শ্রীবাদরাযণিরুবাচ
ভগবানপি তা রাত্রীঃ শারদোত্ফুল্লমল্লিকাঃ । বীক্ষ্য রন্তুং মনশ্চক্রে যোগমাযামুপাশ্রিতঃ ॥ ১ ॥
ভগবানপি তা রাত্রীঃ শারদোত্ফুল্লমল্লিকাঃ । বীক্ষ্য রন্তুং মনশ্চক্রে যোগমাযামুপাশ্রিতঃ ॥ ১ ॥
তদোডুরাজঃ ককুভঃ করৈর্মুখংপ্রাচ্যা বিলিম্পন্নরুণেন শন্তমৈঃ । স চর্ষণীনামুদগাচ্ছুচো মৃজন্প্রিযঃ প্রিযাযা ইব দীর্ঘদর্শনঃ ॥ ২ ॥
দৃষ্ট্বা কুমুদ্বন্তমখণ্ডমণ্ডলংরমাননাভং নবকুঙ্কুমারুণম্ । বনং চ তত্কোমলগোভী রঞ্জিতংজগৌ কলং বামদৃশাং মনোহরম্ ॥ ৩ ॥
নিশম্য গীতং তদনঙ্গবর্ধনংব্রজস্ত্রিযঃ কৃষ্ণগৃহীতমানসাঃ । আজগ্মুরন্যোন্যমলক্ষিতোদ্যমাঃস যত্র কান্তো জবলোলকুণ্ডলাঃ ॥ ৪ ॥
দুহন্ত্যোঽভিযযুঃ কাশ্চিদ্ দোহং হিত্বা সমুত্সুকাঃ । পযোঽধিশ্রিত্য সংযাবমনুদ্বাস্যাপরা যযুঃ ॥ ৫ ॥
পরিবেষযন্ত্যস্তদ্ধিত্বা পাযযন্ত্যঃ শিশূন্ পযঃ । শুশ্রূষন্ত্যঃ পতীন্ কাশ্চিদশ্নন্ত্যোঽপাস্য ভোজনম্ ॥ ৬ ॥
লিম্পন্ত্যঃ প্রমৃজন্ত্যোঽন্যা অঞ্জন্ত্যঃ কাশ্চ লোচনে । ব্যত্যস্তবস্ত্রাভরণাঃ কাশ্চিত্ কৃষ্ণান্তিকং যযুঃ ॥ ৭ ॥
তা বার্যমাণাঃ পতিভিঃ পিতৃভির্ভ্রাতৃবন্ধুভিঃ । গোবিন্দাপহৃতাত্মানো ন ন্যবর্তন্ত মোহিতাঃ ॥ ৮ ॥
অন্তর্গৃহগতাঃ কাশ্চিদ্ গোপ্যোঽলব্ধবিনির্গমাঃ । কৃষ্ণং তদ্ভাবনাযুক্তা দধ্যুর্মীলিতলোচনাঃ ॥ ৯ ॥
দুঃসহপ্রেষ্ঠবিরহতীব্রতাপধুতাশুভাঃ । ধ্যানপ্রাপ্তাচ্যুতাশ্লেষনির্বৃত্যা ক্ষীণমঙ্গলাঃ ॥ ১০ ॥
তমেব পরমাত্মানং জারবুদ্ধ্যাপি সঙ্গতাঃ । জহুর্গুণমযং দেহং সদ্যঃ প্রক্ষীণবন্ধনাঃ ॥ ১১ ॥
শ্রীপরীক্ষিদুবাচ
কৃষ্ণং বিদুঃ পরং কান্তং ন তু ব্রহ্মতযা মুনে । গুণপ্রবাহোপরমস্তাসাং গুণধিযাং কথম্ ॥ ১২ ॥
কৃষ্ণং বিদুঃ পরং কান্তং ন তু ব্রহ্মতযা মুনে । গুণপ্রবাহোপরমস্তাসাং গুণধিযাং কথম্ ॥ ১২ ॥
শ্রীশুক উবাচ
উক্তং পুরস্তাদেতত্তে চৈদ্যঃ সিদ্ধিং যথা গতঃ । দ্বিষন্নপি হৃষীকেশং কিমুতাধোক্ষজপ্রিযাঃ ॥ ১৩ ॥
উক্তং পুরস্তাদেতত্তে চৈদ্যঃ সিদ্ধিং যথা গতঃ । দ্বিষন্নপি হৃষীকেশং কিমুতাধোক্ষজপ্রিযাঃ ॥ ১৩ ॥
নৃণাং নিঃশ্রেযসার্থায ব্যক্তির্ভগবতো নৃপ । অব্যযস্যাপ্রমেযস্য নির্গুণস্য গুণাত্মনঃ ॥ ১৪ ॥
কামং ক্রোধং ভযং স্নেহমৈক্যং সৌহৃদমেব চ । নিত্যং হরৌ বিদধতো যান্তি তন্মযতাং হি তে ॥ ১৫ ॥
ন চৈবং বিস্মযঃ কার্যো ভবতা ভগবত্যজে । যোগেশ্বরেশ্বরে কৃষ্ণে যত এতদ্ বিমুচ্যতে ॥ ১৬ ॥
তা দৃষ্ট্বান্তিকমাযাতা ভগবান্ ব্রজযোষিতঃ । অবদদ্ বদতাং শ্রেষ্ঠো বাচঃ পেশৈর্বিমোহযন্ ॥ ১৭ ॥
শ্রীভগবানুবাচ
স্বাগতং বো মহাভাগাঃ প্রিযং কিং করবাণি বঃ । ব্রজস্যানামযং কচ্চিদ্ ব্রূতাগমনকারণম্ ॥ ১৮ ॥
স্বাগতং বো মহাভাগাঃ প্রিযং কিং করবাণি বঃ । ব্রজস্যানামযং কচ্চিদ্ ব্রূতাগমনকারণম্ ॥ ১৮ ॥
রজন্যেষা ঘোররূপা ঘোরসত্ত্বনিষেবিতা । প্রতিযাত ব্রজং নেহ স্থেযং স্ত্রীভিঃ সুমধ্যমাঃ ॥ ১৯ ॥
মাতরঃ পিতরঃ পুত্রা ভ্রাতরঃ পতযশ্চ বঃ । বিচিন্বন্তি হ্যপশ্যন্তো মা কৃঢ্বং বন্ধুসাধ্বসম্ ॥ ২০ ॥
দৃষ্টং বনং কুসুমিতং রাকেশকররঞ্জিতম্ । যমুনানিললীলৈজত্তরুপল্লবশোভিতম্ ॥ ২১ ॥
তদ্ যাত মা চিরং গোষ্ঠং শুশ্রূষধ্বং পতীন্ সতীঃ । ক্রন্দন্তি বত্সা বালাশ্চ তান্ পাযযত দুহ্যত ॥ ২২ ॥
অথ বা মদভিস্নেহাদ্ ভবত্যো যন্ত্রিতাশযাঃ । আগতা হ্যুপপন্নং বঃ প্রীযন্তে মযি জন্তবঃ ॥ ২৩ ॥
ভর্তুঃ শুশ্রূষণং স্ত্রীণাং পরো ধর্মো হ্যমাযযা ।
তদ্বন্ধূনাং চ কল্যাণঃ প্রজানাং চানুপোষণম্ ॥ ২৪ ॥
তদ্বন্ধূনাং চ কল্যাণঃ প্রজানাং চানুপোষণম্ ॥ ২৪ ॥
দুঃশীলো দুর্ভগো বৃদ্ধো জডো রোগ্যধনোঽপি বা ।
পতিঃ স্ত্রীভির্ন হাতব্যো লোকেপ্সুভিরপাতকী ॥ ২৫ ॥
পতিঃ স্ত্রীভির্ন হাতব্যো লোকেপ্সুভিরপাতকী ॥ ২৫ ॥
অস্বর্গ্যমযশস্যং চ ফল্গু কৃচ্ছ্রং ভযাবহম্ ।
জুগুপ্সিতং চ সর্বত্র হ্যৌপপত্যং কুলস্ত্রিযঃ ॥ ২৬ ॥
জুগুপ্সিতং চ সর্বত্র হ্যৌপপত্যং কুলস্ত্রিযঃ ॥ ২৬ ॥
শ্রবণাদ্ দর্শনাদ্ধ্যানান্মযি ভাবোঽনুকীর্তনাত্ ।
ন তথা সন্নিকর্ষেণ প্রতিযাত ততো গৃহান্ ॥ ২৭ ॥
ন তথা সন্নিকর্ষেণ প্রতিযাত ততো গৃহান্ ॥ ২৭ ॥
শ্রীশুক উবাচ
ইতি বিপ্রিযমাকর্ণ্য গোপ্যো গোবিন্দভাষিতম্ ।
বিষণ্ণা ভগ্নসঙ্কল্পাশ্চিন্তামাপুর্দুরত্যযাম্ ॥ ২৮ ॥
ইতি বিপ্রিযমাকর্ণ্য গোপ্যো গোবিন্দভাষিতম্ ।
বিষণ্ণা ভগ্নসঙ্কল্পাশ্চিন্তামাপুর্দুরত্যযাম্ ॥ ২৮ ॥
কৃত্বা মুখান্যব শুচঃ শ্বসনেন শুষ্যদ্-
বিম্বাধরাণি চরণেন ভুবঃ লিখন্ত্যঃ ।
অস্রৈরুপাত্তমসিভিঃ কুচকুঙ্কুমানি
তস্থুর্মৃজন্ত্য উরুদুঃখভরাঃ স্ম তূষ্ণীম্ ॥ ২৯ ॥
বিম্বাধরাণি চরণেন ভুবঃ লিখন্ত্যঃ ।
অস্রৈরুপাত্তমসিভিঃ কুচকুঙ্কুমানি
তস্থুর্মৃজন্ত্য উরুদুঃখভরাঃ স্ম তূষ্ণীম্ ॥ ২৯ ॥
প্রেষ্ঠং প্রিযেতরমিব প্রতিভাষমাণং
কৃষ্ণং তদর্থবিনিবর্তিতসর্বকামাঃ ।
নেত্রে বিমৃজ্য রুদিতোপহতে স্ম কিঞ্চিত্-
সংরম্ভগদ্গদগিরোঽব্রুবতানুরক্তাঃ ॥ ৩০ ॥
কৃষ্ণং তদর্থবিনিবর্তিতসর্বকামাঃ ।
নেত্রে বিমৃজ্য রুদিতোপহতে স্ম কিঞ্চিত্-
সংরম্ভগদ্গদগিরোঽব্রুবতানুরক্তাঃ ॥ ৩০ ॥
গোপ্য ঊচুঃ
মৈবং বিভোঽর্হতি ভবান্ গদিতুং নৃশংসং
সন্ত্যজ্য সর্ববিষযাংস্তব পাদমূলম্ ।
ভক্তা ভজস্ব দুরবগ্রহ মা ত্যজাস্মান্
দেবো যথাদিপুরুষো ভজতে মুমুক্ষূন্ ॥ ৩১ ॥
মৈবং বিভোঽর্হতি ভবান্ গদিতুং নৃশংসং
সন্ত্যজ্য সর্ববিষযাংস্তব পাদমূলম্ ।
ভক্তা ভজস্ব দুরবগ্রহ মা ত্যজাস্মান্
দেবো যথাদিপুরুষো ভজতে মুমুক্ষূন্ ॥ ৩১ ॥
যত্পত্যপত্যসুহৃদামনুবৃত্তিরঙ্গ
স্ত্রীণাং স্বধর্ম ইতি ধর্মবিদা ত্বযোক্তম্ ।
অস্ত্বেবমেতদুপদেশপদে ত্বযীশে
প্রেষ্ঠো ভবাংস্তনুভৃতাং কিল বন্ধুরাত্মা ॥ ৩২ ॥
স্ত্রীণাং স্বধর্ম ইতি ধর্মবিদা ত্বযোক্তম্ ।
অস্ত্বেবমেতদুপদেশপদে ত্বযীশে
প্রেষ্ঠো ভবাংস্তনুভৃতাং কিল বন্ধুরাত্মা ॥ ৩২ ॥
কুর্বন্তি হি ত্বযি রতিং কুশলাঃ স্ব আত্মন্
নিত্যপ্রিযে পতিসুতাদিভিরার্তিদৈঃ কিম্ ।
তন্নঃ প্রসীদ পরমেশ্বর মা স্ম ছিন্দ্যা
আশাং ধৃতাং ত্বযি চিরাদরবিন্দনেত্র ॥ ৩৩ ॥
নিত্যপ্রিযে পতিসুতাদিভিরার্তিদৈঃ কিম্ ।
তন্নঃ প্রসীদ পরমেশ্বর মা স্ম ছিন্দ্যা
আশাং ধৃতাং ত্বযি চিরাদরবিন্দনেত্র ॥ ৩৩ ॥
চিত্তং সুখেন ভবতাপহৃতং গৃহেষু
যন্নির্বিশত্যুত করাবপি গৃহ্যকৃত্যে ।
পাদৌ পদং ন চলতস্তব পাদমূলাদ্
যামঃ কথং ব্রজমথো করবাম কিং বা ॥ ৩৪ ॥
যন্নির্বিশত্যুত করাবপি গৃহ্যকৃত্যে ।
পাদৌ পদং ন চলতস্তব পাদমূলাদ্
যামঃ কথং ব্রজমথো করবাম কিং বা ॥ ৩৪ ॥
সিঞ্চাঙ্গ নস্ত্বদধরামৃতপূরকেণ
হাসাবলোককলগীতজহৃচ্ছযাগ্নিম্ ।
নো চেদ্বযং বিরহজাগ্ন্যুপযুক্তদেহা
ধ্যানেন যাম পদযোঃ পদবীং সখে তে ॥ ৩৫ ॥
হাসাবলোককলগীতজহৃচ্ছযাগ্নিম্ ।
নো চেদ্বযং বিরহজাগ্ন্যুপযুক্তদেহা
ধ্যানেন যাম পদযোঃ পদবীং সখে তে ॥ ৩৫ ॥
যর্হ্যম্বুজাক্ষ তব পাদতলং রমাযা
দত্তক্ষণং ক্বচিদরণ্যজনপ্রিযস্য ।
অস্প্রাক্ষ্ম তত্প্রভৃতি নান্যসমক্ষমঞ্জঃ
স্থাতুং স্ত্বযাভিরমিতা বত পারযামঃ ॥ ৩৬ ॥
দত্তক্ষণং ক্বচিদরণ্যজনপ্রিযস্য ।
অস্প্রাক্ষ্ম তত্প্রভৃতি নান্যসমক্ষমঞ্জঃ
স্থাতুং স্ত্বযাভিরমিতা বত পারযামঃ ॥ ৩৬ ॥
শ্রীর্যত্পদাম্বুজরজশ্চকমে তুলস্যা
লব্ধ্বাপি বক্ষসি পদং কিল ভৃত্যজুষ্টম্ ।
যস্যাঃ স্ববীক্ষণ উতান্যসুরপ্রযাস-
স্তদ্বদ্ বযং চ তব পাদরজঃ প্রপন্নাঃ ॥ ৩৭ ॥
লব্ধ্বাপি বক্ষসি পদং কিল ভৃত্যজুষ্টম্ ।
যস্যাঃ স্ববীক্ষণ উতান্যসুরপ্রযাস-
স্তদ্বদ্ বযং চ তব পাদরজঃ প্রপন্নাঃ ॥ ৩৭ ॥
তন্নঃ প্রসীদ বৃজিনার্দন তেঽঙ্ঘ্রিমূলং
প্রাপ্তা বিসৃজ্য বসতীস্ত্বদুপাসনাশাঃ ।
ত্বত্সুন্দরস্মিতনিরীক্ষণতীব্রকাম-
তপ্তাত্মনাং পুরুষভূষণ দেহি দাস্যম্ ॥ ৩৮ ॥
প্রাপ্তা বিসৃজ্য বসতীস্ত্বদুপাসনাশাঃ ।
ত্বত্সুন্দরস্মিতনিরীক্ষণতীব্রকাম-
তপ্তাত্মনাং পুরুষভূষণ দেহি দাস্যম্ ॥ ৩৮ ॥
বীক্ষ্যালকাবৃতমুখং তব কুণ্ডলশ্রী-
গণ্ডস্থলাধরসুধং হসিতাবলোকম্ ।
দত্তাভযং চ ভুজদণ্ডযুগং বিলোক্য
বক্ষঃ শ্রিযৈকরমণং চ ভবাম দাস্যঃ ॥ ৩৯ ॥
গণ্ডস্থলাধরসুধং হসিতাবলোকম্ ।
দত্তাভযং চ ভুজদণ্ডযুগং বিলোক্য
বক্ষঃ শ্রিযৈকরমণং চ ভবাম দাস্যঃ ॥ ৩৯ ॥
কা স্ত্র্যঙ্গ তে কলপদাযতবেণুগীত-
সম্মোহিতার্যচরিতান্ন চলেত্ত্রিলোক্যাম্ ।
ত্রৈলোক্যসৌভগমিদং চ নিরীক্ষ্য রূপং
যদ্ গোদ্বিজদ্রুমমৃগাঃ পুলকান্যবিভ্রন্ ॥ ৪০ ॥
সম্মোহিতার্যচরিতান্ন চলেত্ত্রিলোক্যাম্ ।
ত্রৈলোক্যসৌভগমিদং চ নিরীক্ষ্য রূপং
যদ্ গোদ্বিজদ্রুমমৃগাঃ পুলকান্যবিভ্রন্ ॥ ৪০ ॥
ব্যক্তং ভবান্ ব্রজভযার্তিহরোঽভিজাতো
দেবো যথাদিপুরুষঃ সুরলোকগোপ্তা ।
তন্নো নিধেহি করপঙ্কজমার্তবন্ধো
তপ্তস্তনেষু চ শিরঃসু চ কিঙ্করীণাম্ ॥ ৪১ ॥
দেবো যথাদিপুরুষঃ সুরলোকগোপ্তা ।
তন্নো নিধেহি করপঙ্কজমার্তবন্ধো
তপ্তস্তনেষু চ শিরঃসু চ কিঙ্করীণাম্ ॥ ৪১ ॥
শ্রীশুক উবাচ
ইতি বিক্লবিতং তাসাং শ্রুত্বা যোগেশ্বরেশ্বরঃ ।
প্রহস্য সদযং গোপীরাত্মারামোঽপ্যরীরমত্ ॥ ৪২ ॥
ইতি বিক্লবিতং তাসাং শ্রুত্বা যোগেশ্বরেশ্বরঃ ।
প্রহস্য সদযং গোপীরাত্মারামোঽপ্যরীরমত্ ॥ ৪২ ॥
তাভিঃ সমেতাভিরুদারচেষ্টিতঃ
প্রিযেক্ষণোত্ফুল্লমুখীভিরচ্যুতঃ ।
উদারহাসদ্বিজকুন্দদীধতি-
র্ব্যরোচতৈণাঙ্ক ইবোডুভির্বৃতঃ ॥ ৪৩ ॥
প্রিযেক্ষণোত্ফুল্লমুখীভিরচ্যুতঃ ।
উদারহাসদ্বিজকুন্দদীধতি-
র্ব্যরোচতৈণাঙ্ক ইবোডুভির্বৃতঃ ॥ ৪৩ ॥
উপগীযমান উদ্গাযন্ বনিতাশতযূথপঃ ।
মালাং বিভ্রদ্বৈজযন্তীং ব্যচরন্মণ্ডযন্ বনম্ ॥ ৪৪ ॥
মালাং বিভ্রদ্বৈজযন্তীং ব্যচরন্মণ্ডযন্ বনম্ ॥ ৪৪ ॥
নদ্যাঃ পুলিনমাবিশ্য গোপীভির্হিমবালুকম্ ।
জুষ্টং তত্তরলানন্দিকুমুদামোদবাযুনা ॥ ৪৫ ॥
জুষ্টং তত্তরলানন্দিকুমুদামোদবাযুনা ॥ ৪৫ ॥
বাহুপ্রসারপরিরম্ভকরালকোরু-
নীবীস্তনালভননর্মনখাগ্রপাতৈঃ ।
ক্ষ্বেল্যাবলোকহসিতৈর্ব্রজসুন্দরীণা-
মুত্তম্ভযন্ রতিপতিং রমযাং চকার ॥ ৪৬ ॥
নীবীস্তনালভননর্মনখাগ্রপাতৈঃ ।
ক্ষ্বেল্যাবলোকহসিতৈর্ব্রজসুন্দরীণা-
মুত্তম্ভযন্ রতিপতিং রমযাং চকার ॥ ৪৬ ॥
এবং ভগবতঃ কৃষ্ণাল্লব্ধমানা মহাত্মনঃ ।
আত্মানং মেনিরে স্ত্রীণাং মানিন্যো হ্যধিকং ভুবি ॥ ৪৭ ॥
আত্মানং মেনিরে স্ত্রীণাং মানিন্যো হ্যধিকং ভুবি ॥ ৪৭ ॥
তাসাং তত্ সৌভগমদং বীক্ষ্য মানং চ কেশবঃ ।
প্রশমায প্রসাদায তত্রৈবান্তরধীযত ॥ ৪৮ ॥
প্রশমায প্রসাদায তত্রৈবান্তরধীযত ॥ ৪৮ ॥