శ్రీశుక ఉవాచ
హేమన్తే ప్రథమే మాసి నన్దవ్రజకుమారికాః ।
చేరుర్హవిష్యం భుఞ్జానాః కాత్యాయన్యర్చనవ్రతమ్ ॥ ౧ ॥
హేమన్తే ప్రథమే మాసి నన్దవ్రజకుమారికాః ।
చేరుర్హవిష్యం భుఞ్జానాః కాత్యాయన్యర్చనవ్రతమ్ ॥ ౧ ॥
ఆప్లుత్యామ్భసి కాలిన్ద్యా జలాన్తే చోదితేఽరుణే ।
కృత్వా ప్రతికృతిం దేవీమానర్చుర్నృప సైకతీమ్ ॥ ౨ ॥
కృత్వా ప్రతికృతిం దేవీమానర్చుర్నృప సైకతీమ్ ॥ ౨ ॥
గన్ధైర్మాల్యైః సురభిభిర్బలిభిర్ధూపదీపకైః ।
ఉచ్చావచైశ్చోపహారైః ప్రవాలఫలతణ్డులైః ॥ ౩ ॥
ఉచ్చావచైశ్చోపహారైః ప్రవాలఫలతణ్డులైః ॥ ౩ ॥
కాత్యాయని మహామాయే మహాయోగిన్యధీశ్వరి ।
నన్దగోపసుతం దేవి పతిం మే కురు తే నమః ।
ఇతి మన్త్రం జపన్త్యస్తాః పూజాం చక్రుః కుమారికాః ॥ ౪ ॥
నన్దగోపసుతం దేవి పతిం మే కురు తే నమః ।
ఇతి మన్త్రం జపన్త్యస్తాః పూజాం చక్రుః కుమారికాః ॥ ౪ ॥
ఏవం మాసం వ్రతం చేరుః కుమార్యః కృష్ణచేతసః ।
భద్రకాలీం సమానర్చుర్భూయాన్నన్దసుతః పతిః ॥ ౫ ॥
భద్రకాలీం సమానర్చుర్భూయాన్నన్దసుతః పతిః ॥ ౫ ॥
ఊషస్యుత్థాయ గోత్రైః స్వైరన్యోన్యాబద్ధబాహవః ।
కృష్ణముచ్చైర్జగుర్యాన్త్యః కాలిన్ద్యాం స్నాతుమన్వహమ్ ॥ ౬ ॥
కృష్ణముచ్చైర్జగుర్యాన్త్యః కాలిన్ద్యాం స్నాతుమన్వహమ్ ॥ ౬ ॥
నద్యాః కదాచిదాగత్య తీరే నిక్షిప్య పూర్వవత్ ।
వాసాంసి కృష్ణం గాయన్త్యో విజహ్రుః సలిలే ముదా ॥ ౭ ॥
వాసాంసి కృష్ణం గాయన్త్యో విజహ్రుః సలిలే ముదా ॥ ౭ ॥
భగవాంస్తదభిప్రేత్య కృష్ణో యోగేశ్వరేశ్వరః ।
వయస్యైరావృతస్తత్ర గతస్తత్కర్మసిద్ధయే ॥ ౮ ॥
వయస్యైరావృతస్తత్ర గతస్తత్కర్మసిద్ధయే ॥ ౮ ॥
తాసాం వాసాంస్యుపాదాయ నీపమారుహ్య సత్వరః ।
హసద్భిః ప్రహసన్ బాలైః పరిహాసమువాచ హ ॥ ౯ ॥
హసద్భిః ప్రహసన్ బాలైః పరిహాసమువాచ హ ॥ ౯ ॥
అత్రాగత్యాబలాః కామం స్వం స్వం వాసః ప్రగృహ్యతామ్ ।
సత్యం బ్రువాణి నో నర్మ యద్ యూయం వ్రతకర్శితాః ॥ ౧౦ ॥
సత్యం బ్రువాణి నో నర్మ యద్ యూయం వ్రతకర్శితాః ॥ ౧౦ ॥
న మయోదితపూర్వం వా అనృతం తదిమే విదుః ।
ఏకైకశః ప్రతీచ్ఛధ్వం సహైవేతి సుమధ్యమాః ॥ ౧౧ ॥
ఏకైకశః ప్రతీచ్ఛధ్వం సహైవేతి సుమధ్యమాః ॥ ౧౧ ॥
తస్య తత్ క్ష్వేలితం దృష్ట్వా గోప్యః ప్రేమపరిప్లుతాః ।
వ్రీడితాః ప్రేక్ష్య చాన్యోన్యం జాతహాసా న నిర్యయుః ॥ ౧౨ ॥
వ్రీడితాః ప్రేక్ష్య చాన్యోన్యం జాతహాసా న నిర్యయుః ॥ ౧౨ ॥
ఏవం బ్రువతి గోవిన్దే నర్మణాక్షిప్తచేతసః ।
ఆకణ్ఠమగ్నాః శీతోదే వేపమానాస్తమబ్రువన్ ॥ ౧౩ ॥
ఆకణ్ఠమగ్నాః శీతోదే వేపమానాస్తమబ్రువన్ ॥ ౧౩ ॥
మానయం భోః కృథాస్త్వాం తు నన్దగోపసుతం ప్రియమ్ ।
జానీమోఽఙ్గ వ్రజశ్లాఘ్యం దేహి వాసాంసి వేపితాః ॥ ౧౪ ॥
జానీమోఽఙ్గ వ్రజశ్లాఘ్యం దేహి వాసాంసి వేపితాః ॥ ౧౪ ॥
శ్యామసున్దర తే దాస్యః కరవామ తవోదితమ్ ।
దేహి వాసాంసి ధర్మజ్ఞ నో చేద్ రాజ్ఞే బ్రువామ హే ॥ ౧౫ ॥
దేహి వాసాంసి ధర్మజ్ఞ నో చేద్ రాజ్ఞే బ్రువామ హే ॥ ౧౫ ॥
శ్రీభగవానువాచ
భవత్యో యది మే దాస్యో మయోక్తం వా కరిష్యథ ।
అత్రాగత్య స్వవాసాంసి ప్రతీచ్ఛత శుచిస్మితాః ।
నో చేన్నాహం ప్రదాస్యే కిం క్రుద్ధో రాజా కరిష్యతి ॥ ౧౬ ॥
భవత్యో యది మే దాస్యో మయోక్తం వా కరిష్యథ ।
అత్రాగత్య స్వవాసాంసి ప్రతీచ్ఛత శుచిస్మితాః ।
నో చేన్నాహం ప్రదాస్యే కిం క్రుద్ధో రాజా కరిష్యతి ॥ ౧౬ ॥
తతో జలాశయాత్ సర్వా దారికాః శీతవేపితాః ।
పాణిభ్యాం యోనిమాచ్ఛాద్య ప్రోత్తేరుః శీతకర్శితాః ॥ ౧౭ ॥
పాణిభ్యాం యోనిమాచ్ఛాద్య ప్రోత్తేరుః శీతకర్శితాః ॥ ౧౭ ॥
భగవానాహతా వీక్ష్య శుద్ధభావప్రసాదితః ।
స్కన్ధే నిధాయ వాసాంసి ప్రీతః ప్రోవాచ సస్మితమ్ ॥ ౧౮ ॥
స్కన్ధే నిధాయ వాసాంసి ప్రీతః ప్రోవాచ సస్మితమ్ ॥ ౧౮ ॥
యూయం వివస్త్రా యదపో ధృతవ్రతా
వ్యగాహతైతత్తదు దేవహేలనమ్ ।
బద్ధ్వాఞ్జలిం మూధ్ర్న్యపనుత్తయేఽహసః
కృత్వా నమోఽధోవసనం ప్రగృహ్యతామ్ ॥ ౧౯ ॥
వ్యగాహతైతత్తదు దేవహేలనమ్ ।
బద్ధ్వాఞ్జలిం మూధ్ర్న్యపనుత్తయేఽహసః
కృత్వా నమోఽధోవసనం ప్రగృహ్యతామ్ ॥ ౧౯ ॥
ఇత్యచ్యుతేనాభిహితం వ్రజాబలా
మత్వా వివస్త్రాప్లవనం వ్రతచ్యుతిమ్ ।
తత్పూర్తికామాస్తదశేషకర్మణాం
సాక్షాత్కృతం నేమురవద్యమృగ్ యతః ॥ ౨౦ ॥
మత్వా వివస్త్రాప్లవనం వ్రతచ్యుతిమ్ ।
తత్పూర్తికామాస్తదశేషకర్మణాం
సాక్షాత్కృతం నేమురవద్యమృగ్ యతః ॥ ౨౦ ॥
తాస్తథావనతా దృష్ట్వా భగవాన్ దేవకీసుతః ।
వాసాంసి తాభ్యః ప్రాయచ్ఛత్కరుణస్తేన తోషితః ॥ ౨౧ ॥
వాసాంసి తాభ్యః ప్రాయచ్ఛత్కరుణస్తేన తోషితః ॥ ౨౧ ॥
దృఢం ప్రలబ్ధాస్త్రపయా చ హాపితాః
ప్రస్తోభితాః క్రీడనవచ్చ కారితాః ।
వస్త్రాణి చైవాపహృతాన్యథాప్యముం
తా నాభ్యసూయన్ ప్రియసఙ్గనిర్వృతాః ॥ ౨౨ ॥
ప్రస్తోభితాః క్రీడనవచ్చ కారితాః ।
వస్త్రాణి చైవాపహృతాన్యథాప్యముం
తా నాభ్యసూయన్ ప్రియసఙ్గనిర్వృతాః ॥ ౨౨ ॥
పరిధాయ స్వవాసాంసి ప్రేష్ఠసఙ్గమసజ్జితాః ।
గృహీతచిత్తా నో చేలుస్తస్మిన్లజ్జాయితేక్షణాః ॥ ౨౩ ॥
గృహీతచిత్తా నో చేలుస్తస్మిన్లజ్జాయితేక్షణాః ॥ ౨౩ ॥
తాసాం విజ్ఞాయ భగవాన్ స్వపాదస్పర్శకామ్యయా ।
ధృతవ్రతానాం సఙ్కల్పమాహ దామోదరోఽబలాః ॥ ౨౪ ॥
ధృతవ్రతానాం సఙ్కల్పమాహ దామోదరోఽబలాః ॥ ౨౪ ॥
సఙ్కల్పో విదితః సాధ్వ్యో భవతీనాం మదర్చనమ్ ।
మయానుమోదితః సోఽసౌ సత్యో భవితుమర్హతి ॥ ౨౫ ॥
మయానుమోదితః సోఽసౌ సత్యో భవితుమర్హతి ॥ ౨౫ ॥
న మయ్యావేశితధియాం కామః కామాయ కల్పతే ।
భర్జితా క్వథితా ధానాః ప్రాయో బీజాయ నేశతే ॥ ౨౬ ॥
భర్జితా క్వథితా ధానాః ప్రాయో బీజాయ నేశతే ॥ ౨౬ ॥
యాతాబలా వ్రజం సిద్ధా మయేమా రంస్యథా క్షపాః ।
యదుద్దిశ్య వ్రతమిదం చేరురార్యార్చనం సతీః ॥ ౨౭ ॥
యదుద్దిశ్య వ్రతమిదం చేరురార్యార్చనం సతీః ॥ ౨౭ ॥
శ్రీశుక ఉవాచ
ఇత్యాదిష్టా భగవతా లబ్ధకామాః కుమారికాః ।
ధ్యాయన్త్యస్తత్పదామ్భోజం కృచ్ఛ్రాన్నిర్వివిశుర్వ్రజమ్ ॥ ౨౮ ॥
ఇత్యాదిష్టా భగవతా లబ్ధకామాః కుమారికాః ।
ధ్యాయన్త్యస్తత్పదామ్భోజం కృచ్ఛ్రాన్నిర్వివిశుర్వ్రజమ్ ॥ ౨౮ ॥
అథ గోపైః పరివృతో భగవాన్ దేవకీసుతః ।
వృన్దావనాద్గతో దూరం చారయన్ గాః సహాగ్రజః ॥ ౨౯ ॥
వృన్దావనాద్గతో దూరం చారయన్ గాః సహాగ్రజః ॥ ౨౯ ॥
నిదఘార్కాతపే తిగ్మే ఛాయాభిః స్వాభిరాత్మనః ।
ఆతపత్రాయితాన్ వీక్ష్య ద్రుమానాహ వ్రజౌకసః ॥ ౩౦ ॥
ఆతపత్రాయితాన్ వీక్ష్య ద్రుమానాహ వ్రజౌకసః ॥ ౩౦ ॥
హే స్తోకకృష్ణ హే అంశో శ్రీదామన్ సుబలార్జున ।
విశాల వృషభౌజస్విన్ దేవప్రస్థ వరూథప ॥ ౩౧ ॥
విశాల వృషభౌజస్విన్ దేవప్రస్థ వరూథప ॥ ౩౧ ॥
పశ్యతైతాన్ మహాభాగాన్ పరార్థైకాన్తజీవితాన్ ।
వాతవర్షాతపహిమాన్ సహన్తో వారయన్తి నః ॥ ౩౨ ॥
వాతవర్షాతపహిమాన్ సహన్తో వారయన్తి నః ॥ ౩౨ ॥
అహో ఏషాం వరం జన్మ సర్వప్రాణ్యుపజీవనమ్ ।
సుజనస్యేవ యేషాం వై విముఖా యాన్తి నార్థినః ॥ ౩౩ ॥
సుజనస్యేవ యేషాం వై విముఖా యాన్తి నార్థినః ॥ ౩౩ ॥
పత్రపుష్పఫలచ్ఛాయామూలవల్కలదారుభిః ।
గన్ధనిర్యాసభస్మాస్థితోక్మైః కామాన్వితన్వతే ॥ ౩౪ ॥
గన్ధనిర్యాసభస్మాస్థితోక్మైః కామాన్వితన్వతే ॥ ౩౪ ॥
ఏతావజ్జన్మసాఫల్యం దేహినామిహ దేహిషు ।
ప్రాణైరర్థైర్ధియా వాచా శ్రేయఆచరణం సదా ॥ ౩౫ ॥
ప్రాణైరర్థైర్ధియా వాచా శ్రేయఆచరణం సదా ॥ ౩౫ ॥
ఇతి ప్రవాలస్తబకఫలపుష్పదలోత్కరైః ।
తరూణాం నమ్రశాఖానాం మధ్యతో యమునాం గతః ॥ ౩౬ ॥
తరూణాం నమ్రశాఖానాం మధ్యతో యమునాం గతః ॥ ౩౬ ॥
తత్ర గాః పాయయిత్వాపః సుమృష్టాః శీతలాః శివాః ।
తతో నృప స్వయం గోపాః కామం స్వాదు పపుర్జలమ్ ॥ ౩౭ ॥
తతో నృప స్వయం గోపాః కామం స్వాదు పపుర్జలమ్ ॥ ౩౭ ॥
తస్యా ఉపవనే కామం చారయన్తః పశూన్ నృప ।
కృష్ణరామావుపాగమ్య క్షుధార్తా ఇదమబ్రువన్ ॥ ౩౮ ॥
కృష్ణరామావుపాగమ్య క్షుధార్తా ఇదమబ్రువన్ ॥ ౩౮ ॥