স্বসঙ্কল্পকলাকল্পৈরাযুধৈরাযুধেশ্বরঃ ।
জুষ্টঃ ষোডশভির্দিব্যৈর্জুষতাং বঃ পরঃ পুমান্ ॥ ১ ॥
জুষ্টঃ ষোডশভির্দিব্যৈর্জুষতাং বঃ পরঃ পুমান্ ॥ ১ ॥
যদাযত্তং জগচ্চক্রং কালচক্রং চ শাশ্বতম্ ।
পাতু বস্তত্ পরং চক্রং চক্ররূপস্য চক্রিণঃ ॥ ২ ॥
পাতু বস্তত্ পরং চক্রং চক্ররূপস্য চক্রিণঃ ॥ ২ ॥
যত্প্রসূতি শতৈরাসন্ রুদ্রাঃ পরশুলাঞ্ছনাঃ ।
স দিব্যো হেতিরাজস্য পরশুঃ পরিপাতু বঃ ॥ ৩ ॥
স দিব্যো হেতিরাজস্য পরশুঃ পরিপাতু বঃ ॥ ৩ ॥
হেলযা হেতিরাজেন যস্মিন্ দৈত্যাঃ সমুদ্ধৃতে ।
শকুন্তা ইব ধাবন্তি স কুন্তঃ পালযেত বঃ ॥ ৪ ॥
শকুন্তা ইব ধাবন্তি স কুন্তঃ পালযেত বঃ ॥ ৪ ॥
দৈত্যদানবমুখ্যানাং দণ্ড্যানাং যেন দণ্ডনম্ ।
হেতিদণ্ডেশদণ্ডোঽসৌ ভবতাং দণ্ডযেদ্দ্বিষঃ ॥ ৫ ॥
হেতিদণ্ডেশদণ্ডোঽসৌ ভবতাং দণ্ডযেদ্দ্বিষঃ ॥ ৫ ॥
অনন্যান্বযভক্তানাং রুন্ধন্নাশামতঙ্গজান্ ।
অনঙ্কুশবিহারো বঃ পাতু হেতীশ্বরাঙ্কুশঃ ॥ ৬ ॥
অনঙ্কুশবিহারো বঃ পাতু হেতীশ্বরাঙ্কুশঃ ॥ ৬ ॥
সম্ভূয শলভাযন্তে যত্র পাপানি দেহিনাম্ ।
স পাতু শতবক্ত্রাগ্নিহেতির্হেতীশ্বরস্য বঃ ॥ ৭ ॥
স পাতু শতবক্ত্রাগ্নিহেতির্হেতীশ্বরস্য বঃ ॥ ৭ ॥
অবিদ্যাং স্বপ্রকাশেন বিদ্যারূপশ্ছিনত্তি যঃ ।
স সুদর্শননিস্ত্রিংশঃ সৌতু বস্তত্ত্বদর্শনম্ ॥ ৮ ॥
স সুদর্শননিস্ত্রিংশঃ সৌতু বস্তত্ত্বদর্শনম্ ॥ ৮ ॥
ক্রিযাশক্তিগুণো বিষ্ণোর্যো ভবত্যতিশক্তিমান্ ।
অকুণ্ঠশক্তিঃ সা শক্তিরশক্তিং বারযেত বঃ ॥ ৯ ॥
অকুণ্ঠশক্তিঃ সা শক্তিরশক্তিং বারযেত বঃ ॥ ৯ ॥
তারত্বং যস্য সংস্থানে শব্দে চ পরিদৃশ্যতে ।
প্রভোঃ প্রহরণেন্দ্রস্য পাঞ্চজন্যঃ স পাতু বঃ ॥ ১০ ॥
প্রভোঃ প্রহরণেন্দ্রস্য পাঞ্চজন্যঃ স পাতু বঃ ॥ ১০ ॥
যং সাত্ত্বিকমহঙ্কারমামনন্ত্যক্ষসাযকম্ ।
অব্যাদ্বশ্চক্ররূপস্য তদ্ধনুঃ শার্ঙ্গধন্বনঃ ॥ ১১ ॥
অব্যাদ্বশ্চক্ররূপস্য তদ্ধনুঃ শার্ঙ্গধন্বনঃ ॥ ১১ ॥
আযুধেন্দ্রেণ যেনৈব বিশ্বসর্গো বিরচ্যতে ।
স বঃ সৌদর্শনঃ কুর্যাত্ পাশঃ পাশবিমোচনম্ ॥ ১২ ॥
স বঃ সৌদর্শনঃ কুর্যাত্ পাশঃ পাশবিমোচনম্ ॥ ১২ ॥
বিহারো যেন দেবস্য বিশ্বক্ষেত্রকৃষীবলঃ ।
ব্যজ্যতে তেন সীরেণ নাসীরবিজযোঽস্তু বঃ ॥ ১৩ ॥
ব্যজ্যতে তেন সীরেণ নাসীরবিজযোঽস্তু বঃ ॥ ১৩ ॥
আযুধানামহং বজ্রং ইত্যগীযত যঃ স বঃ ।
অব্যাদ্ধেতীশবজ্রোঽসাবদধীচ্যস্থিসম্ভবঃ ॥ ১৪ ॥
অব্যাদ্ধেতীশবজ্রোঽসাবদধীচ্যস্থিসম্ভবঃ ॥ ১৪ ॥
বিশ্বসংহৃতিশক্তির্যা বিশ্রুতা বুদ্ধিরূপিণী ।
সা বঃ সৌদর্শনী ভূযাদ্গদপ্রশমনী গদা ॥ ১৫ ॥
সা বঃ সৌদর্শনী ভূযাদ্গদপ্রশমনী গদা ॥ ১৫ ॥
যাত্যতিক্ষোদশালিত্বং মুসলো যেন তেন বঃ ।
হেতীশমুসলেনাশু ভিদ্যতাং মোহমৌসলম্ ॥ ১৬ ॥
হেতীশমুসলেনাশু ভিদ্যতাং মোহমৌসলম্ ॥ ১৬ ॥
শূলিদৃষ্টমনোর্বাচ্যো যেন শূলযতি দ্বিষঃ ।
ভবতাং তেন ভবতাত্ ত্রিশূলেন বিশূলতা ॥ ১৭ ॥
ভবতাং তেন ভবতাত্ ত্রিশূলেন বিশূলতা ॥ ১৭ ॥
অস্ত্রগ্রামস্য কৃত্স্নস্য প্রসূতিং যং প্রচক্ষতে ।
সোঽব্যাত্ সুদর্শনো বিশ্বং আযুধৈঃ ষোডশাযুধঃ ॥ ১৮ ॥
সোঽব্যাত্ সুদর্শনো বিশ্বং আযুধৈঃ ষোডশাযুধঃ ॥ ১৮ ॥
শ্রীমদ্বেঙ্কটনাথেন শ্রেযসে ভূযসে সতাম্ ।
কৃতেযমাযুধেন্দ্রস্য ষোডশাযুধসংস্তুতিঃ ॥ ১৯ ॥
কৃতেযমাযুধেন্দ্রস্য ষোডশাযুধসংস্তুতিঃ ॥ ১৯ ॥
॥ ইতি শ্রীবেদান্তদেশিক বিরচিতং ষোডশাযুধ স্তোত্রম্ সম্পূর্ণম্ ॥