શ્રીશુક ઉવાચ
એવંવિધાનિ કર્માણિ ગોપાઃ કૃષ્ણસ્ય વીક્ષ્ય તે । અતદ્વીર્યવિદઃ પ્રોચુઃ સમભ્યેત્ય સુવિસ્મિતાઃ ॥ ૧ ॥
એવંવિધાનિ કર્માણિ ગોપાઃ કૃષ્ણસ્ય વીક્ષ્ય તે । અતદ્વીર્યવિદઃ પ્રોચુઃ સમભ્યેત્ય સુવિસ્મિતાઃ ॥ ૧ ॥
બાલકસ્ય યદેતાનિ કર્માણ્યત્યદ્ભુતાનિ વૈ । કથમર્હત્યસૌ જન્મ ગ્રામ્યેષ્વાત્મજુગુપ્સિતમ્ ॥ ૨ ॥
યઃ સપ્તહાયનો બાલઃ કરેણૈકેન લીલયા । કથં
બિભ્રદ્ ગિરિવરં પુષ્કરં ગજરાડિવ ॥ ૩ ॥
બિભ્રદ્ ગિરિવરં પુષ્કરં ગજરાડિવ ॥ ૩ ॥
તોકેનામીલિતાક્ષેણ પૂતનાયા મહૌજસઃ
। પીતઃ સ્તનઃ સહ પ્રાણૈઃ કાલેનેવ વયસ્તનોઃ ॥ ૪ ॥
। પીતઃ સ્તનઃ સહ પ્રાણૈઃ કાલેનેવ વયસ્તનોઃ ॥ ૪ ॥
હિન્વતોઽધઃ શયાનસ્ય માસ્યસ્ય ચરણાવુદક્ । અનોઽપતદ્ વિપર્યસ્તં રુદતઃ પ્રપદાહતમ્ ॥ ૫ ॥
એકહાયન આસીનો હ્રિયમાણો વિહાયસા । દૈત્યેન યસ્તૃણાવર્તમહન્ કણ્ઠગ્રહાતુરમ્ ॥ ૬ ॥
ક્વચિદ્ધૈયઙ્ગવસ્તૈન્યે માત્રા બદ્ધ ઉદૂખલે । ગચ્છન્નર્જુનયોર્મધ્યે બાહુભ્યાં તાવપાતયત્ ॥ ૭ ॥
વને સઞ્ચારયન્ વત્સાન્ સરામો બાલકૈર્વૃતઃ । હન્તુકામં બકં દોર્ભ્યાં મુખતોઽરિમપાટયત્ ॥ ૮ ॥
વત્સેષુ વત્સરૂપેણ પ્રવિશન્તં જિઘાંસયા । હત્વા ન્યપાતયત્તેન કપિત્થાનિ ચ લીલયા ॥ ૯ ॥
હત્વા રાસભદૈતેયં તદ્બન્ધૂંશ્ચ બલાન્વિતઃ । ચક્રે તાલવનં ક્ષેમં પરિપક્વફલાન્વિતમ્ ॥ ૧૦ ॥
પ્રલમ્બં ઘાતયિત્વોગ્રં બલેન બલશાલિના । અમોચયદ્ વ્રજપશૂન્ગોપાંશ્ચારણ્યવહ્નિતઃ ॥ ૧૧ ॥
આશીવિષતમાહીન્દ્રં દમિત્વા વિમદં હ્રદાત્ । પ્રસહ્યોદ્વાસ્ય યમુનાં ચક્રેઽસૌ નિર્વિષોદકામ્ ॥ ૧૨ ॥
દુસ્ત્યજશ્ચાનુરાગોઽસ્મિન્ સર્વેષાં નો વ્રજૌકસામ્ । નન્દતે તનયેઽસ્માસુ તસ્યાપ્યૌત્પત્તિકઃ કથમ્ ॥ ૧૩ ॥
ક્વ સપ્તહાયનો બાલઃ ક્વ મહાદ્રિવિધારણમ્ । તતો નો જાયતે શઙ્કા વ્રજનાથ તવાત્મજે ॥ ૧૪ ॥
શ્રીનન્દ ઉવાચ
શ્રૂયતાં મે વચો ગોપા વ્યેતુ શઙ્કા ચ વોઽર્ભકે । એનં કુમારમુદ્દિશ્ય ગર્ગો મે યદુવાચ હ ॥ ૧૫ ॥
શ્રૂયતાં મે વચો ગોપા વ્યેતુ શઙ્કા ચ વોઽર્ભકે । એનં કુમારમુદ્દિશ્ય ગર્ગો મે યદુવાચ હ ॥ ૧૫ ॥
વર્ણાસ્ત્રયઃ કિલાસ્યાસન્ ગૃહ્ણતોઽનુયુગં તનૂઃ । શુક્લો રક્તસ્તથા પીત ઇદાનીં કૃષ્ણતાં ગતઃ ॥ ૧૬ ॥
પ્રાગયં વસુદેવસ્ય ક્વચિજ્જાતસ્તવાત્મજઃ । વાસુદેવ ઇતિ શ્રીમાનભિજ્ઞાઃ સમ્પ્રચક્ષતે ॥ ૧૭ ॥
બહૂનિ સન્તિ નામાનિ રૂપાણિ ચ સુતસ્ય તે । ગુણકર્માનુરૂપાણિ તાન્યહં વેદ નો જનાઃ ॥ ૧૮ ॥
એષ વઃ શ્રેય આધાસ્યદ્ ગોપગોકુલનન્દનઃ । અનેન સર્વદુર્ગાણિ યૂયમઞ્જસ્તરિષ્યથ ॥ ૧૯ ॥
પુરાનેન વ્રજપતે સાધવો દસ્યુપીડિતાઃ । અરાજકે રક્ષ્યમાણા જિગ્યુર્દસ્યૂન્સમેધિતાઃ ॥ ૨૦ ॥
ય એતસ્મિન્ મહાભાગે પ્રીતિં કુર્વન્તિ માનવાઃ
। નારયોઽભિભવન્ત્યેતાન્ વિષ્ણુપક્ષાનિવાસુરાઃ ॥ ૨૧ ॥
। નારયોઽભિભવન્ત્યેતાન્ વિષ્ણુપક્ષાનિવાસુરાઃ ॥ ૨૧ ॥
તસ્માન્નન્દ કુમારોઽયં નારાયણસમો ગુણૈઃ
। શ્રિયા કીર્ત્યાનુભાવેન તત્કર્મસુ ન વિસ્મયઃ ॥ ૨૨ ॥
। શ્રિયા કીર્ત્યાનુભાવેન તત્કર્મસુ ન વિસ્મયઃ ॥ ૨૨ ॥
ઇત્યદ્ધા માં સમાદિશ્ય ગર્ગે ચ સ્વગૃહં ગતે । મન્યે નારાયણસ્યાંશં કૃષ્ણમક્લિષ્ટકારિણમ્ ॥ ૨૩ ॥
ઇતિ નન્દવચઃ શ્રુત્વા ગર્ગગીતં વ્રજૌકસઃ । મુદિતા નન્દમાનર્ચુઃ કૃષ્ણં ચ ગતવિસ્મયાઃ ॥ ૨૪ ॥
દેવે વર્ષતિ યજ્ઞવિપ્લવરુષા વજ્રાશ્મવર્ષાનિલૈઃસીદત્પાલપશુસ્ત્રિયાત્મશરણં દૃષ્ટ્વાનુકમ્પ્યુત્સ્મયન્ । ઉત્પાટ્યૈકકરેણ શૈલમબલો લીલોચ્છિલીન્ધ્રં યથાબિભ્રદ્ ગોષ્ઠમપાન્મહેન્દ્રમદભિત્ પ્રીયાન્ન ઇન્દ્રો ગવામ્ ॥ ૨૫ ॥