జయ జగదీశ జ్ఞానసిన్ధో స్వయంభో ॥ జయ జయ పరమాత్మన్ త్రాహి మాం భక్తిహీనం । జయ జయ భవహారిన్ రామకృష్ణ ద్విబాహో ॥

కాయేన వాచా మనసేన్ద్రియైర్వా బుద్ధ్యాత్మనా వా ప్రకృతేః స్వభావాత్ । కరోమి యత్ యత్ సకలం పరస్మై శ్రీరామాకృష్ణాయ సమర్పయామి ॥

మాం మదీయం చ సకలం శ్రీరామకృష్ణ చరణే సమర్పయే ॥

ఓం మఙ్గలం సర్వలోకాయ వివేకానన్ద దాయినే శారదా ప్రాణనాథాయ రామకృష్ణాయ మఙ్గలమ్ ॥

ఓం సర్వాణి భూతాని విశన్తు సౌఖ్యమ్ । సర్వాణి భూతాని భజన్తు శాన్తిమ్ । సర్వాణి భూతాని అయి రామకృష్ణ సంపూర్ణమానన్దమ్ ఉపాశ్రయన్తామ్ ॥

ఓం శాన్తిః శాన్తిః శాన్తిః ॥ హరిః ఓం తత్సత్ ॥ శ్రీరామకృష్ణార్పణమస్తు ॥