শ্রীশুক উবাচ
হেমন্তে প্রথমে মাসি নন্দব্রজকুমারিকাঃ ।
চেরুর্হবিষ্যং ভুঞ্জানাঃ কাত্যাযন্যর্চনব্রতম্ ॥ ১ ॥
হেমন্তে প্রথমে মাসি নন্দব্রজকুমারিকাঃ ।
চেরুর্হবিষ্যং ভুঞ্জানাঃ কাত্যাযন্যর্চনব্রতম্ ॥ ১ ॥
আপ্লুত্যাম্ভসি কালিন্দ্যা জলান্তে চোদিতেঽরুণে ।
কৃত্বা প্রতিকৃতিং দেবীমানর্চুর্নৃপ সৈকতীম্ ॥ ২ ॥
কৃত্বা প্রতিকৃতিং দেবীমানর্চুর্নৃপ সৈকতীম্ ॥ ২ ॥
গন্ধৈর্মাল্যৈঃ সুরভিভির্বলিভির্ধূপদীপকৈঃ ।
উচ্চাবচৈশ্চোপহারৈঃ প্রবালফলতণ্ডুলৈঃ ॥ ৩ ॥
উচ্চাবচৈশ্চোপহারৈঃ প্রবালফলতণ্ডুলৈঃ ॥ ৩ ॥
কাত্যাযনি মহামাযে মহাযোগিন্যধীশ্বরি ।
নন্দগোপসুতং দেবি পতিং মে কুরু তে নমঃ ।
ইতি মন্ত্রং জপন্ত্যস্তাঃ পূজাং চক্রুঃ কুমারিকাঃ ॥ ৪ ॥
নন্দগোপসুতং দেবি পতিং মে কুরু তে নমঃ ।
ইতি মন্ত্রং জপন্ত্যস্তাঃ পূজাং চক্রুঃ কুমারিকাঃ ॥ ৪ ॥
এবং মাসং ব্রতং চেরুঃ কুমার্যঃ কৃষ্ণচেতসঃ ।
ভদ্রকালীং সমানর্চুর্ভূযান্নন্দসুতঃ পতিঃ ॥ ৫ ॥
ভদ্রকালীং সমানর্চুর্ভূযান্নন্দসুতঃ পতিঃ ॥ ৫ ॥
ঊষস্যুত্থায গোত্রৈঃ স্বৈরন্যোন্যাবদ্ধবাহবঃ ।
কৃষ্ণমুচ্চৈর্জগুর্যান্ত্যঃ কালিন্দ্যাং স্নাতুমন্বহম্ ॥ ৬ ॥
কৃষ্ণমুচ্চৈর্জগুর্যান্ত্যঃ কালিন্দ্যাং স্নাতুমন্বহম্ ॥ ৬ ॥
নদ্যাঃ কদাচিদাগত্য তীরে নিক্ষিপ্য পূর্ববত্ ।
বাসাংসি কৃষ্ণং গাযন্ত্যো বিজহ্রুঃ সলিলে মুদা ॥ ৭ ॥
বাসাংসি কৃষ্ণং গাযন্ত্যো বিজহ্রুঃ সলিলে মুদা ॥ ৭ ॥
ভগবাংস্তদভিপ্রেত্য কৃষ্ণো যোগেশ্বরেশ্বরঃ ।
বযস্যৈরাবৃতস্তত্র গতস্তত্কর্মসিদ্ধযে ॥ ৮ ॥
বযস্যৈরাবৃতস্তত্র গতস্তত্কর্মসিদ্ধযে ॥ ৮ ॥
তাসাং বাসাংস্যুপাদায নীপমারুহ্য সত্বরঃ ।
হসদ্ভিঃ প্রহসন্ বালৈঃ পরিহাসমুবাচ হ ॥ ৯ ॥
হসদ্ভিঃ প্রহসন্ বালৈঃ পরিহাসমুবাচ হ ॥ ৯ ॥
অত্রাগত্যাবলাঃ কামং স্বং স্বং বাসঃ প্রগৃহ্যতাম্ ।
সত্যং ব্রুবাণি নো নর্ম যদ্ যূযং ব্রতকর্শিতাঃ ॥ ১০ ॥
সত্যং ব্রুবাণি নো নর্ম যদ্ যূযং ব্রতকর্শিতাঃ ॥ ১০ ॥
ন মযোদিতপূর্বং বা অনৃতং তদিমে বিদুঃ ।
একৈকশঃ প্রতীচ্ছধ্বং সহৈবেতি সুমধ্যমাঃ ॥ ১১ ॥
একৈকশঃ প্রতীচ্ছধ্বং সহৈবেতি সুমধ্যমাঃ ॥ ১১ ॥
তস্য তত্ ক্ষ্বেলিতং দৃষ্ট্বা গোপ্যঃ প্রেমপরিপ্লুতাঃ ।
ব্রীডিতাঃ প্রেক্ষ্য চান্যোন্যং জাতহাসা ন নির্যযুঃ ॥ ১২ ॥
ব্রীডিতাঃ প্রেক্ষ্য চান্যোন্যং জাতহাসা ন নির্যযুঃ ॥ ১২ ॥
এবং ব্রুবতি গোবিন্দে নর্মণাক্ষিপ্তচেতসঃ ।
আকণ্ঠমগ্নাঃ শীতোদে বেপমানাস্তমব্রুবন্ ॥ ১৩ ॥
আকণ্ঠমগ্নাঃ শীতোদে বেপমানাস্তমব্রুবন্ ॥ ১৩ ॥
মানযং ভোঃ কৃথাস্ত্বাং তু নন্দগোপসুতং প্রিযম্ ।
জানীমোঽঙ্গ ব্রজশ্লাঘ্যং দেহি বাসাংসি বেপিতাঃ ॥ ১৪ ॥
জানীমোঽঙ্গ ব্রজশ্লাঘ্যং দেহি বাসাংসি বেপিতাঃ ॥ ১৪ ॥
শ্যামসুন্দর তে দাস্যঃ করবাম তবোদিতম্ ।
দেহি বাসাংসি ধর্মজ্ঞ নো চেদ্ রাজ্ঞে ব্রুবাম হে ॥ ১৫ ॥
দেহি বাসাংসি ধর্মজ্ঞ নো চেদ্ রাজ্ঞে ব্রুবাম হে ॥ ১৫ ॥
শ্রীভগবানুবাচ
ভবত্যো যদি মে দাস্যো মযোক্তং বা করিষ্যথ ।
অত্রাগত্য স্ববাসাংসি প্রতীচ্ছত শুচিস্মিতাঃ ।
নো চেন্নাহং প্রদাস্যে কিং ক্রুদ্ধো রাজা করিষ্যতি ॥ ১৬ ॥
ভবত্যো যদি মে দাস্যো মযোক্তং বা করিষ্যথ ।
অত্রাগত্য স্ববাসাংসি প্রতীচ্ছত শুচিস্মিতাঃ ।
নো চেন্নাহং প্রদাস্যে কিং ক্রুদ্ধো রাজা করিষ্যতি ॥ ১৬ ॥
ততো জলাশযাত্ সর্বা দারিকাঃ শীতবেপিতাঃ ।
পাণিভ্যাং যোনিমাচ্ছাদ্য প্রোত্তেরুঃ শীতকর্শিতাঃ ॥ ১৭ ॥
পাণিভ্যাং যোনিমাচ্ছাদ্য প্রোত্তেরুঃ শীতকর্শিতাঃ ॥ ১৭ ॥
ভগবানাহতা বীক্ষ্য শুদ্ধভাবপ্রসাদিতঃ ।
স্কন্ধে নিধায বাসাংসি প্রীতঃ প্রোবাচ সস্মিতম্ ॥ ১৮ ॥
স্কন্ধে নিধায বাসাংসি প্রীতঃ প্রোবাচ সস্মিতম্ ॥ ১৮ ॥
যূযং বিবস্ত্রা যদপো ধৃতব্রতা
ব্যগাহতৈতত্তদু দেবহেলনম্ ।
বদ্ধ্বাঞ্জলিং মূধ্র্ন্যপনুত্তযেঽহসঃ
কৃত্বা নমোঽধোবসনং প্রগৃহ্যতাম্ ॥ ১৯ ॥
ব্যগাহতৈতত্তদু দেবহেলনম্ ।
বদ্ধ্বাঞ্জলিং মূধ্র্ন্যপনুত্তযেঽহসঃ
কৃত্বা নমোঽধোবসনং প্রগৃহ্যতাম্ ॥ ১৯ ॥
ইত্যচ্যুতেনাভিহিতং ব্রজাবলা
মত্বা বিবস্ত্রাপ্লবনং ব্রতচ্যুতিম্ ।
তত্পূর্তিকামাস্তদশেষকর্মণাং
সাক্ষাত্কৃতং নেমুরবদ্যমৃগ্ যতঃ ॥ ২০ ॥
মত্বা বিবস্ত্রাপ্লবনং ব্রতচ্যুতিম্ ।
তত্পূর্তিকামাস্তদশেষকর্মণাং
সাক্ষাত্কৃতং নেমুরবদ্যমৃগ্ যতঃ ॥ ২০ ॥
তাস্তথাবনতা দৃষ্ট্বা ভগবান্ দেবকীসুতঃ ।
বাসাংসি তাভ্যঃ প্রাযচ্ছত্করুণস্তেন তোষিতঃ ॥ ২১ ॥
বাসাংসি তাভ্যঃ প্রাযচ্ছত্করুণস্তেন তোষিতঃ ॥ ২১ ॥
দৃঢং প্রলব্ধাস্ত্রপযা চ হাপিতাঃ
প্রস্তোভিতাঃ ক্রীডনবচ্চ কারিতাঃ ।
বস্ত্রাণি চৈবাপহৃতান্যথাপ্যমুং
তা নাভ্যসূযন্ প্রিযসঙ্গনির্বৃতাঃ ॥ ২২ ॥
প্রস্তোভিতাঃ ক্রীডনবচ্চ কারিতাঃ ।
বস্ত্রাণি চৈবাপহৃতান্যথাপ্যমুং
তা নাভ্যসূযন্ প্রিযসঙ্গনির্বৃতাঃ ॥ ২২ ॥
পরিধায স্ববাসাংসি প্রেষ্ঠসঙ্গমসজ্জিতাঃ ।
গৃহীতচিত্তা নো চেলুস্তস্মিন্লজ্জাযিতেক্ষণাঃ ॥ ২৩ ॥
গৃহীতচিত্তা নো চেলুস্তস্মিন্লজ্জাযিতেক্ষণাঃ ॥ ২৩ ॥
তাসাং বিজ্ঞায ভগবান্ স্বপাদস্পর্শকাম্যযা ।
ধৃতব্রতানাং সঙ্কল্পমাহ দামোদরোঽবলাঃ ॥ ২৪ ॥
ধৃতব্রতানাং সঙ্কল্পমাহ দামোদরোঽবলাঃ ॥ ২৪ ॥
সঙ্কল্পো বিদিতঃ সাধ্ব্যো ভবতীনাং মদর্চনম্ ।
মযানুমোদিতঃ সোঽসৌ সত্যো ভবিতুমর্হতি ॥ ২৫ ॥
মযানুমোদিতঃ সোঽসৌ সত্যো ভবিতুমর্হতি ॥ ২৫ ॥
ন ময্যাবেশিতধিযাং কামঃ কামায কল্পতে ।
ভর্জিতা ক্বথিতা ধানাঃ প্রাযো বীজায নেশতে ॥ ২৬ ॥
ভর্জিতা ক্বথিতা ধানাঃ প্রাযো বীজায নেশতে ॥ ২৬ ॥
যাতাবলা ব্রজং সিদ্ধা মযেমা রংস্যথা ক্ষপাঃ ।
যদুদ্দিশ্য ব্রতমিদং চেরুরার্যার্চনং সতীঃ ॥ ২৭ ॥
যদুদ্দিশ্য ব্রতমিদং চেরুরার্যার্চনং সতীঃ ॥ ২৭ ॥
শ্রীশুক উবাচ
ইত্যাদিষ্টা ভগবতা লব্ধকামাঃ কুমারিকাঃ ।
ধ্যাযন্ত্যস্তত্পদাম্ভোজং কৃচ্ছ্রান্নির্বিবিশুর্ব্রজম্ ॥ ২৮ ॥
ইত্যাদিষ্টা ভগবতা লব্ধকামাঃ কুমারিকাঃ ।
ধ্যাযন্ত্যস্তত্পদাম্ভোজং কৃচ্ছ্রান্নির্বিবিশুর্ব্রজম্ ॥ ২৮ ॥
অথ গোপৈঃ পরিবৃতো ভগবান্ দেবকীসুতঃ ।
বৃন্দাবনাদ্গতো দূরং চারযন্ গাঃ সহাগ্রজঃ ॥ ২৯ ॥
বৃন্দাবনাদ্গতো দূরং চারযন্ গাঃ সহাগ্রজঃ ॥ ২৯ ॥
নিদঘার্কাতপে তিগ্মে ছাযাভিঃ স্বাভিরাত্মনঃ ।
আতপত্রাযিতান্ বীক্ষ্য দ্রুমানাহ ব্রজৌকসঃ ॥ ৩০ ॥
আতপত্রাযিতান্ বীক্ষ্য দ্রুমানাহ ব্রজৌকসঃ ॥ ৩০ ॥
হে স্তোককৃষ্ণ হে অংশো শ্রীদামন্ সুবলার্জুন ।
বিশাল বৃষভৌজস্বিন্ দেবপ্রস্থ বরূথপ ॥ ৩১ ॥
বিশাল বৃষভৌজস্বিন্ দেবপ্রস্থ বরূথপ ॥ ৩১ ॥
পশ্যতৈতান্ মহাভাগান্ পরার্থৈকান্তজীবিতান্ ।
বাতবর্ষাতপহিমান্ সহন্তো বারযন্তি নঃ ॥ ৩২ ॥
বাতবর্ষাতপহিমান্ সহন্তো বারযন্তি নঃ ॥ ৩২ ॥
অহো এষাং বরং জন্ম সর্বপ্রাণ্যুপজীবনম্ ।
সুজনস্যেব যেষাং বৈ বিমুখা যান্তি নার্থিনঃ ॥ ৩৩ ॥
সুজনস্যেব যেষাং বৈ বিমুখা যান্তি নার্থিনঃ ॥ ৩৩ ॥
পত্রপুষ্পফলচ্ছাযামূলবল্কলদারুভিঃ ।
গন্ধনির্যাসভস্মাস্থিতোক্মৈঃ কামান্বিতন্বতে ॥ ৩৪ ॥
গন্ধনির্যাসভস্মাস্থিতোক্মৈঃ কামান্বিতন্বতে ॥ ৩৪ ॥
এতাবজ্জন্মসাফল্যং দেহিনামিহ দেহিষু ।
প্রাণৈরর্থৈর্ধিযা বাচা শ্রেযআচরণং সদা ॥ ৩৫ ॥
প্রাণৈরর্থৈর্ধিযা বাচা শ্রেযআচরণং সদা ॥ ৩৫ ॥
ইতি প্রবালস্তবকফলপুষ্পদলোত্করৈঃ ।
তরূণাং নম্রশাখানাং মধ্যতো যমুনাং গতঃ ॥ ৩৬ ॥
তরূণাং নম্রশাখানাং মধ্যতো যমুনাং গতঃ ॥ ৩৬ ॥
তত্র গাঃ পাযযিত্বাপঃ সুমৃষ্টাঃ শীতলাঃ শিবাঃ ।
ততো নৃপ স্বযং গোপাঃ কামং স্বাদু পপুর্জলম্ ॥ ৩৭ ॥
ততো নৃপ স্বযং গোপাঃ কামং স্বাদু পপুর্জলম্ ॥ ৩৭ ॥
তস্যা উপবনে কামং চারযন্তঃ পশূন্ নৃপ ।
কৃষ্ণরামাবুপাগম্য ক্ষুধার্তা ইদমব্রুবন্ ॥ ৩৮ ॥
কৃষ্ণরামাবুপাগম্য ক্ষুধার্তা ইদমব্রুবন্ ॥ ৩৮ ॥