ശ്രീരാമകൃഷ്ണ സഹസ്രനാമ സ്തോത്രമ്

ഓം ശ്രീഗണേശായ നമഃ ॥

ഓം സ്ഥാപകായ ച ധര്മസ്യ സര്വധര്മസ്വരൂപിണേ । അവതാരവരിഷ്ഠായ രാമകൃഷ്ണായ തേ നമഃ ॥

ഓം യഥാഗ്നേര്ദാഹികാ ശക്തിഃ രാമകൃഷ്ണേ സ്ഥിതാ ഹി യാ । സര്വവിദ്യാ സ്വരൂപാം താം ശാരദാം പ്രണമാമ്യഹമ് ॥

ഓം നമഃ ശ്രീയതിരാജായ വിവേകാനന്ദ സൂരയേ । സച്ചിത്സുഖസ്വരൂപായ സ്വാമിനേ താപഹാരിണേ ॥

ഓം രാമകൃഷ്ണഗതപ്രാണം ഹനുമദ്ഭാവ ഭാവിതമ് । നമാമി സ്വാമിനം രാമകൃഷ്ണാനന്ദേതി സംജ്ഞിതമ് ॥

ഓം ബ്രഹ്മാനന്ദാദി ശ്രീരാമകൃഷ്ണ പാര്ഷദേഭ്യോ നമഃ ॥

ഓം സര്വേഭ്യോ ഗുരുഭ്യോ നമഃ ॥ ഓം സര്വേഭ്യോ ദേവേഭ്യോ നമഃ ॥ ഓം സര്വേഭ്യോ ദേവീഭ്യോ നമഃ ॥ ഓം സര്വേഭ്യോ ഽവതാരേഭ്യോ നമഃ ॥ ഓം സര്വേഭ്യോ ആചാര്യേഭ്യോ നമഃ ॥ ഓം നമഃ പരമ ഋഷിഭ്യ ഓം നമഃ പരമ ഋഷിഭ്യഃ ॥

ഓം ശാന്താകാരം സമാധൌസ്ഥിതം അതുല തനു ജ്യോതിഷാ വ്യാപ്ത ദേശമ് । സിദ്ധേപീഠേ നിഷണ്ണം സ്മിതലസിത മുഖം ഹര്ഷബാഷ്പാപ്ലുതാക്ഷമ് ॥ ചാര്വങ്ഗം സ്വര്ണവര്ണം വരദമഭയദം ജീവനം സജ്ജനാനാമ് । ദേവാധീശം ഭജേഹം ഹ്യഗണിതഗുണിനം ഭക്തിതോ രാമകൃഷ്ണമ് ॥൧॥

ഓം ഐം സര്വദേവദേവീ സ്വരൂപായ സര്വധര്മസ്വരൂപായ സശക്തികായ സഭക്തവൃന്ദായ സാങ്ഗോപാങ്ഗായ ശ്രീരാമകൃഷ്ണായ നമോ നമഃ ॥

ഓം യം വൈഷ്ണവാ വിഷ്ണുമുദാഹരന്തി ശൈവാഃ ശിവം ബുദ്ധമഥാപി ബൌദ്ധാഃ । തീര്ഥംകരം ജൈനജനാ മഹാന്തം തം രാമകൃഷ്ണം പരമം നമാമഃ ॥൧॥

അമേയായാതിമായായ ജ്ഞാതലോകായ തേ നമഃ । സര്വജ്ഞായ സുസത്ത്വായാവിജ്ഞാതായ ഹി തേ നമഃ ॥൨॥

ലോകാനാം കാര്യസിദ്ധ്യര്ഥമ് അജായാപി സുജന്മനേ । നിര്ഗുണായാപി ദേവായ ഗുണയുക്തായ തേ നമഃ ॥൩॥

പ്രസന്നായ പ്രപന്നാനാം നിരീഹായ തപസ്യതേ । അയനായ വിരാഗാണാം സച്ചിത്സുഖായ തേ നമഃ ॥൪॥

നമഃ ശുദ്ധായ ബുദ്ധായ നമഃ ശുദ്ധതരായ ച । നമോ ബുദ്ധതരായാഥ നിത്യമുക്തായ തേ നമഃ ॥൫॥

കര്മാദി യോഗ മാര്ഗാണാം സമന്വയ വിധായിനേ । ധര്മദ്വന്ദ്വ നിഹന്ത്രേ വൈ സര്വേശ്വരായ തേ നമഃ ॥൬॥

വിഭോര്നാമസഹസ്രം തദ് രാമകൃഷ്ണാവതാരജമ് । രഹസ്യം ഹി രഹസ്യാനാമുത്തമാനാം തഥോത്തമമ് ॥൭॥

പവിത്രാണാം പവിത്രം വൈ സര്വസന്താപ ഹാരകമ് । ഭക്തൈര്വിവേകപ്രമുഖൈര്ദ്യോതിതം കില മങ്ഗലമ് ॥൮॥

മനഃ ശാന്തികരം പുണ്യം മോക്ഷമാര്ഗ പ്രവര്തകമ് । പ്രോച്യതേ സര്വലോകാനാം മോഹനാശായ നിര്മലമ് ॥൯॥

ഗയാധാമ പ്രഭോ ര്വിഷ്ണോരാത്ത മാനുഷ വിഗ്രഹഃ । മങ്ഗലധ്വനിഭിഃ ശങ്ഖൈരാവേദിത ശുഭാഗമഃ ॥൧൦॥

ഓം ഐം സര്വദേവദേവീ സ്വരൂപായ ശ്രീരാമകൃഷ്ണായ നമഃ ॥

ഓം ഗദാധരോ ഗദാഇശ്ച ദുലാലഃ സ പ്രിയോത്തമഃ । രാമകൃഷ്ണ ഇതി ഖ്യാതോ ബാല്യേ സ്വജന ബാന്ധവൈഃ ॥൧॥

ക്ഷുദിരാമാത്മജോ ബാലഃ കാമാര പുകുരോദ്ഭവഃ । സര്വേപ്സിതോ വരാകാരഃ കോമലാങ്ഗോ വിഭൂതിമാന് ॥൨॥

സ്മിതാധരോ ഽഖിലപ്രേമീ അതീവ മധുര മോഹനഃ । സദ്ബ്രാഹ്മണ കുലോദ്ഭൂതഃ പീയൂഷവര്ഷി നാമഭാക് ॥൩॥

ജനചിത്ത സമാകര്ഷീ മാതൃ ചന്ദ്രമണിപ്രിയഃ । ധാത്രീധനീ പ്രപൂജ്യോഽസൌ ബാല്യേഽപ്യദ്ഭുത കീര്തിമാന് ॥൪॥

മധുക്ഷര സ്വരാലാപോ വിഭുലീലാ സുഗായകഃ । സര്വധര്മ സുമര്മജ്ഞോ വിദ്വജ്ജല്പ വിഖണ്ഡകഃ ॥൫॥

വേദപാഠ വിഹീനോഽപി പരമവേദ തത്ത്വവിത് । സുചാരു പ്രതിമാകാരഃ ചിത്രാങ്കന വിശാരദഃ ॥൬॥

അഭിനയപടുര് ധീമാന് ഗൃഹീത ബഹുഭൂമികഃ । രങ്ഗരസപ്രിയഃ ശ്രീമാന് നൃത്യഗീത പരായണഃ ॥൭॥

മുഖവാദ്യ പ്രവീണോഽസൌ ശുദ്ധതാല ലയാശ്രയഃ । പികാലി മുരലീ വീണാ സമുദിത സ്വരധ്വനിഃ ॥൮॥

രാമാരൂപ വിഭാവീ വൈ രാമാഭങ്ഗി പ്രദര്ശകഃ । രാമാവികല കണ്ഠായുക് ചാരുചന്ദ്ര നിഭാനനഃ ॥൯॥

മാധുര്യ മണ്ഡിതാശേഷ വാല്യലീലാ സമാപകഃ । ശ്രുതിധരോ മഹാധീമാന് ജനനീ ജനകപ്രിയഃ ॥൧൦॥

വിശുദ്ധ ബ്രാഹ്മണാചാരഃ സര്വദൈവ ഗുണാകരഃ । നന്ദിതോ വന്ദിതോ ദേവഃ പിനാകി ഭൂമികാധരഃ ॥൧൧॥

ദര്ശക ഹൃദയാനന്ദഃ സാക്ഷാന് മൂര്തമഹേശ്വരഃ । ജാത ശിവമയാവേശഃ ശിവഭാവ സമാധിമാന് ॥൧൨॥

സര്വഗ്രാമ ജനാമോദഃ ചന്ദ്രമണി തനൂദ്ഭവഃ । കാമാര പുകുരപ്രാണഃ സുവേണീ ബദ്ധകുന്തലഃ ॥൧൩॥

ക്വചിത് ത്യക്തകുലാചാരഃ സത്യവ്രത പരായണഃ । ധനീഗൃഹീത ഭിക്ഷാന്നോ ധാത്രീസ്നേഹ വശംവദഃ ॥൧൪॥

ദേവീഗൃഹീത നൈവേദ്യഃ ചിനൂദ്ഭിന്ന സ്വരൂപകഃ । ചിനുമിഷ്ടാന്ന സംഭോക്താ ചിനുഭക്തി കൃതാര്ചനഃ ॥൧൫॥

ഭക്താര്ചിത പദാമ്ഭോജഃ ശാഖാമൃഗ സുപൂജിതഃ । സ്മൃത ത്രേതായുഗാചാരോ രാഘവാഭിന്ന രൂപകഃ ॥൧൬॥

ധനീ ഭക്ത്യര്ചനാധാരോ ജാതിമാന വിവര്ജിതഃ । ശുദ്ധഭക്തി ധനഗ്രാഹീ പ്രേമാനന്ദ സമുജ്ജ്വലഃ ॥൧൭॥

പിതൃപൂജാ സമാകൃഷ്ടഃ പ്രേമ പുലകിതാന്തരഃ । ജാത രഘുവരാവേശോ രാഘവമാല്യ ഭൂഷിതഃ ॥൧൮॥

കലാകലാപ നിഷ്ണാതഃ സരലഃ സൌമ്യദര്ശനഃ । പരമസുന്ദരഃ പ്രേഷ്ഠോ ദിവ്യലക്ഷണ ലക്ഷിതഃ ॥൧൯॥

തീര്ഥീകൃത നിജഗ്രാമോ ജന്മഭൂ ശേവധിഃ സ്വയമ് । പൂജ്യാഭേദ സമാപന്നഃ സ്വാംഘ്രി ന്യസ്തോപചാരകഃ ॥൨൦॥

അഭീഷ്ട പാര്ഷദവ്രാതഃ പാര്ഷദവൃന്ദ പൂജിതഃ । നവകലേബര ശ്രീശഃ കൃഷ്ണലീലാ പ്രകാശകഃ ॥൨൧॥

നിസര്ഗാലോകനോന്മത്തോ ഭാവരാശി പ്രപൂരിതഃ । മേഘാമ്ബര ബലാകാദൃക് ബാല്യാശേഷ സമാധിമാന് ॥൨൨॥

സംസാരാസാരതാ ദര്ശീ സദാ വൈരാഗ്യഭാവനഃ । ന്യാസിസങ്ഗീ പരപ്രീതഃ പരിവ്രാജക വന്ദിതഃ ॥൨൩॥

ഗങ്ഗാമ്ബു ബ്രഹ്മസമ്ബോധിഃ ഗങ്ഗാഭക്തി പരായണഃ । ദൃഢമുനി വ്രതാചാരീ ക്ഷുത്പിപാസോര്മി വര്ജിതഃ ॥൨൪॥

സദാ ശിവശിവാലാപീ ശമാദി വിഭവാന്വിതഃ । വിഹിത ഗാങ്ഗമൃച്ഛമ്ഭുഃ വിശ്രുത പ്രതിഭാധരഃ ॥൨൫॥

ഛോടഭട്ചാജിതി പ്രോക്തഃ കൃതമൃണ്മയ ചിന്മയഃ । പ്രകട പുലകാവേഗോ ദക്ഷിണേശ്വര ജീവനമ് ॥൨൬॥

ഘൃഷ്ടസാശ്രു മുഖാമ്ഭോജഃ ശ്രീകാലീ ദര്ശനാകുലഃ । കഠിന മൃത്തികാശായീ ഹ്യുച്ചൈര്മാമേതി രോദകഃ ॥൨൭॥

മഥുരാ മോഹനാനന്ദഃ ശ്രീകാലികാ സുപൂജകഃ । ജഗന്മാതൃ ഗതപ്രാണഃ പ്രാണത്യാഗ സമുദ്യതഃ ॥൨൮॥

സ്വമുണ്ഡ വിനിപാതാര്ഥീ സുതീക്ഷ്ണ ഖഡ്ഗധാരകഃ । അഖണ്ഡ ചേതനാസ്ഫൂര്തിര് വിലുപ്ത ബാഹ്യചേതനഃ ॥൨൯॥

സബാഹ്യാഭ്യന്തര ജ്യോതിഃ ദേവീമന്ദിര ശായിതഃ । ആനന്ദ സാഗരസ്നാതോ ദൃഷ്ടചിന്മയ കാലികഃ ॥൩൦॥

ശ്യാമാ നീരാജനോന്മത്തഃ സര്വവിഷയ നിസ്പൃഹഃ । ആത്മസ്ഥിതി വിഘാതേന ഽപരവിദ്യാ പരാങ്മുഖ ॥൩൧॥

യോഗശിക്ഷാ പരാമോദോ വിയോഗ ശിക്ഷണാരുചിഃ । ഭോഗനിഷ്ഠീവന ത്യാഗീ പരവിദ്യാ പ്രമാനദഃ ॥൩൨॥

തോതാസമ്പ്രാപ്ത സംന്യാസോ ഹ്യദ്വൈത സാധനാപരഃ । ബ്രഹ്മബോധി സമാരൂഢോ നിര്വികല്പ സമാധിമാന് ॥൩൩॥

അനുലോമ വിലോമജ്ഞോ വിജ്ഞാന ഭൂമിസംദൃഢഃ । രൂപാരൂപ സമാപത്തൌ പ്രജ്ഞാപ്രോത്കര്ഷ സംയുതഃ ॥൩൪॥

ഷണ്മാസ നിര്നിമേഷാക്ഷോ ഹഠയോഗ പ്രസാധകഃ । സദാശിവ സമാവിഷ്ടോ ഭദ്രമാല്യ പ്രഭൂഷിതഃ ॥൩൫॥

ദിവ്യജ്യോതിര് മയാധാരോ ദാസ്യഭക്തി പ്രദര്ശകഃ । ശ്യാമാധ്യാന മഹാവേശീ ജടാജൂട ശിവേക്ഷകഃ ॥൩൬॥

ആനന്ദാസന സംസിദ്ധഃ ക്രാന്തദര്ശീ സുമോഹനഃ । അഖില വിബുധാവേശഃ പ്രതിമാ ജ്ഞാതചേതനഃ ॥൩൭॥

ബുദ്ധാവതാര സമ്ബുദ്ധഃ ശൂന്യതത്ത്വ രഹസ്യവിത് । നാനാകൃച്ഛ്ര വ്രതാചാരീ ജ്യോതിര്ലീന സ്വരൂപകഃ ॥൩൮॥

സങ്കീര്തകോ നൃത്യപരോ നിരാശോ ദരിദ്രദേവോ ജനചിത്തഹാരീ । സ്ത്രീമാത്ര സംവീക്ഷിത മാതൃരൂപോ വേശ്യാനുഭൂതോത്തമ മാതൃസത്തഃ ॥൩൯॥

ശ്യാമാര്പിത പ്രാണമനഃ ശരീരഃ ശ്യാമാനിദിധ്യാസ പരായണോ വൈ । ആഹാരപാന സ്വപനാദി ശൂന്യഃ ശ്യാമാവലോകാകുല ഉദ്ഗതാശ്രു ॥൪൦॥

ധ്യാനാനുകൂലാഖിലപാശ മോകോ ധ്യാനാര്ഥ സന്ത്യക്ത സുവേശസൂത്രഃ । തൃണീകൃതാശേഷ ധനോപഹാരോ ദേവീ വിയോഗ വ്യഥിതപ്രദഗ്ധഃ ॥൪൧॥

കര്മേഷ്ടസംഹാരി മഹാതിഥിജ്ഞഃ പത്നീസമാരാധിത ഷോഡശീകഃ । സ്ത്രീജ്ഞാത ബാലത്രിപുരാ പ്രകാശോ ദേവീവിലീനാത്മ കലത്രഭേദഃ ॥൪൨॥

സാഷ്ടാംഗപാതാര്പിത സാധ്യജാതഃ പത്നീപദന്യസ്ത ജപാര്ഥമാല്യഃ । പത്നീപ്രതിഷ്ഠാപിത മാതൃഭാവോഽസാമാന്യ പൂജാചരണ പ്രകാശീ ॥൪൩॥

മാധുര്യഭാവോ ഽഖില ദിവ്യരൂപഃ സര്വോത്തമഃ സാധകചക്രവര്തീ । സര്വത്രസംവീക്ഷിത വാസുദേവഃ ശ്യാമാധനഃ കൃഷ്ണമയ സ്വരൂപഃ ॥൪൪॥

അഖണ്ഡ സച്ചിത്സുഖ തത്ത്വലീനോ അദ്വൈതപ്രബോധോ വിരജോഹുതീശ്ച । നാരീനിരൂഢ സ്ഥിരമാതൃഭാവഃ പത്നീജഗന്മാതൃ സമാനബോധഃ ॥൪൫॥

മഹിമ്നഃസ്തോത്ര സമ്പ്രീതോ ഭാവസമാധി മജ്ജിതഃ । അശേഷഭാവ സംസിദ്ധഃ കാലികാ ശ്രേഷ്ഠപൂജകഃ ॥൪൬॥

നാനാധര്മ മതപ്രേമീ നാനാധര്മ പരീക്ഷകഃ । സത്യധര്മ പഥവ്രാതഃ സകലധര്മ സാരദൃക് ॥൪൭॥

ശാന്താദി ഭാവസംവേത്താ ഗോപീഭാവ പ്രസാധകഃ । സുദൃഷ്ട ഷോഡശീമൂര്തിഃ ജ്ഞാനയോഗ വ്യവസ്ഥിതഃ ॥൪൮॥

തന്മയ പൂജകശ്രേഷ്ഠോ മായാമോഹന മൂര്തീദൃക് । ദിനത്രയ തുരീയസ്ഥോ നിര്വികല്പ സമാഹിതഃ ॥൪൯॥

സാരഥികൃഷ്ണ സന്ദ്രഷ്ടാ ബാലഗോപാല വീക്ഷകഃ । ചപല ബാലികാവേശി ശ്രീജഗന്മാതൃ ദര്ശകഃ ॥൫൦॥

ശ്യാമാവേശകര ശ്രേഷ്ഠഃ സ്വീകൃത ബ്രാഹ്മണീഗുരുഃ । സാധകകുല മൂര്ധന്യഃ കൃതധര്മ സമന്വയഃ ॥൫൧॥

പ്രകടിത മഹാഭാവഃ സ്വദേഹലീന രാധികഃ । ഭവതാരിണ്യനുധ്യാതാ ത്വപരോക്ഷീ കൃതാമ്ബികഃ ॥൫൨॥

പ്രമൂര്ത രാമസൌമിത്രിഃ സീതാദര്ശന മോദിതഃ । പരൈകാഗ്ര മനോവൃത്തിഃ അനേകതന്ത്ര സാധകഃ ॥൫൩॥

ശ്രീഗൌരാങ്ഗാസനാരൂഢഃ ശിഖശാസന തത്ത്വവിത് । പ്രേമാശ്രു സിക്ത തുണ്ഡാദിഃ നേതിനേതീതി സാധകഃ ॥൫൪॥

കാല തത്കാമിനീ ദ്രഷ്ടാ ശിവാരൂഢ ശിവാപ്രിയഃ । ബ്രഹ്മകുണ്ഡലി നിദ്രാഘ്നോ ഽവിഗീത തന്ത്രപാരഗഃ ॥൫൫।

വിവിക്ത സേവനാകൃഷ്ടോ ദിവ്യപ്രേമ മദാകുലഃ । ജഗദമ്ബ സമാദിഷ്ടോ ദൃഢഭാവമുഖ സ്ഥിതിഃ ॥൫൬॥

ചലതീര്ഥ സ്വരൂപോഽപി വിഹിത തീര്ഥസേവനഃ । ബൃംഹിത തീര്ഥമാഹാത്മ്യഃ സുതീര്ഥികൃത ജന്മഭൂഃ ॥൫൭॥

ജാഗ്രദ് ദൃഷ്ടാമരവ്രാതഃ പ്രകൃഷ്ട തീര്ഥപാവനഃ । ദരിദ്രദുഃഖ സന്തപ്തഃ ക്ഷുധാതുര സുഭോജ്യദഃ ॥൫൮॥

സ്വാങ്ഗസല്ലീന വിശ്വേശോ ദൃഷ്ടതാരക മന്ത്രദഃ । സ്വര്ണ കാശീക്ഷണാനന്ദഃ സ്വയം പൂജിത ദുര്ഗതഃ ॥൫൯॥

ദീനാര്തശുല്ക സമ്മോചീ ദൃഷ്ട ജ്യോതിര്മയേശ്വരഃ । പ്രകാശിത പരപ്രേമാ പ്രാപ്തകാശീ ശിവാലയഃ ॥൬൦॥

വീണാ മധുര ഝങ്കാര ശ്രവണ പ്രാപ്ത നിര്വൃതിഃ । ഗോപാലകൃഷ്ണ സുദ്രഷ്ടാ ശ്രീവൃന്ദാവന ധാമഗഃ ॥൬൧॥

ശിബികാരോഹണ വ്രജ്യാപൂര്വ ഭാവസമാധിമാന് । ഗോവര്ധന ശിലാരൂഢോ ജനഗണ സമാദൃതഃ ॥൬൨॥

സന്ദേഹരാക്ഷസ ധ്വസ്താ സ്പര്ശമാത്ര സമാധിദഃ । അഖിലധര്മ മര്മജ്ഞോ മൂര്ഖപണ്ഡിത സാമ്യദൃക് ॥൬൩॥

സ്വാങ്ഗസല്ലീന ഗൌരാങ്ഗഃ സ്മര്തൃകലുഷ നാശനഃ । അസ്പൃശ്യ പതിതോദ്ധര്താ ധര്മദ്വന്ദ്വ വിഖണ്ഡനഃ ॥൬൪॥

ആദ്യശക്ത്യപൃഥഗ്ഭൂതഃ ശാക്തഗണ സുപൂജിതഃ । ജീവദുഃഖാമയോച്ഛേത്താ കരുണാവരുണാലയഃ ॥൬൫॥

ച്യുതാച്യുതോ ജ്ഞാനദാതാ സര്വജാതി വിമുക്തിദഃ । കരാമലകവത് സിദ്ധിഃ മാതൃപൂജാ സമാധിമാന് ॥൬൬॥

ദത്തഭക്ത ജനാനന്ദഃ സുധീന്ദ്ര സേവിതാങ്ഘ്രികഃ । അവതാരവരിഷ്ഠോ വൈ പാപദൂഷണ മോചകഃ ॥൬൭॥

ശ്രീഭഗവത്പ്രസങ്ഗോത്ഥ ശ്രേഷ്ഠ സമാധി ഭാവയുക് । ശ്രീകൃഷ്ണ മധുരാഖ്യാന ശ്രവണപ്രാപ്ത നിര്വൃതിഃ ॥൬൮॥

യോഗദോ യോഗവിദ്വര്യഃ ശുദ്ധസത്ത്വ പ്രതിഷ്ഠിതഃ । സര്വദ്വന്ദ്വ വിനിര്മുക്തോ നരേന്ദ്ര യസ്ത ധര്മധീഃ ॥൬൯॥

അധ്യാത്മശക്തി സംദാതാ നരേന്ദ്ര നിര്വികല്പദഃ । സ്പര്ശമാത്ര സുവിജ്ഞാത ശ്രീനരേന്ദ്ര സ്വരൂപകഃ ॥൭൦॥

വിലോമമാര്ഗ നിര്ജ്ഞാത ഽഖണ്ഡ നരേന്ദ്ര സംസ്ഥിതിഃ । സപ്തര്ഷി മണ്ഡലാന്തഃസ്ഥ പ്രേഷ്ഠ ര്ഷികണ്ഠധാരകഃ ॥൭൧॥

ഭക്തക്ലേശാസഹിഷ്ണുര് വൈ ഭവരോഗ വിദൂരകഃ । ഉരരീകൃത സദ്ദാസീ ജഗദമ്ബാ ഽഖിലാഽഽമയഃ ॥൭൨॥

ഭക്താത്യന്ത കൃപാവര്ഷീ പരതത്ത്വോപദേശകഃ । ജിതകാമാദി ഷഡ്വര്ഗഃ ത്യക്ത സര്വപ്രതിഗ്രഹഃ ॥൭൩॥

കാമിനീകാഞ്ചന ത്യാഗീ അപൂര്വ മാതൃപൂജകഃ । സ്ഥാവരാ സ്ഥാവരാഭോഗീ സന്ത്യക്ത മഥുരാധനഃ ॥൭൪॥

ബ്രഹ്മയോനി പരിദ്രഷ്ടാ വിശദോ വിമലാന്തരഃ । ഭാവസ്ഥിതി പരഃ സാക്ഷീ ദൃഷ്ടചൈതന്യ കീര്തനഃ ॥൭൫॥

ലോകപ്രിയോ ലോകനാഥോ ലോകശിക്ഷാ ഗുരുഃ പ്രഭുഃ । ലബ്ധ യോഗവിഭൂതിശ്ച ലോകാനുഗ്രഹ കാരകഃ ॥൭൬॥

ലീലാമയോ ഹരിഃ സാക്ഷാത് പൂജിതോ വിശ്വവന്ദിതഃ । ഭൂയിഷ്ഠ സാധനാ നിഷ്ഠഃ പ്രഥിതോ ദേവമാനവഃ ॥൭൭॥

വേദമൂര്തിര് വിഭുസ്ത്രാതാ വിശ്വപാതാ വിശാലധീഃ । വാഞ്ഛാകല്പതരുര് വീരോ വിചിത്രേശ്വര ദര്ശനഃ ॥൭൮॥

വിശ്വേശ്വരോ വിരാഡ്രൂപോ വിശ്വാധാരോ വിവേകദഃ । വരേണ്യോ വൈഷ്ണവോ വിഷ്ണുഃ വേത്തേശോ വേദവിത്തമഃ ॥൭൯॥

നാനാരൂപോ നിരാകാരോ നൃദേവോ നിര്ഭയോഽവ്യയഃ । നിത്യോ നിര്വാസനോഽജ്ഞേയോ നിര്വികല്പോ നിരഞ്ജനഃ ॥൮൦॥

കൃപാസാരഃ കൃപാധാരഃ കരുണഃ കരുണേക്ഷണഃ । കാലീസൂനുഃ സ്വയങ്കാലീ കര്ണധാര സ്വരൂപകഃ ॥൮൧॥

യുഗധര്മ സുസംസ്കര്താ യുഗഭാവ പ്രവര്തകഃ । യുഗാചാര പരിദ്രഷ്ടാ യുഗഗ്ലാനി വിദൂരകഃ ॥൮൨॥

കൃത ശ്രീകാലികാ ലീലോ ലലിതഃ പ്രേമസുന്ദരഃ । കാമകാഞ്ചന ശൂന്യശ്ച കലികലുഷ നാശനഃ ॥൮൩॥

വൃദ്ധശ്രവാ ബൃഹത്കര്മാ ഭൂതാത്മാ ധര്മധാരകഃ । പ്രജ്ഞാധനോ മഹാഭാവഃ പ്രാണരൂപോ നിരന്തരഃ ॥൮൪॥

പിതൃമാതൃ സ്വരൂപശ്ച ജനതാപ നിവാരകഃ । പതിതപാവനഃ ശുദ്ധഃ ശുദ്ധിദഃ സര്വതോമുഖഃ ॥൮൫॥

സര്വജ്ഞഃ സര്വശക്തിശ്ച വാസനാബീജ ഭര്ജകഃ । ആത്മാരാമോ രമാനാഥഃ പരബ്രഹ്മ പരേശ്വരഃ ॥൮൬॥

കഠോര കര്മകൃച്ഛാക്തോ മൂര്തകാരുണ്യ വിഗ്രഹഃ । കൃപാകടാക്ഷ സുക്ഷേപീ നിര്മോഹോ ലോകപാവനഃ ॥൮൭॥

ശക്ത്യാധാരഃ ശിവഃ ശാന്തഃ ശങ്കരഃ ശക്തിദായകഃ । ശുക്ലാമ്ബരധരഃ ശുഭ്രഃ ശാന്തിദഃ ശ്രുതിസാരവിത് ॥൮൮॥

ബുദ്ധിദോ ബോധിദഃ സൌമ്യഃ പരമാനന്ദ ദായകഃ । വിശ്വവേത്താ ത്രികാലജ്ഞഃ ത്വദ്വിതീയോ മനോയതിഃ ॥൮൯॥

പ്രേമാത്മാ ഽരൂപരൂപോ വൈ വിശ്വാത്മാ ഹൃദയേശ്വരഃ । മഹാധാരോ മഹാശക്തിഃ ഓജോധാതാത്മതുഷ്ടിമാന് ॥൯൦॥

സാധുമിത്രം സദാനന്ദഃ സത്സ്വരൂപഃ സദാതനഃ । സമ്പ്രദായ വിഹീനോഽപി പ്രതിസങ്ഘ സുധാരകഃ ॥൯൧॥

ഭാവാതീതോ ഭവസ്തുത്യോ ഭക്തിമാര്ഗ പ്രദര്ശകഃ । ഭഗവാന് ഭാവപാഥോധിഃ ഭവബന്ധന ഖണ്ഡനഃ ॥൯൨॥

ഭക്തേശ്വരോ ഭയോച്ഛേത്താ ഭവസാഗര താരണഃ । ഭക്തപാലോ ഭവത്രാതാ ഭക്തഹൃദയ രഞ്ജനഃ ॥൯൩॥

അമിതഗുണ ചരിത്രോ ഽനന്തമൂര്തിഃ പ്രശാന്തോ ഹൃദയകമല സംസ്ഥോ ജ്ഞാനദാനാവതീര്ണഃ । പ്രകൃതി വികൃതി ശുന്യഃ സര്വഗഃ സര്വസാക്ഷീ വിമല പരമഹംസോ വിശ്വ ധര്മപ്രതീകഃ ॥൯൪॥

പ്രണയഗലിത ചിത്തോ ഽനാദിരൂപോ ഽതിസൂക്ഷ്മഃ ശിശുമതിര് അവിനശീ ശക്തിപാഥസ് തരങ്ഗഃ । അഗതിക ഗതിദായീ ശാന്തി ദാനാവതീര്ണഃ ശമന ദമനകാരീ ശാന്തിവര്ഷി സ്വരൂപഃ ॥൯൫॥

രതിപതി ഭയഹാരീ സര്വകല്യാണ രാശീ രിപുകുല സുമഹാരിര് ജ്ഞാനമാര്ഗ പ്രകാശീ । യതി മുനി ജന താരീ രഞ്ജകോ ഭാവമൂര്തിര് മതിമല ലയകാരീ മോഹ മേഘാപസാരീ ॥൯൬॥

കലുഷമല വിനാശീ സച്ചിദാനന്ദ മൂര്തിര് നിഖിലമധുര ഭാവ സ്വാശ്രായഃ പൂര്ണരൂപഃ । അഭിലഷിത വിധാതാ അപൂര്വശക്തി പ്രദാതാപി അമൃത മധുരരൂപഃ സര്വ വിശ്വാതിശായീ ॥൯൭॥

പരമ ശരണദാതാ ശുദ്ധബോധ പ്രദീപോ ധൃത സഹജ സമാധിഃ സക്രിയോ നിഷ്ക്രിയശ്ച । ദുരിത ദലനശക്തോ വിശ്വഭാവ പ്രവേത്താ ത്രിഗുണ രഹിത രൂപോ ഭാസ്വരശ് ചിദ്വിലാസഃ ॥൯൮॥

ഹൃത ശശധര കാന്തിര് ഹ്യുത്തമ ജ്യോതിരേവ പ്രഭവ മരണ ഹീനശ് ചിന്മയോ ദിവ്യരൂപഃ । ചിര സഹചര ഇഷ്ടോ ദീനബന്ധുഃ കൃപാലുര് നിഖില ഭുവന ധാതാ താരകോ ഽനാഥനാഥഃ ॥൯൯॥

മഹാസാധ്യോ മഹാസിദ്ധോ ഽമിതവീര്യോ ദിഗമ്ബരഃ । മഹാ വിപന്നിവാരീ ച ത്യക്ത ലജ്ജാഭയാദികഃ ॥൧൦൦॥

അദ്ഭുതോ മനുജശ്രേഷ്ഠോ യുഗപച്ചതുരാശ്രമീ । ജഗത്സ്വാമീ മഹാചാര്യോ ത്യാഗിവര്യോ ഹ്യഖണ്ഡധീഃ ॥൧൦൧॥

അനാദിനിധനോ ഽനന്തോ ഽവ്യക്തോ ഽഖിലഹൃദീശ്വരഃ । അസീമ ബലശാലീ വൈ ഗുണാഢ്യശ്ച ഗുണാതിഗഃ ॥൧൦൨॥

ഭൂരിദാതാഖിലപ്രേമീ വിശ്വമൈത്രീ പ്രസാധകഃ । മോക്ഷദോ വരദോ ദിവ്യഃ പരമഃ പുരുഷോത്തമഃ ॥൧൦൩॥

ദാന്തഃ സ്വല്പാക്ഷരോ ജ്ഞാനീ ജ്ഞാനമൂര്തിര് ഉദാരധീഃ । സര്വജ്ഞോ ജ്ഞാനസിന്ധുശ്ച ജ്ഞേയോ ജ്ഞാനരവിഃ സുധീഃ ॥൧൦൪॥

പൂതദേഹഃ പവിത്രാക്ഷോ ഹ്യാത്മജ്ഞാന പ്രജാഗരഃ । ജ്ഞാന വിജ്ഞാന നിഷ്ണാതഃ ചാജ്ഞാന മോഹമുദ്ഗരഃ ॥൧൦൫॥

ഓംകാര ബീജരൂപോ വാ ഐം ഹ്രീം ബീജസ്വരൂപകഃ । സബീജ വാങ്മയ ദ്രഷ്ടാ മന്ത്ര ചൈതന്യ കാരകഃ ॥൧൦൬॥

മോഹാരിര് ഹൃത്തമോഹാരീ ശോക താപ നിവാരണഃ । ഭുക്തി മുക്തി പ്രദാതാ ച രാമോ മാനസ രഞ്ജനഃ ॥൧൦൭॥

സങ്കീര്തനാപ്ലുതാത്മാ വൈ സംസൃതി സ്ഥിതി വിസ്മൃതിഃ । കൃഷ്ണദൃഗ് ഭക്തിമാന് ധീരഃ സിദ്ധകൈവല്യ നിര്വൃതി ॥൧൦൮॥

ജ്ഞാനോദ്ഭാസിത തുണ്ഡശ്രീഃ സര്വഗ്രന്ഥി വിദാരണഃ । കൃപാകടാക്ഷ സംവര്ഷീ സംശയ പുഞ്ജപാടനഃ ॥൧൦൯॥

നിരാകാരോഽഥ സാകാരോ ലീലാവിഗ്രഹ ധാരണഃ । മാന മേയ സ്വരൂപഃ ചാദ്വയഃ കേവലചേതനഃ ॥൧൧൦॥

നിര്മോഹോ നിര്മലോ ജുഷ്ടോ ബുദ്ധോ മുക്തോ മഹേശ്വരഃ । പ്രേമാമൃതാകരഃ പൂര്ണോ ഽഖില പാതകിതാരണഃ ॥൧൧൧॥

പ്രേമാബ്ധിഃ പ്രേമവാഹീ ച പ്രമൂര്ത പ്രേമവിഗ്രഹഃ । പ്രേമലീലാ പ്രകാശീ ച പ്രേമ രോമാഞ്ചിതാന്തരഃ ॥൧൧൨॥

ജഗത്പിതാ ജഗന്മാതാ ജഗന്നാഥോ ജനാര്ദനഃ । ജഗന്നിവാസ ആസീനഃ സര്വഭൂത ലയസ്ഥിതിഃ ॥൧൧൩॥

പ്രാണേശഃ പ്രാണകാന്തശ്ച പ്രാണാരാമഃ പരാവരഃ । പ്രാണദഃ പ്രാണഗോപാലഃ പ്രാണശ്രീശ്ച പരാത്പരഃ ॥൧൧൪॥

പ്രേമദാതാ പരപ്രേമീ പ്രേമ ഗദ്ഗദ ഭാഷണഃ । പരപ്രേമാ പ്രേമഘനഃ പ്രേമാകുലിത വീക്ഷണഃ ॥൧൧൫॥

പാശമുക്തോ വിമാനോഽസൌ പ്രകട ക്ലേശ നാശനഃ । പുരാണപുരുഷോ ഽനാദിഃ അവതാരീ കൃതാര്ചനഃ ॥൧൧൬॥

പ്രാച്യ പാശ്ചാത്യ ദേശസ്ഥ പ്രകൃഷ്ടി സുസമന്വയീ । വിശ്വ സംസ്കൃതി മാലിന്യാപസാരക ജനാഗ്രണീഃ ॥൧൧൭॥

പ്രാണസഖോ മഹാപ്രാണോ ദീനനാഥോ ദയാഘനഃ । ഏഷണാത്രയ നിര്മുക്തോ നാരായണാംശ സമ്ഭവഃ ॥൧൧൮॥

സ്വഭൂഃ ശമ്ഭുഃ സ്വയമ്ഭൂശ്ച വിരൂപാക്ഷോ വിലോചനഃ । പരമേശോ മഹാദേവോ ദേവദേവസ്തപോധനഃ ॥൧൧൯॥

കല്യാണകൃത് സുകര്മാഥോ യുഗാവതാര സ്വ ച । രാമകൃഷ്ണോഭയാത്മാ വൈ കുലധര്മ പ്രബോധകഃ ॥൧൨൦॥

സമസ്ത ശാസ്ത്ര തത്ത്വജ്ഞോ ബ്രഹ്മാ വിഷ്ണു ഹരാതിഗഃ । കൂടസ്ഥോ ബ്രഹ്മരൂപസ്തു ദ്വിജ ചണ്ഡാല സാമ്യദൃക് ॥൧൨൧॥

ബോധസാക്ഷീ വിശുദ്ധാത്മാ വിശ്വജ്യോതിര് ഉദാരധീഃ । ബാഹ്യ സംവേദനാ ശൂന്യോ ബ്രഹ്മശക്ത്യൈക്യ ഭാവനഃ ॥൧൨൨॥

ബോധേച്ഛാ കര്മശക്തിശ്ച യോഗ ഭക്തി പരായണഃ । അവതാര വരിഷ്ഠോഽപി വിക്രാന്തോ ദേശികോത്തമഃ ॥൧൨൩॥

പൂര്ണയോഗ രഹസ്യജ്ഞോ യോഗദാതാ മഹായമീ । യുഗദേവോ യുഗാദര്ശോ വിശ്വ വര്ണാശ്രമാശ്രയഃ ॥൧൨൪॥

സ്ഥിതപ്രജ്ഞോ മഹാപ്രാജ്ഞഃ സദാ പ്രജ്ഞാലയ സ്ഥിതഃ । വീതരാഗ ഭയക്രോധഃ സ്ഥിതധീര് മുനി സംജ്ഞിതഃ ॥൧൨൫॥

അനാസക്തോഽനികേതസ്തു സ്തുതി നിന്ദാ വിവര്ജിതഃ । ആത്മതുഷ്ടോ ഽനഹംവാദീ ത്യക്താഖില ശുഭാശുഭഃ ॥൧൨൬॥

ഈശാര്പിത മനോബുദ്ധി യോഗമായാ സമാവൃതഃ । ശുഭനാമാ ശുഭാഗാരഃ ശുഭാരീഃ ശുഭദര്ശനഃ ॥൧൨൭॥

നിഗീര്ണാഹം മമജ്ഞാനോ ദ്വേഷഹീനോ ഗതവ്യഥഃ । സമദ്രഷ്ടാ ക്ഷമാവാംശ്ച അനപേക്ഷോ വിശ്വനായകഃ ॥൧൨൮॥

പീയൂഷ രസപാഥോധിഃ കഥാമൃത പ്രവര്ഷണഃ । അസ്പഷ്ട മധുരാലാപോ ഗ്രാമ്യഭാവ പ്രദര്ശകഃ ॥൧൨൯॥

സര്വജ്ഞാതാ ത്വവിജ്ഞാതോ വിശ്വയോനിഃ സ്വയംജനുഃ । സര്വേശ്വരഃ സ്വതന്ത്രശ്ച ഏകരൂപോഽനേകരൂപകഃ ॥൧൩൦॥

അനുദ്വിഗ്നോ ഽമലപ്രജ്ഞോ വീത മാനാവമാനകഃ । പ്രാര്ഥനീയോ ഽപ്യര്ഥശൂന്യോ ഽവ്യക്തഃ സുവ്യക്തി കാരണമ് ॥൧൩൧॥

അജേയോ ജയശീലശ്ച നിഃസ്പൃഹോഽപി തപഃപരഃ । അജോഽപി ജായമാനോ വാ അപാപഃ പാപമോചനഃ ॥൧൩൨॥

സര്വധര്മ സരിത്സിന്ധുഃ സദ്ഭക്ത ഹൃദയാശ്രയഃ । മുനി യോഗി യതി ധ്യേയോ വീതരാഗ ഗതിപ്രദഃ ॥൧൩൩॥

ബ്രഹ്മസ്തുതോ ബ്രഹ്മ മുഖാധിവാസോ ബ്രഹ്മാണ്ഡഗോ ബ്രഹ്മ മുഖാര്ചനാര്ഹഃ । ബ്രഹ്മാദി ബോധാതിഗ ശേമുഷീകോ ബ്രഹ്മാര്പിതോ ബ്രഹ്മവിഗാഹി ചേതാഃ ॥൧൩൪॥

സത്കര്മ ലീലാപ്രകടഃ സുദൃഷ്ടിഃ സുദൃഷ്ടിദഃ സംസൃതി പാശനാശീ । ശ്രദ്ധാനിവാസഃ സുമനോ വിലാസഃ കന്ദര്പഹൃത് കാമകലാ വിലോപീ ॥൧൩൫॥

ഭക്തേശ്വരോ ഭക്തവരസ് തപസ്വീ ഭക്തിപ്രകാശഃ പ്രിയ ഭക്തിഭാവഃ । ഭക്തപ്രിയോ ഭക്തവൃതസ് തമോഹാ ഭക്താവതാരോ ഭവ കര്ണധാരഃ ॥൧൩൬॥

ഭക്തിപ്രഭോ ഭക്തഗണാദൃതോ വൈ സുഗ്രന്ഥദീപോ യമഭീതിഹാരീ । സുവ്യക്ത വക്ഷഃസ്ഥിത ഹാര തുല്യോ ഭ്രമ പ്രമാദാകലിതോ മദാരിഃ ॥൧൩൭॥

അനന്തഭാവോ ജിതശാസ്ത്രസാരോ ദാക്ഷിണ്യദായീ കലിദോഷനാശീ । അസീമരൂപഃ സമതാനിദാനം ദിവ്യാകൃതിര് ദിവ്യമുഖ പ്രകാശീ ॥൧൩൮॥

സര്വാത്മകഃ സര്വസുലക്ഷണാംഗോ നിഷ്കാമ കര്മപ്രകടഃ പരേശഃ । സുധാമയഃ സ്നിഗ്ധ രസാര്ദ്രഭാവഃ സര്വംസഹഃ സര്വ ഘടാധിരൂഢഃ ॥൧൩൯॥

സദാപ്രഫുല്ലോ ഽശുഭനാശി നാമാ കല്യാണവര്ഷീ സുഖദായി മുര്തിഃ । വിശുദ്ധ വിജ്ഞാനമയോ ഽപ്രമേയോ വിശുദ്ധസത്ത്വഃ സുവിശാല വക്ഷാഃ ॥൧൪൦॥

അഗാധസത്ത്വോ ഽമിതവീര്യ ആത്മാ തത്ത്വപ്രകാശീ സുതനുര് മഹാത്മാ । അഖണ്ഡരൂപോ നിഖിലാവതംസഃ സംസാര സാരാവഗതോ നിരീഹഃ ॥൧൪൧॥

മായാശ്രയോ മനോഽഭീഷ്ടോ മായാധീശഃ സുരേശ്വരഃ । മോദമാനോ മനോഹാരീ മായാതീതസ് തുരീയചിത് ॥൧൪൨॥

മങ്ഗലോ മോഹനോ മൂര്തോ മായാഗൂഢ സ്വരൂപകഃ । നവദശ മഹാഭാവോ രാധികാമയ ജീവിതഃ ॥൧൪൩॥

ഋത സത്യ തപഃ പൂര്ണോ നിത്യയുക്തോ ഽഖിലേശ്വരഃ । ഋതമ്ഭരോ ധരാദേവോ ലോകാതീതഃ ചിദമ്ബരഃ ॥൧൪൪॥

അമരശ്ചാമൃതാധാരോ ഽമൃതഭാഷോ ഽമൃതേക്ഷണഃ । അകലഃ സകലഃ സൂരീ രഞ്ജനശ്ചാചലശ്ചലഃ ॥൧൪൫॥

മാതൃപ്രാണഃ പിതൃപ്രാണഃ സഖിപ്രാണോ നൃവല്ലഭഃ । ദരിദ്രപ്രാണ ആചാര്യോ ദീനേശോ ദീനവത്സലഃ ॥൧൪൬॥

അപ്രാകൃതവപുഃ പൂജ്യഃ പ്രേമോന്മത്തസ് തപോമയഃ । ധ്യേയോ ഽചലപ്രതിഷ്ഠശ്ച മോഹങ്കഷഃ കൃപാമയഃ ॥൧൪൭॥

സത്യഃ സത്യാശ്രയഃ ശര്വഃ സത്യാത്മാ സത്യസമ്ഭവഃ । പരസത്യാപരോക്ഷീ ചാപൂര്വ സത്യപ്രഭാഷണഃ ॥൧൪൮॥

മഹാഹൃഷ്ടോ മഹാദൃപ്തോ മഹാമോഹ വിനാശകഃ । ഘനീഭൂത മനോയോഗോ മാധുര്യഘന വിഗ്രഹഃ ॥൧൪൯॥

അഹേതുക കൃപാസിന്ധുഃ അഭിമാന വിമര്ദകഃ । മൂര്തിപൂജാ രഹസ്യജ്ഞോ ഽശേഷ സംശയ വാരകഃ ॥൧൫൦॥

ചിദാനന്ദ ഘനോ മാനം മഹാചേതാഃ മഹാകൃതിഃ । ചക്രീ ചിന്താമണിശ്ചന്ദ്രഃ സുധാകാരോ വരാനനഃ ॥൧൫൧॥

രസാധാരോ രസാഗാരോ രസാലാപീ രസസ്ഥിതിഃ । ദിവ്യരസ പ്രസൂതിശ്ച ദിവ്യരസ പ്രദായകഃ ॥൧൫൨॥

സുസ്പഷ്ട രസിക ശ്രേഷ്ഠഃ സമ്പൂര്ണ രസ വര്ഷകഃ । രസപൂര്ണോ രസജ്ഞോ വൈ രസോദ്ഭിന്ന സ്വരൂപകഃ ॥൧൫൩॥

സര്വദിവ്യ രസോല്ലാസോ രസാഽഽസ്വാദ പ്രമോദിതഃ । നവദിവ്യ രസജ്ഞാനോ ബ്രഹ്മാമ്ഭോധി നിമജ്ജകഃ ॥൧൫൪॥

ദാനീ ധനീ സുകാന്തിശ്ച നിഖിലാഭയ ദായകഃ । ദിവ്യാനന്ദ സുധാവര്ഷീ സ്നിഗ്ധോ ദിവ്യരസോജ്ജ്വലഃ ॥൧൫൫॥

സര്വവ്യാപ്തഃ പ്രപഞ്ചേശഃ സര്വധര്മ സ്വരൂപകഃ । സര്വവൃഷ്ട കൃപാസാരഃ സദാനന്ദഃ സുഖാലയഃ ॥൧൫൬॥

പ്രകൃഷ്ട സാമ്യ സംവേത്താ മൈത്ര്യാദര്ശ പ്രദര്ശകഃ । സ്വാധീനതാ രഹസ്യജ്ഞഃ പ്രോജ്ജ്വലോ മാര്ഗദൃഗ്വരഃ ॥൧൫൭॥

ദിവ്യവാണീ സുധാവര്ഷീ ദിവ്യഗീതി സുഗായകഃ । സര്വധര്മ സുസംസ്കര്താ ധര്മഗ്ലാനി വിദൂരകഃ ॥൧൫൮॥

സത്കാര്യ തത്പരഃ ശൂരഃ സര്വസന്താപ ഹാരകഃ । ശ്രുതിസാരോപദേഷ്ടാ വൈ സമ്പ്രദായാധിനായകഃ ॥൧൫൯॥

സ്മരജിത് ക്രോധജിന്ന്യാസീ സ്മര ഹാലാഹലാന്തകഃ । സിദ്ധയോഗീ മഹായോഗോ വിക്ഷേപാദി വിനാശകൃത് ॥൧൬൦॥

സമാധിമണ്ഡനോ മാന്യഃ സമാധിസുഖ സംസ്ഥിതഃ । സ്വധാമ രാജമാനശ്ച മായാലേശ വിവര്ജിതഃ ॥൧൬൧॥

വിമുഗ്ധ ജീവ മായാഘ്നഃ ശരണ്യോ മതിവര്ധനഃ । അമാനീ മാനദഃ സ്വാമീ മനോമദ വിഖണ്ഡനഃ ॥൧൬൨॥

യുഗന്ധരോ യുഗാചാര്യോ ബോധാഗമ്യോ യതീശ്വരഃ । യുഗപ്രവര്തകോ യുക്തഃ സ്വപ്രകാശോ യുഗേശ്വരഃ ॥൧൬൩॥

യോഗാസന സ്ഥിതോ ധ്യാനീ യതിമാനസ രഞ്ജകഃ । യോഗിഗമ്യ സ്വരൂപശ്ച പൂര്ണയോഗ പ്രകാശകഃ ॥൧൬൪॥

നിതരാം ശോഭിത ക്ഷൌണിഃ നിവാസഃ ശരണം സുഹൃത് । ശ്യാമ ശ്യാമാ ശിവോദ്ഗാതാ ശിവ ശ്യാമ ശിവാമയഃ ॥൧൬൫॥

യക്ഷോ ജ്യോതിര്മയോ ജ്യോതിഃ സ്മയഹീനോ ഗതകല്മഃ । പാതാ ധാതാ പിതാ ബന്ധുഃ വിബുധഃ ശമമണ്ഡനഃ ॥൧൬൬॥

മങ്ഗലശ്രവണോ ഹാരീ കോമലഃ ശോഭനഃ ശുഭഃ । സര്വശക്തി പ്രദാതാ വൈ സംശ്രുതാനാഹത ധ്വനിഃ ॥൧൬൭॥

ത്രിപുടീ ലയകാരീ വൈ മായാ വിക്ഷേപ നാശകഃ । ദിവ്യഭാവ സമാസീനോ രാസമണീഷ്ട സാധകഃ ॥൧൬൮॥

ഹൃദയ പ്രാപ്തസാഹായ്യഃ സ്വീകൃതാനേക സദ്ഗുരുഃ । വിന്യസ്ത സിദ്ധ്യഭിജ്ഞാനോ ഭാവഹീനത്വ വാരകഃ ॥൧൬൯॥

പ്രദീപ്തേശപുത്ര പ്രകൃഷ്ടാവലോകീ പ്രഭോദ്ഭിന്ന വിജ്ഞാല്ലദൂതാപരോക്ഷീ । സുദൃഷ്ടാത്മദേഹ പ്രലീനാവതാരഃ സ നൂനം മഹോദാര ഐസ്ലാമ ഖാര്ഷ്ടഃ ॥൧൭൦॥

അസാരീകൃത പ്രേഷ്ഠ സിദ്ധ്യഷ്ടകോ വൈ സുധീ വിപ്ര ഗൌരി വിഭൂതി പ്രണാശീ । സ്വയം ശുദ്ധഭക്തി പ്രസംവിദ് വിലാസീ സ്വകീയേശ ഭക്താത്മകത്വ പ്രകാശീ ॥൧൭൧॥

ശിവാഭിന്ന ജീവസ്വരൂപത്വ ഘോഷീ ശിവാഭിന്ന മര്ത്യാര്ചനാദര്ശവാദീ । നവീനാഖിലോദാര ധര്മാധ്വദര്ശീ നവന്യാശി സങ്ഘ പ്രതിഷ്ഠാധികര്താ ॥൧൭൨॥

പ്രണാമാസ്ത്ര യോഗാതി ദക്ഷോപദേഷ്ടാ സ്വയം വ്യക്ത പും സ്ത്രീ സുരോത്കൃഷ്ട രൂപഃ । പ്രസൂപൂത ഭാവാശ്രയോത്കര്ഷ വക്താ ഭൃശം ധിക്കൃതാഹം പരിസ്ഫീത ഭാവഃ ॥൧൭൩॥

സ്വയം സുവ്യക്ത ഗൌരാങ്ഗാദി പൂര്വജാവതാര ഭാഃ । ധ്യേയാഭേദ സമാപന്ന കൃത സ്വവിഗ്രഹാര്ചനഃ ॥൧൭൪॥

ഘനീഭൂത പൂര്വാവതാരാദി ഭാവഃ സ്വസന്ദര്ശിതാമ്ബാ മഹേശസ്വരൂപഃ । സുഭുക്താതുര വ്യാധി താപാദി കോപഃ സ്വദേഹ സ്ഫുടാന്യ പ്രഹാരാദി ചിഹ്നഃ ॥൧൭൫॥

പുങ്ഖാനുപുങ്ഖ വിഷയേക്ഷണ തത്പരോഽപി ബ്രഹ്മാവലോകന സുവൃത്തി കലാപ യുക്തഃ । നാരീ നൃ ജീവകുല മാനസ തത്ത്വദര്ശീ സമ്മോഹിത പ്രഥിത ദൃപ്ത മനസ്വിസങ്ഘഃ ॥൧൭൬॥

നീചാഗ്രഗണ്യ രസിക പ്രകടീകൃതാത്മാ ഭക്ത പ്രദര്ശിത വരാഭയ കാലികാശ്രീഃ । ലിങ്ഗാശ്രയാഗണിത ചിത്ത വിരാജ ഭാവഃ പാപിത്വ ബോധ പരിഹാര ദൃഢോപദേഷ്ടാ ॥൧൭൭॥

സ്വേച്ഛാവൃതാസാധ്യ കഠോര രോഗഃ കല്പദ്രു ഭാവാശ്രയ ചേതനാകൃത് । നരേന്ദ്ര സംക്രാന്ത സുദിവ്യ സംപന്നരേന്ദ്ര നാഥവ്യ സുഘോഷകാരീ ॥൧൭൮॥

സര്വാസു വിദ്യാസു നിധിസ്വരൂപഃ സര്വേഷു ലോകേഷു തമിസ്രഹൈകഃ । കീടാണു കീടേഷ്വപവര്ഗകാരീ സ്വാഭിന്ന ശക്തി പ്രകടേഷ്ടബീജഃ ॥൧൭൯॥

വിശ്വദ്വന്ദ്വ നിവാരകോ വിശ്വമങ്ഗല കാരകഃ । വിശ്വാതിഗോ വിശ്വഹര്താ വിശ്വകീര്തിശ്ച വിശ്വരാട് ॥൧൮൦॥

വിശ്വവേദാന്ത ധര്മജ്ഞോ വിശ്വസത്കാര്യ ദര്ശകഃ । വിശ്വഭ്രാതൃത്വ സന്ദീപീ വിശ്വധര്മ പ്രകാശകഃ ॥൧൮൧॥ വിശ്വധര്മപ്രകാശക ഓം നമ ഇതി ॥

ലീലാ സംവാര സംഖിന്ന അശേഷ സ്വഭക്ത പാര്ഷദഃ । ഭൂഭാര ഗ്ലാനി സംഹാരീ ശ്രീരാമകൃഷ്ണ ഏവ സഃ ॥൧॥

ശ്രീരാമകൃഷ്ണ ദേവസ്യ ലോകകല്യാണ കാരിണഃ । സ്തോത്രം സഹസ്ര നാമാഖ്യം ഏതന്നിഗദിതം ശുഭമ് ॥൨॥

ലീലാനുക്രമികം ത്വേതന്ന സര്വത്രോപ വര്ണിതമ് । ഇതി നേതി പ്രസങ്ഗേന ഭക്ത്യുത്കര്ഷഃ സമീപ്സിതഃ ॥൩॥

യോ വൈ പഠേന്നരോ നിത്യം ശൃണുയാച്ഛ്രാവയേദഥ । ഗായേദ്വാ ഭാവമാശ്രിത്യ ശ്രദ്ധാഭക്തി സമന്വിതഃ ॥൪॥

ന തസ്യ ദുഷ്കൃതം കിഞ്ചിത് ലേശതോഽപി സ്ഥിതിം വ്രജേത് । ജിത്വാ പുണ്യകൃതാം ലോകാന് ശശ്വച്ഛാന്തിം സ ചാപ്നുയാത് ॥൫॥

ത്രേതായാം യശ്ച രാമോ ഹി ശ്രീകൃഷ്ണോ ദ്വാപരേ സ്മൃതഃ । തയോരൈക്യേന ജാതഃ സ രാമകൃഷ്ണഃ കലൌ യുഗേ ॥൬॥

തസ്യൈശ അപൂര്വഭാസോ നിഖില നരകുല പ്രാര്ഥിതാശേഷ കീര്തിഃ പുംസോ ലോകോത്തരസ്യ ഹ്യമല ശിശുമതേ രാജ നിപ്രൌഢ കാലമ് । ദിവ്യാചാരാദരോ വൈ ചരിതപരിചയോ ന്യൂനമത്യന്തസാരൌ സന്ദിഗ്ധേ ക്ലിന്നകാലേ പ്രകടമദയുതേ സര്വലോകാമയഘ്നൌ ॥൭॥

പരിപൂജ്യാത്മനശ്ചിത്രം പ്രപൂജ്യഃ സ്യാം ഗൃഹേ ഗൃഹേ । സ്വയമഘോഷ യദ്ദേവോ യത്തത് സത്യഫലം വചഃ ॥൮॥

ഇത്ഥം ഭൂതാഭിധാനായ ചാനുക്താശേഷ വാചിനേ । സര്വഥാ വാച്യ രൂപായ രാമകൃഷ്ണായ തേ നമഃ ॥൯॥ ഹരിഃ ഓം തത്സത് । ഇതി ശമ് । അഥ സമര്പണമ് ॥

യസ്യ വീര്യേണ കൃതിനോ വയം ച ഭുവനാനി ച । രാമകൃഷ്ണം സദാ വന്ദേ സ്വതംത്രം ശര്വമീശ്വരമ് ॥

ജയ ജയ കരുണാബ്ധേ മോക്ഷസേതോ സ്മരാരേ । ജയ ജയ ജഗദീശ ജ്ഞാനസിന്ധോ സ്വയംഭോ ॥ ജയ ജയ പരമാത്മന് ത്രാഹി മാം ഭക്തിഹീനം । ജയ ജയ ഭവഹാരിന് രാമകൃഷ്ണ ദ്വിബാഹോ ॥

കായേന വാചാ മനസേന്ദ്രിയൈര്വാ ബുദ്ധ്യാത്മനാ വാ പ്രകൃതേഃ സ്വഭാവാത് । കരോമി യത് യത് സകലം പരസ്മൈ ശ്രീരാമാകൃഷ്ണായ സമര്പയാമി ॥

മാം മദീയം ച സകലം ശ്രീരാമകൃഷ്ണ ചരണേ സമര്പയേ ॥

ഓം മങ്ഗലം സര്വലോകായ വിവേകാനന്ദ ദായിനേ ശാരദാ പ്രാണനാഥായ രാമകൃഷ്ണായ മങ്ഗലമ് ॥

ഓം സര്വാണി ഭൂതാനി വിശന്തു സൌഖ്യമ് । സര്വാണി ഭൂതാനി ഭജന്തു ശാന്തിമ് । സര്വാണി ഭൂതാനി അയി രാമകൃഷ്ണ സംപൂര്ണമാനന്ദമ് ഉപാശ്രയന്താമ് ॥

ഓം ശാന്തിഃ ശാന്തിഃ ശാന്തിഃ ॥ ഹരിഃ ഓം തത്സത് ॥ ശ്രീരാമകൃഷ്ണാര്പണമസ്തു ॥