శ్రీశుక ఉవాచ
ఏవంవిధాని కర్మాణి గోపాః కృష్ణస్య వీక్ష్య తే । అతద్వీర్యవిదః ప్రోచుః సమభ్యేత్య సువిస్మితాః ॥ ౧ ॥
ఏవంవిధాని కర్మాణి గోపాః కృష్ణస్య వీక్ష్య తే । అతద్వీర్యవిదః ప్రోచుః సమభ్యేత్య సువిస్మితాః ॥ ౧ ॥
బాలకస్య యదేతాని కర్మాణ్యత్యద్భుతాని వై । కథమర్హత్యసౌ జన్మ గ్రామ్యేష్వాత్మజుగుప్సితమ్ ॥ ౨ ॥
యః సప్తహాయనో బాలః కరేణైకేన లీలయా । కథం
బిభ్రద్ గిరివరం పుష్కరం గజరాడివ ॥ ౩ ॥
బిభ్రద్ గిరివరం పుష్కరం గజరాడివ ॥ ౩ ॥
తోకేనామీలితాక్షేణ పూతనాయా మహౌజసః
। పీతః స్తనః సహ ప్రాణైః కాలేనేవ వయస్తనోః ॥ ౪ ॥
। పీతః స్తనః సహ ప్రాణైః కాలేనేవ వయస్తనోః ॥ ౪ ॥
హిన్వతోఽధః శయానస్య మాస్యస్య చరణావుదక్ । అనోఽపతద్ విపర్యస్తం రుదతః ప్రపదాహతమ్ ॥ ౫ ॥
ఏకహాయన ఆసీనో హ్రియమాణో విహాయసా । దైత్యేన యస్తృణావర్తమహన్ కణ్ఠగ్రహాతురమ్ ॥ ౬ ॥
క్వచిద్ధైయఙ్గవస్తైన్యే మాత్రా బద్ధ ఉదూఖలే । గచ్ఛన్నర్జునయోర్మధ్యే బాహుభ్యాం తావపాతయత్ ॥ ౭ ॥
వనే సఞ్చారయన్ వత్సాన్ సరామో బాలకైర్వృతః । హన్తుకామం బకం దోర్భ్యాం ముఖతోఽరిమపాటయత్ ॥ ౮ ॥
వత్సేషు వత్సరూపేణ ప్రవిశన్తం జిఘాంసయా । హత్వా న్యపాతయత్తేన కపిత్థాని చ లీలయా ॥ ౯ ॥
హత్వా రాసభదైతేయం తద్బన్ధూంశ్చ బలాన్వితః । చక్రే తాలవనం క్షేమం పరిపక్వఫలాన్వితమ్ ॥ ౧౦ ॥
ప్రలమ్బం ఘాతయిత్వోగ్రం బలేన బలశాలినా । అమోచయద్ వ్రజపశూన్గోపాంశ్చారణ్యవహ్నితః ॥ ౧౧ ॥
ఆశీవిషతమాహీన్ద్రం దమిత్వా విమదం హ్రదాత్ । ప్రసహ్యోద్వాస్య యమునాం చక్రేఽసౌ నిర్విషోదకామ్ ॥ ౧౨ ॥
దుస్త్యజశ్చానురాగోఽస్మిన్ సర్వేషాం నో వ్రజౌకసామ్ । నన్దతే తనయేఽస్మాసు తస్యాప్యౌత్పత్తికః కథమ్ ॥ ౧౩ ॥
క్వ సప్తహాయనో బాలః క్వ మహాద్రివిధారణమ్ । తతో నో జాయతే శఙ్కా వ్రజనాథ తవాత్మజే ॥ ౧౪ ॥
శ్రీనన్ద ఉవాచ
శ్రూయతాం మే వచో గోపా వ్యేతు శఙ్కా చ వోఽర్భకే । ఏనం కుమారముద్దిశ్య గర్గో మే యదువాచ హ ॥ ౧౫ ॥
శ్రూయతాం మే వచో గోపా వ్యేతు శఙ్కా చ వోఽర్భకే । ఏనం కుమారముద్దిశ్య గర్గో మే యదువాచ హ ॥ ౧౫ ॥
వర్ణాస్త్రయః కిలాస్యాసన్ గృహ్ణతోఽనుయుగం తనూః । శుక్లో రక్తస్తథా పీత ఇదానీం కృష్ణతాం గతః ॥ ౧౬ ॥
ప్రాగయం వసుదేవస్య క్వచిజ్జాతస్తవాత్మజః । వాసుదేవ ఇతి శ్రీమానభిజ్ఞాః సమ్ప్రచక్షతే ॥ ౧౭ ॥
బహూని సన్తి నామాని రూపాణి చ సుతస్య తే । గుణకర్మానురూపాణి తాన్యహం వేద నో జనాః ॥ ౧౮ ॥
ఏష వః శ్రేయ ఆధాస్యద్ గోపగోకులనన్దనః । అనేన సర్వదుర్గాణి యూయమఞ్జస్తరిష్యథ ॥ ౧౯ ॥
పురానేన వ్రజపతే సాధవో దస్యుపీడితాః । అరాజకే రక్ష్యమాణా జిగ్యుర్దస్యూన్సమేధితాః ॥ ౨౦ ॥
య ఏతస్మిన్ మహాభాగే ప్రీతిం కుర్వన్తి మానవాః
। నారయోఽభిభవన్త్యేతాన్ విష్ణుపక్షానివాసురాః ॥ ౨౧ ॥
। నారయోఽభిభవన్త్యేతాన్ విష్ణుపక్షానివాసురాః ॥ ౨౧ ॥
తస్మాన్నన్ద కుమారోఽయం నారాయణసమో గుణైః
। శ్రియా కీర్త్యానుభావేన తత్కర్మసు న విస్మయః ॥ ౨౨ ॥
। శ్రియా కీర్త్యానుభావేన తత్కర్మసు న విస్మయః ॥ ౨౨ ॥
ఇత్యద్ధా మాం సమాదిశ్య గర్గే చ స్వగృహం గతే । మన్యే నారాయణస్యాంశం కృష్ణమక్లిష్టకారిణమ్ ॥ ౨౩ ॥
ఇతి నన్దవచః శ్రుత్వా గర్గగీతం వ్రజౌకసః । ముదితా నన్దమానర్చుః కృష్ణం చ గతవిస్మయాః ॥ ౨౪ ॥
దేవే వర్షతి యజ్ఞవిప్లవరుషా వజ్రాశ్మవర్షానిలైఃసీదత్పాలపశుస్త్రియాత్మశరణం దృష్ట్వానుకమ్ప్యుత్స్మయన్ । ఉత్పాట్యైకకరేణ శైలమబలో లీలోచ్ఛిలీన్ధ్రం యథాబిభ్రద్ గోష్ఠమపాన్మహేన్ద్రమదభిత్ ప్రీయాన్న ఇన్ద్రో గవామ్ ॥ ౨౫ ॥