ஶ்ரீமத்பாகவதம் ௧௦.௧௫

ஶ்ரீஶுக உவாச
ததஶ்ச பௌகண்டவயஃஶ்ரீதௌ வ்ரஜே
பபூவதுஸ்தௌ பஶுபாலஸம்மதௌ ।
காஶ்சாரயந்தௌ ஸகிபிஃ ஸமம் பதை-
ர்வ்ரு'ந்தாவநம் புண்யமதீவ சக்ரதுஃ ॥ ௧ ॥

தந்மாதவோ வேணுமுதீரயந் வ்ரு'தோ
கோபைர்க்ரு'ணத்பிஃ ஸ்வயஶோ பலாந்விதஃ ।
பஶூந் புரஸ்க்ரு'த்ய பஶவ்யமாவிஶத்
விஹர்துகாமஃ குஸுமாகரம் வநம் ॥ ௨ ॥

தந்மஞ்ஜுகோஷாலிம்ரு'கத்விஜாகுலம்
மஹந்மநஃப்ரக்யபயஃஸரஸ்வதா ।
வாதேந ஜுஷ்டம் ஶதபத்ரகந்திநா
நிரீக்ஷ்ய ரந்தும் பகவாந் மநோ ததே ॥ ௩ ॥

ஸ தத்ர தத்ராருணபல்லவஶ்ரியா
பலப்ரஸூநோருபரேண பாதயோஃ ।
ஸ்ப்ரு'ஶச்சிகாந் வீக்ஷ்ய வநஸ்பதீந் முதா
ஸ்மயந்நிவாஹாக்ரஜமாதிபூருஷஃ ॥ ௪ ॥

ஶ்ரீபகவாநுவாச
அஹோ அமீ தேவவராமரார்சிதம்
பாதாம்புஜம் தே ஸுமநஃபலார்ஹணம் ।
நமந்த்யுபாதாய ஶிகாபிராத்மந-
ஸ்தமோ'பஹத்யை தருஜந்ம யத்க்ரு'தம் ॥ ௫ ॥

ஏதே'லிநஸ்தவ யஶோ'கிலலோகதீர்தம்
காயந்த ஆதிபுருஷாநுபதம் பஜந்தே ।
ப்ராயோ அமீ முநிகணா பவதீயமுக்யா
கூடம் வநே'பி ந ஜஹத்யநகாத்மதைவம் ॥ ௬ ॥

ந்ரு'த்யந்த்யமீ ஶிகிந ஈட்ய முதா ஹரிண்யஃ
குர்வந்தி கோப்ய இவ தே ப்ரியமீக்ஷணேந ।
ஸூக்தைஶ்ச கோகிலகணா க்ரு'ஹமாகதாய
தந்யா வநௌகஸ இயாந் ஹி ஸதாம் நிஸர்கஃ ॥ ௭ ॥

தந்யேயமத்ய தரணீ த்ரு'ணவீருதஸ்த்வத்-
பாதஸ்ப்ரு'ஶோ த்ருமலதாஃ கரஜாபிம்ரு'ஷ்டாஃ ।
நத்யோ'த்ரயஃ ககம்ரு'காஃ ஸதயாவலோகை-
ர்கோப்யோ'ந்தரேண புஜயோரபி யத்ஸ்ப்ரு'ஹா ஶ்ரீஃ ॥ ௮ ॥

ஶ்ரீஶுக உவாச
ஏவம் வ்ரு'ந்தாவநம் ஶ்ரீமத் க்ரு'ஷ்ணஃ ப்ரீதமநாஃ பஶூந் ।
ரேமே ஸஞ்சாரயந்நத்ரேஃ ஸரித்ரோதஃஸு ஸாநுகஃ ॥ ௯ ॥

க்வசித் காயதி காயத்ஸு மதாந்தாலிஷ்வநுவ்ரதைஃ ।
உபகீயமாநசரிதஃ பதி ஸங்கர்ஷணாந்விதஃ ॥ ௧௦ ॥

அநுஜல்பதி ஜல்பந்தம் கலவாக்யைஃ ஶுகம் க்வசித் ।
க்வசித்ஸவல்கு கூஜந்தமநுகூஜதி கோகிலம் ।
க்வசிச்ச காலஹம்ஸாநாமநுகூஜதி கூஜிதம் ।
அபிந்ரு'த்யதி ந்ரு'த்யந்தம் பர்ஹிணம் ஹாஸயந் க்வசித் ॥ ௧௧ ॥

மேககம்பீரயா வாசா நாமபிர்தூரகாந் பஶூந் ।
க்வசிதாஹ்வயதி ப்ரீத்யா கோகோபாலமநோஜ்ஞயா ॥ ௧௨ ॥

சகோரக்ரௌஞ்சசக்ராஹ்வபாரத்வாஜாம்ஶ்ச பர்ஹிணஃ ।
அநுரௌதி ஸ்ம ஸத்த்வாநாம் பீதவத் வ்யாக்ரஸிம்ஹயோஃ ॥ ௧௩ ॥

க்வசித் க்ரீடாபரிஶ்ராந்தம் கோபோத்ஸங்கோபபர்ஹணம் ।
ஸ்வயம் விஶ்ரமயத்யார்யம் பாதஸம்வாஹநாதிபிஃ ॥ ௧௪ ॥

ந்ரு'த்யதோ காயதஃ க்வாபி வல்கதோ யுத்யதோ மிதஃ ।
க்ரு'ஹீதஹஸ்தௌ கோபாலாந் ஹஸந்தௌ ப்ரஶஶம்ஸதுஃ ॥ ௧௫ ॥

க்வசித் பல்லவதல்பேஷு நியுத்தஶ்ரமகர்ஶிதஃ ।
வ்ரு'க்ஷமூலாஶ்ரயஃ ஶேதே கோபோத்ஸங்கோபபர்ஹணஃ ॥ ௧௬ ॥

பாதஸம்வாஹநம் சக்ருஃ கேசித்தஸ்ய மஹாத்மநஃ ।
அபரே ஹதபாப்மாநோ வ்யஜநைஃ ஸமவீஜயந் ॥ ௧௭ ॥

அந்யே ததநுரூபாணி மநோஜ்ஞாநி மஹாத்மநஃ ।
காயந்தி ஸ்ம மஹாராஜ ஸ்நேஹக்லிந்நதியஃ ஶநைஃ ॥ ௧௮ ॥

ஏவம் நிகூடாத்மகதிஃ ஸ்வமாயயா
கோபாத்மஜத்வம் சரிதைர்விடம்பயந் ।
ரேமே ரமாலாலிதபாதபல்லவோ
க்ராம்யைஃ ஸமம் க்ராம்யவதீஶசேஷ்டிதஃ ॥ ௧௯ ॥

ஶ்ரீதாமா நாம கோபாலோ ராமகேஶவயோஃ ஸகா ।
ஸுபலஸ்தோகக்ரு'ஷ்ணாத்யா கோபாஃ ப்ரேம்ணேதமப்ருவந் ॥ ௨௦ ॥

ராம ராம மஹாபாஹோ க்ரு'ஷ்ண துஷ்டநிபர்ஹண ।
இதோ'விதூரே ஸுமஹத் வநம் தாலாலிஸங்குலம் ॥ ௨௧ ॥

பலாநி தத்ர பூரீணி பதந்தி பதிதாநி ச ।
ஸந்தி கிந்த்வவருத்தாநி தேநுகேந துராத்மநா ॥ ௨௨ ॥

ஸோ'திவீர்யோ'ஸுரோ ராம ஹே க்ரு'ஷ்ண கரரூபத்ரு'க் ।
ஆத்மதுல்யபலைரந்யைர்ஜ்ஞாதிபிர்பஹுபிர்வ்ரு'தஃ ॥ ௨௩ ॥

தஸ்மாத் க்ரு'தநராஹாராத் பீதைர்ந்ரு'பிரமித்ரஹந் ।
ந ஸேவ்யதே பஶுகணைஃ பக்ஷிஸங்கைர்விவர்ஜிதம் ॥ ௨௪ ॥

வித்யந்தே'புக்தபூர்வாணி பலாநி ஸுரபீணி ச ।
ஏஷ வை ஸுரபிர்கந்தோ விஷூசீநோ'வக்ரு'ஹ்யதே ॥ ௨௫ ॥

ப்ரயச்ச தாநி நஃ க்ரு'ஷ்ண கந்தலோபிதசேதஸாம் ।
வாஞ்சாஸ்தி மஹதீ ராம கம்யதாம் யதி ரோசதே ॥ ௨௬ ॥

ஏவம் ஸுஹ்ரு'த்வசஃ ஶ்ருத்வா ஸுஹ்ரு'த்ப்ரியசிகீர்ஷயா ।
ப்ரஹஸ்ய ஜக்மதுர்கோபைர்வ்ரு'தௌ தாலவநம் ப்ரபூ ॥ ௨௭ ॥

பலஃ ப்ரவிஶ்ய பாஹுப்யாம் தாலாந் ஸம்பரிகம்பயந் ।
பலாநி பாதயாமாஸ மதங்கஜ இவௌஜஸா ॥ ௨௮ ॥

பலாநாம் பததாம் ஶப்தம் நிஶம்யாஸுரராஸபஃ ।
அப்யதாவத் க்ஷிதிதலம் ஸநகம் பரிகம்பயந் ॥ ௨௯ ॥

ஸமேத்ய தரஸா ப்ரத்யக் த்வாப்யாம் பத்ப்யாம் பலம் பலீ ।
நிஹத்யோரஸி காஶப்தம் முஞ்சந் பர்யஸரத் கலஃ ॥ ௩௦ ॥

புநராஸாத்ய ஸம்ரப்த உபக்ரோஷ்டா பராக் ஸ்திதஃ ।
சரணாவபரௌ ராஜந் பலாய ப்ராக்ஷிபத் ருஷா ॥ ௩௧ ॥

ஸ தம் க்ரு'ஹீத்வா ப்ரபதோர்ப்ராமயித்வைகபாணிநா ।
சிக்ஷேப த்ரு'ணராஜாக்ரே ப்ராமணத்யக்தஜீவிதம் ॥ ௩௨ ॥

தேநாஹதோ மஹாதாலோ வேபமாநோ ப்ரு'ஹச்சிராஃ ।
பார்ஶ்வஸ்தம் கம்பயந் பக்நஃ ஸ சாந்யம் ஸோ'பி சாபரம் ॥ ௩௩ ॥

பலஸ்ய லீலயோத்ஸ்ரு'ஷ்டகரதேஹஹதாஹதாஃ ।
தாலாஶ்சகம்பிரே ஸர்வே மஹாவாதேரிதா இவ ॥ ௩௪ ॥

நைதச்சித்ரம் பகவதி ஹ்யநந்தே ஜகதீஶ்வரே ।
ஓதப்ரோதமிதம் யஸ்மிம்ஸ்தந்துஷ்வங்க யதா படஃ ॥ ௩௫ ॥

ததஃ க்ரு'ஷ்ணம் ச ராமம் ச ஜ்ஞாதயோ தேநுகஸ்ய யே ।
க்ரோஷ்டாரோ'ப்யத்ரவந் ஸர்வே ஸம்ரப்தா ஹதபாந்தவாஃ ॥ ௩௬ ॥

தாம்ஸ்தாநாபததஃ க்ரு'ஷ்ணோ ராமஶ்ச ந்ரு'ப லீலயா ।
க்ரு'ஹீதபஶ்சாச்சரணாந் ப்ராஹிணோத்த்ரு'ணராஜஸு ॥ ௩௭ ॥

பலப்ரகரஸங்கீர்ணம் தைத்யதேஹைர்கதாஸுபிஃ ।
ரராஜ பூஃ ஸதாலாக்ரைர்கநைரிவ நபஸ்தலம் ॥ ௩௮ ॥

தயோஸ்தத் ஸுமஹத் கர்ம நிஶம்ய விபுதாதயஃ ।
முமுசுஃ புஷ்பவர்ஷாணி சக்ருர்வாத்யாநி துஷ்டுவுஃ ॥ ௩௯ ॥

அத தாலபலாந்யாதந்மநுஷ்யா கதஸாத்வஸாஃ ।
த்ரு'ணம் ச பஶவஶ்சேருர்ஹததேநுககாநநே ॥ ௪௦ ॥

க்ரு'ஷ்ணஃ கமலபத்ராக்ஷஃ புண்யஶ்ரவணகீர்தநஃ ।
ஸ்தூயமாநோ'நுகைர்கோபைஃ ஸாக்ரஜோ வ்ரஜமாவ்ரஜத் ॥ ௪௧ ॥

தம் கோரஜஶ்சுரிதகுந்தலபத்தபர்ஹ-
வந்யப்ரஸூநருசிரேக்ஷணசாருஹாஸம் ।
வேணும்க்வணந்தமநுகைருபகீதகீர்திம்
கோப்யோ தித்ரு'க்ஷிதத்ரு'ஶோ'ப்யகமந் ஸமேதாஃ ॥ ௪௨ ॥

பீத்வா முகுந்தமுகஸாரகமக்ஷிப்ரு'ங்கை-
ஸ்தாபம் ஜஹுர்விரஹஜம் வ்ரஜயோஷிதோ'ஹ்நி ।
தத்ஸத்க்ரு'திம் ஸமதிகம்ய விவேஶ கோஷ்டம்
ஸவ்ரீடஹாஸவிநயம் யதபாங்கமோக்ஷம் ॥ ௪௩ ॥

தயோர்யஶோதாரோஹிண்யௌ புத்ரயோஃ புத்ரவத்ஸலே ।
யதாகாமம் யதாகாலம் வ்யதத்தாம் பரமாஶிஷஃ ॥ ௪௪ ॥

கதாத்வாநஶ்ரமௌ தத்ர மஜ்ஜநோந்மர்தநாதிபிஃ ।
நீவீம் வஸித்வா ருசிராம் திவ்யஸ்ரக்கந்தமண்டிதௌ ॥ ௪௫ ॥

ஜநந்யுபஹ்ரு'தம் ப்ராஶ்ய ஸ்வாத்வந்நமுபலாலிதௌ ।
ஸம்விஶ்ய வரஶய்யாயாம் ஸுகம் ஸுஷுபதுர்வ்ரஜே ॥ ௪௬ ॥

ஏவம் ஸ பகவாந் க்ரு'ஷ்ணோ வ்ரு'ந்தாவநசரஃ க்வசித் ।
யயௌ ராமம்ரு'தே ராஜந் காலிந்தீம் ஸகிபிர்வ்ரு'தஃ ॥ ௪௭ ॥

அத காவஶ்ச கோபாஶ்ச நிதாகாதபபீடிதாஃ ।
துஷ்டம் ஜலம் பபுஸ்தஸ்யாஸ்த்ரு'ஷ்ணார்தா விஷதூஷிதம் ॥ ௪௮ ॥

விஷாம்பஸ்ததுபஸ்ப்ரு'ஶ்ய தைவோபஹதசேதஸஃ ।
நிபேதுர்வ்யஸவஃ ஸர்வே ஸலிலாந்தே குரூத்வஹ ॥ ௪௯ ॥

வீக்ஷ்ய தாந் வை ததாபூதாந் க்ரு'ஷ்ணோ யோகேஶ்வரேஶ்வரஃ ।
ஈக்ஷயாம்ரு'தவர்ஷிண்யா ஸ்வநாதாந் ஸமஜீவயத் ॥ ௫௦ ॥

தே ஸம்ப்ரதீதஸ்ம்ரு'தயஃ ஸமுத்தாய ஜலாந்திகாத் ।
ஆஸந் ஸுவிஸ்மிதாஃ ஸர்வே வீக்ஷமாணாஃ பரஸ்பரம் ॥ ௫௧ ॥

அந்வமம்ஸத தத் ராஜந் கோவிந்தாநுக்ரஹேக்ஷிதம் ।
பீத்வா விஷம் பரேதஸ்ய புநருத்தாநமாத்மநஃ ॥ ௫௨ ॥