What is Shri Swarnakarshana Bhairava Stotram?

Read Shri Swarnakarshana Bhairava Stotram in Bengali script — full lyrics with English meaning and transliteration. Shri Swarnakarshana Bhairava is a benevolent manifestation of Lord Shiva, revered as the attractor of gold and prosperity. This powerful stotra, derived from the Rudra Yamala Tantra, serves as a sacred sadhana to invoke divine grace for the eradication of poverty and financial distress. By chanting this hymn with devotion, a seeker attracts material abundance, spiritual wealth, and the removal of karmic blockages. It is believed that the blessings of Swarnakarshana Bhairava bestow stability, success in endeavors, and total liberation from the anxieties of worldly sustenance, leading the practitioner toward both prosperity and enlightenment.

Which deity is Shri Swarnakarshana Bhairava Stotram dedicated to?

Shri Swarnakarshana Bhairava Stotram is a Sanskrit hymn dedicated to Lord Bhairava.

Who composed Shri Swarnakarshana Bhairava Stotram?

Shri Swarnakarshana Bhairava Stotram is traditionally attributed to From Rudra Yamala Tantra.

Shri Swarnakarshana Bhairava Stotram in Bengali – Meaning

ওঁ অস্য শ্রী স্বর্ণাকর্ষণ ভৈরব স্তোত্র মহামন্ত্রস্য ব্রহ্ম ঋষিঃ অনুষ্টুপ্ ছন্দঃ শ্রী স্বর্ণাকর্ষণ ভৈরবো দেবতা হ্রীং বীজং ক্লীং শক্তিঃ সঃ কীলকং মম দারিদ্র্য নাশার্থে পাঠে বিনিযোগঃ ॥

ঋষ্যাদি ন্যাসঃ ।
ব্রহ্মর্ষযে নমঃ শিরসি ।
অনুষ্টুপ্ ছন্দসে নমঃ মুখে ।
স্বর্ণাকর্ষণ ভৈরবায নমঃ হৃদি ।
হ্রীং বীজায নমঃ গুহ্যে ।
ক্লীং শক্তযে নমঃ পাদযোঃ ।
সঃ কীলকায নমঃ নাভৌ ।
বিনিযোগায নমঃ সর্বাঙ্গে ।
হ্রাং হ্রীং হ্রূং ইতি কর ষডঙ্গন্যাসঃ ॥

ধ্যানম্ ।
পারিজাতদ্রুম কান্তারে স্থিতে মাণিক্যমণ্ডপে ।
সিংহাসনগতং বন্দে ভৈরবং স্বর্ণদাযকম্ ॥
গাঙ্গেয পাত্রং ডমরূং ত্রিশূলং
বরং করঃ সন্দধতং ত্রিনেত্রম্ ।
দেব্যাযুতং তপ্ত সুবর্ণবর্ণ
স্বর্ণাকর্ষণভৈরবমাশ্রযামি ॥

মন্ত্রঃ ।
ওঁ ঐং হ্রীং শ্রীং ঐং শ্রীং আপদুদ্ধারণায হ্রাং হ্রীং হ্রূং অজামলবধ্যায লোকেশ্বরায স্বর্ণাকর্ষণভৈরবায মম দারিদ্র্য বিদ্বেষণায মহাভৈরবায নমঃ শ্রীং হ্রীং ঐম্ ।

স্তোত্রম্ ।
নমস্তেঽস্তু ভৈরবায ব্রহ্মবিষ্ণুশিবাত্মনে ।
নমস্ত্রৈলোক্যবন্দ্যায বরদায পরাত্মনে ॥ 1 ॥

রত্নসিংহাসনস্থায দিব্যাভরণশোভিনে ।
দিব্যমাল্যবিভূষায নমস্তে দিব্যমূর্তযে ॥ 2 ॥

নমস্তেঽনেকহস্তায হ্যনেকশিরসে নমঃ ।
নমস্তেঽনেকনেত্রায হ্যনেকবিভবে নমঃ ॥ 3 ॥

নমস্তেঽনেককণ্ঠায হ্যনেকাংশায তে নমঃ ।
নমোস্ত্বনেকৈশ্বর্যায হ্যনেকদিব্যতেজসে ॥ 4 ॥

অনেকাযুধযুক্তায হ্যনেকসুরসেবিনে ।
অনেকগুণযুক্তায মহাদেবায তে নমঃ ॥ 5 ॥

নমো দারিদ্র্যকালায মহাসম্পত্প্রদাযিনে ।
শ্রীভৈরবীপ্রযুক্তায ত্রিলোকেশায তে নমঃ ॥ 6 ॥

দিগম্বর নমস্তুভ্যং দিগীশায নমো নমঃ ।
নমোঽস্তু দৈত্যকালায পাপকালায তে নমঃ ॥ 7 ॥

সর্বজ্ঞায নমস্তুভ্যং নমস্তে দিব্যচক্ষুষে ।
অজিতায নমস্তুভ্যং জিতামিত্রায তে নমঃ ॥ 8 ॥

নমস্তে রুদ্রপুত্রায গণনাথায তে নমঃ ।
নমস্তে বীরবীরায মহাবীরায তে নমঃ ॥ 9 ॥

নমোঽস্ত্বনন্তবীর্যায মহাঘোরায তে নমঃ ।
নমস্তে ঘোরঘোরায বিশ্বঘোরায তে নমঃ ॥ 10 ॥

নমঃ উগ্রায শান্তায ভক্তেভ্যঃ শান্তিদাযিনে ।
গুরবে সর্বলোকানাং নমঃ প্রণব রূপিণে ॥ 11 ॥

নমস্তে বাগ্ভবাখ্যায দীর্ঘকামায তে নমঃ ।
নমস্তে কামরাজায যোষিত্কামায তে নমঃ ॥ 12 ॥

দীর্ঘমাযাস্বরূপায মহামাযাপতে নমঃ ।
সৃষ্টিমাযাস্বরূপায বিসর্গায সম্যাযিনে ॥ 13 ॥

রুদ্রলোকেশপূজ্যায হ্যাপদুদ্ধারণায চ ।
নমোঽজামলবদ্ধায সুবর্ণাকর্ষণায তে ॥ 14 ॥

নমো নমো ভৈরবায মহাদারিদ্র্যনাশিনে ।
উন্মূলনকর্মঠায হ্যলক্ষ্ম্যা সর্বদা নমঃ ॥ 15 ॥

নমো লোকত্রযেশায স্বানন্দনিহিতায তে ।
নমঃ শ্রীবীজরূপায সর্বকামপ্রদাযিনে ॥ 16 ॥

নমো মহাভৈরবায শ্রীরূপায নমো নমঃ ।
ধনাধ্যক্ষ নমস্তুভ্যং শরণ্যায নমো নমঃ ॥ 17 ॥

নমঃ প্রসন্নরূপায হ্যাদিদেবায তে নমঃ ।
নমস্তে মন্ত্ররূপায নমস্তে রত্নরূপিণে ॥ 18 ॥

নমস্তে স্বর্ণরূপায সুবর্ণায নমো নমঃ ।
নমঃ সুবর্ণবর্ণায মহাপুণ্যায তে নমঃ ॥ 19 ॥

নমঃ শুদ্ধায বুদ্ধায নমঃ সংসারতারিণে ।
নমো দেবায গুহ্যায প্রবলায নমো নমঃ ॥ 20 ॥

নমস্তে বলরূপায পরেষাং বলনাশিনে ।
নমস্তে স্বর্গসংস্থায নমো ভূর্লোকবাসিনে ॥ 21 ॥

নমঃ পাতালবাসায নিরাধারায তে নমঃ ।
নমো নমঃ স্বতন্ত্রায হ্যনন্তায নমো নমঃ ॥ 22 ॥

দ্বিভুজায নমস্তুভ্যং ভুজত্রযসুশোভিনে ।
নমোঽণিমাদিসিদ্ধায স্বর্ণহস্তায তে নমঃ ॥ 23 ॥

পূর্ণচন্দ্রপ্রতীকাশবদনাম্ভোজশোভিনে ।
নমস্তে স্বর্ণরূপায স্বর্ণালঙ্কারশোভিনে ॥ 24 ॥

নমঃ স্বর্ণাকর্ষণায স্বর্ণাভায চ তে নমঃ ।
নমস্তে স্বর্ণকণ্ঠায স্বর্ণালঙ্কারধারিণে ॥ 25 ॥

স্বর্ণসিংহাসনস্থায স্বর্ণপাদায তে নমঃ ।
নমঃ স্বর্ণাভপারায স্বর্ণকাঞ্চীসুশোভিনে ॥ 26 ॥

নমস্তে স্বর্ণজঙ্ঘায ভক্তকামদুঘাত্মনে ।
নমস্তে স্বর্ণভক্তানাং কল্পবৃক্ষস্বরূপিণে ॥ 27 ॥

চিন্তামণিস্বরূপায নমো ব্রহ্মাদিসেবিনে ।
কল্পদ্রুমাধঃসংস্থায বহুস্বর্ণপ্রদাযিনে ॥ 28 ॥

নমো হেমাদিকর্ষায ভৈরবায নমো নমঃ ।
স্তবেনানেন সন্তুষ্টো ভব লোকেশভৈরব ॥ 29 ॥

পশ্য মাং করুণাবিষ্ট শরণাগতবত্সল ।
শ্রীভৈরব ধনাধ্যক্ষ শরণং ত্বাং ভজাম্যহম্ ।
প্রসীদ সকলান্ কামান্ প্রযচ্ছ মম সর্বদা ॥ 30 ॥

ফলশ্রুতিঃ
শ্রীমহাভৈরবস্যেদং স্তোত্রসূক্তং সুদুর্লভম্ ।
মন্ত্রাত্মকং মহাপুণ্যং সর্বৈশ্বর্যপ্রদাযকম্ ॥ 31 ॥

যঃ পঠেন্নিত্যমেকাগ্রং পাতকৈঃ স বিমুচ্যতে ।
লভতে চামলালক্ষ্মীমষ্টৈশ্বর্যমবাপ্নুযাত্ ॥ 32 ॥

চিন্তামণিমবাপ্নোতি ধেনু কল্পতরুং ধৃবম্ ।
স্বর্ণরাশিমবাপ্নোতি সিদ্ধিমেব স মানবঃ ॥ 33 ॥

সন্ধ্যাযাং যঃ পঠেত্ স্তোত্রং দশাবৃত্যা নরোত্তমৈঃ ।
স্বপ্নে শ্রীভৈরবস্তস্য সাক্ষাদ্ভূত্বা জগদ্গুরুঃ ॥ 34 ॥

স্বর্ণরাশি দদাত্যেব তত্ক্ষণান্নাস্তি সংশযঃ ।
সর্বদা যঃ পঠেত্ স্তোত্রং ভৈরবস্য মহাত্মনঃ ॥ 35 ॥

লোকত্রযং বশীকুর্যাদচলাং শ্রিযমবাপ্নুযাত্ ।
ন ভযং লভতে ক্বাপি বিঘ্নভূতাদিসম্ভব ॥ 36 ॥

ম্রিযন্তে শত্রবোঽবশ্যমলক্ষ্মীনাশমাপ্নুযাত্ ।
অক্ষযং লভতে সৌখ্যং সর্বদা মানবোত্তমঃ ॥ 37 ॥

অষ্টপঞ্চাশতাণঢ্যো মন্ত্ররাজঃ প্রকীর্তিতঃ ।
দারিদ্র্যদুঃখশমনং স্বর্ণাকর্ষণকারকঃ ॥ 38 ॥

য যেন সঞ্জপেত্ ধীমান্ স্তোত্রং বা প্রপঠেত্ সদা ।
মহাভৈরবসাযুজ্যং স্বান্তকালে ভবেদ্ধ্রুবম্ ॥ 39 ॥

শ্রী স্বর্ণ আকর্ষণ ভৈরব স্তোত্রম্

Explore More

More Bhairava Stotras

Explore More