শ্ৰীশুক উৱাচ
এৱংৱিধানি কৰ্মাণি গোপাঃ কৃষ্ণস্য ৱীক্ষ্য তে । অতদ্ৱীৰ্যৱিদঃ প্ৰোচুঃ সমভ্যেত্য সুৱিস্মিতাঃ ॥ ১ ॥
এৱংৱিধানি কৰ্মাণি গোপাঃ কৃষ্ণস্য ৱীক্ষ্য তে । অতদ্ৱীৰ্যৱিদঃ প্ৰোচুঃ সমভ্যেত্য সুৱিস্মিতাঃ ॥ ১ ॥
বালকস্য যদেতানি কৰ্মাণ্যত্যদ্ভুতানি ৱৈ । কথমৰ্হত্যসৌ জন্ম গ্ৰাম্যেষ্ৱাত্মজুগুপ্সিতম্ ॥ ২ ॥
যঃ সপ্তহাযনো বালঃ কৰেণৈকেন লীলযা । কথং
বিভ্ৰদ্ গিৰিৱৰং পুষ্কৰং গজৰাডিৱ ॥ ৩ ॥
বিভ্ৰদ্ গিৰিৱৰং পুষ্কৰং গজৰাডিৱ ॥ ৩ ॥
তোকেনামীলিতাক্ষেণ পূতনাযা মহৌজসঃ
। পীতঃ স্তনঃ সহ প্ৰাণৈঃ কালেনেৱ ৱযস্তনোঃ ॥ ৪ ॥
। পীতঃ স্তনঃ সহ প্ৰাণৈঃ কালেনেৱ ৱযস্তনোঃ ॥ ৪ ॥
হিন্ৱতোঽধঃ শযানস্য মাস্যস্য চৰণাৱুদক্ । অনোঽপতদ্ ৱিপৰ্যস্তং ৰুদতঃ প্ৰপদাহতম্ ॥ ৫ ॥
একহাযন আসীনো হ্ৰিযমাণো ৱিহাযসা । দৈত্যেন যস্তৃণাৱৰ্তমহন্ কণ্ঠগ্ৰহাতুৰম্ ॥ ৬ ॥
ক্ৱচিদ্ধৈযঙ্গৱস্তৈন্যে মাত্ৰা বদ্ধ উদূখলে । গচ্ছন্নৰ্জুনযোৰ্মধ্যে বাহুভ্যাং তাৱপাতযত্ ॥ ৭ ॥
ৱনে সঞ্চাৰযন্ ৱত্সান্ সৰামো বালকৈৰ্ৱৃতঃ । হন্তুকামং বকং দোৰ্ভ্যাং মুখতোঽৰিমপাটযত্ ॥ ৮ ॥
ৱত্সেষু ৱত্সৰূপেণ প্ৰৱিশন্তং জিঘাংসযা । হত্ৱা ন্যপাতযত্তেন কপিত্থানি চ লীলযা ॥ ৯ ॥
হত্ৱা ৰাসভদৈতেযং তদ্বন্ধূংশ্চ বলান্ৱিতঃ । চক্ৰে তালৱনং ক্ষেমং পৰিপক্ৱফলান্ৱিতম্ ॥ ১০ ॥
প্ৰলম্বং ঘাতযিত্ৱোগ্ৰং বলেন বলশালিনা । অমোচযদ্ ৱ্ৰজপশূন্গোপাংশ্চাৰণ্যৱহ্নিতঃ ॥ ১১ ॥
আশীৱিষতমাহীন্দ্ৰং দমিত্ৱা ৱিমদং হ্ৰদাত্ । প্ৰসহ্যোদ্ৱাস্য যমুনাং চক্ৰেঽসৌ নিৰ্ৱিষোদকাম্ ॥ ১২ ॥
দুস্ত্যজশ্চানুৰাগোঽস্মিন্ সৰ্ৱেষাং নো ৱ্ৰজৌকসাম্ । নন্দতে তনযেঽস্মাসু তস্যাপ্যৌত্পত্তিকঃ কথম্ ॥ ১৩ ॥
ক্ৱ সপ্তহাযনো বালঃ ক্ৱ মহাদ্ৰিৱিধাৰণম্ । ততো নো জাযতে শঙ্কা ৱ্ৰজনাথ তৱাত্মজে ॥ ১৪ ॥
শ্ৰীনন্দ উৱাচ
শ্ৰূযতাং মে ৱচো গোপা ৱ্যেতু শঙ্কা চ ৱোঽৰ্ভকে । এনং কুমাৰমুদ্দিশ্য গৰ্গো মে যদুৱাচ হ ॥ ১৫ ॥
শ্ৰূযতাং মে ৱচো গোপা ৱ্যেতু শঙ্কা চ ৱোঽৰ্ভকে । এনং কুমাৰমুদ্দিশ্য গৰ্গো মে যদুৱাচ হ ॥ ১৫ ॥
ৱৰ্ণাস্ত্ৰযঃ কিলাস্যাসন্ গৃহ্ণতোঽনুযুগং তনূঃ । শুক্লো ৰক্তস্তথা পীত ইদানীং কৃষ্ণতাং গতঃ ॥ ১৬ ॥
প্ৰাগযং ৱসুদেৱস্য ক্ৱচিজ্জাতস্তৱাত্মজঃ । ৱাসুদেৱ ইতি শ্ৰীমানভিজ্ঞাঃ সম্প্ৰচক্ষতে ॥ ১৭ ॥
বহূনি সন্তি নামানি ৰূপাণি চ সুতস্য তে । গুণকৰ্মানুৰূপাণি তান্যহং ৱেদ নো জনাঃ ॥ ১৮ ॥
এষ ৱঃ শ্ৰেয আধাস্যদ্ গোপগোকুলনন্দনঃ । অনেন সৰ্ৱদুৰ্গাণি যূযমঞ্জস্তৰিষ্যথ ॥ ১৯ ॥
পুৰানেন ৱ্ৰজপতে সাধৱো দস্যুপীডিতাঃ । অৰাজকে ৰক্ষ্যমাণা জিগ্যুৰ্দস্যূন্সমেধিতাঃ ॥ ২০ ॥
য এতস্মিন্ মহাভাগে প্ৰীতিং কুৰ্ৱন্তি মানৱাঃ
। নাৰযোঽভিভৱন্ত্যেতান্ ৱিষ্ণুপক্ষানিৱাসুৰাঃ ॥ ২১ ॥
। নাৰযোঽভিভৱন্ত্যেতান্ ৱিষ্ণুপক্ষানিৱাসুৰাঃ ॥ ২১ ॥
তস্মান্নন্দ কুমাৰোঽযং নাৰাযণসমো গুণৈঃ
। শ্ৰিযা কীৰ্ত্যানুভাৱেন তত্কৰ্মসু ন ৱিস্মযঃ ॥ ২২ ॥
। শ্ৰিযা কীৰ্ত্যানুভাৱেন তত্কৰ্মসু ন ৱিস্মযঃ ॥ ২২ ॥
ইত্যদ্ধা মাং সমাদিশ্য গৰ্গে চ স্ৱগৃহং গতে । মন্যে নাৰাযণস্যাংশং কৃষ্ণমক্লিষ্টকাৰিণম্ ॥ ২৩ ॥
ইতি নন্দৱচঃ শ্ৰুত্ৱা গৰ্গগীতং ৱ্ৰজৌকসঃ । মুদিতা নন্দমানৰ্চুঃ কৃষ্ণং চ গতৱিস্মযাঃ ॥ ২৪ ॥
দেৱে ৱৰ্ষতি যজ্ঞৱিপ্লৱৰুষা ৱজ্ৰাশ্মৱৰ্ষানিলৈঃসীদত্পালপশুস্ত্ৰিযাত্মশৰণং দৃষ্ট্ৱানুকম্প্যুত্স্মযন্ । উত্পাট্যৈককৰেণ শৈলমবলো লীলোচ্ছিলীন্ধ্ৰং যথাবিভ্ৰদ্ গোষ্ঠমপান্মহেন্দ্ৰমদভিত্ প্ৰীযান্ন ইন্দ্ৰো গৱাম্ ॥ ২৫ ॥