শ্ৰীকৃষ্ণায নমঃ ॥
শ্ৰীগোপীজনৱল্লভায নমঃ ॥
অথ ৱিনিযোগঃ ওঁ অস্য শ্ৰীসুদৰ্শনকৱচমহামন্ত্ৰস্য নাৰাযণঋষিঃ । শ্ৰীসুদৰ্শনো দেৱতা ॥ গাযত্ৰী ছন্দঃ ॥ দুষ্টং দাৰযতীতি কীলকম্ ॥ হন হন দ্ৱিষ ইতি বীজম্ ॥ সৰ্ৱশত্ৰুক্ষযাৰ্থে সুদৰ্শনস্তোত্ৰপাঠে ৱিনিযোগঃ ॥
ওঁ ৱৈষ্ণৱানাং হি ৰক্ষাৰ্থং শ্ৰীৱল্লভনিৰূপিতঃ । সুদৰ্শনমহামন্ত্ৰো ৱৈষ্ণৱানাং হিতাৱহঃ ॥ ১॥
যন্ত্ৰমধ্যে নিৰূপ্যন্তে চক্ৰাকাৰং চ লিখ্যতে । উত্তৰাগৰ্ভৰক্ষা চ পৰীক্ষিতহিতে ৰতঃ ॥ ২॥
ব্ৰহ্মাস্ত্ৰৱাৰণং চৈৱ ভক্তানাং ভযভঞ্জনঃ । ৱধং চ দুষ্টদৈত্যানাং খণ্ডং খণ্ডং চ কাৰকঃ ॥ ৩॥
ৱৈষ্ণৱানাং হিতাৰ্থায চক্ৰং ধাৰযতে হৰিঃ । পীতাম্বৰঃ পৰব্ৰহ্ম ৱনমালী গদাধৰঃ ॥ ৪॥
কোটিকন্দৰ্পলাৱণ্যো গোপিকাপ্ৰাণৱল্লভঃ । শ্ৰীৱল্লভঃ কৃপানাথো গিৰিধৃক্ শত্ৰুমৰ্দনঃ ॥ ৫॥
দাৱাগ্নিপানকৰ্তা চ গোপীভযনিৱাৰকঃ । গাপালো গোপকন্যাভিঃ সমাৱৃত্তোঽধিতিষ্ঠতে ॥ ৬॥
ৱ্ৰজমণ্ডলপ্ৰকাশী চ ৰামকৃষ্ণজগন্মযঃ । গো-গোপিকাসমাকীৰ্ণো ৱেণুৱাদনতত্পৰঃ ॥ ৭॥
কামৰূপী কলাৱাংশ্চ কামিন্যাং কামদো ৱিভুঃ । মন্মথো মথুৰানাথো মাধৱো মকৰধ্ৱজঃ ॥ ৮॥
শ্ৰীধৰঃ শ্ৰীকৰশ্চৈৱ শ্ৰীনিৱাসঃ সতাং গতিঃ । ভুক্তিদো মুক্তিদো ৱিষ্ণুৰ্ভূধৰো ভূতভাৱনঃ ॥ ৯॥
সৰ্ৱদুঃখহৰো ৱীৰো দুষ্টদৈত্যৱিনাশকঃ । শ্ৰীনৃসিংহো মহাৱিষ্ণুঃ শ্ৰীনিৱাসঃ সতাং গতিঃ ॥ ১০॥
চিদানন্দমযো নিত্যঃ পূৰ্ণব্ৰহ্মসনাতনঃ । কোটিভানুপ্ৰাকাশী চ নিশ্চিতাৰ্থস্ৱৰূপকঃ ॥ ১১॥
ভক্তপ্ৰিযঃ পদ্মনেত্ৰো ভক্তানাং ৱাঞ্ছিতপ্ৰদঃ । হৃদি কৃষ্ণো মুখে কৃষ্ণো নেত্ৰে কৃষ্ণশ্চ কৰ্ণযোঃ ॥ ১২॥
ভক্তিপ্ৰিযশ্চ শ্ৰীকৃষ্ণঃ সৰ্ৱং কৃষ্ণমযং জগত্ । কালমৃত্যুযমাহূতং ভূতপ্ৰেতো ন দৃশ্যতে ॥ ১৩॥
পিশাচা ৰাক্ষসাশ্চৈৱ হৃদি ৰোগাশ্চ দাৰুণাঃ । ভূচৰাঃ খেচৰাঃ সৰ্ৱে ডাকিনী শাকিনী তথা ॥ ১৪॥
নাটকং চেটকং চৈৱ ছলং ছিদ্ৰং ন দৃশ্যতে । অকালে মৰণং তস্য শোকদুঃখং ন লভ্যতে ॥ ১৫॥
সৰ্ৱৱিঘ্নং ক্ষযং যাতি ৰক্ষ মে গোপিকাপ্ৰিয । ভযদাৱাগ্নিচৌৰাণাং ৱিগ্ৰহে ৰাজসঙ্কটে ॥ ১৬॥
ৱ্যাল-ৱ্যাঘ্ৰ-মহাশত্ৰু-ৱৈৰিবন্ধো ন লভ্যতে । আধিৱ্যাধিহৰশ্চৈৱ গ্ৰহপীডা-ৱিনাশনম্ ॥ ১৭॥
ইমে সপ্তশশ্লোকা যন্ত্ৰমধ্যে চ লিখ্যতে । ৱংশৱৃদ্ধিৰ্ভৱেত্তস্য শ্ৰোতা চ ফলমাপ্নুযাত্ ॥ ১৮॥
কৃষ্ণাষ্টমীং সমাৰভ্য যাৱতকৃষ্ণাষ্টমী ভৱেত্ । দেৱং ধ্যাত্ৱা জপেন্মত্ৰমযুতানাং চতুষ্টযম্ ॥ ১৯॥
ৱৈষ্ণৱানাং হি ৰক্ষাৰ্থং ৱৈষ্ণৱানাং হিতায চ । সুদৰ্শনমহামন্ত্ৰো লভতে জযমঙ্গলম্ । সৰ্ৱপাপহৰ কৃষ্ণ ত্ৱামহং শৰণং গতঃ ॥ ২০॥
ইতি শ্ৰীমদ্ৱল্লভাচাৰ্যচৰণৱিৰচিতং শ্ৰীসুদৰ্শনকৱচং সম্পূৰ্ণম্ ॥