Lord Ganesha

श्री विनायक स्तवराजः

(Shri Vinayaka Stavarajah)

From Brahmanda Purana

Also known as bijapuragadeksukarmukaruja cakrabjapasotpala

Language:Sanskrit
Translation:English

Found in the Brahmanda Purana, this powerful hymn serves as a comprehensive meditation on the iconography and divine authority of Lord Ganesha. The verses vividly describe his multi-armed form holding sacred symbols of creation, preservation, and destruction. As the Lord of Siddhis and son of Goddess Gauri, he is invoked to remove obstacles and grant spiritual fulfillment. Devotees chant this Stavarajah to invoke the protection and wisdom of the Remover of Obstacles, seeking success in all worldly endeavors and the ultimate attainment of divine grace through unwavering devotion to the elephant-headed deity.

Read In:
DevanagariGujaratiBengaliAssameseOdiaTeluguTamilKannadaMalayalamEnglish (IAST)

Script: Devanagari (देवनागरी) — also the script of Hindi, Marathi, Nepali and Konkani.

Reading depth
Lyrics
बीजापूरगदेक्षुकार्मुकरुजा चक्राब्जपाशोत्पल-
-व्रीह्यग्रस्वविषाणरत्नकलशप्रोद्यत्कराम्भोरुहः ।
ध्येयो वल्लभया सपद्मकरयाश्लिष्टोज्ज्वलद्भूषया
विश्वोत्पत्तिविपत्तिसंस्थितिकरो विघ्नेश इष्टार्थदः ॥ 1 ॥
नमस्ते सिद्धिलक्ष्मीश गणाधिप महाप्रभो ।
विघ्नेश्वर जगन्नाथ गौरीपुत्र जगत्प्रभो ॥ 2 ॥
जय विघ्नेश्वर विभो विनायक महेश्वर ।
लम्बोदर महाबाहो सर्वदा त्वं प्रसीद मे ॥ 3 ॥
महादेव जगत्स्वामिन् मूषिकारूढ शङ्कर ।
विशालाक्ष महाकाय मां त्राहि परमेश्वर ॥ 4 ॥
कुञ्जरास्य सुराधीश महेश करुणानिधे ।
मातुलुङ्गधर स्वामिन् गदाचक्रसमन्वित ॥ 5 ॥
दशबाहो महाराज गजवक्त्र चतुर्भुज ।
शूर्पकर्ण महाकर्ण गणनाथ प्रसीद मे ॥ 6 ॥
शङ्खशूलसमायुक्त बीजापूरसमन्वित ।
इक्षुकार्मुकसंयुक्त पद्महस्त प्रसीद मे ॥ 7 ॥
नानाभरणसंयुक्त रत्नकुम्भकर प्रभो ।
सर्गस्थितिलयाधीश परमात्मन् जय प्रभो ॥ 8 ॥
अनाथनाथ विश्वेश विघ्नसङ्घविनाशन ।
त्रयीमूर्ते सुरपते ब्रह्मविष्णुशिवात्मक ॥ 9 ॥
त्रयीगुण महादेव पाहि मां सर्वपालक ।
अणिमादिगुणाधार लक्ष्मीश्रीविष्णुपूजित ॥ 10 ॥
गौरीशङ्करसम्पूज्य जय त्वं गणनायक ।
रतिमन्मथसंसेव्य महीभूदारसंस्तुत ॥ 11 ॥
ऋद्ध्यामोदादिसंसेव्य महागणपते जय ।
शङ्खपद्मादिसंसेव्य निरालम्ब निरीश्वर ॥ 12 ॥
निष्कलङ्क निराधार पाहि मां नित्यमव्यय ।
अनाद्य जगतामाद्य पितामहसुपूजित ॥ 13 ॥
धूमकेतो गणाध्यक्ष महामूषकवाहन ।
अनन्तपरमानन्द जय विघ्नेश्वरेश्वर ॥ 14 ॥
रत्नसिंहासनासीन किरीटेन सुशोभित ।
परात्पर परेशान परपूरुष पाहि माम् ॥ 15 ॥
निर्द्वन्द्व निर्गुणाभास जपापुष्पसमप्रभ ।
सर्वप्रमथसंस्तुत्य त्राहि मां विघ्ननायक ॥ 16 ॥
कुमारस्य गुरो देव सर्वैश्वर्यप्रदायक ।
सर्वाभीष्टप्रद स्वामिन् सर्वप्रत्यूहनाशक ॥ 17 ॥
शरण्य सर्वलोकानां शरणागतवत्सल ।
महागणपते नित्यं मां पालय कृपानिधे ॥ 18 ॥
एवं श्रीगणनाथस्य स्तवराजमनुत्तमम् ।
यः पठेच्छृणुयान्नित्यं प्रत्यूहैः स विमुच्यते ॥ 19 ॥
अश्वमेधसमं पुण्यफलं प्राप्नोत्यनुत्तमम् ।
वशीकरोति त्रैलोक्यं प्राप्य सौभाग्यमुत्तमम् ॥ 20 ॥
सर्वाभीष्टमवाप्नोति शीघ्रमेव सुदुर्लभम् ।
महागणेशसान्निध्यं प्राप्नोत्येव न संशयः ॥ 21 ॥
इति श्रीरुद्रयामले श्रीविनायकस्तवराजः सम्पूर्णम् ।

More Ganesha Stotras

उच्छिष्ट गणपति स्तोत्रम्
Ucchista Ganapati Stotram
श्री उच्छिष्टगणनाथ अष्टोत्तरशतनामावलिः
Sri Ucchistagananatha Astottarasatanamavalih
वक्रतुण्ड महाकाय स्तोत्रम्
Vakratunda Mahakaya
वातापि गणपतिं भजेहं
Vatapi Ganapatim Bhajeham
विघ्नेश्वर अष्टोत्तर शत नाम स्तोत्रम्
Vighneswara Ashtottara Shatanama Stotram
विनायक अष्टोत्तर शत नाम स्तोत्रम्
Vinayaka Ashtottara Sata Nama Stotram
विनायक अष्टोत्तर शत नामावलि
Vinayaka Ashtottara Shatanamavali
योगप्रद गणेश स्तोत्रम्
Yogaprada Ganesa Stotram
View All Ganesha Collection →

Explore More

Ganesha CollectionWealthObstaclesHealthProtectionWisdomHome