സ്വസങ്കല്പകലാകല്പൈരായുധൈരായുധേശ്വരഃ ।
ജുഷ്ടഃ ഷോഡശഭിര്ദിവ്യൈര്ജുഷതാം വഃ പരഃ പുമാന് ॥ ൧ ॥
ജുഷ്ടഃ ഷോഡശഭിര്ദിവ്യൈര്ജുഷതാം വഃ പരഃ പുമാന് ॥ ൧ ॥
യദായത്തം ജഗച്ചക്രം കാലചക്രം ച ശാശ്വതമ് ।
പാതു വസ്തത് പരം ചക്രം ചക്രരൂപസ്യ ചക്രിണഃ ॥ ൨ ॥
പാതു വസ്തത് പരം ചക്രം ചക്രരൂപസ്യ ചക്രിണഃ ॥ ൨ ॥
യത്പ്രസൂതി ശതൈരാസന് രുദ്രാഃ പരശുലാഞ്ഛനാഃ ।
സ ദിവ്യോ ഹേതിരാജസ്യ പരശുഃ പരിപാതു വഃ ॥ ൩ ॥
സ ദിവ്യോ ഹേതിരാജസ്യ പരശുഃ പരിപാതു വഃ ॥ ൩ ॥
ഹേലയാ ഹേതിരാജേന യസ്മിന് ദൈത്യാഃ സമുദ്ധൃതേ ।
ശകുന്താ ഇവ ധാവന്തി സ കുന്തഃ പാലയേത വഃ ॥ ൪ ॥
ശകുന്താ ഇവ ധാവന്തി സ കുന്തഃ പാലയേത വഃ ॥ ൪ ॥
ദൈത്യദാനവമുഖ്യാനാം ദണ്ഡ്യാനാം യേന ദണ്ഡനമ് ।
ഹേതിദണ്ഡേശദണ്ഡോഽസൌ ഭവതാം ദണ്ഡയേദ്ദ്വിഷഃ ॥ ൫ ॥
ഹേതിദണ്ഡേശദണ്ഡോഽസൌ ഭവതാം ദണ്ഡയേദ്ദ്വിഷഃ ॥ ൫ ॥
അനന്യാന്വയഭക്താനാം രുന്ധന്നാശാമതങ്ഗജാന് ।
അനങ്കുശവിഹാരോ വഃ പാതു ഹേതീശ്വരാങ്കുശഃ ॥ ൬ ॥
അനങ്കുശവിഹാരോ വഃ പാതു ഹേതീശ്വരാങ്കുശഃ ॥ ൬ ॥
സമ്ഭൂയ ശലഭായന്തേ യത്ര പാപാനി ദേഹിനാമ് ।
സ പാതു ശതവക്ത്രാഗ്നിഹേതിര്ഹേതീശ്വരസ്യ വഃ ॥ ൭ ॥
സ പാതു ശതവക്ത്രാഗ്നിഹേതിര്ഹേതീശ്വരസ്യ വഃ ॥ ൭ ॥
അവിദ്യാം സ്വപ്രകാശേന വിദ്യാരൂപശ്ഛിനത്തി യഃ ।
സ സുദര്ശനനിസ്ത്രിംശഃ സൌതു വസ്തത്ത്വദര്ശനമ് ॥ ൮ ॥
സ സുദര്ശനനിസ്ത്രിംശഃ സൌതു വസ്തത്ത്വദര്ശനമ് ॥ ൮ ॥
ക്രിയാശക്തിഗുണോ വിഷ്ണോര്യോ ഭവത്യതിശക്തിമാന് ।
അകുണ്ഠശക്തിഃ സാ ശക്തിരശക്തിം വാരയേത വഃ ॥ ൯ ॥
അകുണ്ഠശക്തിഃ സാ ശക്തിരശക്തിം വാരയേത വഃ ॥ ൯ ॥
താരത്വം യസ്യ സംസ്ഥാനേ ശബ്ദേ ച പരിദൃശ്യതേ ।
പ്രഭോഃ പ്രഹരണേന്ദ്രസ്യ പാഞ്ചജന്യഃ സ പാതു വഃ ॥ ൧൦ ॥
പ്രഭോഃ പ്രഹരണേന്ദ്രസ്യ പാഞ്ചജന്യഃ സ പാതു വഃ ॥ ൧൦ ॥
യം സാത്ത്വികമഹങ്കാരമാമനന്ത്യക്ഷസായകമ് ।
അവ്യാദ്വശ്ചക്രരൂപസ്യ തദ്ധനുഃ ശാര്ങ്ഗധന്വനഃ ॥ ൧൧ ॥
അവ്യാദ്വശ്ചക്രരൂപസ്യ തദ്ധനുഃ ശാര്ങ്ഗധന്വനഃ ॥ ൧൧ ॥
ആയുധേന്ദ്രേണ യേനൈവ വിശ്വസര്ഗോ വിരച്യതേ ।
സ വഃ സൌദര്ശനഃ കുര്യാത് പാശഃ പാശവിമോചനമ് ॥ ൧൨ ॥
സ വഃ സൌദര്ശനഃ കുര്യാത് പാശഃ പാശവിമോചനമ് ॥ ൧൨ ॥
വിഹാരോ യേന ദേവസ്യ വിശ്വക്ഷേത്രകൃഷീവലഃ ।
വ്യജ്യതേ തേന സീരേണ നാസീരവിജയോഽസ്തു വഃ ॥ ൧൩ ॥
വ്യജ്യതേ തേന സീരേണ നാസീരവിജയോഽസ്തു വഃ ॥ ൧൩ ॥
ആയുധാനാമഹം വജ്രം ഇത്യഗീയത യഃ സ വഃ ।
അവ്യാദ്ധേതീശവജ്രോഽസാവദധീച്യസ്ഥിസമ്ഭവഃ ॥ ൧൪ ॥
അവ്യാദ്ധേതീശവജ്രോഽസാവദധീച്യസ്ഥിസമ്ഭവഃ ॥ ൧൪ ॥
വിശ്വസംഹൃതിശക്തിര്യാ വിശ്രുതാ ബുദ്ധിരൂപിണീ ।
സാ വഃ സൌദര്ശനീ ഭൂയാദ്ഗദപ്രശമനീ ഗദാ ॥ ൧൫ ॥
സാ വഃ സൌദര്ശനീ ഭൂയാദ്ഗദപ്രശമനീ ഗദാ ॥ ൧൫ ॥
യാത്യതിക്ഷോദശാലിത്വം മുസലോ യേന തേന വഃ ।
ഹേതീശമുസലേനാശു ഭിദ്യതാം മോഹമൌസലമ് ॥ ൧൬ ॥
ഹേതീശമുസലേനാശു ഭിദ്യതാം മോഹമൌസലമ് ॥ ൧൬ ॥
ശൂലിദൃഷ്ടമനോര്വാച്യോ യേന ശൂലയതി ദ്വിഷഃ ।
ഭവതാം തേന ഭവതാത് ത്രിശൂലേന വിശൂലതാ ॥ ൧൭ ॥
ഭവതാം തേന ഭവതാത് ത്രിശൂലേന വിശൂലതാ ॥ ൧൭ ॥
അസ്ത്രഗ്രാമസ്യ കൃത്സ്നസ്യ പ്രസൂതിം യം പ്രചക്ഷതേ ।
സോഽവ്യാത് സുദര്ശനോ വിശ്വം ആയുധൈഃ ഷോഡശായുധഃ ॥ ൧൮ ॥
സോഽവ്യാത് സുദര്ശനോ വിശ്വം ആയുധൈഃ ഷോഡശായുധഃ ॥ ൧൮ ॥
ശ്രീമദ്വേങ്കടനാഥേന ശ്രേയസേ ഭൂയസേ സതാമ് ।
കൃതേയമായുധേന്ദ്രസ്യ ഷോഡശായുധസംസ്തുതിഃ ॥ ൧൯ ॥
കൃതേയമായുധേന്ദ്രസ്യ ഷോഡശായുധസംസ്തുതിഃ ॥ ൧൯ ॥
॥ ഇതി ശ്രീവേദാന്തദേശിക വിരചിതം ഷോഡശായുധ സ്തോത്രമ് സമ്പൂര്ണമ് ॥