শ্রীশুক উবাচ
এবংবিধানি কর্মাণি গোপাঃ কৃষ্ণস্য বীক্ষ্য তে । অতদ্বীর্যবিদঃ প্রোচুঃ সমভ্যেত্য সুবিস্মিতাঃ ॥ ১ ॥
এবংবিধানি কর্মাণি গোপাঃ কৃষ্ণস্য বীক্ষ্য তে । অতদ্বীর্যবিদঃ প্রোচুঃ সমভ্যেত্য সুবিস্মিতাঃ ॥ ১ ॥
বালকস্য যদেতানি কর্মাণ্যত্যদ্ভুতানি বৈ । কথমর্হত্যসৌ জন্ম গ্রাম্যেষ্বাত্মজুগুপ্সিতম্ ॥ ২ ॥
যঃ সপ্তহাযনো বালঃ করেণৈকেন লীলযা । কথং
বিভ্রদ্ গিরিবরং পুষ্করং গজরাডিব ॥ ৩ ॥
বিভ্রদ্ গিরিবরং পুষ্করং গজরাডিব ॥ ৩ ॥
তোকেনামীলিতাক্ষেণ পূতনাযা মহৌজসঃ
। পীতঃ স্তনঃ সহ প্রাণৈঃ কালেনেব বযস্তনোঃ ॥ ৪ ॥
। পীতঃ স্তনঃ সহ প্রাণৈঃ কালেনেব বযস্তনোঃ ॥ ৪ ॥
হিন্বতোঽধঃ শযানস্য মাস্যস্য চরণাবুদক্ । অনোঽপতদ্ বিপর্যস্তং রুদতঃ প্রপদাহতম্ ॥ ৫ ॥
একহাযন আসীনো হ্রিযমাণো বিহাযসা । দৈত্যেন যস্তৃণাবর্তমহন্ কণ্ঠগ্রহাতুরম্ ॥ ৬ ॥
ক্বচিদ্ধৈযঙ্গবস্তৈন্যে মাত্রা বদ্ধ উদূখলে । গচ্ছন্নর্জুনযোর্মধ্যে বাহুভ্যাং তাবপাতযত্ ॥ ৭ ॥
বনে সঞ্চারযন্ বত্সান্ সরামো বালকৈর্বৃতঃ । হন্তুকামং বকং দোর্ভ্যাং মুখতোঽরিমপাটযত্ ॥ ৮ ॥
বত্সেষু বত্সরূপেণ প্রবিশন্তং জিঘাংসযা । হত্বা ন্যপাতযত্তেন কপিত্থানি চ লীলযা ॥ ৯ ॥
হত্বা রাসভদৈতেযং তদ্বন্ধূংশ্চ বলান্বিতঃ । চক্রে তালবনং ক্ষেমং পরিপক্বফলান্বিতম্ ॥ ১০ ॥
প্রলম্বং ঘাতযিত্বোগ্রং বলেন বলশালিনা । অমোচযদ্ ব্রজপশূন্গোপাংশ্চারণ্যবহ্নিতঃ ॥ ১১ ॥
আশীবিষতমাহীন্দ্রং দমিত্বা বিমদং হ্রদাত্ । প্রসহ্যোদ্বাস্য যমুনাং চক্রেঽসৌ নির্বিষোদকাম্ ॥ ১২ ॥
দুস্ত্যজশ্চানুরাগোঽস্মিন্ সর্বেষাং নো ব্রজৌকসাম্ । নন্দতে তনযেঽস্মাসু তস্যাপ্যৌত্পত্তিকঃ কথম্ ॥ ১৩ ॥
ক্ব সপ্তহাযনো বালঃ ক্ব মহাদ্রিবিধারণম্ । ততো নো জাযতে শঙ্কা ব্রজনাথ তবাত্মজে ॥ ১৪ ॥
শ্রীনন্দ উবাচ
শ্রূযতাং মে বচো গোপা ব্যেতু শঙ্কা চ বোঽর্ভকে । এনং কুমারমুদ্দিশ্য গর্গো মে যদুবাচ হ ॥ ১৫ ॥
শ্রূযতাং মে বচো গোপা ব্যেতু শঙ্কা চ বোঽর্ভকে । এনং কুমারমুদ্দিশ্য গর্গো মে যদুবাচ হ ॥ ১৫ ॥
বর্ণাস্ত্রযঃ কিলাস্যাসন্ গৃহ্ণতোঽনুযুগং তনূঃ । শুক্লো রক্তস্তথা পীত ইদানীং কৃষ্ণতাং গতঃ ॥ ১৬ ॥
প্রাগযং বসুদেবস্য ক্বচিজ্জাতস্তবাত্মজঃ । বাসুদেব ইতি শ্রীমানভিজ্ঞাঃ সম্প্রচক্ষতে ॥ ১৭ ॥
বহূনি সন্তি নামানি রূপাণি চ সুতস্য তে । গুণকর্মানুরূপাণি তান্যহং বেদ নো জনাঃ ॥ ১৮ ॥
এষ বঃ শ্রেয আধাস্যদ্ গোপগোকুলনন্দনঃ । অনেন সর্বদুর্গাণি যূযমঞ্জস্তরিষ্যথ ॥ ১৯ ॥
পুরানেন ব্রজপতে সাধবো দস্যুপীডিতাঃ । অরাজকে রক্ষ্যমাণা জিগ্যুর্দস্যূন্সমেধিতাঃ ॥ ২০ ॥
য এতস্মিন্ মহাভাগে প্রীতিং কুর্বন্তি মানবাঃ
। নারযোঽভিভবন্ত্যেতান্ বিষ্ণুপক্ষানিবাসুরাঃ ॥ ২১ ॥
। নারযোঽভিভবন্ত্যেতান্ বিষ্ণুপক্ষানিবাসুরাঃ ॥ ২১ ॥
তস্মান্নন্দ কুমারোঽযং নারাযণসমো গুণৈঃ
। শ্রিযা কীর্ত্যানুভাবেন তত্কর্মসু ন বিস্মযঃ ॥ ২২ ॥
। শ্রিযা কীর্ত্যানুভাবেন তত্কর্মসু ন বিস্মযঃ ॥ ২২ ॥
ইত্যদ্ধা মাং সমাদিশ্য গর্গে চ স্বগৃহং গতে । মন্যে নারাযণস্যাংশং কৃষ্ণমক্লিষ্টকারিণম্ ॥ ২৩ ॥
ইতি নন্দবচঃ শ্রুত্বা গর্গগীতং ব্রজৌকসঃ । মুদিতা নন্দমানর্চুঃ কৃষ্ণং চ গতবিস্মযাঃ ॥ ২৪ ॥
দেবে বর্ষতি যজ্ঞবিপ্লবরুষা বজ্রাশ্মবর্ষানিলৈঃসীদত্পালপশুস্ত্রিযাত্মশরণং দৃষ্ট্বানুকম্প্যুত্স্মযন্ । উত্পাট্যৈককরেণ শৈলমবলো লীলোচ্ছিলীন্ধ্রং যথাবিভ্রদ্ গোষ্ঠমপান্মহেন্দ্রমদভিত্ প্রীযান্ন ইন্দ্রো গবাম্ ॥ ২৫ ॥