॥ ಶ್ರೀತ್ರಿಪುರಸುನ್ದರೀಮಾನಸಪೂಜನಸ್ತೋತ್ರಮ್ ॥
ಶ್ರೀಗಣೇಶಾಯ ನಮಃ ॥
ಅಮೃತಜಲಧಿಮಧ್ಯೋಲ್ಲಾಸಿರತ್ನಾನ್ತರೀಪ-
ಪ್ರಸೃಮರಕಿರಣಾಲೀಕಲ್ಪಿತೋದ್ಯಾನಶೋಭೇ ।
ಸುರತರುನಿಕುರಮ್ಬಸ್ಪೃಷ್ಟವಾತಾಯನಾನ್ತ-
ಶ್ಚಲದಲಿಪಟಲೀಭಿಃ ಕೢಪ್ತಧೂಪಾದಿಕೃತ್ಯೇ ॥ ೧॥
ಪ್ರಸೃಮರಕಿರಣಾಲೀಕಲ್ಪಿತೋದ್ಯಾನಶೋಭೇ ।
ಸುರತರುನಿಕುರಮ್ಬಸ್ಪೃಷ್ಟವಾತಾಯನಾನ್ತ-
ಶ್ಚಲದಲಿಪಟಲೀಭಿಃ ಕೢಪ್ತಧೂಪಾದಿಕೃತ್ಯೇ ॥ ೧॥
ಮಣಿಮಯಭವನೇಽನ್ತಃಪ್ರೌಢಮಾಣಿಕ್ಯಶಾಲಾ-
ಮಧಿವಸತಿ ವಿಶಾಲಾ ಕಾಪಿ ತೇ ರತ್ನವೇದೀ ।
ತದುಪರಿಕೃತವಾಸಂ ದತ್ತಬಾಲಾರ್ಕಹಾಸಂ
ದಿಶತು ಶುಭಮನನ್ತೇ ದೇವಿ ಸಿಂಹಾಸನಂ ತೇ ॥ ೨॥
ಮಧಿವಸತಿ ವಿಶಾಲಾ ಕಾಪಿ ತೇ ರತ್ನವೇದೀ ।
ತದುಪರಿಕೃತವಾಸಂ ದತ್ತಬಾಲಾರ್ಕಹಾಸಂ
ದಿಶತು ಶುಭಮನನ್ತೇ ದೇವಿ ಸಿಂಹಾಸನಂ ತೇ ॥ ೨॥
ತದುಪರಿ ಧೃತನಾನಾಹೇತಿಭೂಷಾಶ್ಮರಶ್ಮಿ-
ವ್ಯತಿಕರಪುನರುಕ್ತೀಭೂತರಮ್ಯೋತ್ತರೀಯಾಮ್ ।
ಗಲದಮಲದಯಾಮ್ಭಃಸಿಕ್ತಭಕ್ತಪ್ರರೋಹಾಂ
ಪ್ರಣವನಲಿನಭೃಙ್ಗೀಂ ಭಾವಯೇ ಜ್ಞಾನಭಙ್ಗೀಮ್ ॥ ೩॥
ವ್ಯತಿಕರಪುನರುಕ್ತೀಭೂತರಮ್ಯೋತ್ತರೀಯಾಮ್ ।
ಗಲದಮಲದಯಾಮ್ಭಃಸಿಕ್ತಭಕ್ತಪ್ರರೋಹಾಂ
ಪ್ರಣವನಲಿನಭೃಙ್ಗೀಂ ಭಾವಯೇ ಜ್ಞಾನಭಙ್ಗೀಮ್ ॥ ೩॥
ದ್ರುಹಿಣಹರಿಹರಾಣಾಂ ಮೌಲಿಸಞ್ಚಾರಶೀಲಂ
ಮಣಿಘಟಿತವಿಭೂಷಾರಶ್ಮಿನಿರ್ಣೇಜಿತಂ ಚ ।
ನಿಜಮತಿದೃಷದಾಹಂ ಭಕ್ತಿಗಙ್ಗಾಪಯೋಭಿಃ
ಪದಯುಗಮಮಲಂ ತೇ ದೇವಿ ನಿರ್ಣೇಜಯಾಮಿ ॥ ೪॥
ಮಣಿಘಟಿತವಿಭೂಷಾರಶ್ಮಿನಿರ್ಣೇಜಿತಂ ಚ ।
ನಿಜಮತಿದೃಷದಾಹಂ ಭಕ್ತಿಗಙ್ಗಾಪಯೋಭಿಃ
ಪದಯುಗಮಮಲಂ ತೇ ದೇವಿ ನಿರ್ಣೇಜಯಾಮಿ ॥ ೪॥
ಗರುಡಮಣಿಮಯೂಖಸ್ಪರ್ಧಿದೂರ್ವಾಸನಾಥೈಃ
ಕುಶಶಿಶುಪರಿಜುಷ್ಟೈಃ ಸ್ಫೀತಸಿದ್ಧಾರ್ಥಸಾರ್ಥೈಃ ।
ಉಪಹಿತಸಿತಗನ್ಧೈಃ ಸಾಕ್ಷತೈರ್ವಾರಿಭಿಸ್ತೇ
ಜನನಿ ಚರಣಪದ್ಮೇ ಪಾದ್ಯಮಾದ್ಯಂ ದದಾಮಿ ॥ ೫॥
ಕುಶಶಿಶುಪರಿಜುಷ್ಟೈಃ ಸ್ಫೀತಸಿದ್ಧಾರ್ಥಸಾರ್ಥೈಃ ।
ಉಪಹಿತಸಿತಗನ್ಧೈಃ ಸಾಕ್ಷತೈರ್ವಾರಿಭಿಸ್ತೇ
ಜನನಿ ಚರಣಪದ್ಮೇ ಪಾದ್ಯಮಾದ್ಯಂ ದದಾಮಿ ॥ ೫॥
ಫಲಕುಸುಮಸನಾಥಂ ನೂತ್ನರತ್ನಪ್ರರೋಹಂ
ಮಲಯಜರಸದಿಗ್ಧಂ ಸ್ನಿಗ್ಧಮುಗ್ಧಾಕ್ಷತಂ ಚ ।
ದರನಿಯಮಿತಭಕ್ತಾನೀಕವಾಞ್ಛಾಪ್ರದಾನೇ
ಕರಸರಸಿರುಹೇಽಸ್ಮಿನ್ನರ್ಧ್ಯಮರ್ಘ್ಯೇ ದದಾಮಿ ॥ ೬॥
ಮಲಯಜರಸದಿಗ್ಧಂ ಸ್ನಿಗ್ಧಮುಗ್ಧಾಕ್ಷತಂ ಚ ।
ದರನಿಯಮಿತಭಕ್ತಾನೀಕವಾಞ್ಛಾಪ್ರದಾನೇ
ಕರಸರಸಿರುಹೇಽಸ್ಮಿನ್ನರ್ಧ್ಯಮರ್ಘ್ಯೇ ದದಾಮಿ ॥ ೬॥
ಶಿಶಿರಕಿರಣಜಾತೀಪತ್ರದೇವಪ್ರಸೂನ-
ಸ್ಫುಟಿತದಲನವೈಲಾಕ್ರಾನ್ತಕಕ್ಕೋಲಗನ್ಧಮ್ ।
ಶಿಶಿರಮಮಲಮೇತದ್ಬದ್ಧಪೀಯೂವಸಖ್ಯಂ
ಸಲಿಲಮಖಿಲಮಾತಸ್ತ್ವಂ ಪ್ರಸನ್ನಾಽಽಚಮೇಥಾಃ ॥ ೭॥
ಸ್ಫುಟಿತದಲನವೈಲಾಕ್ರಾನ್ತಕಕ್ಕೋಲಗನ್ಧಮ್ ।
ಶಿಶಿರಮಮಲಮೇತದ್ಬದ್ಧಪೀಯೂವಸಖ್ಯಂ
ಸಲಿಲಮಖಿಲಮಾತಸ್ತ್ವಂ ಪ್ರಸನ್ನಾಽಽಚಮೇಥಾಃ ॥ ೭॥
ನವಮಣಿಹಯಪೀಠೇ ಪ್ರೇತಪದ್ಮಸ್ಥಿತಾಪಿ
ಪ್ರಪದತರಲಶೋಭಾಸ್ಪೃಷ್ಟಸದ್ವಿಷ್ಟರಶ್ರಿ ।
ದಧಿಮಧುಘೃತಮಿಶ್ರಂ ತ್ರಿರ್ವಿರಾಜೋಪನೀತಂ
ಶಶಿಮುಖಿ ಮಧುಪರ್ಕಂ ತ್ವಂ ಮುಖಾನ್ತರ್ನಯೇಥಾಃ ॥ ೮॥
ಪ್ರಪದತರಲಶೋಭಾಸ್ಪೃಷ್ಟಸದ್ವಿಷ್ಟರಶ್ರಿ ।
ದಧಿಮಧುಘೃತಮಿಶ್ರಂ ತ್ರಿರ್ವಿರಾಜೋಪನೀತಂ
ಶಶಿಮುಖಿ ಮಧುಪರ್ಕಂ ತ್ವಂ ಮುಖಾನ್ತರ್ನಯೇಥಾಃ ॥ ೮॥
ಪುನರಾಚಮನಂ ಕಾರ್ಯಂ ಜಗಜ್ಜನನಿ ಸುವ್ರತೇ ।
ತ್ವಚ್ಛಿಕ್ಷಿತೇನ ಮಾರ್ಗೇಣ ಯತೋ ಲೋಕಃ ಪ್ರವರ್ತತೇ ॥ ೯॥
ತ್ವಚ್ಛಿಕ್ಷಿತೇನ ಮಾರ್ಗೇಣ ಯತೋ ಲೋಕಃ ಪ್ರವರ್ತತೇ ॥ ೯॥
ತ್ವರಿತಸಹಚರೀಭಿರ್ದತ್ತಹಸ್ತಾವಲಮ್ಬಂ
ಚರಣನಲಿನಮೇತತ್ಪಾದುಕಾಸ್ಥಂ ವಿಧಾಯ ।
ಪ್ರವಿಶ ವಿವಿಧಶಾಲಂ ಸ್ನಾನಗೇಹಾನ್ತರಾಲಂ
ಪಶುಪತಿಸಹಿತೈವಾಭ್ಯಙ್ಗಮಙ್ಗೀಕುರುಷ್ವ ॥ ೧೦॥
ಚರಣನಲಿನಮೇತತ್ಪಾದುಕಾಸ್ಥಂ ವಿಧಾಯ ।
ಪ್ರವಿಶ ವಿವಿಧಶಾಲಂ ಸ್ನಾನಗೇಹಾನ್ತರಾಲಂ
ಪಶುಪತಿಸಹಿತೈವಾಭ್ಯಙ್ಗಮಙ್ಗೀಕುರುಷ್ವ ॥ ೧೦॥
ಅಪಿ ರಸಿಕವಿಗೀತಂ ಭಕ್ತಚಿತ್ತಾನುಮತ್ಯೈ
ಸದಯಹೃದಯಭಾವೇ ಸ್ನಾಹಿ ಪಞ್ಚಾಮೃತೇನ ।
ಶಶಿಮೃಗಮದಮುಸ್ತಾಗಾರಸಿದ್ಧಾರ್ಥಚೂರ್ಣೈಃ
ಕುಸುಮಜಲವಿಮಿಶ್ಚೈಃ ಸ್ವೈರಮುದ್ವರ್ತಯಾಙ್ಗಮ್ ॥ ೧೧॥
ಸದಯಹೃದಯಭಾವೇ ಸ್ನಾಹಿ ಪಞ್ಚಾಮೃತೇನ ।
ಶಶಿಮೃಗಮದಮುಸ್ತಾಗಾರಸಿದ್ಧಾರ್ಥಚೂರ್ಣೈಃ
ಕುಸುಮಜಲವಿಮಿಶ್ಚೈಃ ಸ್ವೈರಮುದ್ವರ್ತಯಾಙ್ಗಮ್ ॥ ೧೧॥
ಪರಿಜನಪರಿಮೃಷ್ಟೇ ತ್ವಚ್ಛರೀರೇ ನ ಯಾವ-
ಚ್ಛಿಶಿರಸಲಿಲಧಾರಾಂ ಕಾಪಿ ಚಿಕ್ಷಪ ತಾವತ್ ।
ಉದಯಿನಿ ಜನಮಾತಃ ಸೀತ್ಕೃತೇ ಬದ್ಧಭಾವೈ-
ಸ್ತ್ರಿಪುರಮಥನಹಾಸೈರ್ವ್ರೀಡಿತಂ ಕ್ರೀಡಿತಂ ತೇ ॥ ೧೨॥
ಚ್ಛಿಶಿರಸಲಿಲಧಾರಾಂ ಕಾಪಿ ಚಿಕ್ಷಪ ತಾವತ್ ।
ಉದಯಿನಿ ಜನಮಾತಃ ಸೀತ್ಕೃತೇ ಬದ್ಧಭಾವೈ-
ಸ್ತ್ರಿಪುರಮಥನಹಾಸೈರ್ವ್ರೀಡಿತಂ ಕ್ರೀಡಿತಂ ತೇ ॥ ೧೨॥
ಅಥ ವಿಮಲಿತರತ್ನಸ್ವರ್ಣದುರ್ವರ್ಣಕುಮ್ಭೈ-
ಸ್ತ್ರಿಭುವನಗತತೀರ್ಥಾನೀತಪಾನೀಯಪೂರ್ಣೈಃ ।
ಸ್ನಪಯತಿ ಸುರನಾರೀವೃನ್ದಮೇತತ್ತಥಾಪಿ
ಪ್ರಣಯಜಲಮಿದಂ ನಃ ಸ್ನಾನಕೃತ್ಯಂ ಕರೋತು ॥ ೧೩॥
ಸ್ತ್ರಿಭುವನಗತತೀರ್ಥಾನೀತಪಾನೀಯಪೂರ್ಣೈಃ ।
ಸ್ನಪಯತಿ ಸುರನಾರೀವೃನ್ದಮೇತತ್ತಥಾಪಿ
ಪ್ರಣಯಜಲಮಿದಂ ನಃ ಸ್ನಾನಕೃತ್ಯಂ ಕರೋತು ॥ ೧೩॥
ವಿಮಲಧವಲಚೀನಪ್ರಚ್ಛದಪ್ರಾವೃತಾಙ್ಗ್ಯಾ-
ಸ್ತವ ಶಿರಸಿರುಹೇಭ್ಯೋ ನಿರ್ಹರೇಽಮ್ಬಾಮ್ಬುಬಿನ್ದುನ್ ।
ಅಗರುಶಕಲಧೂಪೈರ್ಧೂಪ್ಯತಾಂ ಚಾಙ್ಗಮಙ್ಗಂ
ಸಹ ಪಶುಪತಿನಾ ತ್ವಂ ಯಾಹಿ ವಾಸೋಗೃಹಾನ್ತಃ ॥ ೧೪॥
ಸ್ತವ ಶಿರಸಿರುಹೇಭ್ಯೋ ನಿರ್ಹರೇಽಮ್ಬಾಮ್ಬುಬಿನ್ದುನ್ ।
ಅಗರುಶಕಲಧೂಪೈರ್ಧೂಪ್ಯತಾಂ ಚಾಙ್ಗಮಙ್ಗಂ
ಸಹ ಪಶುಪತಿನಾ ತ್ವಂ ಯಾಹಿ ವಾಸೋಗೃಹಾನ್ತಃ ॥ ೧೪॥
ನವವಿಮಲವಿಚಿತ್ರೇ ವಾಸಸೀ ನೂತ್ನರತ್ನ-
ದ್ಯುತಿಕೃತಪುನರುಕ್ತಾಯಾಮಸಂಶೋಭಿನೀ ತೇ ।
ಅಥ ಕುಚಪರಿಣಾಹಾಚ್ಛಾದಿನೀಂ ಶುಮ್ಭನೇತ್ರ-
ತ್ರಿತಯಭವದಸೂಯಾಂ ಕಞ್ಚುಕೀಮರ್ಪಯಾಮಿ ॥ ೧೫॥
ದ್ಯುತಿಕೃತಪುನರುಕ್ತಾಯಾಮಸಂಶೋಭಿನೀ ತೇ ।
ಅಥ ಕುಚಪರಿಣಾಹಾಚ್ಛಾದಿನೀಂ ಶುಮ್ಭನೇತ್ರ-
ತ್ರಿತಯಭವದಸೂಯಾಂ ಕಞ್ಚುಕೀಮರ್ಪಯಾಮಿ ॥ ೧೫॥
ನಹನಮಪಿ ಕಚನಾಂ ಕಙ್ಕತೀಭಿರ್ವಿಧಾಯ
ಗ್ರಥಿತಮಣಿವಿಭೂಷಾಂ ದೇವಿ ವೇಣೀಂ ಕರೋಮಿ ।
ನಿಹಿತನವಕಿರೀಟಾಲಮ್ಬಿಮುತ್ತಬಾಲತಾಭಿ-
ಸ್ತತಬಹಲಮಯೂಖಾಂ ಚನ್ದ್ರಲೇಖಾ ವಿದಧ್ಯಾಮ್ ॥ ೧೬॥
ಗ್ರಥಿತಮಣಿವಿಭೂಷಾಂ ದೇವಿ ವೇಣೀಂ ಕರೋಮಿ ।
ನಿಹಿತನವಕಿರೀಟಾಲಮ್ಬಿಮುತ್ತಬಾಲತಾಭಿ-
ಸ್ತತಬಹಲಮಯೂಖಾಂ ಚನ್ದ್ರಲೇಖಾ ವಿದಧ್ಯಾಮ್ ॥ ೧೬॥
ಅಲಿಕತಲವಿಲಮ್ಬಿಸ್ಫೀತಸೀಮನ್ತಮುಕ್ತಾ-
ಸರಣಿಧಟಿತಹೀರಾಸ್ಪಷ್ಟಚನ್ದ್ರಾತ್ತತನ್ದ್ರೇ ।
ವಿವಿಧಮಣಿಗಣಾಙ್ಕೋತ್ತಂಸಸಂಶ್ಲಿಷ್ಯದಶ್ಮಾ
ಶ್ರವಣಯುಗವಿಭೂಷಾ ದೇವಿ ತೋಷಾಯ ಭೂಯಾತ್ ॥ ೧೭॥
ಸರಣಿಧಟಿತಹೀರಾಸ್ಪಷ್ಟಚನ್ದ್ರಾತ್ತತನ್ದ್ರೇ ।
ವಿವಿಧಮಣಿಗಣಾಙ್ಕೋತ್ತಂಸಸಂಶ್ಲಿಷ್ಯದಶ್ಮಾ
ಶ್ರವಣಯುಗವಿಭೂಷಾ ದೇವಿ ತೋಷಾಯ ಭೂಯಾತ್ ॥ ೧೭॥
ವಿವಿಧವಿರಚನಾಭಿರ್ಭಿನ್ನಭಿನ್ನಾ ವಿಭೂಷಾ
ಜನಯತು ತವ ಕಣ್ಠೇ ದೇವಿ ಕಾಮಪ್ಯಭಿಖ್ಯಾಮ್ ।
ಗುಣಿನಮಪಿ ಗಿರೀಶಶ್ಲೇಪದತ್ತಾನ್ತರಾಯಂ
ಕಠಿನಕುಚಯುಗಾಗ್ರೇ ಹಾರಮಾರೋಪಯಾಮಿ ॥ ೧೮॥
ಜನಯತು ತವ ಕಣ್ಠೇ ದೇವಿ ಕಾಮಪ್ಯಭಿಖ್ಯಾಮ್ ।
ಗುಣಿನಮಪಿ ಗಿರೀಶಶ್ಲೇಪದತ್ತಾನ್ತರಾಯಂ
ಕಠಿನಕುಚಯುಗಾಗ್ರೇ ಹಾರಮಾರೋಪಯಾಮಿ ॥ ೧೮॥
ದರತರಲವಿಲಮ್ಬಿಸ್ವರ್ಣಸೂತ್ರಾನ್ತಗುಚ್ಛೇ
ಜನನಿ ತವ ದಿಶೇತಾಮಙ್ಗದೇ ಶರ್ಮಕರ್ಮ ।
ಅಥ ವಲಯಮಣೀನಾಂ ರಶ್ಮಿಸಮ್ಭಿನ್ನಮುದ್ರಾಂ
ಜನಯತು ಪುನರುಕ್ತಾಂ ಶೃಙ್ಖಲಾಮನ್ತರೀಣಾಮ್ ॥ ೧೯॥
ಜನನಿ ತವ ದಿಶೇತಾಮಙ್ಗದೇ ಶರ್ಮಕರ್ಮ ।
ಅಥ ವಲಯಮಣೀನಾಂ ರಶ್ಮಿಸಮ್ಭಿನ್ನಮುದ್ರಾಂ
ಜನಯತು ಪುನರುಕ್ತಾಂ ಶೃಙ್ಖಲಾಮನ್ತರೀಣಾಮ್ ॥ ೧೯॥
ಮಣಿಮಯರಶನಾಧಃಕ್ಷುದ್ರಘಣ್ಟಾನಿನಾದಾ
ಮಣಿತಗುಣನಿಕಾನಾಂ ಸ್ಮಾರಕಾಃ ಸ್ಯುಃ ಶಿವಸ್ಯ ।
ಮರಕತಮಣಿಜಾತಂ ಮಞ್ಜುಮಞ್ಜೀರಯುಗ್ಮಂ
ರಚಯತು ಶಶಿಮೌಲೇ ರಞ್ಜನಂ ಸಿಞ್ಜಿತೇನ ॥ ೨೦॥
ಮಣಿತಗುಣನಿಕಾನಾಂ ಸ್ಮಾರಕಾಃ ಸ್ಯುಃ ಶಿವಸ್ಯ ।
ಮರಕತಮಣಿಜಾತಂ ಮಞ್ಜುಮಞ್ಜೀರಯುಗ್ಮಂ
ರಚಯತು ಶಶಿಮೌಲೇ ರಞ್ಜನಂ ಸಿಞ್ಜಿತೇನ ॥ ೨೦॥
ಅರುಣಮಣಿಕೃತಾನಾಮಙ್ಗುಲೀಭೂಷಣಾನಾಂ
ಪ್ರಭವತು ಪದಮುಸ್ರೈರ್ಲಾಕ್ಷಯಾ ರಞ್ಜಿತಂ ತೇ ।
ಮೃಗಮದರಚಿತಾಯಾಂ ಪತ್ರಭಙ್ಗೀಲತಾಯಾ-
ಮನುಭವತು ದೃಗನ್ತೋ ಬನ್ಧನಂ ಭೂತಭರ್ತುಃ ॥ ೨೧॥
ಪ್ರಭವತು ಪದಮುಸ್ರೈರ್ಲಾಕ್ಷಯಾ ರಞ್ಜಿತಂ ತೇ ।
ಮೃಗಮದರಚಿತಾಯಾಂ ಪತ್ರಭಙ್ಗೀಲತಾಯಾ-
ಮನುಭವತು ದೃಗನ್ತೋ ಬನ್ಧನಂ ಭೂತಭರ್ತುಃ ॥ ೨೧॥
ಭಜ ಜನನಿ ಹರಿದ್ರಾಂ ದತ್ತಹಾರಿದ್ರಮುದ್ರಾಂ
ಕುಸುಮಸಲಿಲತೈಲಾಕ್ರಾನ್ತಕಾಶ್ಮೀರಕೋಶಾಮ್ ।
ಅಥ ನಸಿ ಕುರು ಮುಕ್ತಾಂ ದನ್ತವಾಸೋಽನುಷಕ್ತಾಂ
ಸ್ಮಿತರುಚಿಪುನರುಕ್ತಾಂ ನನ್ದಿತಾನೇಕಭಕ್ತಾಮ್ ॥ ೨೨॥
ಕುಸುಮಸಲಿಲತೈಲಾಕ್ರಾನ್ತಕಾಶ್ಮೀರಕೋಶಾಮ್ ।
ಅಥ ನಸಿ ಕುರು ಮುಕ್ತಾಂ ದನ್ತವಾಸೋಽನುಷಕ್ತಾಂ
ಸ್ಮಿತರುಚಿಪುನರುಕ್ತಾಂ ನನ್ದಿತಾನೇಕಭಕ್ತಾಮ್ ॥ ೨೨॥
ಸಹಜನಲಿನನೀಲೇ ಖಞ್ಜನೇ ಖಞ್ಜನಾನಾಂ
ಭವನಿಗಡಗತಾನಾಂ ಮೋಚನೇ ಲೋಚನೇ ತೇ ।
ಜನನಿ ಗಿರಿಶಚೇತೋರಞ್ಜನೇ ಮನ್ದಮನ್ದಂ
ಮಸೃಣಿಮಸೃಣಿತೈಸ್ತೈರಞ್ಜನೈರಞ್ಜನೇಯಮ್ ॥ ೨೩॥
ಭವನಿಗಡಗತಾನಾಂ ಮೋಚನೇ ಲೋಚನೇ ತೇ ।
ಜನನಿ ಗಿರಿಶಚೇತೋರಞ್ಜನೇ ಮನ್ದಮನ್ದಂ
ಮಸೃಣಿಮಸೃಣಿತೈಸ್ತೈರಞ್ಜನೈರಞ್ಜನೇಯಮ್ ॥ ೨೩॥
ಪ್ರಣತಿಭಿರುಪನೀತಂ ದೀಪ್ತಲಾಲಾಟನೇತ್ರ-
ಪ್ರತಿಭಟಮಿವ ಶಮ್ಭೋರ್ಮೃತ್ಯುಬಾಧಾವಿರೋಧಿ ।
ಶಶಿನ ಇವ ಮುಖೇನ್ದೋರ್ಭೇದಕಃ ಕೋಽಪಿ ಧರ್ಮೋ
ಜನಯತು ಮುದಮುಚ್ಚೈಃ ಕುಙ್ಕುಮಂ ರಙ್ಕುನೇತ್ರೇ ॥ ೨೪॥
ಪ್ರತಿಭಟಮಿವ ಶಮ್ಭೋರ್ಮೃತ್ಯುಬಾಧಾವಿರೋಧಿ ।
ಶಶಿನ ಇವ ಮುಖೇನ್ದೋರ್ಭೇದಕಃ ಕೋಽಪಿ ಧರ್ಮೋ
ಜನಯತು ಮುದಮುಚ್ಚೈಃ ಕುಙ್ಕುಮಂ ರಙ್ಕುನೇತ್ರೇ ॥ ೨೪॥
ಯುಗಪದುಪಗತೇನ್ದ್ರೋಪೇನ್ದ್ರರುದ್ರಾದಿಮೌಲಿ-
ಸ್ಥಲಮುಕುಟವಿಘಟ್ಟಚ್ಚಣ್ಡದಣ್ಡಾಭಿಘಾತೈಃ ।
ಕೃತಸರಣಿರಜಸ್ರಕ್ರುದ್ಧದೌವಾರಿಕೈಸ್ತೇ
ಜನನಿ ಭವ ವಿಭೂಷಾ ಪ್ರೇತಪದ್ಮಾಸನಸ್ಯ ॥ ೨೫॥
ಸ್ಥಲಮುಕುಟವಿಘಟ್ಟಚ್ಚಣ್ಡದಣ್ಡಾಭಿಘಾತೈಃ ।
ಕೃತಸರಣಿರಜಸ್ರಕ್ರುದ್ಧದೌವಾರಿಕೈಸ್ತೇ
ಜನನಿ ಭವ ವಿಭೂಷಾ ಪ್ರೇತಪದ್ಮಾಸನಸ್ಯ ॥ ೨೫॥
ಅಹಮಹಮಿಕಯಾಧಃ ಪಾತುಕಾನಾಂ ಸುರಾಣಾಂ
ಪ್ರಪದಮಪಿ ಶರೀರೇ ದೇವಿ ಸಂಯೋಜ್ಯ ಶೀಘ್ರಮ್ ।
ಕರುಣರಸಮಯೀನಾಂ ಲೋಚನಾನ್ತಶ್ಛಟಾನಾಂ
ಕತಿಪಯವಲನಾಭಿರ್ದೇಹಿ ಪೂಜಾವಕಾಶಮ್ ॥ ೨೬॥
ಪ್ರಪದಮಪಿ ಶರೀರೇ ದೇವಿ ಸಂಯೋಜ್ಯ ಶೀಘ್ರಮ್ ।
ಕರುಣರಸಮಯೀನಾಂ ಲೋಚನಾನ್ತಶ್ಛಟಾನಾಂ
ಕತಿಪಯವಲನಾಭಿರ್ದೇಹಿ ಪೂಜಾವಕಾಶಮ್ ॥ ೨೬॥
ಅಗರುಘುಸೃಣಚೋರೀಶೀರಗೋರೋಚನಾಭಿಃ
ಮಲಯಜಮೃಗನಾಭಿಸ್ಫೀತಕರ್ಪೂರಪೂರೈಃ ।
ಕುಸುಮಸಲಿಲಘೃಷ್ಟೈಃ ಕಲ್ಪಯಿತ್ವಾಙ್ಗರಾಗಂ
ಪಟುತರಪಟವಾಸೈರ್ವಾಸಯೇ ತೇಽಙ್ಗಕಾನಿ ॥ ೨೭॥
ಮಲಯಜಮೃಗನಾಭಿಸ್ಫೀತಕರ್ಪೂರಪೂರೈಃ ।
ಕುಸುಮಸಲಿಲಘೃಷ್ಟೈಃ ಕಲ್ಪಯಿತ್ವಾಙ್ಗರಾಗಂ
ಪಟುತರಪಟವಾಸೈರ್ವಾಸಯೇ ತೇಽಙ್ಗಕಾನಿ ॥ ೨೭॥
ಕಮಲಕುಮುದಮಲ್ಲೀಮಾಲತೀಕುನ್ದಜಾತೀ-
ಬಕುಲಕನಕನೀಪಾಶೋಕಚಾಮ್ಪೇಯಕಾದ್ಯೈಃ ।
ಮರುಬಕತುಲಸೀಭಿಃ ಕೇತಕೀಬಿಲ್ವಪತ್ರೈಃ
ದಮನಕಶತಪತ್ರೈರರ್ಚಯೇ ತ್ವತ್ಪದಾಬ್ಜಮ್ ॥ ೨೮॥
ಬಕುಲಕನಕನೀಪಾಶೋಕಚಾಮ್ಪೇಯಕಾದ್ಯೈಃ ।
ಮರುಬಕತುಲಸೀಭಿಃ ಕೇತಕೀಬಿಲ್ವಪತ್ರೈಃ
ದಮನಕಶತಪತ್ರೈರರ್ಚಯೇ ತ್ವತ್ಪದಾಬ್ಜಮ್ ॥ ೨೮॥
ಹಾರಶೇಖರವತಂಸಶಾಟಿಕಾಪ್ರಚ್ಛಕಾತುಲಿತಕಞ್ಚುಕೀಮುಖೈಃ ।
ಮಣ್ಡಪೈರ್ಜವನಿಕಾಭಿರುಚ್ಚಕೈಃ ಕೌಸುಮೈಸ್ತವ ಮುದಂ ಕದಮ್ಬಯೇ ॥ ೨೯॥
ಮಣ್ಡಪೈರ್ಜವನಿಕಾಭಿರುಚ್ಚಕೈಃ ಕೌಸುಮೈಸ್ತವ ಮುದಂ ಕದಮ್ಬಯೇ ॥ ೨೯॥
ಕನಕಮಯಹಸನ್ತೀಕೋಟಿಮಧ್ಯಸ್ಥಿತಾನಾಂ
ಮೃದುಪವನಧುತಾನಾಂ ದೀಪ್ತವೈಶ್ವಾನರಾಣಾಮ್ ।
ಅಗರುಮುಪರಿ ಹುತ್ವಾ ಗುಗ್ಗುಲುಂ ಸರ್ಜಖಣ್ಡಾನ್
ಘೃತಜತುಪರಿಮಿಶ್ರಂ ತ್ವಾಂ ಶಿವೇ ಧೂಪಯಾಮಿ ॥ ೩೦॥
ಮೃದುಪವನಧುತಾನಾಂ ದೀಪ್ತವೈಶ್ವಾನರಾಣಾಮ್ ।
ಅಗರುಮುಪರಿ ಹುತ್ವಾ ಗುಗ್ಗುಲುಂ ಸರ್ಜಖಣ್ಡಾನ್
ಘೃತಜತುಪರಿಮಿಶ್ರಂ ತ್ವಾಂ ಶಿವೇ ಧೂಪಯಾಮಿ ॥ ೩೦॥
ಧೂಪವರ್ತಿತರಮನ್ತರಾನ್ತರಾ ಗನ್ಧತೈಲಪರಿಪೂರ್ಣದೀಪಿಕಾಃ ।
ಆವಹನ್ತು ತವ ಪಾರ್ಶ್ವಯೋಸ್ತರಾಮಮ್ಬಿಕೇ ಜವನಿಕಾಪಟಶ್ರಿಯಮ್ ॥ ೩೧॥
ಆವಹನ್ತು ತವ ಪಾರ್ಶ್ವಯೋಸ್ತರಾಮಮ್ಬಿಕೇ ಜವನಿಕಾಪಟಶ್ರಿಯಮ್ ॥ ೩೧॥
ಸುರಸುರಭಿಜಸರ್ಪಿಃಪೂರಿತೇ ರತ್ನಪಾತ್ರೇ
ಹಿಮಕಿರಣರಜೋಭಿರ್ಲೋಡಿತಾಂ ತೂಲವರ್ತೀಮ್ ।
ತರುಣದಹನಯುಕ್ತಾಮಮ್ಬ ಕೃತ್ವಾ ದದೇಯಂ
ನಿರಯನಿರಸನಾಯ ಪ್ರಸ್ಫುರನ್ತಂ ಪ್ರದೀಪಮ್ ॥ ೩೨॥
ಹಿಮಕಿರಣರಜೋಭಿರ್ಲೋಡಿತಾಂ ತೂಲವರ್ತೀಮ್ ।
ತರುಣದಹನಯುಕ್ತಾಮಮ್ಬ ಕೃತ್ವಾ ದದೇಯಂ
ನಿರಯನಿರಸನಾಯ ಪ್ರಸ್ಫುರನ್ತಂ ಪ್ರದೀಪಮ್ ॥ ೩೨॥
ರಜತಕನಕಹೀರಾದ್ಯಶ್ಮಪಾತ್ರೇಷು ಮಾತಃ
ವಿವಿಧರಸಸನಾಥೈಶ್ಚೋಷ್ಯಲೇಹ್ಯಪ್ರಪೇಯೈಃ ।
ಉಪಾಹಿತಬಹುಭಕ್ಷ್ಯೈರ್ವ್ಯಞ್ಜನೈಶ್ಚಾರುಖಾದ್ಯೈಃ
ಜಠರದಹನತೃಪ್ತಿಂ ನಿತ್ಯತೃಪ್ತೇ ಚರೇಥಾಃ ॥ ೩೩॥
ವಿವಿಧರಸಸನಾಥೈಶ್ಚೋಷ್ಯಲೇಹ್ಯಪ್ರಪೇಯೈಃ ।
ಉಪಾಹಿತಬಹುಭಕ್ಷ್ಯೈರ್ವ್ಯಞ್ಜನೈಶ್ಚಾರುಖಾದ್ಯೈಃ
ಜಠರದಹನತೃಪ್ತಿಂ ನಿತ್ಯತೃಪ್ತೇ ಚರೇಥಾಃ ॥ ೩೩॥
ಪರಸ್ಪರಕುತೂಹಲೈಃ ಕವಲದಾನರೂಪೈಃ ಶಿವೇ
ಪುರಾಣತರುಣೌ ಯುವಾಂ ಚರತಮತ್ರ ಲೀಲಾಶಿತಮ್ ।
ಸುಗನ್ಧಿ ಸಲಿಲಂ ತಥಾ ಪಿಬತಮೇಣನಾಭೀರಸೈಃ
ಸಕೇಸರನಿಶಾಕರೈ ರಚಯತಂ ಕರೋದ್ವರ್ತನಮ್ ॥ ೩೪॥
ಪುರಾಣತರುಣೌ ಯುವಾಂ ಚರತಮತ್ರ ಲೀಲಾಶಿತಮ್ ।
ಸುಗನ್ಧಿ ಸಲಿಲಂ ತಥಾ ಪಿಬತಮೇಣನಾಭೀರಸೈಃ
ಸಕೇಸರನಿಶಾಕರೈ ರಚಯತಂ ಕರೋದ್ವರ್ತನಮ್ ॥ ೩೪॥
ಪನಸಕದಲಜಮ್ಬೂಕರ್ಕಟೀಹಾರಹೂರಾಮಲಕ-
ಬದರನಿಮ್ಬೂದುಮ್ಬರೈರ್ಬೀಜಪೂರೈಃ ।
ಅಮೃತಲಕುಚಬಿಲ್ವೈರ್ದಾಡಿಮೀನಾಲಿಕೇರೈ
ರುಚಿರುಚಿತಫಲೈಸ್ತೇ ವರ್ಧತಾಂ ಬದ್ಧರಾಗಾ ॥ ೩೫॥
ಬದರನಿಮ್ಬೂದುಮ್ಬರೈರ್ಬೀಜಪೂರೈಃ ।
ಅಮೃತಲಕುಚಬಿಲ್ವೈರ್ದಾಡಿಮೀನಾಲಿಕೇರೈ
ರುಚಿರುಚಿತಫಲೈಸ್ತೇ ವರ್ಧತಾಂ ಬದ್ಧರಾಗಾ ॥ ೩೫॥
ಶಶಿಕರಧವಲಾನಾಂ ನಾಗವಲ್ಲೀದಲಾನಾಂ
ಕ್ರಮುಕಕದರಜಾತೀಚನ್ದ್ರಸಂಯೋಗಭಾಜಾಮ್ ।
ಮೃಗಮದಸುರಸೂನುಸ್ಫೀತಚೂರ್ಣಾವೃತಾನಾಂ
ಭಜತು ಜನನಿ ರಾಗಂ ತ್ವನ್ಮುಖಾಮ್ಭೋಜಮೇತತ್ ॥ ೩೬॥
ಕ್ರಮುಕಕದರಜಾತೀಚನ್ದ್ರಸಂಯೋಗಭಾಜಾಮ್ ।
ಮೃಗಮದಸುರಸೂನುಸ್ಫೀತಚೂರ್ಣಾವೃತಾನಾಂ
ಭಜತು ಜನನಿ ರಾಗಂ ತ್ವನ್ಮುಖಾಮ್ಭೋಜಮೇತತ್ ॥ ೩೬॥
ಕನಕಭರಿತಪೃಥ್ವೀಂ ಮಾನುಷಾನನ್ದಮಾಹು-
ಸ್ತದುಪರಿ ಶತಕೋಟಿಕ್ರಾಮುಕಾನನ್ದಮಾಹುಃ ।
ಜನನಿ ತವ ದದೇಯಂ ದಕ್ಷಿಣಾಂ ಕಾಂ ತಥಾಪಿ
ಪ್ರಥಯ ಮಯಿ ದೃಗನ್ತಂ ದಕ್ಷಿಣಾವೀಕ್ಷಣೇನ ॥ ೩೭॥
ಸ್ತದುಪರಿ ಶತಕೋಟಿಕ್ರಾಮುಕಾನನ್ದಮಾಹುಃ ।
ಜನನಿ ತವ ದದೇಯಂ ದಕ್ಷಿಣಾಂ ಕಾಂ ತಥಾಪಿ
ಪ್ರಥಯ ಮಯಿ ದೃಗನ್ತಂ ದಕ್ಷಿಣಾವೀಕ್ಷಣೇನ ॥ ೩೭॥
ತ್ರಿಭುವನಕುಹರೇಽಸ್ಮಿನ್ಪೂರಿತೇ ವೇಣುವೀಣಾ-
ಪಟುಪಟಹಕಝಿಲ್ಲೀತಾಲಘಣ್ಟಾನಿನಾದೈಃ ।
ಉರಗಸುರವಧೂಭಿರ್ಗೀಯಮಾನಂ ಸಮನ್ತಾತ್
ಜನಯತು ಪದಮುಚ್ಚೈರ್ದೇವಿ ನೀರಾಜನಂ ತೇ ॥ ೩೮॥
ಪಟುಪಟಹಕಝಿಲ್ಲೀತಾಲಘಣ್ಟಾನಿನಾದೈಃ ।
ಉರಗಸುರವಧೂಭಿರ್ಗೀಯಮಾನಂ ಸಮನ್ತಾತ್
ಜನಯತು ಪದಮುಚ್ಚೈರ್ದೇವಿ ನೀರಾಜನಂ ತೇ ॥ ೩೮॥
ಪ್ರಾಣೇಷು ಪಞ್ಚಸು ನಿಧಾಯ ಷಡಾತ್ಮವೃತ್ತಿ-
ವರ್ತೀಶ್ಚಿದಗ್ನಿಪರಿಚುಮ್ಬಿತಜಾತಶೋಭಾಃ ।
ನೀರಾಜಯಾಮಿ ಭವತೀಂ ಭವತೀವ್ರತಾಪ-
ನಿರ್ವಾಪಹೇತುಮಧುನಾ ಮಧುನಾಽಲಸಾಕ್ಷಿ ॥ ೩೯॥
ವರ್ತೀಶ್ಚಿದಗ್ನಿಪರಿಚುಮ್ಬಿತಜಾತಶೋಭಾಃ ।
ನೀರಾಜಯಾಮಿ ಭವತೀಂ ಭವತೀವ್ರತಾಪ-
ನಿರ್ವಾಪಹೇತುಮಧುನಾ ಮಧುನಾಽಲಸಾಕ್ಷಿ ॥ ೩೯॥
ಉರಗತುರಗಹಂಸಕೇಕಿಶಾಲೂರಭೃಙ್ಗೀ-
ಮದಕಲಕಲವಿಙ್ಕೀಶ್ಯೇನಪಾರಾವತಾನಾಮ್ ।
ಗತಿಭಿರುಪಚಿತೋಽಯಂ ಮೌಲಿತಃ ಪಾದಮೂಲಂ
ಹರತು ದುರಿತಜಾತಂ ದೇವಿ ಕರ್ಪೂರದೀಪಃ ॥ ೪0॥
ಮದಕಲಕಲವಿಙ್ಕೀಶ್ಯೇನಪಾರಾವತಾನಾಮ್ ।
ಗತಿಭಿರುಪಚಿತೋಽಯಂ ಮೌಲಿತಃ ಪಾದಮೂಲಂ
ಹರತು ದುರಿತಜಾತಂ ದೇವಿ ಕರ್ಪೂರದೀಪಃ ॥ ೪0॥
ಜಯ ದೇವಿ ಜಯ ದೇವಿ ಜಯ ವಿಶ್ವಾಧಾರೇ
ದೀನಾನಾಥೋದ್ಧರಣಪ್ರವಣೇ ಜನಸಾರೇ ।
ತ್ವತ್ಪದಪದ್ಮೇ ಪದ್ಮೇ ವಿಧೃತವ್ಯಾಪಾರೇ
ಮಯಿ ದೀನೇ ಕುರು ಕರುಣಾಂ ಕರುಣಾಮೃತಪಾರೇ ॥ ೪೧॥
ದೀನಾನಾಥೋದ್ಧರಣಪ್ರವಣೇ ಜನಸಾರೇ ।
ತ್ವತ್ಪದಪದ್ಮೇ ಪದ್ಮೇ ವಿಧೃತವ್ಯಾಪಾರೇ
ಮಯಿ ದೀನೇ ಕುರು ಕರುಣಾಂ ಕರುಣಾಮೃತಪಾರೇ ॥ ೪೧॥
ಅಮೃತೋದಧಿಮಧ್ಯಸ್ಥಿತನವರತ್ನದ್ವೀಪೇ
ವಿಷ್ವಗ್ವಿಕಸಿತಸುರತರುನವಚಮ್ಪಕನೀಪೇ ।
ನಾನಾಕುಸುಮಾಮೋದಿನಿ ವಿಧುತಾಗರುಧೂಪೇ
ಚಿನ್ತಾಮಣಿಭವನೇಽಙ್ಗನತಿಷ್ಠತ್ಸುರಭೂಪೇ ॥ ೪೨॥
ವಿಷ್ವಗ್ವಿಕಸಿತಸುರತರುನವಚಮ್ಪಕನೀಪೇ ।
ನಾನಾಕುಸುಮಾಮೋದಿನಿ ವಿಧುತಾಗರುಧೂಪೇ
ಚಿನ್ತಾಮಣಿಭವನೇಽಙ್ಗನತಿಷ್ಠತ್ಸುರಭೂಪೇ ॥ ೪೨॥
ಮಾಣಿಕ್ಯೋಜ್ಜ್ವಲಚತ್ವರಸಿಂಹಾಸನಶೋಭೇ
ಶವಪಞ್ಚಕಮಞ್ಚೇಽಞ್ಚಿತಜನಲೋಚನಲೋಭೇ ।
ಸುಶ್ವೇತಾತಪವಾರಣಚಲಚಾಮರದಮ್ಭೇ
ಧ್ಯಾಯೇ ಭವತೀಮನಿಶಂ ಕೃತಜಗದಾರಮ್ಭೇ ॥ ೪೩॥
ಶವಪಞ್ಚಕಮಞ್ಚೇಽಞ್ಚಿತಜನಲೋಚನಲೋಭೇ ।
ಸುಶ್ವೇತಾತಪವಾರಣಚಲಚಾಮರದಮ್ಭೇ
ಧ್ಯಾಯೇ ಭವತೀಮನಿಶಂ ಕೃತಜಗದಾರಮ್ಭೇ ॥ ೪೩॥
ದಲಿತಜಪಾಕುಸುಮೋಪಮವಸನಚ್ಛನ್ನಾಙ್ಗೀಂ
ತರುಣಾರುಣಕರುಣಪ್ರದಕಿರಣಾವಲಿಭಙ್ಗೀಮ್ ।
ದಧತೀಂ ರಚನಾಂ ನಯನೇ ಯಮುನಾತಾರಙ್ಗೀಂ
ಕಲಯನ್ತೀಂ ಕುಚಕೋಶೇ ಸುಷಮಾಂ ನಾರಙ್ಗೀಮ್ ॥ ೪೪॥
ತರುಣಾರುಣಕರುಣಪ್ರದಕಿರಣಾವಲಿಭಙ್ಗೀಮ್ ।
ದಧತೀಂ ರಚನಾಂ ನಯನೇ ಯಮುನಾತಾರಙ್ಗೀಂ
ಕಲಯನ್ತೀಂ ಕುಚಕೋಶೇ ಸುಷಮಾಂ ನಾರಙ್ಗೀಮ್ ॥ ೪೪॥
ಶರಪಞ್ಚಕಬಾಣಾಸನಸೃಣಿಪಾಶೋಲ್ಲಸಿತಾಂ
ಮಲಯಾನಿಲಪರಿವಾದದಮುಖಪದ್ಮಶ್ವಸಿತಾಮ್ ।
ಬಾಲಾಮೃತಕರಮಣ್ಡಿತಚೂಡಾತಟಮೀಹತಾಂ
ಜ್ಯೋತಿಸ್ತ್ರಿತಯಾಲಙ್ಕೃತನಯನತ್ರಯಸಹಿತಾಮ್ ॥ ೪೫॥
ಮಲಯಾನಿಲಪರಿವಾದದಮುಖಪದ್ಮಶ್ವಸಿತಾಮ್ ।
ಬಾಲಾಮೃತಕರಮಣ್ಡಿತಚೂಡಾತಟಮೀಹತಾಂ
ಜ್ಯೋತಿಸ್ತ್ರಿತಯಾಲಙ್ಕೃತನಯನತ್ರಯಸಹಿತಾಮ್ ॥ ೪೫॥
ಪಶುಪತಿಯನ್ತ್ರಣಪಟುತರರೋಮಾವಲಿಯೂಪಾಂ
ಮನ್ಮಥತಸ್ಕರಗುಪ್ತಿಕ್ಷಮನಾಭೀಕೂಪಾಮ್ ।
ಪ್ರಪದಾಲಮ್ಬಿಶಿಖಾಮಣಿವೃನ್ದಾರಕಭೂಪಾಂ
ಕಮಲಾಸನಹರಿಹರಮುಖಚಿನ್ತ್ಯಾಮಿತರೂಪಾಮ್ ॥ ೪೬॥
ಮನ್ಮಥತಸ್ಕರಗುಪ್ತಿಕ್ಷಮನಾಭೀಕೂಪಾಮ್ ।
ಪ್ರಪದಾಲಮ್ಬಿಶಿಖಾಮಣಿವೃನ್ದಾರಕಭೂಪಾಂ
ಕಮಲಾಸನಹರಿಹರಮುಖಚಿನ್ತ್ಯಾಮಿತರೂಪಾಮ್ ॥ ೪೬॥
ಕಾಲೀ ಬಗಲಾ ಬಾಲಾ ತಾರಾ ಭುವನೇಶೀ
ವಾರಾಹೀ ಮಾತಙ್ಗೀ ಕಮಲಾ ವಚನೇಶೀ ।
ಛಿನ್ನಾ ದುರ್ಗಾ ಗಙ್ಗಾ ಕಾಶೀ ಕಾಮೇಶೀ
ತ್ವತ್ತೋ ನಾನ್ಯತ್ಕಿಞ್ಚಿತ್ತ್ವಂ ಚಿದ್ರಸಪೇಶೀ ॥ ೪೭॥
ವಾರಾಹೀ ಮಾತಙ್ಗೀ ಕಮಲಾ ವಚನೇಶೀ ।
ಛಿನ್ನಾ ದುರ್ಗಾ ಗಙ್ಗಾ ಕಾಶೀ ಕಾಮೇಶೀ
ತ್ವತ್ತೋ ನಾನ್ಯತ್ಕಿಞ್ಚಿತ್ತ್ವಂ ಚಿದ್ರಸಪೇಶೀ ॥ ೪೭॥
ತ್ವಂ ಭೂಮಿಸ್ತ್ವಂ ಸಲಿಲಂ ತ್ವಂ ತೇಜಃ ಪ್ರಬಲಂ
ತ್ವಂ ವಾಯುಸ್ತ್ವಂ ವ್ಯೋಮ ತ್ವಂ ಚಿತ್ತಂ ವಿಮಲಮ್ ।
ತ್ವಂ ಜೀವಸ್ತ್ವಂ ಚೇಶಸ್ತ್ವಂ ಬ್ರಹ್ಮಾಸ್ಯಮಲಂ
ಸತ್ಯಾನೃತಯೋರನ್ಯತ್ತ್ವತ್ತಃ ಕಿಂ ಸಕಲಮ್ ॥ ೪೮॥
ತ್ವಂ ವಾಯುಸ್ತ್ವಂ ವ್ಯೋಮ ತ್ವಂ ಚಿತ್ತಂ ವಿಮಲಮ್ ।
ತ್ವಂ ಜೀವಸ್ತ್ವಂ ಚೇಶಸ್ತ್ವಂ ಬ್ರಹ್ಮಾಸ್ಯಮಲಂ
ಸತ್ಯಾನೃತಯೋರನ್ಯತ್ತ್ವತ್ತಃ ಕಿಂ ಸಕಲಮ್ ॥ ೪೮॥
ಕುಲಕುಣ್ಡೇ ತ್ವಂ ಕುರುಷೇ ಶಯನೇ ಪ್ರಸ್ವಾಪಂ
ಸ್ವಾಧಿಷ್ಠಾನೇ ಮಿಹಿರಾಯುತದೀಧಿತಿತಾಪಮ್ ।
ನೀಲಾ ನಾಭೌ ಕಣ್ಠೇ ಶಶಿಭಾ ಹೃತಪಾಪಂ
ವರ್ಷಸ್ಯಮೃತಂ ಬಿನ್ದಾವಾನನ್ದಾವಾಪಮ್ ॥ ೪೯॥
ಸ್ವಾಧಿಷ್ಠಾನೇ ಮಿಹಿರಾಯುತದೀಧಿತಿತಾಪಮ್ ।
ನೀಲಾ ನಾಭೌ ಕಣ್ಠೇ ಶಶಿಭಾ ಹೃತಪಾಪಂ
ವರ್ಷಸ್ಯಮೃತಂ ಬಿನ್ದಾವಾನನ್ದಾವಾಪಮ್ ॥ ೪೯॥
ತ್ವತ್ಪದಪದ್ಮೇ ಚಿತ್ತಂ ತ್ರಿಪುರೇ ಮೇ ರಮತಾಂ
ತತ್ರೈವ ಪ್ರತಿವೇಲಂ ಮೌಲಿರ್ಮೇ ನಮತಾಮ್ ।
ಯಾತಾಯಾತಕ್ಲೇಶಃ ಸದ್ಯಃ ಸಂಶಮತಾಂ
ಯಾಚೇ ಭೂಯೋ ಭೂಯೋ ಭವತಾ ಮೇ ಭವತಾಮ್ ॥ ೫೦॥
ತತ್ರೈವ ಪ್ರತಿವೇಲಂ ಮೌಲಿರ್ಮೇ ನಮತಾಮ್ ।
ಯಾತಾಯಾತಕ್ಲೇಶಃ ಸದ್ಯಃ ಸಂಶಮತಾಂ
ಯಾಚೇ ಭೂಯೋ ಭೂಯೋ ಭವತಾ ಮೇ ಭವತಾಮ್ ॥ ೫೦॥
ನೃತ್ಯತಿ ಗಾಯತಿ ಸುರಸಂ ಸುರನಾರೀವೃನ್ದೇ
ಕರತಾಲೀದಾನೋತ್ಸುಕಸುರವಿತತಾನನ್ದೇ ।
ನೀರಾಜನಕಾಲೇ ತವ ಮುನಿಜನನುತವೇದೇ
ಚರಣಾನತಸಮ್ರಾಜಃ ಪರಿಹೃತಭವಖೇದೇ ॥ ೫೧॥
ಕರತಾಲೀದಾನೋತ್ಸುಕಸುರವಿತತಾನನ್ದೇ ।
ನೀರಾಜನಕಾಲೇ ತವ ಮುನಿಜನನುತವೇದೇ
ಚರಣಾನತಸಮ್ರಾಜಃ ಪರಿಹೃತಭವಖೇದೇ ॥ ೫೧॥
ಮಿಲದಲಿಪಟಲೀಭಿಃ ಕೇವಲಂ ಘ್ರಾತಪೂರ್ವಃ
ಸ್ಫುಟಿತಕುಸುಮಗರ್ಭಃ ಸ್ವೈರಸಞ್ಚಾರಿಣೀಭಿಃ ।
ಉಪಹಿತಪಟವಾಸಃ ಪುಷ್ಪಧೂಲೀಕದಮ್ಬೈಃ
ಪ್ರಭವತು ಪದಪಾತೀ ದೇವಿ ಪುಷ್ಪಾಞ್ಜಲಿಸ್ತೇ ॥ ೫೨॥
ಸ್ಫುಟಿತಕುಸುಮಗರ್ಭಃ ಸ್ವೈರಸಞ್ಚಾರಿಣೀಭಿಃ ।
ಉಪಹಿತಪಟವಾಸಃ ಪುಷ್ಪಧೂಲೀಕದಮ್ಬೈಃ
ಪ್ರಭವತು ಪದಪಾತೀ ದೇವಿ ಪುಷ್ಪಾಞ್ಜಲಿಸ್ತೇ ॥ ೫೨॥
ಸಕೃದಪಿ ವಿನತಾಙ್ಘ್ರಿಸ್ತ್ವಾಂ ಪರಿಕ್ರಮ್ಯ ಮಾತಃ
ಭವತಿ ಮಖಫಲೇಷು ಕ್ಷೀಣಲೋಭಂ ಮನೋ ನಃ ।
ಸರಸಿಜಮಕರನ್ದಾಸ್ವಾದತೃಪ್ತೋ ಮಿಲಿನ್ದಃ
ಕ್ವಚಿದಪಿ ಪಿಚುಮನ್ದೇ ಚಿತ್ತವೃತ್ತಿಂ ತನೋತಿ ॥ ೫೩॥
ಭವತಿ ಮಖಫಲೇಷು ಕ್ಷೀಣಲೋಭಂ ಮನೋ ನಃ ।
ಸರಸಿಜಮಕರನ್ದಾಸ್ವಾದತೃಪ್ತೋ ಮಿಲಿನ್ದಃ
ಕ್ವಚಿದಪಿ ಪಿಚುಮನ್ದೇ ಚಿತ್ತವೃತ್ತಿಂ ತನೋತಿ ॥ ೫೩॥
ಜನನಿ ಖಲಕಪೋತನ್ಯಾಯತಃ ಪಾತುಕಾನಾ-
ಮಧಿಪದಕಮಲಂ ತೇ ಮನ್ದವೃನ್ದಾರಕಾಣಾಮ್ ।
ಭವತು ನಯನಯೋಸ್ತೇ ಗೋಚರಃ ಕ್ವಾನತಿರ್ಮೇ
ನ ಲಸತಿ ಪುನರುಚ್ಚೇಃ ಸ್ವೈರಮುದ್ಗ್ರೀವಿಕಾ ಚೇತ್ ॥ ೫೪॥
ಮಧಿಪದಕಮಲಂ ತೇ ಮನ್ದವೃನ್ದಾರಕಾಣಾಮ್ ।
ಭವತು ನಯನಯೋಸ್ತೇ ಗೋಚರಃ ಕ್ವಾನತಿರ್ಮೇ
ನ ಲಸತಿ ಪುನರುಚ್ಚೇಃ ಸ್ವೈರಮುದ್ಗ್ರೀವಿಕಾ ಚೇತ್ ॥ ೫೪॥
ವಿಮಲಮುಕುರಬಿಮ್ಬಂ ಪುಣ್ಡರೀಕಾತಪತ್ರಂ
ಶಿಶಿರಕರಸಮಾನೇ ಚಾಮರೇ ಚಾಮರೇಶಿ ।
ಕರಿತುರಗಕದಮ್ಬಂ ಶಕ್ತಿಭಿರ್ದಿಶ್ಯಮಾನಂ
ಜನಯ ಸಫಲಮಞ್ಚಲ್ಲೋಚನಾಲೋಚನಾಭಿಃ ॥ ೫೫॥
ಶಿಶಿರಕರಸಮಾನೇ ಚಾಮರೇ ಚಾಮರೇಶಿ ।
ಕರಿತುರಗಕದಮ್ಬಂ ಶಕ್ತಿಭಿರ್ದಿಶ್ಯಮಾನಂ
ಜನಯ ಸಫಲಮಞ್ಚಲ್ಲೋಚನಾಲೋಚನಾಭಿಃ ॥ ೫೫॥
ಅಥ ಕೃತಪರಿವಾರಾಭ್ಯರ್ಚನಂ ತೇ ಸಮರ್ಪ್ಯ
ಸ್ತುತಿಭಿರನುಪಮಾಭಿಃ ಪಾವಯೇ ಸ್ವಾಂ ರಸಜ್ಞಾಮ್ ।
ಯದಪಿ ನ ರವಿರಶ್ಮಿಃ ಸ್ವೋಪಕಾರಂ ವಿಧತ್ತೇ
ತದಪಿ ಕಮಲಮಾಲಾಮ್ಲಾನಹಾನಿಂ ತನೋತಿ ॥ ೫೬॥
ಸ್ತುತಿಭಿರನುಪಮಾಭಿಃ ಪಾವಯೇ ಸ್ವಾಂ ರಸಜ್ಞಾಮ್ ।
ಯದಪಿ ನ ರವಿರಶ್ಮಿಃ ಸ್ವೋಪಕಾರಂ ವಿಧತ್ತೇ
ತದಪಿ ಕಮಲಮಾಲಾಮ್ಲಾನಹಾನಿಂ ತನೋತಿ ॥ ೫೬॥
ಶ್ರವಸಿ ವಿಶತಿ ಯಸ್ಯ ತ್ವನ್ಮನೋರೇಕವರ್ಣಃ
ಸಕೃದಪಿ ವಿಧಿಯೋಗಾದಮ್ಬಿಕೇ ಮಾನವಸ್ಯ ।
ಲಘುತರಫಲಮೇತದ್ಯತ್ತ್ರಿವರ್ಗಾಶ್ರಯತ್ವಂ
ಪರಿಚರತಿ ಪುರಸ್ತಾತ್ಪೂರುಷಾರ್ಥಶ್ಚತುರ್ಥಃ ॥ ೫೭॥
ಸಕೃದಪಿ ವಿಧಿಯೋಗಾದಮ್ಬಿಕೇ ಮಾನವಸ್ಯ ।
ಲಘುತರಫಲಮೇತದ್ಯತ್ತ್ರಿವರ್ಗಾಶ್ರಯತ್ವಂ
ಪರಿಚರತಿ ಪುರಸ್ತಾತ್ಪೂರುಷಾರ್ಥಶ್ಚತುರ್ಥಃ ॥ ೫೭॥
ಹೃದಯಕಮಲಮಧ್ಯೇ ತ್ವಾಂ ಸಮಾನೀಯ ಮಾತಃ
ಪವನಭರಿತನಾಡೀರನ್ಧ್ರಮುದ್ರಾವಿಧಿಜ್ಞಾಃ ।
ದಧತಿ ಪರಮಧನ್ಯಾಃ ಕುಣ್ಡಲೀಸ್ಪರ್ಶಹೃಷ್ಯ-
ಚ್ಛಶಿಗಲದಮೃತೌಘಪ್ಲಾವಜನ್ಯಪ್ರಮೋದಮ್ ॥ ೫೮॥
ಪವನಭರಿತನಾಡೀರನ್ಧ್ರಮುದ್ರಾವಿಧಿಜ್ಞಾಃ ।
ದಧತಿ ಪರಮಧನ್ಯಾಃ ಕುಣ್ಡಲೀಸ್ಪರ್ಶಹೃಷ್ಯ-
ಚ್ಛಶಿಗಲದಮೃತೌಘಪ್ಲಾವಜನ್ಯಪ್ರಮೋದಮ್ ॥ ೫೮॥
ವದತಿ ವಿಧಿಕಲತ್ರಂ ತ್ವಾಂ ಶಿವೇ ಕೋಽಪಿ ಕಶ್ಚಿತ್
ತ್ರಿಪುರಮಥನಪುಣ್ಯಂ ಶ್ರೀಪತೇಃ ಕೋಽಪಿ ಭಾಗ್ಯಮ್ ।
ಪ್ರಕೃತಿಮಿತಿ ಪರೇಽಪಿ ಪ್ರೌಢವಿಜ್ಞಾನಮೇಕೇ
ನಿಖಿಲನಿಗಮಮೂಲಂ ಮನ್ಮಹೇ ಬೋಧಮೇವ ॥ ೫೯॥
ತ್ರಿಪುರಮಥನಪುಣ್ಯಂ ಶ್ರೀಪತೇಃ ಕೋಽಪಿ ಭಾಗ್ಯಮ್ ।
ಪ್ರಕೃತಿಮಿತಿ ಪರೇಽಪಿ ಪ್ರೌಢವಿಜ್ಞಾನಮೇಕೇ
ನಿಖಿಲನಿಗಮಮೂಲಂ ಮನ್ಮಹೇ ಬೋಧಮೇವ ॥ ೫೯॥
ಕದಾ ತವ ಪದಾಮ್ಬುಜಸ್ಮರಣಜಾತರೋಮೋದ್ಗಮಃ
ಸದಾಶಿವಮದಾಲಸೇ ಜನನಿ ಮಾತರಿತ್ಯುದ್ಗಿರನ್ ।
ನಿಲೀನಕರಣಕ್ರಿಯಸ್ತ್ರಿದಶಗರ್ವಸರ್ವಙ್ಕಷಾ-
ಮಖರ್ವಪದವೀಂ ಭಜೇ ಹರಿಹರಾದಿಭಿರ್ಭಾವಿತಾಮ್ ॥ ೬೦॥
ಸದಾಶಿವಮದಾಲಸೇ ಜನನಿ ಮಾತರಿತ್ಯುದ್ಗಿರನ್ ।
ನಿಲೀನಕರಣಕ್ರಿಯಸ್ತ್ರಿದಶಗರ್ವಸರ್ವಙ್ಕಷಾ-
ಮಖರ್ವಪದವೀಂ ಭಜೇ ಹರಿಹರಾದಿಭಿರ್ಭಾವಿತಾಮ್ ॥ ೬೦॥
ತ್ವದೀಯಮುಖಚನ್ದಿರೇ ಚಲಿತಲೋಚನೇನ್ದಿನ್ದಿರೇ
ಪ್ರಸಾದಕುಲಮನ್ದಿರೇ ಸ್ಥಗಿತಪದ್ಮಚನ್ದೇನ್ದಿರೇ ।
ಪ್ರಭಾಪಟಲತನ್ತುರೇ ಲಲಿತಹಾವಕೇಲೀಪುರೇ
ಹೃತಸ್ಮರಹರಾನ್ತರೇ ಧೃತಮತಿರ್ಭವಂ ಸನ್ತರೇ ॥ ೬೧॥
ಪ್ರಸಾದಕುಲಮನ್ದಿರೇ ಸ್ಥಗಿತಪದ್ಮಚನ್ದೇನ್ದಿರೇ ।
ಪ್ರಭಾಪಟಲತನ್ತುರೇ ಲಲಿತಹಾವಕೇಲೀಪುರೇ
ಹೃತಸ್ಮರಹರಾನ್ತರೇ ಧೃತಮತಿರ್ಭವಂ ಸನ್ತರೇ ॥ ೬೧॥
ತ್ವದೀಯಂ ಯದ್ರೂಪಂ ಜನಜನನಿ ಬಿನ್ದುತ್ರಯಯುತಂ
ಸ್ಮರನ್ನನ್ತರ್ಯೋಗಾತ್ತ್ರಿದಿವಪತಿತಾಮಾಪ ಸುರಪಃ ।
ಇದಂ ಕೋ ಜಾನೀತೇ ಕ್ಷಣಮಪಿ ಹರಾರ್ಧಂ ಪ್ರಜಪತಾಂ
ಹಸಾರ್ಧಂ ವ್ಯಾಲಮ್ಬ್ಯ ಪ್ರತಿಫಲತಿ ಹಂಸಃ ಪರಿಣತಿಃ ॥ ೬೨॥
ಸ್ಮರನ್ನನ್ತರ್ಯೋಗಾತ್ತ್ರಿದಿವಪತಿತಾಮಾಪ ಸುರಪಃ ।
ಇದಂ ಕೋ ಜಾನೀತೇ ಕ್ಷಣಮಪಿ ಹರಾರ್ಧಂ ಪ್ರಜಪತಾಂ
ಹಸಾರ್ಧಂ ವ್ಯಾಲಮ್ಬ್ಯ ಪ್ರತಿಫಲತಿ ಹಂಸಃ ಪರಿಣತಿಃ ॥ ೬೨॥
ಜನನಿ ನಿಭೃತಂ ಯತ್ತೇ ರೂಪಂ ವದತ್ಯತಿಶಾಶ್ವತಂ
ಲಸತು ಹೃದಿ ನೋ ದೀಪಪ್ರಾಯಃ ಸ ಕೋಽಪಿ ಹಸಾತ್ಮಕಃ ।
ಸ್ಮರಣವಿಷಯೇ ಯೇನ ಸ್ವೈರಂ ಸ್ವರೇಣ ವಿಜೃಮ್ಭತಾ
ತ್ರಿಪುರಮಥನಃ ಪ್ರಾಪೇಶತ್ವಂ ತದಾತ್ಮಕತಾಂ ಗತಃ ॥ ೬೩॥
ಲಸತು ಹೃದಿ ನೋ ದೀಪಪ್ರಾಯಃ ಸ ಕೋಽಪಿ ಹಸಾತ್ಮಕಃ ।
ಸ್ಮರಣವಿಷಯೇ ಯೇನ ಸ್ವೈರಂ ಸ್ವರೇಣ ವಿಜೃಮ್ಭತಾ
ತ್ರಿಪುರಮಥನಃ ಪ್ರಾಪೇಶತ್ವಂ ತದಾತ್ಮಕತಾಂ ಗತಃ ॥ ೬೩॥
ಋಚಾಮಾಚಾರ್ಯಾಸಿ ಸ್ತುತಿಶತಜುಷಾಂ ಚಾಪಿ ಯಜುಷಾಂ
ಮಹಾಧಾಮ್ನಾಂ ಸಾಮ್ನಾಂ ಪ್ರಥಿತಯಶಸೋಽಥರ್ವಶಿರಸಃ ।
ಹರಿಬ್ರಹ್ಮೇಶಾದ್ಯಾಃ ಪ್ರಪದಕಿರಣೋತ್ತಂಸಮುಕುಟಾ-
ಸ್ತವಾತಸ್ತ್ವಾಂ ಸ್ತೋತುಂ ಜನಜನನಿ ಕೋ ವಾ ಪ್ರಭವತು ॥ ೬೪॥
ಮಹಾಧಾಮ್ನಾಂ ಸಾಮ್ನಾಂ ಪ್ರಥಿತಯಶಸೋಽಥರ್ವಶಿರಸಃ ।
ಹರಿಬ್ರಹ್ಮೇಶಾದ್ಯಾಃ ಪ್ರಪದಕಿರಣೋತ್ತಂಸಮುಕುಟಾ-
ಸ್ತವಾತಸ್ತ್ವಾಂ ಸ್ತೋತುಂ ಜನಜನನಿ ಕೋ ವಾ ಪ್ರಭವತು ॥ ೬೪॥
ತ್ರಸ್ಯತ್ಖಞ್ಜನಗಞ್ಜನವ್ಯಸನಿನೀಮುನ್ಮಾಥಿನೀಂ ಮಾದ್ಯತೋ
ಜೀವಞ್ಜೀವಕುಲಸ್ಯ ಭೃಙ್ಗಪಟಲೀನ್ಯಕ್ಕಾರಬದ್ಧವ್ರತಾಮ್ ।
ರಙ್ಕೂಚ್ಛಙ್ಕುವಿಧಾಯಿನೀಂ ಚ ನಲಿನಶ್ರೀಗರ್ವಸರ್ವಙ್ಕಷಾಂ
ಕಾರುಣ್ಯಾಮೃತವರ್ಷಿಣೀಂ ಮಯಿ ಶಿವೇ ದೃಷ್ಟಿಂ ಮನಾಙ್ಮೋಟಯ ॥ ೬೫॥
ಜೀವಞ್ಜೀವಕುಲಸ್ಯ ಭೃಙ್ಗಪಟಲೀನ್ಯಕ್ಕಾರಬದ್ಧವ್ರತಾಮ್ ।
ರಙ್ಕೂಚ್ಛಙ್ಕುವಿಧಾಯಿನೀಂ ಚ ನಲಿನಶ್ರೀಗರ್ವಸರ್ವಙ್ಕಷಾಂ
ಕಾರುಣ್ಯಾಮೃತವರ್ಷಿಣೀಂ ಮಯಿ ಶಿವೇ ದೃಷ್ಟಿಂ ಮನಾಙ್ಮೋಟಯ ॥ ೬೫॥
ರಿಙ್ಗದ್ಭೃಙ್ಗಕದಮ್ಬಡಮ್ಬರಪರಿಷ್ವಙ್ಗಪ್ರಸಙ್ಗಾಕುಲ-
ಪ್ರತ್ಯೂಷಸ್ಫುರಮಾಣಪಙ್ಕಜವನೀಸೌಭಾಗ್ಯಸರ್ವಙ್ಕಷಃ ।
ದೃಕ್ಕೋಣಃ ಕರುಣಾಙ್ಕುರಾಙ್ಕ್ಷಿತತನುಃ ಕೋಽಪ್ಯದ್ರಿಜೇ ಮದ್ವಪುಃ-
ಪಾನ್ಥತ್ವೇ ತರಸಾ ಭವೇತ್ಪರಿಕರೀ ಧನ್ಯಸ್ತದಾ ಸ್ಯಾಂ ನ ಕಿಮ್ ॥ ೬೬॥
ಪ್ರತ್ಯೂಷಸ್ಫುರಮಾಣಪಙ್ಕಜವನೀಸೌಭಾಗ್ಯಸರ್ವಙ್ಕಷಃ ।
ದೃಕ್ಕೋಣಃ ಕರುಣಾಙ್ಕುರಾಙ್ಕ್ಷಿತತನುಃ ಕೋಽಪ್ಯದ್ರಿಜೇ ಮದ್ವಪುಃ-
ಪಾನ್ಥತ್ವೇ ತರಸಾ ಭವೇತ್ಪರಿಕರೀ ಧನ್ಯಸ್ತದಾ ಸ್ಯಾಂ ನ ಕಿಮ್ ॥ ೬೬॥
ಸಮುದ್ಯನ್ಮಾರ್ತಣ್ಡಪ್ರಸೃಮರಕರಾಲೀಮಸೃಣಯಾ
ಪದದ್ವನ್ದ್ವಾನನ್ದಪ್ರಣಯಿಜನರಿಙ್ಗತ್ಕರುಣಯಾ ।
ಲಲಲ್ಲೀಲಾಭಾಜಾ ಪರಶಿವಪರಿಷ್ವಙ್ಗಪರಯಾ
ಧಿಯಾ ಚೇತಃ ಕಾಲಂ ನಯ ಗತನಯ ತ್ವಂ ಕ್ಷಣಮಪಿ ॥ ೬೭॥
ಪದದ್ವನ್ದ್ವಾನನ್ದಪ್ರಣಯಿಜನರಿಙ್ಗತ್ಕರುಣಯಾ ।
ಲಲಲ್ಲೀಲಾಭಾಜಾ ಪರಶಿವಪರಿಷ್ವಙ್ಗಪರಯಾ
ಧಿಯಾ ಚೇತಃ ಕಾಲಂ ನಯ ಗತನಯ ತ್ವಂ ಕ್ಷಣಮಪಿ ॥ ೬೭॥
ವೇದೈರಙ್ಘ್ರಿಭಿರುಜ್ಜ್ವಲೋಪನಿಷದಾಂ ವೃನ್ದೈರಧಃಕಲ್ಪಿತೈಃ
ಶಾಸ್ತ್ರಾದ್ಯೈರಪಿ ತಿರ್ಯಗೂರ್ಧ್ವಕಲಿತೈರೋಙ್ಕಾರಮಾರ್ಗೇಣ ಚ ।
ವಿಷ್ವಙ್ಮಾತ್ರನಿಬನ್ಧನೈಃ ಪರಿಚಿತೇಽಸ್ಮಿನ್ವಾಙ್ಮಯೇ ಪಞ್ಜರೇ
ಕೀರೀ ಕಾಚನ ಚೇತನೈಕವಿಭವಾ ಚಿತ್ತೇ ಚಕಾಸ್ತಾಚ್ಚಿರಮ್ ॥ ೬೮॥
ಶಾಸ್ತ್ರಾದ್ಯೈರಪಿ ತಿರ್ಯಗೂರ್ಧ್ವಕಲಿತೈರೋಙ್ಕಾರಮಾರ್ಗೇಣ ಚ ।
ವಿಷ್ವಙ್ಮಾತ್ರನಿಬನ್ಧನೈಃ ಪರಿಚಿತೇಽಸ್ಮಿನ್ವಾಙ್ಮಯೇ ಪಞ್ಜರೇ
ಕೀರೀ ಕಾಚನ ಚೇತನೈಕವಿಭವಾ ಚಿತ್ತೇ ಚಕಾಸ್ತಾಚ್ಚಿರಮ್ ॥ ೬೮॥
ತರುಣಾರುಣಪ್ರತಿಮರಮ್ಯರುಚಿಂ ಕುಸುಮೇಷುಚಾಪಸೃಣಿಪಾಶಕರಾಮ್ ।
ತ್ರಿಗುಣಾತ್ಪರಾಂ ತ್ರಿಗುಣರೂಪಮಯೀಂ ಭವತೀಮಹರ್ನಿಶಮಹಂ ಕಲಯೇ ॥ ೬೯॥
ತ್ರಿಗುಣಾತ್ಪರಾಂ ತ್ರಿಗುಣರೂಪಮಯೀಂ ಭವತೀಮಹರ್ನಿಶಮಹಂ ಕಲಯೇ ॥ ೬೯॥
ಇತಿ ನಿಜಮತಿವೈಭವಾನುರೂಪಾಮಕೃತ ಕವಿರ್ಭುವಿ ಸಾಮರಾಜನಾಮಾ ।
ಸಮಯಿಜನಮುದೇಽಮ್ಬಿಕಾಸಪರ್ಯಾಮಮೃತಸುಖಾತ್ಮಕತಾವಿಕಾಸಪರ್ಯಾಮ್ ॥ ೭೦॥
ಸಮಯಿಜನಮುದೇಽಮ್ಬಿಕಾಸಪರ್ಯಾಮಮೃತಸುಖಾತ್ಮಕತಾವಿಕಾಸಪರ್ಯಾಮ್ ॥ ೭೦॥
॥ ಇತಿ ಶ್ರೀಸತ್ಯಾನನ್ದನಾಥಾಪರನಾಮಧೇಯಸಾಮರಾಜದೀಕ್ಷಿತವಿರಚಿತೇ ಪೂಜಾರತ್ನವರ್ತಿ ತ್ರಿಪುರಸುನ್ದರೀಮಾನಸಪೂಜನಸ್ತೋತ್ರಂ ಸಮ್ಪೂರ್ಣಮ್ ॥