શ્રીરામકૃષ્ણ સહસ્રનામ સ્તોત્રમ્

ૐ શ્રીગણેશાય નમઃ ॥

ૐ સ્થાપકાય ચ ધર્મસ્ય સર્વધર્મસ્વરૂપિણે । અવતારવરિષ્ઠાય રામકૃષ્ણાય તે નમઃ ॥

ૐ યથાગ્નેર્દાહિકા શક્તિઃ રામકૃષ્ણે સ્થિતા હિ યા । સર્વવિદ્યા સ્વરૂપાં તાં શારદાં પ્રણમામ્યહમ્ ॥

ૐ નમઃ શ્રીયતિરાજાય વિવેકાનન્દ સૂરયે । સચ્ચિત્સુખસ્વરૂપાય સ્વામિને તાપહારિણે ॥

ૐ રામકૃષ્ણગતપ્રાણં હનુમદ્ભાવ ભાવિતમ્ । નમામિ સ્વામિનં રામકૃષ્ણાનન્દેતિ સંજ્ઞિતમ્ ॥

ૐ બ્રહ્માનન્દાદિ શ્રીરામકૃષ્ણ પાર્ષદેભ્યો નમઃ ॥

ૐ સર્વેભ્યો ગુરુભ્યો નમઃ ॥ ૐ સર્વેભ્યો દેવેભ્યો નમઃ ॥ ૐ સર્વેભ્યો દેવીભ્યો નમઃ ॥ ૐ સર્વેભ્યો ઽવતારેભ્યો નમઃ ॥ ૐ સર્વેભ્યો આચાર્યેભ્યો નમઃ ॥ ૐ નમઃ પરમ ઋષિભ્ય ૐ નમઃ પરમ ઋષિભ્યઃ ॥

ૐ શાન્તાકારં સમાધૌસ્થિતં અતુલ તનુ જ્યોતિષા વ્યાપ્ત દેશમ્ । સિદ્ધેપીઠે નિષણ્ણં સ્મિતલસિત મુખં હર્ષબાષ્પાપ્લુતાક્ષમ્ ॥ ચાર્વઙ્ગં સ્વર્ણવર્ણં વરદમભયદં જીવનં સજ્જનાનામ્ । દેવાધીશં ભજેહં હ્યગણિતગુણિનં ભક્તિતો રામકૃષ્ણમ્ ॥૧॥

ૐ ઐં સર્વદેવદેવી સ્વરૂપાય સર્વધર્મસ્વરૂપાય સશક્તિકાય સભક્તવૃન્દાય સાઙ્ગોપાઙ્ગાય શ્રીરામકૃષ્ણાય નમો નમઃ ॥

ૐ યં વૈષ્ણવા વિષ્ણુમુદાહરન્તિ શૈવાઃ શિવં બુદ્ધમથાપિ બૌદ્ધાઃ । તીર્થંકરં જૈનજના મહાન્તં તં રામકૃષ્ણં પરમં નમામઃ ॥૧॥

અમેયાયાતિમાયાય જ્ઞાતલોકાય તે નમઃ । સર્વજ્ઞાય સુસત્ત્વાયાવિજ્ઞાતાય હિ તે નમઃ ॥૨॥

લોકાનાં કાર્યસિદ્ધ્યર્થમ્ અજાયાપિ સુજન્મને । નિર્ગુણાયાપિ દેવાય ગુણયુક્તાય તે નમઃ ॥૩॥

પ્રસન્નાય પ્રપન્નાનાં નિરીહાય તપસ્યતે । અયનાય વિરાગાણાં સચ્ચિત્સુખાય તે નમઃ ॥૪॥

નમઃ શુદ્ધાય બુદ્ધાય નમઃ શુદ્ધતરાય ચ । નમો બુદ્ધતરાયાથ નિત્યમુક્તાય તે નમઃ ॥૫॥

કર્માદિ યોગ માર્ગાણાં સમન્વય વિધાયિને । ધર્મદ્વન્દ્વ નિહન્ત્રે વૈ સર્વેશ્વરાય તે નમઃ ॥૬॥

વિભોર્નામસહસ્રં તદ્ રામકૃષ્ણાવતારજમ્ । રહસ્યં હિ રહસ્યાનામુત્તમાનાં તથોત્તમમ્ ॥૭॥

પવિત્રાણાં પવિત્રં વૈ સર્વસન્તાપ હારકમ્ । ભક્તૈર્વિવેકપ્રમુખૈર્દ્યોતિતં કિલ મઙ્ગલમ્ ॥૮॥

મનઃ શાન્તિકરં પુણ્યં મોક્ષમાર્ગ પ્રવર્તકમ્ । પ્રોચ્યતે સર્વલોકાનાં મોહનાશાય નિર્મલમ્ ॥૯॥

ગયાધામ પ્રભો ર્વિષ્ણોરાત્ત માનુષ વિગ્રહઃ । મઙ્ગલધ્વનિભિઃ શઙ્ખૈરાવેદિત શુભાગમઃ ॥૧૦॥

ૐ ઐં સર્વદેવદેવી સ્વરૂપાય શ્રીરામકૃષ્ણાય નમઃ ॥

ૐ ગદાધરો ગદાઇશ્ચ દુલાલઃ સ પ્રિયોત્તમઃ । રામકૃષ્ણ ઇતિ ખ્યાતો બાલ્યે સ્વજન બાન્ધવૈઃ ॥૧॥

ક્ષુદિરામાત્મજો બાલઃ કામાર પુકુરોદ્ભવઃ । સર્વેપ્સિતો વરાકારઃ કોમલાઙ્ગો વિભૂતિમાન્ ॥૨॥

સ્મિતાધરો ઽખિલપ્રેમી અતીવ મધુર મોહનઃ । સદ્બ્રાહ્મણ કુલોદ્ભૂતઃ પીયૂષવર્ષિ નામભાક્ ॥૩॥

જનચિત્ત સમાકર્ષી માતૃ ચન્દ્રમણિપ્રિયઃ । ધાત્રીધની પ્રપૂજ્યોઽસૌ બાલ્યેઽપ્યદ્ભુત કીર્તિમાન્ ॥૪॥

મધુક્ષર સ્વરાલાપો વિભુલીલા સુગાયકઃ । સર્વધર્મ સુમર્મજ્ઞો વિદ્વજ્જલ્પ વિખણ્ડકઃ ॥૫॥

વેદપાઠ વિહીનોઽપિ પરમવેદ તત્ત્વવિત્ । સુચારુ પ્રતિમાકારઃ ચિત્રાઙ્કન વિશારદઃ ॥૬॥

અભિનયપટુર્ ધીમાન્ ગૃહીત બહુભૂમિકઃ । રઙ્ગરસપ્રિયઃ શ્રીમાન્ નૃત્યગીત પરાયણઃ ॥૭॥

મુખવાદ્ય પ્રવીણોઽસૌ શુદ્ધતાલ લયાશ્રયઃ । પિકાલિ મુરલી વીણા સમુદિત સ્વરધ્વનિઃ ॥૮॥

રામારૂપ વિભાવી વૈ રામાભઙ્ગિ પ્રદર્શકઃ । રામાવિકલ કણ્ઠાયુક્ ચારુચન્દ્ર નિભાનનઃ ॥૯॥

માધુર્ય મણ્ડિતાશેષ વાલ્યલીલા સમાપકઃ । શ્રુતિધરો મહાધીમાન્ જનની જનકપ્રિયઃ ॥૧૦॥

વિશુદ્ધ બ્રાહ્મણાચારઃ સર્વદૈવ ગુણાકરઃ । નન્દિતો વન્દિતો દેવઃ પિનાકિ ભૂમિકાધરઃ ॥૧૧॥

દર્શક હૃદયાનન્દઃ સાક્ષાન્ મૂર્તમહેશ્વરઃ । જાત શિવમયાવેશઃ શિવભાવ સમાધિમાન્ ॥૧૨॥

સર્વગ્રામ જનામોદઃ ચન્દ્રમણિ તનૂદ્ભવઃ । કામાર પુકુરપ્રાણઃ સુવેણી બદ્ધકુન્તલઃ ॥૧૩॥

ક્વચિત્ ત્યક્તકુલાચારઃ સત્યવ્રત પરાયણઃ । ધનીગૃહીત ભિક્ષાન્નો ધાત્રીસ્નેહ વશંવદઃ ॥૧૪॥

દેવીગૃહીત નૈવેદ્યઃ ચિનૂદ્ભિન્ન સ્વરૂપકઃ । ચિનુમિષ્ટાન્ન સંભોક્તા ચિનુભક્તિ કૃતાર્ચનઃ ॥૧૫॥

ભક્તાર્ચિત પદામ્ભોજઃ શાખામૃગ સુપૂજિતઃ । સ્મૃત ત્રેતાયુગાચારો રાઘવાભિન્ન રૂપકઃ ॥૧૬॥

ધની ભક્ત્યર્ચનાધારો જાતિમાન વિવર્જિતઃ । શુદ્ધભક્તિ ધનગ્રાહી પ્રેમાનન્દ સમુજ્જ્વલઃ ॥૧૭॥

પિતૃપૂજા સમાકૃષ્ટઃ પ્રેમ પુલકિતાન્તરઃ । જાત રઘુવરાવેશો રાઘવમાલ્ય ભૂષિતઃ ॥૧૮॥

કલાકલાપ નિષ્ણાતઃ સરલઃ સૌમ્યદર્શનઃ । પરમસુન્દરઃ પ્રેષ્ઠો દિવ્યલક્ષણ લક્ષિતઃ ॥૧૯॥

તીર્થીકૃત નિજગ્રામો જન્મભૂ શેવધિઃ સ્વયમ્ । પૂજ્યાભેદ સમાપન્નઃ સ્વાંઘ્રિ ન્યસ્તોપચારકઃ ॥૨૦॥

અભીષ્ટ પાર્ષદવ્રાતઃ પાર્ષદવૃન્દ પૂજિતઃ । નવકલેબર શ્રીશઃ કૃષ્ણલીલા પ્રકાશકઃ ॥૨૧॥

નિસર્ગાલોકનોન્મત્તો ભાવરાશિ પ્રપૂરિતઃ । મેઘામ્બર બલાકાદૃક્ બાલ્યાશેષ સમાધિમાન્ ॥૨૨॥

સંસારાસારતા દર્શી સદા વૈરાગ્યભાવનઃ । ન્યાસિસઙ્ગી પરપ્રીતઃ પરિવ્રાજક વન્દિતઃ ॥૨૩॥

ગઙ્ગામ્બુ બ્રહ્મસમ્બોધિઃ ગઙ્ગાભક્તિ પરાયણઃ । દૃઢમુનિ વ્રતાચારી ક્ષુત્પિપાસોર્મિ વર્જિતઃ ॥૨૪॥

સદા શિવશિવાલાપી શમાદિ વિભવાન્વિતઃ । વિહિત ગાઙ્ગમૃચ્છમ્ભુઃ વિશ્રુત પ્રતિભાધરઃ ॥૨૫॥

છોટભટ્ચાજિતિ પ્રોક્તઃ કૃતમૃણ્મય ચિન્મયઃ । પ્રકટ પુલકાવેગો દક્ષિણેશ્વર જીવનમ્ ॥૨૬॥

ઘૃષ્ટસાશ્રુ મુખામ્ભોજઃ શ્રીકાલી દર્શનાકુલઃ । કઠિન મૃત્તિકાશાયી હ્યુચ્ચૈર્મામેતિ રોદકઃ ॥૨૭॥

મથુરા મોહનાનન્દઃ શ્રીકાલિકા સુપૂજકઃ । જગન્માતૃ ગતપ્રાણઃ પ્રાણત્યાગ સમુદ્યતઃ ॥૨૮॥

સ્વમુણ્ડ વિનિપાતાર્થી સુતીક્ષ્ણ ખડ્ગધારકઃ । અખણ્ડ ચેતનાસ્ફૂર્તિર્ વિલુપ્ત બાહ્યચેતનઃ ॥૨૯॥

સબાહ્યાભ્યન્તર જ્યોતિઃ દેવીમન્દિર શાયિતઃ । આનન્દ સાગરસ્નાતો દૃષ્ટચિન્મય કાલિકઃ ॥૩૦॥

શ્યામા નીરાજનોન્મત્તઃ સર્વવિષય નિસ્પૃહઃ । આત્મસ્થિતિ વિઘાતેન ઽપરવિદ્યા પરાઙ્મુખ ॥૩૧॥

યોગશિક્ષા પરામોદો વિયોગ શિક્ષણારુચિઃ । ભોગનિષ્ઠીવન ત્યાગી પરવિદ્યા પ્રમાનદઃ ॥૩૨॥

તોતાસમ્પ્રાપ્ત સંન્યાસો હ્યદ્વૈત સાધનાપરઃ । બ્રહ્મબોધિ સમારૂઢો નિર્વિકલ્પ સમાધિમાન્ ॥૩૩॥

અનુલોમ વિલોમજ્ઞો વિજ્ઞાન ભૂમિસંદૃઢઃ । રૂપારૂપ સમાપત્તૌ પ્રજ્ઞાપ્રોત્કર્ષ સંયુતઃ ॥૩૪॥

ષણ્માસ નિર્નિમેષાક્ષો હઠયોગ પ્રસાધકઃ । સદાશિવ સમાવિષ્ટો ભદ્રમાલ્ય પ્રભૂષિતઃ ॥૩૫॥

દિવ્યજ્યોતિર્ મયાધારો દાસ્યભક્તિ પ્રદર્શકઃ । શ્યામાધ્યાન મહાવેશી જટાજૂટ શિવેક્ષકઃ ॥૩૬॥

આનન્દાસન સંસિદ્ધઃ ક્રાન્તદર્શી સુમોહનઃ । અખિલ વિબુધાવેશઃ પ્રતિમા જ્ઞાતચેતનઃ ॥૩૭॥

બુદ્ધાવતાર સમ્બુદ્ધઃ શૂન્યતત્ત્વ રહસ્યવિત્ । નાનાકૃચ્છ્ર વ્રતાચારી જ્યોતિર્લીન સ્વરૂપકઃ ॥૩૮॥

સઙ્કીર્તકો નૃત્યપરો નિરાશો દરિદ્રદેવો જનચિત્તહારી । સ્ત્રીમાત્ર સંવીક્ષિત માતૃરૂપો વેશ્યાનુભૂતોત્તમ માતૃસત્તઃ ॥૩૯॥

શ્યામાર્પિત પ્રાણમનઃ શરીરઃ શ્યામાનિદિધ્યાસ પરાયણો વૈ । આહારપાન સ્વપનાદિ શૂન્યઃ શ્યામાવલોકાકુલ ઉદ્ગતાશ્રુ ॥૪૦॥

ધ્યાનાનુકૂલાખિલપાશ મોકો ધ્યાનાર્થ સન્ત્યક્ત સુવેશસૂત્રઃ । તૃણીકૃતાશેષ ધનોપહારો દેવી વિયોગ વ્યથિતપ્રદગ્ધઃ ॥૪૧॥

કર્મેષ્ટસંહારિ મહાતિથિજ્ઞઃ પત્નીસમારાધિત ષોડશીકઃ । સ્ત્રીજ્ઞાત બાલત્રિપુરા પ્રકાશો દેવીવિલીનાત્મ કલત્રભેદઃ ॥૪૨॥

સાષ્ટાંગપાતાર્પિત સાધ્યજાતઃ પત્નીપદન્યસ્ત જપાર્થમાલ્યઃ । પત્નીપ્રતિષ્ઠાપિત માતૃભાવોઽસામાન્ય પૂજાચરણ પ્રકાશી ॥૪૩॥

માધુર્યભાવો ઽખિલ દિવ્યરૂપઃ સર્વોત્તમઃ સાધકચક્રવર્તી । સર્વત્રસંવીક્ષિત વાસુદેવઃ શ્યામાધનઃ કૃષ્ણમય સ્વરૂપઃ ॥૪૪॥

અખણ્ડ સચ્ચિત્સુખ તત્ત્વલીનો અદ્વૈતપ્રબોધો વિરજોહુતીશ્ચ । નારીનિરૂઢ સ્થિરમાતૃભાવઃ પત્નીજગન્માતૃ સમાનબોધઃ ॥૪૫॥

મહિમ્નઃસ્તોત્ર સમ્પ્રીતો ભાવસમાધિ મજ્જિતઃ । અશેષભાવ સંસિદ્ધઃ કાલિકા શ્રેષ્ઠપૂજકઃ ॥૪૬॥

નાનાધર્મ મતપ્રેમી નાનાધર્મ પરીક્ષકઃ । સત્યધર્મ પથવ્રાતઃ સકલધર્મ સારદૃક્ ॥૪૭॥

શાન્તાદિ ભાવસંવેત્તા ગોપીભાવ પ્રસાધકઃ । સુદૃષ્ટ ષોડશીમૂર્તિઃ જ્ઞાનયોગ વ્યવસ્થિતઃ ॥૪૮॥

તન્મય પૂજકશ્રેષ્ઠો માયામોહન મૂર્તીદૃક્ । દિનત્રય તુરીયસ્થો નિર્વિકલ્પ સમાહિતઃ ॥૪૯॥

સારથિકૃષ્ણ સન્દ્રષ્ટા બાલગોપાલ વીક્ષકઃ । ચપલ બાલિકાવેશિ શ્રીજગન્માતૃ દર્શકઃ ॥૫૦॥

શ્યામાવેશકર શ્રેષ્ઠઃ સ્વીકૃત બ્રાહ્મણીગુરુઃ । સાધકકુલ મૂર્ધન્યઃ કૃતધર્મ સમન્વયઃ ॥૫૧॥

પ્રકટિત મહાભાવઃ સ્વદેહલીન રાધિકઃ । ભવતારિણ્યનુધ્યાતા ત્વપરોક્ષી કૃતામ્બિકઃ ॥૫૨॥

પ્રમૂર્ત રામસૌમિત્રિઃ સીતાદર્શન મોદિતઃ । પરૈકાગ્ર મનોવૃત્તિઃ અનેકતન્ત્ર સાધકઃ ॥૫૩॥

શ્રીગૌરાઙ્ગાસનારૂઢઃ શિખશાસન તત્ત્વવિત્ । પ્રેમાશ્રુ સિક્ત તુણ્ડાદિઃ નેતિનેતીતિ સાધકઃ ॥૫૪॥

કાલ તત્કામિની દ્રષ્ટા શિવારૂઢ શિવાપ્રિયઃ । બ્રહ્મકુણ્ડલિ નિદ્રાઘ્નો ઽવિગીત તન્ત્રપારગઃ ॥૫૫।

વિવિક્ત સેવનાકૃષ્ટો દિવ્યપ્રેમ મદાકુલઃ । જગદમ્બ સમાદિષ્ટો દૃઢભાવમુખ સ્થિતિઃ ॥૫૬॥

ચલતીર્થ સ્વરૂપોઽપિ વિહિત તીર્થસેવનઃ । બૃંહિત તીર્થમાહાત્મ્યઃ સુતીર્થિકૃત જન્મભૂઃ ॥૫૭॥

જાગ્રદ્ દૃષ્ટામરવ્રાતઃ પ્રકૃષ્ટ તીર્થપાવનઃ । દરિદ્રદુઃખ સન્તપ્તઃ ક્ષુધાતુર સુભોજ્યદઃ ॥૫૮॥

સ્વાઙ્ગસલ્લીન વિશ્વેશો દૃષ્ટતારક મન્ત્રદઃ । સ્વર્ણ કાશીક્ષણાનન્દઃ સ્વયં પૂજિત દુર્ગતઃ ॥૫૯॥

દીનાર્તશુલ્ક સમ્મોચી દૃષ્ટ જ્યોતિર્મયેશ્વરઃ । પ્રકાશિત પરપ્રેમા પ્રાપ્તકાશી શિવાલયઃ ॥૬૦॥

વીણા મધુર ઝઙ્કાર શ્રવણ પ્રાપ્ત નિર્વૃતિઃ । ગોપાલકૃષ્ણ સુદ્રષ્ટા શ્રીવૃન્દાવન ધામગઃ ॥૬૧॥

શિબિકારોહણ વ્રજ્યાપૂર્વ ભાવસમાધિમાન્ । ગોવર્ધન શિલારૂઢો જનગણ સમાદૃતઃ ॥૬૨॥

સન્દેહરાક્ષસ ધ્વસ્તા સ્પર્શમાત્ર સમાધિદઃ । અખિલધર્મ મર્મજ્ઞો મૂર્ખપણ્ડિત સામ્યદૃક્ ॥૬૩॥

સ્વાઙ્ગસલ્લીન ગૌરાઙ્ગઃ સ્મર્તૃકલુષ નાશનઃ । અસ્પૃશ્ય પતિતોદ્ધર્તા ધર્મદ્વન્દ્વ વિખણ્ડનઃ ॥૬૪॥

આદ્યશક્ત્યપૃથગ્ભૂતઃ શાક્તગણ સુપૂજિતઃ । જીવદુઃખામયોચ્છેત્તા કરુણાવરુણાલયઃ ॥૬૫॥

ચ્યુતાચ્યુતો જ્ઞાનદાતા સર્વજાતિ વિમુક્તિદઃ । કરામલકવત્ સિદ્ધિઃ માતૃપૂજા સમાધિમાન્ ॥૬૬॥

દત્તભક્ત જનાનન્દઃ સુધીન્દ્ર સેવિતાઙ્ઘ્રિકઃ । અવતારવરિષ્ઠો વૈ પાપદૂષણ મોચકઃ ॥૬૭॥

શ્રીભગવત્પ્રસઙ્ગોત્થ શ્રેષ્ઠ સમાધિ ભાવયુક્ । શ્રીકૃષ્ણ મધુરાખ્યાન શ્રવણપ્રાપ્ત નિર્વૃતિઃ ॥૬૮॥

યોગદો યોગવિદ્વર્યઃ શુદ્ધસત્ત્વ પ્રતિષ્ઠિતઃ । સર્વદ્વન્દ્વ વિનિર્મુક્તો નરેન્દ્ર યસ્ત ધર્મધીઃ ॥૬૯॥

અધ્યાત્મશક્તિ સંદાતા નરેન્દ્ર નિર્વિકલ્પદઃ । સ્પર્શમાત્ર સુવિજ્ઞાત શ્રીનરેન્દ્ર સ્વરૂપકઃ ॥૭૦॥

વિલોમમાર્ગ નિર્જ્ઞાત ઽખણ્ડ નરેન્દ્ર સંસ્થિતિઃ । સપ્તર્ષિ મણ્ડલાન્તઃસ્થ પ્રેષ્ઠ ર્ષિકણ્ઠધારકઃ ॥૭૧॥

ભક્તક્લેશાસહિષ્ણુર્ વૈ ભવરોગ વિદૂરકઃ । ઉરરીકૃત સદ્દાસી જગદમ્બા ઽખિલાઽઽમયઃ ॥૭૨॥

ભક્તાત્યન્ત કૃપાવર્ષી પરતત્ત્વોપદેશકઃ । જિતકામાદિ ષડ્વર્ગઃ ત્યક્ત સર્વપ્રતિગ્રહઃ ॥૭૩॥

કામિનીકાઞ્ચન ત્યાગી અપૂર્વ માતૃપૂજકઃ । સ્થાવરા સ્થાવરાભોગી સન્ત્યક્ત મથુરાધનઃ ॥૭૪॥

બ્રહ્મયોનિ પરિદ્રષ્ટા વિશદો વિમલાન્તરઃ । ભાવસ્થિતિ પરઃ સાક્ષી દૃષ્ટચૈતન્ય કીર્તનઃ ॥૭૫॥

લોકપ્રિયો લોકનાથો લોકશિક્ષા ગુરુઃ પ્રભુઃ । લબ્ધ યોગવિભૂતિશ્ચ લોકાનુગ્રહ કારકઃ ॥૭૬॥

લીલામયો હરિઃ સાક્ષાત્ પૂજિતો વિશ્વવન્દિતઃ । ભૂયિષ્ઠ સાધના નિષ્ઠઃ પ્રથિતો દેવમાનવઃ ॥૭૭॥

વેદમૂર્તિર્ વિભુસ્ત્રાતા વિશ્વપાતા વિશાલધીઃ । વાઞ્છાકલ્પતરુર્ વીરો વિચિત્રેશ્વર દર્શનઃ ॥૭૮॥

વિશ્વેશ્વરો વિરાડ્રૂપો વિશ્વાધારો વિવેકદઃ । વરેણ્યો વૈષ્ણવો વિષ્ણુઃ વેત્તેશો વેદવિત્તમઃ ॥૭૯॥

નાનારૂપો નિરાકારો નૃદેવો નિર્ભયોઽવ્યયઃ । નિત્યો નિર્વાસનોઽજ્ઞેયો નિર્વિકલ્પો નિરઞ્જનઃ ॥૮૦॥

કૃપાસારઃ કૃપાધારઃ કરુણઃ કરુણેક્ષણઃ । કાલીસૂનુઃ સ્વયઙ્કાલી કર્ણધાર સ્વરૂપકઃ ॥૮૧॥

યુગધર્મ સુસંસ્કર્તા યુગભાવ પ્રવર્તકઃ । યુગાચાર પરિદ્રષ્ટા યુગગ્લાનિ વિદૂરકઃ ॥૮૨॥

કૃત શ્રીકાલિકા લીલો લલિતઃ પ્રેમસુન્દરઃ । કામકાઞ્ચન શૂન્યશ્ચ કલિકલુષ નાશનઃ ॥૮૩॥

વૃદ્ધશ્રવા બૃહત્કર્મા ભૂતાત્મા ધર્મધારકઃ । પ્રજ્ઞાધનો મહાભાવઃ પ્રાણરૂપો નિરન્તરઃ ॥૮૪॥

પિતૃમાતૃ સ્વરૂપશ્ચ જનતાપ નિવારકઃ । પતિતપાવનઃ શુદ્ધઃ શુદ્ધિદઃ સર્વતોમુખઃ ॥૮૫॥

સર્વજ્ઞઃ સર્વશક્તિશ્ચ વાસનાબીજ ભર્જકઃ । આત્મારામો રમાનાથઃ પરબ્રહ્મ પરેશ્વરઃ ॥૮૬॥

કઠોર કર્મકૃચ્છાક્તો મૂર્તકારુણ્ય વિગ્રહઃ । કૃપાકટાક્ષ સુક્ષેપી નિર્મોહો લોકપાવનઃ ॥૮૭॥

શક્ત્યાધારઃ શિવઃ શાન્તઃ શઙ્કરઃ શક્તિદાયકઃ । શુક્લામ્બરધરઃ શુભ્રઃ શાન્તિદઃ શ્રુતિસારવિત્ ॥૮૮॥

બુદ્ધિદો બોધિદઃ સૌમ્યઃ પરમાનન્દ દાયકઃ । વિશ્વવેત્તા ત્રિકાલજ્ઞઃ ત્વદ્વિતીયો મનોયતિઃ ॥૮૯॥

પ્રેમાત્મા ઽરૂપરૂપો વૈ વિશ્વાત્મા હૃદયેશ્વરઃ । મહાધારો મહાશક્તિઃ ઓજોધાતાત્મતુષ્ટિમાન્ ॥૯૦॥

સાધુમિત્રં સદાનન્દઃ સત્સ્વરૂપઃ સદાતનઃ । સમ્પ્રદાય વિહીનોઽપિ પ્રતિસઙ્ઘ સુધારકઃ ॥૯૧॥

ભાવાતીતો ભવસ્તુત્યો ભક્તિમાર્ગ પ્રદર્શકઃ । ભગવાન્ ભાવપાથોધિઃ ભવબન્ધન ખણ્ડનઃ ॥૯૨॥

ભક્તેશ્વરો ભયોચ્છેત્તા ભવસાગર તારણઃ । ભક્તપાલો ભવત્રાતા ભક્તહૃદય રઞ્જનઃ ॥૯૩॥

અમિતગુણ ચરિત્રો ઽનન્તમૂર્તિઃ પ્રશાન્તો હૃદયકમલ સંસ્થો જ્ઞાનદાનાવતીર્ણઃ । પ્રકૃતિ વિકૃતિ શુન્યઃ સર્વગઃ સર્વસાક્ષી વિમલ પરમહંસો વિશ્વ ધર્મપ્રતીકઃ ॥૯૪॥

પ્રણયગલિત ચિત્તો ઽનાદિરૂપો ઽતિસૂક્ષ્મઃ શિશુમતિર્ અવિનશી શક્તિપાથસ્ તરઙ્ગઃ । અગતિક ગતિદાયી શાન્તિ દાનાવતીર્ણઃ શમન દમનકારી શાન્તિવર્ષિ સ્વરૂપઃ ॥૯૫॥

રતિપતિ ભયહારી સર્વકલ્યાણ રાશી રિપુકુલ સુમહારિર્ જ્ઞાનમાર્ગ પ્રકાશી । યતિ મુનિ જન તારી રઞ્જકો ભાવમૂર્તિર્ મતિમલ લયકારી મોહ મેઘાપસારી ॥૯૬॥

કલુષમલ વિનાશી સચ્ચિદાનન્દ મૂર્તિર્ નિખિલમધુર ભાવ સ્વાશ્રાયઃ પૂર્ણરૂપઃ । અભિલષિત વિધાતા અપૂર્વશક્તિ પ્રદાતાપિ અમૃત મધુરરૂપઃ સર્વ વિશ્વાતિશાયી ॥૯૭॥

પરમ શરણદાતા શુદ્ધબોધ પ્રદીપો ધૃત સહજ સમાધિઃ સક્રિયો નિષ્ક્રિયશ્ચ । દુરિત દલનશક્તો વિશ્વભાવ પ્રવેત્તા ત્રિગુણ રહિત રૂપો ભાસ્વરશ્ ચિદ્વિલાસઃ ॥૯૮॥

હૃત શશધર કાન્તિર્ હ્યુત્તમ જ્યોતિરેવ પ્રભવ મરણ હીનશ્ ચિન્મયો દિવ્યરૂપઃ । ચિર સહચર ઇષ્ટો દીનબન્ધુઃ કૃપાલુર્ નિખિલ ભુવન ધાતા તારકો ઽનાથનાથઃ ॥૯૯॥

મહાસાધ્યો મહાસિદ્ધો ઽમિતવીર્યો દિગમ્બરઃ । મહા વિપન્નિવારી ચ ત્યક્ત લજ્જાભયાદિકઃ ॥૧૦૦॥

અદ્ભુતો મનુજશ્રેષ્ઠો યુગપચ્ચતુરાશ્રમી । જગત્સ્વામી મહાચાર્યો ત્યાગિવર્યો હ્યખણ્ડધીઃ ॥૧૦૧॥

અનાદિનિધનો ઽનન્તો ઽવ્યક્તો ઽખિલહૃદીશ્વરઃ । અસીમ બલશાલી વૈ ગુણાઢ્યશ્ચ ગુણાતિગઃ ॥૧૦૨॥

ભૂરિદાતાખિલપ્રેમી વિશ્વમૈત્રી પ્રસાધકઃ । મોક્ષદો વરદો દિવ્યઃ પરમઃ પુરુષોત્તમઃ ॥૧૦૩॥

દાન્તઃ સ્વલ્પાક્ષરો જ્ઞાની જ્ઞાનમૂર્તિર્ ઉદારધીઃ । સર્વજ્ઞો જ્ઞાનસિન્ધુશ્ચ જ્ઞેયો જ્ઞાનરવિઃ સુધીઃ ॥૧૦૪॥

પૂતદેહઃ પવિત્રાક્ષો હ્યાત્મજ્ઞાન પ્રજાગરઃ । જ્ઞાન વિજ્ઞાન નિષ્ણાતઃ ચાજ્ઞાન મોહમુદ્ગરઃ ॥૧૦૫॥

ૐકાર બીજરૂપો વા ઐં હ્રીં બીજસ્વરૂપકઃ । સબીજ વાઙ્મય દ્રષ્ટા મન્ત્ર ચૈતન્ય કારકઃ ॥૧૦૬॥

મોહારિર્ હૃત્તમોહારી શોક તાપ નિવારણઃ । ભુક્તિ મુક્તિ પ્રદાતા ચ રામો માનસ રઞ્જનઃ ॥૧૦૭॥

સઙ્કીર્તનાપ્લુતાત્મા વૈ સંસૃતિ સ્થિતિ વિસ્મૃતિઃ । કૃષ્ણદૃગ્ ભક્તિમાન્ ધીરઃ સિદ્ધકૈવલ્ય નિર્વૃતિ ॥૧૦૮॥

જ્ઞાનોદ્ભાસિત તુણ્ડશ્રીઃ સર્વગ્રન્થિ વિદારણઃ । કૃપાકટાક્ષ સંવર્ષી સંશય પુઞ્જપાટનઃ ॥૧૦૯॥

નિરાકારોઽથ સાકારો લીલાવિગ્રહ ધારણઃ । માન મેય સ્વરૂપઃ ચાદ્વયઃ કેવલચેતનઃ ॥૧૧૦॥

નિર્મોહો નિર્મલો જુષ્ટો બુદ્ધો મુક્તો મહેશ્વરઃ । પ્રેમામૃતાકરઃ પૂર્ણો ઽખિલ પાતકિતારણઃ ॥૧૧૧॥

પ્રેમાબ્ધિઃ પ્રેમવાહી ચ પ્રમૂર્ત પ્રેમવિગ્રહઃ । પ્રેમલીલા પ્રકાશી ચ પ્રેમ રોમાઞ્ચિતાન્તરઃ ॥૧૧૨॥

જગત્પિતા જગન્માતા જગન્નાથો જનાર્દનઃ । જગન્નિવાસ આસીનઃ સર્વભૂત લયસ્થિતિઃ ॥૧૧૩॥

પ્રાણેશઃ પ્રાણકાન્તશ્ચ પ્રાણારામઃ પરાવરઃ । પ્રાણદઃ પ્રાણગોપાલઃ પ્રાણશ્રીશ્ચ પરાત્પરઃ ॥૧૧૪॥

પ્રેમદાતા પરપ્રેમી પ્રેમ ગદ્ગદ ભાષણઃ । પરપ્રેમા પ્રેમઘનઃ પ્રેમાકુલિત વીક્ષણઃ ॥૧૧૫॥

પાશમુક્તો વિમાનોઽસૌ પ્રકટ ક્લેશ નાશનઃ । પુરાણપુરુષો ઽનાદિઃ અવતારી કૃતાર્ચનઃ ॥૧૧૬॥

પ્રાચ્ય પાશ્ચાત્ય દેશસ્થ પ્રકૃષ્ટિ સુસમન્વયી । વિશ્વ સંસ્કૃતિ માલિન્યાપસારક જનાગ્રણીઃ ॥૧૧૭॥

પ્રાણસખો મહાપ્રાણો દીનનાથો દયાઘનઃ । એષણાત્રય નિર્મુક્તો નારાયણાંશ સમ્ભવઃ ॥૧૧૮॥

સ્વભૂઃ શમ્ભુઃ સ્વયમ્ભૂશ્ચ વિરૂપાક્ષો વિલોચનઃ । પરમેશો મહાદેવો દેવદેવસ્તપોધનઃ ॥૧૧૯॥

કલ્યાણકૃત્ સુકર્માથો યુગાવતાર સ્વ ચ । રામકૃષ્ણોભયાત્મા વૈ કુલધર્મ પ્રબોધકઃ ॥૧૨૦॥

સમસ્ત શાસ્ત્ર તત્ત્વજ્ઞો બ્રહ્મા વિષ્ણુ હરાતિગઃ । કૂટસ્થો બ્રહ્મરૂપસ્તુ દ્વિજ ચણ્ડાલ સામ્યદૃક્ ॥૧૨૧॥

બોધસાક્ષી વિશુદ્ધાત્મા વિશ્વજ્યોતિર્ ઉદારધીઃ । બાહ્ય સંવેદના શૂન્યો બ્રહ્મશક્ત્યૈક્ય ભાવનઃ ॥૧૨૨॥

બોધેચ્છા કર્મશક્તિશ્ચ યોગ ભક્તિ પરાયણઃ । અવતાર વરિષ્ઠોઽપિ વિક્રાન્તો દેશિકોત્તમઃ ॥૧૨૩॥

પૂર્ણયોગ રહસ્યજ્ઞો યોગદાતા મહાયમી । યુગદેવો યુગાદર્શો વિશ્વ વર્ણાશ્રમાશ્રયઃ ॥૧૨૪॥

સ્થિતપ્રજ્ઞો મહાપ્રાજ્ઞઃ સદા પ્રજ્ઞાલય સ્થિતઃ । વીતરાગ ભયક્રોધઃ સ્થિતધીર્ મુનિ સંજ્ઞિતઃ ॥૧૨૫॥

અનાસક્તોઽનિકેતસ્તુ સ્તુતિ નિન્દા વિવર્જિતઃ । આત્મતુષ્ટો ઽનહંવાદી ત્યક્તાખિલ શુભાશુભઃ ॥૧૨૬॥

ઈશાર્પિત મનોબુદ્ધિ યોગમાયા સમાવૃતઃ । શુભનામા શુભાગારઃ શુભારીઃ શુભદર્શનઃ ॥૧૨૭॥

નિગીર્ણાહં મમજ્ઞાનો દ્વેષહીનો ગતવ્યથઃ । સમદ્રષ્ટા ક્ષમાવાંશ્ચ અનપેક્ષો વિશ્વનાયકઃ ॥૧૨૮॥

પીયૂષ રસપાથોધિઃ કથામૃત પ્રવર્ષણઃ । અસ્પષ્ટ મધુરાલાપો ગ્રામ્યભાવ પ્રદર્શકઃ ॥૧૨૯॥

સર્વજ્ઞાતા ત્વવિજ્ઞાતો વિશ્વયોનિઃ સ્વયંજનુઃ । સર્વેશ્વરઃ સ્વતન્ત્રશ્ચ એકરૂપોઽનેકરૂપકઃ ॥૧૩૦॥

અનુદ્વિગ્નો ઽમલપ્રજ્ઞો વીત માનાવમાનકઃ । પ્રાર્થનીયો ઽપ્યર્થશૂન્યો ઽવ્યક્તઃ સુવ્યક્તિ કારણમ્ ॥૧૩૧॥

અજેયો જયશીલશ્ચ નિઃસ્પૃહોઽપિ તપઃપરઃ । અજોઽપિ જાયમાનો વા અપાપઃ પાપમોચનઃ ॥૧૩૨॥

સર્વધર્મ સરિત્સિન્ધુઃ સદ્ભક્ત હૃદયાશ્રયઃ । મુનિ યોગિ યતિ ધ્યેયો વીતરાગ ગતિપ્રદઃ ॥૧૩૩॥

બ્રહ્મસ્તુતો બ્રહ્મ મુખાધિવાસો બ્રહ્માણ્ડગો બ્રહ્મ મુખાર્ચનાર્હઃ । બ્રહ્માદિ બોધાતિગ શેમુષીકો બ્રહ્માર્પિતો બ્રહ્મવિગાહિ ચેતાઃ ॥૧૩૪॥

સત્કર્મ લીલાપ્રકટઃ સુદૃષ્ટિઃ સુદૃષ્ટિદઃ સંસૃતિ પાશનાશી । શ્રદ્ધાનિવાસઃ સુમનો વિલાસઃ કન્દર્પહૃત્ કામકલા વિલોપી ॥૧૩૫॥

ભક્તેશ્વરો ભક્તવરસ્ તપસ્વી ભક્તિપ્રકાશઃ પ્રિય ભક્તિભાવઃ । ભક્તપ્રિયો ભક્તવૃતસ્ તમોહા ભક્તાવતારો ભવ કર્ણધારઃ ॥૧૩૬॥

ભક્તિપ્રભો ભક્તગણાદૃતો વૈ સુગ્રન્થદીપો યમભીતિહારી । સુવ્યક્ત વક્ષઃસ્થિત હાર તુલ્યો ભ્રમ પ્રમાદાકલિતો મદારિઃ ॥૧૩૭॥

અનન્તભાવો જિતશાસ્ત્રસારો દાક્ષિણ્યદાયી કલિદોષનાશી । અસીમરૂપઃ સમતાનિદાનં દિવ્યાકૃતિર્ દિવ્યમુખ પ્રકાશી ॥૧૩૮॥

સર્વાત્મકઃ સર્વસુલક્ષણાંગો નિષ્કામ કર્મપ્રકટઃ પરેશઃ । સુધામયઃ સ્નિગ્ધ રસાર્દ્રભાવઃ સર્વંસહઃ સર્વ ઘટાધિરૂઢઃ ॥૧૩૯॥

સદાપ્રફુલ્લો ઽશુભનાશિ નામા કલ્યાણવર્ષી સુખદાયિ મુર્તિઃ । વિશુદ્ધ વિજ્ઞાનમયો ઽપ્રમેયો વિશુદ્ધસત્ત્વઃ સુવિશાલ વક્ષાઃ ॥૧૪૦॥

અગાધસત્ત્વો ઽમિતવીર્ય આત્મા તત્ત્વપ્રકાશી સુતનુર્ મહાત્મા । અખણ્ડરૂપો નિખિલાવતંસઃ સંસાર સારાવગતો નિરીહઃ ॥૧૪૧॥

માયાશ્રયો મનોઽભીષ્ટો માયાધીશઃ સુરેશ્વરઃ । મોદમાનો મનોહારી માયાતીતસ્ તુરીયચિત્ ॥૧૪૨॥

મઙ્ગલો મોહનો મૂર્તો માયાગૂઢ સ્વરૂપકઃ । નવદશ મહાભાવો રાધિકામય જીવિતઃ ॥૧૪૩॥

ઋત સત્ય તપઃ પૂર્ણો નિત્યયુક્તો ઽખિલેશ્વરઃ । ઋતમ્ભરો ધરાદેવો લોકાતીતઃ ચિદમ્બરઃ ॥૧૪૪॥

અમરશ્ચામૃતાધારો ઽમૃતભાષો ઽમૃતેક્ષણઃ । અકલઃ સકલઃ સૂરી રઞ્જનશ્ચાચલશ્ચલઃ ॥૧૪૫॥

માતૃપ્રાણઃ પિતૃપ્રાણઃ સખિપ્રાણો નૃવલ્લભઃ । દરિદ્રપ્રાણ આચાર્યો દીનેશો દીનવત્સલઃ ॥૧૪૬॥

અપ્રાકૃતવપુઃ પૂજ્યઃ પ્રેમોન્મત્તસ્ તપોમયઃ । ધ્યેયો ઽચલપ્રતિષ્ઠશ્ચ મોહઙ્કષઃ કૃપામયઃ ॥૧૪૭॥

સત્યઃ સત્યાશ્રયઃ શર્વઃ સત્યાત્મા સત્યસમ્ભવઃ । પરસત્યાપરોક્ષી ચાપૂર્વ સત્યપ્રભાષણઃ ॥૧૪૮॥

મહાહૃષ્ટો મહાદૃપ્તો મહામોહ વિનાશકઃ । ઘનીભૂત મનોયોગો માધુર્યઘન વિગ્રહઃ ॥૧૪૯॥

અહેતુક કૃપાસિન્ધુઃ અભિમાન વિમર્દકઃ । મૂર્તિપૂજા રહસ્યજ્ઞો ઽશેષ સંશય વારકઃ ॥૧૫૦॥

ચિદાનન્દ ઘનો માનં મહાચેતાઃ મહાકૃતિઃ । ચક્રી ચિન્તામણિશ્ચન્દ્રઃ સુધાકારો વરાનનઃ ॥૧૫૧॥

રસાધારો રસાગારો રસાલાપી રસસ્થિતિઃ । દિવ્યરસ પ્રસૂતિશ્ચ દિવ્યરસ પ્રદાયકઃ ॥૧૫૨॥

સુસ્પષ્ટ રસિક શ્રેષ્ઠઃ સમ્પૂર્ણ રસ વર્ષકઃ । રસપૂર્ણો રસજ્ઞો વૈ રસોદ્ભિન્ન સ્વરૂપકઃ ॥૧૫૩॥

સર્વદિવ્ય રસોલ્લાસો રસાઽઽસ્વાદ પ્રમોદિતઃ । નવદિવ્ય રસજ્ઞાનો બ્રહ્મામ્ભોધિ નિમજ્જકઃ ॥૧૫૪॥

દાની ધની સુકાન્તિશ્ચ નિખિલાભય દાયકઃ । દિવ્યાનન્દ સુધાવર્ષી સ્નિગ્ધો દિવ્યરસોજ્જ્વલઃ ॥૧૫૫॥

સર્વવ્યાપ્તઃ પ્રપઞ્ચેશઃ સર્વધર્મ સ્વરૂપકઃ । સર્વવૃષ્ટ કૃપાસારઃ સદાનન્દઃ સુખાલયઃ ॥૧૫૬॥

પ્રકૃષ્ટ સામ્ય સંવેત્તા મૈત્ર્યાદર્શ પ્રદર્શકઃ । સ્વાધીનતા રહસ્યજ્ઞઃ પ્રોજ્જ્વલો માર્ગદૃગ્વરઃ ॥૧૫૭॥

દિવ્યવાણી સુધાવર્ષી દિવ્યગીતિ સુગાયકઃ । સર્વધર્મ સુસંસ્કર્તા ધર્મગ્લાનિ વિદૂરકઃ ॥૧૫૮॥

સત્કાર્ય તત્પરઃ શૂરઃ સર્વસન્તાપ હારકઃ । શ્રુતિસારોપદેષ્ટા વૈ સમ્પ્રદાયાધિનાયકઃ ॥૧૫૯॥

સ્મરજિત્ ક્રોધજિન્ન્યાસી સ્મર હાલાહલાન્તકઃ । સિદ્ધયોગી મહાયોગો વિક્ષેપાદિ વિનાશકૃત્ ॥૧૬૦॥

સમાધિમણ્ડનો માન્યઃ સમાધિસુખ સંસ્થિતઃ । સ્વધામ રાજમાનશ્ચ માયાલેશ વિવર્જિતઃ ॥૧૬૧॥

વિમુગ્ધ જીવ માયાઘ્નઃ શરણ્યો મતિવર્ધનઃ । અમાની માનદઃ સ્વામી મનોમદ વિખણ્ડનઃ ॥૧૬૨॥

યુગન્ધરો યુગાચાર્યો બોધાગમ્યો યતીશ્વરઃ । યુગપ્રવર્તકો યુક્તઃ સ્વપ્રકાશો યુગેશ્વરઃ ॥૧૬૩॥

યોગાસન સ્થિતો ધ્યાની યતિમાનસ રઞ્જકઃ । યોગિગમ્ય સ્વરૂપશ્ચ પૂર્ણયોગ પ્રકાશકઃ ॥૧૬૪॥

નિતરાં શોભિત ક્ષૌણિઃ નિવાસઃ શરણં સુહૃત્ । શ્યામ શ્યામા શિવોદ્ગાતા શિવ શ્યામ શિવામયઃ ॥૧૬૫॥

યક્ષો જ્યોતિર્મયો જ્યોતિઃ સ્મયહીનો ગતકલ્મઃ । પાતા ધાતા પિતા બન્ધુઃ વિબુધઃ શમમણ્ડનઃ ॥૧૬૬॥

મઙ્ગલશ્રવણો હારી કોમલઃ શોભનઃ શુભઃ । સર્વશક્તિ પ્રદાતા વૈ સંશ્રુતાનાહત ધ્વનિઃ ॥૧૬૭॥

ત્રિપુટી લયકારી વૈ માયા વિક્ષેપ નાશકઃ । દિવ્યભાવ સમાસીનો રાસમણીષ્ટ સાધકઃ ॥૧૬૮॥

હૃદય પ્રાપ્તસાહાય્યઃ સ્વીકૃતાનેક સદ્ગુરુઃ । વિન્યસ્ત સિદ્ધ્યભિજ્ઞાનો ભાવહીનત્વ વારકઃ ॥૧૬૯॥

પ્રદીપ્તેશપુત્ર પ્રકૃષ્ટાવલોકી પ્રભોદ્ભિન્ન વિજ્ઞાલ્લદૂતાપરોક્ષી । સુદૃષ્ટાત્મદેહ પ્રલીનાવતારઃ સ નૂનં મહોદાર ઐસ્લામ ખાર્ષ્ટઃ ॥૧૭૦॥

અસારીકૃત પ્રેષ્ઠ સિદ્ધ્યષ્ટકો વૈ સુધી વિપ્ર ગૌરિ વિભૂતિ પ્રણાશી । સ્વયં શુદ્ધભક્તિ પ્રસંવિદ્ વિલાસી સ્વકીયેશ ભક્તાત્મકત્વ પ્રકાશી ॥૧૭૧॥

શિવાભિન્ન જીવસ્વરૂપત્વ ઘોષી શિવાભિન્ન મર્ત્યાર્ચનાદર્શવાદી । નવીનાખિલોદાર ધર્માધ્વદર્શી નવન્યાશિ સઙ્ઘ પ્રતિષ્ઠાધિકર્તા ॥૧૭૨॥

પ્રણામાસ્ત્ર યોગાતિ દક્ષોપદેષ્ટા સ્વયં વ્યક્ત પું સ્ત્રી સુરોત્કૃષ્ટ રૂપઃ । પ્રસૂપૂત ભાવાશ્રયોત્કર્ષ વક્તા ભૃશં ધિક્કૃતાહં પરિસ્ફીત ભાવઃ ॥૧૭૩॥

સ્વયં સુવ્યક્ત ગૌરાઙ્ગાદિ પૂર્વજાવતાર ભાઃ । ધ્યેયાભેદ સમાપન્ન કૃત સ્વવિગ્રહાર્ચનઃ ॥૧૭૪॥

ઘનીભૂત પૂર્વાવતારાદિ ભાવઃ સ્વસન્દર્શિતામ્બા મહેશસ્વરૂપઃ । સુભુક્તાતુર વ્યાધિ તાપાદિ કોપઃ સ્વદેહ સ્ફુટાન્ય પ્રહારાદિ ચિહ્નઃ ॥૧૭૫॥

પુઙ્ખાનુપુઙ્ખ વિષયેક્ષણ તત્પરોઽપિ બ્રહ્માવલોકન સુવૃત્તિ કલાપ યુક્તઃ । નારી નૃ જીવકુલ માનસ તત્ત્વદર્શી સમ્મોહિત પ્રથિત દૃપ્ત મનસ્વિસઙ્ઘઃ ॥૧૭૬॥

નીચાગ્રગણ્ય રસિક પ્રકટીકૃતાત્મા ભક્ત પ્રદર્શિત વરાભય કાલિકાશ્રીઃ । લિઙ્ગાશ્રયાગણિત ચિત્ત વિરાજ ભાવઃ પાપિત્વ બોધ પરિહાર દૃઢોપદેષ્ટા ॥૧૭૭॥

સ્વેચ્છાવૃતાસાધ્ય કઠોર રોગઃ કલ્પદ્રુ ભાવાશ્રય ચેતનાકૃત્ । નરેન્દ્ર સંક્રાન્ત સુદિવ્ય સંપન્નરેન્દ્ર નાથવ્ય સુઘોષકારી ॥૧૭૮॥

સર્વાસુ વિદ્યાસુ નિધિસ્વરૂપઃ સર્વેષુ લોકેષુ તમિસ્રહૈકઃ । કીટાણુ કીટેષ્વપવર્ગકારી સ્વાભિન્ન શક્તિ પ્રકટેષ્ટબીજઃ ॥૧૭૯॥

વિશ્વદ્વન્દ્વ નિવારકો વિશ્વમઙ્ગલ કારકઃ । વિશ્વાતિગો વિશ્વહર્તા વિશ્વકીર્તિશ્ચ વિશ્વરાટ્ ॥૧૮૦॥

વિશ્વવેદાન્ત ધર્મજ્ઞો વિશ્વસત્કાર્ય દર્શકઃ । વિશ્વભ્રાતૃત્વ સન્દીપી વિશ્વધર્મ પ્રકાશકઃ ॥૧૮૧॥ વિશ્વધર્મપ્રકાશક ૐ નમ ઇતિ ॥

લીલા સંવાર સંખિન્ન અશેષ સ્વભક્ત પાર્ષદઃ । ભૂભાર ગ્લાનિ સંહારી શ્રીરામકૃષ્ણ એવ સઃ ॥૧॥

શ્રીરામકૃષ્ણ દેવસ્ય લોકકલ્યાણ કારિણઃ । સ્તોત્રં સહસ્ર નામાખ્યં એતન્નિગદિતં શુભમ્ ॥૨॥

લીલાનુક્રમિકં ત્વેતન્ન સર્વત્રોપ વર્ણિતમ્ । ઇતિ નેતિ પ્રસઙ્ગેન ભક્ત્યુત્કર્ષઃ સમીપ્સિતઃ ॥૩॥

યો વૈ પઠેન્નરો નિત્યં શૃણુયાચ્છ્રાવયેદથ । ગાયેદ્વા ભાવમાશ્રિત્ય શ્રદ્ધાભક્તિ સમન્વિતઃ ॥૪॥

ન તસ્ય દુષ્કૃતં કિઞ્ચિત્ લેશતોઽપિ સ્થિતિં વ્રજેત્ । જિત્વા પુણ્યકૃતાં લોકાન્ શશ્વચ્છાન્તિં સ ચાપ્નુયાત્ ॥૫॥

ત્રેતાયાં યશ્ચ રામો હિ શ્રીકૃષ્ણો દ્વાપરે સ્મૃતઃ । તયોરૈક્યેન જાતઃ સ રામકૃષ્ણઃ કલૌ યુગે ॥૬॥

તસ્યૈશ અપૂર્વભાસો નિખિલ નરકુલ પ્રાર્થિતાશેષ કીર્તિઃ પુંસો લોકોત્તરસ્ય હ્યમલ શિશુમતે રાજ નિપ્રૌઢ કાલમ્ । દિવ્યાચારાદરો વૈ ચરિતપરિચયો ન્યૂનમત્યન્તસારૌ સન્દિગ્ધે ક્લિન્નકાલે પ્રકટમદયુતે સર્વલોકામયઘ્નૌ ॥૭॥

પરિપૂજ્યાત્મનશ્ચિત્રં પ્રપૂજ્યઃ સ્યાં ગૃહે ગૃહે । સ્વયમઘોષ યદ્દેવો યત્તત્ સત્યફલં વચઃ ॥૮॥

ઇત્થં ભૂતાભિધાનાય ચાનુક્તાશેષ વાચિને । સર્વથા વાચ્ય રૂપાય રામકૃષ્ણાય તે નમઃ ॥૯॥ હરિઃ ૐ તત્સત્ । ઇતિ શમ્ । અથ સમર્પણમ્ ॥

યસ્ય વીર્યેણ કૃતિનો વયં ચ ભુવનાનિ ચ । રામકૃષ્ણં સદા વન્દે સ્વતંત્રં શર્વમીશ્વરમ્ ॥

જય જય કરુણાબ્ધે મોક્ષસેતો સ્મરારે । જય જય જગદીશ જ્ઞાનસિન્ધો સ્વયંભો ॥ જય જય પરમાત્મન્ ત્રાહિ માં ભક્તિહીનં । જય જય ભવહારિન્ રામકૃષ્ણ દ્વિબાહો ॥

કાયેન વાચા મનસેન્દ્રિયૈર્વા બુદ્ધ્યાત્મના વા પ્રકૃતેઃ સ્વભાવાત્ । કરોમિ યત્ યત્ સકલં પરસ્મૈ શ્રીરામાકૃષ્ણાય સમર્પયામિ ॥

માં મદીયં ચ સકલં શ્રીરામકૃષ્ણ ચરણે સમર્પયે ॥

ૐ મઙ્ગલં સર્વલોકાય વિવેકાનન્દ દાયિને શારદા પ્રાણનાથાય રામકૃષ્ણાય મઙ્ગલમ્ ॥

ૐ સર્વાણિ ભૂતાનિ વિશન્તુ સૌખ્યમ્ । સર્વાણિ ભૂતાનિ ભજન્તુ શાન્તિમ્ । સર્વાણિ ભૂતાનિ અયિ રામકૃષ્ણ સંપૂર્ણમાનન્દમ્ ઉપાશ્રયન્તામ્ ॥

ૐ શાન્તિઃ શાન્તિઃ શાન્તિઃ ॥ હરિઃ ૐ તત્સત્ ॥ શ્રીરામકૃષ્ણાર્પણમસ્તુ ॥