શ્રીકૃષ્ણાય નમઃ ॥
શ્રીગોપીજનવલ્લભાય નમઃ ॥
અથ વિનિયોગઃ ૐ અસ્ય શ્રીસુદર્શનકવચમહામન્ત્રસ્ય નારાયણઋષિઃ । શ્રીસુદર્શનો દેવતા ॥ ગાયત્રી છન્દઃ ॥ દુષ્ટં દારયતીતિ કીલકમ્ ॥ હન હન દ્વિષ ઇતિ બીજમ્ ॥ સર્વશત્રુક્ષયાર્થે સુદર્શનસ્તોત્રપાઠે વિનિયોગઃ ॥
ૐ વૈષ્ણવાનાં હિ રક્ષાર્થં શ્રીવલ્લભનિરૂપિતઃ । સુદર્શનમહામન્ત્રો વૈષ્ણવાનાં હિતાવહઃ ॥ ૧॥
યન્ત્રમધ્યે નિરૂપ્યન્તે ચક્રાકારં ચ લિખ્યતે । ઉત્તરાગર્ભરક્ષા ચ પરીક્ષિતહિતે રતઃ ॥ ૨॥
બ્રહ્માસ્ત્રવારણં ચૈવ ભક્તાનાં ભયભઞ્જનઃ । વધં ચ દુષ્ટદૈત્યાનાં ખણ્ડં ખણ્ડં ચ કારકઃ ॥ ૩॥
વૈષ્ણવાનાં હિતાર્થાય ચક્રં ધારયતે હરિઃ । પીતામ્બરઃ પરબ્રહ્મ વનમાલી ગદાધરઃ ॥ ૪॥
કોટિકન્દર્પલાવણ્યો ગોપિકાપ્રાણવલ્લભઃ । શ્રીવલ્લભઃ કૃપાનાથો ગિરિધૃક્ શત્રુમર્દનઃ ॥ ૫॥
દાવાગ્નિપાનકર્તા ચ ગોપીભયનિવારકઃ । ગાપાલો ગોપકન્યાભિઃ સમાવૃત્તોઽધિતિષ્ઠતે ॥ ૬॥
વ્રજમણ્ડલપ્રકાશી ચ રામકૃષ્ણજગન્મયઃ । ગો-ગોપિકાસમાકીર્ણો વેણુવાદનતત્પરઃ ॥ ૭॥
કામરૂપી કલાવાંશ્ચ કામિન્યાં કામદો વિભુઃ । મન્મથો મથુરાનાથો માધવો મકરધ્વજઃ ॥ ૮॥
શ્રીધરઃ શ્રીકરશ્ચૈવ શ્રીનિવાસઃ સતાં ગતિઃ । ભુક્તિદો મુક્તિદો વિષ્ણુર્ભૂધરો ભૂતભાવનઃ ॥ ૯॥
સર્વદુઃખહરો વીરો દુષ્ટદૈત્યવિનાશકઃ । શ્રીનૃસિંહો મહાવિષ્ણુઃ શ્રીનિવાસઃ સતાં ગતિઃ ॥ ૧૦॥
ચિદાનન્દમયો નિત્યઃ પૂર્ણબ્રહ્મસનાતનઃ । કોટિભાનુપ્રાકાશી ચ નિશ્ચિતાર્થસ્વરૂપકઃ ॥ ૧૧॥
ભક્તપ્રિયઃ પદ્મનેત્રો ભક્તાનાં વાઞ્છિતપ્રદઃ । હૃદિ કૃષ્ણો મુખે કૃષ્ણો નેત્રે કૃષ્ણશ્ચ કર્ણયોઃ ॥ ૧૨॥
ભક્તિપ્રિયશ્ચ શ્રીકૃષ્ણઃ સર્વં કૃષ્ણમયં જગત્ । કાલમૃત્યુયમાહૂતં ભૂતપ્રેતો ન દૃશ્યતે ॥ ૧૩॥
પિશાચા રાક્ષસાશ્ચૈવ હૃદિ રોગાશ્ચ દારુણાઃ । ભૂચરાઃ ખેચરાઃ સર્વે ડાકિની શાકિની તથા ॥ ૧૪॥
નાટકં ચેટકં ચૈવ છલં છિદ્રં ન દૃશ્યતે । અકાલે મરણં તસ્ય શોકદુઃખં ન લભ્યતે ॥ ૧૫॥
સર્વવિઘ્નં ક્ષયં યાતિ રક્ષ મે ગોપિકાપ્રિય । ભયદાવાગ્નિચૌરાણાં વિગ્રહે રાજસઙ્કટે ॥ ૧૬॥
વ્યાલ-વ્યાઘ્ર-મહાશત્રુ-વૈરિબન્ધો ન લભ્યતે । આધિવ્યાધિહરશ્ચૈવ ગ્રહપીડા-વિનાશનમ્ ॥ ૧૭॥
ઇમે સપ્તશશ્લોકા યન્ત્રમધ્યે ચ લિખ્યતે । વંશવૃદ્ધિર્ભવેત્તસ્ય શ્રોતા ચ ફલમાપ્નુયાત્ ॥ ૧૮॥
કૃષ્ણાષ્ટમીં સમારભ્ય યાવતકૃષ્ણાષ્ટમી ભવેત્ । દેવં ધ્યાત્વા જપેન્મત્રમયુતાનાં ચતુષ્ટયમ્ ॥ ૧૯॥
વૈષ્ણવાનાં હિ રક્ષાર્થં વૈષ્ણવાનાં હિતાય ચ । સુદર્શનમહામન્ત્રો લભતે જયમઙ્ગલમ્ । સર્વપાપહર કૃષ્ણ ત્વામહં શરણં ગતઃ ॥ ૨૦॥
ઇતિ શ્રીમદ્વલ્લભાચાર્યચરણવિરચિતં શ્રીસુદર્શનકવચં સમ્પૂર્ણમ્ ॥