ଶ୍ରୀଶୁକ ଉଵାଚ
ତଯୋସ୍ତଦଦ୍ଭୁତଂ କର୍ମ ଦାଵାଗ୍ନେର୍ମୋକ୍ଷମାତ୍ମନଃ ।
ଗୋପାଃ ସ୍ତ୍ରୀଭ୍ଯଃ ସମାଚଖ୍ଯୁଃ ପ୍ରଲମ୍ବଵଧମେଵ ଚ ॥ ୧ ॥
ତଯୋସ୍ତଦଦ୍ଭୁତଂ କର୍ମ ଦାଵାଗ୍ନେର୍ମୋକ୍ଷମାତ୍ମନଃ ।
ଗୋପାଃ ସ୍ତ୍ରୀଭ୍ଯଃ ସମାଚଖ୍ଯୁଃ ପ୍ରଲମ୍ବଵଧମେଵ ଚ ॥ ୧ ॥
ଗୋପଵୃଦ୍ଧାଶ୍ଚ ଗୋପ୍ଯଶ୍ଚ ତଦୁପାକର୍ଣ୍ଯ ଵିସ୍ମିତାଃ ।
ମେନିରେ ଦେଵପ୍ରଵରୌ କୃଷ୍ଣରାମୌ ଵ୍ରଜଂ ଗତୌ ॥ ୨ ॥
ମେନିରେ ଦେଵପ୍ରଵରୌ କୃଷ୍ଣରାମୌ ଵ୍ରଜଂ ଗତୌ ॥ ୨ ॥
ତତଃ ପ୍ରାଵର୍ତତ ପ୍ରାଵୃଟ୍ ସର୍ଵସତ୍ତ୍ଵସମୁଦ୍ଭଵା ।
ଵିଦ୍ଯୋତମାନପରିଧିର୍ଵିସ୍ଫୂର୍ଜିତନଭସ୍ତଲା ॥ ୩ ॥
ଵିଦ୍ଯୋତମାନପରିଧିର୍ଵିସ୍ଫୂର୍ଜିତନଭସ୍ତଲା ॥ ୩ ॥
ସାନ୍ଦ୍ରନୀଲାମ୍ବୁଦୈର୍ଵ୍ଯୋମ ସଵିଦ୍ଯୁତ୍ସ୍ତନଯିତ୍ନୁଭିଃ ।
ଅସ୍ପଷ୍ଟଜ୍ଯୋତିରାଚ୍ଛନ୍ନଂ ବ୍ରହ୍ମେଵ ସଗୁଣଂ ବଭୌ ॥ ୪ ॥
ଅସ୍ପଷ୍ଟଜ୍ଯୋତିରାଚ୍ଛନ୍ନଂ ବ୍ରହ୍ମେଵ ସଗୁଣଂ ବଭୌ ॥ ୪ ॥
ଅଷ୍ଟୌ ମାସାନ୍ ନିପୀତଂ ଯଦ୍ ଭୂମ୍ଯାଶ୍ଚୋଦମଯଂ ଵସୁ ।
ସ୍ଵଗୋଭିର୍ମୋକ୍ତୁମାରେଭେ ପର୍ଜନ୍ଯଃ କାଲ ଆଗତେ ॥ ୫ ॥
ସ୍ଵଗୋଭିର୍ମୋକ୍ତୁମାରେଭେ ପର୍ଜନ୍ଯଃ କାଲ ଆଗତେ ॥ ୫ ॥
ତଡିଦ୍ଵନ୍ତୋ ମହାମେଘାଶ୍ଚଣ୍ଡଶ୍ଵସନଵେପିତାଃ ।
ପ୍ରୀଣନଂ ଜୀଵନଂ ହ୍ଯସ୍ଯ ମୁମୁଚୁଃ କରୁଣା ଇଵ ॥ ୬ ॥
ପ୍ରୀଣନଂ ଜୀଵନଂ ହ୍ଯସ୍ଯ ମୁମୁଚୁଃ କରୁଣା ଇଵ ॥ ୬ ॥
ତପଃକୃଶା ଦେଵମୀଢା ଆସୀଦ୍ ଵର୍ଷୀଯସୀ ମହୀ ।
ଯଥୈଵ କାମ୍ଯତପସସ୍ତନୁଃ ସମ୍ପ୍ରାପ୍ଯ ତତ୍ଫଲମ୍ ॥ ୭ ॥
ଯଥୈଵ କାମ୍ଯତପସସ୍ତନୁଃ ସମ୍ପ୍ରାପ୍ଯ ତତ୍ଫଲମ୍ ॥ ୭ ॥
ନିଶାମୁଖେଷୁ ଖଦ୍ଯୋତାସ୍ତମସା ଭାନ୍ତି ନ ଗ୍ରହାଃ ।
ଯଥା ପାପେନ ପାଷଣ୍ଡା ନ ହି ଵେଦାଃ କଲୌ ଯୁଗେ ॥ ୮ ॥
ଯଥା ପାପେନ ପାଷଣ୍ଡା ନ ହି ଵେଦାଃ କଲୌ ଯୁଗେ ॥ ୮ ॥
ଶ୍ରୁତ୍ଵା ପର୍ଜନ୍ଯନିନଦଂ ମଣ୍ଡୁକାଃ ସସୃଜୁର୍ଗିରଃ ।
ତୂଷ୍ଣୀଂ ଶଯାନାଃ ପ୍ରାଗ୍ ଯଦ୍ଵଦ୍ବ୍ରାହ୍ମଣା ନିଯମାତ୍ଯଯେ ॥ ୯ ॥
ତୂଷ୍ଣୀଂ ଶଯାନାଃ ପ୍ରାଗ୍ ଯଦ୍ଵଦ୍ବ୍ରାହ୍ମଣା ନିଯମାତ୍ଯଯେ ॥ ୯ ॥
ଆସନ୍ନୁତ୍ପଥଗାମିନ୍ଯଃ କ୍ଷୁଦ୍ରନଦ୍ଯୋଽନୁଶୁଷ୍ଯତୀଃ ।
ପୁଂସୋ ଯଥାସ୍ଵତନ୍ତ୍ରସ୍ଯ ଦେହଦ୍ରଵିଣସମ୍ପଦଃ ॥ ୧୦ ॥
ପୁଂସୋ ଯଥାସ୍ଵତନ୍ତ୍ରସ୍ଯ ଦେହଦ୍ରଵିଣସମ୍ପଦଃ ॥ ୧୦ ॥
ହରିତା ହରିଭିଃ ଶଷ୍ପୈରିନ୍ଦ୍ରଗୋପୈଶ୍ଚ ଲୋହିତା ।
ଉଚ୍ଛିଲୀନ୍ଧ୍ରକୃତଚ୍ଛାଯା ନୃଣାଂ ଶ୍ରୀରିଵ ଭୂରଭୂତ୍ ॥ ୧୧ ॥
ଉଚ୍ଛିଲୀନ୍ଧ୍ରକୃତଚ୍ଛାଯା ନୃଣାଂ ଶ୍ରୀରିଵ ଭୂରଭୂତ୍ ॥ ୧୧ ॥
କ୍ଷେତ୍ରାଣି ଶଷ୍ଯସମ୍ପଦ୍ଭିଃ କର୍ଷକାଣାଂ ମୁଦଂ ଦଦୁଃ ।
ମାନିନାମନୁତାପଂ ଵୈ ଦୈଵାଧୀନମଜାନତାମ୍ ॥ ୧୨ ॥
ମାନିନାମନୁତାପଂ ଵୈ ଦୈଵାଧୀନମଜାନତାମ୍ ॥ ୧୨ ॥
ଜଲସ୍ଥଲୌକସଃ ସର୍ଵେ ନଵଵାରିନିଷେଵଯା ।
ଅବିଭ୍ରନ୍ ରୁଚିରଂ ରୂପଂ ଯଥା ହରିନିଷେଵଯା ॥ ୧୩ ॥
ଅବିଭ୍ରନ୍ ରୁଚିରଂ ରୂପଂ ଯଥା ହରିନିଷେଵଯା ॥ ୧୩ ॥
ସରିଦ୍ଭିଃ ସଙ୍ଗତଃ ସିନ୍ଧୁଶ୍ଚୁକ୍ଷୋଭ ଶ୍ଵସନୋର୍ମିମାନ୍ ।
ଅପକ୍ଵଯୋଗିନଶ୍ଚିତ୍ତଂ କାମାକ୍ତଂ ଗୁଣଯୁଗ୍ ଯଥା ॥ ୧୪ ॥
ଅପକ୍ଵଯୋଗିନଶ୍ଚିତ୍ତଂ କାମାକ୍ତଂ ଗୁଣଯୁଗ୍ ଯଥା ॥ ୧୪ ॥
ଗିରଯୋ ଵର୍ଷଧାରାଭିର୍ହନ୍ଯମାନା ନ ଵିଵ୍ଯଥୁଃ ।
ଅଭିଭୂଯମାନା ଵ୍ଯସନୈର୍ଯଥାଧୋକ୍ଷଜଚେତସଃ ॥ ୧୫ ॥
ଅଭିଭୂଯମାନା ଵ୍ଯସନୈର୍ଯଥାଧୋକ୍ଷଜଚେତସଃ ॥ ୧୫ ॥
ମାର୍ଗା ବଭୂଵୁଃ ସନ୍ଦିଗ୍ଧସ୍ତୃଣୈଶ୍ଛନ୍ନା ହ୍ଯସଂସ୍କୃତାଃ ।
ନାଭ୍ଯସ୍ଯମାନାଃ ଶ୍ରୁତଯୋ ଦ୍ଵିଜୈଃ କାଲେନ ଚାହତାଃ ॥ ୧୬ ॥
ନାଭ୍ଯସ୍ଯମାନାଃ ଶ୍ରୁତଯୋ ଦ୍ଵିଜୈଃ କାଲେନ ଚାହତାଃ ॥ ୧୬ ॥
ଲୋକବନ୍ଧୁଷୁ ମେଘେଷୁ ଵିଦ୍ଯୁତଶ୍ଚଲସୌହୃଦାଃ ।
ସ୍ଥୈର୍ଯଂ ନ ଚକ୍ରୁଃ କାମିନ୍ଯଃ ପୁରୁଷେଷୁ ଗୁଣିଷ୍ଵିଵ ॥ ୧୭ ॥
ସ୍ଥୈର୍ଯଂ ନ ଚକ୍ରୁଃ କାମିନ୍ଯଃ ପୁରୁଷେଷୁ ଗୁଣିଷ୍ଵିଵ ॥ ୧୭ ॥
ଧନୁର୍ଵିଯତି ମାହେନ୍ଦ୍ରଂ ନିର୍ଗୁଣଂ ଚ ଗୁଣିନ୍ଯଭାତ୍ ।
ଵ୍ଯକ୍ତେ ଗୁଣଵ୍ଯତିକରେଽଗୁଣଵାନ୍ ପୁରୁଷୋ ଯଥା ॥ ୧୮ ॥
ଵ୍ଯକ୍ତେ ଗୁଣଵ୍ଯତିକରେଽଗୁଣଵାନ୍ ପୁରୁଷୋ ଯଥା ॥ ୧୮ ॥
ନ ରରାଜୋଡୁପଶ୍ଛନ୍ନଃ ସ୍ଵଜ୍ଯୋତ୍ସ୍ନାରାଜିତୈର୍ଘନୈଃ ।
ଅହଂମତ୍ଯା ଭାସିତଯା ସ୍ଵଭାସା ପୁରୁଷୋ ଯଥା ॥ ୧୯ ॥
ଅହଂମତ୍ଯା ଭାସିତଯା ସ୍ଵଭାସା ପୁରୁଷୋ ଯଥା ॥ ୧୯ ॥
ମେଘାଗମୋତ୍ସଵା ହୃଷ୍ଟାଃ ପ୍ରତ୍ଯନନ୍ଦଞ୍ଛିଖଣ୍ଡିନଃ ।
ଗୃହେଷୁ ତପ୍ତନିର୍ଵିଣ୍ଣା ଯଥାଚ୍ଯୁତଜନାଗମେ ॥ ୨୦ ॥
ଗୃହେଷୁ ତପ୍ତନିର୍ଵିଣ୍ଣା ଯଥାଚ୍ଯୁତଜନାଗମେ ॥ ୨୦ ॥
ପୀତ୍ଵାପଃ ପାଦପାଃ ପଦ୍ଭିରାସନ୍ନାନାତ୍ମମୂର୍ତଯଃ ।
ପ୍ରାକ୍ କ୍ଷାମାସ୍ତପସା ଶ୍ରାନ୍ତା ଯଥା କାମାନୁସେଵଯା ॥ ୨୧ ॥
ପ୍ରାକ୍ କ୍ଷାମାସ୍ତପସା ଶ୍ରାନ୍ତା ଯଥା କାମାନୁସେଵଯା ॥ ୨୧ ॥
ସରଃସ୍ଵଶାନ୍ତରୋଧଃସୁ ନ୍ଯୂଷୁରଙ୍ଗାପି ସାରସାଃ ।
ଗୃହେଷ୍ଵଶାନ୍ତକୃତ୍ଯେଷୁ ଗ୍ରାମ୍ଯା ଇଵ ଦୁରାଶଯାଃ ॥ ୨୨ ॥
ଗୃହେଷ୍ଵଶାନ୍ତକୃତ୍ଯେଷୁ ଗ୍ରାମ୍ଯା ଇଵ ଦୁରାଶଯାଃ ॥ ୨୨ ॥
ଜଲୌଘୈର୍ନିରଭିଦ୍ଯନ୍ତ ସେତଵୋ ଵର୍ଷତୀଶ୍ଵରେ ।
ପାଷଣ୍ଡିନାମସଦ୍ଵାଦୈର୍ଵେଦମାର୍ଗାଃ କଲୌ ଯଥା ॥ ୨୩ ॥
ପାଷଣ୍ଡିନାମସଦ୍ଵାଦୈର୍ଵେଦମାର୍ଗାଃ କଲୌ ଯଥା ॥ ୨୩ ॥
ଵ୍ଯମୁଞ୍ଚନ୍ ଵାଯୁଭିର୍ନୁନ୍ନା ଭୂତେଭ୍ଯଶ୍ଚାମୃତଂ ଘନାଃ ।
ଯଥାଶିଷୋ ଵିଶ୍ପତଯଃ କାଲେ କାଲେ ଦ୍ଵିଜେରିତାଃ ॥ ୨୪ ॥
ଯଥାଶିଷୋ ଵିଶ୍ପତଯଃ କାଲେ କାଲେ ଦ୍ଵିଜେରିତାଃ ॥ ୨୪ ॥
ଏଵଂ ଵନଂ ତଦ୍ ଵର୍ଷିଷ୍ଠଂ ପକ୍ଵଖର୍ଜୁରଜମ୍ବୁମତ୍ ।
ଗୋଗୋପାଲୈର୍ଵୃତୋ ରନ୍ତୁଂ ସବଲଃ ପ୍ରାଵିଶଦ୍ଧରିଃ ॥ ୨୫ ॥
ଗୋଗୋପାଲୈର୍ଵୃତୋ ରନ୍ତୁଂ ସବଲଃ ପ୍ରାଵିଶଦ୍ଧରିଃ ॥ ୨୫ ॥
ଧେନଵୋ ମନ୍ଦଗାମିନ୍ଯ ଊଧୋଭାରେଣ ଭୂଯସା ।
ଯଯୁର୍ଭଗଵତାହୂତା ଦ୍ରୁତଂ ପ୍ରୀତ୍ଯା ସ୍ନୁତସ୍ତନାଃ ॥ ୨୬ ॥
ଯଯୁର୍ଭଗଵତାହୂତା ଦ୍ରୁତଂ ପ୍ରୀତ୍ଯା ସ୍ନୁତସ୍ତନାଃ ॥ ୨୬ ॥
ଵନୌକସଃ ପ୍ରମୁଦିତା ଵନରାଜୀର୍ମଧୁଚ୍ଯୁତଃ ।
ଜଲଧାରା ଗିରେର୍ନାଦାଦାସନ୍ନା ଦଦୃଶେ ଗୁହାଃ ॥ ୨୭ ॥
ଜଲଧାରା ଗିରେର୍ନାଦାଦାସନ୍ନା ଦଦୃଶେ ଗୁହାଃ ॥ ୨୭ ॥
କ୍ଵଚିଦ୍ ଵନସ୍ପତିକ୍ରୋଡେ ଗୁହାଯାଂ ଚାଭିଵର୍ଷତି ।
ନିର୍ଵିଶ୍ଯ ଭଗଵାନ୍ ରେମେ କନ୍ଦମୂଲଫଲାଶନଃ ॥ ୨୮ ॥
ନିର୍ଵିଶ୍ଯ ଭଗଵାନ୍ ରେମେ କନ୍ଦମୂଲଫଲାଶନଃ ॥ ୨୮ ॥
ଦଧ୍ଯୋଦନଂ ସମାନୀତଂ ଶିଲାଯାଂ ସଲିଲାନ୍ତିକେ ।
ସମ୍ଭୋଜନୀଯୈର୍ବୁଭୁଜେ ଗୋପୈଃ ସଙ୍କର୍ଷଣାନ୍ଵିତଃ ॥ ୨୯ ॥
ସମ୍ଭୋଜନୀଯୈର୍ବୁଭୁଜେ ଗୋପୈଃ ସଙ୍କର୍ଷଣାନ୍ଵିତଃ ॥ ୨୯ ॥
ଶାଦ୍ଵଲୋପରି ସଂଵିଶ୍ଯ ଚର୍ଵତୋ ମୀଲିତେକ୍ଷଣାନ୍ ।
ତୃପ୍ତାନ୍ ଵୃଷାନ୍ ଵତ୍ସତରାନ୍ ଗାଶ୍ଚ ସ୍ଵୋଧୋଭରଶ୍ରମାଃ ॥ ୩୦ ॥
ତୃପ୍ତାନ୍ ଵୃଷାନ୍ ଵତ୍ସତରାନ୍ ଗାଶ୍ଚ ସ୍ଵୋଧୋଭରଶ୍ରମାଃ ॥ ୩୦ ॥
ପ୍ରାଵୃଟ୍ଶ୍ରିଯଂ ଚ ତାଂ ଵୀକ୍ଷ୍ଯ ସର୍ଵକାଲସୁଖାଵହାମ୍ ।
ଭଗଵାନ୍ ପୂଜଯାଂ ଚକ୍ରେ ଆତ୍ମଶକ୍ତ୍ଯୁପବୃଂହିତାମ୍ ॥ ୩୧ ॥
ଭଗଵାନ୍ ପୂଜଯାଂ ଚକ୍ରେ ଆତ୍ମଶକ୍ତ୍ଯୁପବୃଂହିତାମ୍ ॥ ୩୧ ॥
ଏଵଂ ନିଵସତୋସ୍ତସ୍ମିନ୍ ରାମକେଶଵଯୋର୍ଵ୍ରଜେ ।
ଶରତ୍ସମଭଵଦ୍ ଵ୍ଯଭ୍ରା ସ୍ଵଚ୍ଛାମ୍ବ୍ଵପରୁଷାନିଲା ॥ ୩୨ ॥
ଶରତ୍ସମଭଵଦ୍ ଵ୍ଯଭ୍ରା ସ୍ଵଚ୍ଛାମ୍ବ୍ଵପରୁଷାନିଲା ॥ ୩୨ ॥
ଶରଦା ନୀରଜୋତ୍ପତ୍ତ୍ଯା ନୀରାଣି ପ୍ରକୃତିଂ ଯଯୁଃ ।
ଭ୍ରଷ୍ଟାନାମିଵ ଚେତାଂସି ପୁନର୍ଯୋଗନିଷେଵଯା ॥ ୩୩ ॥
ଭ୍ରଷ୍ଟାନାମିଵ ଚେତାଂସି ପୁନର୍ଯୋଗନିଷେଵଯା ॥ ୩୩ ॥
ଵ୍ଯୋମ୍ନୋଽବ୍ଭ୍ରଂ ଭୂତଶାବଲ୍ଯଂ ଭୁଵଃ ପଙ୍କମପାଂ ମଲମ୍ ।
ଶରଜ୍ଜହାରାଶ୍ରମିଣାଂ କୃଷ୍ଣେ ଭକ୍ତିର୍ଯଥାଶୁଭମ୍ ॥ ୩୪ ॥
ଶରଜ୍ଜହାରାଶ୍ରମିଣାଂ କୃଷ୍ଣେ ଭକ୍ତିର୍ଯଥାଶୁଭମ୍ ॥ ୩୪ ॥
ସର୍ଵସ୍ଵଂ ଜଲଦା ହିତ୍ଵା ଵିରେଜୁଃ ଶୁଭ୍ରଵର୍ଚସଃ ।
ଯଥା ତ୍ଯକ୍ତୈଷଣାଃ ଶାନ୍ତା ମୁନଯୋ ମୁକ୍ତକିଲ୍ବିଷାଃ ॥ ୩୫ ॥
ଯଥା ତ୍ଯକ୍ତୈଷଣାଃ ଶାନ୍ତା ମୁନଯୋ ମୁକ୍ତକିଲ୍ବିଷାଃ ॥ ୩୫ ॥
ଗିରଯୋ ମୁମୁଚୁସ୍ତୋଯଂ କ୍ଵଚିନ୍ନ ମୁମୁଚୁଃ ଶିଵମ୍ ।
ଯଥା ଜ୍ଞାନାମୃତଂ କାଲେ ଜ୍ଞାନିନୋ ଦଦତେ ନ ଵା ॥ ୩୬ ॥
ଯଥା ଜ୍ଞାନାମୃତଂ କାଲେ ଜ୍ଞାନିନୋ ଦଦତେ ନ ଵା ॥ ୩୬ ॥
ନୈଵାଵିଦନ୍ କ୍ଷୀଯମାଣଂ ଜଲଂ ଗାଧଜଲେଚରାଃ ।
ଯଥାଯୁରନ୍ଵହଂ କ୍ଷଯ୍ଯଂ ନରା ମୂଢାଃ କୁଟୁମ୍ବିନଃ ॥ ୩୭ ॥
ଯଥାଯୁରନ୍ଵହଂ କ୍ଷଯ୍ଯଂ ନରା ମୂଢାଃ କୁଟୁମ୍ବିନଃ ॥ ୩୭ ॥
ଗାଧଵାରିଚରାସ୍ତାପମଵିନ୍ଦଞ୍ଛରଦର୍କଜମ୍ ।
ଯଥା ଦରିଦ୍ରଃ କୃପଣଃ କୁଟୁମ୍ବ୍ଯଵିଜିତେନ୍ଦ୍ରିଯଃ ॥ ୩୮ ॥
ଯଥା ଦରିଦ୍ରଃ କୃପଣଃ କୁଟୁମ୍ବ୍ଯଵିଜିତେନ୍ଦ୍ରିଯଃ ॥ ୩୮ ॥
ଶନୈଃ ଶନୈର୍ଜହୁଃ ପଙ୍କଂ ସ୍ଥଲାନ୍ଯାମଂ ଚ ଵୀରୁଧଃ ।
ଯଥାହଂମମତାଂ ଧୀରାଃ ଶରୀରାଦିଷ୍ଵନାତ୍ମସୁ ॥ ୩୯ ॥
ଯଥାହଂମମତାଂ ଧୀରାଃ ଶରୀରାଦିଷ୍ଵନାତ୍ମସୁ ॥ ୩୯ ॥
ନିଶ୍ଚଲାମ୍ବୁରଭୂତ୍ତୂଷ୍ଣୀଂ ସମୁଦ୍ରଃ ଶରଦାଗମେ ।
ଆତ୍ମନ୍ଯୁପରତେ ସମ୍ଯଙ୍ମୁନିର୍ଵ୍ଯୁପରତାଗମଃ ॥ ୪୦ ॥
ଆତ୍ମନ୍ଯୁପରତେ ସମ୍ଯଙ୍ମୁନିର୍ଵ୍ଯୁପରତାଗମଃ ॥ ୪୦ ॥
କେଦାରେଭ୍ଯସ୍ତ୍ଵପୋଽଗୃହ୍ଣନ୍ କର୍ଷକା ଦୃଢସେତୁଭିଃ ।
ଯଥା ପ୍ରାଣୈଃ ସ୍ରଵଜ୍ଜ୍ଞାନଂ ତନ୍ନିରୋଧେନ ଯୋଗିନଃ ॥ ୪୧ ॥
ଯଥା ପ୍ରାଣୈଃ ସ୍ରଵଜ୍ଜ୍ଞାନଂ ତନ୍ନିରୋଧେନ ଯୋଗିନଃ ॥ ୪୧ ॥
ଶରଦର୍କାଂଶୁଜାଂସ୍ତାପାନ୍ ଭୂତାନାମୁଡୁପୋଽହରତ୍ ।
ଦେହାଭିମାନଜଂ ବୋଧୋ ମୁକୁନ୍ଦୋ ଵ୍ରଜଯୋଷିତାମ୍ ॥ ୪୨ ॥
ଦେହାଭିମାନଜଂ ବୋଧୋ ମୁକୁନ୍ଦୋ ଵ୍ରଜଯୋଷିତାମ୍ ॥ ୪୨ ॥
ଖମଶୋଭତ ନିର୍ମେଘଂ ଶରଦ୍ଵିମଲତାରକମ୍ ।
ସତ୍ତ୍ଵଯୁକ୍ତଂ ଯଥା ଚିତ୍ତଂ ଶବ୍ଦବ୍ରହ୍ମାର୍ଥଦର୍ଶନମ୍ ॥ ୪୩ ॥
ସତ୍ତ୍ଵଯୁକ୍ତଂ ଯଥା ଚିତ୍ତଂ ଶବ୍ଦବ୍ରହ୍ମାର୍ଥଦର୍ଶନମ୍ ॥ ୪୩ ॥
ଅଖଣ୍ଡମଣ୍ଡଲୋ ଵ୍ଯୋମ୍ନି ରରାଜୋଡୁଗଣୈଃ ଶଶୀ ।
ଯଥା ଯଦୁପତିଃ କୃଷ୍ଣୋ ଵୃଷ୍ଣିଚକ୍ରାଵୃତୋ ଭୁଵି ॥ ୪୪ ॥
ଯଥା ଯଦୁପତିଃ କୃଷ୍ଣୋ ଵୃଷ୍ଣିଚକ୍ରାଵୃତୋ ଭୁଵି ॥ ୪୪ ॥
ଆଶ୍ଲିଷ୍ଯ ସମଶୀତୋଷ୍ଣଂ ପ୍ରସୂନଵନମାରୁତମ୍ ।
ଜନାସ୍ତାପଂ ଜହୁର୍ଗୋପ୍ଯୋ ନ କୃଷ୍ଣହୃତଚେତସଃ ॥ ୪୫ ॥
ଜନାସ୍ତାପଂ ଜହୁର୍ଗୋପ୍ଯୋ ନ କୃଷ୍ଣହୃତଚେତସଃ ॥ ୪୫ ॥
ଗାଵୋ ମୃଗାଃ ଖଗା ନାର୍ଯଃ ପୁଷ୍ପିଣ୍ଯଃ ଶରଦାଭଵନ୍ ।
ଅନ୍ଵୀଯମାନାଃ ସ୍ଵଵୃଷୈଃ ଫଲୈରୀଶକ୍ରିଯା ଇଵ ॥ ୪୬ ॥
ଅନ୍ଵୀଯମାନାଃ ସ୍ଵଵୃଷୈଃ ଫଲୈରୀଶକ୍ରିଯା ଇଵ ॥ ୪୬ ॥
ଉଦହୃଷ୍ଯନ୍ ଵାରିଜାନି ସୂର୍ଯୋତ୍ଥାନେ କୁମୁଦ୍ ଵିନା ।
ରାଜ୍ଞା ତୁ ନିର୍ଭଯା ଲୋକା ଯଥା ଦସ୍ଯୂନ୍ ଵିନା ନୃପ ॥ ୪୭ ॥
ରାଜ୍ଞା ତୁ ନିର୍ଭଯା ଲୋକା ଯଥା ଦସ୍ଯୂନ୍ ଵିନା ନୃପ ॥ ୪୭ ॥
ପୁରଗ୍ରାମେଷ୍ଵାଗ୍ରଯଣୈରିନ୍ଦ୍ରିଯୈଶ୍ଚ ମହୋତ୍ସଵୈଃ ।
ବଭୌ ଭୂଃ ପକ୍ଵଶଷ୍ଯାଢ୍ଯା କଲାଭ୍ଯାଂ ନିତରାଂ ହରେଃ ॥ ୪୮ ॥
ବଭୌ ଭୂଃ ପକ୍ଵଶଷ୍ଯାଢ୍ଯା କଲାଭ୍ଯାଂ ନିତରାଂ ହରେଃ ॥ ୪୮ ॥
ଵଣିଙ୍ମୁନିନୃପସ୍ନାତା ନିର୍ଗମ୍ଯାର୍ଥାନ୍ ପ୍ରପେଦିରେ ।
ଵର୍ଷରୁଦ୍ଧା ଯଥା ସିଦ୍ଧାଃ ସ୍ଵପିଣ୍ଡାନ୍ କାଲ ଆଗତେ ॥ ୪୯ ॥
ଵର୍ଷରୁଦ୍ଧା ଯଥା ସିଦ୍ଧାଃ ସ୍ଵପିଣ୍ଡାନ୍ କାଲ ଆଗତେ ॥ ୪୯ ॥