শ্রীরাজোবাচ
কথিতো বংশবিস্তারো ভবতা সোমসূর্যযোঃ । রাজ্ঞাং চোভযবংশ্যানাং চরিতং পরমাদ্ভুতম্ ॥ ১ ॥
কথিতো বংশবিস্তারো ভবতা সোমসূর্যযোঃ । রাজ্ঞাং চোভযবংশ্যানাং চরিতং পরমাদ্ভুতম্ ॥ ১ ॥
যদোশ্চ ধর্মশীলস্য নিতরাং মুনিসত্তম । তত্রাংশেনাবতীর্ণস্য বিষ্ণোর্বীর্যাণি শংস নঃ ॥ ২ ॥
অবতীর্য যদোর্বংশে ভগবান্ ভূতভাবনঃ । কৃতবান্ যানি বিশ্বাত্মা তানি নো বদ বিস্তরাত্ ॥ ৩ ॥
নিবৃত্ততর্ষৈরুপগীযমানাদ্ভবৌষধাচ্ছ্রোত্রমনোঽভিরামাত্ । ক উত্তমশ্লোকগুণানুবাদাত্পুমান্ বিরজ্যেত বিনা পশুঘ্নাত্ ॥ ৪ ॥
পিতামহা মে সমরেঽমরঞ্জযৈ-র্দেবব্রতাদ্যাতিরথৈস্তিমিঙ্গিলৈঃ । দূরত্যযং কৌরবসৈন্যসাগরংকৃত্বাতরন্ বত্সপদং স্ম যত্প্লবাঃ ॥ ৫ ॥
দ্রৌণ্যস্ত্রবিপ্লুষ্টমিদং মদঙ্গংসন্তানবীজং কুরুপাণ্ডবানাম্ । জুগোপ কুক্ষিং গত আত্তচক্রোমাতুশ্চ মে যঃ শরণং গতাযাঃ ॥ ৬ ॥
বীর্যাণি তস্যাখিলদেহভাজা-মন্তর্বহিঃ পূরুষকালরূপৈঃ । প্রযচ্ছতো মৃত্যুমুতামৃতং চমাযামনুষ্যস্য বদস্ব বিদ্বন্ ॥ ৭ ॥
রোহিণ্যাস্তনযঃ প্রোক্তো রামঃ সঙ্কর্ষণস্ত্বযা । দেবক্যা গর্ভসম্বন্ধঃ কুতো দেহান্তরং বিনা ॥ ৮ ॥
কস্মান্মুকুন্দো ভগবান্ পিতুর্গেহাদ্ ব্রজং গতঃ । ক্ব বাসং জ্ঞাতিভিঃ সার্ধং কৃতবান্ সাত্বতাংপতিঃ ॥ ৯ ॥
ব্রজে বসন্ কিমকরোন্মধুপুর্যাং চ কেশবঃ । ভ্রাতরং চাবধীত্ কংসং মাতুরদ্ধাতদর্হণম্ ॥ ১০ ॥
দেহং মানুষমাশ্রিত্য কতি বর্ষাণি বৃষ্ণিভিঃ । যদুপুর্যাং সহাবাত্সীত্ পত্ন্যঃ কত্যভবন্ প্রভোঃ ॥ ১১ ॥
এতদন্যচ্চ সর্বং মে মুনে কৃষ্ণবিচেষ্টিতম্ । বক্তুমর্হসি সর্বজ্ঞ শ্রদ্দধানায বিস্তৃতম্ ॥ ১২ ॥
নৈষাতিদুঃসহা ক্ষুন্মাং ত্যক্তোদমপি বাধতে । পিবন্তং ত্বন্মুখাম্ভোজচ্যুতং হরিকথামৃতম্ ॥ ১৩ ॥
সূত উবাচ
এবং নিশম্য ভৃগুনন্দন সাধুবাদংবৈযাসকিঃ স ভগবানথ বিষ্ণুরাতম্ । প্রত্যর্চ্য কৃষ্ণচরিতং কলিকল্মষঘ্নংব্যাহর্তুমারভত ভাগবতপ্রধানঃ ॥ ১৪ ॥
এবং নিশম্য ভৃগুনন্দন সাধুবাদংবৈযাসকিঃ স ভগবানথ বিষ্ণুরাতম্ । প্রত্যর্চ্য কৃষ্ণচরিতং কলিকল্মষঘ্নংব্যাহর্তুমারভত ভাগবতপ্রধানঃ ॥ ১৪ ॥
শ্রীশুক উবাচ
সম্যগ্ব্যবসিতা বুদ্ধিস্তব রাজর্ষিসত্তম । বাসুদেবকথাযাং তে যজ্জাতা নৈষ্ঠিকী রতিঃ ॥ ১৫ ॥
সম্যগ্ব্যবসিতা বুদ্ধিস্তব রাজর্ষিসত্তম । বাসুদেবকথাযাং তে যজ্জাতা নৈষ্ঠিকী রতিঃ ॥ ১৫ ॥
বাসুদেবকথাপ্রশ্নঃ পুরুষাংস্ত্রীন্ পুনাতি হি । বক্তারং প্রচ্ছকং শ্রোতৃংস্তত্পাদসলিলং যথা ॥ ১৬ ॥
ভূমির্দৃপ্তনৃপব্যাজদৈত্যানীকশতাযুতৈঃ । আক্রান্তা ভূরিভারেণ ব্রহ্মাণং শরণং যযৌ ॥ ১৭ ॥
গৌর্ভূত্বাশ্রুমুখী খিন্না ক্রন্দন্তী করুণং বিভোঃ । উপস্থিতান্তিকে তস্মৈ ব্যসনং সমবোচত ॥ ১৮ ॥
ব্রহ্মা তদুপধার্যাথ সহ দেবৈস্তযা সহ । জগাম সত্রিনযনস্তীরং ক্ষীরপযোনিধেঃ ॥ ১৯ ॥
তত্র গত্বা জগন্নাথং দেবদেবং বৃষাকপিম্ । পুরুষং পুরুষসূক্তেন উপতস্থে সমাহিতঃ ॥ ২০ ॥
গিরং সমাধৌ গগনে সমীরিতাংনিশম্য বেধাস্ত্রিদশানুবাচ হ । গাং পৌরুষীং মে শৃণুতামরাঃ পুন-র্বিধীযতামাশু তথৈব মা চিরম্ ॥ ২১ ॥
পুরৈব পুংসাবধৃতো ধরাজ্বরোভবদ্ভিরংশৈর্যদুষূপজন্যতাম্ । স যাবদুর্ব্যা ভরমীশ্বরেশ্বরঃস্বকালশক্ত্যা ক্ষপযংশ্চরেদ্ ভুবি ॥ ২২ ॥
বসুদেবগৃহে সাক্ষাদ্ ভগবান্পুরুষঃ পরঃ । জনিষ্যতে তত্প্রিযার্থং সম্ভবন্তু সুরস্ত্রিযঃ ॥ ২৩ ॥
বাসুদেবকলানন্তঃ সহস্রবদনঃ স্বরাট্ । অগ্রতো ভবিতা দেবো হরেঃ প্রিযচিকীর্ষযা ॥ ২৪ ॥
বিষ্ণোর্মাযা ভগবতী যযা সম্মোহিতং জগত্ । আদিষ্টা প্রভুণাংশেন কার্যার্থে সম্ভবিষ্যতি ॥ ২৫ ॥
শ্রীশুক উবাচ
ইত্যাদিশ্যামরগণান্ প্রজাপতিপতির্বিভুঃ । আশ্বাস্য চ মহীং গীর্ভিঃ স্বধাম পরমং যযৌ ॥ ২৬ ॥
ইত্যাদিশ্যামরগণান্ প্রজাপতিপতির্বিভুঃ । আশ্বাস্য চ মহীং গীর্ভিঃ স্বধাম পরমং যযৌ ॥ ২৬ ॥
শূরসেনো যদুপতির্মথুরামাবসন্ পুরীম্ । মাথুরাঞ্ছূরসেনাংশ্চ বিষযান্ বুভুজে পুরা ॥ ২৭ ॥
রাজধানী ততঃ সাভূত্সর্বযাদবভূভুজাম্ । মথুরা ভগবান্ যত্র নিত্যং সন্নিহিতো হরিঃ ॥ ২৮ ॥
তস্যাং তু কর্হিচিচ্ছৌরির্বসুদেবঃ কৃতোদ্বহঃ । দেবক্যা সূর্যযা সার্ধং প্রযাণে রথমারুহত্ ॥ ২৯ ॥
উগ্রসেনসুতঃ কংসঃ স্বসুঃ প্রিযচিকীর্ষযা । রশ্মীন্ হযানাং জগ্রাহ রৌক্মৈ রথশতৈর্বৃতঃ ॥ ৩০ ॥
চতুঃশতং পারিবর্হং গজানাং হেমমালিনাম্ । অশ্বানামযুতং সার্ধং রথানাং চ ত্রিষট্শতম্ ॥ ৩১ ॥
দাসীনাং সুকুমারীণাং দ্বে শতে সমলঙ্কৃতে । দুহিত্রে দেবকঃ প্রাদাদ্ যানে দুহিতৃবত্সলঃ ॥ ৩২ ॥
শঙ্খতূর্যমৃদঙ্গাশ্চ নেদুর্দুন্দুভযঃ সমম্ । প্রযাণপ্রক্রমে তাত বরবধ্বোঃ সুমঙ্গলম্ ॥ ৩৩ ॥
পথি প্রগ্রহিণং কংসমাভাষ্যাহাশরীরবাক্ । অস্যাস্ত্বামষ্টমো গর্ভো হন্তা যাং বহসেঽবুধ ॥ ৩৪ ॥
ইত্যুক্তঃ স খলঃ পাপো ভোজানাং কুলপাংসনঃ । ভগিনীং হন্তুমারব্ধং খড্গপাণিঃ কচেঽগ্রহীত্ ॥ ৩৫ ॥
তং জুগুপ্সিতকর্মাণং নৃশংসং নিরপত্রপম্ । বসুদেবো মহাভাগ উবাচপরিসান্ত্বযন্ ॥ ৩৬ ॥
শ্রীবসুদেব উবাচ
শ্লাঘনীযগুণঃ শূরৈর্ভবান্ ভোজযশস্করঃ । স কথং ভগিনীং হন্যাত্ স্ত্রিযমুদ্বাহপর্বণি ॥ ৩৭ ॥
শ্লাঘনীযগুণঃ শূরৈর্ভবান্ ভোজযশস্করঃ । স কথং ভগিনীং হন্যাত্ স্ত্রিযমুদ্বাহপর্বণি ॥ ৩৭ ॥
মৃত্যুর্জন্মবতাং বীর দেহেন সহ জাযতে । অদ্য বাব্দশতান্তে বা মৃত্যুর্বৈ প্রাণিনাং ধ্রুবঃ ॥ ৩৮ ॥
দেহে পঞ্চত্বমাপন্নে দেহী কর্মানুগোঽবশঃ । দেহান্তরমনুপ্রাপ্য প্রাক্তনং ত্যজতে বপুঃ ॥ ৩৯ ॥
ব্রজংস্তিষ্ঠন্ পদৈকেন যথৈবৈকেন গচ্ছতি । যথা তৃণজলৌকৈবং দেহী কর্মগতিং গতঃ ॥ ৪০ ॥
স্বপ্নে যথা পশ্যতি দেহমীদৃশংমনোরথেনাভিনিবিষ্টচেতনঃ । দৃষ্টশ্রুতাভ্যাং মনসানুচিন্তযন্প্রপদ্যতে তত্ কিমপি হ্যপস্মৃতিঃ ॥ ৪১ ॥
যতো যতো ধাবতি দৈবচোদিতংমনো বিকারাত্মকমাপ পঞ্চসু । গুণেষু মাযারচিতেষু দেহ্যসৌপ্রপদ্যমানঃ সহ তেন জাযতে ॥ ৪২ ॥
জ্যোতির্যথৈবোদকপার্থিবেষ্বদঃসমীরবেগানুগতং বিভাব্যতে । এবং স্বমাযারচিতেষ্বসৌ পুমান্গুণেষু রাগানুগতো বিমুহ্যতি ॥ ৪৩ ॥
তস্মান্ কস্যচিদ্দ্রোহমাচরেত্ স তথাবিধঃ । আত্মনঃ ক্ষেমমন্বিচ্ছন্ দ্রোগ্ধুর্বৈ পরতো ভযম্ ॥ ৪৪ ॥
এষা তবানুজা বালা কৃপণা পুত্রিকোপমা । হন্তুং নার্হসি কল্যাণীমিমাং ত্বং দীনবত্সলঃ ॥ ৪৫ ॥
শ্রীশুক উবাচ
এবং স সামভির্ভেদৈর্বোধ্যমানোঽপি দারুণঃ । ন ন্যবর্তত কৌরব্য পুরুষাদাননুব্রতঃ ॥ ৪৬ ॥
এবং স সামভির্ভেদৈর্বোধ্যমানোঽপি দারুণঃ । ন ন্যবর্তত কৌরব্য পুরুষাদাননুব্রতঃ ॥ ৪৬ ॥
নির্বন্ধং তস্য তং জ্ঞাত্বা বিচিন্ত্যানকদুন্দুভিঃ । প্রাপ্তং কালং প্রতিব্যোঢুমিদং তত্রান্বপদ্যত ॥ ৪৭ ॥
মৃত্যুর্বুদ্ধিমতাপোহ্যো যাবদ্বুদ্ধিবলোদযম্ । যদ্যসৌ ন নিবর্তেত নাপরাধোঽস্তি দেহিনঃ ॥ ৪৮ ॥
প্রদায মৃত্যবে পুত্রান্ মোচযে কৃপণামিমাম্ । সুতা মে যদি জাযেরন্ মৃত্যুর্বা ন ম্রিযেত চেত্ ॥ ৪৯ ॥
বিপর্যযো বা কিং ন স্যাদ্ গতির্ধাতুর্দুরত্যযা । উপস্থিতো নিবর্তেত নিবৃত্তঃ পুনরাপতেত্ ॥ ৫০ ॥
অগ্নের্যথা দারুবিযোগযোগযো-রদৃষ্টতোঽন্যন্ন নিমিত্তমস্তি । এবং হি জন্তোরপি দুর্বিভাব্যঃশরীরসংযোগবিযোগহেতুঃ ॥ ৫১ ॥
এবং বিমৃশ্য তং পাপং যাবদাত্মনিদর্শনম্ । পূজযামাস বৈ শৌরির্বহুমানপুরঃসরম্ ॥ ৫২ ॥
প্রসন্নবদনাম্ভোজো নৃশংসং নিরপত্রপম্ । মনসা দূযমানেন বিহসন্নিদমব্রবীত্ ॥ ৫৩ ॥
শ্রীবসুদেব উবাচ
ন হ্যস্যাস্তে ভযং সৌম্য যদ্ বৈসাহাশরীরবাক্ । পুত্রান্ সমর্পযিষ্যেঽস্যা
যতস্তে ভযমুত্থিতম্ ॥ ৫৪ ॥
ন হ্যস্যাস্তে ভযং সৌম্য যদ্ বৈসাহাশরীরবাক্ । পুত্রান্ সমর্পযিষ্যেঽস্যা
যতস্তে ভযমুত্থিতম্ ॥ ৫৪ ॥
শ্রীশুক উবাচ
স্বসুর্বধান্নিববৃতে কংসস্তদ্বাক্যসারবিত্ । বসুদেবোঽপি তং প্রীতঃ প্রশস্য
প্রাবিশদ্ গৃহম্ ॥ ৫৫ ॥
স্বসুর্বধান্নিববৃতে কংসস্তদ্বাক্যসারবিত্ । বসুদেবোঽপি তং প্রীতঃ প্রশস্য
প্রাবিশদ্ গৃহম্ ॥ ৫৫ ॥
অথ কাল উপাবৃত্তে দেবকী সর্বদেবতা । পুত্রান্ প্রসুষুবে চাষ্টৌ কন্যাং চৈবানুবত্সরম্ ॥ ৫৬ ॥
কীর্তিমন্তং প্রথমজং কংসাযানকদুন্দুভিঃ । অর্পযামাস কৃচ্ছ্রেণ সোঽনৃতাদতিবিহ্বলঃ ॥ ৫৭ ॥
কিং দুঃসহং নু সাধূনাং বিদুষাং কিমপেক্ষিতম্ । কিমকার্যং কদর্যাণাং দুস্ত্যজং কিং ধৃতাত্মনাম্ ॥ ৫৮ ॥
দৃষ্ট্বা সমত্বং তচ্ছৌরেঃ সত্যে চৈব ব্যবস্থিতিম্ । কংসস্তুষ্টমনা রাজন্ প্রহসন্নিদমব্রবীত্ ॥ ৫৯ ॥
প্রতিযাতু কুমারোঽযং ন হ্যস্মাদস্তি মে ভযম্ । অষ্টমাদ্ যুবযোর্গর্ভান্মৃত্যুর্মে বিহিতঃ কিল ॥ ৬০ ॥
তথেতি সুতমাদায যযাবানকদুন্দুভিঃ । নাভ্যনন্দত তদ্বাক্যমসতোঽবিজিতাত্মনঃ ॥ ৬১ ॥
নন্দাদ্যা যে ব্রজে গোপা যাশ্চামীষাং চ যোষিতঃ । বৃষ্ণযো বসুদেবাদ্যা দেবক্যাদ্যা যদুস্ত্রিযঃ ॥ ৬২ ॥
সর্বে বৈ দেবতাপ্রাযা উভযোরপি ভারত । জ্ঞাতযো বন্ধুসুহৃদো যে চ কংসমনুব্রতাঃ ॥ ৬৩ ॥
এতত্ কংসায ভগবাঞ্ছশংসাভ্যেত্য নারদঃ । ভূমের্ভারাযমাণানাং দৈত্যানাং চ বধোদ্যমম্ ॥ ৬৪ ॥
ঋষের্বিনির্গমে কংসো যদূন্ মত্বা সুরানিতি । দেবক্যা গর্ভসম্ভূতং বিষ্ণুং চ স্ববধং প্রতি ॥ ৬৫ ॥
দেবকীং বসুদেবং চ নিগৃহ্য নিগডৈর্গৃহে । জাতং জাতমহন্ পুত্রং তযোরজনশঙ্কযা ॥ ৬৬ ॥
মাতরং পিতরং ভ্রাতৃন্ সর্বাংশ্চ সুহৃদস্তথা । ঘ্নন্তি হ্যসুতৃপো লুব্ধা রাজানঃ প্রাযশো ভুবি ॥ ৬৭ ॥
আত্মানমিহ সঞ্জাতং জানন্প্রাগ্ বিষ্ণুনা হতম্ । মহাসুরং কালনেমিং যদুভিঃ স ব্যরুধ্যত ॥ ৬৮ ॥
উগ্রসেনং চ পিতরং যদুভোজান্ধকাধিপম্ । স্বযং নিগৃহ্য বুভুজে শূরসেনান্ মহাবলঃ ॥ ৬৯ ॥