ଶ୍ରୀଶୁକ ଉଵାଚ
ଏଵଂଵିଧାନି କର୍ମାଣି ଗୋପାଃ କୃଷ୍ଣସ୍ଯ ଵୀକ୍ଷ୍ଯ ତେ । ଅତଦ୍ଵୀର୍ଯଵିଦଃ ପ୍ରୋଚୁଃ ସମଭ୍ଯେତ୍ଯ ସୁଵିସ୍ମିତାଃ ॥ ୧ ॥
ଏଵଂଵିଧାନି କର୍ମାଣି ଗୋପାଃ କୃଷ୍ଣସ୍ଯ ଵୀକ୍ଷ୍ଯ ତେ । ଅତଦ୍ଵୀର୍ଯଵିଦଃ ପ୍ରୋଚୁଃ ସମଭ୍ଯେତ୍ଯ ସୁଵିସ୍ମିତାଃ ॥ ୧ ॥
ବାଲକସ୍ଯ ଯଦେତାନି କର୍ମାଣ୍ଯତ୍ଯଦ୍ଭୁତାନି ଵୈ । କଥମର୍ହତ୍ଯସୌ ଜନ୍ମ ଗ୍ରାମ୍ଯେଷ୍ଵାତ୍ମଜୁଗୁପ୍ସିତମ୍ ॥ ୨ ॥
ଯଃ ସପ୍ତହାଯନୋ ବାଲଃ କରେଣୈକେନ ଲୀଲଯା । କଥଂ
ବିଭ୍ରଦ୍ ଗିରିଵରଂ ପୁଷ୍କରଂ ଗଜରାଡିଵ ॥ ୩ ॥
ବିଭ୍ରଦ୍ ଗିରିଵରଂ ପୁଷ୍କରଂ ଗଜରାଡିଵ ॥ ୩ ॥
ତୋକେନାମୀଲିତାକ୍ଷେଣ ପୂତନାଯା ମହୌଜସଃ
। ପୀତଃ ସ୍ତନଃ ସହ ପ୍ରାଣୈଃ କାଲେନେଵ ଵଯସ୍ତନୋଃ ॥ ୪ ॥
। ପୀତଃ ସ୍ତନଃ ସହ ପ୍ରାଣୈଃ କାଲେନେଵ ଵଯସ୍ତନୋଃ ॥ ୪ ॥
ହିନ୍ଵତୋଽଧଃ ଶଯାନସ୍ଯ ମାସ୍ଯସ୍ଯ ଚରଣାଵୁଦକ୍ । ଅନୋଽପତଦ୍ ଵିପର୍ଯସ୍ତଂ ରୁଦତଃ ପ୍ରପଦାହତମ୍ ॥ ୫ ॥
ଏକହାଯନ ଆସୀନୋ ହ୍ରିଯମାଣୋ ଵିହାଯସା । ଦୈତ୍ଯେନ ଯସ୍ତୃଣାଵର୍ତମହନ୍ କଣ୍ଠଗ୍ରହାତୁରମ୍ ॥ ୬ ॥
କ୍ଵଚିଦ୍ଧୈଯଙ୍ଗଵସ୍ତୈନ୍ଯେ ମାତ୍ରା ବଦ୍ଧ ଉଦୂଖଲେ । ଗଚ୍ଛନ୍ନର୍ଜୁନଯୋର୍ମଧ୍ଯେ ବାହୁଭ୍ଯାଂ ତାଵପାତଯତ୍ ॥ ୭ ॥
ଵନେ ସଞ୍ଚାରଯନ୍ ଵତ୍ସାନ୍ ସରାମୋ ବାଲକୈର୍ଵୃତଃ । ହନ୍ତୁକାମଂ ବକଂ ଦୋର୍ଭ୍ଯାଂ ମୁଖତୋଽରିମପାଟଯତ୍ ॥ ୮ ॥
ଵତ୍ସେଷୁ ଵତ୍ସରୂପେଣ ପ୍ରଵିଶନ୍ତଂ ଜିଘାଂସଯା । ହତ୍ଵା ନ୍ଯପାତଯତ୍ତେନ କପିତ୍ଥାନି ଚ ଲୀଲଯା ॥ ୯ ॥
ହତ୍ଵା ରାସଭଦୈତେଯଂ ତଦ୍ବନ୍ଧୂଂଶ୍ଚ ବଲାନ୍ଵିତଃ । ଚକ୍ରେ ତାଲଵନଂ କ୍ଷେମଂ ପରିପକ୍ଵଫଲାନ୍ଵିତମ୍ ॥ ୧୦ ॥
ପ୍ରଲମ୍ବଂ ଘାତଯିତ୍ଵୋଗ୍ରଂ ବଲେନ ବଲଶାଲିନା । ଅମୋଚଯଦ୍ ଵ୍ରଜପଶୂନ୍ଗୋପାଂଶ୍ଚାରଣ୍ଯଵହ୍ନିତଃ ॥ ୧୧ ॥
ଆଶୀଵିଷତମାହୀନ୍ଦ୍ରଂ ଦମିତ୍ଵା ଵିମଦଂ ହ୍ରଦାତ୍ । ପ୍ରସହ୍ଯୋଦ୍ଵାସ୍ଯ ଯମୁନାଂ ଚକ୍ରେଽସୌ ନିର୍ଵିଷୋଦକାମ୍ ॥ ୧୨ ॥
ଦୁସ୍ତ୍ଯଜଶ୍ଚାନୁରାଗୋଽସ୍ମିନ୍ ସର୍ଵେଷାଂ ନୋ ଵ୍ରଜୌକସାମ୍ । ନନ୍ଦତେ ତନଯେଽସ୍ମାସୁ ତସ୍ଯାପ୍ଯୌତ୍ପତ୍ତିକଃ କଥମ୍ ॥ ୧୩ ॥
କ୍ଵ ସପ୍ତହାଯନୋ ବାଲଃ କ୍ଵ ମହାଦ୍ରିଵିଧାରଣମ୍ । ତତୋ ନୋ ଜାଯତେ ଶଙ୍କା ଵ୍ରଜନାଥ ତଵାତ୍ମଜେ ॥ ୧୪ ॥
ଶ୍ରୀନନ୍ଦ ଉଵାଚ
ଶ୍ରୂଯତାଂ ମେ ଵଚୋ ଗୋପା ଵ୍ଯେତୁ ଶଙ୍କା ଚ ଵୋଽର୍ଭକେ । ଏନଂ କୁମାରମୁଦ୍ଦିଶ୍ଯ ଗର୍ଗୋ ମେ ଯଦୁଵାଚ ହ ॥ ୧୫ ॥
ଶ୍ରୂଯତାଂ ମେ ଵଚୋ ଗୋପା ଵ୍ଯେତୁ ଶଙ୍କା ଚ ଵୋଽର୍ଭକେ । ଏନଂ କୁମାରମୁଦ୍ଦିଶ୍ଯ ଗର୍ଗୋ ମେ ଯଦୁଵାଚ ହ ॥ ୧୫ ॥
ଵର୍ଣାସ୍ତ୍ରଯଃ କିଲାସ୍ଯାସନ୍ ଗୃହ୍ଣତୋଽନୁଯୁଗଂ ତନୂଃ । ଶୁକ୍ଲୋ ରକ୍ତସ୍ତଥା ପୀତ ଇଦାନୀଂ କୃଷ୍ଣତାଂ ଗତଃ ॥ ୧୬ ॥
ପ୍ରାଗଯଂ ଵସୁଦେଵସ୍ଯ କ୍ଵଚିଜ୍ଜାତସ୍ତଵାତ୍ମଜଃ । ଵାସୁଦେଵ ଇତି ଶ୍ରୀମାନଭିଜ୍ଞାଃ ସମ୍ପ୍ରଚକ୍ଷତେ ॥ ୧୭ ॥
ବହୂନି ସନ୍ତି ନାମାନି ରୂପାଣି ଚ ସୁତସ୍ଯ ତେ । ଗୁଣକର୍ମାନୁରୂପାଣି ତାନ୍ଯହଂ ଵେଦ ନୋ ଜନାଃ ॥ ୧୮ ॥
ଏଷ ଵଃ ଶ୍ରେଯ ଆଧାସ୍ଯଦ୍ ଗୋପଗୋକୁଲନନ୍ଦନଃ । ଅନେନ ସର୍ଵଦୁର୍ଗାଣି ଯୂଯମଞ୍ଜସ୍ତରିଷ୍ଯଥ ॥ ୧୯ ॥
ପୁରାନେନ ଵ୍ରଜପତେ ସାଧଵୋ ଦସ୍ଯୁପୀଡିତାଃ । ଅରାଜକେ ରକ୍ଷ୍ଯମାଣା ଜିଗ୍ଯୁର୍ଦସ୍ଯୂନ୍ସମେଧିତାଃ ॥ ୨୦ ॥
ଯ ଏତସ୍ମିନ୍ ମହାଭାଗେ ପ୍ରୀତିଂ କୁର୍ଵନ୍ତି ମାନଵାଃ
। ନାରଯୋଽଭିଭଵନ୍ତ୍ଯେତାନ୍ ଵିଷ୍ଣୁପକ୍ଷାନିଵାସୁରାଃ ॥ ୨୧ ॥
। ନାରଯୋଽଭିଭଵନ୍ତ୍ଯେତାନ୍ ଵିଷ୍ଣୁପକ୍ଷାନିଵାସୁରାଃ ॥ ୨୧ ॥
ତସ୍ମାନ୍ନନ୍ଦ କୁମାରୋଽଯଂ ନାରାଯଣସମୋ ଗୁଣୈଃ
। ଶ୍ରିଯା କୀର୍ତ୍ଯାନୁଭାଵେନ ତତ୍କର୍ମସୁ ନ ଵିସ୍ମଯଃ ॥ ୨୨ ॥
। ଶ୍ରିଯା କୀର୍ତ୍ଯାନୁଭାଵେନ ତତ୍କର୍ମସୁ ନ ଵିସ୍ମଯଃ ॥ ୨୨ ॥
ଇତ୍ଯଦ୍ଧା ମାଂ ସମାଦିଶ୍ଯ ଗର୍ଗେ ଚ ସ୍ଵଗୃହଂ ଗତେ । ମନ୍ଯେ ନାରାଯଣସ୍ଯାଂଶଂ କୃଷ୍ଣମକ୍ଲିଷ୍ଟକାରିଣମ୍ ॥ ୨୩ ॥
ଇତି ନନ୍ଦଵଚଃ ଶ୍ରୁତ୍ଵା ଗର୍ଗଗୀତଂ ଵ୍ରଜୌକସଃ । ମୁଦିତା ନନ୍ଦମାନର୍ଚୁଃ କୃଷ୍ଣଂ ଚ ଗତଵିସ୍ମଯାଃ ॥ ୨୪ ॥
ଦେଵେ ଵର୍ଷତି ଯଜ୍ଞଵିପ୍ଲଵରୁଷା ଵଜ୍ରାଶ୍ମଵର୍ଷାନିଲୈଃସୀଦତ୍ପାଲପଶୁସ୍ତ୍ରିଯାତ୍ମଶରଣଂ ଦୃଷ୍ଟ୍ଵାନୁକମ୍ପ୍ଯୁତ୍ସ୍ମଯନ୍ । ଉତ୍ପାଟ୍ଯୈକକରେଣ ଶୈଲମବଲୋ ଲୀଲୋଚ୍ଛିଲୀନ୍ଧ୍ରଂ ଯଥାବିଭ୍ରଦ୍ ଗୋଷ୍ଠମପାନ୍ମହେନ୍ଦ୍ରମଦଭିତ୍ ପ୍ରୀଯାନ୍ନ ଇନ୍ଦ୍ରୋ ଗଵାମ୍ ॥ ୨୫ ॥