ଶ୍ରୀ ସ୍ଵର୍ଣ ଆକର୍ଷଣ ଭୈରଵ ସ୍ତୋତ୍ରମ୍

ଓଁ ଅସ୍ଯ ଶ୍ରୀ ସ୍ଵର୍ଣାକର୍ଷଣ ଭୈରଵ ସ୍ତୋତ୍ର ମହାମନ୍ତ୍ରସ୍ଯ ବ୍ରହ୍ମ ଋଷିଃ ଅନୁଷ୍ଟୁପ୍ ଛନ୍ଦଃ ଶ୍ରୀ ସ୍ଵର୍ଣାକର୍ଷଣ ଭୈରଵୋ ଦେଵତା ହ୍ରୀଂ ବୀଜଂ କ୍ଲୀଂ ଶକ୍ତିଃ ସଃ କୀଲକଂ ମମ ଦାରିଦ୍ର୍ଯ ନାଶାର୍ଥେ ପାଠେ ଵିନିଯୋଗଃ ॥
ଋଷ୍ଯାଦି ନ୍ଯାସଃ ।
ବ୍ରହ୍ମର୍ଷଯେ ନମଃ ଶିରସି ।
ଅନୁଷ୍ଟୁପ୍ ଛନ୍ଦସେ ନମଃ ମୁଖେ ।
ସ୍ଵର୍ଣାକର୍ଷଣ ଭୈରଵାଯ ନମଃ ହୃଦି ।
ହ୍ରୀଂ ବୀଜାଯ ନମଃ ଗୁହ୍ଯେ ।
କ୍ଲୀଂ ଶକ୍ତଯେ ନମଃ ପାଦଯୋଃ ।
ସଃ କୀଲକାଯ ନମଃ ନାଭୌ ।
ଵିନିଯॊଗାଯ ନମଃ ସର୍ଵାଙ୍ଗେ ।
ହ୍ରାଂ ହ୍ରୀଂ ହ୍ରୂଂ ଇତି କର ଷଡଙ୍ଗନ୍ଯାସଃ ॥
ଧ୍ଯାନମ୍ ।
ପାରିଜାତଦ୍ରୁମ କାନ୍ତାରେ ସ୍ଥିତେ ମାଣିକ୍ଯମଣ୍ଡପେ ।
ସିଂହାସନଗତଂ ଵନ୍ଦେ ଭୈରଵଂ ସ୍ଵର୍ଣଦାଯକମ୍ ॥
ଗାଙ୍ଗେଯ ପାତ୍ରଂ ଡମରୂଂ ତ୍ରିଶୂଲଂ
ଵରଂ କରଃ ସନ୍ଦଧତଂ ତ୍ରିନେତ୍ରମ୍ ।
ଦେଵ୍ଯାଯୁତଂ ତପ୍ତ ସୁଵର୍ଣଵର୍ଣ
ସ୍ଵର୍ଣାକର୍ଷଣଭୈରଵମାଶ୍ରଯାମି ॥
ମନ୍ତ୍ରଃ ।
ଓଁ ଐଂ ହ୍ରୀଂ ଶ୍ରୀଂ ଐଂ ଶ୍ରୀଂ ଆପଦୁଦ୍ଧାରଣାଯ ହ୍ରାଂ ହ୍ରୀଂ ହ୍ରୂଂ ଅଜାମଲଵଧ୍ଯାଯ ଲୋକେଶ୍ଵରାଯ ସ୍ଵର୍ଣାକର୍ଷଣଭୈରଵାଯ ମମ ଦାରିଦ୍ର୍ଯ ଵିଦ୍ଵେଷଣାଯ ମହାଭୈରଵାଯ ନମଃ ଶ୍ରୀଂ ହ୍ରୀଂ ଐମ୍ ।
ସ୍ତୋତ୍ରମ୍ ।
ନମସ୍ତେଽସ୍ତୁ ଭୈରଵାଯ ବ୍ରହ୍ମଵିଷ୍ଣୁଶିଵାତ୍ମନେ ।
ନମସ୍ତ୍ରୈଲୋକ୍ଯଵନ୍ଦ୍ଯାଯ ଵରଦାଯ ପରାତ୍ମନେ ॥ 1 ॥

ରତ୍ନସିଂହାସନସ୍ଥାଯ ଦିଵ୍ଯାଭରଣଶୋଭିନେ ।
ଦିଵ୍ଯମାଲ୍ଯଵିଭୂଷାଯ ନମସ୍ତେ ଦିଵ୍ଯମୂର୍ତଯେ ॥ 2 ॥

ନମସ୍ତେଽନେକହସ୍ତାଯ ହ୍ଯନେକଶିରସେ ନମଃ ।
ନମସ୍ତେଽନେକନେତ୍ରାଯ ହ୍ଯନେକଵିଭଵେ ନମଃ ॥ 3 ॥

ନମସ୍ତେଽନେକକଣ୍ଠାଯ ହ୍ଯନେକାଂଶାଯ ତେ ନମଃ ।
ନମୋସ୍ତ୍ଵନେକୈଶ୍ଵର୍ଯାଯ ହ୍ଯନେକଦିଵ୍ଯତେଜସେ ॥ 4 ॥

ଅନେକାଯୁଧଯୁକ୍ତାଯ ହ୍ଯନେକସୁରସେଵିନେ ।
ଅନେକଗୁଣଯୁକ୍ତାଯ ମହାଦେଵାଯ ତେ ନମଃ ॥ 5 ॥

ନମୋ ଦାରିଦ୍ର୍ଯକାଲାଯ ମହାସମ୍ପତ୍ପ୍ରଦାଯିନେ ।
ଶ୍ରୀଭୈରଵୀପ୍ରଯୁକ୍ତାଯ ତ୍ରିଲୋକେଶାଯ ତେ ନମଃ ॥ 6 ॥

ଦିଗମ୍ବର ନମସ୍ତୁଭ୍ଯଂ ଦିଗୀଶାଯ ନମୋ ନମଃ ।
ନମୋଽସ୍ତୁ ଦୈତ୍ଯକାଲାଯ ପାପକାଲାଯ ତେ ନମଃ ॥ 7 ॥

ସର୍ଵଜ୍ଞାଯ ନମସ୍ତୁଭ୍ଯଂ ନମସ୍ତେ ଦିଵ୍ଯଚକ୍ଷୁଷେ ।
ଅଜିତାଯ ନମସ୍ତୁଭ୍ଯଂ ଜିତାମିତ୍ରାଯ ତେ ନମଃ ॥ 8 ॥

ନମସ୍ତେ ରୁଦ୍ରପୁତ୍ରାଯ ଗଣନାଥାଯ ତେ ନମଃ ।
ନମସ୍ତେ ଵୀରଵୀରାଯ ମହାଵୀରାଯ ତେ ନମଃ ॥ 9 ॥

ନମୋଽସ୍ତ୍ଵନନ୍ତଵୀର୍ଯାଯ ମହାଘୋରାଯ ତେ ନମଃ ।
ନମସ୍ତେ ଘୋରଘୋରାଯ ଵିଶ୍ଵଘୋରାଯ ତେ ନମଃ ॥ 10 ॥

ନମଃ ଉଗ୍ରାଯ ଶାନ୍ତାଯ ଭକ୍ତେଭ୍ଯଃ ଶାନ୍ତିଦାଯିନେ ।
ଗୁରଵେ ସର୍ଵଲୋକାନାଂ ନମଃ ପ୍ରଣଵ ରୂପିଣେ ॥ 11 ॥

ନମସ୍ତେ ଵାଗ୍ଭଵାଖ୍ଯାଯ ଦୀର୍ଘକାମାଯ ତେ ନମଃ ।
ନମସ୍ତେ କାମରାଜାଯ ଯୋଷିତ୍କାମାଯ ତେ ନମଃ ॥ 12 ॥

ଦୀର୍ଘମାଯାସ୍ଵରୂପାଯ ମହାମାଯାପତେ ନମଃ ।
ସୃଷ୍ଟିମାଯାସ୍ଵରୂପାଯ ଵିସର୍ଗାଯ ସମ୍ଯାଯିନେ ॥ 13 ॥

ରୁଦ୍ରଲୋକେଶପୂଜ୍ଯାଯ ହ୍ଯାପଦୁଦ୍ଧାରଣାଯ ଚ ।
ନମୋଽଜାମଲବଦ୍ଧାଯ ସୁଵର୍ଣାକର୍ଷଣାଯ ତେ ॥ 14 ॥

ନମୋ ନମୋ ଭୈରଵାଯ ମହାଦାରିଦ୍ର୍ଯନାଶିନେ ।
ଉନ୍ମୂଲନକର୍ମଠାଯ ହ୍ଯଲକ୍ଷ୍ମ୍ଯା ସର୍ଵଦା ନମଃ ॥ 15 ॥

ନମୋ ଲୋକତ୍ରଯେଶାଯ ସ୍ଵାନନ୍ଦନିହିତାଯ ତେ ।
ନମଃ ଶ୍ରୀବୀଜରୂପାଯ ସର୍ଵକାମପ୍ରଦାଯିନେ ॥ 16 ॥

ନମୋ ମହାଭୈରଵାଯ ଶ୍ରୀରୂପାଯ ନମୋ ନମଃ ।
ଧନାଧ୍ଯକ୍ଷ ନମସ୍ତୁଭ୍ଯଂ ଶରଣ୍ଯାଯ ନମୋ ନମଃ ॥ 17 ॥

ନମଃ ପ୍ରସନ୍ନରୂପାଯ ହ୍ଯାଦିଦେଵାଯ ତେ ନମଃ ।
ନମସ୍ତେ ମନ୍ତ୍ରରୂପାଯ ନମସ୍ତେ ରତ୍ନରୂପିଣେ ॥ 18 ॥

ନମସ୍ତେ ସ୍ଵର୍ଣରୂପାଯ ସୁଵର୍ଣାଯ ନମୋ ନମଃ ।
ନମଃ ସୁଵର୍ଣଵର୍ଣାଯ ମହାପୁଣ୍ଯାଯ ତେ ନମଃ ॥ 19 ॥

ନମଃ ଶୁଦ୍ଧାଯ ବୁଦ୍ଧାଯ ନମଃ ସଂସାରତାରିଣେ ।
ନମୋ ଦେଵାଯ ଗୁହ୍ଯାଯ ପ୍ରବଲାଯ ନମୋ ନମଃ ॥ 20 ॥

ନମସ୍ତେ ବଲରୂପାଯ ପରେଷାଂ ବଲନାଶିନେ ।
ନମସ୍ତେ ସ୍ଵର୍ଗସଂସ୍ଥାଯ ନମୋ ଭୂର୍ଲୋକଵାସିନେ ॥ 21 ॥

ନମଃ ପାତାଲଵାସାଯ ନିରାଧାରାଯ ତେ ନମଃ ।
ନମୋ ନମଃ ସ୍ଵତନ୍ତ୍ରାଯ ହ୍ଯନନ୍ତାଯ ନମୋ ନମଃ ॥ 22 ॥

ଦ୍ଵିଭୁଜାଯ ନମସ୍ତୁଭ୍ଯଂ ଭୁଜତ୍ରଯସୁଶୋଭିନେ ।
ନମୋଽଣିମାଦିସିଦ୍ଧାଯ ସ୍ଵର୍ଣହସ୍ତାଯ ତେ ନମଃ ॥ 23 ॥

ପୂର୍ଣଚନ୍ଦ୍ରପ୍ରତୀକାଶଵଦନାମ୍ଭୋଜଶୋଭିନେ ।
ନମସ୍ତେ ସ୍ଵର୍ଣରୂପାଯ ସ୍ଵର୍ଣାଲଙ୍କାରଶୋଭିନେ ॥ 24 ॥

ନମଃ ସ୍ଵର୍ଣାକର୍ଷଣାଯ ସ୍ଵର୍ଣାଭାଯ ଚ ତେ ନମଃ ।
ନମସ୍ତେ ସ୍ଵର୍ଣକଣ୍ଠାଯ ସ୍ଵର୍ଣାଲଙ୍କାରଧାରିଣେ ॥ 25 ॥

ସ୍ଵର୍ଣସିଂହାସନସ୍ଥାଯ ସ୍ଵର୍ଣପାଦାଯ ତେ ନମଃ ।
ନମଃ ସ୍ଵର୍ଣାଭପାରାଯ ସ୍ଵର୍ଣକାଞ୍ଚୀସୁଶୋଭିନେ ॥ 26 ॥

ନମସ୍ତେ ସ୍ଵର୍ଣଜଙ୍ଘାଯ ଭକ୍ତକାମଦୁଘାତ୍ମନେ ।
ନମସ୍ତେ ସ୍ଵର୍ଣଭକ୍ତାନାଂ କଲ୍ପଵୃକ୍ଷସ୍ଵରୂପିଣେ ॥ 27 ॥

ଚିନ୍ତାମଣିସ୍ଵରୂପାଯ ନମୋ ବ୍ରହ୍ମାଦିସେଵିନେ ।
କଲ୍ପଦ୍ରୁମାଧଃସଂସ୍ଥାଯ ବହୁସ୍ଵର୍ଣପ୍ରଦାଯିନେ ॥ 28 ॥

ନମୋ ହେମାଦିକର୍ଷାଯ ଭୈରଵାଯ ନମୋ ନମଃ ।
ସ୍ତଵେନାନେନ ସନ୍ତୁଷ୍ଟୋ ଭଵ ଲୋକେଶଭୈରଵ ॥ 29 ॥

ପଶ୍ଯ ମାଂ କରୁଣାଵିଷ୍ଟ ଶରଣାଗତଵତ୍ସଲ ।
ଶ୍ରୀଭୈରଵ ଧନାଧ୍ଯକ୍ଷ ଶରଣଂ ତ୍ଵାଂ ଭଜାମ୍ଯହମ୍ ।
ପ୍ରସୀଦ ସକଲାନ୍ କାମାନ୍ ପ୍ରଯଚ୍ଛ ମମ ସର୍ଵଦା ॥ 30 ॥

ଫଲଶ୍ରୁତିଃ
ଶ୍ରୀମହାଭୈରଵସ୍ଯେଦଂ ସ୍ତୋତ୍ରସୂକ୍ତଂ ସୁଦୁର୍ଲଭମ୍ ।
ମନ୍ତ୍ରାତ୍ମକଂ ମହାପୁଣ୍ଯଂ ସର୍ଵୈଶ୍ଵର୍ଯପ୍ରଦାଯକମ୍ ॥ 31 ॥

ଯଃ ପଠେନ୍ନିତ୍ଯମେକାଗ୍ରଂ ପାତକୈଃ ସ ଵିମୁଚ୍ଯତେ ।
ଲଭତେ ଚାମଲାଲକ୍ଷ୍ମୀମଷ୍ଟୈଶ୍ଵର୍ଯମଵାପ୍ନୁଯାତ୍ ॥ 32 ॥

ଚିନ୍ତାମଣିମଵାପ୍ନୋତି ଧେନୁ କଲ୍ପତରୁଂ ଧୃଵମ୍ ।
ସ୍ଵର୍ଣରାଶିମଵାପ୍ନୋତି ସିଦ୍ଧିମେଵ ସ ମାନଵଃ ॥ 33 ॥

ସନ୍ଧ୍ଯାଯାଂ ଯଃ ପଠେତ୍ ସ୍ତୋତ୍ରଂ ଦଶାଵୃତ୍ଯା ନରୋତ୍ତମୈଃ ।
ସ୍ଵପ୍ନେ ଶ୍ରୀଭୈରଵସ୍ତସ୍ଯ ସାକ୍ଷାଦ୍ଭୂତ୍ଵା ଜଗଦ୍ଗୁରୁଃ ॥ 34 ॥

ସ୍ଵର୍ଣରାଶି ଦଦାତ୍ଯେଵ ତତ୍‍କ୍ଷଣାନ୍ନାସ୍ତି ସଂଶଯଃ ।
ସର୍ଵଦା ଯଃ ପଠେତ୍ ସ୍ତୋତ୍ରଂ ଭୈରଵସ୍ଯ ମହାତ୍ମନଃ ॥ 35 ॥

ଲୋକତ୍ରଯଂ ଵଶୀକୁର୍ଯାଦଚଲାଂ ଶ୍ରିଯମଵାପ୍ନୁଯାତ୍ ।
ନ ଭଯଂ ଲଭତେ କ୍ଵାପି ଵିଘ୍ନଭୂତାଦିସମ୍ଭଵ ॥ 36 ॥

ମ୍ରିଯନ୍ତେ ଶତ୍ରଵୋଽଵଶ୍ଯମଲକ୍ଷ୍ମୀନାଶମାପ୍ନୁଯାତ୍ ।
ଅକ୍ଷଯଂ ଲଭତେ ସୌଖ୍ଯଂ ସର୍ଵଦା ମାନଵୋତ୍ତମଃ ॥ 37 ॥

ଅଷ୍ଟପଞ୍ଚାଶତାଣଢ୍ଯୋ ମନ୍ତ୍ରରାଜଃ ପ୍ରକୀର୍ତିତଃ ।
ଦାରିଦ୍ର୍ଯଦୁଃଖଶମନଂ ସ୍ଵର୍ଣାକର୍ଷଣକାରକଃ ॥ 38 ॥

ଯ ଯେନ ସଞ୍ଜପେତ୍ ଧୀମାନ୍ ସ୍ତୋତ୍ରଂ ଵା ପ୍ରପଠେତ୍ ସଦା ।
ମହାଭୈରଵସାଯୁଜ୍ଯଂ ସ୍ଵାନ୍ତକାଲେ ଭଵେଦ୍ଧ୍ରୁଵମ୍ ॥ 39 ॥