ଅଥ ପ୍ରଣାମଃ ॥
ଓଁ ଶ୍ରୀଗଣେଶାଯ ନମଃ ॥
ଓଁ ସ୍ଥାପକାଯ ଚ ଧର୍ମସ୍ଯ ସର୍ଵଧର୍ମସ୍ଵରୂପିଣେ । ଅଵତାରଵରିଷ୍ଠାଯ ରାମକୃଷ୍ଣାଯ ତେ ନମଃ ॥
ଓଁ ଯଥାଗ୍ନେର୍ଦାହିକା ଶକ୍ତିଃ ରାମକୃଷ୍ଣେ ସ୍ଥିତା ହି ଯା । ସର୍ଵଵିଦ୍ଯା ସ୍ଵରୂପାଂ ତାଂ ଶାରଦାଂ ପ୍ରଣମାମ୍ଯହମ୍ ॥
ଓଁ ନମଃ ଶ୍ରୀଯତିରାଜାଯ ଵିଵେକାନନ୍ଦ ସୂରଯେ । ସଚ୍ଚିତ୍ସୁଖସ୍ଵରୂପାଯ ସ୍ଵାମିନେ ତାପହାରିଣେ ॥
ଓଁ ରାମକୃଷ୍ଣଗତପ୍ରାଣଂ ହନୁମଦ୍ଭାଵ ଭାଵିତମ୍ । ନମାମି ସ୍ଵାମିନଂ ରାମକୃଷ୍ଣାନନ୍ଦେତି ସଂଜ୍ଞିତମ୍ ॥
ଓଁ ବ୍ରହ୍ମାନନ୍ଦାଦି ଶ୍ରୀରାମକୃଷ୍ଣ ପାର୍ଷଦେଭ୍ଯୋ ନମଃ ॥
ଓଁ ସର୍ଵେଭ୍ଯୋ ଗୁରୁଭ୍ଯୋ ନମଃ ॥ ଓଁ ସର୍ଵେଭ୍ଯୋ ଦେଵେଭ୍ଯୋ ନମଃ ॥ ଓଁ ସର୍ଵେଭ୍ଯୋ ଦେଵୀଭ୍ଯୋ ନମଃ ॥ ଓଁ ସର୍ଵେଭ୍ଯୋ ଽଵତାରେଭ୍ଯୋ ନମଃ ॥ ଓଁ ସର୍ଵେଭ୍ଯୋ ଆଚାର୍ଯେଭ୍ଯୋ ନମଃ ॥ ଓଁ ନମଃ ପରମ ଋଷିଭ୍ଯ ଓଁ ନମଃ ପରମ ଋଷିଭ୍ଯଃ ॥
ଅଥ ଧ୍ଯାନମ୍ ॥
ଓଁ ଶାନ୍ତାକାରଂ ସମାଧୌସ୍ଥିତଂ ଅତୁଲ ତନୁ ଜ୍ଯୋତିଷା ଵ୍ଯାପ୍ତ ଦେଶମ୍ । ସିଦ୍ଧେପୀଠେ ନିଷଣ୍ଣଂ ସ୍ମିତଲସିତ ମୁଖଂ ହର୍ଷବାଷ୍ପାପ୍ଲୁତାକ୍ଷମ୍ ॥ ଚାର୍ଵଙ୍ଗଂ ସ୍ଵର୍ଣଵର୍ଣଂ ଵରଦମଭଯଦଂ ଜୀଵନଂ ସଜ୍ଜନାନାମ୍ । ଦେଵାଧୀଶଂ ଭଜେହଂ ହ୍ଯଗଣିତଗୁଣିନଂ ଭକ୍ତିତୋ ରାମକୃଷ୍ଣମ୍ ॥୧॥
ଓଁ ଐଂ ସର୍ଵଦେଵଦେଵୀ ସ୍ଵରୂପାଯ ସର୍ଵଧର୍ମସ୍ଵରୂପାଯ ସଶକ୍ତିକାଯ ସଭକ୍ତଵୃନ୍ଦାଯ ସାଙ୍ଗୋପାଙ୍ଗାଯ ଶ୍ରୀରାମକୃଷ୍ଣାଯ ନମୋ ନମଃ ॥
ଅଥ ପୂର୍ଵଭାଗଃ ॥
ଓଁ ଯଂ ଵୈଷ୍ଣଵା ଵିଷ୍ଣୁମୁଦାହରନ୍ତି ଶୈଵାଃ ଶିଵଂ ବୁଦ୍ଧମଥାପି ବୌଦ୍ଧାଃ । ତୀର୍ଥଂକରଂ ଜୈନଜନା ମହାନ୍ତଂ ତଂ ରାମକୃଷ୍ଣଂ ପରମଂ ନମାମଃ ॥୧॥
ଅମେଯାଯାତିମାଯାଯ ଜ୍ଞାତଲୋକାଯ ତେ ନମଃ । ସର୍ଵଜ୍ଞାଯ ସୁସତ୍ତ୍ଵାଯାଵିଜ୍ଞାତାଯ ହି ତେ ନମଃ ॥୨॥
ଲୋକାନାଂ କାର୍ଯସିଦ୍ଧ୍ଯର୍ଥମ୍ ଅଜାଯାପି ସୁଜନ୍ମନେ । ନିର୍ଗୁଣାଯାପି ଦେଵାଯ ଗୁଣଯୁକ୍ତାଯ ତେ ନମଃ ॥୩॥
ପ୍ରସନ୍ନାଯ ପ୍ରପନ୍ନାନାଂ ନିରୀହାଯ ତପସ୍ଯତେ । ଅଯନାଯ ଵିରାଗାଣାଂ ସଚ୍ଚିତ୍ସୁଖାଯ ତେ ନମଃ ॥୪॥
ନମଃ ଶୁଦ୍ଧାଯ ବୁଦ୍ଧାଯ ନମଃ ଶୁଦ୍ଧତରାଯ ଚ । ନମୋ ବୁଦ୍ଧତରାଯାଥ ନିତ୍ଯମୁକ୍ତାଯ ତେ ନମଃ ॥୫॥
କର୍ମାଦି ଯୋଗ ମାର୍ଗାଣାଂ ସମନ୍ଵଯ ଵିଧାଯିନେ । ଧର୍ମଦ୍ଵନ୍ଦ୍ଵ ନିହନ୍ତ୍ରେ ଵୈ ସର୍ଵେଶ୍ଵରାଯ ତେ ନମଃ ॥୬॥
ଵିଭୋର୍ନାମସହସ୍ରଂ ତଦ୍ ରାମକୃଷ୍ଣାଵତାରଜମ୍ । ରହସ୍ଯଂ ହି ରହସ୍ଯାନାମୁତ୍ତମାନାଂ ତଥୋତ୍ତମମ୍ ॥୭॥
ପଵିତ୍ରାଣାଂ ପଵିତ୍ରଂ ଵୈ ସର୍ଵସନ୍ତାପ ହାରକମ୍ । ଭକ୍ତୈର୍ଵିଵେକପ୍ରମୁଖୈର୍ଦ୍ଯୋତିତଂ କିଲ ମଙ୍ଗଲମ୍ ॥୮॥
ମନଃ ଶାନ୍ତିକରଂ ପୁଣ୍ଯଂ ମୋକ୍ଷମାର୍ଗ ପ୍ରଵର୍ତକମ୍ । ପ୍ରୋଚ୍ଯତେ ସର୍ଵଲୋକାନାଂ ମୋହନାଶାଯ ନିର୍ମଲମ୍ ॥୯॥
ଗଯାଧାମ ପ୍ରଭୋ ର୍ଵିଷ୍ଣୋରାତ୍ତ ମାନୁଷ ଵିଗ୍ରହଃ । ମଙ୍ଗଲଧ୍ଵନିଭିଃ ଶଙ୍ଖୈରାଵେଦିତ ଶୁଭାଗମଃ ॥୧୦॥
ଅଥ ଶ୍ରୀରାମକୃଷ୍ଣ ସହସ୍ରନାମ ସ୍ତୋତ୍ରମ୍ ॥
ଓଁ ଐଂ ସର୍ଵଦେଵଦେଵୀ ସ୍ଵରୂପାଯ ଶ୍ରୀରାମକୃଷ୍ଣାଯ ନମଃ ॥
ଓଁ ଗଦାଧରୋ ଗଦାଇଶ୍ଚ ଦୁଲାଲଃ ସ ପ୍ରିଯୋତ୍ତମଃ । ରାମକୃଷ୍ଣ ଇତି ଖ୍ଯାତୋ ବାଲ୍ଯେ ସ୍ଵଜନ ବାନ୍ଧଵୈଃ ॥୧॥
କ୍ଷୁଦିରାମାତ୍ମଜୋ ବାଲଃ କାମାର ପୁକୁରୋଦ୍ଭଵଃ । ସର୍ଵେପ୍ସିତୋ ଵରାକାରଃ କୋମଲାଙ୍ଗୋ ଵିଭୂତିମାନ୍ ॥୨॥
ସ୍ମିତାଧରୋ ଽଖିଲପ୍ରେମୀ ଅତୀଵ ମଧୁର ମୋହନଃ । ସଦ୍ବ୍ରାହ୍ମଣ କୁଲୋଦ୍ଭୂତଃ ପୀଯୂଷଵର୍ଷି ନାମଭାକ୍ ॥୩॥
ଜନଚିତ୍ତ ସମାକର୍ଷୀ ମାତୃ ଚନ୍ଦ୍ରମଣିପ୍ରିଯଃ । ଧାତ୍ରୀଧନୀ ପ୍ରପୂଜ୍ଯୋଽସୌ ବାଲ୍ଯେଽପ୍ଯଦ୍ଭୁତ କୀର୍ତିମାନ୍ ॥୪॥
ମଧୁକ୍ଷର ସ୍ଵରାଲାପୋ ଵିଭୁଲୀଲା ସୁଗାଯକଃ । ସର୍ଵଧର୍ମ ସୁମର୍ମଜ୍ଞୋ ଵିଦ୍ଵଜ୍ଜଲ୍ପ ଵିଖଣ୍ଡକଃ ॥୫॥
ଵେଦପାଠ ଵିହୀନୋଽପି ପରମଵେଦ ତତ୍ତ୍ଵଵିତ୍ । ସୁଚାରୁ ପ୍ରତିମାକାରଃ ଚିତ୍ରାଙ୍କନ ଵିଶାରଦଃ ॥୬॥
ଅଭିନଯପଟୁର୍ ଧୀମାନ୍ ଗୃହୀତ ବହୁଭୂମିକଃ । ରଙ୍ଗରସପ୍ରିଯଃ ଶ୍ରୀମାନ୍ ନୃତ୍ଯଗୀତ ପରାଯଣଃ ॥୭॥
ମୁଖଵାଦ୍ଯ ପ୍ରଵୀଣୋଽସୌ ଶୁଦ୍ଧତାଲ ଲଯାଶ୍ରଯଃ । ପିକାଲି ମୁରଲୀ ଵୀଣା ସମୁଦିତ ସ୍ଵରଧ୍ଵନିଃ ॥୮॥
ରାମାରୂପ ଵିଭାଵୀ ଵୈ ରାମାଭଙ୍ଗି ପ୍ରଦର୍ଶକଃ । ରାମାଵିକଲ କଣ୍ଠାଯୁକ୍ ଚାରୁଚନ୍ଦ୍ର ନିଭାନନଃ ॥୯॥
ମାଧୁର୍ଯ ମଣ୍ଡିତାଶେଷ ଵାଲ୍ଯଲୀଲା ସମାପକଃ । ଶ୍ରୁତିଧରୋ ମହାଧୀମାନ୍ ଜନନୀ ଜନକପ୍ରିଯଃ ॥୧୦॥
ଵିଶୁଦ୍ଧ ବ୍ରାହ୍ମଣାଚାରଃ ସର୍ଵଦୈଵ ଗୁଣାକରଃ । ନନ୍ଦିତୋ ଵନ୍ଦିତୋ ଦେଵଃ ପିନାକି ଭୂମିକାଧରଃ ॥୧୧॥
ଦର୍ଶକ ହୃଦଯାନନ୍ଦଃ ସାକ୍ଷାନ୍ ମୂର୍ତମହେଶ୍ଵରଃ । ଜାତ ଶିଵମଯାଵେଶଃ ଶିଵଭାଵ ସମାଧିମାନ୍ ॥୧୨॥
ସର୍ଵଗ୍ରାମ ଜନାମୋଦଃ ଚନ୍ଦ୍ରମଣି ତନୂଦ୍ଭଵଃ । କାମାର ପୁକୁରପ୍ରାଣଃ ସୁଵେଣୀ ବଦ୍ଧକୁନ୍ତଲଃ ॥୧୩॥
କ୍ଵଚିତ୍ ତ୍ଯକ୍ତକୁଲାଚାରଃ ସତ୍ଯଵ୍ରତ ପରାଯଣଃ । ଧନୀଗୃହୀତ ଭିକ୍ଷାନ୍ନୋ ଧାତ୍ରୀସ୍ନେହ ଵଶଂଵଦଃ ॥୧୪॥
ଦେଵୀଗୃହୀତ ନୈଵେଦ୍ଯଃ ଚିନୂଦ୍ଭିନ୍ନ ସ୍ଵରୂପକଃ । ଚିନୁମିଷ୍ଟାନ୍ନ ସଂଭୋକ୍ତା ଚିନୁଭକ୍ତି କୃତାର୍ଚନଃ ॥୧୫॥
ଭକ୍ତାର୍ଚିତ ପଦାମ୍ଭୋଜଃ ଶାଖାମୃଗ ସୁପୂଜିତଃ । ସ୍ମୃତ ତ୍ରେତାଯୁଗାଚାରୋ ରାଘଵାଭିନ୍ନ ରୂପକଃ ॥୧୬॥
ଧନୀ ଭକ୍ତ୍ଯର୍ଚନାଧାରୋ ଜାତିମାନ ଵିଵର୍ଜିତଃ । ଶୁଦ୍ଧଭକ୍ତି ଧନଗ୍ରାହୀ ପ୍ରେମାନନ୍ଦ ସମୁଜ୍ଜ୍ଵଲଃ ॥୧୭॥
ପିତୃପୂଜା ସମାକୃଷ୍ଟଃ ପ୍ରେମ ପୁଲକିତାନ୍ତରଃ । ଜାତ ରଘୁଵରାଵେଶୋ ରାଘଵମାଲ୍ଯ ଭୂଷିତଃ ॥୧୮॥
କଲାକଲାପ ନିଷ୍ଣାତଃ ସରଲଃ ସୌମ୍ଯଦର୍ଶନଃ । ପରମସୁନ୍ଦରଃ ପ୍ରେଷ୍ଠୋ ଦିଵ୍ଯଲକ୍ଷଣ ଲକ୍ଷିତଃ ॥୧୯॥
ତୀର୍ଥୀକୃତ ନିଜଗ୍ରାମୋ ଜନ୍ମଭୂ ଶେଵଧିଃ ସ୍ଵଯମ୍ । ପୂଜ୍ଯାଭେଦ ସମାପନ୍ନଃ ସ୍ଵାଂଘ୍ରି ନ୍ଯସ୍ତୋପଚାରକଃ ॥୨୦॥
ଅଭୀଷ୍ଟ ପାର୍ଷଦଵ୍ରାତଃ ପାର୍ଷଦଵୃନ୍ଦ ପୂଜିତଃ । ନଵକଲେବର ଶ୍ରୀଶଃ କୃଷ୍ଣଲୀଲା ପ୍ରକାଶକଃ ॥୨୧॥
ନିସର୍ଗାଲୋକନୋନ୍ମତ୍ତୋ ଭାଵରାଶି ପ୍ରପୂରିତଃ । ମେଘାମ୍ବର ବଲାକାଦୃକ୍ ବାଲ୍ଯାଶେଷ ସମାଧିମାନ୍ ॥୨୨॥
ସଂସାରାସାରତା ଦର୍ଶୀ ସଦା ଵୈରାଗ୍ଯଭାଵନଃ । ନ୍ଯାସିସଙ୍ଗୀ ପରପ୍ରୀତଃ ପରିଵ୍ରାଜକ ଵନ୍ଦିତଃ ॥୨୩॥
ଗଙ୍ଗାମ୍ବୁ ବ୍ରହ୍ମସମ୍ବୋଧିଃ ଗଙ୍ଗାଭକ୍ତି ପରାଯଣଃ । ଦୃଢମୁନି ଵ୍ରତାଚାରୀ କ୍ଷୁତ୍ପିପାସୋର୍ମି ଵର୍ଜିତଃ ॥୨୪॥
ସଦା ଶିଵଶିଵାଲାପୀ ଶମାଦି ଵିଭଵାନ୍ଵିତଃ । ଵିହିତ ଗାଙ୍ଗମୃଚ୍ଛମ୍ଭୁଃ ଵିଶ୍ରୁତ ପ୍ରତିଭାଧରଃ ॥୨୫॥
ଛୋଟଭଟ୍ଚାଜିତି ପ୍ରୋକ୍ତଃ କୃତମୃଣ୍ମଯ ଚିନ୍ମଯଃ । ପ୍ରକଟ ପୁଲକାଵେଗୋ ଦକ୍ଷିଣେଶ୍ଵର ଜୀଵନମ୍ ॥୨୬॥
ଘୃଷ୍ଟସାଶ୍ରୁ ମୁଖାମ୍ଭୋଜଃ ଶ୍ରୀକାଲୀ ଦର୍ଶନାକୁଲଃ । କଠିନ ମୃତ୍ତିକାଶାଯୀ ହ୍ଯୁଚ୍ଚୈର୍ମାମେତି ରୋଦକଃ ॥୨୭॥
ମଥୁରା ମୋହନାନନ୍ଦଃ ଶ୍ରୀକାଲିକା ସୁପୂଜକଃ । ଜଗନ୍ମାତୃ ଗତପ୍ରାଣଃ ପ୍ରାଣତ୍ଯାଗ ସମୁଦ୍ଯତଃ ॥୨୮॥
ସ୍ଵମୁଣ୍ଡ ଵିନିପାତାର୍ଥୀ ସୁତୀକ୍ଷ୍ଣ ଖଡ୍ଗଧାରକଃ । ଅଖଣ୍ଡ ଚେତନାସ୍ଫୂର୍ତିର୍ ଵିଲୁପ୍ତ ବାହ୍ଯଚେତନଃ ॥୨୯॥
ସବାହ୍ଯାଭ୍ଯନ୍ତର ଜ୍ଯୋତିଃ ଦେଵୀମନ୍ଦିର ଶାଯିତଃ । ଆନନ୍ଦ ସାଗରସ୍ନାତୋ ଦୃଷ୍ଟଚିନ୍ମଯ କାଲିକଃ ॥୩୦॥
ଶ୍ଯାମା ନୀରାଜନୋନ୍ମତ୍ତଃ ସର୍ଵଵିଷଯ ନିସ୍ପୃହଃ । ଆତ୍ମସ୍ଥିତି ଵିଘାତେନ ଽପରଵିଦ୍ଯା ପରାଙ୍ମୁଖ ॥୩୧॥
ଯୋଗଶିକ୍ଷା ପରାମୋଦୋ ଵିଯୋଗ ଶିକ୍ଷଣାରୁଚିଃ । ଭୋଗନିଷ୍ଠୀଵନ ତ୍ଯାଗୀ ପରଵିଦ୍ଯା ପ୍ରମାନଦଃ ॥୩୨॥
ତୋତାସମ୍ପ୍ରାପ୍ତ ସଂନ୍ଯାସୋ ହ୍ଯଦ୍ଵୈତ ସାଧନାପରଃ । ବ୍ରହ୍ମବୋଧି ସମାରୂଢୋ ନିର୍ଵିକଲ୍ପ ସମାଧିମାନ୍ ॥୩୩॥
ଅନୁଲୋମ ଵିଲୋମଜ୍ଞୋ ଵିଜ୍ଞାନ ଭୂମିସଂଦୃଢଃ । ରୂପାରୂପ ସମାପତ୍ତୌ ପ୍ରଜ୍ଞାପ୍ରୋତ୍କର୍ଷ ସଂଯୁତଃ ॥୩୪॥
ଷଣ୍ମାସ ନିର୍ନିମେଷାକ୍ଷୋ ହଠଯୋଗ ପ୍ରସାଧକଃ । ସଦାଶିଵ ସମାଵିଷ୍ଟୋ ଭଦ୍ରମାଲ୍ଯ ପ୍ରଭୂଷିତଃ ॥୩୫॥
ଦିଵ୍ଯଜ୍ଯୋତିର୍ ମଯାଧାରୋ ଦାସ୍ଯଭକ୍ତି ପ୍ରଦର୍ଶକଃ । ଶ୍ଯାମାଧ୍ଯାନ ମହାଵେଶୀ ଜଟାଜୂଟ ଶିଵେକ୍ଷକଃ ॥୩୬॥
ଆନନ୍ଦାସନ ସଂସିଦ୍ଧଃ କ୍ରାନ୍ତଦର୍ଶୀ ସୁମୋହନଃ । ଅଖିଲ ଵିବୁଧାଵେଶଃ ପ୍ରତିମା ଜ୍ଞାତଚେତନଃ ॥୩୭॥
ବୁଦ୍ଧାଵତାର ସମ୍ବୁଦ୍ଧଃ ଶୂନ୍ଯତତ୍ତ୍ଵ ରହସ୍ଯଵିତ୍ । ନାନାକୃଚ୍ଛ୍ର ଵ୍ରତାଚାରୀ ଜ୍ଯୋତିର୍ଲୀନ ସ୍ଵରୂପକଃ ॥୩୮॥
ସଙ୍କୀର୍ତକୋ ନୃତ୍ଯପରୋ ନିରାଶୋ ଦରିଦ୍ରଦେଵୋ ଜନଚିତ୍ତହାରୀ । ସ୍ତ୍ରୀମାତ୍ର ସଂଵୀକ୍ଷିତ ମାତୃରୂପୋ ଵେଶ୍ଯାନୁଭୂତୋତ୍ତମ ମାତୃସତ୍ତଃ ॥୩୯॥
ଶ୍ଯାମାର୍ପିତ ପ୍ରାଣମନଃ ଶରୀରଃ ଶ୍ଯାମାନିଦିଧ୍ଯାସ ପରାଯଣୋ ଵୈ । ଆହାରପାନ ସ୍ଵପନାଦି ଶୂନ୍ଯଃ ଶ୍ଯାମାଵଲୋକାକୁଲ ଉଦ୍ଗତାଶ୍ରୁ ॥୪୦॥
ଧ୍ଯାନାନୁକୂଲାଖିଲପାଶ ମୋକୋ ଧ୍ଯାନାର୍ଥ ସନ୍ତ୍ଯକ୍ତ ସୁଵେଶସୂତ୍ରଃ । ତୃଣୀକୃତାଶେଷ ଧନୋପହାରୋ ଦେଵୀ ଵିଯୋଗ ଵ୍ଯଥିତପ୍ରଦଗ୍ଧଃ ॥୪୧॥
କର୍ମେଷ୍ଟସଂହାରି ମହାତିଥିଜ୍ଞଃ ପତ୍ନୀସମାରାଧିତ ଷୋଡଶୀକଃ । ସ୍ତ୍ରୀଜ୍ଞାତ ବାଲତ୍ରିପୁରା ପ୍ରକାଶୋ ଦେଵୀଵିଲୀନାତ୍ମ କଲତ୍ରଭେଦଃ ॥୪୨॥
ସାଷ୍ଟାଂଗପାତାର୍ପିତ ସାଧ୍ଯଜାତଃ ପତ୍ନୀପଦନ୍ଯସ୍ତ ଜପାର୍ଥମାଲ୍ଯଃ । ପତ୍ନୀପ୍ରତିଷ୍ଠାପିତ ମାତୃଭାଵୋଽସାମାନ୍ଯ ପୂଜାଚରଣ ପ୍ରକାଶୀ ॥୪୩॥
ମାଧୁର୍ଯଭାଵୋ ଽଖିଲ ଦିଵ୍ଯରୂପଃ ସର୍ଵୋତ୍ତମଃ ସାଧକଚକ୍ରଵର୍ତୀ । ସର୍ଵତ୍ରସଂଵୀକ୍ଷିତ ଵାସୁଦେଵଃ ଶ୍ଯାମାଧନଃ କୃଷ୍ଣମଯ ସ୍ଵରୂପଃ ॥୪୪॥
ଅଖଣ୍ଡ ସଚ୍ଚିତ୍ସୁଖ ତତ୍ତ୍ଵଲୀନୋ ଅଦ୍ଵୈତପ୍ରବୋଧୋ ଵିରଜୋହୁତୀଶ୍ଚ । ନାରୀନିରୂଢ ସ୍ଥିରମାତୃଭାଵଃ ପତ୍ନୀଜଗନ୍ମାତୃ ସମାନବୋଧଃ ॥୪୫॥
ମହିମ୍ନଃସ୍ତୋତ୍ର ସମ୍ପ୍ରୀତୋ ଭାଵସମାଧି ମଜ୍ଜିତଃ । ଅଶେଷଭାଵ ସଂସିଦ୍ଧଃ କାଲିକା ଶ୍ରେଷ୍ଠପୂଜକଃ ॥୪୬॥
ନାନାଧର୍ମ ମତପ୍ରେମୀ ନାନାଧର୍ମ ପରୀକ୍ଷକଃ । ସତ୍ଯଧର୍ମ ପଥଵ୍ରାତଃ ସକଲଧର୍ମ ସାରଦୃକ୍ ॥୪୭॥
ଶାନ୍ତାଦି ଭାଵସଂଵେତ୍ତା ଗୋପୀଭାଵ ପ୍ରସାଧକଃ । ସୁଦୃଷ୍ଟ ଷୋଡଶୀମୂର୍ତିଃ ଜ୍ଞାନଯୋଗ ଵ୍ଯଵସ୍ଥିତଃ ॥୪୮॥
ତନ୍ମଯ ପୂଜକଶ୍ରେଷ୍ଠୋ ମାଯାମୋହନ ମୂର୍ତୀଦୃକ୍ । ଦିନତ୍ରଯ ତୁରୀଯସ୍ଥୋ ନିର୍ଵିକଲ୍ପ ସମାହିତଃ ॥୪୯॥
ସାରଥିକୃଷ୍ଣ ସନ୍ଦ୍ରଷ୍ଟା ବାଲଗୋପାଲ ଵୀକ୍ଷକଃ । ଚପଲ ବାଲିକାଵେଶି ଶ୍ରୀଜଗନ୍ମାତୃ ଦର୍ଶକଃ ॥୫୦॥
ଶ୍ଯାମାଵେଶକର ଶ୍ରେଷ୍ଠଃ ସ୍ଵୀକୃତ ବ୍ରାହ୍ମଣୀଗୁରୁଃ । ସାଧକକୁଲ ମୂର୍ଧନ୍ଯଃ କୃତଧର୍ମ ସମନ୍ଵଯଃ ॥୫୧॥
ପ୍ରକଟିତ ମହାଭାଵଃ ସ୍ଵଦେହଲୀନ ରାଧିକଃ । ଭଵତାରିଣ୍ଯନୁଧ୍ଯାତା ତ୍ଵପରୋକ୍ଷୀ କୃତାମ୍ବିକଃ ॥୫୨॥
ପ୍ରମୂର୍ତ ରାମସୌମିତ୍ରିଃ ସୀତାଦର୍ଶନ ମୋଦିତଃ । ପରୈକାଗ୍ର ମନୋଵୃତ୍ତିଃ ଅନେକତନ୍ତ୍ର ସାଧକଃ ॥୫୩॥
ଶ୍ରୀଗୌରାଙ୍ଗାସନାରୂଢଃ ଶିଖଶାସନ ତତ୍ତ୍ଵଵିତ୍ । ପ୍ରେମାଶ୍ରୁ ସିକ୍ତ ତୁଣ୍ଡାଦିଃ ନେତିନେତୀତି ସାଧକଃ ॥୫୪॥
କାଲ ତତ୍କାମିନୀ ଦ୍ରଷ୍ଟା ଶିଵାରୂଢ ଶିଵାପ୍ରିଯଃ । ବ୍ରହ୍ମକୁଣ୍ଡଲି ନିଦ୍ରାଘ୍ନୋ ଽଵିଗୀତ ତନ୍ତ୍ରପାରଗଃ ॥୫୫।
ଵିଵିକ୍ତ ସେଵନାକୃଷ୍ଟୋ ଦିଵ୍ଯପ୍ରେମ ମଦାକୁଲଃ । ଜଗଦମ୍ବ ସମାଦିଷ୍ଟୋ ଦୃଢଭାଵମୁଖ ସ୍ଥିତିଃ ॥୫୬॥
ଚଲତୀର୍ଥ ସ୍ଵରୂପୋଽପି ଵିହିତ ତୀର୍ଥସେଵନଃ । ବୃଂହିତ ତୀର୍ଥମାହାତ୍ମ୍ଯଃ ସୁତୀର୍ଥିକୃତ ଜନ୍ମଭୂଃ ॥୫୭॥
ଜାଗ୍ରଦ୍ ଦୃଷ୍ଟାମରଵ୍ରାତଃ ପ୍ରକୃଷ୍ଟ ତୀର୍ଥପାଵନଃ । ଦରିଦ୍ରଦୁଃଖ ସନ୍ତପ୍ତଃ କ୍ଷୁଧାତୁର ସୁଭୋଜ୍ଯଦଃ ॥୫୮॥
ସ୍ଵାଙ୍ଗସଲ୍ଲୀନ ଵିଶ୍ଵେଶୋ ଦୃଷ୍ଟତାରକ ମନ୍ତ୍ରଦଃ । ସ୍ଵର୍ଣ କାଶୀକ୍ଷଣାନନ୍ଦଃ ସ୍ଵଯଂ ପୂଜିତ ଦୁର୍ଗତଃ ॥୫୯॥
ଦୀନାର୍ତଶୁଲ୍କ ସମ୍ମୋଚୀ ଦୃଷ୍ଟ ଜ୍ଯୋତିର୍ମଯେଶ୍ଵରଃ । ପ୍ରକାଶିତ ପରପ୍ରେମା ପ୍ରାପ୍ତକାଶୀ ଶିଵାଲଯଃ ॥୬୦॥
ଵୀଣା ମଧୁର ଝଙ୍କାର ଶ୍ରଵଣ ପ୍ରାପ୍ତ ନିର୍ଵୃତିଃ । ଗୋପାଲକୃଷ୍ଣ ସୁଦ୍ରଷ୍ଟା ଶ୍ରୀଵୃନ୍ଦାଵନ ଧାମଗଃ ॥୬୧॥
ଶିବିକାରୋହଣ ଵ୍ରଜ୍ଯାପୂର୍ଵ ଭାଵସମାଧିମାନ୍ । ଗୋଵର୍ଧନ ଶିଲାରୂଢୋ ଜନଗଣ ସମାଦୃତଃ ॥୬୨॥
ସନ୍ଦେହରାକ୍ଷସ ଧ୍ଵସ୍ତା ସ୍ପର୍ଶମାତ୍ର ସମାଧିଦଃ । ଅଖିଲଧର୍ମ ମର୍ମଜ୍ଞୋ ମୂର୍ଖପଣ୍ଡିତ ସାମ୍ଯଦୃକ୍ ॥୬୩॥
ସ୍ଵାଙ୍ଗସଲ୍ଲୀନ ଗୌରାଙ୍ଗଃ ସ୍ମର୍ତୃକଲୁଷ ନାଶନଃ । ଅସ୍ପୃଶ୍ଯ ପତିତୋଦ୍ଧର୍ତା ଧର୍ମଦ୍ଵନ୍ଦ୍ଵ ଵିଖଣ୍ଡନଃ ॥୬୪॥
ଆଦ୍ଯଶକ୍ତ୍ଯପୃଥଗ୍ଭୂତଃ ଶାକ୍ତଗଣ ସୁପୂଜିତଃ । ଜୀଵଦୁଃଖାମଯୋଚ୍ଛେତ୍ତା କରୁଣାଵରୁଣାଲଯଃ ॥୬୫॥
ଚ୍ଯୁତାଚ୍ଯୁତୋ ଜ୍ଞାନଦାତା ସର୍ଵଜାତି ଵିମୁକ୍ତିଦଃ । କରାମଲକଵତ୍ ସିଦ୍ଧିଃ ମାତୃପୂଜା ସମାଧିମାନ୍ ॥୬୬॥
ଦତ୍ତଭକ୍ତ ଜନାନନ୍ଦଃ ସୁଧୀନ୍ଦ୍ର ସେଵିତାଙ୍ଘ୍ରିକଃ । ଅଵତାରଵରିଷ୍ଠୋ ଵୈ ପାପଦୂଷଣ ମୋଚକଃ ॥୬୭॥
ଶ୍ରୀଭଗଵତ୍ପ୍ରସଙ୍ଗୋତ୍ଥ ଶ୍ରେଷ୍ଠ ସମାଧି ଭାଵଯୁକ୍ । ଶ୍ରୀକୃଷ୍ଣ ମଧୁରାଖ୍ଯାନ ଶ୍ରଵଣପ୍ରାପ୍ତ ନିର୍ଵୃତିଃ ॥୬୮॥
ଯୋଗଦୋ ଯୋଗଵିଦ୍ଵର୍ଯଃ ଶୁଦ୍ଧସତ୍ତ୍ଵ ପ୍ରତିଷ୍ଠିତଃ । ସର୍ଵଦ୍ଵନ୍ଦ୍ଵ ଵିନିର୍ମୁକ୍ତୋ ନରେନ୍ଦ୍ର ଯସ୍ତ ଧର୍ମଧୀଃ ॥୬୯॥
ଅଧ୍ଯାତ୍ମଶକ୍ତି ସଂଦାତା ନରେନ୍ଦ୍ର ନିର୍ଵିକଲ୍ପଦଃ । ସ୍ପର୍ଶମାତ୍ର ସୁଵିଜ୍ଞାତ ଶ୍ରୀନରେନ୍ଦ୍ର ସ୍ଵରୂପକଃ ॥୭୦॥
ଵିଲୋମମାର୍ଗ ନିର୍ଜ୍ଞାତ ଽଖଣ୍ଡ ନରେନ୍ଦ୍ର ସଂସ୍ଥିତିଃ । ସପ୍ତର୍ଷି ମଣ୍ଡଲାନ୍ତଃସ୍ଥ ପ୍ରେଷ୍ଠ ର୍ଷିକଣ୍ଠଧାରକଃ ॥୭୧॥
ଭକ୍ତକ୍ଲେଶାସହିଷ୍ଣୁର୍ ଵୈ ଭଵରୋଗ ଵିଦୂରକଃ । ଉରରୀକୃତ ସଦ୍ଦାସୀ ଜଗଦମ୍ବା ଽଖିଲାଽଽମଯଃ ॥୭୨॥
ଭକ୍ତାତ୍ଯନ୍ତ କୃପାଵର୍ଷୀ ପରତତ୍ତ୍ଵୋପଦେଶକଃ । ଜିତକାମାଦି ଷଡ୍ଵର୍ଗଃ ତ୍ଯକ୍ତ ସର୍ଵପ୍ରତିଗ୍ରହଃ ॥୭୩॥
କାମିନୀକାଞ୍ଚନ ତ୍ଯାଗୀ ଅପୂର୍ଵ ମାତୃପୂଜକଃ । ସ୍ଥାଵରା ସ୍ଥାଵରାଭୋଗୀ ସନ୍ତ୍ଯକ୍ତ ମଥୁରାଧନଃ ॥୭୪॥
ବ୍ରହ୍ମଯୋନି ପରିଦ୍ରଷ୍ଟା ଵିଶଦୋ ଵିମଲାନ୍ତରଃ । ଭାଵସ୍ଥିତି ପରଃ ସାକ୍ଷୀ ଦୃଷ୍ଟଚୈତନ୍ଯ କୀର୍ତନଃ ॥୭୫॥
ଲୋକପ୍ରିଯୋ ଲୋକନାଥୋ ଲୋକଶିକ୍ଷା ଗୁରୁଃ ପ୍ରଭୁଃ । ଲବ୍ଧ ଯୋଗଵିଭୂତିଶ୍ଚ ଲୋକାନୁଗ୍ରହ କାରକଃ ॥୭୬॥
ଲୀଲାମଯୋ ହରିଃ ସାକ୍ଷାତ୍ ପୂଜିତୋ ଵିଶ୍ଵଵନ୍ଦିତଃ । ଭୂଯିଷ୍ଠ ସାଧନା ନିଷ୍ଠଃ ପ୍ରଥିତୋ ଦେଵମାନଵଃ ॥୭୭॥
ଵେଦମୂର୍ତିର୍ ଵିଭୁସ୍ତ୍ରାତା ଵିଶ୍ଵପାତା ଵିଶାଲଧୀଃ । ଵାଞ୍ଛାକଲ୍ପତରୁର୍ ଵୀରୋ ଵିଚିତ୍ରେଶ୍ଵର ଦର୍ଶନଃ ॥୭୮॥
ଵିଶ୍ଵେଶ୍ଵରୋ ଵିରାଡ୍ରୂପୋ ଵିଶ୍ଵାଧାରୋ ଵିଵେକଦଃ । ଵରେଣ୍ଯୋ ଵୈଷ୍ଣଵୋ ଵିଷ୍ଣୁଃ ଵେତ୍ତେଶୋ ଵେଦଵିତ୍ତମଃ ॥୭୯॥
ନାନାରୂପୋ ନିରାକାରୋ ନୃଦେଵୋ ନିର୍ଭଯୋଽଵ୍ଯଯଃ । ନିତ୍ଯୋ ନିର୍ଵାସନୋଽଜ୍ଞେଯୋ ନିର୍ଵିକଲ୍ପୋ ନିରଞ୍ଜନଃ ॥୮୦॥
କୃପାସାରଃ କୃପାଧାରଃ କରୁଣଃ କରୁଣେକ୍ଷଣଃ । କାଲୀସୂନୁଃ ସ୍ଵଯଙ୍କାଲୀ କର୍ଣଧାର ସ୍ଵରୂପକଃ ॥୮୧॥
ଯୁଗଧର୍ମ ସୁସଂସ୍କର୍ତା ଯୁଗଭାଵ ପ୍ରଵର୍ତକଃ । ଯୁଗାଚାର ପରିଦ୍ରଷ୍ଟା ଯୁଗଗ୍ଲାନି ଵିଦୂରକଃ ॥୮୨॥
କୃତ ଶ୍ରୀକାଲିକା ଲୀଲୋ ଲଲିତଃ ପ୍ରେମସୁନ୍ଦରଃ । କାମକାଞ୍ଚନ ଶୂନ୍ଯଶ୍ଚ କଲିକଲୁଷ ନାଶନଃ ॥୮୩॥
ଵୃଦ୍ଧଶ୍ରଵା ବୃହତ୍କର୍ମା ଭୂତାତ୍ମା ଧର୍ମଧାରକଃ । ପ୍ରଜ୍ଞାଧନୋ ମହାଭାଵଃ ପ୍ରାଣରୂପୋ ନିରନ୍ତରଃ ॥୮୪॥
ପିତୃମାତୃ ସ୍ଵରୂପଶ୍ଚ ଜନତାପ ନିଵାରକଃ । ପତିତପାଵନଃ ଶୁଦ୍ଧଃ ଶୁଦ୍ଧିଦଃ ସର୍ଵତୋମୁଖଃ ॥୮୫॥
ସର୍ଵଜ୍ଞଃ ସର୍ଵଶକ୍ତିଶ୍ଚ ଵାସନାବୀଜ ଭର୍ଜକଃ । ଆତ୍ମାରାମୋ ରମାନାଥଃ ପରବ୍ରହ୍ମ ପରେଶ୍ଵରଃ ॥୮୬॥
କଠୋର କର୍ମକୃଚ୍ଛାକ୍ତୋ ମୂର୍ତକାରୁଣ୍ଯ ଵିଗ୍ରହଃ । କୃପାକଟାକ୍ଷ ସୁକ୍ଷେପୀ ନିର୍ମୋହୋ ଲୋକପାଵନଃ ॥୮୭॥
ଶକ୍ତ୍ଯାଧାରଃ ଶିଵଃ ଶାନ୍ତଃ ଶଙ୍କରଃ ଶକ୍ତିଦାଯକଃ । ଶୁକ୍ଲାମ୍ବରଧରଃ ଶୁଭ୍ରଃ ଶାନ୍ତିଦଃ ଶ୍ରୁତିସାରଵିତ୍ ॥୮୮॥
ବୁଦ୍ଧିଦୋ ବୋଧିଦଃ ସୌମ୍ଯଃ ପରମାନନ୍ଦ ଦାଯକଃ । ଵିଶ୍ଵଵେତ୍ତା ତ୍ରିକାଲଜ୍ଞଃ ତ୍ଵଦ୍ଵିତୀଯୋ ମନୋଯତିଃ ॥୮୯॥
ପ୍ରେମାତ୍ମା ଽରୂପରୂପୋ ଵୈ ଵିଶ୍ଵାତ୍ମା ହୃଦଯେଶ୍ଵରଃ । ମହାଧାରୋ ମହାଶକ୍ତିଃ ଓଜୋଧାତାତ୍ମତୁଷ୍ଟିମାନ୍ ॥୯୦॥
ସାଧୁମିତ୍ରଂ ସଦାନନ୍ଦଃ ସତ୍ସ୍ଵରୂପଃ ସଦାତନଃ । ସମ୍ପ୍ରଦାଯ ଵିହୀନୋଽପି ପ୍ରତିସଙ୍ଘ ସୁଧାରକଃ ॥୯୧॥
ଭାଵାତୀତୋ ଭଵସ୍ତୁତ୍ଯୋ ଭକ୍ତିମାର୍ଗ ପ୍ରଦର୍ଶକଃ । ଭଗଵାନ୍ ଭାଵପାଥୋଧିଃ ଭଵବନ୍ଧନ ଖଣ୍ଡନଃ ॥୯୨॥
ଭକ୍ତେଶ୍ଵରୋ ଭଯୋଚ୍ଛେତ୍ତା ଭଵସାଗର ତାରଣଃ । ଭକ୍ତପାଲୋ ଭଵତ୍ରାତା ଭକ୍ତହୃଦଯ ରଞ୍ଜନଃ ॥୯୩॥
ଅମିତଗୁଣ ଚରିତ୍ରୋ ଽନନ୍ତମୂର୍ତିଃ ପ୍ରଶାନ୍ତୋ ହୃଦଯକମଲ ସଂସ୍ଥୋ ଜ୍ଞାନଦାନାଵତୀର୍ଣଃ । ପ୍ରକୃତି ଵିକୃତି ଶୁନ୍ଯଃ ସର୍ଵଗଃ ସର୍ଵସାକ୍ଷୀ ଵିମଲ ପରମହଂସୋ ଵିଶ୍ଵ ଧର୍ମପ୍ରତୀକଃ ॥୯୪॥
ପ୍ରଣଯଗଲିତ ଚିତ୍ତୋ ଽନାଦିରୂପୋ ଽତିସୂକ୍ଷ୍ମଃ ଶିଶୁମତିର୍ ଅଵିନଶୀ ଶକ୍ତିପାଥସ୍ ତରଙ୍ଗଃ । ଅଗତିକ ଗତିଦାଯୀ ଶାନ୍ତି ଦାନାଵତୀର୍ଣଃ ଶମନ ଦମନକାରୀ ଶାନ୍ତିଵର୍ଷି ସ୍ଵରୂପଃ ॥୯୫॥
ରତିପତି ଭଯହାରୀ ସର୍ଵକଲ୍ଯାଣ ରାଶୀ ରିପୁକୁଲ ସୁମହାରିର୍ ଜ୍ଞାନମାର୍ଗ ପ୍ରକାଶୀ । ଯତି ମୁନି ଜନ ତାରୀ ରଞ୍ଜକୋ ଭାଵମୂର୍ତିର୍ ମତିମଲ ଲଯକାରୀ ମୋହ ମେଘାପସାରୀ ॥୯୬॥
କଲୁଷମଲ ଵିନାଶୀ ସଚ୍ଚିଦାନନ୍ଦ ମୂର୍ତିର୍ ନିଖିଲମଧୁର ଭାଵ ସ୍ଵାଶ୍ରାଯଃ ପୂର୍ଣରୂପଃ । ଅଭିଲଷିତ ଵିଧାତା ଅପୂର୍ଵଶକ୍ତି ପ୍ରଦାତାପି ଅମୃତ ମଧୁରରୂପଃ ସର୍ଵ ଵିଶ୍ଵାତିଶାଯୀ ॥୯୭॥
ପରମ ଶରଣଦାତା ଶୁଦ୍ଧବୋଧ ପ୍ରଦୀପୋ ଧୃତ ସହଜ ସମାଧିଃ ସକ୍ରିଯୋ ନିଷ୍କ୍ରିଯଶ୍ଚ । ଦୁରିତ ଦଲନଶକ୍ତୋ ଵିଶ୍ଵଭାଵ ପ୍ରଵେତ୍ତା ତ୍ରିଗୁଣ ରହିତ ରୂପୋ ଭାସ୍ଵରଶ୍ ଚିଦ୍ଵିଲାସଃ ॥୯୮॥
ହୃତ ଶଶଧର କାନ୍ତିର୍ ହ୍ଯୁତ୍ତମ ଜ୍ଯୋତିରେଵ ପ୍ରଭଵ ମରଣ ହୀନଶ୍ ଚିନ୍ମଯୋ ଦିଵ୍ଯରୂପଃ । ଚିର ସହଚର ଇଷ୍ଟୋ ଦୀନବନ୍ଧୁଃ କୃପାଲୁର୍ ନିଖିଲ ଭୁଵନ ଧାତା ତାରକୋ ଽନାଥନାଥଃ ॥୯୯॥
ମହାସାଧ୍ଯୋ ମହାସିଦ୍ଧୋ ଽମିତଵୀର୍ଯୋ ଦିଗମ୍ବରଃ । ମହା ଵିପନ୍ନିଵାରୀ ଚ ତ୍ଯକ୍ତ ଲଜ୍ଜାଭଯାଦିକଃ ॥୧୦୦॥
ଅଦ୍ଭୁତୋ ମନୁଜଶ୍ରେଷ୍ଠୋ ଯୁଗପଚ୍ଚତୁରାଶ୍ରମୀ । ଜଗତ୍ସ୍ଵାମୀ ମହାଚାର୍ଯୋ ତ୍ଯାଗିଵର୍ଯୋ ହ୍ଯଖଣ୍ଡଧୀଃ ॥୧୦୧॥
ଅନାଦିନିଧନୋ ଽନନ୍ତୋ ଽଵ୍ଯକ୍ତୋ ଽଖିଲହୃଦୀଶ୍ଵରଃ । ଅସୀମ ବଲଶାଲୀ ଵୈ ଗୁଣାଢ୍ଯଶ୍ଚ ଗୁଣାତିଗଃ ॥୧୦୨॥
ଭୂରିଦାତାଖିଲପ୍ରେମୀ ଵିଶ୍ଵମୈତ୍ରୀ ପ୍ରସାଧକଃ । ମୋକ୍ଷଦୋ ଵରଦୋ ଦିଵ୍ଯଃ ପରମଃ ପୁରୁଷୋତ୍ତମଃ ॥୧୦୩॥
ଦାନ୍ତଃ ସ୍ଵଲ୍ପାକ୍ଷରୋ ଜ୍ଞାନୀ ଜ୍ଞାନମୂର୍ତିର୍ ଉଦାରଧୀଃ । ସର୍ଵଜ୍ଞୋ ଜ୍ଞାନସିନ୍ଧୁଶ୍ଚ ଜ୍ଞେଯୋ ଜ୍ଞାନରଵିଃ ସୁଧୀଃ ॥୧୦୪॥
ପୂତଦେହଃ ପଵିତ୍ରାକ୍ଷୋ ହ୍ଯାତ୍ମଜ୍ଞାନ ପ୍ରଜାଗରଃ । ଜ୍ଞାନ ଵିଜ୍ଞାନ ନିଷ୍ଣାତଃ ଚାଜ୍ଞାନ ମୋହମୁଦ୍ଗରଃ ॥୧୦୫॥
ଓଁକାର ବୀଜରୂପୋ ଵା ଐଂ ହ୍ରୀଂ ବୀଜସ୍ଵରୂପକଃ । ସବୀଜ ଵାଙ୍ମଯ ଦ୍ରଷ୍ଟା ମନ୍ତ୍ର ଚୈତନ୍ଯ କାରକଃ ॥୧୦୬॥
ମୋହାରିର୍ ହୃତ୍ତମୋହାରୀ ଶୋକ ତାପ ନିଵାରଣଃ । ଭୁକ୍ତି ମୁକ୍ତି ପ୍ରଦାତା ଚ ରାମୋ ମାନସ ରଞ୍ଜନଃ ॥୧୦୭॥
ସଙ୍କୀର୍ତନାପ୍ଲୁତାତ୍ମା ଵୈ ସଂସୃତି ସ୍ଥିତି ଵିସ୍ମୃତିଃ । କୃଷ୍ଣଦୃଗ୍ ଭକ୍ତିମାନ୍ ଧୀରଃ ସିଦ୍ଧକୈଵଲ୍ଯ ନିର୍ଵୃତି ॥୧୦୮॥
ଜ୍ଞାନୋଦ୍ଭାସିତ ତୁଣ୍ଡଶ୍ରୀଃ ସର୍ଵଗ୍ରନ୍ଥି ଵିଦାରଣଃ । କୃପାକଟାକ୍ଷ ସଂଵର୍ଷୀ ସଂଶଯ ପୁଞ୍ଜପାଟନଃ ॥୧୦୯॥
ନିରାକାରୋଽଥ ସାକାରୋ ଲୀଲାଵିଗ୍ରହ ଧାରଣଃ । ମାନ ମେଯ ସ୍ଵରୂପଃ ଚାଦ୍ଵଯଃ କେଵଲଚେତନଃ ॥୧୧୦॥
ନିର୍ମୋହୋ ନିର୍ମଲୋ ଜୁଷ୍ଟୋ ବୁଦ୍ଧୋ ମୁକ୍ତୋ ମହେଶ୍ଵରଃ । ପ୍ରେମାମୃତାକରଃ ପୂର୍ଣୋ ଽଖିଲ ପାତକିତାରଣଃ ॥୧୧୧॥
ପ୍ରେମାବ୍ଧିଃ ପ୍ରେମଵାହୀ ଚ ପ୍ରମୂର୍ତ ପ୍ରେମଵିଗ୍ରହଃ । ପ୍ରେମଲୀଲା ପ୍ରକାଶୀ ଚ ପ୍ରେମ ରୋମାଞ୍ଚିତାନ୍ତରଃ ॥୧୧୨॥
ଜଗତ୍ପିତା ଜଗନ୍ମାତା ଜଗନ୍ନାଥୋ ଜନାର୍ଦନଃ । ଜଗନ୍ନିଵାସ ଆସୀନଃ ସର୍ଵଭୂତ ଲଯସ୍ଥିତିଃ ॥୧୧୩॥
ପ୍ରାଣେଶଃ ପ୍ରାଣକାନ୍ତଶ୍ଚ ପ୍ରାଣାରାମଃ ପରାଵରଃ । ପ୍ରାଣଦଃ ପ୍ରାଣଗୋପାଲଃ ପ୍ରାଣଶ୍ରୀଶ୍ଚ ପରାତ୍ପରଃ ॥୧୧୪॥
ପ୍ରେମଦାତା ପରପ୍ରେମୀ ପ୍ରେମ ଗଦ୍ଗଦ ଭାଷଣଃ । ପରପ୍ରେମା ପ୍ରେମଘନଃ ପ୍ରେମାକୁଲିତ ଵୀକ୍ଷଣଃ ॥୧୧୫॥
ପାଶମୁକ୍ତୋ ଵିମାନୋଽସୌ ପ୍ରକଟ କ୍ଲେଶ ନାଶନଃ । ପୁରାଣପୁରୁଷୋ ଽନାଦିଃ ଅଵତାରୀ କୃତାର୍ଚନଃ ॥୧୧୬॥
ପ୍ରାଚ୍ଯ ପାଶ୍ଚାତ୍ଯ ଦେଶସ୍ଥ ପ୍ରକୃଷ୍ଟି ସୁସମନ୍ଵଯୀ । ଵିଶ୍ଵ ସଂସ୍କୃତି ମାଲିନ୍ଯାପସାରକ ଜନାଗ୍ରଣୀଃ ॥୧୧୭॥
ପ୍ରାଣସଖୋ ମହାପ୍ରାଣୋ ଦୀନନାଥୋ ଦଯାଘନଃ । ଏଷଣାତ୍ରଯ ନିର୍ମୁକ୍ତୋ ନାରାଯଣାଂଶ ସମ୍ଭଵଃ ॥୧୧୮॥
ସ୍ଵଭୂଃ ଶମ୍ଭୁଃ ସ୍ଵଯମ୍ଭୂଶ୍ଚ ଵିରୂପାକ୍ଷୋ ଵିଲୋଚନଃ । ପରମେଶୋ ମହାଦେଵୋ ଦେଵଦେଵସ୍ତପୋଧନଃ ॥୧୧୯॥
କଲ୍ଯାଣକୃତ୍ ସୁକର୍ମାଥୋ ଯୁଗାଵତାର ସ୍ଵ ଚ । ରାମକୃଷ୍ଣୋଭଯାତ୍ମା ଵୈ କୁଲଧର୍ମ ପ୍ରବୋଧକଃ ॥୧୨୦॥
ସମସ୍ତ ଶାସ୍ତ୍ର ତତ୍ତ୍ଵଜ୍ଞୋ ବ୍ରହ୍ମା ଵିଷ୍ଣୁ ହରାତିଗଃ । କୂଟସ୍ଥୋ ବ୍ରହ୍ମରୂପସ୍ତୁ ଦ୍ଵିଜ ଚଣ୍ଡାଲ ସାମ୍ଯଦୃକ୍ ॥୧୨୧॥
ବୋଧସାକ୍ଷୀ ଵିଶୁଦ୍ଧାତ୍ମା ଵିଶ୍ଵଜ୍ଯୋତିର୍ ଉଦାରଧୀଃ । ବାହ୍ଯ ସଂଵେଦନା ଶୂନ୍ଯୋ ବ୍ରହ୍ମଶକ୍ତ୍ଯୈକ୍ଯ ଭାଵନଃ ॥୧୨୨॥
ବୋଧେଚ୍ଛା କର୍ମଶକ୍ତିଶ୍ଚ ଯୋଗ ଭକ୍ତି ପରାଯଣଃ । ଅଵତାର ଵରିଷ୍ଠୋଽପି ଵିକ୍ରାନ୍ତୋ ଦେଶିକୋତ୍ତମଃ ॥୧୨୩॥
ପୂର୍ଣଯୋଗ ରହସ୍ଯଜ୍ଞୋ ଯୋଗଦାତା ମହାଯମୀ । ଯୁଗଦେଵୋ ଯୁଗାଦର୍ଶୋ ଵିଶ୍ଵ ଵର୍ଣାଶ୍ରମାଶ୍ରଯଃ ॥୧୨୪॥
ସ୍ଥିତପ୍ରଜ୍ଞୋ ମହାପ୍ରାଜ୍ଞଃ ସଦା ପ୍ରଜ୍ଞାଲଯ ସ୍ଥିତଃ । ଵୀତରାଗ ଭଯକ୍ରୋଧଃ ସ୍ଥିତଧୀର୍ ମୁନି ସଂଜ୍ଞିତଃ ॥୧୨୫॥
ଅନାସକ୍ତୋଽନିକେତସ୍ତୁ ସ୍ତୁତି ନିନ୍ଦା ଵିଵର୍ଜିତଃ । ଆତ୍ମତୁଷ୍ଟୋ ଽନହଂଵାଦୀ ତ୍ଯକ୍ତାଖିଲ ଶୁଭାଶୁଭଃ ॥୧୨୬॥
ଈଶାର୍ପିତ ମନୋବୁଦ୍ଧି ଯୋଗମାଯା ସମାଵୃତଃ । ଶୁଭନାମା ଶୁଭାଗାରଃ ଶୁଭାରୀଃ ଶୁଭଦର୍ଶନଃ ॥୧୨୭॥
ନିଗୀର୍ଣାହଂ ମମଜ୍ଞାନୋ ଦ୍ଵେଷହୀନୋ ଗତଵ୍ଯଥଃ । ସମଦ୍ରଷ୍ଟା କ୍ଷମାଵାଂଶ୍ଚ ଅନପେକ୍ଷୋ ଵିଶ୍ଵନାଯକଃ ॥୧୨୮॥
ପୀଯୂଷ ରସପାଥୋଧିଃ କଥାମୃତ ପ୍ରଵର୍ଷଣଃ । ଅସ୍ପଷ୍ଟ ମଧୁରାଲାପୋ ଗ୍ରାମ୍ଯଭାଵ ପ୍ରଦର୍ଶକଃ ॥୧୨୯॥
ସର୍ଵଜ୍ଞାତା ତ୍ଵଵିଜ୍ଞାତୋ ଵିଶ୍ଵଯୋନିଃ ସ୍ଵଯଂଜନୁଃ । ସର୍ଵେଶ୍ଵରଃ ସ୍ଵତନ୍ତ୍ରଶ୍ଚ ଏକରୂପୋଽନେକରୂପକଃ ॥୧୩୦॥
ଅନୁଦ୍ଵିଗ୍ନୋ ଽମଲପ୍ରଜ୍ଞୋ ଵୀତ ମାନାଵମାନକଃ । ପ୍ରାର୍ଥନୀଯୋ ଽପ୍ଯର୍ଥଶୂନ୍ଯୋ ଽଵ୍ଯକ୍ତଃ ସୁଵ୍ଯକ୍ତି କାରଣମ୍ ॥୧୩୧॥
ଅଜେଯୋ ଜଯଶୀଲଶ୍ଚ ନିଃସ୍ପୃହୋଽପି ତପଃପରଃ । ଅଜୋଽପି ଜାଯମାନୋ ଵା ଅପାପଃ ପାପମୋଚନଃ ॥୧୩୨॥
ସର୍ଵଧର୍ମ ସରିତ୍ସିନ୍ଧୁଃ ସଦ୍ଭକ୍ତ ହୃଦଯାଶ୍ରଯଃ । ମୁନି ଯୋଗି ଯତି ଧ୍ଯେଯୋ ଵୀତରାଗ ଗତିପ୍ରଦଃ ॥୧୩୩॥
ବ୍ରହ୍ମସ୍ତୁତୋ ବ୍ରହ୍ମ ମୁଖାଧିଵାସୋ ବ୍ରହ୍ମାଣ୍ଡଗୋ ବ୍ରହ୍ମ ମୁଖାର୍ଚନାର୍ହଃ । ବ୍ରହ୍ମାଦି ବୋଧାତିଗ ଶେମୁଷୀକୋ ବ୍ରହ୍ମାର୍ପିତୋ ବ୍ରହ୍ମଵିଗାହି ଚେତାଃ ॥୧୩୪॥
ସତ୍କର୍ମ ଲୀଲାପ୍ରକଟଃ ସୁଦୃଷ୍ଟିଃ ସୁଦୃଷ୍ଟିଦଃ ସଂସୃତି ପାଶନାଶୀ । ଶ୍ରଦ୍ଧାନିଵାସଃ ସୁମନୋ ଵିଲାସଃ କନ୍ଦର୍ପହୃତ୍ କାମକଲା ଵିଲୋପୀ ॥୧୩୫॥
ଭକ୍ତେଶ୍ଵରୋ ଭକ୍ତଵରସ୍ ତପସ୍ଵୀ ଭକ୍ତିପ୍ରକାଶଃ ପ୍ରିଯ ଭକ୍ତିଭାଵଃ । ଭକ୍ତପ୍ରିଯୋ ଭକ୍ତଵୃତସ୍ ତମୋହା ଭକ୍ତାଵତାରୋ ଭଵ କର୍ଣଧାରଃ ॥୧୩୬॥
ଭକ୍ତିପ୍ରଭୋ ଭକ୍ତଗଣାଦୃତୋ ଵୈ ସୁଗ୍ରନ୍ଥଦୀପୋ ଯମଭୀତିହାରୀ । ସୁଵ୍ଯକ୍ତ ଵକ୍ଷଃସ୍ଥିତ ହାର ତୁଲ୍ଯୋ ଭ୍ରମ ପ୍ରମାଦାକଲିତୋ ମଦାରିଃ ॥୧୩୭॥
ଅନନ୍ତଭାଵୋ ଜିତଶାସ୍ତ୍ରସାରୋ ଦାକ୍ଷିଣ୍ଯଦାଯୀ କଲିଦୋଷନାଶୀ । ଅସୀମରୂପଃ ସମତାନିଦାନଂ ଦିଵ୍ଯାକୃତିର୍ ଦିଵ୍ଯମୁଖ ପ୍ରକାଶୀ ॥୧୩୮॥
ସର୍ଵାତ୍ମକଃ ସର୍ଵସୁଲକ୍ଷଣାଂଗୋ ନିଷ୍କାମ କର୍ମପ୍ରକଟଃ ପରେଶଃ । ସୁଧାମଯଃ ସ୍ନିଗ୍ଧ ରସାର୍ଦ୍ରଭାଵଃ ସର୍ଵଂସହଃ ସର୍ଵ ଘଟାଧିରୂଢଃ ॥୧୩୯॥
ସଦାପ୍ରଫୁଲ୍ଲୋ ଽଶୁଭନାଶି ନାମା କଲ୍ଯାଣଵର୍ଷୀ ସୁଖଦାଯି ମୁର୍ତିଃ । ଵିଶୁଦ୍ଧ ଵିଜ୍ଞାନମଯୋ ଽପ୍ରମେଯୋ ଵିଶୁଦ୍ଧସତ୍ତ୍ଵଃ ସୁଵିଶାଲ ଵକ୍ଷାଃ ॥୧୪୦॥
ଅଗାଧସତ୍ତ୍ଵୋ ଽମିତଵୀର୍ଯ ଆତ୍ମା ତତ୍ତ୍ଵପ୍ରକାଶୀ ସୁତନୁର୍ ମହାତ୍ମା । ଅଖଣ୍ଡରୂପୋ ନିଖିଲାଵତଂସଃ ସଂସାର ସାରାଵଗତୋ ନିରୀହଃ ॥୧୪୧॥
ମାଯାଶ୍ରଯୋ ମନୋଽଭୀଷ୍ଟୋ ମାଯାଧୀଶଃ ସୁରେଶ୍ଵରଃ । ମୋଦମାନୋ ମନୋହାରୀ ମାଯାତୀତସ୍ ତୁରୀଯଚିତ୍ ॥୧୪୨॥
ମଙ୍ଗଲୋ ମୋହନୋ ମୂର୍ତୋ ମାଯାଗୂଢ ସ୍ଵରୂପକଃ । ନଵଦଶ ମହାଭାଵୋ ରାଧିକାମଯ ଜୀଵିତଃ ॥୧୪୩॥
ଋତ ସତ୍ଯ ତପଃ ପୂର୍ଣୋ ନିତ୍ଯଯୁକ୍ତୋ ଽଖିଲେଶ୍ଵରଃ । ଋତମ୍ଭରୋ ଧରାଦେଵୋ ଲୋକାତୀତଃ ଚିଦମ୍ବରଃ ॥୧୪୪॥
ଅମରଶ୍ଚାମୃତାଧାରୋ ଽମୃତଭାଷୋ ଽମୃତେକ୍ଷଣଃ । ଅକଲଃ ସକଲଃ ସୂରୀ ରଞ୍ଜନଶ୍ଚାଚଲଶ୍ଚଲଃ ॥୧୪୫॥
ମାତୃପ୍ରାଣଃ ପିତୃପ୍ରାଣଃ ସଖିପ୍ରାଣୋ ନୃଵଲ୍ଲଭଃ । ଦରିଦ୍ରପ୍ରାଣ ଆଚାର୍ଯୋ ଦୀନେଶୋ ଦୀନଵତ୍ସଲଃ ॥୧୪୬॥
ଅପ୍ରାକୃତଵପୁଃ ପୂଜ୍ଯଃ ପ୍ରେମୋନ୍ମତ୍ତସ୍ ତପୋମଯଃ । ଧ୍ଯେଯୋ ଽଚଲପ୍ରତିଷ୍ଠଶ୍ଚ ମୋହଙ୍କଷଃ କୃପାମଯଃ ॥୧୪୭॥
ସତ୍ଯଃ ସତ୍ଯାଶ୍ରଯଃ ଶର୍ଵଃ ସତ୍ଯାତ୍ମା ସତ୍ଯସମ୍ଭଵଃ । ପରସତ୍ଯାପରୋକ୍ଷୀ ଚାପୂର୍ଵ ସତ୍ଯପ୍ରଭାଷଣଃ ॥୧୪୮॥
ମହାହୃଷ୍ଟୋ ମହାଦୃପ୍ତୋ ମହାମୋହ ଵିନାଶକଃ । ଘନୀଭୂତ ମନୋଯୋଗୋ ମାଧୁର୍ଯଘନ ଵିଗ୍ରହଃ ॥୧୪୯॥
ଅହେତୁକ କୃପାସିନ୍ଧୁଃ ଅଭିମାନ ଵିମର୍ଦକଃ । ମୂର୍ତିପୂଜା ରହସ୍ଯଜ୍ଞୋ ଽଶେଷ ସଂଶଯ ଵାରକଃ ॥୧୫୦॥
ଚିଦାନନ୍ଦ ଘନୋ ମାନଂ ମହାଚେତାଃ ମହାକୃତିଃ । ଚକ୍ରୀ ଚିନ୍ତାମଣିଶ୍ଚନ୍ଦ୍ରଃ ସୁଧାକାରୋ ଵରାନନଃ ॥୧୫୧॥
ରସାଧାରୋ ରସାଗାରୋ ରସାଲାପୀ ରସସ୍ଥିତିଃ । ଦିଵ୍ଯରସ ପ୍ରସୂତିଶ୍ଚ ଦିଵ୍ଯରସ ପ୍ରଦାଯକଃ ॥୧୫୨॥
ସୁସ୍ପଷ୍ଟ ରସିକ ଶ୍ରେଷ୍ଠଃ ସମ୍ପୂର୍ଣ ରସ ଵର୍ଷକଃ । ରସପୂର୍ଣୋ ରସଜ୍ଞୋ ଵୈ ରସୋଦ୍ଭିନ୍ନ ସ୍ଵରୂପକଃ ॥୧୫୩॥
ସର୍ଵଦିଵ୍ଯ ରସୋଲ୍ଲାସୋ ରସାଽଽସ୍ଵାଦ ପ୍ରମୋଦିତଃ । ନଵଦିଵ୍ଯ ରସଜ୍ଞାନୋ ବ୍ରହ୍ମାମ୍ଭୋଧି ନିମଜ୍ଜକଃ ॥୧୫୪॥
ଦାନୀ ଧନୀ ସୁକାନ୍ତିଶ୍ଚ ନିଖିଲାଭଯ ଦାଯକଃ । ଦିଵ୍ଯାନନ୍ଦ ସୁଧାଵର୍ଷୀ ସ୍ନିଗ୍ଧୋ ଦିଵ୍ଯରସୋଜ୍ଜ୍ଵଲଃ ॥୧୫୫॥
ସର୍ଵଵ୍ଯାପ୍ତଃ ପ୍ରପଞ୍ଚେଶଃ ସର୍ଵଧର୍ମ ସ୍ଵରୂପକଃ । ସର୍ଵଵୃଷ୍ଟ କୃପାସାରଃ ସଦାନନ୍ଦଃ ସୁଖାଲଯଃ ॥୧୫୬॥
ପ୍ରକୃଷ୍ଟ ସାମ୍ଯ ସଂଵେତ୍ତା ମୈତ୍ର୍ଯାଦର୍ଶ ପ୍ରଦର୍ଶକଃ । ସ୍ଵାଧୀନତା ରହସ୍ଯଜ୍ଞଃ ପ୍ରୋଜ୍ଜ୍ଵଲୋ ମାର୍ଗଦୃଗ୍ଵରଃ ॥୧୫୭॥
ଦିଵ୍ଯଵାଣୀ ସୁଧାଵର୍ଷୀ ଦିଵ୍ଯଗୀତି ସୁଗାଯକଃ । ସର୍ଵଧର୍ମ ସୁସଂସ୍କର୍ତା ଧର୍ମଗ୍ଲାନି ଵିଦୂରକଃ ॥୧୫୮॥
ସତ୍କାର୍ଯ ତତ୍ପରଃ ଶୂରଃ ସର୍ଵସନ୍ତାପ ହାରକଃ । ଶ୍ରୁତିସାରୋପଦେଷ୍ଟା ଵୈ ସମ୍ପ୍ରଦାଯାଧିନାଯକଃ ॥୧୫୯॥
ସ୍ମରଜିତ୍ କ୍ରୋଧଜିନ୍ନ୍ଯାସୀ ସ୍ମର ହାଲାହଲାନ୍ତକଃ । ସିଦ୍ଧଯୋଗୀ ମହାଯୋଗୋ ଵିକ୍ଷେପାଦି ଵିନାଶକୃତ୍ ॥୧୬୦॥
ସମାଧିମଣ୍ଡନୋ ମାନ୍ଯଃ ସମାଧିସୁଖ ସଂସ୍ଥିତଃ । ସ୍ଵଧାମ ରାଜମାନଶ୍ଚ ମାଯାଲେଶ ଵିଵର୍ଜିତଃ ॥୧୬୧॥
ଵିମୁଗ୍ଧ ଜୀଵ ମାଯାଘ୍ନଃ ଶରଣ୍ଯୋ ମତିଵର୍ଧନଃ । ଅମାନୀ ମାନଦଃ ସ୍ଵାମୀ ମନୋମଦ ଵିଖଣ୍ଡନଃ ॥୧୬୨॥
ଯୁଗନ୍ଧରୋ ଯୁଗାଚାର୍ଯୋ ବୋଧାଗମ୍ଯୋ ଯତୀଶ୍ଵରଃ । ଯୁଗପ୍ରଵର୍ତକୋ ଯୁକ୍ତଃ ସ୍ଵପ୍ରକାଶୋ ଯୁଗେଶ୍ଵରଃ ॥୧୬୩॥
ଯୋଗାସନ ସ୍ଥିତୋ ଧ୍ଯାନୀ ଯତିମାନସ ରଞ୍ଜକଃ । ଯୋଗିଗମ୍ଯ ସ୍ଵରୂପଶ୍ଚ ପୂର୍ଣଯୋଗ ପ୍ରକାଶକଃ ॥୧୬୪॥
ନିତରାଂ ଶୋଭିତ କ୍ଷୌଣିଃ ନିଵାସଃ ଶରଣଂ ସୁହୃତ୍ । ଶ୍ଯାମ ଶ୍ଯାମା ଶିଵୋଦ୍ଗାତା ଶିଵ ଶ୍ଯାମ ଶିଵାମଯଃ ॥୧୬୫॥
ଯକ୍ଷୋ ଜ୍ଯୋତିର୍ମଯୋ ଜ୍ଯୋତିଃ ସ୍ମଯହୀନୋ ଗତକଲ୍ମଃ । ପାତା ଧାତା ପିତା ବନ୍ଧୁଃ ଵିବୁଧଃ ଶମମଣ୍ଡନଃ ॥୧୬୬॥
ମଙ୍ଗଲଶ୍ରଵଣୋ ହାରୀ କୋମଲଃ ଶୋଭନଃ ଶୁଭଃ । ସର୍ଵଶକ୍ତି ପ୍ରଦାତା ଵୈ ସଂଶ୍ରୁତାନାହତ ଧ୍ଵନିଃ ॥୧୬୭॥
ତ୍ରିପୁଟୀ ଲଯକାରୀ ଵୈ ମାଯା ଵିକ୍ଷେପ ନାଶକଃ । ଦିଵ୍ଯଭାଵ ସମାସୀନୋ ରାସମଣୀଷ୍ଟ ସାଧକଃ ॥୧୬୮॥
ହୃଦଯ ପ୍ରାପ୍ତସାହାଯ୍ଯଃ ସ୍ଵୀକୃତାନେକ ସଦ୍ଗୁରୁଃ । ଵିନ୍ଯସ୍ତ ସିଦ୍ଧ୍ଯଭିଜ୍ଞାନୋ ଭାଵହୀନତ୍ଵ ଵାରକଃ ॥୧୬୯॥
ପ୍ରଦୀପ୍ତେଶପୁତ୍ର ପ୍ରକୃଷ୍ଟାଵଲୋକୀ ପ୍ରଭୋଦ୍ଭିନ୍ନ ଵିଜ୍ଞାଲ୍ଲଦୂତାପରୋକ୍ଷୀ । ସୁଦୃଷ୍ଟାତ୍ମଦେହ ପ୍ରଲୀନାଵତାରଃ ସ ନୂନଂ ମହୋଦାର ଐସ୍ଲାମ ଖାର୍ଷ୍ଟଃ ॥୧୭୦॥
ଅସାରୀକୃତ ପ୍ରେଷ୍ଠ ସିଦ୍ଧ୍ଯଷ୍ଟକୋ ଵୈ ସୁଧୀ ଵିପ୍ର ଗୌରି ଵିଭୂତି ପ୍ରଣାଶୀ । ସ୍ଵଯଂ ଶୁଦ୍ଧଭକ୍ତି ପ୍ରସଂଵିଦ୍ ଵିଲାସୀ ସ୍ଵକୀଯେଶ ଭକ୍ତାତ୍ମକତ୍ଵ ପ୍ରକାଶୀ ॥୧୭୧॥
ଶିଵାଭିନ୍ନ ଜୀଵସ୍ଵରୂପତ୍ଵ ଘୋଷୀ ଶିଵାଭିନ୍ନ ମର୍ତ୍ଯାର୍ଚନାଦର୍ଶଵାଦୀ । ନଵୀନାଖିଲୋଦାର ଧର୍ମାଧ୍ଵଦର୍ଶୀ ନଵନ୍ଯାଶି ସଙ୍ଘ ପ୍ରତିଷ୍ଠାଧିକର୍ତା ॥୧୭୨॥
ପ୍ରଣାମାସ୍ତ୍ର ଯୋଗାତି ଦକ୍ଷୋପଦେଷ୍ଟା ସ୍ଵଯଂ ଵ୍ଯକ୍ତ ପୁଂ ସ୍ତ୍ରୀ ସୁରୋତ୍କୃଷ୍ଟ ରୂପଃ । ପ୍ରସୂପୂତ ଭାଵାଶ୍ରଯୋତ୍କର୍ଷ ଵକ୍ତା ଭୃଶଂ ଧିକ୍କୃତାହଂ ପରିସ୍ଫୀତ ଭାଵଃ ॥୧୭୩॥
ସ୍ଵଯଂ ସୁଵ୍ଯକ୍ତ ଗୌରାଙ୍ଗାଦି ପୂର୍ଵଜାଵତାର ଭାଃ । ଧ୍ଯେଯାଭେଦ ସମାପନ୍ନ କୃତ ସ୍ଵଵିଗ୍ରହାର୍ଚନଃ ॥୧୭୪॥
ଘନୀଭୂତ ପୂର୍ଵାଵତାରାଦି ଭାଵଃ ସ୍ଵସନ୍ଦର୍ଶିତାମ୍ବା ମହେଶସ୍ଵରୂପଃ । ସୁଭୁକ୍ତାତୁର ଵ୍ଯାଧି ତାପାଦି କୋପଃ ସ୍ଵଦେହ ସ୍ଫୁଟାନ୍ଯ ପ୍ରହାରାଦି ଚିହ୍ନଃ ॥୧୭୫॥
ପୁଙ୍ଖାନୁପୁଙ୍ଖ ଵିଷଯେକ୍ଷଣ ତତ୍ପରୋଽପି ବ୍ରହ୍ମାଵଲୋକନ ସୁଵୃତ୍ତି କଲାପ ଯୁକ୍ତଃ । ନାରୀ ନୃ ଜୀଵକୁଲ ମାନସ ତତ୍ତ୍ଵଦର୍ଶୀ ସମ୍ମୋହିତ ପ୍ରଥିତ ଦୃପ୍ତ ମନସ୍ଵିସଙ୍ଘଃ ॥୧୭୬॥
ନୀଚାଗ୍ରଗଣ୍ଯ ରସିକ ପ୍ରକଟୀକୃତାତ୍ମା ଭକ୍ତ ପ୍ରଦର୍ଶିତ ଵରାଭଯ କାଲିକାଶ୍ରୀଃ । ଲିଙ୍ଗାଶ୍ରଯାଗଣିତ ଚିତ୍ତ ଵିରାଜ ଭାଵଃ ପାପିତ୍ଵ ବୋଧ ପରିହାର ଦୃଢୋପଦେଷ୍ଟା ॥୧୭୭॥
ସ୍ଵେଚ୍ଛାଵୃତାସାଧ୍ଯ କଠୋର ରୋଗଃ କଲ୍ପଦ୍ରୁ ଭାଵାଶ୍ରଯ ଚେତନାକୃତ୍ । ନରେନ୍ଦ୍ର ସଂକ୍ରାନ୍ତ ସୁଦିଵ୍ଯ ସଂପନ୍ନରେନ୍ଦ୍ର ନାଥଵ୍ଯ ସୁଘୋଷକାରୀ ॥୧୭୮॥
ସର୍ଵାସୁ ଵିଦ୍ଯାସୁ ନିଧିସ୍ଵରୂପଃ ସର୍ଵେଷୁ ଲୋକେଷୁ ତମିସ୍ରହୈକଃ । କୀଟାଣୁ କୀଟେଷ୍ଵପଵର୍ଗକାରୀ ସ୍ଵାଭିନ୍ନ ଶକ୍ତି ପ୍ରକଟେଷ୍ଟବୀଜଃ ॥୧୭୯॥
ଵିଶ୍ଵଦ୍ଵନ୍ଦ୍ଵ ନିଵାରକୋ ଵିଶ୍ଵମଙ୍ଗଲ କାରକଃ । ଵିଶ୍ଵାତିଗୋ ଵିଶ୍ଵହର୍ତା ଵିଶ୍ଵକୀର୍ତିଶ୍ଚ ଵିଶ୍ଵରାଟ୍ ॥୧୮୦॥
ଵିଶ୍ଵଵେଦାନ୍ତ ଧର୍ମଜ୍ଞୋ ଵିଶ୍ଵସତ୍କାର୍ଯ ଦର୍ଶକଃ । ଵିଶ୍ଵଭ୍ରାତୃତ୍ଵ ସନ୍ଦୀପୀ ଵିଶ୍ଵଧର୍ମ ପ୍ରକାଶକଃ ॥୧୮୧॥ ଵିଶ୍ଵଧର୍ମପ୍ରକାଶକ ଓଁ ନମ ଇତି ॥
ଅଥ ଉତ୍ତରଭାଗଃ ॥
ଲୀଲା ସଂଵାର ସଂଖିନ୍ନ ଅଶେଷ ସ୍ଵଭକ୍ତ ପାର୍ଷଦଃ । ଭୂଭାର ଗ୍ଲାନି ସଂହାରୀ ଶ୍ରୀରାମକୃଷ୍ଣ ଏଵ ସଃ ॥୧॥
ଶ୍ରୀରାମକୃଷ୍ଣ ଦେଵସ୍ଯ ଲୋକକଲ୍ଯାଣ କାରିଣଃ । ସ୍ତୋତ୍ରଂ ସହସ୍ର ନାମାଖ୍ଯଂ ଏତନ୍ନିଗଦିତଂ ଶୁଭମ୍ ॥୨॥
ଲୀଲାନୁକ୍ରମିକଂ ତ୍ଵେତନ୍ନ ସର୍ଵତ୍ରୋପ ଵର୍ଣିତମ୍ । ଇତି ନେତି ପ୍ରସଙ୍ଗେନ ଭକ୍ତ୍ଯୁତ୍କର୍ଷଃ ସମୀପ୍ସିତଃ ॥୩॥
ଯୋ ଵୈ ପଠେନ୍ନରୋ ନିତ୍ଯଂ ଶୃଣୁଯାଚ୍ଛ୍ରାଵଯେଦଥ । ଗାଯେଦ୍ଵା ଭାଵମାଶ୍ରିତ୍ଯ ଶ୍ରଦ୍ଧାଭକ୍ତି ସମନ୍ଵିତଃ ॥୪॥
ନ ତସ୍ଯ ଦୁଷ୍କୃତଂ କିଞ୍ଚିତ୍ ଲେଶତୋଽପି ସ୍ଥିତିଂ ଵ୍ରଜେତ୍ । ଜିତ୍ଵା ପୁଣ୍ଯକୃତାଂ ଲୋକାନ୍ ଶଶ୍ଵଚ୍ଛାନ୍ତିଂ ସ ଚାପ୍ନୁଯାତ୍ ॥୫॥
ତ୍ରେତାଯାଂ ଯଶ୍ଚ ରାମୋ ହି ଶ୍ରୀକୃଷ୍ଣୋ ଦ୍ଵାପରେ ସ୍ମୃତଃ । ତଯୋରୈକ୍ଯେନ ଜାତଃ ସ ରାମକୃଷ୍ଣଃ କଲୌ ଯୁଗେ ॥୬॥
ତସ୍ଯୈଶ ଅପୂର୍ଵଭାସୋ ନିଖିଲ ନରକୁଲ ପ୍ରାର୍ଥିତାଶେଷ କୀର୍ତିଃ ପୁଂସୋ ଲୋକୋତ୍ତରସ୍ଯ ହ୍ଯମଲ ଶିଶୁମତେ ରାଜ ନିପ୍ରୌଢ କାଲମ୍ । ଦିଵ୍ଯାଚାରାଦରୋ ଵୈ ଚରିତପରିଚଯୋ ନ୍ଯୂନମତ୍ଯନ୍ତସାରୌ ସନ୍ଦିଗ୍ଧେ କ୍ଲିନ୍ନକାଲେ ପ୍ରକଟମଦଯୁତେ ସର୍ଵଲୋକାମଯଘ୍ନୌ ॥୭॥
ପରିପୂଜ୍ଯାତ୍ମନଶ୍ଚିତ୍ରଂ ପ୍ରପୂଜ୍ଯଃ ସ୍ଯାଂ ଗୃହେ ଗୃହେ । ସ୍ଵଯମଘୋଷ ଯଦ୍ଦେଵୋ ଯତ୍ତତ୍ ସତ୍ଯଫଲଂ ଵଚଃ ॥୮॥
ଇତ୍ଥଂ ଭୂତାଭିଧାନାଯ ଚାନୁକ୍ତାଶେଷ ଵାଚିନେ । ସର୍ଵଥା ଵାଚ୍ଯ ରୂପାଯ ରାମକୃଷ୍ଣାଯ ତେ ନମଃ ॥୯॥ ହରିଃ ଓଁ ତତ୍ସତ୍ । ଇତି ଶମ୍ । ଅଥ ସମର୍ପଣମ୍ ॥
ଯସ୍ଯ ଵୀର୍ଯେଣ କୃତିନୋ ଵଯଂ ଚ ଭୁଵନାନି ଚ । ରାମକୃଷ୍ଣଂ ସଦା ଵନ୍ଦେ ସ୍ଵତଂତ୍ରଂ ଶର୍ଵମୀଶ୍ଵରମ୍ ॥
ଜଯ ଜଯ କରୁଣାବ୍ଧେ ମୋକ୍ଷସେତୋ ସ୍ମରାରେ । ଜଯ ଜଯ ଜଗଦୀଶ ଜ୍ଞାନସିନ୍ଧୋ ସ୍ଵଯଂଭୋ ॥ ଜଯ ଜଯ ପରମାତ୍ମନ୍ ତ୍ରାହି ମାଂ ଭକ୍ତିହୀନଂ । ଜଯ ଜଯ ଭଵହାରିନ୍ ରାମକୃଷ୍ଣ ଦ୍ଵିବାହୋ ॥
କାଯେନ ଵାଚା ମନସେନ୍ଦ୍ରିଯୈର୍ଵା ବୁଦ୍ଧ୍ଯାତ୍ମନା ଵା ପ୍ରକୃତେଃ ସ୍ଵଭାଵାତ୍ । କରୋମି ଯତ୍ ଯତ୍ ସକଲଂ ପରସ୍ମୈ ଶ୍ରୀରାମାକୃଷ୍ଣାଯ ସମର୍ପଯାମି ॥
ମାଂ ମଦୀଯଂ ଚ ସକଲଂ ଶ୍ରୀରାମକୃଷ୍ଣ ଚରଣେ ସମର୍ପଯେ ॥
ଅଥ ପ୍ରାର୍ଥନା ॥
ଓଁ ମଙ୍ଗଲଂ ସର୍ଵଲୋକାଯ ଵିଵେକାନନ୍ଦ ଦାଯିନେ ଶାରଦା ପ୍ରାଣନାଥାଯ ରାମକୃଷ୍ଣାଯ ମଙ୍ଗଲମ୍ ॥
ଓଁ ସର୍ଵାଣି ଭୂତାନି ଵିଶନ୍ତୁ ସୌଖ୍ଯମ୍ । ସର୍ଵାଣି ଭୂତାନି ଭଜନ୍ତୁ ଶାନ୍ତିମ୍ । ସର୍ଵାଣି ଭୂତାନି ଅଯି ରାମକୃଷ୍ଣ ସଂପୂର୍ଣମାନନ୍ଦମ୍ ଉପାଶ୍ରଯନ୍ତାମ୍ ॥
ଓଁ ଶାନ୍ତିଃ ଶାନ୍ତିଃ ଶାନ୍ତିଃ ॥ ହରିଃ ଓଁ ତତ୍ସତ୍ ॥ ଶ୍ରୀରାମକୃଷ୍ଣାର୍ପଣମସ୍ତୁ ॥