ಶ್ರೀಕೃಷ್ಣಾಯ ನಮಃ ॥
ಶ್ರೀಗೋಪೀಜನವಲ್ಲಭಾಯ ನಮಃ ॥
ಅಥ ವಿನಿಯೋಗಃ ಓಂ ಅಸ್ಯ ಶ್ರೀಸುದರ್ಶನಕವಚಮಹಾಮನ್ತ್ರಸ್ಯ ನಾರಾಯಣಋಷಿಃ । ಶ್ರೀಸುದರ್ಶನೋ ದೇವತಾ ॥ ಗಾಯತ್ರೀ ಛನ್ದಃ ॥ ದುಷ್ಟಂ ದಾರಯತೀತಿ ಕೀಲಕಮ್ ॥ ಹನ ಹನ ದ್ವಿಷ ಇತಿ ಬೀಜಮ್ ॥ ಸರ್ವಶತ್ರುಕ್ಷಯಾರ್ಥೇ ಸುದರ್ಶನಸ್ತೋತ್ರಪಾಠೇ ವಿನಿಯೋಗಃ ॥
ಓಂ ವೈಷ್ಣವಾನಾಂ ಹಿ ರಕ್ಷಾರ್ಥಂ ಶ್ರೀವಲ್ಲಭನಿರೂಪಿತಃ । ಸುದರ್ಶನಮಹಾಮನ್ತ್ರೋ ವೈಷ್ಣವಾನಾಂ ಹಿತಾವಹಃ ॥ ೧॥
ಯನ್ತ್ರಮಧ್ಯೇ ನಿರೂಪ್ಯನ್ತೇ ಚಕ್ರಾಕಾರಂ ಚ ಲಿಖ್ಯತೇ । ಉತ್ತರಾಗರ್ಭರಕ್ಷಾ ಚ ಪರೀಕ್ಷಿತಹಿತೇ ರತಃ ॥ ೨॥
ಬ್ರಹ್ಮಾಸ್ತ್ರವಾರಣಂ ಚೈವ ಭಕ್ತಾನಾಂ ಭಯಭಞ್ಜನಃ । ವಧಂ ಚ ದುಷ್ಟದೈತ್ಯಾನಾಂ ಖಣ್ಡಂ ಖಣ್ಡಂ ಚ ಕಾರಕಃ ॥ ೩॥
ವೈಷ್ಣವಾನಾಂ ಹಿತಾರ್ಥಾಯ ಚಕ್ರಂ ಧಾರಯತೇ ಹರಿಃ । ಪೀತಾಮ್ಬರಃ ಪರಬ್ರಹ್ಮ ವನಮಾಲೀ ಗದಾಧರಃ ॥ ೪॥
ಕೋಟಿಕನ್ದರ್ಪಲಾವಣ್ಯೋ ಗೋಪಿಕಾಪ್ರಾಣವಲ್ಲಭಃ । ಶ್ರೀವಲ್ಲಭಃ ಕೃಪಾನಾಥೋ ಗಿರಿಧೃಕ್ ಶತ್ರುಮರ್ದನಃ ॥ ೫॥
ದಾವಾಗ್ನಿಪಾನಕರ್ತಾ ಚ ಗೋಪೀಭಯನಿವಾರಕಃ । ಗಾಪಾಲೋ ಗೋಪಕನ್ಯಾಭಿಃ ಸಮಾವೃತ್ತೋಽಧಿತಿಷ್ಠತೇ ॥ ೬॥
ವ್ರಜಮಣ್ಡಲಪ್ರಕಾಶೀ ಚ ರಾಮಕೃಷ್ಣಜಗನ್ಮಯಃ । ಗೋ-ಗೋಪಿಕಾಸಮಾಕೀರ್ಣೋ ವೇಣುವಾದನತತ್ಪರಃ ॥ ೭॥
ಕಾಮರೂಪೀ ಕಲಾವಾಂಶ್ಚ ಕಾಮಿನ್ಯಾಂ ಕಾಮದೋ ವಿಭುಃ । ಮನ್ಮಥೋ ಮಥುರಾನಾಥೋ ಮಾಧವೋ ಮಕರಧ್ವಜಃ ॥ ೮॥
ಶ್ರೀಧರಃ ಶ್ರೀಕರಶ್ಚೈವ ಶ್ರೀನಿವಾಸಃ ಸತಾಂ ಗತಿಃ । ಭುಕ್ತಿದೋ ಮುಕ್ತಿದೋ ವಿಷ್ಣುರ್ಭೂಧರೋ ಭೂತಭಾವನಃ ॥ ೯॥
ಸರ್ವದುಃಖಹರೋ ವೀರೋ ದುಷ್ಟದೈತ್ಯವಿನಾಶಕಃ । ಶ್ರೀನೃಸಿಂಹೋ ಮಹಾವಿಷ್ಣುಃ ಶ್ರೀನಿವಾಸಃ ಸತಾಂ ಗತಿಃ ॥ ೧೦॥
ಚಿದಾನನ್ದಮಯೋ ನಿತ್ಯಃ ಪೂರ್ಣಬ್ರಹ್ಮಸನಾತನಃ । ಕೋಟಿಭಾನುಪ್ರಾಕಾಶೀ ಚ ನಿಶ್ಚಿತಾರ್ಥಸ್ವರೂಪಕಃ ॥ ೧೧॥
ಭಕ್ತಪ್ರಿಯಃ ಪದ್ಮನೇತ್ರೋ ಭಕ್ತಾನಾಂ ವಾಞ್ಛಿತಪ್ರದಃ । ಹೃದಿ ಕೃಷ್ಣೋ ಮುಖೇ ಕೃಷ್ಣೋ ನೇತ್ರೇ ಕೃಷ್ಣಶ್ಚ ಕರ್ಣಯೋಃ ॥ ೧೨॥
ಭಕ್ತಿಪ್ರಿಯಶ್ಚ ಶ್ರೀಕೃಷ್ಣಃ ಸರ್ವಂ ಕೃಷ್ಣಮಯಂ ಜಗತ್ । ಕಾಲಮೃತ್ಯುಯಮಾಹೂತಂ ಭೂತಪ್ರೇತೋ ನ ದೃಶ್ಯತೇ ॥ ೧೩॥
ಪಿಶಾಚಾ ರಾಕ್ಷಸಾಶ್ಚೈವ ಹೃದಿ ರೋಗಾಶ್ಚ ದಾರುಣಾಃ । ಭೂಚರಾಃ ಖೇಚರಾಃ ಸರ್ವೇ ಡಾಕಿನೀ ಶಾಕಿನೀ ತಥಾ ॥ ೧೪॥
ನಾಟಕಂ ಚೇಟಕಂ ಚೈವ ಛಲಂ ಛಿದ್ರಂ ನ ದೃಶ್ಯತೇ । ಅಕಾಲೇ ಮರಣಂ ತಸ್ಯ ಶೋಕದುಃಖಂ ನ ಲಭ್ಯತೇ ॥ ೧೫॥
ಸರ್ವವಿಘ್ನಂ ಕ್ಷಯಂ ಯಾತಿ ರಕ್ಷ ಮೇ ಗೋಪಿಕಾಪ್ರಿಯ । ಭಯದಾವಾಗ್ನಿಚೌರಾಣಾಂ ವಿಗ್ರಹೇ ರಾಜಸಙ್ಕಟೇ ॥ ೧೬॥
ವ್ಯಾಲ-ವ್ಯಾಘ್ರ-ಮಹಾಶತ್ರು-ವೈರಿಬನ್ಧೋ ನ ಲಭ್ಯತೇ । ಆಧಿವ್ಯಾಧಿಹರಶ್ಚೈವ ಗ್ರಹಪೀಡಾ-ವಿನಾಶನಮ್ ॥ ೧೭॥
ಇಮೇ ಸಪ್ತಶಶ್ಲೋಕಾ ಯನ್ತ್ರಮಧ್ಯೇ ಚ ಲಿಖ್ಯತೇ । ವಂಶವೃದ್ಧಿರ್ಭವೇತ್ತಸ್ಯ ಶ್ರೋತಾ ಚ ಫಲಮಾಪ್ನುಯಾತ್ ॥ ೧೮॥
ಕೃಷ್ಣಾಷ್ಟಮೀಂ ಸಮಾರಭ್ಯ ಯಾವತಕೃಷ್ಣಾಷ್ಟಮೀ ಭವೇತ್ । ದೇವಂ ಧ್ಯಾತ್ವಾ ಜಪೇನ್ಮತ್ರಮಯುತಾನಾಂ ಚತುಷ್ಟಯಮ್ ॥ ೧೯॥
ವೈಷ್ಣವಾನಾಂ ಹಿ ರಕ್ಷಾರ್ಥಂ ವೈಷ್ಣವಾನಾಂ ಹಿತಾಯ ಚ । ಸುದರ್ಶನಮಹಾಮನ್ತ್ರೋ ಲಭತೇ ಜಯಮಙ್ಗಲಮ್ । ಸರ್ವಪಾಪಹರ ಕೃಷ್ಣ ತ್ವಾಮಹಂ ಶರಣಂ ಗತಃ ॥ ೨೦॥
ಇತಿ ಶ್ರೀಮದ್ವಲ್ಲಭಾಚಾರ್ಯಚರಣವಿರಚಿತಂ ಶ್ರೀಸುದರ್ಶನಕವಚಂ ಸಮ್ಪೂರ್ಣಮ್ ॥